କନକ ବ୍ୟୁରୋ: ନିର୍ବାଚନ ଆସିଲେ ଚିଲିକା ଟାପୁରେ ଥିବା ଲୋକଙ୍କ କଥା ମନେପଡେ । ଚିଲିକାର ନୀଳ ଜଳରାଶି ପାରି ହୋଇ ଲୋକଙ୍କ ପାଖକୁ ଧାଇଁ ଆସନ୍ତି ନେତା । ଆଉ ସବୁ ଥର ଚିଲିକାରେ ସେତୁ  କରିଦେବୁ କହି ନିର୍ବାଚନ ବୈତରଣୀ ପାର ହୁଅନ୍ତି । ଭୋଟ ଗଣତି ସରିଲେ, ଭୋଟରଙ୍କୁ ଦେଇଥିବା ପ୍ରତିଶ୍ରୁତି ବି ସରିଯାଏ । ପୋଲ ଯାଏ ପାଣିକୁ, ଲୋକ ପାଣି ପାରି ହୁଅନ୍ତି ଡଙ୍ଗା ଓ ଭସା ପୋଲରେ । ବିନା ନିରାପତ୍ତାରେ, ବିନା ଲାଇଫ ଜାକେଟରେ, ଚିଲିକା ବାହିଯାଏ ଯାତ୍ରୀବାହି ଡଙ୍ଗା ।

• ପାଖେଇ ଆସୁଛି ବିଧାନସଭା ନିର୍ବାଚନ
• କିଏ କରିବ ଚିଲିକା ଉପରେ ସେତୁ?
• ଭୋଟର କେତେ ଶୁଣିବେ ନେତାଙ୍କ ପ୍ରତିଶୃତି?
• ଏଥର ଚିଲିକାରେ ସେତୁ ଖୋଲି ଦେବ ନେତାଙ୍କ ଭାଗ୍ୟ!

ପର୍ଯ୍ୟଟନ ସ୍ଥଳି ଭାବେ ରାଜ୍ୟରେ ସର୍ବାଧିକ ରାଜସ୍ୱ ଦେଉଥିବା ଚିଲିକାରେ ଗମନାଗମନକୁ ସହଜ କରିବା ଦିଗରେ ପ୍ରଶାସନ ନଜର ଦେଉନଥିବା ଅଭିଯୋଗ ହୋଇଛି । ଚିଲିକା ଟାପୁକୁ ସ୍ଥାୟୀ ପୋଲଟିଏ ଦାବିରେ ୨୦୨୧ରେ ମିଳି ବାନ୍ଧିଥିଲେ କୃଷ୍ଣପ୍ରସାଦବାସୀ । ଖାଲି ସେତିକି ନୁହେଁ, କମଳେଶ୍ୱର ମନ୍ଦିର ପରିସରରେ ଖୋଲା ମଞ୍ଚରେ ବ୍ରହ୍ମଗିରି ବିଧାୟକ ଲଳିତେନ୍ଦୁବିଦ୍ୟାଧର ମହାପାତ୍ର ଏବଂ ପୂର୍ବତନ ବିଧାୟକ ସଂଜୟ ଦାସବର୍ମାଙ୍କୁ ନେଇ ବୈଠକ କରିଥିଲେ । ହେଲେ ତା’ବି କାମ ଦେଲାନାହିଁ ।

ଏବେ ଆଉ ପ୍ରତିଶ୍ରୁତି ଶୁଣିବାର ନାହିଁ । ୨୦୨୪ରେ ନେତାଙ୍କ କଥାରେ ଭଳିକି ନୁହେଁ, ନିଜ ପସନ୍ଦର ନେତାଙ୍କୁ ବାଛିବାକୁ ମନସ୍ଥ କରିଛନ୍ତି ଟାପୁ ବାସିନ୍ଦା । ତେଣୁ ସାତପଡା–ଜହ୍ନିକୁଦା-ଚିଲିକାରେ ସ୍ଥାୟୀ ସେତୁ ପ୍ରସଙ୍ଗ ଆସନ୍ତା ସାଧାରଣ ନିର୍ବାଚନରେ ତିନି ପ୍ରମୁଖ ଦଳ ବିଜେପି-ବିଜେଡି ଓ କଂଗ୍ରେସ ଉପରେ ବଡ ପ୍ରଭାବ ପକାଇପାରେ । ସେପଟେ ବିଜେପି ରାଷ୍ଟ୍ରୀୟ ପ୍ରବୋକ୍ତା ସମ୍ବିତ୍ ପାତ୍ର କହିଛନ୍ତି, ଖୁବ୍ଶୀଘ୍ର ଚିଲିକାରେ ନିର୍ମାଣ ହେବ ସ୍ଥାୟୀ ପୋଲ । ତେବେ ଲୋକମାନେ ଜୀବନକୁ ବାଜି ଲଗାଇ ପ୍ରତିଦିନ ୫ କିଲୋମିଟର ଜଳଯାତ୍ରା କରୁଛନ୍ତି । ଚିଲିକା ଉପରେ ସ୍ଥାୟୀ ସେତୁ ହେଲେ କୃଷ୍ଣପ୍ରସାଦ ବ୍ଲକ ତଥା ଚିଲିକାଟାପୁରେ ଥିବା ୧୪ଟି ପଞ୍ଚାୟତର ୮୦ ହଜାର ଲୋକ ଉପକୃତ ହେବେ ।

The post ୨୦୨୪ରେ ଚିଲିକାରେ ନେତାଙ୍କ ଭାଗ୍ୟ ନିର୍ଦ୍ଧାରଣ କରିବ ପୋଲ । କୃଷ୍ଣପ୍ରସାଦବାସୀଙ୍କ ଚେତାବନୀ, ଭୋଟ୍ ପୂର୍ବରୁ ପୋଲ ନଦେଖିଲେ ବାଛିବେନି ନେତା  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୭ କୋଟିର ରାସ୍ତାରେ ଉଡୁଛି ଧୂଳି । ଝାରସୁଗୁଡ଼ା ସହରର ଓଏମପିରୁ ମାଲିମୁଣ୍ଡା ଷ୍ଟାଡିୟମ ଦେଇ ନୂତନ ରାସ୍ତା ନିର୍ମାଣ କରାଯାଇଥିଲା । କିଛି ମାସ ପୂର୍ବରୁ ପୂର୍ତ୍ତ ବିଭାଗ ପକ୍ଷରୁ ରାସ୍ତା ନିର୍ମାଣ କରାଯାଇଥିଲା । ରାସ୍ତା କେମିତି ତିଆରି ହୋଇଥିଲା କେଜାଣି, ଯେଉଁ ଦିନ ଭାରିଯାନ ଚଳାଚଳ ଆରମ୍ଭ ହେଲା ସେହି ଦିନରୁ ଅବସ୍ଥା ଶୋଚନୀୟ ହୋଇପଡ଼ିଛି । ଏବେ ରାସ୍ତାରେ ଗାଡ଼ି ଯିବା ତ ଦୂରର କଥା, ସ୍ଥାନୀୟ ଲୋକ ରହିବା ଅସମ୍ଭବ ହୋଇ ପଡିଥିବା ଅଭିଯୋଗ ହୋଇଛି ।

ତେବେ ୪ ମାସ ତଳୁ ଏହି ରାସ୍ତାରେ ଭାରି ଯାନ ଚଳାଚଳ ଆରମ୍ଭ ହୋଇଛି । ଏବେ ରାସ୍ତାର ଅବସ୍ଥା ଅତି ଶୋଚନୀୟ । ରାସ୍ତାରେ ଗଲେ ଧୂଳି ନାକେଦମ୍ କରୁଛି । ରାସ୍ତାରେ ପିଚୁ ଟିକିଏ ଦେଖିବାକୁ ମିଳୁନାହିଁ । ଯୁଆଡେ ଦେଖିଲେ କେବଳ ଧୂଳି ହିଁ ଧୂଳି ।

• ମିଳିମିଶି ଖାଇଗଲେ ୭ କୋଟି!
• ନାକେଦମ୍ କରୁଛି ନିମ୍ନମାନର ନିର୍ମାଣ

ଗତ ଜୁଲାଇ ମାସରେ ଝାରସୁଗୁଡା ନୂତନ ବସଷ୍ଟାଣ୍ଡ ଉଦଘାଟନ୍ ହୋଇଥିଲା । ସହରର ଓଏମପିରୁ ବସଷ୍ଟାଣ୍ଡକୁ ଯିବା ପାଇଁ ନୂଆ ରାସ୍ତା ତିଆରି କରାଯାଇଥିଲା । ୨ କିଲୋମିଟର ରାସ୍ତାରେ ୭ କୋଟି ଟଙ୍କା ଖର୍ଚ୍ଚ ହୋଇଛି । ଏହି ରାସ୍ତାକୁ ଦେଖି ସ୍ଥାନୀୟ ଲୋକ, ପ୍ରଶ୍ନ କରିଛନ୍ତି, ଟଙ୍କା ରାସ୍ତାରେ ଖର୍ଚ୍ଚ ହୋଇଛି ନା ଚଳୁ ହୋଇଯାଇଛି ? ରାସ୍ତାରେ ଉଡୁଥିବା ଧୂଳି ଯୋଗୁଁ ଯାତ୍ରୀ ନାକେଦମ୍ ହେଉଥିବା ବେଳେ ନିକଟସ୍ଥ ଗାଁରେ ରହି ହେଉନଥିବା ଅଭିଯୋଗ ହୋଇଛି । ସେପଟେ ଏ ସଂପର୍କରେ ପ୍ରତିକ୍ରିୟା ରଖିବା ମନା କରିଦେଇଛନ୍ତି ପୂର୍ତ୍ତ ବିଭାଗର ଅଧିକାରୀ । ତେବେ ୭ କୋଟିର ୨ କିଲୋମିଟର ରାସ୍ତା ମାତ୍ର ୩ ମାସରେ ନଷ୍ଟ ହୋଇଯିବା ପରେ ଉଚ୍ଚସ୍ତରୀୟ ତଦନ୍ତ ଦାବି ହୋଇଛି ।

The post ମାତ୍ର ୩ ମାସରେ ମାଟି ହୋଇଗଲା ୭ କୋଟିର ରାସ୍ତା । ଧୂଳିଭର୍ତ୍ତି ରାସ୍ତାକୁ ନେଇ ଅସନ୍ତୁଷ୍ଟ ସ୍ଥାନୀୟ ବାସିନ୍ଦା ଓ ବାଟୋଇ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଏକ ହୃଦୟସ୍ପର୍ଶୀ ପଦକ୍ଷେପରେ, ଜେଏସଡବ୍ଲୁ ଫାଉଣ୍ଡେସନ, ସିଏସଆର ବିଭାଗ JSW BPSL 20 ଡିସେମ୍ବରରେ ସମ୍ବଲପୁରର ଦିନାମଣି ବ୍ରହ୍ମଶ୍ରମ, ଦୁର୍ଗାପାଲିରେ ଅଭାବୀ ବରିଷ୍ଠ ନାଗରିକଙ୍କୁ କମ୍ବଳ ଯୋଗାଇ “ୱାର୍ମଥ ଡ୍ରାଇଭ ସେୟାର” ଆୟୋଜନ କରିଥିଲା। ପଶ୍ଚିମ ଓଡିଶା, JSW BPSLରେ ଚାଲିଥିବା ପ୍ରବଳ ଥଣ୍ଡା ତରଙ୍ଗ ପରିସ୍ଥିତିକୁ ଦୃଷ୍ଟିରେ ରଖ୍ CSR ବିଭାଗ ସମ୍ପ୍ରଦାୟର ଜରୁରୀ ଆବଶ୍ୟକତାକୁ ସମାଧାନ କରିବା ପାଇଁ ପଦକ୍ଷେପ ନେଇଛି ଏବଂ ସମ୍ପ୍ରଦାୟର କଲ୍ୟାଣରେ ସକ୍ରିୟ ଭାବରେ ସହଯୋଗ କରିଛି । ଏହି କାର୍ୟ୍ୟକ୍ରମରେ ପ୍ରଥମ ଲେଡି ଶ୍ରୀମତୀ ନୀଲମ ସିଂ ଏବଂ ଆକଙ୍କଶା ଲେଡିଜ୍‌ କ୍ଲବର ସଭାପତି ଜେଏସଡବ୍ଲ ବିପିଏସଏଲର କ୍ଲବ ସଦସ୍ୟଙ୍କ ସମ୍ମାନଜନକ ଉପସ୍ଥିତି ଅନୁଷ୍ଠିତ ହୋଇଥିଲା। JSW BPSLର CSRର ମୁଖ୍ୟ ଶ୍ରୀ ବିଶାଲ ରାଜ ଏବଂ ସଂସଦର ପୂର୍ବତନ ସଦସ୍ୟ ଶ୍ରୀମତୀ ପ୍ରମିଲା ବୋହିଦାର ସକ୍ରିୟ ଭାବରେ ବଣ୍ଟନ ପ୍ରୋଗ୍ରାମରେ ଯୋଗଦାନ କରି ଗ୍ରହୀତାଙ୍କ ମୁହଁରେ ଉଷ୍ମତା ଏବଂ ହସ ଆଣିଥିଲେ । ସମ୍ପ୍ରଦାୟ ଏବଂ କରୁଣାର ଏକ ଦୃଢ ଭାବନା ଦ୍ବାରା ଚିହ୍ନିତ, ଇଭେଣ୍ଟ କର୍ପୋରେଟ୍ ସାମାଜିକ ଦାୟିତ୍ୱବୋଧ ଆତ୍ମାକୁ ଉଦାହରଣ ଦେଇଥଲା । “ୱାର୍ଲଥ୍ ଡ୍ରାଇଭ୍ ଅଂଶୀଦାର” ବୃଦ୍ଧାବସ୍ଥାରେ ଥିସବା ସମସ୍ତ ଅନ୍ତେବାସୀଙ୍କୁ କମ୍ବଳ ବଣ୍ଟନ କରିବାର ସାକ୍ଷୀ ରହିଲା । ଏହି ପଦକ୍ଷେପର ସଫଳତା ସେବା ସମ୍ପ୍ରଦାୟ ପାଇଁ ଏକ ଉଜ୍ଜ୍ଵଳ ତଥା ଅଧିକ ଅନ୍ତର୍ଭୁକ୍ତ ଭବିଷ୍ୟତ ସୃଷ୍ଟି କରିବା ପାଇଁ କମ୍ପାନୀର ନିରନ୍ତର ପ୍ରତିବଦ୍ଧତାକୁ ପ୍ରତିଫଳିତ କରିଥାଏ, ସମ୍ବଲପୁରର ସ୍ଥାନୀୟ ଦିନିକିଆ ବୁଦ୍ଧିଜୀବୀ ତଥା ଅନ୍ତେବାସୀଙ୍କ ଦ୍ବାରା ବହୁ ପ୍ରଶଂସା ଲାଭ କରିଥିଲା ।

 

 

 

The post JSW ଫାଉଣ୍ଡେସନର ହୃଦୟସ୍ପର୍ଶୀ ପଦକ୍ଷେପ: ଦୁର୍ଗାପାଲି ସମ୍ବଲପୁରର ଦିନାମଣି ବ୍ରହ୍ମଶ୍ରମ ଠାରେ ‘ଉଷ୍ମ ବସ୍ତ୍ର ବଣ୍ଟନ’ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବିଜେଡି ସହ ବିଜେପିର ମେଣ୍ଟ ପ୍ରସଙ୍ଗରେ ମୁହଁ ଖୋଲିଛନ୍ତି ବରିଷ୍ଠ ବିଜେପି ନେତା କନକ ବର୍ଦ୍ଧନ ସିଂହଦେଓ । ଆଜି ପାଟଣାଗଡରେ ଆୟୋଜିତ ସ୍ୱର୍ଗତ ଅଟଳ ବିହାରୀ ବାଜପୈୟୀଙ୍କ ଜନ୍ମ ଜୟନ୍ତୀ ପାଳନ ଉତ୍ସବରେ ଯୋଗଦେଇ କନକ ବର୍ଦ୍ଧନ କହିଛନ୍ତି, ବିଜେଡି ସହ ମେଣ୍ଟ କରିବାର ପ୍ରଶ୍ନ ଉଠୁନାହିଁ । ପିଠିରେ ଛୁରାମାଡ କରୁଥିବା ସରକାର ସହ ଆମ ବିଜେପି କେବେ ବି ମେଣ୍ଟ କରିବ ନାହିଁ ବୋଲି କହିଛନ୍ତି କନକ ବର୍ଦ୍ଧନ ସିଂହ ଦେଓ । ଅନ୍ୟପଟେ ଏଥର ନିର୍ବାଚନରେ ବିଜେପି ସରକାର ଗଢିବ ବୋଲି ଦୃଢୋକ୍ତି ପ୍ରକାଶ କରିଛନ୍ତି ବରିଷ୍ଠ ବିଜେପି ନେତା ।

ଏପଟେ ଓଡ଼ିଶାରେ ୫୧ ପ୍ରତିଶତ ଭୋଟ୍ ଟାର୍ଗେଟ ଉପରେ ଫୋକସ୍ କରିବାକୁ ବିଜେପିର ରାଷ୍ଟ୍ରୀୟ ପଦାଧିକାରୀ ବୈଠକରେ ନିଷ୍ପତି ହୋଇଛି । ବିଳମ୍ବିତ ରାତି ପର୍ଯ୍ୟନ୍ତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଅମିତ ଶାହା ବୈଠକ କରିଥିଲେ । ବୈଠକରେ ହୋଇଥିବା ନିଷ୍ପତି ସମ୍ପର୍କରେ ସୂଚନା ଦେଇ ରାଜ୍ୟ ବିଜେପି ସଭାପତି ମନମୋହନ ସାମଲ କହିଛନ୍ତି, ୨୦୧୯ ଅପେକ୍ଷା ୨୦୨୪ରେ ରେକର୍ଡ ବିଜୟ ପାଇଁ ରଣନୀତି ହୋଇଛି । ଲୋକସଭା ଓ ବିଧାନସଭା ପାଇଁ ଭିନ୍ନ ଭିନ୍ନ ରଣନୀତି ହେବ ସେ ନେଇ ଆଲୋଚନା ହୋଇଛି । ୫୧ପ୍ରତିଶତ ଭୋଟ୍ ପାଇବା ଲକ୍ଷ୍ୟ ରଖାଯାଇଛି । ଏହାସହ ଓଡ଼ିଶାକୁ ଅଧିକ ଗୁରୁତ୍ୱ ଦିଆଯିବ ଏବଂ ଖୁବଶୀଘ୍ର କେନ୍ଦ୍ରୀୟ ନେତୃତ୍ୱ ରାଜ୍ୟକୁ ଆସିବା ନେଇ ସୂଚନା ଦେଇଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ ।

The post କନକ ବର୍ଦ୍ଧନ ସିଂହ ଦେଓଙ୍କ ବଡ ବୟାନ । କହିଲେ, ବିଜେଡି-ବିଜେପି ଭିତରେ ହେବନି କୌଣସି ବି ମେଣ୍ଟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପବିତ୍ର ଖ୍ରୀଷ୍ଟମାସ ଉପଲକ୍ଷେ ରେଡିଓ ଚକଲେଟ ପକ୍ଷରୁ ‘ମିଠା ମିଠା ଖ୍ରୀଷ୍ଟମାସ’ର ସପ୍ତମ ସଂସ୍କରଣ ପାଳିତ ହୋଇଯାଇଛି । ରସୁଲଗଡ ସ୍ଥିତ ଏସପ୍ଲାନେଡ ମଲରେ ଆୟୋଜିତ କାର୍ଯ୍ୟକ୍ରମରେ ମଲକୁ ଆସିଥିବା ଗ୍ରାହକମାନେ ଭରପୂର ମନୋରଞ୍ଜନ କରିଥିଲେ । କଣ୍ଠଶିଳ୍ପୀ ଜେମ୍ସ, ରୋଜାଲିନ୍, ନେହା ନିହାରିକା ଓଲିଉଡ ଓ ବଲିଉଡ ଆଲବମ ଓ ଚଳଚ୍ଚିତ୍ର ସଙ୍ଗୀତର ମୁର୍ଛନା ମନ ମୋହିଥିଲା । ମଞ୍ଚ ଉପରେ କଣ୍ଠଶିଳ୍ପୀଙ୍କ ମନଛୁଆଁ ସଙ୍ଗୀତର ତାଳେ ତାଳେ ଦର୍ଶକଙ୍କ ପାଦ ବି ଅଥୟ ହୋଇଥିଲା । ସେହିପରି ଅଭିନେତ୍ରୀ ଭୂମିକା ଓ ଅଭିନେତା ଶ୍ରେୟାଂଶ ଯୋଗଦେଇ ନିଜର ନୂଆ ଚଳଚ୍ଚିତ୍ର ଅପରେସନର ପ୍ରମୋସନ କରିଥିଲେ । ସେହିପରି ଆଇଏନ ଆଇଏଫଡି ଭୁବନେଶ୍ୱର ପକ୍ଷରୁ କୁନି କୁନି ପିଲାମାନଙ୍କ ଦ୍ୱାରା ଫେସନ ସୋ ପରିବେଷଣ କରାଯାଇଥିଲା । ରେଡିଓ ଚକଲେଟର ‘ମିଠା ମିଠା ଖ୍ରୀଷ୍ଟମାସ’ ମଞ୍ଚରେ ଏଭଳି ଭରପୂର ମନୋରଞ୍ଜନ କାର୍ଯ୍ୟକ୍ରମରେ ଉପସ୍ଥିତ ଦର୍ଶକ ବିଭୋର ହୋଇଥିଲେ । କାର୍ଯ୍ୟକ୍ରମକୁ ଉପସ୍ଥାପନା କରିଥିଲେ ଆରଜେ ଅନିଲ୍ ।

The post ରେଡିଓ ଚକଲେଟ ପକ୍ଷରୁ ‘ମିଠା ମିଠା ଖ୍ରୀଷ୍ଟମାସ’ର ସପ୍ତମ ସଂସ୍କରଣ ପାଳିତ । କୁନି ପିଲାମାନଙ୍କର ହେଲା ଫ୍ୟାସନ୍ ସୋ’ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଟା ପାପୁଲିର ରହସ୍ୟ ଖୋଲିଲା ଖୋର୍ଦ୍ଧା ପୋଲିସ । ଆଜି ସକାଳେ ଜଙ୍କିଆ ଥାନା ମାନପୁର ଗାଁ ନିକଟରୁ କଟା ପାପୁଲି ମିଳିବା ଘଟଣା ଚାଞ୍ଚଲ୍ୟ ଖେଳାଇ ଦେଇଥିଲା । ଆଖପାଖରେ ହତ୍ୟାକାଣ୍ଡ ଘଟିଛି କି ଦୁର୍ଘଟଣାରେ ହାତ ଛିଣ୍ଡିଛି ତାକୁ ନେଇ ପୋଲିସ ତଦନ୍ତ ଚଳାଇଥିଲା । ପୋଲିସ ତଦନ୍ତରୁ ଜଣାପଡିଛି, ଏହା ଏକ ମାନସିକ ବିକାରଗ୍ରସ୍ତ ବ୍ୟକ୍ତିର କଟା ହାତ । ତାପଙ୍ଗ ରେଳ ଷ୍ଟେସନ ନିକଟ କଞ୍ଚିଲେ ଲେବଲ କ୍ରସିଂ ନିକଟରେ ବୁଲୁଥିବା ମାନସିକ ବିକାରଗ୍ରସ୍ତ ଯୁବକଙ୍କ ହାତ ଟ୍ରେନ ଧକ୍କାରେ କଟିଯାଇଥିଲା । କୁକୁର ସେ କଟା ପାପୁଲିକୁ ଆଣି ମାନପୁରର ଏକ ବିଲରେ ପକାଇଥିଲା । ବିଲରେ ପାପୁଲିକୁ ଏକ କୁକୁର ଝୁଣି ଖାଉଥିବା ଦେଖି ପୁଲିସକୁ ସୂଚନା ଦେଇଥିଲେ ସ୍ଥାନୀୟ ଲୋକେ । ପୁଲିସ ଘଟଣାସ୍ଥଳରେ ପହଞ୍ଚି ପାପୁଲିକୁ ଜବତ କରି ତଦନ୍ତ ଆରମ୍ଭ କରିିଥିଲା । ଜଙ୍କିଆ ପୋଲିସ ପରେ ରେଳ ବିଭାଗ ପୋଲିସ ସହ ଯୋଗାଯୋଗ ପରେ ପୁରା ଘଟଣା ସାମ୍ନାକୁ ଆସିଛି ।

The post କଟା ପାପୁଲିର ରହସ୍ୟ ଖୋଲିଲା ଖୋର୍ଦ୍ଧା ପୋଲିସ । ଟ୍ରେନ୍ ଧକ୍କାରେ କଟିଯାଇଥିଲା ଜଣେ ମାନସିକ ବିକାରଗ୍ରସ୍ତ ଯୁବକଙ୍କ ହାତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଧନରେ ଭୋକ ଲାଗୁଥିଲା ବୋଲି ତୋ ବାଡ଼ିରୁ କୋବି ତୋଳିଆଣିଲି…
ତୁମ ଦୁଇ ଭାଇ ଝଗଡ଼ାରେ ମୋତେ ପର କରିଦେଇଛ…
ଖାଇବାକୁ ଦେଉନ, ପିନ୍ଧିବାକୁ ଦେଉନ କି ନାଇବାକୁ ଦେଉନ…
କି ପାପ କଲିରେ ଧନ ଖାଲି ତୋ ବାଡ଼ିରୁ ଭୋକ ବିକଳରେ କୋବି ଦୁଇଟା ଆଣିଥିଲି ବୋଲି!
ସ୍ନେହର ପଣତକୁ ଭୁଲି ସିମେଣ୍ଟଭରା ଖୁଣ୍ଟରେ ହାତ ଗୋଡ଼ ବାନ୍ଧି ଆଖିବୁଜା ପିଟିଚାଲିଲୁ…
ମୁଁ ତୋ ମା’ ନା ଭୋକମାରିବାକୁ ପାଲଟିଥିବା ଗୋଟେ ଚୋର ତୁ ଭାବିଲୁ?
ପିଲାଦିନେ ଠିକ୍ ଏମିତି ତୁ କେତେ ଅଳି ଅର୍ଦ୍ଦଳି କରୁଥିଲୁ ଭୋକ ପାଇଁ କାହା ବାଡ଼ି କାହା ଗଛରୁ ଫୁଲ ଫଳ ଚୋରାଇ ଆଣୁଥିଲୁ? ମୁଁ କ’ଣ ତୋତେ ଏମିତି ପଶୁ ଭଳି ପିଟିଥିଲି କି, ଲହୁଲୁହାଣ କରିଥିଲି କି?
ବୁଢ଼ୀ ମା’ଟିକୁ ବାଡେଇବା ଆଗରୁ ଥରେ ଭାବିଲୁନି ଯେ ଆଉ କେତେଦିନ ବଞ୍ଚିବି ଯେ?
ଦୁଇ ପୁଅକୁ ଜନ୍ମ କରି ଏ ବୟସରେ ବି ମୁଁ ବେସାହାରା, ବାର୍ଦ୍ଧକ୍ୟ ଓ ବିଚିତ୍ର ବିଧାତାର ଦୋଛକିରେ ମୁଁ ଖାଲି ଶାନ୍ତିର ନିଦ ଖୋଜୁଛିରେ ଧନ…

ମଲାପରେ ତୁମେ ଦୁଇ ଭାଇ ମୋ ମୁହଁରେ ଚିତା ଦେବ ବୋଲି ଭାବିଥିଲି…
କିନ୍ତୁ କେଇଟା କୋବି ପାଇଁ ମୋ କୋଳ ବି ତୋ କାଳରୂପୀ ରୂପକୁ ଦେଖି କଳଙ୍କିତ ହୋଇଗଲାରେ…
ଏନ୍ତୁଡ଼ିଶାଳରୁ ଏ ଦୁନିଆ ଦେଖାଇଥିବା ହାତକୁ ବାନ୍ଧି ବାଡେଇ ବାଡେଇ ଆଜି ରକ୍ତଭିଜା ରସିରେ ଜୁଡୁବୁଡୁ କରିଦେଲୁ…
ବଳ ପାଉନି କହିବାକୁ, ହଁ ମୁଁ ବି ତୋତେ ପିଲାଦିନେ ବାଡେଇଥିଲି ଫରକ ଖାଲି ଏତିକି ସେତେବେଳେ ତୁ ନଖାଇ, ନପିଇ ଅଝଟ କରୁଥିଲୁ ଆଉ ଆଜି ମୁଁ ଖାଇବାକୁ ନପାଇ ତୋ ବାଡ଼ିରୁ କୋବି ଗୋଟେ ତୋଳି ଆଣିଲି…
ଭାବିଥିଲି ଲହୁଲୁହାଣ କରି ତୋ ରାଗଶାନ୍ତ ପରେ ମୋତେ ସେ ମଲମବୋଳା ଶବ୍ଦ ମା’ ବୋଲି ଡାକିବୁ ହେଲେ ହତଭାଗିନୀ ମୁଁ ହସ୍ପିଟାଲ ବେଡରେ ପଡ଼ିଛି…
ତୁ ମୋତେ ଦୁନିଆ ଆଗରେ ଦାଣ୍ଡ ମଝିରେ ପିଟିଲୁ ମନଦୁଃଖ ନାହିଁ ହଁ ଆଉ କେଇଟା ଦିନ ବି ବଞ୍ଚିବ ଯେ…
ଦୁଇ ଭାଇ ଭିନେ ହୋଇଗଲାପରେ ବି ମୁଁ ଜରାଶ୍ରମ ଗଲିନି ତୁମ ମାନଙ୍କ ମୁହଁ ଦେଖି ଶାନ୍ତିରେ ମରିବି ବୋଲି ହେଲେ ଆଜି ଜୀବନ ମରଣ ସହ ଲଢ଼େଇ କରୁଛି…

ତୁମେ ମାନେ ଭଲରେ ରୁହ ବାସ୍ ମୁଁ ହସ୍ପିଟାଲରୁ ଫେରିଲେ ମୋତେ ଆଉ ଏମିତି କଲବଲ କରି ମାରିବନିରେ… ଖାଇବାରେ ବିଷ ଦେଇଦେବ ପଛେ ଏମିତି ଛଟପଟ କରି ଲୁହା ରଡ଼ରେ ପିଟିବନିରେ ଧନ…

ହସ୍ପିଟାଲ ବେଡରେ ପଡ଼ିଥିବା ସେ କେନ୍ଦୁଝର ମା’ର କାହାଣୀ ଆଜି ସମସ୍ତଙ୍କୁ କନ୍ଦାଇଦେଉଛି । ନିଜକୁ ପୁଅ ବୋଲି କହୁଥିବା ସେ କୁଳାଙ୍ଗାରର ହାତ କେତେ କଠୋର ହୋଇପାରେ ଏ ଗୋଟିଏ ଫଟୋ ହିଁ ବୟାନ କରୁଛି । ବଞ୍ଚିଥାଉ ଥାଉ ଜୀବନ୍ତ ଦେବୀରୂପୀ ମା’କୁ ଦୁଃଖ ଦେଇଥିବା ଦାନବ ପୁଅ ନିଜର ଭୁଲ ବୁଝିବା ଜରୁରୀ… ନଚେତ୍ ଯେଉଁ ଦାଣ୍ଡରେ ଆଜି ନିଜ ମା’କୁ ଏ ଶାସ୍ତି ଦେଇଛି ସେ ସୈତାନ ପୁଅ କାଲି ତା’ କପାଳରେ ବି ଠିକ୍ ଏମିତି ଦଣ୍ଡ ଲେଖିବାକୁ ପଛାଇବନି ବିଧାତା ।

The post ଯେବେ ପୁଅ ମାରିଦିଏ ମା’ର ମମତା । କୋବି ପାଇଁ ପିଟିଲା କୁଳାଙ୍ଗାର ପୁଅ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଗତ କିଛି ଦିନରୁ ବିରୋଧୀ ମେଣ୍ଟରୁ ଦୁରେଇ ରହୁଥିବା ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଶେଷରେ ମୁହଁ ଖୋଲିଛନ୍ତି । ଇଣ୍ଡିଆ ମେଣ୍ଟ ଉପରେ ଖପ୍ପା ଥିବା ନୀତିଶ କହିଛନ୍ତି ଯେ, ସେ କାହା ଉପରେ ବି ରାଗିନାହାଁନ୍ତି । କେବଳ ସେତିକି ନୁହେଁ ନୀତିଶ ଆହୁରି ମଧ୍ୟ କହିଛନ୍ତି ମେଣ୍ଟଠାରୁ ତାଙ୍କର କିଛି ଉପେକ୍ଷା ନାହିଁ । ପଦ, ପଦବୀ ପାଇଁ ତାଙ୍କର ଲାଳସା ନଥିବା କଥା ସଫା କରିଛନ୍ତି ଜେଡିୟୁ ମୁଖ୍ୟ ନୀତିଶ କୁମାର । ୧୯ ଡିସେମ୍ବରରେ ଦିଲ୍ଲୀରେ ଆୟୋଜିତ ହୋଇଥିବା ଇଣ୍ଡିଆ ମେଣ୍ଟର ୪ର୍ଥ ବୈଠକରେ, ମମତା ବାନାର୍ଜୀ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଖଡଗେଙ୍କ ନା ପ୍ରସ୍ତାବ ଦେଇଥିଲେ । ଏହାପରଠାରୁ ନୀତିଶ କୁମାର ଖପ୍ପା ଥିବା କଥା ଚର୍ଚ୍ଚା ହେଉଥିଲା । ନୀତିଶ ପ୍ରଧାନମନ୍ତ୍ରୀ ପ୍ରାର୍ଥୀ ବୋଲି ଅନେକ ଜେଡିୟୁ ନେତା ପୂର୍ବରୁ ଦାବି କରି ଆସୁଥିଲେ । ଆଉ ଖଡଗେ ପ୍ରଧାନମନ୍ତ୍ରୀ ପ୍ରାର୍ଥୀ ହେବା ପ୍ରସଙ୍ଗ ଉଠିବା ପରେ ଏହା ନୀତିଶଙ୍କୁ ଧକ୍କା ଦେଇଥିଲା । ହେଲେ ଆଜି ସବୁ ବିବାଦ ଉପରୁ ପରଦା ଉଠାଇଛନ୍ତି ନୀତିଶ କୁମାର । ସେ ସଫେଇ ଦେଇ କହିଛନ୍ତି କାହା ଉପରେ ବି ସେ ରାଗିନାହାଁନ୍ତି ।

The post ଇଣ୍ଡିଆ ମେଣ୍ଟକୁ ନେଇ ମୁହଁ ଖୋଲିଲେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର । କହିଲେ, କାହା ଉପରେ ନାହିଁ ରାଗ । ଖଡଗେ ପ୍ରଧାନମନ୍ତ୍ରୀ ପ୍ରାର୍ଥୀ ପ୍ରସଙ୍ଗରେ କହିଲେ, ପଦ ପାଇଁ ନାହିଁ ଲାଳସା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଦିଲ୍ଲୀ ପୋଲିସର ସ୍ପେଶାଲ ସେଲ ୩ ଆଇଏସଆଇଏସ ଆତଙ୍କବାଦୀଙ୍କୁ ଗିରଫ କରିବା ପରେ ପଚରାଉଚରା ସମୟରେ ସାଂଘାତିକ ସତ ସାମ୍ନାକୁ ଆସିଛି । ଏହି ୩ ଆତଙ୍କବାଦୀଙ୍କ ଉପରେ ଏନଆଇଏ ୫ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲା । ତେବେ ଏମାନଙ୍କୁ ଗିରଫ ପରେ ପୋଲିସ ଜାଣିବାକୁ ପାଇଛି ଯେ, ଆତଙ୍କବାଦୀଙ୍କୁ ରେଲୱେ ବିଭାଗର ଜଣେ କିରାଣୀ ଆର୍ଥିକ ସହାୟତା କରୁଥିଲେ ।

ପୋଲିସ ପକ୍ଷରୁ କୁହାଯାଇଛି ଯେ, ଧରାପଡିଥିବା ୩ ଆତଙ୍କବାଦୀଙ୍କୁ ପଚରାଉଚରା ସମୟରେ ରେଲୱେ ବିଭାଗର କିରାଣୀଙ୍କ ବାବଦରେ ଜାଣିବାକୁ ମିଳିଥିଲା । ଏହି କିରାଣୀ ଜଣକ ନିଜ ଅଫିସରେ ନକଲି ମେଡିକାଲ ବିଲ ଜରିଆରେ ଲକ୍ଷ ଲକ୍ଷ ଟଙ୍କା ହାସଲ କରୁଥିଲା ଏବଂ ଏହି ଟଙ୍କାକୁ ଆତଙ୍କବାଦୀଙ୍କୁ ସହାୟତା କରୁଥିଲା । ପୋଲିସ କହିବା ଅନୁଯାୟୀ, ଉକ୍ତ କିରାଣୀଙ୍କ ବାବଦରେ ପୂରା ସୂଚନା ମିଳିଛି । ଖୁବଶୀଘ୍ର ଏହି କିରାଣୀଙ୍କୁ ପଚରାଉଚରା କରାଯିବ ବୋଲି କହିଛି ପୋଲିସ । ଏହି ଖବର ଜଣାପଡିବା ପରେ ଆକ୍ଟିଭ ମୋଡକୁ ଆସିଛି ଯାଞ୍ଚ ଏଜେନ୍ସି । ସେହିଭଳି ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ଅଭିଯୁକ୍ତ କିରାଣୀ ଜଣକ ନୋଏଡାରେ ବସବାସ କରୁଛି । ପୂର୍ବରୁ ଏହି କିରାଣୀ ଜଣକ ହିନ୍ଦୁ ଥିଲେ କିନ୍ତୁ ପରବର୍ତ୍ତୀ ସମୟରେ ଇସଲାମ ଧର୍ମ ଗ୍ରହଣ କରିଥିଲେ ।

The post ମିଛ ବିଲ ଜରିଆରେ ଟଙ୍କା ଉଠାଉଥିଲା, ଆତଙ୍କବାଦୀଙ୍କୁ କରୁଥିଲା ଆର୍ଥିକ ସହାୟତା । ରେଲୱେ କିରାଣୀଙ୍କ କାହାଣୀ ଶୁଣିଲେ ଆପଣ ବି ଚକିତ ହୋଇଯିବେ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶ୍ରୀମନ୍ଦିର ପ୍ରଶାସନର ଆଉ ଏକ ଅବ୍ୟବସ୍ଥା ଏବେ ଚର୍ଚ୍ଚାର ବିଷୟ ପାଲଟିଛି । ବ୍ୟାରିକେଡ୍ରେ ଘଂଟା ଘଂଟା ଧରି ଲାଇନ୍ରେ ଶ୍ରଦ୍ଧାଳୁ ଛିଡା ହୋଇଛନ୍ତି । ଅନ୍ୟପଟେ ଗଳାବାଟେ ଶ୍ରୀଜଗନ୍ନାଥ ଦର୍ଶନ ପାଇଁ ଭକ୍ତଙ୍କ ଠାରୁ ୫ଶହ, ହଜାରେ ଟଙ୍କାର ଲାଂଚ ନେଉଥିବା ଅଭିଯୋଗ ହୋଇଛି । ଆଉ ଏହି ଅଭିଯୋଗ ଧାଡିରେ ଛିଡା ହୋଇଥିବା ଭକ୍ତ ହିଁ କରିଛନ୍ତି । ଘଂଟା ଘଂଟା ଧରି ବ୍ୟାରିକେଡ୍ରେ ଛିଡା ହୋଇଥିବା ଶ୍ରଦ୍ଧାଳୁ ଯେତେବେଳେ ଏହି ଅବ୍ୟବସ୍ଥା ଦେଖିଛନ୍ତି ଧୈର୍ଯ୍ୟ ହରା ହୋଇ ବ୍ୟାରେକଡ୍ ଭାଙ୍ଗିବାକୁ ବି ପଛାଇ ନାହାଁନ୍ତି । ବ୍ୟାରିକେଡ୍ ଭାଙ୍ଗି ଶ୍ରୀମନ୍ଦିର ଭିତରକୁ ପ୍ରବେଶ ଉଦ୍ୟମ କରିଛନ୍ତି କିଛି ଶ୍ରଦ୍ଧାଳୁ । ଗଳାବାଟରେ ଗୁମାସ୍ତା ଲାଂଚ ନେଇ ଶ୍ରଦ୍ଧାଳୁଙ୍କୁ ନେଇ ଯାଉଥିବା ଅଭିଯୋଗ ହୋଇଛି । ବର୍ଷ ଶେଷରେ ମହାପ୍ରଭୁଙ୍କୁ ଦର୍ଶନ ପାଇଁ ଏବେ ପୁରୀରେ ପ୍ରବଳ ଭକ୍ତଙ୍କ ସମାଗମ ହେଉଛି । ହଜାର ହଜାର ସଂଖ୍ୟାରେ ଭକ୍ତ ବଡ଼ଦାଣ୍ଡରେ ଏକାଠି ହେଉଛନ୍ତି । ଏହାରି ଭିତରେ ମହାପ୍ରଭୁଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ ମଧ୍ୟ ଜମୁଛି । ଲମ୍ବା ଲାଇନ୍ରେ ଯାଇ ଭକ୍ତମାନେ ଶ୍ରୀମନ୍ଦିରକୁ ଯାଉଛନ୍ତି । ଏହା ସହ ଆଗକୁ ନୂଆ ବର୍ଷ ଆସୁଛି । ନୂଆବର୍ଷ ଯେତିକି ପାଖଉଛି, ପର୍ଯ୍ୟଟକଙ୍କ ଭିଡ଼ ସେତିକି ବଢିଚାଲିଛି । ଭକ୍ତଙ୍କ ଗହଳିକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।

The post ସମସ୍ୟା ବଢାଉଛି ବ୍ୟାରିକେଡ୍ ବ୍ୟବସ୍ଥା: ଶ୍ରୀଜଗନ୍ନାଥଙ୍କ ଦର୍ଶନ ପାଇଁ ଗଳାବାଟେ ଯିବାକୁ ହଜାରେ ଟଙ୍କାର ଲାଂଚ ମଗାଯାଉଥିବା ଅଭିଯୋଗ first appeared on Kanak News.

from Kanak News
via <a href="https://ifttt.com/?