କନକ ବ୍ୟୁରୋ: ଜେଲ ଗଲେ ଝାଡଖଣ୍ଡ ପୂର୍ବତନ ମୁଖ୍ୟମନ୍ତ୍ରୀ । ହେମନ୍ତ ସୋରେନ୍ଙ୍କୁ ଦିନିକିଆ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି କୋର୍ଟ । ମନି ଲଣ୍ଡରିଂ ମାମଲାରେ ତାଙ୍କୁ ଗିରଫ କରାଯାଇଛି । ହେମନ୍ତଙ୍କୁ ୧୦ ଦିନିଆ ରିମାଣ୍ଡରେ ନେବା ପାଇଁ ଆବେଦନ କରିଛି ପ୍ରବର୍ତନ ନିର୍ଦ୍ଦେଶାଳୟ । ହେମନ୍ତ ସୋରେନ୍ଙ୍କୁ କୋର୍ଟରେ ହାଜର କରିଥିଲା ଇଡି । ଗତକାଲି ଦୀର୍ଘ ଘଂଟାର ପଚରା ଉଚୁରା ପରେ ତାଙ୍କୁ ଗିରଫ କରାଯାଇଥିଲା । ଗିରଫ ହେବା ପରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ହେମନ୍ତ । ସେପଟେ ଜମି ଦୁର୍ନୀତି ମାମଲାରେ ଗିରଫଦାରି ବିରୋଧରେ ହାଇକୋର୍ଟ ଯାଇଥିବା ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ଙ୍କୁ ବଡ ଝଟ୍କା ଲାଗିଛି । ଜରୁରୀ ଶୁଣାଣିର ଆବଶ୍ୟକତା ନାହିଁ ବୋଲି କହିଛନ୍ତି ଝାଡଖଣ୍ଡ ଉଚ୍ଚ ନ୍ୟାୟାଳୟ । ଏଥିପାଇଁ ଆସନ୍ତାକାଲି ଶୁଣାଣି ହେବ । ଗିରଫଦାରି ବିରୋଧରେ ସୁପ୍ରିମକୋର୍ଟରେ ମଧ୍ୟ ଆବଦନ ହୋଇଛି । ଆସନ୍ତାକାଲି ସୁପ୍ରିମକୋର୍ଟରେ ବି ଶୁଣାଇ ହୋଇପାରେ ।

The post ବିଚାର ବିଭାଗୀୟ ହାଜତକୁ ଗଲେ ହେମନ୍ତ ସୋରେନ: ୧୦ ଦିନ ପାଇଁ ରିମାଣ୍ଡ ଆବେଦନ କରିଛି ଇଡି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜଧାନୀରେ ଛାତି ଥରାଉଛନ୍ତି ଆପାର୍ଟମେଂଟ ଲୁଟେରା । ଗତକାଲି ପାହାଳ ଥାନା ଅଂଚଳରେ ଥିବା କଲ୍ୟାଣି ହାଇଟ୍ସରେ ଲୁଟପାଟ୍ କରିଥିଲେ ଲୁଟେରା । ଆଜି ପୁଣି ଭୁବନେଶ୍ୱରର ଆପାର୍ଟମେଂଟରେ ଲୁଟ୍ । ମଂଚେଶ୍ୱର ଥାନା ଅଧିନ କଳାରାହାଙ୍ଗରେ ଥିବା ସତ୍ୟବାଦୀ ରେସିଡେଂସିରୁ ସିରିଜ ଲୁଟ୍ ହୋଇଛି । ଆପାର୍ଟମେଂଟରେ ଥିବା ୧୦୪ ଓ ୩୦୧ରେ ପଶି କଳାକନା ବୁଲାଇ ଦୁର୍ବୃତ ଚମ୍ପଟ ମାରିଛନ୍ତି । ଅଭିଯୁକ୍ତଙ୍କପୁରା କାରନାମା ସିସିଟିଭିରେ କଏଦ ହୋଇଛି ।

The post ରାଜଧାନୀରେ ଆପାର୍ଟମେଣ୍ଟ ଲୁଟେରାଙ୍କ ଆତଙ୍କରାଜ: ପୁଣି ଭୁବନେଶ୍ୱରର ଆପାର୍ଟମେଣ୍ଟରେ ଲୁଟ୍ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କାଶ୍ମୀର ବିଭିନ୍ନ ସ୍ଥାନରେ ଗତ ରାତିରୁ ଆରମ୍ଭ ହେଲାଣି ବରଫ ବର୍ଷା । ଆଗକୁ ଆହୁରି ବରଫ ପଡିବା ନେଇ ପାଣିପାଗ ବିଭାଗ ସୂଚନା ଜାରି କରିଛି । ପ୍ରାୟତଃ ପ୍ରାକୃତିକ ସୁନ୍ଦରତା ଓ ବରଫର ମଜା ନେବା ପାଇଁ କାଶ୍ମୀରରେ ପର୍ଯ୍ୟଟକଙ୍କ ଭିଡ ଜମିଥାଏ । ତୁଷାରପାତ ଏହି ସ୍ଥାନର ମୁଖ୍ୟ ଆକର୍ଷଣ । ଢେରଦିନର ଶୁଖିଲା ଶୀତ ପାଗ ପରେ ଗତ ରାତି ବରଫ ପଡି ସମସ୍ତଙ୍କ ମନ ଖୁସି କରି ଦେଇଛି । ସାମାନ୍ୟ ବର୍ଷା ସହ ବରଫ ପଡିବା ଆରମ୍ଭ ହେବା ସହ ରାଜ୍ୟ ରାଜଧାନୀ ସମର କ୍ୟାପିଟାଲ କୁହା ଯାଉଥିବା ଶ୍ରୀନଗରରେ ପ୍ରାୟ ୨ ଇଂଚର ବରଫ ବିଛାଇ ହୋଇଥିବାର ଦେଖା ଯାଇଛି । ରାଜ୍ୟର ବିଭିନ୍ନ ସ୍ଥାନ ଯଥା ଅନନ୍ତନାଗ ରେ ୪ ଇଂଚ,  ପୁଲୱାମାରେ ୨ ଇଂଚ, ବାରମୁଲ୍ଲାରେ ୪ ଇଂଚ, କ୍ୱାଜିଗୁଣ୍ଡରେ ୯ ଇଂଚ, ପାହାଲଗାମର ୧୦ ଇଂଚ ଓ ଗୁଲମାର୍ଗରେ ୧୪ ଇଂଚର ବରଫ ପଡିବାର ଖବର ମିଳିଛି ।

କାଶ୍ମୀର ଉପତ୍ୟାକାରେ ଏହା ବର୍ଷର ପ୍ରଥମ ତୁଷାରପାତ । ବରଫ ପଡିବା ଆରମ୍ଭ ହେବାରୁ ଲୋକମାନେ ଯତେ ଖୁସି ହୁଅନ୍ତି ରାସ୍ତା ଜାମ ଓ ବରଫ ଝଡ ଯୋଗୁଁ ନାହିଁ ନଥିବା ଅସୁବିଧାର ସମ୍ମୁଖୀନ ବି ହୁଅନ୍ତି । ବରଫ ପଡିବା ସହ ଶ୍ରୀନଗରର ତାପମାତ୍ରା ୦.୨ ଡିଗ୍ରୀ ସେଲସିୟସ ଖସି ଯାଇଥିବା ବେଳେ ଅନ୍ୟ କିଛି ସ୍ଥାନରେ ମାଇନସ ୨ ରୁ ୪ ଯାଏଁ ପାରଦ ଖସିଛି । ଏ ମାନଙ୍କ ମଧ୍ୟରେ ପାହାଲଗମ ତାପମାତ୍ରା ସର୍ବାଧିକ ମାଇନସ ୪ ଡିଗ୍ରୀକୁ ଖସି ରେକର୍ଡ କରିଛି ।

ପାଗରେ ପରିବର୍ତ୍ତନ ରାଜ୍ୟର ଧିମେଇ ଯାଇଥିବା ପର୍ଯ୍ୟଟନ ଶିଲ୍ପକୁ ବଢାଇବା ସହ ବିଭିନ୍ନ ଫଳ ଓ ରବି ଫସଲ ଚାଷୀଙ୍କ ପାଇଁ ସହାୟକ ହେବ ବୋଲି ସାଧରଣ ଅଧିବାସି ଆଶା କରୁଛନ୍ତି । ବୁଲିବାକୁ ଭଲ ଲାଗିବ ନିହାତି କିନ୍ତୁ ପ୍ରବଳ ଶୀତ ଲହରୀ ଓ ଘନ କୁହୁଡି କିଛିଟା ଅସୁବିଧା କରାଇବ, ହେଲେ ମଧ୍ୟ ଲୋକ ଏହି ପ୍ରାକୃତିକ ଦୃଶ୍ୟ ଉପଭୋଗ କରିବା ପାଇଁ କାହିଁ ଦୂରରୁ ଆସିଥାନ୍ତି ଓ ଏହି ରୂତୁରେ ପର୍ଯ୍ୟଟକଙ୍କ ନାହିଁ ନଥିବା ଭିଡ ଦେଖିବାକୁ ମିଳେ ।

The post ମନ ମୋହୁଛି କାଶ୍ମୀରର ତୁଷାର ପାତ । ବଢୁଛି ପର୍ଯ୍ୟଟକଙ୍କ ଭିଡ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରେଳ ମନ୍ତ୍ରାଳୟକୁ ଚଳିତ ବଜେଟ୍ରେ ୨ ଲକ୍ଷ ୫୨ ହଜାର ଟଙ୍କା ଦିଆଯାଇଛି । ଚଳିତ ବଜେଟ୍ ଓଡିଶା ପାଇଁ ୧୦ ହଜାର ୫୩୬ କୋଟି । ବିଭିନ୍ନ ବାବଦରେ ରେଳ କ୍ଷେତ୍ରରେ ଖର୍ଚ୍ଚ ପାଇଁ ବ୍ୟୟବରାଦ ହୋଇଥିବା ଜଣାଇଛନ୍ତି କେନ୍ଦ୍ରରେଳ ମନ୍ତ୍ରୀ ଅଶ୍ୱନୀ ବୈଷ୍ଣବ । ବିଭିନ୍ନ ନୂଆ ରେଳ ପ୍ରକଳ୍ପ ପାଇଁ ୫୨ ହଜାର କୋଟି ଟଙ୍କା ଖର୍ଚ ହେବ । ଦୈନିକ ଓଡିଶାରେ ୪୭୩ କିଲୋମିଟର ରେଳ ଲାଇନ୍ କାର୍ଯ୍ୟ ହେଉଛି । ରାଜ୍ୟ ସରକାର ଜମି ଯୋଗାଇ ଦେଲେ ସେହି କାମ ଆହୁରି ତ୍ୱରାନ୍ୱିତ ହେବ ବୋଲି କେନ୍ଦ୍ର ରେଳ ମନ୍ତ୍ରୀ କହିଛନ୍ତି । ବନ୍ଦେ ମେଟ୍ରୋ ଟ୍ରେନ୍ କଟକ, ଭୁବନେଶ୍ୱର, ପୁରୀକୁ ଗଡିବା ପାଇଁ ଯୋଜନା ହେଉଛି । ପରବର୍ତୀ ସମୟରେ ଅନ୍ୟ ସହର ପାଇଁ ଦିଆଯାଇଛି ।

The post ଓଡିଶାକୁ ରେଳ ଅନୁଦାନ: ରେଳ ବଜେଟରେ ଓଡିଶାକୁ ୧୦,୫୩୬ କୋଟି ବ୍ୟୟବରାଦ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଅର୍ଥମନ୍ତ୍ରୀ ନିର୍ମଳା ସୀତାରମଣ ଅନ୍ତରୀଣ ବଜେଟ ଉପସ୍ଥାପନ କରିଛନ୍ତି । ଏହି ବଜେଟ ଉପସ୍ଥାପନ ବେଳେ ଅର୍ଥମନ୍ତ୍ରୀ ଶିକ୍ଷାକ୍ଷେତ୍ରକୁ ନେଇ ଗତ ୧୦ ବର୍ଷ ମଧ୍ୟରେ ସରକାରଙ୍କ ପ୍ରୟାସ ଉପରେ ସୂଚନା ଦେଇଛନ୍ତି । ସଂସଦରେ ସୀତାରମଣ କହିଛନ୍ତି କି, ଗତ ୧୦ ବର୍ଷ ମଧ୍ୟରେ କେନ୍ଦ୍ର ସରକାରଙ୍କ ଅନୁଦାନରେ ୩୯୦ ଟି ବିଶ୍ୱବିଦ୍ୟାଳୟ ଖୋଲାଯାଇଛି । ଏହାସହ ୫୪ ଲକ୍ଷ ବେକାର ଯୁବକ ଯୁବତୀଙ୍କୁ ସ୍କିଲ ଇଣ୍ଡିଆ ସ୍କିମରେ ଦକ୍ଷ କରାଯାଇଛି । ରାଷ୍ଟ୍ରୀୟ ଶିକ୍ଷା ନୀତି ମାଧ୍ୟମରେ ପରିବର୍ତ୍ତକାରୀ ସୁଧାରର ଆରମ୍ଭ ହୋଇଛି

ଅର୍ଥମନ୍ତ୍ରୀଙ୍କ ବୟାନ

• ଏସଟିଇଏମ (ବିଜ୍ଞାନ,ପ୍ରଯ୍ୟୁକ୍ତି, ଇଂଜିନିୟରିଂ ଓ ଗଣିତ) ପାଠ୍ୟକ୍ରମରେ ୪୩ ପ୍ରତିଶତ ମହିଳା ପଞ୍ଜିକରଣ କରିଛନ୍ତି । ଏହା ସାରା ବିଶ୍ୱର ସର୍ବାଧିକ
  ସ୍ୱରୋଜଗାର ପାଇଁ ପ୍ରଧାନମନ୍ତ୍ରୀ ମୂଦ୍ରା ଯୋଜନା ମାଧ୍ୟମରେ ୨୨.୫ ଲକ୍ଷ କୋଯି ଟଙ୍କା ଋଣ ପ୍ରଦାନ କରାଯାଇଛି
• ମହିଳାଙ୍କ ରୋଜଗାର ପାଇଁ ମୁଦ୍ରା ଯୋଜନା ମାଧ୍ୟମରେ ୩୦ କୋଟି ମହିଳାଙ୍କୁ ବ୍ୟବସାୟ ପାଇଁ ଋଣ ଦିଆଯାଇଛି
• ୧.୪ କୋଟି ଯୁବକଙ୍କୁ ସ୍କିଲ ଇଣ୍ଡିଆର ଲାଭ ମିଳିଛି
• ସ୍କିଲ ଇଣ୍ଡିଆ ମିଶନ କ୍ରମରେ ୨୦ ରୁ ଅଧିକ କେନ୍ଦ୍ରୀୟ ମନ୍ତ୍ରଣାଳୟ/ବିଭାଗ ମାଧ୍ୟମରେ ସାରା ଦେଶରେ ଅନେକଗୁଡିଏ କୌଶଳ ବିକାଶ ଯୋଜନା ଲାଗୁ କରାଯାଇଛି
• ଦେଶରେ ୭ଟି ନୂଆ ଆଇଆଇଟି ଓ ୭ଟି ନୂଆ ଆଇଆଇଏମ୍ ଖୋଲା ଯାଇଛି
• ଗତ ୧୦ ବର୍ଷ ମଧ୍ୟରେ ୩୯୦ ଟି ନୂଆ ବିଶ୍ୱବିଦ୍ୟାଳୟ ଖୋଲାଯାଇଛି

ଗତ ୨୦୨୩ ବଜେଟରେ ସରକାର ଶିକ୍ଷାକ୍ଷେତ୍ର ପାଇଁ ୧,୧୨,୮୯୯ କୋଟି ଟଙ୍କା ଆବଣ୍ଟନ କରିଥିଲେ । ଚଳିତ ବର୍ଷ ସରକାର ଏକଲବ୍ୟ ସ୍କୁଲ ପାଇଁ ୩୮ ହଜାରରୁ ଅଧିକ ଶିକ୍ଷକ ଭର୍ତ୍ତି କରିବାକୁ ଘୋଷଣା କରିଛନ୍ତି । ଏହି ବଜେଟରେ ସ୍କୁଲ ଶିକ୍ଷା ପାଇଁ ୬୮,୮୦୫ କୋଟି ଟଙ୍କା ବ୍ୟୟବରାଦ ହୋଇଛି ଓ ଉଚ୍ଚଶିକ୍ଷା ପାଇଁ ୪୪,୦୯୫ କୋଟି ଟଙ୍କା ବ୍ୟୟ ବରାଦ ହୋଇଛି । ସମଗ୍ର ଶିକ୍ଷା ଅଭିଯାନ ପାଇଁ ସରକାର ୩୭,୪୫୩ କୋଟି ଟଙ୍କାର ବ୍ୟୟବରାଦ କରିଛନ୍ତି ।

The post ଶିକ୍ଷା ଓ ରୋଜଗାରକୁ ନେଇ ବଜେଟ ଉପସ୍ଥାପନ ବେଳେ ଅର୍ଥମନ୍ତ୍ରୀଙ୍କ ବୟାନ । କହିଲେ, ୧.୪ କୋଟି ବେରୋଜଗାରୀଙ୍କୁ ମିଳିଛି ସ୍କିଲ ଇଣ୍ଡିଆର ଲାଭ, ୧୦ ବର୍ଷରେ ଖୋଲିଛି ୩୯୦ ବିଶ୍ୱବିଦ୍ୟାଳୟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆଜି ସଂସଦରେ ୨୦୨୪ ପାଇଁ କାମ ଚଳା ବଜେଟ ଉପସ୍ଥାପନ ହୋଇଛି । ଏହାକୁ ଉପସ୍ଥାପନ କରିଛନ୍ତି କେନ୍ଦ୍ରୀୟ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଦେଶର ଏପରି ଏକ ଜଟିଳ କାର୍ଯ୍ୟ ସମ୍ପାଦନ କରିବା ପାଇଁ ଭାରତୀୟ ପ୍ରଶାସନିକ ସେବା ତରଫରୁ ଇଣ୍ଡିଆନ ଇକୋନୋମିକ୍ସ ସର୍ଭିସ ଓ ଇଣ୍ଡିଆନ ଷ୍ଟାଟିଷ୍ଟିକ୍ସ୍ ସର୍ଭିସ ନାମକ ଦୁଇଟି ପଦବୀ ରହିଛି । ବଜେଟ ପ୍ରସ୍ତୁତି ଠାରୁ ଆରମ୍ଭ କରି ଉପସ୍ଥାପନା ଯାଏଁ ଏହି ଆଇଇଏସ ଓ ଆଇଏସଏସ ଅଧୀକାରି ମାନଙ୍କର ସର୍ବାଧିକ ଯୋଗଦାନ ରହିଥାଏ ।
ହେଲେ ଜାଣିବା ଏହି ପଦବୀ ପାଇଁ ୟୁପିଏସସି କିପରି ପ୍ରାର୍ଥୀ ଚୟନ କରିଥାଏ ।

ଏଥି ପାଇଁ କିଛି ବାଧ୍ୟତାମୂଳକ ମାନଦଣ୍ଡ ରହିଛି । ଆଇଇଏସ କିମ୍ବା ଆଇଏସଏସ ହେବାକୁ ହେଲେ ସର୍ବ ଭାରତୀୟ ପ୍ରଶାସନିକ ସେବା ପରିଚାଳିତ ପରୀକ୍ଷା ଦେବାକୁ ହୁଏ । ପ୍ରାର୍ଥୀଙ୍କ ବୟସ ସୀମା ୨୧ ରୁ ୩୦ ଭିତରେ ରହିବା ଆବଶ୍ୟକ । ଅଗଷ୍ଟ ମାସ ସୁଦ୍ଧା ପରୀକ୍ଷାର୍ଥୀ  ୨୧ ବୟସର ହେବାକୁ ପଡିବ , ତେବେ ଯାଇ ସେ ପରୀକ୍ଷା ପାଇଁ ଯୋଗ୍ୟ ହେବେ । ଅନୁସୂଚିତ ବର୍ଗ ପାଇଁ ବୟସ ସୀମା ୫ ବର୍ଷ ଛାଡ କରା ଯାଇଥିବା ବେଳେ ଶାରୀରିକ ଅକ୍ଷମ ବ୍ୟକ୍ତି ବିଶେଷଙ୍କ ପାଇଁ ବୟସ ସୀମା ୧୦ ବର୍ଷ ଯାଏଁ ଛାଡ ରହିଛି ।

ପରୀକ୍ଷାର୍ଥୀ ଆଇଇଏସ ପଦବୀ ପାଇଁ ଇକୋନୋମିକ୍ସ. ଆପ୍ଲାଏଡ ଇକୋନୋମିକ୍ସ କିମ୍ବା ବିଜନେସ ବିଷୟରେ ସ୍ନାତକ ତଥା ସ୍ନାତକୋତ୍ତର ଡିଗ୍ରୀ ରହିବା ଆବଶ୍ୟକ । ଏହି ଡିଗ୍ରୀ କୌଣସି ଭାରତ ସରକାରଙ୍କ ମାନ୍ୟତା ପ୍ରାପ୍ତ ବିଶ୍ୱବିଦ୍ୟାଳୟ କିମ୍ବା କେନ୍ଦ୍ର ସରକାରଙ୍କ ଅନୁମୋଦିତ ବିଦେଶୀ ବିଶ୍ୱବିଦ୍ୟାଳୟରୁ ମିଳିବା ନିହାତି ଜରୁରୀ ।
ଠିକ୍ ସେପରି ଆଇଏସଏସ ପଦବୀ ପାଇଁ ପ୍ରାର୍ଥୀଙ୍କୁ ଗଣିତ, ପରିସଂଖ୍ୟାନ ବିଷୟରେ ସ୍ନାତକ ଓ ସ୍ନାତକୋତ୍ତର ଡିଗ୍ରୀ ନେବା ଆବଶ୍ୟକ ।

ସାଧାରଣ ବର୍ଗର ପ୍ରାର୍ଥୀ ପାଇଁ ୬ ଥର ପରୀକ୍ଷା ଦେବା ସୁଯୋଗ ରହିଛି । ଓବିସି ବର୍ଗ ପାଇଁ ୯ ଥର ଥିବା ବେଳେ ଅନୁସୂଚିତ ବର୍ଗ ଅଗଣିତ ଥର ପାଇଁ ପରୀକ୍ଷା ଦେବାର ସୁଯୋଗ ରହିଛି ।

The post ବଜେଟରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଥିବା ଆଇଇଏସ ଅଫିସରଙ୍କୁ କେଉଁ ଆଧାରରେ ମିଳିଥାଏ ନିଯୁକ୍ତି । କ’ଣ ରହିଥାଏ ବୟସ ସୀମା, ଜାଣନ୍ତୁ ସମ୍ପୂର୍ଣ୍ଣ ପ୍ରକ୍ରିୟା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନିର୍ବାଚନ ଆଗରୁ କଂଗ୍ରେସ ଟିକେଟ୍କୁ ନେଇ କସରତ । ଆଗୁଆ ଟିକେଟ୍ ବାଂଟିବା ପାଇଁ କଂଗ୍ରେସ ପ୍ରକ୍ରିୟା ଆରମ୍ଭ କରିଛି । କଂଗ୍ରେସ ଟିକେଟ୍ ପାଇଁ କାମ କରିବ ନାହିଁ ନେତାଙ୍କ ଲବି । ଆସନ୍ତା ନିର୍ବାଚନରେ କଂଗ୍ରେସ ଟିକେଟ୍ରୁ ଲଢିବା ପାଇଁ ଆଶାୟୀମାନେ ଅନଲାଇନ୍ ଆବେଦନ କରିପାରିବେ । ଟିକେଟ୍ ବଂଟନରେ ସ୍ୱଚ୍ଛତା ପାଇଁ ଏଆଇସିସି ସ୍କ୍ରିନିଂ କମିଟି ଏହି ନିଷ୍ପତି ନେଇଛି । ଖୁବଶୀଘ୍ର ଟିକେଟ୍ ଆବେଦନ କରିବାର ଫର୍ମାଟକୁ ସାର୍ବଜନୀନ କରାଯିବ । ଗୋଟିଏ ଆସନରେ ଏକାଧିକ ଆଶାୟୀ ଥିଲେ ଯୋଗ୍ୟ ପ୍ରାର୍ଥୀ ନେଇ ତର୍ଜମା କରିବ ପ୍ରଦେଶ ଇଲେକ୍ସନ୍ କମିଟି । ଏହାପରେ ପ୍ରାର୍ଥୀଙ୍କ ତାଲିକାକୁ ସ୍କ୍ରିନିଂ କମିଟିକୁ ପଠାଯିବ । ସ୍କ୍ରିନିଂ କମିଟିର ଅନୁମୋଦନ ପରେ ଉପଯୁକ୍ତ ପ୍ରାର୍ଥୀଙ୍କୁ ଟିକେଟ୍ ଦିଆଯିବ । ଆଗୁଆ ଟିକେଟ୍ ବାଂଟିବା ପାଇଁ ଆଜି ରାଜ୍ୟ ଅତିଥି ଭବନରେ ଏକ ରୁଦ୍ଧଦ୍ୱାର ବୈଠକ ବସିଥିଲା ।

The post କଂଗ୍ରେସ ଟିକେଟ୍ ପାଇଁ କାମ କରିବ ନାହିଁ ନେତାଙ୍କ ଲବି: ଅନଲାଇନ୍ ଆବେଦନ କରିବେ ଆଶାୟୀ first appeared on Kanak News.

from Kanak News
via <a href="https://ifttt.com/?

ଗତ ବର୍ଷ ଜୁଲାଇ ମାସରେ ପଶ୍ଚିମବଙ୍ଗର ମାଲଦା ଜିଲ୍ଲାରେ ଚୋରି ଅଭିଯୋଗରେ ଦୁଇଜଣ ମହିଳାଙ୍କୁ ଉଲଗ୍ନ କରି ବିଚ୍ ବଜାରରେ ଜୋତାରେ ପିଟିପିଟି ନିଆଯାଇଥିଲା । ଏହି ମାମଲାରେ ବର୍ତ୍ତମାନ ଜାତୀୟ ମହିଳା ଆୟୋଗ ରାଜ୍ୟ ସରକାରଙ୍କ ଉପରେ ୬ ଲକ୍ଷ ଟଙ୍କା ଜରିମାନା କରିଛନ୍ତି । ପ୍ରତ୍ୟେକ ପୀଡିତା ମହିଳାଙ୍କୁ ୩ ଲକ୍ଷ ଟଙ୍କା ଲେଖାଏ ଦେବାକୁ ଆୟୋଗ ନିର୍ଦ୍ଦେଶ ଦେଇଛନ୍ତି ।

ଗତ ବର୍ଷ ଜୁଲାଇରେ ପଶ୍ଚିମବଙ୍ଗର ମାଲଦା ଜିଲ୍ଲାରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଥିଲା । ଯେଉଁଠାରେ ଜନଗହଳିପୂର୍ଣ୍ଣ ବଜାରରେ ଦୁଇଜଣ ମହିଳାଙ୍କୁ ଉଲଗ୍ନ କରି ଅତି ନିର୍ଦୟ ଭାବେ ଜୋତାରେ ମାଡ଼ ମରାଯାଇଥିଲା । ଜାତୀୟ ମାନବାଧିକାର କମିଶନ ଜିଲ୍ଲାର ବାମୋଙ୍ଗୋଲା ଅଞ୍ଚଳରେ ଚୋର ବୋଲି ସନ୍ଦେହରେ ଦୁଇ ମହିଳାଙ୍କୁ ନିର୍ବସ୍ତ୍ର କରି ମାଡ ମାରିବା ଅଭିଯୋଗରେ ରାଜ୍ୟ ଉପରେ ଜୋରିମାନା ଲଗାଇଛନ୍ତି । କ୍ଷତିପୂରଣ ହିସାବରେ ରାଜ୍ୟକୁ ୬ ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ ଦିଆଯାଇଛି । ଦୁଇ ପୀଡିତା ମହିଳାଙ୍କ ମଧ୍ୟରେ ପ୍ରତ୍ୟେକଙ୍କୁ ୩ ଲକ୍ଷ ଟଙ୍କା କ୍ଷତିପୂରଣ ଦେବକୁ ନିର୍ଦ୍ଦେଶ ଦିଆଯାଇଛି । ଆସନ୍ତା ଛ ସପ୍ତାହ ମଧ୍ୟରେ ଏହି ଜରିମାନା ଦେବାକୁ ରାଜ୍ୟ ସରକାରକୁ ନିର୍ଦ୍ଦେଶ ଦିଆଯାଇଛି ।

ଗତ ବର୍ଷ ଜିଲ୍ଲାରେ ଘଟିଥିବା ଏହି ଲଜ୍ଜାଜନକ ଘଟଣାକୁ ପୋଲିସ ପ୍ରଶାସନ ଚାପି ଦେଇଥିଲା । ଏହାକୁ ନେଇ ପୋଲିସର ଭୂମିକା ଉପରେ ମଧ୍ୟ ପ୍ରଶ୍ନ ଉଠିଥିଲା । ଯେଉଁଠାରେ ଦୁଇ ମହିଳାଙ୍କୁ ଉଲଗ୍ନ କରି ମାଡ଼ ମରାଯାଇଥିଲା ସେହି ସ୍ଥାନ ନିକଟରେ ଏକ ପୋଲିସ ପୋଷ୍ଟ ମଧ୍ୟ ଥିଲା । ଏହା ସତ୍ତ୍ୱେ କୌଣସି  କାର୍ଯ୍ୟାନୁଷ୍ଠାନ ଗ୍ରହଣ ନକରି ପୋଲିସ ଅଭିଯୁକ୍ତକୁ ଉତ୍ସାହିତ କରିଥିଲା । ଏହି ଲଜ୍ଜାଜନକ ଘଟଣା ବିଷୟରେ ସ୍ଥାନୀୟ ଲୋକ ଜାଣିବା ମାତ୍ରେ ଅପରାଧୀଙ୍କୁ କଠୋର ଦଣ୍ଡ ଦେବାକୁ ଦାବି କରିଥିଲେ ।

ମହିଳାମାନଙ୍କୁ ଉଲଗ୍ନ କରି ବଜାରରେ ପ୍ୟାରେଡ୍ କରାଯାଇଥିଲା ।

ଏହି ଘଟଣା ଯେଉଁଠାରେ ଘଟିଥିଲା ​​ସେଠାରେ ପ୍ରତି ମଙ୍ଗଳବାର ଏକ ହାଟ ଅନୁଷ୍ଠିତ ହୋଇଥାଏ । ପକେଟମାର ସନ୍ଦେହରେ  ଉକ୍ତ ବଜାରରେ କ୍ରୋଧିତ କିଛି ଜନତା ମହିଳା ଦୁହିଁଙ୍କୁ ଘେରି ଯାଇଥିଲେ । ତାପରେ ଉଭୟ ମହିଳାଙ୍କୁ ଉଲଗ୍ନ କରି ଜୋତା ଏବଂ ଚପଲରେ ଗୁରୁତର ଭାବେ ମାଡ ଦିଆଯାଇଥିଲା।

ବିଜେପି ଏହି ପ୍ରସଙ୍ଗ ଉଠାଇଥିଲା

ଏହା ପରେ ମଧ୍ୟ କ୍ରୋଧିତ ଜନତା ସନ୍ତୁଷ୍ଟ ହୋଇନଥିଲେ, ପୀଡିତା ଦୁଇଜଣ ମହିଳାଙ୍କୁ ଉଲଗ୍ନ କରାଇ ବଜାରରେ ପ୍ୟାରେଡ୍ କରାଯାଇଥିଲା । ଏହି ଲଜ୍ଜାଜନକ ଘଟଣା ପରେ ପୋଲିସ ତୁରନ୍ତ କୌଣସି  ପଦକ୍ଷେପ ନେଇନଥିଲା । ସମସ୍ତ ଅଭିଯୁକ୍ତ ବାହାରେ ଖୁଲମଖୁଲା ଭାବରେ ବୁଲୁଥିଲେ । ଏହି ଘଟଣାରେ ବିଜେପି ଜାତୀୟ ମାନବ ଅଧିକାର ଆୟୋଗରେ ମାମଲା ଦାୟର କରିଥିଲା । ଏହାକୁ ଦୃଷ୍ଟିରେ ରଖି ଜାତୀୟ ମାନବାଧିକାର କମିଶନ ବର୍ତ୍ତମାନ କ୍ଷତିପୂରଣ ଦେବାକୁ ରାଜ୍ୟକୁ ନିର୍ଦ୍ଦେଶ ଦେଇଛନ୍ତି । ଦୁଇ ପୀଡିତାଙ୍କ ମଧ୍ୟରେ ପ୍ରତ୍ୟେକଙ୍କୁ ୩ ଲକ୍ଷ ଟଙ୍କା କ୍ଷତିପୂରଣ ବଣ୍ଟନ କରିବାକୁ ଆୟୋଗ ନିର୍ଦ୍ଦେଶ ଦେଇଛନ୍ତି ।

The post ବିଚ୍ ବଜାରରେ ୨ ମହିଳାଙ୍କୁ ଉଲଗ୍ନ କରି ଜୋତାରେ  ପିଟିବା ମାମଲା :  ମମତା ସରକାରଙ୍କୁ ୬ ଲକ୍ଷ ଟଙ୍କା ଜରିମାନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଚଳିତ ବର୍ଷ ମଧ୍ୟ ରାଜ୍ୟମାନଙ୍କୁ କେନ୍ଦ୍ରର ସମର୍ଥନ ଜାରି ରହିବ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି । ଗତ ବର୍ଷ ମଧ୍ୟ ରାଜ୍ୟରେ କେନ୍ଦ୍ରର ପୁଞ୍ଜିନିବେଶ ପାଇଁ ସରକାର ଘୋଷଣା କରିଥିଲେ । ଅନ୍ତରୀଣ ବଜେଟରେ ସୀତାରମଣ କହିଛନ୍ତି ଯେ, ୫୦ ବର୍ଷ ପାଇଁ ରାଜ୍ୟମାନଙ୍କୁ ୭୫ ହଜାର କୋଟି ଟଙ୍କାର ସୁଧ ମୁକ୍ତ ଋଣ ଦିଆଯିବ ।

ସେ ଆହୁରି ମଧ୍ୟ କହିଛନ୍ତି ଯେ, ‘ବିକଶିତ ଭାରତ’ ଲକ୍ଷ୍ୟ ପୂରଣ ପାଇଁ ରାଜ୍ୟମାନଙ୍କରେ ସୁଧାର କରିବାକୁ ଗୁରୁତ୍ୱ ଦିଆଯାଉଛି ।ଏଥିପାଇଁ ସରକାରଙ୍କ ଦ୍ୱାରା ଅନେକ ସୁଧାର ଯୋଜନା ହାତକୁ ନିଆଯାଇଛି ଏବଂ ଏହି ପରିକଳ୍ପନାକୁ ସାକାର କରିବାକୁ ରାଜ୍ୟମାନଙ୍କୁ ଆର୍ଥିକ ସହାୟତାର ଆବଶ୍ୟତକା ରହିଛି । ଏହାକୁ ଦୃଷ୍ଟିରେ ରଖି ବିଭିନ୍ନ ରାଜ୍ୟଙ୍କୁ ସୁଧ ମୁକ୍ତ ଋଣର ସହାୟତା ଦିଆଯିବ ।
ପୂର୍ବରୁ ଏହି ଯୋଜନା ଆଧାରରେ ୧୪ଟି ରାଜ୍ୟକୁ ୫୬,୪୧୬ କୋଟି ଟଙ୍କାର ସୁଧମୁକ୍ତ ଋଣ ଦିଆଯିବାକୁ ଘୋଷଣା କରାଯାଇଥିଲା, ଯାହାକୁ ଚଳିତ ବଜେଟରେ ୭୫ ହଜାର କୋଟିକୁ ବୃଦ୍ଧି କରାଯାଇଛି । ଏହାସହ ୨୦୪୭ ସୁଦ୍ଧା ଦେଶକୁ ବିକଶିତ ରାଷ୍ଟ୍ର ବନାଇବାକୁ ସୂଯ୍ୟୋଦର ସ୍କିମର ଆରମ୍ଭ ମଧ୍ୟ ହୋଇଛି ।

The post ୫୦ ବର୍ଷରେ ୭୫୦୦୦ କୋଟି ସୁଧ ମୁକ୍ତ ଲୋନ୍ ଦିଆଯିବ… ଏହି ଲକ୍ଷ୍ୟ ପୂରଣ ପାଇଁ ସରକାରଙ୍କ ଯୋଜନା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପ୍ରଧାନମନ୍ତ୍ରୀ କିଶାନ ଯୋଜନାର ହିତାଧିକାରୀମାନଙ୍କୁ ଚଳିତ ବଜେଟ୍ ନିରାଶ କରିଛି । ସଂପୃକ୍ତ ଯୋଜନାର ସହାୟତା ରାଶି ବୃଦ୍ଧି ପାଇପାରେ ବୋଲି ହିତାଧିକାରୀମାନେ ଆଶା କରିଥିବା ବେଳେ ତାହା ଫଳବତୀ ହୋଇନାହିଁ । ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ଅନ୍ତରୀଣ ବଜେଟ ଉପସ୍ଥାପନ କରିବା ବେଳେ ପିଏମ କିଶାନ ଯୋଜନାକୁ ନେଇ କୌଣସି ଘୋଷଣା କରିନାହାଁନ୍ତି ।

ଏହି ଯୋଜନା ବିଗତ ୫ ବର୍ଷ ତଳେ ଲାଗୁ କରାଯାଇଥିଲା ଫେବୃଆରୀ ୨୦୧୯ରେ ବଜେଟ ଉପସ୍ଥାପନ କରିବା କ୍ରମରେ ତକ୍ରାଳୀନ ଅର୍ଥମନ୍ତ୍ରୀ ପିୟୂଷ ଗୋଏଲ ପିଏମ୍ କିଶାନ ଯୋଜନାର ଘୋଷଣା କରିଥିଲେ । ସରକାରୀ ତଥ୍ୟ ମୁତାବକ ଏବେ ୯ କୋଟି କ୍ଷୂଦ୍ରଚାଷୀ ଏହି ଯୋଜନାରୁ ଲାଭ ପାଉଛନ୍ତି । ସେମାନେ ପ୍ରତିବର୍ଷ ୩ କିସ୍ତିରେ ୬ ହଜାର ଟଙ୍କା ସହାୟତା ପାଉଛନ୍ତି  ବୋଲି ଅର୍ଥମନ୍ତ୍ରୀ କହିଛନ୍ତି । ଏହାସହ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଚଳିତ ବର୍ଷ ୪ କୋଟି କୃଷକ ବୀମା ପାଇଛନ୍ତି । ଗତବର୍ଷ ଏହି ଯୋଜନା ପାଇଁ କେନ୍ଦ୍ର ସରକାର ୧୩,୬୨୫ କୋଟି ଟଙ୍କା ବ୍ୟୟବରାଦ କରିଥିଲେ ।

The post ପିଏମ୍ କିଶାନ ହିତାଧିକାରୀ ନିରାଶ । ବଢିଲା ନାହିଁ ସହାୟତା ରାଶି, ହେଲେ … first appeared on Kanak News.

from Kanak News
via <a href="https://ifttt.com/?