କନକ ବ୍ୟୁରୋ : ସଂସଦର ସୂଚନା ଓ ଟେକନିକ୍ ବିଭାଗର ସ୍ଥାୟୀ କମିଟି ମାଇକ୍ରୋବ୍ଲଗିଙ୍ଗ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରର ଅଧିକାରୀଙ୍କୁ ଜୁନ ୧୮ ତାରିଖରେ ହାଜର ହେବା ପାଇଁ ନୋଟିସ ଜାରି କରିଛନ୍ତି । ନୂଆ ଆଇଟି ଆଇନକୁ ନେଇ ସରକାର ଓ ଟ୍ୱିଟର ମଧ୍ୟରେ ଚାଲିଥିବା ବିବାଦକୁ ନେଇ ଏଭଳି ନୋଟିସ୍ କରାଯାଇଛି । ଏହା ସହିତ ସଂସଦୀୟ ସମିତି ଇଲେକ୍ଟ୍ରୋନିକ୍ସ ଓ ସୂଚନା ମନ୍ତ୍ରଣାଳୟର ଅଧିକାରୀଙ୍କୁ ନିଜ ପକ୍ଷ ରଖିବାକୁ ନିର୍ଦ୍ଦେଶ ଦିଆଯାଇଛି । ଏଥିରେ ଡିଜିଟାଲ ସ୍ପେଶର ସୁରକ୍ଷାକୁ ନେଇ ଚର୍ଚ୍ଚା ହେବ ବୋଲି କୁହାଯାଇଛି ।

ସୂଚନା ମୁତାବକ ଏହି ପ୍ୟାନେଲ ଆଇଟି ନିୟମ ଓ ଏବେ ଘଟିଥିବା କିଛି ଘଟଣାକୁ ନେଇ ମେନ୍ୟୁଲେଟିଭ୍ ମିଡିଆ ବିବାଦ ଓ ଦିଲ୍ଲୀ ପୋଲିସ ତରଫରୁ ଟ୍ୱିଟରର ଅଧିକାରୀଙ୍କୁ ନୂଆ ଗାଇଡଲାଇନ ନେଇ ପଚରା ଉଚରା କରିପାରେ ।

Parliamentary Standing Committee on Information & Technology asks Twitter to appear before them in Parliament Complex on June 18 on safeguarding citizens’ rights & prevention of misuse of social/online news media platforms incl special emphasis on women security in digital space’

— ANI (@ANI) June 15, 2021

ସଂସଦୀୟ ସମିତିର ପ୍ୟାନେଲ ପ୍ରଥମେ ଟ୍ୱିଟର ପକ୍ଷ ଶୁଣିବ ଓ ଏହାପରେ ଇଲେକ୍ଟ୍ରୋନିକ ଏବଂ ସୂଚନା ମନ୍ତ୍ରଣାଳ ନାଗରିକଙ୍କ ଅଧିକାର ସୁରକ୍ଷା ରଖିବା ଓ ସୋସିଆଲ ମିଡିଆ ଏବଂ ଅନଲାଇନ ନ୍ୟୁଜ୍ ମିଡିଆ ପ୍ଲାଟଫର୍ମ ର ଭୂଲ ବ୍ୟବହାର ସମେତ ଡିଜିଟାଲ ଦୁନିଆର ମାହୋଲକୁ କିଭଳି ସୁରକ୍ଷିତ ରଖାଯାଇ ପାରିବ ତା ଉପରେ କିଭଳି ବିଶେଷ ଧ୍ୟାନ ଦିଆଯାଇ ପାରିବ ଏହା ଉପରେ ପ୍ରମାଣ ରଖିବାକୁ ସୁଯୋଗ ଦିଆଯିବ ।

ଏହି ସମିତିର ଅଧ୍ୟକ୍ଷତା କରିବେ କଂଗ୍ରେସ ସାଂସଦ ଶଶି ଥରୁର । କହିଖୁ କି ଚଳିତ ବର୍ଷ ଫେବୃଆରୀ ମାସରେ ଟ୍ୱିଟର ଓ ସରକାରଙ୍କ ମଧ୍ୟରେ ବିବାଦ ଦେଖା ଦେଇଥିଲା । ଏହାକୁ ନେଇ କେନ୍ଦ୍ର ସୂଚନା ମନ୍ତ୍ରଣାଳୟ ପକ୍ଷରୁ ଟ୍ୱିଟରରୁ ସେହି ବିଷୟକୁ କାଟିଦେବା ଓ ବ୍ଲକ କରିବାକୁ କୁହାଯାଇଥିଲା ।

from Kanak News
via <a href="https://ifttt.com/?

କନକ ବ୍ୟୁରୋ : ବଲାଙ୍ଗୀରରେ ବନ୍ଧୁକଧାରୀ ଯୁବକଙ୍କ କବଳରୁ ୩ଜଣଙ୍କୁ ସୁରକ୍ଷିତ ଉଦ୍ଧାର କରିଛି ପୋଲିସ ଓ ଅଗ୍ନିଶମ ବାହିନୀ । ୬ଘଂଟାର ଅପରେସନ ପରେ ବନ୍ଧକ ଥିବା ସମସ୍ତଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ ଓ ପୋଲିସ । ସିଢ଼ି ପକାଇ ଚଢ଼ିବା ସହ ଝରକା କାଚ ଭାଙ୍ଗି ସେହି ବାଟ ଦେଇ ରଶି ସହାୟତାରେ ସମସ୍ତଙ୍କୁ ଉଦ୍ଧାର କରାଯାଇଛି । ତେବେ ଅଭିଯୁକ୍ତ ଜଣଙ୍କ ଏବେ ବି ଘର ଭିତରେ ରହିଛି । ଆତ୍ମହତ୍ୟା କରିବାକୁ ଧମକ ଦେଉଛି ।

ଶାନ୍ତିପଡାର ମଦନ ମୋହନ ହୋତାଙ୍କ ଘରେ ବିକ୍ରମ ପଣ୍ଡା ନାମକ ଜଣେ ଯୁବକ ବନ୍ଧୁକ ଧରି ପଶି ଯାଇଥିଲା । ଘର ଭିତରପଟୁ କବାଟ ବନ୍ଦ ରଖି ଲୋକଙ୍କୁ ଭୟଭୀତ କରିଥିଲା । ଏହି ଖବର ପାଇ ଘଟଣାସ୍ଥଳରେ ପହଁଚିଥିଲେ ପୋଲିସ ଓ ଅଗ୍ନିଶମ ର୍କର୍ମଚାରୀ । ଘରେ ଭିତରେ ବନ୍ଧକ ଥିବା ସମସ୍ତଙ୍କୁ ଉଦ୍ଧାର କରିବା ବଡ ଚ୍ୟାଲେଞ୍ଜ ହୋଇଥିଲା । ତେବେ ସ୍ୱତନ୍ତ୍ର ରଣକୌଶଳ କରି ସମସ୍ତଙ୍କୁ ସୁରକ୍ଷିତ ଉଦ୍ଧାର କରିବାରେ ସଫଳ ହୋଇଛି ଉଦ୍ଧାରକାରୀ ଦଳ । ସହ ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀର କର୍ମଚାରୀ ପହଁଚି ଯୁବକଙ୍କୁ ଆୟତ କରିବାକୁ ଉଦ୍ୟମ ଚଳାଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ପଶ୍ଚିମବଙ୍ଗରେ କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ରାଜ୍ୟରେ ଜୁନ୍ ୩୦ ତାରିଖ ପର୍ଯ୍ୟନ୍ତ ଲକଡାଉନ୍ ଅବଧି ବୃଦ୍ଧି କରିଛନ୍ତି । ମୁଖ୍ୟମନ୍ତ୍ରୀ ମମତା ବାନାର୍ଜୀ ସୋମବାର ଦିନ ଲକଡାଉନ ବେଳେ କିଛି କୋହଳ ନୀତି ଅବଲମ୍ବନ କରିବାକୁ ସିଧା ମନା କରିଦେଇଛନ୍ତି । ରାଜ୍ୟ ମୁଖ୍ୟ ସଚିବ ହରିକୃଷ୍ଣ ଦ୍ୱିବେଦୀ କହିଛନ୍ତି କି ଲକଡାଉନ ବେଳେ ବସ୍, ମେଟ୍ରୋ, ଲୋକାଲ ଟ୍ରେନ୍ ଜୁନ ୩୦ ତାରିଖ ପର୍ଯ୍ୟନ୍ତ ବନ୍ଦ ରହିବ । ଏହାସହ ଖୁଚୁରା ଦୋକାନଗୁଡିକ ସକାଳ ୭ ଟାରୁ ୧୧ ଟା ପର୍ଯ୍ୟନ୍ତ ଖୋଲା ରହିବ । ରେଷ୍ଟୁରାଣ୍ଟଗୁଡିକ ମଧ୍ୟାହ୍ନ ୧୨ ଟାରୁ ରାତି ୮ ଟା ପର୍ଯ୍ୟନ୍ତ ଖୋଲିବାକୁ ଅନୁମତି ମିଳିବ ।

• ଜୁନ ୧୬ ରୁ ରେଷ୍ଟୁରାଣ୍ଟ ଗୁଡିକ ୫୦ ପ୍ରତିଶତ ଗ୍ରାହକଙ୍କ ସହ ସକାଳ ୧୨ ରୁ ରାତି ୮ ଟା ପର୍ଯ୍ୟନ୍ତ ଖୋଲିପାରିବେ    ।
• ୩୦ ପ୍ରତିଶତ ଗ୍ରାହକଙ୍କ ସହ ମଲ ଗୁଡିକ ସକାଳ ୧୧ ଟାରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ଖୋଲା ରହିବ ।
• ସରକାରୀ ଓ ଘରୋଇ କାର୍ଯ୍ୟାଳୟ ଗୁଡିକ ୨୫ ପ୍ରତିଶତ କର୍ମଚାରୀଙ୍କ ସହ ସକାଳ ୧୦ ରୁ ଅପରାହ୍ନ ୪ ଟା ଯାଏ ଖୋଲା ରହିବ ।
• ବିନା ଦର୍ଶକରେ ଷ୍ଟାଡିୟମ ମାନଙ୍କରେ ଖେଳ ପ୍ରତିଯୋଗିତା ଆୟୋଜନ କରାଯାଇ ପାରିବ ।
• ପରିବହନ ସେବା ଉପରେ ସମ୍ପୂର୍ଣ୍ଣ ରୋକ ଲଗାଇଛନ୍ତି ରାଜ୍ୟ ସରକାର ।
• କେବଳ ଟିକା ନେଇସାରିଥିବା ଲୋକମାନଙ୍କ ପାଇଁ ପାର୍କ ଭିତରକୁ ଯିବାକୁ ଅନୁମତି ମିଳିବ ।
• ସ୍କୁଲ, କଲେଜ, ୟୁନିଭରସିଟି, ପଲିଟେକନିକ୍, ଅଙ୍ଗନବାଡି କେନ୍ଦ୍ର ସମ୍ପୂର୍ଣ୍ଣ ବନ୍ଦ ରହିବ ।

ଏହି ଭଳି କିଛି କଟକଣା ଉପରେ କୋହଳ କରାଯାଇଥିବା ବେଳେ କିଛି କଟକଣା ପୂର୍ବଭଳି ବଳବତ୍ତର ରହିବ ବୋଲି ରାଜ୍ୟ ସରକାର ଘୋଷଣା କରିଛନ୍ତି ।
କହିରଖୁ କି କରୋନା କାଳରେ ପଶ୍ଚିମବଙ୍ଗରେ ନିର୍ବାଚନ ହୋଇଥିଲା । ଏଥିରେ ସଭା ସମିତି ଓ ଭୋଟ ଦାନ ବେଳେ କରୋନା କଟକଣାକୁ ନା ନେତା ନା ଭୋଟର କେହି ମାନି ନଥିବାର ଦେଖିବାକୁ ମିଳିଥିଲା । ଭୋଟ ଗ୍ରହଣ ଶେଷ ହେବା ପରେ ଅଚାନକ ରାଜ୍ୟରେ ସଂକ୍ରମିତଙ୍କ ସଂଖ୍ୟା ଅହେତୁକ ଭାବେ ବୃଦ୍ଧି ପାଇଥିଲା । ଯାହାକୁ ନଜରରେ ରଖି ରାଜ୍ୟ ସରକାର ରାଜ୍ୟରେ ଲକଡାଉନ୍ ଘୋଷଣା କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ଦିଲ୍ଲୀ ଦଙ୍ଗା ମାମଲାରେ ଅଭିଯୁକ୍ତ ଦେବଙ୍ଗନା କାଲିତା, ନତାଶା ନାରବାଲ ଓ ଜାମିଆ ଛାତ୍ର ଇଳବାଲ ତନହାକୁ ଦିଲ୍ଲୀ ହାଇକୋର୍ଟ ଜାମିନ ପ୍ରଦାନ କରିଛନ୍ତି । ସେମାନଙ୍କୁ ଉତ୍ତର-ପୂର୍ବ ଦିଲ୍ଲୀ ହିଂସା ମାମଲାରେ ୟୁଏପିଏ ଆକ୍ଟ ଅଧିନରେ ଗତବର୍ଷ ଗିରଫ୍ କରାଯାଇଥିଲା । ସେମାନଙ୍କୁ ଜାମିନ ଦେବା ବେଳେ କୋର୍ଟ କହିଛନ୍ତି କି “ସରକାରଙ୍କ ନୀତି ବିରୋଧରେ ବିରୋଧ ପ୍ରଦର୍ଶନ କରିବାକୁ ଆତଙ୍କବାଦ କୁହାଯାଇପାରିବ ନାହିଁ” । ଏହାସହ ସେମାନଙ୍କୁ ଜାମିନ ଦେବା ବେଳେ କୋର୍ଟ କିଛି ସର୍ତ୍ତ ରଖିଛନ୍ତି । ସେମାନେ ତାଙ୍କର ପାସପୋର୍ଟ କୋର୍ଟରେ ଦାଖଲ କରିବା ସହ କୌଣସି ବେଆଇନ କାର୍ଯ୍ୟକଳାପରେ ସାମିଲ ହେବେ ନାହିଁ ।

କହିରଖୁ କି ନତାଶା ନାରବାଲ ଓ ଦେବଙ୍ଗନା କାଲିତା ଦିଲ୍ଲୀସ୍ଥିତ ମହିଳା ଅଧିକାର ଗ୍ରୁପ ‘ପିଞ୍ଜରା ତୋଡ’ ର ସଦସ୍ୟ ଅଟନ୍ତି ଓ ଆସିଫ୍ ଜାମିଆ ମିଲିଆ ଇସଲାମିକ ଷ୍ଟୁଡେଣ୍ଟ ୟୁନିୟନର ସଦସ୍ୟ । ୨୦୨୦ ରେ ଦିଲ୍ଲୀରେ ହୋଇଥିବା ହିଂସାରେ ୫୦ ରୁ ଅଧିକ ଲୋକଙ୍କ ଜୀବନ ଯାଇଥିଲା । ହିଂସାରେ ଅନେକ ଦୋକାନ ବି ପୋଡି ଦିଆଯାଇଥିଲା । ଏହାସହ ଅନେକ ସରକାରୀ ଓ ବ୍ୟକ୍ତିଗତ ସଂପତି ବି ନଷ୍ଟ କରିଦିଆଯାଇଥିଲା । ସରକାରଙ୍କ ଦ୍ୱାରା ପାରିତ ନାଗରିକ ଆଇନକୁ ନେଇ ଏଭଳି ଦଙ୍ଗା ଦେଖାଦେଇଥିଲା । ଏହି ହିଂସାରେ ସାମିଲଥିବା ଅଭିଯୋଗ କରି ପୋଲିସ ବିକ୍ଷୋଭ ପ୍ରଦର୍ଶନକାରୀଙ୍କ ମଧ୍ୟରୁ ଅନେକଙ୍କୁ ଗିରଫ୍ କରିଥିଲା ।

Delhi High Court grants bail to Pinjra Tod activists Devangana Kalita and Natasha Narwal and Jamia student Asif Iqbal Tanha, arrested under Unlawful Activities (Prevention) Act, in connection with northeast Delhi violence case. pic.twitter.com/H15zC7lQHy

— ANI (@ANI) June 15, 2021

ନତାଶା ନାରବାଲ ପୂର୍ବ ମାସରେ ପିତାଙ୍କ ଅନ୍ତିମ ସଂସ୍କାର ପାଇଁ ୩ ସପ୍ତାହ ପାଇଁ ଜାମିନରେ ଆସିଥିଲେ । ତାଙ୍କ ପିତା କମ୍ୟୁନିଷ୍ଟ ପାର୍ଟିର ବରିଷ୍ଠ ସଦସ୍ୟ ଥିଲେ । କରୋନା ସଂକ୍ରମଣରେ ତାଙ୍କର ମୃତ୍ୟୁ ହୋଇଥିଲା । ନତାଶା ଓ ଦେବଙ୍ଗନାଙ୍କୁ ଦଙ୍ଗା ସହିତ ଜଡିତ ମାମଲାରେ ୨୦୨୦ ଫେବୃଆରୀ ମାସରେ ଗିରଫ୍ କରାଯାଇଥିଲା ।

from Kanak News
via <a href="https://ifttt.com/?

କନକ ବ୍ୟୁରୋ : କରୋନା ସଂକ୍ରମଣକୁ କମିବା ପରେ ହସ୍ପିଟାଲ ଉପରୁ ବି ଚାପ କମିବାରେ ଲାଗିଛି । ଏହା ଏକ ଭଲ ସଂକେତ ବୋଲି କୁହାଯାଉଛି । ଏନେଇ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ରଙ୍କ ସୂଚନା ଦେଇଛନ୍ତି । କହିଛନ୍ତି, ହସ୍ପିଟାଲ ଉପରୁ ଧିରେ ଧିରେ ଚାପ କମୁଛି । ବେଡ ବର୍ତମାନ ପର୍ଯ୍ୟାପ୍ତ ଅଛି । ଆଇସିୟୁ ଓ ଭେଂଟିଲେଟରରେ ଏବେ ୫୬ ପ୍ରତିଶତ ରୋଗୀ ଅଛନ୍ତି ।

ସାଧାରଣ ବେଡରେ ୟୁଟିଲାଇଜେସନ ବହୁତ କମିଛି । ଯେଉଁଠି ଅଧିକ ପଜିଟିଭ୍ ବାହାରୁଛନ୍ତି । ସେଠାରେ ସର୍ଭେଲାନ୍ସ କରାଯାଉଛି । ଅଧିକ ଟେଷ୍ଟ କରି ଆଇସୋଲେଟ୍ କରାଯାଉଛି । ପଜିଟିଭ୍ ହାର ଅଧିକ ଥିବା ଜିଲ୍ଲାରେ ମଧ୍ୟ ସମାନ ପ୍ରଣାଣି ପ୍ରୟୋଗ କରାଯାଉଛି । ଟେଷ୍ଟିଂ, ଟ୍ରାକିଂ , ଆଇସୋଲେସନ ସହ ଘରକୁ ଘର ବୁଲି ସର୍ଭେ କରାଯାଉଛି ।

from Kanak News
via <a href="https://ifttt.com/?

କନକ ବ୍ୟୁରୋ : ବନ୍ଧୁକ ମୁନରେ ବନ୍ଧକ । ବଲାଙ୍ଗୀର ଶାନ୍ତିପଡାରେ ବନ୍ଧୁକ ଦେଖାଇ ଘରେ ପଶି ଆତଙ୍କ ଚଳାଇଛି ଯୁବକ । ମଦନ ମୋହନ ହୋତାଙ୍କ ଘରେ ଦିବା ଲୋକରେ ଜଣେ ଯୁବକ ଘରେ ପଶି ବନ୍ଧୁକ ଦେଖାଇ ଆତଙ୍କ ଚଳାଇଛି । ଘର ଭିତରପଟୁ କବାଟ ବନ୍ଦ ରଖି ଲୋକଙ୍କୁ ଭୟଭୀତ କରୁଛି । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀର କର୍ମଚାରୀ ପହଁଚି ଯୁବକଙ୍କୁ ଆୟତ କରିବାକୁ ଉଦ୍ୟମ ଚଳାଇଛନ୍ତି । ଏହି ଘଟଣା ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ହୋଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଆମେରିକା କମ୍ପାନୀ ଦ୍ୱାରା ପ୍ରସ୍ତୁତ ହୋଇଥିବା କରୋନା ଟିକା ନୋଭାଭ୍ୟାକ୍ସର ତୃତୀୟ ପର୍ଯ୍ୟାୟ ପରୀକ୍ଷଣ ରିପୋର୍ଟ ଆସିଛି । ଏହି ଟିକା କରୋନା ବିରୋଧ ଏଢେଇରେ ୯୦.୪ ପ୍ରତିଶତ ପ୍ରଭାବଶାଳୀ ବୋଲି କୁହାଯାଇଛି । ତେଣୁ ନୋଭାଭ୍ୟାକ୍ସର ମଜବୁତ ୍ଡାଟା ଆଧାରରେ ଉତ୍ପାଦନ ସହଯୋଗୀ ଭାବେ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆକୁ ଭାଗିଦାରୀ ଉତ୍ପାଦକ ଭାବେ ଟିକା ପ୍ରସ୍ତୁତ କରିବାକୁ କହିପାରେ !

ନୋଭାଭ୍ୟାକ୍ସ ଓ ସେରମ୍ ଇନଷ୍ଟିଚ୍ୟୁଟ୍ ମିଳିତ ଭାବେ ଗୋଟିଏ ବର୍ଷରେ ୨୦୦ ଡୋଜ ଟିକା ପ୍ରସ୍ତୁତ କରିବାକୁ କଥା ଦେଇଛନ୍ତି । ୨୦୨୦ ମସିହା ଅଗଷ୍ଟ ମାସରେ ଏଭଳି ଏକ ଚୁକ୍ତି ଭାରତ ସରକାର, ନୋଭାଭ୍ୟାକ୍ସ ଓ ସେରମ୍ ଇନଷ୍ଟିଚ୍ୟୁଟ୍ ମଧ୍ୟରେ ହୋଇଥିଲା । ଏବେ ସେପ୍ଟେମ୍ବର ରୁ ଡିସେମ୍ବର ମଧ୍ୟରେ ନୋଭାଭ୍ୟାକ୍ସ ଟିକା ଭାରତୀୟ ବଜାରରେ ଉପଲବ୍ଧ ହେବ ବୋଲି ଆଶା କରାଯାଉଛି ।

ଜାତୀୟ ଗଣମାଧ୍ୟମର ସୂଚନା ମୁତାବ ନୋଭାଭ୍ୟାକ୍ସ ଟିକା କରୋନାର ବିଭିନ୍ନ ଭାରିଏଣ୍ଟ ଉପରେ ପ୍ରଭାବଶାଳୀ ହେବ । ତେଣୁ ଏହି ଟିକାକୁ ଦେଶରେ ଜୁରିରୀକାଳୀନ ବ୍ୟବହାର ପାଇଁ ଅନୁମତି ମିଳିବ ବୋଲି ଆଶା କରାଯାଉଛି । ଅନ୍ୟପଟେ ସେରମ୍ ଇନଷ୍ଟିଚ୍ୟୁଟ ପ୍ରଥରେ ପ୍ରସ୍ତୁତ କରିଥିବା ଟିକା କୋଭିସିଲ୍ଡ ଓ କୋଭାଭ୍ୟାକ୍ସ କମ୍ପାନୀର ନାମ ଅନୁସାରେ ଏହି ଟିକାର ଭାରତୀୟ ନାମ କୋଭାଭ୍ୟାକ୍ସ ରହିବ ବୋଲି କୁହାଯାଇଛି । ବର୍ତମାନ ସେରମ୍ ଇନଷ୍ଟିଚ୍ୟୁଟ୍ ୧୮ ବର୍ଷରୁ ଅଧିକ ବୟସ୍କ ୧୬୦୦ ଲୋକଙ୍କ ଉପରେ ଏହାର ଟ୍ରାଏଲ କରିଛି ।

ଏନେଇ ସେରମ୍ ଇନଷ୍ଟିଚ୍ୟୁଟର ସିଇଓ ଅଦାର ପୁନାୱାଲା କହିଛନ୍ତି କି ନୋଭାଭ୍ୟାକ୍ସ ଟିକାକୁ  ଭାରତରେ ପରୀକ୍ଷା କରାଯାଉଛି । ଏହି ଟିକାକୁ ଆଫ୍ରିକା ଓ ୟୁନାଇଟେଡ କିଙ୍ଗଡମରେ ପରୀକ୍ଷା କରି ସଫଳତା ମିଳିଛି । ଏହି ପରୀକ୍ଷଣ ବେଳେ ଏହି ଟିକା ହାରାହାରି ୮୯ ପ୍ରତିଶତ ପ୍ରଭାବୀ ବୋଲି ଜଣାପଡିଛି ।

from Kanak News
via <a href="https://ifttt.com/?

ଗଲଓ୍ବାନ ସଂଘର୍ଷକୁ ଆଜି ଏକ ବର୍ଷ ପୂରଣ ହୋଇଛି । ଗତ ବର୍ଷ ଏହି ସଂଘର୍ଷରେ ସହିଦ ହୋଇଥିବା ୨୦ ଜଣ ଯବାନଙ୍କୁ ଆଜି ଭାରତୀୟ ସେନା ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯ଼ାଇଛି । ଲେହଠାରେ ଅବସ୍ଥିତ ଯୁଦ୍ଧ ସ୍ମାରକୀରେ ସହିଦମାନଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି ।ସେନାର ଫାୟାର ଏଣ୍ଡ ଫୁରି କୋରର ମୁଖ୍ୟ ମେଜର ଜେନେରାଲ ଆକାଶ କୌଶିକ ଏହି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।

ଗତ ବର୍ଷ ଏପ୍ରିଲମାସରେ ଯ଼ୁଦ୍ଧାଭ୍ୟାସ କରିବା ନାଁରେ ଚୀନ ସେନା ପୂର୍ବ ଲଦାଖର କେତେକ ଭାରତୀୟ ଅଞ୍ଚଳରେ ଅନୁପ୍ରବେଶ କରିବା ପରେ ଦୁଇପକ୍ଷ ମଧ୍ୟରେ ଏକ ବଡ଼ ଧରଣର ବିବାଦ ଆରମ୍ଭ ହୋଇଥିଲା । ବିବାଦ ତୀବ୍ର ରୂପ ଧାରଣ କରି ଜୁନ ୧୫ରେ ଗଲଓ୍ବାନ ଘାଟିରେ ତାହା ଏକ ରକ୍ତାକ୍ତ ସଂଘର୍ଷର ରୂପ ନେଇଥିଲା । ଏହି ସଂଘର୍ଷରେ ଭାରତର ୨୦ ଜଣ ଯ଼ବାନ ସହିଦ ହୋଇଥିଲେ । ତେବେ ଏହି ସଂଘର୍ଷରେ କେତେ ଜଣ ଚୀନ ସୈନ୍ୟ ମରିଥିଲେ ତାହା ସେ ସମ୍ପର୍କରେ ଚୀନ ଏପର୍ୟ୍ୟନ୍ତ କୌଣସି ସ୍ପଷ୍ଟ ଉତ୍ତର ଦେଇନାହିଁ । ଏହି ସଂଘର୍ଷରେ ମାତ୍ର ୪ ଜଣ ଚୀନ ଯବାନ ମରିଥିବା ଚୀନ ଦାବି କରୁଛି । ମାତ୍ର ଋଷିଆ, ଆମେରିକାର ଗୁଇନ୍ଦା ସଂସ୍ଥାଙ୍କ ରିପୋର୍ଟ ଅନୁସାରେ ଏଥିରେ ଚୀନର ପ୍ରାୟ ୪୦ ରୁ ୪୫ ସୈନିକ ମୃତ୍ୟୁବରଣ କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ରାଜ୍ୟର ଦୈନିକ କରୋନା ଆକ୍ରାନ୍ତ ସଂଖ୍ୟା କମିବା ସହ ସଂକ୍ରମଣ ହାର ମଧ୍ୟ କମି ଚାଲିଛି । ରାଜ୍ୟର ସଂକ୍ରମଣ ହାର ୫.୯୯ ପ୍ରତିଶତକୁ ଖସି ଆସିଛି । ଲକଡାଉନ ଅବଧି ଦିନକ ପରେ ଶେଷ ହେବାକୁ ଯାଉଥିବାବେଳେ ସଂକ୍ରମଣ ହାର କମିବା ଏକ ଭଲ ଖବର ବୋଲି କୁହାଯାଉଛି ।

ତେବେ ଚିନ୍ତା ବଢ଼ାଉଛନ୍ତି ଖୋର୍ଦ୍ଧା, ନୟାଗଡ, ପୁରୀ, କଟକ ଓ ଯାଜପୁର ଜିଲ୍ଲା । ଏହି ପାଂଚଟି ଜିଲ୍ଲାର ଟେଷ୍ଟ ପଜିଟିଭିଟି ରେଟ୍ ବା ସଂକ୍ରମଣ ହାର ୧୦ ପ୍ରତିଶତ ଉପରେ ରହିଛି । ଖୋର୍ଦ୍ଧାରେ ସର୍ବାଧିକ ୧୩ ଦଶମିକ ୪ ପ୍ରତିଶତ ରହିଥିବାବେଳେ ଯାଜପୁରରେ ୧୨ ଦଶମିକ ୮ ପ୍ରତିଶତ, ପୁରୀର ୧୧ ଦଶମିକ ୯, କଟକର ୧୦ଦଶମିକ ୨ ଓ ନୟାଗଡରେ ୧୦ ପ୍ରତିଶତ ରହିଛି । ତେବେ ୧୪ଟି ଜିଲ୍ଲାର ସଂକ୍ରମଣ ହାର ୫ ପ୍ରତିଶତ ତଳେ ରହିଛି ।

from Kanak News
via <a href="https://ifttt.com/?

ଶିଶୁଙ୍କ ଶରୀରରେ କୋଭାକ୍ସିନ ଟିକାର ପରୀକ୍ଷଣ । ଆଜିଠାରୁ ଦିଲ୍ଲୀର ଏମ୍ସ ମେଡିକାଲରେ କୋଭାକ୍ସିନର କ୍ଲିନିକାଲ ପରୀକ୍ଷା ପାଇଁ ୬ ରୁ ୧୨ ବର୍ଷ ବୟସର ପିଲାମାନଙ୍କର ସ୍କ୍ରିନିଂ ଆରମ୍ଭ କରିବ । ୧୨-୧୮ ବର୍ଷ ବୟସର ପିଲାମାନଙ୍କ ପାଇଁ କୋଭାକ୍ସିନର ଗୋଟିଏ ମାତ୍ରା ପାଇଁ କ୍ଲିନିକାଲ୍ ପରୀକ୍ଷା ଶେଷ କରିସାରିଛି । ଭାରତର ଡ୍ରଗ୍ ରେଗୁଲେଟର, ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (ଡିସିଜି) ଅନୁମତି ଦେବା ପରେ ୧୨-୧୮ ବର୍ଷ ବୟସର ପିଲାମାନଙ୍କ ମଧ୍ୟରେ କୋଭାକ୍ସିନର ଏକ ମାତ୍ର ଡୋଜର ପରୀକ୍ଷା ପାଇଁ ଜୁନ୍ ୭ ରେ ନୂଆଦିଲ୍ଲୀର ଏମ୍ସରେ ଆରମ୍ଭ ହୋଇଥିଲା ଟିକାର ଦ୍ୱିତୀୟ ଏବଂ ୩ କ୍ଲିନିକାଲ୍ ପରୀକ୍ଷା ।

ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ସହଯୋଗରେ ହାଇଦ୍ରାବାଦ ସ୍ଥିତ ଭରତ ବାୟୋଟେକ୍ ଦ୍ୱାରା ବିକଶିତ ହୋଇଥିବା କୋଭାକ୍ସିନ୍ ଚଳିତ ବର୍ଷ ଜାନୁଆରୀ ୧୬ ରୁ ଆରମ୍ଭ ହୋଇଥିବା ଭାରତର କୋଭିଡ୍ ଟୀକାକରଣ ଡ୍ରାଇଭରେ ବୟସ୍କମାନଙ୍କ ଉପରେ ବ୍ୟବହାର କରାଯାଉଛି । ଭାରତ ବାୟୋଟେକ୍ କହିଛି ଯେ କୋଭାକ୍ସିନର ବୈଜ୍ଞାନିକମାନଙ୍କ ଏବଂ ପ୍ରତିବଦ୍ଧତା ସ୍ୱଚ୍ଛ ଏବଂ କମ୍ପାନୀ ଏହାର ସୁରକ୍ଷା ଏବଂ କାର୍ୟ୍ୟକାରିତା ଉପରେ ଏପର୍ୟ୍ୟନ୍ତ ନଅଟି ଅନୁସନ୍ଧାନ ଅଧ୍ୟୟନ ପ୍ରକାଶ କରିଛି।

କ୍ଲିନିକାଲ ପରୀକ୍ଷଣ ପାଇଁ ପ୍ରତି ଗ୍ରୁପ ( ୨-୬, ୬-୧୨, ୧୨-୧୮) ରେ ୧୭୬ ଜଣ ଲେଖାଏଁ ସ୍ବେଚ୍ଛାସେବୀଙ୍କୁ ଚୟନ କରାଯ଼ାଇଛି । ଗତ ମେ ୧୨ରେ ଭାରତର ଔଷଧ ମହାନିୟନ୍ତ୍ରକ ୧୮ ବର୍ଷରୁ କମ ବୟସର ପିଲାମାନଙ୍କ ଶରୀରରେ କୋଭାକ୍ସିନ ପରୀକ୍ଷଣକୁ ଅନୁମତି ଦେଇଥିଲେ ।

from Kanak News
via <a href="https://ifttt.com/?