କନକ ବ୍ୟୁରୋ: ୨୦୧୯ ନିର୍ବାଚନ ପୂର୍ବରୁ ଯେମିତି ବରିଷ୍ଠ ନେତା ଦାମ ରାଉତଙ୍କୁ ବିଜେଡିରୁ ବହିଷ୍କାର କରାଯାଇଥିଲା । ଆଉ ଆଗକୁ ଯେତେବେଳେ ୨୦୨୪ ନିର୍ବାଚନ ଆସୁଛି, ଠିକ୍ ତା’ ପୂର୍ବରୁ ତାଙ୍କ ଉପରୁ ବହିଷ୍କାର ଆଦେଶକୁ ଉଠାଇ ନେଇଛି ଦଳ । ଏହାକୁ ନେଇ ଦାମଙ୍କ ସମର୍ଥକ ବେଶ୍ ଖୁସି ଓ ଉତ୍ସାହିତ ହୋଇପଡ଼ିଛନ୍ତି । ବହିଷ୍କାର ହଟିବା ପରେ ଦାମଙ୍କ ଘର ଆଗରେ ବାଣଫୁଟାଇ, ବାଜା ବଜାଇ ଜୋରଦାର ସେଲିବ୍ରେସନ୍ ହୋଇଛି ।

• ଦାମଙ୍କ ଉପରୁ ହଟିଲା ବିଜେଡିରୁ ବହିଷ୍କାର ଆଦେଶ
• ୬ ବର୍ଷ ପରେ ହଟାଇଲେ ବିଜେଡି ସୁପ୍ରିମୋ

ରାଜ୍ୟ ରାଜନିତୀର ବରିଷ୍ଠ ତଥା ଅଭିଜ୍ଞ ରାଜନେତା ଦାମୋଦର ରାଉତଙ୍କ ଉପରୁ ହଟିଲା ବହିଷ୍କାର ଆଦେଶ । ନୂଆ ବର୍ଷ ଅବସରରେ ଦୀର୍ଘ ୬ ବର୍ଷ ପରେ, ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦାମଙ୍କ ଉପରୁ ବହିଷ୍କାର ଆଦେଶକୁ ହଟାଇଛନ୍ତି । ଆଉ ବହିଷ୍କାର ହଟିବା ପରେ, ଦାମ ରାଉତଙ୍କ ସମର୍ଥକ ଉତ୍ସବ ମନାଇଛନ୍ତି । ସେ ରହୁଥିବା ସରକାରୀ ବାସଭବନ ନିକଟରେ ବାଣ ଫୁଟାଇ, ମିଠା ଖୁଆଇ, ଜିନ୍ଦାବାଦ ନାରା ଦେଇଛନ୍ତି ତାଙ୍କ ସମର୍ଥକ । ଏପରିକି ପାରାଦୀପ ବିଧାୟକ ତଥା ଦାମଙ୍କ ପୁଅ ସମ୍ବିତ ରାଉତଙ୍କୁ କାନ୍ଧରେ ବସାଇ ନାଚିଥିଲେ ଦାମଙ୍କ ସମର୍ଥକ । ତେବେ ବାପାଙ୍କ ଉପରୁ ବହିଷ୍କାର ଆଦେଶ ପ୍ରତ୍ୟାହାର ପରେ ଭାବବିହ୍ୱଳ ହୋଇପଡିଛନ୍ତି ପୁଅ ସମ୍ବିତ ରାଉତରାୟ ।

୨୦୧୮ ସେପ୍ଟେମ୍ବର ୧୨ ତାରିଖରେ ଏକ ନାଟକୀୟ ଢଙ୍ଗରେ ଦାମଙ୍କୁ ବିଜେଡିରୁ ବହିଷ୍କାର କରିଥିଲେ ନବୀନ ପଟ୍ଟନାୟକ । ବ୍ରାହ୍ମଣ ସମାଜ ପ୍ରତି ଅରୁଚିକର ତଥା କଟୁ ମନ୍ତବ୍ୟ ଦେଇଥିବାରୁ ତାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ହୋଇଥିଲା । କିନ୍ତୁ ତାଙ୍କ ଉପରୁ ବହିଷ୍କାର ଆଦେଶ ହଟିଯାଉ ବୋଲି ସେ ଚାହୁଁଥିଲେ ।

ସୂଚନାଯୋଗ୍ୟ ଯେ, ବିଜେଡିରୁ ବହିଷ୍କାର ପରେ ୧୪ ମାର୍ଚ୍ଚ ୨୦୧୯ରେ ବିଜେପିରେ ସାମିଲ ହୋଇଥିଲେ ଦାମ । ବାଲିକୁଦା-ଏରସମା ପାଇଁ ବିଜେପିରୁ ବିଧାୟକ ପ୍ରାର୍ଥୀ ହୋଇ ପରାଜୟବରଣ କରିଥିଲେ ହେଭିୱେଟ ନେତା । କିନ୍ତୁ ଦାମୋଦର ରାଉତ ଏବେ କିଛି ଦିନ ହେଲା ଅସୁସ୍ଥ ଅଛନ୍ତି । ତାଙ୍କ ଚିକିତ୍ସା ଏକ ଘରୋଇ ହସ୍ପିଟାଲରେ ଚାଲିଛି ।

The post ଦାମ ରାଉତଙ୍କ ଉପରୁ ବହିଷ୍କାର ଆଦେଶ ହଟାଇଲେ ବିଜେଡି ସୁପ୍ରିମୋ । ୨୦୧୮ରେ ହୋଇଥିଲେ ବହିଷ୍କୃତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆପଣଙ୍କ ପିଲା ପିଉଥିବା କ୍ଷୀର ସୁରକ୍ଷିତ ତ? ଆବଶ୍ୟକ ପୋଷଣ ପାଇଁ ପ୍ରତ୍ୟେକ ଦିନ ଅନେକ କ୍ଷୀର ପିଇଥାନ୍ତି । ଗାଈ କ୍ଷୀର ହେଉ ଅବା ପକେଟ୍ କ୍ଷୀର ପିଇଥାନ୍ତି ପିଲା । ହେଲେ ପିଉଥିବା ଏହି କ୍ଷୀର ବିଶୁଦ୍ଧ ନା ବିଷାକ୍ତ? ଜାତୀୟ ସ୍ତରରେ ହୋଇଥିବା ସର୍ବେକ୍ଷଣ ଅନୁସାରେ ଦେଶରେ ଉପଲବ୍ଧ ଥିବା ପ୍ରତି ୧୦ ଲିଟର କ୍ଷୀରରୁ ଗୋଟିଏ ଲିଟର କ୍ଷୀର ପିଇବା ଅନୁପଯୋଗୀ, କାରଣ ଏଥିରେ ରହୁଛି ଆଫଲା ଟକ୍ସିନ୍ । ତେଣୁ ବଜାରରେ ବିକ୍ରି ହେଉଥିବା ପ୍ୟାକେଟ କ୍ଷୀର ବି ସମ୍ପୂର୍ଣ ବିଶୁଦ୍ଧ, ତାହାର ବି ଗ୍ୟାରେଣ୍ଟି କାହାରି ପାଖରେ ନାହିଁ ।

• ପିଲା ପିଉଥିବା କ୍ଷୀର କେତେ ସୁରକ୍ଷିତ?
• ପିଉନାହାନ୍ତି ତ ବିଷାକ୍ତ କ୍ଷୀର?

କ୍ଷୀରକୁ ଅମୃତ ସହ ତୁଳନା କରାଯାଏ । ହେଲେ ଏହା ଘାତକ ହୋଇପାରେ । ଏହି କଥା ଶୁଣିବାକୁ ଆଶ୍ଚର୍ଯ୍ୟ ଲାଗିପାରେ କିନ୍ତୁ ଏହା ସତ । ଆପଣ ହୁଏତ ଭାବି ନଥିବେ, ଛୋଟ ପିଲାଟି ପିଉଥିବା ଏହି କ୍ଷୀର ବିଶୁଦ୍ଧ ନା ବିଷାକ୍ତ? ଜାତୀୟ ସ୍ତରରେ ହୋଇଥିବା ସର୍ବେକ୍ଷଣ ଅନୁସାରେ ଦେଶରେ ଉତ୍ପାଦିତ ହେଉଥିବାର କ୍ଷୀରର ୧୦ ପ୍ରତିଶତ ପିଇବା ଅନୁପଯୋଗୀ । କାରଣ ଏଥିରେ ରହୁଛି ମାତ୍ରାଧିକ ଆଫଲାଟକ୍ସିନ୍ । ତେଣୁ ଏହି ବିଷାକ୍ତ କ୍ଷୀର ପିଇବାରୁ ପେଟ ରୋଗ ସହ ବିଭିନ୍ନ ରୋଗର ଶିକାର ହେଉଛନ୍ତି ଛୋଟପିଲା ।

ଓଦା ପାଳ, ଓଦା କୁଟା ସମେତ ଓଦା ହୋଇଥିବା ଗୋ-ଖାଦ୍ୟରେ ଆଫଲାଟକ୍ସିନ୍ ନାମକ ଫଙ୍ଗସ୍ ସୃଷ୍ଟି ହୋଇଥାଏ । ପଚି ଯାଇଥିବା ନଡ଼ାରେ ଏହି ଫଙ୍ଗସ୍ ଦେଖିବାକୁ ମିଳିଥାଏ । ସଚେତନ ଅଭାବରୁ ନଷ୍ଟ ହୋଇଯାଇଥିବା ନଡ଼ା ବା ଓଦା ଥିବା ଗୋ-ଖାଦ୍ୟକୁ ଚାଷୀମାନେ ଗାଈକୁ ଦେଇଥାନ୍ତି । ଏସବୁ ଖାଇବା ଦ୍ୱାରା ଗାଈ ବା ମଇଁଷି କ୍ଷୀରରେ ଆଫଲା-ଟକ୍ସିନ ରହିଥାଏ । ଆଉ ଏହାକୁ ପିଇଲେ ସ୍ୱାସ୍ଥ୍ୟ ଖରାପ ହେବାର ବହୁ ଆଶଙ୍କା ରହିଛି ବୋଲି କହିଛନ୍ତି ବିଶେଷଜ୍ଞ ।

ତେବେ କ୍ଷୀରରେ ଅପମିଶ୍ରଣ ପ୍ରସଙ୍ଗରେ ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କ ଲିଖିତ ପ୍ରଶ୍ନର ଉତ୍ତରରେ ବିଧାନସଭାରେ ସରକାର ତଥ୍ୟ ରଖିଥିଲେ…

ବିଧାନସଭାରେ ସରକାରଙ୍କ ତଥ୍ୟ

• ୨୦୨୩ରେ ମୋଟ ୩୩ଟି ଦୁଗ୍ଧ ଓ ଦୁଗ୍ଧଜାତ ଦ୍ରବ୍ୟର ନମୁନା ପରୀକ୍ଷା କରାଯାଇଛି
• ଏଥିମଧ୍ୟରୁ ୧୧ ନମୁନା ନିମ୍ନମାନର ଓ ଗୋଟିଏ ନମୁନା କ୍ଷତିକାରକ

ବିଧାନସଭାରେ ଦିଆଯାଇଥିବା ଏହି ତଥ୍ୟ ରାଜ୍ୟରେ ଉତ୍ପାଦିତ କ୍ଷୀରର ମାନକୁ ବଡ଼ ପ୍ରଶ୍ନ ଚିହ୍ନ ଲଗାଇ ଦେଇଛି । ତେବେ ଚାଷୀମାନେ କ୍ଷୀର ଧରି ଡାଏରୀ ଫାର୍ମ ଗଲାବେଳେ କ୍ଷୀରର ମାନ ପରୀକ୍ଷା କରାଯାଏ । କେତେ ପାଣି ମିଶିଛି,କେତେ ଫ୍ୟାଟ ଅଛି ସେସବୁ ଦେଖାଯାଏ କିନ୍ତୁ ଏଥିରେ ଆଫଲାଟକ୍ସିନ ଅଛି କି ନାହିଁ ତାହାର ପରୀକ୍ଷା ହୁଏନାହିଁ । ଯାଞ୍ଚ ପାଇଁ ରାଜ୍ୟରେ କୌଣସି ବ୍ୟବସ୍ଥା ନଥିବାରୁ ଏଥିରେ ଲାଗିପାରୁନାହିଁ ରୋକ । ତେବେ ବଜାରରେ ବିକ୍ରି ହେଉଥିବା ପ୍ୟାକେଟ କ୍ଷୀର ବି ସମ୍ପୂର୍ଣ ବିଶୁଦ୍ଧ, ତାହାର ବି ଗ୍ୟାରେଣ୍ଟି କାହାରି ପାଖରେ ନାହିଁ ।

The post ସାବଧାନ! ସୁରକ୍ଷିତ ନୁହେଁ ପିଲା ପିଉଥିବା କ୍ଷୀର । ଚିନ୍ତା ବଢାଇଲା ଜାତୀୟ ସ୍ତରର ରିପୋର୍ଟ । ଓଦା ଦାନା ଓ ଓଦା ନଡ଼ା ଯୋଗୁଁ ବିଷ ପାଲଟୁଛି କ୍ଷୀର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କେଉଁଠୁ ନିର୍ବାଚନ ଲଢ଼ିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ? ବିଧାନସଭାରୁ ନା ସଂସଦୀୟ କ୍ଷେତ୍ରରୁ ଧର୍ମେନ୍ଦ୍ର ନିର୍ବାଚନ ଲଢ଼ିବେ, ତାହା ଏବେ ବି ସ୍ପଷ୍ଟ ହୋଇନାହିଁ । କିନ୍ତୁ ଏହାରି ଭିତରେ ଏକ ସଭାରେ ଧର୍ମେନ୍ଦ୍ର ପ୍ରଧାନ ଦେଇଥିବା ବୟାନ ଚର୍ଚ୍ଚାର ବିଷୟ ହୋଇଛି । ଆଲୋଚନା ହେଉଛି, ଧର୍ମେନ୍ଦ୍ର ହୁଏତ ସମ୍ବଲପୁର ଲୋକସଭା ଆସନରୁ ନିର୍ବାଚନ ଲଢ଼ିପାରନ୍ତି ।
କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେର୍ନ୍ଦ୍ର ପ୍ରଧାନ, ଏଥର ଓଡ଼ିଶାରୁ ନିର୍ବାଚନ ଲଢ଼ିବେ ବୋଲି ନିଜେ ହିଁ କହିଥିଲେ । ହେଲେ କେଉଁଠୁ ଲଢ଼ିବେ ତାହା ସ୍ପଷ୍ଟ ନଥିଲା, କିନ୍ତୁ ତା’ର ଆଭାସ୍ ଦେଇଛନ୍ତି ଖୋଦ୍ ଧର୍ମେନ୍ଦ୍ର ପ୍ରଧାନ ।

• ସମ୍ବଲପୁରରୁ ଲଢିବେ ଧର୍ମେନ୍ଦ୍ର !
• କେନ୍ଦ୍ରୀୟ ନେତୃତ୍ୱଙ୍କୁ ଦେଲେ ପ୍ରସ୍ତାବ

ଅବସର ଥିଲା, ଅନୁଗୁଳ ଜିଲ୍ଲା ବାଗେଡିଆର କ୍ରିକେଟ୍ ଟୁର୍ଣ୍ଣାମେଣ୍ଟ୍ । ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଧର୍ମେନ୍ଦ୍ର ପ୍ରଧାନ । ସଭାମଞ୍ଚରେ ଲୋକଙ୍କୁ ଉଦବୋଧନ ଦେବା ବେଳେ କେନ୍ଦ୍ରମନ୍ତ୍ରୀ ଯାହା କହିଥିଲେ, ତାହା ସାମ୍ବାଦିକଙ୍କୁ ଆଳକନ କରିବାର ସୁଯୋଗକୁ ଆହୁରି ବ୍ୟାପକ କରିଦେଇଛି । ଧର୍ମେନ୍ଦ୍ରଙ୍କ ଏହି ବୟାନ ଏଥିପାଇଁ ଗୁରୁତ୍ୱ ରଖୁଛି କାରଣ, ଛେଣ୍ଡିପଦା ବିଧାନସଭା ଆସନରେ ଆସୁଥିବା ଏହି ଗାଁଟି ସମ୍ବଲପୁର ଲୋକସଭା କ୍ଷେତ୍ରର । ଏଇଠୁ ଲଢ଼ିବାକୁ ପ୍ରସ୍ତାବ ଦେବା କଥା କହିବା ଅର୍ଥ, ସିଧାସଳଖ ସମ୍ବଲପୁର ଆସନକୁ ବୁଝାଉଛି ।

ଧର୍ମେନ୍ଦ୍ର ଓଡ଼ିଶାରୁ ଲଢ଼ିବା ନେଇ ଇଚ୍ଛା ପ୍ରକାଶ କରିବା ଦିନଠାରୁ ଚର୍ଚ୍ଚାରେ ରହିଛି ଦୁଇଟି ସଂସଦୀୟ କ୍ଷେତ୍ର । ସମ୍ବଲପୁର ଲୋକସଭା ଆସନ ଏବଂ ଢ଼େଙ୍କାନାଳ ଲୋକସଭା ଆସନ । ଯଦିଓ କେଉଁ ଆସନରୁ ଧର୍ମେନ୍ଦ୍ର ଲଢ଼ିବେ ତାହା ବର୍ତ୍ତମାନ ସୁଦ୍ଧା ସ୍ଥିର ହୋଇନି, ତଥାପି ଏହି ଦୁଇଟି ଆସନକୁ ନେଇ ଚର୍ଚ୍ଚା ହେଉଛି । ଆଉ ଅନୁଗୁଳରେ ମନ୍ତ୍ରୀ ରଖିଥିବା ବୟାନ ପରେ ସମ୍ବଲପୁର ଆଡକୁ ବେଶୀ ଢଳୁଛି ଆକଳନ । ଏପଟେ ଧର୍ମେନ୍ଦ୍ରଙ୍କୁ କାଉଣ୍ଟର କରିବା ପାଇଁ ପ୍ରସ୍ତୁତି ଆରମ୍ଭ କରି ଦେଇଛି ବିଜେଡି । କିଛି ଦିନ ପୂର୍ବରୁ ବିଜେଡିର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ସମ୍ବଲପୁର ଜିଲ୍ଲା ପର୍ଯ୍ୟବେକ୍ଷକ ଦାୟିତ୍ୱ ଦିଆଯାଇଥିଲା । ଆଉ ଏବେ ପାଦେ ଆଗେଇ ବିଜେଡିର ରାଜ୍ୟସଭା ସାଂସଦ ମାନସ ମଙ୍ଗରାଜଙ୍କୁ ସମ୍ବଲପୁର ସଂସଦୀୟ କ୍ଷେତ୍ରର ପର୍ଯ୍ୟବେକ୍ଷକ ଦାୟିତ୍ୱ ଦିଆଯାଇଛି ।

ଧର୍ମେନ୍ଦ୍ରଙ୍କ ପାଖରେ ବିକଳ୍ପର ଅଭାବ ନାହିଁ । କିନ୍ତୁ କେଉଁ ଆସନର ବିକଳ୍ପଟି ଦଳ ଓ ତାଙ୍କ ପାଇଁ ଶୁଭଙ୍କର ହେବ, ସେ ନିଷ୍ପତି ହିଁ ଗୁରୁତ୍ୱପୂର୍ଣ୍ଣ । ଢ଼େଙ୍କାନାଳ ଯଦି ତାଙ୍କ ପାଇଁ ହୋମଗ୍ରାଉଣ୍ଡ ହୁଏ, ସମ୍ବଲପୁର ହେବ ବିଜେପିକୁ ସୁହାଇଲା ଭଳି ଗ୍ରାଉଣ୍ଡ ।

The post ସମ୍ବଲପୁରରୁ ନିର୍ବାଚନ ଲଢ଼ିପାରନ୍ତି ଧର୍ମେନ୍ଦ୍ର । କେନ୍ଦ୍ରୀୟ ନେତୃତ୍ୱଙ୍କୁ ପ୍ରସ୍ତାବ ଦେଇଥିବା କହିବା ପରେ ବଢ଼ିଲା ଚର୍ଚ୍ଚା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନିର୍ବାଚନୀ ବର୍ଷର ପ୍ରଥମ ଦିନ । ବିଶାଳ ରୋଡ ସୋ’ କଲେ ନବୀନ । ଅବସର ଥିଲା ମେଟ୍ରୋ ରେଳ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ । ନୂଆ ଓଡ଼ିଶାର ଯୁଗାନ୍ତକାରୀ ପଦକ୍ଷେପର ଶୁଭାରମ୍ଭ କରିବା ବେଳେ ନିଜର ରାଜନୈତିକ ପ୍ରଭାବ ଓ ଶକ୍ତିର ପ୍ରଦର୍ଶନ କରିଛନ୍ତି ମୁଖ୍ୟମନ୍ତ୍ରୀ । ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ତ୍ରିଶୁଳିଆ ପର୍ଯ୍ୟନ୍ତ ନବୀନଙ୍କ ବିଶାଳ ଶୋଭାଯାତ୍ରା । ପ୍ରଥମେ ବିମାନବନ୍ଦରରେ ବିଜୁ ପଟ୍ଟନାୟକଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରି ରୋଡ ସୋ’ କରି ବାରଙ୍ଗ ଅଭିମୁଖେ ବାହାରିଥିଲେ ନବୀନ ।

• ମୁଖ୍ୟମନ୍ତ୍ରୀଙ୍କ ରୋଡ ସୋ’
• ନୂଆବର୍ଷରେ ଶକ୍ତି ପ୍ରଦର୍ଶନ କଲା ବିଜେଡି

ରାଜଧାନୀ ରାଜରାସ୍ତାର ଦୁଇ ପାଶ୍ୱର୍ରେ ଭିଡ଼ । ମୁଖ୍ୟମନ୍ତ୍ରୀଙ୍କ କାରକେଡ୍ ଯେଉଁ ଛକ ଦେଇ ଯାଉଥିଲା, ସେଠାରେ ସ୍ୱାଗତ ଜଣାଇବା ପାଇଁ ପ୍ରସ୍ତୁତ ରହିଥିଲେ ଦଳୀୟ ନେତା ଓ କର୍ମୀ । କ୍ୟାପିଟାଲ ଛକଠାରୁ ଶାସ୍ତ୍ରୀନଗର, ଜାଭିୟର ଛକ, ରେଳ ସଦନ, ଚନ୍ଦ୍ରଶେଖରପୁର ପେଟ୍ରୋଲ ପମ୍ପ, ପଟିଆ, କିଟ୍. ନନ୍ଦନକାନନ ଛକରେ ଭବ୍ୟ ସ୍ୱାଗତ କରାଯାଇଥିଲା । ନନ୍ଦନକାନନ ଛକ ଠାରେ ବିଜୁ ପଟ୍ଟନାୟକଙ୍କ ନୂଆ ପ୍ରତିମୂର୍ତି ଉନ୍ମୋଚନ କରି ମେଟ୍ରୋ ରେଳ ପ୍ରକଳ୍ପର ଭିତିପ୍ରସ୍ତର ପାଇଁ ଯାଇଥିଲେ ନବୀନ ।

ତେବେ ଆଗକୁ ନିର୍ବାଚନ ଥିବାରୁ ନବୀନଙ୍କ ଏହି ବିଶାଳ ରୋଡ ସୋ’କୁ ସହଜରେ ଗ୍ରହଣ କରିପାରିନାହାନ୍ତି ବିରୋଧୀ । ପିସିସି ସଭାପତି କହିଛନ୍ତି, ମୁଖ୍ୟମନ୍ତ୍ରୀ ଯାହା କରୁଛନ୍ତି, ନିର୍ବାଚନକୁ ଆଖିô ଆଗରେ ରଖି । ଅନ୍ୟପଟେ ଏପରି ଭବ୍ୟ ଆୟୋଜନରେ ପ୍ରଶ୍ନ ଉଠାଇ ବିଜେପି କହିଛି, ମେଟ୍ରୋ ପ୍ରକଳ୍ପ ବହୁ ଆଡମ୍ବରରେ ଲଘୁକ୍ରିୟା ହୋଇଯିବ ନାହିଁ ତ । ବିରୋଧୀଙ୍କ ଅଭିଯୋଗର ଜବାବ ରଖିଛି ବିଜେଡି ।

ସୂଚନାଯୋଗ୍ୟ ଯେ, ଜାନୁଆରୀ ପହିଲାରୁ ନବୀନଙ୍କ ଶକ୍ତି ପ୍ରଦର୍ଶନ ରାଜ୍ୟ ରାଜନୀତିକୁ ସରଗରମ କରିଦେଇଛି । ସମୀକ୍ଷକମାନେ କହୁଛନ୍ତି, ନୂଆବର୍ଷରୁ ହିଁ ନିର୍ବାଚନୀ ଲଢ଼େଇ ପାଇଁ ମୂଳଦୁଆ ପକାଇଛନ୍ତି ମୁଖମନ୍ତ୍ରୀ ।

The post ନୂଆବର୍ଷରେ ନବୀନଙ୍କ ବିଶାଳ ରୋଡ ସୋ’ । ନିର୍ବାଚନୀ ବର୍ଷର ପ୍ରଥମ ଦିନରେ ଶକ୍ତି ପ୍ରଦର୍ଶନ କଲା ବିଜେଡି । ବିମାନ ବନ୍ଦରରୁ ତ୍ରିଶୁଳିଆ ଯାଏଁ ଶୋଭାଯାତ୍ରା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନୂଆବର୍ଷରେ ଟ୍ୱିନସିଟିକୁ ବଡ଼ ଭେଟି ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସହରବାସୀଙ୍କ ପାଇଁ ମେଟ୍ରୋ ପ୍ରକଳ୍ପର ପଡ଼ିଛି ମୂଳଦୁଆ । ୪ବର୍ଷ ମଧ୍ୟରେ ସରିବ ପ୍ରକଳ୍ପ କାମ । ପ୍ରଥମ ପର୍ଯ୍ୟାୟରେ ଭୁବନେଶ୍ୱର ବିମାନବନ୍ଦରରୁ ତ୍ରିଶୁଳିଆ ଯାଏଁ ମେଟ୍ରୋ ଟ୍ରେନ୍ ଗଡିବ । ପରବର୍ତ୍ତୀ ସମୟରେ ପୁରୀ ଓ ଖୋର୍ଦ୍ଧା ଜିଲ୍ଲାକୁ ସମ୍ପ୍ରସାରଣ ହେବ । ପ୍ରାଥମିକ ପର୍ଯ୍ୟାୟ ୪୯ଟି ଟ୍ରେନ୍ ଚାଲିବାର ଯୋଜନା ରହିଛି ।

• ନୂଆବର୍ଷରେ ନବୀନଙ୍କ ବଡ ଭେଟି
• ମେଟ୍ରୋ ପ୍ରକଳ୍ପର କଲେ ଶିଳାନ୍ୟାସ

ରାଜ୍ୟବାସୀ ଯେତେବେଳେ ନୂଆବର୍ଷ ପାଳନ ପାଇଁ ଉତ୍ସବ ମୁଖର ଥିଲେ, ସେତିକିବେଳେ ଐତିହାସିକ ମେଟ୍ରୋ ରେଳ ପ୍ରକଳ୍ପର ଭିତ୍ତି ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦେଇଥିବା ପ୍ରତିଶ୍ରୁତି ଅନୁସାରେ, ବାରଙ୍ଗ ବ୍ଲକର ରତାଗଡ-ଲେଖାସାହିରେ ଆୟୋଜିତ ଉତ୍ସବରେ ମେଟ୍ରୋ ପ୍ରକଳ୍ପର ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ । ବହୁ ପ୍ରତୀକ୍ଷିତ ଏହି ପ୍ରକଳ୍ପର ଶିଳାନ୍ୟାସ କରିବା ଅବସରରେ ନବୀନ କହିଛନ୍ତି, ରାଜ୍ୟ ବିକାଶ ଇତିହାସରେ ଆଜି ଏକ ସ୍ୱତନ୍ତ୍ର ଦିବସ । ପରିବହନ କ୍ଷେତ୍ରରେ ଆସିବ ବଡ ରୂପାନ୍ତରଣ । ଲକ୍ଷ୍ମୀ ଯୋଜନା ଗାଁ ଗାଁରେ ଆଣିଛି ରୂପାନ୍ତରଣ । ମେଟ୍ରୋ ଟ୍ରେନ୍ ଏହି ରୂପାନ୍ତରଣକୁ ଆହୁରି ଆଗକୁ ନେବ । ପୁରୁଣା ରାଜଧାନୀ କଟକ ଓ ନୂଆ ରାଜଧାନୀ ଭୁବନେଶ୍ୱର ମଧ୍ୟରେ ସମ୍ପର୍କ ମଜଭୁତ ହେବ ।

ତେବେ ପ୍ରଥମ ପର୍ଯ୍ୟାୟରେ ଭୁବନେଶ୍ୱର ବିମାନବନ୍ଦରରୁ ତ୍ରିଶୁଳିଆ ଯାଏଁ ମେଟ୍ରୋ ଟ୍ରେନ୍ ଗଡିବ । ପ୍ରକଳ୍ପରେ ବିଜୁ ପଟ୍ଟନାୟକ ବିମାନବନ୍ଦର ଛକ , କ୍ୟାପିଟାଲ ହସ୍ପିଟାଲ ଛକ, ରାଜମହଲ ଛକ, ମାଷ୍ଟରକ୍ୟାଣ୍ଟିନ, ବାଣୀବିହାର , ଜୟଦେବବିହାର , ଚନ୍ଦ୍ରଶେଖରପୁର , ପଟିଆ, ନନ୍ଦନକାନନ, ତ୍ରିଶୁଳିଆ ସମେତ ପ୍ରାୟ ୨୦ଟି ଷ୍ଟେସନ ରହିବ । ଏଥିପାଇଁ ରାଜ୍ୟ ସରକାର ପ୍ରାୟ ୬ହଜାର ୨୫୫ କୋଟି ଟଙ୍କା ଖର୍ଚ୍ଚ କରିବେ । ଆଉ ୪ବର୍ଷ ଭିତରେ ପ୍ରଥମ ପର୍ଯ୍ୟାଳୟ ପ୍ରକଳ୍ପ କାର୍ଯ୍ୟ ଶେଷ କରିବାକୁ ସମୟ ଧାର୍ଯ୍ୟ କରାଯାଇଛି ।

ମେଟ୍ରୋ ରେଳ ପ୍ରକଳ୍ପ ରାଜ୍ୟ ସରକାରଙ୍କୁ ନିଜସ୍ୱ ବଜେଟରେ ହେଉଥିବା ସବୁଠାରୁ ବଡ ପ୍ରକଳ୍ପ । ତେବେ କେବଳ କଟକ- ଭୁବନେଶ୍ୱର ନୁହେଁ ପୁରୀ ଓ ଖୋର୍ଦ୍ଧା ଜିଲ୍ଲାକୁ ସମ୍ପ୍ରସାରଣ ପାଇଁ ମାଷ୍ଟର ପ୍ଲାନ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ଆଉ ପ୍ରାଥମିକ ପର୍ଯ୍ୟାୟ ୪୯ଟି ଟ୍ରେନ୍ ଚାଲିବାର ଯୋଜନା ରହିଛି ।

The post ମେଟ୍ରୋ ପ୍ରକଳ୍ପର ଶିଳାନ୍ୟାସ କଲେ ମୁଖ୍ୟମନ୍ତ୍ରୀ । କହିଲେ, ୪ ବର୍ଷ ଭିତରେ ସରିବ କାମ । ବିମାନ ବନ୍ଦର ଛକରୁ ରୋଡ ସୋ’ କରି ଶକ୍ତି ପ୍ରଦର୍ଶନ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଭାରତ ସରକାର ନୂଆ ବର୍ଷ ଆରମ୍ଭରେ କୁଖ୍ୟାତ ଗ୍ୟାଙ୍ଗଷ୍ଟର ଗୋଲ୍ଡି ବରାଡ ଉପରେ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଗୃହମନ୍ତ୍ରଣାୟ ଦେଶଦ୍ରୋହ ଆଇନ ବଳରେ ଗୋଲ୍ଡିକୁ ଆତଙ୍କବାଦୀ ବୋଲି ଘୋଷଣା କରିଛନ୍ତି । ଏନେଇ ଗୃହମନ୍ତ୍ରଣାୟ ତରଫରୁ ନୋଟିଫିକେଶନ ଜାରି କରାଯାଇଛି । ଜାରି ହୋଇଥିବା ନୋଟିଫିକେଶନରେ କୁହାଯାଇଛି କି, ଗୋଲ୍ଡି ବରାଡ ପ୍ରତିବନ୍ଧିତ ଆତଙ୍କବାଦୀ ସଂଗଠନ ବବର ଖାଲସା ଇଣ୍ଟରନ୍ୟାସନାଲ ସହ ଜଡିତ । ଏନଆଇଏ ତରଫରୁ ଗୋଲ୍ଡି ବରାଡ ସହ ଅନେକ କୁଖ୍ୟାତ ଗ୍ୟାଙ୍ଗଷ୍ଟରଙ୍କ ନାମରେ ଟାର୍ଗେଟ୍ କିଲିଂ ଧାରାରେ ଚାର୍ଜସିଟ୍ ମଧ୍ୟ ଦାଖଲ କରିଛି । ଗୋଲ୍ଡି ବରାଡକୁ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୌଇର ନିକଟତର ବୋଲି କୁହାଯାଏ ।

ଗୃହମନ୍ତ୍ରଣାଳୟ ଜାରି କରିଥିବା ନୋଟିଫିକେଶନରେ କୁହାଯାଇଛି କି, ଏଭଳି ଅପରାଧୀ ବିଦେଶରେ ରହି ଟାର୍ଗେଟ୍ କିଲିଂ ଓ ନିଶା କାରବାର କରିଥାନ୍ତି । ଏହା ବ୍ୟତୀତ ଏହି ଗ୍ୟାଙ୍ଗଷ୍ଟରମାନେ ଭାରତରେ ରହିଥିବା ଅବୈଦ୍ଧ ଅସ୍ତ୍ରଶସ୍ତ୍ର କାରବାର କରିଥାନ୍ତି । ଭାରତ ସରକାରଙ୍କ ଗୃହମନ୍ତ୍ରଣାୟ ତରଫରୁ ଏଭଳି ଗ୍ୟାଙ୍ଗଷ୍ଟରଙ୍କ ସୂଚୀ ଜାରି କରାଯାଇଛି ।

ଗୋଲ୍ଡି ବରାଡ ପଞ୍ଜାବୀ ଗାୟକ ସିଦ୍ଧୁ ମୁଶେୱାଲଙ୍କ ହତ୍ୟାର ମୁଖ୍ୟ ଅଭିଯୁକ୍ତ । କୁହାଯାଉଛି କି, ଏବେ ସମୟରେ ସେ କାନାଡାରେ ଲୁଚିଛି । ଏନଆଇଏ ବରାଡ ସହ ଜଡିତ ଅପରାଧୀଙ୍କ ଧରିବାକୁ ପଞ୍ଜାବର ବିଭିନ୍ନ ସ୍ଥାନରେ ଚଢାଉ କରାଯାଇଛି ।

The post ଦେଶଦ୍ରୋହ ଧାରାରେ ଗ୍ୟାଙ୍ଗଷ୍ଟର ଗୋଲ୍ଡି ବରାଡକୁ ଆତଙ୍କବାଦୀ ଘୋଷିତ । ଗୃହମନ୍ତ୍ରଣାଳୟ ଜାରି କଲା ନୋଟିଫିକେଶନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସୁନ୍ଦରଗଡ ପ୍ରତିଷ୍ଠା ଦିବସ ଏବଂ ଜିଲ୍ଲା ମହୋତ୍ସବ ଯତରା-୨୦୨୪ ଆଜି ଆନୁଷ୍ଠାନିକ ଭାବରେ ଉଦଘାଟନ ହୋଇଛି । ବିଶାଳ ସାଂସ୍କୃତିକ ଶୋଭାଯାତ୍ରାରେ ମଶାଲ ଆସି ସରକାରୀ ମହାବିଦ୍ୟାଳୟ ପଡିଆରେ ଏହି ଉତ୍ସବକୁ ଉଦଘାଟନ କରାଯାଇଛି । ରାଜବାଟୀ ସ୍ଥିତ ସମଲେଇ ମନ୍ଦିରରେ ପୂଜାର୍ଚ୍ଚନା ପରେ ମଶାଲ ନେଇ ସାଂସ୍କୃତିକ ଶୋଭାଯାତ୍ରା ବାହାରିଥିଲା । ଏହି ଶୋଭାଯାତ୍ରା ସମଲେଇ ମନ୍ଦିରରୁ ବାହାରି ବିଏସ ହାଇସ୍କୁଲ, ସରକାରୀ ବସଷ୍ଟାଣ୍ଡ , ଡିଆରଡିଏ ଛକ, ପୋଷ୍ଟ ଅଫିସ ଛକ, ରଙ୍ଗାଢିପା ଛକ ଦେଇ ସରକାରୀ ମହାବିଦ୍ୟାଳୟ ପଡିଆକୁ ଆସିଥିଲା । ଶୋଭାଯାତ୍ରାକୁ ବିଭିନ୍ନ ସ୍ଥାନରେ ସ୍ୱାଗତ କରାଯାଇଥିଲା । ଶୋଭାଯାତ୍ରାରେ ଜିଲ୍ଲାପାଳ, ଡିଆରଡିଏ ମୁଖ୍ୟ ନିର୍ବାହୀ ଅଧିକାରୀ, ଅତିରିକ୍ତ ଜିଲ୍ଲାପାଳ, ଉପ ଜିଲ୍ଲାପାଳଙ୍କ ସମେତ ବହୁ ଜିଲ୍ଲା ସ୍ତରୀୟ ଅଧିକାରୀ ସାମିଲ ହୋଇଥିବା ବେଳେ ସୁନ୍ଦରଗଡର ବିଭିନ୍ନ ଅନୁଷ୍ଠାନର କର୍ମକର୍ତା ଓ ସାଂସ୍କୃତିକ ଦଳ ସାମିଲ ହୋଇଥିଲେ । ଆଜି ଠାରୁ ଆରମ୍ଭ ହୋଇଥିବା ଏହି ଜିଲ୍ଲା ମହୋତ୍ସବ ଆସନ୍ତା ୫ ତାରିଖ ଯାଏ ଚାଲିବ । ପ୍ରତିଦିନ ସଂଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ । ଜିଲ୍ଲା, ରାଜ୍ୟ ତଥା ରାଜ୍ୟ ବାହାର ସାଂସ୍କୃତିକ ଦଳ ତାଙ୍କର କଳା ତ୍ପଦର୍ଶନ କରିବେ । ଏହା ସହିତ ୨୦୦ ଟି ଷ୍ଟଲରେ ବିଭିନ୍ନ ଜିଲ୍ଲାର ମିଶନ ଶକ୍ତିର ଏସଏଚଜି ଗ୍ରୁପ ମାନଙ୍କର ସାମଗ୍ରୀ ବିକ୍ରୀ ହେବାର କାର୍ଯ୍ୟକ୍ରମ ରହିଛି ।

The post ସୁନ୍ଦରଗଡ ଜିଲ୍ଲାମହୋତ୍ସବ ଯାତରା-୨୦୨୪ ଉଦଘାଟିତ । ଆସନ୍ତା ୫ ପର୍ଯ୍ୟନ୍ତ ୨୦୦ ଷ୍ଟଲରେ ଚାଲିବ କିଣାବିକା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ନିସ୍ୱାର୍ଥପର ରୋଗୀ ସେବା କରି ଚର୍ଚ୍ଚା ସାଉଁଟିଛନ୍ତି ଡାକ୍ତର ମେଘନାଦ ମେହେର । ବିନା ଫିସ୍ରେ ରୋଗୀଙ୍କ ମାଗଣା ସେବାରେ ଲାଗିପଡିଛନ୍ତି । ଏଥିରେ ନାଁ ତାଙ୍କର କୌଣସି ସ୍ୱାର୍ଥ ରହିଛି ନାଁ ଏଥଇରେ କୌଣସି ଲାଭ । ହେଲେ ଅବିରତ ଭାବେ ଚାଲିଛି ରୋଗୀ ସେବା । ବରଗଡ ଜିଲ୍ଲା ସୋହେଲା ବ୍ଲକ ସରକଣ୍ଡା ଗାଁର ଡାକ୍ତର ମେଘନାଦ ମେହେର । ରାଜଧାନୀର ଏକ ଘରୋଇ ଡାକ୍ତରଖାନାରେ କାର୍ଯ୍ୟରତ ଥିଲେ ବି ନିଜ ଗାଁର ଲୋକଙ୍କୁ ଭୁଲିନାହାନ୍ତି । ଜନ୍ମମାଟିରେ କରିଛନ୍ତି ଏକ କ୍ଲିନିକ । ଯେଉଁଥିରେ ଲୋକଙ୍କୁ ସେବା ଯୋଗାଇ ଆସୁଛନ୍ତି । ରାତି ପାହିଲେ ତାଙ୍କ କ୍ଲିନିକରେ ଛୋଟ ପିଲାଙ୍କଠାରୁୁ ନେଇ ବଡ ପର୍ଯ୍ୟନ୍ତ ଲାଗୁଛି ଭିଡ । ମ୍ୟାଲେରିଆ , ମଧୁମେହରୁ ଆରମ୍ଭ କରି ଉଚ୍ଚ ରକ୍ତଚାପ ଭଳି ରୋଗର ମାଗଣାରେ ଚିକିତ୍ସା କରୁଛନ୍ତି । ଏପରିକି ମାଗଣାରେ ଓøଷଧ ମଧ୍ୟ ମାଗଣାରେ ଦେଉଛନ୍ତି ରୋଗୀ ମାନଙ୍କୁ ।

ପିଲାବେଳରୁ ଜଣେ ଡାକ୍ତର ହେବାର ସ୍ୱପ୍ନ ଥିଲା ରଘୁନାଥଙ୍କର । ଯାହା ଏବେ ତାଙ୍କର ପୂରଣ ହୋଇଛି । ରୋଗୀ ସେବା କରିବାକୁ ତତ୍ପ୍ୱର ଥିବା ଡାକ୍ତର ଏବେ ଡାକ୍ତରଖାନାରେ କାର୍ଯ୍ୟରତ ଥାଇ ବି ଗାଁର ଲୋକମାନଙ୍କ ଚିକତ୍ସା କରିବାକୁ ଭୁଲିନାହାନ୍ତି । ମାଗଣାରେ ଚିକତ୍ସା ସହ ମାଗଣାରେ ଓøଷଧ ଦେଉଛନ୍ତି । ଆଉ ରୋଗଠାରୁ କିଭଳି ଦୂରେଇ ରହିବ ସେ ନେଇ ବୁଲି ବୁଲି ଲୋକଙ୍କୁ କରୁଛନ୍ତି ସଚେତନ । ତାଙ୍କର ଏହି ସେବା ମନୋବୃତି ପାଇଁ ତାଙ୍କୁ ବିଭିନ୍ନ ସ୍ଥାନରେ ପ୍ରଶଂସା କରାଯାଉଛି ।

ଡାକ୍ତର ଜଣକ ଗାଁରେ ଗାଁରେ ବୁଲି ବୁଲି ରୋଗୀ ସେବାର ଲାଗିପଡିଛନ୍ତି । ତା ସହିତ ମାଗଣାରେ ଓøଷଧ ବାଂଟିଚାଲିଛନ୍ତି । ବଂଚିଥିବା ପର୍ଯ୍ୟନ୍ତ ସେ ଏହି ରୋଗୀ ସେବା ଜାରି ରଖିବେ ବୋଲି କହିଛନ୍ତି ।

The post ବରଗଡ ସୋହେଲା ସରକଣ୍ଡାର ନିଆରା ଡାକ୍ତର ମେଘନାଥ ମେହେର । ଗାଁରେ ବୁଲି ମାଗଣାରେ କରୁଛନ୍ତି ଚିକିତ୍ସା, ବିନା ପାଉଣାରେ କରୁଛନ୍ତି ରୋଗୀସେବା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପର୍ଯ୍ୟଟନ ଋତୁରେ ଲାଗିଛି ପର୍ଯ୍ୟଟକଙ୍କ ଗହଳି । ସବୁଜ ବନାନୀ ସହ ମନୋରମ ପରିବେଶ ଭିତରେ ବଣ ଭୋଜି କରିବାକୁ ଲାଗୁଛି ଭିଡ । ସେହିଭଳି ନୁଆ ଏକ ପର୍ଯ୍ୟଟନ ସ୍ଥଳୀ ଗଡ଼ପଦର ଝରଣା ସାଂଗକୁ ପକୃତିର ମନୋରମ ଦୃଶ୍ୟ । ଯେଉଁଆଡ଼େ ଦେଖିବେ ସବୁଠି ସବୁଜିମା । ଜୟପୁର ସହର ଠାରୁ ବନ ପାହାଡ଼ ଘେରା ଏହି ସ୍ଥାନଟି ମାତ୍ର ୩ କିଲୋମିଟର ଦୁରରେ ରହିଛି । ପରିବାର ସହ ପ୍ରତିଦିନ ଭୋଜି କରିବାକୁ ଏଠାରେ ଲାଗୁଛି ଭିଡ । ଆଉ ଏହି ସ୍ଥାନରେ ଜମୁଛି ଭୋଜିଭାତର ଆସର ।

The post ନୂଆବର୍ଷକୁ ସ୍ୱାଗତ ପାଇଁ ପର୍ଯ୍ୟଟନ ସ୍ଥଳୀରେ ଭିଡ । ଜୟପୁର ଗଡ଼ପଦରରେ ଜଙ୍ଗଲ ଓ ଝରଣାର ମଜା ଉଠାଉଛନ୍ତି ପର୍ଯ୍ୟଟକ, ଜମୁଛି ଭୋଜିଭାତର ଆସର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ନୂଆବର୍ଷରେ ନୂଆ ଦିନର ଆରମ୍ଭ । ଆଉ ଦିନର ଆରମ୍ଭ ହୋଇଛି ଭଗବାନଙ୍କ ଦର୍ଶନରୁ । ସୋମବାର ପଡୁଥିବାରୁ ବିଭିନ୍ନ ଦେବାଳୟରେ ଲାଗିଛି ଭିଡ । ସକାଳୁ ସକାଳୁ ଭଗବାନଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଲମ୍ବା ଲାଇନ୍ ଦେଖିବାକୁ ମିଳିଥିଲା । ଅନ୍ୟସ୍ଥାନ ଭଳି ବାବା ଧବଳେଶ୍ୱରଙ୍କ ପୀଠରେ ସକାଳୁ ସକାଳୁ ଭିଡ ଦେଖିବାକୁ ମିଳିଥିଲା । ଶିବମୟ ହୋଇଉଠିଥିଲା ପୁରା ପରିବେଶ । ବାବାଙ୍କ ଦର୍ଶନ ପାଇଁ ଦୂରଦୂରାନ୍ତରୁ ବହୁ ଶ୍ରଦ୍ଧାଳୁଙ୍କ ସୁଅ ଛୁଟିଥିଲା ମନ୍ଦିରକୁ । ପାହାନ୍ତାରୁ ବାବା ଧବଳେଶ୍ୱରଙ୍କ ସମସ୍ତ ନୀତି କରାଯାଇଥିବା ବେଳେ ଦର୍ଶନ ଦେଇଥିଲେ ବାବା । ନୂଆ ବର୍ଷରେ ବାବାଙ୍କ ଦର୍ଶନ କରି ବେଶ୍ ଖୁସି ହୋଇଥିଲେ ଶ୍ରଦ୍ଧାଳୁ ମାନେ ।

ବାଲେଶ୍ୱର ଜଳେଶ୍ୱରର ଶୈବପୀଠ ବାବା ଚନ୍ଦନେଶ୍ୱରଙ୍କ ପୀଠରେ ଗହଳି ଲାଗିଥିଲା ନୂଆ ବର୍ଷରେ । ସମସ୍ତେ ଦିନର ଆରମ୍ଭ ବାବାଙ୍କ ଦର୍ଶନରୁ କରିଥିଲେ । ରାତି ୪ଟାରୁ ମନ୍ଦିର ଖୋଲିବା ପରେ ଚନ୍ଦନେଶ୍ୱରଙ୍କ ନୀତିକାନ୍ତି କରାଯାଇଥିଲା । ରାଜ୍ୟ ତଥା ରାଜ୍ୟ ବାହାରର ଲୋକମାନେ ମଧ୍ୟ ବାବା ଚନ୍ଦନେଶ୍ୱରଙ୍କ ଦର୍ଶନ ପାଇଁ ଆସିଥିଲେ । ବାବାଙ୍କ ପାଖରେ ପ୍ରସାଦ ଲଗାଇ ପୂଜାର୍ଚ୍ଚନା କରିଛନ୍ତି   ।

ବଳଦେବ ଜୀଉ ହେଉଛନ୍ତି ବଡ ଠାକୁର । କେନ୍ଦ୍ରାପଡାର ଆରାଧ୍ୟ ଦେବତା ହେଉଛନ୍ତି ବଳଦେବ ଜିଉ । ବଳଦେବ ଜୀଉଙ୍କ ଦର୍ଶନରୁ ନୂଆ ବର୍ଷ ଆରମ୍ଭ କରିଛନ୍ତି ଶ୍ରଦ୍ଧାଳୁ ମାନେ । ଜିଲ୍ଲା ତଥା ଜିଲ୍ଲା ବାହାରର ଲୋକମାନେ ମନ୍ଦିରରେ ପହଂଚି ମହାପ୍ରଭୁଙ୍କ ଦର୍ଶନ କରିଛନ୍ତି ।

The post ବର୍ଷର ପ୍ରଥମ ଦିନ ଆରମ୍ଭ ହୋଇଛି ଠାକୁର ଦର୍ଶନରୁ । ଧବଳେଶ୍ୱରଙ୍କ ପୀଠ, ଜଗନ୍ନାଥ ମନ୍ଦିର ସବୁଠି ଗହଳି first appeared on Kanak News.

from Kanak News
via <a href="https://ifttt.com/?