କନକ ବ୍ୟୁରୋ : ଚଷାପୁଅକୁ ସରକାରଙ୍କ ଆଇନର ଛାଟ କାମ ଦେଲାନି । କଳ ବଳ କୌଶଳ ସବୁ ଫେଲ୍ ହୋଇଛି । ସରକାର ସଂଶୋଧନ ପାଇଁ ରାଜି ହୋଇଥିବା ବେଳେ ବିଗତ ୫ ଟି ଯାକ ବୈଠକରେ ସମ୍ପୁର୍ଣ୍ଣ ଆଇନ ପ୍ରତ୍ୟାହାର କରିବାକୁ ଅଡି ବସିଛନ୍ତି କୃଷକ ମାନେ । ଏହାକୁ ନେଇ ଆଜି ଭାରତ ବନ୍ଦ ଲୋକଙ୍କ ଉପରେ କେତେ ପ୍ରଭାବ ପକାଇଛି ତାହା କହିବା ଆଗରୁ ଏହା ଯେ ସରକାରଙ୍କ ଜିଦ୍ କୁ ଭାଙ୍ଗିବାକୁ ଯାଉଛି ତାହା ଏବେ ସ୍ପଷ୍ଟ ହୋଇଛି ।
ଆଜି ଭାରତ ବନ୍ଦ ପରେ ଆସନ୍ତା କାଲି କୃଷକ ସଂଗଠନ ଓ ସରକାରଙ୍କ ଭିତରେ ଆଲୋଚନା ହେବା ପାଇଁ ଦିନ ଧାର୍ଯ୍ୟ କରାଯାଇଥିଲା । ହେଲେ ଭାରତ ବନ୍ଦର ପ୍ରଭାବ ଦେଖି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଆଜି ଆଲୋଚନା ପାଇଁ କୃଷକ ସଂଗଠନକୁ ନିମନ୍ତ୍ରଣ କରିଥିବା ସୂଚନା ମିଳିଛି । ଏନେଇ ଭାରତୀୟ କିଷାନ ସଂଘର ନେତା ରାକେଶ ଟିକାୟତ କହିଛନ୍ତି କି ଅଜି ସଂନ୍ଧ୍ୟାରେ ୧୩ ରୁ ୧୪ ଜଣ କୃଷକ ନେତା ଗୃହମନ୍ତ୍ରୀଙ୍କ ସହ କାନୁନ୍ ବାବଦରେ ଆଲୋଚନା କରିବେ । ଏହା ସହ ଟିକାୟତ ଗାଜିପୁର ସୀମାବେ ଆନ୍ଦୋଳନ କରୁଥିବା କୃଷକ ମାନଙ୍କୁ ହଟାଇ ଦେଇଛନ୍ତି । ଏକ ଜାତୀୟ ଗଣମାଧ୍ୟମକୁ ସୂଚନା ଦେଇ ଟିକାୟତ କହିଛନ୍ତି କି ଏବେ ଆମ ଦାବି ପୁରଣ ପାଇଁ ଆଉ ଗୋଟିଏ ମାତ୍ର ସୋପାନ ବାକି ରହିଛି ।
ଅନ୍ୟପଟେ କୃଷି କାନୁନକୁ ନେଇ ହରିଆଣା ସରକାର ଏବେ ହରଡ ଘଣାରେ ପଡିଛନ୍ତି । ସରକାରର ଅଂଶିଦାର ଥିବା ଜେଜେପିର  ଚାପ ମୁଖ୍ୟମନ୍ତ୍ରୀ ମନୋହରଲାଲ୍ ଖଟ୍ଟରଙ୍କ ସରକାର ଉପରେ ପଡିଛି । ସେ ଆଜି ଏନେଇ ଆଲୋଚନା କରିବାକୁ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ରସିଂ ତୋମାରଙ୍କ ନିକଟରେ ପହଂଚିଛନ୍ତି । ଶ୍ରୀ ଖଟ୍ଟର ତୋମାରଙ୍କ ସହ ଆଲୋଚନା ଚଳାଇଥିବା ବେଳେ ହରିଆଣାର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ଭୂପିନ୍ଦର ସିଂ ହୋଡା ଖଟ୍ଟର ସରକାରଙ୍କ ଉପରେ ଅବିଶ୍ୱାସ ପ୍ରସ୍ତାବ ଆଣି ବିଧାନସଭାରେ ଏକ ସ୍ୱତନ୍ତ୍ର ଅଧିବେସନ ଡାକିବାକୁ ଦାବି କରିବା ସହ ରାଜ୍ୟପାଳଙ୍କୁ ଏନେଇ ଚିଠି ଲେଖିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ: ରାୟଗଡ଼ାରୁ ୧୫୩ କେଜିର ମୂଲ୍ୟବାନ ରତ୍ନ ପଥର ଜବତ । ଚୋରା ଚାଲାଣ ବିପୁଳ ପରିମାଣର ରତ୍ନ ପଥର ଜବତ କଲା କ୍ରାଇମବ୍ରାଂଚ ଏସଟିଏଫ । ରାୟଗଡ଼ା ସହରର ଜଗନ୍ନାଥ କମ୍ପେ୍ଲକ୍ସର ଏକ ଘରେ ବିପୁଳ ପରିମାଣର ରତ୍ନ ପଥର ଗଛିତ ଥିବା ଖବର ପାଇ ଚଢ଼ାଉ କରିଥିଲା କ୍ରାଇମବ୍ରାଂଚ । ଚଢ଼ାଉ ବେଳେ ୨ଟି ଅଖା ବସ୍ତା ଭିତରେ ରୁବି, ପାନା, କଳାହୀରା, ମୁନ ଷ୍ଟୋନ ଭଳି ବିଭିନ୍ନ କିସମର ରତ୍ନ ପଥର ଜବତ ହୋଇଛି । ଯାହାର ଆନୁମାନିକ ମୂଲ୍ୟ ୧ କୋଟି ୫୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି । ଏହି ମାମଲରେ ଜଣକୁ ଅଟକ ରଖି କ୍ରାଇମବ୍ରାଂଚ ପଚରାଉଚରା କରିବା ସହ ଗୋଟିଲ କାର ଜବତ କରିଛି ।

from Kanak News
via <a href="https://ifttt.com/?

କନକ ବ୍ୟୁରୋ: କୃଷକ ଆଇନ ପ୍ରତ୍ୟାହାର ଦାବିରେ ସାରା ରାଜ୍ୟରେ ଭାରତ ବନ୍ଦ କରାଯାଇଛି । ଏହାର ମିଶ୍ର ପ୍ରଭାବ ଦେଖିବାକୁ ମିଳିଛି । କିଛି ସ୍ଥାନରେ ଗାଡି ଚଳାଚଳ ସ୍ୱାଭାବିକ ରହିଥିବାବେଳେ ଅନେକ ରେଳଷ୍ଟେସନରେ ରେଳରୋକ କରାଯାଇଛି । ଫଳରେ ସକାଳୁ ସକାଳୁ ଅନେକ ଷ୍ଟେସନରେ ଅଟକି ରହିଥିଲା ଟ୍ରେନ୍ । ବରମୁଣ୍ଡା ବସଷ୍ଟାଣ୍ଡରେ ବନ୍ଦର ପ୍ରଭାବ ପଡିଥିଲା । ମାଷ୍ଟରକ୍ୟାଂଟିନ ଛକକୁ ଛାଡିଦେଲେ ଏ ଯାଏଁ କେଉଁ ଜାଗାରେ ବନ୍ଦର ଆଖିଦୃଶିଆ ପ୍ରଭାବ ପଡିନାହିଁ । ଗାଡିମଟର ଯିବା ଆସିବା ସ୍ୱାଭାବିକ ରହିଛି । କେନ୍ଦ୍ରର କୃଷି ଆଇନ ବିରୋଧରେ ଚାଲିଥିବା ଏହି ଆନ୍ଦୋଳନକୁ ୧୮ ଦଳ ସମର୍ଥନ କରିଛନ୍ତି ।

ଭାରତ ବନ୍ଦର ପ୍ରଭାବ ଟ୍ୱିନସିଟିରେ ଆଶିଂକ ଦେଖିବାକୁ ମିଳିଛି । ବନ୍ଦ ଯୋଗୁଁ ବରମୁଣ୍ଡା ବସଷ୍ଟାଣ୍ଡରୁ ଗଡିନି ବସ । ଫଳରେ ରାଜଧାନୀକୁ ଆସିଥିବା ଓ ରାଜ୍ୟର ଦୂରଦୂରାନ୍ତ ସ୍ଥାନକୁ ଯିବା ପାଇଁ ବାହାରିଥିବା ଯାତ୍ରୀମାନେ ହଇରାଣ ହୋଇଛନ୍ତି । ବରମୁଣ୍ଡାରେ ଯାତ୍ରୀବାହି ବସଗୁଡିକ ଠିଆ ହୋଇଥିବା ବେଳେ ଯାତ୍ରୀ ବିଶ୍ରାମଗାରରେ ଲୋକେ ପଡି ରହିଛନ୍ତି । ଭୁବନେଶ୍ୱର ରେଳ ଷ୍ଟେସନରେ ଅଖିଳ ଭାରତୀୟ କୃଷକ ସଂଗଠନ ପକ୍ଷରୁ ବନ୍ଦ ପାଳନ କରାଯାଇଛି । ସଂଗଠନର କର୍ମୀମାନେ ରେଳ ଧାରଣା ଉପରେ ରହି ବିରୋଧ ପ୍ରଦର୍ଶନ କରିବାରୁ କିଛି ସମୟ ପାଇଁ ରେଳ ଚଳାଚଳ ବନ୍ଦ ରହିଥିଲା ।

ଆନ୍ଧ୍ରପ୍ରଦେଶକୁ ବିଇଡି ପରୀକ୍ଷା ଦେବା ପାଇଁ ଯାଉଥିବା ଶତାଧିକ ଛାତ୍ରଛାତ୍ରୀଙ୍କ ସମେତ ବହୁ ଯାତ୍ରୀ ଫସି ରହିଥିଲେ । ଦୋକାନ ବଜାର ମଧ୍ୟ ବନ୍ଦ ରହିଛି । ସେପଟେ ବନ୍ଦର ପ୍ରଭାବ କଟକର ବାଦାମବାଡି ବସଷ୍ଟାଣ୍ଡରେ ଦେଖିବାକୁ ମିଳିଛି । ବସଷ୍ଟାଣ୍ଡରେ ପିକେଟିଂ କରି କଂଗ୍ରେସ କର୍ମୀ ଗାଡି ମୋଟରକୁ ଅଟକାଇଛନ୍ତି । ବନ୍ଦ ପାଳନ ଯୋଗୁଁ ବଦାମବାଡି ବସଷ୍ଟାଣ୍ଡରେ ବସଗୁଡିକ ଚଳାଚଳ କରୁନାହିଁ, ଦୋକାନ ବଜାର ବନ୍ଦ ରହିଛି । ବସ ଚାଲୁନଥିବାରୁ ଯାତ୍ରୀମାନେ ହଇରାଣ ହେଉଛନ୍ତି । ବନ୍ଦ ପାଳନକୁ ଆଖିରେ ରଖି ସହରର ବିଭିନ୍ନ ସ୍ଥାନରେ ପୁଲିସ ଫୋର୍ସ ପଇଁତରା ମାରୁଛନ୍ତି ।

କେବଳ କଟକ ଭୁବନେଶ୍ୱର ନୁହେଁ ରାଜ୍ୟର ବିଭିନ୍ନ ସ୍ଥାନରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି । ମାଲକାନାଗିରି,କେନ୍ଦ୍ରାପଡା,ନବରଙ୍ଗପୁର, ସମ୍ବଲପୁର,ସୋନପୁର,ବାଲେଶ୍ୱରରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି । ବନ୍ଦକୁ ସମର୍ଥନ ଜଣାଇ ଦୋକାନ ବଜାର ବନ୍ଦ ରହିଛି । କଂଗ୍ରେସ ଓ ସିପିଏମ କର୍ମୀ ଆନ୍ଧ୍ର ଓ ଓଡିଶାକୁ ସଂଯୋଗ କରୁଥିବା ମୁଖ୍ୟ ରାସ୍ତାକୁ ଅବରୋଧ କରିଥିବାରୁ ଯାତାୟତ ପ୍ରଭାବିତ ହୋଇଛି । କେନ୍ଦ୍ରାପଡ଼ା ତିନିମୁହାଣି ଛକରେ ଚାଷୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି । କେନ୍ଦ୍ର ସରକାର କୃଷି ଆଇ ପ୍ରତ୍ୟାହାର ଦାବିରେ ଚାଷୀମାନେ ଧାରଣାରେ ବସିଛନ୍ତି । ସେହିପରି ବାଲେଶ୍ୱରରେ ସକାଳୁ ସକାଳୁ ଷ୍ଟେସନ ଛକ ଓ ଅନ୍ୟ ଛକମାନଙ୍କର ଆନ୍ଦୋଳନକାରୀମାନେ ପିକେଟିଂ କରୁଥିବା ଦେଖିବାକୁ ମିଳିଥିଲା ।

ଜରୁରୀ ସେବା ବ୍ୟତିତ ସମସ୍ତ ସରକାରୀ କାର୍ଯ୍ୟାଳୟ ମଧ୍ୟ ବନ୍ଦ ରହିଛି । ଛୋଟୋମୋଟ ଦୋକାନ ବ୍ୟତୀତ ସମସ୍ତ ଦୋକାନ ବଜାର ବନ୍ଦ ରହିଛି । ନବରଙ୍ଗପୁରରେ ଚାଉଁରିଆଗୁଡା ଛକ, କଂଗ୍ରେସ ଅଫିସ ସମ୍ମୁଖରେ ୨୬ ନଂବର ଜାତୀୟ ରାଜପଥକୁ ଅବରୋଧ କରିଥିବା ଗମନାଗମନ ଠପ ହୋଇଯାଇଛି । ରାସ୍ତାର ଉଭୟ ପାଶ୍ୱର୍ରେ ଗାଡିଗୁଡିକ ଅଟକି ରହିଛି । ସୁବର୍ଣ୍ଣପୁରରେ ମଧ୍ୟ ପିକେଟିଂ କରି ନଗର କଂଗ୍ରେସ କର୍ମୀ ଦୋକାନ ବଜାର ବନ୍ଦ କରୁଥିବା ଦେଖିବାକୁ ମିଳିଛି । ବନ୍ଦ ଯୋଗୁଁ ସୋନପୁରରେ ଗାଡି ମଟର ଚଳାଚଳ ବନ୍ଦ ରହିଛି । ଖୋର୍ଦ୍ଧା-ବଲାଙ୍ଗିର ୫୭ ନଂବର ଜାତୀୟ ରାଜପଥର ବିଭିନ୍ନ ସ୍ଥାନରେ କଂଗ୍ରେସ ଦଳ କର୍ମୀମାନେ ରାସ୍ତା ଅବରୋଧ କରିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ସାରା ଭାରତବର୍ଷର କୃଷକ ମାନଙ୍କ ଡାକରାରେ ଆଜି ଭାରତ ବନ୍ଦ ପାଳନ କରାଯାଉଛିି । ଏନେଇ ଦିଲ୍ଲୀରୁ ପଲ୍ଲୀ ପର୍ଯ୍ୟନ୍ତ ଏହି ବନ୍ଦର ପ୍ରଭାବ ଦେଖିବାକୁ ମିଳିଛି । ଏହି ବନ୍ଦକୁ କୃଷକ ସଂଗଠନ ମାନଙ୍କ ବ୍ୟତିତ ବିଭିନ୍ନ ରାଜନୈତିକ ଦଳ ବି ସମର୍ଥନ ଜଣାଇଛନ୍ତି । ଏନେଇ ସକାଳୁ ଆରମ୍ଭ ହୋଇଥିଲା ପିକେଟିଂ । କିଛି କିଛି ସଂଗଠନ ପାଦରେ ଚାଲି ଚାଲି ଦୋକାନ ବଜାର, ପେଟ୍ରୋଲ ପମ୍ପ ଓ ରେଳ ରୋକ କରୁଥିବା ବେଳେ କିଛି ସଂଗଠନ ମୋଟର ସାଇକେଲରେ ରାଲି କରି ପ୍ରତିବାଦ ଜଣାଇଛନ୍ତି । ହେଲେ ଏହି ମୋଟରସାଇକେଲ ରାଲିରେ ଯୋଗ ଦେଇଥିବା ଲୋକମାନଙ୍କ ମଧ୍ୟରୁ କିଛି ଲୋକ ବିନା ହେଲାମେଟ୍ ରେ ଗାଡି ଚଳାଉଥିବା ସିସିଟିଭିରେ କଏଦ ହୋଇଛି ।

ଏହି ସିସିଟିଭି ଆଧାରରେ ବିନା ହେଲମେଟ୍ ରେ ବାଇକ ରାଲି କରୁଥିବା ଚାଳକ ମାନଙ୍କୁ ଏବେ ମହଙ୍ଗା ପଡିବ । ବିନା ହେଲମେଟ୍ ରେ ବାଇକରେ ବୁଲି ବନ୍ଦ ପାଳନ କରୁଥିବା ଲୋକମାନଙ୍କୁ ସିସିଟିଭି ଆଧାରରେ ଚିହ୍ନଟ କରି ସେମାନଙ୍କ ଘରକୁ ଇ- ଚାଲାଣ ପଠାଯିବ ବୋଲି କମିଶନରେଟ୍ ପୋଲିସ ପକ୍ଷରୁ ସୂଚନା ଦିଆଯାଇଛି । ଏହାସହ ବିନା ହେଲମେଟରେ ପିକେଟିଂ କରୁଥିବା ଯୁବକ ମାନଙ୍କ ମଧ୍ୟରୁ ୧ ଶହ ଜଣଙ୍କୁ ଅଟକ ରଖିଛି ପୋଲିସ ।

ସୂଚନା ଥାଉକି ଏହା ପୂର୍ବରୁ ଏକ ବିଜେଡି ରାଲିରେ ବି ଏଭଳି ହୋଇଥିଲା । ଯାହାକୁ ଗଣମାଧ୍ୟମରେ ପ୍ରକାଶ କରାଯିବା ପରେ ବିନା ହେଲମେଟରେ ରାଲିରେ ଯୋଗ ଦେଇଥିବା ବାଇକ୍ ଚାଳକ ମାନଙ୍କ ଉପରେ ଜରିମାନା ଲଗାଯାଇଥିଲା । ତେଣୁ ଆଜିର ବନ୍ଦ ପାଳନ ବେଳେ ବିନା ହେଲମେଟରେ ବାଇକ୍ ରାଲି କରୁଥିବା ଯୁବକ ମାନଙ୍କୁ ବି ଜରିମାନା ହେବ ବୋଲି ସୂଚନା ମିଳିଛି । କହିରଖୁ କି ସେ ଆନ୍ଦୋଳନ ହେଉ କି ଅଲଗା ସମୟ । ଘରୁ ବାଇକ ଧରି ବାହାରିଲେ ନିଜ ଜୀବନର ସୁରକ୍ଷା ପାଇଁ ପ୍ରଥମେ ହେଲମେଟ୍ ପିନ୍ଧନ୍ତୁ ଓ ନିଜେ ସୁରକ୍ଷିତ ରହିବ ସହ ଅନ୍ୟମାନଙ୍କର ସୁରକ୍ଷାକୁ ବି ସୁନିଶ୍ଚିନ୍ତ କରନ୍ତୁ ।

from Kanak News
via <a href="https://ifttt.com/?

କନକ ବ୍ୟୁରୋ: ଆକାଶ ପାଠକ ମାମଲାର ତଦନ୍ତ ଚାଲିଛି । ଆକାଶଙ୍କ ଦସ୍ତଖତ ନିଆଯିବ । ଯାଂଚ ପାଇଁ ହସ୍ତଖତ ହ୍ୟାଣ୍ଡରାଇଟିଂ ବ୍ୟୁୁରୋକୁ ପଠାଯିବ ବୋଲି କହିଛନ୍ତି ପୁଲିସ କମିସନର ସୁଧାଂଶୁ ଷଡଙ୍ଗୀ । ଆକାଶଙ୍କୁ ଆଉ ଥରେ ରିମାଣ୍ଡରେ ନିଆଯିବାର ଆବଶ୍ୟକତା ରହିଛି । ତାଙ୍କୁ ରିମାଣ୍ଡରେ ନେବା ପାଇଁ ଖୁବଶୀଘ୍ର କୋର୍ଟରେ ଆବେଦନ କରାଯିବ ବୋଲି କହିଛନ୍ତି ପୁଲିସ କମିସନର ।

ତଦନ୍ତ ପ୍ରକ୍ରିୟାର ପ୍ରଥମ ପର୍ଯ୍ୟାୟରେ ଆକାଶ ପାଠକ ଟାଟା କମ୍ପାନୀରେ ଚାକିରି କରନ୍ତ କି ନାହିଁ ଜାଣିବା ପାଇଁ ଟାଟାକୁ ଚିଠି ଲେଖାଯାଇଥିଲା । ଆକାଶ କମ୍ପାନୀର କର୍ମଚାରୀ ନୁହଁନ୍ତି ଟାଟା ସ୍ପଷ୍ଟ କରିଛି । ଏବେ ଝାରପଡା ଜେଲରେ ଅଛନ୍ତି ପାଠକ ବାପା, ପୁଅ । ୩ ଦିନିଆ ରିମାଣ୍ଡରେ ନେଇ ଆକାଶ ପାଠକଙ୍କୁ ଆର୍ଥିିକ କାରବାର ଓ ନିଯୁକ୍ତି ନାଁରେ ଠକେଇ ନେଇ ପଚରାଉଚରା କରିଥିଲା । ଜେରା ବେଳେ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଥିବା ଭିଜିଲାନ୍ସ ଅଧିକାର କହିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ଯଦି ଆପଣଙ୍କ ଘରେ କୌଣସି ପୋଷା ଜନ୍ତୁ ରଖିଛନ୍ତି ତାହେଲେ ଜାଣନ୍ତୁ ଯେ ଏହି ଜନ୍ତୁଟି ଆପଣଙ୍କର ପରିବାର ସଦସ୍ୟ ଭଳି । ଆପଣ ତାହାର ଏମିତି ଯତ୍ନ ନିଅନ୍ତି ଯେମିତି ଆପଣ ଆପଣଙ୍କ ପରିବାରର ଯତ୍ନ ନେଇଥା’ନ୍ତି । ଆପଣଙ୍କ ପରିବାର ଲୋକଙ୍କ ଭଳି ତା’ର ସ୍ୱାସ୍ଥ୍ୟର ଯତ୍ନ ଆପଣଙ୍କ ପାଇଁ ବି ଗୁରୁତ୍ୱପୂର୍ଣ୍ଣ । ବେଳେ ବେଳେ ସେ ରୋଗରେ ପଡିଲେ ତା ପାଇଁ ଆପଣଙ୍କୁ ବି ଅନେକ ଅର୍ଥ ଖର୍ଚ୍ଚ କରିବାକୁ ପଡିଥାଏ । ଏଭଳି ଖର୍ଚ୍ଚାନ୍ତରୁ ଆପଣଙ୍କୁ ରକ୍ଷା କରିବାକୁ ଏବେ ଭାରତୀୟ ବଜାରରେ ବୀମା କମ୍ପାନୀ ମାନେ ପୋଷା ଜନ୍ତୁଙ୍କ ପାଇଁ ବୀମା ଯୋଜନା ଆରମ୍ଭ କରିଛନ୍ତି । ଆସନ୍ତୁ ଜାଣିବା ଏହି ବୀମା କରିବା ଦ୍ୱାରା କ’ଣ ମିଳିବ ସୁବିଧା । କେମିତି କରିବେ ଆପଣଙ୍କ ପୋଷା ଜନ୍ତୁଙ୍କ ପାଇଁ ବୀମା ?
ଲୋକଙ୍କ ରୋଜଗାର ବଢିବା ପରେ ସେମାନେ ସେମାନଙ୍କ ପୋଷା ଜନ୍ତୁଙ୍କ ପାଇଁ ଖର୍ଚ୍ଚ ବଢାଇଥା’ନ୍ତି । ଏକ ସର୍ବେକ୍ଷଣ ମୁତାବକ ଭାରତରେ ପୋଷା ଜନ୍ତୁ ଭାବେ କୁକୁରଙ୍କ ସଂଖ୍ୟା ସର୍ବାଧିକ । ୨୦୧୯ ର ଏକ ସର୍ଭେ ମୁତାବକ ଦେଶରେ ୨୧୪ ଲକ୍ଷ କୁକୁର ଘରେ ପାଳନ କରାଯାଇଛି । ଏହା ସହ ଘରେ ପାଳନ କରାଯାଇଥିବା ବିଲେଇ ମାନଙ୍କ ସଂଖ୍ୟା ୧୮ ଲକ୍ଷ । ପ୍ରିଟେକଷ୍ଟ ଇଣ୍ଡିଆର ସର୍ଭେ ମୁତାବକ ଭାରତରେ ସବୁଠାରୁ ଦ୍ରୁତ ଗତିରେ ପେଟ୍ କେୟାର ମାର୍କେଟ ବଢିବାରେ ଲାଗିଛି । ୨୦୨୨ ସୁଦ୍ଧା ୩.୧୬୮ କୋଟି ଟଙ୍କାର ପେଟ୍ କେୟାର ମାର୍କେଟ ସୃଷ୍ଟି ହୋଇଯିବ ବୋଲି ଏହି ସର୍ଭେ ସଂସ୍ଥା ଅନୁମାନ କରାଯାଇଛି । ଅନ୍ୟପଟେ ଏହାକୁ ନେଇ ପଲିସି ବଜାର ସିଇଓ ତରୁଣ ମାଥୁର କହିଛନ୍ତି କି ପୋଷା ଜନ୍ତୁ ମାନଙ୍କ ପାଇଁ ସବୁବେଳେ ବୀମା ବ୍ୟବସ୍ଥା ଥିଲା । ହେଲେ ଏହା ଅଧିକ ଲୋକପ୍ରିୟ ହୋଇପାରି ନଥିଲା । କିନ୍ତୁ ଏବେ ଯେତେବେଳେ ଲୋକମାନେ ଗୋଟିଏ ଗୋଟିଏ କୁକୁର ପ୍ରତି ୭୦ ରୁ ୮୦ ହଜାର ଟଙ୍କା ଖର୍ଚ୍ଚ କରୁଥିବାରୁ ଏବେ ପୋଷା ଜନ୍ତୁଙ୍କ ପାଇଁ ବୀମା କରିବାକୁ ସେମାନେ ଆଗ୍ରହ ପ୍ରକାଶ କରୁଛନ୍ତି ।
ଭାରତରେ ବୀମା କମ୍ପାନୀ ମାନେ କୁକୁର, ବିଲେଇ, ପକ୍ଷୀ, ମେଣ୍ଢା, ହାତୀ ଆଦି ଜୀବ ଜନ୍ତୁଙ୍କ ପାଇଁ ବୀମା ସୁବିଧା ଆଣିଛନ୍ତି । ମାତ୍ର ଏମାନଙ୍କର ବୀମା କରିବା ପାଇଁ ଭିନ୍ନ ଭିନ୍ନ ବୀମା କମ୍ପାନୀ ମାନେ ଭିନ୍ନ ଭିନ୍ନ ପଲିସି ପ୍ରସ୍ତୁତ କରିଛନ୍ତି । ଅନ୍ୟ କିଛି ବୀମା କମ୍ପାନୀ ମାନେ କିଛି ଖାସ୍ ପୋଷା ଜନ୍ତୁଙ୍କ ପାଇଁ କେବଳ ବୀମା ଯୋଜନା ଆଣିଛନ୍ତି ।
ଅନ୍ୟ ବୀମା ଭଳି ଏହି ବୀମା କରାଇବା ବେଳେ ପୋଷା ଜନ୍ତୁର ବୟସକୁ ଅଗ୍ରାଧିକାର ଦିଆଯାଇଥାଏ । ଯେମିତି କି କୁକୁର ଓ ବିଲେଇ ମାନଙ୍କ ପାଇଁ ବୀମା କିଣୁଥିଲେ ସେମାନଙ୍କ ବୟସ ୮ ସପ୍ତାହରୁ ୮ ବର୍ଷ ମଧ୍ୟରେ ହୋଇଥିବା ଦରକାର । ସେହିଭଳି ଗାଈ ମାନଙ୍କ କ୍ଷେତ୍ରରେ ସେମାନଙ୍କର ବୟସ ୨ ବର୍ଷରୁ ୧୦ ବର୍ଷ ମଧ୍ୟରେ ଓ ଛେଳି,ମେଣ୍ଢା କ୍ଷେତ୍ରରେ ୧ ରୁ ୭ ବର୍ଷ ମଧ୍ୟରେ ହୋଇଥିବା ଦରକାର ।
ନ୍ୟୁ ଇଣ୍ଡିଆ ଇନସ୍ୟୁରାନ୍ସ, ୟୁନାଇଟେଡ ଇନସ୍ୟୁରାନ୍ସ ଓ ଓରିଏଣ୍ଟାଲ ଇନସ୍ୟୁରାନ୍ସ କମ୍ପାନୀ ବହୁ ଆଗରୁ ଗୃହପାଳିତ ପଶୁ ମାନଙ୍କ ପାଇଁ ବୀମା ବିକ୍ରି କରି ଆସୁଛନ୍ତି । ହେଲେ ଏବେ କିଛି ନୂଆ ବୀମା କମ୍ପାନୀ ଏହି ଦୌଡରେ ସାମିଲ ହୋଇଛନ୍ତି । ବେଟିନା ହେଲ୍ଥ କେୟାର ଡିଜିଟ୍ ଇନସ୍ୟୁରାନ୍ସ କମ୍ପାନୀ ସହିତ ମିଳିତ ଭାବେ ୨୦୦୮ ମସିହାରେ ପୋଷା ଜନ୍ତୁଙ୍କ ସ୍ୱାସ୍ଥ୍ୟ ବୀମା ଯୋଜନା ଆରମ୍ଭ କରିଥିଲା । ଏହାସହ ବଜାଜ୍ ଆଲିଏଞ୍ଜ ଜେନେରାଲ ଇନସ୍ୟୁରାନ୍ସ କମ୍ପାନୀ ୨୦୨୦ ମସିହାରେ କୁକୁର ମାନଙ୍କ ପାଇଁ ବୀମା ଯୋଜନାର ଶୁଭାରମ୍ଭ କରିଛି । ଏହି ବୀମା ଆପଣଙ୍କ ପୋଷା କୁକୁର ଯଦି ପଲିସି ଅବଧି ମଧ୍ୟରେ ମୃତ୍ୟୁବରଣ କରେ ତେବେ ତା’ର ମାଲିକକୁ ସମ୍ ଆର୍ସୋଡ ବା ବୀମାର ମୂଳମୂଲ୍ୟ କମ୍ପାନୀ ଦ୍ୱାରା ପ୍ରଦାନ କରାଯାଇଥାଏ । ଅନ୍ୟପଟେ ଅନ୍ୟ କିଛି ବୀମା କମ୍ପାନୀ ଉଭୟ ସ୍ୱାସ୍ଥ୍ୟ ସମ୍ବନ୍ଧୀୟ ଖର୍ଚ୍ଚ ସହ ଜଦି ପୋଷା ଜନ୍ତୁଟି ମରିଯାଏ ତାହେଲେ ବି ମୂଳବୀମା ରାଶି ଫେରସ୍ତ କରିଥାଏ ।
ଏନେଇ ବଜାଜ୍ ଏଲିଅଞ୍ଜର ମୁଖ୍ୟ ଟେକ୍ନିକାଲ ଅଫିସର ଟି.ଏ ରାମଲିଙ୍ଗମ କହିଛନ୍ତି କି ଲୋକମାନେ ପୋଷା କୁକୁର ପାଇଁ ସବୁଠାରୁ ଅଧିକ ବୀମା ପଲିସି କିଣୁଛନ୍ତି । ଯାହାକି ଭାରତୀୟ ବଜାରରେ ବିକ୍ରି ହେଉଥିବା ପୋଷା ଜନ୍ତୁଙ୍କ ବୀମାର ୮୫ ପ୍ରତିଶତ । କମ୍ପୀନୀ ତରଫରୁ ସର୍ଜରୀ ଓ ମେଡିକାଲରେ ଚିକିତ୍ସା ଉପରେ ମୁଖ୍ୟତ କଭର ଦେଉଛି ।

from Kanak News
via <a href="https://ifttt.com/?

କନକ ବ୍ୟୁରୋ : ମୋଦି ସରକାରଙ୍କ ଦ୍ୱାରା ପାରିତ ହୋଇଥିବା କୃଷି ବିଲ କୁ ବିରୋଧ କରି ଏକଜୁଟ୍ ହୋଇଛନ୍ତି ଦେଶର କୃଷକ ମାନେ । କୃଷକ ମାନେ ସରକାରଙ୍କ ଦ୍ୱାରା ଆଗତ ୩ ଟି କୃଷି କାନୁନକୁ ପତ୍ୟାହାର କରିବା ଦାବିରେ ଅଟଳ ରହିଛନ୍ତି । ଏନେଇ କୃଷକ ମାନେ ଆଜି (ମଙ୍ଗଳବାର) ଭାରତ ବନ୍ଦ ଡାକରା ଦେଇଛନ୍ତି । ଏହାକୁ ବିରୋଧୀ ଦଳମାନେ ବି ସମର୍ଥନ ଜଣାଇଛନ୍ତି । ହେଲେ ଦେଶରେ ବହୁତ କମ୍ ଲୋକ ଜାଣିଛନ୍ତି କି ଏହି କୃଷକ ମାନଙ୍କ ହକ୍ ପାଇଁ ଆନ୍ଦୋଳନ କରି ପୂର୍ବତନ ପ୍ରଧାନମନ୍ତ୍ରୀ ତଥା ବିଜେପିର ବରିଷ୍ଠ ନେତା ଥିବା ଅଟଳ ବିହାରୀ ବାଜପେୟୀଙ୍କୁ ଜେଲ୍ ଯିବାକୁ ପଡିଥିଲା । ସେତେବେଳେ ଦେଶର ସବୁଠାରୁ ସୁରକ୍ଷିତ ଜେଲ ନୈନୀ ଜେଲରେ ତାଙ୍କୁ ୫ ଦିନ ରଖାଯାଇଥିଲା ।
କହିରଖୁ କି ୧୯୭୪ ମସିହାରେ ଉତ୍ତରପ୍ରଦେଶର ବିଧାନସଭା ନିର୍ବାଚନକୁ ନେଇ ରାଜନୀତି ସରଗରମ ଥିଲା । ସେତେବେଳେ ଉତରପ୍ରଦେଶରେ କଂଗ୍ରେସର ସରକାର ଥିଲା । ସେତେବେଳେ ରାଜ୍ୟ କଂଗ୍ରେସର ନେତୃତ୍ୱ ହେମବତୀ ନନ୍ଦନ ବହୁଗୁଣା ନେଉଥିଲେ ଓ ଅଟଳବିହାରୀ ବାଜପେୟୀ ଜନସଂଘର ନେତା ଥିଲେ । ଏହାସହ ସାରା ଦେଶର ଲୋକମାନଙ୍କର ମୁଦ୍ଦାକୁ ନେଇ କଂଗ୍ରେସ ବିରୋଧରେ ଆନ୍ଦୋଳନ କରୁଥିବା ନେତାଙ୍କ ମଧ୍ୟରେ ବାଜପେୟୀ ଥିଲେ ଅନ୍ୟତମ ।
୧୯୭୩ ମସିହାରେ ଚାଷୀ ମାନେ ଭଲ ଗହମ ଅମଳ କରିଥିଲେ । ଉତରପ୍ରଦେଶର କଂଗ୍ରେସ ସରକାର ସରକାରୀ ଦାମରେ ଗହମ ବିକ୍ରି କରିବାକୁ ଚାଷୀ ମାନଙ୍କୁ ବାଧ୍ୟ କରିଥିଲେ । ସରକାର ନିର୍ଦ୍ଦେଶ ଦେଇଥିଲେ କି କୌଣସି ଚାଷୀ ଖୋଲା ବଜାରରେ ଗହମ ବିକ୍ରି କରିପାରି ନାହିଁ । ହେଲେ ସେତେବେଳେ ଗହମର ସରକାରୀ ଦାମ ଠାରୁ ଖୋଲା ବଜାରରେ ଚାଷୀଙ୍କୁ ଅଧିକ ଦାମ୍ ମିଳୁଥିଲା । ସରକାରଙ୍କ ନିର୍ଦ୍ଦେଶ ପରେ ଚାଷୀ ମାନେ ଚିନ୍ତାରେ ଥିଲେ । ଏହି ସମୟରେ ବାଜପେୟୀଙ୍କ ନେତୃତ୍ୱରେ ସାରା ଦେଶରେ କଂଗ୍ରେସ ବିରୋଧରେ କୃଷକ ମାନେ ଆନ୍ଦୋଳନକୁ ଉହ୍ଲାଇଥିଲେ । ହଜାର ହଜାର କୃଷକଙ୍କ ସମର୍ଥନରେ ବାଜପେୟୀ ରାସ୍ତାକୁ ଉହ୍ଲାଇଥିଲେ । ସରକାରଙ୍କ ବିରୋଧରେ ନାରା ଲଗାଇବା ଦ୍ୱାରା ସରକାରୀ କଳରେ ହଇଚଇ ସୃଷ୍ଟି ହୋଇଥିଲା ।
ଗହମର ଦାମ୍ କୁ ନେଇ ଆରମ୍ଭ ହୋଇଥିବା ଆନ୍ଦୋଳନକୁ ନେଇ ବାଜପେୟୀ କହିଥିଲେ କି ସରକାର ଗରିବ କୃଷକ ମାନଙ୍କୁ ସେମାନଙ୍କ ଦ୍ୱାରା ଉତ୍ପାଦିତ ସାମଗ୍ରୀ ବିକ୍ରି କରିବାକୁ ବାଧ୍ୟ କରିପାରିବେ ନାହିଁ । ହେଲେ ସରକାର କହିଥିଲେ କି ଯଦି ଜଣେ କୃଷକ ଗୋଟିଏ କୁଇଣ୍ଟାଲ ଗହମ ଆମଦାନୀ କରୁଛି ତେବେ ତାକୁ ସରକାରୀ ମଣ୍ଡିରେ ୫୦ କେ.ଜି ଗହମ ବିକ୍ରି କରିବା ବାଧ୍ୟତାମୂଳକ । ସରକାରଙ୍କ ଏଭଳି ଆଦେଶକୁ ମାନିବାକୁ କୃଷକ ମାନେ ପ୍ରସ୍ତୁତ ହୋଇ ନଥିଲେ । ଜନସଂଘ ଏହି ସମୟରେ କୃଷକଙ୍କ ସ୍ୱରରେ ସ୍ୱର ମିଳାଇ ଆନ୍ଦୋଳନରେ ସାମିଲ ହୋଇଥିଲା ।
ଲକ୍ଷେ୍ନøରେ ଅଟଳବିହାରୀ ବାଜପେୟୀଙ୍କ ନେତୃତ୍ୱରେ କୃଷକ ମାନେ ଆନ୍ଦୋଳନ କରୁଥିବା ବେଳେ ତାଙ୍କୁ ଗିରଫ୍ କରାଯାଇଥିଲା । ପୋଲିସ ଆନ୍ଦୋଳନକୁ ରୋକିବାକୁ ବଳ ପ୍ରୟୋଗ କରିଥିବା ବେଳେ ହଜାର ହଜାର କୃଷକ ଏହାର ବିରୋଧ କରିଥିଲେ । ଜଣେ ଖବର ଦାତାଙ୍କ କହିବା ମୁତାବକ ଆନ୍ଦୋଳନରେ ଏତେ ସଂଖ୍ୟାରେ କୃଷକ ସାମିଲ ହୋଇଥିଲେ କି ସେମାନଙ୍କୁ ସ୍ଥାନୀୟ ଜେଲରେ ରଖିବା ସମ୍ଭବ ହୋଇନଥିଲା । ଫଳରେ ଗିରଫ୍ ହୋଇଥିବା ବାଜପେୟୀଙ୍କୁ ଦେଶର ସବୁଠାରୁ ସୁରକ୍ଷିତ ଜେଲ୍ କୁହାଯାଉଥିବା ନୈନୀ ଜେଲରେ ରଖାଯାଇଥିଲା ।
କୃଷକ ଆନ୍ଦୋଳନକୁ ନେଇ ଗିରଫ୍ ହୋଇଥିବା ବାଜପେୟୀ ଓ ତାଙ୍କର ୫ ଜଣ ସମର୍ଥକଙ୍କୁ ନୈନୀ ଜେଲର ୫ ନମ୍ବର କୋଠରୀରେ ରଖାଯାଇଥିଲା । ବାଜପେୟୀ ୫ ଦିନ ଜେଲରେ ରହିବା ପରେ ତାଙ୍କୁ ଜାମିନ୍ ମିଳିଥିଲା ।
ଏହାପରେ ଦେଶରେ ଲାଗୁ ହୋଇଥିବା ଜରୁରୀକାଳୀନ ପରିସ୍ଥିତିରେ ବି ବାଜପେୟୀଙ୍କୁ ଜେଲ୍ ଯିବାକୁ ପଡିଥିଲା ହେଲେ ଶ୍ରୀ ବାଜପେୟୀ ଯେତେବେଳେ ଦେଶର ପ୍ରଧାନମନ୍ତ୍ରୀ ହେଲେ ସେତେବେଳେ ସେ କୃଷକ ମାନଙ୍କ ସ୍ୱାର୍ଥକୁ ଦୃଷ୍ଟିରେ ରଖି ବହୁ କାର୍ଯ୍ୟକ୍ରମ ହାତକୁ ନେଇଥିଲେ । ଯେମିତି କି କୃଷକ ମାନଙ୍କୁ କ୍ରେଡିଟ୍ କାର୍ଡର ସୁବିଧା, ଏହାସହ ଗହମର ସର୍ବନିମ୍ନ ସହାୟକ ମୂଲ୍ୟ ୧୯.୬ ପ୍ରତିଶତ ବୃଦ୍ଧି କରି ଇତିହାସ ରଚିଥିଲେ । ଏହାସହ ଚିନିକଳର ପଞ୍ଜିକରଣ ପଦ୍ଧତିକୁ ମୁକ୍ତ କରିଥିଲେ ଓ ରାଷ୍ଟ୍ରୀୟ କୃଷିବୀମା ଯୋଜନା ବି ଲାଗୁ କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ରାଷ୍ଟ୍ରୀୟ ସ୍ୱଂୟ ସେବକ ସଂଘ ବା ଆରଏସଏସ ସହିତ ଜଡିତ କିଷାନ ସଂଗଠନ ଭାରତୀୟ କିଷାନ ସଂଘ କୃଷକ ମାନଙ୍କ ଦ୍ୱାରା ଡାକରା ଦିଆଯାଇଥିବା ଭାରତ ବନ୍ଦକୁ ସମର୍ଥନ ଜଣାଇନାହିଁ । ମାତ୍ର କେନ୍ଦ୍ର ସରକାର ଆଣିଥିବା କୃଷିବିଲ୍ ର କିଛି ସଂଶୋଧନ ଆବଶ୍ୟକ ରହିଛି ବୋଲି କହିଛନ୍ତି । ଆଜି ବିଭିନ୍ନ କୃଷକ ସଂଗଠନ ପକ୍ଷରୁ କେନ୍ଦ୍ରସରକାରଙ୍କ ନୂତନ କୃଷିବିଲ୍ ପ୍ରତ୍ୟାହାର ଦାବିରେ ଭାରତ ବନ୍ଦ ଡାକରା ଦିଆଯାଇଛି । ଏହାକୁ ନେଇ ଭାରତୀୟ କିଷାନ ସଂଘର ମହେଶ ଚୌଧୁରୀ କହିଛନ୍ତି କି ଆମ ସଂଗଠନ ଭାରତ ବନ୍ଦକୁ ସମର୍ଥନ କରୁନାହିଁ । ହେଲେ ସରକାର ଯେଉଁ ରୂପରେ ନୂତନ କୃଷି କାନୁନ ଲାଗୁ କରିବାକୁ ଯାଉଛନ୍ତି ତାକୁ ବି ଆମ ସଂଗଠନ ସମର୍ଥନ କରୁନାହିଁ । ଏହି କାନୁନରେ କିଛି ସଂଶୋଧନ ପାଇଁ ଆମ ସଂଗଠନ ଦାବି କରୂୁଛି । ଏନେଇ ସଂଗଠନ ପକ୍ଷରୁ ଅଗଷ୍ଟ ମାସରେ କେନ୍ଦ୍ର ସରକାରଙ୍କୁ ଚିଠି ଲେଖାଯାଇଥିଲା । ଯେଉଁଥରେ ସର୍ବନିମ୍ନ ସହାୟକ ମୂଲ୍ୟକୁ ଆଇନସିଦ୍ଧ କରିବାକୁ ଦାବି କରାଯାଇଥିଲା ।

ଶ୍ରୀ ଚୌଧୁରୀ କହିଛନ୍ତି କି ଏହି ଚିଠି ପାଇବା ପରେ ସରକାର ଏହି ଆଇନ ଉପରେ ସଂଶୋଧନ କରିବେ ବୋଲି ଆଶ୍ୱାସନା ଦେଇଛନ୍ତି । ହେଲେ ସରକାର ଏହି ଆଇନରେ ଆଣିଥିବା ପ୍ରାବଧାନ ଏକ ବଜାର ଏକ ଦେଶକୁ ତାଙ୍କ ସଂଗଠନ ସମ୍ପୁର୍ଣ୍ଣ ସମର୍ଥନ ଜଣାଉଛି । ଏହାଦ୍ୱାରା ତୃଣମୂଳ ସ୍ତରରେ କୃଷକ ମାନେ ଲାଭବାନ ହେବେ ବୋଲି ସେ କହିଛନ୍ତି । ଦିଲ୍ଲୀ ଓ ଅନ୍ୟାନ୍ୟ ରାଜ୍ୟ ମାନଙ୍କରେ କୃଷକ ମାନେ କରୁଥିବା ଆନ୍ଦୋଳନକୁ ଶେଷ କରିବାକୁ ସେ କୃଷକ ମାନଙ୍କୁ ଅନୁରୋଧ କରିଛନ୍ତି । ସେ କହିଛନ୍ତି କି ଏହି ଆନ୍ଦୋଳନରେ ସାମିଲ ହୋଇଥିବା ଲୋକ ଓ ଆନ୍ଦୋଳନ ସ୍ଥଳରେ ଚାଲିଥିବା ନାରା ଏବେ ଦେଶ ପାଇଁ ବିପଦ ସୃଷ୍ଟି କରିଛି ।

ଦିଲ୍ଲୀର ବିଭିନ୍ନ ସୀମାରେ କୃଷି କାନୁନ୍ ବିରୋଧରେ ଆନ୍ଦୋଳନ ଜାରି ରହିଛି । ଏହି ଆନ୍ଦୋଳନରେ ସାମିଲ ହୋଇଥିବା କୃଷକ ମାନଙ୍କ ମଧ୍ୟରେ ଅଧିକାଂଶ ପଞ୍ଜାବ, ହରିଆଣା ଓ ଉତ୍ତତରପ୍ରଦେଶର କୃଷକ ମାନେ ସାମିଲ ହୋଇଛନ୍ତି । ଏନେଇ କୃଷକ ନେତା ଓ ସରକାରଙ୍କ ମଧ୍ୟରେ ୫ ଥର ଆଲୋଚନା ହୋଇଥିଲେ ବି ଏନେଇ କିଛି ନିସ୍କର୍ଷ ବାହାରିପାରୁ ନାହିଁ ।

from Kanak News
via <a href="https://ifttt.com/?

କନକ ବ୍ୟୁରୋ: ପରୀ ମୃତ୍ୟୁ ମାମଲାରେ ଏସଆଇଟିର ଖୋଳତାଡ଼ । ନୟାଗଡ ଯଦପୁରରେ ପରୀ ମୃତ୍ୟୁ ମାମଲାରେ ଏସଆଇଟି ଜଣକୁ ଉଠାଇନେଲା ବେଳେ ଗ୍ରାମବାସୀ ବିରୋଧ କରିଛନ୍ତି । ଖଦାଳ ଗ୍ରାମବାସୀ ଏସଆଇଟିକୁ ବିରୋଧ କରିଛନ୍ତି । ଯଦୁପୁର ମୁଖ୍ୟରାସ୍ତାରେ ଗାଁ ଲୋକେ ବାଉଁଶ ବାନ୍ଧି ରାସ୍ତାରୋକ କରିଛନ୍ତି ।

ଏସଆଇଟି ପରୀ ମୃତ୍ୟୁ ମାମଲାରେ ପଚଚରାଉଚରା ପାଇଁ ଜଣେ ବ୍ୟକ୍ତିଙ୍କୁ ଉଠାଇନେଉଥିବା ବେଳେ ଗାଁ ଲୋକେ ଛାଡିନାହାନ୍ତି । ଏହି ମାମଲାରେ ପୂର୍ବରୁ ଯଦୁପୁର ଗାଁର ୨୮ ଜଣଙ୍କ ରକ୍ତ ନମୂନା ସଂଗ୍ରହ କରିିଛି ଏସଆଇଟି । ସନ୍ଦେହରେ ଥିବା ବାବୁଲି ନାୟକର ଡ୍ରାଇଭର ଓ ପୁଅକୁ ମଧ୍ୟ ଉଠାଇନେଇ ପଚରାଉଚରା କରିଥିଲା । ଏସଆଇଟି ମୁଖ୍ୟ ଅରୁଣ ବୋଥ୍ରା ଗତ ଦୁଇ ଦିନ ତଳେ କହିଥିଲେ, ଯେ ଦୁଇ ସପ୍ତାହ ଭିତରେ ସବୁ ସ୍ପଷ୍ଟ ହେବ ।

from Kanak News
via <a href="https://ifttt.com/?

କନକ ବ୍ୟୁରୋ: କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ଆଜି କୃଷକ ସଂଗଠନଗୁଡ଼ିକ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି। ରାଜ୍ୟର ବିଭିନ୍ନ ସ୍ଥାନରେ ଆଜି ସକାଳୁ ’ଭାରତ ବନ୍ଦ’ର ପ୍ରଭାବ ପଡିଥିବା ଦେଖିବାକୁ ମିଳିଛି। ରାଜ୍ୟର ବିଭିନ୍ନ ସ୍ଥାନରେ ବାମଦଳଗୁଡ଼ିକ ପକ୍ଷରୁ ବନ୍ଦ ପାଳନ କରାଯାଉଛି। ଏଥିସହିତ ବିଭିନ୍ନ ସ୍ଥାନରେ ପିକେଟିଂ ସହ ଟାୟାର ଜାଳି ରାସ୍ତାରୋକ ଜାରି ରହିଥିବା ଦେଖିବାକୁ ମିଳିଛି।

କେନ୍ଦ୍ରର ନୂଆ କୃଷିନୀତିକୁ ବିରୋଧ କରି ରାଉରକେଲାରେ ମଧ୍ୟ ବିଭିନ୍ନ ଶ୍ରମିକ ସଙ୍ଗଠନ, ଜିଲ୍ଲା କଂଗ୍ରେସ ଦଳ ପକ୍ଷରୁ ଭାରତ ବନ୍ଦ କରାଯାଇଛି। ରାସ୍ତାକୁ ଓହ୍ଲାଇଛନ୍ତି ଶତାଧିକ ଶ୍ରମିକ ସଙ୍ଗଠନର ନେତା ଓ କର୍ମୀ । ବିର୍ସା ମୁଣ୍ଡା ଛକରେ ଏକାଠି ହୋଇ ବିକ୍ଷୋଭ କରିଛନ୍ତି । ପିକେଟିଂ କରି ଦୋକାନ ବଜାର ସହ ଗାଡି ଚଳାଚଳ ବନ୍ଦ କରୁଛନ୍ତି । ଫଳରେ ରାଉରକେଲା ନୂଆ ବସଷ୍ଟାଣ୍ଡରେ ରାଜ୍ୟ ଓ ରାଜ୍ୟ ବାହାରକୁ ଯାଉଥିବା ଶହ ଶହ ବସ ଅଟକି ରହିଛି । ଅନୁରୂପ ଭାବେ ବଣାଇ, କୋଇଡା, ରଜାମୁଣ୍ଡା, ପୁଟୁଗାଁ, ରକ୍ସିରେ ବନ୍ଦ ପାଳନ ପ୍ରଭାବ ଦେଖିବାକୁ ପଡିଛି । ରକ୍ସିରେ ଶ୍ରମିକ ଟ୍ରେନ ଅଟକ ରଖିବାରୁ ସାମାନ୍ୟ ଉତ୍ତେଜନା ସୃଷ୍ଟି ହୋଇଛି ।

ସେପଟେ, ନବରଙ୍ଗପୁରରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି । କୃଷକ ସଂଗଠନର ଏହି ବନ୍ଦ ଡାକରାକୁ ଅନ୍ୟ ରାଜନୈତିକ ଦଳ ବିଭିନ୍ନ ସଂଘ ପକ୍ଷରୁ ଏହି ବନ୍ଦକୁ ସମର୍ଥନ କରି ରାସ୍ତାକୁ ଓହ୍ଲାଇଛନ୍ତି । ନବରଙ୍ଗପୁରର ଚାଉଁରିଆଗୁଡା ଛକ, କଂଗ୍ରେସ ଅଫିସ ସମ୍ମୁଖରେ ୨୬ ନଂବର ଜାତୀୟ ରାଜପଥକୁ ଅବରୋଧ କରିଥିବା ଗମନାଗମନ ଠପ ହୋଇଯାଇଛି । ରାସ୍ତାର ଉଭୟ ପାଶ୍ୱର୍ରେ ଗାଡିଗୁଡିକ ଅଟକି ରହିଛି । ସହରର ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ସମସ୍ତ ଔଷଧ ଦୋକାମ ସହ ଜରୁରୀ କାଳୀନ ସେବା ଯୋଗାଉଥିବା ପ୍ରତିଷ୍ଠାନ ଗୁଡିକ ଖୋଲା ରହିଛି ।

ସେହିଭଳି ସୁବର୍ଣ୍ଣପୁରରେ କୃଷକଙ୍କ ବନ୍ଦ ଡାକରାକୁ ସମର୍ଥନ ଜଣାଇ ଜିଲ୍ଲା କଂଗ୍ରେସ କର୍ମୀ ରାସ୍ତାକୁ ଓହ୍ଲାଇଛନ୍ତି । ପିକେଟିଂ କରି ନଗର କଂଗ୍ରେସ କର୍ମୀ ଦୋକାନ ବଜାର ବନ୍ଦ କରୁଥିବା ଦେଖିବାକୁ ମିଳିଛି । ବନ୍ଦ ଯୋଗୁଁ ସୋନପୁରରେ ଗାଡି ମଟର ଚଳାଚଳ ବନ୍ଦ ରହିଛି । ଖୋର୍ଦ୍ଧା-ବଲାଙ୍ଗିର ୫୭ ନଂବର ଜାତୀୟ ରାଜପଥର ବିଭିନ୍ନ ସ୍ଥାନରେ କଂଗ୍ରେସ ଦଳ କର୍ମୀମାନେ ରାସ୍ତା ଅବରୋଧ କରିଛନ୍ତି । ଫଳରେ ରାଜପଥରେ ଗାଡିମଟର ଚଳାଚଳ ବନ୍ଦ ରହିଛି । ଶାନ୍ତି ଶୃଙ୍ଖଳା ପାଇଁ ବ୍ୟାପକ ପୁଲିସ ମୁତୟନ ହୋଇଥିବା ବେଳେ ବନ୍ଦ ଶାନ୍ତିପୂର୍ଣ୍ଣ ଭାବେ ଚାଲିଛି ।

from Kanak News
via <a href="https://ifttt.com/?