କନକ ବ୍ୟୁରୋ: ସାମାନ୍ୟ କଥାକୁ ନେଇ ତୁମୁଳକାଣ୍ଡ । ପୁରୀ ଟାଉନ୍ ଥାନା ମରଚିକୋଟ ଛକ ନିକଟରେ ଭକ୍ତଙ୍କ ସ୍ଥାନୀୟ ଲୋକଙ୍କ ମଧ୍ୟରେ ଖଣ୍ଡଯୁଦ୍ଧ । ଭକ୍ତଙ୍କ କାର ସାଇଡ୍ କରୁଥିବା ବେଳେ ଜଣେ ଯୁବକଙ୍କ ବାଇକ୍ରେ ମାଡ ହୋଇଯାଇଥିଲା । ଫଳରେ ଯୁବକ ଜଣଙ୍କ ଉତକ୍ଷିପ୍ତ ହୋଇ କାରକୁ ଅଟକାଇବାକୁ ଉଦ୍ୟମ କରିଥିଲେ । ଯାହାକୁ ନେଇ ଦୁଇ ଜଣଙ୍କ ମଧ୍ୟରେ ମାରପିଟ୍ ପର୍ଯ୍ୟନ୍ତ କଥା ଯାଇଥିଲା । ଏପରିକି କାରରେ ଥିବା ଦୁଇ ଜଣ ଯୁବତୀ ତାଙ୍କୁ ବାଡେଇବାକୁ ପଛାଇନଥିଲେ । ଯାହାକୁ ନେଇ ବଡ଼ଦାଣ୍ଡରେ କିଛି ସମୟ ପାଇଁ ଟ୍ରାଫିକ୍ ଜାମ୍ ଦେଖିବାକୁ ମିଳିଥିଲା ।

ପୋଲିସ ଆସି ବୁଝାସୁଝା କରିଥିଲେ ମଧ୍ୟ କେହି ଶୁଣିନଥିଲେ । ପୋଲିସ ସମ୍ମୁଖରେ ମାରପିଟ୍ ହେଉଥିବା ଦେଖିବାକୁ ମିଳିଥିଲା । ଉଭୟ ପକ୍ଷଙ୍କୁ ଟାଉନ୍ ଥାନାକୁ ଡକାଯାଇ ବୁଝାଇବାକୁ ଚେଷ୍ଟା କରାଯାଇଥିଲା । ବିଳମ୍ବିତ ରାତି ପର୍ଯ୍ୟନ୍ତ କୌଣସି ସମାଧାନ ହୋଇନପାରିବାରୁ ଉଭୟଙ୍କ ବିରୋଧରେ ମାମଲା ରୁଜୁ କରାଯାଇଛି ।

The post କାର୍ ସାଇଡ୍ ମାରିବାକୁ ନେଇ ବଡଦାଣ୍ଡରେ ତୁମୁଳକାଣ୍ଡ । ଯୁବକଙ୍କୁ ୨ ଯୁବତୀ ମାଡ ମାରିବା ପରେ ଖଣ୍ଡଯୁଦ୍ଧ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅମଳ ଧାନକୁ ଖଳାମୁଣ୍ଡରେ ଶୀତ କାକରରେ ଜଗି ରହୁଛି ଚାଷୀ । ମଣ୍ଡିକୁ ଧାନ ଉଠି ନଥିବାରୁ ଏଭଳି କଷ୍ଟ କରିବାକୁ ପଡୁଛି ଚାଷୀଙ୍କୁ । ଏଭଳି ଏକ ଚିତ୍ର ଆସିଛି ଆସିକାରୁ । ଖଳାରେ ପଡି ରହିଥିବା ଅମଳ ଧାନକୁ ଜଗି ରହିଛନ୍ତି ଏକାଠି ହୋଇ ଜଗି ରହୁଛନ୍ତି ଚାଷୀ । ଏପର୍ଯ୍ୟନ୍ତ ଆସିକା ଓ ଧରାକୋଟ ବ୍ଲକରେ ମଣ୍ଡିକୁ ଧାନ ଓଠି ନଥିବା ବେଳେ ଆମଳ ଧାନ କୁ କିଏ ଖଳାରେ ଘୋଡାଇ ରଖିଥିବା ବେଳେ କେହି ରାତି ରାତି ଧାନକୁ ଘରକୁ ବୋହି ଆଣୁଛନ୍ତି । ଆଉ କେତେ ଚାଷୀ ଖଳାମାଳରୁ ହିଁ ଆନ୍ଧ୍ର ବେପାରୀଙ୍କୁ ସ୍ୱଳ୍ପ ମୂଲ୍ୟରେ ବିକ୍ରି କରିଦେଉଛନ୍ତି । ଏସବୁ ଭିତରେ ଶୀତ-କାକରରେ ଧାନକୁ ରାତି ରାତି ଜଗିବା ଚାଷୀଙ୍କ ଦୁଃଖ ବଢାଇଦେଇଛି ।

The post ମଣ୍ଡିରୁ ଉଠୁନି ଚାଷୀର ଧାନ । ସ୍ୱଳ୍ପ ଦରରେ କିଣି ନେଉଛନ୍ତି ଆନ୍ଧ୍ର ବେପାରୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୋରାପୁଟରେ ପାତଳୀ ନଦୀରେ ଡଙ୍ଗା ବୁଡି ଘଟଣାରେ ନିଖୋଜ ୪ ଜଣଙ୍କ ପତା ମିଳୁନାହିଁ । ନିଖୋଜଙ୍କ ମଧ୍ୟରେ ୩ ନାବାଳିକା ଓ ଜଣେ ମହିଳା ଅଛନ୍ତି । ଗତକାଲି ଖୋଜାଖୋଜି ପରେ ମଧ୍ୟ କୌଣସି ପତା ମିଳିନଥିଲା । ଆଜି ପୁଣି ଥରେ ଖୋଜାଖୋଜି ଆରମ୍ଭ ହେବ । ଏହି ଡଙ୍ଗା ବୁଡି ଘଟଣାରେ ଜଣଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତିଲାଲ୍ମଣି ସୀମା । ତାନସିଂ ଘାଟ ନିକଟରେ ମର ଶରୀର ଭାସୁଥିବା ଦେଖିବାକୁ ମିଳିଥିଲା । କୋରାପୁଟ ଜିଲ୍ଲା ନନ୍ଦପୁର ବ୍ଲକ କୁଲାରସିଂ ପଂଚାୟତର ତାନସିଂ ଗ୍ରାମର ୩ ମହିଳା ଏବଂ ଦୁଇ ନାବାଳିକା ଏକ ଦେଶୀ ଡଙ୍ଗାରେ ବାଡ଼େଲା ଗ୍ରାମକୁ ଏକ ବାହାଘରରେ ଯୋଗ ଦେବାକୁ ଯାଇଥିଲେ ।

ନିଜ ଗାଁକୁ ଫେରିବା ସମୟରେ ଡଙ୍ଗାଟି ପାତାଳୀ ନଦୀରେ ଭାରସାମ୍ୟ ହରାଇ ଓଲଟି ପଡ଼ିଥିଲା । ଘଟଣାସୁଳରେ ପହଁଚି ଅଗ୍ନିଶମ ବାହିନୀ ଖୋଜାଖୋଜି ଆରମ୍ଭ କରିଥିଲେ । ଗତ ଏପ୍ରିଲ ୧୩ରେ କୋରାପୁଟ ଜିଲ୍ଲା ସେମିଳିଗୁଡ଼ା ବ୍ଲକର କୋଲାବ ଜଳଭଣ୍ଡାରରେ ଦେଶୀ ଡଙ୍ଗା ବୁଡ଼ିଥିଲା । ଏହି ଘଟଣାରେ ୪ ଜଣଙ୍କର ମୃତ୍ୟୁ ଘଟିଥିଲା ।

The post କୋରାପୁଟ ପାତାଳି ନଦୀରେ ଡଙ୍ଗା ବୁଡ଼ି ଘଟଣାରେ ଏବେବି ୪ ନିଖୋଜ । ୩ ନାବାଳିକା ଓ ଜଣେ ମହିଳାଙ୍କ ମିଳୁନି ପତ୍ତା । ଖୋଜୁଛନ୍ତି ଅଗ୍ନିଶମ ଏବଂ ଓଡ୍ରାଫ ଟିମ୍ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବାରହା ଆକ୍ରମଣରେ ୨ ଗୁରୁତର । କୃଷ୍ଣପ୍ରସାଦ ବ୍ଲକ ଅଁଳାକୁଦା ଗାଁରେ ଜଙ୍ଗଲି ବାରହାର ଆତଙ୍କ ଦେଖିବାକୁ ମିଳିଛି । ଘର ପଛ ବାଡିରେ ଚାଷ କାମ କରୁଥିବାବେଳେ ୨ ଚାଷୀଙ୍କୁ ଆକ୍ରମଣ କରି ଝୁଣି ପକାଇଛି ଜଙ୍ଗଲୀ ବାରହା । ଏହାସହ ଜଣେ ମତ୍ସଜୀବୀ ଚିଲିକାରୁ ମାଛମାରି ଫେରୁଥିବାବେଳେ ତାଙ୍କୁ ମଧ୍ୟ ଜଙ୍ଗଲି ବାରହା ଆକ୍ରମଣ କରିଛି । ୩ ଜଣ ଗୁରୁତର ହୋଇ ପ୍ରଥମେ ନୂଆପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରେ ବ୍ରହ୍ମପୁର ସ୍ଥାନାନ୍ତର ହୋଇଛନ୍ତି । ଜଙ୍ଗଲି ବାରହାକୁ ନେଇ ଏବେ କୃଷ୍ଣପ୍ରସାଦ ଅଂଚଳରେ ଆତଙ୍କ ଖେଳିଯାଇଛି । ଲୋକେ ଘରୁ ବାହାରିବାକୁ ବି ଡରୁଛନ୍ତି । ବାରହା ଟି ଲୋକଙ୍କ ଉପରକୁ ଆକ୍ରମଣ କରି ଲହୁ ଲୁହାଣ କରି ପକାଇଛି । ତୁରନ୍ତ ବନବିଭାଗ ଏହି ଜଙ୍ଗଲି ବାରହାକୁ କାବୁ କରିବାକୁ ଦାବି ହୋଇଛି ।

The post ବାରହା ଆକ୍ରମଣରେ ୨ ଗୁରୁତର । କୃଷ୍ଣପ୍ରସାଦ ବ୍ଲକରେ ଜଙ୍ଗଲି ବାରହା ଆତଙ୍କ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଜି ନନ୍ଦନକାନନର ୬୪ତମ ପ୍ରତିଷ୍ଠା ଦିବସ । ପ୍ରତିଷ୍ଠା ଦିବସରେ ୱାଲାବି ଖୁଆଡ଼ ଲୋକାର୍ପିତ ହେବା ସହିତ ଖୁଆଡ଼ରେ ୨ଟି ୱାଲାବି ଛଡ଼ାଯିବ । ସେହିପରି ବଟନିକାଲ ଗାଡେନରେ ବାଉଁଶ ଉଦ୍ୟାନ ଓ ହାଇଡ୍ରୋଫାଇଟ ଉଦ୍ୟାନ ଲୋକାର୍ପିତ ହେବ । କାସ୍ୱାରି ଓ ଓଟିପକ୍ଷୀଙ୍କୁ ନୂତନ ଖୁଆଡ଼ରେ ଛଡ଼ାଯିବ । ଏହାଛଡ଼ା ନନ୍ଦନକାନନର ବାର୍ଷିକ ପୁସ୍ତିକା, କ୍ୟାଲେଣ୍ଡର, ନନ୍ଦନକାନନ ସଙ୍ଗୀତ, ନନ୍ଦନକାନନ ମନିଟରିଙ୍ଗ ଆପ, ବଟାନିକାଲ ଗାଡେନର ୱେବସାଇଟ, ୬ଟି ବାଘ ଓ ୬ଟି ସିଂହ ଶାବକଙ୍କ ନାମକରଣ କରାଯିବ । ଏହା ଶହ କାର୍ଯ୍ୟରତ କିଛି କର୍ମଚାରୀଙ୍କୁ ସମ୍ମାନୀତ କରାଯିବ ।

୧୯୬୦ ମସିହାରେ କିଛି ଜୀବଜନ୍ତୁଙ୍କୁ ନେଇ ଜନ୍ମ ନେଇଥିବା ନନ୍ଦନକାନନରେ ଏବେ ଅଛନ୍ତି ୨୨୦ ଖୁଆଡରେ ୧୬୩ ପ୍ରଜାତିର ୪ ହଜାର ୧୭୫ ଜୀବଜନ୍ତୁ । ୧୯୬୩ ମସିହାରେ ଉଦ୍ଭିଦ ଉଦ୍ୟାନ ଖୋଲାଯାଇଥିଲା ।

The post ଆଜି ନନ୍ଦନକାନନର ୬୪ତମ ପ୍ରତିଷ୍ଠା ଦିବସ । ଲୋକାର୍ପଣ ହେବ ୱାଲାବି ଖୁଆଡ଼ ଓ ବାଉଁଶ ଉଦ୍ୟାନ । ବାଘ ଓ ସିଂଘ ଶାବକର କରାଯିବ ନାମକରଣ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶ୍ରୀ ଜଗନ୍ନାଥଙ୍କ ଲୀଳା ମହୋତ୍ସବ । ଏକା ସାଂଗରେ ୩୨ଟି ଦୁଲର୍ଭ ବେଶରେ ଦର୍ଶନ ଦେଉଛନ୍ତି କାଳିଆ ଠାକୁର । ସାଂଗରେ ଅଛନ୍ତି ଭାଇ ବଳଭଦ୍ର ଓ ଭଉଣୀ ସୁଭଦ୍ରା । ଲକ୍ଷ୍ମୀନାରାୟଣ ବେଶଠାରୁ ଆରମ୍ଭ କରି, ବାଙ୍କଚୁଡା ବେଶ, ପୁଣି ସୁନାବେଶ, ନାଗାର୍ଜୁନ ବେଶ, ଗିରିଗୋବର୍ଦ୍ଧନ ବେଶରେ ମହାପ୍ରଭୁ ଦର୍ଶନ ଦେଉଛନ୍ତି । ଶ୍ରୀଜୀଉଙ୍କ ଏହି ଦୁଲର୍ଭ ବେଶ୍ ଦର୍ଶନ କରିବାକୁ ଜମୁଛି ଶ୍ରଦ୍ଧାଳୁଙ୍କ ଭିଡ । ଛଳ ଛଳ ଆଖିରେ, ଦୁଇ ବାହୁ ଟେକି ମହାପ୍ରଭୁଙ୍କ ନିକଟରେ ନିଜକୁ ସମର୍ପଣ କରି ଦେଉଛନ୍ତି ଭକ୍ତ । ବୌଦ୍ଧ ଜିଲ୍ଲାରେ ଚାଲିଥିବା ଶ୍ରୀଜଗନ୍ନାଥ ଲୀଳା ମହୋତ୍ସବ ଦେଖିବାକୁ ମିଳିଛି ଏମିତି ଦୃଶ୍ୟ ।

ଶ୍ରୀଜଗନ୍ନାଥ ଲୀଳା ମହୋତ୍ସବରେ ପ୍ରତି ଦିନ ଶ୍ରୀଜୀଉଙ୍କ ମନ୍ଦିର ଭଳି ବେଶ ଓ ପୂଜାର୍ଚ୍ଚନା କରାଯାଉଛି । ପୁରୀ ଭଳି ଅଭଡା, ଫେନି, କାନିକା, କ୍ଷୀରି ମଧ୍ୟ ଠାକୁରଙ୍କ ନିକଟରେ ଲାଗୁ କରାଯାଉଛି । ସନ୍ଧ୍ୟା ସମୟରେ ଭକ୍ତ ମାନଙ୍କ ପାଇଁ ମହାପ୍ରଭୁଙ୍କ ଲୀଳା ଓ ବେଶକୁ ନେଇ ପଣ୍ଡିତମାନଙ୍କ ଦ୍ୱାରା ପ୍ରବଚନ ଆୟୋଜନ କରାଯାଉଥିବାବେଳେ ବିଶ୍ୱର ମଂଗଳ କାମନା କରି ମହାଯଜ୍ଞ ଚାଲିଛି ।ଜିଲ୍ଲାରେ ପ୍ରଥମ କରି ଆୟୋଜିତ ଶ୍ରୀଜଗନ୍ନାଥ ଲୀଳା ମହୋତ୍ସବ ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ଦିଗରେ ବେଶ ସହାୟକ ହେବ ବୋଲି କୁହାଯାଉଛି ।

The post ବୌଦ୍ଧରେ ଆରମ୍ଭ ହୋଇଛି ଶ୍ରୀଜଗନ୍ନାଥ ଲୀଳା ମହୋତ୍ସବ । ୩୨ ବେଶରେ ଦର୍ଶନ ଦେଉଛନ୍ତି ମହାପ୍ରଭୁ ।ଦୁର୍ଲଭ ବେଶ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଗହଳି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶିମିଳିପାଳ ସୁରକ୍ଷା ପାଇଁ ନିୟୋଜିତ ହେଲା ସ୍ୱତନ୍ତ୍ର ପାଟ୍ରୋଲିଂ ଗାଡି । ସବୁଜ ରଙ୍ଗର ବୋଲେରୋରେ ଜଗିବେ ଟାସ୍କଫୋର୍ସ । ଶିମିଳିପାଳରେ ବାଘ ଶିକାର ରୋକିବା ପାଇଁ ୧୪ଟି ସବୁଜ ରଙ୍ଗର ବୋଲେରୋ ଗାଡି ନିୟୋଜିତ ହୋଇଛି । ନୂଆ ବୋଲେରୋରେ ଶିମିଳିପାଳ ଅଭୟାରଣ୍ୟର ସୁରକ୍ଷା ତଦାରଖ କରିବେ ଟାସ୍କଫୋର୍ସ ଓ ଶିମିଳିପାଳ ସ୍ୱତନ୍ତ୍ର ବ୍ୟାଘ୍ର ସୁରକ୍ଷା ବଳ । ସ୍ୱତନ୍ତ୍ର ଭାବେ ଡିଜାଇନ୍ ଏହି ଗାଡି ଗୁଡିକ ବର୍ଷର ସବୁ ସମୟରେ ଶିମିଳିପାଳର ସବୁ ଅଞ୍ଚଳରେ ଗଡିପାରିବ ।

ବର୍ଷାଦିନେ ଘାଟିରେ ଚଢିପାରିବ, ମାଟି ଓ କାଦୁଅ ରାସ୍ତାରେ ବି ଦୌଡିପାରିବ । ରାତି ପାଟ୍ରୋଲିଂବେଳେ ରିମୋଟ କଣ୍ଟ୍ରୋଲ ସର୍ଚ୍ଚ ଲାଇଟ୍ ବ୍ୟବସ୍ଥା ରହିଛି ଏହି ସ୍ୱତନ୍ତ୍ର ଗାଡିରେ । ଜଙ୍ଗଲ ମାଫିଆ ଓ ବନ୍ୟପ୍ରାଣୀ ଶିକାରୀଙ୍କୁ ସାବାଡ୍ କରିବାକୁ ଏମିତି ୧୪ଟି ବୋଲେରୋ ଗାଡି ନିୟୋଜିତ ହେବ । ଏ ଗାଡି ଶିମିଳିପାଳରେ ବାଘ ଶିକାର ରୋକିବାରେ ବେଶ ସହାୟକ ହେବ ବୋଲି ବନ୍ୟପ୍ରାଣୀ ବିଭାଗ ଆଶା କରୁଛି ।

The post ଶିମିଳିପାଳରେ ଶିକାରୀଙ୍କୁ ଚକମା ଦେବାକୁ ନୂଆ ଯୋଜନା । ସ୍ୱତନ୍ତ୍ର ବୋଲେରୋରେ ଜଗିବେ ଟାସ୍କଫୋର୍ସ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆସନ୍ତା ଜାନୁଆରୀ ୨୨ ତାରିଖରେ ଅଯୋଧ୍ୟା ରାମ ମନ୍ଦିରର ପ୍ରତିଷ୍ଠା ହେବ । ଏଥିପାଇଁ ଏବେ ସମସ୍ତଙ୍କ ନଜର ଅଯୋଧ୍ୟାର ରାମଲଲାଙ୍କ ମନ୍ଦିର ଉପରେ । ମନ୍ଦିର ନିର୍ମାଣ କାମରେ ନୟୋଜିତ ହୋଇଛନ୍ତି ସାରା ଦେଶର ଶ୍ରମିକ । ଓଡ଼ିଶା, ବିହାର ସମେତ ବିଭିନ୍ନ ରାଜ୍ୟର ଶ୍ରମିକ ଏଥିରେ ନିୟୋଜିତ ହୋଇଛନ୍ତି । ରାମଙ୍କ ନାମ ଧରି ନିର୍ମାଣ କାମରେ ନିୟୋଜିତ ହୋଇଛନ୍ତି ଶ୍ରମିକ । ରାତି ଦିନ ପରିଶ୍ରମ କରି ଏହି ଶ୍ରମିକମାନେ ମନ୍ଦିର ନିର୍ମାଣ କାମରେ ଲାଗିଛନ୍ତି ।

ଡିସେମ୍ବର ୩୦ରେ ଅଯୋଧ୍ୟାରେ ନବନିର୍ମିତ ବିମାନବନ୍ଦର ଓ ପୁର୍ନନିର୍ମାଣ କରାଯାଇଥିବା ରେଳଷ୍ଟେସନର ଉଦଘାଟନ ହେବ । ପ୍ରଧାନମନ୍ତ୍ରୀ ମୋଦୀ ଉଭୟ ବିମାନବନ୍ଦର ଓ ରେଳଷ୍ଟେସନର ଉଦଘାଟନ କରିବେ । ଏହା ପୂର୍ବରୁ ସଜେଇ ହେଉଛି ଅଯୋଧ୍ୟା । ପୂରା ସହରକୁ ରଙ୍ଗବିରଙ୍ଗ ଫୁଲ, ଆଲୋକମାଳାରେ ସଜାଯାଉଛି । ଦେଶିବିଦେଶରୁ ଆସିଥିବା ଭଳିକି ଭଳି ଫୁଲରେ ବିଶାଳତୋରଣ କରାଯାଉଛି । ୩୦ ତାରିଖ ଉଦଘାଟନ କାର୍ଯ୍ୟକ୍ରମ ଶେଷ କରିବା ପରେ ମୋଦୀ ରାଜ୍ୟକୁ ୬ହଜାର କୋଟିର ବିଭିନ୍ନ ପରିଯୋଜନା ଭେଟି ଦେବେ । ପରେ ବିଶାଳ ରୋଡ ଶୋ କରିବା କାର୍ଯ୍ୟକ୍ରମ ରହିଛି ।

The post ଅଯୋଧ୍ୟା ରାମ ମନ୍ଦିରର ପ୍ରତିଷ୍ଠା ପାଇଁ ଚଳଚଞ୍ଚଳ ଅଯୋଧ୍ୟା ନଗରୀ । କାର୍ଯ୍ୟ ଶେଷ ପାଇଁ ଦିନ ରାତି କାମ କରୁଛନ୍ତି ଶ୍ରମିକ । ସେପଟେ ଅଯୋଧ୍ୟାକୁ ଛୁଟୁଛି ଉପହାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନିଲାମ ହେବ ଦାଉଦର ସମ୍ପତ୍ତିି । ମହାରାଷ୍ଟ୍ର ରତ୍ନଗିରିରେ ଥିବା ଦାଉଦର ସମ୍ପତିକୁ ଜାନୁଆରୀ ୫ରେ ନିଲାମ କରାଯିବ ବୋଲି ସୂଚନା ମିଳିଛି । ଏଥିସହ ମୁମ୍ବାଇରେ ଥିବା କିଛି ସମ୍ପତିକୁ ମଧ୍ୟ ବିଦେଶୀ ମୁଦ୍ରା ଅଧିନିୟମ ବା ଫେମା ଆଧାରରେ ନିଲାମ କରାଯିବ ।

ପୂର୍ବରୁ ଅଣ୍ଡରୱାଲ୍ଡ ଡନର ୧୧ରୁ ଅଧିକ ବେଶ ଦାମରେ ସମ୍ପତିକୁ ନିଲାମ କରାଯାଇଛି । ପରେ ୨୦୨୦ ମସିହାରେ ଆଉ ଦୁଇଟି ବହୁ ମୂଲ୍ୟ ବଙ୍ଗଳା ଓ ଦୁଇଟି ପେଟ୍ରୋଲ ନମ୍ପୀକୁ ନିଲାମ କରାଯାଇଥିଲା । ଏପରିକି ତା ଭଉଣୀ ସମ୍ପତି ମଧ୍ୟ ଜବତ ସହ ନିଲାମ କରାଯାଇଛି । ଏଇଠି କହି ରଖୁଛ ଦାଉଦ ହେଉଛି ଦୁନିଆର ୨ୟ ସବୁଠୁ ଧନୀ ଗ୍ୟାଙ୍ଗଷ୍ଟର । ଦେଶବିଦେଶରେ ଦାଉଦ ବେନିମୟ ତରିକାରେ ବ୍ୟବସାୟ ସାମ୍ରାଜ୍ୟ ଚଳାଇଛି ।

The post ନିଲାମ ହେବ ଅଣ୍ଡରୱାର୍ଲ୍ଡ ଗ୍ୟାଙ୍ଗଷ୍ଟର ଦାଉଦର ସମ୍ପତ୍ତି । ଜାନୁଆରୀ ୫ରେ ନିଲାମ ହେବ ମହାରାଷ୍ଟ୍ର ରତ୍ନଗିରିରେ ଥିବା ସମ୍ପତ୍ତି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦୁଇ ୟୁଟ୍ୟୁବରଙ୍କ ମଧ୍ୟରେ ବିବାଦ । ଥାନାରେ ପହଂଚିଲା ମାମଲା । ବାଲେଶ୍ୱରରୁ ଏପରି ଘଟଣା ସାମ୍ନାକୁ ଆସିଛି । ପ୍ରାୟ ୪ ବର୍ଷ ପୂର୍ବେ ମନ୍ମୟ ଦେ ଓ ଅମୃତାଂଶୁ ମହାପାତ୍ର ମିଶି ଏକ ୟୁଟ୍ୟୁବ ଚ୍ୟାନେଲ ଖୋଲିଥିଲେ । ଏଥିରେ ବିଭିନ୍ନ ପ୍ରସଙ୍ଗରେ ଭିଡିଓ ମଧ୍ୟ ପୋଷ୍ଟ କରୁଥିଲେ । ଏହାକୁ ଦର୍ଶକମାନେ ମଧ୍ୟ ବେଶ୍ ପସନ୍ଦ କରୁଥିଲେ । ଫଳରେ ୟୁଟ୍ୟୁବରୁ ଭଲ ରୋଜଗାର ମଧ୍ୟ ହେଉଥିଲା । ଏହାସହ ସଂଖ୍ୟା ବଢ଼ି ମୋଟ ୧୧ ଜଣ ସଦସ୍ୟ ରହିଥିଲେ । ହେଲେ ଏବେ ଭିଡିଓ ତିଆରି କରିବା, ପୋଷ୍ଟ କରିବା ଓ ରୋଜଗାର ହେଉଥିବା ଟଙ୍କାକୁ ନେଇ ବିବାଦ ଦେଖାଦେଇଛି । ଏପରିକି ମାମଲା ଥାନାରେ ପହଞ୍ଚିିଛି । ଦୁଇ ପକ୍ଷ ପରସ୍ପର ବିରୋଧରେ ବାଲେଶ୍ୱର ଟାଉନ ଥାନାରେ ଅଭିଯୋଗ କରିଛନ୍ତି । ଏବେ ପୋଲିସ୍ ମାମଲାର ତଦନ୍ତ କରୁଛି ।

The post ୟୁଟ୍ୟୁବକୁ ନେଇ ଥାନାରେ ଦୁଇ ବନ୍ଧୁ । ସାଙ୍ଗ ହୋଇ ୟୁଟ୍ୟୁବ ଚ୍ୟାନେଲ କରିଥିଲେ ଏବେ ରୋଜଗାରକୁ ନେଇ ଥାନାର ଦ୍ୱାରସ୍ଥ । first appeared on Kanak News.

from Kanak News
via <a href="https://ifttt.com/?