କନକ ବ୍ୟୁରୋ : ଭୁବନେଶ୍ବର ନୀଳାଦ୍ରି ବିହାର ସ୍ଥିତ ଉତ୍କଳ ହସ୍ପିଟାଲରେ ୭୫ ତମ ସାଧାରଣତନ୍ତ୍ର ଦିବସ ପାଳନ ହୋଇଛି ।ଏହି ଅବସରରେ ହସ୍ପିଟାଲ ପରିସରରେ ପତାକା ଉତ୍ତୋଳନ କରାଯାଇଥିଲା। ଏହି କାର୍ଯ୍ୟକ୍ରମରେ ହସ୍ପିଟାଲର ଡକ୍ଟର, ଷ୍ଟାଫ୍, ରୋଗୀମାନଙ୍କ ପରିଜନମାନେ ଏବଂ ଅନେକ ଜନସାଧାରଣ ଉପସ୍ଥିତ ଥିଲେ।
ଏହି କାର୍ଯ୍ୟକ୍ରମରେ ଯୋଗ ଦେଇ ହସ୍ପିଟଲର ମାନେଜିଙ୍ଗ ଡିରେକ୍ଟର,ଡକ୍ଟର ପ୍ରଜ୍ଞାନ ରଞ୍ଜନ ଘଡାଇ ଉପସ୍ଥିତ ଜନସାଧାରଣ ଏବଂ କର୍ମଚାରୀ ମାନଙ୍କୁ ଉଦବୋଧନ ଦେଇ ଜନସାଧାରଣଙ୍କର ସେବାରେ ବ୍ରତୀ ହେବା ପାଇଁ କହିଥିଲେଏବଂ ଦେଶର ସେବା ପାଇଁ ନିଜକୁ ଉତ୍ସର୍ଗୀକୃତ କରିବା ପାଇଁ ପରାମର୍ଶ ଦେଇଥିଲେ । ସାଧାରଣତନ୍ତ୍ର ଦିବସ ପାଇଁ ହସ୍ପିଟାଲ ପରିସରରେ ମିଷ୍ଟାନ ବଣ୍ଟନ କରାଯାଇଥିଲା ।

The post ଉତ୍କଳ ହସ୍ପିଟାଲରେ ୭୫ତମ ସାଧାରଣତନ୍ତ୍ର ଦିବସ ପାଳିତ । ଜନସେବାରେ ବ୍ରତୀ ହେବାକୁ ପରାମର୍ଶ ଦେଲେ ହସ୍ପିଟାଲ କର୍ତ୍ତୃପକ୍ଷ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବିହାରରେ ରାଜନୈତିକ ଝଡ ଉଠିଥିବା ବେଳେ ସମାଜବାଦୀ ପାର୍ଟି ନେତା ଅଖିଳେଶ ଯାଦବ ବଡ ବୟାନ ଦେଇଛନ୍ତି । ଅଖିଳେଶ କହିଛନ୍ତି, ନୀତିଶ କୁମାର ଇଣ୍ଡିଆ ମେଣ୍ଟରେ ରହିଥିଲେ ପ୍ରଧାନମନ୍ତ୍ରୀ ହୋଇପାରିଥାନ୍ତେ । କାରଣ ନୀତିଶଙ୍କୁ ମେଣ୍ଟରେ ସଂଯୋଜକ କିମ୍ବା ଅନ୍ୟ ବଡ ପଦ ପଦବୀ ମିଳିଥାନ୍ତା । ଏହାସହ ଅଖିଳେଶ କହିଛନ୍ତି, ଏବେ କଂଗ୍ରେସ ଦଳକୁ ଆଗକୁ ଆସିବା ଉଚିତ୍ । ଇଣ୍ଡିଆ ମେଣ୍ଟ ଓ ନୀତିଶ କୁମାରଙ୍କୁ ନେଇ କଂଗ୍ରେସ ଯେଉଁ ତତ୍ପରତା ଦେଖାଇବା କଥା ତାହା ଏବେ ପର୍ଯ୍ୟନ୍ତ ଦେଖାଇ ନାହିଁ । ନୀତିଶ କୁମାରଙ୍କ ସହ କଂଗ୍ରେସ ଆଲୋଚନା କରିବା ଆବଶ୍ୟକ ଥିଲା । ଏବେ ମଧ୍ୟ ମୁଁ ଚାହୁଁଛି, ନୀତିଶ କୁମାର ଇଣ୍ଡିଆ ମେଣ୍ଟରେ ରୁହନ୍ତୁ । କାରଣ ନୀତିଶଙ୍କ ଉଦ୍ୟମରେ ହିଁ ଇଣ୍ଡିଆ ମେଣ୍ଟ ଗଠନ ହୋଇଥିଲା ।

ସେହିଭଳି ଆଗାମୀ ନିର୍ବାଚନରେ ରାହୁଲଙ୍କ ସହ ପ୍ରଚାର କରିବା ପ୍ରଶ୍ନରେ ଅଖିଳେଶ କହିଛନ୍ତି, ଏବେ ଏହାର ଆକଳନ କରିବା ଠିକ୍ ହେବନି । ସମୟ କହିବ, ରାହୁଲଙ୍କ ସହ ପ୍ରଚାର କରିବି କି ନାହିଁ । କିନ୍ତୁ ପ୍ରଧାନମନ୍ତ୍ରୀ ପଦ ରେସରେ ମୁଁ ନାହିଁ । ଯେଉଁଠି ଆଞ୍ଚଳିକ ଦଳ ଶକ୍ତିଶାଳୀ ଅଛନ୍ତି ସେଠାରେ ସେମାନଙ୍କୁ ଗୁରୁତ୍ୱ ଦେବା କଥା । ସେହିଭଳି ରାମମନ୍ଦିରକୁ ନେଇ ଅଖିଳେଶ କହିଛନ୍ତି, ରାମମନ୍ଦିରକୁ ନେଇ ବିଜେପି ରାଜନୀତି କରୁଛି । ଏହି ପ୍ରସଙ୍ଗ ଉଠାଇ ନିର୍ବାଚନରେ ଲାଭ ଉଠାଇବାକୁ ବିଜେପି ପ୍ରୟାସ କରୁଥିବା କହିଛନ୍ତି ଅଖିଳେଶ ।

ନୀତିଶ କୁମାର ଖୁବଶୀଘ୍ର ଆରଜେଡି ସହ ଥିବା ମେଣ୍ଟ ସରକାରରୁ ଓହରିଯିବେ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି । ନୀତିଶ ଏନଡିଏ ସହ ମିଶି ବିହାରରେ ସରକାର ଗଢିବାକୁ ମନସ୍ଥିର କରିଥିବା ସୂଚନା ମିଳୁଛି । ଏପରିକି କେଉଁ ମୁହୂର୍ତ୍ତରେ ବି ବିହାରରେ ସରକାର ଭାଙ୍ଗିପାରେ ।

The post ଇଣ୍ଡିଆ ମେଣ୍ଟରେ ରହିଥିଲେ ନୀତିଶ କୁମାର ପ୍ରଧାନମନ୍ତ୍ରୀ ହୋଇଥାନ୍ତେ । ବିହାର ରାଜନୀତିକୁ ନେଇ ବଡ ବୟାନ ଦେଲେ ଅଖିଳେଶ ଯାଦବ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉତ୍ତରାଖଣ୍ଡ ୱାକଫ୍ ବୋର୍ଡର ବଡ ନିଷ୍ପତ୍ତି । ଆସନ୍ତା ଶିକ୍ଷା ବର୍ଷ ଠାରୁ ରାଜ୍ୟର ସବୁ ମଦ୍ରାସାରେ ପଢାଯିବ ଶ୍ରୀରାମଙ୍କ କଥା । ଏହାକୁ ପାଠ୍ୟକ୍ରମରେ ସାମିଲ କରାଯିବ । ୱାକଫ୍ ବୋର୍ଡ ଅଧ୍ୟକ୍ଷ ସାଦାବ୍ ଶସ୍ମ କହିଛନ୍ତି ଯେ, ପିଲାମାନେ ଔରଙ୍ଗଜେବଙ୍କ ବଳି ନୁହେଁ ବରଂ ଶ୍ରୀରାମଙ୍କ ଭଳି ଆଦର୍ଶବାନ୍ ହେବା ଉଚିତ ।

ୱାକଫ୍ ବୋର୍ଡ ଅଧ୍ୟକ୍ଷଙ୍କ କହିବା ମୁତାବକ, ୱାକଫ୍ ବୋର୍ଡ ଅଧିନରେ ଥିବା ୧୧୭ଟି ମଦ୍ରାସାରେ ନୂତନ ଶିକ୍ଷା ବର୍ଷ ଆରମ୍ଭରେ ହରିଦ୍ୱାର, ଉଦ୍ଧମସିଂ ନଗର, ନୈନିତାଲ ଜିଲ୍ଲାରେ ପ୍ରଥମେ ଏହି ପାଠ୍ୟକ୍ରମକୁ ଆରମ୍ଭ କରାଯିବ । କାରଣ ପ୍ରଭୁ ଶ୍ରୀରାମ ନିଜ ପିତାଙ୍କ ପ୍ରତିଜ୍ଞା ପାଳନ କରିବାକୁ ସବୁ ଐଶ୍ୱର୍ଯ୍ୟକୁ ପଛରେ ପକାଇ ବନକୁ ଗଲେ । ତେଣୁ ଏଭଳି ଏକ ସୁପୁତ୍ର ପାଇବାକୁ କେଉଁ ବାପା, ମା’ ନଚାହାଁନ୍ତି?

ବିଂଶ ଶତାବ୍ଦିର ଦାର୍ଶନିକ ଅଲ୍ଲାମା ଇକବାଲଙ୍କୁ ମନେପକାଇ ଶସ୍ମ କହିଛନ୍ତି ଯେ, ହିନ୍ଦୁସ୍ତାନ ଶ୍ରୀରାମଙ୍କ ପାଇଁ ଗର୍ବିତ. ଲୋକେ ତାଙ୍କୁ ହିନ୍ଦୁସ୍ତାନର ନେତା ମାନନ୍ତି । କେବଳ ଏତିକି ନୁହେଁ ତାଙ୍କ ସହ ସବୁ ସୁଖ ସ୍ୱାଚ୍ଛନ୍ଦକୁ ପଛରେ ପକାଇ ତାଙ୍କ ସହ ବନାଗମନ କରିଥିବା ଭାଇ ଲକ୍ଷ୍ମଣ ଓ ଦେବୀ ସୀତାଙ୍କ ଜୀବନୀ ମଧ୍ୟ ବେଶ୍ ପ୍ରେରଣାଦାୟୀ, ଯାହା ପ୍ରତ୍ୟେକ ଛାତ୍ରଛାତ୍ରୀ ପଢିବା ଉଚିତ ।

The post ମଦ୍ରାସାରେ ପଢା ହେବ ରାମ କଥା! ୱାକଫ୍ ବୋର୍ଡ ଅଧ୍ୟକ୍ଷ କହିଲେ , ପିଲାମାନେ ଔରଙ୍ଗଜେବଙ୍କ ଭଳି ନୁହେଁ ଶ୍ରୀରାମଙ୍କ ଭଳି ହେବା ଉଚିତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସିନେମା ଅଭିନେତାରୁ ରାଜନେତା ହୋଇଥିବା ଅଭିନେତା ବିଜୟ ଖୁବଶୀଘ୍ର ରାଜନୀତିରେ ପାଦ ଦେବାକୁ ଯାଉଛନ୍ତି । ଏବେ ସେ ନିଜର ରାଜନୈତିକ ପାର୍ଟି ପଞ୍ଜିକରଣ ପକ୍ରିୟା ଆରମ୍ଭ କରିଦେଇଛନ୍ତି । ଗୋଟିଏ ମାସ ମଧ୍ୟରେ ତାଙ୍କ ରାଜନୈତିକ ଦଳର ପଞ୍ଜିକରଣ ହୋଇଯିବ ବୋଲି କୁହାଯାଉଛି ।

ମେଗା ଷ୍ଟାର ବିଜୟ ତାମିଲନାଡୁ ଓ କେରଳରେ ଅନେକଗୁଡିଏ ଜନ କଲ୍ୟାଣ କାର୍ଯ୍ୟକ୍ରମ ଜାରି ରଖିଛନ୍ତି । ସେ ୨୦୧୮ ମସିହାରେ ଥୁଥୁକୁଡି ପୋଲିସ ଦ୍ୱାରା କରାଯାଇଥିବା ଗୁଳିମାଡରେ ମୃତ୍ୟୁବରଣ କରିଥିବା ଲୋକଙ୍କ ପରିବାର ସଦସ୍ୟଙ୍କୁ ଭେଟିଥିଲେ । ଏହାପରେ ସେ ରାଜନୀତିରେ ପ୍ରବେଶ କରି ସ୍ଥାନୀୟ ମୁନିସପାଲିଟି ନିର୍ବାଚନରେ ପ୍ରାର୍ଥୀ ହୋଇଥିଲେ ।

କେବଳ ସେତିକି ନୁହେଁ ଗତମାସ ବନ୍ୟା ପ୍ରପିଡୀତ ଲୋକଙ୍କ ପାଖରେ ପହଂଚି ସେମାନଙ୍କୁ ରିଲିଫ୍ ଯୋଗାଇଥିଲେ । ତାମିଲନାଡୁର ବିରୋଧୀଦଳ ନେତାମାନେ ଆଶା କରିଥିଲେ କି ବିଜୟ ଖୁବଶୀଘ୍ର ରାଜନୀତିରେ ପ୍ରବେଶ କରିବେ । ହେଲେ ବିଜୟଙ୍କ ସମର୍ଥକମାନଙ୍କ ଦାବିକୁ ସମ୍ମାନ ଦେଇ ବିଜୟ ଏବେ ନୂଆ ଦଳ ଗଢିବାକୁ ଯାଉଛନ୍ତି ।

ରାଜନୈତିକ ଦଳ ପଞ୍ଜିକରଣ ହେବା ପୂର୍ବରୁ ଗୁରୁବାର ଦିନ ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା । ଏଥିରେ ବିଜୟଙ୍କ ପାର୍ଟି ପଞ୍ଜିକରଣ ଓ ପାର୍ଟିର ଅଧ୍ୟକ୍ଷ ଭାବେ ବିଜୟଙ୍କ ନାମ ଉପରେ ସହମତି ପ୍ରକାଶ ପାଇଛି । ଆଗାମୀ ୧ ମାସ ମଧ୍ୟରେ ପାର୍ଟିର ପଞ୍ଜିକରଣ ପ୍ରକ୍ରିୟା ଶେଷ ହେବ ବୋଲି କୁହାଯାଇଛି ।

The post ଖୁବଶୀଘ୍ର ପଞ୍ଜିକୃତ ହେବାକୁ ଯାଉଛି ଅଭିନେତା ବିଜୟଙ୍କ ରାଜନୈତିକ ପାର୍ଟି । ଜେନେରାଲ କାଉଁସିଲର ମଞ୍ଜୁରୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଧନୁଯାତ୍ରା ସାରି ପୁରୀରେ ପହଞ୍ଚିିଛନ୍ତି ମହାରାଜ କଂସ । ମହୋଦଧିରେ ପାପ ଧୋଇଛନ୍ତି କଂସ ଭୂମିକାରେ ଅଭିନୟ କରିବା ଥିବା ହୃଷିକେଶ ଭୋଇ । ଧନୁଯାତ୍ରାରେ ଭଗବାନ କୃଷ୍ଣଙ୍କ ବିରୋଧରେ ଅପଶବ୍ଦ ପ୍ରୟୋଗ କରିଥିବାରୁ କ୍ଷମା ପ୍ରାର୍ଥନା କରିଛନ୍ତି । ମହୋଦଧୀରେ ସ୍ନାନ କରିବା ପରେ ଶ୍ରୀମନ୍ଦିରରେ ପହଂଚିଥିଲେ । ଶ୍ରୀଜିଉଙ୍କ ସାମ୍ନାରେ ସାଷ୍ଟାଙ୍ଗ ପ୍ରଣିପାତ କରି ପଶ୍ଚାତାପ କରିଛନ୍ତି ହୃଷିକେଶ ଭୋଇ । ଗତକାଲି ଥିଲା ଧନୁଯାତ୍ରାର ଶେଷ ଦିନ । କଂଶ ବଧ ସହ ଉଦଯାପିତ ହୋଇଛି ୭୬ ତମ ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରା । ଅନ୍ତିମ ଦିବସରେ କୃଷ୍ଣ ବଳରାମଙ୍କ ଦ୍ୱାରା କୁବଳୟା ହସ୍ତୀ, ଚାଣୁର-ମୁଷ୍ଟିକ, ଶିବଧନୁ ଭଙ୍ଗ ସହ କଂସ ବଧ ହୋଇଥିଲା । ପରେ ଉଗ୍ରସେନଙ୍କ ରାଜ୍ୟାଭିଷେକ ସହ ୧୧ ଦିନ ଧରି ଚାଲିଥିବା ଏହି ମହାନାଟକ ଶେଷ ହୋଇଛି ।

The post ମହୋଦଧିରେ ପାପ ଧୋଇଲେ କଂସ । ସମୁଦ୍ରରେ ସ୍ନାନ ପରେ ମହାପ୍ରଭୁ ଜଗନ୍ନାଥଙ୍କ ପାଖରେ କ୍ଷମା ପ୍ରାର୍ଥନା କଲେ ହୃଷିକେଶ ଭୋଇ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବିହାର ରାଜନୀତିରେ ବଡ ଧରଣର ଓଲଟପାଲଟ ହୋଇପାରେ । ଭାଙ୍ଗିପାରେ ଜେଡିୟୁ-ଆରଜେଡି ମେଣ୍ଟ ସରକାର । ଆରଜେଡିକୁ ବାଏ ବାଏ କରି ବିଜେପି ସହ ମିଶି ସରକାର ଗଠନ କରିପାରନ୍ତି ନୀତିଶ କୁମାର । ଏନେଇ ଜାତୀୟ ଗଣମାଧ୍ୟମରେ ଜୋରଦାର ଚର୍ଚ୍ଚା ହେଉଛି । ଆସନ୍ତା ୨୮ ଜାନୁଆରୀରେ ନୀତିଶ କୁମାର ୯ମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଇପାରନ୍ତି । ସେହିଭଳି ସୁଶୀଳ ମୋଦି ଉପ-ମୁଖ୍ୟମନ୍ତ୍ରୀ ଭାବେ ଶପଥ ନେଇପାରନ୍ତି ।

ବିହାର ରାଜନୀତିରେ ହଲଚଲ ଭିତରେ ଜେଡିୟୁ ନିଜର ସମସ୍ତ ବିଧାୟକଙ୍କୁ ପାଟନାରେ ଉପସ୍ଥିତ ରହିବାକୁ ନିର୍ଦ୍ଦେଶ ଦେଇଛି । ଏପରିକି ସମସ୍ତ ଦଳୀୟ କାର୍ଯ୍ୟକ୍ରମକୁ ମଧ୍ୟ ରଦ୍ଦ କରାଯାଇଛି । ଆସନ୍ତା ୨୮ ତାରିଖରେ ପାଟନାରେ ମହାରାଣା ପ୍ରତାପ ରାଲି ହେବାକୁ ସ୍ଥିର ହୋଇଥିଲା ଯାହାକୁ ଜେଡିୟୁ ପକ୍ଷରୁ ରଦ୍ଦ କରାଯାଇଛି । ଅନ୍ୟପଟେ ବିହାର ବିଜେପିର ନେତା ଦଳର ଶୀର୍ଷ ନେତୃତ୍ୱଙ୍କ ସହ ଲଗାତାର ସମ୍ପର୍କରେ ରହିଛନ୍ତି । ଏପରିକି ସହଯୋଗୀ ଦଳ ସହ ମଧ୍ୟ ଦିଲ୍ଲୀରୁ ଆଲୋଚନା ଜାରି ରହିଥିବା ସୂଚନା ମିଳୁଛି ।

ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ନୀତିଶ କୁମାର ଓ ବିଜେପି ମଧ୍ୟ ଡିଲ୍ ଫାଇନାଲ ହୋଇଛି । ପୁଣିଥରେ ନୀତିଶଙ୍କୁ ଏନଡିଏରେ ସାମିଲ କରିବାକୁ ବିଜେପି ରାଜି ହୋଇଛି । ଆସନ୍ତା ଲୋକସଭା ନିର୍ବାଚନ ପର୍ଯ୍ୟନ୍ତ ନୀତିଶ ମୁଖ୍ୟମନ୍ତ୍ରୀ ରହିପାରନ୍ତି । ଲୋକସଭା ନିର୍ବାଚନ ସହ ବିହାର ବିଧାନସଭା ନିର୍ବାଚନ ହୋଇପାରେ ।

The post ଏନଡିଏକୁ ପୁଣି ଫେରିବେ ନୀତିଶ ! ଆସନ୍ତା ୨୮ରେ ପୁଣିଥରେ ନେଇପାରନ୍ତି ମୁଖ୍ୟମନ୍ତ୍ରୀ ଭାବେ ଶପଥ, ଲୋକସଭା ନିର୍ବାଚନ ସହ ହୋଇପାରେ ବିଧାନସଭା ନିର୍ବାଚନ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କଂଶ ବଧ ସହ ଉଦଯାପିତ ହେଲା ୭୬ ତମ ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରା । ଅନ୍ତିମ ଦିବସରେ କୃଷ୍ଣ ବଳରାମଙ୍କ ଦ୍ୱାରା କୁବଳୟା ହସ୍ତୀ, ଚାଣୁର-ମୁଷ୍ଟିକ, ଶିବଧନୁ ଭଙ୍ଗ, କଂସ ବଧ ହୋଇଥିଲା । ପରେ ଉଗ୍ରସେନଙ୍କ ରାଜ୍ୟାଭିଶେକ ସହ ୧୧ ଦିନ ଧରି ଚାଲିଥିବା ଏହି ମହାନାଟକ ଶେଷ ହୋଇଛି । ଶେଷ ଦିନରେ କୃଷ୍ଣ, ବଳରାମ ମଥୁରା ଭ୍ରମଣ ସାରି ରାଜ ଦରବାରରେ ପହଂଚିଥିଲେ । ମୁଖ୍ୟ ଦ୍ୱାରରେ ରାସ୍ତା ଅବରୋଧ କରି ଠିଆ ହୋଇଥିବା କୁବଳୟା ହସ୍ତୀ ପ୍ରଥମେ ବଦ୍ଧ କରିଥିଲେ । ପରେ ଅଷ୍ଟମହ୍ଲ ବୀର ଗଣ କୃଷ୍ଣ ବଳରାମଙ୍କ ସହ ଯୁଦ୍ଧ କରି ନିହତ ହୋଇଥିଲେ । ଏହା ପରେ ରଣାଙ୍ଗନକୁ ଓହ୍ଲାଇଥିଲେ କଂସ । ଶେଷରେ କଂସର ବଦ୍ଧ କରିଥିଲେ କୃଷ୍ଣ, ବଳରାମ ।

The post ସରିଲା ବିଶ୍ୱ ପ୍ରସିଦ୍ଧ ଧନୁଯାତ୍ରା । ମହାରାଜା କଂସଙ୍କୁ ବଧ କଲେ କୃଷ୍ଣ, ବଳରାମ, ରାଜତନ୍ତ୍ର ଯାଇ ବରଗଡରେ ପୁଣି ଫେରିଲା ଗଣତନ୍ତ୍ର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଲୋକସଭା ନିର୍ବାଚନ ପୂର୍ବରୁ ବିରୋଧୀ ମେଂଟକୁ ବଡ ଝଟକା । ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ୟୁ-ଟର୍ଣ୍ଣ । ଇଣ୍ଡିଆ ଛାଡି ଏନଡିଏ ମେଂଟରେ ସାମିଲ ହେବ ଜେଡିୟୁ । ଦଳର ବରିଷ୍ଠ ନେତାଙ୍କ ସହ ରୁଦ୍ଧଦ୍ୱାର ବୈଠକ ପରେ ଚର୍ଚ୍ଚା । ଆସନ୍ତା ୪ ତାରିଖରେ ବିହାରର ବେଟିଆରେ ଗୋଟିଏ ମଂଚରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ନୀତୀଶ କୁମାର ଏକାଠୀ ହୋଇପାରନ୍ତି । ସବୁ କାର୍ଯ୍ୟକ୍ରମ ବାତିଲ କରି ମୁଖ୍ୟମନ୍ତ୍ରୀ ନୀତୀଶ କୁମାର ରୁଦ୍ଧଦ୍ୱାର ବୈଠକ କରିଛନ୍ତି । ବୈଠକ ପଛର କାରଣ ଆରଜେଡି ଓ ଜେଡିୟୁ ଭିତର ବିବାଦ ବୋଲି କୁହାଯାଉଛି । ସେପଟେ ଆରଜେଡି ଶିବିରରେ ହଇଚଇ ଦେଖାଦେଇଛି । ବୁଧବାର ଏକ କାର୍ଯ୍ୟକ୍ରମରେ ନୀତୀଶ ପରୋକ୍ଷରେ ଆରଜେଡିକୁ ଟାର୍ଗେଟ କରିଥିଲେ । ବିନା ନା ନେଇ ବଂଶବାଦ ପ୍ରସଙ୍ଗ ଉଠାଇଥିଲେ । ଏହା ପରେ ଉଭୟ ଦଳ ମଧ୍ୟରେ ଯେଉଁ ବିବାଦ ଓ ତିକ୍ତତା ଥିଲା ତାହା ବଢ଼ିବାରେ ଲାଗିଛି । ସେପଟେ ବିହାର ରାଜନୀତିରେ କ’ଣ ଚାଲିଛି ତା ଉପରେ ନଜର ରଖିଛି ବିଜେପି । ବୁଧବାର ପ୍ରଧାନମନ୍ତ୍ରୀ ମୋଦୀ, ଗୃହମନ୍ତ୍ରୀ ଅମିତ ଶାହା ଓ ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କ ମଧ୍ୟରେ ବସିଥିବା ବୈଠକରେ ବିହାର ରାଜନୀତି ଘଟଣାକ୍ରମ ଉପରେ ଚର୍ଚ୍ଚା କରାଯାଇଛି ।

The post ବିହାରରେ ବଡ଼ ରାଜନୈତିକ ହଲଚଲ । ଜେଡିୟୁ ଆରଜେଡି ମେଂଟରେ ଫାଟ, ଖୁବଶୀଘ୍ର ବିଜେପି ସହ ସରକାର ଗଢିପାରନ୍ତି ନୀତୀଶ କୁମାର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସଜେଇ ହେଉଛି ମା’ ସମଲେଶ୍ୱରୀଙ୍କ ପୀଠ । ଆସନ୍ତାକାଲି ସମଲେଇ ପୀଠର ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୁରୀ ପରିକ୍ରମା ପ୍ରକଳ୍ପ ପରେ ଏହା ରାଜ୍ୟ ସରକାରଙ୍କ ଆଉ ଏକ ଗୁରୁତ୍ୱପୂର୍ଣ୍ଣ ପ୍ରକଳ୍ପ । ପଶ୍ଚିମ ଓଡ଼ିଶାର ଆରାଧ୍ୟ ମା’ ସମଲେଶ୍ୱରୀଙ୍କ ମନ୍ଦିରର ଭବ୍ୟ ରୂପାନ୍ତରଣ କରାଯାଇଛି । ଭକ୍ତଙ୍କୁ ଦିବ୍ୟ ଅନୁଭବ ଦେବା ପାଇଁ ପ୍ରୟାସ ହୋଇଛି । ବିଶେଷ କରି ମନ୍ଦିର ସୁରକ୍ଷା, ବିକାଶ ଓ ଭକ୍ତଙ୍କ ସୁବିଧାକୁ ଦିଆଯାଇଛି ଗୁରୁତ୍ୱ । ସୁନ୍ଦର ଢଙ୍ଗରେ ସଜେଇ ହୋଇଛି ମା’ ସମଲେଶ୍ୱରୀ ମନ୍ଦିର । ରଙ୍ଗ ବେରଙ୍ଗ ଆଲୋକ ମାଳାରେ ସଜେଇ ହୋଇଛି ସମଲେଶ୍ୱରୀ ପୀଠ । ଏହା ପୂର୍ବରୁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଂଚିଛି । ହଜାର ହଜାର ଭକ୍ତଙ୍କ ସମାଗମକୁ ଦୃ୍ଷ୍ଟିରେ ରଖି ସୁରକ୍ଷାବ୍ୟବସ୍ଥା କଡ଼ାକଡ଼ି କରାଯାଇଛି । ସୁରକ୍ଷା ଦୃଷ୍ଟିରୁ ୩୫ ପ୍ଲାଟୁନ ଫୋର୍ସ ମୁତୟନ କରାଯିବ । ଶ୍ରଦ୍ଧାଳୁଙ୍କ ଦର୍ଶନ ପାଇଁ ବ୍ୟାରିକେଡ୍ ବ୍ୟବସ୍ଥା ମଧ୍ୟ କରାଯାଇଛି । ଲୋକାର୍ପଣ ଦିନ ସନ୍ଧ୍ୟାରେ ସାଂସ୍କୃତିକ ତଥା ଆଧ୍ୟାତ୍ମିକ କାର୍ଯ୍ୟକ୍ରମର ଆୟୋଜନ କରାଯିବ । ତେବେ କାଲି ଉଦଘାଟନ ଉତ୍ସବ ପାଇଁ ସକାଳ ୯ଟାରୁ ମଧ୍ୟାନ ୨ଟା ଯାଏ ସାଧାରଣ ଦର୍ଶନ ବନ୍ଦ ରହିବ ।

ଆରମ୍ଭ ହେଲା କଳସ ଯାତ୍ରା । ମହାନଦୀ ମାରୱାଡ଼ି ଘାଟରୁ ଉଠିଲା ୧୧ଶହ କଳସ । ସମ୍ବଲପୁରର ବିଭିନ୍ନ ସ୍ଥାନରୁ ଆସି ସ୍ୱତଃପ୍ରବୃତ ଭାବେ ଏହି କଳସ ଯାତ୍ରାରେ ସାମିଲ ହୋଇଛନ୍ତି ମହିଳାମାନେ । ବିଭିନ୍ନ ବର୍ଗର ମହିଳାମାନେ ଏହି କଳସ ଯାତ୍ରାରେ ସାମିଲ ହୋଇଛନ୍ତି । ଉପବାସ ରହି କଳସ ଶୋଭାଯାତ୍ରାରେ ଜଳ ନେଇ ମହାନଦୀରୁ ମନ୍ଦିର ଯିବେ । ନଗର ପରିକ୍ରମା କରି ମନ୍ଦିରରେ ପହଂଚିବା ପରେ ମା ସମଲେଇ ପାଖରେ ଉପବାସ ଭାଙ୍ଗିବେ । ତେଣୁ ଏହି କଳସ ଯାତ୍ରାରେ ସାମିଲ ହୋଇ ଖୁସି ଥିବା କହିଛନ୍ତି ମହିଳା ।

The post ସମଲେଇ ପ୍ରକଳ୍ପ ଉଦଘାଟନ ପୂର୍ବରୁ କଳସ ଯାତ୍ରା । ମହାନଦୀ ମାରୱାଡ଼ି ଘାଟରୁ ଉଠିଲା ୧୧ଶହ କଳସ, ଆସନ୍ତାକାଲି ମା’ ସମଲେଇ ପ୍ରକଳ୍ପର ଲୋକାର୍ପଣ ଉତ୍ସବ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶଙ୍ଖ ଭବନରେ ପାଳନ ହୋଇଯାଇଛି ୭୫ ତମ ସାଧାରଣତନ୍ତ୍ର ଦିବସ । ବିଜେଡି ପକ୍ଷରୁ ବରିଷ୍ଠ ନେତା ତଥା ଉପସଭାପତି ଦେବୀ ମିଶ୍ର ଜାତୀୟ ପତକା ଉତ୍ତୋଳନ କରିଛନ୍ତି । ଏହି ଅବସରରେ ଦଳର ସାଧାରଣ ସମ୍ବାଦକ ସଞ୍ଜୟ ଦାସ ବର୍ମା, ବିଧାୟକ ପ୍ରଫୁଲ ସାମଲ, ମୟେର ସୁଲୋଚନା ଦାସ ପ୍ରମୁଖ ଉପସ୍ଥିତ ଥିଲେ ।

ରାଜ୍ୟ ବିଜେପି କାର୍ଯ୍ୟାଳୟରେ ୭୫ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ରାଜ୍ୟ ବିଜେପି ସଭାପତି ମନମୋହନ ସାମଲ ଜାତୀୟ ପତାକା ଉତ୍ତୋଳନ କରିଥିଲେ । ଏହି ଅବସରରେ ମନମୋହନ ଦେଶ ଗଠନରେ ବଳିଦାନ ଦେଇଥିବା ସ୍ୱାଧୀନତା ସଂଗ୍ରାମୀଙ୍କ କଥା ମନେପକାଇଥିଲେ । ସେହିପରି ବର୍ତ୍ତମାନ ସମୟରେ ଦେଶ କିପରି ଆଗକୁ ବଢ଼ିବ ଅଭିଭାଷଣ ଦେଇଥିଲେ ।

କଂଗ୍ରେସ ଭବନରେ ପାଳିତ ହୋଇଛି ସାଧାରଣତନ୍ତ୍ର ଦିବସ । ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକ କଂଗ୍ରେସ ଭବନରେ ଜାତୀୟ ପତକା ଉତ୍ତୋଳନ କରିଛନ୍ତି । ପତାକା ଉତ୍ତୋଳନ ବେଳେ ଦଳୀୟ ବିଧାୟକ, ନେତା ଓ କର୍ମୀ ଉପସ୍ଥିତ ଥିଲେ ।

The post ବିଭିନ୍ନ ଦଳୀୟ କାଯ୍ୟାଳୟରେ ଜାତୀୟ ପତାକା ଉତ୍ତୋଳନ । ଧର୍ମକୁ ନେଇ ରାଜନୀତି ଓ ଦେଶର ବିକାଶ ନେଇ ଦେଲେ ଅଭିଭାଷଣ । first appeared on Kanak News.

from Kanak News
via <a href="https://ifttt.com/?