କନକ ବ୍ୟୁରୋ : କୋଣାର୍କରେ ଆରମ୍ଭ ହେଲା ଲାଇଟ୍ ଆଣ୍ଡ୍ ସାଉଁଣ୍ଡ୍ । କରୋନା କଟକଣା କାରଣରୁ ଦୀର୍ଘ ୯ମାସ ଧରି ଏହା ବନ୍ଦ ରହିଥିଲା । ତେବେ ଏବେ କଟକଣା କୋହଳ ହେବା ପରେ ବୁଧବାର ସଂଧ୍ୟାରୁ ଏହା ପର୍ଯ୍ୟଟକଙ୍କ ପାଇଁ ଆରମ୍ଭ ହୋଇଛି । ମନ୍ଦିରର ପ୍ରସ୍ତର କାନ୍ଥରେ ୮ଟି ଅତ୍ୟାଧୁନିକ ଥ୍ରୀଡି ପ୍ରୋଜେକ୍ଟର ମାଧ୍ୟମରେ କୋଣାର୍କ ମନ୍ଦିରର ପ୍ରାଚୀନ ଐତିହ୍ୟ କୀର୍ତିରାଜି ଭରା କାହାଣୀକୁ ଥ୍ରୀଡି ଆନିମେସନରେ ଓଡିଆ, ହିନ୍ଦୀ ଓ ଇଂରାଜୀ ଭାଷାରେ ପ୍ରଦର୍ଶିତ ହେଉଛି ।

କରୋନା ନିୟମକୁ ପାଳନ କରାଯିବା ସହିତ ସାମାଜିକ ଦୂରତା ରକ୍ଷା କରି ଏହାର ମଜା ନେବା ଉପରେ ଗୁରୁତ୍ୱ ଦିଆଯାଇଛି । ପ୍ରାଥମିକତା ଭିତିରେ ପ୍ରଥମ କରି କେବଳ ୨୦୦ ଦର୍ଶକଙ୍କ ପାଇଁ ମନ୍ଦିର ପରିସରକୁ ପ୍ରବେଶ ଅନୁମତି ରହିଛି । ଅଫଲାଇନରେ ଟିକେଟର ମୂଲ୍ୟ ୫୦ ଟଙ୍କା ଧାର୍ଯ୍ୟ କରିଛି ରାଜ୍ୟ ପର୍ଯ୍ୟଟନ ବିଭାଗ ।

from Kanak News
via <a href="https://ifttt.com/?

ବାମ ଆଖିରେ ଶତ ପ୍ରତିଶତ ମୋତିଆବିନ୍ଦୁ । ହେଲେ ଡାକ୍ତର ଡାହାଣ ଆଖିରେ ମୋତିଆବିନ୍ଦୁ ଅସ୍ତ୍ରୋପଚାର କରିଦେଲେ । କ୍ୟାପିଟାଲ ହସ୍ପିଟାଲର ମୋତିଆବନ୍ଦୁ ଅସ୍ତ୍ରୋପଚାରକୁ ନେଇ ଏଭଳି ଅଭିଯୋଗ ଆସିଛି । ସହିଦନଗରରେ ରହୁଥିବା ଜଣେ ବ୍ୟକ୍ତିଙ୍କ ଏଭଳି ସାଂଘାତିକ ତ୍ରୁଟି ସଂପର୍କରେ ବଖାଣିଥିଲେ ହେଁ, ଅଭିଯୋଗ ପାଇଁ ସାହସ ଜୁଟାଇ ପାରୁନାହାନ୍ତି ।

ସହିଦନଗରରେ ରହୁଥିବା ୬୦ବର୍ଷର ଜଣେ ବ୍ୟକ୍ତିଙ୍କ ବାମ ଆଖିରେ ଶତ ପ୍ରତିଶତ ମୋତିଆବିନ୍ଦୁ ହୋଇଥିବା ବେଳେ ଡାହଣ ଆଖି ପ୍ରାୟ ୫୦ ପ୍ରତିଶତ‌ ମୋତିଆବିନ୍ଦୁ ରହିଥିଲା । ଡାହାଣ ଆଖିରେ ସେ ଭଲରେ ଦେଖିପାରୁଥିଲେ । କିଛିଦିନ ପୂର୍ବରୁ କ୍ୟାପିଟାଲ ହସ୍ପିଟାଲକୁ ମୋତିଆବିନ୍ଦୁ ଅସ୍ତ୍ରୋପଚାର ପାଇଁ ଯାଇଥିବା ବେଳେ ବାମ ଆଖି ବଦଳରେ ତାଙ୍କର ଡାହାଣ ଆଖିରେ ଅସ୍ତ୍ରୋପଚାର କରାଯାଇଥିଲା । ଆଖିରେ ଡ୍ରପ୍ ପକାଇବା ସମୟରେ ସେ ଏ ବିଷୟରେ ଉପସ୍ଥିତ ନର୍ସଙ୍କୁ କହିଥିଲେ । ପରେ ଡାକ୍ତରଙ୍କୁ ଏ ସଂପର୍କରେ ଜଣାଇବେ ପରେ ସେ ‘ଆଇ ଏମ୍‌ ସରି’ କହିଥିବା ବ୍ୟକ୍ତି ଜଣକ କହିଛନ୍ତି । ଡାକ୍ତର କହିଥିଲେ କିଛି ଅସୁବିଧା ନାହିଁ, କିଛିଦିନ ପରେ ବାମ ଆଖି ଅସ୍ତ୍ରୋପଚାର କରିଦେବା । ନିକଟରେ ବ୍ୟକ୍ତି ଜଣକ ଆଖି ଦେଖାଇବା ଲାଗି ଯାଇଥିବା ବେଳେ ତାଙ୍କୁ ୪ ହଜାର ଟଙ୍କା ମଗାଯାଇଥିବା ସେ ଅଭିଯୋଗ କରିଛନ୍ତି । କ୍ୟାପିଟାଲ ହସ୍ପିଟାଲ କର୍ତୃପକ୍ଷ କହିଛନ୍ତି, ଅଭିଯୋଗ ଆସିଲେ ଘଟଣାର ତଦନ୍ତ କରାଯିବ ।

from Kanak News
via <a href="https://ifttt.com/?

କନକ ବ୍ୟୁରୋ : ଆଜି ଠାରୁ ଭାରତ – ଅଷ୍ଟ୍ରେଲିଆ ଟେଷ୍ଟ ସିରିଜ । ଆଡିଲେଡରେ ପିଙ୍କ୍ ବଲରେ ଖେଳାଯିବ ପ୍ରଥମ ମ୍ୟାଚ୍ । ଏହି ମ୍ୟାଚ୍ ଦିବାରାତ୍ର ରହିବ । ପିଙ୍କ୍ ବଲ୍ ଟେଷ୍ଟ ପାଇଁ ଘୋଷଣା ହୋଇଛି ଭାରତୀୟ ଦଳ । ବିରାଟଙ୍କ ନେତୃତ୍ୱରେ ଦଳ ପଡିଆକୁ ଓହ୍ଲାଇବ । ପୃଥ୍ୱୀ ସ, ମୟଙ୍କ ଅଗ୍ରୱାଲ. ଚେତେଶ୍ୱର ପୂଜାରା, ଆଜିଜ୍ଞା ରାହାଣେ, ହନୁମା ବିହାରୀ, ରିଦ୍ଧିମାନ ଶାହା ୱିକେଟ୍ କିପର ଦଳରେ ସ୍ଥାନ ପାଇଛନ୍ତି । ଦଳରେ ଏକମାତ୍ର ସ୍ପିନର ଆର ଅଶ୍ୱିନ୍ ଅଛନ୍ତି । ସେହିପରି ୩ ଜଣ ପେସର ବୁମରା, ସାମି ଓ ଉମେଶ ଯାଦବଙ୍କୁ ସ୍ଥାନ ମିଳିଛି । ରାହୁଲ, ଶୁଭମନ୍ ଗିଲ, ପନ୍ତଙ୍କୁ ପ୍ରଥମ ଟେଷ୍ଟରେ ବାହାରେ ରଖାଯାଇଛି । ଟି ୨୦

ସିରିଜରେ ପରାଜୟ ହାସଲ କରିଥିବା ଘରୋଇ କଙ୍ଗାରୁ ଦଳ , ପିଙ୍କ୍ ବଲ ଟେଷ୍ଟ ରେ ପ୍ରତିଶୋଧ ନେବାକୁ ଯୋଜନା ରଖିଛି । ସେଥିପାଇଁ ଏଥର ଟେଷ୍ଟ ସିରିଜ କୋହଲି ବାହିନୀ ପାଇଁ ଚ୍ୟାଲେଂଜ ରହିବ । ବିଶେଷ କରି ଭାରତୀୟ ଶୀର୍ଷ ବ୍ୟାଟସ୍ ମ୍ୟାନଙ୍କ ଧୌର୍ଯ୍ୟର ପରୀକ୍ଷା ନେବେ କଙ୍ଗାରୁ ପେସ୍ ବୋଲର । ତେବେ ପିଙ୍କ୍ ବଲ ଟେଷ୍ଟରେ ବର୍ତମାନ ସୁଦ୍ଧା କଙ୍ଗାରୁ ଦଳ ୭ଟି ମ୍ୟାଚ୍ ଖେଳି ୭ଟିରେ ବିଜୟ ହାସଲ କରିଛି । ଭାରତ କେବଳ ଗୋଟିଏ ମ୍ୟାଚ୍ ଖେଳି ବିଜୟ ହାସଲ କରିଛି । କଙ୍ଗାରୁ ଦଳ ଗୋଲାପି ଲଢେଇରେ ବିଜୟ ହାରରେ ଅଧିକ ରହିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ପଶ୍ଚିମବଙ୍ଗରେ ନିର୍ବାଚନ ପୂର୍ବରୁ ମମତା ବାନାର୍ଜିଙ୍କୁ ବଡ଼ ଝଟକା ଲାଗିଛି । ପଶ୍ଚିମବଙ୍ଗ କ୍ଷମତାସୀନ ଟିଏମସିର ବରିଷ୍ଠ ନେତା ଶୁଭେନ୍ଦୁ ଅଧିକାରୀ ବିଧାୟକ ପଦରୁ ଇସ୍ତଫା ଦେଇଛନ୍ତି । ସେ ତାଙ୍କ ଇସ୍ତଫା ପତ୍ର ବିଧାନସଭା ବାଚସ୍ପତିଙ୍କ ନିକଟକୁ ପଠାଇ ଦେଇଚନ୍ତି । ଗତ ମାସରେ ମମତା କ୍ୟାବିନେଟରୁ ମଧ୍ୟ ଇସ୍ତଫା ଦେଇଥିଲେ । ତେବେ ଶୁଭେନ୍ଦୁ ଅଧିକାରୀ ବିଜେପିରେ ସାମିଲ ହେବା ନେଇ ଚର୍ଚ୍ଚା ହେଉଛି ।

ଆସନ୍ତାବର୍ଷ ପଶ୍ଚିମବଙ୍ଗ ବିଧାନସଭା ନିର୍ବାଚନ ହେବ । ଏହାପୂର୍ବରୁ ଶୁଭେନ୍ଦୁ ଅଧିକାରୀ ବିଜେପିରେ ମିଶିବେ ବୋଲି ଚର୍ଚ୍ଚା ହେଉଛି । ତେଣୁ ସେ ଟିଏମସି ସହ ଗୋଟିଏ ପରେ ଗୋଟିଏ ସମ୍ପର୍କ ଛିନ୍ନ କରିବାରେ ଲାଗିଛନ୍ତି । ଶୁଭେନ୍ଦୁ ଅଧିକାରୀଙ୍କ ଦବଦବା କେବଳ ନିଜର ନିର୍ବରଚନମଣ୍ଡଳୀ ନନ୍ଦିଗ୍ରାମରେ ନଥିଲା ବରଂ ମାଲାଦା, ମୁର୍ଶିଦାବାଦ, ପୁରଲିଆ, ବାନକୁରା ଓ ପଶ୍ଚିମ ମେଦିନାପୁରରେ ତାଙ୍କର ସ୍ୱତନ୍ତ୍ର ପରିଚୟ ରହିଥିଲା ।

କାରଣ ସେ ଏଡି ସବୁ ଅଂଚଳରେ ଟିଏମସି ଇନଚାର୍ଜ ଭାବେ କାର୍ଯ୍ୟ କରୁଥିଲେ । ସେପଟେ ଶୁଭେନ୍ଦୁଙ୍କ ଇସ୍ତଫାକୁ ନେଇ ପରୋକ୍ଷ ଭାବରେ ତାଙ୍କୁ ଟାର୍ଗେଟ କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ଯେଉଁମାନେ ଜାଣିଛନ୍ତି ତାଙ୍କୁ ଟିକେଟ ମିଳିବ ନାହିଁ ବୋଲି ସେହିମାନେ ଦଳଠୁ ଦୂରେଇ ଯାଉଛନ୍ତି ବୋଲି ମମତା ବାନାର୍ଜୀ କହିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ଦୁଇ ଦିନ ଭିତରେ ଦୁଇ ଜଣ କୋଟି ପତି ଶିକ୍ଷକଙ୍କୁ ଠାବ କରିଛି ଭିଜିଲାନ୍ସ । ଜଣେ ବରଗଡ ଜିଲ୍ଲା ବିଜେପୁର ବ୍ଲକ ଗଇନ୍ଥାପାଲି ସ୍ଥିତ ପଂଚାୟତ ହାଇସ୍କୁଲର ପ୍ରଧାନଶିକ୍ଷକ । ଗଜପତି ଜିଲ୍ଲା ଗୋଷାଣି ବ୍ଲକ ଏସ. ରାଉତପୁରର ଉଚ୍ଚ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ । ପ୍ରଧାନଶିକ୍ଷକ ପ୍ରମୋଦ କୁମାର ପାଣିଗ୍ରାହୀଙ୍କ ବିଭିନ୍ନ ଠିକଣାରେ ଚଢ଼ାଉ ବେଳେ ଭିଜିଲାନ୍ସ ଅଧିକାରୀମାନେ ତାଙ୍କ ଅମାପ ସମ୍ପତି ଦେଖି ଚକିତ ହୋଇଯାଇଛନ୍ତି ।

ଚଢ଼ାଉ ବେଳେ ତାଙ୍କର ଗୋଟିଏ ତିନି ମହଲା କୋଠା, ଗୋଟିଏ ଦୁଇ ମହଲା କୋଠା, ଗୋଟିଏ ଏକ ମହଲା ଘର, ୧୨ଟି ପ୍ଲଟ, ଗୋଟିଏ ଚାରି ଚକିଆ କାର, ଗୋଟିଏ ଟ୍ରାକ୍ଟର, ୨ଟି ମଟର ସାଇକେଲ, ବିଭିନ୍ନ ବ୍ୟାଙ୍କରେ ୬ ଲକ୍ଷ ୪୨ ହଜାର ଜମା ଟଙ୍କା, ବିଭିନ୍ନ ଇନସୁରାନ୍ସ ପଲିସିରେ ୨୨ ଲକ୍ଷ ୬ ହଜାର ଟଙ୍କା, ୮ ଲକ୍ଷ ୫୦ ହଜାର ଟଙ୍କାର ସୁନା ଗହଣା, ବ୍ୟାଙ୍କ ଲକରରୁ ୫ ଳକ୍ଷ ୬୪ ହଜାର ଟଙ୍କା ମୂଲ୍ୟର ଅଳଙ୍କାର , ନଗଦ ୧୯ ଲକ୍ଷ ଟଙ୍କା ଠାବ ହୋଇଛି । ଏବଂ ତାଙ୍କ ସମ୍ପତ୍ତିର ପରିମାଣ ୪ କୋଟି ୨୬ ଲକ୍ଷ ୪୪ ହଜାର ଟଙ୍କା ବୋଲି ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି ।
ସେହିପରି ମଙ୍ଗଳବାର ଦିନ ଗଜପତି ଜିଲ୍ଲା ଗୋଷାଣି ବ୍ଲକ ଏସ. ରାଉତପୁରର ଉଚ୍ଚ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ଦୁଷ୍ମନ୍ତ ନାୟକଙ୍କ ନିକଟରୁ ୩କୋଟି ୨୭ ଲକ୍ଷ ୨୫ହଜାର ଟଙ୍କା ଠାବ କରିଥିଲା ଭିଜିଲାନ୍ସ । ଶିକ୍ଷକଙ୍କ ସମ୍ପତି ଭିତରେ ରହିଛି ଗୋଟିଏ ତିନି ମହଲା କୋଠା , ୫ଟି ଦୁଇ ମହଲା ଘର, ୮ଟି ପ୍ଲଟ, ବିଭିନ୍ନ ବ୍ୟାଙ୍କରେ ଜମା ଟଙ୍କା , ଏଲଆଇସି ଓ ସୁନା ଅଳଙ୍କାର । ଏତେ ପରିମାଣର ସମ୍ପତ୍ତି ଠାବ ହେବା ଶିକ୍ଷକ ଦୁଷ୍ମନ୍ତ ନାୟକଙ୍କୁ ଗିରଫ କରିଛି ଭିଜିଲାନ୍ସ ।

ସୁନ୍ଦରଗଡ ଜନସ୍ୱାସ୍ଥ୍ୟ ବିଭାଗର ସହକାରୀ ଯନ୍ତ୍ରୀ ନାରାୟଣ ପ୍ରଧାନ ଭିଜିଲାନ୍ସ ଦ୍ୱାରା ଗିରଫ । ଆୟବର୍ହିଭୂତ ସମ୍ପତି ଠୁଳ ଅଭିଯୋଗରେ ତାଙ୍କୁ ଗିରଫ କରିଛି ଭିଜିଲାନ୍ସ ଟିମ୍ । ମଙ୍ଗଳବାର ଠାରୁ ତାଙ୍କ ଘରେ ଚଢାଉ ଚାଲିଥିଲା । ବୁଧବାର ଚଢାଉ ଶେଷ ସୁଦ୍ଧା ତାଙ୍କ ଠାରୁ ୨ କୋଟି ୩୩ ଲକ୍ଷ ଟଙ୍କାର ଆୟବର୍ହିଭୂତ ସମ୍ପତି ଠାବ ହୋଇଛି । ସଂବଲପୁର, ଦେବଗଡ, ଅନୁଗୋଳ, ଜଟଣୀ ଆଦି ସ୍ଥାନରେ ଜମି, ଦେବଗଡରେ ୧୬ ଏକର ଜମି ସହିତ ୫୫ ଲକ୍ଷ ଟଙ୍କାର ବ୍ୟାଙ୍କ ଡିପୋଜିଟ୍ ଏବଂ ଇନସୁରାନ୍ସ , ୨ଟି ଦାମୀ କାର, ସୁନାଗହଣା ଜବତ ହୋଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ରାଉରକେଲା ଜିଏସଟି ଠକେଇ ମାମଲାରେ ତଦନ୍ତକାରୀ ଟିମକୁ ମିଳିଛି ସଫଳତା । ବହୁକୋଟି ଟଙ୍କା ଠକେଇ ମାମଲାରେ ଜଣକୁ ଗିରଫ କରିଛି କେନ୍ଦ୍ରୀୟ ଜିଏସଟି ଗୁଇନ୍ଦା ବିଭାଗ । ଗିରଫ ଅଭିଯୁକ୍ତ ରାଉରକେଲା ବାସନ୍ତୀ କଲୋନୀ ଅଂଚଳର ସନ୍ତୋଷ କୁମାର ଗୁପ୍ତା । ୨୬୨ କୋଟି ଟଙ୍କାର ଜିଏସଟି ଠକେଇ ଘଟଣାରେ ତାଙ୍କର ସଂପୃକ୍ତି ଥିବା ଜଣାପଡିଛି ।

ସନ୍ତୋଷ ନକଲି ବ୍ୟବସାୟିକ ସଂସ୍ଥା, ଜାଲି ଜିଏସଟି ନଂବର, ଜାଲ ଇନଭଏସ ଓ ଜାଲ ବ୍ୟାଙ୍କ ଆକାଉଂଟ ମାଧ୍ୟମରେ ୨୬୨ କୋଟିର କାରବାର ଦର୍ଶାଇ ଇନପୁଟ୍ ଟାକ୍ସ ବାବଦକୁ ୪୦ କୋଟି ୬୬ ଲକ୍ଷ ଟଙ୍କା ହଡପ୍ କରିଥିବା ଜଣାପଡିଛି । ସନ୍ତୋଷଙ୍କୁ ଗିରଫ ପରେ ରାଉରକେଲା ଏସଡିଜେଏମ କୋର୍ଟରେ ହାଜର କରାଯାଇ ୧୪ ଦିନିଆ ରିମାଣ୍ଡରେ ନେଇଛି ତଦନ୍ତକାରୀ ଟିମ୍ । ବର୍ତମାନ ସୁଦ୍ଧା ରାଉରକେଲା ବହୁ କୋଟି ଟଙ୍କାର ଜିଏସଟି ଠକେଇ ଘଟଣାରେ ୯ ଜଣଙ୍କୁ ଗିରଫ କରାଗଲାଣି ।

from Kanak News
via <a href="https://ifttt.com/?

କନକ ବ୍ୟୁରୋ : ଭାରତରେ ଟିକାକରଣ ପାଇଁ ବିଶାଳ ପ୍ରସ୍ତୁତି । ଦେଶରେ ପ୍ରଥମ ପର୍ଯ୍ୟାୟ ଟିକାକରଣ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି ସରକାର । ଏଥିପାଇଁ ୧୩ ହଜାର କୋଟି ଟଙ୍କା ଖର୍ଚ୍ଚ ହେବ ବୋଲି ଆକଳନ କରିଛି ଗାଭି ଭାକି୍ସ ଆଲାଏନ୍ସ । ଆମେରିକା ପରେ ଭାରତରେ ସବୁଠାରୁ ଅଧିକ ସଂକ୍ରମଣ ହୋଇଥିଲା ।

ତେଣୁ ଦେଶର ୩୦ କୋଟି ଲୋକଙ୍କୁ ପ୍ରଥମ ପର୍ଯ୍ୟାୟରେ ଟିକାକରଣ କରାଯିବ । ୬ରୁ ୮ ମାସ ମଧ୍ୟରେ ପ୍ରଥମ ପର୍ଯ୍ୟାୟ ଟିକାକରଣ ସରିବ । ଦେଶରେ ୪ ପ୍ରକାର ଟିକା ବ୍ୟବହାର ହୋଇପାରେ । ଅକ୍ସଫୋର୍ଡ ଆଷ୍ଟ୍ରାଜେନିକା, ଋଷିଆର ସ୍ପୁଟନିକ-ଭି, ଜାଇଡସ କାଡିଲାର ଜାଇକୋଭ-ଡି ଓ ଭାରତ-ବାୟୋଟେକର କୋଭାକ୍ସିନ ଟିକା ବ୍ୟବହାର ହୋଇପାରେ  ।

from Kanak News
via <a href="https://ifttt.com/?

କନକ ବ୍ୟୁରୋ : ପୁରୀର ଶ୍ରୀମନ୍ଦିର ଓ ଲିଙ୍ଗରାଜ ମନ୍ଦିର ଖୋଲିବା ନିଷ୍ପତି ପରେ ତାରିଣୀ ମନ୍ଦିର ଖୋଲିବାକୁ ଜୋର ଧରିଲା ଦାବି । କେନ୍ଦୁଝର ଘଟଗାଁର ପ୍ରସିଦ୍ଧ ତାରିଣୀ ମନ୍ଦିର ଖୁବଶୀଘ୍ର ଖୋଲିବା ପାଇଁ ଦାବି ରଖିଲେ ଶ୍ରଦ୍ଧାଳୁ । ଦୀର୍ଘ ୯ ମାସ ହେବ କରୋନା ମହାମାରୀ ଯୋଗୁଁ ଶ୍ରଦ୍ଧାଳୁଙ୍କ ପାଇଁ ମନ୍ଦିର ଦ୍ୱାର ବନ୍ଦ ରହିଛି ।

ମନ୍ଦିର ବନ୍ଦ ପରେ ଭକ୍ତମାନେ ମାଙ୍କ ଦର୍ଶନରୁ ବଂଚିତ ରହିଛନ୍ତି । ସେହିପରି ମନ୍ଦିର ଉପରେ ନିର୍ଭରକରି ରୋଜଗାର କରୁଥିବା ବ୍ୟବସାୟୀ ଏବଂ ଅନ୍ୟାନ୍ୟ ଲୋକ ଦୁଃଖ ଦୁର୍ଦ୍ଦଶାରେ ଦିନ କାଟୁଛନ୍ତି । ମନ୍ଦିର ଦ୍ୱାର ସିନା ବନ୍ଦ ରହିଛି କିନ୍ତୁ ଏବେବି ଭକ୍ତ ଆସୁଛନ୍ତି । ଦୁଆର ମୁହଁରୁ ମାଙ୍କୁ ମୁଣ୍ଡିଆ ମାରି ଚାଲିଯାଉଛନ୍ତି ।

ତେବେ ସରକାର ପୁରୀ ଜଗନ୍ନାଥ ମନ୍ଦିର ଏବଂ ଭୁବନେଶ୍ୱରର ସମସ୍ତ ମନ୍ଦିର ଖୋଲିବା ନେଇ ନିଷ୍ପତି ନେବା ପରେ ମା ତାରୀଣୀ ମନ୍ଦିର ପରିଚାଳନା କମିଟି ପକ୍ଷରୁ ତତ୍ପରତା ପ୍ରକାଶ ପାଇଛି । ଜିଲ୍ଲା ପ୍ରଶାସନ ଅନୁମତି ଦେଲେ କୋଭିଡି ନିୟମକୁ ମାନି ମନ୍ଦିର ଖୋଲିବାକୁ ପ୍ରସ୍ତୁତ ବୋଲି କହିଛନ୍ତି ପରିଚାଳଣା କମିଟି ସଭାପତି । ସେପଟେ ଜିଲ୍ଲାପାଳ କହିଛନ୍ତି, ମନ୍ଦିରର ପରିଚାଳନା କମିଟି ସହ ଆଲୋଚନା ପରେ ନିଷ୍ପତି ନିଆଯିବ ।

from Kanak News
via <a href="https://ifttt.com/?

କନକ ବ୍ୟୁରୋ :  ଆନ୍ଦୋଳନକାରୀ ଚାଷୀ ଓ ସରକାରଙ୍କ ମଧ୍ୟରେ ଆଲୋଚନା ବନ୍ଦ । ବାହାରି ପାରୁନି ସମାଧାନର ବାଟ । ଏପରି ସମୟରେ ସମାଧାନର ବାଟ ବାହାର କରିବାକୁ ହସ୍ତ କ୍ଷେପ କରିଛନ୍ତି ସୁପ୍ରିମକୋର୍ଟ । କୋର୍ଟ କହିଛନ୍ତି, ଏହା ଆଗକୁ ବଡ ରାଷ୍ଟ୍ରିୟ ପ୍ରସଙ୍ଗ ହେବ । ତେଣୁ ତୁରନ୍ତ ଏହାର ସମାଧାନ ହେବା ଦରକାର । ଏଥିପାଇଁ କୃଷକ ସଂଗଠନ , ସରକାର ଓ ଅନ୍ୟ ଅଂଶୀଦାରଙ୍କ ମଧ୍ୟରୁ ପ୍ରତିନିଧି ଚୟନ କରି କମିଟି ଗଠନ କରାଯିବ । ଆଜି ସୁପ୍ରିମକୋର୍ଟର୍ ଏନେଇ ଶୁଣାଣି କରିବା ସହ କମିଟିକୁ ନେଇ ଚୂଡାନ୍ତ ନିଷ୍ପତି ମଧ୍ୟ ନେଇପାରନ୍ତି । ସମସ୍ତ ପକ୍ଷର ପ୍ରତିନିଧି ତଥା କୃଷକ ସଂଗଠନ ଏବଂ ସରକାରଙ୍କ ପ୍ରତିନିଧି ଏବଂ ଅନ୍ୟ ସମସ୍ତ ପକ୍ଷଙ୍କୁ ନେଇ ଏହି କମିଟି ଗଠନ ହେବ । ସମସ୍ତଙ୍କ ମତକୁ ଏଥିରେ ଗୁରୁତ୍ୱ ଦେଇ ସମାଧାନ ବାଟ ବାହାର କରାଯିବ । କୋର୍ଟ ଏହି ମାମଲାରେ କେନ୍ଦ୍ର ସରକାର, ଦିଲ୍ଲୀ, ହରିୟାଣା, ପଂଜାବ ସରକାରଙ୍କୁ ନୋଟିସ୍ ଜାରି କରିଛନ୍ତି । ଆଜି ସୁଦ୍ଧା ଏହି ମାମଲାରେ ଜବାବ ରଖିବାକୁ ମଧ୍ୟ କୁହାଯାଇଛି ।

ସେପଟେ ଆଜି ୨୨ ଦିନରେ ପ୍ରବେଶ କରିଛି ଦିଲ୍ଲୀରେ ଚାଷୀ ଆନ୍ଦୋଳନ । ଚାଷୀମାନେ ଦିଲ୍ଲୀ ସୀମାରେ ଶୀତ କାକରେ ଡେରା ପକାଇ ପଡି ରହିଛନ୍ତି । କେନ୍ଦ୍ର ସରକାର ନୂଆ କୃଷି ଆଇନ ରଦ୍ଦ ନକଲେ ଆଗକୁ ଏହି ଆନ୍ଦୋଳନ ଲଂବା ଚାଲିବ ବୋଲି ଚେତାବନୀ ଦେଇଛନ୍ତି ଚାଷୀ ନେତା । ଚାଷୀ ସିଧାସଳଖ କହିଛନ୍ତି ଯେଉଁ ଦିନ କେନ୍ଦ୍ର ସରକାର ୩ଟି ଯାକ କୃଷି ଆଇନ ରଦ୍ଦ କରିଦେବେ, ସେହି ଦିନ ଚାଷୀ ଆନ୍ଦୋଳନ ପ୍ରତ୍ୟାହାର କରିନେବେ । କୃଷକ ସଂଗଠନ ଓ କେନ୍ଦ୍ର ସରକାରଙ୍କ ମଧ୍ୟରେ ପାଂଚ ରାଉଣ୍ଡ କଥା ବାର୍ତା ବିଫଳ ହୋଇସାରିଛି । ଶାହାଙ୍କ ସହିତ କୃଷକ ସଂଗଠନଙ୍କ ଆଲୋଚନା ମଧ୍ୟ ବାଟ ବାହାର କରିପାରିନାହିଁ । ତେଣୁ ଆଜି ସମସ୍ତଙ୍କ ନଜର ରହିଛି ସୁପ୍ରିମକୋର୍ଟଙ୍କ ନିଷ୍ପତି ଉପରେ ।

from Kanak News
via <a href="https://ifttt.com/?

କନକ ବ୍ୟୁରୋ : ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ବହି ‘ଦ ପ୍ରେସିଡେନ୍ସିଆଲ ଇଏର୍ସ’ ପୁସ୍ତକକୁ ନେଇ ଜୋରାଦର ଚର୍ଚା । ଏହି ପୁସ୍ତକକୁ ନେଇ ମୁହାଁମୁହିଁ ହୋଇଛନ୍ତି ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ ମୁଖାର୍ଜୀ ଓ ଝିଅ ଶର୍ମିଷ୍ଠା । କଂଗ୍ରେସର ପୂର୍ବତନ ସାଂସଦ ତଥା ପ୍ରଣବ ମୁଖାର୍ଜୀଙ୍କ ପୁଅ ଅଭିଜିତ୍ ମୁଖାର୍ଜୀ ଟ୍ୱିଟ କରି ଲେଖିଛନ୍ତି, ମୋ ବାପାଙ୍କ ଅନୁପସ୍ଥିତିରେ ସେ ଲେଖିଥିବା ପୁସ୍ତକକୁ ମୁଁ ଅଧ୍ୟୟନ କରିବାକୁ ଚାହୁଁଛି ।

ଲେଖକଙ୍କ ପୁଅ ହିସାବରେ ମୁଁ ଆପଣଙ୍କୁ ଅନୁରୋଧ କରୁଛି ଯେ ଏହି ପୁସ୍ତକର ପ୍ରକାଶନକୁ ବନ୍ଦ କରାଯାଉ । ମୋର ଲିଖିତ ଅନୁମତି ବିନା ପୁସ୍ତକକୁ ପ୍ରକାଶ କରାନଯାଉ । ବାପାଙ୍କ ଅନୁପସ୍ଥିତିରେ ପୁଅ ହିସାବରେ ପୁସ୍ତକ ପ୍ରକାଶନକୁ ଅନୁମତି ଦେବା ନିହାତି ଜରୁରୀ । ବାପା ବଂଚିଥିଲେ ବୋଧହୁଏ ସେଇଆ କରିଥାନ୍ତେ । ଏଣୁ ତାଙ୍କ ପୁଅ ହିସାବରେ ତୁରନ୍ତ ଏହାର ପ୍ରକାଶନକୁ ରୋକିବା ପାଇଁ ମୁଁ ଅନୁରୋଧ କରୁଛି, ବୋଲି ଅଭିଜିତ ଲେଖିଛନ୍ତି ।

ଅଭିଜିତ ବାନାର୍ଜୀଙ୍କର ଏହି ଟ୍ୱିଟର ଦୁଇ ଘଂଟା ପରେ ପ୍ରଣବ ମୁଖାର୍ଜିଙ୍କ ଝିଅ ଶର୍ମିଷ୍ଠା, ଅଭିଜିତଙ୍କ ଟ୍ୱିଟକୁ ନେଇ ପ୍ରତିକ୍ରିୟା ରଖିଛନ୍ତି । ଶର୍ମିଷ୍ଠା ଲେଖିଛନ୍ତି, ‘ଦ ପ୍ରେସିଡେନ୍ସିଆଲ ଇଏର୍ସ’ର ଲେଖକଙ୍କ ଝିଅ ହିସାବରେ, ମୁଁ ମୋ ଭାଇ ଅଭିଜିତକୁ ଅନୁରୋଧ କରିବି ଆମ ବାପା ଲେଖିଥିବା ଶେଷ ପୁସ୍ତକ ପ୍ରକାଶନରେ କୌଣସି ବାଧା ସୃଷ୍ଟି କରନ୍ତୁ ନାହିଁ ।

ବାପା ଅସୁସ୍ଥ ହେବା ପୂର୍ବରୁ ପୁସ୍ତକର ପାଣ୍ଡୁଲିପି ସମ୍ପୂର୍ଣ୍ଣ ଭାବେ ଶେଷ କରି ଦେଇଥିଲେ । ଆଉ ପୁସ୍ତକରେ ଥିବା ମତ ସମ୍ପୂର୍ଣ୍ଣ ତାଙ୍କର ବ୍ୟକ୍ତିଗତ । ତେଣୁ ଶସ୍ତା ଲୋକପ୍ରିୟତା ପାଇଁ କେହି ଏହି ପୁସ୍ତକର ପ୍ରକାଶନକୁ ଅଟକାଇବାକୁ ଚେଷ୍ଟା କରନ୍ତୁ ନାହିଁ । ଗୋଟିଏ ପଟେ ପୁସ୍ତକର ପ୍ରକାଶନକୁ ବନ୍ଦ କରିବା ପାଇଁ ଅଭିଜିତ ଟ୍ୱିଟ କରିଥିବା ବେଳେ ଅପରପକ୍ଷରେ ଏହାର ପ୍ରକାଶନକୁ କୌଣସି ମତେ ନଅଟକାଯାଉ ବୋଲି କହିଛନ୍ତି ଶର୍ମିଷ୍ଠା ।

ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଲେଖିଥିବା ଏହି ପୁସ୍ତକଟି ୨୦୨୧ ଜାନୁଆରୀରେ ଉନ୍ମୋଚନ ହେବ ବୋଲି ଆଶା କରାଯାଉଥିଲା । ଏବେ ଏହି ବିବାଦ ବହି ପ୍ରକାଶନରେ ବିଳମ୍ୱ ହେବା ନେଇ ଆଶଙ୍କା ସୃଷ୍ଟି କରିଛି । ଏହି ପୁସ୍ତକ ପ୍ରକାଶିତ ହେବା ପୂର୍ବରୁ ବହିର କିଛି ଅଂଶ ବିଭିନ୍ନ ଗଣମାଧ୍ୟମର ଶିରୋନାମାକୁ ଆସିଥିଲା । ଏଥିରେ ସୋନିଆ ଗାନ୍ଧୀ , ମନମୋହନ ସିଂହଙ୍କ ସମ୍ପର୍କରେ କିଛି ଟିପଣୀ ପ୍ରକାଶ ପାଇଥିଲା । ସୋନିଆ ଗାନ୍ଧୀ ଓ ମନମୋହନ ସିଂହଙ୍କ ପାଇଁ ଦଳର ବିପର୍ଯ୍ୟୟ ହୋଇଥିବା ନେଇ ଏହି ପୁସ୍ତକ ସମ୍ପର୍କରେ ଖବରକାଗଜରେ ରିପୋର୍ଟ ପ୍ରକାଶ ପାଇବା ପରେ ଅଭିଜିତ ଓ ତାର ତୁରନ୍ତ ପରେ ଶର୍ମିଷ୍ଠାଙ୍କ ଏପରି ଟୁଇଟ୍ ସାମ୍ନାକୁ ଆସିଛି ।

from Kanak News
via <a href="https://ifttt.com/?