କନକ ବ୍ୟୁରୋ :  ମହାରାଷ୍ଟ୍ର ବିଧାନସଭାର ବାଚସ୍ପତି ରାହୁଲ ନାରୱେକର ସିନ୍ଦେ ଗୋଷ୍ଠୀକୁ ପ୍ରକୃତ ଶିବସେନା ବୋଲି କହିଛନ୍ତି । ତେଣୁ ସିନ୍ଦେ ଗୋଷ୍ଠୀର ବିଧାୟକଙ୍କୁ ଅଯୋଗ୍ୟ ଘୋଷଣା କରାଯାଇ ପାରିବ ନାହିଁ ବୋଲି ରାୟ ଶୁଣାଇଛନ୍ତି । ଅର୍ଥାତ୍ ସିନ୍ଦେ ଗୋଷ୍ଠୀର ବିଧାୟକଙ୍କ ପଦ ବଜାୟ ରହିବ । ଯାହା ଉଦ୍ଧବ ଠାକରେଙ୍କ ପାଇଁ ଏକ ବଡ଼ ଝଟକା ସୃଷ୍ଟି କରିଛି । ବାଚସ୍ପତି କହିଛନ୍ତି ଯେ ୨୦୧୮ରେ ନେତୃତ୍ୱ ଢାଂଚା ଶିବସେନାର ସମ୍ବିଧାନ ଅନୁଯାୟୀ ନଥିଲା । ୧୯୯୯ରେ ନିର୍ବାଚନ କମିଶନ ନିକଟରେ ଦାଖଲ ହୋଇଥିବା ଦଳର ସମ୍ବିଧାନ ଅନୁଯାୟୀ ଶିବସେନା ପାର୍ଟିର ମୁଖ୍ୟ କାହାକୁ ଦଳରୁ ବହିଷ୍କାର କରିପାରିବେ ନାହିଁ । ତେଣୁ ୨୦୨୨ ଜୁନରେ ଉଦ୍ଧବ ଠାକରେଙ୍କ ଦ୍ୱାରା ଏକନାଥ ସିନ୍ଦେଙ୍କୁ ହଟାଇବା ଶିବସେନା ସମ୍ବିଧାନ ଆଧାରରେ ଗ୍ରହଣୀୟ ନୁହେଁ ।

ବାଚସ୍ପତି କହିଛନ୍ତି ଯେ ଜୁନ୍ ୨୧, ୨୦୨୨ରେ ଯେତେବେଳେ ପ୍ରତିଦ୍ୱନ୍ଦ୍ୱୀ ଗୋଷ୍ଠୀ ଉଭା ହୋଇଥିଲେ, ସେତେବେଳେ ସିନ୍ଦେ ଗୋଷ୍ଠୀ ହିଁ ପ୍ରକୃତ ଶିବସେନା ଥିଲା । ବାଚସ୍ପତିଙ୍କ ନିଷ୍ପତି ପୂର୍ବରୁ ମୁମ୍ବାଇରେ ଗଣମାଧ୍ୟମ ସହ କଥାବାର୍ତା କରି ଏକନାଥ ସିନ୍ଦେ କହିଛନ୍ତି ଯେ ନିର୍ବାଚନ ଆୟୋଗ ତାଙ୍କ ଦଳକୁ ଶିବସେନାର ନାମ ଓ ଚିହ୍ନ ଆବଂଟନ କରିଛନ୍ତି । ଆନୁଷ୍ଠାନିକ ଭାବେ ସେ ଶିବସେନା ଗୋଷ୍ଠୀର ନେତା । ବିଧାନସଭାରେ ସଂଖ୍ୟାଗରିଷ୍ଠତା ରହିଛି ।

ଅନ୍ୟପକ୍ଷରେ ଉଦ୍ଧବ ଗୋଷ୍ଠୀର ବିଧାୟକ ଆଦିତ୍ୟ ଠାକରେ ବାଚସ୍ପତିଙ୍କ ସହ ମୁଖ୍ୟମନ୍ତ୍ରୀ ସିନ୍ଦେଙ୍କ ବୈଠକକୁ ନେଇ ପ୍ରଶ୍ନ ଉଠାଇଛନ୍ତି । ବାଚସ୍ପତି ରାୟ ଦେବା ପୂର୍ବରୁ ସେ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଛନ୍ତି ବୋଲି ଦେଖିଥିବା କହିଛନ୍ତି । ଇତିହାସରେ ଏପରି କେବେ ହୋଇନଥିଲା ବୋଲି କହିଛନ୍ତି । ବାଚସ୍ପତି ଗଣତନ୍ତ୍ରକୁ ଅନୁସରଣ କରୁଛନ୍ତି କି ନାହିଁ ତାହା ଲୋକମାନେ ଜାଣିପାରିବେ ବୋଲି ଆଦିତ୍ୟ ଠାକରେ କହିଛନ୍ତି ।

୨୦ ଜୁନ ୨୦୨୨ରେ ସିନ୍ଦେ ଏବଂ ତାଙ୍କ ଗୋଷ୍ଠୀର ୩୯ ଜଣ ବିଧାୟକ ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା ବିରୋଧରେ ବିଦ୍ରୋହ କରି ବିଜେପି ସହ ମେଂଟ କରିଥିଲୋ ଏହା ପରେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ପଡିଥିଲା ଏବଂ ସିନ୍ଦେ ମୁଖ୍ୟମନ୍ତ୍ରୀ ହୋଇଥିଲେ  । ସେହିପରି ଦେବେନ୍ଦ୍ର ଫଡନାଭିସଙ୍କୁ ଉପ ମୁଖ୍ୟମନ୍ତ୍ରୀ କରାଯାଇଛି  । ଏହା ଉପରେ ଉଦ୍ଧବ ଗୋଷ୍ଠୀ ଦଳବଦଳ ଆଇନର ବାଚସ୍ପତିଙ୍କୁ ନୋଟିସ୍ ଦେଇଥିଲେ । ଏହାପରେ ମାମଲା ମଧ୍ୟ ସୁପ୍ରିମ୍ କୋର୍ଟରେ ପହଂଚିଥିଲା । ମାମଲା ଶୁଣାଣି କରିବାକୁ ବହୁତ ବିଳମ୍ବ ହୋଇଥିଲା । ପରେ ଏହାକୁ ନେଇ ଶୀଘ୍ର ଶୁଣାଣି କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ ।

The post ଶିବସେନା ବନାମ ଶିବସେନା ଲଢ଼େଇରେ ଉଦ୍ଧବ ଗୋଷ୍ଠୀକୁୁ ବଡ଼ ଝଟକା ।  ମହାରାଷ୍ଟ୍ରର ୧୬ ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ନେଇ ଉଦ୍ଧବ ଗୋଷ୍ଠୀର ଆବେଦନ ଖାରଜ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମହାରାଷ୍ଟ୍ର ରାଜନୀତିକୁ ନେଇ ଆସିଲା ବଡ ରାୟ । ବାଚସ୍ପତି ରାହୁଲ ନାର୍ବେକର ବିଧାୟକଙ୍କ ସଭ୍ୟ ପଦ ରଦ୍ଦ ହେବାକୁ ନେଇ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି । ଏହ ରାୟରେ ସିନ୍ଦେ ଗୋଷ୍ଠୀର ବିଧାୟକଙ୍କୁ ଅସଲି ଶିବସେନା ବୋଲି କହିବା ସହିତ ଏକନାଥ ସିନ୍ଦେଙ୍କୁ ହଟାଇବାର ଅଧିକାର ଉଦ୍ଧବ ଠାକରେଙ୍କ ପାଖରେ ନାହିଁ ବୋଲି ବାଚସ୍ପତି କହିଛନ୍ତି । ମହାରାଷ୍ଟ୍ର ବିଧାନସଭାର ବାଚସ୍ପତି ଆଜି ଏହି ପ୍ରସଙ୍ଗରେ ରାୟ ଶୁଣାଇ କହିଛନ୍ତି, ଏକନାଥ ସିନ୍ଦେଙ୍କୁ ହଟାଇବାର ଶକ୍ତି ଉଦ୍ଧବ ଠାକରେଙ୍କ ପାଖରେ ନାହିଁ । ଏପରିକି ଶିବସେନା ପ୍ରମୁଖଙ୍କ ପାଖରେ ପାର୍ଟିର କୌଣସି ନେତାଙ୍କୁ ହଟାଇବାର ଶକ୍ତି ନାହିଁ । ତେଣୁ ଏକନାଥ ସିନ୍ଦେଙ୍କୁ ବିଧାୟକ ଦଳର ନେତା ପଦରୁ ହଟାଇବା ସ୍ୱୀକାର କରାଯାଉନି ବୋଲି ବାଚସ୍ପତି କହିଛନ୍ତି ।

ଏହାସହିତ ସିନ୍ଦେ ନା ଉଦ୍ଧବ ଗୋଷ୍ଠୀ ଅସଲି ଶିବସେନା, ସେ ପ୍ରସଙ୍ଗରେ ମଧ୍ୟ ପ୍ରତିକ୍ରିୟା ରଖିଛନ୍ତି ମହାରାଷ୍ଟ୍ର ବିଧାନସଭାର ବାଚସ୍ପତି । ସେ କହିଛନ୍ତି ନିର୍ବାଚନ ଆୟୋଗର ରେକର୍ଡ ମୁତାବକ ସିନ୍ଦେ ଗୋଷ୍ଠୀ ହିଁ ଅସଲି ଶିବସେନା । ଉଦ୍ଧବ ଠାକରେ ନିର୍ବାଚନ ଆୟୋଗଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରିଥିଲେ । ତେବେ ଶିବସେନାର ୧୯୯୯ ମସିହାର ସମ୍ବିଧାନ ହିଁ ସର୍ବମାନ୍ୟ ଓ ସର୍ବୋପରି ବୋଲି ବାଚସ୍ପତି କହିଛନ୍ତି ।

ସୂଚନାଯୋଗ୍ୟ ଯେ, ୨୦୨୨ ଜୁନ୍ ମାସରେ ଶିବସେନାର ବିଦ୍ରୋହୀ ବିଧାୟକ ବିଜେପି ସମର୍ଥନରେ ସରକାର ଗଠନ କରିବା ପରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ହୋଇଥିଲେ । ଏହାର ପ୍ରାୟ ବର୍ଷକ ପରେ ଅଜିତ ପାୱାର ନିଜ ଦାଦା ଶରତ ପାୱାରଙ୍କ ବିରୋଧରେ ବିଦ୍ରୋହ କରି ଏକନାଥ ସିନ୍ଦେଙ୍କୁ ସମର୍ଥନ କରିଥିଲେ ଏବଂ ନିଜେ ଉପମୁଖ୍ୟମନ୍ତ୍ରୀ ବନିଥିଲେ । ଏହାପରେ ମଧ୍ୟ ମୁଖ୍ୟମନ୍ତ୍ରୀ ପଦକୁ ନେଇ ଚର୍ଚ୍ଚା ଥମିନଥିଲା । ୪୦ ଜଣ ବିଧାୟକଙ୍କ ସମର୍ଥନ ରହିଥିବା ସିନ୍ଦେ ହିଁ ମୁଖ୍ୟମନ୍ତ୍ରୀ ରହିବେ ନାଁ ଅଜିତ ପୱାରଙ୍କ ହାତକୁ ଶାସନ ଭାର ଆସିବ ତାକୁ ନେଇ ଚର୍ଚ୍ଚା ହୋଇଥିଲା । ଏପରିକି ସିନ୍ଦେ ହିଁ ମହାରାଷ୍ଟ୍ର ମୁଖ୍ୟମନ୍ତ୍ରୀ ରହିବେ ବୋଲି ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ କହିଥିଲେ । ଏସବୁ ଭିତରେ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ସମେତ ଅନ୍ୟ ବିଧାୟକଙ୍କ ସଭ୍ୟ ପଦ ରଦ୍ଦ ପାଇଁ ମହାରାଷ୍ଟ୍ର ବିଧାନସଭା ବାଚସ୍ପତି ରାହୁଲ ନାର୍ବେକରଙ୍କ ନିକଟରେ ଦାବି କରିଥିଲେ ଉଦ୍ଧବ ଠାକରେ ଗୋଷ୍ଠୀ । ଆଉ ବୁଧବାର ଏହି ଘଟଣାରେ ବାଚସ୍ପତିଙ୍କ ରାୟ ଆସିଛି ।

The post ମହାରାଷ୍ଟ୍ର ରାଜନୀତିକୁ ନେଇ ବଡ ନିଷ୍ପତ୍ତି । ବାଚସ୍ପତି କହିଲେ, ସିନ୍ଦେ ଗୋଷ୍ଠୀ ହିଁ ଅସଲି ଶିବସେନା । ଏକନାଥଙ୍କୁ ହଟାଇବାର ଶକ୍ତି ଉଦ୍ଧବଙ୍କ ପାଖରେ ନାହିଁ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପର୍ଯ୍ୟଟନ ଋତୁରେ ଜମୁଛି ପର୍ଯ୍ୟଟକଙ୍କ ଭିଡ । ପାହାଡ ଜଙ୍ଗଲ ଘେରା ମନୋରମ ପରିବେଶରେ ଆନନ୍ଦପୁର ଚକ୍ରତୀର୍ଥ । ଯେଉଁ ଜାଗା ଏବେ ପର୍ଯ୍ୟଟକଙ୍କ ପ୍ରଥମ ପସନ୍ଦ ପାଲଟିଛି   । ପରିବାର ସହ ବୁଲା ବୁଲି କରିବା ସହ ବଣେଭୋଜିର ଜମୁଛି ଆସର । କେନ୍ଦୁଝର ଆନନ୍ଦପୁର –ଭଦ୍ରକ ମୁଖ୍ୟ ରାସ୍ତାର ତରତରା ଛକଠାରୁ ୧୧ କିଲୋମିଟର ଦୂରରେ ପଡେ ପର୍ଯ୍ୟଟନସ୍ଥଳୀ ଚକ୍ରତୀର୍ଥ । ଯାହାର ଉଭୟ ପାଶ୍ୱର୍ରେ ସବୁଜିମା ସାଙ୍ଗକୁ ପାହାଡି ଝରଣା ପର୍ଯ୍ୟଟକଙ୍କ ମନମୋହୁଛି । ଏହି ଜାଗା ନେଇ ମଧ୍ୟ ରହିଛି ବହୁ ପୁରୁଣା କିମ୍ବଦନ୍ତୀ । କୁହାଯାଏ ପ୍ରଭୁ କୃଷ୍ଣ ଏହି ସ୍ଥାନରେ ଚକ୍ର ପେଷି ନିଜ ତୃଷ୍ଣା ମେଂଟାଇଥିଲେ । ତେଣୁ ପାହଡରୁ ଝରିଆସିଥିବା ଏହି ପ୍ରପାତ ଦେଖିବାକୁ ଦୂରଦୂରାନ୍ତରୁ ଛୁଟି ଆସୁଛନ୍ତି ପର୍ଯ୍ୟଟକ ମାନେ । ଏହି ସ୍ଥାନର ବୁଲିବା ସହିତ ପାହାଡି ଝରଣାର ବେଶ ମଜା ଉଠାଉଛନ୍ତି ।

ଚକ୍ରତୀର୍ଥ ଭଳି ମନୋରମ ପରିବେଶର ନିଜକୁ ହଜାଇ ଦେଉଛନ୍ତି ବୁଲି ଆସୁଥିବା ଲୋକେ । ପାହାଡରୁ ଝରିଆସୁଥିବା ଏହି ଝରଣା ଆକାଶ ଗଙ୍ଗା ନାଁରେ ନାମିତ କରାଯାଇଛି । ଯାହା ଅନବରତ ଝରିବା ସହିତ ଲୋକଙ୍କ ଆମୋଦର ପାଲଟିଛି ମାଧ୍ୟମ । ଦୂରଦୂରାନ୍ତରୁ ଅସୁଥିବା ଲୋକେ ଏଠାରେ ବୁଲିବା ସହ ସେଲଫି ନେବାକୁ ଭୁଲନ୍ତିନି ।

ବଣ ପାହାଡ ଘେରା ସବୁଜିମା ଭିତରେ ରହିଥିବା ଏହି ପର୍ଯ୍ୟଟନସ୍ଥଳୀ ଚକ୍ରତୀର୍ଥକୁ ବହୁ ପର୍ଯ୍ୟଟକଙ୍କୁ ଭିଡ ଲାଗୁଥିବା ବେଳେ ଜମୁଛି ଭୋଜିର ଆସର ।

The post ପାହାଡ ଜଙ୍ଗଲ ଘେରା ମନୋରମ ପରିବେଶରେ ଆନନ୍ଦପୁର ଚକ୍ରତୀର୍ଥ । ପ୍ରଭୁ କୃଷ୍ଣଙ୍କ ସହ ରହିଛି ପୁରୁଣା କିମ୍ବଦନ୍ତୀ, ପାହାଡି ଝରଣା ପାଲଟିଛି ମୁଖ୍ୟ ଆକର୍ଷଣ first appeared on Kanak News.

from Kanak News
via <a href="https://ifttt.com/?

ପ୍ରଚଣ୍ଡ ବିରୋଧୀ ଭାବେ ଜଣାଶୁଣା ଚୀନ୍ ଏବଂ ଆମେରିକା ମଧ୍ୟରେ ସାମରିକ ଆଲୋଚନା ହୋଇଛି । ଏହି ଦୁଇ ଦେଶ ମଧ୍ୟରେ ତିକ୍ତତା ବେଶ ପୁରୁଣା । ଏବେ ପୁଣି ତାଇୱାନ ପ୍ରସଙ୍ଗରେ ମଧ୍ୟ ଟେନସନ ।  ଏଭଳି ପରିସ୍ଥିତିରେ ଉଭୟ ଦେଶର ସେନା ଅଧିକାରୀ ମାନେ ଦୀର୍ଘ ଦିନର ବ୍ଯବଧାନ ପରେ ଗୋଟିଏ ଟେବୁଲରେ ଏକାଠି ବସି ଅନେକ ପ୍ରସଙ୍ଗ ବିଷୟରେ ଆଲୋଚନା କରିଥିଲେ ।

ଆମେରିକା ଏବଂ ଚୀନ୍ ମଧ୍ୟରେ ସବୁବେଳେ ମତଭେଦ ରହି ଆସିଛି । ଉଭୟ ଦେଶ ସର୍ବଦା ପରସ୍ପର ବିରୁଦ୍ଧରେ ଛିଡ଼ା ହେଇଥାନ୍ତି ।  ଏହି ସମୟରେ ଦୁଇ ଦେଶ ମଧ୍ୟରେ ଏକ ଆଲୋଚନା ହୋଇଛି । ଉଭୟ ଦେଶର ସେନା ଅଧିକାରୀମାନେ ଗୋଟିଏ ଟେବୁଲରେ ଏକାଠି ବସି ଅନେକ ପ୍ରସଙ୍ଗରେ ଆଲୋଚନା କରିଛନ୍ତି।  ୱାଶିଂଟନରେ ସୋମବାର ଓ ମଙ୍ଗଳବାର ଦୁଇ ଦେଶ ମଧ୍ୟରେ ଏକ ଦୁଇ ଦିନିଆ ସାମରିକ ଆଲୋଚନା ହୋଇଥିଲା।  ଏହା ଥିଲା ୧୭ ତମ ଆମେରିକା-ଚୀନ୍ ପ୍ରତିରକ୍ଷା ନୀତି ସମନ୍ୱୟ ବାର୍ତ୍ତାଳାପ । ଚୀନ୍ ଏବଂ ଆମେରିକା ମଧ୍ୟରେ ସାମରିକ ସ୍ତରୀୟ ଆଲୋଚନା ଶେଷ ଥର ପାଇଁ ୨୦୨୧ ମସିହାରେ ଅନୁଷ୍ଠିତ ହୋଇଥିଲା ।

ଗତ ବର୍ଷ ଶେଷ ଆଡକୁ ଆମେରିକାର ରାଷ୍ଟ୍ରପତି ଜୋ ବାଇଡେନ ଏବଂ ଚୀନ୍ ରାଷ୍ଟ୍ରପତି ସି ଜିନପିଙ୍ଗ ପୁଣି ଦୁଇ ଦେଶ ମଧ୍ୟରେ ସମ୍ପର୍କକୁ ସୁଦୃଢ କରିବାକୁ ଉଦ୍ୟମ କରିଛନ୍ତି । ଚାଇନା, ତାଇୱାନ ଏବଂ ମୋଙ୍ଗୋଲିଆ ପାଇଁ ଆମେରିକାର ପ୍ରତିରକ୍ଷା ବିଭାଗର ଡେପୁଟି ଆସିଷ୍ଟାଣ୍ଟ ସେକ୍ରେଟେରୀ ମାଇକେଲ ଚେଜ୍ ଚୀନ୍‌ର ମେଜର ଜେନେରାଲ ଗୀତ ୟାନଚାଓଙ୍କୁ ଆନ୍ତର୍ଜାତୀୟ ସାମରିକ ସହଯୋଗ ପାଇଁ କେନ୍ଦ୍ରୀୟ ସାମରିକ ଆୟୋଗ କାର୍ଯ୍ୟାଳୟର ଡେପୁଟି ଡାଇରେକ୍ଟରଙ୍କୁ ଭେଟିଛନ୍ତି । ଏହା ଥିଲା ୧୭ ତମ ଆମେରିକା-ଚୀନ୍ ପ୍ରତିରକ୍ଷା ନୀତି ସମନ୍ୱୟ ବାର୍ତ୍ତାଳାପ ।

ଚୀନ ବିବୃତ୍ତି ଜାରି କରିଛି

ଚୀନ୍ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏକ ବିବୃତ୍ତି ଜାରି କରାଯାଇଛି। ଚାଇନା ଏହି ବିବୃତ୍ତିରେ କହିଛି ଯେ ତାଇୱାନ ପ୍ରସଙ୍ଗରେ ସେମାନେ କୌଣସି ପ୍ରକାର ଆପୋଷ ବୁଝାମଣା କରିବ ନାହିଁ । ଦୀର୍ଘ ଦିନ ପରେ ଆମେରିକା ସହ ସାମରିକ ସ୍ତରର କଥାବାର୍ତ୍ତା ସମୟରେ ଚୀନ୍‌ର ଏହି ବିବୃତ୍ତି ଆସିଛି । ୨୦୨୧ ମସିହାରେ ଶେଷ ଥର ପାଇଁ ଚୀନ୍ ଏବଂ ଆମେରିକା ମଧ୍ୟରେ ସାମରିକ ସ୍ତରର ଆଲୋଚନା ହୋଇଥିଲା  ଚୀନ୍ ପ୍ରତିରକ୍ଷା ମନ୍ତ୍ରଣାଳୟ ଦ୍ଵାରା ଜାରି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ଆଗାମୀ ଦିନରେ ତାଇୱାନରେ ନିର୍ବାଚନ ହେବାକୁ ଯାଉଛି । ଏହି ସପ୍ତାହ ଶେଷରେ ତାଇୱାନରେ ରାଷ୍ଟ୍ରପତି ଏବଂ ବିଧାନସଭା ନିର୍ବାଚନ ଅନୁଷ୍ଠିତ ହେଉଛି । ଏହି ବିବୃତ୍ତି ପରେ ଚୀନ୍ ଏବଂ ତାଇୱାନ ମଧ୍ୟରେ ଦୂରତା ଆହୁରି ବଢି ଯିବାର ଆଶଙ୍କା କରାଯାଉଛି । ଚୀନ୍ ତାଇୱାନକୁ ଏହାର ଅଂଶ ଭାବରେ ବିବେଚନା କରେ କିନ୍ତୁ ତାଇୱାନ ନିଜକୁ ଚୀନ୍ ଠାରୁ ଅଲଗା ମନେ କରେ । ଆମେରିକା ମଧ୍ୟ ଏହି ପ୍ରସଙ୍ଗରେ ଚୀନ୍ ବିରୋଧରେ ଛିଡା ହୋଇଥିବା ଜଣାପଡିଛି ।

 

The post ଚୀନ୍ ଏବଂ ଆମେରିକାର ସୈନ୍ୟ ଅଧିକାରୀଙ୍କ ଆମନା ସାମନା ବୈଠକ । କଣ ବାହାରିଲା ଫଳାଫଳ ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପ୍ରଭୁ ଜଗନ୍ନଥଙ୍କ ରୋଷ ଶାଳରେ ମହକିବ କଳାଜିରା ଚାଉଳ । ଭୋଗରେ ଲାଗିହେବ ଏହି କଳାଜିରା କିସମ ଚାଉଳ । ପ୍ରସ୍ତୁତ ହେବ ସୁସ୍ୱାଦୁ ବ୍ୟଂଜନ ମାନ । ଶାବର ଶ୍ରୀକ୍ଷେତ୍ରରୁ ପୁରୀ ଶ୍ରୀକ୍ଷତ୍ରକୁ କଳାଜିରା ଚାଉଳ ପଠାଇବାକୁ ଆରମ୍ଭ ହୋଇଯାଇଛି ପ୍ରସ୍ତୁତି । କେବଳ ଅପେକ୍ଷା ରହିଛି ଅନୁମୋଦନକୁ । ଅନୁମୋଦନ ମିିଳିଗଲେ ଭକ୍ତ ମାନେ ପାଇବେ କଳାଜିରାରୁ ପ୍ରସ୍ୁତ ପ୍ରସାଦ । ଏହି କଳାଜିରାକୁ ଜିଆଇ ଟ୍ୟାଗ ମିଳିବା ପରେ କୋରାପୁଟ ଜିଲ୍ଲାପାଇଁ ଏହା ଦେଇଛି ଆଉ ଏକ ପରିଚୟ । କୋରାପୁଟ ଜିଲ୍ଲାରେ ବହୁଳ ଭାବରେ ଏହା ଚାଷ ହେଉଥିବାବେଳେ ଏହାର ଗୁଣବତା ନେଇ ବଢୁଛି ଚାହିଦା । ବେଶୀ କରି ଦିନକୁ ଦିନ ଦେଶ ବିଦେଶର ବି ଚାହିଦା ବଢିବାରେ ଲାଗିଛି । ସୁସ୍ୱାଦୁ ବ୍ୟଂଜନ ପ୍ରସ୍ତୁତ କରିବାରେ ଏହି କଳାଜିରା ବ୍ୟବହାର ହୋଇଥାଏ । ଆଉ ଏବେ ମହାପ୍ରସାଦରେ ବ୍ୟବହାର କରିବାକୁ ଚାଲିଛି ପ୍ରୟାସ ।

କୋରାପୁଟ ବ୍ୟତୀତ ମାଲକାନଗିରି ଓ ରାୟଗଡାରେ ମଧ୍ୟ କଳାଜିରା ବହୁଳ ଭାବେ ଚାଷ କରାଯାଉଛି । ଏକର ପିଛା ୫ରୁ ୧୦ କୁଇଂଟାଲ ଅମଳ ହେଉଥିବା ବେଳେ ଚାଷୀ ମଧ୍ୟ ବେଶ ଲାଭବାନ୍ ହେଉଛନ୍ତି ଏହି ଚାଷ କରି । ତେବେ ଏହି କଳାଜିରା ବ୍ୟବସାୟୀ କରଣ ପାଇଁ ସ୍ୱତନ୍ତ୍ର ଭାବେ ଜିଆଇ ଟ୍ୟାଗ ପ୍ରଦାନ କରିଥିବା ସଂସ୍ଥାକୁ ଆବେଦନ କରିବାକୁ ପଡ଼ିବ । ଏହା ଦ୍ୱାରା ଚାଷୀ ମାନେ ଅଧିକ ଲାଭବାନ୍ ହୋଇପାରିବେ । ବିଲୁପ୍ତ ହେଉଥିବା କଳା ଜିରାକୁ ବଚାଂଇ ରଖିବା ଓ ଏହାର ପୁନଉଦ୍ଧାର ପାଇଁ ଜୟପୁର ସ୍ଥିତ ସ୍ୱାମିନାଥନ ଗବେଷଣା ପ୍ରତିଷ୍ଠାନର ପ୍ରମୁଖ ଭୁମିକା ରହିଛି ।

ଜିଆଇ ଟ୍ୟାଗ ପାଇବା ପରେ କଳାଜିରା ଧାନକୁ ମିଳିବ ଅନ୍ତର୍ଜାତୀୟ ବଜାର । ଏହାର ବ୍ୟବସାୟ ବଢାଯିବା ସହିତ ଚାଷୀ ମାନେ ଏହି ଚାଷ କଲେ ବେଶ ଉପକୃତ ହୋଇପାରିବ ।

The post ପ୍ରଭୁ ଜଗନ୍ନାଥଙ୍କ ରୋଷ ଶାଳରେ ମହକିବ କଳା ଜିରା ଚାଉଳ । ଶାବର ଶ୍ରୀ କ୍ଷେତ୍ରରୁ ପୁରୀକୁ ଯିବ କୋରାପୁଟରର କଳାଜିରା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଗର୍ଭବତୀ ମହିଳା ଓ ଶିଶୁଙ୍କୁ ନିମ୍ନମାନର ଖାଦ୍ୟ ଦିଆଯାଉଥିବା ଅଭିଯୋଗ । ଉନ୍ନତ ମାନର ଖାଦ୍ୟ ଯୋଗାଇବାକୁ ଏସଏଚଜିଙ୍କୁ ଦିଆଯାଇଛି ଦାୟିତ୍ୱ । ହେଲେ ସେଥିରେ ବି ହେରଫେର ହେଉଥିବା ଅଭିଯୋଗ । କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକରେ ଥିବା ୨୯ ପଂଚାୟତରେ ଗର୍ଭବତୀ ମହିଳା ଓ ଶିଶୂଙ୍କୁ ଉନ୍ନତ ମାନର ଶୁଖିଲାଖାଦ୍ୟ ଯୋଗାଇବାକୁ ଦୁଇଟି ସ୍ୱୟଂ ସହାୟିକା ଗୋଷ୍ଠିକୁ ଦାୟିତ୍ୱ ଦିଆଯାଇଛି । ହେଲେ ଏଥିରେ ବି ଖୁଲମଖୁଲା ହେରଫେର କରାଯାଉଛି । ଅଧୁଆ ଗହମରେ ଅପମିଶ୍ରଣ କରି ଛତୁଆ ପ୍ରସ୍ତୁତ କରାଯାଉଥିବା ଚିତ୍ର ସାମ୍ନାକୁ ଆସିଛି । ଭିତରପଟୁ ବାଟ ବନ୍ଦ କରି କର୍ମଚାରୀଙ୍କ ଅନୁପସ୍ଥିତିରେ ଖୁଲମଖୁଲା ଛତୁଆରେ ଅପମିଶ୍ରଣ କରାଯାଉଥିବା ଚିତ୍ର ସାମନାକୁ ଆସିଛି । ଯାହାକୁ ନେଇ ବିଭିନ୍ନ ମହଲରେ ଅସନ୍ତୋଷ ଦେଖିବାକୁ ମିିଳିଥିଲା ।

କେବଳ ଯେ ଛତୁଆ ନୁହେଁ ପିଲାମାନଙ୍କୁ ଦିଆଯାଉଥିବା ଖାଦ୍ୟରେ ପୋକ ସାଲୁବାଲୁ । ବାରମ୍ବାର ଅଭିଯୋଗ ପରେ ବି ସୁଧାରିବାର ନାହିଁ । ଏହି ଖାଦ୍ୟ ଖାଇ ପିଲା ଅସୁସ୍ଥ ହୋଇପଡୁଥିବା ଅଭିଯୋଗ ଆଣିଛନ୍ତି ଅଭିଭାବକ ମାନେ ।

ସେପଟେ  ଖାଦ୍ୟ ଯୋଗାଣ କାରୀ ସଂସ୍ଥା ଏହି ଖାଦ୍ୟ ବିତରଣ କରି ମାଲାମାଲ ହେଉଥିବାବେଳେ ନିମ୍ନମାନର ଖାଦ୍ୟକୁ ବାହାରେ ଫୋପାଡି ଦିଆଯାଉଛି । ଘଟଣାର ବହୁବାର ପ୍ରତିବାଦ କରାଯାଉଛି । ଏବେ ଏହି ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନେବାର ମିଳିଛି ପ୍ରତିଶ୍ରୁତି ।

ମହିଳା ଓ ଶିଶୁଙ୍କ ପାଇଁ ସରକାର କରୁଥିବା ସୁବିଧାକୁ ଅସାଧୁ ଲୋକେ ଅପବ୍ୟବହାର କରି ଫାଇଦା ଉଠାଉଛନ୍ତି । ଏନେଇ ଦୃଢ କାର୍ଯ୍ୟାନୁଷ୍ଠାନ ସହ ସ୍ଥିତି ସୁଧାରିବା ଜରୁରୀ ହୋଇଛି ।

 

The post ଗର୍ଭବତୀ ମହିଳା ଓ ଶିଶୁଙ୍କୁ ମିଳୁନି ପୁଷ୍ଟିକର ଖାଦ୍ୟ । ରାଜନଗରରେ ନିମ୍ନମାନର ଖାଦ୍ୟ ଦିଆଯାଉଥିବ ଅଭିଯୋଗ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ମୟୂରଭଞ୍ଜ ଜିଲ୍ଲାର ବହୁ ପ୍ରତିକ୍ଷୀତ ତିନି ରେଳ ରୁଟ୍ ପାଇଁ ବ୍ୟୟ ଅଟକଳ ହୋଇସାରିଛି । ଏନେଇ ଡିପିଆର ପ୍ରସ୍ତୁତ ହୋଇଥିବା ବେଳେ କେବଳ ମଂଜୁରୀକୁ ରହିଛି ଅପେକ୍ଷା । ଏନେଇ ୧୪୫୯.୧୩ କୋଟି ଟଙ୍କା ବ୍ୟୟ ଅଟକଳ ହୋଇଛି । ଏହି ରୁଟରେ ଦୁଇଟି ପୁରୁଣା ରେଳଷ୍ଟେସନ ସହ ନୂତନ ୫ଟି ରେଳ ଷ୍ଟେସନ ରହିବ । ସେଗୁଡିକ ମଧ୍ୟରେ ଓଡ଼ିଶା ସୀମାରେ ବୁଡାମରା ,ଝାରପୋଖରିଆ, ଓ ଝାଡ଼ଖଣ୍ଡ ସୀମାରେ ଥିବା ବହଡାଗୋଡା, ବରୋଲ, ପୁରୁଣାପାଣି ଷ୍ଟେସନ ରହିବ । ରେଳଲାଇନ ଦ୍ୱାରା ରୂପସା-ବାଙ୍ଗରିପୋଷି ସେକ୍ସନର ବୁଡାମରା ଓ ଖଡଗପୁର-ଟାଟା ନଗର ସେକ୍ସନକୁ ସଂଯୋଗ ହୋଇପାରିବ । ଏହି ରେଳ ରୁଟ ସବୁ ସଂଯୋଗ ହେଲେ ମୟୂରଭଞ୍ଜ ଲୋକମାନେ ଉପକୃତ ହେବେ । ଯାତାୟାତରୁ ନେଇ ବାଣିଜ୍ୟ ଓ ଅଂଚଳ ବିକାଶର ନୂଆ ସମ୍ଭାବନା ସୃଷ୍ଟିକରିବାରେ ସକ୍ଷମ ହେବ । ବହୁଦିନରୁ ଦାବି ହୋଇ ଆସୁଥିବାବେଳେ ଏବେ ସଫଳ ରୂପାୟନ ହେବାକୁ ଯାଉଛି । ଯାହାକୁ ନେଇ ଜିଲ୍ଲାବାସୀଙ୍କ ମହଲରେ ଖୁସି ଦେଖିବାକୁ ମିଳିଛି ।

ଦୀର୍ଘଦିନରୁ ଜିଲ୍ଲାବାସୀ ଦାବି ରଖିଥିଲେ ରେଳରୁଟର ବିକାଶ ପାଇଁ । ଜିଲ୍ଲାରେ ରେଳ ବିକାଶ ହେବା ନେଇ ପ୍ରତିଶ୍ରୁତି ଦେଇଥିଲେ ଖୋଦ୍ ରେଳମନ୍ତ୍ରୀ ଅଶ୍ୱନୀ ବୈଷ୍ଣବ । ଆଉ ଏହା ଏବେ ଶେଷ ପର୍ଯ୍ୟାୟରେ ପହଂଚିଛି । ଆଗାମୀ ଫେବୃଆରୀ ମାସରେ ପ୍ରକଳ୍ପର ଭିତିିପ୍ରସ୍ତର ଶୁଭ ଦିଆଯିବା ଜଣାପଡିଛି ।

କେବେ ଏହି ପ୍ରକଳ୍ପର ଶୁଭାରମ୍ଭ ହେବ ଓ କେବେ ଶେଷ ହେବ । ଜିଲ୍ଲାବାସୀ କେବେ ଏହାଦ୍ୱାରା ଉପକୃତ ହେବେ ସେ ନେଇ ରହିଛନ୍ତି ଅପେକ୍ଷାରେ ।

The post ଦୀର୍ଘବର୍ଷ ଅପେକ୍ଷାର ହେବ ଅନ୍ତ । ମୟୁରଭଞ୍ଜ ବାସୀଙ୍କ ପାଇଁ ଖୁସି ଖବର, ବହୁ ପ୍ରତିକ୍ଷୀତ ତିନୋଟି ରେଳ ରୁଟ୍ ପାଇଁ ବ୍ୟୟ ଅଟକଳ ସହ ଡିପିଆର୍ ପ୍ରସ୍ତୁତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପରିବାର ପେଟ ପୋଷିବାକୁ ଯାଇଥିଲେ । ହେଲେ ନିଜେ ପରିବାର ପାଇଁ ପାଲଟିଗଲେ ବୋଝ । ଘରର ଏକମାତ୍ର ରୋଜଗାରିଆ ପୁଅ ଏବେ ଶଯ୍ୟାଶାୟୀ ହୋଇପଡିଛି । ପରିବାର ଦୁଃଖ ଦୂର କରିବାକୁ ଯାଜପୁର ବିଂଝାରପୁର ପ୍ରୀତିପୁର ଗାଁର ପପୁ ମଲ୍ଲିକ ଯାଇଥିଲେ ସୁଦୂର ତାମିଲନାଡୁ । ସେଠାରେ ଦାଦନ ଖଟୁଥିଲେ । ସବୁ କିଛି ଠିକଠାକ ଚାଲିଥିବା ବେଳେ ଅସୁସ୍ଥ ହୋଇପଡିଥିଲେ ପପୁ । ଦୁଇଟି ଯାକ କିଡନୀ ନଷ୍ଟ ହୋଇଯାଇଛି । ଅଭାବୀ ପରିବାର ମୁଠାଏ ଖାଇବାକୁ ଯୋଗାଡ କରିପାରୁନଥିବା ବେଳେ ମେଡିସିନ୍ ତାଙ୍କ ପାଇଁ ସ୍ୱପ୍ନ ପାଲଟିଛି । ବାପା ମାଆଙ୍କୁ ନେଇ ୮ ପ୍ରାଣୀ କୁଟୁମ୍ବ ଚଳିବେ କିଭଳି । ପପୁଙ୍କ ଚିକତ୍ସା ହେବ କିଭଳି? ଭାଙ୍ଗି ପଡିଛନ୍ତି ପୁରା ପରିବାର । ପୁଅର ଅସହାୟତା ଦେଖି ମାଆ ଆଖିରୁ ଶୁଖୁନି ଲୁହ । ଘରେ ଚୁଲି ଜଳୁନଥିବା ବେଳେ କିଛି ସାହାଯ୍ୟ ସହଯୋଗ ପାଇଁ ଅନୁରୋଧ କରିଛନ୍ତି ପପୁଙ୍କ ପରିବାର ।

ଘରେ ବୃଦ୍ଧା ମାଆ କାମ କରି ଆଣିଲେ ଓଳିଏ ଖାଇବାକୁ ମିଳୁଛି । ନହେଲେ ପୁରା ପରିବାର ଉପାସ । ସରକାରୀ ଯୋଜନା ମଧ୍ୟ ଏମାନଙ୍କ ସ୍ୱପ୍ନ । ନା ରାସନକାର୍ଡ ଅଛି ନା ବିଜୁ ସ୍ୱାସ୍ଥ୍ୟ ଯୋଜନା । ଘର ଖଣ୍ଡିଏ ବି ନାହିଁ । ସମସ୍ୟା ନେଇ ଜଣାଇବା ପରେ ଖୁବଶିଘ୍ର ସହାୟତା କରାଯିବାର ମିିଳିଛି ପ୍ରତିଶ୍ରୁତି । ଯାହାର ଅପେକ୍ଷାରେ ରହିଛନ୍ତି ପୁରା ପରିବାର ।

ସମସ୍ୟା ଭିତରେ ରହୁଥିବା ପରିବାରକୁ ସହଯୋଗ କରାଯିବା ସହିତ ପପୁଙ୍କ ଚିକିତ୍ସା ପାଇଁ ଆର୍ଥିକ ସହାୟତା ଦେଇପାରିଲେ ପପୁଙ୍କୁ ଏକ ନୂଆ ଜୀବନ ମିିଳିପାରିବ ।

The post ଦାଦନ ଖଟିବାକୁ ଯାଇ ପାଲଟିଲେ ପରିବାର ବୋଝ । ବିଂଝାରପୁରର ଶଯ୍ୟାଶାୟୀ ପପୁ ମଲ୍ଲିକଙ୍କ ଦୁଇଟି କିଡନୀ ନଷ୍ଟ, ଅଭାବ ଭିତରେ ହୋଇପାରୁନି ଚିକିତ୍ସା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଅଯୋଧ୍ୟାରେ ଜାନୁଆରୀ ୨୨ ତାରିଖରେ ଅନୁଷ୍ଠିତ ହେବାକୁ ଯାଉଛି ବହୁ ପ୍ରତିକ୍ଷୀତ ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ । ଏହି ସମାରୋହଙ୍କୁ ଅନେକ ଲୋକ ଓ ରାଜନୈତିକ ଦଳମାନଙ୍କୁ ନିମନ୍ତ୍ରଣ ମିଳିଥିଲେ ବି କଂଗ୍ରେସ ନେତାମାନେ ଏହି ଉତ୍ସବରେ ଯୋଗ ଦେବେ ନାହିଁ ।

ଏନେଇ କଂଗ୍ରେସ ମହାସଚିବ ଜୟରାମ ରମେଶ କହିଛନ୍ତି କି, ଆମ ଦେଶର ଲକ୍ଷ ଲକ୍ଷ ଲୋକ ଭଗବାନ ରାମଙ୍କର ପୂଜା କରିଥାନ୍ତି । ଧର୍ମ ଏକ ବ୍ୟକ୍ତିଗତ ବ୍ୟାପାର, ହେଲେ ଆରଏସଏସ ଓ ବିଜେପି ଅନେକ ବର୍ଷ ଧରି ଅଯୋଧ୍ୟାର ରାମ ମନ୍ଦିରକୁ ରାଜନୈତିକ ପ୍ରକଳ୍ପ ଭାବେ ବ୍ୟବହାର କରୁଛନ୍ତି । ବିଜେପି ଓ ଆରଏସଏସ ନେତମାନେ ଅଧା ନିର୍ମାଣ ହୋଇଥିବା ରାମ ମନ୍ଦିରର ପ୍ରାଣ ପ୍ରତିଷ୍ଠା କେବଳ ନିର୍ବାଚନୀ ଲାଭ ପାଇଁ କରୁଥିବା ଜୟରାମ ରମେଶ କହିଛନ୍ତି ।

ଏନେଇ ବୁଧବାର ଦିନ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଓ ଅଧିର ରଂଜନ ଚୌଧୁରୀ ସ୍ପଷ୍ଟ କରିଛନ୍ତି କି, କଂଗ୍ରେସ ନେତାମାନେ ରାମମନ୍ଦିର ପ୍ରାଣ ପ୍ରତିଷ୍ଠା ଉତ୍ସବରେ ଯୋଗ ଦେବେ ନାହିଁ । ଏହା ବିଜେପି ଓ ଆରଏସଏସର ବ୍ୟକ୍ତିଗତ ଉତ୍ସବ ବୋଲି କଂଗ୍ରେସ ନେତା କହିଛନ୍ତି ।

The post ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବକୁ ଯିବେ ନାହିଁ କଂଗ୍ରେସ ନେତା । ଦଳ କହିଲା, ଏହା ବିଜେପି ଓ ଆରଏସଏସର ରାଜନୈତିକ ଇଭେଣ୍ଟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ୨୬ ଜାନୁଆରୀ ଅର୍ଥାତ୍ ଗଣତନନ୍ତ୍ର ଦିବସ ଭାରତର ସମ୍ବିଧାନର ପ୍ରତୀକ ଭାବରେ ପାଳନ କରାଯାଇଥାଏ । ୨୬ ଜାନୁଆରୀ ଦିନ ବିଜୟ ଚୌକ୍ ଠାରେ ଏକ ସ୍ୱତନ୍ତ୍ର ପରେଡ୍ ମଧ୍ୟ ଆୟୋଜିତ ହୋଇଥାଏ । ୨୬ ଜାନୁଆରୀ ଦିନ ବିଜୟ ଚୌକ୍ ଠାରେ ସକାଳ ୧୦ ଟାରୁ ପରେଡ ଆରମ୍ଭ ହେବ ଆପଣମାନେ ଯଦି ପରେଡ୍ ଦେଖିବା ପାଇଁ ଚାହୁଁଛନ୍ତି । ତାହାଲେ ଆପଣ ଟିକେଟ୍ ବୁକ କରିପାରିବେ ।

ପରେଡ୍ ଭାରତର ସମୃ୍ଦ୍ଧି ସଂସ୍କୃତି ଏବଂ ଇତିହାସକୁ ଦର୍ଶାଏ । ପ୍ୟାରେଡ୍ ଦେଖିବା ପାଇଁ ବିଭିନ୍ନ ସ୍ଥାନରୁ ଲୋକମାନେ ଏଠାକୁ ଆସିଥାନ୍ତି । ଯେଉଁଥିରେ ସାଂସ୍କୃତିକ ପ୍ରଦର୍ଶନ, ସାମରିକ ପ୍ରଦର୍ଶନ ଏବଂ ଅନେକ କିଛି ଅନ୍ତର୍ଭୁକ୍ତ ଥାଏ । ଭାରତୀୟ ନାଗରିକ ମାନେ ସଂରକ୍ଷଣ ଆସନ ମଧ୍ୟ ନେଇପାରିବେ । ଯାହାର ମୂଲ୍ୟ ହେଉଛି ୨୦ ଏବଂ ୧୦୦ ଟଙ୍କା । ଟିକେଟ୍ ବୁକିଂ ଆଜିଠାରୁ ଆରମ୍ଭ ହୋଇସାରିଲାଣି । ଅର୍ଥାତ୍ ଜାନୁଆରୀ ୧୦ ରୁ ଜାନୁଆରୀ ୨୫ ଯାଏଁ ଟିକେଟ୍ ଉପଲବ୍ଧ ହେବ । ହେଲେ ପ୍ରତିଦିନ କେବଳ ସୀମିତ ସଂଖ୍ୟାର ଟିକେଟ୍ ଉପଲବ୍ଧ ହେବ ।

• ପ୍ରତିରକ୍ଷା ମନ୍ତ୍ରଣାଳୟର ଅଫିସିଆଲ୍ ୱେବ୍ ପୋର୍ଟାଲ୍ www.aamantran.mod.gov.in କୁ ଯାନ୍ତୁ ।
• ଲଗଇନ୍ କରନ୍ତୁ କିମ୍ବା ଏକ ନୁତନ ଖାତା ଖୋଲନ୍ତୁ ।
• ବ୍ୟକ୍ତିଗତ ବିବରଣୀ ଦିଅନ୍ତୁ, ଯେମିତି ନାମ ଜନ୍ମ ତାରିଖ, ମୋବାଇଲ୍ ନମ୍ବର ଇତ୍ୟାଦି ବିବରଣୀ ପୁରଣ କରନ୍ତୁ । ଆପଣଙ୍କ ମୋବାଇଲ ନମ୍ବରକୁ ପଠାଯାଇଥିବା ଓଟିପି ସହିତ ଯାଂଚ କରନ୍ତୁ ।
• ବିକଳ୍ପଗୁଡିକରୁ ଏକ ଇଭେଣ୍ଟ ବାଛନ୍ତୁ ଯେଉଁଥିରେ ଏଫଡିଆର ରିପବ୍ଲିକ୍ ଡେ ପରେଡ୍ ପଂଚାୟତକୁ କ୍ଲିକ୍ କରିବେ । ଯାଂଚ ଉଦେଶ୍ୟ ପାଇଁ ଅଂଶଗ୍ରହଣକାରୀ ସୂଚନା ପ୍ରଦାନ କରନ୍ତୁ ଏବଂ ଏକ ମୂଳ ଫଟୋ ପରିଚୟ ପତ୍ର ଉପଲୋଡ୍ କରନ୍ତୁ ।
• ଅନଲାଇନ୍ ପେମେଣ୍ଟ ପ୍ରକ୍ରିୟାକୁ ସମାପ୍ତ କରି ଟିକେଟ୍ ଡାଉନଲୋଡ୍ କରନ୍ତୁ ।

ଅଫଲାଇନ ଟିକେଟ୍ ଆପଣମାନଙ୍କ ପାଇଁ ଭାରତ ସରକାର ପର୍ଯ୍ୟଟନ କାର୍ଯ୍ୟାଳୟ ଏବଂ ଡିଟିଡିସି କାଉଣ୍ଟର ଏବଂ ଆଇଡିଟିସି ଟ୍ରାଭେଲ କାଉଣ୍ଟରରେ ଉପଲବ୍ଧହେବ । ବିକ୍ରି କାଉଣ୍ଟର ପ୍ରତ୍ୟେକ ଦିନ ସକାଳ ୧୦ ଟାରୁ ୫.୩୦ ପର୍ଯ୍ୟନ୍ତ ଟିକେଟ୍ ବିକ୍ରି କରିବେ । ଏବଂ ସଂସଦ ଭବନର ରିସେପ୍ସନ୍ ସକାଳ ୧୧ ଠାରୁ ୪ ଟା ଯାଏଁ ଟିକେଟ୍ ବିକ୍ରି କରିବେ । ଭାରତ ସରକାରଙ୍କର ପର୍ଯ୍ୟଟନ କାର୍ଯ୍ୟାଳୟ ରବିବାର ଦିନ ବନ୍ଦ ରହିବ ଏବଂ ଛୁଟିଦିନରେ ସଂସଦ ରିସେପ୍ସନ୍ ମଧ୍ୟ ବନ୍ଦ ରହିବ ।

ଅଫଲାଇନ୍ ଟିକେଟ୍ କିଣିବା ପାଇଁ କଣ କଣ ଆବଶ୍ୟକତା ।
• ଗଣତନ୍ତ୍ର ଦିବସରେ କାର୍ଯ୍ୟକ୍ରମ ପାଇଁ ଥିବା ଅଫଲାଇନ୍ କାଉଣ୍ଟରରୁ ଟିକେଟ୍ ସଂଗ୍ରହ କରନ୍ତୁ ।
• ନିଜର ପରିଚୟ ପ୍ରମାଣ ପତ୍ର ପ୍ରଦାନ କରନ୍ତୁ ଏବଂ ନାମ, ଜନ୍ମ ତାରିକ, ମୋବାଇଲ ନମ୍ବର ଇତ୍ୟାଦି ସହିତ ବ୍ୟକ୍ତିଗତ ବିବରଣୀ ସହିତ ଏକ ଫର୍ମ କୁ ପୂରଣ କରନ୍ତୁ ।
• ବିକଳ୍ପଗୁଡିକରୁ ଏକ ଇଭେଣ୍ଟ ବାଛନ୍ତୁ ଯେଉଁଥିରେ ଏଫଡିଆର ରିପବ୍ଲିକ୍ ଡେ ପରେଡ୍ ପଂଚାୟତକୁ ମାରିବେ ।
• ଯାଂଚ ପାଇଁ ମୂଳ ଫଟୋ ଆଇଡିର ଏକ କପି ପ୍ରଦାନ କରନ୍ତୁ ।
• ପ୍ରତେକ ପ୍ରକ୍ରିୟାକୁ ପୂରଣକରିସାରି ଟିକେଟ୍ ନେଇଯିବେ ।

ଦର୍ଶକମାନେ ନିଜଘରେ ବସି ମଧ୍ୟ ଆରାମରେ ପରେଡ ଦେଖିପାରିବେ । ଏହା ପାଇଁ ଦୂରଦର୍ଶନ ର ଅଫିସିଆଲ୍ ୟୁଟୁବ୍ ଚ୍ୟାନେଲ୍ କିମ୍ବା ପ୍ରେସ୍ ବ୍ୟୁରୋ ଅଫ୍ ଇଣ୍ଡିଆ ୱେବସାଇଟରେ ଅନଲାଇନଓ ଷ୍ଟ୍ରିମିଂ ଅଛି । ସେଥିରେ ଦୂରଦର୍ଶନ ଟେଲିଭିଜନରେ ପରେଡ ସିଧା ପ୍ରସାରଣ ହେବ ।

The post ଗଣତନ୍ତ୍ର ଦିବସ ପରେଡ ଦେଖିବାକୁ ଅନଲାଇନରେ ବୁକିଂ ହେଉଛି ଟିକେଟ । ଜାଣନ୍ତୁ କିଭଳି କରିବେ ଏହି ଟିକେଟ୍ ବୁକିଂ first appeared on Kanak News.

from Kanak News
via <a href="https://ifttt.com/?