କନକ ବ୍ୟୁରୋ: ବାଲି ଉଠାଣ ଉପରେ ହାଇକୋର୍ଟଙ୍କ ରୋକ୍ । ଖଣି ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଉପରେ ରୋକ ଲଗାଇଲେ ହାଇକୋର୍ଟ । ଅତି ଆବଶ୍ୟକ ଦୃଷ୍ଟିରୁ ଖଣି ବିଭାଗ ଜାରି କରିଥିଲା ଆଦେଶ । କଟକ ବାଲିଘାଟରେ ହୋଇଥିବା ଅନିୟମିତତାକୁ ନେଇ କଟକ ଜିଲ୍ଲାପାଳ ହାଇକୋର୍ଟଙ୍କ ନିର୍ଦ୍ଦେଶ ପରେ ଯାଞ୍ଚ କରିଥିଲେ । ଏହା ପରେ ଖଣି ବିଭାଗ ଜିଲ୍ଲାପାଳଙ୍କ ସହ ଯାଞ୍ଚ କରିଥିବା ଜଣାପଡ଼ିଛି ।

The post ବାଲି ଉଠାଣ ଉପରେ ହାଇକୋର୍ଟଙ୍କ ରହିତାଦେଶ । ଖଣି ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଉପରେ ରୋକ୍ ଲଗାଇଲେ କୋର୍ଟ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆସନ୍ତା ନିର୍ବାଚନରେ ସୁନ୍ଦରଗଡ ସାଂସଦ ଜୁଏଲ ଓରାମ ବିଧାନସଭା ନା ଲୋକସଭା ଆସନରୁ ପ୍ରାର୍ଥୀ ହେବେ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ୨୦୨୪ରେ ଜୁଏଲ ବିଧାନସଭା ନିର୍ବାଚନ ଲଢିବେ ବୋଲି ରାଉରକେଲାରେ ହୋଇଥିବା ଚିନ୍ତନ ଶିବିରରେ ବିଚାରବିମର୍ଷ ହୋଇଥିବା ନେଇ ବିଭିନ୍ନ ଶୁଣିବାକୁ ମିଳୁଛି । ତେବେ ଏଭଳି ଚର୍ଚ୍ଚା ପ୍ରସଙ୍ଗରେ ମୁହଁ ଖୋଲିଛନ୍ତି ଖୋଦ୍ ଜୁଏଲ ଓରାମ ।

ଜୁଏଲ କହିଛନ୍ତି, ମୁଁ ସାଂସଦ ଭାବେ ଲଢିବାକୁ ଚାହୁଁଛି । ଶେଷଥର ପାଇଁ ନିର୍ବାଚନ ଲଢିବାକୁ ଚାହୁଁଥିବା ନେଇ ଦଳୀୟ ନେତାଙ୍କୁ ଅବଗତ କରିଛି । ମୁଁ ବିଧାୟକ ନା ସାଂସଦ ପ୍ରାର୍ଥୀ ଭାବେ ନିର୍ବାଚନ ଲଢିବି ତାହା କେନ୍ଦ୍ରୀୟ ନେତୃତ୍ୱ ନିଷ୍ପତ୍ତି ନେବେ । ଦଳର ନିଷ୍ପତ୍ତି ଅନୁସାରେ ଆମେ ଯାଉ । ଯଦି କେନ୍ଦ୍ର ନେତୃତ୍ୱ ମୋତେ ବିଧାନସଭା ଲଢିବାକୁ କହିବେ ତେବେ ସେ ବାବଦରେ ପରେ ନିଷ୍ପତ୍ତି ନେବି ବୋଲି କହିଛନ୍ତି ଜୁଏଲ । କିନ୍ତୁ ଏବେ ସୁଦ୍ଧା ସୁନ୍ଦରଗଡରୁ ସାଂସଦ ପ୍ରାର୍ଥୀ ଭାବେ ନିର୍ବାଚନ ଲଢିବା ଉପରେ ଜୋର ଦେଇଛନ୍ତି ଜୁଏଲ ।

ଜୁଏଲଙ୍କୁ ବିଧାନସଭା ନିର୍ବାଚନ ଲଢାଇବା ପାଇଁ ହେଉଥିବା ଚର୍ଚ୍ଚା ପଛରେ ବଡ କାରଣ ମଧ୍ୟ ରହିଛି । ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ଼ ନିର୍ବାଚନରେ ବିଜେପିର ବିଜୟ ପରେ ସେହି ଢାଞ୍ଚା ଓଡ଼ିଶାରେ ଆପଣେଇବାକୁ ଚାହୁଁଛି ଦଳ । ଶୁଣାଯାଉଛି ରାଜ୍ୟରେ ୫୦ ପ୍ରତିଶତ ସାଂସଦ ଟିକେଟ୍ କଟିପାରେ । ଏଥିପାଇଁ ସାଂସଦ ତଥା ପୂର୍ବତନ କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କୁ ବିଧାନସଭା ପାଇଁ ମଇଦାନକୁ ଛଡାଯାଇପାରେ । ଏହା ବି ଶୁଣାଯାଉଛି ଯେ, ଦଳ ଜୁଏଲ ଓରାମଙ୍କୁ ବଣାଇ ବିଧାନସଭାରେ ଛିଡା କରିବାକୁ ଚାହୁଁଛି । ଯଦି ଜୁଏଲ ଓରାମ ବିଧାନନସଭା ନିର୍ବାଚନ ଲଢନ୍ତି, ତେବେ ଲୋକସଭା ନିର୍ବାଚନ ଲଢିବ କିଏ? ଗତ ୨୦୧୯ ନିର୍ବାଚନରେ ସେ ରେକର୍ଡ ୨ ଲକ୍ଷ ୨୩ ହଜାର ଭୋଟ୍ ବ୍ୟବଧାନରେ ଜିତିଥିଲେ । ୧୯୮୯ ମସିହାରେ ରାଜନୀତିରେ ପ୍ରବେଶ କରିବା ପରେ ବିଜେପି ଟିକେଟରୁ ସେ ଦୁଇ ଥର ବଣାଇ ବିଧାୟକ ହୋଇଛନ୍ତି । ଏହା ପରେ ୧୯୯୮ ମସିହାରେ ତାଙ୍କୁ ଲୋକସଭା ପ୍ରାର୍ଥୀ କରିଥିଲା ଦଳ ।

The post ଶେଷଥର ପାଇଁ ସାଂସଦ ପ୍ରାର୍ଥୀ ଭାବେ ନିର୍ବାଚନ ଲଢିବାକୁ କହିଦେଇଛି, ଯଦି ଦଳୀୟ ନେତୃତ୍ୱ କୁହନ୍ତି… । ଜାଣନ୍ତୁ ୨୦୨୪ ନିର୍ବାଚନରେ ପ୍ରାର୍ଥୀତ୍ୱକୁ ନେଇ କଣ କହିଲେ ଜୁଏଲ ଓରାମ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମାଲକାନଗିରି ପୁଲିସକୁ ସଫଳତା । ଆତ୍ମସମର୍ପଣ କଲେ ମହିଳା ମାଓବାଦୀ ଉଙ୍ଗି ମାଡବିଙ୍କ । ୨୦୧୬ରୁ ମାଓ ସଂଗଠନରେ ଥିଲେ ସକ୍ରିୟ । ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟି ଅନ୍ତର୍ଗତ ମହୁପଦର ଏଲଓଏଲ ପାର୍ଟିର ମେମ୍ବର ଥିଲେ । ପ୍ରାୟ ୪୦ ହିଂସାକାଣ୍ଡରେ ସାମିଲ ଥିଲେ ଉଙ୍ଗି ମାଡବିଙ୍କ । ଓଡ଼ିଶା ସମେତ ଛତିଶଗଡ଼ରେ ମଧ୍ୟ ସକ୍ରିୟ ଥିଲେ । ଉଙ୍ଗିଙ୍କ ନାଁରେ ଏକ ଲକ୍ଷ ଟଙ୍କାର ପୁରସ୍କାର ଥିଲା ।

The post ମାଲକାନଗିରିରେ ଆତ୍ମସମର୍ପଣ କଲେ ମହିଳା ମାଓବାଦୀ । ୨୦୧୬ରୁ ଓଡିଶା-ଛତିଶଗଡ ମାଓ ସଙ୍ଗଠନରେ ସକ୍ରିୟ ଥିଲେ ଉଙ୍ଗି ମାଡବିଙ୍କ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଖୋର୍ଦ୍ଧାରେ ମୋ ଓଡ଼ିଶା ଓ ନବୀନ ଓଡ଼ିଶା କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ୬ ସୂତୀ ମନ୍ତ୍ରର ଉପଦେଶ ଦେଲେ ଫାଇଭ-ଟି ଅଧ୍ୟକ୍ଷ ଭିକେ ପାଣ୍ଡିଆନ୍ । କହିଛନ୍ତି ଜୀବନରେ ସଫଳତା ପାଇବାକୁ ହେଲେ ସୁସ୍ଥ ଶରୀର, ଶାରୀରିକ ପରିଶ୍ରମ, ୧୫ ମିନିଟ୍ ଯୋଗ ଓ ୧୪ ଘଣ୍ଟା ପରିଶ୍ରମ ଏବଂ ବାପା ମା’ଙ୍କ କଥା ମାନିବାକୁ ପଡ଼ିବ । ଏହା ସହ କଠିନ ପରିଶର୍ମର ଆବଶ୍ୟକତା ରହିଛି । ଖୋର୍ଦ୍ଧା ହାବେଳି ପଡ଼ିଆରେ ଆୟୋଜିତ କାର୍ଯ୍ୟକ୍ରମରେ ଫାଇଭ ଟି ଅଧ୍ୟକ୍ଷ ଯୋଗ ଦେଇ ୬ ସ୍ୱତ୍ରୀ ମନ୍ତ୍ରର ଉପଦେଶ ଦେଇଥିଲେ ।

The post ଖୋର୍ଦ୍ଧାରେ ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନ । କଲେଜ ଛାତ୍ରଛାତ୍ରୀଙ୍କୁ ଦେଲେ ସଫଳତାର ୬ ମନ୍ତ୍ର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜଧାନୀରେ ନୂଆ ବର୍ଷ ଶୁଭେଚ୍ଛା ହୋଡିଂ ଲଗାଯିବା ଘଟଣାକୁ ନେଇ ତେଜିଲା ରାଜନୀତି । ବିଏମସି କମିଶନର ଓ ପୋଲିସ କମିଶନରଙ୍କୁ ଚିଠି ଲେଖିଲେ ସାଂସଦ ଅପରାଜିତା ଷଡଙ୍ଗୀ । ହୋର୍ଡିଂ ଉଠାଇବାରେ ପାତରଅନ୍ତର କାହିଁକି ବୋଲି ସେ ପ୍ରଶ୍ନ କରିଛନ୍ତି । ସହରରେ କେବଳ ଶାସକ ଦଳର ହୋର୍ଡିଂ ଲାଗିଥିବା ଅଭିଯୋଗ ଆଣି ଚିଠି ଲେଖିଛନ୍ତି ଅପରାଜିତା ।

ଅପରାଜିତା ଅଭିଯୋଗ କରିଛନ୍ତି, ନୂଆବର୍ଷ ପରଦିନ ତାଙ୍କର ସମସ୍ତ ହୋର୍ଡିଂ ବିଏମ୍ସିର ଏନଫୋର୍ସମେଣ୍ଟ ସ୍କ୍ୱାର୍ଡ ହଟାଇ ଦେଇଥିଲା । ହେଲେ ଏପର୍ଯ୍ୟନ୍ତ ଶାସକ ଦଳର ହୋର୍ଡିଂ ହଟାଯାଇନାହିଁ । ହୋର୍ଡିଂ ହଟାଇବାରେ ପାତରଅନ୍ତର କାହିଁକି ବୋଲି ସେ ପ୍ରଶ୍ନ କରିଛନ୍ତି । ଖୁବ୍ ଶୀଘ୍ର ସହରରେ ଲାଗିଥିବା ସମସ୍ତ ହୋର୍ଡିଂ ହଟାଇବା ପାଇଁ ସେ ଦାବି କରିଛନ୍ତି ।

The post ରାଜଧାନୀରେ ହୋର୍ଡିଂ ଲଗାଯିବାକୁ ନେଇ ତେଜିଲା ରାଜନୀତି । ବିଏମସି କମିଶନର, ପୋଲିସ କମିଶନରଙ୍କୁ ଚିଠି ଲେଖିଲେ ସାଂସଦ ଅପରାଜିତା ଷଡଙ୍ଗୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ପୁରୀ ଗଡ଼ିବ ସ୍ୱତନ୍ତ୍ର ବସ୍ । ଶ୍ରୀଜଗନ୍ନାଥ ବସ୍ରେ ପୁରୀ ଆସିବେ ଶ୍ରଦ୍ଧାଳୁ । ୬୦ଟି ବସ୍ରେ ରାଜ୍ୟର ବିଭିନ୍ନ ସ୍ଥାନରୁ ପୁରୀକୁ ଆସିବେ ଶ୍ରଦ୍ଧାଳୁ । ଖୁବ୍ ଶୀଘ୍ର ମୁଖ୍ୟମନ୍ତ୍ରୀ ଶ୍ରୀଜଗନ୍ନାଥ ବସ୍ର ଶୁଭାରମ୍ଭ କରିବେ । ଏନେଇ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ସୁରେଶ ମହାପାତ୍ର ।

ଆଜି ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ଏକ ସମୀକ୍ଷା ବୈଠକ ବସିଥିଲା । ବୈଠକରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ଶ୍ରୀମାର୍ଗ, ଜଗନ୍ନାଥ ବଲ୍ଲଭ ପାର୍କିଂ, ଶ୍ରୀସେତୁ ସହିତ ଯଜ୍ଞସ୍ଥଳୀ ସମୀକ୍ଷା କରାଯାଇଛି । ଏଥି ସହ ସେବାୟତଙ୍କ କଲ୍ୟାଣ ପାଇଁ ଛାତ୍ରବୃତି, ବର୍ଷକୁ ଦୁଇ ଥର କାଉନ୍ସେଲର ନିଯୁକ୍ତ, ସ୍ୱାସ୍ଥ୍ୟ ବୀମା ଦୁଇ ଲକ୍ଷରୁ ୧୦ ଲକ୍ଷକୁ ବୃଦ୍ଧି ପାଇଁ ଆଲୋଚନା ହୋଇଥିଲା ।

The post ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ପୁରୀକୁ ଗଡିବ ସ୍ୱତନ୍ତ୍ର ବସ୍ । ୬୦ଟି ବସରେ ରାଜ୍ୟର ବିଭିନ୍ନ ସ୍ଥାନରୁ ଆସିବେ ଶ୍ରଦ୍ଧାଳୁ । first appeared on Kanak News.

from Kanak News
via <a href="https://ifttt.com/?

ପିଏମ ମୋଦୀଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ପରେ ମାଲଦ୍ୱୀପ ପସ୍ତେଇବାରେ ଲାଗିଛି । ସମ୍ପୃକ୍ତ ମନ୍ତ୍ରୀମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଅନ୍ୟପକ୍ଷରେ, ଭାରତରେ ବଏକଟ୍ ମାଲଦ୍ୱୀପ ଟ୍ରେଣ୍ଡକୁ ଦେଖି  ମାଲଦ୍ୱୀପ ମଧ୍ୟ ଭୟଭୀତ ହେଇଯାଇଛି । ସେଠାରେ ଥିବା ଟ୍ରାଭେଲ ଇଣ୍ଡଷ୍ଟ୍ରି ଭାରତକୁ କ୍ଷମା ମାଗିଛି ଏବଂ ବାତିଲ ହୋଇଥିବା ବୁକିଂର ପୁନଃ ସ୍ଥାପନ ପାଇଁ ଅନୁରୋଧ କରିଛି ।

ମାଲଦ୍ୱୀପର ଟ୍ରାଭେଲ ଏବଂ ଟୁର୍ କମ୍ପାନୀମାନେ ଭାରତର ଅନଲାଇନ୍ ଟ୍ରାଭେଲ୍ ପ୍ଲାଟଫର୍ମ ଇଜ୍ ମାଇ ଟ୍ରିପ୍ କୁ ମାଲଦ୍ୱୀପକୁ ପୁନଃ ବିମାନ ଟିକେଟ ବୁକିଂ ଆରମ୍ଭ କରିବାକୁ ନିବେଦନ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ମାଲଦ୍ୱୀପର କିଛି ମନ୍ତ୍ରୀଙ୍କ ଅପମାନଜନକ ମନ୍ତବ୍ୟ ଉପରେ ମାଲଦ୍ୱୀପରୁ କ୍ରମାଗତ ଭାବେ  କ୍ଷମା ପ୍ରାର୍ଥନା କରାଯାଇଛି । ମାଲଦ୍ୱୀପର ଟ୍ରାଭେଲ ଏବଂ ଟୁର ଅପରେଟରମାନେ କ୍ଷମା ମାଗିଛନ୍ତି ଏବଂ ଭାରତ ସହ ସମ୍ପର୍କରେ ଉନ୍ନତି ଆଣିବାକୁ ଚାହୁଁଛନ୍ତି ।

ମାଲଦ୍ୱୀପ ଆସୋସିଏସନ୍ ଅଫ୍ ଟ୍ରାଭେଲ୍ ଏଜେଣ୍ଟସ୍ ଏବଂ ଟୁର୍ ଅପରେଟର୍ସ (MATATO) ଙ୍କ ଆବେଦନ ଭାରତର ଏକ ଅନଲାଇନ୍ ଟ୍ରାଭେଲ୍ ପ୍ଲାଟଫର୍ମ ଇଜ୍ ମାଇ ଟ୍ରିପ୍ ର ସିଇଓ ନିଶାନ୍ତ ପିଟିଙ୍କୁ ଏକ ୱେବସାଇଟରେ ଦ୍ୱୀପ ଦେଶକୁ ଏକ ବାର୍ତ୍ତା ପୋଷ୍ଟ କରିବା ପରେ ଆସିଛି । ଇଜ ମାଇ ଟ୍ରିପ ଭାରତ ସହିତ ଏକତା ଦେଖାଇ ସମସ୍ତ ବିମାନ ବୁକିଂ ସ୍ଥଗିତ ଘୋଷଣା କରିଦେଇଛି । ମାଲଦ୍ୱୀପକୁ ଟୁର୍ ଏବଂ ଟ୍ରାଭେଲ୍ ଆସୋସିଏସନ୍ ଅଫ୍ ମାଲଦ୍ୱୀପକୁ ବିମାନ ବୁକିଂ ଆରମ୍ଭ କରିବାକୁ ନିବେଦନ କରିଛି ।

ଚିଠିରେ ଏହା ମଧ୍ୟ କୁହାଯାଇଛି ଯେ ମାଲଦ୍ୱୀପ ପର୍ଯ୍ୟଟନ ପାଇଁ ଭାରତୀୟ ବଜାର ଏକ ଗୁରୁତ୍ୱପୂର୍ଣ୍ଣ ଶକ୍ତି ଏବଂ ଆମେ ଚାହୁଁ ଯେ ଭାରତ ସହିତ ମାଲଦ୍ୱୀପର ସମ୍ପର୍କ ସୁଦୃଢ ହେଉ। ଇଜ ମାଇ ଟ୍ରିପ ପାଇଁ ଆବେଦନ କରି ସେ କହିଛନ୍ତି ଯେ ଭାରତ ପୁଣି ମାଲଦ୍ୱୀପକୁ ବିମାନ ଯାତ୍ରା ଆରମ୍ଭ କରୁ ।

 କଣ ଏହି ଅପିଲ ?  

ମାଲଦ୍ୱୀପର ତିନିଜଣ ଡେପୁଟି ମନ୍ତ୍ରୀଙ୍କ ସମେତ ଅନ୍ୟ କେତେକ ରାଜନେତା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଲକ୍ଷାଦ୍ଵୀପ ଉପରେ ଆପତ୍ତିଜନକ ମନ୍ତବ୍ୟ ଦେଇଥିଲେ । ପିଏମ ମୋଦୀଙ୍କ ଉପରେ ମନ୍ତବ୍ୟ ଦେବା ପରେ ଇଜ ମାଇଁ ଟ୍ରିପର ସିଇଓ ମାଲଦ୍ୱୀପ ପାଇଁ ସମସ୍ତ ବୁକିଂ ବାତିଲ କରି ଭବିଷ୍ୟତରେ ସେ କୌଣସି ବୁକିଂ କରିବେ ନାହିଁ ବୋଲି ଘୋଷଣା କରିଛନ୍ତି । ମାଲଦ୍ୱୀପରେ ବୁକିଂ ବାତିଲ ହେତୁ ଏହାର ପ୍ରଭାବ ମାଲଦ୍ୱୀପର ପର୍ଯ୍ୟଟନ କ୍ଷେତ୍ର ଉପରେ ପଡିଥିଲା । ମାଲଦ୍ୱୀପକୁ ଯାଉଥିବା ପର୍ଯ୍ୟଟକଙ୍କ ମଧ୍ୟରେ ଭାରତୀୟମାନେ ଆଗରେ ଅଛନ୍ତି । ଯଦି ଆମେ ଗତ ବର୍ଷର ଆକଳନକୁ ଦେଖିବା, ପ୍ରାୟ ୨ ଲକ୍ଷ ଭାରତୀୟ ସେଠାକୁ ବୁଲିବାକୁ ଯାଇଥିଲେ । ହନିମୁନ୍‌ରେ ଯାଉଥିବା ଦମ୍ପତିମାନଙ୍କ ପାଇଁ ମାଲଦ୍ୱୀପ ମଧ୍ୟ ଏକ ଉତ୍ତମ ଗନ୍ତବ୍ୟସ୍ଥଳ ଭାବରେ ବିବେଚନା କରାଯାଏ ।

ବିବାଦ କ’ଣ ଥିଲା ?

କିଛି ଦିନ ତଳେ ଭାରତର ପ୍ରଧାନମନ୍ତ୍ରୀ ମୋଦୀ ଲକ୍ଷାଦ୍ଵୀପ ପରିଦର୍ଶନ କରିଥିଲେ । ଏହା ପରେ ପିଏମ ମୋଦୀ ଇଣ୍ଟରନେଟ ମିଡିଆ ପ୍ଲାଟଫର୍ମ X ରେ ଲକ୍ଷାଦ୍ଵୀପ ବେଳାଭୂମିର ଚିତ୍ର ସେୟାର କରିଥିଲେ ଏବଂ ଲେଖିଥିଲେ  ଯେ ବାହାରକୁ ଯିବା ପରିବର୍ତ୍ତେ ଲୋକମାନେ ସମୁଦ୍ରକୂଳ ପର୍ଯ୍ୟଟନ ପାଇଁ ଲକ୍ଷାଦ୍ଵୀପ ପରିଦର୍ଶନ କରିବା ଉଚିତ ଏବଂ ଏହା ଏକ ଉତ୍ତମ ପର୍ଯ୍ୟଟନ ସ୍ଥଳ । ସୋସିଆଲ ମିଡିଆରେ ଏହି ଚିତ୍ର ଭାଇରାଲ ହେବା ପରେ ମାଲଦ୍ୱୀପର ତିନିଜଣ ଡେପୁଟି ମନ୍ତ୍ରୀ ଏବଂ ଅନ୍ୟ କେତେକ ରାଜନେତା ଭାରତର ପ୍ରଧାନମନ୍ତ୍ରୀ ଏବଂ ଲକ୍ଷାଦ୍ଵୀପ ଉପରେ ଆପତ୍ତିଜନକ ମନ୍ତବ୍ୟ ଦେଇଥିଲେ । ଏହା ପରେ ଭାରତୀୟମାନେ କ୍ରୋଧିତ ହୋଇଥିଲେ ଏବଂ ହଜାର ହଜାର ଭାରତୀୟ ମାଲଦ୍ୱୀପ ପାଇଁ କରିଥିବା ବୁକିଂ ବାତିଲ କରିଦେଇ ଥିଲେ।

The post ଆଣ୍ଠେଇ ପଡ଼ିଲାଣି ମାଲଦ୍ୱୀପର ଭ୍ରମଣ ଶିଳ୍ପ ।  ପୁଣି ବୁକିଂ ଆରମ୍ଭ କରିବାକୁ ଭାରତକୁ ନିବେଦନ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସାବାଡ ହେବେ ରୋଡ ରୋମିଓ । ପୁରୀ ଜିଲ୍ଲା ଚାରିଛକ ପୋଲିସ ପକ୍ଷରୁ ଏଥିପାଇଁ ଆରମ୍ଭ ହୋଇଛି ଆମ ପୋଲିସ କାର୍ଯ୍ୟକ୍ରମ । ଜନସାଧାରଣଙ୍କ ନିକଟ ତର ହେବ ଆମ ପୋଲିସ । ପୋଲିସ ଜନସାଧାରଣ ଭିତରେ ବନ୍ଧୁତ୍ୱ ପୂର୍ଣ୍ଣ ସଂପର୍କ ସ୍ଥାପନ ଉଦେଶ୍ୟରେ ଏହି କାର୍ଯ୍ୟକ୍ରମ ପୁରୀ ଜିଲ୍ଲା ଚାରିଛକ ଥାନାରେ ଆମ ପୋଲିସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହାର ମୁଖ୍ୟ ଉଦ୍ଦେଶ୍ୟ ସାଧାରଣ ନାଗରିକ ସହିତ ପୋଲିସର ସଂପର୍କ ମଜଭୁତ କରିବା । ଏଥିରେ ବହୁ ବରିଷ୍ଠ ନାଗରିକ ,ବୁଦ୍ଧିଜୀବି ,କଲେଜ ଛାତ୍ରୀ ଯୋଗଦେଇଥିଲେ ।

ଏହି କାର୍ଯ୍ୟକ୍ରମରେ ନିମାପଡା ଏସଡିପିଓ ପ୍ରଭାତ କୁମାର ମଲ୍ଲିକ ଯୋଗ ଦେଇ ଆନୁଷ୍ଠାନିକ ଭାବେ ଉଦଘାଟନ କରିବା ସହିତ ୩୭ ଜଣ ବରିଷ୍ଠନାଗରିକଙ୍କୁ ପରିଚୟ ପତ୍ର ପ୍ରଦାନ କରିଥିଲେ । ଚାରିଛକ ଥାନା ଅଧିକାରୀ ମମତା ବିଶ୍ୱାଳଙ୍କ ନେତୁତ୍ୱରେ ଏହି କାର୍ଯ୍ୟକ୍ରମ କରାଯାଇଥିଲା । ଏକ ବର୍ଷ ପୁରିଛି ଏହି ଥାନକୁ ଏବେ ତାର ପ୍ରଥମ ବର୍ଷରେ ପ୍ରତିଷ୍ଠା ଦିବସ ପାଳନ କରାଯାଇଛି ।

The post ସାବାଡ ହେବେ ରୋଡ୍ ରୋମିଓ । ଏଥିପାଇଁ ପ୍ରସ୍ତୁତ ହୋଇଛି ପୁରୀ ପୋଲିସ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଭାରତୀୟ କ୍ରିକେଟର ମହମ୍ମଦ ସାମିଙ୍କୁ ମିଳିଛି ଅର୍ଜୁନ ପୁରସ୍କାର । ରାଷ୍ଟ୍ରପତି ଭବନରେ ଆୟୋଜିତ ସ୍ୱତନ୍ତ୍ର ଉତ୍ସବରେ ମହମ୍ମଦ ସାମିଙ୍କ ସମେତ ବିଭିନ୍ନ ବର୍ଗର ୨୬ ଜଣ ଖେଳାଳୀଙ୍କୁ ଅର୍ଜୁନ ପୁରସ୍କାରରେ ସମ୍ମାନିତ କରାଯାଇଛି । ଏହି ସମ୍ମାନ ମିଳିବା ପରେ ସାମିଙ୍କୁ ଚାରିଆଡୁ ପ୍ରଂଶସାର ସୁଅ ଛୁଟିଛି । କ୍ରିକେଟ ଜଗତର ଜଣାଶୁଣା ଖେଳାଳୀ ସାମିଙ୍କୁ ଶୁଭକାମନା ଜଣାଇଛନ୍ତି । ଏପରିକି ସାଥୀ ଖେଳାଳୀ ମଧ୍ୟ ସାମିଙ୍କୁ ଶୁଭେଚ୍ଛା ଜଣାଇବାକୁ ଭୁଲି ନାହାନ୍ତି । ତେବେ ବିରାଟ କୋହଲି ଶୁଭେଚ୍ଛା ଜଣାଇବା ସହ ଯାହା ଲେଖିଛନ୍ତି ତାହା ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି ।

ସାମି ପୁରସ୍କାର ପାଇବା ପରେ ବିରାଟ କୋହଲି ଏକ ପୋଷ୍ଟରେ କମେଣ୍ଟ କରି ଲେଖିଛନ୍ତି, ମୁବାରକ ହୋ ଲାଲା । ଆଉ କୋହଲିଙ୍କର ଏହି ଶୁଭେଚ୍ଛା ଶୈଳୀକୁ ସଭିଏଁ ପସନ୍ଦ କରିଛନ୍ତି । ସାମିଙ୍କ ସହ ବିରାଟଙ୍କର ବେଶ ଭଲ ସମ୍ପର୍କ । ଏହାପୂର୍ବରୁ ସାମିଙ୍କୁ ନେଇ ଯେତେବେଳେ ବିବାଦ ଦେଖିବାକୁ ମିଳିଥିଲା ସେତେବେଳେ ତାଙ୍କ ସମର୍ଥନରେ ବାହାରିଥିଲେ କୋହଲି । କେବଳ କୋହଲି ନୁହଁନ୍ତି ପୂର୍ବତନ ଭାରତୀୟ କ୍ରିକେଟର ଇରଫାନ ପଠାନ, ବୀରେନ୍ଦ୍ର ସେହୱାଗ ଓ ସାଥୀ ଖେଳାଳୀ ଶିଖର ଧୱନ ମଧ୍ୟ ସାମିଙ୍କ ପୋଷ୍ଟରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏହି ପୁରସ୍କାର ପାଇବା ପରେ ସାମି ମଧ୍ୟ ଏହାକୁ ଗର୍ବର ମୁହୂର୍ତ୍ତ ବୋଲି କହିଛନ୍ତି ।

ମହମ୍ମଦ ସାମି ଗତ ୨୦୨୩ ବିଶ୍ୱକପରେ ଦମଦାର ପ୍ରଦର୍ଶନ କରିଥିଲେ । ୨୪ଟି ୱିକେଟ୍ ସହ ଟୁର୍ଣ୍ଣାମେଣ୍ଟର ସର୍ବାଧିକ ୱିକେଟ ହାସଲକାରୀ ଖେଳାଳୀ ସାଜିଥିଲେ । ତେବେ ବିଶ୍ୱକପ ପରେ ଆହତ ହେବା କାରଣରୁ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ସିରିଜରୁ ତାଙ୍କୁ ବାଦ୍ ଦିଆଯାଇଥିଲା । ଆଗକୁ ଇଂଲଣ୍ଡ ବିପକ୍ଷରେ ଘରୋଇ ମାଟିରେ ଟେଷ୍ଟ ସିରିଜ ଖେଳିବ ଟିମ୍ ଇଣ୍ଡିଆ । ତେଣୁ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ ସାମିଙ୍କୁ ଦେଖିବାକୁ ମିଳିପାରେ ।

The post କୋହଲି ୩ଟି ଶବ୍ଦରେ ସାମିଙ୍କୁ ଜଣାଇଲେ ଶୁଭେଚ୍ଛା, ସୋସିଆଲ ମିଡ଼ିଆରେ ଭାଇରାଲ ହେଲା ବିରାଟଙ୍କ କମେଣ୍ଟ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୪ ବର୍ଷ ପୁଅକୁ ମା’ ହତ୍ୟା କରିବା ଘଟଣା ସାରା ଦେଶରେ ଚାଞ୍ଚଲ୍ୟ ଖେଳାଇ ଦେଇଛି । କିଭଳି ଗୋଆର ହୋଟେଲ ରୁମ୍ ଭିତରେ ନିଜ ପୁଅକୁ ହତ୍ୟା କଲା ମା’ ତାହାର ସତ ଏବେ ସାମ୍ନାକୁ ଆସିଛି । ପୋଷ୍ଟମର୍ଟମ ରିପୋର୍ଟରେ ଅଣନିଶ୍ୱାସ ହୋଇ ପିଲାଟର ମୃତ୍ୟୁ ହୋଇଥିବା ପୋଷ୍ଟମର୍ଟମ ରିପୋର୍ଟରେ ଦର୍ଶାଯାଇଛି ।

ଅଣନିଶ୍ୱାସ ହେବାରୁ ୪ବର୍ଷର ପିଲାର ଛାତି ଓ ମୁହଁଟି ସିଝି ଯାଇଥିବା ରିପୋର୍ଟରେ ଦର୍ଶାଯାଇଛି । ପିଲାର ନାକରୁ ବି ରକ୍ତ ବାହାରିଛି । ଏଥିରୁ ଅନୁମାନ କରାଯାଉଛି ଯେ, ତକିଆରେ ପିଲାକୁ ଚାପି ତାର ମାଆ ହତ୍ୟା କରିଥାଇ ପାରେ । ବେଙ୍ଗାଲୁରୁର ଏକ ଷ୍ଟାର୍ଟଅପ୍ କମ୍ପାନୀ ସିଇଓ ସୂଚନା ସେଠ୍ ନିଜ ୪ ବର୍ଷର ପୁଅକୁ ଗୋଆ ବୁଲାଇ ନେଇ ସେଠାରେ ହୋଟେଲ ରୁମ୍ରେ ହତ୍ୟା କରିଥିଲେ । ଏହି ଖବର ପାଇ ସୂଚନାଙ୍କ ପୂର୍ବତନ ସ୍ୱାମୀ ଜାକାର୍ତାରୁ ଫେରିବା ପରେ ପୁଅ ମୃତଦେହର ପୋଷ୍ଟମର୍ଟମ କରାଇବାକୁ କହିଥିଲେ ।

୨୦୧୯ ମସିହାରେ ସୂଚନା ସେଠ୍ ଓ ବେଙ୍କଟ ରମଣ ପ୍ରେମ ବିବାହ କରିଥିଲେ । ୨୦୨୦ ମସିହାରେ ସୂଚନା ଏକ ପୁତ୍ର ସନ୍ତାନ ଜନ୍ମ ଦେଇଥିଲେ । ହେଲେ ବୈବାହିକ ସମ୍ପର୍କରେ ବିବାଦ ନେଇ ସୂଚନା ୨୦୨୧ରେ ସ୍ୱାମୀଙ୍କ ଠାରୁ ଛାଡପତ୍ର ନେଇଥିଲେ । ତେବେ କୋର୍ଟ କିନ୍ତୁ ପିଲା ତାର ବାପାଙ୍କୁ ଭେଟିପାରିବ ବୋଲି କହିଥିଲେ । ସୂଚନାଙ୍କ ପୁଅ ସବୁବେଳେ ବାପାଙ୍କ ସହ ଦେଖା କରିବାକୁ ଜିଦ୍ କରୁଥିଲା । ଏହି କଥାକୁ ନେଇ ରାଗିଯାଇ ପୁଅକୁ ସୂଚନା ହତ୍ୟା କରିଥିବା ଜଣାପଡିଛି । ୬ ଜାନୁଆରୀ ଶନିବାର ପୁଅକୁ ଧରି ଗୋଆ ଯାଇଥିଲେ ସୂଚନା । ହେଲେ ସୋମବାର ହୋଟେଲ ଛାଡିବାବେଳେ ସାଥିରେ ପୁଅ ନଥିବା ସନ୍ଦେହ କରି ହୋଟେଲ କର୍ମଚାରୀ ପୋଲିସକୁ ଜଣାଇଥିଲେ । ପରେ ପୋଲିସ କ୍ୟାବ୍ ଡ୍ରାଇଭରକୁ ଗୋଡାଇ ବେଙ୍ଗାଲୁରୁରୁ ସୂଚନାଙ୍କୁ ଗିରଫ କରିଥିଲା । ସୁଟ୍କେଶ ଭିତରେ ପୁଅର ମୃତଦେହ ଧରି ସୂଚନା ବେଙ୍ଗାଲୁରୁ ଫେରୁଥିବା ବାଟରେ ପୋଲିସ ହାତରେ ଧରାପଡିଥିଲେ ।

The post ୪ ବର୍ଷର ପୁଅକୁ ମା’ ହତ୍ୟା କରିବା ଘଟଣା: ବାପା-ମା’ଙ୍କ ଝଗଡ଼ାରୁ ବଳିପଡ଼ିଥିଲା କୁନି ପୁଅ । ତକିଆରେ ଚାପି ଶ୍ୱାସରୁଦ୍ଧ କରି ମାରିଦେଇଥିଲା ମା’ । first appeared on Kanak News.

from Kanak News
via <a href="https://ifttt.com/?