କନକ ବ୍ୟୁରୋ: ସାମ୍ନାକୁ ଆସିଲା ବୁଖାରୀର ସାଂଘାତିକ ଷଡଯନ୍ତ୍ର । ଯୁବତୀଙ୍କୁ ବ୍ୟବହାର କରି କରୁଥଲା ହନିଟ୍ରାପ୍ । ଯୁବତୀଙ୍କ ସହ ଯୋଗାଯୋଗ ରଖିବା ପାଇଁ ନିଜେ କରିଥିଲା ଆପ୍ । ଯୁବତୀଙ୍କ ସହ ସମ୍ପର୍କ ରଖି ହନିଟ୍ରାପରେ ବ୍ୟବହାର କରୁଥିବା ସନ୍ଦେହ କରାଯାଉଛି । ଏହି ଆପ୍ ଜରିଆରେ ବିଭିନ୍ନ ଯୁବତୀଙ୍କ ସହ ଯୋଗାଯୋଗରେ ରହଥିଲା ସନ୍ଦିଗ୍ଧ ଆତଙ୍କବାଦୀ ସୟଦ ଇଶାନ ବୁଖାରୀ । ଯେଉଁମାନେ ନ୍ୟୁଡ କଲରେ ସାମିଲ ହେଉଥିଲେ ତାଙ୍କ ଠାରୁ ମୋଟା ଅଙ୍କର କମିଶନ ନେଉଥିଲା । ଏପରିକି ଓଡ଼ିଶାର ଦୁଇ ଜଣ ଯୁବତୀଙ୍କ ସହ ସମ୍ପର୍କରେ ଥିଲା ବୁଖାରୀ । ଏସବିଆଇ, ଜେ ଆଣ୍ଡ କେ ବ୍ୟାଙ୍କ ସମେତ ୯ଟି ବ୍ୟାଙ୍କରେ ବୁଖାରୀର ବ୍ୟାଙ୍କ ଆକାଉଂଟ ରହିଥିବା ଜଣାପଡ଼ିଛି । ସେଥିରେ କୋଟି କୋଟି ଟଙ୍କାର କାରବାର ହୋଇଥିବା ଜଣାପଡ଼ିଛି ।

The post ସାମ୍ନାକୁ ଆସିଲା ବୁଖାରୀର ସାଂଘାତିକ ଷଡଯନ୍ତ୍ର: ଯୁବତୀଙ୍କ ଜରିଆରେ କରୁଥିଲା ହନିଟ୍ରାପ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଉରକେଲାରେ ହଇଜା ସଂକ୍ରମଣ ଘଟଣାରେ ଚିନ୍ତା ପ୍ରକାଶ କରିବା ସହ ସଂକ୍ରମଣକୁ ରୋକିବା ପାଇଁ ତ୍ୱରିତ ପଦକ୍ଷେପ ପାଇଁ କେନ୍ଦ୍ରୀୟ ସଂସ୍ଥାର ସହଯୋଗ ନେବା ପାଇଁ ଟ୍ୱିଟ୍ କରି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ରାଉରକେଲା ଭଳି ମହାନଗର ଅଞ୍ଚଳରେ ହଇଜା ସଂକ୍ରମଣରେ ଶତାଧିକ ଲୋକ ଆକ୍ରାନ୍ତ ହେବା ଓ ପ୍ରଶାସନର ନିୟନ୍ତ୍ରଣ ବାହାରକୁ ଚାଲିଥିବା ଚିନ୍ତାଜନକ । ରାଜ୍ୟ ସରକାର ତୁରନ୍ତ ଏହି ସମ୍ବେଦଶୀଳ ଘଟଣାକୁ ଗୁରୁତ୍ୱର ସହ ନେଇ ଚିକିତ୍ସିତ ହେଉଥିବା ଲୋକଙ୍କୁ ଉତ୍ତମ ସ୍ୱାସ୍ଥ୍ୟସେବା ପ୍ରଦାନ କରିବା ପାଇଁ ଆବଶ୍ୟକୀୟ ପଦକ୍ଷେପ ନିଅନ୍ତୁ ।

ରାଉରକେଲା ସହର ସହିତ ଆଖପାଖ ଅଞ୍ଚଳରେ ଗତ କିଛି ଦିନ ହେବ ଡାଇରିଆ ଲାଗି ରହିଥିବା କାରଣରୁ ଲୋକମାନେ ମୃତ୍ୟୁବରଣ କରିଥିବା ଖବର ଶୁଣି ମୁଁ ଦୁଃଖିତ ଓ ମର୍ମାହତ । ଅମର ଆତ୍ମାର ସଦଗତି କାମନା କରିବା ସହ ଆକ୍ରାନ୍ତଙ୍କ ଆଶୁ ଆରୋଗ୍ୟ କାମନା କରୁଛି । ଚିକିତ୍ସିତ ହେଉଥିବା ଲୋକମାନେ ଶୀଘ୍ର ସୁସ୍ଥ ହୋଇ ଘରକୁ ଫେରନ୍ତୁ, ଏହା ମହାପ୍ରଭୁଙ୍କ ପାଖରେ…

— Dharmendra Pradhan (@dpradhanbjp) December 20, 2023

https://platform.twitter.com/widgets.jsସଂକ୍ରମିତ ଅଞ୍ଚଳରେ ଘର ଘର ବୁଲି ଲୋକ ମାନଙ୍କ ସ୍ୱାସ୍ଥ୍ୟ ପରୀକ୍ଷା କରିବା ସହ ସଚେତନତା ସୃଷ୍ଟି କରାଯାଉ । ସଂକ୍ରମଣକୁ ରୋକିବା ପାଇଁ କେନ୍ଦ୍ରୀୟ ସଂସ୍ଥାର ସହଯୋଗ ନେବା ସହ ଉକ୍ତ ଅଞ୍ଚଳରେ ନାଗରିକଙ୍କୁ ଅତ୍ୟାବଶ୍ୟକ ସାହାଯ୍ୟ ଓ ସହଯୋଗ ଯୋଗାଇ ଦେବା ପାଇଁ ତ୍ୱରିତ ପଦକ୍ଷେପ ନିଅନ୍ତୁ ବୋଲି ଧର୍ମେନ୍ଦ୍ର ନିଜ ସୋସିଆଲ ମିଡ଼ିଆ ପୋଷ୍ଟରେ ଉଲ୍ଲେଖ କରିଛନ୍ତି । ଏହାସହ ହଇଜାରେ ମୃତ୍ୟୁବରଣ କରିଥିବା ଲୋକଙ୍କ ପାଇଁ ଦୁଃଖପ୍ରକାଶ କରିବା ସହ ଆକ୍ରାନ୍ତଙ୍କ ଆଶୁ ଆରୋଗ୍ୟ କାମନା କରିଛନ୍ତି ଧର୍ମେନ୍ଦ୍ର ପ୍ରଧାନ ।

The post ରାଉରକେଲାରେ ହଇଜା ସଂକ୍ରମଣକୁ ନେଇ ଚିନ୍ତା ପ୍ରକଟ କଲେ କେନ୍ଦ୍ରମନ୍ତ୍ରୀ । ଧର୍ମେନ୍ଦ୍ର କହିଲେ, ସଂକ୍ରମଣ ରୋକିବାକୁ କେନ୍ଦ୍ରୀୟ ସଂସ୍ଥାର ସହଯୋଗ ନିଅନ୍ତୁ ରାଜ୍ୟ ସରକାର । first appeared on Kanak News.

from Kanak News
via <a href="https://ifttt.com/?

ନୱାଜ ସରିଫ ଯେବେଠୁ ଲଣ୍ଡନରୁ ଫେରିଛନ୍ତି ସେବେଠୁ ସେ ପାକିସ୍ତାନ ବିରୁଦ୍ଧରେ ଲଗାତାର ବୟାନବାଜି କରିଆସୁଛନ୍ତି । ସେ ଲଗାତାର ପାକିସ୍ତାନକୁ ଗାଳି ଦେଉଛନ୍ତି । ସେପଟେ ପାକିସ୍ତାନର ଖରାପ ଅବସ୍ଥା ସମ୍ପର୍କରେ ସେ ଆଉ ଏକ କଥା ମଧ୍ୟ କହିଛନ୍ତି । ନୱାଜ କହିଛନ୍ତି ଯେ ଆଜି ଆମ ଦେଶର ଅବସ୍ଥା ପାଇଁ ଆଉ କେହି ନୁହେଁ ଆମେ ନିଜେ ହିଁ ଦାୟୀ । ଏଥିପାଇଁ ଆଉ କାହାକୁ ଦୋଷ ଦେଲେ ହେବନାହିଁ । ଆମେ ନିଜ ଗୋଡରେ କୁରାଢି ମାରିଛୁ । ନୱାଜ କହିଛନ୍ତି ଯେ ପାକିସ୍ତାନ ଆଜି ଯେଉଁ ଖରାପ ପର୍ଯ୍ୟାୟ ଦେଇ ଗତି କରୁଛି ସେଥିପାଇଁ ଭାରତ କିମ୍ବା ଆମେରିକା ଦାୟୀ ନୁହଁନ୍ତି । ଆମେ ନିଜେ ଏଥିପାଇଁ ଦାୟୀ ।

ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ ୨୧ ଅକ୍ଟୋବରରେ ଲଣ୍ଡନରୁ ନିଜ ଦେଶକୁ ଫେରିଥିଲେ । ସେ ପାକିସ୍ତାନୀ ମାଟିରେ ପାଦ ଦେବା ଦିନଠାରୁ ପାକିସ୍ତାନ ବିରୁଦ୍ଧରେ ବୟାନ ଦେଇ ଆସୁଛନ୍ତି ।  ସେ ଅଙ୍ଗଭଙ୍ଗୀ ମାଧ୍ୟମରେ ପାକିସ୍ତାନୀ ସେନାକୁ ଟାର୍ଗେଟ କରୁଛନ୍ତି । ଦେଶର ଖରାପ ଅବସ୍ଥା ପାଇଁ ସେନାକୁ ଦାୟୀ କରିବାକୁ ଚେଷ୍ଟା କରୁଛନ୍ତି ।

ସେ କହିଛନ୍ତି ଯେ ସେନା ୨୦୧୮ ନିର୍ବାଚନରେ ଧୋକାଧଡି କରି ଏହି ଦେଶ ଉପରେ ସେନା ନିଜ ପସନ୍ଦର ସରକାର ମନୋନୀତ କରି ଲାଗୁ କରିଛି । ଏହି କାରଣରୁ ସାଧାରଣ ଜନତା ଅସୁବିଧାରେ ପଡ଼ିଲେ ଏବଂ ଅର୍ଥନୀତିର ଅବସ୍ଥା ବିଗିଡିଗଲା ।

ଚତୁର୍ଥ ଥର ପାଇଁ ପ୍ରଧାନମନ୍ତ୍ରୀ ହେବାର ସ୍ବପ୍ନ ଦେଖୁଛନ୍ତି ନୱାଜ ସରିଫ

ଆସନ୍ତା ବର୍ଷ ପାକିସ୍ତାନରେ ସାଧାରଣ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏବଂ ନୱାଜ ସରିଫ ଚତୁର୍ଥ ଥର ପାଇଁ ପାକିସ୍ତାନର ପ୍ରଧାନମନ୍ତ୍ରୀ ହେବାକୁ ସ୍ୱପ୍ନ ଦେଖୁଛନ୍ତି । PML-N ଟିକେଟ୍ ପ୍ରତିଯୋଗୀଙ୍କ ସହ କଥାବାର୍ତ୍ତା କରୁଥିବାବେଳେ ସେ କହିଥିଲେ ଯେ ତାଙ୍କୁ ତିନିଥର (୧୯୯୩.୧୯୯୯ ଓ ୨୦୧୭ ) ଶାସନ ଗଦୀରୁ ଜୋର ଜବରଦସ୍ତ ବହିଷ୍କାର କରାଯାଇଛି । ୧୯୯୯ ବର୍ଷ ବିଷୟରେ ଉଲ୍ଲେଖ କରି ନୱାଜ କହିଛନ୍ତି ଯେ ମୁଁ ସକାଳେ ପ୍ରଧାନମନ୍ତ୍ରୀ ଥିଲି ଏବଂ ସନ୍ଧ୍ୟାରେ ମୋତେ ଅପହରଣକାରୀ ଘୋଷିତ କରାଯାଇଥିଲା । ନୱାଜ ଆହୁରି କହିଛନ୍ତି ଯେ ୨୦୧୭ ରେ ମଧ୍ୟ ସମାନ ଘଟଣା ଘଟିଥିଲା । ମୋ ପୁଅଠାରୁ ଦରମା ନ ନେବା କାରଣରୁ ମୋତେ କ୍ଷମତାରୁ ବାହାର କରିଦିଆଗଲା । ତାଙ୍କର ପ୍ରତିଦ୍ୱନ୍ଦ୍ୱୀ ପାକିସ୍ତାନ ତେହେରିକ୍-ଇ-ଇନସାଫ୍ (ପିଟିଆଇ) ସୁପ୍ରିମୋ ଇମ୍ରାନ ଖାନଙ୍କ ବିଷୟରେ ଉଲ୍ଲେଖ କରି ସେ କହିଛନ୍ତି ଯେ ସେନା ତାଙ୍କ ମନୋନୀତ ବ୍ୟକ୍ତିଙ୍କୁ କ୍ଷମତାକୁ ଆଣିବାକୁ ଚାହୁଁଛନ୍ତି, ତେଣୁ ସେ ଏପରି ନିଷ୍ପତ୍ତି ନେଇଥିଲେ ।

୪ ଟଙ୍କାର ରୁଟି ଏବେ ୨୦ ଟଙ୍କା

କିଛି ଦିନ ପୂର୍ବରୁ ପାକିସ୍ତାନର ଖରାପ ଆର୍ଥିକ ଅବସ୍ଥାକୁ ନେଇ ନୱାଜ ଚିନ୍ତା ପ୍ରକଟ କରିଥିଲେ । ସେ କହିଥିଲେ ଯେ ତାଙ୍କ ସହ ଯାହା ଘଟିଛି ତାହା ଘଟିଛି, କିନ୍ତୁ ପ୍ରକୃତ ଦଣ୍ଡ ପାକିସ୍ତାନବାସୀଙ୍କୁ ଦିଆଯାଇଛି । ଆଜି ପାକିସ୍ତାନରେ ଚାରି ଟଙ୍କାର ଏକ ରୁଟିର ମୂଲ୍ୟ ୨୦ ଟଙ୍କା ହେଲାଣି ।  ୫୦ ଟଙ୍କା ଚିନିର ମୂଲ୍ୟ ଆଜି ୧୫୦ ଛୁଇଁଲାଣି ।  ସେହି ସମୟର ବିଦ୍ୟୁତ୍ ଆଜି ଏତେ ମହଙ୍ଗା ହୋଇଛି ଯେ ଲୋକମାନେ ଏହାର ବିଲ୍ ପୈଠ କରିବାକୁ ମଧ୍ୟ ସକ୍ଷମ ନୁହଁନ୍ତି । ଆମ ଦେଶର ପିଲାଙ୍କ ପାଇଁ ଏହାଠାରୁ ବଡ଼ ଦଣ୍ଡ କ’ଣ ହୋଇପାରେ ?

 

The post ଆମେ ନିଜ ଗୋଡରେ କୁରାଢି ମାରିଛୁ । ଆମ ଅବସ୍ଥା ପାଇଁ ଆମେ ନିଜେ ହିଁ ଦାୟୀ : ନୱାଜ ସରିଫ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବିଜ୍ଞାନ ସଫଳତାର ଶୀର୍ଷରେ ପହଞ୍ଚିଛି । ମଣିଷ ଚନ୍ଦ୍ରରେ ରହିବାକୁ ଯୋଜନା ବି କରୁଛି । ହେଲେ ଏବେବି ଝିଅକୁ ଅଭିଶାପ ବୋଲି ଭାବୁଛି ଏ ସମାଜ । ଏହାର ଏକାଧିକ ପ୍ରମାଣ ଆଜି ବି ଦେଖିବାକୁ ମିଳୁଥିବାବେଳେ ମଧ୍ୟପ୍ରଦେଶରୁ ଆସିଛି ଏକ ଛାତିଥରା ଖବର, ଯେଉଁଠି ଝିଅ ଜନ୍ମ ହେଲା ବୋଲି ସ୍ତ୍ରୀର ତଣ୍ଟି ଚିପି ମାରିଦେଲା ସ୍ୱାମୀ ।

ଏଭଳି ଘଟଣା ଘଟିଛି ମଧ୍ୟପ୍ରଦେଶ ଗ୍ୱାଲିଅର ମୁରାର ଅଞ୍ଚଳରେ ଏଠିକାର ବାସିନ୍ଦା ଦଶରଣ ପାଲ ୧୦ ବର୍ଷ ତଳେ ସୃଷ୍ଟିଙ୍କୁ ବିବାହ କରିଥିଲେ । ପ୍ରଥମେ ଝିଅଟିଏ ଜନ୍ମ ହେବାରୁ ଦଶରଥ ମନ ଖରାପ କରିଥିଲେ । ଦ୍ୱିତୀୟ ସନ୍ତାନ କାଳେ ପୁଅ ହେବ ବୋଲି ଭାବିଥିଲେ । କିନ୍ତୁ ଦ୍ୱିତୀୟ ସନ୍ତାନ ମଧ୍ୟ ଝିଅ ହେଲା । ଏହାକୁ ନେଇ ଦଶରଥ ସୃଷ୍ଟିଙ୍କୁ ସବୁଦିନ ଗାଳିଗୁଲଜ କରିବା ସହ ମାଡ ମାରୁଥିଲେ । ଏ ସ୍ଥିତି ଏଭଳି ମୋଡ ନେଲା ଯେ ଶେଷରେ ସ୍ତ୍ରୀକୁ ମାରିଦେବାକୁ ଯୋଜନା କଲା ଦଶରଥ । ଦଶରଥର ହୱାଲିରେ ଆଉ ଏକ ଘର ଥିଲା । ଏଠାକୁ ପ୍ରତି ମାସରେ ସେ ଘର ସଫା କରିବାକୁ ଆସେ । ଥରେ ଯୋଜନା କରି ଏହି ଘର ସଫା କରିବାକୁ କହି ସୃଷ୍ଟିକୁ ଆଣିଥିଲା ଏବଂ ସେଠାରେ ପ୍ରଥମେ ମାଡ ମାରିବା ପରେ ଓୃଷ୍ଟିର ତଣ୍ଟି ଚିପିଦେଇଥିଲା । ସ୍ତ୍ରୀ ମରିଯାଇଥିବା ଭାବି ବାହାରପଟୁ ଘର ତାଲା ପକାଇ ଚାଲିଗଲା ।

କିଛି ଘଣ୍ଟା ପରେ ସୃଷ୍ଟିର ଚେତା ଫେରିବାରୁ ସେ ପାଟି କରିଥିଲା । ଏହା ଶୁଶିପାରିଥିଲେ ଜନୈକ ପଡୋଶୀ । ସେ ଦଶରଥର ଭାଇ ମନୀଷ ପାଲଙ୍କୁ ଫୋନ୍ କରି ଘରେ ଭିତରେ କାହା ପାଟି ଶୁଣାଯାଉଥିବା କହିଥିଲେ । ଦିଅର ମନୀଷ ଆସି ଦେଖିବା ବେଳକୁ ଅତି ଦୟନୀୟ ଭାବେ ପଡିଥିଲେ ସୃଷ୍ଟି । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲ ନେଇଥିଲେ ବି ଡିସେମ୍ବର ୧୪ ତାରିଖରେ ସୃଷ୍ଟିର ମୃତ୍ୟୁ ହୋଇଗଲା । ଏହି ଘଟଣାରେ ପୋଲିସ ଅଭିଯୁକ୍ତ ସ୍ୱାମୀ ଦଶରଥକୁ ଗିରଫ କରି ଯାଞ୍ଚ କରୁଛି ।

The post ଝିଅ ଜନ୍ମ ହେଲା ବୋଲି ପତ୍ନୀକୁ ହତ୍ୟା କଲା ସ୍ୱାମୀ । ୨୪ ଘଣ୍ଟା ବନ୍ଦ ଘରେ ଛଟପଟ ହେବା ପରେ ଚାଲିଗଲା ସୃଷ୍ଟିର ଜୀବନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଲୋକଙ୍କ ଅଭିଯୋଗ ଶୁଣିଲେ ରାଜ୍ୟପାଳ । ମାଲକାନଗିରି ଗସ୍ତରେ ଥିବା ରାଜ୍ୟପାଳ ରଘୁବର ଦାସ ବିଭିନ୍ନ ସ୍ଥାନରେ ଅଭିଯୋଗ ଶୁଣାଣି କରିଛନ୍ତି । ବିଭିନ୍ନ ଗାଁ ବୁଲିବା ସହ ସେଠାକାର ଲୋକଙ୍କ ସମସ୍ୟା ଶୁଣିଛନ୍ତି । କିଛି ଲୋକ ମଦ ବନ୍ଦ ନେଇ ରାଜ୍ୟପାଳଙ୍କୁ ଅନୁରୋଧ କରିଥିବା ବେଳେ ଅନ୍ୟ କିଛି ଅଙ୍ଗନବାଡି ଗୃହ ନିର୍ମାଣ, ସ୍କୁଲ ନିର୍ମାଣ କରିବାକୁ ଦାବି କରିଛନ୍ତି । ସବୁଠୁ ବଡ଼ କଥା ହେଉଛି ଜଣେ ଜଣେ ଆଦିବାସୀ ଶିକ୍ଷିତ ଛାତ୍ରୀ ଆଇଏଏସ ହେବାକୁ ଲକ୍ଷ୍ୟ ପାଠ ପଢୁଥିବା କଥା ରାଜ୍ୟପାଳଙ୍କୁ କହିଥିଲେ । କିନ୍ତୁ ପଢିବା ପାଇଁ ଅର୍ଥ ବାଧକ ସାଜୁଥିବା ରାଜ୍ୟପାଳଙ୍କୁ କହିଥିଲେ । ସଙ୍ଗେସଙ୍ଗେ ରାଜ୍ୟପାଳ ତାଙ୍କୁ ଲକ୍ଷେ ଟଙ୍କାର ସହାୟତା ରାଶି ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲେ । ପୂର୍ବରୁ ରାଜ୍ୟପାଳ ଢେଙ୍କାନାଳ ଏବଂ ଅନୁଗୁଳ ଗସ୍ତରେ ଯାଇଥିଲେ । ସେଠାରେ ଲୋକଙ୍କ ବିଭିନ୍ନ ଅଭିଯୋଗ ଶୁଣିଥିଲେ । ପରେ ଅଭିଯୋଗଗୁଡିକର ସମାଧାନ ପାଇଁ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ । ଆଉ ଏବେ ମାଲକାନଗିରିରେ ରାଜ୍ୟପାଳଙ୍କ ଅଭିଯୋଗ ଶୁଣାଣିକୁ ନେଇ ଚର୍ଚ୍ଚା ହେଉଛି ।

The post ମାଲକାନଗିରି ଗସ୍ତରେ ଯାଇ ଲୋକଙ୍କ ଅଭିଯୋଗ ଶୁଣିଲେ ରାଜ୍ୟପାଳ: ଗାଁ ଗାଁ ବୁଲି ପଚାରି ବୁଝିଲେ ଲୋକଙ୍କ ସମସ୍ୟା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଚିଲିକା ମଝିରେ ଫସିଲା ଯାତ୍ରୀବାହି ଡଙ୍ଗା । ଡଙ୍ଗାର ମେସିନରେ ଯାନ୍ତ୍ରିକ ତ୍ରୁଟି ଯୋଗୁଁ ମଝି ଚିଲିକାରେ ଫସିରହିଛି ଯାତ୍ରୀବାହି ଡଙ୍ଗା । ଏହି ଡଙ୍ଗାରେ ୬୦ରୁ ଅଧିକ ଯାତ୍ରୀ ଥିବା ବେଳେ ୩୦ରୁ ଅଧିକ ବାଇକ ରହିଛି । ଦିନ ଗୋଟାଏରେ ଜହ୍ନିକୁଦା ଘାଟ ନିକଟରୁ ସାତପଡ଼ା ଅଭିମୁଖେ ଚିଲିକାରେ ଯାତ୍ରା ଆରମ୍ଭ କରିଥିଲା ଏହି ଡଙ୍ଗା । ତେବେ କିଛି ବାଟ ଯିବା ପରେ ଡଙ୍ଗାର ମେସିନ ଖରାପ ହୋଇଯାଇଥିବା ଯୋଗୁଁ ଏହା ମଝି ଚିଲିକାରେ ଅଟକି ରହିଛି । ଉଦ୍ଧାର କରିବା ପାଇଁ ସ୍ଥାନୀୟ ପ୍ରଶାସନକୁ ନିବେଦନ କରିଛନ୍ତି ଫସିରହିଥିବା ଯାତ୍ରୀ ।

The post ମଝି ଚିଲିକାରେ ଫସିଲା ଯାତ୍ରୀବାହୀ ଡଙ୍ଗା: ଫସି ରହିଛନ୍ତି ୬୦ରୁ ଅଧିକ ଲୋକ first appeared on Kanak News.

from Kanak News
via <a href="https://ifttt.com/?

ୟୁକ୍ରେନ ରାଷ୍ଟ୍ରପତି ବ୍ଲୋଡୋମିର ଜେଲେନସ୍କି ଏବଂ ସେନା ମୁଖ୍ୟ ଭାଲେରୀ ଜାଲୁଜ୍ନିଙ୍କ ମଧ୍ୟରେ ତିକ୍ତତା ରହିଛି ବୋଲି ଆଗରୁ ଶୁଣାଯାଉଥିଲା । ଏବେ ତାହା ପୁଷ୍ଟି ହେଇସାରିଛି । ଏହି ତିକ୍ତତାକୁ ନିକଟରେ ଏକ ପ୍ରଶ୍ନର ଉତ୍ତରରେ ଜେଲେନସ୍କି କହିଛନ୍ତି ଯେ ତାଙ୍କ ଏବଂ ସେନା ମୁଖ୍ୟ ଜାଲୁଜାନିଙ୍କ ମଧ୍ୟରେ କେବଳ କାର୍ଯ୍ୟ ସମ୍ପର୍କ ରହିଛି ତା ବାଦ ଆଉକିଛି ନାହିଁ ।

ୟୁକ୍ରେନ ରାଷ୍ଟ୍ରପତି ବ୍ଲୋଡୋମିର ଜେଲେନସ୍କି ଏବଂ ସେନା ମୁଖ୍ୟ ଭାଲେରୀ ଜାଲୁଜ୍ନିଙ୍କ ମଧ୍ୟରେ ଚାଲିଥିବା ବିବାଦକୁ ବର୍ତ୍ତମାନ ଔପଚାରିକ ଭାବେ ପୁଷ୍ଟି କରାଯାଇଛି । ଯେତେବେଳେ ସାମ୍ବାଦିକ ସମ୍ମିଳନୀରେ ରାଷ୍ଟ୍ରପତି ଜେଲେନସ୍କିଙ୍କୁ ଏହି ପ୍ରଶ୍ନ ପଚରାଯାଇଥିଲା, ସେ ମଧ୍ୟ ଏହାକୁ ପ୍ରତ୍ୟାଖ୍ୟାନ କରିନଥିଲେ। ନିଜ ପ୍ରତିରକ୍ଷାରେ ଜାଲେନସ୍କି କେବଳ କହିଥିଲେ ଯେ ସେନା ମୁଖ୍ୟ ଜାଲୁଜାନୀଙ୍କ ସହ ତାଙ୍କର କେବଳ କାଜୁଆଲ୍ ସମ୍ପର୍କ ରହିଛି, ଆଉକିଛି ନୁହେଁ ।

ରୁଷ ବିରୋଧରେ ଯୁଦ୍ଧରେ ୟୁକ୍ରେନର ସଫଳତା ଅଭାବରୁ ରାଷ୍ଟ୍ରପତି ଏବଂ ସେନା ମୁଖ୍ୟ ପରସ୍ପରକୁ ଦାୟୀ କରୁଛନ୍ତି । ୟୁକ୍ରେନ ସାମରିକ କମାଣ୍ଡରମାନେ ଅଭିଯୋଗ କରିଛନ୍ତି ଯେ ରାଜନୈତିକ ନେତୃତ୍ୱ ଯୁଦ୍ଧ ରଣନୀତିରେ କ୍ରମାଗତ ଭାବରେ ହସ୍ତକ୍ଷେପ କରୁଛନ୍ତି । ଜେଲେନସ୍କିଙ୍କ ନିକଟବର୍ତ୍ତୀ ଅନେକ ରାଜନେତା ସେନା ମୁଖ୍ୟ ତଥା ଅନ୍ୟ ସାମରିକ କମାଣ୍ଡୋମାନଙ୍କୁ ଅଯୋଗ୍ୟ ବୋଲି ବର୍ଣ୍ଣନା କରିଛନ୍ତି ।

ମିଟିଂ ରୁମରୁ ବାହାରିଲା ଗୁପ୍ତ ରେକର୍ଡିଂ ଡିଭାଇସ

ୟୁକ୍ରେନର ସେନା ମୁଖ୍ୟ ଭାଲେରୀ ଜାଲୁଜ୍ନି ଏକ ସମ୍ବେଦନଶୀଳ ଖବର ପ୍ରକାଶ କରି କହିଛନ୍ତି ଯେ ମିଟିଂ ରୁମରେ ଅନୁସନ୍ଧାନ ବେଳେ ଏଭଳି ଗୁପ୍ତଚର ସାମଗ୍ରୀ ମିଳିଥିଲା ​​ଯାହା ତାଙ୍କ ବାର୍ତ୍ତାଳାପକୁ ରେକର୍ଡ କରିବା ପାଇଁ ଉଦ୍ଧିଷ୍ଟ ଥିଲା ।  ଏହା ପରେ ୟୁକ୍ରେନର ଗୁପ୍ତଚର ସଂସ୍ଥା ସେନା ମୁଖ୍ୟଙ୍କ କାର୍ଯ୍ୟାଳୟରେ କିଏ ଗୁପ୍ତ ରେକର୍ଡିଂ ଉପକରଣ ସ୍ଥାପନ କରିଛି ତାହାର ଅନୁସନ୍ଧାନ ଆରମ୍ଭ କରିଛି । ତେବେ ବିଶେଷଜ୍ଞମାନେ କହିବା କଥା ଯେ ୟୁକ୍ରେନର ଗୁପ୍ତଚର ଏଜେନ୍ସି ମୁଖ୍ୟ କିରିଲ ବୁଡାନୋଭ ଏବଂ ରାଷ୍ଟ୍ରପତି ଜେଲେନସ୍କିଙ୍କର ବହୁତ ଭଲ ସମ୍ପର୍କ ରହିଛି ଏବଂ ସେନା ମୁଖ୍ୟଙ୍କ ଉପରେ ଗୁପ୍ତଚର କରିବାରେ ୟୁକ୍ରେନର ଗୁପ୍ତଚର ଏଜେନ୍ସିର ହାତ ଥାଇପାରେ ।

ଜଲେନସ୍କି ସେନା ମୁଖ୍ୟଙ୍କ ଲୋକପ୍ରିୟତାକୁ ଭୟ କରୁଛନ୍ତି କି ?  

ୟୁକ୍ରେନରେ କରାଯାଇଥିବା ବିଭିନ୍ନ ମତଦାନ ସର୍ଭେ  ଅନୁଯାୟୀ ରାଷ୍ଟ୍ରପତି ଜେଲେନସ୍କି ସେନା ମୁଖ୍ୟ ଭାଲେରୀ ଜାଲୁଜ୍ନିଙ୍କ ସହ ସିଧାସଳଖ ପ୍ରତିଦ୍ୱନ୍ଦ୍ୱିତା କରୁଛନ୍ତି । ଜେଲେନସ୍କିଙ୍କ କାର୍ଯ୍ୟକାଳ ଆସନ୍ତା ବର୍ଷ ଶେଷ ହେବ। ଜାଲେନସ୍କିଙ୍କ ବିକଳ୍ପ ଭାବରେ ଆଲୋଚନା କରାଯାଉଥିବା ପ୍ରାର୍ଥୀଙ୍କ ମଧ୍ୟରେ ସେନା ମୁଖ୍ୟ ଜାଲୁଜାନି ଆଗରେ ଅଛନ୍ତି । ତେବେ, ୟୁକ୍ରେନରେ ସାମରିକ ଆଇନ ବର୍ତ୍ତମାନ କାର୍ଯ୍ୟକାରୀ ହେଉଛି ଏବଂ ତେଣୁ ଆସନ୍ତା ବର୍ଷ ରାଷ୍ଟ୍ରପତି ନିର୍ବାଚନକୁ ନେଇ ପରିସ୍ଥିତି ସ୍ପଷ୍ଟ ହୋଇନାହିଁ ।

ଜାଲେନସ୍କିଙ୍କ ସ୍ଥିତି ଦୁର୍ବଳ 

ୟୁକ୍ରେନର ପାୱାର କରିଡରରେ ପାଶ୍ଚାତ୍ୟ ଦେଶଗୁଡିକର ସମର୍ଥନ ହ୍ରାସ ହେତୁ ଜେଲେନସ୍କିଙ୍କ ସ୍ଥିତି ଦିନକୁ ଦିନ ଦୁର୍ବଳ ହେବାରେ ଲାଗିଛି । ଷ୍ଟ୍ରାଟେଜିକ୍ ଡେଭଲପମେଣ୍ଟ ଫଣ୍ଡର ଏକ୍ସପର୍ଟ କାଉନସିଲର ମୁଖ୍ୟ ଇଗୋର ସତ୍ତାରୋଭଙ୍କ ଅନୁଯାୟୀ, ଯଦି ରାଷ୍ଟ୍ରପତିଙ୍କ ପାଇଁ କୌଣସି ସମ୍ଭାବ୍ୟ ପ୍ରତିଦ୍ୱନ୍ଦ୍ୱୀ ଏକ ପ୍ରମୁଖ ପାଶ୍ଚାତ୍ୟ ଦେଶର ସମର୍ଥନ ପାଆନ୍ତି, ତେବେ ଜେଲେନସ୍କିଙ୍କୁ ସିଂହାସନରୁ ହଟାଇ ଦିଆଯାଇପାରେ । ୨୦୧୦ ରୁ ୨୦୧୪ ପର୍ଯ୍ୟନ୍ତ ୟୁକ୍ରେନର ପ୍ରଧାନମନ୍ତ୍ରୀ ଥିବା ମାଇକୋଲା ଆଜାରୋଭଙ୍କ ଅନୁଯାୟୀ ସେନା ମୁଖ୍ୟ ଭାଲେରୀ ଜାଲୁଜ୍ନି ଆସନ୍ତା ବର୍ଷ ରାଷ୍ଟ୍ରପତି ନିର୍ବାଚନରେ ​​ପ୍ରାର୍ଥୀ ହୋଇପାରିବେ ଏବଂ ୟୁକ୍ରେନବାସୀ ତାଙ୍କ ଉପରେ ଅଧିକ ବିଶ୍ୱାସ କରିବେ।

ଯୁଦ୍ଧରେ ପ୍ରାୟ ୪ ଲକ୍ଷ ୟୁକ୍ରେନ ସୈନିକ ମୃତ୍ଯୁବରଣ କରିଛନ୍ତି

ରାଷ୍ଟ୍ରପତି ଜାଲେନସ୍କି କହିଛନ୍ତି ଯେ ୟୁକ୍ରେନ ସେନାରେ ସାଢେ ଚାରି ଲକ୍ଷରୁ ପାଞ୍ଚ ଲକ୍ଷ ନୂତନ ଲୋକଙ୍କୁ ନିଯୁକ୍ତି ଦିଆଯିବ । ଲୋକଙ୍କୁ ବାଧ୍ୟ କରି ସେନାରେ ଭର୍ତ୍ତି କରିବାର ଶହ ଶହ ଘଟଣା ସାମ୍ନାକୁ ଆସିଛି । ରୁଷର ପ୍ରତିରକ୍ଷା ମନ୍ତ୍ରୀ ସରୋଜ ସୋଏଗୁଙ୍କ ଅନୁଯାୟୀ, ଫେବୃଆରୀ ୨୦୨୨ ପରଠାରୁ ମୋଟ ୩,୮୩,୦୦୦ ରୁ  ଅଧିକ ୟୁକ୍ରେନ ସୈନିକ ନିହତ ହୋଇଛନ୍ତି ।ୟୁକ୍ରେନ ତରଫରୁ ଯୁଦ୍ଧରେ ଲଢୁଥିବା ୫୮୦୦ ବିଦେଶୀ ଯୋଦ୍ଧା ମଧ୍ୟ ପ୍ରାଣ ହରାଇଛନ୍ତି, ଯେଉଁଥିରେ ୧୪୨୭ ପୋଲାଣ୍ଡ, ୪୬୬  ଆମେରିକା ଏବଂ ୩୪୪ ବ୍ରିଟିଶ ଯୋଦ୍ଧା ଅଛନ୍ତି। ରୁଷ ପ୍ରତିରକ୍ଷା ମନ୍ତ୍ରୀଙ୍କ କହିବାନୁସାରେ, ଜୁନ୍ ମାସରୁ ଚାଲିଥିବା ୟୁକ୍ରେନ ପ୍ରତିବାଦରେ ୟୁକ୍ରେନ ବର୍ତ୍ତମାନ ପର୍ଯ୍ୟନ୍ତ ୧ ,୫୯,୦୦୦ ସୈନିକଙ୍କୁ ହରାଇଛି । ଏହା ବ୍ୟତୀତ ୧୨୧ ୟୁକ୍ରେନ ଯୁଦ୍ଧ ବିମାନ, ୩୭ ଲିଓପର୍ଡ ଟ୍ୟାଙ୍କ ସହିତ ୭୬୬  ଟ୍ୟାଙ୍କ ଏବଂ ୫୦ ଟି ଆମେରିକୀୟ ବ୍ରାଡଲେ ସମେତ ୨୩୪୮ ଟି ସଶସ୍ତ୍ର ଯାନ ମଧ୍ୟ ନଷ୍ଟ ହୋଇଯାଇଛି ।

 

The post ୟୁକ୍ରେନ ରାଷ୍ଟ୍ରପତି ଜେଲେନସ୍କି ଏବଂ ସେନା ମୁଖ୍ୟ ଭାଲେରୀ ଜାଲୁଜ୍ନିଙ୍କ ସମ୍ପର୍କରେ ଫାଟ । କେମିତି ଲଢିବେ ଯୁଦ୍ଧ ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ‘ମିମିକ୍ରି’ ଗୋଟାଏ କଳା ଏବଂ ଧନଖଡ଼ଙ୍କ ମନରେ କଷ୍ଟ ଦେବା ମୋର ଉଦ୍ଦେଶ୍ୟ ନ ଥିଲା ବୋଲି ଆଜି ବିବାଦୀୟ ‘ତୃଣମୂଳ କଂଗ୍ରେସ’ ସାଂସଦ କଲ୍ୟାଣ ବାନାର୍ଜୀ କହିଛନ୍ତି। ସଂସଦ ପରିସରରେ ଭାରତର ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ଙ୍କ ଠାଣି ଓ ନକଲ କରୁଥିବା ସମୟର ଭିଡିଓ ଭାଇରାଲ୍‌‌ ହେବା ପରେ ସାଂସଦ ବାନାର୍ଜୀ ବିବାଦୀୟ ହୋଇପଡ଼ିଛନ୍ତି।

ଆଜି ଏ ସଂକ୍ରାନ୍ତରେ ସ୍ପଷ୍ଟୀକରଣ ଦେଇ କଲ୍ୟାଣ ବାନାର୍ଜୀ କହିଛନ୍ତି, କାହାରି ମନରେ କଷ୍ଟ ଦେବା ମୋର ଉଦ୍ଦେଶ୍ୟ ନୁହେଁ। କିନ୍ତୁ, ମୁଁ ପଚାରୁଛି, ରାଜ୍ୟସଭାରେ କ’ଣ ସେ (ଧନଖଡ଼) ପ୍ରକୃତରେ ଏଭଳି ଆଚରଣ କରନ୍ତି? ଜାଣେନା, ସେ କାହିଁକି ଏକଥା ଦେହକୁ ନେଲେ? ‘ମିମିକ୍ରି’ ଗୋଟାଏ କଳା। ୨୦୧୪ ଓ ୨୦୧୯ ମଧ୍ୟରେ ପ୍ରଧାନମନ୍ତ୍ରୀ ମଧ୍ୟ ଲୋକସଭାରେ ‘ମିମିକ୍ରି’ କରିଛନ୍ତି। ସେ ଆହୁରି ମଧ୍ୟ କହିଛନ୍ତି, ମୁଁ ରାଜ୍ୟସଭାରେ କି, ଲୋକସଭାରେ କିଛି କହିନାହିଁ। ‘ମକ୍‌’ ପାର୍ଲାମେଣ୍ଟ୍‌ରେ ମୁଁ ଏଭଳି କରିଛି। ଯଦି ଧନଖଡ଼ ଏକଥା ଧରି ବସିବେ ମୁଁ ବା କ’ଣ କରିପାରିବି? ତାଙ୍କ ପ୍ରତି ମୋର ଅଗାଧ ସମ୍ମାନ ରହିଛି। ପ୍ରଥମତଃ, ସେ ମୋର ବୃତ୍ତିର ବ୍ୟକ୍ତିବିଶେଷ। ଦ୍ବିତୀୟତଃ, ସେ ଥିଲେ ପଶ୍ଚିମବଙ୍ଗର ରାଜ୍ୟପାଳ। ତୃତୀୟତଃ, ସେ ଉପରା‌ଷ୍ଟ୍ରପତି ଓ ରାଜ୍ୟସଭାର ଅଧ୍ୟକ୍ଷ। ଆମ ବୃତ୍ତିରେ ଆମେ କାହାକୁ କଷ୍ଟ ଦେଇ ନ ଥାଉ। ତାଙ୍କ ମନରେ କଷ୍ଟ ଦେବା ବି ମୋର ଉଦ୍ଦେଶ୍ୟ ନ ଥିଲା।

The post ‘ମିମିକ୍ରି ଏକ କଳା , ଧନକଡଙ୍କୁ ଅପମାନ କରିବା ମୋର ଉଦ୍ଦଶ୍ୟ ନୁହେଁ’: କ୍ଷମା ମାଗିବାକୁ ମନାକଲେ କଲ୍ୟାଣ ବାନାର୍ଜୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସଂସଦରେ ଶୀତକାଳୀନ ଅଧିବେଶରେ ଉପରାଷ୍ଟ୍ରପତି ଜଗଦୀପ ଧନକଡଙ୍କ ମିମିକ୍ରିକୁ ନେଇ ମାହୋଲ ପୁରା ସରଗରମ ରହିଛି । ଉପରାଷ୍ଟ୍ରପତିଙ୍କୁ ଉପହାସ କରିବା ଘଟଣାର କଡା ଜବାବ ଦେବାକୁ ଏନଡିଏ ମେଣ୍ଟ ନେଇଛି ବଡ ନିଷ୍ପତ୍ତି । ମିମିକ୍ରି କରିଥିବା ଟିଏମସି ନେତା କଲ୍ୟାଣ ବାନାର୍ଜୀଙ୍କ ବିରୋଧରେ ନିଆରା ବିରୋଧ କରିବାକୁ ଯାଇ ବିଜେପି ସଦସ୍ୟ ରାଜ୍ୟସଭାରେ ଘଣ୍ଟାଏ ଛିଡା ହୋଇ ବିରୋଧ କରିବେ ବୋଲି କହିଛନ୍ତି ।

ସଂସଦୀୟ କାର୍ଯ୍ୟନିର୍ବାହୀ ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ, ବିରୋଧୀ ଲଗାତାର ପ୍ରଧାନମନ୍ତ୍ରୀଙ୍କ ଅପମାନ କରିଆସିଛନ୍ତି ଏବେ ଉପରାଷ୍ଟ୍ରପତିଙ୍କୁ ଅପମାନ କରିଛନ୍ତି । ଏହା କେବଳ ତାଙ୍କର ଅପମାନ ନୁହେଁ ବରଂ ଏକ ସାମ୍ବିଧାନୀକ ପଦର ଅପମାନ । ଏତିକି ନୁହେଁ ଉପରାଷ୍ଟ୍ରପତି ଜଣେ ଜାଠ୍ କୃଷକ ପରିବାରର । ତାଙ୍କର ଅପମାନ ସାରା ଜାଠ୍ ସମ୍ପ୍ରଦାୟର ଅପମାନ । ତେଣୁ ଧନକଡଙ୍କ ଅପମାନକୁ ହିନ୍ଦୁସ୍ତାନ କେବେବି ସହ୍ୟ କରିବ ନାହିଁ । ଏହା ବିରୋଧରେ କଠୋର କାର୍ଯ୍ୟପନ୍ଥା ଗ୍ରହଣ କରାଯିବ ବୋଲି କହିଛନ୍ତି ପ୍ରାହ୍ଲାଦ ଯୋଶୀ ।

ଅନ୍ୟପଟେ ଖୋଦ୍ କଲ୍ୟାଣ ବାନାର୍ଜୀ ନିଜ ଆଡୁ ସଫେଇ ଦେଇ କହିଛନ୍ତି ମିମିକ୍ରି ଏକ କଳା । ଏପରି କିରି ଉପରାଷ୍ଟ୍ରପତିଙ୍କୁ ଅପମାନ କରିବା ତାଙ୍କର ଉଦ୍ଦେଶ୍ୟ ନଥିଲା । କିନ୍ତୁ ଏ ଘଟଣାରେ ସେ କେବେବି କ୍ଷମା ମାଗିବେ ନାହିଁ ବୋଲି ସ୍ପଷ୍ଟ କରିଛନ୍ତି ।

The post ଧନକଡଙ୍କ ଅପମାନକୁ ବିରୋଧ କରି ଘଣ୍ଟାଏ ଛିଡାହେବେ ଶାସକ ଦଳ ସାଂସଦ । ବିରୋଧୀଙ୍କୁ ଦେବେ କଡା ଜବାବ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆଇପିଏଲ କରିଦେଲା କୋଟିପତି । ୫.୮୦ କୋଟିରେ ବିକ୍ରି ହେଲେ ପାନ ଦୋକାନୀଙ୍କ ପୁଅ । ୨୦୨୪ ଆଇପିଏଲ ନିଲାମୀରେ ମହାରାଷ୍ଟ୍ର ନାଗପୁରର ଖେଳାଳୀ ଶୁଭମ ଦୁବେଙ୍କୁ ୫ କୋଟି ୮୦ ଲକ୍ଷ ଟଙ୍କାରେ କିଣିଛି ରାଜସ୍ଥାନ ରୟାଲ୍ସ । ୧୦ ବର୍ଷ ତଳେ ଶୁଭମଙ୍କ ପାଖରେ ଖେଳିବା ପାଇଁ ବ୍ୟାଟ ନଥିଲା । ଟଙ୍କା ନଥିବାରୁ ସେ ହଳେ ଗ୍ଲୋଭସ ମଧ୍ୟ କିଣିପାରୁନଥଲେ । ତାଙ୍କ ବାପାଙ୍କର ମହାରାଷ୍ଟ୍ରର ନାଗପୁର କମଲ ଛକ ଏକ ପାନ ଦୋକାନ ରହିଥିଲା । ପାନ ବିକ୍ରି ତାଙ୍କ ବାପା ପରିବାର ଚଳାଉଥିଲେ । କିନ୍ତୁ ଏବେ ଶୁଭମଙ୍କ ଉପରେ ଭାଗ୍ୟଦେବୀ ପ୍ରସନ୍ନ ହୋଇଛନ୍ତି । ବହୁ କଷ୍ଟରେ କ୍ରିକେଟରେ ନିଜର ସ୍ଥିିତି ଜାହିର କରିଥିବା ଶୁଭମଙ୍କ ଭାଗ୍ୟ ମଙ୍ଗଳବାର ବଦଳିଯାଇଛି ।

ଶୁଭମ ଦୁବେଙ୍କୁ ୫ କୋଟି ୮୦ ଲକ୍ଷ ଟଙ୍କାରେ କିଣିଛି ରାଜସ୍ଥାନ ରୟାଲ୍ସ । ଏହା ଜାଣିବା ପରେ ଶୁଭମ ଏବଂ ତାଙ୍କ ପରିବାର ଲୋକେ ନିର୍ବାକ ହୋଇଯାଇଛନ୍ତି । ଆଇପିଏଲ ନିଲାମୀରେ ବିକ୍ରି ହେବା ପରେ ଶୁଭମ କହିଛନ୍ତି, ଏତେ ଟଙ୍କାରେ ବିକ୍ରି ହେବେ ବୋଲି ସେ କେବେ ଭାବିନଥିଲେ । ତେବେ ମୁସ୍ତାକ ଅଲ୍ଲୀ ଟ୍ରଫିରେ ଭଲ ପ୍ରଦର୍ଶନ ଯୋଗୁ ତାଙ୍କୁ କିଣାଯାଇଛି ବୋଲି ସେ କହିଛନ୍ତି ।

୨୭ ବର୍ଷିୟ ଏହି ବାମହାତୀ ଖେଳାଳୀଙ୍କୁ ଜଣେ ଫିନିସର ବୋଲି କୁହାଯାଉଛି । ତାଙ୍କର ଷ୍ଟ୍ରାଇକ ରେଟ୍ ୧୮୭ ଦଶମିକ ୨୮ ରହିଛି । ବିଦର୍ଭ ପକ୍ଷରୁ ସେ ରଣଜୀ ମ୍ୟାଚ ଖେଳୁଛନ୍ତି ।

The post କ୍ରିକେଟ କରିଦେଲା କୋଟିପତି । ବାପା ପାନ ଦୋକାନୀ, ପୁଅ ଏବେ ଆଇପିଏଲ ନିଲାମୀର ଚର୍ଚ୍ଚିତ ଚେହେରା । ଶୁଭମ ଦୁବେଙ୍କୁ ନେଇ ଜୋରଦାର ଚର୍ଚ୍ଚା । first appeared on Kanak News.

from Kanak News
via <a href="https://ifttt.com/?