କନକ ବ୍ୟୁରୋ : ବୈଠକ ପରେ ତୁଟିଲା ବିବାଦ । ଜେଡିୟୁ ଅର୍ନ୍ତକନ୍ଦଳରେ ଲାଗିଲା ବିରାମ । ଗୁରୁବାର ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଓ ଲଲନ ସିଂଙ୍କ ମଧ୍ୟରେ ବୈଠକ ବସିଥିବାବେଳେ ଉଭୟଙ୍କ ମଧ୍ୟରେ ଆପୋଷ ବୁଝାମଣା ହୋଇଥିବା ସୂଚନା ରହିଛି । ଆରଜେଡି ସହ ନୀତୀଶଙ୍କ ଘନିଷ୍ଠତାକୁ ନେଇ ଅସନ୍ତୋଷ ବ୍ୟକ୍ତ କରି ଲଲନ ସିଂଙ୍କ ଇସ୍ତଫା ଦେବେ ବୋଲି ଚର୍ଚ୍ଚା ବଢ଼ିଥିଲା । ଏପରିକି ନୀତୀଶ ଏନଡିଏକୁ ଫେରିବା ଖବର ମଧ୍ୟ ଜୋର ଧରିଥିଲା । ଏହା ଭିତରେ ନୀତୀଶ କୁମାର ଲଲନ ସିଂଙ୍କ ସହ ଆପୋଷ ବୁଝାମଣା କରିଛନ୍ତି । ସେପଟେ ଜେଡିୟୁର ଅର୍ନ୍ତ କନ୍ଦଳକୁ ନେଇ ବୟାନ ରଖିଛି ବିଜେପି । କେନ୍ଦ୍ରମନ୍ତ୍ରୀ ଗୀରୀରାଜ ସିଂ କହିଛନ୍ତି ଲାଲୁଙ୍କ ଚକ୍ରବିହ୍ୟୁରେ ଫସିଛନ୍ତି ନୀତୀଶ, ଆଗାମୀ ଦିନରେ ମୁଖ୍ୟମନ୍ତ୍ରୀ ହେବ ତେଜସ୍ୱୀ ।

The post ସିକ୍ରେଟ ମିଟିଂ ପରେ ଜେଡିୟୁ ଅର୍ନ୍ତକନ୍ଦଳରେ ଲାଗିଲା ବିରାମ । ବୈଠକରେ ନୀତୀଶ କୁମାର ଓ ଲଲନ ସିଂଙ୍କ ମଧ୍ୟରେ ଆପୋଷ ବୁଝାମଣା ସୂଚନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଗତ ୩ବର୍ଷ ହେବ ସମସ୍ତଙ୍କୁ ଯେଉଁ ଭୟ ଘାରିଛି ସେହି ଭୟ ପୁଣି ମନକୁ ଆନ୍ଦୋଳିତ କଲାଣି । କାରଣ ଦେଶରେ କରୋନା ସଂକ୍ରମଣ ଦ୍ରୁତି ଗତିରେ ମାଡି ଚାଲିଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ସୂଚନା ଅନୁସାରେ ଦେଶରୁ ୨୪ଘଂଟାରେ ୬୯୨ ସଂକ୍ରମିତ ଚିହ୍ନଟ ହେବା ସହ ୬ଜଣଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରୁ ଜଣେ, ଦିଲ୍ଲୀର ଜଣେ, କେରଳ ଓ ପଶ୍ଚିମବଙ୍ଗରୁ ୨ଜଣ ଲେଖାଏଁ ସଂକ୍ରମିତଙ୍କ ମୃତ୍ୟୁ ସୁଚନା ରହିଛି । ଓମିକ୍ରନର ସବଭ୍ୟାରିଆଂଟ ଜେଏନ ଡଟ ୱ।।ନ ଯୋଗୁଁ ସଂକ୍ରମଣ ବଢ଼ୁଥିବା ସୂଚନା ରହିଛି । ସବୁଠୁ ଅଧିକ ସଂକ୍ରମିତ ଗୋଆରୁ ଚିହ୍ନଟ ହେଉଥିବାବେଳେ ମହାରାଷ୍ଟ୍ର, କର୍ଣ୍ଣାଟକ, କେରଳ, ତାମିଲନାଡୁ ଓ ତେଲେଙ୍ଗାନାରେ ମଧ୍ୟ ମାମଲା ବଢ଼ିଚାଲିଛି ।

କରୋନାରେ ସଂକ୍ରମିତ ହେବା ପରେ ଆଖି ବୁଜିଛନ୍ତି ତାମିଲନାଡୁର ଆଂଚଳିକ ଦଳ ଡିଏମଡିକେ ମୁଖ୍ୟ ତଥା ଅଭିନେତା ବିଜୟକାନ୍ତ । ତାମିଲ ଫିଲ୍ମ ଦୁନିଆ ତଥା ରାଜନୀତିର ଜଣେ ଜଣାଶୁଣା ଓ ଲୋକପ୍ରିୟ ଚେହେରା ଥିଲେ ବିଜୟକାନ୍ତ । ସ୍ୱାସ୍ଥ୍ୟ ସମସ୍ୟା ଦେଖାଯିବା ପରେ ବିଜୟକାନ୍ତଙ୍କୁ ମଙ୍ଗଳବାର ଡାକ୍ତରଖାନରେ ଭର୍ତି କରାଯାଇଥିଲା । ପରେ ସ୍ୱାସ୍ଥ୍ୟବସ୍ଥା ବିଗିଡିବା ପରେ ତାଙ୍କୁ ଲାଇଫ ସପୋର୍ଟ ସିଷ୍ଟମରେ ରଖାଯାଇଥିଲା । ତାଙ୍କ ମୃତ୍ୟୁରେ ଶୋକପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ସୋସିଆଲ ମିଡିଆ ଏକ୍ସରେ ଫଟୋ ସହ ଶୋକବାର୍ତା ପୋଷ୍ଟ କରିଛନ୍ତି ପ୍ରଧାନମନନ୍ତ୍ରୀ ।

ଡିସେମ୍ବର ୮ ତାରିଖରେ କେରଳରୁ ଜେଏନ ଡଟ ୱାନରେ ଆକ୍ରାନ୍ତ ପ୍ରଥମ ରୋଗୀ ଚିହ୍ନଟ ହୋଇଥିଲେ । ପ୍ରଥମ ମୃତ୍ୟୁ ମଧ୍ୟ କେରଳରୁ ହୋଇଥିଲା । ୧୫ଦିନ ପୂର୍ବରୁ ଦୈନିକ ସଂକ୍ରମିତଙ୍କ ସଂଖ୍ୟା ହାତଗଣତି ରହିଥିବାବେଳେ ଏବେ ୭ଶହ ଛୁଇଁଲାଣି ।

The post ଚିନ୍ତା ବଢ଼ାଉଛି କରୋନା ସଂକ୍ରମଣ । ଦିନକରେ ୬୯୨ ସଂକ୍ରମିତ ଚିହ୍ନଟ, ୨୪ଘଂଟାରେ ଗଲା ୬ଜଣଙ୍କ ଜୀବନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅପରାଧୀ ଗୋଡରେ ପୋଲିସର ଗୁଳି । ରାତି ୩ଟାରେ କମିଶନରେଟ ପୋଲିସର ଏନକାଉଣ୍ଟର । ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛି ଅପରାଧୀ ରଘୁ ବିଶ୍ୱାଳ । ଅନ୍ୟ ଜଣେ ଫେରାର ରହିଛି । ଡକାୟତି ଓ ରାହାଜାନୀ ଭଳି ୧୦ଟି ମାମଲା ରହିଛି ରଘୁ ନାଁରେ ।

• ରାଜଧାନୀରେ ଏନକାଉଣ୍ଟର
• ଦୁର୍ଦ୍ଦାନ୍ତ ଅପରାଧୀ ରଘୁ ଗୋଡରେ ଗୁଳି

ନୂଆବର୍ଷ ପୂର୍ବରୁ ରାଜଧାନୀରେ ଫୁଟିଛି ଗୁଳି । କୁଖ୍ୟାତ ଅପରାଧୀ ରଘୁ ବିଶ୍ୱାଳକୁ ଏନକାଉଣ୍ଟର କରିଛି କମିଶନରେଟ୍ ପୁଲିସ । ଗୁରୁତର ଅବସ୍ଥାରେ ରଘୁକୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ରାଜଧାନୀର ବିଭିନ୍ନ ଥାନାରେ ରଘୁ ନାଁରେ ମାଳ ମାଳ ମାମଲା ରହିଛି ।

• ସମୟ-ପ୍ରାୟ ଭୋଟ ୩ଟା
• ସ୍ଥାନ-ବାଲିଯାତ୍ରା ପଡିଆ, ଭୁବନେଶ୍ୱର

ବିଭିନ୍ନ ମାମଲାରେ ରଘୁ ବିଶ୍ୱାଳ କମିଶନରେଟ ପୁଲିସର ସ୍କାନରରେ ଥିଲା । ଗୁରବାର ଭୋର ପ୍ରାୟ ୩ଟାବେଳେ ଭୁବନେଶ୍ୱର ବାଲିଯାତ୍ରା ପଡିଆ ପାଖରେ ରଘୁ ଓ ତାର ଜଣେ ସହଯୋଗୀ ସନ୍ଦେହଜନକ ଭାବେ ବୁଲୁଥିବା ଖବର ମିଳିଥିଲା । ଆଉ ଖବର ପାଇ ଘଟଣା ସ୍ଥଳରେ ପହଞ୍ଚିଥିଲା ମଞ୍ଚେଶ୍ୱର ଥାନା ପୋଲିସ । ପୋଲିସକୁ ଦେଖି ଅଭିଯୁକ୍ତ ରଘୁ ବିଶ୍ୱାଳ ଓ ତାର ସହଯୋଗୀ ପୁନିଆ ଫେରାର ହେବାକୁ ଚେଷ୍ଟା କରୁଥିବା ବେଳେ ପୁଲିସ ଗୁଳିରେ ଆହତ ହେଇଛି ରଘୁ । ତାର ବାମଗୋଡରେ ଗୁଳି ବାଜିଛି । ସହଯୋଗୀ ପୁନିଆ ନାୟକ ଫେରାର ହୋଇଯାଇଛି ।

• ରଘୁ ନାଁରେ ଥାନାରେ ଏକାଧିକ ମାମଲା
• ସହଯୋଗୀଙ୍କୁ ଧରିବାକୁ ଚାରିଆଡେ ରେଡ୍

କିଛି ଦିନ ପୂର୍ବରୁ ଭୁବନେଶ୍ୱରର ଏକ ଅଞ୍ଚଳରେ ଚେନ୍ ଝାମ୍ପିବା ଘଟଣାରେ ଜଣେ ମହିଳା ଗୁରୁତର ଭାବରେ ଆହାତ ହେଇଥିଲେ । ସେହି ଦିନଠାରୁ ପୁଲିସ ସ୍କାନରରେ ଥିଲା ରଘୁ । ରଘୁ ଭୁବନେଶ୍ୱରର ଜଣେ କୁଖ୍ୟାତ ଅପରାଧୀ ଥିଲା । ଦୀର୍ଘଦିନ ଧରି ପୁଲିସ ରଘୁକୁ ଖୋଜୁଥିଲା ।

• ରଘୁ ନାଁରେ ଏକାଧିକ ଡକାୟତି ଓ ରାହାଜନି ମାମଲା
• ରଘୁ ନାଁରେ ଆର୍ମ୍ସ ଆକ୍ଟରେ ଲାଗିଛିି ସଙ୍ଗୀନ ଦଫା
• ଅପରାଧୀ ନାଁରେ ୮ଟି ବନ୍ଧୁକଜନିତ ମାମଲା
• ରଘୁ ନିକଟରୁ ୭.୫ ଏମଏମ ବନ୍ଧୁକ ଜବତ

ରଘୁ କେଉଁ ଗ୍ୟାଙ୍ଗର ଥିଲା ନା ନିଜେ ଗ୍ୟାଙ୍ଗ ଚଳାଉଥିଲା ତାରା ତନାଘନା କରୁଛି ପୁଲିସ । ସହଯୋଗୀକୁ ଧରିବ ପାଇଁ ମଞ୍ଚେଶ୍ୱର ଥାନା ପୁଲିସ ଓ ସ୍ପେଶାଲ ସ୍କାର୍ଡ ଚଢାଉକୁ ଜୋରଦାର କରିଛି ।

ତେବେ ଆଗକୁ ନୂଆବର୍ଷ । ଏଥିପାଇଁ ପୁଲିସ ସ୍କାନରରେ ଅପରାଧୀ । ସମସ୍ତ ଥାନାରେ ରହିଛି ଭୁବନେଶ୍ୱର ଓ ଭୁବନେଶ୍ୱର ବାହାରର ଅପରାଧୀଙ୍କ ତଥ୍ୟ । ତେଣୁ ଯେଉଁମାନେ ଅପରାଧ ଘଟାଇବା ପାଇଁ ଉଦ୍ୟମ କରୁଛନ୍ତି ସେମାନଙ୍କୁ ସୁଧୁରିଯିବା ପାଇଁ ଚେତାବନୀ ଦେଇଛି କମିଶନରେଟ ପୁଲିସ ।

The post ଦୁର୍ଦ୍ଦାନ୍ତ ଅପରାଧୀ ରଘୁ ବିଶ୍ୱାଳ ଗୋଡରେ ବାଜିଲା ଗୁଳି, ଗୁରୁତର ଅବସ୍ଥାରେ ଏସସିବିରେ ଭର୍ତ୍ତି । ରଘୁ ନାଁରେ ରହିଛି ଅନେକ ଡକାୟତି ଓ ରାହାଜାନି ମାମଲା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କତାରରେ ଭାରତର ୮ ପୂର୍ବତନ ନୌସେନା ଅଧିକାରୀଙ୍କୁ ଫାଶୀ ଦଣ୍ଡାଦେଶ ମିଳିବ ନାହିଁ । କତାରର କୋର୍ଟ ମୃତ୍ୟୁଦଣ୍ଡା ଦେଶ ଦେଇଥିଲା । ଏବେ ଏହା ଉପରେ ରୋକ୍ ଲଗାଯାଇଛି । ଯାହା ଭାରତର କୂଟନୀତିକୁ ବଡ ସଫଳତା । ଭାରତ କତାର କୋର୍ଟର ରାୟକୁ ଚ୍ୟାଲେଞ୍ଜ କରିଥିଲା । ଏବେ ଦଣ୍ଡ କୋହଳ ହେବା ପରେ ଭାରତୀୟ ବୈଦେଶିକ ମନ୍ତ୍ରଣାଳୟ ଏବଂ ନୌସେନା ଅଧିକାରୀଙ୍କ ପରିବାର ପାଇଁ ଏକ ବଡ଼ ସଫଳତା । ଅକ୍ଟୋବର ମାସରେ କୋର୍ଟ ଫାଶୀଦଣ୍ଡାଦେଶ ଦେଇଥିଲେ । ଅଭିଯୋଗ ରହିଥିଲା ଭାରତୀୟ ଅଧିକାରୀ ଗୁଇନ୍ଦାଗିରି କରୁଥିଲେ ।

The post କୂଟନୀତିରେ ଭାରତକୁ ବଡ ସଫଳତା । କତାରରେ ଭାରତର ୮ ପୂର୍ବତନ ନୌସେନା ଅଧିକାରୀଙ୍କ ଫାଶୀ ଦଣ୍ଡାଦେଶ ଉପରେ ଲାଗିଲା ରୋକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଜାନୁୟାରୀ ୧୭ରେ ପରିକ୍ରମା ପ୍ରକଳ୍ପର ଉଦଘାଟନ ହେବ । ଏହାପୂର୍ବରୁ ପ୍ରତ୍ୟେକ ଗାଁରେ ଜଗନ୍ନାଥ ରଥ ବୁଲି ଚାଉଳ ଓ ଗୁଆ ସଂଗ୍ରହ କରାଯିବ । ଏଥିପାଇଁ ଜାନୁୟାରୀ ୫ ତାରିଖରୁ ୧୫ ତାରିଖ ପର୍ଯ୍ୟନ୍ତ ଦିନ ଧାର୍ଯ୍ୟ ହୋଇଛି । ସଂଗୃହିତ ଚାଉଳ ଓ ଗୁଆକୁ ୧୭ ତାରିଖ ପୂର୍ବରୁ ପୁରୀକୁ ପଠାଯିବ । ଏପରିକି ଗାଁ ଗାଁରୁ ଲୋକଙ୍କୁ ନେଇ ପରିକ୍ରମା ପ୍ରକଳ୍ପ ବୁଲାଇ ଦେଖାଇବାର ବ୍ୟବସ୍ଥା କରୁଛନ୍ତି ସରକାର ।

• ଗାଁ ଗାଁରେ ବୁଲିବ ଜଗନ୍ନାଥ ରଥ
• ପ୍ରତି ଗାଁରୁ ସଂଗ୍ରହ ହେବ ଚାଉଳ, ଗୁଆ
• ଜାନୁୟାରୀ ୫ରୁ ୧୫ ଯାଏଁ ବୁଲିବ ରଥ

ଜାନୁୟାରୀ ୧୭, ପରିକ୍ରମା ପ୍ରକଳ୍ପର ଲୋକାର୍ପଣ ଉତ୍ସବକୁ ଆଡମ୍ବର ଓ ସ୍ମରଣୀୟ କରିବା ପାଇଁ ବ୍ୟାପକ ପ୍ରସ୍ତୁତି ଚାଲିଛି । ଏଥିପାଇଁ ସାରା ଦେଶର ବିଭିନ୍ନ ପ୍ରସିଦ୍ଧ ମନ୍ଦିରକୁ ନିମନ୍ତ୍ରଣ ପତ୍ର ଦିଆଯାଉଛି । ଗତ ୨୬ ତାରିଖରେ ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରିବା ଅବସରରେ ମୁଖ୍ୟ ସେବାୟତଙ୍କ ପକ୍ଷରୁ ଜଗନ୍ନାଥଙ୍କ ଉଦେଶ୍ୟରେ ଓଡିଶାର ସାଧାରଣ ଲୋକଙ୍କୁ ଗୁଆ ଚାଉଳ ଦେବା ପାଇଁ ଅନୁରୋଧ କରାଯାଇଥିଲା । ଯାହାକୁ କାର୍ଯ୍ୟକାରୀ କରିବା ପାଇଁ ଆରମ୍ଭ ହୋଇଛି ବଡ ପ୍ରସ୍ତୁତି । ସୂଚନା ଅନୁସାରେ ମନ୍ଦିର ଟ୍ରଷ୍ଟ ପକ୍ଷରୁ ସାଧାରଣ ଲୋକଙ୍କ ପାଖରୁ ଚାଉଳ ଓ ଗୁଆ ସଂଗ୍ରହ କରି ଶ୍ରୀମନ୍ଦିରକୁ ପଠାଯିବ ।

• ସାରା ଓଡିଶାରେ ବୁଲିବ ଜଗନ୍ନାଥ ରଥ
• ପ୍ରତ୍ୟେକ ଗାଁରେ ଜଗନ୍ନାଥ ରଥ ବୁଲି ଚାଉଳ ଓ ଗୁଆ ସଂଗ୍ରହ କରିବ
• ଏଥିପାଇଁ ଜାନୁୟାରୀ ୫ ତାରିଖରୁ ୧୫ ତାରିଖ ପର୍ଯ୍ୟନ୍ତ ଦିନ ଧାର୍ଯ୍ୟ ହୋଇଛି
• ସଂଗୃହିତ ଚାଉଳ ଓ ଗୁଆକୁ ୧୭ ତାରିଖ ପୂର୍ବରୁ ପୁରୀକୁ ପଠାଯିବ

ପ୍ରତ୍ୟେକ ଗାଁରେ ଜଗନ୍ନାଥ ରଥ ବୁଲିବା ନେଇ ବିରୋଧୀ ରାଜନୀତିର ଗନ୍ଧ ବାରିଥିବା ବେଳେ, ବିଜେଡି କହିଛି ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ଓ ସୁରକ୍ଷାକୁ ସବୁବେଳେ ଗୁରୁତ୍ୱ ଦେଇ ଆସିଛନ୍ତି ରାଜ୍ୟ ସରକାର ।

ତେବେ ପରିକ୍ରମା ପ୍ରକଳ୍ପର ପ୍ରତ୍ୟକ୍ଷ ଅନୁଭୂ୍ତି ନେବା ପାଇଁ ସାରା ଓଡିଶାର ପ୍ରତ୍ୟେକ ଅଞ୍ଚଳର ଲୋକଙ୍କୁ ସାମିଲ କରାଯିବ । ୧୭ ତାରିଖ ଲୋକାର୍ପଣ ପରେ ପ୍ରତ୍ୟେକ ନିର୍ବାଚନ ମଣ୍ଡଳୀରୁ ଦୈନିକ ୧ ହଜାର ଲୋକଙ୍କୁ ସ୍ୱତନ୍ତ୍ର ବ୍ୟବସ୍ଥାରେ ପୁରୀ ଅଣାଯିବ । ପ୍ରତିଦିନ ୧୦ ହଜାର ଭକ୍ତ ମହାପ୍ରଭୁଙ୍କୁ ଦର୍ଶନ କରିବା ସହ ପୁରୀ ପରିକ୍ରମା ପ୍ରକଳ୍ପ ବୁଲି ଦେଖିବେ । ପରେ ସେମାନଙ୍କୁ ପରିକ୍ରମା ପୁସ୍ତୁକ ପ୍ରଦାନ କରିବାର ବ୍ୟବସ୍ଥା ରହିବ ।

The post ଜାନୁୟାରୀ ୫ରୁ ୧୫ ଗାଁ ଗାଁରେ ବୁଲିବ ଜଗନ୍ନାଥ ରଥ । ପୁରୀକୁ ପଠାଯିବ ଗାଁରୁ ସଂଗ୍ରହ ହୋଇଥିବା ଚାଉଳ ଓ ଗୁଆ । ବିରୋଧୀ ବାରିଲେ ରାଜନୀତିର ଗନ୍ଧ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆକ୍ରମଣାତ୍ମକ ମୁଦ୍ରାରେ ୫-ଟି ଅଧ୍ୟକ୍ଷ ଭି.କେ ପାଣ୍ଡିଆନ୍ । ଆଜି ସେ ସିଧାସଳଖ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଟାର୍ଗେଟ କରିଛନ୍ତି । କେନ୍ଦ୍ରମନ୍ତ୍ରୀଙ୍କ ଅଞ୍ଚଳ ଅନୁଗୁଳରେ କାହିଁକି ବିକାଶ ହୋଇନି, ବୋଲି ପାଣ୍ଡିଆନ୍ ପ୍ରଶ୍ନ କରିଛନ୍ତି । କେନ୍ଦ୍ରରେ ଶିକ୍ଷାମନ୍ତ୍ରୀ ଏବଂ ଦକ୍ଷତା ବିକାଶ ଭଳି ମନ୍ତ୍ରଣାଳୟ ଦାୟିତ୍ୱରେ ରହିଛନ୍ତି ଧର୍ମେନ୍ଦ୍ର ପ୍ରଧାନ । ହେଲେ କାହିଁକି ଅନୁଗୁଳର ବିକାଶ ହୋଇପାରିନି ବୋଲି ସଭା ମଞ୍ଚରୁ ପ୍ରଶ୍ନ କରିଛନ୍ତି ପାଣ୍ଡିଆନ୍ । ଆଉ ବିଜେପି ମଧ୍ୟ ଏହାର ଜବାବ ରଖି ବିଜୁ ଜନତା ଦଳର ଅହଙ୍କାର ବଢିଯାଇଥିବା କହିଛି ।

• ଆକ୍ରମଣାତ୍ମକ ମୁଦ୍ରାରେ ପାଣ୍ଡିଆନ
• କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସିଧା ଟାର୍ଗେଟ
• ବଦଳୁଛି କି ରାଜ୍ୟ ରାଜନୀତି ପାଣିପାଗ?

ବିଜେଡି-ବିଜେପି ମଧ୍ୟରେ ବନ୍ଧୁତ୍ୱପୂର୍ଣ୍ଣ ଲଢ଼େଇ ଚାଲିଥିବା ନେଇ କଂଗ୍ରେସ ବାରମ୍ବାର ଅଭିଯୋଗ କରୁଥିବା ବେଳେ ହଠାତ୍ ରାଜନୈତିକ ପାରଦକୁ ଉପରକୁ ଉଠାଇ ଦେଇଛନ୍ତି କାର୍ତ୍ତିକ ପାଣ୍ଡିଆନ୍ । ଅନୁଗୁଳ ଗସ୍ତ ଅବସରରେ ଧର୍ମେନ୍ଦ୍ର ପ୍ରଧାନଙ୍କୁ ପ୍ରଶ୍ନବାଣରେ ଛନ୍ଦି ଦେଇଛନ୍ତି ୫-ଟି ଅଧ୍ୟକ୍ଷ । ଆଉ ସାଧାରଣ ସଭାରେ ସେ ପ୍ରଶ୍ନ କରିଛନ୍ତି…

ପାଣ୍ଡିଆନଙ୍କ ପ୍ରଶ୍ନ

• ୧୦ ବର୍ଷ ଭିତରେ ଅନୁଗୁଳ ପାଇଁ କ’ଣ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ?
• କାହିଁକି ପ୍ରତିଷ୍ଠା କରିନାହାନ୍ତି କେନ୍ଦ୍ରୀୟ ବିଦ୍ୟାଳୟ?
• ମନ୍ତ୍ରୀ ଥିବା ସତ୍ତେ୍ୱ କାହିଁକି ଖୋଲିନାହାନ୍ତି ଦକ୍ଷତା ବିକାଶ କେନ୍ଦ୍ର?
• କାହିଁକି ଅବହେଳିତ ହୋଇ ରହିଛି ୫୫ ନମ୍ବର ଜାତୀୟ ରାଜପଥ?

କେନ୍ଦ୍ରରେ ପ୍ରଭାବଶାଳୀ ମନ୍ତ୍ରୀ ହୋଇଥିଲେ ବି ନିଜ ଅଞ୍ଚଳ ପାଇଁ ତାଙ୍କର ଅବଦାନ କ’ଣ ବୋଲି ପାଣ୍ଡିଆନ୍ ପ୍ରଶ୍ନ କରିବା ପରେ ଚଳଚଞ୍ଚଳ ହୋଇ ଉଠିଛି ରାଜ୍ୟ ରାଜନୀତି । ଏପଟେ ବିଜେପି ରାଜ୍ୟ ସଭାପତି ମନମୋହଲ ସାମଲ କହିଛନ୍ତି, ଦୀର୍ଘ ବର୍ଷ ଧରି ସରକାରରେ ରହିଥିବାରୁ ବିଜେଡିର ଅହଙ୍କାର ବଢ଼ିଯାଇଛି । ଏହି ଅହଙ୍କାର ଆସନ୍ତା ୨-୩ ମାସ ମଧ୍ୟରେ ଭାଙ୍ଗିଯିବ ।

ତେବେ ବୁଧବାର ଦିନ ଧାମନଗରରେ କଡ଼ା ସମାଲୋଚନା କରିବା ପରେ ଗୁରୁବାର ଦିନ ଅନୁଗୁଳ ଗଡ଼ସନ୍ତୀରେ ବର୍ଷିଛନ୍ତି ପାଣ୍ଡିଆନ୍ । ଭଦ୍ରକ ଗସ୍ତରେ ଯାଇ ପାଣ୍ଡିଆନ କହିଥିଲେ, ଧାମନଗର ବିଜୟ ପରେ ବିଜେପି ନେତାଙ୍କ ଦେଖାଦର୍ଶନ ନାହିଁ । ଯାହାର ପ୍ରତିକ୍ରିୟା ରଖିଛନ୍ତି ଧାମନଗର ବିଧାୟକ ସୂରଜ ସୂର୍ଯ୍ୟବଂଶୀ । ଏପରି ଅଭିଯୋଗକୁ ହାସ୍ୟାସ୍ପଦ ବୋଲି କହିଛନ୍ତି । ଏପଟେ ବିରୋଧୀଙ୍କୁ ସାଇବେରିଆନ୍ ପକ୍ଷୀ କହି କଟାକ୍ଷ କରିଛନ୍ତି ବିଜେଡି ବିଧାୟକ ଅମର ଶତପଥୀ । ୨୦୨୪ ନିର୍ବାଚନ ପୂର୍ବରୁ କେନ୍ଦ୍ରମନ୍ତ୍ରୀଙ୍କୁ ପାଣ୍ଡିଆନଙ୍କ ସମାଲୋଚନା ଓ ବିଜେଡି-ବିଜେପି ନେତାଙ୍କ ମଧ୍ୟରେ କଥା କଟାକଟି ରାଜନୈତିକ ପରିବେଶକୁ ଉଷୁମ କରିଦେଇଛି ।

The post ଧର୍ମେନ୍ଦ୍ର ପ୍ରଧାନଙ୍କୁ ସିଧା ଟାର୍ଗେଟ କଲେ ପାଣ୍ଡିଆନ୍ । ପଚାରିଲେ, ୧୦ ବର୍ଷ ଭିତରେ ନିଜ ଅଞ୍ଚଳ ପାଇଁ କ’ଣ କରିଛନ୍ତି କେନ୍ଦ୍ରମନ୍ତ୍ରୀ? ବିଜେଡି-ବିଜେଡି ମଧ୍ୟରେ କଥା କଟାକଟି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପୂର୍ବତନ ଭାରତୀୟ କ୍ରିକେଟ ଖେଳାଳୀ ଅମ୍ବାତି ରାଇଡୁ ଆନ୍ଧ୍ରପ୍ରଦେଶ ରାଜନୀତିରେ ପ୍ରବେଶ କରିଛନ୍ତି । ୩୭ ବର୍ଷିୟ ଏହି ପୂର୍ବତନ ଖେଳାଳୀ ଜଗନ ମୋହନ ରେଡ୍ଡୀଙ୍କ ୱାଇଏସଆର କଂଗ୍ରେସରେ ଯୋଗ ଦେଇଛନ୍ତି । କ୍ରିକେଟରୁ ଅବସର ନେବା ପରେ ସେ ଆଜି ରାଜନୀତିରେ ଯୋଗ ଦେଇଛନ୍ତି ।

ୱାଇଏସଆର କଂଗ୍ରେସ ମୁଖ୍ୟ ତଥା ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ଉପସ୍ଥିତିରେ ସେ ଦଳରେ ଯୋଗ ଦେଇଛନ୍ତି । ଦଳ ଆଗାମୀ ଲୋକସଭା ନିର୍ବାଚନ ପାଇଁ ପ୍ରସ୍ତୁତ ହେଉଥିବା ବେଳେ ଅମ୍ବାତିଙ୍କ ଯୋଗଦାନ ଦଳକୁ ଲାଭ ଦେବ ବୋଲି ଆଶା କରାଯାଉଛି । ଏହାସହ ଆଗାମୀ ଲୋକସଭା ନିର୍ବାଚନରେ ଦଳ ତାଙ୍କୁ ପ୍ରାର୍ଥୀ କରିବ ବୋଲି ଚର୍ଚ୍ଚା ମଧ୍ୟ ହେଉଛି ।

ସୂଚନା ଥାଉକି ରାଇଡୁ ଶେଷଥର ପାଇଁ ଚଳିତ ବର୍ଷ ଆଇପିଏଲରେ ମେ ୨୯ ତାରିଖରେ ଚେନ୍ନାଇ ସୁପର କିଙ୍ଗସ ତରଫରୁ ଖେଳିଥିଲେ । ଏହାସହ ସେ ରାଜନୀତିରେ ପ୍ରବେଶ କରିବା ପୂର୍ବରୁ ନିଜ ଜନ୍ମଭୂମୀ ଗୁଣ୍ଟୁର ଜିଲ୍ଲାର ପ୍ରତିଟି ସ୍ଥାନ ଗସ୍ତ କରିବା ସହ ଲୋକଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ ।

ରାଇଡୁ ଭାରତୀୟ ଟିମ୍ ପାଇଁ ୫୫ଟି ଏକଦିବସୀୟ ମ୍ୟାଚ ଖେଳି ୧୬୯୪ ରନ କରିଛନ୍ତି । ଏକଦିବସୀୟରେ ରାଇଡୁ ୩ଟି ଶତକ ଓ ୧୦ଟି ଅର୍ଦ୍ଧଶତକ ମଧ୍ୟ କରିଛନ୍ତି ।

The post କ୍ରିକେଟରୁ ଅବସର ନେବା ପରେ ରାଜନୀତିରେ ଯୋଗଦେଲେ ଅମ୍ବାତି ରାଇଡୁ । ଜଗନ ମୋହନ ରେଡ୍ଡୀଙ୍କ ୱାଇଏସଆର କଂଗ୍ରେସରେ ଯୋଗଦେଲେ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୁଖ୍ୟାତ ଅପରାଧୀ କାଳୁ ଭୋଳକୁ ପୁରୀ ପୁଲିସ୍‌ ଏନ୍‌କାଉଣ୍ଟର କରିଛି। ଗୁଳିମାଡ଼ରେ କାଳି ଆହତ ହୋଇଛି। ତାକୁ ଜିଲ୍ଲା ମୁଖ୍ୟାଳୟ ଡାକ୍ତରଖାନାରେ ଭର୍ତ୍ତି କରାଯାଇଛି। ପୁଲିସ କହିଛି ଯେ, ଆଜି ସତ୍ୟବାଦୀ ଥାନା ଅଧୀନ ସୁଆଣ୍ଡୋ ଗ୍ରାମ ନିକଟ ସାଗର ସ୍ନାନ ମେଳଣ ପଡ଼ିଆ ନିକଟରେ କୁଖ୍ୟାତ ଅପରାଧୀ ତଥା ପୁରୀ ସଦର ଥାନା ଅନ୍ତର୍ଗତ ବାଟଗାଁର ଦ୍ବିଜ ଭୋଳଙ୍କ ପୁଅ କାଳୁ ଭୋଳ ବୁଲୁଥିବା ନେଇ ବିଶ୍ବସ୍ତ ସୂତ୍ରରୁ ସୂଚନା ମିଳିଥିଲା। ସତ୍ୟବାଦୀ ପୁଲିସ ଥାନା ଆଇଆଇସି ବିଜୟ କେତନ ବେହେରାଙ୍କୁ ଏହି ସୂଚନା ମିଳିବା ପରେ ପୁଲିସ ଟିମ୍‌ ଘଟଣାସ୍ଥଳରେ ଆଜି ଅପରାହ୍‌ଣ ୪ଟା ୪୦ରେ ଅତର୍କିତ ଚଢ଼ଉ କରିଥିଲା। ପୁଲିସ ସେଠାରେ ଦେଖିବାକୁ ପାଇଥିଲା ଯେ, କାଳୁ ଭୋଳ ସାଗର ସ୍ନାନ ମେଳଣ ପଡ଼ିଆରେ ବୁଲୁଛି।

କାଳୁ ଭୋଳକୁ ଯେତେବେଳେ ପୁଲିସ ଗୋଡ଼ାଇଥିଲା, କୁଖ୍ୟାତ ଅପରାଧୀ ଏକ ରାଉଣ୍ଡ ଗୁଳି ଚଳାଇଥିଲା। କିନ୍ତୁ କାଳୁର ଏହି ଗୁଳି ପୁଲିସ ଟିମ୍‌ର ନିକଟ ଦେଇ ଅତିକ୍ରମ କରିଥିଲା। ଜୀବନ ସୁରକ୍ଷା ନୀତିରେ କାଳୁର ‌ବାମଗୋଡ଼କୁ ଲକ୍ଷ୍ୟ କରି ଆଇଆଇସି ବିଜୟ କେତନ ବେହେରା ଗୋଟିଏ ରାଉଣ୍ଡ ଗୁଳି କରିଥିଲେ। ଏହି ଗୁଳି କାଳୁ ଭୋଳର ଡାହାଣଗୋଡ଼ରେ ବାଜି ଥିଲା। ଫଳରେ ସେ ଆହତ ହୋଇଥିଲା। ଆହତକୁ ପୁଲିସ ଉଦ୍ଧାର କରି ପୁରୀ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛି। ପୁଲିସ ଘଟଣାସ୍ଥଳରୁ ୭.୬୫ ଏମ୍‌ଏମ୍‌ ପିସ୍ତଲ ଓ ଜୀବନ୍ତ ଗୁଳି ଜବତ କରିଛି। ପୁଲିସ କହିଛି କାଳୁ ଭୋଳ ନାମରେ ପୁରୀ ଜିଲ୍ଲାର ସଦର ଥାନା, ଚନ୍ଦନପୁର ଥାନା, ସତ୍ୟବାଦୀ ଓ ବାସେଳିସାହି ଥାନାରେ ମୋଟା ୧୮ଟି ମାମଲା ରୁଜୁ ହୋଇଛି।

The post ପୁରୀରେ ପୋଲିସର ଏନକାଉଣ୍ଟର: ଦୁର୍ଦ୍ଦାନ୍ତ ଅପରାଧୀ କାଳୁ ଭୋଳ ଆହତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଦିନେ ଅନାଥ ହୋଇ ରାସ୍ତା କଡ଼ରେ ପଡି କୁଆଁକୁଆଁ କରି କାନ୍ଦୁଥିବା ଶିଶୁ କନ୍ୟା ଆଜି ଆମେରିକାର ନାଗରିକ । ଚିକାଗୋର ବ୍ୟବସାୟୀଙ୍କ ଅଲିଅଳି ଝିଅ । ନୂଆ ଠିକଣା ପାଇବା ପରେ ବି ପୋଶ୍ୟ ସନ୍ତାନ ଗୃହକୁ ଭୁଲି ପାରିନାହିଁ । ସେଇଥି ପାଇଁ ତ ସେ ଆମେରିକାରୁ ଧାଇଁ ଆସିଛି । ଆଉ ୭ ବର୍ଷ ବ୍ୟବଧାନ ପରେ କାବ୍ୟାକୁ ଦେଖି ଭାବ ବିହ୍ୱଳ ହୋଇଛନ୍ତି କୋରାପୁଟ ଦଶମନ୍ତପୁର ବ୍ଲକ ସଦର ମହକୁମା ସ୍ଥିତ ପୋଷ୍ୟ ସନ୍ତାନ କେନ୍ଦ୍ରର ଅନ୍ତେବାସୀ ଓ କର୍ମଚାରୀ ।

୨୦୧୬ ମସିହାରେ କାବ୍ୟାକୁ ମାଲକାନଗିରି ଜିଲ୍ଲାରୁ ଉଦ୍ଧାର କରାଯାଇଥିଲା । ସେତେବେଳେ ସେ ମାତ୍ର ୧୩ ମାସର ଥିଲା । ଶିଶୁ ଯତ୍ନ କେନ୍ଦ୍ରରେ ରଖି ପ୍ରାୟ ଏକ ବର୍ଷ ରହିବା ପରେ କାବ୍ୟାକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ ଆମେରିକାରେ ରହୁଥିବା ଭାରତୀୟ ଦମ୍ପତି । ତାଙ୍କର ଦୁଇଟି ପୁଅ ଅଛନ୍ତି । ଝିଅଟିଏ ପାଇଁ ଇଛୁକ ଥିବା ଏହି ଦମ୍ପତି ଅନଲାଇନ୍ ଆବେଦନ କରି ୭ ବର୍ଷ ତଳୁ କାବ୍ୟାକୁ କୋଳେଇ ନେଇଛନ୍ତି ।

କାବ୍ୟା ଆମେରିକାରୁ ସାଙ୍ଗ ସାଥିଙ୍କ ପାଇଁ ବିଭିନ୍ନ ପ୍ରକାର ଖେଳ ସାମଗ୍ରୀ ଓ ପାଠ୍ୟ ପୁସ୍ତକ ଆଣିଛି । ଆଗକୁ ମଧ୍ୟ ଝିଅକୁ ଆଣି କୋରାପୁଟ ବୁଲି ଆସିବେ ବୋଲି କାବ୍ୟାର ବାପା-ମାଆ କହିଛନ୍ତି ।

The post ପୁରୁଣା ଠିକଣାକୁ ଫେରିଛି କୁନି ଝିଅ । ଆମେରିକାରୁ କୋରାପୁଟ ଆସିଛି କାବ୍ୟା, ଦଶମନ୍ତପୁର ପୋଷ୍ୟ ସନ୍ତାନ କେନ୍ଦ୍ରକୁ ଆଣିଛନ୍ତି ପାଳିତା ପିତା-ମାତା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଭାରତର ସାଉଥ ଆଫ୍ରିକା ଗସ୍ତରେ ଟିମ୍ ଇଣ୍ଡିଆକୁ କଂଟ୍ରୋଲ କରିବେ ମାଲକାନଗିରି ଜିଲ୍ଲାର କ୍ରିକେଟର ସତବୀର ସିଂ ରାଏର ଓରଫ ପପ୍ପୁ ସିଂ । ଚଳିତ ସାଉଥ ଆଫ୍ରିକା ଟେଷ୍ଟ ସିରିଜ ଲାଗି ମ୍ୟାନେଜର ଭାବେ ନିୟୋଜିତ ହୋଇଛନ୍ତି । ଏନେଇ ବିଧିବଦ୍ଧ ଭାବେ ସୂଚନା ରଖିଛି ଓସିଏ । ଆଉ ବିସିସିଆଇର ଅନୁମୋଦମ ପରେ ସାଉଥ ଆଫ୍ରିକା ପାଇଁ ମୁମ୍ବାଇ ଠାରୁ ଯାତ୍ରା କରିଛନ୍ତି ସତବୀର ।

୧୯୯୬ ଠାରୁ ସତବୀର କ୍ରିକେଟକୁ ନିଶା ଭାବେ ଗ୍ରହଣ କରିଥିବା ସହ ଦିର୍ଘ ବର୍ଷ ଧରି ଓସିଏ ସଦସ୍ୟ ରହିଛନ୍ତି । ଅଣ୍ଡର ସିକ୍ସଟିନ୍, ଅଣ୍ଡର ନାଇଟିନ୍ ଓ ରଜଣୀ ଟ୍ରଫିରେ ଓଡିଶା ଦଳର ଟିମ୍ ମ୍ୟାନେଜର ଦାୟିତ୍ୱ ତୁଲାଇ ସାରିଛନ୍ତି । ସେଇ ଅନୁଭୁତିକୁ ଆଧାର କରି ତାଙ୍କୁ ଭାରତୀୟ କ୍ରିକେଟ୍ ଟିମ ମ୍ୟାନେଜର ଦାୟିତ୍ୱ ମିଳିଥିବା ଓସିଏ ପକ୍ଷରୁ କୁହାଯାଇଛି ।

୨୦୦୧ରୁ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଫାର୍ମାସୀ ଅଫିସର ଭାବେ କାର୍ଯ୍ୟରତ ପପ୍ପୁ ସିଂ ଅଧିକାଂଶ ସମୟ ରାତିରେ ଡ୍ୟୁଟି କରି ଦିନରେ କ୍ରିକେଟ ପାଇଁ ସମୟ ଦେଇଥାନ୍ତି । ମାଲକାନଗିରି ଜିଲ୍ଲାରେ ଅନକେ ଖେଳାଳି ତିଆରି କରିଛନ୍ତି ।

ପୂର୍ବରୁ ମାଲାକନଗିରି ଜିଲ୍ଲା ଏକ ଭିନ୍ନ ପରିଚୟ ବହନ କରୁଥିଲା । ହେଲେ ଏବେ ସତବୀର ସିଂଙ୍କ ଭଳି ପ୍ରତିଭାଙ୍କ ପାଇଁ ମାଲକାନଗିରି ସହ ସାରା ଓଡିଶାର ପରିଚୟ ବଦଳି ଯାଇଛି ।

The post ଓଡିଶା ପାଇଁ ଗୌରବ ମାଲକାନଗିରିର ସତବୀର ସିଂ । ରଂଜୀବ ବିଶ୍ୱାଳଙ୍କ ପରେ ଦ୍ୱିତୀୟ ଓଡିଆ ଭାବେ ବିସିସିଆଇରେ ସାମିଲ first appeared on Kanak News.

from Kanak News
via <a href="https://ifttt.com/?