କନକ ବ୍ୟୁରୋ: ଓଡ଼ିଶାରେ କିଏ ନେବ ୨୪ରେ ଶପଥ । ତାକୁ ନେଇ ଏବେ ଚାଲିଛି ତର୍କ । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଗତକାଲି ଦୃଢ଼ୋକ୍ତି ପ୍ରକାଶ କରିଥିଲେ, ୨୪ରେ ବିଜେପି ଜିତିବି ଓ ଶପଥ ଗ୍ରହଣ ଉତ୍ସବରେ ସେ ସାମିଲ ହେବେ । ଏହାକୁ କଟାକ୍ଷ କରି ବିଜେଡି କହିଛି ୨୪ରେ ନବୀନ ଶପଥ ନେବେ ଓ ଯଦି ଆଗ୍ରହ ଅଛି ହିମନ୍ତ ଏହି କାର୍ଯ୍ୟକ୍ରମରେ ଯୋଗ ଦିଅନ୍ତୁ । ଏପରି ଆରୋପ ପ୍ରତ୍ୟାରୋପ ମଧ୍ୟରେ ରୋଚକ ହୋଇଛି ଓଡ଼ିଶା ରାଜନୀତି ।

ଆସନ୍ତା ନିର୍ବାଚନରେ ଜିତି ଓଡ଼ିଶାରେ ବିଜେପି ସରକାର ଗଠନ କରିବ ବୋଲି ଆସାମ ମୁଖ୍ୟମନ୍ତ୍ରୀ କହିବା ପରେ ଚିହିଁକି ଉଠିଛନ୍ତି ବିଜେଡି ନେତା । ଭୁବନେଶ୍ୱରରେ ଗତକାଲି ହିମନ୍ତ ବିଶ୍ୱଶର୍ମା କହିଥିଲେ ଏଥର ବିଜେପି ସରକାର ଗଡିବ, ଆଉ ତାଙ୍କୁ ଶପଥ ଗ୍ରହଣ ସମାରୋହକୁ ଆସିବାକୁ ପଡ଼ିବ । କଟାକ୍ଷ କରି ବିଧାୟକ ନୃସିଂହ ସାହୁ କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶପଥ ଉତ୍ସବରେ ଯୋଗ ଦେବା ପାଇଁ ତାଙ୍କୁ ନିମନ୍ତ୍ରଣ ରହିଲା ।
ହିମନ୍ତ ବିଶ୍ୱଶର୍ମା ନିର୍ବାଚନୀ ଅଙ୍କକଷି କହିଥିଲେ
ହିମନ୍ତଙ୍କ ଅଙ୍କକଷା
୨୦୧୯ ରେ ବିଜେପି ଓଡ଼ିଶାରେ ୩୮ପ୍ରତିଶତ ଭୋଟ ପାଇଥିଲା
ମୋଦୀ ସରକାରଙ୍କ ଜନହିତକର କାର୍ଯ୍ୟ ଯୋଗୁଁ ଆଉ ୪ପ୍ରତିଶତ ଭୋଟ ନିଶ୍ଚିତ ଆସିବ
ଏଥର ସରକାର ଗଢ଼ିବ ବିଜେପି

ତେବେ ଆସାମ ମୁଖ୍ୟମନ୍ତ୍ରୀଙ୍କ ଏପରି ଆକଳନକୁ ଦିବାସ୍ୱପ୍ନ କହି ଖଣ୍ଡନ କରିଛନ୍ତି ବିଜେଡି ବିଧାୟକ ଶଶିଭୂଷଣ ବେହେରା । ଏହାର ଜବାବରେ ଆଉ ୪ ମାସ ଅପେକ୍ଷା କରିବାକୁ ବିଜେଡିକୁ ପରାମର୍ଶ ଦେଇଛନ୍ତି ବିଜେପି ନେତା ବିରଂଚି ତ୍ରିପାଠୀ । ୨୦୨୪ ନିର୍ବାଚନ ପାଇଁ ରାଜନୈତିକ ପାଣିପାଗ ଧୀରେ ଧୀରେ ଉଷୁମ ହେଉଥିବା ବେଳେ ରୋଚକ ହେବାରେ ଲାଗିଛି ରାଜନୈତିକ ବୟାନବାଜି ।

The post ଆସାମ ମୁଖ୍ୟମନ୍ତ୍ରୀଙ୍କ ଦୃଢ଼ୋକ୍ତି, ବିଜେଡି କଲା କଟାକ୍ଷ: ନବୀନଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବାକୁ ନିମନ୍ତ୍ରଣ କଲେ ବିଜେଡି ବିଧାୟକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭାଗ୍ୟର ଦିଗ କେତେବେଳେ ବଦଳିଯିବ, କିଏ ବା କହିପାରିବ । ବାପା, ମାଆଙ୍କୁ ହରାଇ ସାରିଥିବା ଜଣେ ଝିଅ, ଭାଇ ଭଉଣୀଙ୍କୁ ନେଇ ଦୁଇ ଓଳି ଖାଇବା ପାଇଁ ବି ସଂଘର୍ଷ କରୁଥିଲେ, ହେଲେ ଆଜି ସେ ଓଡ଼ିଶା ଦୃଷ୍ଟିବାଧିତ କ୍ରିକେଟ ଦଳର ପରିଚିତ ଅଲରାଉଣ୍ଡର ।

ବିଫଳତାର ବାହାନା ପାଇଁ ସମସ୍ୟାକୁ ଆଳ କରୁଥିବା ଯୁବପୀଢ଼ି ଏହି ଯୁବତୀଙ୍କ ଚେହେରା ଦେଖିବା ଦରକାର । ମୁଣ୍ଡ ଉପରେ ନା’ ବାପାଙ୍କ ଆଶୀର୍ବାଦ ଅଛି, ନା’ ଭାଗ୍ୟରେ ମା’ର ମମତା ଅଛି । ହେଲେ ବାପା-ମା’ ଏହି ଝିଅଟି ଯେଉଁ ସଫଳତା ପାଇଛନ୍ତି, ତାହା ସମସ୍ତଙ୍କୁ ପ୍ରେରଣା ଯୋଗାଇବ ନିଶ୍ଚୟ ।

• ନା: ବୀଣା ମାଝୀ
• ପେଶା: କ୍ରିକେଟର୍
• ଓଡ଼ିଶା ଦୃଷ୍ଟିବାଧିତ ମହିଳା କ୍ରିକେଟ୍ ଦଳର ଅଲରାଉଣ୍ଡର

କଳାହାଣ୍ଡି ଜିଲ୍ଳା ଗୋଲାମୁଣ୍ଡା ବ୍ଲକ୍ କଣ୍ଟାମାଳ ଗାଁର ବୀଣାଙ୍କ କାହାଣୀ ବେଶ ସଂଘର୍ଷମୟ । କ୍ୟାନସର୍ ରୋଗରେ ବାପା ଚାଲିଗଲେ, କରୋନା ସମୟରେ ମା’ ଆଖିବୁଜି ଦେଲେ । ବହୁ କଷ୍ଟରେ ବଢ଼ିଛନ୍ତି ୨ଭାଇ, ୨ଭଉଣୀ । ବଡ଼ ଭାଇ ମୂଲ ଲାଗି ଯାହା ଆଣନ୍ତି, ସେଥିରେ ୪ ଭାଇ ଭଉଣୀ ଚଳୁଥିଲେ । ହେଲେ ଭାଗ୍ୟର ବିଡ଼ମ୍ବନା ଦେଖନ୍ତୁ, ଦିନେ କମ୍ପ୍ୟୁଟର ଅପରେଟର୍ ଚାକିରି ଖୋଜୁଥିବା ବୀଣା, ପାଲଟିଗଲେ କ୍ରିକେଟର୍ । ଓଡ଼ିଶା ଦୃଷ୍ଟିବାଧିତ କ୍ରିକେଟ୍ ଟିମର ଉଦୀୟମାନ କ୍ରିକେଟର୍ ହେଉଛନ୍ତି ବୀଣା । କର୍ଣ୍ଣାଟକକୁ ହରାଇ ବିଜୟୀ ହୋଇଥିବା ଓଡ଼ିଶା ଦଳରେ ସକ୍ରିୟ ସଦସ୍ୟ ଥିଲେ କଳାହାଣ୍ଡିର ବୀଣା ମାଝୀ ।

ଖଲ୍ଲିକୋଟ କଲେଜରେ ଓଡ଼ିଶା ଦୃଷ୍ଟିବାଧିତ ମହିଳା କ୍ରିକେଟ୍ କ୍ୟାମ୍ପରୁ ଚିହ୍ନଟ ହୋଇଥିଲେ ବୀଣା । ତାଙ୍କ ଭିତରେ ଥିବା କ୍ରିକେଟ୍ ପ୍ରତିଭା, ଚୟନକର୍ତାଙ୍କ ଦୃଷ୍ଟି ଆକର୍ଷଣ କରିଥିଲା । ବୀଣା, ବ୍ୟାଟିଂ ଓ ବୋଲି ସହିତ ଭଲ ଫିଲ୍ଡିଂ ବି କରନ୍ତି । ବୀଣାଙ୍କ ଗାଁରେ ଯେତେବେଳେ ଆମ କ୍ୟାମେରା ଟିମ୍ ତାଙ୍କ ଘରେ ପହଞ୍ଚିଥିଲା । ସାମ୍ନାକୁ ଆସିଥିଲା ତାଙ୍କ ଦାରିଦ୍ର୍ୟତାର ଚିତ୍ର । ଭାଇ କାମକୁ ଯାଇଥିବା ବେଳେ ଉଉଣୀମାନେ ବି ଘରେ ନଥିଲେ । ହେଲେ ତାଙ୍କ ସଂଘର୍ଷର କାହାଣୀ କହଥିଲେ ପାଖ-ପଡ଼ୋଶୀ ।

ବୀଣାଙ୍କ ଏହି ସଂର୍ଘଷର କାହାଣୀ, ଓଡ଼ିଶାର ଲକ୍ଷ ଲକ୍ଷ ଯୁବକ-ଯୁବତୀଙ୍କୁ ପ୍ରେରଣା ଦେବ ନିଶ୍ଚୟ । ଯେତେବେଳେ ରାଜ୍ୟ ସରକାର କ୍ରୀଡ଼ା ଓ କ୍ରୀଡ଼ାବିତଙ୍କ ପାଇଁ ଅନେକ ପଦକ୍ଷେପ ନେଉଛନ୍ତି, ସେତେବେଳେ ବୀଣାଙ୍କୁ ଆଗକୁ ବଢ଼ିବାରେ ସହାୟତାର ହାତ ବଢ଼ାଇବା ଜରୁରୀ ବୋଲି ସାଧାରଣରେ ଦାବି ହେଉଛି ।

The post ହାର ମାନିନାହାନ୍ତି ଗୋଲାମୁଣ୍ଡାର ଝିଅ । ଦି’ଓଳି ଖାଇବାକୁ ସଂଘର୍ଷ କରୁଥିବା ବୀଣା ମାଝି ଏବେ ଓଡ଼ିଶା ଦୃଷ୍ଟିବାଧି୍ତ ମହିଳା କ୍ରିକେଟ୍ ଦଳର ପରିଚିତ ଅଲରାଉଣ୍ଡର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦୀର୍ଘ ଦିନ ପରେ ପୁଣି ମଇଦାନକୁ ଓହ୍ଳାଇଛନ୍ତି ରାହୁଲ ଗାନ୍ଧୀ । ଭାରତ ଯୋଡ଼ ଯାତ୍ରାର ପ୍ରଭାବୀ ସଫଳତା ପରେ ଏବେ ନ୍ୟାୟ ଯାତ୍ରା ଆରମ୍ଭ କରିଛନ୍ତି ରାହୁଲ । ଦୀର୍ଘ ସମୟ ଧରି ମହିଳା ନିର୍ଯାତନାକୁ ନେଇ ବିବାଦରେ ରହିଥିବା ମଣିପୁରରୁ ନିଜ ଯାତ୍ରା ଆରମ୍ଭ କରିଛନ୍ତି । ସେପଟେ ଏହି ଯାତ୍ରାକୁ ସଫଳ କରିବା ପାଇଁ ଜୟ ଜୟକାରର ନାରା ଦେଇ ଦିଲ୍ଲୀରୁ ବିମାନ ଯୋଗେ ନେତା ମଣିପୁରରେ ପହଂଚିଛନ୍ତି ।

ରାହୁଲ ଗାନ୍ଧିଙ୍କ ନେତୃତ୍ୱରେ ମଣିପୁରରୁ ଆରମ୍ଭ ହୋଇଛି ‘ଭାରତ ଯୋଡ ନ୍ୟାୟ ଯାତ୍ରା’ । ମଣିପୁରର ଥୈବଲ ଜିଲ୍ଲାରୁ ଏହାର ଶୁଭାରମ୍ଭ କରିଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ । ଏଥିପାଇଁ ରାହୁଲ ଗାନ୍ଧିଙ୍କ ସହ କଂଗ୍ରେସର ପ୍ରାୟ ୭୦ଜଣ ବରିଷ୍ଠ ନେତା ମଣିପୁର ଆସିଥିଲେ । ମଣିପୁରରୁ ମୁମ୍ବାଇ ଯାଏଁ ଏହି ନ୍ୟାୟ ଯାତ୍ରାରେ ସାମିଲ ହେବେ ରାହୁଲ ଗାନ୍ଧି ଓ ଅନ୍ୟ ବରିଷ୍ଠ ନେତା । ଯାତ୍ରାର ଶୁଭାରମ୍ଭ କରି ମଲ୍ଲିକାର୍ଜୁନ କହିଥିଲେ, ଭାରତୀୟ ନାଗରିକଙ୍କୁ ସାମାଜିକ ଓ ରାଜନୈତିକ ନ୍ୟାୟ ଦେବା ପାଇଁ ଏହି ଯାତ୍ରା କରାଯାଉଛି । ଆଉ ନିଜ ଭାଷଣରେ ମଣିପୁର ପ୍ରସଙ୍ଗରେ କେନ୍ଦ୍ର ଉପରେ ବର୍ଷିଛନ୍ତି ରାହୁଲ ।

ମଣିପୁରରୁ ଆରମ୍ଭ ହୋଇଥିବା ଏହି ଯାତ୍ରା ୬.୭୧୩ କିଲୋମିଟର ଅତିକ୍ରମ କରି ୨୦ ମାର୍ଚ୍ଚରେ ମୁମ୍ବାଇରେ ସରିବ । ଏହି ସମୟରେ ରାହୁଲ ଗାନ୍ଧି ବରିଷ୍ଠ ନେତାଙ୍କ ସହ ବସରେ ଯାତ୍ରା କରିବେ । କିଛି ପ୍ରମୁଖ ସ୍ଥାନରେ ପଦ ଯାତ୍ରା ବି ହେବ । ‘ଭାରତ ଯୋଡ ନ୍ୟାୟ ଯାତ୍ରା’ ୧୫ ରାଜ୍ୟ ଦେଇ ଅତିକ୍ରମ କରିବ ।

-୬୭ ଦିନରେ ୧୧୦ ଜିଲ୍ଲା ଅତିକ୍ରମ କରିବେ ରାହୁଲ ଗାନ୍ଧି
-୩୫୫ ଲୋକସଭା କ୍ଷେତ୍ରରେ ହେବ ଭାରତ ଯୋଡୋ ନ୍ୟାୟ ଯାତ୍ରା
-ଏହା ଦେଶର ମୋଟ ଲୋକସଭା ଆସନର ୬୫% ଆସନ
-୨୦୧୯ରେ ୩୫୫ ଆସନରୁ ବିଜେପିକୁ ମିଳିଥିଲା ୨୩୬ ଆସନ
-ମାତ୍ର ୧୪ ଆସନରେ କଂଗ୍ରେସ ବିଜୟୀ ହୋଇଥିଲା
-ଓଡିଶା ସମେତ ମଧ୍ୟପ୍ରଦେଶ, ଛତିଶଗଡ ଓ ରାଜସ୍ଥାନରେ ଏହି ଯାତ୍ରା ହେବ
– ନିକଟରେ ମଧ୍ୟପ୍ରଦେଶ, ଛତିଶଗଡ ଓ ରାଜସ୍ଥାନରେ କଂଗ୍ରେସ ପରାଜିତ ହୋଇଛି

ଏହି ଯାତ୍ରାରେ ଦଳକୁ ଫାଇଦା ମିଳିବ ବୋଲି କଂଗ୍ରେସ ଆଶା ରଖିଛି । ରାଜ୍ୟ କଂଗ୍ରେସ ବି ଉତ୍ସାହିତ ଅଛି । ରାଜ୍ୟର ୪ ଜିଲ୍ଲାରେ ହେବ ରାହୁଲଙ୍କ ନ୍ୟାୟ ଯାତ୍ରା । ତେବେ କଂଗ୍ରେସର ଭାରତ ଯୋଡ ନ୍ୟାୟ ଯାତ୍ରା’ର କିଛି ପ୍ରଭାବ ପଡବିନି ବୋଲି କହିଛନ୍ତି ବିଜେପି ଓ ବିଜେଡି ।

ରାହୁଲ ଗାନ୍ଧି ଏଥର କଂଗ୍ରେସ ଦୁର୍ବର୍ଳ ଥିବା ହିନ୍ଦୀ ହାର୍ଟଲ୍ୟାଣ୍ଡରେ ପଦଯାତ୍ରା କରିବେ । ଉତରପ୍ରଦେଶରେ ମୋଦିଙ୍କ ନିର୍ବାଚନ କ୍ଷେତ୍ର ବାରଣାସୀ, ରାୟ ବରେଲି, ପ୍ରୟାଗରାଜ ଓ ଆମେଥି ବି ଯିବ ନ୍ୟାୟ ଯାତ୍ରା । ପ୍ରଶ୍ନ ଉଠୁଛି, ଦୁର୍ବଳ ହୋଇପଡୁଥିବା କଂଗ୍ରେସ ପାଇଁ ସଂଜିବନୀ ହେବ କି ‘ଭାରତ ଯୋଡୋ ନ୍ୟାୟ ଯାତ୍ରା’

The post ସାଧାରଣ ନିର୍ବାଚନ ପୂର୍ବରୁ ଆରମ୍ଭ ହେଲା କଂଗ୍ରେସର ଭାରତ ଯୋଡ଼ ନ୍ୟାୟଯାତ୍ରା: ମଣିପୁରରୁ ମୁମ୍ବାଇ, ୬ହଜାର କିଲୋମିଟରରୁ ଅଧିକ ଯାତ୍ରା କରିବେ ରାହୁଲ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଜାନୁଆରୀ ୧୭କୁ ସରକାରୀ ଛୁଟି ଘୋଷଣା । ଛୁଟି ଘୋଷଣା କଲେ ରାଜ୍ୟ ସରକାର । ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ପାଇଁ ଏହିଦିନ ରାଜ୍ୟର ସମସ୍ତ ସରକାରୀ କାର୍ୟ୍ୟାଳୟ, ସ୍କୁଲ ଓ କଲେଜ ବନ୍ଦ ରହିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।

ତେବେ ଆସନ୍ତା ଜାନୁଆରୀ ୧୭ ତାରିଖ ଦିନ ପୁରୀଠାରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ଉତ୍ସବ ଭକ୍ତି ଓ ଉତ୍ସାହର ସହିତ ଅନୁଷ୍ଠିତ ହେବାକୁ ଯାଉଛି। ଏହି ପ୍ରକଳ୍ପ ହେବ ଓଡିଆ ଅସ୍ମିତାର ଅନନ୍ୟ ନିଦର୍ଶନ । ଜଗତର ନାଥ ଓ ଆରାଧ୍ୟ ଦେବତା ତଥା ସର୍ବଧର୍ମ ସମନ୍ୱୟର ପ୍ରତୀକ ମହାପ୍ରଭୁ ଶ୍ରୀଜଗନ୍ନାଥଙ୍କ ଭକ୍ତମାନେ ଯେପରି ଆନନ୍ଦର ସହ ଏହି କାର୍ୟ୍ୟକ୍ରମରେ ଯୋଗଦାନ କରି ମହାପ୍ରଭୁଙ୍କ ଉଦ୍ଦେଶ୍ୟରେ ଭକ୍ତି ନିବେଦନ କରିପାରିବେ ତାହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତା ଜାନୁଆରୀ ୧୭ ତାରିଖ ଦିନଟିକୁ ସରକାରୀ ଛୁଟି ଭାବରେ ଘୋଷଣା କରିଛନ୍ତି । ଆସନ୍ତା ଜାନୁଆରୀ ୧୭ ତାରିଖ ଦିନ ରାଜ୍ୟର ସମସ୍ତ ସରକାରୀ କାର୍ୟ୍ୟାଳୟ ତଥା ସ୍କୁଲ ଓ କଲେଜ ବନ୍ଦ ରହିବ ବୋଲି ଘୋଷଣା କରାଯାଇଛି ।

The post ଜାନୁଆରୀ ୧୭କୁ ସରକାରୀ ଛୁଟି ଘୋଷଣା । ଛୁଟି ଘୋଷଣା କଲେ ରାଜ୍ୟ ସରକାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କେମିତି ହେଲା ବ୍ୟବସାୟୀଙ୍କ ମୃତ୍ୟୁ? ଯଦି ହତ୍ୟା ତେବେ ହତ୍ୟା ପଛରେ କିଏ? ଭୁବନେଶ୍ୱର ଉପକଣ୍ଠ ବାଲି୍ଅନ୍ତା ଥାନା ସାଗୁଆ ଗାଁରେ କମ୍ବଳ ତଳେ ମିଳିଛି ବ୍ୟବସାୟୀ ବିଶ୍ୱଜିତ ନାୟକଙ୍କ ମୃତ । କୁହାଯାଉଛି ଘରେ ଥିବା ମହିଳା, ବିଶ୍ୱଜିତଙ୍କ ମୃତ୍ୟୁ ପରେ ଫେରାର ହୋଇଯାଇଛନ୍ତି । ସେ ତାଙ୍କ ସ୍ତ୍ରୀ ନା କେୟାରଟେକର ସେ ନେଇ କୌଣସି ସ୍ପଷ୍ଟତା ଆସିନାହିଁ । ତେବେ ହତ୍ୟା ପଛରେ ମହିଳାଙ୍କ ହାତ ଥିବା ସନ୍ଦେହ କରାଯାଉଛି ।

• କମ୍ବଳ ତଳେ ବ୍ୟବସାୟୀଙ୍କ ଶବ
• ସନ୍ଦିଗ୍ଧ ମହିଳାଙ୍କୁ ନେଇ ସସପେନ୍ସ!

ବ୍ୟବସାୟୀଙ୍କୁ ପିଟି ପିଟି ହତ୍ୟା । ମୁହଁ ସାରା କ୍ଷତ ଚିହ୍ନ । ଅପରାଧୀମାନେ ଏଭଳି ନୃଶଂସ ଭାବେ ହତ୍ୟା କରିଛନ୍ତି, ଯେ ମୃତଦେହକୁ ଚିହ୍ନଟ କରିବା ବଡ କଷ୍ଟକର ହୋଇ ପଡିଛି । ହତ୍ୟା କରି ସାରିବା ପରେ, ପ୍ରମାଣ ନଷ୍ଟ କରିବାକୁ ଉଦ୍ୟମ କରାଯାଇଛି । ମୁଣ୍ଡରୁ ଆଣ୍ଠୁ ପର୍ଯ୍ୟନ୍ତ କମ୍ବଳ ଘୋଡାଇ ଦିଆଯାଇଛି । ଦେଖିଲେ ଲାଗିବ ଜଣେ କେହି ଖଟ ଉପରେ ନିଦରେ ଶୋଇଛନ୍ତି ।

ଏହି ଘଟଣା ଘଟିଛି ଭୁବନେଶ୍ୱର ଉପକଣ୍ଠ ବାଲି୍ଅନ୍ତା ଥାନା ସାଗୁଆ ଗାଁରେ । ମୃତ ବ୍ୟକ୍ତି ଜଣକ ହେଉଛନ୍ତି ବିଶ୍ୱଜିତ ନାୟକ ଏବଂ ବୟସ ପାଖାପାଖି ୪୩ ବର୍ଷ । ତାଙ୍କର ଛୋଟ ହୋଟେଲ ରହିଛି । ଦେଢ ବର୍ଷ ତଳେ ପତ୍ନୀଙ୍କୁ ଛାଡପତ୍ର ଦେଇଥିଲେ । ପୁଅକୁ ହଷ୍ଟେଲ ପଠାଇବା ପରେ ଘରେ ଏକାକି ରହୁଥିଲେ । ପ୍ରାୟ ୬ ମାସ ହେବ ଜଣେ ମହିଳା ବିଶ୍ୱଜିତଙ୍କ ଘରେ ରହି ଆସୁଥିଲେ । ଗତ ଶୁକ୍ରବାର ଦିନ ବିଶ୍ୱଜିତ ଓ ଉକ୍ତ ମହିଳାଙ୍କୁ ଶେଷଥର ପାଇଁ ଦେଖିଥିଲେ ଗାଁ ଲୋକ । କୁହାଯାଉଛି, ହତ୍ୟାକାଣ୍ଡ ପରଠାରୁ ସଂପୃକ୍ତ ମହିଳାଙ୍କୁ ଆଉ ଦେଖିବା ପାଇଁ ମିଳୁନି ।

ଅନ୍ୟପଟେ ସାଇଣ୍ଟିଫିକ ଟିମ, ଡଗ ସ୍କ୍ୱାର୍ଡକୁ ନେଇ ସରଜମିନ ତଦନ୍ତ ଆରମ୍ଭ କରିଛି ବାଲିଅନ୍ତା ପୁଲିସ । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ କ୍ରାଇମ ସିନ୍ର ଫିଙ୍ଗରପ୍ରିଂଟ ଓ ରକ୍ତ ନମୁନା ସଂଗ୍ରହ କରିଛି । ପ୍ରାଥମିକ ଅନୁସନ୍ଧାନ କହୁଛି ମୃତ ବିଶ୍ୱଜିତ ଜଣେ ସୁସ୍ଥ-ସବଳ ବ୍ୟକ୍ତି ଥିଲେ ଏହାସହ କରାଟେ ମଧ୍ୟ ଶିଖିଥିଲେ । ଜଣେ ବ୍ୟକ୍ତି ବିଶ୍ୱଜିତଙ୍କୁ ହତ୍ୟା କରିବା ସହଜ ନୁହେଁ । ତେଣୁ ହତ୍ୟାକାଣ୍ଡରେ ଏକାଧିକ ବ୍ୟକ୍ତିଙ୍କ ହାତ ରହିଥାଇପାରେ ବୋଲି ପୁଲିସ ଅନୁମାନ କରୁଛି । କିମ୍ବା ଖାଦ୍ୟରେ ନିଶା ଦେଇ ଅଚେତ କରିବା ପରେ, ମୁହଁକୁ କୌଣସି କାଠ ଫାଳିଆ ବା ପଟାରେ ପିଟିପିଟି ହତ୍ୟା କରାଯାଉଥିବା ଅନୁମାନ କରାଯାଉଛି । ତେବେ ବ୍ୟବସାୟୀଙ୍କ ହତ୍ୟାକାଣ୍ଡକୁ ନେଇ ବିଭିନ୍ନ ଦିଗରୁ ତଦନ୍ତ ଆରମ୍ଭ କରିଛି କମିଶନରେଟ ପୁଲିସ ।

• ବିଶ୍ୱଜିତଙ୍କ ସହ ରହୁଥିବା ମହିଳା କିଏ?
• ହତ୍ୟାକାଣ୍ଡ ସହିତ ମହିଳାଙ୍କ ସଂପର୍କ ରହିଛି କି?
• ବିଶ୍ୱଜିତଙ୍କ ମୃତ୍ୟୁପରେ କାହିଁକି ସେ ଉଭାନ ହୋଇଗଲେ?
• ଗେଟ୍ ହ୍ୟାଣ୍ଡେଲରେ ଲାଗିଛି କାହାର ଫିଙ୍ଗର ପ୍ରିଣ୍ଟ?

The post କମ୍ବଳ ତଳେ ବ୍ୟବସାୟୀଙ୍କ ଶବ । ସନ୍ଦିଗ୍ଧ ମହିଳାଙ୍କୁ ନେଇ ବଢିଲା ସସପେନ୍ସ! ବିଶ୍ୱଜିତଙ୍କ ସହ ରହୁଥିବା ମହିଳା କିଏ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଯଜ୍ଞମଣ୍ଡପ ପ୍ରସ୍ତୁତ, ପରିକ୍ରମା ମାର୍ଗ ବି ପ୍ରସ୍ତୁତ । ମଝିରେ ଆଉ ମାତ୍ର ଦୁଇ ଦିନ । ପୌଷ ଶୁକ୍ଳ ସପ୍ତମୀ ତିଥିରେ, ୧୭ ତାରିଖରେ ଭବ୍ୟ, ଦିବ୍ୟ ପରିକ୍ରମା ପ୍ରକଳ୍ପର ଲୋକାର୍ପଣ ହେବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଐତିହ୍ୟ ପ୍ରକଳ୍ପର ଲୋକାର୍ପଣ କରିବେ । ତେବେ ଲୋକାର୍ପଣ ପୂର୍ବରୁ ଆରମ୍ଭ ହୋଇଯାଇଛି ଯଜ୍ଞ ପାଇଁ ପୂଜାନୀତି ।

ମନ୍ତ୍ରୋପୋଚାରଣ କମ୍ପୁଛି ଶ୍ରୀକ୍ଷେତ୍ର । ଗୁଞ୍ଜରିତ ହେଉଛି ଜୟ ଜଗନ୍ନାଥ ଧ୍ୱନି । ସୃଷ୍ଟି ହୋଇଛି ଆଧାତ୍ମିକ ପରିବେଶ । ପରିକ୍ରମା ପ୍ରକଳ୍ପର ଲୋକାର୍ପଣ ପାଇଁ ଶୁକ୍ରବାରଠାରୁ ଆରମ୍ଭ ହୋଇଛି ଆଦ୍ୟପର୍ବ ଯଜ୍ଞର ବିଭିନ୍ନ ପୂଜାନୀତି । ଶନିବାର ଅଙ୍କୁର ପୂଜନ ଓ ମଣ୍ଡଳକଟା ଯାଇଥିବାବେଳେ, ରବିବାର ହୋଇଛି ମଣ୍ଡଳ ସ୍ଥାପନ, ଯଜ୍ଞ ଅଧିବାସ, ଧ୍ୱଜା ସ୍ଥାପନ, ତୋରଣ ସ୍ଥାପନ ଆଦି କାର୍ଯ୍ୟ ଅନୁଷ୍ଠିତ ହୋଇଛି । ଶୋତ୍ରିୟ ବ୍ରାହ୍ମଣ ଏହି ନୀତିକାନ୍ତି ସମାପନ କରିଛନ୍ତି ।

ଝଲସୁଛି ଶ୍ରୀମନ୍ଦିର । ଅପରୂପ ସୌନ୍ଦର୍ର୍ଯ୍ୟରେ ସଜେଇ ହୋଇଛି ଶ୍ରୀକ୍ଷେତ୍ର । ବଦଳିଛି ସମଗ୍ର ପୁରୀର ପରିପାଟ୍ଟି । ଯୁଆଡେ ଚାହିଁବ ଆଖି ଲାଖି ଯାଉଛି । ପ୍ରତିଟି କାରୁକାର୍ଯ୍ୟରେ ଝଲସୁଛି ଉକ୍ରଳର ଐତିହ୍ୟ, ସଂସ୍କୃତି ଓ ପରମ୍ପରା । ଜଗନ୍ନାଥଙ୍କ ଲୀଳା, ଭକ୍ତ-ଭଗବାନ ସମ୍ପର୍କ, ପୁରାଣ ଓ କିମ୍ବଦନ୍ତୀ କାହାଣୀର ଚିତ୍ରକୁ ଦେଖିବା ପାଇଁ, ଶ୍ରଦ୍ଧାଳୁମାନେ ଏବେ ପୁରୀ ମୁହାଁ ହେଲେଣି । କାଳିଆ ସାଆନ୍ତଙ୍କ ଡୋରି ଭକ୍ତଙ୍କୁ, ଶ୍ରୀକ୍ଷେତ୍ରକୁ ହାତ ଠାରି ଡାକିଲାଣି । ଶ୍ରୀମନ୍ଦିରରେ ଗହଳି ବି ଲାଗିଲାଣି । ଆଉ ଯେଉଁମାନେ ପୁରୀକୁ ଆସୁଛନ୍ତି ସେମାନେ ପରିକ୍ରମା ପ୍ରକଳ୍ପକୁ ଦେଖି ଖୁସିରେ ଆତ୍ମହରା ।

ଶ୍ରୀମାର୍ଗ, ଶ୍ରୀସେତୁ ବି ସମ୍ପୂର୍ଣ୍ଣ ପ୍ରସ୍ତୁତ । ସୋମବାର ଶ୍ରୀସେତୁରେ ଟ୍ରାଏଲ ରନ୍ ହେବ । ୧୭ତାରିଖ ଲୋକାର୍ପଣ ପରେ ଶ୍ରଦ୍ଧାଳୁ ପରିକ୍ରମା ମାର୍ଗକୁ ଆସିପାରିବେ । ୧୭ତାରିଖରେ ମୁଖ୍ୟମନ୍ତ୍ରୀ ଶ୍ରୀମାର୍ଗ ଦେଇ ଯଜ୍ଞସ୍ଥଳକୁ ଯିବେ । ମନ୍ତ୍ରୀ, ସାଂସଦ, ଅତିଥି ମଧ୍ୟ ଶ୍ରୀମାର୍ଗ ଦେଇ ଆସିବେ । ଏଥିପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଚିଛି । ଆଉ ଏସବୁ ଭିତରେ ସମସ୍ତ କାର୍ଯ୍ୟର ସମୀକ୍ଷା କରିଛନ୍ତି ୫-ଟି ଅଧ୍ୟକ୍ଷ ଭି.କେ.ପାଣ୍ଡିଆନ୍ ।

ଏଥିସହ ଲୋକାର୍ପଣ ଉତ୍ସବ ଦିନ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ବଡଦେଉଳର ଐଶାନ୍ୟ କୋଣରେ ଯଜ୍ଞ ଚାଲିଥିବାବେଳେ ଶ୍ରୀମନ୍ଦିରର ଚାରି ଦ୍ୱାରରେ କରାଯିବ ବେଦ ପାଠ ଓ ନାମ ସଂକୀତର୍ଣ୍ଣ । ଅନ୍ୟପଟେ ୧୭ତାରିଖରେ ପ୍ରବଳ ଭିଡକୁ ଲକ୍ଷ୍ୟ ରଖି ସ୍ୱତନ୍ତ୍ର ଟ୍ରାଫିକ୍ ବ୍ୟବସ୍ଥା କରାଯାଇଛି ।

The post ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବ ପାଇଁ କମ୍ପୁଛି ଶ୍ରୀକ୍ଷେତ୍ର । ଅଙ୍କୁରପୂଜନ ସହ ଆଜି ଯଜ୍ଞାଧିବାସ ଓ ଧ୍ୱଜାସ୍ଥାପନା । ଆସନ୍ତାକାଲିଠୁ ଆରମ୍ଭ ହେବ ଯଜ୍ଞ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଂକ୍ରିଟ ଛାତ ଉପରେ ପରିବା ଚାଷ । ଛାତ ଉପରେ ହେଇଛି ଏକ ମିନି ବଗିଚା । ଯେଉଁଠି ଲାଗିଛି ଅନେକ କିସମର ଫୁଲ ଗଛ । ଆଉ ତା ସାଙ୍ଗକୁ ଭିଳି କି ଭଳି ପନିପରିବା । ବାଲେଶ୍ୱର କମର୍ଦା ଅଞ୍ଚଳର ବାସିନ୍ଦା ହେଉଛନ୍ତି ପ୍ରଦୀପ ମହାନ୍ତି । ପ୍ରଦୀପ ନିଜ ଛାତ ଉପରେ କରିଛନ୍ତି ଏହି ମିନି ବଗିଚା । କଂକ୍ରିଟ ଛାତକୁ ଏମିତି ଶୈଳୀରେ ତିଆରି କରିଛନ୍ତି ଯାହାକି କିଚେନ ଗାର୍ଡନକୁ ବେଶ ସୁହାଉଛି ।

ଗୋଟିଏ ଜାଗାରେ ଫୁଲରୁ ନେଇ ଭଳି କି ଭଳି ପରିବା ଲଗାଇଛନ୍ତି । ସିମେଣ୍ଟ ବିମ୍ ସହ ପ୍ଲାଷ୍ଟିକ ପାତ୍ରରେ ଲାଗିଛି ବିଭିନ୍ନ ଗଛ । କେଉଁଠି ବାଇଗଣ ଗଛ ଲାଗିଛି ତ ଆଉ କେଉଁଠି ଟମାଟୋ ଗଛ । ତା ସାଙ୍ଗକୁ ବିନ୍ସ ଓ କଲରା ଲାଗିଛି । ଭଳି କି ଭଳି ସୁନ୍ଦର ସୁନ୍ଦର ଫୁଲରେ ଗାର୍ଡେନର ସୌନ୍ଦଯ୍ୟ ଆହୁରି ଦୁଇ ଗୁଣିତ ହେଉଛି । ସବୁଠୁ ବଡ କଥା ହେଲା କିଚେନ ଗାର୍ଡନରେ ପ୍ରଦୀପ କୌଣସି ରାସାୟନିକ ସାର ଦେଇନଥାନ୍ତି । ସାର ବଦଳରେ ହାତ ତିଆରି ଖତ ବ୍ୟବହାର କରି ଏହି ସବୁ ଉତ୍ପାଦନ କରିଛନ୍ତି ।

ଗାଁ ଗହଳିରେ ଲୋକେ ଏବେ ସହରୀ ଢାଞ୍ଚାରେ କରୁଛନ୍ତି ଚାଷ । ଆଉ ଏହି ଭଳି ଉପାୟ ଆପଣାଇଛନ୍ତି ପ୍ରଦୀପ । ୧ ହଜାରରୁ ଅଧିକ ପରବା ଚାଷ କରିଛନ୍ତି କିଚେନ୍ ଗାର୍ଡେନରେ । ରାସାୟନିକ ସାର କ୍ଷତିକାରକ ହୋଇଥିବା ବେଳେ ପ୍ରଦୀପ କିନ୍ତୁ ପୁରା ଜୈବିକ ସାର ପ୍ରୟୋଗ କରି ଏହି ସୁନ୍ଦର କିଚେନ୍ ଗାର୍ଡେନ ତିଆରି କରିଛନ୍ତି । ଯାହାଫଳରେ ଏଥିରରୁ ଉତ୍ପାଦିତ ପନିପରିବାର ମଧ୍ୟ ଡିମାଣ୍ଡ ବହୁତ ରହିଛି । ଏହା ଦ୍ୱାରା ଅର୍ଥ ସଂଚୟ ହେବା ସହିତ ଭଲ ଓ ତାଜା ପରିବା ଲୋକଙ୍କୁ ମିଳିପାରୁଛି । ପ୍ରଦୀପଙ୍କ ଏହି ଉଦ୍ୟମକୁ ସ୍ଥାନୀୟ ଲୋକେ ବେଶ ପ୍ରଶଂସା କରିଛନ୍ତି । ଜଣେ ଲୋକ ନିଜର ଜାଗା ନଥିଲେ ବି ଛାତ ଉପରେ ସୁନ୍ଦର ଭାବେ ଏହିଭଳି କିଚେନ୍ ଗାର୍ଡେନ କରି ବେଶ ଲାଭବାନ୍ ହୋଇପାରିବେ ।

The post କଂକ୍ରିଟ ଛାତ ଉପରେ ପରିବା ଚାଷ । ଛାତ ଉପରେ ହେଇଛି ଏକ ମିନି ବଗିଚା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଟ୍ରିରେ ମକର ମେଳା ନେଇ ପ୍ରସ୍ତୁତି ଶେଷ । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଲକ୍ଷାଧିକ ଭକ୍ତଙ୍କ ସମାଗମ ହେବା ନେଇ ଆକଳନ କରାଯାଉଛି । ଏନେଇ ସମସ୍ତ ପ୍ରକାରର ପ୍ରସ୍ତୁତି କରାଯାଇଛି ।

ଖୋର୍ଦ୍ଧାର ପ୍ରସିଦ୍ଧ ଶୈବପୀଠ ହେଉଛି ଅଟ୍ରିର ହଟକେଶ୍ୱର ଦେବଙ୍କ ପୀଠ । ମକର ସଂକ୍ରାନ୍ତିରେ ସମ୍ପୂର୍ଣ୍ଣ ରୀତିନୀତିର ସହ ପୂଜାର୍ଚ୍ଚନା କରାଯାଉଥିବା ବେଳେ ଲାଗିଥାଏ ମେଳା । ପୂର୍ବବର୍ଷ ଭଳି ଚଳିତଥର ମଧ୍ୟ ଅଟ୍ରି ମକର ମେଳା ମହୋତ୍ସବରେ ମନ୍ଦିର ସେବାୟତଙ୍କ ପ୍ରସ୍ତୁତି ଜୋରଦାର କରାଯାଇଛି । ସେଠାରେ ଥିବା ମାନସିକ କୁଣ୍ଡ ନିକଟରେ ବି ଲାଗିଥାଏ ଗହଳି । ଏହି କୁଣ୍ଡରେ ରାତିରୁ ରହିଛି ଗୁଆ ଖୋଜିବାର ପରମ୍ପରା । ସଙ୍କଳ୍ପ କରି ଶ୍ରଦ୍ଧାଳୁ ମାନେ ଖୋଜିଥାନ୍ତି ଗୁଆ । ଏନେଇ ଦୂରଦୂରାନ୍ତରୁ ଲାଗିଲାଣି ଭିଡ ।

ଅଟ୍ରିର ହଟକେଶ୍ୱର ଦେବଙ୍କ ପୀଠରେ ପୂଜାର୍ଚ୍ଚନା କରାଯିବା ସହ କରାଯିବ ସ୍ୱତନ୍ତ୍ରନୀତି । କେବଳ ପୂଜାର୍ଚ୍ଚନା ନୁହେଁ ମେଳାରେ ଉଠା ଦୋକାନରୁ ନେଇ ଷ୍ଟଲ ସବୁ ଭର୍ତି ହାଇଗଲାଣି । ଚଳଚଞ୍ଚଳ ପରିବେଶ ଭିତରେ ଲୋକଙ୍କ ଭିଡ ନିୟନ୍ତ୍ରଣ କରାଯାଉଛି । ଶୃଙ୍ଖଳା ରଖିବାକୁ ସ୍ୱତନ୍ତ୍ର ବ୍ୟବସ୍ଥା କରିଛି ପୁଲିସ ଓ ପ୍ରଶାସନ ।

The post ମକର ସଂକ୍ରାନ୍ତି ପାଇଁ ଚଳଚଞ୍ଚଳ ପରିବେଶ । ଅଟ୍ରିର ହଟକେଶ୍ୱର ଦେବଙ୍କ ପୀଠରେ ଏବେଠୁ ଲାଗିଲାଣି ଭିଡ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମିଶନ ଶକ୍ତି ଏବଂ ଜୀବିକା ମିଶନ୍ ମାଧ୍ୟମରେ ସରକାର ମହିଳାମାନଙ୍କୁ ସଶକ୍ତ ଓ ସ୍ୱାବଲମ୍ବୀ କରିବା ପାଇଁ ଗୁରୁତ୍ୱ ଦେଇ କୋଟି କୋଟି ଟଙ୍କାର ପ୍ୟାକେଜ ଘୋଷଣା କରୁଛନ୍ତି । ମାତ୍ର କିଛି ଅସାଧୁ କର୍ମଚାରୀ ମାନଙ୍କ ପାଇଁ ମହିଳା ମାନେ ସଶକ୍ତ ହେବା ବଦଳରେ ଶୋଷଣର ଶିକାର ହେଉଛନ୍ତି, ଯାହାପାଇଁ ଜିଲ୍ଲାପାଳଙ୍କ ଜନଶୁଣାଣି ଶିବିର ଆଗରେ ମହିଳାମାନେ ଧାରଣା ଦେଇଛନ୍ତି ।

ମହିଳାଙ୍କୁ ସଶକ୍ତ ଓ ସ୍ୱାବଲମ୍ବୀ କରିବାକୁ ଦିଆଯାଇଥିଲା ସହାୟତା । ହେଲେ କ୍ଷତିରେ ପଡିଥିବା ନେଇ ଅଭିଯୋଗ କରିଛନ୍ତି ମହିଳା ମାନେ । ଜଳେଶ୍ୱର ଚମାରଗାଁ ପଂଚାୟତର ୩୦ ଜଣ ମହିଳାଙ୍କୁ ସ୍ୱାବଲମ୍ବୀ ଉଦ୍ଦେଶ୍ୟ ନେଇ ଦୁଗ୍ଧ ପ୍ରଦାନକାରୀ ଗାଈ ଯୋଗାଇ ଦିଆଯାଇଥିଲା । ମିଶନ ଶକ୍ତି ଅଧିନରେ ଥିବା ଜିପିଏଲଏଫ ତରଫରୁ ଆର୍ଥିକ ସହାୟତା ଦିଆଯାଇଥିଲା । ଦୁଗ୍ଧ ବିକ୍ରିି କରି ରୋଜଗାରକ୍ଷମ ହେବା ସହିତ ଦୁଇ ପଇସା ଲାଭ ପାଇବେ ମହିଳା ମାନେ । ମାତ୍ର ମିଶନ ଶକ୍ତିରୁ ପାଇଥିବା ଗାଈକୁ ପାଳନ କରି ଲାଭ ପାଇବା ବଦଳରେ କ୍ଷତି ସହୁଥିଲେ । ଦିଆଯାଇଥିବା ଗାଈର ମୁଲ୍ୟ ୩୦ ହଜାର ଟଙ୍କା ହୋଇଥିବା ବେଳେ ପ୍ରତିିଦିନ ୧୦ ରୁ ୧୨ ଲିଟର କ୍ଷୀର ମିଳିବ ବୋଲି କୁହାଯାଇଥିଲା । ହେଲେ ଗାଈ ଗୁଡିକ ଦୁର୍ବଳ ଥିବା ଜଣାପଡିଥିଲା ।  ଘଟଣା ନେଇ ଅଭିଯୋଗ ହେବା ପରେ ଜିଲ୍ଲା ପ୍ରଶାସନ ଗାଈ ଫେରାଇ ନେଇ ଅଗଷ୍ଟରେ ନୂତନ ଗାଇ ଦେବାକୁ ଦେଇଥିଲେ ପ୍ରତିଶ୍ରୁତି । ହେଲେ ୬ ମାସ ପରେ ବି  ଗାଈ ମିଳିନଥିବା ଅଭିଯୋଗ ହୋଇଛି ।

ହିତାଧିକାରୀ ମାନେ ସେମାନଙ୍କ ଗାଈ ଫେରସ୍ତ ପାଇଁ ବାରମ୍ବାର ବିଡିଓ  ଜିଲ୍ଲାପାଳଙ୍କୁ ଗୁହାରୀ କରିଥିଲେ ମଧ୍ୟ କୌଣସି ସୁଫଳ ମିଳି ନଥିଲା । ଜଳେଶ୍ୱର ବ୍ଲକରେ ଜିଲ୍ଲାପାଳଙ୍କ ଜନଶୁଣାଣି ଶିବିରରେ  ଲୋକଙ୍କ ଅଭିଯୋଗ ଶୁଣାଣି ସମୟରେ ଶତାଧିକ ମହିଳା ସେମାନଙ୍କ ଗାଇ ନେବା ପାଇଁ ଧାରଣାରେ ବସିଥିଲେ । ସପ୍ତାହେ ଭିତରେ ସେମାନଙ୍କ ମନ ପସନ୍ଦର ଗାଈ ଦିଆଯିବାର ମିଳିଛି ପ୍ରତିଶ୍ରୁତି । ଜିଲ୍ଲାପାଳଙ୍କ ପ୍ରତିଶ୍ରୁତି ପରେ ହିତାଧିକାରୀ ଓ ସ୍ୱୟଂ ସହାୟକ ଗୋଷ୍ଠୀର ଶତାଧିକ ମହିଳା ଏବେ ଗାଈ ମିଳିବାର ଅପେକ୍ଷାରେ ରହିଛନ୍ତି ।

The post ମହିଳାଙ୍କୁ ସ୍ୱାବଲମ୍ବୀ କରିବା ନାଁରେ ଅସାଧୁ କର୍ମଚାରୀଙ୍କ ଶୋଷଣ । ରୁଗଣ୍ ଗାଈ ଦେଇ ଠକିଥିବା ଅଭିଯୋଗ  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଥମୁନି ଦାଦନ ଯନ୍ତ୍ରଣା । ପୁଣି ଏକ ଦାଦନର କାହାଣୀ ଆସିଛି ସାମନାକୁ । ପରିବାର ପେଟ ପୋଷିବାକୁ ଦାଦନ ଖଟିବାକୁ ଯାଇଥିଲା ଘରର ରୋଜଗାରିଆ ପୁଅ । ବେଙ୍ଗାଲୁରୁରେ କିଛି ଦିନ କାମ କରିବା ପରେ ନିଖୋଜ ହୋଇଯାଇଛନ୍ତି ବାଲେଶ୍ୱର ବାହାନଗା ପଥରପେଣ୍ଠ ଗାଁର ଭାସ୍କର ଚନ୍ଦ୍ରରାଜ ।

ପୁଣି ଦାଦନ ଯନ୍ତ୍ରଣାର କାହାଣୀ । ପରିବାର ପେଟ ପୋଷିବାକୁ ଯାଇଥିଲେ । ହେଲେ କେଉଁଆଡେ ନିଖୋଜ ହୋଇଗଲେ । ପୁଅର ଫଟୋ ଛାତିରେ ଚାପି ଗୁମୁରି କାନ୍ଦୁଛି ମାଆ । ଘରର ଏକମାତ୍ର ରୋଜଗାରିଆ ପୁଅ ନିଖୋଜ ଥିବାବେଳେ ଚିନ୍ତାରେ ପଡିଛନ୍ତି ପରିବାର ଲୋକେ । ବାଲେଶ୍ୱର ବାହାନଗା ପଥରପେଣ୍ଠ ଗାଁର ଭାସ୍କର ଚନ୍ଦ୍ରରାଜ । ପରିବାର ଗୁଜୁରାଣ ମେଂଟାଇବାକୁ ଚାଲିଯାଇଥିଲେ ସୁଦୂର ବାଙ୍ଗାଲୋର । ହେଲେ କିଛି ଦିନ କାମ କରିବା ପରେ ଏବେ କେଉଁଠି ଅଛନ୍ତି ଭାସ୍କର କୌଣସି ଖୋଜ୍ ଖବର ନାହିଁ । ପୁଅକୁ ନପାଇ ମାଆ ଆଖିରୁ ଶୁଖୁନି ଲୁହ । ମୋ ପୁଅକୁ ଖୋଜି ଆଣି ଦିଅ କହି ମାଆ ଚେତାଶୂନ୍ୟ ହୋଇପଡୁଥିବା ବେଳେ ସ୍ଥାନୀୟ ପଡୋଶୀ ଦେଉଛନ୍ତି ଶାନ୍ତ୍ୱନା ।

ଅଭାବୀ ପରିବାର ଚଳିବ କେମିତି? ଘର ଚଳାଇବା ଲୋକର ଖୋଜ ଖବର ମିଳୁନି । କାନ୍ଦୁଛି ମାଆ ଆଉ କାନ୍ଦୂଛନ୍ତି ପୁରା ପରିବାର । ଆଖିରୁ ଲୁହ ଶୁଖୁନଥିବା ବେଳେ ହାତଯୋଡି ଅନୁରୋଧ କରିଛନ୍ତି ୨୪ ବର୍ଷୀୟ ପୁଅ ଭାସ୍କରକୁ ଖୋଜି ଆଣିଦେବାକୁ । ଦାଦନ ଦୁଃଖ ଦିନକୁ ଦିନ ବଢିଚାଲିଥିବା ବେଳେ ଶିକାର ହେଉଛନ୍ତି ଏହି ଅଭାବୀ ପରିବାର । ନିରୁପାୟ ହୋଇ ବସିଛନ୍ତି । ପରିବାର ସହ ସ୍ଥାନୀୟ ଲୋକେ ବି ପ୍ରଶାସନକୁ ଅନୁରୋଧ କରିଛନ୍ତି ଭାସ୍କରଙ୍କୁ ଖୋଜି ଆଣିଦେବାକୁ ।

ଦାଦନ ଦୁଃଖ ଥମୁନି । ହେଲେ ଏହି ଦାଦନ ଖଟିବାକୁ ଯାଇ ବହୁ ଦାଦନ ଅକାଳରେ ଝଡିପଡୁଛନ୍ତି ।

The post ଥମୁନି ଦାଦନ ଯନ୍ତ୍ରଣା । ପରିବାର ପେଟ ପୋଷିବାକୁ ବେଙ୍ଗାଲୁରୁ ଯାଇ ଯୁବକ ନିଖୋଜ first appeared on Kanak News.

from Kanak News
via <a href="https://ifttt.com/?