କନକ ବ୍ୟୁରୋ: ଚୀନରେ ବଡ ଧରଣର ଭୂମିକମ୍ପ ହୋଇଛି । ରିକ୍ଟର ସ୍କେଲରେ ଯାହାର ତୀବ୍ରତା ୭.୨ ରେକର୍ଡ କରାଯାଇଛି । ଏହି ଭୂମିକମ୍ପ ଏତେ ଶକ୍ତିଶାଳୀ ଥିଲା ଯେ ଏହାର ଝଟକା ନେପାଳ ସହ ଭାରତର ଦିଲ୍ଲୀ ଏନସିଆର ଏବଂ ଉତ୍ତର ଭାରତର ଏକାଧିକ ଅଞ୍ଚଳରେ ଅନୁଭୂତ ହୋଇଛି । ଏହାପରେ ବି ଚୀନରେ ଏକାଧିକ ଥର ଭୂମିକମ୍ପ ସୃଷ୍ଟି ହୋଇଛି, ଯାହାର ତୀବ୍ରତା ୪.୫ ଯାଏଁ ରେକର୍ଡ କରାଯାଇଛି ।

ନ୍ୟାସନାଲ ସେଣ୍ଟର ଫର୍ ସେସ୍ମୋଲୋଜି ର ସୂଚନ ମୁତାବକ, ଭୂମିକମ୍ପ ଚୀନ୍ ଓ ନେପାଳ ସୀମା ପାଖ ଦକ୍ଷିଣ ଝିଞ୍ଜିୟାଙ୍ଗଠାରେ କେନ୍ଦ୍ରୀଭୂତ ହୋଇଛି । ଭୂଗର୍ଭର ୮୦ କିମିରେ ଏହା ସୃଷ୍ଟି ହୋଇଥିବା ଜଣାପଡିଛି । ସୋମବାର ରାତି ପାଖାପାଖି ୨ଟା ସମୟରେ ଭୂମିକମ୍ପ ହୋଇଥିବା ସୂଚନା ରହିଛି । ଏଥିରେ ହୋଇଥିବା କ୍ଷୟକ୍ଷତିର ସୂଚନା ଏଯାଏଁ ମିଳିନାହିଁ ।

The post ଚୀନରେ ଭୀଷଣ ଭୂମିକମ୍ପ । ୭.୨ ତୀବ୍ରତାରେ ଥରିଲା ଚୀନ୍ ମାଟି ।ଦିଲ୍ଲୀ ଏନସିଆର ସମେତ ଉତ୍ତର ଭାରତର ଅନେକ ସ୍ଥାନରେ ଭୂକମ୍ପ ଝଟକା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉଦ୍ଧାର ହେଲା କୁନି ହାତୀ ଛୁଆ । କପିଳାସ ବନାଞ୍ଚଳ ଅଧୀନରେ ଥିବା କପିଳାସ ଅଭୟାରଣ୍ୟରେ ଗଭୀର ଟ୍ରେଞ୍ଚ ଭିତରେ ହାତୀ ଛୁଆଟିଏ ଖସିପଡ଼ିଥିଲା । ହେଲେ ଏଥିରୁ ନିଜେ ଉଦ୍ଧାର ପାଇବା ତା ପକ୍ଷରେ ସମ୍ଭବ ହୋଇପାରି ନଥିଲା । ତେବେ ଜଙ୍ଗଲ ଦେଇ ଯାଉଥିବା ଲୋକେ ଏହା ଦେଖିବାକୁ ପାଇଥିଲେ ଓ ବନ ବିଭାଗକୁ ଖବର ଦେଇଥିଲେ । ବନ ବିଭାଗ କର୍ମଚାରୀ ସେଠାରେ ପହଞ୍ଚ ଉଦ୍ଧାରକାର୍ଯ୍ୟ ଆରମ୍ଭ କରିଥିଲା । ଏଲିଫ୍ୟାଂଟ ସ୍କ୍ୱାର୍ଡ ଜେସିବି ସାହାଯ୍ୟରେ ଟ୍ରେଞ୍ଚ ହୁଡ଼ା କାଟି ଛୁଆ ହାତୀକୁ ଉଦ୍ଧାର କରିଥିଲା । ଏହାପରେ ହାତୀଟିକୁ ତା ନିଜ ପଲ୍ଲରେ ଛାଡ଼ିଦିଆଯାଇଛି ।

The post ଉଦ୍ଧାର ହେଲା ଟ୍ରେଞ୍ଚ ଭିତରେ ଖସିପଡ଼ିଥିବା ହାତୀ ଛୁଆ । ଉଦ୍ଧାର ପରେ ଜଙ୍ଗଲରେ ନିଜ ପଲ୍ଲକୁ ଫେରିଲା କୁନି ହାତୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆସନ୍ତା ୨୭ ତାରିଖରେ ସମ୍ବଲପୁର ସମଲେଇ ମନ୍ଦିର ବିକାଶ ପାଇଁ ହୋଇଥିବା ସମଲେଇ ପ୍ରକଳ୍ପର ଲୋକାର୍ପଣ କରାଯିବ । ଏହାର ହୋମ ଯଞ୍ଜ ସକାଶେ ସୋମବାର ଅଙ୍କୁରରୋପଣ କାର୍ଯ୍ୟକ୍ରମ କରାଯାଇଛି । ଏଥିରେ ସମଲେଇ ମନ୍ଦିର ଟ୍ରଡବୋର୍ଡ ସଭାପତି ସଂଜୟ ବାବୁ କର୍ତ୍ତା ଦାୟିତ୍ୱ ତୁଲାଇ ଅଙ୍କୁରରୋପଣ କାର୍ଯ୍ୟକ୍ରମ କରିଛନ୍ତି । ୨୬ ତାରିଖରେ ଅଧିବାସ ତଥା କଳସଯାତ୍ରା କରାଯିବାକୁ ଥିବାବେଳେ ୨୭ ତାରିଖ ଦିନ ହୋମ ଯଜ୍ଞ କରାଯାଇ ଲୋକାର୍ପଣ କରାଯିବ । ଏଥିରେ ୧୨ଟି ଜିଲ୍ଲାର ପଣ୍ଡିତ ଓ ବିଦ୍ୱାନ ଯୋଗଦେବେ । ୪ଟି ଗେଟ୍ ବା ଦ୍ୱାରରେ ହୋମଯଜ୍ଞ କରାଯିବ ବୋଲି ଟ୍ରଷ୍ଟ ବୋର୍ଡ ପକ୍ଷରୁ କୁହାଯାଇଛି ।

The post ସମଲେଇ ପ୍ରକଳ୍ପର ଲୋକାର୍ପଣ ପାଇଁ ହେଲା ଅଙ୍କୁରରୋପଣ । ୨୬ରେ ହେବ କଳସଯାତ୍ରା ଓ ୨୭ରେ ଲୋକାର୍ପଣ ରୀତି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅେଯୋଧ୍ୟାରେ ରାମଲାଲାଙ୍କ ପ୍ରାଣପ୍ରତିଷ୍ଠା ଉତ୍ସବ ସମାପନ ହୋଇଥିବା ବେଳେ ସେଠାରୁ ଅନେକ ଦୂରରେ ଓଡ଼ିଶାରେ ଆଉ ଏକ ରାମମନ୍ଦିରର ଭବ୍ୟ ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଯାଇଛି । ନୟାଗଡ଼ ଜିଲ୍ଲା ଭାପୁର ବ୍ଲକ ଫତେଗଡ଼ ଗ୍ରାମ ନିକଟରେ ରହିଛି ଗିରି ଗୋବର୍ଦ୍ଧନ ପାହାଡ ।

ଏହି ପାହାଡ଼ ଉପରେ ନବନିର୍ମିତ ପ୍ରଭୁ ଶ୍ରୀରାମ ଲାଲାଙ୍କ ବିଗ୍ରହ ପ୍ରତିଷ୍ଠା ଏବଂ ନୂତନ ମନ୍ଦିର ପ୍ରତିଷ୍ଠା ହୋଇଯାଇଛି । ଏହି ଅବସରରେ ଲକ୍ଷାଧିକ ଭକ୍ତଙ୍କ ଭିଡ଼ ଜମିଥିଲା । ସକାଳେ ସୂର୍ଯ୍ୟପୂଜା, ଘଟ ମଣ୍ଡଳ ପୂଜା ପରେ ଠାକୁରଙ୍କ ନ୍ୟାସ କାର୍ଯ୍ୟକ୍ରମ ସମାପନ ହୋଇଥିଲା । ଅପରାହ୍ନ ୨ଟା ୧୫ ସମୟରେ ଠାକୁରଙ୍କ ପ୍ରାଣପ୍ରତିଷ୍ଠା ହୋଇଥିଲା । ଏହାପରେ ଶ୍ରଦ୍ଧାଳୁମାନେ ପ୍ରଭୁ ଶ୍ରୀରାମ, ମାତା ସୀତା ଓ ଅନୁଜ ଲକ୍ଷଣଙ୍କ ବେଶ ଦର୍ଶନ କରିଥିଲେ ।

The post ଅଯୋଧ୍ୟା ଠାରୁ ହଜାରେ କିଲୋମିଟର ଦୂରରେ ଲୋକାର୍ପିତ ହେଲା ଆଉ ଏକ ଭବ୍ୟ ରାମମନ୍ଦିର । ନୟାଗଡ ଫତେଗଡରେ ପ୍ରତିଷ୍ଠା ହେଲା ଶ୍ରୀରାମଙ୍କ ମନ୍ଦିର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଥାନାରେ ପହଞ୍ଚିିଲା ଓଲିଉଡ୍ କଣଶିଳ୍ପୀ ବିଭୁକିଶୋରଙ୍କ ପାରିବାରିକ କଳି । ବଡ଼ ଭାଇ ପିଉସଙ୍କ ବିରୋଧରେ ଥାନାରେ ଅଭିଯୋଗ କରିଛନ୍ତି ବିଭୁକିଶୋରଙ୍କ ପତ୍ନୀ ତଥା ଅଭିନେତ୍ରୀ ରାକ୍ଷୀ ଦାସ । ଏହାସହ କଣ୍ଠଶିଳ୍ପୀ ପମି ମଧ୍ୟ ଖାରବେଳନଗର ଥାନାର ଦ୍ୱାରସ୍ଥ ହୋଇଛନ୍ତି ।

ସୂଚନା ମୁତାବକ, ବିଭୁକିଶୋରଙ୍କ ଘରେ ଭଡ଼ା ନେଇ ରହନ୍ତି ପମି । ହେଲେ ସେ ସିସିଟିଭି ଲଗାଉଥିବା ବେଳେ ଏହାକୁ ପିଉସ ବିରୋଧ କରିବା ସହ ମାଡ଼ମାରିବା ସହ ଗାଳିଗୁଲଜ କରିଥିବା ଅଭିଯୋଗ ହୋଇଛି । ଏହାସହ ବିଭୁକିଶୋରଙ୍କ ପତ୍ନୀ ଓ ମାଆଙ୍କୁ ପିଉସ୍ ଅକ୍ରମଣ କରିଥିବା ଅଭିଯୋଗ ହୋଇଛି ।

The post ଥାନାରେ ପହଞ୍ଚିିଲା କଣ୍ଠଶିଳ୍ପୀ ବିଭୁକିଶୋରଙ୍କ ପାରିବାରିକ କଳି । ପତ୍ନୀ ଓ ମା’ଙ୍କୁ ବଡ଼ ଭାଇ ଆକ୍ରମଣ କରିଥିବା ନେଇ ଥାନାରେ ମାମଲା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭାରତ ଇତିହାସିରେ ଯୋଡ଼ି ହୋଇଛି ଆଉ ଏକ ସ୍ୱର୍ଣ୍ଣିମ ଓ ଗୌରବ ମୟ ଅଧ୍ୟାୟ । ଐତିହାସିକ କ୍ଷଣରେ, ଶୁଭ ମୁହୁର୍ତ୍ତରେ ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ଦିବ୍ୟ ମନ୍ଦିରର ପ୍ରତିଷ୍ଠା ଓ ରାମଲାଲାଙ୍କ ପ୍ରାଣ ପ୍ରତିଷ୍ଠା ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଆରଏସଏସ ସଂଘ ପ୍ରମୁଖ ମୋହନ ଭାଗବତ, ଉତରପ୍ରଦେଶ ମୁଖ୍ୟମନ୍ତ୍ରୀ ଓ ସନ୍ଥ ସମାଜ ଓ ବହୁ ବିଶିଷ୍ଠ ବ୍ୟକ୍ତିଙ୍କ ଉପସ୍ଥିତିରେ ଶେଷ ହୋଇଛି ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ । ବାଳକ ରୂପରେ ପ୍ରଭୂ ରାମଙ୍କ ପୂର୍ଣ୍ଣ ଅବୟବ ପ୍ରତିମା ମନ ମୋହିନେଇଛି । ଯିଏ ଦେଖିଛି ଘଡ଼ିଏ ଅଟକି ଯାଇଛି । ରାମଲାଲାଙ୍କ ଆଖିରେ ଆଖି ମିଶାଇ ଭୁଲି ଯାଇଛି ସଂସାରର ଦୁଃଖ । କାରଣ ସେ ଆଖି ସେମିତି, ଯେଉଁଥିରେ ଅଛି ଦୟାଭାବ । ମୁଖମଣ୍ଡଳରେ ପ୍ରେମ ଓ କରୁଣା ।

ମହାପ୍ରଭୁ ଶ୍ରୀରାମଙ୍କ ଦିବ୍ୟ ରୂପକୁ ଦେଖି, ବିଭୋର ହୋଇଛନ୍ତି ଭକ୍ତ । ସାରା ଦେଶର ଆଖି ଟିଭି ପରଦାରେ ଲାଖି ରହିଥିଲା । କାରଣ ଅଯୋଧ୍ୟାରେ ହେଉଥିଲା ଉତ୍ସବ ଆଉ ଦେଶର କୋଣ ଅନୁକୋଣରେ ଥିବା ରାମଭକ୍ତ ପାଉଥିଲା ଦିବ୍ୟ ଅନୁଭବ । ସତେ ଯେମିତି ଗାଁରୁ ସହର ହୋଇଯାଇଥିଲା ରାମମୟ । ଦିନ ତମାମ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବର ଅନୁଭୂତି ନେବା ପରେ ଅତି ଶ୍ରଦ୍ଧାରେ ରାମଙ୍କ ପାଇଁ ଦୀପ ଜାଳିଛନ୍ତି ଶ୍ରଦ୍ଧାଳୁ । ହେଲେ ମନରେ ପ୍ରଶ୍ନ ଆସୁଥିବା ଟିଭିରେ ପରଦାରେ ଦେଖୁଥିବା ରାମଲାଲାଙ୍କ ପ୍ରତ୍ୟକ୍ଷ ଦର୍ଶନ କେମିତି ମିଳିବ ।

The post ୫ ଶତାବ୍ଦୀ ପରେ ଜନ୍ମସ୍ଥାନକୁ ଫେରିଲେ ପୁରୁଷୋତ୍ତମ ଶ୍ରୀରାମ । ଆଜିଠୁ ସାଧାରଣ ଦର୍ଶନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଅଯୋଧ୍ୟା ଭବ୍ୟ ରାମମନ୍ଦିରରେ ଶୋଭା ପାଉଛନ୍ତି ରାମଲାଲା । ବିଧିବିଧାନରେ ରାମଲାଲାଙ୍କ ପ୍ରାଣପ୍ରତିଷ୍ଠା କାର୍ଯ୍ୟକ୍ରମ ସମ୍ପନ୍ନ ହୋଇଛି । ଏହି ଐତିହାସିକ ମୁହୁର୍ତର ମୁଖସାକ୍ଷୀ ହୋଇଛି ପୂରା ଦେଶ । ତେବେ କାର୍ଯ୍ୟକ୍ରମରେ ସାମିଲ ହୋଇଛନ୍ତି ଅନେକ ଜଣାଶୁଣା ବ୍ୟକ୍ତିବିଶେଷ । ମୁକେଶ. ନୀତା. ଆକାଶ ଅମ୍ବାନୀ, ଇସା ଅମ୍ବାନୀ ନିଜ ସ୍ୱାମୀଙ୍କ ସହ ପ୍ରାଣପ୍ରତିଷ୍ଠ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏଥିସହ ଟାଟା ଗ୍ରୁପର ଅନେକ ବରିଷ୍ଠ ଅଧିକାରୀଙ୍କ ସହ ଯୋଗଗୁରୁ ବାବା ରାମଦେବ, ବାଗେଶ୍ୱର ଧାମ ମୁଖ୍ୟ ବାଗେଶ୍ୱର ବାବା କାର୍ଯ୍ୟକ୍ରମରେ ସାମିଲ ହେବା ପରେ ନିଜ ଖୁସି ପ୍ରକାଶ କରିଛନ୍ତି ।

ପ୍ରାଣପ୍ରତିଷ୍ଠାରେ ସାମିଲ ହୋଇଛନ୍ତି ୪ହଜାର ସାଧୁସନ୍ଥ, ୯୦୦ ଶିଳ୍ପପତି, ୯୫ଜଣ କ୍ରୀଡ଼ାବିତ, ୨୫୮ ଆଇଜନୀବୀ ଏବଂ ବିଚାରପତି, ୩୦ଜଣ ବୈଜ୍ଞାନିକ, ୪୪ଜଣ ବରିଷ୍ଠ ଅଧିକାରୀ, ୫୦ ଶିକ୍ଷାବିତ, ୧୬ଜଣ ସାହିତ୍ୟକ, ୧୬୪ ମିଡିଆକର୍ମୀ, ୫ଜଣ ଆର୍କିଟେକଚର, ୪୮ ରାଜନେତା, ୪ଶହ ଶ୍ରମିକ, ୫୦ଜଣ କରସେବକ, ୩୦ ସମେତ ପ୍ରାୟ ୭ହଜାର ୧୪୦ ଅତିଥି । ଆରଏସଏସ ପ୍ରମୁଖ ମୋହନ ଭାଗବତଙ୍କ ସମେତ ବିଶ୍ୱ ହିନ୍ଦୁ ପରିଷଦର ଅନେକ ସଦସ୍ୟ କାର୍ଯ୍ୟକ୍ରମରେ ସାମିଲ ହୋଇଥିଲେ    । ସେପଟେ ପୌରାଣିକ ଧାରାବାହି ରାମାୟଣର କଳାକାର ପ୍ରାଣପ୍ରତିଷ୍ଠା କାର୍ଯ୍ୟକ୍ରମରେ ସାମିଲ ହୋଇ ନିଜକୁ ଭାଗ୍ୟଶାଳୀ ମନେ କରିଛନ୍ତି ।

ଅଯୋଧ୍ୟାରେ ପହଁଚିଥିବା ଅତିଥିଙ୍କ ପାଇଁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସହ ରହଣୀ ପାଇଁ ସ୍ୱତନ୍ତ୍ର ପ୍ରସ୍ତୁତି କରିଥିଲେ ସ୍ଥାନୀୟ ପ୍ରଶାସନ । ରାଜ୍ୟ ବାହାରର ଅତିତି ଚାର୍ଟାଡ ବିମାନରେ ଅଯୋଧ୍ୟାର ନୂଆ ବିମାନବନ୍ଦରରେ ପହଁଚିଥିଲେ । ବେଶ ଆଡମ୍ବରର ସହ ଆୟୋଜିତ ରାମଲାଲାଙ୍କ ପ୍ରାଣପ୍ରତିଷ୍ଠାତ୍ତଉତ୍ସବକୁ ନେଇ ସାରା ବିଶ୍ୱରେ ଚର୍ଚ୍ଚା ସାଉଁଟୁଛି ।

The post ରାମଲଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ । ସାମିଲ ହେଲେ ୪ ହଜାର ସାଧୁସନ୍ଥ ୯୫ ଜଣ କ୍ରୀଡାବିତ୍ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସୋମବାର ଅଯୋଧ୍ୟ।। ଭବ୍ୟ ରାମମନ୍ଦିରରେ ପ୍ରାଣପ୍ରତିଷ୍ଠା ସହ ବିରାଜିଛନ୍ତି ପ୍ରଭୁ ରାମଲାଲା । ଅପୂର୍ବ,ଅଲୌକିକ, ଅଦଭୁତ ବିଗ୍ରହ ଦର୍ଶନ କରି ବିମୋହିତ ହୋଇଛନ୍ତି ଶ୍ରଦ୍ଧାଳୁ । ଦେଶ ବିଦେଶରୁ ନିମନ୍ତ୍ରିତ ଅତିଥି ଅଯୋଧ୍ୟାରେ ପହଁଚି ପ୍ରାଣପ୍ରତିଷ୍ଠା ଉତ୍ସବରେ ସାମିଲ ହୋଇଛନ୍ତି । ଅନ୍ୟପଟେ ନିମନ୍ତ୍ରିତ ବଲିଉଡ କଳାକାର ମଧ୍ୟ ସୋମବାର ସକାଳୁ ସକାଳୁ ଅଯୋଧ୍ୟାରେ ପହଁଚିଥିଲେ । ପାରମ୍ପରିକ ବେଶଭୁଷାରେ ଏମାନଙ୍କୁ ଦେଖିବାକୁ ମିଳିଛି । ରଜନୀକାନ୍ତ, ବିଗ ଅମିତାଭ ବଚ୍ଚନ, ଅଭିଶେକ ବଚ୍ଚନ, ରଣବୀର କପୁର, ଆଲିଆ ଭଟ୍ଟ, କ୍ୟାଟ୍ରିନା କୈଫ, ଭିକି କୌଶଲ, କଙ୍ଗନା ରାଣାୱତ, ମାଧୁରୀ ଦିକ୍ଷିତ ନେନେ,ଅନୁପମ ଖେର, ଜ୍ୟାକି ଶ୍ରଫ୍ଙ୍କ ପରି ଅନେକ ଜଣାଶୁଣା ବଲିଉଡ କଳାକାର ରାମମନ୍ଦିରରେ ପହଁଚି ପ୍ରାଣପ୍ରତିଷ୍ଠା କାର୍ଯ୍ୟକ୍ରମରେ ସାମିଲ ହୋଇଥିଲେ । ରାମଲାଲାଙ୍କ ପ୍ରାଣପ୍ରତିଷ୍ଠାରେ ସାମିଲ ହେବାକୁ ମୌକା ମିଳିଥିବାରୁ ନିଜକୁ ଭାଗ୍ୟାଶାଳୀ ମନେ କରିଛନ୍ତି କଳାକାର

ଅଯୋଧ୍ୟା ରାମ ଦରବାରକୁ ଅଧିକ ମନ୍ତ୍ରମୁଗ୍ଧ କରିଥିଲା ପ୍ରସିଦ୍ଧ କଣ୍ଠଶିଳ୍ପୀଙ୍କ ଶ୍ରୁତି ମଧୁର ଗୀତ । ପ୍ରଭୁଙ୍କ ଆଗମନରେ କଣ୍ଠଶିଳ୍ପୀ ଗାଇଥିବା ଗୀତ ମନ୍ଦିର ପରିସରରେ ଅଧିକ ଆଧ୍ୟାତ୍ମିକ ମାହୋଲ ସୃଷ୍ଟି କରିଥିଲା । ବିଶିଷ୍ଠ କଣ୍ଠଶିଳ୍ପୀ ଅନୁରାଧା ପୌଡୱାଲ, ଶଙ୍କର ମହାଦେବନ, ସୋନୁ ନିଗମ, କୈଳାସ ଖେରଙ୍କ ସମେତ ଅନେକ ଜଣାଶୁଣା କଣ୍ଠଶିଳ୍ପୀଙ୍କ ପ୍ରଭୁଙ୍କ ଉଦ୍ଦେଶ୍ୟ ଭଜନ ପରିବେଷଣ କରିଥିଲେ । ଏପରିକି କିଛି କଳାକାର ବେଶ ଭାବବିହ୍ୱଳ ହୋଇପଡିଥିଲେ ।

ବଲିଉଡ କଣ୍ଠଶିଳ୍ପୀଙ୍କ ସମେତ ବିଭିନ୍ନ ରାଜ୍ୟରୁ ନିମନ୍ତ୍ରିତ ଅନେକ ଲୋକପ୍ରିୟ କଣ୍ଠଶିଳ୍ପୀ ମଧ୍ୟ ରାମ ଦରବାରରେ ଭଜନ ପରିବେଶଷ କରିଥିଲେ । ଉତରପ୍ରଦେଶ, ମହାରାଷ୍ଟ ଓ ମଧ୍ୟପ୍ରଦେଶ ସମେତ ଅନ୍ୟ କିଛି ରାଜ୍ୟର କଣ୍ଠଶିଳ୍ପୀଙ୍କ ଗୀତ ଉପସ୍ଥିତ ସମସ୍ତ ବ୍ୟକ୍ତିବିଶେଷଙ୍କୁ ମନ୍ତ୍ରମୁଗ୍ଧ କରିଥିଲା ।

The post ପ୍ରାଣପ୍ରତିଷ୍ଠାରେ ଉତ୍ସବମୁଖର ଅଯୋଧ୍ୟା । ସାମିଲ ହେଲେ ବଲିଉଡ଼ କଳାକାର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଡାକ୍ତରଖାନରେ ଚାଲିଛି ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ଚିକିତ୍ସା । ସୂଚନା ଅନୁସାରେ ସୋମବାର ମୁମ୍ବାଇର ଏକ ଘରୋଇ ଡାକ୍ତରଖାନାରେ ସୈଫଙ୍କ ଅସ୍ତ୍ରୋପଚାର କରାଯାଇଛି । ଅଭିନେତାଙ୍କ କାନ୍ଧ ଓ ଆଣ୍ଠୁ ଆଘାତପ୍ରାପ୍ତ ହେବା ପରେ ଅସ୍ତ୍ରୋପଚାର କରାଯାଇଛି । ୨୦୧୬ ମସିହାରେ ମଧ୍ୟ ସୈଫ ଆଘାତପ୍ରାପ୍ତ ହେବା ପରେ ଡାକ୍ତରଖାନାରେ ଭର୍ତି ହୋଇଥିଲେ । ମିଳିଥିବା ସୂଚନା ଅନୁସାରେ ବର୍ତମାନ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି ।

The post ଡାକ୍ତରଖାନାରେ ଭର୍ତ୍ତି ହେଲେ ଅଭିନେତା ସୈଫ ଅଲ୍ଲୀ ଖାନ । କାନ୍ଧ ଓ ଆଣ୍ଠୁର କରାଗଲା ଅସ୍ତ୍ରୋପଚାର, ସୁଟିଂ ସମୟରେ ଆହତ ହୋଇଥିଲେ ଅଭିନେତା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା ୫ଟି ମ୍ୟାଚ ବିଶିଷ୍ଟ ଟେଷ୍ଟ ସିରିଜକୁ ନେଇ ଆସିଛି ବଡ ଖବର । ପ୍ରଥମ ଦୁଇଟି ମ୍ୟାଚରୁ ବାଦ ପଡିଲେ ବିରାଟ କୋହଲୀ । ବ୍ୟକ୍ତିଗତ କାରଣରୁ କୋହଲୀ ଖେଳିବେନି । ବିସିସିଆଇ ପକ୍ଷରୁ ଜାରି ବିଜ୍ଞପ୍ତିରେ ଏହି ସୂଚନା ଦିଆଯାଇଛି । ବିିସିସିଆଇ କହିଛି ପ୍ରଥମ ଦୁଇଟି ଟେଷ୍ଟ ନଖେଳିବା ପାଇଁ ବିରାଟ କୋହଲୀ ରୋହିତ ଶର୍ମା, ଟିମ ମ୍ୟାନେଜମେଂଟ ଓ ଚୟନକର୍ତାଙ୍କ ସହ ଆଲୋଚନା କରିଥିଲେ । ଏହା ପୂର୍ବରୁ ଆଫଗାନିସ୍ତାନ ବିପକ୍ଷ ୩ଟି ମ୍ୟାଚ ଟି-୨୦ ସିରିଜର ପ୍ରଥମ ୩ଟି ମ୍ୟାଚ ଖେଳିନଥିଲେ ବିରାଟ ।

The post ଇଂଲଣ୍ଡ ବିପକ୍ଷ ସିରିଜର ପ୍ରଥମ ଦୁଇଟି ମ୍ୟାଚ ଖେଳିବେନି ବିରାଟ କୋହଲୀ । ବ୍ୟକ୍ତିଗତ କାରଣ ଦର୍ଶାଇଲେ ବିରାଟ, ବିସିସିଆଇର ସୂଚନା first appeared on Kanak News.

from Kanak News
via <a href="https://ifttt.com/?