କନକ ବ୍ୟୁରୋ: ସଂସଦ ସୁରକ୍ଷା ବ୍ୟବସ୍ଥା ନେଇ ବଡ଼ ନିଷ୍ପତି । ଏଣିକି ସୁରକ୍ଷା ଦାୟୀତ୍ୱ ନେବ ସିଆଇଏସ୍ଏଫ୍ । ଏନେଇ ଗୁରୁବାର କେନ୍ଦ୍ର ସରକାର ନିଷ୍ପତି ନେଇଛନ୍ତି । ସୁରକ୍ଷା ଦାୟୀତ୍ୱ ଦିଲ୍ଲୀ ପୁଲିସ ହାତରୁ କାଢିନିଆଯାଇ ସିଆଇଏସଏଫକୁ ଦିଆଯାଇଛି । ବିମାନବନ୍ଦର ପ୍ରୋଟକଲ ଭଳି ସୁରକ୍ଷା ଯାଂଚ ହେବ । ସଂସଦ ଭବନ ବୁଲିବାକୁ ଯାଉଥିବା ବ୍ୟକ୍ତିଙ୍କ ପାଇଁ ଏକ୍ସ-ରେ ସ୍କାନିଂ, ମେଟାଲ ଡିଟେକ୍ଟର ଲଗାଯିବ । ଜୋତା, ମୋଟା ଜାକେଟ, ବେଲ୍ଟର ମଧ୍ୟ ସ୍କାନିଂ କରାଯିବ । ସଂସଦ ଭବନରେ ବେଆଇନ ଅନୁପ୍ରବେଶ ପରେ କେନ୍ଦ୍ର ସରକାରଙ୍କୁ ବିରୋଧୀ କଡା ସମାଲୋଚନା କରିଥିଲେ । ପରେ ସୁରକ୍ଷା ନେଇ ଏଭଳି ନିଷ୍ପତି ନିଆଯାଇଛି । ନୂଆ ସଂସଦ ଭବନ, ପୁରୁଣା ସଂସଦ ଭବନ ସହଯୋଗୀ ବିଲ୍ଡିଂଗୁଡିକର ମଧ୍ୟ ସୁରକ୍ଷା ଦାୟୀତ୍ୱ ସିଆଇଏସଏଫକୁ ଦିଆଯାଇଛି । କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ସିଆଇଏସଏଫକୁ ସଂସଦ ଭବନର ସୁରକ୍ଷା ଯାଂଚ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ସଂସଦର ସୁରକ୍ଷା ଯାଂଚ କରିବାକୁ ସିଆଇଏସଏଫ ନିର୍ଦ୍ଦେଶକ ଅନିଶ ଦୟାଲ ସିଂ ନେତୃତ୍ୱରେ ଏକ କମିଟି ଗଠନ କରାଯାଇଛି । ଏହି କମିଟି ସମୀକ୍ଷା କରି ରିପୋର୍ଟ ଦେବା ପରେ ଆବଶ୍ୟକତା ଅନୁଯାୟୀ ସୁରକ୍ଷା ବ୍ୟବସ୍ଥାରେ ମଧ୍ୟ ପରିବର୍ତନ କରାଯିବ ।

The post ସଂସଦ ସୁରକ୍ଷା ତ୍ରୁଟି ପରେ ବଡ ପରିବର୍ତ୍ତନ: ଦିଲ୍ଲୀ ପୋଲିସ ନୁହେଁ ଏଣିକି ସଂସଦ ଭବନର ସୁରକ୍ଷା ଦାୟିତ୍ୱ ସମ୍ଭାଳିବ ସିଆଇଏସଏଫ୍ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଇପିଏଲରେ ଜଲୱା ଦେଖାଇବେ ଝାଡଖଣ୍ଡର ଆଦିବାସୀ ପୁଅ । ଝାଡଖଣ୍ଡର ଗୋଟିଏ ଛୋଟିଆ ସହରରୁ ଆସି ଏବେ କ୍ରିକେଟରେ ନିଜ କମାଲ ଦେଖାଇବେ ରବିନ ମିଞ୍ଜ । ଝାଟିମାଟି ଘରୁ ଆଇପିଏଲର ଏହି ଯାତ୍ରା ରବିନ ମିଞ୍ଜଙ୍କ ପାଇଁ ବେଶ ସଂଘର୍ଷପୂର୍ଣ୍ଣ ଥିଲା । ଛୋଟିଆ ସହରରୁ ସେ ଦେଖିଥିଲେ ବଡ କ୍ରିକେଟର ହେବାର ସ୍ୱପ୍ନ । ଯାହା ଏବେ ପୂରଣ ହେବାକୁ ଯାଉଛି ।

ହକି, ଫୁଟବଲରେ ସାରା ବିଶ୍ୱରେ ଦବଦବା ରଖିଥିବା ଝାଡଖଣ୍ଡର ଆଦିବାସୀ ଖେଳାଳି ଏବେ କ୍ରିକେଟରେ ପାଦ ଥାପିଲେଣି । ଝାଡଖଣ୍ଡର ପ୍ରଥମ ଆଦିବାସୀ ଖେଳାଳି ଭାବେ ଆଇପିଏଲରେ ଚୟନ ହୋଇଛନ୍ତି ରବିନ ମିଞ୍ଜ । ରବିନଙ୍କୁ ଗୁଜରାଟ ଟାଇଟନ୍ସ ନିଜ ଟିମରେ ସାମିଲ କରିଛି । ଗୁଜରାଟ ରବିନ ମିଞ୍ଜଙ୍କୁ ୩ କୋଟି ୬୦ ଲକ୍ଷ ଟଙ୍କାରେ କିଣିଛି । ତେବେ ଆଗାମୀ ୨୦୨୪ ଆଇପିଏଲରେ ଦେଖିବାକୁ ମିଳିବ ଆଦିବାସୀ ପୁଅ ରବିନ ମିଞ୍ଜଙ୍କ ଜଲୱା ।

ଆଇପିଏଲରେ ହୋଇଛି ଟଙ୍କା ବର୍ଷା । କେବଳ ବିଦେଶୀ ଖେଳାଳି ନୁହେଁ ଭାରତର ଯୁବ କ୍ରିକେଟର ବି ଫ୍ରାଞ୍ଜାଇଜଙ୍କ ପସନ୍ଦ ପାଲଟିଛନ୍ତି । ତେଣୁ ଏହି ଯୁବ କ୍ରିକେଟରଙ୍କୁ କୋଟି କୋଟି ଟଙ୍କାରେ କିଣିଛନ୍ତି ଆଇପିଏଲ ଟିମ । ଏହାରି ମଧ୍ୟରେ ଜଣେ ହେଉଛନ୍ତି ରବିନ ମିଞ୍ଜ । ରବିନଙ୍କୁ ଗୁଜରାଟ ଟାଇଟନ୍ସ ଏଥର ନିଜ ଦଳରେ ସାମିଲ କରିଛି । ରବିନଙ୍କ ବାପା ଜଣେ ପୂର୍ବତନ ସେନାଅଧିକାରୀ ଆଉ ଏବେ ସେ ବିର୍ସାମୁଣ୍ଡା ଏୟାରପୋର୍ଟରେ କାର୍ଯ୍ୟରତ ଅଛନ୍ତି । ତାଙ୍କ ବାପା ହିଁ ତାଙ୍କର ପ୍ରଥମ କୋଚ ବୋଲି ସେ କହିଛନ୍ତି ।

୨୧ ବର୍ଷିୟ ରବିନ ମିଞ୍ଜ ୧୦ମ ପାଠ ପଢି ସାରିବା ପରେ କ୍ରିକେଟ ଖେଳରେ ପୂରା ସମୟ ଦେଇଥିଲେ । ମୁମ୍ବାଇ ଇଣ୍ଡିଆନ୍ସର ୟୁକେ ଗସ୍ତ ବେଳେ ତାଙ୍କୁ ଖୋଜା ପଡିଥିଲା । ଯାହା ତାଙ୍କ ଆତ୍ମବିଶ୍ୱାସକୁ ଦ୍ୱିଗୁଣିତ କରିଦେଇଥିଲା । ସେ ପ୍ରଥମ ଶ୍ରେଣୀ କ୍ରିକେଟ ଖେଳିନଥିଲେ ବି ଝାଡଖଣ୍ଡ ତରଫରୁ ଅଣ୍ଡର ୧୯ ଓ ଅଣ୍ଡର ୨୫ ଟିମରେ ଅଧିନାୟକତ୍ୱ କରିଛନ୍ତି । ରବିନ ମିଞ୍ଜ ସେତେବେଳେ ନଜରକୁ ଆସିଥିଲେ ଯେତେବେଳେ ସେ ଅଣ୍ଡର ୧୯ ଖେଳୁଥିବା ସମୟରେ ୬୦ ରନର ଧୂଆଁଧାର ପାଳି ଖେଳିଥିଲେ । ଯେଉଁଥିରେ ୫ଟି ବିଶାଳ ଛକା ରହିଥିଲା ।

ରବିନ ମିଞ୍ଜଙ୍କୁ ଝାଡଖଣ୍ଡର ନୂଆ ଧୋନୀ ବୋଲି ବି କୁହାଯାଉଛି । କାରଣ ଧୋନୀଙ୍କ ସହ ତାଙ୍କର ଅନେକ ସାମଞ୍ଜସ୍ୟ ରହୁଛି । ରବିନ ଧୋନୀଙ୍କ ଭଳି ୱିକେଟ କିପର ବ୍ୟାଟ୍ସମ୍ୟାନ । ମହେନ୍ଦ୍ର ସିଂ ଧୋନୀ ଓ ରବିନ ମିଞ୍ଜଙ୍କ କୋଚ ବି ସମାନ । ସେହିପରି ଧୋନୀଙ୍କ ଭଳି ରବିନ ବି ଗୋଟେ ଛୋଟିଆ ଗାଁରୁ ଆସି କ୍ରିକେଟରେ ଡେବ୍ୟୁ କରିବେ । ରବିନ ଧୋନୀଙ୍କୁ ନିଜ ଆଦର୍ଶ ବୋଲି ମାନନ୍ତି । ତେବେ ଦେଖିବା ବାକି ରହିଲା ଝାଡଖଣ୍ଡର ଗୋଟିଏ ଛୋଟିଆ ଗାଁରୁ ଆସିଥିବା ଏହି କ୍ରିକେଟର ସତରେ ଆଉ ଗୋଟିଏ ଧୋନୀ ହୋଇପାରିବେ କି?

The post ଆଇପିଏଲ ଖେଳିବେ ଆଦିବାସୀ ପୁଅ: ଗୁଜରାଟ ଟିମରେ ଝାଡଖଣ୍ଡର ରବିନ୍, ଧୋନୀଙ୍କ ସହ ରହିଛି ଅନେକ ସାମଞ୍ଜସ୍ୟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭୁବନେଶ୍ୱର ମୁଖ୍ୟ ଯୋଗାଣ ଅଧିକାରୀଙ୍କ ଘରେ ଚଢ଼ାଉ । ଆୟ ବର୍ହିଭୂତ ସମ୍ପତି ଠୁଲ ଅଭିଯୋଗରେ ମୁଖ୍ୟ ଯୋଗାଣ ଅଧିକାରୀ ପ୍ରଶାନ୍ତ ଗନ୍ତାୟତଙ୍କ ସରକାରୀ ବାସଭବନ, ଘର ସମେତ ୮ଟି ସ୍ଥାନରେ ଚଢ଼ାଉ ଚାଲିଛି । ଭୁବନେଶ୍ୱର ଓ ଗଂଜାମରେ ଏକକାଳୀନ ଚଢ଼ାଉ ଜାରି ରହିଛି । ଭୁବନେଶ୍ୱର ସ୍ଥିତ କାର୍ଯ୍ୟାଳୟ ଓ ସରକାରୀ ବାସଭବନରେ ଚଢ଼ାଉ କରୁଛି ଭିଜିଲାନ୍ସ । ଭୁବନେଶ୍ୱରର ପାଣ୍ଡରା, ଚନ୍ଦ୍ରଶେଖରପୁର, ଲକ୍ଷ୍ମୀସାଗରରେ ଥିବା ଘର ଓ ବ୍ରହ୍ମପୁରର ପୈତୃକ ଘର ଓ ଭବାନୀପୁରରେ ଥିବା ଘରେ ରେଡ୍ ହୋଇଛିି । ଏହି ଚଢ଼ାଉ ବେଳେ ବିପୁଳ ସମ୍ପତି ଠାବ କରିଛି ଭିଜିଲାନ୍ସ । ଭୁବନେଶ୍ୱରରେ ୨ଟି ବହୁ ମହଲା କୋଠା, ୨ଟି ଫ୍ଲାଟ, ୫ଟି ପ୍ଲଟ, ଅଧ କେଜି ସୁନା, ଆକାଉଂଟରେ ୧ କୋଟି ୩୭ ଲକ୍ଷ ଟଙ୍କା ଜମା ରହିଥିବା ଭିଜିଲାନ୍ସ ଜାଣିବାକୁ ପାଇଛି । ଏହାସହ ୧ଲକ୍ଷ ୨୧ ହଜାର ଟଙ୍କାର ନଗଦ ମଧ୍ୟ ଜବତ ହୋଇଛି । ଏବେବି ଚଢ଼ାଉ ଚାଲିଛି ।

The post ଭିଜିଲାନ୍ସ ଜାଲରେ ଭୁବନେଶ୍ୱର ମୁଖ୍ୟ ଯୋଗାଣ ଅଧିକାରୀ: ବାବୁଙ୍କ ଘରୁ ବାହାରିଲା ଅଧ କିଲୋ ସୁନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭୁବନେଶ୍ୱରରେ ସନ୍ଦିଗ୍ଧ ଆତଙ୍କୀ ସୟଦ ଇଶାନ୍ ବୁଖାରୀଙ୍କୁ ତୃତୀୟ ଦିନରେ ଜେରା କରୁଛି ଇଂଟେଲିଜେନ୍ସ ବ୍ୟୁରୋ । ଇଂଟେଲିଜେନ୍ସ ବ୍ୟୁରୋର ୭ ଜଣିଆ ଟିମ୍ ଓ ଏସଟିଏଫର ୪ ଜଣ ଅଧିକାରୀ ତାଙ୍କୁ ଜେରା କରୁଛନ୍ତି । ବୁଖାରୀକୁ ୫ ଦିନିଆ ରିମାଣ୍ଡରେ ନେଇ ଜେରା କରାଯାଉଛି । ଜେରା ଭିତରେ ସତ ବଖାଣିଛି ବୁଖାରୀ । ରିମାଣ୍ଡର ତୃତୀୟ ଦିନରେ ପଦାକୁ ଆସିଛି ସଂଘାତିକ ସତ । କେବଳ ଯୁବତୀ ନୁହେଁ, ଯୁବକମାନଙ୍କୁ ବି ଚୁନା ଲଗାଇଛନ୍ତି ଏହି ସନ୍ଦିଗ୍ଧ ଆତଙ୍କବାଦୀ । ଚାକିରୀ କରାଇ ଦେବାକୁ କହି ଲୁଟିଥିଲେ ଟଙ୍କା । ବଡ଼ ବଡ଼ କମ୍ପାନୀରେ ଚାକିରୀ ଦେବାକୁ କହି ବେକାରୀ ଯୁବକମାନଙ୍କ ଠାରୁ କୋଟି କୋଟି ଟଙ୍କା ଲୁଟିଛି ବୁଖାରୀ । ଓଡ଼ିଶାର ଯୁବକ ମଧ୍ୟ ଏହି ଠକେଇର ଶିକାର ହୋଇଛନ୍ତି । ଏହା ସହ ୧୨ଟି ଡେଟିଙ୍ଗ ଆପରେ ଅଲଗା ଅଲଗା ନାଁରେ ଯୁବତୀଙ୍କ ସହିତ ରଖିଥିଲା ସମ୍ପର୍କ । ଭାରତୀୟ ଡେଟିଙ୍ଗ ଆପ ବ୍ୟବହାର ନକରି ବାହାର ଦେଶର ଆପ ସାହାର୍ଯ୍ୟରେ ବିଛାଇଥିଲା । ଜାଲ ପର୍ଣ ସାଇଟରେ ନିୟୋଜିତ କରିଥିଲା ୫୭ ଜଣ ମହିଳା । ଆଉ ଏହି ମହିଳାମାନଙ୍କ ଠାରୁ ୨୫ ପ୍ରତିଶଦ କମିସନ ଆକାରରେ ନେଉଥିଲା ଏହି ଦୁରନ୍ଧର ।

The post ପୁଣି ସାମ୍ନାକୁ ଆସିଲା ସନ୍ଦିଗ୍ଧ ଆତଙ୍କୀ ବୁଖାରୀର କଳା କାରନାମା: ବେକାର ଯୁବକ ଯୁବତୀଙ୍କୁ ଚାକିରିର ଲୋଭ ଦେଖାଇ ଲଗାଉଥିଲା ଚୁନ first appeared on Kanak News.

from Kanak News
via <a href="https://ifttt.com/?

ଆସନ୍ତା ମାସରେ ତାଇୱାନରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ ଏବଂ ଏହା ପୂର୍ବରୁ ଚୀନ୍ ନିଜର ଏକ ଗୁପ୍ତ ଚାଲ୍ ଚଲେଇବାକୁ ଯାଉଛି ।  ଗଣତାନ୍ତ୍ରିକ ଶାସିତ ତାଇୱାନରେ ‘ସାଗର ମାତା’ଙ୍କର ଦଶ ଲକ୍ଷରୁ ଉର୍ଦ୍ଧ ଅନୁଗାମୀ ଅଛନ୍ତି ।  ସି ଜିନପିଙ୍ଗ ପ୍ରଶାସନ ଏହା ମାଧ୍ୟମରେ ତାଇୱାନର ନିର୍ବାଚନକୁ ପ୍ରଭାବିତ କରିବାକୁ ଚେଷ୍ଟା କରୁଛନ୍ତି । ଆସନ୍ତା ମାସରେ ତାଇୱାନରେ ରାଷ୍ଟ୍ରପତି ନିର୍ବାଚନ ହେବ ଏବଂ ଚୀନ୍ ସେଠାରେ ନିଜର ଉପସ୍ଥିତି ଜାହିର କରିବା  ପାଇଁ ସମସ୍ତ ପ୍ରୟାସ କରୁଛି । ନିର୍ବାଚନରେ ​​ହସ୍ତକ୍ଷେପ କରିବାକୁ ସି ଜିନପିଙ୍ଗ ‘ସାଗର ମାତା’ ବା ମାଜୁ ମାତାଙ୍କ ସହାୟତା ନେଉଛନ୍ତି।  ଜିନପିଙ୍ଗ ଏଠାରେ ଚୀନ୍ ସମର୍ଥିତ ରାଷ୍ଟ୍ରପତି ନିର୍ବାଚିତ କରିବାକୁ ଚାହୁଁଛନ୍ତି ।  ଯାହା ୱାନ ଚୀନ୍ ନୀତି ଆପଣେଇବାରେ ସହାୟକ ହେବ। ଏଥିପାଇଁ ତାଇୱାନର ଗ୍ରାମାଞ୍ଚଳରେ ଧାର୍ମିକ ସାମ୍ମୁଖ୍ୟରେ ଭୋଟରଙ୍କୁ ଏକତ୍ରିତ କରିବା ପାଇଁ ପ୍ରୟାସ କରାଯାଉଛି ।  ଯେଉଁଠାରେ ତାଙ୍କୁ ”ସମୁଦ୍ରୀ ମାତା’, ‘ସାଗର ମାତା’ ବା ‘ମାତା ମାଜୁ ‘ ଭାବରେ ଜଣାଶୁଣା, ସେଠାରେ ଲକ୍ଷ ଲକ୍ଷ  ସଂଖ୍ୟାରେ ତାଙ୍କର ଅନୁଗାମୀ ଅଛନ୍ତି ।

ତାଇୱାନର ଗ୍ରାମାଞ୍ଚଳରେ କରୋନା ଜୀବାଣୁ ସଂକ୍ରମଣ ସମ୍ବନ୍ଧୀୟ କଠୋର ନୀତି ହଟାଯିବା ପରେ ଧାର୍ମିକ କାର୍ଯ୍ୟକଳାପ ବୃଦ୍ଧି ପାଇଛି। ନ୍ୟୁଜ୍ ଏଜେନ୍ସି ରଏଟର୍ସ ରିପୋର୍ଟ ଅନୁଯାୟୀ, ଧାର୍ମିକ ତୀର୍ଥଯାତ୍ରାର ଖବର ଚାଇନାର କମ୍ୟୁନିଷ୍ଟ ପାର୍ଟି ଏବଂ ଚୀନ୍ ମିଡିଆର ୱେବସାଇଟରେ ମଧ୍ୟ ପ୍ରକାଶ ପାଇଛି।  ବିଶେଷକରି ‘ସାଗର ମାତା’ ଙ୍କ ଅନୁଗାମୀ ସେମାନେ ଅନେକଗୁଡ଼ିଏ ଧାର୍ମିକ ଯାତ୍ରା କରିଛନ୍ତି । କୁହାଯାଏ ଯେ ‘ମଦର ଅଫ୍ ଦି ସି ‘ବା ‘ସାଗର ମାତା’ଙ୍କ ତାଇୱାନରେ ଦଶ ଲକ୍ଷ ଅନୁଗାମୀ ଅଛନ୍ତି।

ତାଇୱାନ ଧାର୍ମିକ କାର୍ଯ୍ୟକଳାପ ଉପରେ ନଜର ରଖିଛି

ତାଇୱାନର ସୁରକ୍ଷା ଅଧିକାରୀ, ସୁରକ୍ଷା ଦଲିଲ ଏବଂ ‘ସାଗର ମାତା’ ମନ୍ଦିରର ପୁରୋହିତଙ୍କ ସହ ବାର୍ତ୍ତାଳାପକୁ ଆଧାର କରି ରିପୋର୍ଟରେ ଦର୍ଶାଯାଇଛି ଯେ ତାଇୱାନର ଧାର୍ମିକ କାର୍ଯ୍ୟକଳାପରେ ହସ୍ତକ୍ଷେପ କରି ଚୀନ୍ ରାଜନୈତିକ ସାମ୍ମୁଖ୍ୟରେ ନିର୍ବାଚନକୁ ପ୍ରଭାବିତ କରିବାକୁ ଚାହୁଁଛି । ତାଇୱାନର ସୁରକ୍ଷା ଅଧିକାରୀମାନେ ମଧ୍ୟ ବିଶ୍ୱାସ କରନ୍ତି ଯେ ଚାଇନା କମ୍ୟୁନିଷ୍ଟ ପାର୍ଟି ତାଇୱାନକୁ ଧାର୍ମିକ ଯାତ୍ରା ପାଇଁ ଲୋକଙ୍କୁ ପଠାଉଛି । ଏହି ଯାତ୍ରା ଖର୍ଚ୍ଚ ମଧ୍ୟ ଚୀନ୍ ସରକାର ବହନ କରୁଛି ।  ଏହାର ଜବାବରେ ତାଇୱାନ ସରକାର ମଧ୍ୟ ଧାର୍ମିକ କାର୍ଯ୍ୟକଳାପ ଉପରେ ନଜର ରଖିବା ଆରମ୍ଭ କରିଛନ୍ତି ।୧୩ ଜାନୁଆରୀରେ ହେବ ତାଇୱାନ ରାଷ୍ଟ୍ରପତି ନିର୍ବାଚନ ଆସନ୍ତା ମାସରେ ଜାନୁଆରୀ ୧୩  ରେ ତାଇୱାନରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ। ତାଇୱାନର ଅଧିକାରୀମାନେ ବିଶ୍ୱାସ କରନ୍ତି ଯେ ଚୀନ୍ ସମର୍ଥିତ ଦଳଗୁଡିକ ପାଇଁ ଭୋଟ୍ ଉପରେ ପ୍ରଭାବ ପକାଇବାକୁ କମ୍ୟୁନିଷ୍ଟ ପାର୍ଟି ଚେଷ୍ଟା କରୁଛି । ଆସନ୍ତା ଚାରି ବର୍ଷ ମଧ୍ୟରେ ତାଇୱାନ ଏବଂ ଚୀନ୍ ମଧ୍ୟରେ ସମ୍ପର୍କ କ’ଣ ହେବ ତାହା ନିର୍ବାଚନ ନିର୍ଣ୍ଣୟ କରିବ ।  ଯେଉଁଠାରେ ଆମେରିକା ଦିନକୁ ଦିନ ତାଇୱାନ ସରକାରଙ୍କ ନୀତି ବିରୁଦ୍ଧରେ ନେଉଥିବା ନିଷ୍ପତ୍ତି ଉପରେ ପ୍ରଭାବ ପକାଇବ ।

ତାଇୱାନର ରାଜନୀତି ଦୁଇଟି ଦଳ ଉପରେ ଚାଲିଥାଏ, ଯାହାର ଗୋଟିଏ ଦଳ ବିଶ୍ୱାସ କରନ୍ତି ଯେ ତାଇୱାନ ଏବଂ ଚୀନ୍ ମିଳିତ ଭାବରେ କାର୍ଯ୍ୟ କରିବା ଉଚିତ ଏବଂ ଚୀନ୍ ସହିତ ରହିବା ଉଚିତ୍। ଯେଉଁଠାରେ ଶାସକ ପ୍ରଗତିଶୀଳ ଦଳର ନୀତି ପାଶ୍ଚାତ୍ୟ ଦ୍ୱାରା ସମର୍ଥିତ । ଅନ୍ୟଟି ଚାହେଁ ତାଇୱାନ ନିରପେକ୍ଷ ଭାବେ କାମ କରିବା ଉଚିତ ।

ତାଇୱାନ ଉପରେ ଚୀନ୍ ନିଜର ପ୍ରଭାବ ପକାଇବାକୁ ଚାହୁଁଛି

ଗତ କିଛି ବର୍ଷ ମଧ୍ୟରେ, ଦେଖାଯାଇଛି ଯେ ଚୀନ୍ ସାଗର ମାତାଙ୍କ ଅନୁଗାମୀ ତଥା ତାଇୱାନର ଅନ୍ୟାନ୍ୟ ଧାର୍ମିକ କାର୍ଯ୍ୟରେ ଜଡିତ ଲୋକଙ୍କ ମଧ୍ୟରେ ନିଜର ପ୍ରଭାବ ସ୍ଥାପନ କରିଛି । ଚୀନ ବାଜାବାଟା ଧାର୍ମିକ ବ୍ୟାପାର ମନ୍ତ୍ରଣାଳୟ ମଧ୍ୟ ଏହା ପରିଚାଳନା କରେ । ଯାହା ତାଇୱାନରେ ରହୁଥିବା ଖ୍ରୀଷ୍ଟିଆନ, ବୌଦ୍ଧ ଏବଂ ଟାଓବାଦୀ ଲୋକଙ୍କ ସହ ସମ୍ପର୍କ ବୃଦ୍ଧି କରି ସେମାନଙ୍କୁ ସମର୍ଥନ କରୁଥିବା ଦଳକୁ ଭୋଟ୍ ଦେବାକୁ ପ୍ରୋତ୍ସାହିତ କରେ । ‘ସାଗର ମାତା’କୁ ବିଶ୍ବାସ କରୁଥିବା ଲୋକମାନେ ତାଇୱାନ ଏବଂ ଚୀନ୍‌ର ସୀମାନ୍ତ ଅଞ୍ଚଳରେ ବାସ କରନ୍ତି । ରିପୋର୍ଟ ଅନୁଯାୟୀ, ଚାଇନାର ପାଞ୍ଚଟି ତାଇୱାନ ସାଗର ମାତା ମନ୍ଦିରର ଅପରେଟରମାନେ ଚୀନ୍ ଶାସନରେ ପ୍ରାଧାନ୍ୟ ବିସ୍ତାର କରୁଥିବା ଚାଇନାରେ ଅବସ୍ଥିତ ମନ୍ଦିର ସହିତ ଯୋଗାଯୋଗରେ ଅଛନ୍ତି ଏବଂ ଏହା ମାଧ୍ୟମରେ ସେମାନେ ନିର୍ବାଚନକୁ ପ୍ରଭାବିତ କରିବାକୁ ଚେଷ୍ଟା କରୁଛନ୍ତି ।

The post କିଏ ଏହି ‘ସାଗର ମାତା’ ? ଯାହାକୁ ନେଇ ତାଇୱାନ ନିର୍ବାଚନରେ ​​ଚୀନ୍ ନିଜର ଲକ୍ଷ୍ୟ ପୁରଣ କରିବାକୁ ଚାହୁଁଛି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୫୦ ପ୍ରତିଶତ ରିହାତିରେ ଗାଡ଼ି ଦେବାକୁ କହି କୋଟି କୋଟି ଟଙ୍କାର ଠକେଇ ଅଭିଯୋଗ । ଏହି ଘଟଣାରେ ୩ ଜଣଙ୍କୁ ଅଟକ ରଖି ପଚରାଉଚରା କରୁଛି ପୁଲିସ । ନୟାପଲ୍ଲୀ ଥାନାରେ ଗଞ୍ଜାମ ଆସିକାର ଅଭିଯୁକ୍ତ ଦମ୍ପତିଙ୍କୁ ପଚରାଉଚରା କରାଯାଉଛି । ଏହି ଦମ୍ପତି ରିହାତିରେ ଗାଡ଼ି ଦେବାକୁ କହି ପ୍ରାୟ ଶହେ କୋଟି ଟଙ୍କାରୁ ଅଧିକ ଟଙ୍କାର ଠକେଇ କରିଥିବା ଅଭିଯୋଗ ହୋଇଛି । ଏହାସହ କମିଶନରେଟ ପୁଲିସକୁ ବି ଠକିଥିବା ଅଭିଯୋଗ ହୋଇଛି । ଅକ୍ଷୟ ଗୌଡ଼ ଓ ତାଙ୍କ ପତ୍ନୀ ରାଧାରାଣୀ ବାରିକ ଏବଂ ଅନ୍ୟଜଣେ ଅଭିଯୁକ୍ତ ଶିବରାମ ଗୌଡ଼ଙ୍କୁ ଗିରଫ କରାଯାଇଛି । ଏନେଇ କେବଳ ନୟାପଲ୍ଲୀ ଥାନାରେ ୫୦କୋଟିରୁ ଅଧିକ ଟଙ୍କାର ଠକେଇ ନେଇ ଅଭିଯୋଗ ହୋଇଛି ।

The post ରିହାତିରେ ଗାଡ଼ି ଦେବାକୁ କହି ବଡ଼ ଧରଣର ଠକେଇ । ୫୦ କୋଟିରୁ ଅଧିକ ଟଙ୍କାର ଠକେଇ ଅଭିଯୋଗରେ ଆସିକାର ଦମ୍ପତି ସମେତ ୩ ଜଣ ଗିରଫ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଲଗା ହେବେ ଓଲିଉଡର ଚର୍ଚ୍ଚିତ ଯୋଡି ବର୍ଷା-ଅନୁଭବ । ବର୍ଷା ପ୍ରିୟଦର୍ଶିନୀ ଏବଂ ଅନୁଭବଙ୍କ ବିବାହ ବିଚ୍ଛେଦ ମାମଲାରେ ଗୁରୁବାର ହାଇକୋର୍ଟ ଗୁରୁତ୍ୱପୂର୍ଣ୍ଣ ଶୁଣାଣି କରିଛନ୍ତି । କୋର୍ଟ ଅନୁଭବ-ବର୍ଷାଙ୍କ ବିବାହ ବିଚ୍ଛେଦଙ୍କୁ ଅନୁମତି ଦେଇଛନ୍ତି । ତେବେ ଏହି ମାମଲାରେ ପୂର୍ବରୁ ବିବାହ ବିଚ୍ଛେଦ ଆବେଦନକୁ ଖାରଜ କରିଥିଲେ ତଳକୋର୍ଟ । ଏହାପରେ ତଳକୋର୍ଟର ରାୟକୁ ଚ୍ୟାଲେଞ୍ଜ କରି ହାଇକୋର୍ଟ ଯାଇଥିଲେ ଅନୁଭବ । ଆଉ ଏବେ ହାଇକୋର୍ଟ ଏହି ଆବେଦନକୁ ଗ୍ରହଣ କରିବା ସହିତ ବିବାହ ବିଚ୍ଛେଦ ପାଇଁ ଅନୁମତି ଦେଇଛନ୍ତି ।

ସାଂସଦ ଅନୁଭବ ଓ ବର୍ଷାଙ୍କ ବିବାହ ବିଚ୍ଛେଦ ମାମଲା
ବିବାହ ବିଚ୍ଛେଦ ଆବେଦନକୁ ମିଳିଲା ଅନୁମତି
ବିବାହ ବିଚ୍ଛେଦ ଅନୁମତି ଦେଲେ ହାଇକୋର୍ଟ@AnubhavMohanty_ #VarshaPriyadarshini #KanakNews pic.twitter.com/66BFsuowtm

— Kanak News (@kanak_news) December 21, 2023

https://platform.twitter.com/widgets.js

The post ଅଲଗା ହେବେ ବର୍ଷା-ଅନୁଭବ । ବିବାହ ବିଚ୍ଛେଦ ପାଇଁ ଅନୁମତି ଦେଲେ ହାଇକୋର୍ଟ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ବାହାରେ ମୁକ୍ତିକାନ୍ତ ବିଶ୍ୱାଳଙ୍କ ଧାରଣା । ରାଉରକେଲାରେ ଝାଡ଼ାବାନ୍ତି ବ୍ୟାପୁଥିବା ସହ ଏଥିରେ ହୋଇଥିବା ମୃତ୍ୟ ପରେ ସ୍ୱାସ୍ଥ୍ୟ ବ୍ୟବସ୍ଥା ବିରୋଧରେ ସ୍ୱର ଉଠାଇଛନ୍ତି ମୁକ୍ତିକାନ୍ତ ବିଶ୍ୱାଳ । ମିଛ ପ୍ରତିଶ୍ରୁତି ଦେଇ ରାଉରକେଲା ବାସୀଙ୍କୁ ପ୍ରତାରଣା କରାଯାଇଥିବା ଅଭିଯୋଗ କରିଛନ୍ତି ମୁକ୍ତିକାନ୍ତ । ରାଉରକେଲାବାସୀଙ୍କ ଅଧିକାରୀ କେବେ ପୂରଣ ହେବ ବୋଲି ପ୍ରଶ୍ନ କରିଛନ୍ତି । ତେବେ ଗତବର୍ଷ ଆଜିର ଦିନରେ ରାଉରକେଲା ବିକାଶ ପାଇଁ ଭୁବନେଶ୍ୱରରେ ଆନ୍ଦୋଳନ କରିଥିଲେ ମୁକ୍ତିକାନ୍ତ ବିଶ୍ୱାଳ ।

The post ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ବାହାରେ ମୁକ୍ତିକାନ୍ତ ବିଶ୍ୱାଳଙ୍କ ଧାରଣା । ରାଉରକେଲାରେ ଝାଡାବାନ୍ତି ବ୍ୟାପୁଥିବା ବିରୋଧରେ ଉଠାଇଲେ ସ୍ୱର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଜାନୁଆରୀ ୧୭ରେ ଲୋକାର୍ପିତ ହେବ ଶ୍ରୀମନ୍ଦିର ପରିକ୍ରମା ପ୍ରକଳ୍ପ । ଏଥିପାଇଁ ଆଜି ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ସମ୍ପର୍କିତ ନିମନ୍ତ୍ରଣ ମହାପ୍ରଭୁଙ୍କ ଶ୍ରୀଚରଣରେ ଅର୍ପଣ ହେବ । ଯଜମାନ ଭାବେ ଗଜପତି ମହାରାଜ ଦିବ୍ୟସିଂହ ଦେବ ଯଜ୍ଞର ପୂର୍ଣ୍ଣାହୁତି ଦେବେ । ଏଣୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରତିଷ୍ଠା ଉତ୍ସବ ପାଇଁ ବ୍ୟାପକ ପ୍ରସ୍ତୁତି କରାଯାଇଛି । ଆସନ୍ତାକାଲି ଠାରୁ ନିମନ୍ତ୍ରଣ ପତ୍ର ବଣ୍ଟନ ହେବ । ନିମନ୍ତ୍ରଣ ପତ୍ର ସହ ଏକ ସ୍ୱତନ୍ତ୍ର କିଟ୍ ମଧ୍ୟ ପ୍ରଦାନ କରାଯିବ । ଓଡ଼ିଆ, ଇଂରାଜୀ ଓ ହିନ୍ଦୀ ତିନୋଟି ଭାଷାରେ ରହିବ । ଏଥିରେ ପରିକ୍ରମା ପ୍ରକଳ୍ପକୁ ତଥ୍ୟ ରହିବ । ବିଭିନ୍ନ ଧାର୍ମିକ ଅନୁଷ୍ଠାନକୁ ଏହି ନିମନ୍ତ୍ରଣ ପତ୍ର ପଠାଯିବ । ଏଥିପାଇଁ ଜିଲ୍ଲାୱାରି ତାଲିକା ପ୍ରସ୍ତୁତ ହୋଇଛି । ଯେଉଁଥିରେ ରାଜ୍ୟର ବିଭିନ୍ନ ସ୍ଥାନରେ ଥିବା ୭୪୬ଟି ଜଗନ୍ନାଥ ମନ୍ଦିର, ୧୧୧ଟି ଅନ୍ୟ ମନ୍ଦିରକୁ ନିମନ୍ତ୍ରଣ ପତ୍ର ପଠାଯିବ ।

The post ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ପାଇଁ ପ୍ରଥମେ ଜଗନ୍ନାଥଙ୍କୁ କରାଯିବ ନିମନ୍ତ୍ରଣ । ଆଜି ଅର୍ପଣ ପରେ ବଣ୍ଟାଯିବ କାର୍ଡ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଡ୍ରାଇଭରଙ୍କୁ ମିଳିବ ମାଗଣା ଚା’ । ରାତିରେ ଜାତୀୟ ରାଜପଥରେ ଟ୍ରକ୍, ବସ୍ ଭଳି ଭାରିଯାନ ଚଲାଉଥିବା ଡ୍ରାଇଭରଙ୍କୁ ମିଳିବ ମାଗଣା ଚା’ । ଏନେଇ ସୂଚନା ଦେଇଛନ୍ତି ରାଜ୍ୟର ପରିବହନ ମନ୍ତ୍ରୀ ଟୁକୁନି ସାହୁ । ତାଙ୍କ କହିବା ମୁତାବକ, ରାଜ୍ୟ ସରକାରଙ୍କ ପକ୍ଷରୁ ଡ୍ରାଇଭରମାନଙ୍କୁ ମାଗଣାରେ ଚା’ ଯୋଗାଇ ଦିଆଯିବ । ରାସ୍ତାକଡରେ ଥିବା ହୋଟେଲ ଏବଂ ଢାବାରୁ ଡ୍ରାଇଭରମାନେ ମାଗଣାରେ ଚା’ ପିଇପାରିବେ । ଖାଲି ସେତିକି ନୁହେଁ, ଏହି ହୋଟେଲ ଏବଂ ଢାବାରେ ଡ୍ରାଇଭରମାନେ ଚା’ ପିଇବା ସହିତ ବିଶ୍ରାମ ମଧ୍ୟ ନେଇପାରିବେ ବୋଲି ମନ୍ତ୍ରୀ ଗଣମାଧ୍ୟମକୁ ସୂଚନା ଦେଇଛନ୍ତି ।

ତେବେ ଜାତୀୟ ରାଜପଥରେ ଥିବା କେଉଁ କେଉଁ ହୋଟେଲ ଏବଂ ଢାବାରେ ଡ୍ରାଇଭରଙ୍କ ପାଇଁ ମାଗଣା ଚା’ ଉପଲବ୍ଧ ରହିବ ସେ ନେଇ ଜିଲ୍ଲାପାଳ ହୋଟେଲ ଏବଂ ଢାବା ଚିହ୍ନଟ କରିବେ ବୋଲି କୁହାଯାଇଛି । ରାତିରେ ଅଧିକାଂଶ ସମୟରେ ନିଦ ଆସିବା କାରଣରୁ ଦୁର୍ଘଟଣା ଘଟିଥାଏ । ଭାରିଯାନ ଚାଳକମାନେ ଅନିଦ୍ରା ରହିଥିବା କାରଣରୁ ଏହି ଦୁର୍ଘଟଣା ଘଟିଥାଏ । ତେଣୁ ଦୁର୍ଘଟଣା ସମସ୍ୟାକୁ ଏଡାଇବାକୁ ଯାଇ ରାଜ୍ୟ ସରକାର ଏଭଳି ପଦକ୍ଷେପ ଗ୍ରହଣ କରିଛନ୍ତି ।

The post ଜାତୀୟ ରାଜପଥରେ ଭାରିଯାନ ଡ୍ରାଇଭରଙ୍କୁ ମିଳିବ ମାଗଣା ଚା’ । ରାତି ସମୟରେ ଡ୍ରାଇଭରଙ୍କୁ ମାଗଣାରେ ଚା’ ଦେବେ ରାଜ୍ୟ ସରକାର । first appeared on Kanak News.

from Kanak News
via <a href="https://ifttt.com/?