କନକ ବ୍ୟୁରୋ: ପାଣି ପାଇଁ ରାସ୍ତାରୋକ୍ । ମୟୁରଭଞ୍ଜ ଜିଲ୍ଲା କରଞ୍ଜିଆ ବ୍ଲକ ଅନ୍ତର୍ଗତ ୨୨୦ ନମ୍ବର ରାଜ୍ୟ ରାଜପଥକୁ ଅବରୋଧ କଲେ ବିଉଁରିଆ ଗାଁର ଲୋକେ । ଦୀର୍ଘ ଦିନ ହେଲା ଗାଁରେ ପାଣି ସମସ୍ୟା ଲାଗି ରହିଛି । ଏନେଇ ବାରମ୍ବାର ପ୍ରଶାସନ ନିକଟରେ ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନହେବାରୁ ଆଜି ଶତାଧିକ ମହିଳା ଗରା ବାଲଟି ଧରି ରାସ୍ତା ଅବରୋଧ କରିଛନ୍ତି । ସକାଳ ୮ଟାରୁ ରାଜରାସ୍ତାରେ ଲୋକେ ଆନ୍ଦୋଳନ ଜାରି ରଖିଛନ୍ତି । ଯାହା ଫଳରେ ରାସ୍ତାରେ ଗାଡ଼ି ମଟର ଅଟକି ରହିଛି । ଯାନବାହାନ ଚଳାଚଳ ବାଧାପ୍ରାପ୍ତ ହୋଇଛି ।
ଘଟଣାସ୍ଥଳରେ ସ୍ଥାନୀୟ ପୋଲିସ ଓ ବିଭାଗୀୟ ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ ମଧ୍ୟ ଗ୍ରାମବାସୀ ତାଙ୍କ ଜିଦରେ ଅଟଳ ରହିଛନ୍ତି ।
The post ଗାଁକୁ ଆସୁନି ପାଣି। ଗରା, ବାଲଟି ଧରି ରାସ୍ତାରୋକ କଲେ କରଞ୍ଜିଆ ବ୍ଲକର ବିଉଁରିଆ ଗ୍ରାମବାସୀ first appeared on Kanak News.
from Kanak News
via <a href="https://ifttt.com/?
News Bytes 