କନକ ବ୍ୟୁରୋ : ବିଲକିସ୍ ବାନୋ ବଳତ୍କାର ମାମଲାରେ ଜେଲରୁ ମୁକୁଳିଥିବା ୧୧ ଅପରାଧୀଙ୍କୁ ପୁଣି ଜେଲ ଯିବାକୁ ପଡିବ । ଏନେଇ ସୁପ୍ରିମକୋର୍ଟ ସୋମବାର ଦିନ ରାୟ ଶୁଣାଇଛନ୍ତି । ଏହି ରାୟ ଆସିବା ପରେ ବିଲକିସ୍ ବାନୋଙ୍କ ପରିବାରରେ ଖୁସିର ମାହୋଲ । ସେପଟେ ସୁପ୍ରିମକୋର୍ଟଙ୍କ ରାୟକୁ ନେଇ କେନ୍ଦ୍ର ସରକାର ଓ ଗୁଜରାଟର ବିଜେପି ସରକାର ଉପରେ ବର୍ଷିଛନ୍ତି ବିରୋଧୀ । ଏହି କ୍ରମରେ କଂଗ୍ରେସ ସାଂସଦ ରାହୁଲ ଗାନ୍ଧୀ କହିଛନ୍ତି କି, ଅହଂକାରୀ ବିଜେପି ସରକାର ଉପରେ ଏହା ନ୍ୟାୟର ବିଜୟ । ଏହାସହ ଏହା ବିଲକିସ୍ ବାନୋଙ୍କ ସଂଘର୍ଷର ବିଜୟ ବୋଲି ମଧ୍ୟ ସେ କହିଛନ୍ତି ।

ଋାହୁଲ ଗାନ୍ଧୀ ତାଙ୍କ ସୋସିଆଲ ମିଡିଆ ଆକାଉଣ୍ଟ ଟ୍ୱିଟର (ଏକ୍ସ)ରେ ଏକ ପୋଷ୍ଟ କରିଛନ୍ତି । ଏଥିରେ ସେ ଲେଖିଛନ୍ତି ଯେ ନିର୍ବାଚନ ବିଜୟର ଫାଇଦା ନେଇ ନ୍ୟାୟକୁ ହତ୍ୟା କରିବାର ପ୍ରବୃତି ଲୋକତନ୍ତ୍ର ବ୍ୟବସ୍ଥା ପାଇଁ ବିପଦ । ଆଜି ସୁପ୍ରିମକୋର୍ଟଙ୍କ ନିଷ୍ପତ୍ତି ସ୍ପଷ୍ଟ କରିଛନ୍ତି କି, ଅପରାଧୀମାନଙ୍କୁ କିଏ ସୁରକ୍ଷା ଦେଉଛି, ବିଲକିସ୍ ବାନୋଙ୍କ ସଂଘର୍ଷ ଅହଂକାରୀ ବିଜେପି ସରକାର ବିରୋଧରେ ନ୍ୟାୟର ପ୍ରତୀକ ବୋଲି ସେ ଲେଖିଛନ୍ତି ।

चुनावी फायदे के लिए ‘न्याय की हत्या’ की प्रवृत्ति लोकतांत्रिक व्यवस्था के लिए खतरनाक है।

आज सुप्रीम कोर्ट के फैसले ने एक बार फिर देश को बता दिया कि ‘अपराधियों का संरक्षक’ कौन है।

बिलकिस बानो का अथक संघर्ष, अहंकारी भाजपा सरकार के विरुद्ध न्याय की जीत का प्रतीक है।

— Rahul Gandhi (@RahulGandhi) January 8, 2024

https://platform.twitter.com/widgets.js

ଋାହୁଲ ଗାନ୍ଧୀଙ୍କ ବ୍ୟତୀତ ପ୍ରିୟଙ୍କା ଗାନ୍ଧୀ ମଧ୍ୟ ଏହି ରାୟ ଆସିବା ପରେ ଏକ ପୋଷ୍ଟ କରିଛନ୍ତି । ସେ ଲେଖିଛନ୍ତି କି, ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ବିଜେପିର ମହିଳା ବିରୋଧୀ ନୀତିକୁ ପଦାରେ ପକାଇଛି, ଏହି ରାୟ ପରେ ନ୍ୟାୟପାଳିକା ଉପରେ ସାଧାରଣ ଲୋକଙ୍କର ଅସ୍ଥା ବଢିଛି । ଏହାସହ ନିଜ ଲଢେଇ ନିଜେ ଲଢି ବିଜୟୀ ହୋଇଥିବାରୁ ସେ ବିଲକିସ୍ ବାନୋଙ୍କୁ ଧନ୍ୟବାଦ ଜଣାଇଛନ୍ତି    ।

ଶୁକ୍ରବାର ଦିନ ସୁପ୍ରିମକୋର୍ଟ ବିଲକିସ୍ ବାନୋଙ୍କ ବଳତ୍କାର ମାମଲା ଓ ତାଙ୍କ ପରିବାରର ୭ ଜଣଙ୍କୁ ହତ୍ୟା କରିବା ମାମଲାରେ ୧୧ ଜଣ ଅପରାଧୀଙ୍କୁ ମୁକ୍ତ କରିବା ନେଇ ଗୁଜରାଟ ସରକାରଙ୍କୁ କଟାକ୍ଷ କରିଛନ୍ତି । ଏହାସହ ସେ କୋର୍ଟଙ୍କ ରାୟକୁ ବଦଳାଇ ଦେଇଛନ୍ତି । ସୁପ୍ରିମକୋର୍ଟର ବିଚାରପତି ଜଷ୍ଟିସ ବିବି ନାଗରତ୍ନା ଓ ଜଷ୍ଟିସ ଓଜ୍ୱଳ ଭୂୟାଁଙ୍କ ବେଞ୍ଚ ଏହି ମାମଲାର ନିଷ୍ପତ୍ତି ଶୁଣାଇଛନ୍ତି ।
ବେଞ୍ଚ ଲଗାତର ୧୧ ଦିନ ଶୁଣାଣି କରିବା ପରେ ଅକ୍ଟୋବର ୧୨ ତାରିଖରେ ନିଷ୍ପତ୍ତି ସଂରକ୍ଷିତ ରଖିଥିଲେ । ଆଜି ରାୟ ଶୁଣାଇବା ଅବସରରେ କୋର୍ଟ ଗୁଜରାଟ ସରକାରଙ୍କୁ କଟାକ୍ଷ କରିବା ସହ ଜେଲରୁ ମୁକୁଳିଥିବା ୧୧ ଅପରାଧୀଙ୍କୁ ଦୁଇ ସପ୍ତାହ ଭିତରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦେଇଛନ୍ତି ।

The post ବିଲକିସ୍ ବାନୋ ମାମଲାରେ ସୁପ୍ରିମକୋର୍ଟଙ୍କ ରାୟକୁ ନେଇ ରାହୁଲ ଗାନ୍ଧୀଙ୍କ ପ୍ରତିକ୍ରିୟା । କହିଲେ, ଅହଂକାରୀ ବିଜେପି ସରକାର ଉପରେ ନ୍ୟାୟର ବିଜୟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜଧାନୀ ସମେତ ଆଦିବାସୀ ଗାଁ ଗଣ୍ଡାରେ ବୁଲିଲା ଅର୍ପଣ ରଥ । ଆସନ୍ତା ୧୭ ତାରିଖରେ ମହାପ୍ରଭୁଙ୍କ ପ୍ରରିକ୍ରମା ପ୍ରକଳ୍ପ ଲୋକାର୍ପଣ କାର୍ଯ୍ୟକ୍ରମରେ ସାମିଲ ହେବ ଆଦିବାସୀ ଗାଁ ଗଣ୍ଡାର ଗୁଆ ଓ ଚାଉଳ । ଏଥିଲାଗି ପ୍ରଶାସନ ତରଫରୁ ଅର୍ପଣ ରଥର ଆୟୋଜନ କରି ପ୍ରତି ଗାଁ ଓ ସାହିରେ ପରିକ୍ରମା ଜାରି ରହିଛି । ମାଲକାନଗିରି ମାଥିଲି ବ୍ଲକ ସଦରରେ ମଧ୍ୟ ଏହି ଅର୍ପଣ ରଥ ଦେଖିବାକୁ ମିଳିଛି । ସେହିଭଳି ରାୟଗଡା ଜିଲ୍ଲାର ଗୁଣୁପୁର ପୌରାଂଚଳରେ ବିଧାୟକଙ୍କ ଉପସ୍ଥିତିରେ ଅର୍ପଣ ରଥର ଶୁଭାରମ୍ଭ ହୋଇଛି । ସ୍ଥାନୀୟ ଜଗନ୍ନାଥ ମନ୍ଦିରରେ ସ୍ୱତନ୍ତ୍ର ପୂଜା ପାଠ ପରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ରଥ ଗଡିଛି । ଭଜନ କୀର୍ତନ ସହ ହୁଲୁହୁଲି ଧ୍ୱନିରେ ଆଧ୍ୟାତ୍ମିକ ପରିବେଶ ସୃଷ୍ଟ ିହୋଇଥିଲା । ସେହିପରି ବାଲେଶ୍ୱରର ସୋର, କୋରାପୁଟର ଜୟପୁର, ବ୍ରହ୍ମପୁର ଓ ଯାଜପୁର ଜିଲ୍ଲାର ଛତିଆବଟ ଠାରେ ପରିକ୍ରମା ପ୍ରକଳ୍ପ ପାଇଁ ଜଗନ୍ନାଥ ପ୍ରେମୀମାନଙ୍କ ଠାରୁ ଗୁଆ ଓ ଅକ୍ଷତ ସଂଗ୍ରହ କରୁଥିବା ଅର୍ପଣ ରଥର ଶୁଭାରମ୍ଭ କରାଯାଇଛି । ବଡଚଣା ବିଧାୟକ ଅମର ପ୍ରସାଦ ଶତପଥି ଓ ଛତିଆ ବଟର ମହନ୍ତ ଏହି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି । ବିଧାୟକ ପ୍ରଥମେ ଗୁଆ, ଅକ୍ଷତ ଚାଉଳ ଅର୍ପଣ କରିଏହାର ଶୁଭାରମ୍ଭ କରିଛନ୍ତି ।

ଭୁବନେଶ୍ୱର ମହାନଗର ନିଗମ ଅଂଚଳରେ ବୁଲିଛି ଶ୍ରୀମନ୍ଦିର ପରିକ୍ରମା ପ୍ରକଳ୍ପ ରଥ । ଆଜି ଓ ଆସନ୍ତାକାଲି ଦୁଇ ଦିନ ଭିତରେ ମୋଟ୍ ୬୭ଟି ୱାର୍ଡରେ ଏହି ପ୍ରକଳ୍ପ ରଥ ପରିକ୍ରମା କରିବ । ନାମ ସଂକୀର୍ତନ ସହ ଜଗନ୍ନାଥ ଧ୍ୱନୀରେ ପ୍ରକମ୍ପିତ ହେଉଛି ବିଏମ୍ସି ଅଂଚଳ । ସେପଟେ ଏହାକୁ ନେଇ ଆରମ୍ଭ ହୋଇଛି ରାଜନୀତି । ଅର୍ପଣ ରଥ ଗାଁ ଗାଁ ବୁଲି ଗୁଆ ଅରୁଆ ଚାଳଉ ସଂଗ୍ରହ କରିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ବିରୋଧୀ ଦଳ ନେତା ଜୟ ନାରାୟଣ ମିଶ୍ର । କହିଛନ୍ତି, ଅଯୋଧ୍ୟାରେ ବିଜେପି ଓ ବିଶ୍ୱ ହିନ୍ଦୁ ପରିଷଦ ଚଳାଇଥିବା କାର୍ଯ୍ୟକ୍ରମକୁ ନକଲ କରୁଛନ୍ତି ରାଜ୍ୟ ସରକାର ।

ସେପଟେ ପିସିସି ସଭାପତି ଶରତ ପଟ୍ଟନାୟକ କହିଛନ୍ତି, ବିଜେପି-ବିଜେଡି ଭାଇ ଭାଇ । ସିଏ ଯାହା କରୁଛନ୍ତି ଏମାନେ ସେଇଆ କରୁଛନ୍ତି । ଖାଲି ଯାହା ନିର୍ବାଚନ ସମୟରେ ଭିନ୍ନ ଭିନ୍ନ ରୂପରେ ଲୋକଙ୍କ ଆଗରେ ନିଜକୁ ଉପସ୍ଥାପନ କରୁଛନ୍ତି ।

The post ଭୁବନେଶ୍ୱର ସମେତ ରାଜ୍ୟ ବିଭିନ୍ନ ଜିଲ୍ଲାରେ ବୁଲୁଛି ଅର୍ପଣ ରଥ । ପୁରୀ ପରିକ୍ରମା ପ୍ରକଳ୍ପ ରଥକୁ ନେଇ ତେଜିଲା ରାଜନୀତି first appeared on Kanak News.

from Kanak News
via <a href="https://ifttt.com/?

କୁକୁରର ଏହି ପ୍ରଜାତି ଏତେ ଶକ୍ତିଶାଳୀ ଯେ ଯଦି ଏହା କାମୁଡ଼େ, ତେବେ ମନୁଷ୍ୟର ଶକ୍ତିଶାଳୀ ହାଡକୁ ଥରକେ ଭାଙ୍ଗି ଗୁଣ୍ଡ କରିଦେବ ।  ଆକାର ଏବଂ ଶକ୍ତି ପାଇଁ ପ୍ରସିଦ୍ଧ ଏହି କୁକୁରମାନଙ୍କୁ କେହି କେହି ପିଟବୁଲର ବାପ ବୋଲି କହିଥାନ୍ତି ।

ଆଜିକାଲି ଘରେ କୁକୁର ପାଳିବା ପରେ ବହୁତ ଲୋକଙ୍କର ଏକ ସଉକ ହେଇଗଲାଣି । ପୃଥିବୀରେ ଦେଖାଯାଉଥିବା କୁକୁରର ପ୍ରଜାତି ପ୍ରାୟ ୪୦୦ ରୁ ଅଧିକ ଅଟେ । ଏମାନଙ୍କୁ ଶ୍ରେଣୀ ହିସାବରେ ବିଭକ୍ତ କରାଯାଏ । ଯଥା ୧ – ଶିକାରୀ କୁକୁର , ୨- ଜଗୁଆଳି କୁକୁରୀ (ଗାର୍ଡ ଡଗ), ୩- ସନ୍ଧାନୀ କୁକୁର,୪-କମ୍ପାନିଅନ ଡଗ(ସାଥି କୁକୁର)୪-ଖେଳଣା କୁକୁର ଇତ୍ୟାଦି ।   ଆପଣ ଲୋକମାନଙ୍କ ଘରେ ଏହି ପ୍ରକାର ବିଭିନ୍ନ ପ୍ରଜାତିର କୁକୁର ପାଇବେ, ଯାହାକୁ ସେମାନେ ନିଜ ପସନ୍ଦ ଏବଂ ଆବଶ୍ୟକତା ଅନୁଯାୟୀ ରଖନ୍ତି । ଯେଉଁମାନେ ଚାହାଁନ୍ତି କୁକୁରମାନେ ନିଜ ଘରକୁ ଜଗନ୍ତୁ ସେମାନେ ସାମାନ୍ୟ ବିପଜ୍ଜନକ ପ୍ରଜାତି ବାଛିଥାନ୍ତି  କିନ୍ତୁ ଯେଉଁମାନେ ସେମାନଙ୍କୁ କେବଳ କମ୍ପାନୀ ପାଇଁ ରଖନ୍ତି, ସେମାନେ ସରଳ ସ୍ଵଭାବ ପ୍ରଜାତି ପସନ୍ଦ କରନ୍ତି ।

ଆଜି ଆମେ ଆପଣଙ୍କୁ ଏକ କୁକୁର ବିଷୟରେ କହିବୁ ଯାହା ଏସବୁଠାରୁ ଭିନ୍ନ, ଯାହା ଯମରାଜଙ୍କ ଅବତାର ବୋଲି କୁହାଯାଏ ।  କୁକୁରର ଏହି ପ୍ରଜାତି ଏତେ ବିପଜ୍ଜନକ ଯେ ଯଦି ଏହା କାମୁଡ଼େ, ତେବେ ମନୁଷ୍ୟର ଶକ୍ତିଶାଳୀ ହାଡକୁ ଥରକେ ଭାଙ୍ଗି ଗୁଣ୍ଡ କରିଦେବ ।  ଆକାର ଏବଂ ଶକ୍ତି ପାଇଁ ପ୍ରସିଦ୍ଧ ଏହି କୁକୁରମାନଙ୍କୁ କେହି କେହି ପିଟବୁଲର ବାପ ବୋଲି କହିଥାନ୍ତି । ଏହି ପ୍ରଜାତି ଏତେ ଭୟଙ୍କର ଆପଣ ଏଇ କଥାରୁ ଜାଣି  ପାରିବେ ଯେ ବହୁତ ଦେଶ ଏହି କୁକୁର ପାଳିବା ଉପରେ କଟକଣା ଜାରି କରିଛନ୍ତି । କେତେକ ଦେଶ ତ ଏହାକୁ ସମ୍ପୂର୍ଣ ବ୍ୟାନ ମଧ୍ୟ ଘୋଷଣା କରିଛନ୍ତି ।

ଏହି କୁକୁର ସିଂହଠାରୁ ଅଧିକ ଭୟଙ୍କର

ଲୋକମାନେ ସାଧାରଣତ ଆମେରିକାନ ବୁଲି କୁକୁର ବିଷୟରେ ଦ୍ୱନ୍ଦ୍ୱରେ ପଡ଼ନ୍ତି, ଯାହା ପିଟବୁଲ୍ସ ପରି ଦେଖାଯାଏ ।  ଏହି କୁକୁରଟି କ୍ରସ୍ ବ୍ରୀଡ଼ିଂ ଦ୍ଵାରା ସୃଷ୍ଟି କରାଜିଛି ।  କୁହାଯାଏ ଯେ ଏହି କୁକୁରମାନେ ଅତି କମରେ ୫ ଟି ବିଭିନ୍ନ ପ୍ରଜାତିର କୁକୁରମାନଙ୍କର କ୍ରସ୍ ବ୍ରୀଡ଼ିଂ ପରେ ଉତ୍ପନ୍ନ ହୋଇଥିଲେ । ଏହା ମୂଳତଃ ଏକ ଶିକାର କୁକୁର ଏବଂ ଏହାର ଶିକ୍ଷଣ କ୍ଷମତା ବହୁତ ଅଧିକ ।  ଯଦି ସେମାନେ ଉପଯୁକ୍ତ ତାଲିମ ନ ପାଆନ୍ତି, ତେବେ ସେମାନେ ସିଂହ ପରି ବିପଜ୍ଜନକ ହୋଇଥାନ୍ତି । ସେମାନଙ୍କର କାମୁଡ଼ା ଚମ ଏବଂ ମାଂସକୁ ଚିରି ହାଡକୁ ଗୁଣ୍ଡ କରିଦେଇ ପାରେ । ସେମାନଙ୍କ ଆକ୍ରମଣର ଶିକାର ହେବା ପରେ ଜଣେ ବ୍ୟକ୍ତି ପୂର୍ବ ପରି ସୁସ୍ଥ ହୋଇପାରିବ ନାହିଁ । ଏହି ପ୍ରଜାତି ଅତ୍ୟନ୍ତ ବିପଜ୍ଜନକ ଅଟେ ।

ଏମାନେ ସାଧାରଣତଃ ବହୁତ କ୍ରୋଧୀ ସ୍ଵଭାବର ହୋଇଥାନ୍ତି । ଏହି ପ୍ରଜାତିର କୁକୁରମାନଙ୍କର କ୍ରୋଧ ଅତ୍ୟନ୍ତ ବିପଜ୍ଜନକ ଅଟେ । ଅନେକ ଥର ସେମାନେ ସେମାନଙ୍କର ମାଲିକ କିମ୍ବା ତତ୍ତ୍ୱାବଧାରକ ଉପରେ ଆକ୍ରମଣ କରିବାର ମଧ୍ୟ ଦେଖାଯାଇଛି । ଆମେରିକାନ ବୁଲିର ୪ ପ୍ରକାର ପ୍ରଜାତି ଅଛନ୍ତି । ୧-ଷ୍ଟାଣ୍ଡାର୍ଡ ୨- ପକେଟ୍, ୩- XL ଏବଂ ୪-କ୍ଲାସିକ୍ | ଏଥିମଧ୍ୟରୁ ସବୁଠାରୁ ବିପଜ୍ଜନକ ହେଉଛି  XL ପ୍ରଜାତି । ଏମାନେ ଆକାରରେ ଅନ୍ୟ ୩ ପ୍ରଜାତି ଠାରୁ ଢେର ବଡ଼ ହୋଇଥାନ୍ତି । ଏମାନଙ୍କ ଉଚ୍ଚତା ୧୯ ରୁ ୩୩ ଇଞ୍ଚ ହୋଇଥାଏ । କ୍ଲାସିକ୍ ପ୍ରଜାତି ମଧ୍ୟ ଏହି ସମାନ ଆକାରର ଅଟନ୍ତି । ସବୁଠାରୁ ଛୋଟ ହେଉଛି ପକେଟ ବୁଲି । ଏମାନଙ୍କ ଉଚ୍ଚତା ୧୩ ରୁ ୧୬ ଇଞ୍ଚ ହୋଇଥାଏ ।

The post ଏହି କୁକୁର ସିଂହଠାରୁ ଅଧିକ ଶକ୍ତିଶାଳୀ, କାମୁଡ଼ିଦେଲେ ହାଡ ଗୁଣ୍ଡ ହେଇଯିବ । ଅନେକ ଦେଶରେ ଏହାକୁ ପାଳିବା ନିଷିଦ୍ଧ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ନୂଆ ବର୍ଷରୁ ଟିଭି ଦେଖିବା ପାଇଁ ଆପଣଙ୍କୁ ଖର୍ଚ୍ଚ କରିବା ପାଇଁ ପଡିବ ଅଧୀକ ଟଙ୍କା । ଜି ଏଣ୍ଟରଟେନମେଣ୍ଟ, ଭାୟାକମ୍ ୧୮ ଏବଂ ସୋନି ପିକଚର୍ସ ନେଟୱାର୍କ ଇଣ୍ଡିଆ ଭଳି ଦେଶର ପ୍ରମୁଖ ପ୍ରସାରଣକାରୀ ସଂସ୍ଥାମାନେ ସେମାନଙ୍କ ଟିଭି ଚ୍ୟାନେଲଗୁଡିକର ମାସିକ ଟାରିଫ୍ ବୃଦ୍ଧି କରି ସାଧାରଣ ଲୋକମାଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ଏହି ଚ୍ୟାନେଲ ଦେଖୁଥିବା ଲୋକମାନଙ୍କ ଏବେ ଅଧିକ ଟଙ୍କାର ରିଚାର୍ଜ କରିବାକୁ ପଡିବ ।

ଭାୟାକମ ୧୮ ଏବଂ ନେଟୱାର୍କ ୧୮ ର ପ୍ରସାରଣ ଶାଖା ଏହାର ଚ୍ୟାନେଲଗୁଡିକର ମାସିକ ଟାରିଫ ୨୦ ରୁ ୨୫ ପ୍ରତିଶତ ବୃଦ୍ଧି କରିବାର ନିଷ୍ପତି ନେଇଛି । ଜି ଏଣ୍ଟରଟେନମେଣ୍ଟ ଚ୍ୟାନେଲଗୁଡିକର ହାର ୯ ରୁ ୧୦ ପ୍ରତିଶତ ବୃ୍ଦ୍ଧି କରିଛି ଏବଂ ସୋନି ଚ୍ୟାନେଲ ହାରକୁ ୯ ରୁ ୧୦ ପ୍ରତିଶତ ବୃଦ୍ଧି କରିଛି । ଏବେ ପର୍ଯ୍ୟନ୍ତ ଡିଜ୍ନି ଷ୍ଟାର ତରଫରୁ ଟାରିଫ୍ ବୃଦ୍ଧି ନେଇ କୌଣସି ସୂଚନା ଦିଆଯାଇନାହିଁ ।

ଚ୍ୟାନେଲର ମାସିକ ଟାରିଫ୍ ବୃଦ୍ଧି ହାର ୨୦୨୪ ଫେବୃଆରୀ ପହିଲାରୁ ଲାଗୁ ହେବାକୁ ଯାଉଛି । ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆର ନିୟମ ଅନୁସାରେ ପ୍ରସାରଣକାରୀ ସଂସ୍ଥା ମାନେ ଘୋଷଣା କରିବାର ୩୦ ଦିନ ପରେ ନୂତନ ମୂଲ୍ୟ କାର୍ଯ୍ୟକାରୀ କରିପାରିବେ ।

୨୦୨୪ ହେଉଛି ନିର୍ବାଚନ ବର୍ଷ । ଏହିଭଳି ପରିସ୍ଥିତିରେ ଟ୍ରାଇ ଟିଭି ଚ୍ୟାନେଲର ହାର ବୃଦ୍ଧି କରି ସାଧାରଣ ଲୋକମାନଙ୍କୁ ଅସନ୍ତୁଷ୍ଟ କରିବା ପାଇଁ ଚାହୁଁନାହିଁ । ଭାୟାକମ୍ ୧୮ ଏହାର ଚ୍ୟାନେଲର ହାରକୁ ସର୍ବାଧିକ ବୃଦ୍ଧି କରିଛି । କାରଣ ପୂର୍ବ ବର୍ଷ କମ୍ପାନୀ ଇଣ୍ଡିଆନ୍ ପ୍ରିମିୟର ଲିଗ୍ ଡିଜିଟାଲ ଅଧୀକାର, ବିସିସିଆଇ ମିଡିଆ ଅଧୀକାର, କ୍ରିକେଟ୍ ଦକ୍ଷିଣ ଆଫ୍ରିକା ମିଡିଆ ଅଧୀକାର ଏବଂ ଅଲିମ୍ପିକ୍ସ ୨୦୨୪ ଭଳି ଅନେକ ପ୍ରମୁଖ କାର୍ଯ୍ୟକ୍ରମର ଅଧୀକାର କ୍ରୟ କରିଛି । ଏଥିପାଇଁ କମ୍ପାନୀ ୩୪,୦୦୦ କୋଟି ଟଙ୍କା ବିନିଯୋଗ କରିଛି । ରାଶିର କ୍ଷତିପୂରଣର ଦେବା ପାଇଁ ଚ୍ୟାନେଲ ଗୁଡିକର ହାରକୁ ବୃଦ୍ଧି କରିଛି କମ୍ପାନୀ । ଏହା ବ୍ୟତୀତ ଡିଜି୍ନ ଏହି ବର୍ଷ ଆଇସିସିର ପ୍ରସାରଣ ଅଧିକାର ହାସଲ ମଧ୍ୟ କରିଛି । ଏହିଭଳି ପରିସ୍ଥିତିରେ କମ୍ପାନୀ ବର୍ଦ୍ଧିତ ହାର ମାଧ୍ୟମରେ କ୍ଷତି ଭରଣା କରିବାକୁ ଚେଷ୍ଟା କରିଛି ।

The post ଟିଭି ଦେଖୁଥିବା ଲୋକଙ୍କ ପାଇଁ ବଡ ଖବର । ଫେବୃଆରୀ ପହିଲାରୁ ବଢିବାକୁ ଯାଉଛି ମାସିିକ ରିଚାର୍ଜ ଦର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୨୧ ତାରିଖରେ ପୁରୀରୁ ଆରମ୍ଭ ହେବ କଂଗ୍ରେସର ବସ୍ ଯାତ୍ରା । ଜଗନ୍ନାଥଙ୍କ ଦର୍ଶନ କରି ଶ୍ରୀକ୍ଷତ୍ରରୁ ଗଡିବ କଂଗ୍ରେସ ବସ୍ । ରାଜ୍ୟର ସବୁ ନିର୍ବାଚନ ମଣ୍ଡଳି ବୁଲିବ ଦୁଇଟି ବସ୍ । ୪୦ରୁ ଅଧିକ ନେତା ବସ ଯୋଗେ ବିଭିନ୍ନ ନିର୍ବାଚନ ମଣ୍ଡଳିକୁ ଗସ୍ତ କରିବେ । ବସ୍ ଯାତ୍ରା ସମୟରେ ବାଟରେ ସ୍ଥାନେ ସ୍ଥାନେ ରହି ଜନ ସଭା କରିବେ କଂଗ୍ରେସ ନେତା ।

ଓଡିଶା ପ୍ରଭାରୀ ଅଜୟ କୁମାର ନେତାଙ୍କ ସହ ବୈଠକ କରି ଟିପ୍ସ ଦେବା ପରେ କଂଗ୍ରେସ ଶିବିରରେ ଉତ୍ସାହ ବଢି ଯାଇଛି । ଆସନ୍ତା ସାଧାରଣ ନିର୍ବାଚନ ପାଇଁ ଦଳ ସ୍ୱତନ୍ତ୍ର ରଣନୀତି କରିଛି । ଗାଁ ଗାଁରେ ଘରେ ଘରେ ଲୋକଙ୍କ ପାଖରେ ପହଂଚିବା ପାଇଁ ବସ ଯାତ୍ରାର ବ୍ୟବସ୍ଥା କରାଯାଇଛି । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିଫଳତା ବଖାଣିବା ସହ କଂଗ୍ରେସ ଶାସନ ସମୟରେ ହୋଇଥିବା ଲୋକାଭିମୁଖି ଯୋଜନାର ସଫଳତା କହି ଭୋଟ ହାତେଇବା ପାଇଁ ଚେଷ୍ଟା କରିବ ଦଳ ।

The post ଆସନ୍ତା ୨୧ରୁ କଂଗ୍ରେସର ବସ୍ ଯାତ୍ରା । ପୁରୀରେ ଜଗନ୍ନାଥଙ୍କୁ ଦର୍ଶନ କରି ୨ଟି ବସରେ ଯାତ୍ରା କରିବେ ୪୦ ନେତା । ଜନସଭା କରି ଭୋଟ୍ ମାଗିବେ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପିଡିଏସ ଚାଉଳ ବାଟମାରଣା ଅଭିଯୋଗ । ରାସ୍ତାରେ ଧାନବସ୍ତା ରଖି ଧାରଣା ଦେଲେ ହିତାଧିକାରୀ । ବାଙ୍କୀ- ତମପଡ଼ା ବ୍ଲକ ଦୁଲଣାପୁର ଗାଁରେ ଏଭଳି ଘଟଣା ଦେଖିବାକୁ ମିଳିଛି । ଡିଲର ପ୍ରଦୋଷ ନାୟକ ହିତାଧିକାରୀଙ୍କ ଚାଉଳକୁ ଜାଲିଆତି କରି ୧ କିଲୋରୁ ୨ କିଲୋ ପର୍ଯ୍ୟନ୍ତ କାଟି ରଖୁଥିବା ଅଭିଯୋଗ ହୋଇଛି । ସଂପୃକ୍ତ ଡିଲର ବାରମ୍ବାର ଏହିଭଳି କାର୍ଯ୍ୟ କରୁଥିବାରୁ ହିତାଧିକାରୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା ।
ଆଜି ସମ୍ପୃକ୍ତ ଡିଲର କଣ୍ଟାପଲ୍ଲାରେ ଜାଲିଆତି କରିବା ସହ ଚାଉଳ କାଟି ହିତାଧିକାରୀଙ୍କୁ ଦେଉଥିବା ସମୟରେ ପ୍ରତିବାଦ କରିଥିଲେ ଲୋକେ । ହିତାଧିକାରୀମାନେ କଂଟ୍ରୋଲ ଦୋକାନକୁ ତାଲା ପକାଇ ଚାଉଳ ବସ୍ତାକୁ ରାସ୍ତା ଉପରେ ରଖି ଧାରଣା ଦେଇଛନ୍ତି । ତାଳବସ୍ତ ପୋଲିସ ଘଟଣା ସ୍ଥଳରେ ପହଂଚି ଲୋକମାନଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଛି ।

The post ବାଟମାରଣା ହେଉଛି ପିଡିଏସ ଚାଉଳ । ରାସ୍ତାରେ ଧାନବସ୍ତା ରଖି ଧାରଣା ଦେଲେ ହିତାଧିକାରୀ । first appeared on Kanak News.

from Kanak News
via <a href="https://ifttt.com/?

ପାକିସ୍ତାନର ପୂର୍ବତନ ବୈଦେଶିକ ମନ୍ତ୍ରୀ ତଥା ତେହେରିକ-ଇ-ଇନସାଫ ପାର୍ଟିର ବରିଷ୍ଠ ଉପସଭାପତି ଶାହ ମେହମୁଦ କୁରେଶି ଗୋପନୀୟ ତଥ୍ୟ ଲିକ୍ ମାମଲାରେ ଏବେ ରାୱଲପିଣ୍ଡିର ଆଡିଆଲା ଜେଲରେ ରହିଛନ୍ତି । ଜେଲରେ ଅଛନ୍ତି ବୋଲି ତାଙ୍କୁ ଅଯୋଗ୍ୟ ଘୋଷଣା କରାଯାଇଛି । ତାଙ୍କ ନାମାଙ୍କନପତ୍ରକୁ ପ୍ରତ୍ୟାଖ୍ୟାନ କରିବା ବିରୋଧରେ କୁରେଶୀଙ୍କ ଆବେଦନକୁ ନିର୍ବାଚନ ଟ୍ରିବ୍ୟୁନାଲ ପ୍ରତ୍ୟାଖ୍ୟାନ କରିଛି ।

ପାକିସ୍ତାନର ପୂର୍ବତନ ବୈଦେଶିକ ମନ୍ତ୍ରୀ ତଥା ତେହେରିକ-ଇ-ଇନସାଫ ଦଳର ବରିଷ୍ଠ ଉପସଭାପତି ଶାହ ମହମୁଦ କୁରେଶୀଙ୍କୁ ଫେବୃଆରୀ ୮ ରେ ହେବାକୁ ଥିବା ସାଧାରଣ ନିର୍ବାଚନରେ ​​ ପ୍ରତିଦ୍ୱନ୍ଦ୍ୱିତା କରିବାକୁ ନିର୍ବାଚନ ଟ୍ରିବ୍ୟୁନାଲ ଦ୍ୱାରା ଅଯୋଗ୍ୟ ଘୋଷଣା କରାଯାଇଛି । ରବିବାର ଏକ ଗଣମାଧ୍ୟମ ରିପୋର୍ଟରେ ଏହି ସୂଚନା ଦିଆଯାଇଛି । ‘ନ୍ୟୁଜ୍ ଇଣ୍ଟରନ୍ୟାସନାଲ୍’ ରିପୋର୍ଟ ଅନୁଯାୟୀ, ଶନିବାର ଦିନ ନିର୍ବାଚନ ଟ୍ରିବ୍ୟୁନାଲ ତାଙ୍କ ନାମାଙ୍କନପତ୍ରକୁ ପ୍ରତ୍ୟାଖ୍ୟାନ କରିବା ବିରୋଧରେ କୁରେଶୀଙ୍କ ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି ।

ପାକିସ୍ତାନ ନିର୍ବାଚନ ଟ୍ରିବ୍ୟୁନାଲ୍ ୬୭ ବର୍ଷିୟ କୁରେଶୀଙ୍କୁ ସିନ୍ଧର ଉମରକୋଟ ସହରର NA-214 ନିର୍ବାଚନମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିବାକୁ ଅନୁମତି ଦେଇଥିବାବେଳେ ପଞ୍ଜାବ ପ୍ରଦେଶର ମୁଲତାନରେ ପୂର୍ବତନ ବୈଦେଶିକ ମନ୍ତ୍ରୀଙ୍କ ନାମାଙ୍କନପତ୍ରକୁ ପ୍ରତ୍ୟାଖ୍ୟାନ କରିଥିଲେ । ରିଟର୍ଣ୍ଣିଂ ଅଫିସରଙ୍କ ନିଷ୍ପତ୍ତି ବିରୋଧରେ ଆବେଦନ ପ୍ରତ୍ୟାଖ୍ୟାନ କରାଯାଇଛି । ଗୁପ୍ତ ଦଲିଲ ଲିକ୍ ମାମଲାରେ କୁରେଶୀ ବର୍ତ୍ତମାନ ରାୱଲପିଣ୍ଡିର ଆଡିଆଲା ଜେଲରେ ଅଛନ୍ତି ।କୁରେଶିଙ୍କ ଆବେଦନ ପ୍ରତ୍ୟାଖ୍ୟାନ ହୋଇଛିପୂର୍ବତନ ବୈଦେଶିକ ମନ୍ତ୍ରୀ NA-150 Multan-3, NA-151 Multan-4 ଏବଂ PP-218, PP-219 ନିର୍ବାଚନମଣ୍ଡଳୀ ପାଇଁ ନାମାଙ୍କନପତ୍ର ଦାଖଲ କରିଥିଲେ । ମୁଲତାନ ହାଇକୋର୍ଟ ବାର ଆସୋସିଏସନ ସଭାପତି ରାଣା ଆସିଫ ସଇଦ କହିଛନ୍ତି ଯେ ତାଙ୍କ ପ୍ରାର୍ଥୀତ୍ୱ ଅଧିକାର ଫେରାଇ ଆଣିବା ପାଇଁ କୁରେଶୀଙ୍କ ଆବେଦନକୁ ନିର୍ବାଚନ ଟ୍ରିବ୍ୟୁନାଲ ପ୍ରତ୍ୟାଖ୍ୟାନ କରିଛନ୍ତି ।

The post ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ‘ଅଯୋଗ୍ୟ’ ଘୋଷିତ ହେଲେ ପାକିସ୍ତାନର ପୂର୍ବତନ ବୈଦେଶିକ ମନ୍ତ୍ରୀ କୁରେଶୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବିଜେଡି ଛାଡିଲେ ପୂର୍ବତନ ବିଧାୟକ ବଳଭଦ୍ର ମାଝୀ । ନିର୍ବାଚନକୁ ଆଉ ମାସ କେଇଟା ବାକି ଥିବା ବେଳେ ଦଳ ଛାଡିଛନ୍ତି ବଳଭଦ୍ର । ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି ବଳଭଦ୍ର । ଏନେଇ ଦଳର ସୁପ୍ରିମୋଙ୍କୁ ଚିଠି ମାଧ୍ୟମରେ ଅବଗତ କରିଛନ୍ତି ବଳଭଦ୍ର ମାଝୀ । ଦଳରେ ଅବହେଳା ଅଭିଯୋଗ କରି ବଳଭଦ୍ର ବିଜେଡି ଛାଡିଛନ୍ତି । ତେବେ ଏତେ ଦିନ ଧରି ଦଳ ପାଇଁ କାମ କରିବାକୁ ସୁଯୋଗ ଦେଇଥିବାରୁ ଧନ୍ୟବାଦ ମଧ୍ୟ ଜଣାଇଛନ୍ତି ।

ବଳଭଦ୍ର ମାଝୀ ଲାଞ୍ଜିଗଡ ଓ ନର୍ଲା ଆସନରୁ ୫ଥର ବିଧାୟକ ରହିଛନ୍ତି । ବିଜେଡି ଆରମ୍ଭରୁ ଦଳ ସହ ଥିଲେ ବଳଭଦ୍ର । ଜନତା ଦଳରୁ ଥରେ ବିଧାୟକ ହୋଇଥିବା ବଳଭଦ୍ର ପରବର୍ତ୍ତୀ ସମୟରେ ବିଜେଡି ଟିକେଟରେ ୪ ଥର ବିଧାୟକ ହୋଇଥିଲେ । ତେବେ ୨୦୧୯ରେ ବଳଭଦ୍ରଙ୍କ ବଦଳରେ ବିଜେଡି ପ୍ରଦୀପ ଦିଶାରୀଙ୍କୁ ଟିକେଟ ଦେଇଥିଲା । ପ୍ରଦୀପ ଦଳକୁ ବିଜୟ ଭେଟି ଦେଇଥିବା ବେଳେ ବିଜେଡିରେ ବଳଭଦ୍ରଙ୍କର ଗୁରୁତ୍ୱ କମିଥିଲା । ୨୦୧୯ରୁ ୨୦୨୪ ଯାଏଁ ଦଳରେ ରହିବା ପରେ ଏବେ ଦଳରେ ଅବହେଳା ହେଉଥିବା କହି ବିଜେଡି ଛାଡିଛନ୍ତି ବଳଭଦ୍ର ।

The post ବିଜେଡି ଛାଡିଲେ ବଳଭଦ୍ର । ଦଳରେ ଅବହେଳା ଅଭିଯୋଗ ଆଣି ଇସ୍ତଫା ଦେଲେ ୫ ଥରର ବିଧାୟକ ବଳଭଦ୍ର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଓଡ଼ିଶା ମୋଟର ପରିବହନ ଚାଳକ କର୍ମଚାରୀ କଲ୍ୟାଣ ବୋର୍ଡର ମୃତ ଡ୍ରାଇଭରଙ୍କ ପରିବାରକୁ ଅନୁକମ୍ପା ରାଶି ପ୍ରଦାନ । ରାଜ୍ୟ ସରକାରଙ୍କ ପକ୍ଷରୁ ଅନୁକମ୍ପା ରାଶି ପ୍ରଦାନ କରାଯାଇଛି । ଭୁବନେଶ୍ୱରରେ ଆୟୋଜିତ ଏକ କାର୍ଯ୍ୟକ୍ରମରେ ମୃତ ଡ୍ରାଇଭରଙ୍କ ପରିବାରକୁ ଅନୁକମ୍ପା ରାଶି ଦିଆଯାଇଛି । କାର୍ଯ୍ୟକ୍ରମରେ ପରିବହନ ମନ୍ତ୍ରୀ ଟୁକୁନି ସାହୁ, ମୁଖ୍ୟ ଶାସନ ସଚିବ ପ୍ରଦୀପ ଜେନା, ପ୍ରମୁଖ ଶାସନ ସଚିବ ଉଷା ପାଢୀ, ପରିବହନ କମିଶନର ଅମିତାଭ ଠାକୁର ପ୍ରମୁଖ ଯୋଗଦେଇଥିଲେ ।

The post ଓଡ଼ିଶା ମଟର ପରିବହନ ଚାଳକ କଲ୍ୟାଣ ବୋର୍ଡର ମୃତ ଡ୍ରାଇଭରଙ୍କ ପରିବାରକୁ ମିଳିଲା ଅନୁକମ୍ପା ରାଶି । ପରିବହନ ମନ୍ତ୍ରୀ ଦେଲେ ସହାୟତା ରାଶି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବଲିଉଡ ସୁପରଷ୍ଟାର ସଲମାନ ଖାନଙ୍କୁ ଗତ ବର୍ଷ ଲରେନ୍ସ ବିଷ୍ଣୋଇ ଗ୍ୟାଙ୍ଗ ହତ୍ୟା ଧମକ ଦେଇଥିଲା । ଏହାପରେ ସଲମାନଙ୍କ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା । ତାଙ୍କୁ ଜେଡ୍ ପ୍ଲସ ସିକ୍ୟୁରିଟି ମଧ୍ୟ ପ୍ରଦାନ କରାଯାଇଛି । ଏସବୁ ଭିତରେ ଏବେ ଏକ ବଡ ଖବର ସାମ୍ନାକୁ ଆସିଛି । ସଲମାନଙ୍କ ପନବେଲ ସ୍ଥିତ ଫାର୍ମ ହାଉସରେ ଦୁଇଜଣ ସନ୍ଦିଗ୍ଧ ଆତଙ୍କବାଦୀ ପ୍ରବେଶ କରିଛନ୍ତି । ସେମାନେ ଜୋର ଜବରଦସ୍ତ ଫାର୍ମ ହାଉସରେ ପ୍ରବେଶ କରୁଥିବା ବେଳେ ସୁରକ୍ଷାକର୍ମୀମାନେ ସେମାନଙ୍କୁ ଅଟକାଇ ଥିଲେ । ଏହାପରେ ସ୍ଥାନୀୟ ପୋଲିସକୁ ଖବର ଦେଇ ୨ ସନ୍ଦିଗ୍ଧଙ୍କୁ ପୋଲିସର ଜିମା ଦେଇଛନ୍ତି ।

ପୋଲିସ କହିଛି କି, ଏହି ଦୁଇ ସନ୍ଦିଗ୍ଧ ଫାର୍ମହାଉସର ତାରବାଡ କାଟି ଭିତରକୁ ପ୍ରବେଶ କରିବାକୁ ଚେଷ୍ଟା କରୁଥିଲେ । ପୋଲିସ କହିଛି କି, ଯେତେବେଳେ ସନ୍ଦିଗ୍ଧ ୨ ଜଣ ଫାର୍ମ ହାଉସ ଭିତରକୁ ପ୍ରବେଶ କରିବାକୁ ଚେଷ୍ଟା କରୁଥିଲେ ସେତେବେଳେ ଫାର୍ମ ହାଉସ ଭିତରେ ସଲମାନ ଖାନ ନ ଥିଲେ । ଏବେ ପୋଲିସ ୨ ସନ୍ଦିଗ୍ଧଙ୍କୁ ଗିରଫ କରି ଥାନାକୁ ନେଇଛି । ହେଲେ ପ୍ରାଥମିକ ତଦନ୍ତ ବେଳେ ସନ୍ଦିଗ୍ଧମାନେ ସଲମାନ ଖାନଙ୍କ ପ୍ରଶଂସକ ବୋଲି କହିଛନ୍ତି । ସେପଟେ ପୋଲିସ ସେମାନଙ୍କ ଠାରୁ ନକଲି ପାସ୍ ଓ ନକଲି ପରିଚୟପତ୍ର ଜବତ କରିଛି ।

The post ହତ୍ୟା ଧମକ ଭିତରେ ସଲମାନଙ୍କ ଫାର୍ମ ହାଉସରେ ପଶିଲେ ୨ ଅଜଣା ବ୍ୟକ୍ତି । ଜାଣନ୍ତୁ କିଏ ଏହି ୨ ବ୍ୟକ୍ତି ? first appeared on Kanak News.

from Kanak News
via <a href="https://ifttt.com/?