କନକ ବ୍ୟୁରୋ: କମିଶନରେଟ ପୁଲିସ ହାତରେ ଆପାର୍ଟମେଣ୍ଟଲୁଟେରା ଗ୍ୟାଙ୍ଗ । ୬ ରାଜ୍ୟ ପାଇଁ ଏମାନେ ଥିଲେ ମୋଷ୍ଟ ୱାଣ୍ଟେଡ୍ । ଗୁଜରାଟ, ଓଡ଼ିଶା, ୟୁପି, ଆନ୍ଧ୍ରପ୍ରଦେଶ, ଦିଲ୍ଲୀ, ମହାରାଷ୍ଟ୍ର, ରାଜସ୍ଥାନ ଅଞ୍ଚଳରେ ଆପାର୍ଟମେଣ୍ଟ ଲୁଟ୍ କରି ଖେଳାଇଥିଲେ ଆତଙ୍କ । ୨୩ ଡିସେମ୍ବରରେ ନିରୁପମା ଆପାର୍ଟମେଣ୍ଟରୁ ଲୁଟ୍ କରି ଚମ୍ପଟ ମାରିଥିଲେ ଏହି ଗ୍ୟାଙ୍ଗ । ୧୩ ଲକ୍ଷ ଟଙ୍କା ଚୋରି କରିନେଇଥିଲେ ଏହି ଗ୍ୟାଙ୍ଗ ।

ରାଜ୍ୟ ବାହାରୁ ଆସି ଏଠାରେ କରୁଥିଲେ ଲୁଟ୍ । ସୁରକ୍ଷା କମ୍ ଥିବା ଆପାର୍ଟମେଣ୍ଟକୁ କରୁଥିଲେ ଟାର୍ଗେଟ । ଲୁହା ଗ୍ରିଲ ବା ବାହାରୁ ତାଲା ପଡ଼ୁଥିବା ଘରେ ପଶି ୧୦ ମିନିଟରେ ବୁଲାଉଥିଲେ କଳାକନା । ପୂର୍ବରୁ ଏମାନେ ଗୁଜରାଟରେ ଧରାପଡ଼ିଥିଲେ । ଜେଲରେ ଅନ୍ୟ ରାଜ୍ୟର ଚୋରଙ୍କ ସହ ମିଶି ଗ୍ୟାଙ୍ଗ ତିଆରି କରିଥିଲେ । ଏହି ଲୁଟେରା ଶୋ ରୁମରୁ ନୂଆ ଗାଡ଼ି କିଣି ଫେରାର ହୋଇଯାଆନ୍ତି । ୨ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ ପୋଲିସ । ୨ ଲକ୍ଷ ନଗଦ ଟଙ୍କା, ମୋବାଇଲ ଫୋନ୍ ଏବଂ ଅପରାଧରେ ବ୍ୟବହୃତ ଗାଡ଼ି ଜବତ କରାଯାଇଛି ।

The post କମିଶନରେଟ ପୋଲିସ୍ ହାତରେ ଆପାର୍ଟମେଣ୍ଟ ଲୁଟେରା ଗ୍ୟାଙ୍ଗ । ଧରାପଡ଼ିଲେ ୨ ମୋଷ୍ଟ ୱାଣ୍ଟେଡ୍ । ୬ଟି ରାଜ୍ୟରେ ଥିଲେ ସକ୍ରିୟ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଯୋଧ୍ୟା ରାମ ମନ୍ଦିର ଉଦଘାଟନ କାର୍ୟ୍ୟକ୍ରମକୁ ନେଇ ସମଗ୍ର ଦେଶରେ ଉତ୍ସାହର ବାତାବରଣ ସୃଷ୍ଟି ହୋଇଛି। ଏହି କାର୍ୟ୍ୟକ୍ରମକୁ ସ୍ୱତନ୍ତ୍ର କରିବା ପାଇଁ ବିଭିନ୍ନ ପ୍ରସ୍ତୁତି ଚାଲିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶ୍ରୀରାମ ଜନ୍ମଭୂମି ମନ୍ଦିର ଉପରେ ଏକ ସ୍ମାରକୀ ଡାକଟିକଟ ଏବଂ ଭଗବାନ ରାମଙ୍କ ଉପରେ ଏକ ଡାକଟିକଟ ପୁସ୍ତକ ଉନ୍ମୋଚନ କରିଛନ୍ତି । ଏହି ଟିକଟରେ ରାମ ମନ୍ଦିର, ଚୌପାଇ ମଙ୍ଗଳ ଭବନ ଅମଙ୍ଗଲ ହରି, ସୂର୍ୟ୍ୟ, ସରଯୁ ନଦୀ ଏବଂ ମନ୍ଦିର ଓ ଏହାର ଆଖପାଖରେ ଥିବା ମୂର୍ତ୍ତିଗୁଡ଼ିକୁ ଦର୍ଶାଯାଇଛି।

ବିଭିନ୍ନ ସମାଜ ଉପରେ ଶ୍ରୀରାମଙ୍କ ଆନ୍ତର୍ଜାତିକ ଆକର୍ଷଣକୁ ପ୍ରଦର୍ଶିତ କରିବା ପାଇଁ ଏହି ଷ୍ଟାମ୍ପ ବୁକ୍ ଏକ ପ୍ରୟାସ। ୪୮ ପୃଷ୍ଠାର ଏହି ପୁସ୍ତକରେ ଆମେରିକା, ନ୍ୟୁଜିଲାଣ୍ଡ, ସିଙ୍ଗାପୁର, କାନାଡା, କାମ୍ବୋଡିଆ ଏବଂ ଜାତିସଂଘ ଭଳି ସଂଗଠନ ସମେତ ୨୦ରୁ ଅଧିକ ଦେଶ ଜାରି କରିଥିବା ଷ୍ଟାମ୍ପ ରହିଛି।

ଏହି ଡାକ ଟିକଟ ମଧ୍ୟ ପରବର୍ତ୍ତୀ ପିଢ଼ିକୁ ଚିନ୍ତାଧାରା, ଇତିହାସ ଏବଂ ଐତିହାସିକ ଘଟଣା ସମ୍ପର୍କରେ ଅବଗତ କରାଇବାର ଏକ ମାଧ୍ୟମ। ଯେତେବେଳେ ଡାକଟିକଟ ଜାରି କରାଯାଏ, ଯେତେବେଳେ କେହି ପଠାନ୍ତି, ସେ କେବଳ ଏକ ଚିଠି ପଠାନ୍ତି ନାହିଁ ବରଂ ଚିଠି ମାଧ୍ୟମରେ ଇତିହାସର ଏକ ଖଣ୍ଡ ଅନ୍ୟ ଜଣଙ୍କୁ ପଠାନ୍ତି । ଏହା କେବଳ ଏକ କାଗଜ ଖଣ୍ଡ ନୁହେଁ । ଏହା ମଧ୍ୟ ଇତିହାସ ପୁସ୍ତକ ଏବଂ ଐତିହାସିକ ମୁହୂର୍ତ୍ତର ଏକ ସଂକ୍ଷିପ୍ତ ରୂପ । ଯୁବପିଢ଼ି ମଧ୍ୟ ସେମାନଙ୍କଠାରୁ ଅନେକ କିଛି ଜାଣିବା ଓ ଶିଖିବାକୁ ପାଆନ୍ତି। ଏହି ଟିକଟଗୁଡ଼ିକରେ ରାମ ମନ୍ଦିରର ଏକ ଭବ୍ୟ ଚିତ୍ର ରହିଛି।

The post ପ୍ରଧାନମନ୍ତ୍ରୀ ମୋଦୀ ଜାରି କଲେ ରାମମନ୍ଦିର ଡାକ ଟିକଟ । ୪୮ ପୃଷ୍ଠାର ପୁସ୍ତକରେ ୨୦ ଦେଶର ଡାକଟିକଟ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପ୍ରବର୍ତ୍ତନ ନିର୍ଦ୍ଦେଶାଳୟର ଚତୁର୍ଥ ସମନରେ ବି ହାଜର ହେଲେନି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବରଂ ସେ ନିଜ ଜବାବରେ ଲେଖିଲେ, ଇଡିର ମୁଖ୍ୟ ଉଦ୍ଦେଶ୍ୟ ହେଉଛି ମୋତେ ଗିରଫ କରିବା । ସେହିପରି ଆପ୍ ମଧ୍ୟ କହିଛି ଯେ, ଇଡି ଜାଣିଶୁଣି କେଜ୍ରିୱାଲଙ୍କୁ ଲୋକସଭା ନିର୍ବାଚନରେ ପ୍ରଚାର କରିବାରୁ ରୋକିବାକୁ ଚେଷ୍ଟା କରୁଛି । ତା ବ୍ୟତୀତ ଖୋଦ୍ ଇଡି ନିଜ ଚାର୍ଜସିଟରେ କେଜ୍ରିୱାଲଙ୍କ ବିରୋଧରେ କୌଣସି ମାମଲା ନାହିଁ ବୋଲି ଉଲ୍ଲେଖ କରିଥିବାବେଳେ ବାରମ୍ବାର ତାଙ୍କୁ କାହିଁକି ସମନ୍ କରରାଯାଉଛି ବୋଲି ପ୍ରଶ୍ନ କରିଛି ।
ଏହାସହ ଆପ୍ ନେତା ଏହା ମଧ୍ୟ କହିଛନ୍ତି ଯେ, ଯିଏ ଭ୍ରଷ୍ଟ ସେମାନେ ବିଜେପିକୁ ପଳାଉଛନ୍ତି । ସେମାନଙ୍କ ବିରୋଧରେ ମାମଲା ଥିଲେ ବି ତଦନ୍ତ ହେଉନାହିଁ । କିନ୍ତୁ ଆପରେ କେହି ଭ୍ରଷ୍ଟ ନୋ ନାହାଁନ୍ତି ସେମାନଙ୍କୁ ବିଜେପିକୁ ମଧ୍ୟ ଯିବାର ନାହିଁ ।

The post ଇଡିର ଚତୁର୍ଥ ସମନରେ ବି ହାଜର ହେଲେନି କେଜ୍ରିୱାଲ । ଉତ୍ତରରେ ଲେଖିଲେ, ମୋତେ ଗିରଫ କରିବା ଏମାନଙ୍କର ମୁଖ୍ୟ ଉଦ୍ଦେଶ୍ୟ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପୂର୍ବତନ ଭାରତୀୟ ଅଧିନାୟକ ତଥା ଚେନ୍ନାଇ ସୁପର କିଙ୍ଗସର ଅଧିନାୟକ ମହେନ୍ଦ୍ର ସିଂ ଧୋନୀଙ୍କର ବଢିଲା ଅଡୁଆ । ଧୋନୀଙ୍କ ବିରୋଧରେ ତାଙ୍କର ୨ ପୂର୍ବତନ ବ୍ୟବସାୟୀ ସାଥୀ ଦିଲ୍ଲୀ ହାଇକୋର୍ଟରେ ମାନହାନି ମୋକଦ୍ଦମା ଦାୟର କରିଛନ୍ତି । ଆଜି ଏହି ମୋକଦ୍ଦମାର ଶୁଣାଣି ହେବ ।

ଧୋନୀଙ୍କର ୨ ପୁରୁଣା ବ୍ୟବସାୟୀ ସାଥୀ ମିହିର ଦିବାକର ଓ ତାଙ୍କ ପତ୍ନୀ ସୌମ୍ୟା ଦାସ ବିଭିନ୍ନ ସୋସିଆଲ ମିଡ଼ିଆର ବିଭିନ୍ନ ପ୍ଲାଟଫର୍ମ ବିରୋଧରେ ମାମଲା ଦାୟର କରିବା ସହ ଜରିମାନା ଆଦାୟ କରିବାକୁ ଦିଲ୍ଲୀ ହାଇକୋର୍ଟରେ ପହଞ୍ଚିଛନ୍ତି । ମିହିର କହିଛନ୍ତି ତାଙ୍କ ବିରୋଧରେ ଧୋନୀ ଯେଉଁ ବୟାନ ଦେଇଛନ୍ତି ତାହା ଦୁଭାଗ୍ୟପୂର୍ଣ୍ଣ । ଧୋନୀଙ୍କ ନାଁରେ ଯେଉଁ ମୋକଦ୍ଦମା ଦାୟର ହୋଇଛି ସେଥିରେ ଉଲ୍ଲେଖ ଅଛି ଯେ, ଯେଉଁ ୧୫ କୋଟି ଟଙ୍କାର ଲାଭ ଉଠାଇଥିବା ଧୋନୀ କହୁଛନ୍ତି ଏବଂ ୨୦୧୭ ଚୁକ୍ତି ଉଲ୍ଲଂଘନକୁ ନେଇ ଆସିଥିବା ଅଭିଯୋଗ ମିଛ । ଏଭଳି କରି ମିହିର ଓ ସୌମ୍ୟାଙ୍କୁ ବଦନାମ କରିବାକୁ ଯେଉଁ ପ୍ରୟାସ ଚାଲିଛି ତାହା ବନ୍ଦ ହେବା ଦରକାର ।

ଏହାପୂର୍ବରୁ ଧୋନୀଙ୍କ ପକ୍ଷରୁ ଦିବାକର ଓ ସୌମ୍ୟାଙ୍କ ନାଁରେ ଏକ ଅପରାଧିକ ମାମଲା ରୁଜ କରାଯାଇଥିଲା । ଏଥିରେ ଦର୍ଶାଯାଇଥିଲା ଯେ, ଉଭୟ ଦିବାକର ଓ ସୌମ୍ୟା କ୍ରିକେଟ ଏକାଡେମୀ ସ୍ଥାପନାକୁ ନେଇ ଯେଉଁ ଚୁକ୍ତି ହୋଇଥିଲା ତାହାକୁ ପାଳନ କରିନାହାନ୍ତି ଏବଂ ୧୫ କୋଟି ଟଙ୍କା ହେରଫେର କରିଛନ୍ତି । ଏନେଇ ଧୋନୀଙ୍କ ଓକିଲ ସ୍ପଷ୍ଟ କରିଥିଲେ । ମିହିର ଦିବାକର ବିଶ୍ୱର ବିଭିନ୍ନ ସ୍ଥାନରେ କ୍ରିକେଟ ଏକାଡେମୀ ଖୋଲିବାକୁ ୨୦୧୭ରେ ଧୋନୀଙ୍କ ସହ ଏକ ଚୁକ୍ତି କରିଥିଲେ । ତେବେ ପରବର୍ତ୍ତୀ ସମୟରେ ଦିବାକର ଚୁକ୍ତି ପାଳନ କରିନଥିଲେ । ଯାହାକୁ ନେଇ ୨୦୨୧ ଅଗଷ୍ଟ ୧୫ରେ ଦିବାକରଙ୍କ ସହ ହୋଇଥିବା ଚୁକ୍ତିରୁ ଓହରିଥିଲେ ଧୋନୀ । ତେବେ ଆରକେ ସ୍ପୋର୍ଟ୍ସ ପକ୍ଷରୁ ଯେଉଁଭଳି ହେରଫେର କରାଯାଇଥିଲା ସେଥିରେ ଧୋନୀଙ୍କର ୧୫ କୋଟି ଟଙ୍କା କ୍ଷତି ହୋଇଥିବା କହିଥିଲେ ତାଙ୍କର ଓକିଲ ।

The post ଧୋନୀଙ୍କ ପାଇଁ ବଢିଲା ଅଡୁଆ । ଦିଲ୍ଲୀ ହାଇକୋର୍ଟରେ ମାମଲା ଦାୟର କଲେ ପୁରୁଣା ବ୍ୟବସାୟିକ ବନ୍ଧୁ, ଜାଣନ୍ତୁ ପୂରା ଘଟଣା କଣ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଖଲିକୋଟରେ ଚୋରି ହୋଇଥିବା ଛୁଆ, ଭୁବନେଶ୍ୱରରୁ ହେଲା ଉଦ୍ଧାର । ଗତକାଲି ରାତିରେ ଚୋରି ହୋଇଥିବା ୯ମାସର କୁନି ପୁଅଟି ଭୁବନେଶ୍ୱର ସୁନ୍ଦରପଦା ଚଣ୍ଡିବଜାର ହାଇଟେକ ପ୍ଲାଜା ଅଞ୍ଚଳରୁ ଉଦ୍ଧାର ହୋଇଛି । ଶିଶୁକୁ ଚୋରି କରି ଆଣି ନିଜ ସମ୍ପର୍କୀୟଙ୍କ ଘରେ ଲୁଚି ରହିଥିଲେ ଅଭିଯୁକ୍ତ ମହିଳା ।

ଖଲ୍ଲିକୋଟ ପୋଲିସର ସ୍ୱତନ୍ତ୍ର ଟିମ୍ ଭୁବନେଶ୍ୱରରେ ପହଂଚି ଅଭିଯୁକ୍ତ ମହିଳାକୁ ଗିରଫ କରିଛି । ମହିଳା ଜଣଙ୍କ ଗଞ୍ଜାମ ଜିଲ୍ଲା ତାରସିଂ ଥାନା ରଙ୍ଗାମେରୁ ଗାଁର ପ୍ରଭାସୀନି ସାହୁ । ଅଭିଯୁକ୍ତ ମହିଳା ଶିଶୁ ଟିକୁ ବିକି ଦେବା ଉଦ୍ଦେଶ୍ୟରେ ଚୋରି କରି ଆଣିଥିବା ପ୍ରାଥମିକ ତଦନ୍ତରୁୁ ଜଣାପଡିଛି । ଗତକାଲି ରାତିରେ ଖଲିକୋଟର ଜଣେ ସ୍ୱାମୀ ପରିତ୍ୟକ୍ତା ମହିଳାଙ୍କ ପାଖରୁ ତାଙ୍କ ପୁଅ ଚୋରି କରି ନେଥିଲେ ପ୍ରଭାସୀନି । ଏକ ଦୋକାନ ବାରଣ୍ଡାରେ ୯ମାସର ପୁଅ ସହ ଶୋଇ ଥିବାବେଳେ ମାଆ ପାଖରୁ ପିଲାକୁ ଉଠାଇ ନେଇଥିଲେ ଅଭିଯୁକ୍ତ ମହିଳା । ପିଲା ଚୋରର ପୂରା ଘଟଣା ସିସିଟିଭିରେ କଏଦ ହୋଇଥିଲା । ଏହାକୁ ନେଇ ଖଲିକୋଟ ପୋଲିସ୍ରେ ଏତଲା ଦେବା ପରେ ତଦନ୍ତ ଆରମ୍ଭ କରିଥିଲା ପୋଲିସ । ତେବେ ଶେଷରେ ପିଲାକୁ ଉଦ୍ଧାର କରିବାରେ ସଫଳ ହୋଇଛି ଖଲିକୋଟ ପୋଲିସ ।

The post ଭୁବନେଶ୍ୱର ସୁନ୍ଦରପଦାରୁ ଉଦ୍ଧାର ହେଲା ମା’ କୋଳରୁ ଚୋରି ହୋଇଥିବା ଶିଶୁପୁତ୍ର । ଅଭିଯୁକ୍ତ ମହିଳାଙ୍କୁ ଧରିଲା ପୋଲିସ୍ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କାଳ ସାଜିଲା ଜନ୍ମକଲା ମାଆ । ନିଜ ହାତରେ ନିଜ ଦୁଇ କଅଁଳା ଶିଶୁକୁ ଦେଲା ମୃତ୍ୟୁ । ଅନୁଗୁଳ ଯାଆଁଳା ଶିଶୁ ହତ୍ୟା ଘଟଣାରେ ନୂଆ ତଥ୍ୟ ଏବେ ସାମ୍ନାକୁ ଆସିଛି । ନିଜେ ମାଆ ହିଁ ୩ମାସର ଯାଆଁଳା ଶିଶୁଙ୍କୁ କୂଅରେ ପକାଇ ଦେଇଥିବା ଅଭିଯୋଗ କରିଛନ୍ତି ପରିବାର ଲୋକେ । ହେଲେ ମା’ କାହିଁକି ନିଜ ଦୁଇ ପିଲାଙ୍କୁ ହତ୍ୟା କଲା ସେନେଇ କିଛି ସ୍ପଷ୍ଟ ସୂଚନା ମିଳି ପାରିନାହିଁ ।
ପୋଲିସ ଏନେଇ ଅଧିକ ତଦନ୍ତି ଜାରି ରଖିଛି । ଗତକାଲି ରାତିରେ ଅନୁଗୁଳ ବସଲା ପଞ୍ଚାୟତ ମୁଣ୍ଡାଢିପ ସାହିରେ କୂଅରେ ଦୁଇ ଯାଆଁଳା ଶିଶୁଙ୍କ ମୃତଦେହ ମିଳିଥିଲା । ମୁଣ୍ଡାଢିପ ସାହିର ସୁନୀଲ ସାହୁ ଓ ତପସ୍ୱିନୀ ସାହୁଙ୍କ ଶିଶୁ କନ୍ୟା ଓ ଶିଶୁ ପୁତ୍ରର ମୃତଦେହ ଘର ପଛପଟ କୂଅ ଭିତରେ ମିଳିଲା । କିଏ ଓ କାହିଁକି ଶିଶୁ ଦୁଇଟିଙ୍କୁ କୂଅରେ ପକାଇଲା ବୋଲି ପୋଲିସ ତଦନ୍ତ କରୁଥିବାବେଳେ, ମାଆ ହିଁ ନିଜ ଦୁଇ ଶିଶୁଙ୍କୁ ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି ।

The post କାଳ ସାଜିଲା ଜନ୍ମକଲା ମା’ ! ନିଜ ହାତରେ ନିଜ ଜାଆଁଳା ଶିଶୁକୁ ଦେଲା ମୃତ୍ୟୁ । ଅନୁଗୁଳ ଯାଆଁଳା ଶିଶୁ ହତ୍ୟା ଘଟଣାରେ ସାମ୍ନାକୁ ଆସିଲା ସତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବୋରୱେଲ ଗାଡି ଚାପରେ ଚାଲିଗଲା ଗଲା ୪ ଜୀବନ । ବିଳମ୍ବିତ ରାତିରେ ବରଗଡ଼ ମେଲଛାମୁଣ୍ଡା ଥାନା ବିରଜାମ ଗାଁରେ ଅଘଟଣ । ବୋରୱେଲ ଖୋଳିବା ପାଇଁ ଆସୁଥିବା ବେଳେ ୪ ଜଣଙ୍କୁ ଗାଡ଼ି ଚାପି ଦେଇଛି, ଫଳରେ ସେମାନଙ୍କର ମୃତ୍ୟୁ ହୋଇଛି । ଏପରି ଅଭାବନୀୟ ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

The post ଚାପିଦେଲା ବୋରୱେଲ ଗାଡି , ୪ ମୃତ । ବୋରୱେଲ ଖୋଳିବା ପାଇଁ ଆସୁଥିବା ବେଳେ ଦୁର୍ଘଟଣା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଜିଠାରୁ ଗଡିବ ଶ୍ରୀଜଗନ୍ନାଥ ଏକ୍ସପ୍ରେସ୍ । ଓଡିଶାବାସୀଙ୍କୁ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଦେଖାଇବା ପାଇଁ ରାଜ୍ୟ ସରକାରଙ୍କ ନୂଆ ଅଭିଯାନ । ପରବର୍ତି ପର୍ଯ୍ୟାୟରେ ପ୍ରତି ପଂଚାୟତରୁ ପୁରୀକୁ ଗଡିବ ବସ୍ । ଏନେଇ ପଞ୍ଚାୟତ ରାଜ ବିଭାଗକୁ ଚିଠି ହୋଇଛି । ୨୧ ତାରିଖରୁ ପ୍ରତି ପଞ୍ଚାୟତରୁ ବାହାରିବ ବସ୍ । ଯାତ୍ରୀଙ୍କୁ ନେଇ ପୁରୀ ଯିବ ବସ୍ । ମାଗଣାରେ ଓଡିଶାବାସୀଙ୍କୁ ଶ୍ରୀକ୍ଷେତ୍ର ବୁଲାଇବା ପାଇଁ ରାଜ୍ୟ ସରକାର ଏହି ଅଭିଯାନ ଆରମ୍ଭ କରୁଛନ୍ତି । ଆଜି ସନ୍ଧ୍ୟା ୫ଟାରେ ଜଗନ୍ନାଥ ଏକ୍ସପ୍ରେସ୍ ଯାତ୍ରାର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

The post ପ୍ରତି ଜିଲ୍ଲାରୁ ପୁରୀକୁ ଗଡ଼ିବ ବସ୍ । ଆଜିଠାରୁ ଆରମ୍ଭ ହେଉଛି ଜଗନ୍ନାଥ ଏକ୍ସପ୍ରେସ । ସଂଧ୍ୟା ୫ଟାରେ ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ । first appeared on Kanak News.

from Kanak News
via <a href="https://ifttt.com/?

୨୦୨୪ ବିଶ୍ୱ ଅର୍ଥନୈତିକ ଫୋରମର ବାର୍ଷିକ ବୈଠକରେ ଭାରତର ଅସାଧାରଣ ସଫଳତା ଉପରେ ଆମେରିକାର ବୈଦେଶିକ ସଚିବ ବ୍ଲିଙ୍କେନ୍ ମୋଦୀ ସରକାରଙ୍କୁ ପ୍ରଶଂସା କରିବା ସହ ଏହା କହିଛନ୍ତି ଯେ ଏହା ଅନେକ ଭାରତୀୟଙ୍କ ଜୀବନରେ ସକରାତ୍ମକ ପ୍ରଭାବ ପକାଇଛି ।

ଡାଭୋସରେ ଭାରତର ‘ଅସାଧାରଣ ସଫଳତାର କାହାଣୀ’ ବର୍ଣ୍ଣନା କରି ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ୍ କହିଛନ୍ତି ଯେ ମୋଦୀ ସରକାରଙ୍କ ‘ଉଲ୍ଲେଖନୀୟ ସଫଳତା’ ଅନେକ ଭାରତୀୟଙ୍କ ଜୀବନକୁ ଉପକୃତ କରିଛି ଏବଂ ସକରାତ୍ମକ ପ୍ରଭାବ ପକାଇଛି । ୨୦୨୪ ବିଶ୍ୱ ଅର୍ଥନୈତିକ ଫୋରମର ବାର୍ଷିକ ବୈଠକରେ ଯୋଗ ଦେଇ ସେ ଏହା ମଧ୍ୟ କହିଛନ୍ତି ଯେ ଉଭୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ଉଦ୍ୟମ ଯୋଗୁଁ ଆମେରିକା-ଭାରତ ସମ୍ପର୍କ ଏକ ନୂତନ ଶିଖରରେ ପହଞ୍ଚିଛି ।

ବ୍ଲିଙ୍କେନ୍ କହିଛନ୍ତି ଯେ ‘ଗଣତନ୍ତ୍ର ଏବଂ ଅଧିକାର’ ଦୁଇ ଦେଶ ମଧ୍ୟରେ ବାର୍ତ୍ତାଳାପର ଏକ ନିୟମିତ ଅଂଶ ଅଟେ । ଏହା ଏକ ଚାଲୁଥିବା ବାର୍ତ୍ତାଳାପର ଏକ ଅଂଶ ଏବଂ ଆମେ ଆଶା କରୁଛୁ ଯେ ଏହି ବାର୍ତ୍ତାଳାପ ସକରାତ୍ମକ ପରିବର୍ତ୍ତନ ଆଣିବ ଏବଂ ଭାରତରେ ମଧ୍ୟ ସମାନ ସ୍ଥିତି ହେବ ବୋଲି ଆଶା କରାଯାଉଛି ।

ଭାରତରେ ହିନ୍ଦୁ ରାଷ୍ଟ୍ରବାଦ ଉପରେ ଆମେରିକାର ଚିନ୍ତା

ମୋଦୀ ଶାସନରେ ଦେଶର ଦୃଢ  ଅର୍ଥନୈତିକ ଅଭିବୃଦ୍ଧି ତଥା ଭିତ୍ତିଭୂମି ନିର୍ମାଣ ସତ୍ତ୍ୱେ ଭାରତରେ ହିନ୍ଦୁ ରାଷ୍ଟ୍ରବାଦର ବୃଦ୍ଧି ଆମେରିକାକୁ ଚିନ୍ତିତ କରୁଛି କି ନାହିଁ ସେ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ଆମେ ଏକ ଅସାଧାରଣ ସଫଳତାର କାହାଣୀ ଏବଂ ପ୍ରଧାନମନ୍ତ୍ରୀ ମୋଦୀ ତାଙ୍କ କାର୍ଯ୍ୟକାଳ ମଧ୍ୟରେ କରିଥିବା ଉଲ୍ଲେଖନୀୟ ସଫଳତା ଦେଖୁଛୁ, ଯାହା ଅନେକ ଭାରତୀୟଙ୍କୁ ପ୍ରେରଣା ଦେଇଛି, ଅନେକ ଜୀବନ ଉପକୃତ ହୋଇଛି ଏବଂ ତାହାର ସକରାତ୍ମକ ପ୍ରଭାବ ପଡିଛି ।

ସେ କହିଛନ୍ତି ଯେ ଆମେ ଏହା ମଧ୍ୟ ଦେଖୁଛୁ ଯେ ଆମ ଦୁଇ ଦେଶ ମଧ୍ୟରେ ସମ୍ପର୍କ ଏକ ନୂତନ ଶିଖର ଏବଂ ଏକ ନୂତନ ସ୍ତରରେ ପହଞ୍ଚିଛି ଏବଂ ମୁଁ ଭାବୁଛି ଯେ ଏହାକୁ ପ୍ରତିଷ୍ଠା କରିବା ପାଇଁ ଉଭୟ ପ୍ରଧାନମନ୍ତ୍ରୀ ମୋଦୀ ଏବଂ ରାଷ୍ଟ୍ରପତି ବାଇଡେନଙ୍କର ଏହା ଏକ ବୁଝି ବିଚାରି କରାଯାଇଥିବା ପ୍ରଚେଷ୍ଟାର ଫଳ ।

‘ଗଣତନ୍ତ୍ର ଏବଂ ଅଧିକାର’ ବିଷୟ ବାର୍ତ୍ତାଳାପର ନିୟମିତ ଅଂଶ

ଆମେରିକାର ବୈଦେଶିକ ସଚିବ ଆହୁରି ମଧ୍ୟ କହିଛନ୍ତି ଯେ ଆମର ବାର୍ତ୍ତାଳାପର ନିୟମିତ ଅଂଶ ହେଉଛି ‘ଗଣତନ୍ତ୍ର ଏବଂ ଅଧିକାର’ । ଯେତେବେଳେ ରାଷ୍ଟ୍ରପତି କାର୍ଯ୍ୟଭାର ଗ୍ରହଣ କଲେ, ଆମେ ନିଶ୍ଚିତ କରିବାକୁ ଚାହୁଁଥିଲୁ ଯେ ଗଣତନ୍ତ୍ର ଏବଂ ମାନବିକ ଅଧିକାର ବିଷୟରେ ଏହି ମୂଳ ଚିନ୍ତାଧାରାକୁ ଆମର ବୈଦେଶିକ ନୀତିରେ ପୁନଃସ୍ଥାପିତ କରିବା ଏବେନ ଆମେ ତାହା କରି ପାରିଛୁ । ଆମେ ଏହାକୁ ବିଭିନ୍ନ ସ୍ଥାନରେ ବିଭିନ୍ନ ଉପାୟରେ ବ୍ୟବହାର କରି ଆସୁଛୁ । ବୋଧହୁଏ ଆମର ସମ୍ପର୍କ ଗୋଟିଏ ଦେଶ, ଗୋଟିଏ ସରକାର ସହିତ ଅଛି ।

 

The post ଅସାଧାରଣ  ସଫଳତା… ଆମେରିକାର ବୈଦେଶିକ ସଚିବ ଭାରତ ଏବଂ ମୋଦୀଙ୍କୁ ଖୁବ ପ୍ରଶଂସା କରିଛନ୍ତି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଯୋଧ୍ୟାରେ ଓଡ଼ିଆ ଶିଳ୍ପୀଙ୍କ କମାଲ । ବାଲୁକା କଳାରେ ପ୍ରଭୁ ଶ୍ରୀରାମଙ୍କ ମୂର୍ତ୍ତି କରି ଚର୍ଚ୍ଚାରେ ଦୁଇ ଓଡ଼ିଆ ବାଲୁକା ଶିଳ୍ପୀ । ଗଞ୍ଜାମ ଜିଲ୍ଲାର କୁକୁଡ଼ା ଖଣ୍ଡି ବ୍ଲକ ବୋରି ଗାଁର ନାରାୟଣ ସାହୁ ଓ କଟକ ଆଠଗଡ଼ର ଓମ୍ ପ୍ରକାଶ ବାରିକ । ବାଲିରେ ୨୫ ଫୁଟ ଲମ୍ବ ଓ ସାଢ଼େ ୭ ଫୁଟ ଉଚ୍ଚତାର ଶ୍ରୀରାମଙ୍କ ମୂର୍ତ୍ତି ତିଆରି କରିଛନ୍ତି ଏହି ଦୁଇ ଜଣ ଶିଳ୍ପୀ । ଅଯୋଧ୍ୟାର ସରଯୁ ନଦୀରୁ ବାଲି ଆଣି ପବିତ୍ରଗୁପ୍ତ ଘାଟ ନିକଟରେ ଏହି ବାଲୁକା କଳାକୁ ପ୍ରଦର୍ଶନ କରାଯାଇଛି ।

The post ଅଯୋଧ୍ୟାରେ ଓଡ଼ିଆ ଶିଳ୍ପୀଙ୍କ ବାଲୁକା କଳାର ପ୍ରଶଂସା । ପ୍ରଭୁ ଶ୍ରୀରାମଙ୍କ ମୂର୍ତ୍ତି କରି ଚର୍ଚ୍ଚାରେ ଦୁଇ ଓଡ଼ିଆ ବାଲୁକା ଶିଳ୍ପୀ । first appeared on Kanak News.

from Kanak News
via <a href="https://ifttt.com/?