କନକ ବ୍ୟୁରୋ: ଆଡିଲେଟ ଟେଷ୍ଟର ଆଜି ଦ୍ୱିତୀୟ ଦିନରେ ଭାରତ ପ୍ରଥମ ଇନିଂସରେ ୨୪୪ ରନରେ ଅଲଆଉଟ ହୋଇଯାଇଛି । ଗତକାଲିର ଅସମାପପ୍ତ ସ୍କୋର  ୬ ୱିକେଟରେ ୨୩୩ ରନରୁ ବ୍ୟାଟିଂ ଆରମ୍ଭ କରି ଭାରତ ଆଉ ମାତ୍ର ୧୧ ରନ ଚଢି ତାର ଶେଷ ୪ ୱିକେଟ ହରାିଛି । ବିରାଟ କୋହଲିଙ୍କ ଅର୍ଦ୍ଧଶତକ, ଚେତେଶ୍ୱର ପୂଜାରା ଓ ଆଜିଙ୍କ୍ୟ ରାହାଣେଙ୍କ ଦୃଢ ବ୍ୟାଟିଂ ଯୋଗୁ ଟିମ ଇଣ୍ଡିଆ ଗୋଟିଏ ସମୟରେ ମାତ୍ର ୩ ୱିକେଟ ହରାଇ ୧୮୮ ରନ କରି ଦୃଢ ସ୍ଥିତିରେ ଥିଲା ।

ହେଲେ ୫୬ ରନରେ ଶେଷ ସାତ ୱିକେଟ ହରାଇ ଦଳ ବଡ଼ ସ୍କୋର କରିବାରୁ ବଂଚିତ ହୋଇଛି ।  ମଧ୍ୟ ଓ ନିମ୍ନକ୍ରମ ବ୍ୟାଟ୍ସମ୍ୟାନ କେହି ବି ଭଲ ପ୍ରଦର୍ଶନ ଦେଇପାରିନାହାନ୍ତି । ଏପଟେ ଅଷ୍ଟ୍ରେଲିଆର ପ୍ରଥମ ଇନିଂସ ର ଆରମ୍ଭ ବି ଭଲ ରହିନି । ଶେଷ ଖବର ସୁଦ୍ଧା ଘରୋଇ ଦଳ ୩୫ ରନରେ ୨ ୱିକେଟ ହରାଇସାରିଛି ।

from Kanak News
via <a href="https://ifttt.com/?

କନକ ବ୍ୟୁରୋ: ବିଜୁ ଯୁବ ଜନତା ଦଳର କାର୍ଯ୍ୟକାରିଣୀ ଭୁବନେଶ୍ୱର ରାଜ୍ୟ କାର୍ଯ୍ୟାଳୟରେ ଆରମ୍ଭ ହୋଇଛି । ବିଜୁ ଯୁବ ଜନତା ଦଳର ନବକଳେବର ପରେ ଏହା ହେବ ପ୍ରଥମ ବୈଠକ । ବୈଠକରେ ଯୁବ ବିଜେଡିର ବିଭିନ୍ନ ପ୍ରସ୍ତାବ ଆଗତ ହେବା ସହ ବିଭିନ୍ନ ପ୍ରସ୍ତାବ ଆଗତ ହେବ ।

ଏହାଛଡା ତୃଣମୂଳ ସ୍ତରରେ ଯୁବକମାନଙ୍କୁ ସଙ୍ଗଠିତ କରାଯାଇ ଦଳର ସଙ୍ଗଠନକୁ କିଭଳି କ୍ରିୟାଶୀଳ କରାଯିବ ସେ ନେଇ ଆଲୋଚନା ହେବ । ବୈଠକରେ ଯୁବ ବିଜେଡିର କାର୍ଯ୍ୟକାରୀ ସଭାପତି, ମହାସଚିବଷ ବରିଷ୍ଠ ଉପସଭାପତିଙ୍କ ସହ ୩୫ ସାଙ୍ଗଠନିକ ଜିଲ୍ଲାର ସଭାପତି ଓ ସମସ୍ତ ଜୋନର ଜୋନ ସଭାପତି ସାମିଲ ହୋଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ଆସନ୍ତା ୨୩ରୁ ଖୋଲିବ ପୁରୀ ଶ୍ରୀମନ୍ଦିର । ଶ୍ରୀମନ୍ଦିର ସହ ପୁରୀ ଜିଲ୍ଲାର ସମସ୍ତ ଧର୍ମାନୁଷ୍ଠାନ ଖୋଲିବ । କୋଭିଡ୍ କଟକଣା ମାନି ଷ୍ରଦ୍ଧାଳୁ ଦର୍ଶନ କରିବେ । ଶ୍ରୀମନ୍ଦିରରେ ପ୍ରଥମେ ପୁରୀବାସୀଙ୍କୁ ଅଗ୍ରାଧୀକାର ଦିଆଯିବ ।  ବିଭିନ୍ନ ପର୍ଯ୍ୟାୟରେ ୱାର୍ଡବାସୀଙ୍କୁ ଦର୍ଶନ ସୁବିଧା ମିଳିବ । ସବୁ ଧର୍ମାନୁଷ୍ଠାନ ଖୋଲିବାକୁ ଜିଲ୍ଲା ପ୍ରଶାସନର ନିଷ୍ପତ୍ତି । ପ୍ରଥମ ଜିଲ୍ଲା ଭାବେ ପୁରୀରେ ଖୋଲିବ ସମସ୍ତ ମନ୍ଦିର ।

ଭକ୍ତଙ୍କ ଲାଗି ମହାପ୍ରଭୁଙ୍କୁ ଦର୍ଶନ କରିବାର ବେଳ ପାଖେଇ ଆସୁଛି ।  ପ୍ରଥମେ ୫ ହଜାର ଭକ୍ତଙ୍କୁ ଦର୍ଶନ ଅନୁମତି ଦିଆଯିବ। ପରେ ସ୍ଥିତି ଦେଖି ସଂଖ୍ୟା ବୃଦ୍ଧି କରାଯିବ। କେବଳ ସେତିକି ନୁହେଁ, ଶ୍ରୀମନ୍ଦିରରେ ପ୍ରବେଶ ପୂର୍ବରୁ କୋଭିଡ୍‌ ନେଗେଟିଭ୍ ଦେଖାଇବାକୁ ପଡ଼ିବ ବୋଲି ସର୍ତ୍ତ ରଖାଯାଇଛି । ନୂଆବର୍ଷରେ ଭିଡ଼ ବଢ଼ିବା ଆଶଙ୍କା ଥିବାରୁ ଜାନୁଆରି ୧ ଓ ୨ ତାରିଖରେ ଶ୍ରୀମନ୍ଦିର ପ୍ରବେଶ ଓ ଦର୍ଶନ ବନ୍ଦ ରଖାଯିବ। ଜାନୁଆରି ୩ରୁ ପୁରୀ ସହ ଜିଲ୍ଲା ତଥା ରାଜ୍ୟ ବାହାର ଭକ୍ତମାନେ ମହାପ୍ରଭୁଙ୍କୁ ଦର୍ଶନ କରିପାରିବେ। ଦୈନିକ ୫ ହଜାର ଭକ୍ତଙ୍କୁ ଦର୍ଶନ ସୁଯୋଗ ମିଳିବ। ସପ୍ତାହେ ଧରି ଅର୍ଥାତ୍‌ ଜାନୁଆରି ୩ରୁ ୧୦ ତାରିଖ ପର୍ଯ୍ୟନ୍ତ ଏହି ପରୀକ୍ଷାମୂଳକ ଦର୍ଶନ ଚାଲିବ।

ସ୍ଥିତି ଭଲ ରହିଲେ, ଦ୍ବିତୀୟ ସପ୍ତାହରୁ ଭକ୍ତଙ୍କ ସଂଖ୍ୟା ବୃଦ୍ଧି କରାଯିବ। ଉତ୍ସବ ଆଦିରେ ନିର୍ଦ୍ଦିଷ୍ଟ କଟକଣା ରହିବ। ନୀତିକାନ୍ତିକୁ ପ୍ରଭାବିତ କରିବା ଭଳି କୌଣସି ନିଷ୍ପତ୍ତି ନିଆଯିବ ନାହିଁ। ତେବେ କୋଭିଡ୍‌-୧୯ ନିୟମ କଡ଼ାକଡ଼ି ଅନୁପାଳନ ହେବ। ଶ୍ରୀମନ୍ଦିରରେ ପ୍ରବେଶ ପୂର୍ବରୁ ଭକ୍ତଙ୍କ ପାଇଁ ମାସ୍କ, ସାନିଟାଇଜର୍‌, ସାମାଜିକ ଦୂରତା ନିୟମ କଡ଼ାକଡ଼ି ପାଳନ କରାଯିବ। ଚାରିଦ୍ବାରରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ସାନିଟାଇଜର ବ୍ୟବସ୍ଥା କରାଯିବ। ଏହାଛଡ଼ା ପ୍ରବେଶ ପୂର୍ବରୁ ଭକ୍ତମାନଙ୍କ ପାଇଁ କୋଭିଡ୍‌-୧୯ ନେଗେଟିଭ୍‌ ରିପୋର୍ଟ ବାଧ୍ୟତାମୂଳକ କରାଯାଇଛି। ୪୮ ଘଣ୍ଟା ଭିତରର ନେଗେଟିଭ୍‌ ରିପୋର୍ଟ ଦେଖାଇ ଭକ୍ତମାନେ ଶ୍ରୀମନ୍ଦିର ଭିତରେ ପ୍ରବେଶ କରିପାରିବେ। ରାପିଡ୍‌ ଆଣ୍ଟିଜେନ୍‌ ଟେଷ୍ଟ ଅବା ଆର୍‌ଟିପିସିଆର୍‌, ଯେ କୌଣସି ରିପୋର୍ଟ ଦେଖାଇ ଭକ୍ତ ଶ୍ରୀମନ୍ଦିରକୁ ଯାଇପାରିବେ।

ପୂର୍ବଭଳି ନୀତିକାନ୍ତି ଅନୁଯାୟୀ ଭକ୍ତମାନେ ଉଭୟ ବାହାର ଓ ଭିତର କାଠରୁ ଦର୍ଶନ କରିପାରିବେ। ଫୁଲ, ଦୀପ ଆଦି ଦେବାରେ କଟକଣା ଲାଗିବ। ଏଥିପାଇଁ ଶ୍ରୀମନ୍ଦିର ଭିତରେ ଓ ବାହାରେ ସ୍ବତନ୍ତ୍ର ବ୍ୟବସ୍ଥା କରାଯିବ। ଫୁଲ, ଦୀପ ଓ ଧୂପ ଆଦି ବିଶୋଧନ ହେବ। ମନ୍ଦିର ଭିତରେ ଓ ବାହାରେ ସାମାଜିକ ଦୂରତା ରକ୍ଷା ପୂର୍ବକ ଧାଡ଼ି ଦର୍ଶନ ବ୍ୟବସ୍ଥା ହେବ। ସେବାୟତ ହୁଅନ୍ତୁ କି କର୍ମଚାରୀ, ପ୍ରବେଶ ପୂର୍ବରୁ ପରିଚୟପତ୍ର ବାଧ୍ୟତାମୂଳକ କରାଯାଇଛି। କୋଭିଡ୍‌ ସ୍ଥିତି ନ ସୁଧୁରିବା ପର୍ଯ୍ୟନ୍ତ ୬୫ ବର୍ଷରୁ ଅଧିକ ଓ ୧୦ ବର୍ଷରୁ କମ୍‌ ବୟସର ଭକ୍ତଙ୍କୁ ଦର୍ଶନ ପାଇଁ ନ ଆସିବାକୁ ନିବେଦନ କରାଯାଇଛି। ମହାପ୍ରସାଦ ସମସ୍ତେ ପାଇପାରିବେ। ଆନନ୍ଦ ବଜାରରେ ପୂର୍ବଭଳି ମହାପ୍ରସାଦ ମିଳିବ। ଶୃଙ୍ଖଳିତ ନୀତିକାନ୍ତି ଓ ଶୃଙ୍ଖଳିତ ଦର୍ଶନକୁ ସର୍ବାଧିକ ଗୁରୁତ୍ବ ଦିଆଯିବ। ସାହାଣମେଲା ଦର୍ଶନ ବନ୍ଦ ରହିବ। ଗଙ୍ଗା ସାଗର ବୁଡ଼ ପରେ ଅର୍ଥାତ୍‌ ଫେବ୍ରୁଆରିରୁ ଦର୍ଶନ ସ୍ବାଭାବିକ ହୋଇପାରେ ବୋଲି ଆଶା କରାଯାଉଛି।

from Kanak News
via <a href="https://ifttt.com/?

କନକ ବ୍ୟୁରୋ: ପୋଲିସ ପଂଝାରେ ପୋଲିସ ଅଧିକାରୀ । ମାଲକାନାଗିରି ସଦର ଡ଼ିଏସପି ଅକ୍ଷୟ ନାୟକ କଳାହାଣ୍ଡି ପୋଲିସ ଦ୍ୱାରା ଅଟକ ରହିଛନ୍ତି । ଜଣେ ବିବାହିତ ମହିଳା କନେଷ୍ଟବଳଙ୍କ ସହ ପ୍ରେମ ପ୍ରତାରଣା ଓ ବ୍ଲାକ ମେଲିଙ୍ଗ ଅଭିଯୋଗରେ ତାଙ୍କ ଉପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ସେ ପୂର୍ବରୁ କେସିଙ୍ଗା ଥାନାରେ ଏସଡ଼ିପିଓ ଭାବେ କାମ କରିଛନ୍ତି ।

ମିଳିଥିବା ସୂଚନା ଅନୁସାରେ, ମାଲକାନଗିରିର ଜଣେ ରସିକିଆ ପୁଲିସ ଅଧିକାରୀଙ୍କୁ ଥାନାରେ ଅଟକ ରଖାଯାଇଥିବାର ଖବର ମିଳିଛି। ମାଲକାନଗିରି ସଦର ଡିଏସପି ଅକ୍ଷୟ ନାୟକ କଳାହାଣ୍ଡି ପୁଲିସ ଦ୍ବାରା ଅଟକ ହୋଇଛନ୍ତି। କେସିଙ୍ଗା ଥାନାର ଜଣେ ବିବାହିତା ମହିଳା କନେଷ୍ଟବଳଙ୍କ ସହ ପ୍ରେମ ପ୍ରତାରଣା ଓ ବ୍ଲାକ ମେଲିଂ ଅଭିଯୋଗରେ ପୁଲିସ୍ ପକ୍ଷରୁ ଏହି କାର୍ୟ୍ୟାନୁଷ୍ଠାନ ଗ୍ରହଣ କରାଯାଇଛି। ମହିଳା କନେଷ୍ଟବଳ ପୂର୍ବରୁ ଥାନାରେ ଲିଖିତ ଅଭିଯୋଗ କରିଥିଲେ।

ଏନେଇ କଳାହାଣ୍ଡି ଜିଲ୍ଲାର କେସିଙ୍ଗା ଥାନାରେ ମାମଲା ରୁଜୁ ହୋଇଛି। ଅକ୍ଷୟ ନାୟକ କେସିଙ୍ଗା ଥାନାରେ ପୂର୍ବରୁ ଏସଡିପିଓ ଭାବେ ଅବସ୍ଥାପିତ ଥିଲେ।

from Kanak News
via <a href="https://ifttt.com/?

କନକ ବ୍ୟୁରୋ: ଢେଙ୍କାନାଳରେ କୂଅ ଭିତରୁ ଶିଶୁର ମୃତଦେହ ଉଦ୍ଧାର ଘଟଣାରେ ପଡୋଶୀ ମହିଳାଙ୍କୁ ଗିରଫ କରିଛି ପୁଲିସ । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ହତ୍ୟା କରିିଥିବା ମହିଳା ଜଣକ ସ୍ୱୀକାର କରିଛନ୍ତି । ଶିଶୁଟିକୁ ଶ୍ୱାସରୁଦ୍ଧ ପରେ କୂଅରେ ଫିଙ୍ଗିଦେଇଥିବା ଜଣାପଡିଛି । ପୁଲିସ ଗତକାଲି  ଉଭୟ ସନ୍ଦିଗ୍ଧ ଦମ୍ପତିଙ୍କୁ ଅଟକ ରଖି ପଚରାଉଚରା  କରିଥିଲା । ଆଜି ଗିରଫ କରାଯାଇଛି ।  କିଛି ସମୟ ପରେ ତାଙ୍କୁ କୋର୍ଟ ଫରୱାର୍ଡ କରାଯିବ । ୨ ଦିନ ତଳେ ନିହଲପ୍ରସାଦ ଥାନା ଅନ୍ତର୍ଗତ ଖଙ୍କିରା ଗାଁର  ଜୟନ୍ତ ସାହୁଙ୍କ ୩ ବର୍ଷର ନିଖୋଜ ପୁଅ ଆୟୁଷ ନିଖୋଜ ହୋଇଥିଲା । ଏହା ପରେ କୁଅ ଭିତରୁ ମୃତଦେହ ଉଦ୍ଧାର ହୋଇଥିଲା ।

ସେହିପରି ଗଜପତି ଜିଲ୍ଲା କାଶୀନଗର ବ୍ଲକରେ ୭ ବର୍ଷରୁ ଶିଶୁ ପୁତ୍ର ନିଖୋଜ ମାମଲାର ତଦନ୍ତ କରିବା ପାଇଁ ୩ଟିମ୍ ଗଠନ ହୋଇଛି । ଗତକାଲି ସଂଧ୍ୟାରେ ଶିଶୁପୁତ୍ର ଜଣଙ୍କ ଖେଳୁଥିବା ବେଳେ ଦୁଇ ଜଣ ଦୁର୍ବୃତ ବାଇକ୍ରେ ଆସି ପିଲାଟିକୁ ଉଠାଇ ନେଇଥିବା ଅଭିଯୋଗ ହୋଇଲା । ନିଜ ଘର ଠାରୁ ୫୦ ମିଟର ଦୂର ଏକ ବ୍ୟାକେରି ଦୋକାନ ନିକଟରେ ଖେଳୁଥିଲା କାଶୀନଗରର ଝାମି ଗୋପିଙ୍କ ପୁଅ ଝାମି ହାର୍ଦ୍ଧିକ । ଖେଳୁଥିବା ବେଳେ ପିଲାକୁ କେହି ଅପହରଣ କରି ନେଇଥିବା ପରିବାର ଲୋକ କାଶୀନଗର ଥାନାରେ ଅଭିଯୋଗ କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ଦେଶରେ କୃଷକ ମାନେ ଚଳାଇଥିବା ଆନ୍ଦୋଳନ ଆଜି ୨୩ ଦିନରେ ପହଂଚିଲାଣି । ଏହି ଆନ୍ଦୋଳନକୁ ସାରା ଦେଶର କୃଷକ ମାନେ ସମର୍ଥନ ଜଣାଉଛନ୍ତି । ଶିତ କାକରରେ ଚାଷୀ ମାନେ ସେମାନଙ୍କ ହକ୍ ପାଇଁ ପଡି ରହିଛନ୍ତି । ହେଲେ ସରକାର ଏପର୍ଯ୍ୟନ୍ତ କୃଷକ ମାନଙ୍କ ଆନ୍ଦୋଳନର ସମାଧାନ କଥା ଚିନ୍ତା ନକରି ପୂର୍ବ ତରିକାରେ ଚାଇନା, ପାକିସ୍ତାନ, ଟୁକଡେ ଟୁକଡେ ଗ୍ୟାଙ୍ଗ, ଦେଶ ବିରୋଧୀ ଶକ୍ତି ନା ରେ କୃଷକ ମାନଙ୍କ ଆନ୍ଦୋଳନକୁ ଭାଙ୍ଗିବାକୁ ଚାହୁଁଛନ୍ତି । ହେଲେ ଏହାରି ମଧ୍ୟରେ ଦେଖିବାକୁ ମିଳିଛି ଏକ ବିଚିତ୍ର ଚିତ୍ର । ଚାଷୀ ଆନ୍ଦୋଳନକୁ ସମର୍ଥନ ଜଣାଇ ବିହାରର ଜଣେ ୬୦ ବର୍ଷର ବୃଦ୍ଧା ୧୧ ଦିନରେ ଏକ ହଜାର କିଲୋମିଟର ସାଇକେଲ ଚଳାଇ ଟିକିରୀ ବୋର୍ଡରେ ପହଂଚିଛନ୍ତି ।
ସୂଚନା ମୁତାବକ ବିହାରର ସୀବାନ ଜିଲ୍ଲାର ବାସିନ୍ଦା ସତ୍ୟଦେବ ମାଂଝୀ ନିରନ୍ତର ଭାବେ ୧୧ ଦିନ ସାଇକେଲ ଚଳାଇ ଆନ୍ଦୋଳନରେ ସାମିଲ ହୋଇଛନ୍ତି । ଏହା ସହ ସେ ଏକ ଜାତୀୟ ଗଣମାଧ୍ୟମ ମାଧ୍ୟମରେ କୃଷକ ବିରୋଧୀ ୩ କୃଷି ଆଇନକୁ ପ୍ରତ୍ୟାହାର କରିବାକୁ ଅନୁରୋଧ କରିଛନ୍ତି । ମାଂଝୀ କହିଛନ୍ତି କି ‘ମୋତେ ମୋ ଘର ସିବାନ ଜିଲ୍ଲାରୁ ଏଠାରେ ପହଂଚିବାକୁ ୧୧ ଦିନ ଲାଗିଗଲା । ମୁଁ ଏହି ୩ ଟି କୃଷି ଆଇନକୁ ପ୍ରତ୍ୟାହାର କରିନେବାକୁ କେନ୍ଦ୍ର ସରକାରଙ୍କୁ ଅନୁରୋଧ କରୁଛି । ଏହା ସହ ମୁଁ କୃଷି ଆନ୍ଦୋଳନ ସହିତ ସେପର୍ଯ୍ୟନ୍ତ ରହିବି,ଯେ ପର୍ଯ୍ୟନ୍ତ ସରକାର ବିଲ୍ ପ୍ରତ୍ୟାହାର କରି ନାହାନ୍ତି ’
କହିରଖୁ କି ରାଷ୍ଟ୍ରୀୟ ରାଜଧାନୀ ଦିଲ୍ଲୀର ବିଭିନ୍ନ ସୀମାରେ କୃଷକ ମାନେ ୨୬ ନଭେମ୍ବର ଠାରୁ ଲଗାତର ଭାବେ ବିରୋଧ ପ୍ରଦର୍ଶନ କରିଆସୁଛନ୍ତି । ସେମାନେ ୩ ଟି କଅଷି ଆଇନକୁ ପ୍ରତ୍ୟାହାର କରିବାକୁ କେନ୍ଦ୍ର ସରକାରଙ୍କ ପାଖରେ ଦାବି କରିଛନ୍ତି । କୃଷକ ସଂଗଠନ ଓ କେନ୍ଦ୍ର ସରକାରଙ୍କ ମଧ୍ୟରେ ଏନେଇ ୫ ଥର ଆଲୋଚନା ହୋଇଥିଲେ ବି ଏହି ଆଲୋଚନାରୁ କୌଣସି ନିଷ୍କର୍ସ ବାହାରି ପାରୁ ନାହିଁ ।
ଏହାରି ମଧ୍ୟରେ କୃଷକ ସଂଗଠନ ମାନେ ଡିସେମ୍ବର ୮ ତାରିଖରେ ଭାରତ ବନ୍ଦ କରିଥିଲେ । ଡିସେମ୍ବର ୧୪ ତାରିଖରେ ଦେଶର ପ୍ରତି ଜିଲ୍ଲାର ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଉପବାସ କରି ଅନଶନରେ ବସିଥିଲେ । ହେଲେ ସରକାର ଓ କୃଷକ ମାନେ ଏବେ ବି ତାଙ୍କ ଜିଦ୍ ରେ ଅଟଳ ରହିଛନ୍ତି । ଗତକାଲି ପ୍ରଥମଥର ପାଇଁ ଦିଲ୍ଲୀ ସରକାର ବିଧାନସଭା ଭିତରେ କୃଷି କାନୁନର ପ୍ରତୀକାତ୍ମକ କାଗଜ ଚିରିଛନ୍ତି । ଅନ୍ୟପଟେ ବିଜେପି ଓ ତା’ର ସହଯୋଗୀ ଦଳ ମାନଙ୍କ ବ୍ୟତିତ ଅନ୍ୟ ସମସ୍ତ ରାଜନୈତିକ ଦଳମାନେ କୃଷକଙ୍କ ଆନ୍ଦୋଳନକୁ ପରୋକ୍ଷରେ ସମର୍ଥନ ଜଣାଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ନୂତନ କୃଷି ଆଇନକୁ ନେଇ ପଞ୍ଜାବ, ହରିଆଣା, ରାଜସ୍ଥାନ ସମେତ ଅନେକ ରାଜ୍ୟର କୃଷକ ମାନେ ଦୀର୍ଘ ୨୩ ଦିନ ହେବ ଦିଲ୍ଲୀ ସୀମାରେ ଆନ୍ଦୋଳନ ଜାରି ରଖିଛନ୍ତି । ସେପଟେ ବିଜେପି ନେତୃତ୍ୱାଧୀନ ଏନଡିଏ ସରକାର କୃଷି ଆଇନ କୃଷକଙ୍କ ହିତରେ ବୋଲି କୃଷକ ମାନଙ୍କୁ ବୁଝାଇବାକୁ ପ୍ରୟାସ ଜାରି ରଖିଛନ୍ତି । ହେଲେ ହରିଆଣାରେ ବିଜେପି ନେତା ମାନେ ବି କୃଷି ଆଇନକୁ ବିରୋଧ କରିବା ଆରମ୍ଭ କରିଛନ୍ତି । ସୂଚନା ମୁତାବକ ପୂର୍ବ କେନ୍ଦ୍ରମନ୍ତ୍ରୀ ତଥା ବିଜେପିରୁ ରାଜ୍ୟସଭା ସାଂସଦ ହୋଇଥିବା ଚୌଧୁରୀ ବିରେନ୍ଦ୍ର ସିଂଙ୍କ ବୟାନ ଏବେ ରାଜନୀତିରେ ହଇ ଚଇ ସୃଷ୍ଟି କରିଛି । ସେ କହିଛନ୍ତି କି ତାଙ୍କ ପାଇଁ ଦଳ ଓ ରାଜନୀତିରୁ ଉର୍ଦ୍ଧରେ କୃଷକ ମାନଙ୍କର ସ୍ୱାର୍ଥ । ସରକାର ବିଲ ପ୍ରତ୍ୟାହାର ନକଲେ ସେ ଏହା ବିରୋଧରେ ସ୍ୱର ଉର୍ତ୍ତୋଳନ କରିବେ ବୋଲି କହିଛନ୍ତି । ଅନୁମାନ କରାଯାଉଛି କି ସେ କୃଷକ ମାନଙ୍କ ଆନ୍ଦୋଳନରେ ସାମିଲ ହୋଇ ପାରନ୍ତି ।

ବିଜେପି ନେତା ବିରେନ୍ଦ୍ର ସିଂ ହରିଆଣାର କୈତଲ ଠାରେ କହିଛନ୍ତି କି କୃଷକ ମାନେ ଯଦି ତାଙ୍କ ସହିତ ସଂପର୍କ କରିଥା’ନ୍ତେ ତାହେଲେ ସେ ବର୍ତ୍ତମାନ କୃଷକଙ୍କ ଆନ୍ଦୋଳନରେ ସାମିଲ ହୋଇସାରିଥା’ନ୍ତେ । ଏହା ସହ ସେ କହିଛନ୍ତି କି କୃଷି କାନନୁ ବାବଦରେ କୃଷକ ମାନଙ୍କୁ ପ୍ରଥମେ ବୁଝାଇବାର ଆବଶ୍ୟକତା ରହିଥିଲା । କାରଣ ଏବେ ବି କୃଷକ ମାନେ ଆଶଂକା କରୁଛନ୍ତି କି ଏହି ବିଲ୍ ସେମାନଙ୍କ ପାଇଁ କ୍ଷତି ପହଂଚାଇବ । ଅନ୍ୟପଟେ ଆଜି ହରିଆଣାର ସାମ୍ପଲ ଠାରେ ଆୟୋଜିତ ହେବାକୁ ଥିବା କୃଷି ଆଇନ ବିରୋଧରେ ଏକ ଦିବସୀୟ ବିକ୍ଷୋଭରେ ବିରେନ୍ଦ୍ରସିଂ ସାମିଲ ହୋଇ ପାରନ୍ତି ବୋଲି ଆଶା କରାଯାଉଛି । ଏନେଇ ଗୁରୁବାର ଦିନ ବିରେନ୍ଦ୍ର ସିଂ ଛୋଟୁ ରାମ ବିଚାର ମଞ୍ଚର ସଦସ୍ୟ ମାନଙ୍କୁ କହିଛନ୍ତି କି ସେ ଏବେ କେବଳ କୃଷକ ମାନଙ୍କ ପାଇଁ ରାଜନୀତି କରିବେ ।

ଛୋଟୁ ରାମ ବିଚାର ମଞ୍ଚ ଚୌଧୁରୀ ବିରେନ୍ଦ୍ର ସିଂଙ୍କ ପ୍ରତିନିଧିତ୍ୱରେ ପରିଚାଳିତ ହେଉଥିବା ଏକ ବେସରକାରୀ ସଂଗଠନ । ଯେଉଁ ସଂଗଠନ ଆଜି ହରିଆଣାରେ କୃଷି ଆଇନ ବିରୋଧରେ ଏକ ଦିବସୀୟ ପ୍ରତିବାଦ କରିବ । କହିରଖୁ କି ଯେତେବେଳେ ବିଭିନ୍ନ ରାଜ୍ୟର ଚାଷୀ ମାନେ କୃଷି ଆଇନକୁ ବିରୋଧ କରି ଦିଲ୍ଲୀ ଚଲୋ ଡାକରା ଦେଇଥିଲେ ସେତେବେଳେ ହରିଆଣା ବିଜେପି ସରକାର ପକ୍ଷରୁ ସେମାନଙ୍କ ସହ ଆଲୋଚନା କରାଯାଉଥିଲା । ହେଲେ ଏବେ ଯେତେବେଳେ ନିଜ ଦଳର ବରିଷ୍ଠ ନେତା ଏହି ଆଇନକୁ ବିରୋଧ କରିବା ଆରମ୍ଭ କଲେଣି ସେତେବେଳେ ମାମା ଭାବେ ପରିଚିତ ହରିଆଣାର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ପାଇଁ ଅଡୁଆ ନିଶ୍ଚିତ ଭାବେ ବଢୁଛି ।

from Kanak News
via <a href="https://ifttt.com/?

କନକ ବ୍ୟୁରୋ: ବଲାଙ୍ଗିରରେ ଥିବା ଏକ ଟେମ୍ପୋରାରି ଭେଣ୍ଡିଂ ଜୋନରେ ଆଗ୍ନିକାଣ୍ଡ । ଏହି ଅଗ୍ନିକାଣ୍ଡରେ ଜଣେ ଗୁରୁତର ଭାବେ ଆହତ ହୋଇ ଭୀମଭୋଇ ମେଡ଼ିକାଲରେ ଚିକିତ୍ସିତ ହେଉଛି । ନିଆଁରେ ଲକ୍ଷାଧିକ ଟଙ୍କାର ଫଳ ପୋଡ଼ି ପାଉଁଶ ହୋଇଯାଇଛି । ଗତକାଲି ରାତିରେ କେହି ଦୁର୍ବୃତ ନିଆଁ ଲାଗାଇଦେଇଥିବାର ଅଭିଯୋଗ ହୋଇଛି । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ କରିଛନ୍ତି ।

ମିଳିଥିବା ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ବଲାଙ୍ଗୀର ବସଷ୍ଟାଣ୍ଡ ନିକଟସ୍ଥ ଫଳ ମାର୍କେଟରେ ଅଗ୍ନିକାଣ୍ଡ ଘଟିଥିଲା। ଏଠାରେ ୭ଟି ଠେଲା ଜଳିଯାଇଥିଲା। ତାଛଡ଼ା ସେଠାରେ ଥିବା ଦେଢ ଲକ୍ଷରୁ ଅଧିକ ଟଙ୍କାର ଫଳ ନଷ୍ଟ ହୋଇଥିବା କୁହାଯାଉଛି। ଅଗ୍ନିଶମ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଖାଲି ସେତିକି ନୁହେଁ,  ଏଠାରେ ଥିବା ୧୦ଟି ଦୋକାନରେ ନିଆଁ ଲାଗି ଯାଇଥିଲା। ସବୁ ଦୋକାନର ଫଳ ପୋଡ଼ି ନଷ୍ଟ ହୋଇଯାଇଛି।

ଅଗ୍ନିକାଣ୍ଡର କାରଣ ଅସ୍ପଷ୍ଟ ହୋଇଥିଲେ ବି କେହି ଦୁର୍ବୃତ୍ତ ଫଳ ମାର୍କେଟରେ ନିଆଁ ଲଗାଇଥିବାର ସନ୍ଦେହ କରାଯାଉଛି। ନିଆଁରେ ପୋଡ଼ି ଗୁରୁତର ହୋଇଥିବା ଲୋକର ନାଆଁ ସିଲେଟ୍ ବୋଲି ସୂଚନା ମିଳିଛି। ତାଙ୍କୁ ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

from Kanak News
via <a href="https://ifttt.com/?

କନକ ବ୍ୟୁରୋ: ନିଜ ଜୀବନ ବଦଳରେ ୭ଟି ଜୀବନ ବଂଚାଇଲେ ଅଢେଇ ବର୍ଷର ଶିଶୁ ପୁତ୍ର । ଘଟଣାଟି ଘଟିଛି ଗୁଜୁରାଟ ସୁରଟ ଜିଲ୍ଲାରେ । ମୃତ ଶିଶୁଟିର ନାଁ ଯଶ ଓଝା । ତେବେ ମୃତ୍ୟୁ ପୂର୍ବରୁ ଖୁବ୍ କମ୍ ବୟସରେ ଅଙ୍ଗଦାନ କରି ୭ଜଣଙ୍କ ଜୀବନ ବଂଚାଇ ରେକର୍ଡ଼ ସୃଷ୍ଟି କରିଛନ୍ତି ଯଶ । ସୁଚନା ଅନୁସାରେ ପଡ଼ୋଶୀଙ୍କ ଘରେ ଖେଳୁଥିବା ସମୟରେ ଶିଶୁଟି ଦ୍ୱିତୀୟ ମହଲାର ବାଲକୋନୀରୁ ଖସି ପଡ଼ିଥିଲେ । ମୁଣ୍ଡରେ ଗଭୀର ଆଘାତ ଲାଗିଥିବାରୁ ତାକୁ ଡ଼ାକ୍ତରମାନେ ବ୍ରେନ୍ ଡ଼େଡ଼୍ ଘୋଷଣା କରିଥିଲେ । ଏହାପରେ ଶିଶୁଟିର ଅଙ୍ଗଦାନ କରିବାକୁ ତାର ବାପା ମା’ ନିଷ୍ପତି ନେଇଥିଲେ । ଫଳରେ ସାତଜଣଙ୍କ ଜୀବନ ବଂଚିଯାଇଛି ।

ପିଲାଟିର ହୃତପିଣ୍ଡ, କିଡ଼ନୀ, ଫୁସଫୁସ୍, ଲିଭର, ଆଖି ଦାନ କରିଛନ୍ତି ଯଶର ବାପା ଓ ମା’ । ଯଶର ହୃତପିଣ୍ଡ ଓ ଫୁସ୍ଫୁସ୍କୁ ବିମାନରେ ଚେନ୍ନାଇ ପଠାଯାଇଥିଲା । ଋଷିଆର ଜଣେ ୪ବର୍ଷର ଶିଶୁ ଶରୀରରେ ତାଙ୍କ ହୃତପିଣ୍ଡ ପ୍ରତିରୋପଣ କରାଯାଇଛି । ସେହିପରି ଫୁସଫୁସକୁ ୟେକେନର ଜଣେ ୪ବର୍ଷର ଶିଶୁ ଶରୀରରେ ପ୍ରତିରୋପଣ କରାଯାଇଛି । ୨ଯାକ ପ୍ରତିରୋପଣ ଚେନ୍ନାଇର ଏକ ହସ୍ପିଟାଲରେ ହୋଇଛି । ସେଠାରେ ଏହି ଦୁଇ ବିଦେଶୀ ଶିଶୁ ବର୍ଷେ ହେଲା ଚିକିତ୍ସିତ ହେଉଥିଲେ ।

ସେହିପରି ଯଶର କିଡ଼ନୀ ଦୁଇଟିକୁ ଜଣେ ୧୩ ବର୍ଷର ଝିଅ ଓ ଆଉ ଜଣେ ୧୭ ବର୍ଷର ଝିଅ ଶରୀରରେ ପ୍ରତିରୋପଣ କରାଯାଇଛି । ତାଙ୍କ ଲିଭରକୁ ପ୍ରତିରୋପଣ କରି ୨ବର୍ଷର ଝିଅର ଜୀବନ ବଂଚାଇବାରେ ସଫଳ ହୋଇଛନ୍ତି ଡ଼ାକ୍ତର । ଏହି ଅଙ୍ଗଦାନ ପ୍ରକ୍ରିୟାରେ ବଡ଼ ଭୁମିକା ତୁଲାଇଛି ଏନଜିଓ ସଂସ୍ଥା ଡ଼ୋନେଟ ଲାଇଫ ।

from Kanak News
via <a href="https://ifttt.com/?

କନକ ବ୍ୟୁରୋ : ମାଟି କେବଳ ପୃଥିବୀ ଗ୍ରହରେ ନାହିଁ । ଚନ୍ଦ୍ରପୃଷ୍ଟରେ ବି ରହିଛି ମାଟି । ହେଲେ ଏହି ମାଟି କିଭଳି । ଏହି ମାଟିରେ କ’ଣ ପୃଥିବୀର ମାଟି ଭଳି ସମାନ କି ? । ଏହି ମାଟିରେ କ’ଣ ଚାଷ କରାଯାଇ ପାରିବ କି ? । ଏଭଳି ଅନେକ ପ୍ରଶ୍ନ ଆମ ମନରେ ଉଙ୍କିମାରେ । ହେଲେ କେବଳ ଆମ ମନରେ ନୁହେଁ ମହାକାଶ ଗବେଷକଙ୍କ ମନରେ ବି ଏଭଳି ପ୍ରଶ୍ନ ଉଙ୍କି ମାରିଥିଲା ୨୦୦୪ ମସିହାରେ । ଏହାକୁ ନେଇ ଚାଇନାର ମହାକାଶ ଗବେଷକ ମାନେ ସେବେଠାରୁ ଆରମ୍ଭ କରିଦେଇଥିଲେ ଗବେଷଣା । ଏହି ଗବେଷଣା ୨୦୦୪ ରୁ ଆରମ୍ଭ ହୋଇଥିଲେ ବି ଏବେ ତାକୁ ମିଳିଛି ସଫଳତା । ଚାଇନାର ମହାକାଶ ଯାନ ଚାଙ୍ଗ’ଇ-୫ ଗୁରୁବାର ଦିନ ଚନ୍ଦ୍ରପୃଷ୍ଟରୁ ମାଟିର ନମୂନା ଧରି ପୃଥିବୀ ପୃଷ୍ଟକୁ ଫେରିଛି । ଏହି ମହାକାଶଯାନକୁ ଚାଇନା ଡିସେମ୍ବର ୨ ତାରିଖରେ ଚନ୍ଦ୍ରପୃଷ୍ଟର ନିର୍ଦ୍ଧାରିତ ସ୍ଥାନରେ ଅବତରଣ କରାଇଥିଲା । ଯାହାକି ଗତକାଲି ସେଠାରୁ ମାଟିର ନମୂନା ସଂଗ୍ରହ କରି ଫେରିଛି । ଚାଇନା ନ୍ୟାସନାଲ ସ୍ପେସ୍ ଆଡମିନଷ୍ଟ୍ରେଶନ (ସିଏନଏସଏ) ର ସୂଚନା ମୁତାବକ ମହାକାଶଯାନଟି ଉତ୍ତର ଚାଇନାର ମୋଙ୍ଗୋଲିଆ ସ୍ୱୟଂଶାସିତ ଅଞ୍ଚଳ ସିଜିୱାଙ୍ଗ ବ୍ୟାନରରେ ଅବତରଣ କରିଛି ।

୨୦୦୪ ମସିହାରୁ ଆରମ୍ଭ ହୋଇଥିବା ଏହି ମିଶନ ସଫଳ ହୋଇଥିବା ନେଇ ସିଏନଏସଏ ର ମୁଖ୍ୟ ଜାଙ୍ଗ କେଜିଆନ ଘୋଷଣା କରିଛନ୍ତି । ଏଭଳି ନମୁନା ସଂଗ୍ରହ କରିବାକୁ ୪୦ ବର୍ଷ ତଳେ ପ୍ରଥମେ ଆମେରିକା ମିଶନ ଆରମ୍ଭ କରିଥିଲା । ଏନେଇ ବି ଆମେରିକା ଚନ୍ଦ୍ରକୁ ମହାକାଶଚାରୀ ପ୍ରେରଣ କରିଥିଲା । ହେଲେ ତାହା ବିଫଳ ହୋଇଥିଲା । ଏହାପରେ ପ୍ରଥମ କରି ଚାଇନା ଏହି ମିଶନ ଆରମ୍ଭ କରିଥିଲା ।
ସିଏନଏସଏ ର ମୁଖ୍ୟ ଜାଙ୍ଗ କେଜିଆନ କହିଛନ୍ତି କି ସଂଗୃହିତ ହୋଇ ଆସିଥିବା ଏହି ମାଟିକୁ ପରୀକ୍ଷଣ କରାଯିବ । ତାହା ପରେ ସ୍ପଷ୍ଟ ହୋଇପାରିବ କି ଚନ୍ଦ୍ରପୃଷ୍ଟ ମଣିଷ ପାଇଁ ବା ଉପଯୋଗୀ କି ନୁହେଁ ।

from Kanak News
via <a href="https://ifttt.com/?