କନକ ବ୍ୟୁରୋ: ୨୨ ଜାନୁଆର, ୨୦୨୪ । ପ୍ରତିଟି ଭାରତୀୟଙ୍କ ପାଇଁ ଥିଲା ଏକ ବିଶେଷ ମୁହୂର୍ତ । ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ଯେପରି ସାରା ଦେଶରେ ଏକ ଉତ୍ସବର ମାହୋଲ ସୃଷ୍ଟି କରିଥିଲା । ଆଉ ଏହାସହ ରାମ ଯୁଗର ଆରମ୍ଭ ହୋଇଥିବା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । କିପରି ରାମଲାଲାଙ୍କ ପ୍ରାଣ ପ୍ରତିଷ୍ଠାରେ ପୂରା ଭାରତ ଏକତ୍ରିତ ହୋଇଯାଇଥିଲା, ଏବଂ ସମସ୍ତଙ୍କ ମୁହଁରେ ରାମ ରାମ ଥିଲା, ତାହା ଏହି ଭିଡିଓରେ କହିଛନ୍ତି ମୋଦୀ । ମୋଦୀ କହିଛନ୍ତି, କାଲି ଆମେ ଯାହା ଦେଖିଲୁ, ତାହା ବର୍ଷ ବର୍ଷ ଯାଏ ଆମ ସଂସ୍କୃତିକୁ ବଖାଣିବ । ଭିଡିଓରେ ମୋଦୀ ମନ୍ଦିର ପ୍ରବେଶ ଦ୍ୱାର ଓ ମନ୍ଦିରର ସୁନ୍ଦରତା ବିଷୟରେ କହିଛନ୍ତି ।

The post ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ସହ ଆରମ୍ଭ ହୋଇଛି ରାମ ଯୁଗର ଆରମ୍ଭ: ଟ୍ୱିଟ୍ କରି କିଛି ଏଭଳି ଅନୁଭୂତି ବଖାଣିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅସୁବିଧା ସମୟରେ ରୋଗୀଙ୍କ ପାଖରେ ଡ୍ରୋନ୍ ସାହାଯ୍ୟରେ ପହଂଚିବ ମେଡିକାଲ ସୁବିଧା । ଭୁବନେଶ୍ୱର ଏମସରେ ପ୍ରଥମ ଥର ପାଇଁ ଏହି ଡ୍ରୋନ୍ ସେବା ପରିକ୍ଷଣ କରାଯାଇଛି । ସ୍ୱାସ୍ଥ୍ୟ ସେବା କ୍ଷେତ୍ରରେ ଡ୍ରୋନ୍ ସର୍ଭିସ ଗୁରୁତ୍ୱପୂର୍ଣ୍ଣ ଭୁମିକା ଗ୍ରହଣ କରିବ । ବନ୍ୟା, ବାତ୍ୟା ଭଳି ପ୍ରାକୃତିକ ବିପର୍ଜୟ ସମୟରେ ଡ୍ରୋନ୍ ବ୍ୟବବହାର କରି ଲୋକମାନଙ୍କୁ ଅତ୍ୟାବଶ୍ୟକୀୟ ସ୍ୱାସ୍ଥ୍ୟସେବା ଯୋଗାଇଦିଆଯାଇ ପାରିବ । ଅପହଂଚ ଅଂଚଳ ଗୁଡ଼ିକରେ ମେଡ଼ିସିନ୍ ଠାରୁ ଆରମ୍ଭ କରି ରକ୍ତ, ପ୍ଲେଟ୍ଲେଟ୍ ଇତ୍ୟାଦିକୁ ସହଜରେ ଲୋକଙ୍କ ପାଖରେ ପହଂଚାଯାଇପାରିବ । ଭୁବନେଶ୍ୱର ସ୍ଥିତ ଏମସ ହସ୍ପିଟାଲରେ ପ୍ରଥମ ଥର ପାଇଁ ଡ୍ରୋନ୍ ମାଧ୍ୟମରେ ରକ୍ତ ୟୁନିଟକୁ ଏମ୍ସ ହସ୍ପିଟାଲରୁ ଖୋର୍ଦ୍ଧା ଟାଙ୍ଗୀ ଅଂଚଳକୁ ପଠାଯାଇଛି । ରକ୍ତ ପଂହଚାଇ ସେହି ଡ୍ରୋନ୍ ସୁରକ୍ଷିତ ଭାବେ ଫେରିଆସିଛି । ଆଗାମୀ ଦିନରେ ସମସ୍ତ ପରୀକ୍ଷଣ ସଫଳ ହେଲେ ଏହି ସେବାକୁ ବ୍ୟାପକ କରାଯିବ ବୋଲି କହିଛନ୍ତି ଏମ୍ସ ନିର୍ଦ୍ଦେଶକ ଡକ୍ଟର ଆଶୁତୋଷ ବିଶ୍ୱାସ ।

The post ରୋଗୀଙ୍କ ପାଖରେ ଡ୍ରୋନ୍ ସାହାଯ୍ୟରେ ପହଞ୍ଚିବ ମେଡିକାଲ ସୁବିଧା: ଭୁବନେଶ୍ୱର ଏମସରେ ପ୍ରଥମ ଥର ପାଇଁ ହେଲା ଡ୍ରୋନ୍ ସେବା ପରିକ୍ଷଣ first appeared on Kanak News.

from Kanak News
via <a href="https://ifttt.com/?

ଜଣେ ରାଜକୁମାରୀ ଯିଏ ରାଜପ୍ରାସାଦର ବିଳାସପୂର୍ଣ୍ଣତା ଛାଡି ସାଧାରଣ ଲୋକ ପରି ରେଡ୍ କ୍ରସ୍ ସୋସାଇଟିରେ କାମ କରିବେ ।  ଆମେ ଜାପାନର ରାଜକୁମାରୀ ଆଇକୋଙ୍କ ବିଷୟରେ କହୁଛୁ ।  ଜାପାନର ସମ୍ରାଟ ନାରୁହୁଟୋ ଏବଂ ସମ୍ରାଟ ମାସାକୋଙ୍କର ଏକମାତ୍ର ସନ୍ତାନ କିଏ । ଆଇକୋ ତୋଷୀ ନାମରେ ମଧ୍ୟ ଜଣାଶୁଣା ।  ଇକୋ ୟୁନିଭରସିଟିରୁ ଅଧ୍ୟୟନ ସମାପ୍ତ କରିବା ପରେ ସେ ଏପ୍ରିଲରୁ ଜାପାନର ରେଡ କ୍ରସ୍ ସୋସାଇଟିରେ କାମ କରିବା ଆରମ୍ଭ କରିବେ ।

ବାସ୍ତବରେ, ରାଜ ପରିବାରର ସଦସ୍ୟ ହେବ ସତ୍ତ୍ୱେ ୨୨ ବର୍ଷ ବୟସ୍କା ରାଜକୁମାରୀ ଆକୋ ତାଙ୍କ ପିତାଙ୍କ ଉତ୍ତରାଧିକାରୀ ହୋଇପାରିବେ ନାହିଁ, କାରଣ ଜାପାନର ନିୟମ ଅନୁଯାୟୀ କେବଳ ପୁରୁଷ ମାନେ ହିଁ  ରାଜା ସିଂହାସନରେ ବସି  ଉତ୍ତରାଧିକାରୀ ହେବାର ଅଧିକାର ଅଛି । ଏହି କାରଣରୁ ରାଜକୁମାରୀ ଇକୋଙ୍କ ନାଁ ଉତ୍ତରାଧିକାରୀ ଦୌଡ଼ରେ ନାହିଁ ।

ମୂଳରୁ ରେଡ କ୍ରସରେ କାମ କରିବାକୁ ଇଚ୍ଛା ଥିଲା

ରାଜକୁମାରୀ ଆଇକୋ କହିଛନ୍ତି ଯେ ସେ ସବୁବେଳେ ରେଡକ୍ରସ ପ୍ରତି ଆଗ୍ରହୀ ଥିଲେ। ବର୍ତ୍ତମାନ ରେଡ କ୍ରସ୍ ସୋସାଇଟିରେ ଇକୋଙ୍କ ଭୂମିକା କ’ଣ ହେବ ଏବଂ ସେ କେଉଁ କାମ କରିବେ ତାହା ସ୍ପଷ୍ଟ ହୋଇନାହିଁ । ଏହି ସମୟରେ, ଇକୋ ରାଜ ପରିବାର ପ୍ରତି ତାଙ୍କର ଅଧିକାରିକ କର୍ତ୍ତବ୍ୟ ମଧ୍ୟ ପାଳନ କରିବେ ।

ରେଡ କ୍ରସରେ ୧୯୨୩ ଟୋକିଓ ଭୂକମ୍ପର ପ୍ରଦର୍ଶନୀ ଦେଖିଥିଲେ

ଅକ୍ଟୋବରରେ ରାଜକୁମାରୀ ଆଇକୋ ୧୯୨୩ ମସିହାରେ ଘଟିଥିବା ଟୋକିଓ ଭୂକମ୍ପ ପରେ ରିଲିଫ୍ କ୍ୟାମ୍ପଗୁଡିକର ପ୍ରଦର୍ଶନୀ ଦେଖିଥିଲେ । ଏଥିପାଇଁ ସେ ତାଙ୍କ ପିତାମାତାଙ୍କ ସହ ରେଡ କ୍ରସ୍ ସୋସାଇଟି ପରିଦର୍ଶନ କରିଥିଲେ । ସାମ୍ପ୍ରତିକ ସମୟରେ ଜାପାନରେ ଅନେକ ପ୍ରାକୃତିକ ବିପର୍ଯ୍ୟୟ ଘଟିଛି ।  ରାଜକୁମାରୀ ବିପର୍ଯ୍ୟୟ ପୀଡିତ ତଥା ବଞ୍ଚିଥିବା ବ୍ୟକ୍ତିଙ୍କ ପ୍ରତି ମଧ୍ୟ ସମବେଦନା ଜଣାଇଛନ୍ତି ।

ରାଜକୁମାରୀ ଆଇକୋ ସ୍ନାତକୋତ୍ତରର ଶେଷ ବର୍ଷରେ

ରାଜକୁମାରୀ ଆଇକୋ ଗାକୁଶୁଇନ୍ ବିଶ୍ୱବିଦ୍ୟାଳୟରେ ଜାପାନୀ ଭାଷା ଏବଂ ସାହିତ୍ୟ ଅଧ୍ୟୟନ କରୁଛନ୍ତି । ଏହା ହେଉଛି ତାଙ୍କର ଶେଷ ବର୍ଷ । ଜାପାନର ଲୋକମାନେ ରାଜକୁମାରୀ ଆଇକୋଙ୍କୁ ବହୁତ ସମ୍ମାନ କରନ୍ତି । ରାଜକୁମାରୀଙ୍କ ଏହି ନୂତନ ଭୂମିକାକୁ ଅନେକ ଲୋକ ପ୍ରଶଂସା କରିଛନ୍ତି ।

ଆଇକୋଙ୍କ ମା ହାର୍ଭାର୍ଡ ଏବଂ ଅକ୍ସଫୋର୍ଡରେ ଅଧ୍ୟୟନ କରିଥିଲେ  

ରାଜକୁମାରୀ ଆଇକୋଙ୍କ ମାତା ମାସାକୋ ଜାପାନରେ ଜଣେ କ୍ୟାରିୟର ମହିଳା, ରାଜକୁମାରୀ ଏବଂ ମହାରାଣୀ ଭାବରେ ଜଣାଶୁଣା । ମହାରାଣୀ  ମାସାକୋ ବହୁତ ଉଚ୍ଚଶିକ୍ଷିତା ଅଟନ୍ତି । ସେ ହାର୍ଭାର୍ଡ ଏବଂ ଅକ୍ସଫୋର୍ଡରୁ ଅଧ୍ୟୟନ କରିଛନ୍ତି ଏବଂ ଅନେକ ଭାଷା ଜାଣିଛନ୍ତି । ୧୯୯୩ ରେ, ସେ ଜାପାନର ସମ୍ରାଟ ନାରୁହୁଟୋଙ୍କୁ ବିବାହ କରିଥିଲେ । ରାଜକୁମାରୀ ଆଇକୋ ୨୦୦୧  ଜନ୍ମଗ୍ରହଣ କରିଥିଲେ ।

The post ପିତା ଗୋଟେ ଦେଶର ସମ୍ରାଟ ଏବଂ ତାଙ୍କର କୋଟି କୋଟି ଟଙ୍କାର ସମ୍ପତ୍ତି ଅଛି କିନ୍ତୁ ରାଜକୁମାରୀ ଯାଇ ଅନ୍ୟ ଜାଗାରେ କାମ କରିବେ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଟ୍ରକ୍ ଡ୍ରାଇଭରଙ୍କୁ ଦୁର୍ବ୍ୟବହାର କରି ତହସିଲଦାର ନିଲମ୍ବନ ହେବା ଘଟଣା ପରେ ଏବେ ମଧ୍ୟପ୍ରଦେଶରେ ଏଭଳି ଆଉ ଏକ ଘଟଣା ଘଟିଛି । ରାଜ୍ୟରେ ସୁଶାସନ ପ୍ରତିଷ୍ଠା କରିବାକୁ ପଣ କରିଛନ୍ତି ମୁଖ୍ୟମନ୍ତ୍ରୀ ମୋହନ ଯାଦବ । ଦୁଇଜଣ ଯୁବକଙ୍କୁ ମାଡ ମାରିବା ଅଭିଯୋଗରେ ଏସଡିଏମଙ୍କୁ ତୁରନ୍ତ ନିଲମ୍ବନ କରିଛନ୍ତି ମୁଖ୍ୟମନ୍ତ୍ରୀ । ତାଙ୍କ ରାଜ୍ୟରେ ଏଭଳି ଅମାନବୀୟ କାର୍ଯ୍ୟକୁ କେବେବି ସହ୍ୟ କରାଯିବନି ବେଲି ସ୍ପଷ୍ଟ କରିଛନ୍ତି ।

ସୂଚନା ମୁତାବକ, ଦୁଇଜଣ ଯୁବକ ଖେରୀରୁ ଭରାଲି ଯାଉଥିଲେ । ବାଟରେ ବାନ୍ଧବଗଡ ଏସଡିଏମଙ୍କ ଗାଡି ଆସୁଥିଲା । କିନ୍ତୁ ଯୁବକ ଜଣକ ଗାଡି ସାଇଡ୍ କରିନଥିଲେ । କିନ୍ତୁ କିଛି ମିନିଟରେ ଆଗପଟୁ ତହସିଲଦାରଙ୍କ ଗାଡି ଆସି ସେମାନଙ୍କ ବାଟ ରୋକିଥିଲା । ଦୁଇ ଯୁବକଙ୍କ କାରକୁ ଅଟକାଇଥିଲେ ଏବଂ ଉଭୟ ତହସିଲଦାର ଓ ଏସଡିଏମଙ୍କ ଡ୍ରାଇଭର ମିଶି ଦୁଇ ଯୁବକଙ୍କୁ ନିସ୍ତୁକ ମାଡ ମାରିଥିଲେ ।

କୌଣସି ସୂତ୍ରରୁ ଖବର ପାଇ କୋତୱାଲି ସିଭିଲ ଲାଇନ୍ ଚୌକି ପେଲିସ ସେଠାରେ ପହଞ୍ଚିବା ବେଳକୁ ଯୁବକଙ୍କ କାର ଭଙ୍ଗାରୁଜା ହୋଇଥିବାବେଳେ ଦୁଇଜଣ ଯୁବକ ଆହତ ହୋଇ ତଳେ ପଡିଥିଲେ । ସେଥିରୁ ଜଣେ ଯୁବକ ଶିବମ୍ ଏତେ ଗୁରୁତର ହୋଇପଡିଥିଲେ ଯେ ପୋଲିସକୁ କିଛି କହିବାକୁ ତାଙ୍କର ଜୁ ନଥିଲା । ଉଭୟଙ୍କୁ ନେଇ ପୋଲିସ ହସ୍ପିଟାଲରେ ଭର୍ତ୍ତି କରିଥିଲା । କିନ୍ତୁ ଏ ଖବର ମୁଖ୍ୟମନ୍ତ୍ରୀ ମୋହନ ଯାଦବଙ୍କ ପାଖରେ ପହଞ୍ଚିଥିଲା । ଘଟଣାର ଗୁରୁତ୍ୱକୁ ବୁଝି ସେ ତ୍ୱରିତ୍ ପଦକ୍ଷେପ ଗ୍ରହଣ କରିଥିଲେ ଏବଂ ଯଥାଶୀଘ୍ର ଏସଡିଏମଙ୍କୁ ତାଙ୍କ ପଦରୁ ହଟାଇବାକୁ ନିର୍ଦ୍ଦେଶ ଦେଇଥିଲେ ।

The post ଯୁବକଙ୍କୁ ମାଡ ମାରି ନିଲମ୍ବିତ ହେଲେ ଏସଡିଏମ୍ । ମୁଖ୍ୟମନ୍ତ୍ରୀ କହିଲେ ଅମାନବୀୟ ବ୍ୟବହାରକୁ ସହ୍ୟ କରାଯିବନାହିଁ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାହୁଲ ଗାନ୍ଧୀଙ୍କ ନେତୃତ୍ୱରେ ବାହାରିଥିବା କଂଗ୍ରେସର ଭାରତ ଯୋଡ ନ୍ୟାୟ ଯାତ୍ରାକୁ ଗୌହାଟୀରେ ପ୍ରବେଶ ପୂର୍ବରୁ ଅଟକାଇଛି ଆସାମ ପୋଲିସ । ଯାତ୍ରାକୁ ଅଟକାଇବା କାରଣରୁ ପୋଲିସ ଓ କଂଗ୍ରେସ କର୍ମୀ ମୁହାଁମୁହିଁ ହୋଇଛନ୍ତି । ଯାହାକୁ ନେଇ ରାହୁଲ ଗାନ୍ଧୀଙ୍କ ନାଁରେ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଇଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ।

ଆସାମ ମୁଖ୍ୟମନ୍ତ୍ରୀ କଂଗ୍ରେସ ନେତା ଶ୍ରୀନିବାସ ପିଭିଙ୍କ ଟ୍ୱିଟକୁ ରିଟ୍ୱିଟ୍ କରିବା ସହ କହିଛନ୍ତି, ରାହୁଲ ଗାନ୍ଧୀ କଂଗ୍ରେସ କର୍ମୀଙ୍କୁ ଉସୁକାଇବାକୁ ଚେଷ୍ଟା କରୁଛନ୍ତି । ଯେଉଁଥିପାଇଁ ତାଙ୍କ ନାଁରେ ମାମଲା ରୁଜୁ କରିବାକୁ ପୋଲିସ ମହାନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଛି । ଏହାସହ ହିମନ୍ତ କହିଛନ୍ତି, ଆସାମ ଶାନ୍ତିପୂର୍ଣ୍ଣ ରାଜ୍ୟ । ଗୁଣ୍ଡାଗର୍ଦ୍ଦି ଏହାର ସଂସ୍କୃତି ନୁହେଁ । ଆମ ସଂସ୍କୃତିରେ ଏଭଳି ନକ୍ସଲୀ ରଣନୀତି ନାହିଁ । ଲୋକଙ୍କୁ ଉସୁକାଇବା ପାଇଁ ରାହୁଲ ଗାନ୍ଧୀଙ୍କ ନାଁରେ ମାମଲା ରୁଜୁ କରିବାକୁ ମୁଁ ପୋଲିସ ଡିଜିକୁ ନିର୍ଦ୍ଦେଶ ଦେଇଛି । କଂଗ୍ରେସ କର୍ମୀ ଓ ନେତାଙ୍କ ଅଶୋଭନୀୟ ବ୍ୟବହାର ଓ ନିର୍ଦ୍ଦେଶକୁ ଉଲ୍ଲଂଘନ କରିବାକୁ ହେତୁ ଗୌହାଟୀରେ ଟ୍ରାଫିକ ଜାମ ହେଉଛି ।

These are not part of Assamese culture. We are a peaceful state. Such “naxalite tactics” are completely alien to our culture.
I have instructed @DGPAssamPolice to register a case against your leader @RahulGandhi for provoking the crowd & use the footage you have posted on your… https://t.co/G84Qhjpd8h

— Himanta Biswa Sarma (@himantabiswa) January 23, 2024

https://platform.twitter.com/widgets.jsଏହାପୂର୍ବରୁ ରାହୁଲ ଗାନ୍ଧୀଙ୍କୁ ଗୌହାଟୀରେ ପ୍ରବେଶ ପୂର୍ବରୁ ଅଟକା ଯାଇଥିଲା । ଯେଉଁଥିପାଇଁ କଂଗ୍ରେସ କର୍ମୀ ପ୍ରଥମେ ବିରୋଧ ପ୍ରଦର୍ଶନ କରିବା ସହ ପରେ ପୋଲିସ ବ୍ୟାରିକେଡ ଭାଙ୍ଗିଥିଲେ । ଯେଉଁଥିପାଇଁ କଂଗ୍ରେସ କର୍ମୀଙ୍କ ଉପରେ ଲାଠିଚାର୍ଜ କରିଥିଲା ପୋଲିସ । ଏହି ଘଟଣା ପୂର୍ବରୁ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ସହ କହିଥିଲେ ସହରରେ ରାସ୍ତା ଜାମ ଯେପରି ନହୁଏ ସେଥିପାଇଁ ଯାତ୍ରାକୁ ସହର ଭିତରକୁ ଅନୁମତି ଦିଆଯିବ ନାହିଁ ।

The post ରାହୁଲଙ୍କ ନାଁରେ ମାମଲା ରୁଜୁ କରିବାକୁ ପୋଲିସ ଡିଜିଙ୍କୁ ନିର୍ଦ୍ଦେଶ ଦେଲେ ଆସାମ ମୁଖ୍ୟମନ୍ତ୍ରୀ । ଜାଣନ୍ତୁ କାହିଁକି ଏମିତି କହିଲେ ହିମନ୍ତ ବିଶ୍ୱଶର୍ମା? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଉରକେଲାରୁ ଶୁଆ ଚୋର ରାକେଟ୍ ଠାବ । ବେଆଇନ୍ ବିକ୍ରି ବେଳେ ମାଡ଼ିବସିଲା ବନବିଭାଗ । ୭୨ଟି ଜଙ୍ଗଲି ଶୁଆ ଜବତ କରିଛି ବନବିଭାଗ । ଏହି ଘଟଣାରେ ୨ଜଣଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି । ସ୍ଥାନୀୟ ଇନ୍ଦିରାଗାନ୍ଧୀ ପାର୍କ ନିକଟରେ ବେଆଇନ ଜଙ୍ଗଲୀ ଶୁଆ କାରବାର ହେଉଥିବା ନେଇ ଜଣାପଡ଼ିବା ପରେ ଚଢ଼ଉ କରିଥିଲା ବନବିଭାଗ ।

The post ରାଉରକେଲାରୁ ଶୁଆ ଚୋର ରାକେଟ୍ ଠାବ: ବେଆଇନ୍ ବିକ୍ରି ବେଳେ ମାଡ଼ିବସିଲା ବନବିଭାଗ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କନିଷ୍ଠ ଶିକ୍ଷକ ନିଯୁକ୍ତିରେ ଅନିୟମିତା ଅଭିଯୋଗ ପ୍ରସଙ୍ଗରେ ଛାତ୍ର କଂଗ୍ରେସର ବିକ୍ଷୋଭ । ଗଣଶିକ୍ଷା ମନ୍ତ୍ରୀଙ୍କ ବାସଭବନ ଘେରାଉ ଉଦ୍ୟମ କଲା ଛାତ୍ର କଂଗ୍ରେସ । ଶତାଧିକ ଛାତ୍ର କଂଗ୍ରେସ ନେତା ଏକାଠି ହୋଇ ଗଣଶିକ୍ଷା ମନ୍ତ୍ରୀଙ୍କ ବାସଭବନ ଆଡକୁ ଆସିଥିଲେ । ଏହି ସମୟରେ ଉପସ୍ଥିତ ଥିବା ପୋଲିସ ସେମାନଙ୍କୁ ଅଟକାଇଥିଲା । କିଛି ସମୟ ପାଇଁ ପୋଲିସ ସହ ମୁହାଁମୁହାଁ ହୋଇଥିଲେ ଛାତ୍ର କଂଗ୍ରେସ ନେତା । ଏହା ପରେ ମନ୍ତ୍ରୀଙ୍କ ଗେଟକୁ ଅଣ୍ଡା ଓ ଟମାଟୋ ମାଡ଼ କରିଥିଲେ । ଏହା ସହ ରାସ୍ତାରେ କୁଶପତଳିକା ଦାହ କରି ନାରାବାଜି ଦେଇଥିଲେ । ଆନ୍ଦୋଳନ କରୁଥିବା ଛାତ୍ର କଂଗ୍ରେସ ନେତାଙ୍କୁ ଉଠାଇ ନେଇଥିଲା ପୋଲିସ । କନିଷ୍ଠ ଶିକ୍ଷକ ନିଯୁକ୍ତିରେ ଅନିୟମିତା ଅଭିଯୋଗ ପରେ ଜୋର ଧରିଛି ରାଜନୀତି । କନିଷ୍ଠ ଶିକ୍ଷକ ନିଯୁକ୍ତିରେ ଅନିୟମିତତା ଅଭିଯୋଗ ଆଣି ଆଶୟୀମାନେ ମଧ୍ୟ ଆନ୍ଦୋଳନକୁ ଓହ୍ଲାଇଛନ୍ତି ।

The post ଗଣଶିକ୍ଷା ମନ୍ତ୍ରୀଙ୍କ ବାସଭବନ ଘେରିଲା ଛାତ୍ର କଂଗ୍ରେସ: କନିଷ୍ଠ ଶିକ୍ଷକ ନିଯୁକ୍ତିରେ ଅନିୟମିତତା ଅଭିଯୋଗ first appeared on Kanak News.

from Kanak News
via <a href="https://ifttt.com/?

ମିଳିତ ଜାତିସଂଘର ସାଧାରଣ ସଭାର ୭୮ ତମ ଅଧିବେଶନର ସଭାପତି ଡେନିସ୍ ଫ୍ରାନାନ୍ସିସ୍ ନ୍ୟୁଜ୍ ଏଜେନ୍ସି ପିଟିଆଇ ସହିତ ଏକ ସ୍ୱତନ୍ତ୍ର ବାର୍ତ୍ତାଳାପରେ ଭାରତକୁ ପ୍ରଶଂସା କରି କହିଛନ୍ତି ଯେ, ବିଶ୍ୱର ସର୍ବବୃହତ ଗଣତନ୍ତ୍ର ଭାବରେ ଯେଉଁଠାରେ ବହୁ ବର୍ଷ ଧରି ବିବିଧତା ମଧ୍ୟରେ ଏକତା ବଜାୟ ରହିଛି ।  ଭାରତ ସାର୍ବଭୌମତାର ସିଦ୍ଧାନ୍ତ ସହ ସହଜରେ ଯୋଗଦାନ କରିପାରେ । ଯେଉଁ ନୀତି ରାଜ୍ୟଗୁଡ଼ିକର ସାର୍ବଭୌମତ୍ୱ ସମାନତା ପାଇଁ ମିଳିତ ଜାତିସଂଘର ମୂଳଦୁଆ ଅଟେ ।

ମିଳିତ ଜାତିସଂଘର ସାଧାରଣ ସଭାର ୭୮ ତମ ଅଧିବେଶନର ସଭାପତି ଡେନିସ୍ ଫ୍ରାନ୍ସିସ୍ ନ୍ୟୁଜ୍ ଏଜେନ୍ସି ପିଟିଆଇ ସହିତ ଏକ ସ୍ୱତନ୍ତ୍ର ବାର୍ତ୍ତାଳାପରେ ଭାରତକୁ ପ୍ରଶଂସା କରିବାବେଳେ କହିଛନ୍ତି ଯେ ଭାରତ ବିଶ୍ୱ ସ୍ତରରେ ଏବଂ ମିଳିତ ଜାତିସଂଘରେ ଏକ ପ୍ରମୁଖ ଖେଳାଳି ହୋଇସାରିଛି । ଫ୍ରାନ୍ସିସ୍ କହିଛନ୍ତି ଯେ ଏହି ଅନିଶ୍ଚିତତା ଏବଂ ବୃଦ୍ଧି ପାଉଥିବା ଭୌଗୋଳିକ ତିକ୍ତତା, ଦ୍ୱନ୍ଦ୍ୱ ଏବଂ ଜଳବାୟୁ ପରିବର୍ତ୍ତନ ବିଶ୍ୱ ସମୁଦାୟ ପାଇଁ ଏକ ବିପଦ ହୋଇ ରହିଛି ।‘ମୁଁ ଏହି ଚ୍ୟାଲେଞ୍ଜିଂ ସମୟରେ ଭାରତ ଆଡକୁ ଅନେଇଛି ’ ଫ୍ରାନ୍ସିସ୍ କହିଛନ୍ତି ଯେ ଯେଉଁ କ୍ଷେତ୍ରରେ ଭାରତ ନିଶ୍ଚିତ ଭାବରେ ପ୍ରକୃତ ନେତୃତ୍ୱ ପ୍ରଦର୍ଶନ କରିଛି ତାହା ହେଉଛି ଜାତିସଂଘର ନିୟମିତ ବଜେଟରେ ଭାରତ ଯଥେଷ୍ଟ ଅବଦାନ ରଖିଛି ଏବଂ ଜାତିସଂଘର ଶାନ୍ତି ରକ୍ଷା କାର୍ଯ୍ୟରେ କ୍ରମାଗତ ଭାବରେ ସୈନ୍ୟନ୍ୟବାହିନୀର ପ୍ରମୁଖ ଯୋଗଦାନକାରୀ ଭାବରେ ସ୍ଥାନ ପାଇଛି। ସେ କହିଛନ୍ତି ଯେ ଏହା ଏକ ଆହ୍ବାନପୂର୍ଣ୍ଣ ସମୟ । ସାଧାରଣ ସଭାର ସଭାପତି ଭାବେ ମୁଁ ସଦସ୍ୟ ରାଷ୍ଟ୍ରମାନଙ୍କ ମଧ୍ୟରେ ଥିବା ବିଶ୍ୱାସ ଅଭାବକୁ ଦୂର କରିବା ପାଇଁ ଆମର ପ୍ରୟାସରେ ନେତୃତ୍ୱ ପାଇଁ ଭାରତକୁ ଚାହିଁବି । ସେ ଆଶା ପ୍ରକଟ କରିଛନ୍ତି ଯେ ମିଳିତ ଜାତିସଂଘର ଜଣେ ପ୍ରମୁଖ ସଦସ୍ୟ ଭାବରେ ଭାରତ ଅନ୍ୟ ସଦସ୍ୟ ରାଷ୍ଟ୍ରମାନଙ୍କୁ ମଧ୍ୟ ଏହା କରିବାକୁ ଉତ୍ସାହିତ କରୁଥିବାରୁ ଏହାର ଅର୍ଥପୂର୍ଣ୍ଣ ଭୂମିକା ଗ୍ରହଣ କରିବ ।

ମୁଁ ଭାରତର ଯୁବକ, ନାଗରିକ ସମାଜ ସଂଗଠନ ଏବଂ ଥିଙ୍କ ଟ୍ୟାଙ୍କ ସହିତ ମଧ୍ୟ ଯୋଗାଯୋଗ କରିବି । ଫ୍ରାନ୍ସିସ୍ ଭାରତ ଗସ୍ତରେ ଆସିଛନ୍ତି ଫ୍ରାନ୍ସିସ୍ ଜାନୁଆରୀ ୨୨ ରୁ ୨୬ ପର୍ଯ୍ୟନ୍ତ ଭାରତ ଗସ୍ତରେ ଆସିଛନ୍ତି ଏବଂ ଭାରତ ସରକାରଙ୍କ ନେତୃତ୍ୱ ଏବଂ ପ୍ରତିନିଧୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ । ଏଥିସହ, ଫ୍ରାନ୍ସିସ୍ ନାଗରିକ ସମାଜ ଏବଂ ପ୍ରମୁଖ ଥିଙ୍କ ଟ୍ୟାଙ୍କ ସହିତ ବାର୍ତ୍ତାଳାପ କରିବେ । ବିଭିନ୍ନ କ୍ଷେତ୍ରକୁ ପରିଦର୍ଶନ କରିବେ ଏବଂ ସ୍ଥିରତା ସମ୍ବନ୍ଧୀୟ ଇଭେଣ୍ଟରେ ଅଂଶଗ୍ରହଣ କରିବେ । ଏହା ବ୍ୟତୀତ ଫ୍ରାନ୍ସିସ୍ ଅତିଥି ଭାବରେ ଭାରତର ଗଣତନ୍ତ୍ର ଦିବସ ପରେଡରେ ଅଂଶଗ୍ରହଣ କରିବେ ।

The post ମିଳିତ ଜାତିସଂଘର ସାଧାରଣ ସଭାର ସଭାପତି ଡେନିସ୍ ଫ୍ରାନ୍ସିସ୍ ଭାରତର କୂଟନୈତିକ ଦକ୍ଷତାକୁ ଭୂରି ଭୂରି ପ୍ରଶଂସା କରିଛନ୍ତି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ ଶେଷ ହୋଇଛି । ବେଶ ଧୂମଧାମରେ ପ୍ରତିଷ୍ଠା ଉତ୍ସବ ଆୟୋଜିତ ହୋଇଥିବା ବେଳେ ପୂରା ଦେଶ ରାମମୟ ହୋଇ ଉଠିଥିଲା । କେବଳ ଭାରତରେ ନୁହେଁ ବରଂ ବିଦେଶରେ ମଧ୍ୟ ଶ୍ରୀରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବର ଝଲକ ଦେଖିବାକୁ ମିଳିଥିଲା । କ୍ରିକେଟ ଜଗତରେ ମଧ୍ୟ ରାମ ମନ୍ଦିରର ପ୍ରାଣ ପ୍ରତିଷ୍ଠାକୁ ନେଇ ପ୍ରବଳ ଉତ୍ସାହ ଦେଖିବାକୁ ମିଳିଥିଲା । ଗୋଟିଏ ପଟେ ସଚିନ ତେନ୍ଦୁଲକର ଅଯୋଧ୍ୟାର ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବରେ ସାମିଲ ହୋଇଥିବା ବେଳେ ଅନେକ ଭାରତୀୟ କ୍ରିକେଟର ମଧ୍ୟ ଏହି ଶୁଭ ଅବସରରେ ଶୁଭେଚ୍ଛା ଜଣାଇଛନ୍ତି । କେବଳ ଭାରତୀୟ କ୍ରିକେଟର ନୁହନ୍ତି ବରଂ ବିଦେଶୀ କ୍ରିକେଟରଙ୍କ ମୁହଁରୁ ମଧ୍ୟ ଶୁଣିବାକୁ ମିଳିଛି ଜୟ ଶ୍ରୀରାମ ।

ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ ପରେ ଶୁଭେଚ୍ଛା ଜଣାଇଛନ୍ତି ପୂର୍ବତନ ପାକିସ୍ତାନ କ୍ରିକେଟର ଦାନିଶ କାନେରିଆ । ଏପରିକି ଏହି ଉତ୍ସବକୁ ବେଶ ଉତ୍ସାହର ସହ କାନେରିଆ ପାଳିଛନ୍ତି । ଏହାସହ ଦାନିଶ କହିଛନ୍ତି, ୫୦୦ ବର୍ଷ ପରେ ଅଯୋଧ୍ୟାକୁ ପ୍ରଭୁ ଶ୍ରୀରାମ ଫେରିଛନ୍ତି । ଏହା ଆମ ପାଇଁ ଐତିହାସିକ ମୁହୂର୍ତ୍ତ, ଏଥିପାଇଁ ମୁଁ ବହୁତ ଖୁସି । ଦୀର୍ଘବର୍ଷ ପ୍ରତିକ୍ଷାର ଶେଷ ହୋଇଛି, ପ୍ରତିଜ୍ଞା ପୂର୍ଣ୍ଣ ହୋଇଛି ଏବଂ ପ୍ରଭୁଙ୍କର ପ୍ରାଣ ପ୍ରତିଷ୍ଠା ପୂର୍ଣ୍ଣ ହୋଇଥିବା କହିଛନ୍ତି ଦାନିସ । ପ୍ରଭୁ ଶ୍ରୀରାମ ଆମ ସଭିଙ୍କର ପ୍ରେରଣା ଏବଂ ତାଙ୍କ ଆଦର୍ଶରେ ଆମେ ପରିଚାଳିତ । ସୁଯୋଗ ମିଳିଲେ ନିଶ୍ଚୟ ପ୍ରଭୁ ଶ୍ରୀରାମଙ୍କୁ ଦର୍ଶନ କରିବି ବୋଲି କହିଛନ୍ତି କାନେରିଆ । ପାକିସ୍ତାନ ପକ୍ଷରୁ ପୂର୍ବରୁ ଖେଳିଥିବା ଦାନିସ କାନେରିଆ ହେଉଛନ୍ତି ଜଣେ ହିନ୍ଦୁ ।

सदियों को प्रतीक्षा पूर्ण हुई, प्रतिज्ञा पूर्ण हुई, प्राण-प्रतिष्ठा पूर्ण हुई। pic.twitter.com/4hhNm2MDoS

— Danish Kaneria (@DanishKaneria61) January 22, 2024

https://platform.twitter.com/widgets.jsକେବଳ ଦାନିସ କାନେରିଆ ନୁହନ୍ତି ବରଂ ଦକ୍ଷିଣ ଆଫ୍ରିକାର କ୍ରିକେଟର କେଶବ ମହାରାଜ ମଧ୍ୟ ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ ପାଇଁ ଶୁଭେଚ୍ଛା ଜଣାଇଛନ୍ତି । କେବଳ ଏତିକି ନୁହେଁ ଜୟ ଶ୍ରୀରାମ ନାରା ଦେବାକୁ ମଧ୍ୟ ଭୁଲି ନାହାନ୍ତି କେଶବ ମହାରାଜ । ଦକ୍ଷିଣ ଆଫ୍ରିକାର କେଶବ ମହାରାଜ ହିନ୍ଦୁ ଧର୍ମର ହୋଇଥିବା ବେଳେ ପ୍ରଭୁ ଶ୍ରୀରାମ ଓ ହନୁମାନଙ୍କର ପରମ ଭକ୍ତ । ଯେଉଁଥିପାଇଁ କେଶବ ବ୍ୟାଟିଂ କରିବାକୁ ପଡିଆକୁ ଓହ୍ଲାଇବା ମାତ୍ରେ ରାମ ସିୟା ରାମ ଗୀତ ବାଜିଥାଏ । ଯାହାକୁ ନେଇ କେଶବ ଅନେକ ସମୟରେ କହିଛନ୍ତି, ଏହି ଗୀତ ବାଜିବା ଦ୍ୱାରା ମୋତେ ଭଲ ଲାଗିଥାଏ ଏବଂ ମୁଁ ନିଜକୁ ସହଜ ଅନୁଭବ କରିଥାଏ । କାରଣ ଭଗବାନ ହେଉଛନ୍ତି ମୋର ସବୁଠାରୁ ବଡ ଶକ୍ତି ।

Jai shree Ram pic.twitter.com/2n683k6Suy

— Keshav Maharaj (@iKeshavMaharaj) January 22, 2024

https://platform.twitter.com/widgets.jsସେହିଭଳି ଅନେକ ସମୟରେ ଭାରତୀୟ ପର୍ବପର୍ବାଣୀରେ ସୋସିଆଲ ମିଡ଼ିଆରେ ଫଟୋ ପୋଷ୍ଟ କରି ଚର୍ଚ୍ଚା ସାଉଁଟିଥିବା ଅଷ୍ଟ୍ରେଲୀୟ କ୍ରିକେଟର ଡେଭିଡ ୱାର୍ଣ୍ଣର ମଧ୍ୟ ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ ପାଇଁ ସୋସିଆଲ ମିଡ଼ିଆରେ ଶୁଭେଚ୍ଛା ଜଣାଇଛନ୍ତି । ପ୍ରଭୁ ଶ୍ରୀରାମଙ୍କର ଏକ ଫଟୋ ପୋଷ୍ଟ କରି ୱାର୍ଣ୍ଣର ଜୟ ଶ୍ରୀରାମ ବୋଲି ଉଲ୍ଲେଖ କରିଛନ୍ତି । ଆଉ ୱାର୍ଣ୍ଣରଙ୍କ ଏଭଳି ଶୁଭେଚ୍ଛା ପୋଷ୍ଟକୁ ବେଶ ପସନ୍ଦ କରିଛନ୍ତି ଭାରତୀୟ ।

 

View this post on Instagram

 

A post shared by David Warner (@davidwarner31)

//www.instagram.com/embed.js

The post ପୂର୍ବ ପାକିସ୍ତାନ କ୍ରିକେଟର ମୁହଁରେ ଜୟ ଶ୍ରୀରାମ ନାରା । କହିଲେ, ସୁଯୋଗ ମିଳିଲେ ନିଶ୍ଚୟ ଯିବି ରାମ ମନ୍ଦିର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦାନହୁଣ୍ଡିରେ ପ୍ରେମ ପତ୍ର । କିଏ ସରକାରୀ ଚାକିରି ପାଇଁ ଗୁହାରୀ କରି ମା’ଙ୍କୁ ଚିଠି ଲେଖିଛି ତ ପୁଣି କିଏ ପରୀକ୍ଷାରେ ପାସ କରିବା ପାଇଁ ମା’ଙ୍କୁ ଗୁହାରି କରିଛି । ଗତକାଲି ସମ୍ବଲପୁର ମା’ ସମଲେଶ୍ୱରୀଙ୍କ ହୁଣ୍ଡି ଖୋଲାଯାଇ ଟଙ୍କା ଗଣତି ହୋଇଛି । ସେହି ହୁଣ୍ଡିରୁ ଏଭଳି କିଛି ଚିଠି ମିଳିଛି । ଜଣେ ଯୁବତୀ ତାଙ୍କ ବାହାଘର କିଭଳି ଖୁସିରେ ହେବ ସେନେଇ ମା’ଙ୍କୁ ଗୁହାରୀ କରିଛନ୍ତି । ଯୌତୁକରେ ତାଙ୍କ ବାପା ଗାଡ଼ି ନଦେଲେ ଶାଶୁଘର ଲୋକେ ଯେମିତି ନିର୍ଯାତନା ନଦେବେ ସେ ନେଇ ମା’ଙ୍କୁ ଚିଠି ଲେଖି ନିବେଦନ କରିଛନ୍ତି ଭକ୍ତ । ସେହିପରି ଶାଶୁଘର ଲୋକଙ୍କୁ ସେ କିଭଳି ଖୁସିରେ ରଖିପାରିବେ ସେନେଇ ତାଙ୍କୁ ସହାୟ ହେବାକୁ ସେ ମା’ଙ୍କୁ ନିବେଦନ କରିଛନ୍ତି ।

ଦାନ ହୁଣ୍ଡିରୁ ଏଭଳି କିଛି ଅଜବ ଚିଠି ବାହାରିଥିବା ବେଳେ ସବୁଠି ଚର୍ଚ୍ଚା ସୃଷ୍ଟି ହୋଇଛି । ମା’ଙ୍କ ପାଖରେ କିଏ ପିଲା ପାଇଁ ଗୁହାରୀ କରେ । ଦୁଃଖ ହରଣ ପାଇଁ ମାନସୀକ କରେ । ହେଲେ ଗତ କିଛି ବର୍ଷ ହେଲା ମା’ ସମଲେଇଙ୍କ ପାଖରେ ଶ୍ରଦ୍ଧାଳୁ କିଛି ଭିନ୍ନ ଢଙ୍ଗରେ ପତ୍ର ଲେଖି ଗୁହାରି କରୁଥିବାର ଚିତ୍ର ସାମ୍ନାକୁ ଆସୁଛି ।

The post ଦାନ ହୁଣ୍ଡିରୁ ବାହାରିଲା ପ୍ରେମପତ୍ର: କିଏ ସରକାରୀ ଚାକିରି ପାଇଁ ତ ପୁଣି କିଏ ପରୀକ୍ଷାରେ ପାସ ପାଇଁ ଲେଖିଛନ୍ତି ଚିଠି first appeared on Kanak News.

from Kanak News
via <a href="https://ifttt.com/?