କନକ ବ୍ୟୁରୋ : ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ନେଇ ଭକ୍ତଙ୍କ ଭିତରେ ବଢ଼ୁଛି ଉକ୍ରଣ୍ଠା । କିନ୍ତୁ ଉକ୍ରଣ୍ଠା ଭିତରେ ମର୍ଯ୍ୟାଦା ପୁରୁଷ ଶ୍ରୀରାମ ଚନ୍ଦ୍ରଙ୍କର ପ୍ରଥମ ଓ ଭବ୍ୟ ପ୍ରତିମୂର୍ତି ଫଟୋ ସାମ୍ନାକୁ ଆସିଛି । ରାମମନ୍ଦିରରେ ବିରାଜମାନ ରାମଲାଲାଙ୍କ ସ୍ପଷ୍ଟ ଫଟୋ ଗଣମାଧ୍ୟମକୁ ଦିଆଯାଇଛି । ଶ୍ୟାମଳ ରଙ୍ଗର ପ୍ରସ୍ତରରେ ନିର୍ମିତ ହୋଇଛି ରାମଲାଲାଙ୍କ ଏହି ଅଦ୍ଭୁତ ପ୍ରତିମୂର୍ତି । ପୂର୍ବରୁ ରାମଲାଲାଙ୍କ ଏକ ଚିତ୍ର ସାମ୍ନାକୁ ଆସିଥିଲା । କିନ୍ତୁ ଏବେ ପୂରା ଫଟୋଚିତ୍ର ସାମ୍ନାକୁ ଆସିବା ପରେ ୧୪୦ କୋଟି ଭାରତୀୟଙ୍କ ଭିତରେ ଏକ ଅଭୁଦପୂର୍ବ ଭକ୍ତି ଜାଗରଣ ହୋଇଛି । ଆସନ୍ତା ୨୨ ତାରିଖରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ହେବ । ଗତକାଲି ରାମ ମନ୍ଦିର ଗର୍ଭଗୃହରେ ବିରାଜମାନ ହୋଇଛନ୍ତି ରାମଲଲା । ଗର୍ଭଗୃହରୁ ୫୧ ଇଂଚର ଶ୍ୟାମଳ ମୂର୍ତିର ପ୍ରଥମ ଫଟୋ ସାମ୍ନାକୁ ଆସିଥିଲା । ୪ ଘଂଟା କାଳ ପୂଜାପାଠ ପରେ ବିଗ୍ରହଙ୍କୁ ସ୍ଥାପନା କରାଯାଇଛି । ଆସନ୍ତାକାଲି ୮୧ କଳସ ଜଳଦ୍ୱାରା ଗର୍ଭଗୃହକୁ ଶୁଦ୍ଧିକରଣ କରାଯିବ । ୨୧ ତାରିଖରେ ୧୨୫ କଳସ ଜଳରେ ରାମଲଲାଙ୍କୁ ସ୍ନାନ କରାଯିବା ସହ ସ୍ୱତନ୍ତ୍ର ପୂଜା କରାଯିବ । ରାମଲଲାଙ୍କ ମୂର୍ତି ପ୍ରାଣପ୍ରତିଷ୍ଠାର ବିଧିବଦ୍ଧ କର୍ମକାଣ୍ଡ ଗୁରୁବାର ଗଣେଶ ପୂଜନରୁ ଆରମ୍ଭ ହୋଇଛି ।

ସେପଟେ ଅଯୋଧ୍ୟାରେ ଶ୍ରୀ ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ଭବ୍ୟ ଓ ସ୍ମରଣୀୟ କରିବା ପାଇଁ ସବୁ ପ୍ରସ୍ତୁତି ଶେଷ ପର୍ଯ୍ୟାୟରେ । ୨୨ ତାରିଖରେ ହେବାକୁଥିବା ଭବ୍ୟ ସମାରୋହ ପାଇଁ କେମିତି ରହିଛି ପ୍ରସ୍ତୁତି, ସେସବୁର ସମୀକ୍ଷା କରିଛନ୍ତି ଉତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସାମ୍ବାଦିକ ସମ୍ମିଳନୀ କରି କହିଛନ୍ତି, ସେଦିନ ଅଯୋଧ୍ୟାରେ ମର୍ଯ୍ୟାଦା ପୁରୁଷ ରାମଚନ୍ଦ୍ରଙ୍କ ପ୍ରାଣ ପ୍ରତିଷ୍ଠା ସହ ଭାରତ ଇତିହାସ ଓ ବିଶ୍ୱାସର ପ୍ରତିଷ୍ଠା ହେବ । ଆଜି ଅଯୋଧ୍ୟାରେ ପହଂଚିବା ପରେ ହନୁମାନଗଡି ଯାଇ ହନୁମାନଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ ଯୋଗୀ । ଏହା ପରେ ପ୍ରତିଷ୍ଠା ଉତ୍ସବ ପାଇଁ ହୋଇଥିବା ଟେଂଟସିଟି ପରିଦର୍ଶନ କରିଥିଲେ । ରାମଲଲାଙ୍କ ପ୍ରାଣ ପ୍ରତିଷ୍ଠା ପାଇଁ ରାମମୟ ହୋଇଗଲାଣି ଅଯୋଧ୍ୟା । ଅନେକ ସାଧୁ ସନ୍ଥଙ୍କ ସମାଗମ ହେଲାଣି । ପ୍ରାଣ ପ୍ରତିଷ୍ଠା ଉତ୍ସବ ପାଇଁ ବ୍ୟାପକ ଆୟୋଜନ କରାଯାଇଛି । ଏଥିପାଇଁ ସୁରକ୍ଷା ବ୍ୟବସ୍ଥାକୁ ମଧ୍ୟ କଡ଼ାକଡ଼ି କରାଯାଇଥିବା ୟୁପି ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି ।

The post ଦେଖାଦେଲେ ମର୍ଯ୍ୟାଦା ପୁରୁଷ ଶ୍ରୀରାମ । ସାମ୍ନାକୁ ଆସିଲା ରାମଲାଲାଙ୍କ ଭବ୍ୟମୂର୍ତ୍ତିର ନୂଆ ଫଟୋ, ଅଯୋଧ୍ୟାରେ ପ୍ରସ୍ତୁତିର ସମୀକ୍ଷା କଲେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ମଣ୍ଡିରେ ପଡିଛି ହଜାର ହଜାର ପ୍ୟାକେଟ ଧାନ । ହଠାତ ମାଡି ଆସିଲା ଅଦିନିଆ ବର୍ଷା । ବର୍ଷାରେ ଭିଜି ଯାଇଛି ଚାଷୀଙ୍କ ଧାନ । ଏ ଚିତ୍ର ହେଉଛି ପଦ୍ମପୁର ଉପଖଣ୍ଡ ବରିକେଲ ମଣ୍ଡିର । ଖୋଲା ଆକାଶ ତଳେ ପଡିଛି ପ୍ରାୟ ୨୦, ୦୦୦ ପ୍ୟାକେଟ ଧାନ । ତେବେ ମଣ୍ଡିରେ ଟ୍ୟାଗ ଥାଇ ମଧ୍ୟ୍ୟ ଧାନ ଉଠୁନି, କାରଣ ମିଲର୍ସଙ୍କ ମନ ମୁତାବକ ଚାଲିଛି ମଣ୍ଡି । ଧାନ ଉଠାଇବା ପାଇଁ ଗାଡି ପଠାଉ ନହାନ୍ତି ମିଲର୍ସ । ତେବେ ଗୋଟିିଏ ପଟେ ଟୋକନ ଲାପ୍ସର ଚିନ୍ତା । ଅନ୍ୟପଟେ ଓଦା ଧାନ ଚାଷିଙ୍କୁ ନାକେଦମ୍ କରିଛି । ଗତକାଲି ଅପରାହ୍ଣ ପ୍ରାୟ ୪ଟା ସମୟରେ ହଠାତ ମେଘ ଘୋଟି ଆସିଥିଲା । ବର୍ଷା ଯୋଗୁଁ ମଣ୍ଡିରେ ରହିଥିବା ହଜାର ହଜାର ବସ୍ତା ଧାନ ଓଦା ହୋଇଯାଇଛି ।

The post ମରୁଡି, ବନ୍ୟା ପରେ ଏବେ ଦାଉ ସାଧିଛି ଅଦିନିଆ ବର୍ଷା । ଭିଜିଗଲା ପଦ୍ମପୁର ବରିକେଲ ମଣ୍ଡିରେ ପଡି ରହିଥିବା ୨୦ ହଜାର ବସ୍ତା ଧାନ first appeared on Kanak News.

from Kanak News
via <a href="https://ifttt.com/?

କିର୍ବି ବାୟୁସେନା ୱାନରେ ଥିବା ସାମ୍ବାଦିକମାନଙ୍କୁ କହିଛନ୍ତି ଯେ, ଇରାନ ଓ ପାକିସ୍ତାନ ଦୁଇଟି ଆଧୁନିକ ଅସ୍ତ୍ରଶସ୍ତ୍ର  ସୁସଜ୍ଜିତ ରାଷ୍ଟ୍ର ଏବଂ ଆମେ ଏହି ଅଞ୍ଚଳରେ ଆଉ କୌଣସି ସଶସ୍ତ୍ର ବିବାଦ ବଢିବାକୁ ଚାହୁଁନାହୁଁ । ଇରାନ ଦ୍ଵାରା ପ୍ରାରମ୍ଭିକ ଆକ୍ରମଣ ପରେ ଇସଲାମାବାଦ ନିଜକୁ ଆତ୍ମରକ୍ଷା କରିବାର ଅଧିକାର ପାଇଥିଲା ।

ପାକିସ୍ତାନରେ ଆତଙ୍କବାଦୀ ଟାର୍ଗେଟ ଉପରେ ଇରାନର ଆକ୍ରମଣ ପରେ ପାକିସ୍ତାନର ସମାନ ପ୍ରତିକ୍ରିୟା ଦୁଇ ଦେଶ ମଧ୍ୟରେ ତିକ୍ତତା ବୃଦ୍ଧି କରିଛି । ଆମେରିକାର ରାଷ୍ଟ୍ରପତି ଜୋ ବାଇଡେନ ଗୁରୁବାର ଦିନ କହିଛନ୍ତି ଯେ ପାକିସ୍ତାନ ଏବଂ ଇରାନ ପରସ୍ପରର ଅଞ୍ଚଳରେ ହୋଇଥିବା ଏୟାର ଷ୍ଟ୍ରାଇକରୁ ଏହା ଜଣାପଡିଛି ଯେ ପାକିସ୍ତାନ ତେହେରାନକୁ ପସନ୍ଦ କରୁନାହିଁ ।  ଯେହେତୁ ହ୍ଵାଇଟ ହାଉସ ଯେ କୌଣସି ଉତ୍ତେଜନା ବିରୋଧରେ ଚେତାବନୀ ଦେଇଛି । ବାସ୍ତବରେ, ପରସ୍ପର ଉପରେ ହୋଇଥିବା ଆକ୍ରମଣ ପରେ ଆମେରିକାର ମୁଖ୍ୟ ସହଯୋଗୀ, ପରମାଣୁ ସଶସ୍ତ୍ର ଇସଲାମାବାଦ ଏବଂ ୱାଶିଂଟନର ଶତ୍ରୁ ତେହେରାନ ମଧ୍ୟରେ ତିକ୍ତତା ବୃଦ୍ଧି ପାଇଛି ।

ମଧ୍ୟ ପ୍ରାଚ୍ୟରେ ଉତ୍ତେଜନା ବୃଦ୍ଧି ପାଇଲା

ଅକ୍ଟୋବର ୭ ରେ ଇସ୍ରାଏଲ ଉପରେ ହମାସ ଆକ୍ରମଣ ପରେ ଇରାନର ଏବଂ ତାହାର ବନ୍ଧୁ ରାଷ୍ଟ୍ର ସହ ଇସ୍ରାଏଲ ଏବଂ ଆମେରିକାର ବିବାଦ ଲାଗି ରହିଛି । ଏହି ସଂଘର୍ଷ ବିଷୟରେ ପଚରାଯାଇଥିବା ବେଳେ ବାଇଡେନ ହ୍ଵାଇଟ ହାଉସରେ ସାମ୍ବାଦିକମାନଙ୍କୁ କହିଛନ୍ତି ଯେ ଆପଣ ଯେପରି ଦେଖିଥିବେ, ଇରାନ ଏହି ଅଞ୍ଚଳରେ ଶାନ୍ତି ସହ ଅବସ୍ଥାନ କରିବା ବିଶେଷ ପସନ୍ଦ କରେ ନାହିଁ ।

ଇରାନ-ପାକିସ୍ତାନରେ ପରିସ୍ଥିତି ବାଇଡେନ କହିଛନ୍ତି ଯେ ଇରାନ-ପାକିସ୍ତାନ ପରିସ୍ଥିତିର ସମାଧାନ କିପରି ହେବ ତାହା ଆମେରିକା ବର୍ତ୍ତମାନ ବୁଝିବାକୁ ଚେଷ୍ଟା କରୁଛି । ସେ କହିଛନ୍ତି ଯେ ଆମେ ବର୍ତ୍ତମାନ ଏହା ଉପରେ ଯଥାସମ୍ଭବ କାର୍ଯ୍ୟ କରୁଛୁ । ମୁଁ ଜାଣେ ନାହିଁ ଯେ ଏହାର ଫଳାଫଳ କଣ ହେବ । ହ୍ଵାଇଟ ହାଉସର ଜାତୀୟ ସୁରକ୍ଷା ପରିଷଦର ମୁଖପାତ୍ର ଜନ୍ କିର୍ବି କହିଛନ୍ତି ଯେ ଆମେରିକା ପରିସ୍ଥିତିକୁ ଅତି ନିକଟରୁ ନଜର ରଖିଛି ଏବଂ ପାକିସ୍ତାନୀ ଅଧିକାରୀଙ୍କ ସହ ଯୋଗାଯୋଗରେ ଅଛି ।

ଆତ୍ମରକ୍ଷା ପାଇଁ ଇସଲାମାବାଦର ଅଧିକାର ଅଛି

କିର୍ବି ବାୟୁସେନା ୱାନରେ ଥିବା ସାମ୍ବାଦିକମାନଙ୍କୁ କହିଛନ୍ତି ଯେ ଏମାନେ ଦୁଇଟି ଆଧୁନିକ ଅସ୍ତ୍ରଶସ୍ତ୍ର  ଦ୍ଵାରା ସୁସଜ୍ଜିତ ଦେଶ ଏବଂ ଆମେ ଏହି ଅଞ୍ଚଳରେ ଆଉ କୌଣସି ସଶସ୍ତ୍ର ବିବାଦ ଦେଖିବାକୁ ଚାହୁଁ ନାହୁଁ । ଯାହା ନିଶ୍ଚିତ ଭାବରେ ସେହି ଦୁଇ ଦେଶ ମଧ୍ୟରେ ତିକ୍ତତା  ବଢାଇବ । ଇରାନର ପ୍ରାରମ୍ଭିକ ଆକ୍ରମଣ ପରେ ଇସଲାମାବାଦ ନିଜକୁ ଆତ୍ମରକ୍ଷା କରିବାର ଅଧିକାର ପାଇଥିଲା । ତେହେରାନ କହିଛି ଯେ ଇରାନ ଅଞ୍ଚଳରେ ଅନେକ ଆକ୍ରମଣ ପଛରେ ଜଣେ ସୁନ୍ନି ମୁସଲମାନ ଉଗ୍ରବାଦୀ ଦଳକୁ ଟାର୍ଗେଟ କରିଛି ।

ଇରାନରେ ହୋଇଥିବା ଆକ୍ରମଣରେ ପାକିସ୍ତାନ ଏହାର ଜବାବ ଦେଇ କହିଛି ଯେ ବାଲୁଚିସ୍ତାନର ଦକ୍ଷିଣ-ପଶ୍ଚିମ ପ୍ରଦେଶରେ ବିଚ୍ଛିନ୍ନତାବାଦୀ ଆତଙ୍କବାଦୀମାନେ ଏକ ବିଦ୍ରୋହକୁ ସମର୍ଥନ କରୁଛନ୍ତି । କିର୍ବି କହିଛନ୍ତି ଯେ ସେମାନଙ୍କୁ ପ୍ରଥମେ ଇରାନ ଆକ୍ରମଣ କରିଥିଲା, ଯାହା ସ୍ପଷ୍ଟ ଭାବରେ ଅନ୍ୟ ଏକ ବେପରୁଆ ଆକ୍ରମଣ, ଏହି ଅଞ୍ଚଳରେ ଇରାନର ଅସ୍ଥିରତା ଆଚରଣର ଆଉ ଏକ ଉଦାହରଣ ।

ଇରାନ ଉପରେ ଆକ୍ରମଣ

କିର୍ବି କହିଛନ୍ତି ଯେ ଇରାନ ଉପରେ ଆକ୍ରମଣ କରିବା ପୂର୍ବରୁ ଇସଲାମାବାଦ ୱାଶିଂଟନକୁ ସୂଚନା ଦେଇଛି । ପାକିସ୍ତାନକୁ ଆମେରିକା ସମର୍ଥନ ଯୋଗାଇବ କି ନାହିଁ ବୋଲି ପଚରାଯିବାରୁ ସେ କୌଣସି ମନ୍ତବ୍ୟ ଦେଇନାହାଁନ୍ତି ।  ଯାହାକି ଆଫଗାନିସ୍ତାନରେ ତାଲିବାନକୁ ଗୁପ୍ତ ଭାବେ ସମର୍ଥନ କରେ ବୋଲି ଦାବି କରି ୱାଶିଂଟନ୍ ସହିତ ଦୀର୍ଘ ସମୟ ଧରି ବିବାଦ ଲାଗି ରହିଥିଲା ।

 

 

The post ଇରାନ-ପାକିସ୍ତାନ ଏୟାର ଷ୍ଟ୍ରାଇକ ବିଷୟରେ ଆମେରିକା ଚେତାବନୀ ଦେଇଥିଲା : … ବାଇଡେନ କହିଥିଲେ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜ୍ୟରେ ଫେବୃଆରୀ ୫ରୁ କାମଚଳା ବିଧାନସଭା ଅଧିବେଶନ । ୧୩ ତାରିଖ ପର୍ଯ୍ୟନ୍ତ ଚାଲିବ ଏହି ଅଧିବେଶନ । ଷୋଡଶ ବିଧାନସଭାରେ ଏହା ଶେଷ ଅଧିବେଶନ ହେବ । କାରଣ ଆଗକୁ ବିଧାନସଭା ଓ ସାଧାରଣ ନିର୍ବାଚନ ଅଛି । ୫ ତାରିଖରେ ରାଜ୍ୟପାଳଙ୍କ ଅଭିଭାଷଣ ରହିଛି । ୮ରେ କାମଚଳା ବଜେଟ ଉପସ୍ଥାପନ କରିବେ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ । ଅନ୍ତିମଥର ପାଇଁ ବିଧାନସଭାର ଶୀତକାଳୀନ ଅଧିବେଶନ ଚାରି ଦିନ ପାଇଁ ଚାଲିଥିଲା । ନଭେମ୍ବର ୨୬ କାର୍ଯ୍ୟଦିବସର ଶେଷ ତାରିଖ ଥିଲା । ହେଲେ ନଭେମ୍ବର ୨୪ରୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ରହିଥିଲା ।

The post ଫେବ୍ରୁଆରୀ ୫ରୁ ୧୩ ତାରିଖ ପର୍ଯ୍ୟନ୍ତ ବିଧାନସଭା କାମଚଳା ବଜେଟ୍ ଅଧିବେଶନ । ୫ରେ ରାଜ୍ୟପାଳ ଦେବେ ଅଭିଭାଷଣ, ୮ରେ ହେବ ବଜେଟ୍ ଉପସ୍ଥାପନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଠକେଇର ନୂଆ ଠିକଣା ପାଟଲିଛି ମାଟ୍ରିମୋନି ସାଇଟ୍ । ସୁନ୍ଦରୀ ଯୁବତୀଙ୍କ ଫଟୋ ରଖି ଜୀବନସାଥୀ ଖୋଜୁଥିବା ଯୁବକଙ୍କୁ ଟାର୍ଗେଟ୍ କରୁଛନ୍ତି ଠକ । ଯୁବକଙ୍କ ସହ ଅନଲାଇନ୍ ଯୋଗାଯୋଗ କରିବା ପରେ ଆର୍ଥିକ ଅସୁବିଧା ଦର୍ଶାଇ ଟଙ୍କା ମାଗୁଛି ସାଇବର ଠକ । ଆଉ ବିବାହ କରିବାକୁ ମନ କରୁଥିବା ଯୁବକ ମଧ୍ୟ ପର୍ଯ୍ୟାୟ କ୍ରମେ ଟଙ୍କା ଦେଇଛନ୍ତି । ଯୁବକ ଜଣଙ୍କ ଥରେ ନୁହେଁ ତିନି ଥର ଟଙ୍କା ଦେବା ପରେ ଯେତେବେଳେ ଦେଖା କରିବା ପାଇଁ ଦାବି କରିଛନ୍ତି ସେତେବେଳେ ସତ ସାମ୍ନାକୁ ଆସିଛି । ମାଟ୍ରିମୋନି ସାଇଟ୍ ଖୋଲି ଯୁବକଙ୍କ ସହ ଚାଟିଂ କରୁଥିବା ସଦସ୍ୟ ଜଣଙ୍କ ଯୁବତୀ ନୁହଁନ୍ତି ଜଣେ ଯୁବକ । ନିଜ ସ୍ତ୍ରୀର ଫଟୋ ଲଗାଇ ଯୁବକଙ୍କୁ ଫସାଇ ଲକ୍ଷାଧିକ ଟଙ୍କା ଠକେଇ କରିଛି ଏହି ସାଇବର ଠକ । ଏନେଇ ସାଇବର ଥାନାରେ ଅଭିଯୋଗ ହେବା ପରେ କମିଶନରେଟ୍ ପୁଲିସ ଅଭିଯୁକ୍ତ ନୃସିଂହ ବିଶ୍ୱାଳଙ୍କୁ ଗିରଫ କରିଛି । ତାଙ୍କ ଠାରୁ ଲକ୍ଷେ ୬୧ ହଜାର ଟଙ୍କା, ଏଟିଏମ୍ କାର୍ଡ ଓ ସିମ୍ କାର୍ଡ ଜବତ ହୋଇଛି । ଏହି ଠକ ଜଣଙ୍କ କେତେ ଜଣଙ୍କୁ ଠକିଛି ତାହା ଜାଣିବା ପାଇଁ ମାଟ୍ରିମୋନିଆଲ ସାଇଟ୍କୁ ଚିଠି ଲେଖାଯାଇଥିବା ଭୁବନେଶ୍ୱର ଡିସିପି ପ୍ରତୀକ ସିଂ ସୂଚନା ଦେଇଛନ୍ତି ।

The post ସୁନ୍ଦରୀ ଯୁବତୀଙ୍କ ଫଟୋ ରଖି ଜୀବନସାଥୀ ଖୋଜୁଥିବା ଯୁବକଙ୍କୁ ଟାର୍ଗେଟ । ଜଣେ ଗିରଫ, ୧ ଲକ୍ଷ ୬୧ ହଜାର ଟଙ୍କା ଜବତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବିହାରରେ ଆରମ୍ଭ ହୋଇଥିବା ରାଜନୈତିକ ହଲଚଲ ଭିତରେ ଜଣେ ଇଡି ଅଧିକାରୀ ଲାଲୁଙ୍କ ବାସଭବନରେ ପହଂଚିଛନ୍ତି । କୁହାଯାଉଛି କି, ଇଡି ଅଧିକାରୀ ହାତରେ କିଛି କାଗଜ ଧରି ଲାଲୁଙ୍କ ବାସଭବନରେ ପହଂଚିଛନ୍ତି । ଅନୁମାନ କରାଯାଉଛି କି, ନୋଟିସ ଦେବାକୁ ଇଡି ଅଧିକାରୀ ଲାଲୁ ଯାଦବଙ୍କ ଘରକୁ ଆସିଛନ୍ତି ।

ମିଳିଥିବା ସୂଚନା ମୁତାବକ ପ୍ରବର୍ତ୍ତନ ନିର୍ଦ୍ଦେଶାଳୟର ଏକ ଟିମ୍ ଲାଲୁଙ୍କ ଘରେ ପହଂଚି ଲାଲୁଙ୍କ ପରିବାରକୁ ନୋଟିସ ଦେଇଛନ୍ତି । ଜମି ବଦଳରେ ଚାକିରି ମାମଲାରେ ଚାଲିଥିବା ତଦନ୍ତ ଉପରେ ଏହି ନୋଟିସ ପ୍ରଦାନ କରାଯାଇଛି ।

ଏହା ପୂର୍ବରୁ ଗତବର୍ଷ ମାର୍ଚ୍ଚ ୬ ତାରିଖରେ ସମାନ ମାମଲାରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବଡୀ ଦେବୀଙ୍କ ବାସଭବନରେ ସିବିଆଇ ଟିମ୍ ପହଂଚିଥିଲା । ସିବିଆଇ ଟିମ୍ ତରଫରୁ ରାବଡୀ ଦେବୀଙ୍କୁ ୪ ଘଣ୍ଟା ଜେରା କରାଯାଇଥିଲା ।

The post ବିହାରରେ ରାଜନୈତିକ ହଲଚଲ ଭିତରେ ଲାଲୁଙ୍କ ଘରେ ପହଂଚିଲେ ଇଡି ଅଧିକାରୀ । ଜାଣନ୍ତୁ କାରଣ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବେଆଇନ ବନ୍ଧୁକ କାରବାରକୁ ରୋକିବାରେ ବଡ ସଫଳତା । ଶିମିଳିପାଳ ଅଂଚଳରୁ ୨୩ଟି ବେଆଇନ୍ ଦେଶୀ ବନ୍ଧୁକ ଜବତ କଲା ମୟୂରଭଞ୍ଜ ପୋଲିସ । ଗତ ୨ ମାସ ମଧ୍ୟରେ ଶିମିଳିପାଳ ସଂଲଗ୍ନ ଜିଲ୍ଲାର ୯ଟି ଥାନାରେ ୧୪ଟି ମାମଲା ରୁଜୁ ହୋଇଥିଲା । ମୋଟ୍ ୮ ଜଣ ଶିକାରିଙ୍କୁ ଏହି ମାମଲାରେ ଗିରଫ କରାଯାଇଛି ।

ନିକଟରେ ଅନେକ ବନ ଅଧିକାରୀ ଶିମିଳିପାଳରେ ପାଟ୍ରୋଲିଂ ବେଳେ ଶିକାରୀଙ୍କ ଆକ୍ରମଣର ଶିକାର ହୋଇଛନ୍ତି । ଏହାପରେ ବନ ଅଧିକାରୀ ଏବଂ ପୋଲିସ ଅଧିକାରୀ ଶିକାରିଙ୍କୁ ଧରିବା ପାଇଁ ପ୍ରୟାସ କରୁଛନ୍ତି । ଶିକାରିମାନେ ଜଙ୍ଗଲରେ ଥିବା ପଶୁ ଓ ପକ୍ଷୀଙ୍କୁ ମାରି ବେଆଇନ ଚାଲାଣ କରୁଛନ୍ତି । ଏବେ ଏହିପରି ବେଆଇନ କାରବାରକୁ ରୋକ୍ ଲଗାଇବା ପ୍ରଶାସନ ପାଇଁ ଚ୍ୟାଲେଞ୍ଜ ରହିଛି ।

The post ଶିମିଳିପାଳରୁ ୨୩ ଦେଶୀ ବନ୍ଧୁକ ଜବତ । ବେଆଇନ୍ ବନ୍ଧୁକ କାରବାର ରୋକିବାକୁ ଆକ୍ସନ ମୋଡରେ ମୟୂରଭଞ୍ଜ ପୋଲିସ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅବସର ଥିଲା ବିକାଶ ପ୍ରକଳ୍ପର ଉଦଘାଟନ ଉତ୍ସବ । ଉପସ୍ଥିତ ଥିଲେ ହଜାର ହଜାର ଜନତା । ଏହି ସମୟରେ ଜନସଭାକୁ ସମ୍ବୋଧନ କରୁ କରୁ ଭାବବିହ୍ୱଳ ହୋଇଗଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଆଖିରେ ତାଙ୍କର ଲୁହ ଭରିଗଲା, କଣ୍ଠ ବାଷ୍ଫାକୁଳ ହୋଇଗଲା । ଫଳରେ କିଛି ସମୟେ ନୀରବ ରହିଗଲେ ମୋଦୀ । ଏହି ଘଟଣା ଘଟିଥିଲା ମହାରାଷ୍ଟ୍ରରେ ହଜାର ହଜାର କୋଟି ଟଙ୍କାର ବିକାଶମୂଳକ ପ୍ରକଳ୍ପର ଶୁଭାରମ୍ଭ କାର୍ଯ୍ୟକ୍ରମରେ ।

ପ୍ରଧାନମନ୍ତ୍ରୀ ମୋଦୀ ସୋଲାପୁରରେ ବିକାଶ ପ୍ରକଳ୍ପର ଉଦଘାଟନ କରିଥିଲେ । ଏହି ସମୟରେ ସେ ଲୋକଙ୍କୁ ସମ୍ବୋଧନ କରିଥିଲେ । ଏବଂ କହିଥିଲେ ସେ ଶହଶହ ଲୋକଙ୍କ ପାଇଁ ଘର ଖଣ୍ଡେ ଯୋଗାଡ କରିପାରିଥିବାରୁ ନିଜକୁ ଭାଗ୍ୟବାନ୍ ମନେ କରୁଛନ୍ତି । ଲୋକଙ୍କ ମନରୁ ଯେଉଁ ଆଶୀର୍ବାଦ ବାହାରୁଛି ତାହାହିଁ ତାଙ୍କ ପାଇଁ ସବୁଠୁ ବଡ ସମ୍ପତ୍ତି । ଏହି ଭିଡିଓ ଏବେ ସୋସିଆଲ ମିଡିଆରେ ପ୍ରଶଂସା ସାଉଁଟୁଛି ।

The post ‘ଜନତାଙ୍କ ଆଶୀର୍ବାଦ ହିଁ ମୋର ସବୁଠୁ ବଡ ସମ୍ପତ୍ତି’ । ବିକାଶ ପ୍ରକଳ୍ପ ଉଦଘାଟନ ସମୟରେ ଏପରି କହିଲେ ମୋଦୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ହରିଆଣା ରୋହତକର ସୁନାରିୟା ଜେଲରେ ଦଣ୍ଡ ଭୋଗୁଥିବା ଗୁରମୀତ ରାମ ରହିମଙ୍କୁ ପୁଣିଥରେ କୋର୍ଟ ୫୦ ଦିନିଆ ପାରୋଲ ଦେଇଛନ୍ତି । ୨୯ ଦିନ ପୂର୍ବରୁ ରାମ ରହିମ ପାରୋଲ କାଟି ଜେଲକୁ ଫେରିଥିଲେ । ହେଲେ ପୁଣି ଥରେ କୋର୍ଟ ତାଙ୍କ ପାରୋଲ ଆବେଦନକୁ ମଞ୍ଜୁରୀ ପ୍ରଦାନ କରିଛନ୍ତି ।

ସୂଚନା ମୁତାବକ ହରିଆଣା ସରକାର ବାବା ରାମ ରହିମଙ୍କୁ ୫୦ ଦିନିଆ ପାରୋଲ ଦେଇଛନ୍ତି । ଏହି କ୍ରମରେ ଏବେ ସେ ଉତ୍ତର ପ୍ରଦେଶର ବାଗବତରେ ଥିବା ବରନାବା ଆଶ୍ରମରେ ରହିବେ । ଶୁକ୍ରବାର ସନ୍ଧ୍ୟା କିମ୍ବା ଶନିବାର ସକାଳେ ସେ ଜେଲରୁ ବାହାରିବେ । ହରିଆଣା ଜେଲର ନିୟମ ମୁତାବକ ଆଜୀବନ ଜେଲ କାଟୁଥିବା କୌଣସି ବି କଏଦୀ ବର୍ଷରେ ୭୦ ଦିନ ପାରୋଲରେ ଯାଇପାରିବେ ।

ହରିଆଣା ସରକାର ରାମ ରହିମଙ୍କୁ ନଭେମ୍ବର ମାସରେ ୨୧ ଦିନ ପାଇଁ ପାରୋଲ ଦେଇଥିଲେ । ସେତେବେଳେ ସେ ୨୧ ଦିନ ଯାକ ଉତ୍ତର ପ୍ରଦେଶର ବାଗବତ ଆଶ୍ରମରେ ରହିଥିଲେ । ଏହାପରେ ଡିସେମ୍ବର ୨୧ ତାରିଖରେ ସେ ଜେଲକୁ ଫେରିଯାଇଥିଲେ ।

ବାବା ରାମ୍ ରହିମ ଜଣେ ସାମ୍ବାଦିକଙ୍କୁ ହତ୍ୟା କରିବା ଓ ଅନ୍ୟ ଦୁଷ୍କର୍ମ ମାମଲାରେ ୨୦୧୭ ରେ ଦଣ୍ଡିତ ହୋଇଥିଲେ । ସେ ଜେଲକୁ ଯିବା ଠାରୁ ଏପର୍ଯ୍ୟନ୍ତ ୯ ଥର ପାରୋଲରେ ଆସିଛନ୍ତି ।

The post ଡେରା ସଚ୍ଚା ସୌଦା ପ୍ରମୁଖ ରାମ ରହିମଙ୍କୁ ପୁଣି ମିଳିଲା ପରୋଲ । ୨୯ ଦିନ ମଧ୍ୟରେ ଦ୍ୱିତୀୟ ଥର ଜେଲରୁ ବାହାରକୁ ଆସିବେ ବାବା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆଜି ଅର୍ଥାତ ଜାନୁଆରୀ ୧୯ ତାରିଖରୁ ଜାନୁଆରୀ ୨୬ ତାରିଖ ପର୍ଯ୍ୟନ୍ତ ଦିଲ୍ଲୀ ଆକାଶରେ ବିମାନ ଉଡାଣକୁ ନେଇ କଟକଣା ଲଗାଯାଇଛି । ଏହି ୮ ଦିନ ଧରି ସକାଳ ୧୦.୨୦ ମିନିଟରୁ ମଧ୍ୟାହ୍ନ ୧୨.୪୫ ମିନିଟ ପର୍ଯ୍ୟନ୍ତ ଦିଲ୍ଲୀ ବିମାନବନ୍ଦରରେ କୌଣସି ବିମାନ ଅବତରଣ କରିପାରିବ ନାହିଁ କି କୌଣସି ବିମାନ ଉଡାଣ ଭରିପାରିବ ନାହିଁ । ଏନେଇ କେନ୍ଦ୍ର ସରକାରଙ୍କ ତରଫରୁ ଏକ ଆଦେଶନାମା ଜାରି କରାଯାଇଛି ।

ସାରା ଦେଶ ଆସନ୍ତା ସପ୍ତାହରେ ୭୫ ତମ ଗଣତନ୍ତ୍ର ଦିବସ ପାଳନ କରିବାକୁ ଯାଉଛି । ଚଳିତ ଥର ଗଣତନ୍ତ୍ର ଦିବସରେ ମୁଖ୍ୟ ଅତିଥି ଭାବେ ଫ୍ରାନ୍ସର ରାଷ୍ଟ୍ରପତି ଏମାନୁଏଲ ମାକ୍ରନ ମୁଖ୍ୟ ଅତିଥି ଭାବେ ଯୋଗ ଦେବାକୁ ଯାଉଛନ୍ତି ।

ଚଳିତ ବର୍ଷ ଗଣତନ୍ତ୍ର ଦିବସ ପରେଡରେ ପ୍ରଥମଥର ପାଇଁ ବିଏସଏଫର ସମସ୍ତ ମହିଳା ଯବାନ ଶୋଭାଯାତ୍ରା ସହ ବ୍ରାସ ବ୍ୟାଣ୍ଡ ଦଳ କର୍ତ୍ତବ୍ୟ ପଥରେ ଅଂଶଗ୍ରହଣ କରିବେ  । ଜଣେ ସହକାରୀ କମାଣ୍ଡାଣ୍ଟ ପାହ୍ୟାର ମହିଳା ଅଧିକାରୀଙ୍କ ନେତୃତ୍ୱରେ ମୋଟ ୧୪୪ ଜଣ ମହିଳା ବିଏସଏଫ କନେଷ୍ଟବଳ ଜାନୁଆରୀ ୨୬ ତାରିଖରେ କର୍ତ୍ତବ୍ୟ ପଥରେ ପଦଯାତ୍ରା କରିବେ ।

ସେପଟେ ଗଣତନ୍ତ୍ର ଦିବସ ପୂର୍ବରୁ ଦିଲ୍ଲୀ ପୋଲିସ ଦିଲ୍ଲୀର ସୁରକ୍ଷା ବ୍ୟବସ୍ଥା କଡାକଡି କରିଛି । ଏହି କ୍ରମରେ ଦିଲ୍ଲୀ ପୋଲିସ ଆତଙ୍କବାଦୀ ଆକ୍ରମଣ ସ୍ଥିତିକୁ ଅନୁକରଣ କରିବାକୁ ଅକ୍ଷରଧାମ ମନ୍ଦିରରେ ଏକ ମକ୍ ଡ୍ରିଲ ମଧ୍ୟ କରିଛି ।

The post ଗଣତନ୍ତ୍ର ଦିବସ ପାଇଁ ଦିଲ୍ଲୀରେ କଡା କଡି ହେଲା ସୁରକ୍ଷା ବ୍ୟବସ୍ଥା । ୮ ଦିନ ଯାଏ ଏହି ସମୟରେ ଦିଲ୍ଲୀ ଆକାଶରେ ଉଡିବ ନାହିଁ ବିମାନ first appeared on Kanak News.

from Kanak News
via <a href="https://ifttt.com/?