ରୋମାଞ୍ଚକର ଦ୍ୱିତୀୟ ଟି-୨୦ : ଆୟରଲାଣ୍ଡକୁ ୪ ରନରେ ହରାଇଲା ଭାରତ; ମ୍ୟାଚ୍ ଜିତି ସିରିଜ୍ କ୍ଲିନ୍ ସୁଇପ୍ କଲା ଟିମ୍ ଇଣ୍ଡିଆ

କନକ ବ୍ୟୁରୋ : ରୋମାଞ୍ଚକର ବିଜୟ ସହ ସିରିଜ୍ ହାତେଇଲା ଟିମ୍ ଇଣ୍ଡିଆ । ମଙ୍ଗଳବାର ଆୟରଲାଣ୍ଡ ବିପକ୍ଷ ଦ୍ୱିତୀୟ ତଥା ଶେଷ ଟି-୨୦ ମ୍ୟାଚରେ ଭାରତୀୟ କ୍ରିକେଟ୍ ଟିମ୍ ୪ ରନରେ ଆୟୋଜକ ଦଳକୁ ହରାଇ ସିରିଜକୁ ୨-୦ରେ ଜିତି ନେଇଛି । ମ୍ୟାଚରେ ଟିମ୍ ଇଣ୍ଡିଆ କ୍ୟାପଟେନ୍ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଯାହା ପରେ ଦୀପକ ହୁଡା ମାତ୍ର ୫୫ ବଲରେ ଶତକ ହାସଲ କରିଥିଲେ ।

ସେ ୫୭ ବଲରେ ୧୦୪ ରନର ଇନିଂସ୍ ଖେଳିଥିଲେ, ଯେଉଁଥିରେ ୬ ଛକା ଓ ୯ ଚୌକା ସାମିଲ୍ ଥିଲା । ଏହାବ୍ୟତୀତ ସଞ୍ଜୁ ସାମସନ୍ ୪୨ ବଲରେ ୭୭ ରନ୍ କରିଥିଲେ । ସଂଜୁ ୪ ଛକା ଓ ୯ ଛକା ମାରିଥିଲେ । ଫଳରେ ଭାରତୀୟ ଟିମ୍ ନିର୍ଦ୍ଧାରିତ ଓଭରରେ ୭ ୱିକେଟ୍ ହରାଇ ୨୨୫ ରନ୍ କରିଥିଲା । ୨୨୬ ରନର ବିଶାଳ ଟାର୍ଗେଟର ପିଛା କରୁଥିବା ଆୟର୍ଲାଣ୍ଡ ଭ୍ରମଣକାରୀ ଦଳକୁ କଡ଼ା ଟକ୍କର ଦେଇଥିଲା । ଆରମ୍ଭରୁ ହିଁ ଘରୋଇ ଦଳ ଜବରଦସ୍ତ ବ୍ୟାଟିଂ କରିଥିଲା ଏବଂ ଶେଷରେ ୫ ୱିକେଟ୍ ହରାଇ ୨୨୧ ରନ୍ କରିଥିଲା । ଶେଷ ଓଭରରେ ଦଳକୁ ୧୭ ରନ୍ ଆବଶ୍ୟକ ଥିଲା ।

ଭାରତର ଯୁବ ପେସର୍ ଉମ୍ରାନ ମଲିକ ପ୍ରଥମ ତିନି ବଲରେ ୯ ରନ୍ ବ୍ୟୟ କରିଥିବା ବେଳେ ଶେଷ ତିନି ବଲରେ ମାତ୍ର ୩ ରନ୍ ଦେଇ ଆୟରଲାଣ୍ଡଠାରୁ ବିଜୟ ଛଡ଼ାଇ ଆଣିଥିଲେ । ଆୟରଲାଣ୍ଡ ପକ୍ଷରୁ କ୍ୟାପଟେନ୍ ଆଣ୍ଡ୍ର୍ୟୁ ବଲବର୍ନି ୩୭ ବଲରେ ସର୍ବାଧିକ ୬୦ ରନ୍ କରିଥିଲେ । ସେହିପରି ଓପନିଂ ବ୍ୟାଟର୍ ପଲ୍ ଷ୍ଟର୍ଲିଂ ୪୦ ରନ, ହ୍ୟାରୀ ଟେକ୍ଟର ୩୯ ରନ୍ କରି ଆଉଟ୍ ହୋଇଥିବା ବେଳେ ଜର୍ଜ ଡକରେଲ୍ ୩୪ ଓ ମାର୍କ ଏଡେର୍ ୨୩ ରନ୍ କରି ଅପରାଜିତ ରହିଥିଲେ । ଦୁଇଟି ମ୍ୟା ଚରେ ଦମଦାର ବ୍ୟାଟିଂ କରିଥିବା ଦୀପକ ହୁଡା ମ୍ୟାନ୍ ଅଫ୍ ଦି ମ୍ୟାଚ୍ ବିବେଚିତ ହୋଇଥିଲେ ।

The post ରୋମାଞ୍ଚକର ଦ୍ୱିତୀୟ ଟି-୨୦ : ଆୟରଲାଣ୍ଡକୁ ୪ ରନରେ ହରାଇଲା ଭାରତ; ମ୍ୟାଚ୍ ଜିତି ସିରିଜ୍ କ୍ଲିନ୍ ସୁଇପ୍ କଲା ଟିମ୍ ଇଣ୍ଡିଆ first appeared on Kanak News.

from Kanak News
via <a href="https://ifttt.com/?

ଉଦୟପୁରରେ ଉତ୍ତେଜନା : ନୂପୁର ଶର୍ମାଙ୍କ ଭିଡିଓ ପୋଷ୍ଟ ସେୟାର କରିବାରୁ ହତ୍ୟା, ତଦନ୍ତ ପାଇଁ ଏନଆଇଏ ଟିମ ପଠାଇଲା କେନ୍ଦ୍ର

ରାଜସ୍ଥାନର ଉଦୟପୁରରେ ଜଣେ ଦର୍ଜୀଙ୍କୁ ନିର୍ମମ ଭାବେ ହତ୍ୟା କରାଯିବା ଘଟଣା ପୂରା ଦେଶକୁ ଦୋହଲାଇ ଦେଇଛି । ଉଦୟପୁରର ଭୂତମହଲ ଅଞ୍ଚଳରେ ଦୁଇ ଜଣ ବ୍ୟକ୍ତି ଦୋକାନ ଭିତରେ ପଶି ଦର୍ଜୀଙ୍କ ଗଳାକାଟି ହତ୍ୟା କରିଛନ୍ତି । ଏଭଳି ନୃଶଂସ ହତ୍ୟା ପଛରେ ଆତଙ୍କବାତୀ ଆକ୍ରମଣ ଥିବା କହିଛି କେନ୍ଦ୍ର ସରକାର । ଏଥିପାଇଁ ଜାତୀୟ ତଦନ୍ତକାରୀ ସଂସ୍ଥା ଏଏନଆଇର ଅଧିକାରୀଙ୍କୁ ନେଇ ଗଠିତ ଏକ ଟିମକୁ ଘଟଣାର ତଦନ୍ତ ପାଇଁ ପଠାଯାଇଥିବା ଜଣାପଡ଼ିଛି ।

ଆକ୍ରମଣକାରୀଙ୍କ ସମ୍ପର୍କ ଆଇଏସଆଇଏସ୍ ସହ ଥାଇପାରେ ବୋଲି ପ୍ରାଥମିକ ସୂଚନାରୁ ଜଣାପଡ଼ିଛି । ଏନେଇ ମଧ୍ୟ ବିଭାଗୀୟ ଅଧିକାରୀଙ୍କୁ ଅବଗତ କରାଯାଇଛି । ତଦନ୍ତକାରୀ ଟିମ୍ ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରିବା ସହ ଗିରଫ ଦୁଇ ଅଭିଯୁକ୍ତଙ୍କ ବ୍ୟାକଗ୍ରାଉଣ୍ଡ ଯାଞ୍ଚ କରିବେ ବୋଲି ତଦନ୍ତକାରୀ ଅଧିକାରୀ କହିଛନ୍ତି । ଜଣେ ଅଧିକାରୀ ନିଜ ନାଁ ଗୋପନ ରଖି କହିଛନ୍ତି, ପ୍ରାଥମିକ ଭାବେ ଏହାଏକ ଆତଙ୍କବାଦୀ ଆକ୍ରମଣ ବୋଲି ଜଣାପଡ଼ିଛି ।

ଗିରଫ ହତ୍ୟାକାରୀଙ୍କ ସୋସିଆଲ ମିଡିଆ ପ୍ରୋଫାଇଲକୁ ଯାଞ୍ଚ କରିବା ସହ ପୁଙ୍ଖାନୁପୁଙ୍ଖ ତଦନ୍ତର ଆବଶ୍ୟକତା ରହିଥିବା କହିଛନ୍ତି । ବେଆଇନ୍ କାର୍ଯ୍ୟକଳାପ ନିବାରଣ ଆଇନରେ ମାମଲା ରୁଜୁ ହେବା ପରେ ଏହି ମାମଲାକୁ ତଦନ୍ତକୁ ଜାତୀୟ ତଦନ୍ତକାରୀ ସଂସ୍ଥାକୁ ହସ୍ତାନ୍ତର କରାଯିବାର ସମ୍ଭାବନା ରହିଛି ।

The post ଉଦୟପୁରରେ ଉତ୍ତେଜନା : ନୂପୁର ଶର୍ମାଙ୍କ ଭିଡିଓ ପୋଷ୍ଟ ସେୟାର କରିବାରୁ ହତ୍ୟା, ତଦନ୍ତ ପାଇଁ ଏନଆଇଏ ଟିମ ପଠାଇଲା କେନ୍ଦ୍ର first appeared on Kanak News.

from Kanak News
via <a href="https://ifttt.com/?

ଭିଜିଲାନ୍ସ ଜାଲରେ ପଞ୍ଚାୟତରାଜ ବିଭାଗର ସହକାରୀ ଯନ୍ତ୍ରୀ । ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ୪ଟି ସ୍ଥାନରେ ଚଢାଉ

କନକ ବ୍ୟୁରୋ : ଭିଜିଲାନ୍ସ ଜାଲରେ ସହକାରୀ ଯନ୍ତ୍ରୀ । ପଞ୍ଚାୟତରାଜ ବିଭାଗର ସହକାରୀ ଯନ୍ତ୍ରୀ ପ୍ରଭାତ କୁମାର ରାଉତଙ୍କ ଘରେ ଭିଜିଲାନ୍ସ ଚଢ଼ାଉ ହୋଇଛି । ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ଭିଜିଲାନ୍ସ ପକ୍ଷରୁ ଏହି ଚଢ଼ାଉ କରାଯାଇଛି । ଏକକାଳୀନ ୪ଟି ସ୍ଥାନରେ ଚାଲିଛି ଚଢ଼ାଉ ଚାଲିଛି ।

ଚୌଦ୍ୱାର, ତ୍ରିଶୂଳକୁ, ଡମପଡ଼ା ଓ କେନ୍ଦ୍ରାପଡ଼ାରେ ଚଢ଼ାଉ କରୁଛି ଭିଜିଲାନ୍ସ । ଚଢ଼ାଉରେ ତିନି ଡିଏସପି, ଜଣେ ଫାଇନାନ୍ସ ଅଫିସର, ୮ ଇନ୍ସପେକ୍ଟର, ୬ ସବ୍-ଇନ୍ସପେକ୍ଟର ଓ ୧୬ ଜଣ କନଷ୍ଟେବଳ ସାମିଲ୍ ଅଛନ୍ତି । ପ୍ରଭାତ କୁମାର ରାଉତ ଡମପଡ଼ା ବ୍ଲକରେ ସହକାରୀ ଯନ୍ତ୍ରୀ ଭାବେ କାର୍ଯ୍ୟରତ ଅଛନ୍ତି ।

The post ଭିଜିଲାନ୍ସ ଜାଲରେ ପଞ୍ଚାୟତରାଜ ବିଭାଗର ସହକାରୀ ଯନ୍ତ୍ରୀ । ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ୪ଟି ସ୍ଥାନରେ ଚଢାଉ first appeared on Kanak News.

from Kanak News
via <a href="https://ifttt.com/?

ଆଜି ଓଡିଶା ଇନଭେଷ୍ଟର୍ସ ମିଟ୍ : ବଡ ବଡ ଶିଳ୍ପପତିଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ

କନକ ବ୍ୟୁରୋ : ଆଜି ଦୁବାଇରେ ଅନୁଷ୍ଠିତ ହେବ ଓଡିଶା ଇନଭେଷ୍ଟର୍ସ ମିଟ୍ । ଓଡିଶା ସରକାର ଓ ଫିକିର ମିଳିତ ସହଯୋଗରେ ଅନୁଷ୍ଠିତ ହେଉଥିବା ଏହି ସମ୍ମିଳନୀରେ ବଡ ବଡ ଶିଳ୍ପପତୀଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ମୁଖ୍ୟମନ୍ତ୍ରୀ ଗତ ୨୬ ତାରିଖରୁ ଦୁବାଇରେ ପହଞ୍ଚି ସାରିଛନ୍ତି ।

ଏହି ଇନଭେଷ୍ଟର୍ସ ମିଟରେ ନିଜେ ମୁଖ୍ୟମନ୍ତ୍ରୀ ଉପସ୍ଥିତ ରହି ଓଡ଼ିଶାରେ ପୁଞ୍ଜିନିବେଶକାରୀଙ୍କ ପାଇଁ ଥତବା ସୁଯୋଗ ଓ ସମ୍ଭାବନା ସମ୍ପର୍କରେ ଅବଗତ କରାଇବେ । ବିଶେଷ କରି ରାଜ୍ୟର ୬ଟି ଅଗ୍ରାଧିକାର କ୍ଷେତ୍ର ଯଥା କୃଷି ଓ ଖାଦ୍ୟ ପ୍ରକ୍ରିୟାକରଣ, ରସାୟନ ଓ ପେଟ୍ରୋକେମିକାଲ୍ସ, ବୟନ, ଡାଉନଷ୍ଟ୍ରିମ ଆଣ୍ଡ ଆନ୍ସିଲାରୀ, ଇଏସଡିଏମ୍-ଆଇଟି ଓ ଆଇଟିଏସ୍, ଅଟୋ ଓ ଅଟୋ ଯନ୍ତ୍ରାଂଶରେ ପୁଞ୍ଜିନିବେଶ ପାଇଁ ନିବେଶକମାନଙ୍କୁ ଆମନ୍ତ୍ରଣ କରିବେ ।

ଏହାବ୍ୟତୀତ ରାଜ୍ୟର ପ୍ରମୁଖ କ୍ଷେତ୍ର ଖଣି, ଖଣିଜ, ଧାତବ ଓ ମାନୁଫାକ୍ଚରିଂ କ୍ଷେତ୍ର ଲାଗି ପୁଞ୍ଜିନିବେଶ ଆଣିବାକୁ ମଧ୍ୟ ସମ୍ମିଳନୀରେ ଉଦ୍ୟମ କରାଯିବ । ଦୁବାଇର ‘ଦି ଓବରଏ’ର ବିଜନେସ୍ ବେ’ରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ଶିଳ୍ପ ବିଭାଗର ପ୍ରମୁଖ ଶାସନ ସଚିବ ହେମନ୍ତ ଶର୍ମା, ଇପିକଲର ପରିଚାଳନା ନିର୍ଦ୍ଦେଶକ ଭୂପିନ୍ଦର ସିଂହ ପୁନିଆ ଓ ଇପିକଲର କିଛି ବରିଷ୍ଠ ପଦାଧିକାରୀ ଉପସ୍ଥିତ ରହିବେ । ସମ୍ମିଳନୀରେ ଦେଶର ଜଣାଶୁଣା ଶିଳ୍ପପତି ସାମିଲ ହେବାର କାର୍ଯ୍ୟକ୍ରମ ରହିଛି । ହିଣ୍ଡାଲକୋ, ଆଦାନି, ଜେଏସଡବ୍ଲୁ, ଜେଏସପିଏଲ୍, ମିତଲ, ଟାଟା, ଇମ୍ଫାର ପ୍ରତିନିଧି ସାମିଲ ହେବେ ।

The post ଆଜି ଓଡିଶା ଇନଭେଷ୍ଟର୍ସ ମିଟ୍ : ବଡ ବଡ ଶିଳ୍ପପତିଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ first appeared on Kanak News.

from Kanak News
via <a href="https://ifttt.com/?

ଆଜି ମହାପ୍ରଭୁଙ୍କ ନବଯୌବନ ଦର୍ଶନ : ସକାଳ ୮ଟାରୁ ରାତି ୧୨ ଯାଏଁ ଦର୍ଶନ

କନକ ବ୍ୟୁରୋ : ଆଜି ମହାପ୍ରଭୁଙ୍କ ନବଯୌବନ ଦର୍ଶନ । କୋଭିଡ୍ ଯୋଗୁଁ ଦୁଇବର୍ଷ ହେଲା ଭକ୍ତ ଏହି ଦୁଲ୍ଲର୍ଭ ଦର୍ଶନରୁ ବଞ୍ଚିତ ରହିଥିଲେ । ହେଲେ ଚଳିତ ବର୍ଷ ଠାକୁରଙ୍କ ନବଯୌବନ ଦର୍ଶନ କରିବେ ଭକ୍ତ । ଅଣସର ଘରେ ନାନାଦି ନୀତି ପରେ ଜ୍ୱରରେ ପଡ଼ିଥିବା ମହାପ୍ରଭୁ ସମ୍ପୂର୍ଣ୍ଣ ସୁସ୍ଥ ହେବା ପରେ ମଙ୍ଗଳବାର ବିଳମ୍ବିତ ରାତିରେ ମହାପ୍ରଭୁଙ୍କ ବନକଲାଗି ନୀତି ସମ୍ପନ୍ନ ହୋଇଛି । ବନକଲାଗି ପରେ ମହାପ୍ରଭୁ ନବଯୌବନ ପ୍ରାପ୍ତି ହୋଇଛନ୍ତି । ଏଥିପାଇଁ ୧୫ ଦିନର ଅଣସର ଶେଷ କରି ଶ୍ରୀଜିଉ ଅଣସର ପିଣ୍ଡିରୁ ନବଯୌବନ ବେଶରେ ଦର୍ଶନ ଦେବେ ।

ଅନ୍ୟପଟେ ନବଯୌବନ ବେଶ ଦର୍ଶନ କରିବାକୁ ଅଧିକ ଭକ୍ତଙ୍କ ଭିଡ଼ ସମ୍ଭାବନା ଥିବାରୁ ବ୍ୟାପକ ପ୍ରସ୍ତୁତି କରାଯାଇଛି । ଆଇନଶୃଙ୍ଖଳା ବ୍ୟବସ୍ଥାକୁ କଡ଼ାକଡ଼ି କରିଦିଆଯାଇଛି । ଦର୍ଶନ ପାଇଁ ବ୍ୟାରିକେଡ୍ ବ୍ୟବସ୍ଥା କରାଯାଇଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ ମଧ୍ୟ ସ୍ୱତନ୍ତ୍ର ନୀତି ନିର୍ଘଣ୍ଟ ହୋଇଛି । ସକାଳ ୮ଟାରେ ତାଟି ଫିଟିବା ପରେ ୧ ଘଣ୍ଟା ରହିବ ପାରମାଣିକ ଦର୍ଶନ । ସକାଳ ୯ଟାରୁ ରାତି ସାଢେ ୧୨ଟା ଯାଏଁ ସର୍ବସାଧାରଣ ଦର୍ଶନ ହେବ । ନୀତିକାନ୍ତି ଯୋଗୁଁ ମଝିରେ ମଝିରେ ଦର୍ଶନ ବନ୍ଦ ରହିବ । ତେଣୁ ମାତ୍ର ସାଢ଼େ ୬ ଘଂଟା ନବଯୌବନ ବେଶରେ ଦର୍ଶନ ଦେବେ ମହାପ୍ରଭୁ । ଗୁରୁବାରଦିନ ଉଭାଯାତ୍ରା ଥିବାରୁ ସକାଳ ୪ଟାରୁ ସନ୍ଧ୍ୟା ୫ଟା ଯାଏଁ ରହିବ ସର୍ବସାଧାରଣ ଦର୍ଶନ ।

The post ଆଜି ମହାପ୍ରଭୁଙ୍କ ନବଯୌବନ ଦର୍ଶନ : ସକାଳ ୮ଟାରୁ ରାତି ୧୨ ଯାଏଁ ଦର୍ଶନ first appeared on Kanak News.

from Kanak News
via <a href="https://ifttt.com/?

ଆମେରିକାକୁ ରୁଷର ପାଲଟା ଜବାବ: ଜୋ ବାଇଡେନଙ୍କ ସମେତ ୨୫ଜଣଙ୍କ ରୁଷ ପ୍ରବେଶ ଉପରେ ଲାଗିଲା କଟକଣା

କନକ ବ୍ୟୁରୋ: ଆମେରିକା ରାଷ୍ଟ୍ରପତି ଜୋ ବାଇଡେନ ଓ ତାଙ୍କ ପତ୍ନୀ ଏବଂ ଝିଅ ସମେତ ୨୫ଜଣ ଆମେରିକୀୟ ନାଗରିକଙ୍କ ଉପରେ କଟକଣା ଲଗାଇଲା ରୁଷ । କଟକଣା ଲାଗିବା ପରେ ଏମାନେ ଏଣିକି ରୁଷରେ ପ୍ରବେଶ କରିପାରିବେନି । ରୁଷ ବୈଦେଶିକମନ୍ତ୍ରାଳୟ ପକ୍ଷରୁ ଏହି ସୂଚନା ଦିଆଯାଇଛି । ରୁଷ କହିଛି ନିୟମିତ ଭାବେ ଆମେରିକା ପକ୍ଷରୁ ରୁଷର ଅନେକ ରାଜନେତା, ବିଶିଷ୍ଠ ବ୍ୟକ୍ତିଙ୍କ ବିରୋଧରେ କଟକଣା ଲଗାଯାଉଛି । ଏହି କାରଣରୁ ରୁଷ ମଧ୍ୟ ଏହି ପଦକ୍ଷେପ ଗ୍ରହଣ କରିଛି । ପୂର୍ବରୁ ରୁଷ ରାଷ୍ଟ୍ରପତି ଭ୍ଲାଦୀମିର ପୁଟିିନଙ୍କ ଉପରେ ଆମେରିକା ପ୍ରବେଶ ଉପରେ ସମାନ କଟକଣା ଲଗାଇସାରିଛନ୍ତି ବାଇଡେନ ।

କଟକଣା ତାଲିକାରେ ଆମେରିକା ସିନେଟର, ବିଶ୍ୱବିଦ୍ୟାଳୟରେ କିଛି ପ୍ରଫେସରଙ୍କ ସହ ଗବେଷକ ଓ ସରକାରୀ କର୍ମଚାରୀଙ୍କ ନାଁ ରହିଛି । ଫେବୃଆରୀ ୧୪ରୁ ୟୁକ୍ରେନ ଉପରେ ଆକ୍ରମଣ କରୁଛି ରୁଷ । ରୁଷର ଏହି ଯୁଦ୍ଧଖୋର ଆଭିମୁଖ୍ୟ ଯୋଗୁଁ ଆମେରିକା ମସ୍କୋ ଉପରେ ଏକାଧିକ କଟକଣା ଲଗାଇଛି । ସେହିପରି ରୁଷ ରାଷ୍ଟ୍ରପତି ଓ ଅନେକ ବ୍ୟବସାୟଙ୍କ ଉପରେ ଆମେରିକା ସରକାର ବ୍ୟାନ ଲଗାଇଛନ୍ତି । ଏହି ନେଇ ଦୁଇ ଦେଶ ମଧ୍ୟରେ ବାକଯୁଦ୍ଧ ଚାଲିଥିବାବେଳେ ସେପଟେ ରୁଷ ୟୁକ୍ରେନକୁ ଧ୍ୱଂସବିଧ୍ୱଂସସ୍ତ କରି ଚାଲିଛି ।

The post ଆମେରିକାକୁ ରୁଷର ପାଲଟା ଜବାବ: ଜୋ ବାଇଡେନଙ୍କ ସମେତ ୨୫ଜଣଙ୍କ ରୁଷ ପ୍ରବେଶ ଉପରେ ଲାଗିଲା କଟକଣା first appeared on Kanak News.

from Kanak News
via <a href="https://ifttt.com/?

ପ୍ରଳୟକାରୀ ବନ୍ୟାରେ ଭାସୁଛି ଆସାମ: ୭ଦିନରେ ୧୩୦ଜଣଙ୍କ ମୃତ୍ୟୁ, ଲକ୍ଷ ଲକ୍ଷ ଲୋକ ହେଲେଣି ବାସହରା

କନକ ବ୍ୟୁରୋ: ଆସାମରେ ଦିନକୁ ଦିନ ବିଗୁଡୁଛି ବନ୍ୟା ସ୍ଥିତି । ପ୍ରାୟ ଏକମାସ ଧରି ରାଜ୍ୟର ବିଭିନ୍ନ ସ୍ଥାନରେ ଲଗାଣବର୍ଷା ଯୋଗୁଁ ସୃଷ୍ଟି ହୋଇଥିବା ବନ୍ୟା ଏବେ ବଡ ସମସ୍ୟା ଆଣିଛି । କେଉଁଠି ବନ୍ୟାରେ ଘରଦ୍ୱାରା ତାସ ଘର ପରି ଭାଙ୍ଗିଯାଉଛି ତ ପୁଣି କେଉଁଠି ଧନଜୀବନ ଓ ଗୋରୁଗାଇ ବନ୍ୟାର ପ୍ରଖର ସ୍ରୋତରେ ଭାସିଯାଉଛି । ପ୍ରତି କ୍ଷଣରେ ଲକ୍ଷ ଲକ୍ଷ କ୍ଷତି ସହୁଛି ରାଜ୍ୟ । ଆସାମର ୩୦ ଜିଲ୍ଲା ସମ୍ପୂର୍ଣ୍ଣ ବନ୍ୟାରେ ବୁଡି ରହିଛି । ୨୩ଲକ୍ଷ ଜୀବନ ବନ୍ୟାରେ ପ୍ରଭାବିତ ହୋଇଛନ୍ତି । ବନ୍ୟା ପ୍ରଭାବିତ ଅଂଚଳରୁ ସେମାନଙ୍କୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନ କରାଯାଇଛି । ପ୍ରତିବର୍ଷ ପରି ଏଥରକ ମଧ୍ୟ ବନ୍ୟାରେ ବୁଡି ରହିଛି ଏହି ପୂର୍ବୋତର ରାଜ୍ୟ ।

 

The post ପ୍ରଳୟକାରୀ ବନ୍ୟାରେ ଭାସୁଛି ଆସାମ: ୭ଦିନରେ ୧୩୦ଜଣଙ୍କ ମୃତ୍ୟୁ, ଲକ୍ଷ ଲକ୍ଷ ଲୋକ ହେଲେଣି ବାସହରା first appeared on Kanak News.

from Kanak News
via <a href="https://ifttt.com/?

ଜ୍ୱରରୁ ଉଠିଲେଣି ଜଗନ୍ନାଥ, ଦର୍ଶନ କରିବ ଏ ଜଗତ । କାଲି ନବଯୌବନ ଦର୍ଶନ । ଶ୍ରୀକ୍ଷେତ୍ର ଚଳଚଞ୍ଚଳ ।

କନକ ବ୍ୟୁରୋ: ପୁରୀରେ ବଢୁଛି ଗହଳି । ୧୪ ଦିନ ଧରି ଅସୁସ୍ଥ ରହିବା ପରେ ମହାପ୍ରଭୁ ସୁସ୍ଥ ହୋଇଛନ୍ତି । କାଲି ସକାଳୁ ମହାପ୍ରଭୁଙ୍କ ନବଯୌବନ ଦର୍ଶନ ହେବ । କୋଭିଡ ଯୋଗୁଁ ଦୁଇବର୍ଷ ହେଲା ଭକ୍ତ ନବଯୌବନ ଦର୍ଶନ କରିପାରିନଥିଲେ । କାଳିଆ ସାଆନ୍ତର ନବଯୌବନ ବେଶକୁ ସ୍ୱଚକ୍ଷୁରେ ଦେଖିବାରୁ ବଞ୍ଚିତ ଥିଲେ । ଆଉ କାଲି ଠାକୁରଙ୍କ ନବଯୌବନ ଦର୍ଶନ କରିବେ ଭକ୍ତ ।

ସକାଳ ୮ଟାରେ ତାଟି ଫିଟିବା ପରେ ୧ ଘଣ୍ଟା ରହିବ ପାରମାଣିକ ଦର୍ଶନ । ସକାଳ ୯ଟାରୁ ରାତି ସାଢେ ୧୨ଟା ଯାଏଁ ସର୍ବସାଧାରଣ ଦର୍ଶନ ହେବ । ନୀତିକାନ୍ତି ଯୋଗୁଁ ମଝିରେ ମଝିରେ ଦର୍ଶନ ବନ୍ଦ ରହିବ । ତା ପରଦିନ ଅର୍ଥାତ ଗୁରବାର ଦିନ ଉଭାଯାତ୍ରା ଥିବାରୁ ସକାଳ ୪ଟାରୁ ସନ୍ଧ୍ୟା ୫ଟା ଯାଏଁ ରହିବ ସର୍ବସାଧାରଣ ଦର୍ଶନ । ଏସବୁ ଦେଖିବାକୁ ପୁରୀରେ ପହଞ୍ଚୁଛନ୍ତି ଭକ୍ତି । ବଡଦାଣ୍ଡରେ ଲାଗୁଛି ଗହଳି ।

ସେପଟେ ଆଉ ଦୁଇଦିନ ପରେ ଘୋଷ ଯାତ୍ରା । ଏଥର ରଥଯାତ୍ରାରେ ୧୦ ଲକ୍ଷରୁ ଅଧିକ ଭକ୍ତଙ୍କ ସମାଗମ ହେବାକୁ ଥିବାରୁ କରୋନା ସଂକ୍ରମଣ ବ୍ୟାପିବାର ରହିଛି ସମ୍ଭାବନା । ଏଥିପାଇଁ ମାସ୍କ ବ୍ୟବହାର ବାଧ୍ୟତାମୂଳକ କରାଯାଇଛି । ଏନେଇ ୧୦ ଲକ୍ଷ ମାସ୍କ ଯୋଗାଇ ଦେବେ ରାଜ୍ୟ ସରକାର । କେବଳ ସେତିକି ନୁହେଁ କରୋନା ଲକ୍ଷଣ ଥିଲେ ଘରେ ରହି ରଥଯାତ୍ରା ଦେଖିବାକୁ ପରାମର୍ଶ ଦିଆଯାଇଛି ।

The post ଜ୍ୱରରୁ ଉଠିଲେଣି ଜଗନ୍ନାଥ, ଦର୍ଶନ କରିବ ଏ ଜଗତ । କାଲି ନବଯୌବନ ଦର୍ଶନ । ଶ୍ରୀକ୍ଷେତ୍ର ଚଳଚଞ୍ଚଳ । first appeared on Kanak News.

from Kanak News
via <a href="https://ifttt.com/?

ବନ୍ୟାରେ ଭାସୁଛି ଆସାମ, ହନ୍ତସନ୍ତ ଜନଜୀବନ: ଗୁଆହାଟୀରେ ଭାସୁଛି ବିଧାୟକଙ୍କ ପାଇଁ ଲକ୍ଷ ଲକ୍ଷ ଟଙ୍କା

କନକ ବ୍ୟୁରୋ: ମହାରାଷ୍ଟ୍ର ରାଜ୍ୟରାଜନୀତିରେ ହଟଚମଟ ଜାରି ରହିଛି । ସେପଟେ ଆସାମ ଗୁଆହାଟୀରେ ଡେରା ପକାଇଛନ୍ତି ବିଦ୍ରୋହୀ ବିଧାୟକ । ମୁମ୍ବାଇରେ ଠାକରେ କ୍ୟାମ୍ପ ଓ ଗ୍ରୁଆହାଟୀରେ ସିନ୍ଦେ ସେନା ରହି ନିଜର ନିଜର ରଣନୀତି ଉପରେ ଫୋକସ କରୁଛନ୍ତି । ଏହା ଭିତରେ ଚର୍ଚ୍ଚାକୁ ଆସିଛି ଆସାମ ବନ୍ୟା ଭିତରେ ବିଦ୍ରୋହି ବିଧାୟକଙ୍କ ଗୁଆହାଟୀ ରହଣୀ ଘଟଣା ।

ଗୋଟେ ପଟେ ଜଳ ପ୍ରଳୟ ଅନ୍ୟପଟେ ରାଜନୀତିର ରୋଚକ ଯାତ୍ରା । ଆସାମର ଦୁଇଟି ଚିତ୍ରକୁ ନେଇ ଚର୍ଚ୍ଚା ଜୋର ଧରିଛି ।ବର୍ତମାନ ଆସାମରେ ଭୟଙ୍କର ପ୍ରଳୟ ଜାରି ରହିଛି । ସପ୍ତାହକ ଭିତରେ ୨୨୦ରୁ ଅଧିକ ଲୋକଙ୍କ ଜୀବନ ଗଲାଣି । ଘରଦ୍ୱାରା, ଜନଜୀବନ ସବୁକିଛି ଭାସୁଛି ବନ୍ୟାରେ । ପ୍ରଳୟକାରୀ ବନ୍ୟା ଯୋଗୁଁ ଆସାମର ସ୍ଥିତି ବେଶ ଭୟଙ୍କର ହୋଇପଡିଛି । ଏହା ଭିତରେ ଏବେ ସବୁଠୁ ଅଧିକ ଚର୍ଚ୍ଚାରେ ରହିଛି ମହାରାଷ୍ଟ୍ର ବିଧାୟକଙ୍କ ଗୁଆହାଟୀ ରହଣୀ ।

ଘଟଣା ଉପରେ ପ୍ରଶ୍ନ ଉଠିବା ସହ ସମାଲୋଚନାର ଶିକାର ହୋଇଛନ୍ତି ବିଦ୍ରୋହୀ ବିଧାୟକ ।। କଂଗ୍ରେସ ଓ ଅନ୍ୟାନ୍ୟ ଦଳ ସିନ୍ଦେଙ୍କୁ ଟାର୍ଗେଟ କରୁଛନ୍ତି । ସେପଟେ ଟିମ ସିନ୍ଦେ କହିଛି କି ଏସବୁ ଖର୍ଚ୍ଚ ଦଳ କରୁନି ବଂର ସେମାନେ ନିଜ ପକେଟରୁ କରୁଛନ୍ତି ।

ଏଠାକାର ପଂଚତାରକା ହୋଟେଲ ବ୍ଲ୍ୟୁ ରାଡିସନରେ ବିଦ୍ରୋହୀ ନେତା ଏକନାଥ ସିନ୍ଦେ ଓ ତାଙ୍କୁ ସମର୍ଥନ ଜଣାଉଥିବା ପାଖାପାଖି ୪୫ ଜଣ ବିଦ୍ରୋହୀ ବିଧାୟକ ୭ଦିନ ହେଲାଣି ଡେରା ପକାଇଛନ୍ତି । ସବୁଠୁ ବଡ କଥା ହେଉଛି ଯେଉଁଠି ଆସାମ ବନ୍ୟା ଯୋଗୁଁ ବେଶ କ୍ଷୟକ୍ଷତି ସହୁଥିବାବେଳେ ଏହି ବିଧାୟଙ୍କ ପାଇଁ ଏଠାରେ ପାଣି ଭଳି ଅର୍ଥ ଖର୍ଚ୍ଚ ହେଉଛି ।
ଆସନ୍ତୁ ନଜର ପକାଇବା ବିଦ୍ରୋହୀ ବିଧାୟକଙ୍କ ଗୁଆହାଟୀ ରହଣୀ ଉପରେ

–ଗୁଆହାଟୀର ପଂଚତାରକା ହୋଟେଲ ରହୁଛନ୍ତି ବିଦ୍ରୋହୀ ବିଧାୟକ ।
–ବିଧାୟକଙ୍କ ଆରାମଦାୟକ ରହଣୀ ପାଇଁ ପାଣି ପରି ଖର୍ଚ୍ଚ ହେଉଛି ଲକ୍ଷ ଲକ୍ଷ ଟଙ୍କ ।
–ପଂଚତାରକା ବ୍ଲୁ ରାଡିସନ ହୋଟେଲରେ ବିଦ୍ରୋହୀ ବିଧାୟକ ରହୁଛନ୍ତି
–୭ଦିନ ପାଇଁ ୭୦ ରୁମ ବୁକ କରାଯାଇଛି ।
–ବିଦ୍ରୋହୀ ବିଧାୟକ ରହିଥିବା ଯୋଗୁଁ ଅନ୍ୟାନ୍ୟ ବୁକିଂ ଗ୍ରହଣ କରାଯାଉନି
–ବିଧାୟକଙ୍କ ପାଇଁ ପ୍ରତିଦିନ ଖାଇବା ବାବଦରେ ପ୍ରାୟ ୮ଲକ୍ଷ ଟଙ୍କା ଖର୍ଚ୍ଚ ହେଉଛି
–ହୋଟେଲ ସ୍ୱତନ୍ତ୍ର ହେଲିପ୍ୟାଡରେ ବିଧାୟକମାନେ ଯାତାୟତ କରୁଛନ୍ତି
–ସ୍ୱତନ୍ତ୍ର ହେଲିକପ୍ଟର ଓ ଚାର୍ଟାଡ ପ୍ଲେନ ମଧ୍ୟ ରହିଛି ।

ଘଟଣାକୁ ନେଇ ପ୍ରଶ୍ନ ଉଠାଇଛି କଂଗ୍ରେସ । କଂଗ୍ରେସ ନେତା ଗୌରବ ଗୋଗେଇ କହିଛନ୍ତି ଅ।।ସାମରେ ପିଇବା ପାଇଁ ଶୁଦ୍ଧ ପାଣି ଟିକେ ମିଳୁନି କିନ୍ତୁ ବିଦ୍ରୋହୀ ବିଧାୟକଙ୍କ ପାଇଁ ପାଣି ପରି ଅର୍ଥ ଭାସୁଛି । ସେପଟେ ଆସାମ ସରକାର କହିଛନ୍ତି ହୋଟେଲ ରହଣୀ ଜଣେ ବ୍ୟକ୍ତିର ନିଜସ୍ୱ ଇଚ୍ଚା ଏଥିପାଇଁ ରାଜ୍ୟ ସରକାର ଜବାବ କିଭଳି ରଖିବେ?

ରାଡିସନ ବ୍ଲୁ ଲକ୍ସୁରି ହୋଟେଲରେ ମୋଟ ୧୬୯ ରୁମ ରହିଛି । ଏକନାଥ ସିନ୍ଦେ ଓ ତାଙ୍କ ଟିମ ପାଇଁ ୭୦ଟି ରୁମ ପାଇଁ ଏବେ ସୁଦ୍ଧା ୫୬ ଲକ୍ଷ ଟଙ୍କା ପେମେଂଟ କରାଯାଇଛି । ସେପଟେ ମହାରାଷ୍ଟ୍ର ରାଜନୀତିରେ ବିବାଦ ଦିନକୁ ଦିନ ଘନେଇବାରେ ଲାଗିଛି । ଏହା ଭିତରେ ବନ୍ୟା ସମସ୍ୟା ଦେଇ ଗତି କରୁଥିବା ଆସାମରେ ସିନ୍ଦେ ଟିମଙ୍କ ରହଣୀକୁ ନେଇ ପୁଣି ନୂଆ ବିବାଦ ମୁଣ୍ଡ ଟେକିଛି ।

The post ବନ୍ୟାରେ ଭାସୁଛି ଆସାମ, ହନ୍ତସନ୍ତ ଜନଜୀବନ: ଗୁଆହାଟୀରେ ଭାସୁଛି ବିଧାୟକଙ୍କ ପାଇଁ ଲକ୍ଷ ଲକ୍ଷ ଟଙ୍କା first appeared on Kanak News.

from Kanak News
via <a href="https://ifttt.com/?

ବିଶ୍ୱ ଦରବାରରେ ଝଲସିଲା ଭାରତର କଳା ସଂସ୍କୃତି: ଜି ୭ ସମ୍ମିଳନୀରେ ରାଷ୍ଟ୍ରନେତାଙ୍କୁ ମୋଦିଙ୍କ ଉପହାର

କନକ ବ୍ୟୁରୋ: ଜର୍ମାନରେ ଆୟୋଜିତ ଜି ୭ ଶିଖର ସମ୍ମିଳନୀରେ ଯୋଗ ଦେଇଛନ୍ତି ପ୍ରଧାନମନ୍ତ୍ରୀ ମୋଦି । ବ୍ରିଟେନ, କାନାଡା, ଫ୍ରାନ୍ସ, ଜର୍ମାନୀ, ଇଟାଲୀ, ଜାପାନ ଓ ଆମେରିକାର ରାଷ୍ଟ୍ରନେତାଙ୍କ ସହ ଗୋଟିଏ ମଂଚରେ ଛିଡା ହୋଇ ବିଶ୍ୱକୁ ବାର୍ତା ଦେଇଛନ୍ତି ମୋଦି । ଏହା ଭିତରେ ସବୁଠୁ ଅଧିକ ଚର୍ଚ୍ଚା ସାଉଁଟିଛି ରାଷ୍ଟ୍ରନେତାଙ୍କ ଜି ୭ ଶିଖର ସମ୍ମିଳନୀ ମଂଚରେ ପ୍ରଧାନମନ୍ତ୍ରୀ ଦେଇଥିବା ଭଳିକି ଭଳି ଉପହାର । ୭ଜଣ ରାଷ୍ଟ୍ରନେତାଙ୍କୁ ଭାରତର କଳା ସଂସ୍କୃତିକୁ ନିର୍ଦଶନ ଦର୍ଶାଉଥିବା ଆର୍କଷଣୀୟ ଉପହାର ଭେଟି ଦେଇଛନ୍ତି ପ୍ରଧାନମନ୍ତ୍ରୀ ମୋଦି ।

ଜର୍ମାନରେ ଆୟୋଜିତ ଜି ୭ ଶିଖର ସମ୍ମିଳନୀରେ ସାମିଲ ହୋଇଛନ୍ତି ପ୍ରଧାନମନ୍ତ୍ରୀ ମୋଦି । ମୋଦିଙ୍କ ଜର୍ମାନଗସ୍ତ ଯେତିକି ଚର୍ଚ୍ଚାରେ ରହିଛି ସେତିକି ଖବରରେ ଏବେ ମୋଦିଙ୍କ କୁଟନୀତିସ୍ତରରେ ସର୍ମ୍ପକ । ଜି ୭ ଶିଖର ସମ୍ମିଳନୀରେ ଭାଗ ନେଇ କେବଳ ସାରା ବିଶ୍ୱକୁ ପ୍ରଧାନମନ୍ତ୍ରୀ ବାର୍ତା ଦେଇନାହାଁନ୍ତି ବଂର ନିଜର ଅତି ଘନିଷ୍ଠ ୭ଜଣ ରାଷ୍ଟ୍ରନେତାଙ୍କୁ ସ୍ୱତନ୍ତ୍ର ଉପହାର ଦେଇଛନ୍ତି । ଉତରପ୍ରଦେଶ, ମଧ୍ୟପ୍ରଦେଶ, କଶ୍ମୀର ଓ ଛତିଶଗଡ କାରିଗରଙ୍କ ଦ୍ୱାରା ନିର୍ମିତ ଆକର୍ଷଣୀୟ ଓ ନିଆରା ଭେଟି ଦେଇ ରାଷ୍ଟ୍ରନେତାଙ୍କ ସହ କୁଟନୀତି ସର୍ମ୍ପକକୁ ଅଧିକ ମଜବୁତ କରିଛି ଭାରତ ।

ଜି ୭ ରାଷ୍ଟ୍ରନେତାଙ୍କୁ ମୋଦିଙ୍କ ଉପହାର

• ଜର୍ମାନ ଚାନସଲର ଓଲଫା ସ୍ଲୋଲଜଙ୍କୁ ଉତରପ୍ରଦେଶ ମୋରାଦାବାର ସ୍ୱତନ୍ତ୍ର ପିତଳ ନିର୍ମିତ ମାଠିଆ ଉପହାରରେ ଦେଇଛନ୍ତି ପ୍ରଧାନମନ୍ତ୍ରୀ ।
• ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦାଙ୍କୁ ଉତରପ୍ରଦେଶର ଲୋକପ୍ରିୟ କଳାମାଟିର ବାସନ ଭେଟି ଦିଆଯାଇଛି ।
• ଦକ୍ଷିଣ ଆଫ୍ରିକା ରାଷ୍ଟ୍ରପତି ରାମଫୋସାଙ୍କୁ ଛତିଶଗଡର ସ୍ୱତନ୍ତ୍ର କଳାକୃତି ଢୋକରା ଆର୍ଟରେ ତିଆରି ରାମାୟଣ ପଟ୍ଟଚିତ୍ର ଦେଇଛନ୍ତି ପ୍ରଧାନମନ୍ତ୍ରୀ ।
• ଆର୍ଜେଟିନା ରାଷ୍ଟ୍ରପତି ଅଲବର୍ଟ ଫଡନିବଜଙ୍କୁ ପ୍ରଧାନମନ୍ତ୍ରୀ ମୋଦି ଛତିଶଗଡର କଳାକୃତି ଢୋକରା କଳାରେ ତିଆରି ନନ୍ଦୀ ଉପହାର ଦେଇଛନ୍ତି ।
• ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ବାରଣାସୀର ପ୍ରସିଦ୍ଧ ଗୋଲାପୀ ରଙ୍ଗର ସ୍ୱତନ୍ତ୍ରର ବ୍ରୋଂଚ ଓ କଫଲିଙ୍କ ଉପହାର ଦେଇଛନ୍ତିି ମୋଦି ।
• ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନଶନଙ୍କୁ ବୁଲନ୍ଦସହର ନିର୍ମିତ ଫ୍ଲାଟିନମ ଚିତ୍ରିତ କକରୀ ସେଟ ଉପହାର ଦେଇଛନ୍ତି ।
• ଇଣ୍ଡୋନେସିଆ ରାଷ୍ଟ୍ରପତି ଜୋକୋ ବିଡିଡୋଙ୍କୁ ଭଗବାନ ରାମ ସୀତାଙ୍କ କାଠ ତିଆରି ପ୍ରତିମୂର୍ତି ଉପହାର ଦେଇଛନ୍ତି ମୋଦି ।
• କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟୁଡୋଙ୍କ କଶ୍ମମୀର ପ୍ରସିଦ୍ଧ ସିଲକ କାରପେଟ ଉପହାର ମିଳିଛି ।

ବିିଭିନ୍ନ ରାଷ୍ଟ୍ରନେତାଙ୍କୁ ଭଳିକି ଭଳି ଉପହାର ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେହି ଦେଶ ପ୍ରତି ଭାରତର ଥିବା ଶ୍ରଦ୍ଧାକୁ ଦର୍ଶାଇଛନ୍ତି । ଏହା ସହ ଭାରତର ବିଭିନ୍ନ ରାଜ୍ୟର କଳାସଂସ୍କୃତିକୁ ବିଶ୍ୱଦରବାରରେ ପରିଚିତ କରାଇ ଏକ କୁଟନୈତିକ ସର୍ମ୍ପକକୁ ନୂଆ ରୂପ ଦେଇଛନ୍ତି ।

The post ବିଶ୍ୱ ଦରବାରରେ ଝଲସିଲା ଭାରତର କଳା ସଂସ୍କୃତି: ଜି ୭ ସମ୍ମିଳନୀରେ ରାଷ୍ଟ୍ରନେତାଙ୍କୁ ମୋଦିଙ୍କ ଉପହାର first appeared on Kanak News.

from Kanak News
via <a href="https://ifttt.com/?

Create your website with WordPress.com
Get started