କନକ ବ୍ୟୁରୋ: ମୁମ୍ବାଇ ଫ୍ରାଞ୍ଚାଇଜକୁ ବଡ଼ ଝଟକା, ୨୦୨୪ ଆଇପିଏଲରୁ ବାଦ୍ ପଡ଼ିପାରନ୍ତି ହାର୍ଦ୍ଦିକ ପାଣ୍ଡ୍ୟା । ହିଟମ୍ୟାନଙ୍କ ହାତରୁ କ୍ୟାପଟେନ୍ସି ନେଇ ହାର୍ଦ୍ଦିକଙ୍କୁ ଦେଇଥିବା ମୁମ୍ବାଇ ଟିମ୍ ମ୍ୟାନେଜମେଣ୍ଟଙ୍କ ମୁଣ୍ଡ ବିନ୍ଧା କରିଛି ଏହି ଖବର । ଚିନ୍ତାରେ ଏବେ ମୁମ୍ବାଇର ପୂରା ଫ୍ରାଞ୍ଚାଇଜ୍, କାରଣ ଟ୍ରେଡ୍ କରି ଗୁଜରାଟ ଟାଇଟନ୍ସଠୁ ଆଣିଥିବା ହାର୍ଦ୍ଦିକ ଏବେ ଆହତ ଅଛନ୍ତି ବୋଲି ପିଟିଆଇକୁ ସୂଚନା ଦେଇଛି ବିସିସିଆଇ । ଏପରିକି ଆଗକୁ ଆଫଗାନିସ୍ତାନ ବିପକ୍ଷରେ ହେବାକୁଥିବା ଟି-୨୦ ସିରିଜରେ ମଧ୍ୟ ହାର୍ଦ୍ଦିକ ନଖେଳିପାରନ୍ତି ବୋଲି ରିପୋର୍ଟ କହୁଛି ।

ହାର୍ଦ୍ଦିକଙ୍କ ଫିଟନେସକୁ ନେଇ ଏଯାଏଁ କୌଣସି ଅପଡେଟ୍ ନଥିବା ବିସିସିଆଇର ଜଣେ ବିଶ୍ୱସ୍ତ ସୂତ୍ର ପିଟିଆଇକୁ ସୂଚନା ଦେଇଛନ୍ତି । ଏପରିକି ୨୦୨୪ ଆଇପିଏଲ ଶେଷ ପୂର୍ବରୁ ହାର୍ଦ୍ଦିକ ସମ୍ପୂର୍ଣ୍ଣ ଠିକ୍ ହୋଇନପାରନ୍ତି ବୋଲି ଆଶଙ୍କାରେ ବିସିସିଆଇ । ହାର୍ଦ୍ଦିକଙ୍କ ଲଗାତାର ଆହତ ସମସ୍ୟା ଟିମ୍ ଇଣ୍ଡିଆର ଚିନ୍ତା ବଢ଼ାଉଥିବାବେଳେ ଏବେ ମୁମ୍ବାଇ ଇଣ୍ଡିଆନ୍ସର ଟିମ୍ ମ୍ୟାନେଜମେଣ୍ଟଙ୍କ ଟେନସନ୍ ବଢ଼ାଇଛି ।

ଏପଟେ ସୂର୍ଯ୍ୟକୁମାର ଯାଦବ ଆହତ ହୋଇଥିବା କାରଣରୁ ସେ ମଧ୍ୟ ଆଫଗାନିସ୍ତାନ ବିପକ୍ଷ ଟି-୨୦ ସିରିଜରେ ଅନୁପସ୍ଥିତ ରହିପାରନ୍ତି । ଏଭଳି ସଙ୍କଟ ସମୟରେ ଉଭୟ ଟିମ୍ ଇଣ୍ଡିଆ ଏବଂ ମୁମ୍ବାଇ ଇଣ୍ଡିଆନ୍ସ ପାଇଁ ସଙ୍କଟ ମୋଚକ ସାଜିପାରନ୍ତି ହିଟମ୍ୟାନ୍ ରୋହିତ ଶର୍ମା ।

ତେବେ ହାର୍ଦ୍ଦିକ ପାଣ୍ଡ୍ୟା ବିଶ୍ୱକପ୍ ଟୁର୍ଣ୍ଣାମେଣ୍ଟ ରେ ବାଂଲାଦେଶ ବିପକ୍ଷ ମ୍ୟାଚରେ ଆହତ ହୋଇଥିଲେ । ହାର୍ଦ୍ଦିକଙ୍କ ବାମପଟ ଗୋଡ଼ରେ ଆଘାତ ଲାଗିଥିବାରୁ ବିଶ୍ୱକପ୍ ଅଧାରୁ ହିଁ ସେ ବାଦ୍ ପଡ଼ିଥିଲେ । ତା’ ସହ ଅଷ୍ଟ୍ରେଲିଆ ଏବଂ ସାଉଥଆଫ୍ରିକା ସିରିଜରୁ ମଧ୍ୟ ବାଦ୍ ପଡ଼ିଥିଲେ ହାର୍ଦ୍ଦିକ । ତେବେ ଏସବୁ ସମସ୍ୟା ଭିତରେ ସେ ମୁମ୍ବାଇ ଇଣ୍ଡିଆନ୍ସର କ୍ୟାପଟେନ୍ସି ନସମ୍ଭାଳି ପାରନ୍ତି ବୋଲି ରିପୋର୍ଟ କହୁଛି ।

ସବୁଠାରୁ ବଡ଼କଥା ହେଲା, ହାର୍ଦ୍ଦିକଙ୍କ କ୍ରିକେଟ କ୍ୟାରିୟର ସ୍ୱର୍ଣ୍ଣିମ ଯୁଗ ମୁମ୍ବାଇ ଇଣ୍ଡିଆନ୍ସରୁ ହିଁ ଆରମ୍ଭ ହୋଇଥିଲା । କିନ୍ତୁ ସେ ମୁମ୍ବାଇକୁ ଫେରିବା ପରେ ମଧ୍ୟ ମୁମ୍ବାଇ ଫ୍ୟାନ୍ସ ଖୁସିନଥିବା ସୋସିଆଲ ମିଡ଼ିଆରୁ ଦେଖିବାକୁ ମିଳୁଛି । ଏପରିକି ୨୦୧୫ରୁ ୨୦୨୦ ମଧ୍ୟରେ ମୁମ୍ବାଇ ୪ ଥର ଚାମ୍ପିଅନ ହୋଇଥିବା ବେଳେ ସେଥିରେ ହାର୍ଦ୍ଦିକଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା । ଅଲରାଉଣ୍ଡର ଭାବେ ହାର୍ଦ୍ଦିକ ଅନେକ ମ୍ୟାଚରେ ଅବିଶ୍ୱସନୀୟ ପ୍ରଦର୍ଶନ ମଧ୍ୟ କରିଥିଲେ । ପରେ ଗୁଜରାଟ ଟାଇଟନ୍ସର କ୍ୟାପଟେନ୍ ଭାବେ ଦାୟିତ୍ୱ ତୁଲାଉଥିବା ହାର୍ଦ୍ଦିକଙ୍କୁ ଟ୍ରେଡରେ ଆଣି ଚଳିତ ଆଇପିଏଲ ପାଇଁ କ୍ୟାପଟେନ୍ସି ଦେଇଛି ମୁମ୍ବାଇ । କିନ୍ତୁ ଏବେ ହାର୍ଦ୍ଦିକଙ୍କ ଘର ଲେଉଟାଣିରେ ମଧ୍ୟ ଖୁସି ନାହାନ୍ତି ମୁମ୍ବାଇ ଫ୍ୟାନ୍ସ । କାରଣ ୫ ଥରର ମୁମ୍ବାଇକୁ ଚମ୍ପିଆନ୍ କରିଥିବା ରୋହିତ ଶର୍ମାଙ୍କୁ ଅଧିନାୟକ ପଦରୁ ହଟାଇ ହାର୍ଦ୍ଦିକଙ୍କୁ ଦେବା ପରେ ମୁମ୍ବାଇ ଟିମ୍ ମ୍ୟାନେଜମେଣ୍ଟଠୁ ଆରମ୍ଭ କରି ହାର୍ଦ୍ଦିକଙ୍କ ଉପରେ ଖପ୍ପା ଫ୍ୟାନ୍ସ । ସୋସିଆଲ ମିଡିଆରେ ମୁମ୍ବାଇକୁ ଟ୍ରୋଲ କରିବା ସହ ଉଭୟ ମୁମ୍ବାଇ ଏବଂ ହାର୍ଦ୍ଦିକଙ୍କୁ ଅନଫଲୋ କରିବାରେ ଲାଗିପଡ଼ିଛନ୍ତି କ୍ରିକେଟ ପ୍ରେମୀ ।

The post ଆଇପିଏଲରୁ ବାଦ୍ ପଡ଼ିବେ ହାର୍ଦ୍ଦିକ ପାଣ୍ଡ୍ୟା ! ପୁଣି ହିଟମ୍ୟାନଙ୍କ ହାତକୁ ଫେରିବ କି ମୁମ୍ବାଇ କ୍ୟାପଟେନ୍ସି? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଶେଷ ହେବାକୁ ଯାଉଛି ବର୍ଷ ୨୦୨୩ । ଏନେଇ ବିଭିନ୍ନ ପର୍ଯ୍ୟଟନ ସ୍ଥଳୀ ଗୁଡିକରେ ଲାଗିଛି ଭିଡ । ଅନ୍ୟସ୍ଥାନ ଭଳି ନନ୍ଦନକାନନରେ ଦୂରଦୂରାନ୍ତରୁ ବହୁ ପର୍ଯ୍ୟଟକଙ୍କ ଗହଳି ଦେଖିବାକୁ ମିଳିଛି । ୪୦ ହଜାରରୁ ଅଧିକ ପର୍ଯ୍ୟଟକ ଚଡ଼ିଆଖାନାରେ ଭିଡ ଜମାଇଛନ୍ତି । ଏହାକୁ ନଜରରେ ରଖି ନନ୍ଦନକାନନ କର୍ତ୍ତୁପକ୍ଷଙ୍କ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ସୋମବାର ନନ୍ଦନକାନନ ବନ୍ଦ ରହୁଥିବା ବେଳେ ଏବେ ବଡ଼ଦିନ ଓ ନୂଆବର୍ଷ ପଡୁଥିବାରୁ ଖୋଲା ରହିବ । ଟିକେଟ ମୂଲ୍ୟ ପୂର୍ବରୁ ଯାହାଥିଲା ତାହା ସେତିକି ରହିବ । ଏବେଠାରୁ ସେଠାରେ ପ୍ରବଳ ଗହଳି ଲାଗିଛି । ଦୂରରୁ ଆସୁଥିବା ପର୍ଯ୍ୟଟକ ମାନେ ବୋଟିଂ ସହ ରୋପୱେ’ର ମଜା ନେଉଛନ୍ତି । ଏବେ ପର୍ଯ୍ୟଟନ ଋତୁ ଚାଲିଥିବା ବେଳେ ଆଗକୁ ପର୍ଯ୍ୟଟକଙ୍କ ଭିଡକୁ ଲକ୍ଷ୍ୟରେ ରଖି ସ୍ୱତନ୍ତ୍ର ବ୍ୟବସ୍ଥା ମାନ କରାଯାଇଛି ।

The post ବିଭିନ୍ନ ପର୍ଯ୍ୟଟନସ୍ଥଳୀରେ ଲାଗିଛି ଭିଡ଼ । ଆଗକୁ ବଡ଼ଦିନ ନୂଆ ବର୍ଷ ପାଇଁ ନନ୍ଦନକାନନରେ ପ୍ରବଳ ଗହଳି, ବୋଟିଂ ସହ ରୋପୱେର ମଜା ନେଉଛନ୍ତି ବୁଲିଆସୁଥିବା ପର୍ଯ୍ୟଟକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଷ୍ଟ୍ରେଲିଆ ବିପକ୍ଷରେ ଭାରତୀୟ ମହିଳା କ୍ରିକେଟ୍ ଦଳର ଐତିହାସିକ ବିଜୟ । ୮ ୱିକେଟରେ ଅଷ୍ଟ୍ରେଲିଆକୁ ହରାଇ ଇତିହାସ ରଚିଛି ମହିଳା ଦଳ । ୭୫ ରନର ଟାର୍ଗେଟ୍ ୨ ୱିକେଟ୍ ହରାଇ ହାସଲ କରିନେଇଛି ଭାରତ । ଅଷ୍ଟ୍ରେଲିଆ ବିପକ୍ଷରେ ଏହା ହେଉଛି ଭାରତର ପ୍ରଥମ ଟେଷ୍ଟ ବିଜୟ । ଅଷ୍ଟ୍ରେଲିଆ ପ୍ରଥମ ଇନିଂସରେ ୨୧୯ ଓ ଦ୍ୱିତୀୟ ଇନିଂସରେ ୨୬୧ ରନ୍ କରିଥିଲା । ସେହିପରି ଭାରତ ପ୍ରଥମ ଇନିଂସରେ ୪୦୬ ରନ୍ କରିଥିବା ବେଳେ ୭୫ ରନର ବିଜୟ ଲକ୍ଷ୍ୟକୁ ସହଜରେ ହାସଲ କରିନେଇଥିଲା ।

The post ଭାରତୀୟ ମହିଳା କ୍ରିକେଟ ଦଳର ଐତିହାସିକ ବିଜୟ । ଅଷ୍ଟ୍ରେଲିଆକୁ ୮ ୱିକେଟରେ ହରାଇଲା ଟିମ୍ ଇଣ୍ଡିଆ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମାର୍ଗଶୀର ଶୁକ୍ଳପକ୍ଷ ଦ୍ୱାଦଶୀ ତିଥିରେ ଅନୁଷ୍ଠିତ ହୋଇଛି ବ୍ୟଞ୍ଜନ ଦ୍ୱାଦଶୀ । ଶ୍ରୀମନ୍ଦିରରେ ମଧ୍ୟ ଏହି ବ୍ୟଞ୍ଜନ ଦ୍ୱାଦଶୀ ପାଳିତ ହୋଇଛି । ପରମ୍ପରା ଅନୁସାରେ ରାଧାକୃଷ୍ଣଙ୍କ ମନ୍ଦିରରେ ବିଭିନ୍ନ ରକମର ସୁସ୍ୱାଦୁ ବ୍ୟଞ୍ଜନ ଭୋଗ କରାଯିବାର ବିଧି ରହିଛି । ଆଜିର ବିଶେଷ ତିଥିରେ ଗୌଡୀୟ ବୈଷ୍ଣବ ସମ୍ପ୍ରଦାୟ ମଠ ମାନଙ୍କରେ ଅନେକ ପ୍ରକାର ବ୍ୟଞ୍ଜନ ପ୍ରସ୍ତୁତ କରାଯାଇ ଭୋଗ କରାଯାଇଛି । ପୁରୀର ଗୌର ବିହାର ପରିସରରେ ପ୍ରସ୍ତୁତ କରାଯାଇଥିଲା ପ୍ରାୟ ୮୨୧ ପ୍ରକାର ସ୍ୱାଦିଷ୍ଟ ବ୍ୟଞ୍ଜନ । ୪୦ଜଣ ଭକ୍ତ ୮ଘଣ୍ଟାରୁ ଅଧିକ ସମୟ ଧରି ପ୍ରସ୍ତୁତ କରିଥିଲେ ଭଳିକି ଭଳି ବ୍ୟଞ୍ଜନ ଓ ବିଭିନ୍ନ ପ୍ରକାରର ପିଠା । ଏଥିରେ ରହିଥିଲା ୧୪ ପ୍ରକାର ଅନ୍ନ, ୬୦ ପ୍ରକାର ଡାଲି, ତରକାରୀ , ପିଠା , ମିଠା , ୫୫ପ୍ରକାର ଚଟଣୀ, ୫୦ ପ୍ରକାର ପାମ୍ପଡ, ୬୦ପ୍ରକାର ଭଜା ଓ ୮୫୧ ପ୍ରକାର ସୁସ୍ୱାଦୁ ଖାଦ୍ୟ ପ୍ରସ୍ତୁତ କରାଯାଇ ରାଧାକୃଷ୍ଣଙ୍କୁ ଅର୍ପଣ କରାଯାଇଥିଲା । ପ୍ରସାଦ ଅର୍ପଣ କରାଯାଇ ସାରିବା ପରେ ସମସ୍ତ ବ୍ୟଞ୍ଜନ ଭକ୍ତଙ୍କ ଗହଣରେ ବଣ୍ଟନ କରାଯାଇଥିଲା । ଏହି ଅବସରରେ ଦୂରଦୂରାନ୍ତରୁ ବହୁ ଶ୍ରଦ୍ଧାଳୁଙ୍କ ଗହଳି ଲାଗିଥିଲା ।

The post ଶ୍ରୀମନ୍ଦିରରେ ବ୍ୟଞ୍ଜନ ଦ୍ୱାଦଶୀ ନୀତି । ରାଧାକୃଷ୍ଣଙ୍କୁ ୮୨୧ ପ୍ରକାର ସ୍ୱାଦିଷ୍ଟ ବ୍ୟଞ୍ଜନ ଲାଗି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କେନ୍ଦ୍ର ସରକାରଙ୍କ ତରଫରୁ କୁସ୍ତିସଂଘର ମାନ୍ୟତା ରଦ୍ଦ ଓ ନବ ନିଯୁକ୍ତ ଅଧ୍ୟକ୍ଷ ସଂଜୟ ସିଂଙ୍କ ନିଲମ୍ବନକୁ ସମର୍ଥନ କରିଛନ୍ତି କୁସ୍ତିଯୋଦ୍ଧା ସାକ୍ଷୀ ମଲ୍ଲିକ । ସେ କହିଛନ୍ତି କି, ସରକାରଙ୍କ ତରଫରୁ ନିଆଯାଇଥିବା ପ୍ରାଥମିକ ପଦକ୍ଷେପକୁ ସେ ସମର୍ଥନ କରୁଛନ୍ତି । ସେ କହିଛନ୍ତି କି କୁସ୍ତିସଂଘର ଅଧ୍ୟକ୍ଷ ଜଣେ ମହିଳା ହେବା ଆବଶ୍ୟକ । ଏହା ଫଳରେ କୁସ୍ତିସଂଘ ପାଇଁ ଖେଳୁଥିବା ମହିଳା ଓ ଝିଅମାନେ ସୁରକ୍ଷିତ ରହିବେ ।

ଭାରତୀୟ କୁସ୍ତି ସଂଘକୁ ନେଇ ବିବାଦ ଓ କୁସ୍ତିଯୋଦ୍ଧାଙ୍କ ପ୍ରତିବାଦ ପରେ ସରକାର ବଡ ନିଷ୍ପତ୍ତି ନେଇଛନ୍ତି । ସରକାରଙ୍କ ତରଫରୁ ଭାରତୀୟ କୁସ୍ତିସଂଘର ମାନ୍ୟତା ରଦ୍ଦ କରିବା ସହ ନବ ନିଯୁକ୍ତ କୁସ୍ତି ସଂଘର ଅଧ୍ୟକ୍ଷ ସଂଜୟ ସିଂଙ୍କୁ ନିଲମ୍ବନ କରିଛନ୍ତି । କ୍ରୀଡା ମନ୍ତ୍ରଣାଳୟ ତରଫରୁ ଏକ ବିଜ୍ଞପ୍ତି ଜାରି କରାଯାଇ ଆଗାମୀ ନିର୍ଦ୍ଦେଶ ପର୍ଯ୍ୟନ୍ତ ନିଲମ୍ବନ କରାଯାଇଛି । ଏହାର କାରଣ ଭାବେ କୁହାଯାଇଛି କି ନବ ନିର୍ବାଚିତ ଭାରତୀୟ କୁସ୍ତିସଂଘ ତରଫରୁ ପର୍ଯ୍ୟାପ୍ତ ସମୟ ନ ଦେଇ ଅଣ୍ଡର-୧୫ ଓ ଅଣ୍ଡର-୨୦ ରାଷ୍ଟ୍ରୀୟ ଚାମ୍ପିୟନସିପ ଆୟୋଜନର ଘୋଷଣା କରିଥିଲା । ସେପଟେ କୁସ୍ତିସଂଘ ପାଇଁ ଡିସେମ୍ବର ୨୧ ତାରିଖରେ ହୋଇଥିବା ନିର୍ବାଚନରେ ପୂର୍ବ ଅଧ୍ୟକ୍ଷ ବ୍ରିଜଭୂଷଣ ଶରଣ ସିଂଙ୍କ ନିକଟତର କୁହାଯାଉଥିବା ସଂଜୟ ସିଂ ଓ ତାଙ୍କ ପ୍ୟାନେଲ ବଡ ଅନ୍ତରରେ ବିଜୟଲାଭ କରିଥିଲା ।

#WATCH | Delhi: On suspension of the newly elected body of Wrestling Federation of India (WFI) by Union Sports Ministry, Wrestler Sakshee Malikkh says, “This has happened for the betterment of the wrestlers. We had been saying that this was the fight of the daughters and sisters.… pic.twitter.com/MU3LLh0x21

— ANI (@ANI) December 24, 2023

https://platform.twitter.com/widgets.js

ଏହାକୁ ବିରୋଧ କରି କୁସ୍ତିଯୋଦ୍ଧା ବଜରଙ୍ଗ ପୁନିଆ ପଦ୍ମଶ୍ରୀ ପୁରସ୍କାରକୁ ରାସ୍ତାରେ ରଖି ପଳାଇ ଯିବା ସହ କୁସ୍ତିଯୋଦ୍ଧା ସାକ୍ଷୀ ମଲ୍ଲିକ ଏକ ସାମ୍ବାଦିକ ସମ୍ମିଳନୀ କରି ଆଉ କେବେ ଖେଳିବେ ନାହିଁ ବୋଲି ସ୍ପଷ୍ଟ କରିଥିଲେ ।

The post ଏବେ ମାନିବେ କି ପ୍ରତିବାଦକାରୀ କୁସ୍ତିଯୋଦ୍ଧା । କୁସ୍ତିସଂଘର ମାନ୍ୟତା ରଦ୍ଦ ଓ ନବ ନିଯୁକ୍ତ ଅଧ୍ୟକ୍ଷ ସଂଜୟ ସିଂଙ୍କ ନିଲମ୍ବନକୁ ସମର୍ଥନ କଲେ ସାକ୍ଷୀ ମଲ୍ଲିକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶିମିଳିପାଳରେ ବନ୍ଧା ହେଲେ ୪ ଶିକାରୀ । ଗୋଟେ ଦିନରେ ୩ଟି ଭିନ୍ନ ଭିନ୍ନ ଘଟଣାରେ ୪ ଜଣ ଶିକାରୀଙ୍କ ସହ ୨ ଜଣ କାଠ ଚୋରଙ୍କୁ ଧରିଛି ବନବିଭାଗ । ବିଭିନ୍ନ ମାରଣାସ୍ତ୍ର ସହ ଚୋରା କାଠ ମଧ୍ୟ ଯବତ କରିଛି । ପ୍ରଥମେ ଏସଟିପିଏଫପକ୍ଷରୁ ଚଢ଼ାଉ କରି ଜେନାବିଲ ରେଂଜରୁ ୨ ଜଣ ଶିକାରୀଙ୍କୁ ଗିରଫ କରାଯାଇଥିଲା । ପରେ ଜେଟିଏଫ ପକ୍ଷରୁ ଚଢ଼ାଉ କରି ଡୁକୁରା ରେଂଜ ଅଂଚଳରୁ ଆଉ ୨ ଜଣ ଶିକାରୀଙ୍କୁ ଗିରଫ କରାଯାଉଛି । ପେଟ୍ରୋଲିଂ ସମୟରେ ପୀଠା ବଟା ଅଂଚଳରୁ ୨ ଜଣ କାଠ ଚୋରଙ୍କୁ ଗିରଫ କରିଛି ବନବିଭାଗ ।

The post ଶିକାରୀଙ୍କୁ ସାବାଡ କରିବା ପାଇଁ ବନବିଭାଗର ଚଢଉ । ଶିମିଳିପାଳରେ ୪ ଶିକାରୀ ସହ ୬ ଅଭିଯୁକ୍ତ ଗିରଫ । ମାରାଣାସ୍ତ୍ର ସହ ଚୋରାକାଠ ଜବତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କିଛି ଦିନର ନିରବତା ପରେ ପୋଲିସ- ମାଓବାଦୀ ମୁହାଁମୁହିଁ । କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନା ସିର୍ଲା ଜଙ୍ଗଲରେ ଏସଓଜି ଯବାନଙ୍କ ପକ୍ଷରୁ କମ୍ବିଂ ଅପରେସନ ଜାରି ରହିଥିବା ବେଳେ ଲ୍ୟାଣ୍ଡମାଇନ୍ ବିସ୍ଫୋରଣରେ ଜଣେ ଯବାନ ଗୁରୁତର ହୋଇଥିବା ସୂଚନା ମିଳିଛି । କିଛି ଦିନ ହେଲା ମାଓବାଦୀମାନେ ସର୍ଲା ଜଙ୍ଗଲରେ କ୍ୟାମ୍ପ କରି ରହି ଆସୁଥିଲେ । କନ୍ଧମାଳ ଏସପି ସୂଚନା ପାଇ କମ୍ବିଂ ଅପରେସନ କରିଥିଲେ । ସୂଚନା ଅନୁସାରେ ୨ ଯବାନ ବିସ୍ଫୋରଣ ସମୟରେ ଆହତ ହୋଇଛନ୍ତି ।

The post ଆଇଇଡି ବିସ୍ଫୋରଣରେ ୨ ଯବାନ ଗୁରୁତର । କନ୍ଧମାଳ ତୁମୁଡ଼ିବନ୍ଧ ସିର୍ଲା ଜଙ୍ଗଲରେ ଜୋରଦାର କମ୍ବିଂ ଅପରେସନ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଂଗ୍ରେସର ଫୋକସ୍ରେ ଓଡ଼ିଶା । ରାଜ୍ୟ ପ୍ରଭାରୀ ପରିବର୍ତନର ଠିକ୍ ଦିନକ ପରେ କଂଗ୍ରେସକୁ ନେଇ ଆସିଛି ବଡ଼ ସୂଚନା । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କ ସମେତ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀ ଓଡ଼ିଶା ଆସିବାର ସୂଚନା ମିଳିଛି । ପିସିସି ସଭାପତି ଶରତ ପଟ୍ଟନାୟକଙ୍କ ଦେଇଥିବା ସୂଚନା ଅନୁସାରେ ସୁନ୍ଦରଗଡ଼ରେ ଏକ ବିଶାଳ ସମାବେଶ କରିପାରନ୍ତି କଂଗ୍ରେସର ଶୀର୍ଷସ୍ତରୀୟ ନେତା । ଓଡ଼ିଶା ଗସ୍ତର ତାରିଖ ଚୁଡ଼ାନ୍ତ ହେବା ପରେ ସୁନ୍ଦରଗଡରେ ଏହି ସମାବେଶ ହେବ । ଆଦିବାସୀ ବହୁଳ ସୁନ୍ଦରଗଡ଼ ଜିଲ୍ଲାରେ କଂଗ୍ରେସ ପକେଟ୍ ଭୋଟ୍ ଥିବା କୁହାଯାଉଥିବା ବେଳେ ସେହି ଭୋଟ୍କୁ ନିଜ ଆଡକୁ ଆଣିବା ପାଇଁ ଉଦ୍ୟମ କରିପାରେ କଂଗ୍ରେସ ।

The post ଜାନୁଆରୀରେ ଓଡ଼ିଶା ଆସିପାରନ୍ତି ରାହୁଲ ଗାନ୍ଧୀ, ପ୍ରିୟଙ୍କା, ମଲ୍ଲିକାର୍ଜୁନ ଖଡ଼ଗେ । ସୁନ୍ଦରଗଡ଼ରେ ହୋଇପାରେ ବିଶାଳ ସମାବେଶ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଟକ ମେଡ଼ିକାଲ ପରିସରରେ ଉତ୍ତେଜନା । ପୁରୀ ଚନ୍ଦନପୁର ଅଂଚଳରେ ଜଣେ ଯୁବତୀଙ୍କ ମୃତ୍ୟୁକୁ ନେଇ ଚିକିତ୍ସା ଅବହେଳା ଅଭିଯୋଗ ଆଣିଲେ ପରିବାର ଲୋକ । ରୋଗୀଙ୍କ ସ୍ୱାସ୍ଥ୍ୟବସ୍ଥା ଯାଂଚରେ ବିଳମ୍ବ ହେବା କାରଣରୁ ଯୁବତୀଙ୍କ ମୃତ୍ୟୁ ହୋଇଥିବା ଅଭିଯୋଗ । ଉତେଜନା ପରେ ଘଟଣା ସ୍ଥଳରେ ପହଂଚିଥିଲା ପୋଲିସ । ମେଡିକାଲ ଫାଣ୍ଡି ପାଖରେ ରୋଗୀଙ୍କ ସମ୍ପର୍କୀୟଙ୍କୁ ବୁଝାସୁଝା କରିବା ସହ ସ୍ଥିତି ନିୟନ୍ତ୍ରଣରେ ଆଣିବା ପାଇଁ ଉଦ୍ୟମ କରୁଛି ପୋଲିସ ।

The post କଟକ ମେଡିକାଲ ପରିସରରେ ଉତ୍ତେଜନା । ପୁରୀର ଜଣେ ଯୁବତୀଙ୍କ ମୃତ୍ୟୁକୁ ନେଇ ଚିକିତ୍ସା ଅବହେଳା ଅଭିଯୋଗ ଆଣିଲା ପରିବାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସୀମା ବିବାଦକୁ ନେଇ ଚୀନ ସର୍ବଦା ଚର୍ଚ୍ଚାରେ ରହିଛି । ଗୋଟିଏ ପଟେ ଭାରତ ସହ ସୀମା ବିବାଦକୁ ନେଇ ଚୀନ ନିନ୍ଦିତ ହେଉଥିବା ବେଳେ ଏବେ ପଡୋଶୀ ରାଷ୍ଟ୍ର ତାଇୱାନ ସହ ସୀମା ବିବାଦକୁ ନେଇ ଯୁଦ୍ଧ ପରିସ୍ଥିତି ଦେଖା ଦେଇଛି । ଏହି କ୍ରମରେ ଏବେ ଚୀନର ୮ଟି ଯୁଦ୍ଧ ଜାହାଜ ତାଇୱାନ ସୀମା ଅତିକ୍ରମ କରି ଦେଶ ଭିତରକୁ ପ୍ରବେଶ କରିଛି ।

ତାଇୱାନ ପ୍ରତିରକ୍ଷା ମନ୍ତ୍ରଣାଳୟ କହିଛି କି ଚୀନର ଜେ-୧୦, ଜେ-୧୧ ଓ ଜେ-୧୬ ଯୁଦ୍ଧ ବିମାନ ଜଲଡମରଧ୍ୟର ଉତ୍ତର ଓ କେନ୍ଦ୍ର ମଧ୍ୟ ରେଖା ଅତିକ୍ରମ କରିଛି । ଏହାକୁ ନଜରରେ ରଖି ତାଇୱାନ ତରଫରୁ ନଜର ରଖିବାକୁ ସେନାକୁ ସଜାଗ କରାଯାଇଛି ।

ସେପଟେ ଗୁଇନ୍ଦାଗିରି ପାଇଁ ଚୀନ ଦ୍ୱାରା ବେଲୁନ ଉପଯୋଗ କରାଯାଉଛି । ଚଳିତ ବର୍ଷ ଫେବୃଆରୀ ମାସରେ ଏହି ପ୍ରସଙ୍ଗ ଅନ୍ତର୍ଜାତୀୟ ପ୍ରସଙ୍ଗ ପାଲଟିଥିଲା । ଏହି ସମୟରେ ଆମେରିକା ତରଫରୁ ଚୀନ ଦ୍ୱାରା ପ୍ରେରିତ ହୋଇଥିବା ଏକ ବେଲୁନକୁ ଖସାଇ ଦେଇଥିଲା । ସେହି ସମୟରେ ଚୀନ କହିଥିଲା କି ଏହି ବେଲୁନ ଏକ ନାଗରିକ ଜାହାଜ ଥିଲା ଓ ତାହା ଭୁଲରେ ବାଟବଣା ହୋଇଯାଇଥିଲା ।

ଗୋଟିଏ ପଟେ ତାଇୱାନ ତରଫରୁ ୨୦୨୪ ଜାନୁଆରୀ ୧୩ ତାରିଖରେ ହେବାକୁ ଥିବା ରାଷ୍ଟ୍ରପତି ନିର୍ବାଚନ ପାଇଁ ପ୍ରସ୍ତୁତ ଜାରି ରଖିଛି । ସେପଟେ ଚୀନର ଏଭଳି ବ୍ୟବହାର ଦିନକୁ ଦିନ ବଢିବାରେ ଲାଗିଛି । ତାଇୱାନ ଆଶଂକା କରିଛି କି ନିର୍ବାଚନକୁ ପ୍ରଭାବିତ କରିବାକୁ ଚୀନ ଏଭଳି କାର୍ଯ୍ୟ କରୁଛି । ଅନ୍ୟପଟେ ଏହି ବିବାଦ ପଛରେ ଏକ ପ୍ରମୁଖ କାରଣ ହେଉଛି ଚୀନ କହୁଛି ଯେ ତାଇୱାନ ହେଉଛି ଚୀନର ଏକ ଅଂଶ ଯାହା ପୁଣି ଚୀନରେ ବିଲୟ ହେବ । ସେପଟେ ତାଇୱାନ ନିଜକୁ ଏକ ସ୍ୱାଧୀନ ଦେଶ ବୋଲି ମାନ୍ୟତା ଦେଇଛି । ତାଇୱାନର ନିଜର ସମ୍ବିଧାନ ରହିଛି ଓ ତାଇୱାନ ନାଗରିକଙ୍କ ଦ୍ୱାରା ନିର୍ବାଚିତ ସରକାର ସେଠାରେ ଶାସନ କରୁଛି ।

The post ତାଇୱାନ ଉପରେ ଆକ୍ରମଣ କରିବ କି ଚୀନ । ତାଇୱାନ ସୀମା ଅତିକ୍ରମ କଲା ଚୀନର ୮ ଯୁଦ୍ଧ ଜାହାଜ first appeared on Kanak News.

from Kanak News
via <a href="https://ifttt.com/?