କନକ ବ୍ୟୁରୋ: ବେଆଇନ ଭାବେ କରାଯାଇଛି ୫୦ ଏକର ଜାଗାର ଗଞ୍ଜେଇ ଚାଷକୁ ନଷ୍ଟ କଲା ପୋଲିସ୍ । ଅପରେସନ ଗ୍ରୀନ୍ କ୍ଲିନ ଜରିଆରେ କୋରାପୁଟ ଜିଲ୍ଲା ବୈପାରୀଗୁଡ଼ା ବ୍ଲକର ଜି.ମଝିଗୁଡ଼ା ପଂଚାୟତର ଉଲଦାନ ଓ ଆଖପାଖ ଗାଁରେ ଏହି ଚାଷ କରାଯାଇଥିବା ବେଳେ ନଷ୍ଟ କରିଦିଆଯାଇଛି ।

ବୈପାରୀଗୁଡ଼ା ପୋଲିସ୍ ଓ ଡିଭିଏଫ ବିଭାଗ ପକ୍ଷରୁ ମିଳିତ ଭାବେ ଚଢ଼ାଉ କରାଯାଇଥିଲା । ପ୍ରାୟ ୫୦ ହଜାର ଗଞ୍ଜେଇ ଗଛକୁ ନଷ୍ଟ କରାଯାଇଛି । ନଷ୍ଟ ହୋଇଥିବା ଗଞ୍ଜେଇ ଗଛର ଆନୁମାନିକ ମୂଲ୍ୟ ୫ କୋଟି ଟଙ୍କାରୁ ଅଧିକ ହେବ ବୋଲି ଆକଳନ କରାଯାଇଛି । ବୈପାରୀଗୁଡ଼ା ବ୍ଲକର ଦୁର୍ଗମ ଅଂଚଳରେ ବେଆଇନ ଭାବେ ଗଞ୍ଜେଇ ଚାଷ କରାଯାଉଥିବା ଅଭିଯୋଗ ହୋଇଆସୁଛି । ଦୁର୍ଗମ ଅଂଚଳ, ଏହାସହ ମାଓବାଦୀ ଭୟ ଯୋଗୁଁ ଲାଭ ଉଠାଉଛନ୍ତି ଗଞ୍ଜେଇ ମାଫିଆ । ସ୍ଥାନୀୟ ଲୋକଙ୍କକୁ ଗଞ୍ଜେଇ ଚାଷ କରିବାକୁ ପ୍ରବର୍ତାଉଛନ୍ତି । ତେବେ ଅପରେସନ୍ ଗ୍ରୀନ୍ କ୍ଲିନ୍ ଜରିଆରେ ଗଞ୍ଜେଇ ଚାଷକୁ ନଷ୍ଟ କରାଯାଉଛି ।

The post ମାଟିରେ ମିଶିଲା ୫୦ ହଜାର ଗଞ୍ଜେଇ ଗଛ । ବୈପାରୀଗୁଡ଼ା ବ୍ଲକରେ ୫୦ ଏକର ଗଞ୍ଜେଇ ଚାଷକୁ ନଷ୍ଟ କଲା ପୋଲିସ। first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମାଓବାଦୀ ବିରୋଧୀ ଅଭିଯାନରେ ବର୍ଡର ସିକ୍ୟୁରିଟି ଫୋର୍ସ ବିଏସଏଫକୁ ବଡ଼ ସଫଳତା । ମାଓବାଦୀଙ୍କ ୨ ଟି ଗୁପ୍ତ ଅସ୍ତ୍ର ଲୁଚାଇବା ଜାଗାର ଠାବ କରିଛନ୍ତି ସୁରକ୍ଷା କର୍ମୀ । ଏହାସହ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ମାଓ ସାମଗ୍ରୀ ଜବତ ହୋଇଛି । ମାଲକାନଗିରି ଜିଲ୍ଲା କାଲିମେଳା ପୋଲିସ୍ ଷ୍ଟେସନ ଅନ୍ତର୍ଗତ ଆଲୁରକୋଟା ଗାଁ ନିକଟ ବେଜାଙ୍ଗିୱାଡ଼ା ଜଙ୍ଗଲରୁ ଏହି ଗୁପ୍ତ କ୍ୟାମ୍ପ ଠାବ ହୋଇଛି ।

ଘଂଚ ଜଙ୍ଗଲ ଓ ପଥର କନ୍ଦିରେ ଏହି ସବୁ ଅସ୍ତ୍ରଶସ୍ତ୍ରକୁ ଲୁଚାଇ ରଖାଯାଇଥିଲା । ତେବେ ବିଏସଏଫର ୧୪୨ ବାଟାଲିୟନ ଖାନତଲାସି କଲାବେଳେ ଏହାର ସନ୍ଧାନ ପାଇଥିଲେ । ୨ଟି ବନ୍ଧୁକ, ୫୭ ଜିଲୋଟିନ୍ ଷ୍ଟିକ, ୧୧୧ ଇମ୍ପ୍ରୋଭାଇଜଡ୍ ଗ୍ରେନେଡ୍, ୨ଟି ହ୍ୟାଣ୍ଡ ଗ୍ରେନେଡ୍, ୫ଟି ଡେଟେନେଟର ସହ ଅନ୍ୟ କିଛି ମାରଣାସ୍ତ୍ର ଓ ମାଓ ସାମଗ୍ରୀ ମିଳିଛି । ସୁରକ୍ଷାକର୍ମୀମାନେ ସମ୍ପୃକ୍ତ ଅଂଚଳରେ ଅଧିକ ସର୍ଚ୍ଚ ଅପରେସନ ଚଳାଇଛନ୍ତି ।

The post ମାଓ ବିରୋଧୀ ଅଭିଯାନରେ ବିଏସଏଫକୁ ବଡ଼ ସଫଳତା । ଠାବ ହେଲା ୨ଟି ଗୁପ୍ତ ଅସ୍ତ୍ରଭଣ୍ଡାର । ବିପୁଳ ବିସ୍ଫୋରକ ଓ ମାଓ ସାମଗ୍ରୀ ଜବତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନଦୀ ପାର ହେବା ବେଳେ ଅଘଟଣ । ନଦୀ ମଝିରେ ବୁଡ଼ିଗଲା ଡଙ୍ଗା । ଆଉ ଚାଲିଯାଇଛି ଜଣଙ୍କ ଜୀବନ । ଏହି ଘଟଣାରେ ୪ ଜଣ ନିଖୋଜ ଅଛନ୍ତି । ଏପରି ଏକ ହୃଦୟ ବିଦାରକ ଘଟଣା କୋରାପୁଟ ଜିଲ୍ଲାରେ ଘଟିଛି । ମୃତକ ଲାଲମଣି ସୀମା । ତାନସିଂ ଘାଟ ନିକଟରେ ମର ଶରୀର ଭାସୁଥିବା ଦେଖିବାକୁ ମିଳିଛି । କୋରାପୁଟ ଜିଲ୍ଲା ନନ୍ଦପୁର ବ୍ଲକ କୁଲାରସିଂ ପଞ୍ଚାୟତର ତାନସିଂ ଗ୍ରାମର ୩ ମହିଳା ଏବଂ ଦୁଇ ନାବାଳିକା ଏକ ଦେଶୀ ଡଙ୍ଗାରେ ବାଡ଼େଲା ଗ୍ରାମକୁ ଏକ ବାହାଘରରେ ଯୋଗ ଦେବାକୁ ଯାଇଥିଲେ ।

ନିଜ ଗାଁକୁ ଫେରିବା ସମୟରେ ଡଙ୍ଗାଟି ପାତାଳୀ ନଦୀରେ ଭାରସାମ୍ୟ ହରାଇ ଓଲଟି ପଡ଼ିଥିଲା । ଘଟଣାସୁଳରେ ପହଞ୍ଚିି ଅଗ୍ନିଶମ ବାହିନୀ ଖୋଜାଖୋଜି ଆରମ୍ଭ କରିଛି । ଗତ ଏପ୍ରିଲ ୧୩ରେ କୋରାପୁଟ ଜିଲ୍ଲା ସେମିଳିଗୁଡ଼ା ବ୍ଲକର କୋଲାବ ଜଳଭଣ୍ଡାରରେ ଦେଶୀ ଡଙ୍ଗା ବୁଡ଼ିଥିଲା । ଏହି ଘଟଣାରେ ୪ ଜଣଙ୍କର ମୃତ୍ୟୁ ଘଟିଥିଲା ।

The post ମଝି ନଈରେ ବୁଡିଗଲା ଡଙ୍ଗା । ଜଣେ ମୃତ, ୪ ଜଣ ନିଖୋଜ । କୋରାପୁଟ ନନ୍ଦପୁର ବ୍ଲକର ଘଟଣା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଡାକ୍ତରଙ୍କୁ ମାଡ ମାରି ଘାଇଲା କଲେ ରୋଗୀଙ୍କ ସମ୍ପର୍କୀୟ । ଛାତ୍ର ନ୍ୟାୟ ପାଇଁ ବଲାଙ୍ଗୀର ଭୀମଭୋଇ ମେଡିକାଲରେ ପକାଇଲେ ତାଲା । ପ୍ରାୟ ଦେଢଘଂଟା ଧରି ଧାରଣା ଚାଲିବା ପରେ ଏହା ପ୍ରତ୍ୟାହୃତ ହୋଇଛି । ଦୋଷୀକୁ ଧରିବା ପାଇଁ ପ୍ରତିଶୃତି ଦେବା ପରେ ଆନ୍ଦୋଳନ ପ୍ରତ୍ୟାହାର କରିଛନ୍ତି ଡାକ୍ତରୀ ଛାତ୍ର । ତେବେ ଦୋଷୀ ଧରା ନ ହେବା ଯାଏଁ ଓପିଡି ଓ ଡାକ୍ତର ରାଉଣ୍ଡ ବନ୍ଦ ରହିବ । ଜରୁରୀକାଳୀନ ସେବା ଚାଲିବ ।

ଚିକିତ୍ସାରେ ଅବହେଳା ଅଭିଯୋଗରେ ଗତକାଲି ଜଣେ ମହିଳା ରୋଗୀଙ୍କ ସମ୍ପର୍କୀୟ ହାଉସ ସର୍ଜନ ବିଶ୍ୱରଂଜନ ସାହୁଙ୍କୁ ପିଛା କରି ତାଙ୍କୁ ଆକ୍ରମଣ କରିଥିଲେ । ସହଯୋଗୀ ବିଶ୍ୱଙ୍କୁ ଆଣି ମେଡିକାଲରେ ଭର୍ତି କରିଥିଲେ । ଏହାପରେ ମେଡିକାଲରେ ତାଲା ଦେଇ ଧାରଣାରେ ବସିଥିଲେ । ଫଳରେ ରୋଗୀ ହଇରାଣ ହୋଇଥିଲେ । ଏସପି ଓ ଜିଲ୍ଲାପାଳ ଘଟଣାସ୍ଥଳରେ ପଂହଚି ଛାତ୍ରଛାତ୍ରୀଙ୍କୁ ବୁଝାସୁଝା କରିଥିଲେ ।

The post ବଲାଙ୍ଗିର ଭୀମଭୋଇ ମେଡିକାଲରେ ଉତ୍ତେଜନା । ଡାକ୍ତରଙ୍କୁ ମାଡ ମାରି ଘାଇଲା କଲେ ରୋଗୀଙ୍କ ସମ୍ପର୍କୀୟ । ପ୍ରତିବାଦରେ ଡାକ୍ତରୀ ଛାତ୍ର ମେଡିକାଲରେ ପକାଇଲେ ତାଲା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବିଶ୍ୱସ୍ତରୀୟ ହସ୍ପିଟାଲ ହେଉଛି କଟକ ବଡ ମେଡିକାଲ । କୋଟି କୋଟି ଟଙ୍କା ଖର୍ଚ୍ଚରେ ଭିତ୍ତିଭୂମିର ଉନ୍ନତିକରଣ ଚାଲିଛି । ବଡ ବଡ କୋଠା ତିଆରି ଚାଲିଛି । ହେଲେ, ବଡ ମେଡିକାଲର ପିଛା ଛାଡୁନି ଅବ୍ୟବସ୍ଥା । କେତେବେଳେ ବିଜୁଳି କଟି ଯାଉଛି ତ ଆଉ କେତେବେଳେ ପାଣି ସମସ୍ୟା ଦେଖାଦେଉଛି । ଆଉ ଏବେ ନ୍ୟୁ ମେଡିସିନ୍ ୱାର୍ଡର ଲିଫ୍ଟ ଅଚଳ ଯୋଗୁଁ ହନ୍ତସନ୍ତ ହେଉଛନ୍ତି ରୋଗୀ ଓ ରୋଗୀ ସମ୍ପର୍କୀୟ ।

• ୮ଦିନ ହେଲା ଅଚଳ ଲିଫ୍ଟ!
• ଉପର ମହଲାକୁ ଯିବାକୁ ରୋଗୀ ହନ୍ତସନ୍ତ

ରାଜ୍ୟର ସବୁଠାରୁ ବଡ ଓ ନିର୍ଭର ଯୋଗ୍ୟ ହସ୍ପିଟାଲ କଟକ ଏସସିବି ମେଡିକାଲ । ରାତି ପାହିଲେ ରାଜ୍ୟ ତଥା ରାଜ୍ୟ ବାହାରୁ ହଜାର ହଜାର ଲୋକ ଏସସିବିକୁ ଚିକିତ୍ସା ପାଇଁ ଆସିଥାନ୍ତି । କିନ୍ତୁ ଏହି ବଡ ମେଡିକାଲ ନ୍ୟୁ ମେଡିସିନ୍ ୱାର୍ଡରେ ଲିଫ୍ଟ ଅଚଳ ଯୋଗୁଁ ଗୁରୁତର ରୋଗୀଙ୍କୁ ଷ୍ଟ୍ରେଚର ସହାୟତାରେ ସିଡି ଦେଇ ଉପରକୁ ନେଉଛନ୍ତି, ରୋଗୀ ସମ୍ପର୍କୀୟ । ଯେଉଁ ରୋଗୀଙ୍କ ସମ୍ପର୍କୀୟ ନାହାନ୍ତି ସେମାନେ ଅସୁବିଧାର ସମ୍ମୁଖୀନ ହେଉଛନ୍ତି ।
ରୋଗୀ ସମ୍ପର୍କୀୟଙ୍କ କହିବା କଥା ଦିନେ କି ଦୁଇ ଦିନ ନୁହେଁ ୮ଦିନ ହେଲା ଅଚଳ ରହିଛି ଲିଫ୍ଟ । ଅନ୍ୟପଟେ ଡାକ୍ତରଙ୍କ ପାଇଁ ଥିବା ଲିଫ୍ଟ ଡାକ୍ତରମାନେ ବ୍ୟବହାର କରୁଥିବାବେଳେ ଗୁରୁତର ରୋଗୀ ଏମିତି ବିପଦଜନକ ଭାବେ ଯିବା ପୂରା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରିଛି । ତେବେ ମେଡିକାଲ ପ୍ରଶାସନିକ ଅଧିକାରୀ କହିଛନ୍ତି ୮ଦିନ ନୁହେଁ ୩ଦିନ ହେଲା ଲିଫ୍ଟ ଖରାପ ହୋଇଛି । ସ୍ପେୟାର ପାର୍ଟ୍ସ ନମିଳିବାରୁ ମରାମତି ବିଳମ୍ବ ହୋଇଛି । ଖୁବଶୀଘ୍ର ଠିକ୍ ହୋଇଯିବ ।
ରାଜ୍ୟ ସରକାର ରାଜ୍ୟବାସୀଙ୍କୁ ଭଲ ସ୍ୱାସ୍ଥ୍ୟ ସୁବିଧା ଯୋଗାଇ ଦେବାକୁ କୋଟି କୋଟି ଟଙ୍କା ଖର୍ଚ୍ଚ କରୁଥିବାବେଳେ, ବଡ ମେଡିକାଲରୁ ବାରମ୍ବାର ଏଭଳି ଖବର ଆସିବା ଚିନ୍ତାର ବିଷୟ ।

The post ଏସସିବି ହସ୍ପିଟାଲରେ ଅବ୍ୟବସ୍ଥା । ୮ଦିନ ହେଲା ଅଚଳ ଲିଫ୍ଟ! ଉପର ମହଲାକୁ ଯିବାକୁ ରୋଗୀ ହନ୍ତସନ୍ତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କେତେବେଳ ଆଇପିଏଲ ଖେଳାଳି ତ ଆଉ କେତେବେଳ ଆଇପିଏସ ଅଫିସର । ନିଜକୁ ନାମୀଦାମି କମ୍ପାନୀର ବ୍ରାଣ୍ଡ ଆମ୍ବାସଡର କହି ବଡ଼ ବଡ଼ ହୋଟେଲକୁ ଲଗାଉଥଲା ଚୂନା    । ବିଳାସପୂର୍ଣ୍ଣ ଜୀବନଶୈଳୀରେ ବଂଚିବାକୁ ବାଛିଥିଲା ଠକେଇର ରାସ୍ତା । ଠକାମୀର ସବୁ ରାସ୍ତାକୁ ପାର କରି ସାରିଥିବା ବେଳେ ଶେଷରେ ପୋଲିସ ପଂଝାରୁ ମୁକୁଳିବାରେ ଫେଲ ମାରିଛି କ୍ରିକେଟରରୁ ଠକ ସାଜିଥିବା ମୃଣାଙ୍କ ସିଂ । ଦେଶ ବାହାରକୁ ଖସିଯିବାକୁ ଉଦ୍ୟମ ବେଳେ ନୂଆଦିଲ୍ଲୀ ଇନ୍ଦିରା ଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦରରୁ ମୃଣାଙ୍କକୁ ଗିରଫ କରିଛି ଦିଲ୍ଲୀ ପୋଲିସ । କର୍ଣ୍ଣାଟକ ପାଇଁ ୧୯ବର୍ଷରୁ କମ୍ ଶ୍ରେଣୀରେ କ୍ରିକେଟ ଖେଳିଥିବା ମୃଣାଙ୍କ ନିଜକୁ ଜଣେ କ୍ରିକେଟର ଏବଂ କର୍ଣ୍ଣାଟକ ପୋଲିସର ବରିଷ୍ଠ ଅଧିକାରୀ ଦର୍ଶାଇ ଠକାମୀ କରୁଥଲା । ମୁମ୍ବାଇ, ଦିଲ୍ଲୀର ନାମୀଦାମି ହୋଟେଲରେ ରହିବା ସହିତ ଅୟସ କରୁଥିଲା ଏହି ଠକ କ୍ରିକେଟର । ୨୦୨୨ ମସିହାରେ ହୋଟେଲ ତାଜ ପ୍ୟାଲେସରେ ରହିବା ସହିତ ୫ଲକ୍ଷ ଟଙ୍କା ଠକିଥିବା ନେଇ ମଧ୍ୟ ଅଭିଯୋଗ ହୋଇଥିଲା । ହୋଟେଲ କତୃପକ୍ଷ ଟଙ୍କା ମାଗିବାରୁ ନିଜକୁ ଆଇପିଏଲ ଟିମ୍ ମୁମ୍ବାଇ ଇଣ୍ଡିଆର ସଦସ୍ୟ କହିବା ସହିତ ସ୍ପନ୍ସର କରୁଥିବା କମ୍ପାନୀ ଟଙ୍କା ପୈଠ କରିବ ବୋଲି କହିଥଲା ଏହି ଠକ ଜଣକ । କେବଳ ହୋଟେଲ ତାଜ୍ ପ୍ୟାଲେସ ନୁହେଁ ଦେଶର ବଡ଼ ବଡ଼ ନାମୀଦାମି ହୋଟେଲକୁ ମଧ୍ୟ ମୃଣାଙ୍କ ଠକିଥିବା ନେଇ ଅଭିଯୋଗ ହୋଇଛି ।

କେବଳ ହୋଟେଲ ନୁହେଁ ମୃଣାଙ୍କର ଟାର୍ଗେଟରେ ବଡ଼ ବଡ଼ କ୍ରିକେଟରଙ୍କ ଠାରୁ ନେଇ କ୍ୟାବ ଡ୍ରାଇଭର, ଯୁବତୀ, ହୋଟେଲ ଏବଂ ବାର ରେଷ୍ଟୁରାଂଟ ରହିଥିଲା । ୨୦୨୦-୨୧ ମସିହାରେ କ୍ରିକେଟର ରିଷଭ ପନ୍ଥଙ୍କୁ ମଧ୍ୟ ଠକିଥିଲା ଏହି ଠକ । ଘଂଟା ନିଲାମ କରାଇଦେବାକୁ କହି ରିଷଭଙ୍କୁ ଏହି ଠକ ୧.୫କୋଟି ଟଙ୍କାର ଚେକ୍ ଦେଇଥିବା ବେଳେ ପରେ ଏହି ଚେକଟି ବାଉନ୍ସ ହୋଇ ଥିବା ଜଣାପଡିଥିଲା । କ୍ୟାବ ଡ୍ରାଇଭର, ଯୁବତୀ, ହୋଟେଲ ଏବଂ ବାର ରେଷ୍ଟୁରାଂଟ ମାନଙ୍କରେ ନିଜର ମିଛ ପରିଚୟ ଦେଇ ଠକି ଚାଲିଥିଲା ଏହି ଠକ । ତମାମ ଠକେଇକୁ ନେଇ ଦିଲ୍ଲୀ ପୋଲିସ ପକ୍ଷରୁ ମୃଣାକଙ୍କୁ ଧରିବାକୁ ଲୁକ୍ ଆଉଟ ନୋଟିସ ଜାରି ମଧ୍ୟ ଜାରି କରାଯାଇଥିଲା । ଶେଷରେ ହଂକଙ୍ଗ ଖସିଯିବାକୁ ଉଦ୍ୟମ ବେଳେ ଦିଲୀ୍ଲ ଇନ୍ଦିରାଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରୁ ମୃଣାଙ୍କକୁ ଗିରଫ କରାଯାଇଛି । ଠକ କ୍ରିକେଟର ଠକେଇ ନେଇ ତଦନ୍ତ ଚାଲିଥିବା ସୂଚନା ଦେଇଛି ଦିଲ୍ଲୀ ପୋଲିସ

The post କ୍ରିକେଟରରୁ କନମ୍ୟାନ ମୃଣାଙ୍କ ସିଂ । ବିଳାସପୂର୍ଣ୍ଣ ଜୀବନ ବଂଚିବା ପାଇଁ ବାଛିଥିଲେ ଠକେଇ ରାସ୍ତା, ରିଷଭ ପନ୍ତଙ୍କ ଠାରୁ ଲୁଟିଛନ୍ତି କୋଟି କୋଟି ଟଙ୍କା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାୟଗଡ଼ା ଜିଲ୍ଲା ଚନ୍ଦ୍ରପୁର ମା’ ଗୃହ ପରିଚାଳିକା ଆଦିବାସୀ ଯୁବତୀ ଲକ୍ଷ୍ମୀ ମାଝୀଙ୍କ ସନ୍ଦେହଜନକ ମୃତ୍ୟୁ ଘଟଣାରେ ରାସ୍ତାକୁ ଓହ୍ଲାଇଛି ଭାରତୀୟ ଜନତା ପାର୍ଟିର ମହିଳା ମୋର୍ଚ୍ଚ । ତଦନ୍ତ ପ୍ରକିୟାକୁ ତ୍ୱରାନ୍ୱିତ କରିବା ସହ ଦୋଷୀଙ୍କୁ ଗିରଫ କରିବା ଦାବିରେ ୬ ଘଣ୍ଟିଆ ବନ୍ଦ ପାଳନ କରିଛି ବିଜେପି । ମହିଳା ମୋର୍ଚ୍ଚର କର୍ମୀମାନେ ବିଭିନ୍ନ ସ୍ଥାନରେ ରାସ୍ତାରୋକ୍ କରିବା ସହ ବନ୍ଦ ପାଳନ କରିଛନ୍ତି ।

ଗତ ୨୧ ତାରିଖରେ ଚନ୍ଦ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ଥିବା ମା’ ଗୃହ ଭିତରେ ଯୁବତୀଙ୍କ ଦରପୋଡ଼ା ମରଶରୀର ଉଦ୍ଧାର ହୋଇଥିଲା । ମୃତକ ଥିଲେ ଆଦିବାସୀ ଯୁବତୀ ଲକ୍ଷ୍ମୀ ମାଝୀ । ଦୀର୍ଘ ୫ ବର୍ଷ ହେବ ଏକ ସ୍ୱେଚ୍ଛାସେବୀ ସଂସ୍ଥାରେ କାର୍ଯ୍ୟରତ ଥିଲେ । ମୃତକ ଜଣଙ୍କ ଦିବ୍ୟାଙ୍ଗ ମଧ୍ୟ ଥିଲେ । ତେବେ ତାଙ୍କୁ ହତ୍ୟା କରାଯାଇଥିବା ନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ଲକ୍ଷ୍ମୀଙ୍କୁ ଶାରିରୀକ ଓ ମାନସିକ ନିର୍ଯାତନା ଦିଆଯାଉଥିବା ନେଇ ମଧ୍ୟ ପରିବାର ଲୋକ ଥାନାରେ ଅଭିଯୋଗ କରିଥିଲେ । ପୂର୍ବରୁ କାଶୀପୁର ଠାରେ ଏକ ଶୋଭାଯାତ୍ରା କରିଥିଲା ଜିଲ୍ଲା ଆଦିବାସୀ ମହାସଂଘ । ତେବେ ଘଟଣାକୁ ଆତ୍ମହତ୍ୟାର ରୁପ ଦିଆଯାଉଥିବା ଅଭିଯୋଗ କରିବା ସହ ଘଟଣାର ପ୍ରକୃତ କାରଣ ସାମ୍ନାକୁ ଆଣିବାକୁ ଦାବି ହୋଇଛି ।

The post ଲକ୍ଷ୍ମୀ ମାଝୀଙ୍କ ମୃତ୍ୟୁ ନେଇ ରାସ୍ତାକୁ ଓହ୍ଲାଇଲା ବିଜେପି । ମହିଳା ମୋର୍ଚ୍ଚାର ୬ ଘଣ୍ଟିଆ ରାୟଗଡ଼ା ବନ୍ଦ ପାଳନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଳିଙ୍ଗ ଷ୍ଟାଡିୟମରେ ଜିମ୍ନାଷ୍ଟିକ ଖେଳାଳି ଓ ଅଭିଭାବକଙ୍କ ସମୂହ ଅସନ୍ତୋଷ । ଆଉ ଏହାର କାରଣ କାରଣ ବି ଆପଣ ଜାଣିଲେ ଆଶ୍ଚର୍ଯ୍ୟ ହେବେ । ଜିମ୍ନାଷ୍ଟିକ ଟିମ ରାଜ୍ୟର ,କିନ୍ତୁ ଏଥିରେ ଖେଳୁଛନ୍ତି ରାଜ୍ୟ ବାହାରର ଖେଳାଳି ।

କଳିଙ୍ଗ ଷ୍ଟାଡିମୟରେ ଆରମ୍ଭ ହୋଇଛି ଜାତୀୟ ସିନିୟର ଓ ଜୁନିୟର ଜିମ୍ନାଷ୍ଟିକ ଚାମ୍ପିୟନସିପରେ ଓଡିଆ ଖେଳାଳିଙ୍କୁ ଅବହେଳା ହୋଇଥିବା ଅଭିଯୋଗ ଆସିଛି । ଏଥିରେ ବିଭିନ୍ନ ରାଜ୍ୟର ଖେଳାଳି ଭାଗ ନେଉଛନ୍ତି । କିନ୍ତୁ ଓଡିଶାରୁ ଯାଇଥିବା ୬ ଜଣିଆ ସିନିୟର ମହିଳା ଟିମରେ ୩ ଜଣ ଓଡିଆ ଥିବାବେଳେ ଆଉ ୩ ଜଣ ଖେଳାଳି ଅଣଓଡିଆ ଥିବା ଜଣାପଡିଛି । ଯାହାକୁ ନେଇ ଜିମ୍ନାଷ୍ଟିକ ଖେଳାଳି ଓ ଅଭିଭାବକ ଅସନ୍ତୋଷ ପ୍ରକାଶ କରିଛନ୍ତି ।

ରାଜ୍ୟର ଜିମ୍ନାଷ୍ଟିକ ଟିମ ପାଇଁ ଖେଳାଳି ଚୟନ ଦାୟିତ୍ୱ ରାଜ୍ୟ କ୍ରୀଡା ବିଭାଗର । ଯେହେତୁ ଟିମ ଓଡିଶାର ତେଣୁ ସମସ୍ତ ୬ ଖେଳାଳି ରାଜ୍ୟର ହେବା କଥା । କିନ୍ତୁ ଟ୍ରାଏଲ ବେଳେ ଓଡିଆ ଖେଳାଳିଙ୍କୁ ବାଦ୍ ଦିଆଯାଇ ଅଣଓଡିଆ ଖେଳାଳିଙ୍କୁ ଚୟନ କରାଯାଇଥିବା ଅଭିଯୋଗ ହେଇଛି । ୬ ଜଣ ଖେଳାଳିଙ୍କ ମଧ୍ୟରୁ ୩ ଜଣ ଓଡିଆ ହୋଇଥିବାବେଳେ ୨ ଜଣ ଉତ୍ତରପ୍ରଦେଶର ହୋଇଥିବାବେଳେ ଜଣେ ପଶ୍ଟିମବଙ୍ଗର । ଏହି ଅଣଓଡିଆ ଖେଳାଳି ହେଲେ ତନୁ ରାଜପୁତ, କରିସ୍ମା ରାଜପୁତ ଓ ଅଦିତା ମଣ୍ଡଳ । ଏମାନେ ଏନଓସି ଆଣି ଓଡିଶା ଦଳରେ ସାମିଲ ହୋଇଛନ୍ତି । ଆଉ ଟିମ ଚୟନ ତରବରିଆ ଭାବେ କରାଯାଇଥିବା ଅଭିଯୋଗ ହୋଇଛି । ତେବେ ଜିମ୍ନାଷ୍ଟିକ ଆସୋସିଏନ ସଫେଇ ଦେଇଛି, କାହାକୁ ଅବହେଳା କରାଯାଇନାହିଁ । ମାନଦଣ୍ଡ ଆଧାରରେ ଖେଳାଳି ଚୟନ ହୋଇଛି ।

ପୁରୀ, କଟକ ଓ କଳିଙ୍ଗ ଷ୍ଟାଡିୟମରେ ରାଜ୍ୟର ଜିମ୍ନାଷ୍ଟିକ ଖେଳାଳି ତାଲିମ ନେଉଛନ୍ତି । ଜାତୀୟ ମାନଦଣ୍ଡ ପୂରଣ କରୁଥିବା ଖେଳାଳି ବି ଅଛନ୍ତି । ହେଲେ ପ୍ରଶ୍ନ ଉଠୁଛି…

• କଳିଙ୍ଗ ଷ୍ଟାଡିୟମରେ ଜିମ୍ନାଷ୍ଟିକ କେନ୍ଦ୍ର ଥିଲେ ବି କାହିଁକି ଓଡିଆ ଖେଳାଳିଙ୍କୁ ଅବହେଳା କରାଯାଇଛି?
• ଓଡିଶା ଦଳରେ କାହିଁକି ଖେଳିବେ ଅଣଓଡିଆ ଖେଳାଳି?

The post ବାହାର ଖେଳାଳିଙ୍କୁ ହଁ, ଓଡିଆ ଖେଳାଳିଙ୍କୁ ନା । ଓଡିଶା କ୍ରୀଡା ବିଭାଗ ବିରୋଧରେ ସାଂଘାତିକ ଅଭିଯୋଗ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପୁଣି ବିବାଦରେ ଅଭିନେତା ରଣବୀର କପୁର । ସେଲିବ୍ରେସନ କରୁ କରୁ ଏବେ ବିବାଦ ଭିତରେ ଫସିଛନ୍ତି ବଲିଉଡ କଳାକାର । ବଡଦିନରେ ପରିବାର ସହ ରଣବୀର କାଟିଥିବା କେକ କଟିଂର ଭିଡିଓ ଭାଇରାଲ ହେବା ପରେ ଏବେ ତାଙ୍କ ପାଇଁ ସମସ୍ୟା ଆଣିଛି ।

କପୁର ପରିବାର ବଡଦିନ ପାର୍ଟିର ଆୟୋଜନ କରିଥିଲେ । ଏହି ସମୟରେ ରଣବୀର କ୍ୟାଣ୍ଡେଲ ଫୁଙ୍କି ଜୟମାତାଦୀ କହି କେକ କାଟିଥିଲେ । ସେପଟେ ରଣବୀରଙ୍କ ସର୍ମ୍ପକୀୟ ଦାଦା କୁନାଲ କପୁର କେକ ଉପରେ ମଦ ଢାଳୁଥିବା ଦେଖିବାକୁ ମିଳିଥିଲା । ହେଲେ କଳାକାର ଜାଣିନଥିଲେ ସେମାନଙ୍କ ଏଭଳି ସେଲିବ୍ରେସନ ସମସ୍ୟା ନେଇ ଆସିବ ।

ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ କିଛି ସୋସିଆଲ ମିଡିଆ ୟୁଜରର୍ସ ଆପତି ଉଠାଇଥିଲେ । ଅଭିଯୋଗ ବଢିବା ପରେ ଦୁଇଜଣ ଓକିଲ ମୁମ୍ବାଇ ଅନେ୍ଧରୀ ଥାନାରେ ପହଁଚି ରଣବୀରଙ୍କ ନାଁରେ ମାମଲା ରୁଜୁ କରିଥିବା ଜଣାପଡିଛି । ନିଜ ଏଫଆଇଆରରେ ଅଭିଯୋଗକାରୀ ଓକିଲ ଆଶିଷ ରାୟ ଓ ପଙ୍କଜ ମିଶ୍ର କହିଛନ୍ତି ହିନ୍ଦୁ ଧର୍ମ ଅନୁସାରେ ଦେବଦେବୀଙ୍କ ସମ୍ମୁଖରେ ଅଗ୍ନିଦେବଙ୍କ ଆବାହାନ କରାଯାଏ । କିନ୍ତୁ ରଣବୀର କପୁର ଓ ତାଙ୍କ ପରିବାର ସଦସ୍ୟ ଜାଣିଶୁଣି ହିନ୍ଦୁଧର୍ମରେ ନିଷିଦ୍ଧ ଥିବା ସାମଗ୍ରୀକୁ ବ୍ୟବହାର କରିଥିଲେ । ଅନ୍ୟ ଧର୍ମର ପର୍ବ ପାଳୁଥିବାବେଳ ‘ଜୟ ମାତା ଦୀ’ ଉଚ୍ଚାରଣ କରିଥିଲେ । ଏହା ସନାତନ ଧର୍ମ ବିରୋଧୀ ଅଟେ ଓ ଧାର୍ମିକ ମନୋଭାବକୁ ଆଘାତ ଦେଉଛି ।

ମିଳିଥିବା ସୂଚନା ଅନୁସାରେ ଧାରା ୨୯୫ ଏ. ୨୯୮,୫୦୦, ୩୪ ଅନୁଯାୟୀ ମାମଲା ରୁଜୁ କରାଯାଇଛି । ତେବେ କପୁର ପରିବାର ଓ ମୁମ୍ବାଇ ପୁଲିସ ପକ୍ଷଣୁ ଘଟଣା ବାବଦରେ ଏବେ ସୁଦ୍ଧା କୌଣସି ବୟାନ ଜାରି କରାଯାଇନି । ନିକଟରେ ମହାଦେବ ବେଟିଂ ଆପ ସ୍କାମରେ ଫସିଥିଲେ ରଣବୀର ଆଉ ଏବେ ନୂଆ ବିବା ଭିତରେ ଫସିଛନ୍ତି ।

The post ସେଲିବ୍ରେସନ ଆଣିଲା ସମସ୍ୟା । ଅଭିନେତା ରଣବୀର କପୁରଙ୍କ ନାଁରେ ଥାନାରେ ମାମଲା ରୁଜୁ କଲେ ମୁମ୍ବାଇର ଦୁଇ ଓକିଲ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପ୍ରଧାନମନ୍ତ୍ରୀ ମୋଦୀଙ୍କୁ ରୁଷ ରାଷ୍ଟ୍ରପତିଙ୍କ ଶୁଭେଚ୍ଛା । ଆଗାମୀ ସାଧାରଣ ନିର୍ବାଚନ ପାଇଁ ମୋଦୀଙ୍କୁ ଆଗୁଆ ଶୁଭେଚ୍ଛା ଜଣାଇଛନ୍ତି ଭ୍ଲାଦିମୀର ପୁଟିନ । ରୁଷ ରାଷ୍ଟ୍ରପତି କହିଛନ୍ତି ମୋଦୀଙ୍କ ସଫଳତା କାମନା କରୁଛି । ରାଜନୈତିକ ସମନ୍ୱୟ ଯାହାବି ହେଉନା କାହିଁକି ନୂଆଦିଲ୍ଲୀ ଓ ମସ୍କୋ ମଧ୍ୟରେ ପାରମ୍ପାରିକ ତଥା ବନ୍ଧୁତାପୂର୍ଣ୍ଣ ସର୍ମ୍ପକ ଉତମ ରହିଛି ଓ ରହିବ । ଏଥିସହ ମୋଦୀଙ୍କୁ ରୁଷିଆ ଆସିବା ପାଇଁ ନିମନ୍ତ୍ରଣ ମଧ୍ୟ ଦେଇଛନ୍ତି ପୁଟିନ । ସେ କହିଛନ୍ତି ବନ୍ଧୁ ମୋଦି ଆସିଲେ ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବାର ଅଛି । ପୁଟିନ୍ କହିଛନ୍ତି ଯେ, ଦୁଇ ଦେଶ ମଧ୍ୟରେ ସମ୍ପର୍କ ବେଶ୍ ମଜବୁତ ରହିଛି । ବିଭିନ୍ନ କ୍ଷେତ୍ରରେ ଉଭୟ ଦେଶର ସମ୍ପର୍କ ବଢ଼ିଚାଲିଛି । ବିଶେଷକରି ବାଣିଜ୍ୟ କ୍ଷେତ୍ରରେ ବଢ଼ିଚାଲିଛି । ବୈଦଶିକ ମନ୍ତ୍ରୀ ଜୟଶଙ୍କରଙ୍କ ମସ୍କୋ ଗସ୍ତ ବେଳେ ଏହି ଆମନ୍ତ୍ରଣ ମିଳିଛି ।

The post ଲୋକସଭା ନିର୍ବାଚନ ପାଇଁ ମୋଦୀଙ୍କୁ ପୁଟିନଙ୍କ ଆଗୁଆ ଶୁଭେଚ୍ଛା । ମସ୍କୋ ମିଟିଂରେ ମୋଦୀଙ୍କ ସଫଳ ରାଜନୈତିକ ଜୀବନ କାମନା କଲେ ରୁଷ ରାଷ୍ଟ୍ରପତି first appeared on Kanak News.

from Kanak News
via <a href="https://ifttt.com/?