କନକ ବ୍ୟୁରୋ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ସଂସଦରେ ୨୦୨୪ର ଅନ୍ତରୀଣ ବଜେଟ୍ ଉପସ୍ଥାପନ କରିଛନ୍ତି। ନିର୍ମଳା ସୀତାରମଣ ବଜେଟ୍ ଅଭିଭାଷଣରେ ଟିକସରେ କୌଣସି ପରିବର୍ତ୍ତନ ପ୍ରସ୍ତାବ ଦେଇନାହାନ୍ତି। ଆମଦାନୀ ଶୁଳ୍କ ସମେତ ପ୍ରତ୍ୟକ୍ଷ ଓ ପରୋକ୍ଷ ଟିକସ ପାଇଁ ପ୍ରଚଳିତ ଟିକସ ହାରକୁ ବଜାୟ ରଖିବାକୁ ସୀତାରମଣ ପ୍ରସ୍ତାବ ଦେଇଛନ୍ତି। ଏବେ ଏହି ବଜେଟ୍ ଅଭିଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଏହି ବଜେଟ୍ ବିକଶିତ ଭାରତ ଉଦ୍ଦେଶ୍ୟରେ ସମର୍ପିତ ହୋଇଛି ।

ମୋଦୀ ତାଙ୍କ ଅଭିଭାଷଣରେ କହିଛନ୍ତି, ‘ଏହି ଅନ୍ତରୀଣ ବଜେଟ୍ ସମୃଦ୍ଧ ଏବଂ ଅଭିନବ। ତଥା ନିରନ୍ତରତାର ଏକ ପ୍ରତିଶ୍ରୁତି । ଏଥିରେ ବିକଶିତ ଭାରତର ୪ଟି ସ୍ତମ୍ଭ ଯଥା ଯୁବକ, ଗରିବ, ମହିଳା ଓ କୃଷକ ସଶକ୍ତ ହେବେ। ଏହି ବଜେଟ୍ ୨୦୪୭ ସୁଦ୍ଧା ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବାର ଗ୍ୟାରେଣ୍ଟି ଦେଇଛି। ଆମେ ଏକ ବଡ଼ ଲକ୍ଷ୍ୟ ଧାର୍ୟ୍ୟ କରିଥିଲୁ, ଯାହା ହାସଲ କରିଛୁ ଏବଂ ତା’ପରେ ନିଜ ପାଇଁ ଆହୁରି ବଡ଼ ଲକ୍ଷ୍ୟ ଧାର୍ୟ୍ୟ କରିଛୁ । ଗାଁ ଓ ସହରରେ ଗରିବଙ୍କ ପାଇଁ ୪ କୋଟିରୁ ଅଧିକ ଘର ନିର୍ମାଣ କରିଛୁ ଏବଂ ଏବେ ଆହୁରି ୨ କୋଟି ଘର ନିର୍ମାଣ କରିବାକୁ ଲକ୍ଷ୍ୟ ଧାର୍ୟ୍ୟ କରିଛୁ। ଆମେ ୨ କୋଟି କୋଟିପତି ଦିଦିଙ୍କୁ ରୋଜଗାର କରିବାକୁ ଲକ୍ଷ୍ୟ ରଖିଥିଲୁ, ଏବେ ଏହାକୁ ୩ କୋଟିକୁ ବୃଦ୍ଧି କରାଯାଇଛି।’

ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ , ଆଜି ଘୋଷଣା କରାଯାଇଥିବା ଆୟକରର ନୂତନ ଯୋଜନା ମଧ୍ୟବିତ୍ତ ବର୍ଗର ୧ କୋଟି ଲୋକଙ୍କୁ ବଡ଼ ଆଶ୍ୱସ୍ତି ପ୍ରଦାନ କରିବ। ନୂତନ ଆୟକର ଯୋଜନା ମଧ୍ୟବିତ୍ତ ଶ୍ରେଣୀର ଏକ କୋଟି ଲୋକଙ୍କୁ ବଡ଼ ଆଶ୍ୱସ୍ତି ପ୍ରଦାନ କରିବ। ଏହା ସହ ଆଜିର ବଜେଟରେ କୃଷକ କଲ୍ୟାଣ ପାଇଁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏହି ଐତିହାସିକ ବଜେଟ୍ ପାଇଁ ମୁଁ ପୁଣି ଥରେ ସମସ୍ତ ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି ମୋଦୀ ।

The post ‘ବିକଶିତ ଦେଶ ବନାଇବାର ଗ୍ୟାରେଣ୍ଟି…’ ବଜେଟ୍ ଉପରେ କହିଲେ ପ୍ରଧାନମନ୍ତ୍ରୀ ମୋଦୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଚାଲିଥିବା ସରକାରର ଦ୍ୱିତୀୟ ପାଳିର ଆଜି ଶେଷ ବଜେଟ ଉପସ୍ଥାପିତ ହୋଇଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ ଉପସ୍ଥାପନ କରିଛନ୍ତି । ଏହି କ୍ରମରେ ଅର୍ଥମନ୍ତ୍ରୀ ଅନେକଗୁଡିଏ ଘୋଷଣା କରିଛନ୍ତି । ତାହା ମଧ୍ୟରେ ଇଲେକ୍ଟ୍ରିକ୍ ଗାଡିକୁ ନେଇ ବିକଶିତ ଇକୋ ସିଷ୍ଟମ ଉପରେ ଅର୍ଥମନ୍ତ୍ରୀ ଗୁରୁତ୍ୱ ଦେଇଛନ୍ତି ।

ଅର୍ଥମନ୍ତ୍ରୀ କହିଛନ୍ତି କି, ଆମ ସରକାର ଦେଶରେ ମଜବୁତ ଇଲେକ୍ଟ୍ରିକ୍ ଭେଇକିଲ ଇକୋସିଷ୍ଟମ ବିକଶିତ କରିବା ଉପରେ କାମ କରୁଛନ୍ତି । ଆଗାମୀ ଦିନରେ ସରକାର ବିଦ୍ୟୁତ୍ ଚାଳିତ ଯାନର ବିସ୍ତାର ଓ ସୁଦୃଢିକରଣ କରିବେ । ଇଲେକ୍ଟ୍ରିକ ଯାନର ନିର୍ମାଣ ଓ ଚାର୍ଜିଂକୁ ସହାୟତା କରୁଥିବା ଇକୋ ସିଷ୍ଟମ ନିର୍ମାଣ ଉପରେ ବଜେଟରେ ଗୁରୁତ୍ୱ ଦିଆଯାଇଛି । ସାର୍ବଜନୀନ ପରିବହନ ପାଇଁ ଇଲେକ୍ଟ୍ରିକ୍ ବସକୁ ଅଧିକରୁ ଅଧିକ ଚଳାଇବା ନେଇ ପ୍ରୋତ୍ସାହନ ଦେବାକୁ ଅର୍ଥମନ୍ତ୍ରୀ ଘୋଷଣା କରିଛନ୍ତି ।

ଅର୍ଥମନ୍ତ୍ରୀ ଦାବି କରିଛନ୍ତି କି ସରକାର ବିଦ୍ୟୁତ୍ ଚାଳିତ ଯାନର ଭିତ୍ତିଭୂମୀ ସୁଦୃଢ କରିବା ଉପରେ କାମ କରୁଛନ୍ତି । ସରକାର ଇଲେକ୍ଟ୍ରିକ୍ ବାହାନ ପାଇଁ ଚାଜିଂ ଷ୍ଟେସନ ଷ୍ଟାଟଅପ୍ କରିବା ସହ ଯୁବକମାନଙ୍କୁ ଏହି ଦକ୍ଷତା ପାଇଁ ଟ୍ରେନିଂ ଦିଆଯିବ ବୋଲି କୁହାଯାଇଛି । ହେଲେ ବିଦ୍ୟୁତଚାଳିତ ଗାଡି ନିର୍ମାତାମାନେ ଚଳିତ ବଜେଟରେ ସରକାରଙ୍କ ଠାରୁ ଅନେକ କିଛି ଆଶା କରିଥିଲେ ବି ସରକାର ସେମାନଙ୍କୁ ନିରାଶ କରିଛନ୍ତି ।

The post ବିଦ୍ୟୁତ ଚାଳିତ ଯାନ ପାଇଁ ବଜେଟରେ ରହିଛି ସ୍ୱତନ୍ତ୍ର ସୁବିଧା । ବିଦ୍ୟୁତ୍ ଚାଳିତ ଯାନର ଚାଜିିଂ ପାଇଁ ମଜବୁତ ଭିତ୍ତିଭୂମୀ ସହ … first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଚଳିତ ସରକାରଙ୍କର ଶେଷ ବଜେଟ ଆଜି ଉପସ୍ଥାପିତ ହୋଇଛି । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିଛନ୍ତି । ବିଶେଷ କରି ଡିଫେନ୍ସ ବଜେଟ ଉପସ୍ଥାପନ କରି ଅର୍ଥମନ୍ତ୍ରୀ କହିଛନ୍ତି କି, ଆମ ସରକାର ଡିପ୍-ଟେକ ଟେକ୍ନୋଲୋଜୀ ନେଇ ଆସିବୁ । ଏହା ଦେଶର ଅତ୍ମନିର୍ଭରଶୀଳତା ବୃଦ୍ଧି କରିବ । ଡିପ୍-ଟେକ୍ ଟେକ୍ନୋଲୋଜୀ ଅର୍ଥାତ ବାୟୋଟେକ, କ୍ୱାଣ୍ଟମ୍, କମ୍ପ୍ୟୁଟରିଂ, ଏଆଇ ରୋବଟିକ୍ସ, ଆଡଭାନ୍ସ ମେଟେରିଅଲ, ଗ୍ରୀନ ଏନର୍ଜୀ, ଏରୋସ୍ପେଶ ଭଳି ଉଳି ଉଦ୍ୟୋଗକୁ ସହାୟତା ଯୋଗାଇବ ।

ସେପଟେ କେବଳ ସାମରିକ କ୍ଷମତା ବୃଦ୍ଧି ନୁହେଁ, ସରକାର ସାମରିକ ବିଭାଗ ପାଇଁ ବ୍ୟୟ ଅଟକଳ ମଧ୍ୟ ବୃଦ୍ଧି କରିଛନ୍ତି । ଗତ ବଜେଟରେ ସାମରିକ ବିକାଶ ପାଇଁ ସରକାର ୬.୦୨ ଲକ୍ଷ କୋଟି ଟଙ୍କା ବ୍ୟୟ ଅଟକଳ କରିଥିବା ବେଳେ ଚଳିତ ବର୍ଷ ବଜେଟରେ ଏହାକୁ ସାମାନ୍ୟ ବୃଦ୍ଧି କରି ୬.୨୦ ଲକ୍ଷ କୋଟି ଟଙ୍କା କରିଛନ୍ତି । ଯାହା କି, ଗତବର୍ଷ ତୁଳନାରେ ୩.୪ ପ୍ରତିଶତ ବୃଦ୍ଧି କରିଛନ୍ତି । ଏହି ବୃଦ୍ଧି ଅର୍ଥରେ କର୍ମଚାରୀଙ୍କ ଦରମା ବୃଦ୍ଧି, ପେନସନ୍ ବୃଦ୍ଧି, ରିସର୍ଚ୍ଚ ଏବଂ ବିକାଶରେ ଅର୍ଥ ଖର୍ଚ୍ଚ କରାଯିବ ।

The post ଡିଫେନ୍ସ ବଜେଟକୁ ନେଇ ଅର୍ଥମନ୍ତ୍ରୀଙ୍କ ଘୋଷଣା । ଜାଣନ୍ତୁ ଗତ ବଜେଟ୍ ତୁଳନାରେ ଚଳିତ ବଜେଟରେ ସାମରିକ ବ୍ୟୟ ଅଟକଳ କେତେ ପ୍ରତିଶତ ବୃଦ୍ଧି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନିର୍ବାଚନ ପୂର୍ବରୁ ନୂଆ ସଂସଦ ଭବନରେ ମୋଦୀ ସରକାର ୨.୦ର ଶେଷ ବଜେଟ ଉପସ୍ଥାପନ କରିଛନ୍ତି । ନିର୍ମଳା ସୀତାରମଣ ନିଜ କାର୍ଯ୍ୟକାଳର ଶେଷ ବଜେଟ ଉପସ୍ଥାପନ କରିଛନ୍ତି । ଏହା ଅନ୍ତରୀଣ ବଜେଟ, ହେଲେ ସାଧାରଣ ଲୋକ ଏହି ବଜେଟ ଉପରେ ଅଧିକ ଆଶା ରଖିଥିଲେ । ମହିଳା, ଯୁବକ ଓ ଚାଷୀଙ୍କ ଉପରେ ଏହି ବଜେଟ ଅଧିକ ଗୁରୁତ୍ୱ ଦେଇଛି । ୫୭ ମିନିଟରେ ଅର୍ଥମନ୍ତ୍ରୀ ଦେଶର ଅର୍ଥ ବ୍ୟବସ୍ଥାକୁ ଜନତାଙ୍କ ସାମ୍ନାରେ ରଖିଥିଲେ । ତେବେ ଆସନ୍ତୁ ନଜର ପକାଇବା କେଉଁ ଯୋଜନା ପାଇଁ କେତେ ଟଙ୍କା ଘୋଷଣା ହୋଇଛି ।

କେଉଁ ଯୋଜନା ପାଇଁ କେତେ ଟଙ୍କା?
ପିଏମ୍ ସ୍ୱାସ୍ଥ୍ୟ ସୁରକ୍ଷା ଯୋଜନା – ୨୪୦୦ କୋଟି
ପିଏମ୍ ଆବାସ ଯୋଜନା – ୮୦,୬୭୧ କୋଟି
ଜଳଜୀବନ ମିଶନ – ୭୦,୧୬୩ କୋଟି
ୟୁରିଆ ସବସିଡି – ୧,୬୪,୦୦୦ କୋଟି
ମନରେଗା – ୮୬,୦୦୦ କୋଟି
ଆୟୁଷ୍ମାନ ଭାରତ – ୭,୫୦୦ କୋଟି
ପିଏମ୍ କୃଷି ସିଞ୍ଚନ ଯୋଜନା -୧୧,୩୯୧ କୋଟି

The post ଉପସ୍ଥାପନ ହେଲା ଅନ୍ତରୀଣ ବଜେଟ୍: ପଢନ୍ତୁ, କେଉଁ ଯୋଜନା ପାଇଁ ଘୋଷଣା ହେଲା କେତେ ଟଙ୍କା first appeared on Kanak News.

from Kanak News
via <a href="https://ifttt.com/?

ଭାରତକୁ  ବିରୋଧ କରିବା ବର୍ତ୍ତମାନ ମାଲଦ୍ୱୀପ ମହମ୍ମଦ ମୁଇଜୁ ସରକାରଙ୍କୁ ପ୍ରତ୍ୟେକ ଦିଗରୁ ଭାରୀ ପଡ଼ିଲାଣି । ଅର୍ଥନୈତିକ ସାମ୍ମୁଖ୍ୟରେ ଏକ ବଡ଼ ଅସୁବିଧାର ସମ୍ମୁଖୀନ ହେବା ପରେ ବର୍ତ୍ତମାନ ମହମ୍ମଦ ମୁଇଜୁଙ୍କ ନିଜ ସରକାର ଉପରେ ସଙ୍କଟ ଦେଖାଦେଇଛି । ଚୀନ୍‌ର ସମର୍ଥନ ସେମାନଙ୍କୁ ଭାରତ ସହିତ ପ୍ରତିଦ୍ୱନ୍ଦ୍ୱିତା କରିବାରେ ସାହାଯ୍ୟ କରିପାରେ କିନ୍ତୁ ଘରୋଇ ମାଟିରେ ଏସବୁକୁ ସାମ୍ନା କରିବା ତାଙ୍କ ପାଇଁ ସହଜ ହେବ ନାହିଁ ।       ମାଲଦ୍ୱୀପର ମହମ୍ମଦ ମୁଇଜୋ ସରକାରଙ୍କ ସମସ୍ୟା ଦିନକୁ ଦିନ ବଢିବାରେ ଲାଗିଛି । ଦେଶର ପରିସ୍ଥିତି ଏପରି ହୋଇଛି ଯେ ସେମାନଙ୍କ ସରକାର ଯେ କୌଣସି ସମୟରେ ଭାଙ୍ଗି ଯାଇପାରେ । ଏହା ଠିକ୍ ସମୟକୁ ଅପେକ୍ଷା କରିଛି ବୋଲି ବିରୋଧୀ ଦର୍ଶାଇଛନ୍ତି । ସମୟ ଆସିଲେ ମହମ୍ମଦ ମୁଇଜୁ ସରକାରଙ୍କ ବିରୋଧରେ ଏକ ଅବିଶ୍ୱାସ ପ୍ରସ୍ତାବ ଅଣାଯିବ। ବାସ୍ତବରେ ମହମ୍ମଦ ମୁଇଜୁ ସରକାରଙ୍କ ସହ ମତଭେଦ ହେତୁ ରବିବାର ଦିନ ଶାସକ ଦଳ ଏବଂ ବିରୋଧୀ ସାଂସଦଙ୍କ ମଧ୍ୟରେ ସଂସଦରେ ସଂଘର୍ଷ ହୋଇଥିଲା ।

ସଂସଦରେ ସଂଘର୍ଷ ପରେ ବିରୋଧୀମାନେ ଲଗାତାର ମହମ୍ମଦ ମୁଇଜୁ ସରକାର ଉପରେ ଆକ୍ରମଣ କରୁଛନ୍ତି। ମୁଖ୍ୟ ବିରୋଧୀ ଦଳ ମାଲଦ୍ୱୀପ ଡେମୋକ୍ରାଟିକ୍ ପାର୍ଟି (MDP) ମହମ୍ମଦ ମୁଇଜୁଙ୍କ ବିରୋଧରେ ଅବିଶ୍ବାସ ପ୍ରସ୍ତାବ ପାଇଁ କାର୍ଯ୍ୟ କରୁଛନ୍ତି । ସଂସଦରେ ଉତ୍ତେଜନା ପରେ ଏହି ଯୋଜନା କରାଯାଇଛି । ପ୍ରକାଶ ଯେ, ଡେମୋକ୍ରାଟ୍ସଙ୍କ ସହ ମାଲଦ୍ୱୀପ ଡେମୋକ୍ରାଟ୍ ପାର୍ଟି ଏହି ପ୍ରସ୍ତାବ ପାଇଁ ଆବଶ୍ୟକ ସମର୍ଥନ ହାସଲ କରିଛି । ଏହା ପରେ ବର୍ତ୍ତମାନ ବିରୋଧୀଙ୍କ ଏକତାକୁ ଦୃଷ୍ଟିରେ ରଖି ମହମ୍ମଦ ମୁଇଜୁ ସରକାରଙ୍କ ପାଇଁ ଏହି ସଙ୍କଟ ଦୂର କରିବା ସହଜ ହେବ ନାହିଁ ବୋଲି ଆଶଙ୍କା କରାଯାଉଛି ।

ବିରୋଧୀଦଳ ପ୍ରଧାନମନ୍ତ୍ରୀ ମୋଦୀଙ୍କୁ କ୍ଷମା ମାଗିବାକୁ ପରାମର୍ଶ ଦେଇଛନ୍ତି

ମାଲଦ୍ୱୀପ ବିରୋଧୀ ଦଳର ନେତାମାନେ ବର୍ତ୍ତମାନ ରାଷ୍ଟ୍ରପତି ମହମ୍ମଦ ମୁଇଜୁଙ୍କୁ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିକଟରେ କ୍ଷମା ମାଗିବାକୁ ପରାମର୍ଶ ଦେଇଛନ୍ତି । ମାଲଦ୍ୱୀପ ଜାମହରି ପାର୍ଟି ନେତା କାସିମ ଇବ୍ରାହିମ ମହମ୍ମଦ ମୁଇଜୁଙ୍କୁ କହିଛନ୍ତି ଯେ ସେ ଭାରତ ସହ ସମ୍ପର୍କକୁ ସୁଦୃଢ କରିବାକୁ ଚେଷ୍ଟା କରିବା ଉଚିତ । ସେ କହିଛନ୍ତି ଯେ ଚୀନ୍ ଗସ୍ତ ପରେ ଦେଇଥିବା ବିବୃତ୍ତି ପାଇଁ ରାଷ୍ଟ୍ରପତି ଭାରତ ଏବଂ ପ୍ରଧାନମନ୍ତ୍ରୀ ମୋଦୀଙ୍କୁ କ୍ଷମା ମାଗିବା ଉଚିତ, କାରଣ ଏହା କେବଳ ମାଲଦ୍ୱୀପକୁ କ୍ଷତି ପହଞ୍ଚାଇବ ।

ଭାରତ ସହିତ ମାଲଦ୍ୱୀପର ସମ୍ପର୍କ କିପରି ଖରାପ ହେଲା ?

ମାଲଦ୍ୱୀପରେ ସରକାର ଗଠନ ହେବା ମାତ୍ରେ ଚୀନ୍ ସମର୍ଥକ ମହମ୍ମଦ ମୁଇଜୁ ଭାରତ ସହ ତାଙ୍କ ସମ୍ପର୍କ ପ୍ରତି କଠୋର ମନୋଭାବ ଦେଖାଇବା ଆରମ୍ଭ କରିଥିଲେ। ସର୍ବପ୍ରଥମେ ସେ ଭାରତକୁ ନିଜର ସେନାବାହିନୀ ପ୍ରତ୍ୟାହାର କରିବାକୁ କହିଥିଲେ । ଏହା ପରେ ପ୍ରଧାନମନ୍ତ୍ରୀ ମୋଦୀ ଲକ୍ଷାଦ୍ୱୀପ ଗସ୍ତ ପରେ ମାଲଦ୍ୱୀପ ସହ ତୁଳନା କରିବା ଏବଂ ମହମ୍ମଦ ମୁଇଜୁଙ୍କ ମନ୍ତ୍ରୀମାନଙ୍କ ବକ୍ତବ୍ୟ ଏହି ଉତ୍ତେଜନାକୁ  ଆହୁରି ବଢାଇ ଦେଇଥିଲା ।  ଏହି କାରଣରୁ ଭାରତୀୟମାନଙ୍କ ମାଲଦ୍ୱୀପ ଯାତ୍ରା ବାତିଲ ହେତୁ ମାଲଦ୍ୱୀପକୁ ବିପୁଳ ଆର୍ଥିକ କ୍ଷତି ସହିବାକୁ ପଡିଲା । ଏହା ବ୍ୟତୀତ ଚୀନ୍ ଗୁପ୍ତଚର ଜାହାଜ ମାଲଦ୍ୱୀପ ଗସ୍ତକୁ ନେଇ ଦୁଇ ଦେଶ ମଧ୍ୟରେ ତିକ୍ତତା ଆହୁରି ବଢିଛି ।

 

The post ଯେ କୌଣସି ମୁହୂର୍ତ୍ତରେ ଭାଙ୍ଗିପାରେ ମୁଇଜୁ ସରକାର : ବିରୋଧୀ କେତେ ଶକ୍ତିଶାଳୀ ତାହା ଜାଣନ୍ତୁ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ନିର୍ବାଚନୀ ବର୍ଷରେ ଅର୍ଥମନ୍ତ୍ରୀ ନିର୍ମଳା ସୀତାରଣ ଶେଷ ଅନ୍ତରୀଣ ବଜେଟ ଉପସ୍ଥାପନ କରିଛନ୍ତି । ଚଳିତ ବଜେଟରେ ସରକାର କିଛି ବଡ ଘୋଷଣା କରିଛନ୍ତି ନା କରଦାତାଙ୍କୁ କିଛି ଖୁସି ଖବର ଦେଇଛନ୍ତି ।

ଚଳିତ ବଜେଟ ଉପସ୍ଥାପନ ବେଳେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୪୨ ଥର ଟ୍ୟାକ୍ସ ଶବ୍ଦ ଉଚାରଣ କରିଛନ୍ତି । ହେଲେ ମଧ୍ୟବିତ୍ତଙ୍କ କର ଛାଡ କଥା କେବେ ବି କହିନାହାଁନ୍ତି   । ଏହାସହ କର ଛାଡ ନେଇ ମଧ୍ୟ ବଜେଟ ଉପସ୍ଥାପନ ବେଳେ ଅର୍ଥମନ୍ତ୍ରୀ କିଛି ଆଲୋଚନା କରିନାହାଁନ୍ତି । ଯଦି ମଧ୍ୟବିତମାନେ କର ଛାଡ ନେଇ କିଛି ଆଶା ରଖିଛନ୍ତି ତେବେ ତାହା ୨୦୨୪ ଜୁଲାଇ ମାସରେ ପୂରଣ ହୋଇପାରେ । କାରଣ ନୂଆ ସରକାର ଆସିବା ପରେ ଜୁଲାଇମାସରେ ବଜେଟ ଅଧିବେଶନ ବସିବ ଓ ସେଥିରେ ସରକାର ମଧ୍ୟବିତଙ୍କୁ କରଛାଡ ନେଇ କିଛି ଘୋଷଣା କରିପାରନ୍ତି । ଏବେ ୫ ଲକ୍ଷ ଟଙ୍କା ଆୟ ଉପରେ ଆୟଦାତାଙ୍କୁ କରଦେବାକୁ ପଡୁଛି ।

The post ବଜେଟରେ ୪୨ ଥର ଟ୍ୟାକ୍ସ ଶବ୍ଦ ଉଚାରଣ କଲେ ଅର୍ଥମନ୍ତ୍ରୀ । ହେଲେ କରାଦାତାଙ୍କୁ ଦେଲେ ନାହିଁ ଖୁସି ଖବର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନିର୍ବାଚନ ପୂର୍ବରୁ ନୂଆ ସଂସଦ ଭବନରେ ମୋଦୀ ସରକାର ୨.୦ର ଶେଷ ବଜେଟ ଉପସ୍ଥାପନ କରିଛନ୍ତି । ନିର୍ମଳା ସୀତାରମଣ ନିଜ କାର୍ଯ୍ୟକାଳର ଶେଷ ବଜେଟ ଉପସ୍ଥାପନ କରିଛନ୍ତି । ଏହା ଅନ୍ତରୀଣ ବଜେଟ, ହେଲେ ସାଧାରଣ ଲୋକ ଏହି ବଜେଟ ଉପରେ ଅଧିକ ଆଶା ରଖିଥିଲେ । ମହିଳା, ଯୁବକ ଓ ଚାଷୀଙ୍କ ଉପରେ ଏହି ବଜେଟ ଅଧିକ ଗୁରୁତ୍ୱ ଦେଇଛି । ୫୭ ମିନିଟରେ ଅର୍ଥମନ୍ତ୍ରୀ ଦେଶର ଅର୍ଥ ବ୍ୟବସ୍ଥାକୁ ଜନତାଙ୍କ ସାମ୍ନାରେ ରଖିଥିଲେ ।

ତେବେ ଏହି ଅନ୍ତରୀଣ ବଜେଟରେ କଣ ମୁଖ୍ୟ ଜିନିଷ ରହିଥିଲା ଆସନ୍ତୁ ତାହାର ଗୁରୁତ୍ୱପୂର୍ଣ୍ଣ ପଏଣ୍ଟ ଉପରେ ନଜର ପକାଇବା ।
ଆୟକର
ବଜେଟରେ ଆୟକର ଛାଡ ସୀମା ଅପରିବର୍ତ୍ତିତ
ନୂଆ ବ୍ୟବସ୍ଥାରେ ୭ ଲକ୍ଷ ଯାଏଁ ନାହିଁ ଆୟକର
ଟିକସ ରିହାତି ପାଇଁ ଜୁଲାଇ ଯାଏଁ ଅପେକ୍ଷା କରିବାକୁ ପଡିବ
ଜୁଲାଇରେ ପୂର୍ଣ୍ଣାଙ୍ଗ ବଜେଟ ବେଳେ ମିଳିପାରେ ଟିକସ ରିହାତି
ଡାଇରେକ୍ଟ ଓ ଡାଇରେକ୍ଟ ଟ୍ୟାକ୍ସ ଅପରିବର୍ତ୍ତିତ

ପର୍ଯ୍ୟଟନ
ପର୍ଯ୍ୟଟନକୁ ପ୍ରୋତ୍ସାହନ ଦେବାକୁ ରାଜ୍ୟଗୁଡିକୁ ବିନା ସୁଧରେ ଦିଆଯିବ ଋଣ
ଲକ୍ଷାଦୀପ ପର୍ଯ୍ୟଟନର ଉନ୍ନତୀକରଣ ପାଇଁ ଋଣ ପ୍ରଦାନ କରାଯିବ
ବର୍ଦ୍ଧିତ ଲୋକ ସଂଖ୍ୟା ଆବଶ୍ୟକତାକୁ ପୂରଣ କରିପାରିବ କାର୍ଯ୍ୟକାରୀ ହୋଇଥିବା ଅର୍ଥବ୍ୟବସ୍ଥା

ରେଳ
ଆରମ୍ଭ ହେବ ୩ଟି ରେଳ କରିଡର
ବନ୍ଦେ ଭାରତ ପାଇଁ ନିର୍ମାଣ ହେବ ୪୦ ହଜାର ବଗି
ରେଲୱେକୁ ସମୁଦ୍ର ମାର୍ଗରେ ଯୋଡିହାକୁ ଯୋଜନା

ସ୍ୱାସ୍ଥ୍ୟ
ଆୟୁଷ୍ମାନଭାରତରେ ସାମିଲ ହେବେ ସବୁ ଆଶାକର୍ମୀ ଓ ଅଙ୍ଗନବାଡି କର୍ମୀ
ସର୍ଭିକାଲ କ୍ୟାନ୍ସର ପାଇଁ ୯ରୁ ୧୪ ବର୍ଷ ବାଳିକାଙ୍କର ହେବ ମାଗଣା ଟିକାକରଣ
ସବୁ ଜିଲ୍ଲାରେ ହସ୍ପିଟାଲ ନିର୍ମାଣ କରିବା ରହିଛି ସରକାରଙ୍କ ଲକ୍ଷ୍ୟ

ଗୃହ ନିର୍ମାଣ
ମଧ୍ୟବିତ୍ତଙ୍କ ପାଇଁ ଗୃହ ନିର୍ମାଣ ଯୋଜନା
ପିଏମ ଆୱାସ ଯୋଜନାରେ ନିର୍ମାଣ ହେବ ୨ କୋଟି ଘର
ପୂର୍ବରୁ ଶେଷ ହୋଇଛି ୩ କୋଟି ଘର ନିର୍ମାଣ

କୃଷି
କୃଷିକୁ ପ୍ରୋତ୍ସାହିତ କରିବା ପାଇଁ କୃଷି କ୍ଷେତ୍ରରେ ଉଭୟ ଘରୋଇ ଏବଂ ସରକାରୀ ନିବେଶ କରାଯିବ
ଦୁଗ୍ଧ ଉତ୍ପାଦନରେ ମିିଳିବ ପ୍ରତ୍ସାହନ
ପିଏମ ଫସଲ ବୀମା ଯୋଜନା ମାଧ୍ୟମରେ ୪ କୋଟି କୃଷକଙ୍କୁ ମିଳିବ ଋଣ
ପିଏମ ମତ୍ସ୍ୟ ସମ୍ପଦ ଯୋଜନାକୁ ପ୍ରୋତ୍ସାହନ

ଶିକ୍ଷା
ଜାତୀୟ ଶିକ୍ଷା ନୀତି ଜରିଆରେ ଶିକ୍ଷାକୁ ଅଧିକ ଉପାଦେୟ କରାଯାଇଛି
୭ଟି ଆଇଆଇଟି, ୧୬ଟି ଟ୍ରିପଲ ଆଇଟି ୭ଟି ଆଇଆଇଏନ ପ୍ରତିଷ୍ଠା ହୋଇଛି
୧୩ଟି ଏମଏସ ଓ ୩୯୦ଟି ବିଶ୍ୱ ବିଦ୍ୟାଳୟ ପ୍ରତିଷ୍ଠା କରାଯାଇଛି

ବିକଶିତ ହେବ ଭାରତ
୨୦୪୭ ସୁଦ୍ଧା ଭାରତକୁ ବିକଶିତ ଦେଶ କରିବା ଲକ୍ଷ୍ୟ
ଗରିବ, ମହିଳା, କୃଷକ ଓ ଯୁବପିଢିଙ୍କ ଉପରେ ଦିଆଯିବ ଗୁରୁତ୍ୱ
ଗରିବ କଲ୍ୟାଣ ଦେଶର କଲ୍ୟାଣ
୨୫ କୋଟି ଲୋକଙ୍କ ଦାରିଦ୍ୟ ଦୂର ହୋଇଛି
ସମସ୍ତଙ୍କୁ ଶସକ୍ତ କରିବାର ପ୍ରୟାସ ଜାରି ରହିଛି
୮୦ କୋଟି ଲୋକଙ୍କୁ ମାଗଣା ରାସନ ମିଳୁଛି
୧ କୋଟ ଘରକୁ ୩ ଶହ ୟୁନିଟ ବିଜୁଳି ଯୋଗାଣ ଯୋଜନା
ରୁଫ୍ ଟଫ୍ ସୋଲାର ସିଷ୍ଟମ ଜରିଆରେ ହେବ ବିଜୁଳି ଯୋଗାଣ

The post ବଜେଟର ଗୁରୁତ୍ୱପୂର୍ଣ୍ଣ ପଏଣ୍ଟ : ପଢନ୍ତୁ ଅନ୍ତରୀଣ ବଜେଟରେ କାହାକୁ ଦିଆଗଲା ଗୁରୁତ୍ୱ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଅନ୍ତରୀଣ ବଜେଟରେ ଟିକସ ହାରରେ କୌଣସି ପରିବର୍ତ୍ତନ କରିନାହାନ୍ତି। ଆମଦାନୀ ଶୁଳ୍କ ସମେତ ପ୍ରତ୍ୟକ୍ଷ ତଥା ପରୋକ୍ଷ ଟିକସ ହାର ଅପରିବର୍ତ୍ତିତ ରଖିଛନ୍ତି।

ତେବେ କେନ୍ଦ୍ର ଅର୍ଥମନ୍ତ୍ରୀ ୨୦୨୪-୨୫ ଆର୍ଥିକ ବର୍ଷ ପାଇଁ ତାଙ୍କ ମଧ୍ୟବର୍ତ୍ତୀ ବଜେଟରେ ଟିକସଦାତାଙ୍କୁ କିଛି ରିହାତି ପ୍ରଦାନ କରିଛନ୍ତି। ଅର୍ଥମନ୍ତ୍ରୀ ତାଙ୍କ ଅଭିଭାଷଣରେ କହିଛନ୍ତି: ଅନେକ କ୍ଷୁଦ୍ର, ଯାଞ୍ଚ ହୋଇନଥିବା, କିମ୍ବା ବିବାଦୀୟ ପ୍ରତ୍ୟକ୍ଷ ଟିକସ ଦାବି ରହିଛି, ସେମାନଙ୍କ ମଧ୍ୟରୁ ଅନେକ ୧୯୬୨ ମସିହାରୁ ସରକାରୀ ହିସାବରେ ଗଡି ଚାଲୁଛି। ସଚ୍ଚୋଟ କରଦାତାମାନଙ୍କ ପାଇଁ ଏହା ଚିନ୍ତାର କାରଣ ଏବଂ ପରବର୍ତ୍ତୀ ବର୍ଷଗୁଡିକର ରିଟର୍ଣ୍ଣରେ ବାଧା ସୃଷ୍ଟି କରୁଛି । ୨୦୦୯-୧୦ ଆର୍ଥିକ ବର୍ଷ ପର୍ୟ୍ୟନ୍ତ ପଚିଶ ହଜାର ହଜାର ଟଙ୍କା (୨୫,୦୦୦) ପର୍ୟ୍ୟନ୍ତ ଏବଂ ୨୦୧୦-୧୧ ରୁ ୨୦୧୪-୧୫ ଆର୍ଥିକ ବର୍ଷ ପାଇଁ ଦଶ ହଜାର ଟଙ୍କା (୧୦,୦୦୦) ପର୍ୟ୍ୟନ୍ତ ଏହିପରି ବକେୟା ପ୍ରତ୍ୟକ୍ଷ ଟିକସ ଦାବି ପ୍ରତ୍ୟାହାର କରିବାକୁ ମୁଁ ପ୍ରସ୍ତାବ ଦେଇଛି । ଏହା ପ୍ରାୟ ଏକ କୋଟି ଟିକସଦାତା ଲାଭବାନ ହେବ ବୋଲି ଆଶା କରାଯାଉଛି ବୋଲି ସୀତରାମଣ କହିଛନ୍ତି।

ଗତ ବଜେଟରେ ନିର୍ମଳା ସୀତାରମଣ ମଧ୍ୟବିତ୍ତଙ୍କ ପାଇଁ ବ୍ୟକ୍ତିଗତ ଆୟକର ଉପରେ ପାଞ୍ଚଟି ପ୍ରମୁଖ ଘୋଷଣା କରିଥିଲେ। ସେ ଏହା ମଧ୍ୟ କହିଛନ୍ତି ଯେ ନୂତନ ଟିକସ ବ୍ୟବସ୍ଥା ଲାଗୁଥିବା ବେଳେ ଟିକସଦାତାମାନେ ପୁରୁଣା ବ୍ୟବସ୍ଥାକୁ ମଧ୍ୟ ଚୟନ କରିପାରିବେ। ଅନ୍ତରୀଣ ବଜେଟ୍ରେ ସୀତାରମଣ ନୂତନ ଟିକସ ବ୍ୟବସ୍ଥାରେ ରିହାତି ସୀମାକୁ ୫ ଲକ୍ଷରୁ ୭ ଲକ୍ଷ ଟଙ୍କାକୁ ବୃଦ୍ଧି କରିବାକୁ ସୀତାରମଣ ପ୍ରସ୍ତାବ ଦେଇଛନ୍ତି। ଯଦି କୌଣସି ବ୍ୟକ୍ତି ନୂତନ ଟିକସ ବ୍ୟବସ୍ଥା ପାଇଁ ଚୟନ କରିଛନ୍ତି, ତେବେ ତାଙ୍କୁ ବାର୍ଷିକ ଆୟ ୭ ଲକ୍ଷ ଟଙ୍କା ପର୍ୟ୍ୟନ୍ତ ଟିକସ ଦେବାକୁ ପଡିବ ନାହିଁ ।

The post ଟିକସ ହାର ଅପରିବର୍ତ୍ତିତ, ଆୟକର ୨୦୨୪-୨୫ ପାଇଁ ନୂଆ ଟାକ୍ସ ସ୍ଲାବ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆସିଲା ଅନ୍ତରୀଣ ବଜେଟ୍ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ସଂସଦରେ ଚଳିତ ବର୍ଷର ଅନ୍ତରୀଣ ବଜେଟ୍ ଉପସ୍ଥାପନ କରିଛନ୍ତି । ବଜେଟ୍ ଉପସ୍ଥାପନ ବେଳେ ସରକାରଙ୍କ ବିଭିନ୍ନ ଯୋଜନା ଓ କାର୍ଯ୍ୟକ୍ରମର ପ୍ରଂଶସା କରିବା ସହିତ ଆଗାମୀ ଜୁଲାଇ ମାସରେ ତାଙ୍କ ସରକାର ପୂର୍ଣ୍ଣ ବଜେଟ୍ ସହିତ ବିକଶିତ ଭାରତର ରୋଡମ୍ୟାପ୍ ପ୍ରସ୍ତୁତ କରିବ ବୋଲି କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଖାଲି ସେତିକି ନୁହେଁ, ଏଥର ବଜେଟରେ ଆୟକର ସ୍ଲାବରେ ମଧ୍ୟ କୌଣସି ପରିବର୍ତ୍ତନ କରାଯାଇନାହିଁ । ଆୟକର ଛାଡ ସୀମା ଅପରିବର୍ତ୍ତିତ ରହିଛି ଅର୍ଥାତ ୭ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରୁଥିବା ନାଗରିଙ୍କୁ ଏଣିକି କୌଣସି ଟ୍ୟାକ୍ସ ଦେବାକୁ ପଡିବ ନାହିଁ । ତେବେ ଏହାରି ଭିତରେ ନଜର ପକାନ୍ତୁ, ଏଥର ଅନ୍ତରୀଣ ବଜେଟରେ କେଉଁ ମନ୍ତ୍ରାଳୟକୁ ମିଳିଲା କେତେ ଟଙ୍କା?

କେଉଁ ମନ୍ତ୍ରାଳୟକୁ ମିଳିଲା କେତେ ଟଙ୍କା?

• ପ୍ରତିରକ୍ଷା ମନ୍ତ୍ରାଳୟ – ୬.୨ ଲକ୍ଷ କୋଟି
• ସଡକ ପରିବହନ ଓ ରାଜମାର୍ଗ ମନ୍ତ୍ରାଳୟ – ୨.୭୮ ଲକ୍ଷ କୋଟି
• ରେଳ ମନ୍ତ୍ରାଳୟ – ୨.୫୫ ଲକ୍ଷ କୋଟି
• ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ – ୨.୧୩ ଲକ୍ଷ କୋଟି
• ଗୃହ ମନ୍ତ୍ରାଳୟ – ୨.୦୩ ଲକ୍ଷ କୋଟି
• ଗ୍ରାମୀଣ ବିକାଶ ମନ୍ତ୍ରାଳୟ – ୧.୭୭ ଲକ୍ଷ କୋଟି
• ରସାୟନ ଏବଂ ଉର୍ବରକ ମନ୍ତ୍ରାଳୟ – ୧.୬୮ ଲକ୍ଷ କୋଟି
• ସୂଚନା ମନ୍ତ୍ରାଳୟ – ୧.୩୭ ଲକ୍ଷ କୋଟି
• କୃଷି ଏବଂ କୃଷକ କଲ୍ୟାଣ ମନ୍ତ୍ରାଳୟ – ୧.୨୭ ଲକ୍ଷ କୋଟି

The post ଆସିଲା ଅନ୍ତରୀଣ ବଜେଟ୍ । କେଉଁ ମନ୍ତ୍ରାଳୟକୁ ମିଳିଲା କେତେ ଟଙ୍କା? ପଢନ୍ତୁ, ସମ୍ପୂର୍ଣ୍ଣ ତଥ୍ୟ…. first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସରକାର ଦେଶରେ ମହିଳା ବିକାଶ ପାଇଁ ଏକାଧିକ ଯୋଜନା ହାତକୁ ନେଇଛନ୍ତି ଏହି କ୍ରମରେ ଆସୁଛି ଲକ୍ଷପତି ଦିଦି ଯୋଜନା, ଯାହା ଅଧିନରେ ଆସନ୍ତା ୫ ବର୍ଷରେ ଦେଶର ୩ କୋଟି ମହିଳାଙ୍କୁ ଲକ୍ଷପତି ଦିଦି ବନାଇବାକୁ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।

ଏହି ଯୋଜନା ବିଶେଷ କରି ଗ୍ରାମୀଣ ମହିଳାଙ୍କୁ ଆର୍ଥିକ ଭାବେ ଆତ୍ମନିର୍ଭରଶୀଳ ଓ ସମୃଦ୍ଧ କରିବାକୁ ହୋଇଛି । ଏହି ଯୋଜନା ଅଧୀନରେ ମହିଳାମାନଙ୍କୁ ଦକ୍ଷତା ପ୍ରଶିକ୍ଷଣ ପ୍ରଦାନ କରାଯିବ ଯାହା ଦ୍ୱାରା ସେମାନେ ବାର୍ଷିକ ୧ ଲକ୍ଷ ଟଙ୍କାରୁ ଅଧିକ ରୋଜଗାର କରିପାରିବେ । ମହିଳା ସ୍ୱୟଂ ସହାୟକ ଗୋଷ୍ଠୀଙ୍କ ଜରିଆରେ ଏହି ଯୋଜନା କାର୍ୟ୍ୟକାରୀ କରାଯିବ । ଲକ୍ଷପତି ଦିଦି ତିଆରି କରିବା ପାଇଁ ମହିଳାମାନଙ୍କୁ ଅନେକ ପ୍ରକାର ପ୍ରଶିକ୍ଷଣ ଦିଆଯିବ । ଏଥିରେ ମହିଳା ସ୍ୱୟଂ ସହାୟକ ଗୋଷ୍ଠୀ (ଏସଏଚଜି)ଙ୍କୁ ଡ୍ରୋନ୍ ଯୋଗାଇ ଦିଆଯିବ ଏବଂ ସେମାନଙ୍କୁ ଡ୍ରୋନ୍ ପରିଚାଳନା ଓ ମରାମତି ପାଇଁ ପ୍ରଶିକ୍ଷଣ ମଧ୍ୟ ଦିଆଯିବ।

ଗତବର୍ଷ ନଭେମ୍ବର ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗଠିତ କ୍ୟାବିନେଟ୍ କମିଟି ଲଖପତି ଦିଦି ଯୋଜନାରେ ୧୨୬୧ କୋଟି ଟଙ୍କା ଖର୍ଚ୍ଚ କରି ୧୫ ହଜାର ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ଡ୍ରୋନ୍ ଯୋଗାଇଦେବାକୁ ନିଷ୍ପତ୍ତି ନେଇଥିଲା। ୨୦୨୪-୨୫ ଓ ୨୫-୨୬ ଆର୍ଥିକ ବର୍ଷରେ ମହିଳା ସ୍ବୟଂ ସହାୟକ ଗୋଷ୍ଠୀକୁ ୧୪,୫୦୦ ଡ୍ରୋନ୍ ଦେବାକୁ ବୈଠକରେ ନିଷ୍ପତ୍ତି ହୋଇଛି।

୨୦୨୩-୨୪ ଆର୍ଥିକ ବର୍ଷର ମାର୍ଚ୍ଚ ସୁଦ୍ଧା ସାର କମ୍ପାନିଗୁଡ଼ିକ ମହିଳା ସ୍ୱୟଂ ସହାୟକ ଗୋଷ୍ଠୀକୁ ୫୦୦ଡ୍ରୋନ୍ ଯୋଗାଇ ଦିଆଯିବ । ବିଶେଷ କରି କୀଟନାଶକ ଓ ସାର ସିଞ୍ଚନ ପାଇଁ ଏହି ଡ୍ରୋନକୁ କୃଷି କାର୍ୟ୍ୟରେ ବ୍ୟବହାର କରାଯିବ। ଏହି ଡ୍ରୋନକୁ କୃଷକମାନଙ୍କୁ ଭଡ଼ାରେ ଦିଆଯିବ, ଯେଉଁଥିରେ ମହିଳା ସ୍ୱୟଂ ସହାୟକ ଗୋଷ୍ଠୀ ରୋଜଗାର କରିବେ । କୃଷି କ୍ଷେତ୍ରରେ ଡ୍ରୋନ ବ୍ୟବହାର ପାଇଁ ଉପଯୁକ୍ତ ଅଞ୍ଚଳର ଆକଳନ ପାଇଁ ୧୫ ହଜାର ମହିଳା ସ୍ୱୟଂ ସହାୟକ ଗୋଷ୍ଠୀ ଚୟନ କରାଯାଇ ମିଳିତ ମହାସଂଘ (ସିଏଲଏଫ) ଗଠନ କରାଯିବ। ଗୋଟିଏ ଡ୍ରୋନର ମୂଲ୍ୟ ୧୦ ଲକ୍ଷ ଟଙ୍କା ଏବଂ ସରକାର ୮ ଲକ୍ଷ ଟଙ୍କା ଦେବେ। ଅବଶିଷ୍ଟ ୨ ଲକ୍ଷ ଟଙ୍କା ସିଏଲଏଫ ନ୍ୟାସନାଲ ଏଗ୍ରିକଲଚର ଇନଫ୍ରା ଫାଇନାନ୍ସିଂରୁ ନିଆଯିବ ।

ଡ୍ରୋନ୍ ପାଇଲଟଙ୍କୁ ମିଳିବ ମାସିକ ଭତ୍ତା
ସ୍ୱୟଂ ସହାୟକ ଗୋଷ୍ଠୀରେ ଦଶମ ଶ୍ରେଣୀ ପାସ୍ କରିଥିବା ୧୮ ବର୍ଷରୁ ଅଧିକ ବୟସ୍କ ମହିଳାଙ୍କୁ ଡ୍ରୋନ୍ ଉଡ଼ାଇବା ପାଇଁ ୧୫ ଦିନିଆ ତାଲିମ ଦିଆଯିବ। ପାଇଲଟ୍ ମହିଳାଙ୍କୁ ମାସିକ ୧୫ ହଜାର ଟଙ୍କା ମିଳିବ। ପାଇଲଟଙ୍କୁ ସହାୟତା କରିବା ପାଇଁ ଜଣେ କୋ-ପାଇଲଟ୍ ମଧ୍ୟ ରହିବେ, ଯାହାଙ୍କୁ ମାସିକ ୧୦ ହଜାର ଟଙ୍କା ଦିଆଯିବ। ସେହିପରି କିଛି ମହିଳାଙ୍କୁ ଡ୍ରୋନ୍ ମରାମତି ପାଇଁ ପ୍ରଶିକ୍ଷଣ ଦିଆଯିବ, ଯେଉଁମାନଙ୍କୁ ମାସକୁ ପାଞ୍ଚ ହଜାର ଟଙ୍କା ଦିଆଯିବ ବୋଲି ଯୋଜନା କରାଯାଇଛି ।

The post ଡ୍ରୋନ୍ ବଦଳାଇବ ମହିଳାଙ୍କ ଭାଗ୍ୟ । ପାଇଲଟ୍ ମହିଳାଙ୍କୁ ମାସିକ ମିଳିବ ୧୫,୦୦୦ ଟଙ୍କା: ମହିଳାଙ୍କୁ ସଶକ୍ତ କରିବାକୁ ସରକାରଙ୍କ ବିଶେଷ ଯୋଜନା first appeared on Kanak News.

from Kanak News
via <a href="https://ifttt.com/?