କନକ ବ୍ୟୁରୋ: ଭୁବନେଶ୍ୱରରେ ଆୟୋଜିତ ହୋଇଛି ଓଡିଶା ବଞ୍ଚାଅ ଅଭିଯାନ । ଲୋୟର ପିଏମଜିରେ ଆୟୋଜିତ ସଭାରେ ଉପସ୍ଥିତ ହଜାର ହଜାର କଂଗ୍ରେସ କର୍ମୀଙ୍କୁ ସମ୍ବୋଧନ କରିଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ । ସଭାରେ ସେ କେନ୍ଦ୍ର ଓ ରାଜ୍ୟ ସରକାରକୁ ଟାର୍ଗେଟ କରିଛନ୍ତି । ଖଡଗେ କହିଛନ୍ତି, ରାଜ୍ୟରେ ଯାହା ବିକାଶ ହୋଇଛି କଂଗ୍ରେସ ସରକାର ଅମଳରେ ହୋଇଛି । ସେ ପଟ୍ଟନାୟକ ଓ ଏ ପଟ୍ଟନାୟକ ମଧ୍ୟରେ ବହୁତ ଫରକ ରହିଛି । ଏଥିପାଇଁ ରାଜ୍ୟରେ କଂଗ୍ରେସ ବିଜେଡି-ବିଜେପିର ବାହାଘର କରିଛୁ । ଉଭୟଙ୍କ ମଧ୍ୟରେ ଲଭ ମ୍ୟାରେଜ ହୋଇଛି । ରାଜ୍ୟ ସରକାର ଓ ମୋଦି ଓଡିଶାକୁ କଣ ଦେଇଛନ୍ତି ବୋଲି ପ୍ରଶ୍ନ କରିଛନ୍ତି ମଲ୍ଲିକାର୍ଜୁନ ଖଡଗେ । ଖଡଗେ କହିଛନ୍ତି, ମୋଦି ଲୋକତନ୍ତ୍ର ଓ ସମ୍ବିଧାନକୁ ବରବାଦ କରୁଛନ୍ତି । ସିବିଆଇ ଓ ଇଡିକୁ ଲଗାଇ ହୁକୁମାତି କରୁଛି ବିଜେପି । ସିବିଆଇ ଓ ଇଡି ଡରରେ କିଏ ଦଳ ଛାଡୁଛି ତ କିଏ ମେଣ୍ଟ ଛାଡି ପଳାଉଛି । ଧନୀ ଲୋକ ବିଜେପି ଓ ବିଜେଡି ସହ ଅଛନ୍ତି, କିନ୍ତୁ କଂଗ୍ରେସ ଗରିବଙ୍କ ସହ ଅଛି ବୋଲି କହିଛନ୍ତି ଖଡଗେ ।

The post ଓଡ଼ିଶା ବଞ୍ଚାଅ ସମାବେଶରେ ବର୍ଷିଲେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ । ଖଡଗେ କହିଲେ, ସେବେର ବିଜୁ, ଏବେର ନବୀନଙ୍କ ମଧ୍ୟରେ ବହୁତ ଫରକ । ଲୋକତନ୍ତ୍ର ଓ ସମ୍ବିଧାନକୁ ବର୍ବାଦ କରୁଛନ୍ତି ମୋଦୀ first appeared on Kanak News.

from Kanak News
via <a href="https://ifttt.com/?

ସାରା ଦେଶରେ ପ୍ରଶଂସକମାନେ ଆଲୁ ଅର୍ଜୁନଙ୍କ ଆଗାମୀ ଚଳଚ୍ଚିତ୍ର ପୁଷ୍ପା ୨ ପାଇଁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ସମୟରେ, ଫିଲ୍ମର ନିର୍ମାତା ଏହାର ସିକ୍ୱେଲର ରିଲିଜ୍ ତାରିଖ ଘୋଷଣା କରିଛନ୍ତି ଏବଂ ଏହି ଚଳଚ୍ଚିତ୍ର ଆଗାମୀ ୨୦୦ ଦିନ ମଧ୍ୟରେ ପ୍ରେକ୍ଷାଳୟକୁ ଆସିବ ବୋଲି ଜଣାପଡିଛି ।

ଆଲୁ ଅର୍ଜୁନଙ୍କ ଉତ୍ସାହିତ ପ୍ରଶଂସକମାନେ ଉତ୍ସାହର ସହିତ ‘ପୁଷ୍ପା-୨ ରିଲିଜକୁ ଅପେକ୍ଷା କରିଛନ୍ତି । ଜାନୁଆରୀ ୨୯ ରେ, ନିର୍ମାତାମାନେ ଏକ ବିଶେଷ ପୋଷ୍ଟର ସହିତ ଦ୍ୱିତୀୟ ଭାଗର ରିଲିଜ୍ ତାରିଖକୁ ପୁନଃ ନିଶ୍ଚିତ କରିଛନ୍ତି ।  ନୂତନ ଅପଡେଟ ଅନୁଯାୟୀ, ଆଲୁ ଅର୍ଜୁନ ଅଭିନୀତ ‘ପୁଷ୍ପା ୨’ ଅଗଷ୍ଟ ୧୫, ୨୦୨୪  ରେ ଏକାଧିକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ନିର୍ମାତାମାନେ ଏକ ପୋଷ୍ଟର ସେୟାର କରିଛନ୍ତି ଯେଉଁଥିରେ ଲେଖା ଅଛି, ପୁଷ୍ପା-୨,  ୨୦୦ ଦିନ ଭିତରେ ରିଲିଜ ହେବ । ସମ୍ପ୍ରତି ଏହାର ସୁଟିଂ ଚାଲିଛି ।

ଅଗଷ୍ଟରେ ପ୍ରେକ୍ଷାଳୟରେ ଆଲୁ ଅର୍ଜୁନଙ୍କ ‘ପୁଷ୍ପା ୨’ ମୁକ୍ତିଲାଭ କରିବ

ଆଲୁ ଅର୍ଜୁନ ଏବଂ ନିର୍ଦ୍ଦେଶକ ସୁକୁମାରଙ୍କ ‘ପୁଷ୍ପା: ଦି ରୁଲ’ ୨୦୨୪ ର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଗୋଟିଏ ଏବଂ ବର୍ତ୍ତମାନ ଏହାର ଶୁଟିଂ ଶେଷ ହେବାକୁ ଯାଉଛି ବୋଲି କୁହାଯାଉଛି । ଆଜି ଅର୍ଥାତ୍ ୧୯ ଜାନୁଆରୀ, ପ୍ରଡକ୍ସନ୍ ହାଉସ୍,  ମାଉଥ୍ରୀ ମୁଭି ମେକର୍ସ ଏକ ପୋଷ୍ଟର ସେୟାର କରି ରିଲିଜ୍ ତାରିଖ ଘୋଷଣା କରିଛନ୍ତି । ୨୦୦ ଦିନରେ, ପୁଷ୍ପା: ଦି ରୁଲ ୧୫  ଅଗଷ୍ଟ ୨୦୨୪ ରେ ବିଶ୍ୱବ୍ୟାପୀ ମୁକ୍ତିଲାଭ ପାଇଁ ପ୍ରସ୍ତୁତ ହୋଇଛି । ଯେଉଁଥି ପାଇଁ ପ୍ରଶଂସକମାନେ ଦୀର୍ଘ ସମୟ ଧରି ଅପେକ୍ଷା କରିଥିଲେ । ୫୦୦ କୋଟି ଟଙ୍କା ବଜେଟରେ ଏହି ଚଳଚ୍ଚିତ୍ର ନିର୍ମାଣ କରାଯାଉଛି ଏବଂ ଏଥିରେ ଅନେକ ନୂତନ ଟେକ୍ନୋଲୋଜି ବ୍ୟବହାର କରାଯାଇଛି ବୋଲି ଜଣାପଡିଛି ।

ଚଳଚ୍ଚିତ୍ର ପ୍ରଥମ ଭାଗର ଡାଇଲଗ ଏବଂ ଗୀତ ଦର୍ଶକଙ୍କର ବହୁତ ପସନ୍ଦ ହେଇଥିଲା

ନିର୍ଦ୍ଦେଶକ ସୁକୁମାରଙ୍କ ‘ପୁଷ୍ପା: ଦି ରାଇଜ୍’ ଡିସେମ୍ବର ୨୦୨୧ ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ​​ଏବଂ ସେହି ବର୍ଷର ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟରୁ ଗୋଟିଏ ହେଇଥିଲା । ବିନା ପ୍ରମୋସନରେ ମଧ୍ୟ ଏହି ଚଳଚ୍ଚିତ୍ରଟି ଲକଡାଉନ୍ ପରେ ଉଲ୍ଲେଖନୀୟ  ରୋଜଗାର କରିଥିଲା ​​ଏବଂ ପ୍ରତ୍ୟେକ ଭାଷାର ଲୋକଙ୍କଠାରୁ ବହୁତ ଭଲ ପାଇବା ପାଇଥିଲା । ଗୀତ ଠାରୁ ଆରମ୍ଭ କରି ସଂଳାପ ଏବଂ ଅଭିନେତାଙ୍କ ଆକ୍ସନ, ବିଶେଷ ଭାବେ ତାଙ୍କ  ବଙ୍କା ଚାଲି ଲୋକଙ୍କ ହୃଦୟ ଜିତି ନେଇଥିଲା । ସୁକୁମାରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ଆଲୁ ଅର୍ଜୁନ ଏପରି ଜଣେ ବ୍ୟକ୍ତିଙ୍କ ଭୂମିକାରେ ନଜର ଆସିଥିଲେ ଯିଏ କାହାକୁ ଡରନ୍ତି ନାହିଁ, କାହାକୁ ଭୟ କରନ୍ତି ନାହିଁ। ସେ ଚନ୍ଦନ କାଠ ଚୋରାଚାଲାଣ କରନ୍ତି ।

The post ପୁଷ୍ପା-୨ ରିଲିଜ୍ ତାରିଖ ଘୋଷଣା । ଆଲୁ ଅର୍ଜୁନ ଏହି ଦିନ ପ୍ରେକ୍ଷାଳୟରେ ଧୂମ ମଚେଇବେ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୁଆଡେ ଗଲେ ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ । ଜମି ଦୁର୍ନୀତି ସହ ଅର୍ଥ ହେରଫେର ମାମଲାରେ ତାଙ୍କୁ ପଚାରାଉଚୁରା କରିବାକୁ ସକାଳୁ ଉଭୟ ଉଡି ଅଧିକାରୀ ଓ ଦିଲ୍ଲୀ ପୋଲିସ ଜଗି ବସିଥିବାବେଳେ ସୋରେନ କିନ୍ତୁ ତାଙ୍କ ବାସଭବନରେ ନଥିବା ଜଣାପଡିଛି । ଫଳରେ ତାଙ୍କର ଲୋକେସନ୍ ଟ୍ରେସ୍ କରାଯାଉଥିବା ଜଣାପଡିଛି ।

ଅନ୍ୟପଟେ ରାଞ୍ଚିରେ ମେଳି ବାନ୍ଧିବାରେ ଲାଗିଛନ୍ତି ଝାରଖଣ୍ଡ ମୁକ୍ତି ମୋର୍ଚ୍ଚାର କର୍ମକର୍ତ୍ତା ତଥା ସମର୍ଥକ । ରାଞ୍ଚିରେ ଝାଡ଼ଖଣ୍ଡର ବିଭିନ୍ନ ଜିଲ୍ଲାରୁ ଆସିଥିବା ଜେଏମଏମ କର୍ମୀମାନେ ମୋରହାବାଡି ମଇଦାନରେ ଏକାଠି ହେଉଛନ୍ତି। ସୂଚନା ଅନୁଯାୟୀ, ଏହି ସମସ୍ତ କର୍ମୀଙ୍କ ଗୋଟିଏ ଉଦ୍ଦେଶ୍ୟ, ଯଦି ହେମନ୍ତ ସୋରେନଙ୍କୁ ଗିରଫ କରାଯାଏ, ତେବେ ସେମାନେ ଏହି ଗିରଫଦାରୀ ବିରୋଧରେ ଆକ୍ରୋଶ ଶୋଭାଯାତ୍ରାରେ ସାମିଲ ହେବେ । ଏହି କାରଣରୁ ରାଞ୍ଚିରେ ହଠାତ୍ ରାଜନୈତିକ ହଇଚଇ ସହ ଆଇନ ଶୃଙ୍ଖଳାକୁ ନେଇ ମଧ୍ୟ ସତର୍କତା ବୃଦ୍ଧି ପାଇଛି। ରାଞ୍ଚିର ମୋରହାବାଡି ମଇଦାନରୁ ରାଜଭବନରେ ପହଞ୍ଚିବେ ଜେଏମଏମ କର୍ମୀ । ସମସ୍ତେ ଅଭିଯୋଗ କରିଛନ୍ତି ଯେ ,ଇଡି ଜାଣିଶୁଣି ହେମନ୍ତ ସୋରେନଙ୍କୁ ହଇରାଣ କରୁଛି। ତେବେ ରାଞ୍ଚିରେ ମୁଖ୍ୟମନ୍ତ୍ରୀଙ୍କ ବାସଭବନ ବ୍ୟତୀତ ଅନ୍ୟ ଭିଭିଆଇପି ଅଞ୍ଚଳରେ ମଧ୍ୟ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି।

The post କୁଆଡେ ଗଲେ ହେମନ୍ତ ସୋରେନ୍? ଦିଲ୍ଲୀ ସ୍ଥିତ ବାସଭବନରେ ଜଗି ବସିଛି ଇଡି ଓ ଦିଲ୍ଲୀ ପୋଲିସ । ଲୋକେସନ୍ ଟ୍ରେସ୍ କରାଯାଉଥିବା ସୂଚନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପୁଣି ଗର୍ଜିଲେ ଶିକ୍ଷକ । ଭୁବନେଶ୍ୱର ଲୋୟର ପିଏମଜିରେ ପୁଣି ଧାରଣାରେ ବସିଲେ ପ୍ରାଥମିକ ଶିକ୍ଷକ ଶିକ୍ଷୟିତ୍ରୀ । ବାରମ୍ବାର ଧାରଣାରେ ବସିବା ସତ୍ତେ୍ୱ ସମସ୍ୟାକୁ ସୁଧାରୁନାହାଁନ୍ତି ସରକାର । ତେଣୁ ପୁଣିଥରେ ମୁହଁରେ କଳାପଟି ବାନ୍ଧି ଧାରଣାରେ ବସିଛି ଶିକ୍ଷକ ସଂଘ । ଠିକା ନିଯୁକ୍ତି ଉଠାଇ ନିୟମିତ ଶିକ୍ଷକ ନିଯୁକ୍ତି ଦାବୀରେ ଅଡି ବସିଛି ସଂଘ । ଏହି ଦାବୀ ପୂରଣ କରିବାକୁ ବିଦ୍ଧିବଦ୍ଧ ପ୍ରତିଶୃତି ନମିଳିବା ଯାଏଁ ଆନ୍ଦୋଳନ ଜାରି ରଖିବାକୁ କହିଛି ପ୍ରାଥମିକ ଶିକ୍ଷକ ସଂଘ ।

The post ଭୁବନେଶ୍ୱର ଲୋୟର ପିଏମଜିରେ ପୁଣି ଗର୍ଜିଲେ ପ୍ରାଥମିକ ବିଦ୍ୟାଳୟ ଶିକ୍ଷକ । ଠିକା ନିଯୁକ୍ତି ଉଠାଇ ନିୟମିତ ଶିକ୍ଷକ ନିଯୁକ୍ତି କରିବାକୁ ଦାବୀ । first appeared on Kanak News.

from Kanak News
via <a href="https://ifttt.com/?

‘ପରୀକ୍ଷା ପେ’ ଚର୍ଚ୍ଚା’ ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଲାମାନଙ୍କୁ ରିଲ୍ସ ଦେଖିବାରେ ସମୟ ନଷ୍ଟ ନକରିବାକୁ କହିଛନ୍ତି ।  ସେ ପିଲାମାନଙ୍କୁ ଭଲ ଖାଦ୍ୟ ଏବଂ ପର୍ଯ୍ୟାପ୍ତ ନିଦ ନେବାକୁ କହିଥିଲେ ।  ଆଜି ବୋର୍ଡ ପରୀକ୍ଷା ଦେବାକୁ ଥିବା ଛାତ୍ରଛାତ୍ରୀଙ୍କ ସହ ପ୍ରଧାନମନ୍ତ୍ରୀ ମୋଦୀ ପରୀକ୍ଷା ବିଷୟରେ ଆଲୋଚନା କରିଛନ୍ତି । ନୂଆଦିଲ୍ଲୀ, ଆଇଟିପିଓ, ଭାରତ ମଣ୍ଡପମ୍ ଠାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।

‘ପରୀକ୍ଷା ପେ’ ଚର୍ଚ୍ଚା’ ଆଲୋଚନା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଲାମାନଙ୍କୁ ଅନେକ କୌଶଳ ଶିଖାଇଥିଲେ। ସେ ପିଲାମାନଙ୍କୁ ଅନେକ କଥା କହିଥିଲେ । ଏହି ସମୟରେ ସେ ପିଲାମାନଙ୍କୁ ରିଲ୍ସ ଦେଖିବାରେ ସମୟ ନଷ୍ଟ ନକରିବାକୁ ପରାମର୍ଶ ଦେଇଥିଲେ । ସେ କହିଛନ୍ତି ଯେ ପିଲାମାନେ ରିଲ୍ସ ଦେଖିବାରେ ସମୟ ନଷ୍ଟ କରିବା ଉଚିତ୍ ନୁହେଁ । ସେମାନେ ସେମାନଙ୍କର ପାଠପଢାରେ ଧ୍ୟାନ ଦେବା ଉଚିତ୍ ।  ଏହି ବୟସରେ ଖାଦ୍ୟ ଏବଂ ଶୋଇବାରେ  ସନ୍ତୁଳନ ରଖିବା  ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି ।

ପିଲାମାନେ ପର୍ଯ୍ୟାପ୍ତ ପରିମାଣରେ ଶୋଇବା ମଧ୍ୟ ଉଚିତ୍ ଏବଂ କେବଳ ମୋବାଇଲ୍ ଫୋନ୍ ଦେଖିବା ଉଚିତ୍ ନୁହେଁ । ମୋବାଇଲ୍ ଫୋନ୍ ସମ୍ବନ୍ଧରେ ମଧ୍ୟ ପ୍ରଧାନମନ୍ତ୍ରୀ ମୋଦୀ ଅନେକ କଥା କହିଛନ୍ତି ।

ମୋଦୀ କହିଛନ୍ତି ଯେ ଅନେକ ଲୋକ ଘଣ୍ଟା ଘଣ୍ଟା ଧରି ମୋବାଇଲ୍ ଫୋନ୍ ଦେଖିଥାନ୍ତି । ପିଲାମାନଙ୍କୁ ମୋବାଇଲ୍ ଦେଖିବାର ଏକ ନିର୍ଦ୍ଧିଷ୍ଟ ସମୟ ସ୍ଥିର କରିବାକୁ ସେ କହିଛନ୍ତି ।  ସବୁବେଳେ ମୋବାଇଲକୁ ଦେଖ ନାହିଁ ଏବଂ ଯଦି ଦେଖିବା ଆବଶ୍ୟକ ହୁଏ ତେବେ ପରିବାର ଲୋକଙ୍କୁ କୁହ । ପାଠ ବିଷୟରେ ମୋବାଇଲରେ ଖୋଜ । ମୋବାଇଲ ଦେଖିବା ସମୟ ସ୍ଥିର କର । ନଚେତ୍ ଆପଣଙ୍କ ପରିବାର ସଦସ୍ୟ ଭାବିବେ ଯେ ଆପଣ ସାଙ୍ଗମାନଙ୍କ ସହିତ ବ୍ୟସ୍ତ ଅଛନ୍ତି କିମ୍ବା ରିଲ୍ ଦେଖୁଛନ୍ତି ବୋଲି । ଏହାଦ୍ବାରା ସେମାନେ ଅସନ୍ତୁଷ୍ଟ ହେବେ ।

ସେ କହିଛନ୍ତି ଯେ ଏହା ଯେପରି ମୋବାଇଲ୍ ରିଚାର୍ଜ କରିବାକୁ ପଡିଥାଏ ସେହିଭଳି, ଏହି ଶରୀରକୁ ମଧ୍ୟ ରିଚାର୍ଜ କରାଯିବା ଉଚିତ୍ ।  ଏହା ହେଉଛି ଶରୀରର ଆବଶ୍ୟକତା ।  ସେ ପିଲାମାନଙ୍କୁ କହିଥିଲେ ଯେ ଯଦି ସେମାନଙ୍କୁ ପାଠ ପଢିବାକୁ ପଡ଼େ ତା ନୁହେଁ ଯେ ତୁମେ ଦିନସାରା ଖାଲି ପାଠ ପଢିବ । ଏମିତି ହେବା ଠିକ ନୁହେଁ ।  ଯଦି ତୁମକୁ ଖେଳିବାର ଅଛି ତା ଅର୍ଥ ନୁହେଁ ଯେ ତୁମେ ଦିନସାରା ଖେଳିବ ।  ଏହାମଧ୍ୟ ଠିକ ନୁହେଁ  ଜୀବନରେ ସନ୍ତୁଳନ ରଖିବା ଜରୁରୀ, ତେଣୁ ଏକ ସୁସ୍ଥ ଶରୀର ଏବଂ ସୁସ୍ଥ ମନ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବେଳେବେଳେ ବାହାରେ ବସି ସୂର୍ଯ୍ୟ କିରଣରେ ମଧ୍ୟ ପଢନ୍ତୁ । ସୂର୍ଯ୍ୟକିରଣ ମଧ୍ୟ ଆମକୁ ରିଚାର୍ଜ କରିଥାଏ ।

ଶିକ୍ଷକମାନଙ୍କୁ ପ୍ରଧାନମନ୍ତ୍ରୀ ମୋଦୀଙ୍କ ଆବେଦନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଶିକ୍ଷକମାନଙ୍କୁ ଅନେକ ଆବେଦନ କରିଥିଲେ। ସେ କହିଛନ୍ତି ଯେ ଶିକ୍ଷକମାନେ ବୁଝିବା ଉଚିତ ଯେ ପିଲାମାନଙ୍କ ସହ ସେମାନଙ୍କର ସମ୍ପର୍କ କେବଳ ସିଲାବସ୍ କିମ୍ବା ବିଷୟ ମଧ୍ୟରେ ସୀମିତ ରହିବା ଉଚିତ୍ ନୁହେଁ । ସେମାନେ ପିଲାମାନଙ୍କ ସହିତ ଏପରି ସମ୍ପର୍କ ଗଢିବା ଉଚିତ୍ ଯେ ସେମାନେ ସେମାନଙ୍କର ବିଶ୍ୱାସ ହାସଲ କରିପାରିବେ । ଯାହାଫଳରେ ପିଲାମାନେ ସେମାନଙ୍କୁ ସବୁକିଛି କହିପାରିବେ ।  ସେ କହିଛନ୍ତି ଯେ ଶିକ୍ଷକମାନେ ମଧ୍ୟ ପିଲାମାନଙ୍କ ଘରକୁ ଯିବା ଉଚିତ, ଯାହା ଦ୍ଵାରା ସେମାନେ ପିଲାଙ୍କ  ପରିବାର ସହିତ ମିଶି ପାରିବେ ଏବଂ ପିଲାର ଭଲମନ୍ଦ ବିଷୟରେ ପରିବାରଠୁ ଜାଣିପାରିବେ । ଏହା ବ୍ୟତୀତ ଶିକ୍ଷକମାନେ ଶ୍ରେଣୀର ଦୁର୍ବଳ ପିଲାମାନଙ୍କୁ ସେତିକି ଧ୍ୟାନ ଦେବ ଉଚିତ ଯେତିକି ସେମାନେ ସ୍ମାର୍ଟ ପିଲାମାନଙ୍କୁ ଧ୍ୟାନ ଦିଅନ୍ତି । ପ୍ରଧାନମନ୍ତ୍ରୀ ମୋଦୀ ଶିକ୍ଷକମାନଙ୍କୁ କହିଛନ୍ତି ଯେ ଜଣେ ଶିକ୍ଷକଙ୍କ କାମ କେବଳ ଚାକିରି କରିବା କିମ୍ବା ଚାକିରି ବଦଳାଇବା ନୁହେଁ । ତାଙ୍କର କାମ ହେଉଛି ଜୀବନକୁ ତିଆରି କରିବା ଏବଂ ଏହାକୁ ଶକ୍ତି ଦେବା । ଏହିପରି ଭାବରେ  ଶିକ୍ଷକମାନେ ପରିବର୍ତ୍ତନ ଆଣିପାରିବେ ।

The post ‘ପରୀକ୍ଷା ପେ’ ଚର୍ଚ୍ଚା’ ପିଏମ ମୋଦୀ କହିଲେ – ‘ରିଲ୍ସ  ଦେଖିବାରେ ସମୟ ନଷ୍ଟ କର ନାହିଁ । ପର୍ଯ୍ୟାପ୍ତ ପରିମାଣରେ ନିଦ୍ରା ମଧ୍ୟ ଜରୁରୀ ‘‘ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଓଡିଶାରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ । ଭୁବନେଶ୍ୱର ବିମାନବନ୍ଦରରେ ପହଞ୍ଚିବା ପରେ ଉପସ୍ଥିତ ନେତା ଓ କର୍ମୀମାନେ ତାଙ୍କୁ ପାଛୋଟି ଆଣିଥିଲେ । ଆୟୋଜିତ ‘ ଓଡିଶା ବଞ୍ଚାଅ ସମାବେଶ’ରେ ଉଦବୋଧନ ଦେବେ ।

ଲୋୟର ପିଏମଜିରେ ଆୟୋଜିତ ହୋଇଥିବା ଓଡ଼ିଶା ବଂଚାଅ ସମାବେଶରେ ବରିଷ୍ଠ ନେତାଙ୍କଠାରୁ ଆରମ୍ଭ କରି ପଂଚାୟତ, ବୁଥ୍, ବ୍ଲକ ସ୍ତରର କର୍ମୀଙ୍କୁ ଉଦବୋଧନ ଦେବେ ଖଡଗେ । ଓଡ଼ିଶା ବଂଚାଅ ସମାବେଶରେ ପାଖାପାଖି ୧ ଘଂଟା ରହିବେ କଂଗ୍ରେସ ଅଧ୍ୟକ୍ଷ । ଓଡ଼ିଶାକୁ ବିଜେଡି ଓ ବିଜେପି କବଳରୁ ବଂଚେଇବା ସ୍ଲୋଗାନ ଦେଇ ଓଡ଼ିଶା ବଂଚାଅ ସମାବେଶ କରୁଛି ଦଳ । ଏଥିରେ ପ୍ରାୟ ୫୦ ହଜାର କର୍ମୀଙ୍କୁ ଏକାଠି କରିବାକୁ ଦଳ ଲକ୍ଷ୍ୟ ରଖିଛି । ଓଡ଼ିଶା ବଂଚାଅ ସମାବେଶ ପରେ ଦଳୀୟ କାର୍ଯ୍ୟାଳୟରେ ବରିଷ୍ଠ ନେତାଙ୍କ ସହ ବୈଠକ କରିବେ । ଆସନ୍ତା ଫେବ୍ରୁଆରୀ ୧୪ରେ ଓଡ଼ିଶା ଆସିବାକୁ ଥିବା ନ୍ୟାୟ ଯାତ୍ରାର ପ୍ରସ୍ତୁତି ନେଇ ଆଲୋଚନା କରାଯିବ । ଓଡ଼ିଶାର ୪ ଜିଲ୍ଲାରେ ୪ ଦିନିଆ ଭାରତ ଯୋଡ଼ ନ୍ୟାୟ ଯାତ୍ରା କରାଯିବ । ଏହା କିପରି ସଫଳ ହେବ ସେନେଇ ଆଲୋଚନା କରିବେ ଖଡଗେ। ଏହା ପରେ ଷ୍ଟେଟ୍ ଗେଷ୍ଟ ହାଉସରେ ଇଣ୍ଡିଆ ମେଂଟରେ ସାମିଲ ଥିବା ବିଭିନ୍ନ ଦଳର ରାଜ୍ୟ ନେତୃତ୍ୱଙ୍କ ସହ ବୈଠକ କରିବେ ।

The post ଓଡିଶାରେ ଖଡଗେ । ଭୁବନେଶ୍ୱର ବିମାନ ବନ୍ଦରରେ ଜୋରଦାର ସ୍ୱାଗତ । ‘ଓଡିଶା ବଞ୍ଚାଅ ସମାବେଶ’ ରେ ଦେବେ ଉଦବୋଧନ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆସନ୍ତା ଫେବ୍ରୁଆରୀ ୨୭ରେ ହେବ ରାଜ୍ୟସଭା ନିର୍ବାଚନ । ଏନେଇ ତାରିଖ ଘୋଷଣା କରିଛନ୍ତି ମୁଖ୍ୟ ନିର୍ବାଚନ କମିଶନ । ୧୫ଟି ରାଜ୍ୟର ୫୬ଟି ରାଜ୍ୟସଭା ଆସନ ପାଇଁ ହେବ ନିର୍ବାଚନ । ଯେଉଁଥିରେ ଓଡ଼ିଶାର ୩ଟି ଆସନ ରହିଛି । ଆସନ୍ତା ୩ ଏପ୍ରିଲରେ ପ୍ରଶାନ୍ତ ନନ୍ଦ, ଅଶ୍ୱିନୀ ବୈଷ୍ଣବ ଓ ଅମର ପଟ୍ଟନାୟକଙ୍କ ରାଜ୍ୟସଭା କାର୍ଯ୍ୟକାଳ ଶେଷ ହେଉଛି । ଫାଙ୍କା ପଡିବାକୁ ଥିବା ୩ ଆସନରେ ନିର୍ବାଚନ ହେବ ।
ରାଜ୍ୟସଭା ନିର୍ବାଚନ ପାଇଁ ୮ ଫେବ୍ରୁଆରୀରେ ବିଜ୍ଞପ୍ତି ପ୍ରକାଶ ପାଇବ । ସେହିଭଳି ୧୫ ଫେବ୍ରୁଆରୀ ସୁଦ୍ଧା ନାମାଙ୍କନପତ୍ର ଦାଖଲ କରିପାରିବେ ପ୍ରାର୍ଥୀ । ୧୬ ତାରିଖରେ ନାମାଙ୍କନପତ୍ର ଯାଞ୍ଚ ହେବ । ୨୦ ଫେବ୍ରୁଆରୀ ସୁଦ୍ଧା ନାମାଙ୍କନପତ୍ର ପ୍ରତ୍ୟାହାର କରିପାରିବେ ପ୍ରାର୍ଥୀ । ୨୭ ତାରିଖରେ ରାଜ୍ୟସଭା ନିର୍ବାଚନ ପାଇଁ ମତଦାନ ହେବା ସହ ଫଳାଫଳ ପ୍ରକାଶ ପାଇବ । ସକାଳ ୯ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ମତଦାନ ହେବ ବୋଲି ବିଜ୍ଞପ୍ତି ପ୍ରକାଶ ପାଇଛି ।

ସଂଖ୍ୟା ଦୃଷ୍ଟିରୁ ଫାଙ୍କା ହେବାକୁ ଥିବା ୩ ଆସନ ବିଜେଡି ଖାତାକୁ ଆସିବ । ତେବେ ବିଜେଡି କାହାକୁ ପ୍ରାର୍ଥୀ କରିବ ତାହା ଉପରେ ସମସ୍ତଙ୍କର ନଜର ରହିଛି । ଆଗକୁ ସାଧାରଣ ନିର୍ବାଚନ ଥିବାରୁ ଟିକେଟରୁ ବଞ୍ଚିତ ହେବାକୁ ଥିବା ନେତାଙ୍କୁ ଦଳ ପ୍ରାର୍ଥୀ କରିପାରେ । ନଚେତ୍ କିଛି ବରିଷ୍ଠ ନେତାଙ୍କୁ ଦଳ ଦିଲ୍ଲୀ ପଠାଇପାରେ । ଗତଥର ଅଶ୍ୱିନୀ ବୈଷ୍ଣବଙ୍କୁ ରାଜ୍ୟସଭା ପ୍ରାର୍ଥୀ କରି ସମସ୍ତଙ୍କୁ ଚମକାଇ ଦେଇଥିଲେ ନବୀନ । ତେଣୁ ଏଥର ନବୀନ ଯେ, କୌଣସି ସରପ୍ରାଇଜ କାର୍ଡ ଖେଳିବେନି ତାହାର ଆକଳନ କରିବା ବେଶ କଷ୍ଟକର ।

The post ଫେବ୍ରୁଆରୀ ୨୭ରେ ରାଜ୍ୟସଭା ନିର୍ବାଚନ, ଜାଣନ୍ତୁ କାହାର ସରିବ କାର୍ଯ୍ୟକାଳ? ରାଜ୍ୟସଭା ଟିକେଟ ପାଇଁ ରେସରେ କିଏ? first appeared on Kanak News.

from Kanak News
via <a href="https://ifttt.com/?

କଂଗ୍ରେସ ପାର୍ଟି ସାଂସଦ ରାହୁଲ ଗାନ୍ଧୀଙ୍କ ନେତୃତ୍ୱରେ ‘ଭାରତ ଯୋଡୋ ନ୍ୟାୟ ଯାତ୍ରା’ ସୋମବାର ସକାଳେ ପଶ୍ଚିମବଙ୍ଗର ଉତ୍ତରରେ ଅବସ୍ଥିତ ଦିନାଜପୁର ଜିଲ୍ଲାର ସୋନେପୁରରୁ ପୁନଃ  ଆରମ୍ଭ ହୋଇଛି । ଦଳର ନେତା କହିଛନ୍ତି ଯେ ଏହି ଯାତ୍ରା ଚୋପରା ଦେଇ ଇସଲାମପୁର ଯିବ। ଯେଉଁଠାରେ ରାହୁଲ ଗାନ୍ଧୀ ପ୍ରଥମେ ଏକ ଛୋଟ ସାଧାରଣ ସଭାକୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମ ପରେ ଯାତ୍ରା ବିହାରର କିଶାନଗଞ୍ଜରେ ପ୍ରବେଶ କରିଛି ।

କଂଗ୍ରେସ ନେତା ରାହୁଲ ଗାନ୍ଧୀଙ୍କ ‘ଭାରତ ଯୋଡୋ ନ୍ୟାୟ  ଯାତ୍ରା’ ସୋମବାର କିଶାନଗଞ୍ଜ ଦେଇ ବିହାରରେ ପ୍ରବେଶ କରିଛି । କଂଗ୍ରେସ ରାଜ୍ୟ ୟୁନିଟ୍ ସଭାପତି ଅଖିଳେଶ ପ୍ରସାଦ ସିଂ ଏବଂ ଦଳର ଅନ୍ୟ ବରିଷ୍ଠ ନେତାମାନେ ବିହାରରେ ରାହୁଲ ଗାନ୍ଧୀଙ୍କୁ ସ୍ୱାଗତ କରିଛନ୍ତି । ୨୦୨୦ ବିହାର ବିଧାନସଭା ନିର୍ବାଚନ ପ୍ରଚାର ପରେ ରାହୁଲ ଗାନ୍ଧୀଙ୍କ ଏହା ପ୍ରଥମ ବିହାର ଗସ୍ତ ।

‘ନ୍ୟାୟ ଯାତ୍ରା’ ଏପରି ଏକ ସମୟରେ  ରାଜ୍ୟରେ ପ୍ରବେଶ କରିଛି ​​ଯେଉଁ ସମୟରେ ପୂର୍ବତନ କଂଗ୍ରେସ ସହଯୋଗୀ ତଥା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଇଣ୍ଡିଆ ମେଣ୍ଟ ଛାଡି ପୁଣିଥରେ ଭାରତୀୟ ଜନତା ପାର୍ଟି (ବିଜେପି) ନେତୃତ୍ଵାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) କୁ ଯାଇଛନ୍ତି ।

କଂଗ୍ରେସ ବିଧାନସଭା ଦଳର ନେତା ଶାକିଲ ଅହମ୍ମଦ ଖାନ କହିଛନ୍ତି କି ରାହୁଲ ଗାନ୍ଧୀ କିଶାନଗଞ୍ଜରେ ଏକ ସାଧାରଣ ସଭାରେ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି । ଏହା ପରେ ମଙ୍ଗଳବାର ନିକଟ ପୁର୍ନିଆ ଜିଲ୍ଲାରେ ଏକ ବିଶାଳ ସମାବେଶ ଏବଂ ଗୋଟିଏ ଦିନ ପରେ କଟିହାରରେ ଆଉ ଏକ ରାଲି ଅନୁଷ୍ଠିତ ହେବ।

କଂଗ୍ରେସ ରାଜ୍ୟ ୟୁନିଟ୍ ସଭାପତି ଅଖିଳେଶ ପ୍ରସାଦ ସିଂ କହିଛନ୍ତି ଯେ ରାହୁଲ ଗାନ୍ଧୀ ଗୁରୁବାର ଦିନ ଆରାରିଆ ଜିଲ୍ଲା ଦେଇ ପଶ୍ଚିମବଙ୍ଗ ଯିବେ ଏବଂ କିଛି ଦିନ ପରେ ଝାଡଖଣ୍ଡ ଦେଇ ବିହାରକୁ ପୁଣି ଫେରିବେ। କଂଗ୍ରେସର ରାଜ୍ୟ ୟୁନିଟ୍ର ନେତାଙ୍କ ଅନୁଯାୟୀ, ବିହାରରେ ଦଳର ସହଯୋଗୀ ଦଳ ରାଷ୍ଟ୍ରିୟ ଜନତା ଦଳ (ଆରଜେଡି) ସଭାପତି ଲାଲୁ ପ୍ରସାଦ ଏବଂ କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାର୍କ୍ସବାଦୀ-ଲେନିନ୍ବାଦୀ) ସାଧାରଣ ସମ୍ପାଦକ ଦୀପନକର ଭଟ୍ଟାଚାର୍ଯ୍ୟଙ୍କୁ ପୁର୍ନିଆରେ ହେବାକୁ ଥିବା ରାଲିକୁ ନିମନ୍ତ୍ରଣ କରାଯାଇଛି ।

 

The post ରାହୁଲ ଗାନ୍ଧୀଙ୍କ ‘ଭାରତ ଯୋଡୋ ନ୍ୟାୟ ଯାତ୍ରା’ ପଶ୍ଚିମବଙ୍ଗରୁ ଆସି ବିହାରର କିଶନଗଞ୍ଜରେ ପହଞ୍ଚିଲା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଟକ-ଭୁବନେଶ୍ୱର ଦ୍ୱୈତନଗରୀର ନୂଆ ପୋଲିସ କମିଶନର ଭାବେ ଦାୟିତ୍ୱ ନେଲେ ସଂଜୀବ ପଣ୍ଡା । ପୋଲିସ କମିଶନରଙ୍କ କାର୍ଯ୍ୟାଳୟରେ ପହଞ୍ଚିବା ପରେ ତାଙ୍କୁ ଗାର୍ଡ ଅଫ୍ ଅନର ଦିଆଯାଇଛି । ସୌମେନ୍ଦ୍ର ପ୍ରିୟଦର୍ଶୀଙ୍କଠାରୁ ସେ ଦାୟିତ୍ୱ ଗ୍ରହଣ କରିଛନ୍ତି ।

୧୯୯୪ ବ୍ୟାଚର ଓଡ଼ିଆ ଆଇପିଏସ୍ ଅଧିକାରୀ ହେଉଛନ୍ତି ସଂଜୀବ ପଣ୍ଡା । ପୋଲିସ କମିଶନର ଦାୟିତ୍ୱ ନେବା ପୂର୍ବରୁ ସେ ରାଜ୍ୟ ପୋଲିସ ହାଉସିଂ ୱେଲଫେୟାର କର୍ପୋରେସନର ସିଏମଡି ଦାୟିତ୍ୱରେ ଥିଲେ । ପୂର୍ବରୁ ସେ ପୁରୀ ଏସ୍ପି, ଆଇଜି ପର୍ସନାଲ, ଆଇଜି ଓଏସ୍ଏପି, ଏଡିଜି କ୍ରାଇମବ୍ରାଞ୍ଚ, ପରିବହନ କମିଶନର ଆଦି ବିଭିନ୍ନ ଦାୟିତ୍ୱ ତୁଲାଇଛନ୍ତି ।

The post ଦ୍ୱୈତନଗରୀର ନୂଆ ପୋଲିସ କମିଶନର ଭାବେ ଦାୟିତ୍ୱ ନେଲେ ସଂଜୀବ ପଣ୍ଡା । କାର୍ଯ୍ୟାଳୟରେ ଦିଆଗଲା ଗାର୍ଡ ଅଫ୍ ଅନର । first appeared on Kanak News.

from Kanak News
via <a href="https://ifttt.com/?

UGC ର ଡ୍ରାଫ୍ଟ ନିର୍ଦ୍ଦେଶାବଳୀକୁ ନେଇ ବିବାଦ ଉପୁଜିଛି ।  ଯେଉଁଥିରେ କୁହାଯାଇଛି ଯେ ଏସସି, ଏସଟି ଏବଂ ଓବିସି ପ୍ରାର୍ଥୀଙ୍କ ପାଇଁ ସଂରକ୍ଷିତ ଯେ କୌଣସି ପଦବୀ ଅସଂରକ୍ଷିତ ଘୋଷିତ ହୋଇପାରିବ ଯଦି ଏହି ବର୍ଗରୁ ପର୍ଯ୍ୟାପ୍ତ ପ୍ରାର୍ଥୀ ଉପଲବ୍ଧ ନଥାନ୍ତି । ୟୁଜିସିର ଏହି ପ୍ରସ୍ତାବକୁ ଶିକ୍ଷା ମନ୍ତ୍ରଣାଳୟ ପ୍ରତ୍ୟାଖ୍ୟାନ କରିଛି ।

ବିଶ୍ୱବିଦ୍ୟାଳୟ ଅନୁଦାନ ଆୟୋଗର ପ୍ରସ୍ତାବକୁ କେନ୍ଦ୍ର ଶିକ୍ଷା ମନ୍ତ୍ରଣାଳୟ ପ୍ରତ୍ୟାଖ୍ୟାନ କରିଛି । ସଂରକ୍ଷିତ ବର୍ଗର SC, ST ଏବଂ OBC ର ପୋଷ୍ଟଗୁଡିକ ସାଧାରଣ ବର୍ଗରୁ ପୂରଣ ହେବ ନାହିଁ । ସାଧାରଣ ବର୍ଗରୁ ଉଚ୍ଚଶିକ୍ଷା ପ୍ରତିଷ୍ଠାନଗୁଡିକରେ ଖାଲି ସଂରକ୍ଷିତ ବର୍ଗ ପଦବୀ ପୂରଣ କରିବାକୁ UGC ପରାମର୍ଶ ଦେଇଥିଲା ।  ଯେଉଁଥିରେ ବିବାଦ ବଢିବାରେ ଲାଗିଛି । ଶିକ୍ଷା ମନ୍ତ୍ରଣାଳୟ ସ୍ପଷ୍ଟ କରିଛି ଯେ ସଂରକ୍ଷିତ ବର୍ଗର ଗୋଟିଏ ବି ପଦବୀ ଅସଂରକ୍ଷିତ କରାଯିବ ନାହିଁ ।

#WATCH दिल्ली: केंद्रीय शिक्षा मंत्री धर्मेंद्र प्रधान ने कहा, "2019 में एक विधेयक लाया गया….2019 एक्ट बनने के बाद एक भी पोस्ट फैकल्टी नियुक्ति में अनारक्षित करने की कोई गुंजाइश नहीं बचती है। आज शिक्षा मंत्रालय ने इसकी स्पष्टता दी है। 2019 के एक्ट के बाद फैकल्टी नियुक्ति में… pic.twitter.com/QMZDaxXuNi

— ANI_HindiNews (@AHindinews) January 28, 2024

https://platform.twitter.com/widgets.js

କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସ୍ପଷ୍ଟ କରିଛନ୍ତି ଯେ ଗୋଟିଏ ପୋଷ୍ଟ ମଧ୍ୟ ଅସଂରକ୍ଷିତ ରହିବ ନାହିଁ ଏବଂ କେନ୍ଦ୍ରୀୟ ଶିକ୍ଷା ପ୍ରତିଷ୍ଠାନ (ଶିକ୍ଷକ କ୍ୟାଡରରେ ସଂରକ୍ଷଣ) ଅଧିନିୟମ, ୨୦୧୯ କାର୍ଯ୍ୟକାରୀ ହେବା ପରେ ସଂରକ୍ଷଣ ସମ୍ବନ୍ଧରେ କୌଣସି ଅସ୍ପଷ୍ଟତା ନାହିଁ । ୟୁଜିସି ଚେୟାରମ୍ୟାନ୍ ଏମ ଜଗଦୀଶ କୁମାର ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଅତୀତରେ କେନ୍ଦ୍ରୀୟ ଶିକ୍ଷାନୁଷ୍ଠାନଗୁଡ଼ିକରେ ସଂରକ୍ଷିତ ବର୍ଗ ପଦବୀ ପାଇଁ କୌଣସି ସଂରକ୍ଷଣ ବାତିଲ କରାଯାଇ ନାହିଁ ଏବଂ ସେପରି ଭବିଷ୍ୟତରେ ମଧ୍ୟ କୌଣସି ସଂରକ୍ଷଣ ବାତିଲ କରାଯିବ ନାହିଁ ।

ଉଚ୍ଚଶିକ୍ଷା ପ୍ରତିଷ୍ଠାନଗୁଡିକରେ ଭାରତ ସରକାରଙ୍କ ସଂରକ୍ଷଣ ନୀତିର କାର୍ଯ୍ୟକାରିତା ପାଇଁ ଡ୍ରାଫ୍ଟ ନିର୍ଦ୍ଦେଶାବଳୀ ଜାନୁଆରୀ ୨୮ ପର୍ଯ୍ୟନ୍ତ ହିତାଧିକାରୀଙ୍କ ମତାମତ ପାଇଁ ସର୍ବସାଧାରଣ ଡୋମେନରେ ଉପଲବ୍ଧ ଅଛି । ପ୍ରକାଶିତ ଡ୍ରାଫ୍ଟକୁ ଅନେକ ସମାଲୋଚନା କରାଯାଇଛି । କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗ କହିଛନ୍ତି ଯେ ବିଜେପି କେବଳ ଯୁବକମାନଙ୍କ ଚାକିରି ଛଡ଼ାଇବାରେ ବ୍ୟସ୍ତ ଅଛି ।

କଂଗ୍ରେସ କହିଛି – ଡ୍ରାଫ୍ଟ ତୁରନ୍ତ ଫେରସ୍ତ ନିଆଯାଉ

କଂଗ୍ରେସର ସାଧାରଣ ସମ୍ପାଦକ ଜୟରାମ ରମେଶ ଏହି ପ୍ରସ୍ତାବକୁ ତୁରନ୍ତ ପ୍ରତ୍ୟାହାର କରିବାକୁ ଦାବି କରିଛନ୍ତି । ଗଣମାଧ୍ୟମର ରିପୋର୍ଟ ଅନୁଯାୟୀ, ସେ କହିଥିଲେ ଯେ କିଛି ବର୍ଷ ପୂର୍ବେ ଆରଏସଏସ ମୁଖ୍ୟ ମୋହନ ଭଗବତ ସଂରକ୍ଷଣର ସମୀକ୍ଷା କରିବା ବିଷୟରେ କହିଥିଲେ । ବର୍ତ୍ତମାନ ଉଚ୍ଚଶିକ୍ଷା ପ୍ରତିଷ୍ଠାନରେ ଏସସି, ଏସଟି ଏବଂ ଓବିସିକୁ ଦିଆଯାଇଥିବା ସଂରକ୍ଷଣକୁ ଶେଷ କରିବା ପାଇଁ ଏକ ଷଡଯନ୍ତ୍ର ରଚିଛି । ବିରୋଧୀ ଦଳ ଦଳିତ, ପଛୁଆ ବର୍ଗ ଏବଂ ଆଦିବାସୀ ପ୍ରସଙ୍ଗରେ ପ୍ରତୀକ ରାଜନୀତିରେ ଲିପ୍ତ ଥିବା ଅଭିଯୋଗ କରିଛନ୍ତି ।

ସଂରକ୍ଷିତ ପୋଷ୍ଟଗୁଡିକ ଅସଂରକ୍ଷିତ ହେବ ନାହିଁ

ସୋମବାର ଏହି ପ୍ରସଙ୍ଗରେ ୟୁଜିସି ଅଧ୍ୟକ୍ଷଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବାକୁ ଜେଏନୟୁ ଛାତ୍ର ସଂଘ ମଧ୍ୟ ଘୋଷଣା କରିଛି। ୟୁଜିସି ଚେୟାରମ୍ୟାନ୍ ତାଙ୍କ ସ୍ପଷ୍ଟୀକରଣରେ କହିଛନ୍ତି ଯେ ୨୦୧୯ ଅଧିନିୟମ ଅନୁଯାୟୀ ଖାଲିଥିବା ପଦବୀ ପୂରଣ କରିବାକୁ ଶିକ୍ଷା ମନ୍ତ୍ରଣାଳୟ ସମସ୍ତ ସିଇଆଇମାନଙ୍କୁ ନିର୍ଦ୍ଦେଶ ଦେଇଛି । ସେ କହିଛନ୍ତି ଯେ ଗୋଟିଏ ବି ସଂରକ୍ଷିତ ପୋଷ୍ଟ ଅସଂରକ୍ଷିତ କରାଯିବ ନାହିଁ ।

ଏହାପୂର୍ବରୁ ଶିକ୍ଷା ମନ୍ତ୍ରଣାଳୟ X ରେ ଲେଖିଥିଲା ​​ଯେ କେନ୍ଦ୍ରୀୟ ଶିକ୍ଷା ପ୍ରତିଷ୍ଠାନ (ଶିକ୍ଷକ କ୍ୟାଡରରେ ସଂରକ୍ଷଣ) ଅଧିନିୟମ ଅନୁଯାୟୀ ଶିକ୍ଷକ କ୍ୟାଡରରେ ପ୍ରତ୍ୟକ୍ଷ ନିଯୁକ୍ତିର ସମସ୍ତ ପଦବୀ ପାଇଁ କେନ୍ଦ୍ରୀୟ ଶିକ୍ଷାନୁଷ୍ଠାନରେ ସଂରକ୍ଷଣ ପ୍ରଦାନ କରାଯାଇଛି । ଏହି ଅଧିନିୟମ କାର୍ଯ୍ୟକାରୀ ହେବା ପରେ କୌଣସି ସଂରକ୍ଷିତ ପୋଷ୍ଟ ଅସଂରକ୍ଷିତ କରାଯିବ  ନାହିଁ ।

ପୋଷ୍ଟଗୁଡିକ ପୂରଣ ହେବ ନାହିଁ

ସମସ୍ତ ଉଚ୍ଚଶିକ୍ଷା ପ୍ରତିଷ୍ଠାନଗୁଡିକ ପାଇଁ ସଂରକ୍ଷିତ ବର୍ଗର ସମସ୍ତ ବ୍ୟାକ୍ଲଗ୍ ପୋଷ୍ଟଗୁଡିକ ମିଳିତ ପ୍ରୟାସ ଦ୍ୱାରା ପୂର୍ଣ୍ଣ ହେବା ନିଶ୍ଚିତ କରିବା ଜରୁରୀ ଅଟେ । UGC ର ନୂତନ ଡ୍ରାଫ୍ଟ ନିର୍ଦ୍ଦେଶାବଳୀ ଅନୁଯାୟୀ, ଏସସି, ଏସଟି କିମ୍ବା ଓବିସି ପାଇଁ ସଂରକ୍ଷିତ ପଦବୀ ଏସସି, ଏସଟି ଏବଂ ଓବିସି ପ୍ରାର୍ଥୀଙ୍କ ବ୍ୟତୀତ ଅନ୍ୟ କୌଣସି ପ୍ରାର୍ଥୀଙ୍କ ଦ୍ଵାରା ପୂରଣ କରିପାରିବେ ନାହିଁ ।

UGC ଡ୍ରାଫ୍ଟ କ’ଣ ?

ଜାରି କରାଯାଇଥିବା ଡ୍ରାଫ୍ଟରେ ଦର୍ଶାଯାଇଛି ଯେ ଗ୍ରୁପ୍ ‘ସି’ କିମ୍ବା ‘ଡି’ କ୍ଷେତ୍ରରେ ସଂରକ୍ଷଣ ପାଇଁ ପ୍ରସ୍ତାବ ବିଶ୍ୱବିଦ୍ୟାଳୟର କାର୍ଯ୍ୟନିର୍ବାହୀ ପରିଷଦକୁ ଏବଂ ଗ୍ରୁପ୍ ଏ କିମ୍ବା ବି କ୍ଷେତ୍ରରେ ଶିକ୍ଷା ମନ୍ତ୍ରଣାଳୟକୁ ଆବଶ୍ୟକ ଅନୁମୋଦନ ପାଇଁ ସମ୍ପୂର୍ଣ୍ଣ ବିବରଣୀ ପ୍ରଦାନ କରିବା ଉଚିତ୍। ଥରେ ଅନୁମୋଦନ ପାଇବା ପରେ, ପୋଷ୍ଟ ପୂରଣ ହୋଇପାରିବ ଏବଂ ସଂରକ୍ଷଣ ସହିତ ଅଗ୍ରଗତି ହୋଇପାରିବ । ଡ୍ରାଫ୍ଟରେ ଆହୁରି ମଧ୍ୟ କୁହାଯାଇଛି ଯେ ପଦୋନ୍ନତି କ୍ଷେତ୍ରରେ ଯଦି ସଂରକ୍ଷିତ ଖାଲି ପଦବୀ ପାଇଁ ପଦୋନ୍ନତି ପାଇଁ ପର୍ଯ୍ୟାପ୍ତ ସଂଖ୍ୟକ ଏସସି ଏବଂ ଏସଟି ପ୍ରାର୍ଥୀ ଉପଲବ୍ଧ ନହୁଅନ୍ତି, ତେବେ ଏହି ପଦବୀଗୁଡିକ ଅସଂରକ୍ଷିତ ହୋଇ ଅନ୍ୟ ସମ୍ପ୍ରଦାୟର ପ୍ରାର୍ଥୀମାନଙ୍କ ଦ୍ଵାରା ପୂରଣ କରାଯାଇପାରିବ ।

The post ସାଧାରଣ ବର୍ଗରୁ ଏସସି, ଏସଟି ଏବଂ ଓବିସି ପଦବୀ ପୂରଣ ହେବ ନାହିଁ । UGC ପ୍ରସ୍ତାବକୁ ଶିକ୍ଷା ମନ୍ତ୍ରଣାଳୟର  ପ୍ରତ୍ୟାଖ୍ୟାନ । first appeared on Kanak News.

from Kanak News
via <a href="https://ifttt.com/?