କନକ ବ୍ୟୁରୋ : ଆମ୍ ଆଦମୀ ପାର୍ଟି ତରଫରୁ ଆଗାମୀ ରାଜ୍ୟସଭା ନିର୍ବାଚନ ପାଇଁ ଦିଲ୍ଳୀ ମହିଳା ଆୟୋଗ ଅଧ୍ୟକ୍ଷ ସ୍ୱାତୀ ମାଲିୱାଲଙ୍କୁ ରାଜ୍ୟସଭା ପ୍ରାର୍ଥୀ କରିବାକୁ ନିଷ୍ପତ୍ତି ନିଆଯାଇଛି । ତାଙ୍କୁ ସୁଶିଲ କୁମାର ଗୁପ୍ତାଙ୍କ ସ୍ଥାନରେ ଟିକେଟ ଦିଆଯାଇଛି । ଏହା ସହ ପାର୍ଟି ତରଫରୁ ପୁଣିଥରେ ସଂଜୟ ସିଂଙ୍କ ଉପରେ ଭରଶା କରାଯାଇଛି । ସଂଜୟ ସିଂ ଆପ୍ ଟିକେଟରୁ ପୁଣିଥରେ ରାଜ୍ୟସଭା ପ୍ରାର୍ଥୀ ହେବ । ଏନେଇ କୋର୍ଟ ମଧ୍ୟ ଅନୁମତି ପ୍ରଦାନ କରିଛନ୍ତି । ଜାନୁଆରୀ ୧୯ ତାରିଖରେ ରାଜ୍ୟସଭା ନିର୍ବାଚନ ହେବ । ଏନେଇ ଜାନୁଆରୀ ୯ ତାରିଖ ସୁଦ୍ଧା ନାମାଙ୍କନ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି ।

The post ସ୍ୱାତୀ ମାଲିୱାଲଙ୍କୁ ରାଜ୍ୟସଭା ପ୍ରାର୍ଥୀ କରିବ ଆମ୍ ଆଦମୀ ପାର୍ଟି । ଜେଲରୁ ନାମାଙ୍କନ ଭରିବେ ସଂଜୟ ସିଂ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲାରେ ଜେଲରେ ଥିବା ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସଂଜୟ ସିଂଙ୍କୁ କୋର୍ଟରୁ ବଡ ଆଶ୍ୱସ୍ତି ମିଳିଛି । ଆମ୍ ଆଦମୀ ପାର୍ଟି ତରଫରୁ ସଂଜୟ ସିଂ ପୁଣିଥରେ ରାଜ୍ୟସଭା ପାଇଁ ପ୍ରାର୍ଥୀ ହୋଇପାରିବେ । କାରଣ ରାଜ୍ୟସଭା ନିର୍ବାଚନ ଲଢିବା ପାଇଁ ରାୱଜ ଏଭିନ୍ୟୁ କୋର୍ଟ ଫର୍ମରେ ହସ୍ତାକ୍ଷର କରିବାକୁ ସଂଜୟଙ୍କୁ ଅନୁମତି ଦେଇଛନ୍ତି । ଜାନୁଆରୀ ୧୯ ତାରିଖରେ ହେବାକୁ ଥିବା ରାଜ୍ୟସଭା ନିର୍ବାଚନ ପାଇଁ କୋର୍ଟ ତରଫରୁ ସଂଜୟଙ୍କୁ ନାମାଙ୍କନ ପତ୍ର ଭରିବାକୁ ଅନୁମତି ଦେଇଛନ୍ତି ।

ବିଚାରପତି ଜଷ୍ଟିସ ଏମ.କେ ନାଗପାଲ ସଂଜୟ ସିଂଙ୍କ ଦ୍ୱାରା ଦାଖଲ କରାଯାଇଥିବା ଆବେଦନକୁ ସ୍ୱୀକୃତି ପ୍ରଦାନ କରିଛନ୍ତି । ଏଥିରେ ସଂଜୟ ସିଂ ଆବେଦନ କରିଥିଲେ କି, ରାଜ୍ୟସଭା ସାଂସଦ ଭାବେ ତାଙ୍କର କାର୍ଯ୍ୟକାଳ ଜାନୁଆରୀ ୨୭ ତାରିଖରେ ଶେଷ ହେବାକୁ ଯାଉଛି । ଏନେଇ ନିର୍ବାଚନ ଅଧିକାରୀ ନିର୍ବାଚନ କରିବାକୁ ଜାନୁଆରୀ ୨ ତାରିଖରେ ନୋଟିସ ଜାରି କରିଛନ୍ତି । ଏନେଇ ଜାନୁଆରୀ ୯ ତାରିଖ ସୁଦ୍ଧା ନାମାଙ୍କନପତ୍ର ଦାଖଲ କରିବାକୁ ପଡିବ ।

ସଂଜୟ ସିଂଙ୍କୁ ଦସ୍ତାବିଜରେ ଦସ୍ତଖତ କରିବାକୁ ଅନୁମତି ଦେବାକୁ ତିହାର ଜେଲ ଅଧୀକ୍ଷକଙ୍କୁ ନିର୍ଦ୍ଦେଶ ଦେବାକୁ ଆବେଦନରେ ଅନୁରୋଧ କରାଯ୍ଧବଥିଲା । ଯଦି ୨୦୨୪ ଜାନୁଆରୀ ୬ ତାରିଖରେ ଅଭିଯୁକ୍ତଙ୍କ ଓକିଲଙ୍କ ଦ୍ୱାରା ଜେଲ କର୍ତ୍ତୃପକ୍ଷଙ୍କ ନିକଟରେ ଦସ୍ତାବିଜ୍ ଉପସ୍ଥାପନ କରାଯାଏ ତେବେ ଜେଲ ଅଧିକ୍ଷକ ନିଶ୍ଚିତ କରିବେ ଯେ ଉକ୍ତ ଦସ୍ତାବିଜରେ ଦସ୍ତଖତ କରିବାକୁ ଅଭିଯୁକ୍ତଙ୍କୁ ଅନୁମତି ଦିଆଯିବ ଏବଂ ସେମାନଙ୍କୁ ମଧ୍ୟ ଦେଖା କରିବାକୁ ଅନୁମତି ଦିଆଯିବ ।

The post ଜେଲରେ ବନ୍ଦ ଥିବା ଆପ୍ ନେତା ସଂଜୟ ସିଂଙ୍କୁ ବଡ ଆଶ୍ୱସ୍ତି । ଏହି କାର୍ଯ୍ୟ ପାଇଁ କୋର୍ଟ ଦେଲେ ଅନୁମତି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉମରକୋଟ ପୌର କାର୍ଯ୍ୟାଳୟ ଆଗରେ ସଫେଇ କର୍ମଚାରୀଙ୍କ ଅଭିନବ ପ୍ରତିବାଦ । ମାସିକ ଦରମାରେ ଅନିୟମିତତା, ଦରମାରୁ କଟୁଥିବା ଇପିଫଓର ପ୍ରମାଣ, ସେପ୍ଟି ବୁଟ୍ ଓ ଗ୍ଲୋବସ ଯୋଗାଇଦେବା ଦାବିରେ ୪ ଦିନ ହେଲା କାର୍ଯ୍ୟବନ୍ଦ ଆନ୍ଦୋଳନ କରୁଛନ୍ତି କର୍ମଚାରୀ । ସେମାନଙ୍କ ଦାବି ପୂରଣ ନହେବାରୁ ଆଜି ଅଫିସ୍ ଫାଟକ ଅମ୍ମୁଖରେ ଅଳିଆ ପକାଇ ଆନ୍ଦୋଳନ କରିଛନ୍ତି ସଫେଇ କର୍ମୀ ।

୪ ଦିନ ଧରି ଉମରକୋଟ ସହରରେ ସଫେଇ କର୍ମଚାରୀଙ୍କ କାର୍ଯ୍ୟବନ୍ଦ ଆନ୍ଦୋଳନ ଯୋଗୁଁ ସହରର ବିଭିନ୍ନ ସ୍ଥାନରେ କୁଢ଼ କୁଢ଼ ଅଳିଆ ପଡ଼ିରହିଛି । ଏହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଉଛି । ନୂଆ ପୁରୁଣା ମିଶି ମୋଟ ୮୪ ସଫେଇ କର୍ମଚାରୀ ନିୟୋଜିତ ଅଛନ୍ତି କିନ୍ତୁ ପୌର ପରିଷଦରେ ୧୦୬ ଜଣଙ୍କ ନାମରେ ଦରମା କରାଯାଉଛି ତାହାହେଲେ ବଳକା ୨୨ କର୍ମଚାରୀ କେଉଁ ମାନେ ବୋଲି ସଫେଇ କର୍ମଚାରୀ ପ୍ରଶ୍ନ କରିଛନ୍ତି ।

 

The post ସଫେଇ କର୍ମଚାରୀଙ୍କ ଅଭିନବ ପ୍ରତିବାଦ । ଅଫିସ ଫାଟକ ସମ୍ମୁଖରେ ଅଳିଆ ପକାଇ ବିକ୍ଷୋଭ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପୁରୀରେ ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା । ଶ୍ରୀଦାଣ୍ଡ ଓ ଶ୍ରୀସେତୁ ନିକଟରେ ବିଶ୍ୱସ୍ତରୀୟ ଭେଣ୍ଡିଂ ଜୋନ୍ର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ । ପୂର୍ତ ସଚିବଙ୍କ ସହ ଜିଲ୍ଲାପାଳ ଓ ଅନ୍ୟାନ୍ୟ ବରିଷ୍ଠ ଅଧିକାରୀ ଉପସ୍ଥିତ ଅଛନ୍ତି । ଏହାସହ ସମଙ୍ଗରେ ହୋଇଥିବା ପାର୍କିଂ ବ୍ୟବସ୍ଥାର ଅନୁଧ୍ୟାନ ମଧ୍ୟ କରିଛନ୍ତି । ପରିକ୍ରମା ପ୍ରକଳ୍ପ କାର୍ଯ୍ୟକ୍ରମରେ ଯୋଗଦେବା ପାଇଁ ଆସିବାକୁ ଥିବା ସମସ୍ତ ଯାତ୍ରୀଙ୍କ ଗାଡ଼ି ସେଠାରେ ପାର୍କିଂ ହେବ । ସେଠାରେ ହୋଇଥିବା ଯାତ୍ରୀ ବିଶ୍ରାମାଗାର, ଶୌଚାଳୟର ଓ ଶ୍ରୀସେତୁର ସମୀକ୍ଷା ପରେ ବୈଠକ ହେବ ।

The post ପୁରୀରେ ମୁଖ୍ୟ ଶାସନ ସଚିବ । ଶ୍ରୀଦାଣ୍ଡ, ଶ୍ରୀସେତୁ ନିକଟରେ ଥିବା ବିଶ୍ୱସ୍ତରୀୟ ଭେଣ୍ଡିଂ ଜୋନର କଲେ ସମୀକ୍ଷା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପାରାଦୀପ ଇଣ୍ଡିଆନ୍ ଅଏଲ୍ ଟର୍ମିନାଲ ଠାରେ ପାରାଦୀପ ତୈଳ ପରିବହନ କର୍ମଚାରୀ ସଂଘର ପ୍ରତିବାଦ । ଏହି ପ୍ରତିବାଦ ସଭାରେ ତୈଳ ପରିବହନ କରୁଥିବା ଶତାଧିକ ଡ୍ରାଇଭର ମାନେ ସାମିଲ ହୋଇଛନ୍ତି । ହିଟ୍ ଆଣ୍ଡ ରନ୍ ଆଇନ୍ ପ୍ରତ୍ୟାହାର ଦାବିରେ ଏହି ଆନ୍ଦୋଳନ ଜାରି ରହିଛି । ଡ୍ରାଇଭର ସଂଘ ପକ୍ଷରୁ ବିଭିନ୍ନ ସ୍ଥାନରେ ଏହି ପ୍ରତିବାଦ ସ୍ୱର ଉଠିଥିବା ବେଳେ ପାରାଦୀପର ବିଭିନ୍ନ ତୈଳ ଡିପୁର ଡ୍ରାଇଭର ସଂଘ ପକ୍ଷରୁ ଏଭଳି ପ୍ରତିବାଦ କରାଯାଉଛି ।

The post ପାରାଦୀପ ତୈଳ ପରିବହନ କର୍ମଚାରୀ ସଂଘର ପ୍ରତିବାଦ । ହିଟ୍ ଆଣ୍ଡ୍ ରନ୍ ଆଇନ ପ୍ରତ୍ୟାହାର କରିବାକୁ ଦାବି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦ୍ୱିତୀୟ ଦିନରେ ଜାରି ରହିଛି ଡ୍ରାଇଭର ଆନ୍ଦୋଳନ । ଗତକାଲି ପ୍ରଥମ ଦିନରେ ଏହାର ଏତେଟା ପ୍ରଭାବ ପଡ଼ିନାହିଁ । କିନ୍ତୁ ଆଜି ରାଜ୍ୟର ବିଭିନ୍ନ ସ୍ଥାନର ଡ୍ରାଇଭର ଆନ୍ଦୋଳନରେ ସାମିଲ ହୋଇପାରନ୍ତି । ଆସନ୍ତାକାଲିଠାରୁ ଏହି ଆନ୍ଦୋଳନ ଜୋରଦାର ହେବାକୁ ଥିବା ବେଳେ ଆଜିଠୁ କଟକ ବସ୍ ଟର୍ମିନାଲରେ ଏହାର ପ୍ରଭାବ ପଡ଼ିଲାଣି ।

ଆଜି ଟର୍ମିନାଲକୁ ଆସିଛି କମ୍ ସଂଖ୍ୟକ ବସ୍ । ଫଳରେ ଆଜି ଯାତ୍ରୀମାନେ ନିଜ ଗନ୍ତବ୍ୟ ସ୍ଥଳକୁ ଯିବାକୁ ଅସୁବିଧାର ସମ୍ମୁଖୀନ ହେଉଛନ୍ତି । ଗତବର୍ଷର ଦାବି ସହ ନୂଆ ଦଣ୍ଡ ବିଧାନ ବ୍ୟବସ୍ଥାକୁ ବିରୋଧ କରି ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଜାତୀୟ ସ୍ତରରେ ଷ୍ଟିଅରିଙ୍ଗ ଛାଡ଼ ଆନ୍ଦୋଳନ କରୁଛି ଡ୍ରାଇଭର ମହାସଂଘ । ହିଟ୍ ଆଣ୍ଡ ରନ୍ ଆଇନ୍ ପ୍ରତ୍ୟାହାର ଦାବିରେ ଅନିର୍ଦ୍ଦିଷ୍ଟ କାଳ ଯାଏଁ ଆନ୍ଦୋଳନରେ ବସିବେ ଡ୍ରାଇଭର । ଏହା ଦ୍ୱାରା ଆଗକୁ ସ୍ଥିତି ସଂଗୀନ ହେବା ଆଶଙ୍କା ରହିଛି । ବିବାଦର ସମାଧାନ ନହେଲେ ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ଦରଦାମ ଉପରେ ଏହାର ପ୍ରଭାବ ପଡ଼ିପାରେ ।

The post ତୀବ୍ର ହେଉଛି ଡ୍ରାଇଭରଙ୍କ ଆନ୍ଦୋଳନ । କଟକ ବସ ଟର୍ମିନାଲରେ ହନ୍ତସନ୍ତ ଯାତ୍ରୀ । first appeared on Kanak News.

from Kanak News
via <a href="https://ifttt.com/?

ଇସ୍ରାଏଲ-ହାମାସ ଯୁଦ୍ଧ ମଧ୍ୟରେ ଇରାନର ସମସ୍ୟା କ୍ରମାଗତ ଭାବେ ବୃଦ୍ଧି ପାଉଛି । ପ୍ରଥମେ ତାଙ୍କ ଦେଶରେ ଆତଙ୍କବାଦୀ ଆକ୍ରମଣ ଏବଂ ପରେ ପଡୋଶୀ ଦେଶ ଇରାକରୁ ତାଙ୍କୁ ଆଉ ଏକ ଖରାପ ଖବର ମିଳୁଛି । ତାଙ୍କର ଜଣେ ବରିଷ୍ଠ କମାଣ୍ଡର ଇରାକରେ ପ୍ରାଣ ହରାଇଛନ୍ତି । ଆବୁ ତାକୱା ନାମକ ଏହି କମାଣ୍ଡରକୁ ଇରାନ ଆଖିବୁଜି ସମର୍ଥନ କରୁଥିଲା ।

ମାତ୍ର ଦୁଇ ଦିନ ପୂର୍ବେ ଘଟିଥିବା ଆତଙ୍କବାଦୀ ଆକ୍ରମଣର କ୍ଷତ ଶୁଖିନଥିବା ବେଳେ ଇରାନ ପୁଣି ଏକ ଜଖମ ପାଇଛି । ଏଥର ତାକୁ ଏ ଜଖମ ଦେଇଛି ଆମେରିକା । ପଡୋଶୀ ଦେଶ ଇରାକରୁ ଖବର ଆସିଛି ଯେ ଆମେରିକାର  ଏକ ଏୟାର ଷ୍ଟ୍ରାଇକରେ ଜଣେ ମିଲିସିଆ କମାଣ୍ଡର ଆବୁ ତାକୱାଙ୍କୁ ହତ୍ୟା କରାଯାଇଛି । କୁହାଯାଉଛି ଯେ ଆବୁ ତକୱା ପ୍ରତି ଇରାନର ପ୍ରଚଣ୍ଡ ସମର୍ଥନ ଥିଲା। ଆମେରିକାର ଆକ୍ରମଣ ଇରାକର କେନ୍ଦ୍ରୀୟ ଅଞ୍ଚଳରେ ହୋଇଥିଲା ।

ଗୁରୁବାର ଦିନ ଏହି ଆକ୍ରମଣ ହୋଇଥିଲା, ଯାହା ବିଷୟରେ ସୂଚନା ବର୍ତ୍ତମାନ ଗଣମାଧ୍ୟମକୁ ଆସିଛି । ଏହିପରି ଭାବରେ, ବର୍ତ୍ତମାନ ଇସ୍ରାଏଲ୍ ଏବଂ ହମାସ ମଧ୍ୟରେ ଯୁଦ୍ଧର ଉତ୍ତେଜନା ଏହି ସମଗ୍ର ଅଞ୍ଚଳରେ ବ୍ୟାପିଥିବାର ଦେଖାଯାଉଛି । ଏହି ସବୁ ଘଟଣା ଘଟୁଛି ଯେତେବେଳେ ଇରାକର ଅଧିକାରୀମାନଙ୍କ ଉପରେ ଆମେରିକା ଚାପ ପକାଉଛି ।  ଇରାକର ଅଧିକାରୀମାନେ ଆମେରିକା ଏବଂ ଏହାର ନେତୃତ୍ୱ ତଥା ଅନ୍ୟ ଦେଶର ସୈନ୍ୟବାହିନୀ ଉପରେ ଯଥାଶୀଘ୍ର ଦେଶ ଛାଡିବାକୁ ଚାପ ପକାଉଛନ୍ତି ।

ଆମେରିକା କାହିଁକି ଆବୁ ତକୱାକୁ ହତ୍ୟା କଲା ?

ପପୁଲାର ମୋବାଇଲାଇଜେସନ୍ ଫୋର୍ସ ବା ପିଏମ୍ଏଫ୍ ହେଉଛି ଏକ ଗୋଷ୍ଠୀ ଯେଉଁମାନେ କେବଳ ଯୁଦ୍ଧ କରିଥାନ୍ତି । ଏହା ମଧ୍ୟ କିଛି ପରିମାଣରେ ଇରାକୀ ସେନାର ନିୟନ୍ତ୍ରଣରେ ଅଛି । ଏହି ପିଏମଏଫ ସଂଗଠନର ବାଗଦାଦ ଅପରେସନର ଡେପୁଟି ହେଡ ଅବୁ ତକୱା ଥିଲା । ଆମେରିକାର ଆକ୍ରୋଶର ଶିକାର ହେଲା ଆବୁ ବୋଲି PMF କହିଛି । ଜଣେ ଆମେରିକୀୟ ଅଧିକାରୀ ନିଜର ପରିଚୟ ଲୁଚାଇ ସ୍ୱୀକାର କରିଛନ୍ତି ଯେ ଗତକାଲି, ଗୁରୁବାର ଆମେରିକା ନିଜେ ଏହି ଏୟାର ଷ୍ଟ୍ରାଇକ୍ କରିଥିଲା ​​ଏବଂ ଦୀର୍ଘ ଦିନ ଧରି ଆବୁ ତାକୱା ଆମେରିକାର ଟାର୍ଗେଟ ଥିଲା ।ଏହାର କାରଣ ହେଉଛି ଆମେରିକୀୟ ଅଧିକାରୀଙ୍କ ଉପରେ ହୋଇଥିବା ଆକ୍ରମଣରେ ହରକେଟ୍ ଅଲ-ନୁଜାବା ଗୋଷ୍ଠୀର ନେତା ଆବୁ ତକୱା ଏକ ବିଶେଷ ଭୂମିକା ଗ୍ରହଣ କରିଥିଲା ।  ଏହି କାରଣରୁ ଆମେରିକା ନିରାଶ ହୋଇ ବସିଥିଲା । ୨୦୧୯ ମସିହାରୁ ହରାକତ ଅଲ-ନୁଜାବା ଗୋଷ୍ଠୀକୁ ଆମେରିକା ଦ୍ୱାରା ଆତଙ୍କବାଦୀ ସଂଗଠନ ଭାବେ ଘୋଷଣା କରାଯାଇଛି ।

The post ଇରାନକୁ ବଡ଼ ଝଟକା :  ଆମେରିକାର ଏୟାର ଷ୍ଟ୍ରାଇକରେ କମାଣ୍ଡର ଆବୁ ତାକୱା ନିହତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ହାଇଟେକ୍ ହସ୍ପିଟାଲ ଆଗରେ ଏକାଠି ହୋଇଛନ୍ତି ଜ୍ୟୋତିରଞ୍ଜନଙ୍କ ପରିବାର । ଯାହାଙ୍କ ପାଇଁ ସେମାନେ ୮ ଦିନ ହେଲା ହସ୍ପିଟାଲରେ ପଡି ରହିଥିଲେ, କେବେ ଭେଣ୍ଟିିଲେଟରରୁ ବାହାରିବେ, ସୁସ୍ଥ ହୋଇ ବାହାରକୁ ଆସିବେ ଚାହିଁ ରହିଥିଲେ । ସେହି ଜ୍ୟୋତିରଞ୍ଜନ ଯେତେବେଳେ ମୃତ ବୋଲି ଶୁଣୁଛନ୍ତି, ସେମାନଙ୍କ ପାଦ ତଳୁ ମାଟି ଖସିଯାଇଛି । ଦୁଃଖ ଓ କ୍ଷୋଭର ସହ ଦାବି କରୁଛନ୍ତି, ଆମକୁ ଜ୍ୟୋତି ଫେରାଇ ଦିଅନ୍ତୁ ନହେଲେ ତାଙ୍କ ମର ଶରୀର ଅନ୍ତିମ ସଂସ୍କାର ପାଇଁ ଦିଆଯାଉ । ହେଲେ ଏପଟେ ଦିଲ୍ଲୀପ ବୋଲି ଯାହାଙ୍କ ମୃତଦେହର ଅନ୍ତିମ ସଂସ୍କାର ସରିଛି, ସେ ଜ୍ୟୋତି ବୋଲି ଧୀରେ ଧୀରେ ସ୍ପଷ୍ଟ ହେଉଛି । ତେଣୁ ଜ୍ୟୋତିଙ୍କ ମର ଶରୀର ଆଉ ତାଙ୍କ ପରିବାରକୁ ହସ୍ତାନ୍ତର କରିବା ସମ୍ଭବ ନୁହେଁ । ହେଲେ ପରିବାର କିନ୍ତୁ ମୃତଦେହ ପାଇଁ ଅଡି ବସିଛି । ଜ୍ୟୋତିଙ୍କ ପତ୍ନୀ ହସ୍ପିଟାଲ ଆଗରେ କାନ୍ଦି କାନ୍ଦୀ ନିଜ ସ୍ୱାମୀ କୁଆଡେ ଗଲେ ବୋଲି ବାରମ୍ବାର ପଚାରୁଥିବା ଶୁଣିବାକୁ ମିଳୁଛି ।

ହାଇଟେକ୍ ହସ୍ପିଟାଲରେ ବିସ୍ଫୋରଣ ଘଟଣାରେ ମୃତ ଘୋଷିତ ଦିଲ୍ଲୀପ ବଞ୍ଚିିଥିବା ଚର୍ଚ୍ଚା ବଢ଼ୁଥିବା ବେଳେ ଦ୍ୱନ୍ଦ୍ୱ ଦୂର ପାଇଁ ଡିଏନଏ ଟେଷ୍ଟ କରାଯାଇପାରେ । ଆଜି ହସ୍ପିଟାଲ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦିଆଯାଇଛି । ଚିକିତ୍ସା କରୁଥିବା ଡାକ୍ତର କହିଛନ୍ତି ଦିଲ୍ଲୀପ ବୋଲି କହୁଥିବା ବ୍ୟକ୍ତି ୯୦-୯୫ ପ୍ରତିଶତ ଦିଲ୍ଲୀପ ସାମନ୍ତରାୟ ହିଁ ବୋଲି ସେ ସ୍ୱଷ୍ଟ ହେଉଛନ୍ତି । କାରଣ ଦିଲ୍ଲୀପଙ୍କ ସମ୍ପର୍କରେ ପଚରା ଯାଉଥିବା ପ୍ରତିଟି କଥା ସେ ଅତି ସ୍ପଷ୍ଟ ଓ ସଠିକ୍ ଭାବେ କହିପାରୁଛନ୍ତି ବୋଲି ମନସ୍ତତ୍ତ୍ୱବିତ୍ କହିଛନ୍ତି ।

The post ହାଇଟେକ୍ ହସ୍ପିଟାଲ ବିସ୍ଫୋରଣ ଘଟଣା: ହସ୍ପିଟାଲ ଆଗରେ କାନ୍ଦି କାନ୍ଦି ସ୍ୱାମୀଙ୍କ ମୃତଦେହ ମାଗୁଛନ୍ତି ଜ୍ୟୋତିଙ୍କ ପତ୍ନୀ । ବଢିଲା ଉତ୍ତେଜନା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସୋମାଲିଆ ନିକଟରୁ ଅପହୃତ ହୋଇଥିବା ଜାହାଜ ଏମଭି ଲୀଳା ନରଫ୍ଲକକୁ ସୁରକ୍ଷିତ ଭାବେ ଫେରାଇ ଆଣିବାକୁ ଅପରେସନ ଆରମ୍ଭ କଲା ଭାରତୀୟ ନୌସେନା । ହାଇଜାକ ହୋଇଥିବା ଜାହାଜକୁ ଉଦ୍ଧାର ପାଇଁ ଆଇଏନଏସ ଚେନ୍ନାଇକୁ ପଠାଇଛି ଭାରତୀୟ ନୌସେନା । ହାଇଜାକ ହୋଇଥିବା ଜାହାଜର ଚାଳକ ଦଳରେ ୧୫ ଜଣ ଭାରତୀୟ ରହିଛନ୍ତି । କୌଣସି ବି ପରିସ୍ଥିତିର ମୁକାବିଲା ପାଇଁ ଆଇଏନଏସ ଚେନ୍ନାଇ ସମ୍ପୂର୍ଣ୍ଣ ରୂପେ ପ୍ରସ୍ତୁତ ହୋଇ ଆଗକୁ ବଢୁଛି । ଅପହୃତ ଜାହାଜ ଉପରେ ଭାରତୀୟ ନୌସେନାର କଡା ନଜର ରହିଛି । ଗୁରୁବାର ସନ୍ଧ୍ୟାରେ ଏମଭି ଲୀଳା ଅପହୃତ ହୋଇଥିବା ନେଇ ସୂଚନା ମିଳିଥିଲା ।

ଅପହୃତ ଜାହାଜ ଉପରେ ଭାରତୀୟ ନୌସେନାର ବିମାନ ନଜର ରଖିଥିବା ବେଳେ ଜାହାଜରେ ଥିବା ଭାରତୀୟ ସଦସ୍ୟଙ୍କ ସହ ଯୋଗାଯୋଗ କରାଯାଇଛି । ଏହି ଜାହାଜ ଉପରେ ଲାଇବେରିଆର ପତାକା ଲାଗିଛି । ଗତ କିଛି ବର୍ଷ ହେବ ସମୁଦ୍ର ମଧ୍ୟରେ ମାଲବାହୀ ଜାହାଜ ଉପରେ ଅତର୍କିତ ଆକ୍ରମଣ କରି ଏହାକୁ ହାଇଜାକ କରି ନିଆଯାଉଥିବାର ଖବର ବଢି ବଢି ଚାଲିଛି । ତେବେ ଭାରତୀୟ ନୌସେନା ଆକ୍ସନ ମୋଡକୁ ଆସିବା ପରେ ହାଇଜାକ ହୋଇଥିବା ଜାହାଜରୁ ଖୁବଶୀଘ୍ର ଭାରତୀୟଙ୍କୁ ମୁକ୍ତ କରାଯିବାର ସମ୍ଭାବନା ସୃଷ୍ଟି ହୋଇଛି ।

The post ସୋମାଲିଆ ତଟ ପାଖରୁ ହାଇଜାକ ହେଲା ଜାହାଜ ‘ଲୀଳା’, ୧୫ ଭାରତୀୟଙ୍କୁ ବଞ୍ଚାଇବାକୁ ବାହାରିଲା ଆଇଏନଏସ ଚେନ୍ନାଇ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜ୍ୟରେ ବାୟୁ ପ୍ରଦୂଷଣ ନିୟନ୍ତ୍ରଣ ଭିତରକୁ ଆସିପାରି ନାହିଁ । ୨୪ ଘଂଟା ପରେ ମଧ୍ୟ ଅନୁଗୁଳ ଓ ବାଲେଶ୍ୱର ସହରର ବାୟୁ ମାନ ସୂଚକାଙ୍କ ଅତି ସାଂଘାତିକ ସ୍ତରରେ ରହିଛି । ଗତକାଲି ଅନୁଗୁଳରେ ୩୪୦ ଅର୍ଥାତ ଭେରି ପୋର ଥିବା ରେକର୍ଡ କରାଯାଇଛି । ସେହିପରି ବାଲେଶ୍ୱରରେ ୩୦୪ ଓ କଟକରେ ପ୍ରଦୂଷଣ ମାତ୍ର ୨୮୪ ସହ ପୋର ରହିଛି ।

ରାଜ୍ୟରେ ଅନୁଗୁଳ ସହରର ବାୟୁ ପ୍ରଦୂଷଣ ଚରମ ସୀମାରେ ପହଂଚିଛି । କେବଳ ଅନୁଗୁଳ ସହର ନୁହେଁ ଜିଲ୍ଲାର ପ୍ରାୟ ସବୁ ଅଂଚଳରେ ଏବେ ବାୟୁମଣ୍ଡଳ ବିଷାକ୍ତ ହୋଇଯାଇଛି । ଥଣ୍ଡା ଦିନ ଓ କହୁଡ଼ି ପାଇଁ ଚଳାଚଳ ବାଧାପ୍ରାପ୍ତ ହେଉଛି । ଖରା ବଦଳରେ ଧୂଆଁଳିଆ ପରିବେଶ ହେଉଥିବାରୁ ଏହା ସ୍ଥିତିକୁ ଅଧିକ ବିଗାଡ଼ୁଛି । ରାଜ୍ୟରେ ବଢ଼ୁଥିବା ବାୟୁ ପ୍ରଦୂଷଣ ନେଇ ରାଜ୍ୟ ପ୍ରଦୂଷଣ ନିୟନ୍ତ୍ରଣ ପରିଷଦ ନିର୍ଦ୍ଦେଶକ ଡି କେ ମୁରୁଗେସନ କହିଛନ୍ତି ରାଜ୍ୟରେ ୩ଟି ସ୍ଥାନରେ ବାୟୁ ପ୍ରଦୂଷଣ ଟିକେ ଅଧିକ ରହିଛି ।

The post ୨୪ ଘଣ୍ଟା ପରେ ବି କମୁନି ବାୟୁ ପ୍ରଦୂଷଣ । ଅନୁଗୁଳ ଓ ବାଲେଶ୍ୱର ସହରର ବାୟୁ ମାନ ସୂଚକାଙ୍କ ଏବେବି ସାଂଘାତିକ। first appeared on Kanak News.

from Kanak News
via <a href="https://ifttt.com/?