କନକ ବ୍ୟୁରୋ: ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ରାଜ୍ୟପାଳ ରଘୁବର ଦାସ । ଲୋକଙ୍କ ବିଭିନ୍ନ ସମସ୍ୟାର ସମାଧାନ ପାଇଁ ଚିଠିରେ ସେ ପରାମର୍ଶ ଦେଇଛନ୍ତି । ଡିସେମ୍ବର ୫ ରୁ ୭ ତାରିଖ ଯାଏ ଢେଙ୍କାନାଳ, ଅନୁଗୁଳ ଗସ୍ତରେ ଯାଇଥିଲେ ରାଜ୍ୟପାଳ । ଏହି ସମୟର ସେଠାକାର ଲୋକଙ୍କ ସହ ଆଲୋଚନା କରିଥିଲେ । ଆଉ ସେମାନଙ୍କ ସମସ୍ୟା ଗୁଡିକୁ ତୁରନ୍ତ ସମାଧାନ କରିବା ପାଇଁ ମୁଖ୍ୟମନ୍ତ୍ରୀ ଲେଖିଥିବା ଚିଠିରେ କହିଛନ୍ତି ରାଜ୍ୟପାଳ ।

ରାଜ୍ୟପାଳ ଦାୟିତ୍ୱ ନେବା ପରେ, ରାଜ୍ୟର ବିଭିନ୍ନ ସ୍ଥାନକୁ ଗସ୍ତ କରୁଛନ୍ତି ରଘୁବର ଦାସ । ଗସ୍ତ ସମୟରେ ବିଭିନ୍ନ ବର୍ଗର ଲୋକଙ୍କୁ ଭେଟିବା ସହ ସେମାନଙ୍କ ସୁବିଧା ଅସୁବିଧା ସମ୍ପର୍କରେ ଆଲୋଚନା କରୁଛନ୍ତି । ସେମିତି ଢ଼େଙ୍କାନାଳ ଓ ଅନୁଗୁଳ ଗସ୍ତ ସମୟରେ ଦେଖିଥିବା ଲୋକଙ୍କ ସମସ୍ୟା ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ରାଜ୍ୟପାଳ । ଆଉ ସମସ୍ୟାର ସମାଧାନ ପାଇଁ ପରାମର୍ଶ ଦେଇଛନ୍ତି ।

ଡିସେମ୍ବର ୫ ରୁ ୭ତାରିଖ ଯାଏ ଢ଼େଙ୍କାନାଳ ଓ ଅନୁଗୁଳ ଜିଲ୍ଲା ଗସ୍ତରେ ଯାଇଥିଲେ ରାଜ୍ୟପାଳ । ଗସ୍ତ ସମୟରେ ଢ଼େଙ୍କାନାଳ ଓ ଅନୁଗୁଳ ଜିଲ୍ଲାର ବିଭିନ୍ନ ସ୍ଥାନରେ ତୃଣମୂଳ ସ୍ତରର ଲୋକଙ୍କୁ ଭେଟିଥିଲେ । ଆଉ ଭେିଟିବା ସମୟରେ ଯାହା ଦେଖିଥିଲେ ଓ ଲୋକମାନେ ଯେଉଁ ସମସ୍ୟା ସମ୍ପର୍କରେ ଜଣାଇଥିଲେ ସେ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ରାଜ୍ୟପାଳ । ଏବଂ ଲୋକମାନେ ଯେଉଁ ସବୁ ସମସ୍ୟା ସାମନାକୁ ଆଣିଛନ୍ତି, ତାର ଅନୁଧ୍ୟାନ କରିବା ସହ ସମ୍ପୂର୍ଣ୍ଣ ରିପୋର୍ଟ ପ୍ରସ୍ତୁତ କରି ପଦକ୍ଷେପ ନେବାକୁ ପରାମର୍ଶ ଦେଇଛନ୍ତି ।

ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳଙ୍କ ଚିଠି
– ଯୋରନ୍ଦାରେ ବୃଦ୍ଧାଶ୍ରମ ଚଳାଇଥିବା ମହର୍ଷି ଦୟାନନ୍ଦ ସର୍ଭିସ ମିଶନକୁ ଜମି ହସ୍ତାନ୍ତର ପାଇଁ ସୁପାରିସ
– ଅନୁଗୁଳ ବଅଁରପାଳ ତୁରଙ୍ଗ ପଂଚାୟତରେ ମମତା ଗୃହ ନିର୍ମାଣ ପାଇଁ ପ୍ରସ୍ତାବ
– ତାଳଚେର ବ୍ଲକ କନ୍ଧବାରେଣୀ ଗାଁରେ ଏମସିଏଲ ଯୋଗୁଁ ବାୟୁ, ଜଳ ଓ ଶବ୍ଦ ପ୍ରଦୂଷଣ ହେଉଛି
– ଏମସିଏଲର ଖଣି କାମ ଯୋଗୁଁ ନିୟମିତ ଭାବେ ବାୟୁ ପ୍ରଦୂଷଣ ହେଉଛି ଏବଂ ଖରାଦିନରେ ଭୂତଳ ଜଳସ୍ତର କମୁଛି
– ଗତ ୨ ବର୍ଷ ହେଲା ଆରପିଡିଏସି ବୈଠକ ବସିନାହିଁ, ଫଳରେ ଲୋକଙ୍କ ସମସ୍ୟାର ସମାଧାନ ହେଉନାହିଁ
– ଜଙ୍ଗଲି ହାତୀ ପଶି ଫସଲ ନଷ୍ଟ କରୁଥିବାବେଳେ ବନ ବିଭାଗ କୌଣସି ପଦକ୍ଷେପ ନେଉନାହିଁ
– କନ୍ଧବରେଣୀ ଆଶ୍ରମ ସ୍କୁଲକୁ ଦଶମ ଶ୍ରେଣୀ ପର୍ଯ୍ୟନ୍ତ ବୃଦ୍ଧି ଓ ଅଧିକ ଶହେ ଶଯ୍ୟା ବଢ଼ାଇବାକୁ ସୁପାରିସ
-ହାକିମପରା ସ୍ଥିତ ବାଜି ରାଉତ ଛାତ୍ରବାସ ସ୍ୱାଭାବିକ ଭାବେ ଚାଲିବାକୁ ପଦକ୍ଷେପ , ନେବାକୁ ଚିଠିରେ ଉଲେଖ କରିଛନ୍ତି ରାଜ୍ୟପାଳ । ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳ ଚିଠି ଲେଖିବା ପରେ ପ୍ରତିକ୍ରିୟା ରଖିଛନ୍ତି ମହିମା ଧାମ ଧର୍ମ ପରିଚାଳନା କମିଟି ସଦସ୍ୟ ବାବା ସୁବ୍ରତ ଦାସ ।

ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳ ଚିଠି ଲେଖିବା ପରେ ଆରମ୍ଭ ହୋଇଛି ରାଜନୈତିକ ବୟାନବାଜି । ଲୋକଙ୍କ ସମସ୍ୟାକୁ ନେଇ ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳ ଚିଠି ଲେଖିବା ଘଟଣା ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଛି ।

The post ମୁଖ୍ୟମନ୍ତ୍ରୀଙ୍କୁ ରାଜ୍ୟପାଳଙ୍କ ଚିଠି: ଲୋକଙ୍କ ସମସ୍ୟା ନେଇ କଲେ ଅବଗତ, ସମାଧାନ ପାଇଁ ପଦକ୍ଷେପ ନେବାକୁ ପରାମର୍ଶ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସରିଲା ଇଣ୍ଡିଆ ମେଣ୍ଟର ୪ର୍ଥ ବୈଠକ । ଦିଲ୍ଲୀରେ ମଙ୍ଗଳବାର ୩ ଘଣ୍ଟା ଧରି ବସିଥିବା ବୈଠକରେ କିଛି ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇଛି । ଲୋକସଭା ନିର୍ବାଚନ ପାଇଁ ୫ଜଣ ସଦସ୍ୟ ବିଶିଷ୍ଠ ନ୍ୟାସନାଲ ଆଲାଏନ୍ସ କମିଟି ଗଠନ କରାଯିବାକୁ ନିଷ୍ପତି ନିଆଯାଇଛି । ସୂଚନା ଅନୁସାରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ପାଇଁ ପ୍ରସ୍ତାବ ଦେଇଛନ୍ତି ଟିଏମସି ମୁ୍ଖ୍ୟ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାର୍ନାଜୀ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ମଧ୍ୟ ମମତାଙ୍କ ପ୍ରସ୍ତାବରେ ସମର୍ଥନ ଜଣାଇଛନ୍ତି । ଲୋକସଭା ନିର୍ବାଚନ ପାଇଁ ଆସନ ଭାଗବଣ୍ଟା, ଜନସମ୍ପର୍କ ଯାତ୍ରା ଓ ମେଣ୍ଟ ଅନ୍ୟାନ୍ୟ କାର୍ଯ୍ୟକ୍ରମ ବାବଦରେ ଆଗାମୀ ୩ ସପ୍ତାହ ମଧ୍ୟରେ ନିଷ୍ପତି ନିଆଯିବ ବୋଲି କହିଛନ୍ତି ଆରଜେଡି ସାଂସଦ ମନୋଜ ଝା । ବୈଠକରେ ଯାହା ନିଷ୍ପତି ନିଆଯାଇଛି ତାହା ସର୍ବ ସହମତିରେ ନିଆଯାଇଥିବା କହିଛନ୍ତି ସାଂସଦ ଜୟନ୍ତ ଚୌଧୁରୀ ।  ସେହିପରି ଇଭିଏମ ଓ ସଂସଦରୁ ବିରୋଧୀ ସାଂସଦଙ୍କ ନିଲମ୍ବନ ଘଟଣା ଉପରେ ଚର୍ଚ୍ଚା କରାଯାଇଥିବା ସୂଚନା ଦିଆଯାଇଛି ।

The post ସରିଲା ଇଣ୍ଡିଆ ମେଣ୍ଟର ୪ର୍ଥ ବୈଠକ । ମଲ୍ଲିକାର୍ଜୁନ ଖଡଗେଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ କରିବାକୁ ମମତାଙ୍କ ପ୍ରସ୍ତାବ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପୁଣି ଡରାଇଲାଣି କରୋନା । କେରଳ ସମେତ ଦେଶର କେତେକ ସ୍ଥାନରେ ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିିଛି । କେତେ ଜଣଙ୍କ ଜୀବନ ବି ନେଲାଣି, କରୋନାର ନୂଆ ପ୍ରଜାତି । ଯାହାକୁ ନେଇ ଲୋକଙ୍କ ଭିତରେ ପୁଣି ଥରେ ଭୟ ସୃଷ୍ଟି ହୋଇଛି । ଯାହାକୁ ଅତି ଗୁରୁତର ସହ ନେଇଛନ୍ତି କେନ୍ଦ୍ର ସରକାର ।

ପ୍ରାୟ ଦୁଇ ବର୍ଷ ପରେ ପୁଣି ଥରେ କରୋନାକୁ ନେଇ ଭୟ ସୃଷ୍ଟି ହୋଇଛି । କୋଭିଡର ନୂଆ ଭାରିଆଂଟ୍ ଣ୍ଟ ଜେଏନ.୧ ଚିହ୍ନଟ ହେବା ପରେ ସାରା ଦେଶରେ ଆତଙ୍କ ଖେଳିଯାଇଛି । ବିଶେଷ କରି କେରଳ ଓ କର୍ଣ୍ଣାଟକରେ ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ, ୭ଜଣ ସଂକ୍ରମିତଙ୍କ ମୃତ୍ୟୁ ଖବର ଆସିବା ପରେ ସାରାଦେଶରେ ଭୟର ବାତାବରଣ ସୃଷ୍ଟି ହୋଇଛି । ସଂକ୍ରମଣକୁ ଦେଖି ସ୍ଥିିତିର ସମୀକ୍ଷା କରିବାକୁ ବୈଠକ ଡାକିଛନ୍ତିି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ।ବୁଧବାର ସବୁ ରାଜ୍ୟ ସହ ଆଲୋଚନା କରିବେ । ଏପଟେ ରାଜ୍ୟ ସରକାର ଆଗୁଆ ସଚେତନ ହୋଇଛନ୍ତି । ବଡଦିନ ଓ ନୂଆବର୍ଷ ପାଳନବେଳେ ସଚେତନ ରହିବାକୁ ସତର୍କ କରାଇ ଦେଇଛନ୍ତି । ଏମିତି କି ଥଣ୍ଡା କାଶ ହେଲେ ଘରୁ ନ ବାହାରିବାକୁ ପରାମର୍ଶ ଦେଇଛନ୍ତି । ଏହାସହ କେନ୍ଦ୍ର ସରକାରଙ୍କ ସହ ଆଲୋଚନା ପରେ ସ୍ଥିତି ଦେଖି ନୂଆ ଗାଇଡ ଲାଇନ ଫେରି ପାରେ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ।

ତେବେ କେନ୍ଦ୍ର ସ୍ୱାସ୍ଥ୍ୟ ବିଭାଗର ଗାଇଡ ଲାଇନ ପରେ ସବୁ ହସ୍ପିଟାଲରେ ଭିତିଭୂମିକୁ ସଜାଡିବା ପାଇଁ ପ୍ରକ୍ରିୟା ଆରମ୍ଭ ହୋଇଛି । ନମୂନା ପରିକ୍ଷାକୁ ବଢାଇ ଦିଆଯାଇଛି । ପଜିଟିଭ୍ ନମୁନାକୁ ଜିନମସିକ୍ୟୁଏନସିଂ ପାଇଁ ପଠାଇବାକୁ ଗୁରୁତ୍ୱ ଦିଆଯାଉଛି ବୋଲି କହିଛନ୍ତି କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ।

ବିଶେଷ କରି ବୟସ୍କ ଓ ଶିଶୁ ବର୍ଗଙ୍କୁ ଆକ୍ରାନ୍ତ କରିବାର ଅଧିକ ସମ୍ଭାବନା ରହିଛି । ତେଣୁ ଗହଳିକୁ ଗଲେ ମାସ୍କ ପିନ୍ଧିବା ସହ ସାମାଜିକ ଦୂରତାକୁ ପାଳନ କରିବାକୁ କହିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ।
ପୂର୍ବରୁ କୋଭିଡର ଭୟାବହତା ବିଶ୍ୱ ଦେଖି ସାରିଛି । ତେବେ କୋଭିଡ୍ ଭୂତାଣୁର ଏହି ନୂଆ ପ୍ରଜାତି କେତେ ସଂକ୍ରାମକ, କେତେ ମାରତ୍ମକ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନି ।

The post ପୁଣି ଫେରିଲା କରୋନା ଭୟ: ‘ରାଜ୍ୟରେ ଆସିପାରେ ନୂଆ ଗାଇଡଲାଇନ’ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଇପିଏଲରେ ଏଥର ଜଲୱା ଦେଖାଇଛନ୍ତି ୟୁପିର ଯୁବ କ୍ରିକେଟର ସମୀର ରିଜବୀ । ୨୦ ବର୍ଷୀୟ ଏହି କ୍ରିକେଟରଙ୍କୁ ରେକର୍ଡ ୮.୪୦ କୋଟି ଟଙ୍କାରେ କିଣିଛି ଆଇପିଏଲର ସଫଳ ଦଳ ଚେନ୍ନାଇ ସୁପର କିଙ୍ଗସ୍ । ତେବେ ସମୀରଙ୍କ ବେସ୍ ପ୍ରାଇସ୍ ମାତ୍ର ୨୦ ଲକ୍ଷ ଥିଲେ ବି, ଏହାଠାରୁ ପ୍ରାୟ ୪୨ ଗୁଣ ଅଧିକ ଦରରେ ସମୀରଙ୍କୁ କିଣିଛି ସିଏସକେ ।

ସମୀର ଘରୋଇ କ୍ରିକେଟରେ ଜଣେ ବିସ୍ଫୋରକ ବ୍ୟାଟ୍ସମ୍ୟାନ୍ ଭାବେ ବେଶ ଜଣାଶୁଣା । ଏମିତିକି ଷ୍ଟାଡିୟମରେ ବଡ ବଡ ଛକା ମାରିବାରେ ସେ ସିଦ୍ଧହସ୍ତ । ଯେଉଁ କାରଣରୁ ଚେନ୍ନାଇ ତାଙ୍କ ଉପରେ ଏତେ ବଡ ବାଜି ଖେଳିଛି ।

MEERUT MADRAS!
Welcome home, Sameer! pic.twitter.com/kwbPyglLPe

— Chennai Super Kings (@ChennaiIPL) December 19, 2023

https://platform.twitter.com/widgets.js

୨୦ ବର୍ଷୀୟ ଏହି କ୍ରିକେଟର ଏଥର ୟୁପି ଟି-୨୦ ଲିଗରେ କାନପୁର ସୁପରଷ୍ଟାର୍ସ ପକ୍ଷରୁ ସବୁଠୁ ଅଧିକ ଛକା ମାରିଥିଲେ । ୟୁପି ଟି-୨୦ ଲିଗରେ ସେ ୯ଟି ଇଂନିସ୍ ଖେଳି ଦୁଇଟି ଶତକ ସହ ୪୫୫ ରନ୍ କରିଥିଲେ । ଏହାପରେ ଆଇପିଏଲର ୩ଟି ଟିମରୁ ତାଙ୍କୁ ଟ୍ରାଏଲ ପାଇଁ ଡକରା ଆସିଥିଲା । ଆଉ ଶେଷରେ ଚେନ୍ନାଇ ସୁପର କିଙ୍ଗସ ସମୀରଙ୍କୁ ନିଜ ଦଳରେ ସାମିଲ କରିଛି ।

The post ବେସ୍ ପ୍ରାଇସ୍ ଥିଲା ୨୦ ଲକ୍ଷ, ୮କୋଟି ୪୦ ଲକ୍ଷରେ ହେଲେ ବିକ୍ରି । ୪୨ ଗୁଣା ଅଧିକ ଦାମରେ ସମୀରଙ୍କୁ କିଣିଲା ସିଏସକେ । ଜାଣନ୍ତୁ, କିଏ ଏହି ଯୁବ କ୍ରିକେଟର….. first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମାଲକାନଗିରିରେ ଜମୁଛି ମାଲ୍ୟବନ୍ତ ମହୋତ୍ସବର ଧୁମ । ୧୫ ତାରିଖରୁ ଆରମ୍ଭ ହୋଇ ଥିବା ମାଲକାନଗିରି ଜିଲ୍ଲାର ସାଂସ୍କୃତିକ ଗଣପର୍ବ ମାଲ୍ୟବନ୍ତ ମହୋତ୍ସବରେ ରାଜ୍ୟ ତଥା ରାଜ୍ୟ ବାହାରର କଳାକାରଙ୍କ ଲୋକ ନୃତ୍ୟ ସାଙ୍ଗକୁ ସୁନାମ ଧନ୍ୟ କଣ୍ଠଶିଳ୍ପୀଙ୍କ ମନଛୁଆଁ ଗୀତ ଦର୍ଶକଙ୍କୁ ରାତି ତମାମ ବନ୍ଧି ରଖି ଥିଲା । ତୃତୀୟ ସନ୍ଧ୍ୟାରେ ୫୦ ହଜାରରୁ ଅଧିକ ଦର୍ଶକଙ୍କ ଭିଡ ଜମି ଥିବା ବେଳେ ମୁଖ୍ୟ ଆକର୍ଷଣ ସାଜି ଥିଲେ କଣ୍ଠଶିଳ୍ପୀ ଅନ୍ତରା ଚକ୍ରବର୍ତ୍ତୀ ଓ ବିଶ୍ୱମୋହନ କବିଙ୍କ ମନଲୋଭା ଗୀତ ।

ମାଲକାନଗିରିରେ ଉତ୍ସବର ମାହୋଲ ସୃଷ୍ଟି କରିଛି ଜିଲ୍ଲାରେ ଗଣପର୍ବ ଭାବେ ପରିଚିତ ମାଲ୍ୟବନ୍ତ ମହୋତ୍ସବ । ମେଳା ବୁଲା ସାଙ୍ଗକୁ ଜମୁଛି ସାଂସ୍କୃତିକ କାର୍ଯ୍ୟକ୍ରମ । ୫ଦିନ ଧରି ଚାଲିବାକୁ ଥିବା ଜିଲ୍ଲା ମହୋତ୍ସବରେ କଳାକାର ନୃତ୍ୟ, ଗୀତ ପରିବେଶଣ କରି ଶୀତୁଆ ସଂଧ୍ୟାରେ ଉଷ୍ଣତା ଭରୁଛନ୍ତି । ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ସୁସ୍ୱାଦୁ ଖାଦ୍ୟ ଏବଂ ମୀନାବଜାର ବୁଲି ମଜା ଉଠାଉଛନ୍ତି ଦର୍ଶକ । ସଂଧ୍ୟା ନଇଁଲେ ମାଲ୍ୟବନ୍ତ ମଂଚରେ ଜମୁଛି ରଙ୍ଗାରଙ୍ଗ କାର୍ଯ୍ୟକ୍ରମ ଆଉ ମହୋତ୍ସବ ପଡିଆରେ ଦେଖିବାକୁ ମିଳୁଛି ଖଚାଖଚ୍ ଭିଡ଼ ।

ମାଲକାନଗିରି ଜିଲ୍ଲାର ସଂସ୍କତି, ପରମ୍ପରା, ଲୋକକଳା ଏବଂ ପ୍ରାକୃତିକ ସୌନ୍ଦର୍ଯ୍ୟକୁ ଲୋକ ଲୋଚନକୁ ଆଣିବା ହେଉଛି ‘ମାଲ୍ୟବନ୍ତ ମହୋତ୍ସବ’ର ଲକ୍ଷ୍ୟ । ଜିଲ୍ଲା ତଥା ଜିଲ୍ଲା ବାହାରର କଳାକାରଙ୍କ ପ୍ରତିଭା ପ୍ରଦର୍ଶନ ସାଙ୍ଗକୁ ଲୋକଙ୍କ ମନୋରଂଜନର ନିଆରା ମଂଚ ସୃଷ୍ଟି କରିଛି ମାଲ୍ୟବନ୍ତ ମଂଚ । ମହୋତ୍ସବରେ ଦର୍ଶକଙ୍କ ବେଶ ଭିଡ଼ ଜମୁଥିବା ବେଳେ ସୁରକ୍ଷା ବ୍ୟବସ୍ଥାକୁ କଡାକଡି କରିଛି ପୋଲିସ ପ୍ରଶାସନ ।

ପୂର୍ବ ବର୍ଷ ଗୁଡିକରେ ମାଲ୍ୟବନ୍ତ ମହୋତ୍ସବ ଦଣ୍ଡକାରଣ୍ୟ ଖେଳ ପଡିଆ ଠାରେ ଅନୁଷ୍ଠିତ ହେଉଥିଲା । ତେବେ ଚଳିତ ବର୍ଷ ବିରାଟ ସମାଗମକୁ ଦୃଷ୍ଟିରେ ରଖି ଷ୍ଟାଡିୟମ ପଡିଆକୁ ସ୍ଥାନାନ୍ତର ହୋଇଛି ମହୋତ୍ସବର ମଂଚ ।

The post ମାଲକାନଗିରିରେ ମତୁଆଲା କରୁଛି ମାଲ୍ୟବନ୍ତ ମହୋତ୍ସବ: ସଞ୍ଚ ନଉଁ ନଉଁ ମହୋତ୍ସବ ପଡିଆରେ ଜମୁଛି ଭିଡ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଳାହାଣ୍ଡି ରାଜ୍ୟରେ ସର୍ବାଧିକ କପା ଉତ୍ପାଦନକାରୀ ଜିଲ୍ଲା ଅଟେ। ତେବେ ପରିତାପର ବିଷୟ ଜିଲ୍ଲାରେ ଗୋଟିଏ ବି ସରକାରୀ ଜିନିଂ ମିଲ୍ କିମ୍ବା ସ୍ପିନିଂ ମିଲ୍ କାର୍ୟ୍ୟକ୍ଷମ ହୋଇନାହିଁ। ଫଳରେ କମ୍ ମୂଲ୍ୟରେ କପା ବିକ୍ରି କରି କ୍ଷତିଗ୍ରସ୍ତ ହେଉଛନ୍ତି ଚାଷୀ । ଏପରି ଜିଲ୍ଲାର ମୋଟ ୧୩ଟି ବ୍ଳକର ଚାଷୀଙ୍କ ଲାଗି ମାତ୍ର ତିନିଟି ମଣ୍ଡି କରାଯାଇଛି । କଳାହାଣ୍ଡି ଜିଲ୍ଲାର କପା ଲମ୍ବା ତନ୍ତୁଜାତୀୟ ଅତ୍ୟନ୍ତ ଉଚ୍ଚମାନର ହୋଇଥିବାରୁ ବିଦେଶକୁ ରପ୍ତାନି ହେବା ସହ ଏହାର ବେଶ ଚାହିଦା ରହିଛି । କିନ୍ତୁ ଓଡିଶା ସରକାର ଚାଷୀଙ୍କ ସମସ୍ୟାର ସ୍ଥାୟୀ ସମାଧାନ କରୁନଥିବାରୁ ସଂକଟ ଦେଇ ଗତି କରୁଛନ୍ତି କଳାହାଣ୍ଡି ଜିଲ୍ଲାର ଧଳାସୁନା ଚାଷୀ ।

କପା ଚାଷ ପାଇଁ ବେଶ ପରିଚିତ କଳାହାଣ୍ଡି ଜିଲ୍ଲା । ଚାଷୀଙ୍କ କପା କିଣିବା ପାଇଁ ଭବାନୀପାଟଣା ନିୟନ୍ତ୍ରିତ ବଜାର କମିଟି ପକ୍ଷରୁ କର୍ଲାପଡ଼ା, କେସିଙ୍ଗା ନିୟନ୍ତ୍ରିତ ବଜାର କମିଟି ଉତକେଲା ଓ ଜୁନାଗଡ଼ ବଜାର କମିଟି ପକ୍ଷରୁ ଉଛୁଳା ଠାରେ ମଣ୍ଡିର ବ୍ୟବସ୍ଥା ହୋଇଛି । ୧୩ଟି ବ୍ଲକ ପାଇଁ ମାତ୍ର ୩ଟି ମଣ୍ଡି ଖୋଳାଯାଇଛି । ଚାଷୀ ଗାଁରୁ ମଣ୍ଡିର ଦୂରତା ପ୍ରାୟ ୨ଶହ କିଲୋମିଟର । ତେଣୁ ଅନେକ ସମୟରେ ଚାଷୀ କପା ମଣ୍ଡିକୁ ନଆଣି ଦଲାଲକୁ ବିକି ଦେଉଛନ୍ତି । ବର୍ତମାନ ସରକାରୀ ସ୍ତରରେ କପାର ସହାୟତା ମୂଲ୍ୟ କ୍ୱିଂଟାଲ ପ୍ରତି ୭ହଜାର ୨୦ ଟଙ୍କା ରହିଛି । ଗାଁ ଗାଁରେ ବୁଲି ଦଲାଲମାନେ ଚାଷୀଙ୍କୁ ମାତ୍ର ୫ ହଜାର ୫ଶହ ଟଙ୍କା ଦେଇ କପା କିଣି ନେଉଛନ୍ତି । ସରକାରୀ ଅବ୍ୟବସ୍ଥା ଯୋଗୁଁ ଦଲାଲ ମାଲାମାଲ ହେଉଥିବା ବେଳେ ଚାଷୀ କ୍ଷତି ସହିବାକୁ ବାଧ୍ୟ ହେଉଥିବା ଅଭିଯୋଗ କରିଛନ୍ତି ।

କଳାହାଣ୍ଡି ଜିଲ୍ଲାରେ ରେକର୍ଡ ପରିମାଣର ଉତ୍ପାଦନ ହେଉଥିଲେ ମଧ୍ୟ, ସରକାରୀ ଭାବେ କୌଣସି ଜିନିଂ କିମ୍ବା ସ୍ପିନିଂ ମିଲ୍ ନାହିଁ । କେବଳ ଘରୋଇ ଭାବେ ୭ଟି ଜିନିଂ ମିଲ୍ ରହିଛି । ତେଣୁ କଳାହାଣ୍ଡିର କପା ପ୍ରାୟତଃ ବାହାର ରାଜ୍ୟକୁ ରପ୍ତାନୀ ହୋଇଥାଏ । ଏଠାରେ ଅମଳ ହେଉଥିବା କପା ଲମ୍ବା ତନ୍ତୁଜାତୀୟ ଅତ୍ୟନ୍ତ ଉଚ୍ଚମାନର ହୋଇଥିବାରୁ ବିଦେଶରେ ମଧ୍ୟ ବେଶ ଚାହିଦା ରହିଛି । ତେଣୁ ଦଲାଲମାନେ ଚାଷୀଙ୍କ ଠାରୁ କମ୍ ଦରରେ କିଣି ନେଇ ବିଦେଶକୁ ପଠାଇ ଲାଭବାନ ହେଉଥିବା ବେଳେ ସରକାର କୌଣସି ପଦକ୍ଷେପ ନେଉନଥିବା ଚାଷୀ ଅଭିଯୋଗ କରିଛନ୍ତି ।

The post କପା ଚାଷ କରି କାନ୍ଦୁଛନ୍ତି କଳାହାଣ୍ଡିର ଚାଷୀ: ଦଲାଲକୁ ଧଳା ସୁନା ବିକିଲେ ମିଳୁନି ଉଚିତ୍ ପାଉଣା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୁହାଯାଏ ଭକ୍ତି ଓ ଭାବନା ଆଗରେ ହାର ମାନିଥାଏ ଧର୍ମ ଓ ଜାତିର ପ୍ରତିବନ୍ଧକ । ଆଉ ପ୍ରଭୁ ଜଗନ୍ନାଥଙ୍କ ଆଗରେ ସବୁ ସମାନ । ପେଶାରେ ଜଣେ ଅଧ୍ୟାପକ ହେଲେ ସନାତନ ଧର୍ମକୁ ଗ୍ରହଣ କରିବା ଓ ଜଗନ୍ନାଥ ସଂସ୍କୃତି ଉପରେ ଗବେଷଣା କରିବା ଓ ପୁସ୍ତକ ଲେଖିବା ହେଉଛି ତାଙ୍କ ନିଶା । ଆମେ କହୁଛୁ ମୁସଲମାନ ସଂପ୍ରଦାୟର ସେଖ ମକୁବଲ ଇସଲାମଙ୍କ କଥା । ଦୀର୍ଘ ୩୩ ବର୍ଷ ହେଲା ପ୍ରଭୁ ଜଗନ୍ନାଥଙ୍କ ଭକ୍ତ ପାଲଟି ଯାଇଛନ୍ତି । ଏପରିକି ସେ ବହ୍ମଚାରୀ ପାଲଟି ଯାଇଛନ୍ତିି । ଶୁଣିଲେ ଆଶ୍ଚର୍ଯ୍ୟ ଲାଗୁଥିଲେ ବି କଥା ଟି ସତ । କେହି କେହି ତାଙ୍କୁ ଦ୍ୱିତୀୟ ସାଲବେଗ ବୋଲି କୁହନ୍ତି । କୋରାପୁଟ ସାବର ଶ୍ରୀକ୍ଷେତ୍ରର ସୁବର୍ଣ୍ଣ ଜୟନ୍ତୀ ଅବସରରେ ଅତିଥି ଭାବେ ଯୋଗ ଦେଇଥିଲେ ଅଧ୍ୟାପକ ସେଖ ମକୁବଲ ଇସଲାମ ।

The post ଜନ୍ମ ଇସଲାମ୍ ଧର୍ମରେ, କର୍ମ ସନାତନ ଧର୍ମରେ: ଜଗନ୍ନାଥଙ୍କ ପ୍ରେମରେ ପଡିଛନ୍ତି ଅଧ୍ୟାପକ ସେଖ ମକୁବଲ ଇସଲାମ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସରକାର କୋଟି କୋଟି ଟଙ୍କା ଖର୍ଚ କରି କରୁଛନ୍ତି ଅନେକ ଯୋଜନା ହେଲେ ଏହି ସବୁ ଯୋଜନା ଫେଲ ମାରୁଛି ତୁରେକେଲା ବ୍ଲକ ର ଏକ ଆଦିବାସୀ ଗା ରେ । ବଲାଙ୍ଗୀର ଜିଲ୍ଲାର ତୁରେକେଲା ବ୍ଲକ ଏକ ପଛୁଆ ବ୍ଲକ ହେଲେ ବି ଆଦିବାସୀ ବହୁଳ ଗାଁ ରହିଛି ।

ତୁରେକେଲା ବ୍ଲକର ଅଣ୍ଡାଳପୁରୀ ଗାଁ । ଆଦିବାସୀ, ଗଣ୍ଡ, କନ୍ଧ, ଗଉଡ ସଂପ୍ରଦାୟର ଲୋକ ଏହି ଗାଁରେ ବସବାସ କରନ୍ତି । ସମସ୍ତେ ପ୍ରାୟ ଗରିବ ଶ୍ରେଣୀର । ଦାଦନ ଖଟିଲେ ପେଟ ପୁରୁଛି । ହେଲେ ନିଜ ଗାଁର ସମସ୍ୟା ଦୂର କରିବା ପାଇଁ ପ୍ରତି ନିର୍ବାଚନରେ ଭୋଟ ଦେଇ ଜନ ପ୍ରତିନିଧି ବାଛୁଛନ୍ତି  । ହେଲେ ସମୟ ସହ ସମସ୍ୟା ବଢୁଛି, ସିନା କମିବା କଥା ଉଠୁନି । ଗାଁର ମୁଖ୍ୟ ସମସ୍ୟା କହିଲେ ରାସ୍ତା ଓ ପିଇବା ପାଣି ।

ଗାଁକୁ ସଂଯୋଗ କରୁଥିବା ମାଟି ରାସ୍ତାରେ ଚାଲି ଚାଲି ଯିବା ମୁସ୍କିଲ । ସେହିଭଳି ଗାଁ ମଝିରେ ଟାଙ୍କି ଅଛି, ଷ୍ଟାଂଡପୋଷ୍ଟ ବି କରାଯାଇଛି । ହେଲେ ଜଳ ଯୋଗାଣ ପ୍ରକଳ୍ପରେ ଯାନ୍ତ୍ରିକ ତ୍ରୁଟି ଯୋଗୁଁ ଲୋକଙ୍କ ପାଖରେ ପିଇବା ପାଣି ପହଂଚୁନଥିବା ଅଭିଯୋଗ ହୋଇଛି । ସେପଟେ ଗାଁରେ ଥିବା ୧୨ଟି ନଳକୂପରୁ ୧୦ଟି ଅଚଳ ହୋଇଯାଇଛି । ତେଣୁ କୂଅରୁ ପାଣି କାଢି ପିଉଛନ୍ତି ଆଣ୍ଡାଳିପୁରୀ ଗ୍ରାମବାସୀ ।

ଆଉ ଏକ ପ୍ରମୁଖ ସମସ୍ୟା ହେଉଛି ନିଯୁକ୍ତି । ଗାଁରେ କାମଧନ୍ଦା ମିଳୁନାହିଁ । ମନରେଗା ଯେଉଁ କାମ ଆସୁଛି, ସେଥିରେ ଅନିୟମିତତା ହେଉଛି । ଫଳରେ ଅଧାରୁ ଅଧିକ ଲୋକ ଦାଦନ ଖଟିବାକୁ ଯାଉଥିବା ଅଭିଯୋଗ ହୋଇଛି । ବହୁ ସମସ୍ୟା ଭିତରେ ଅଛନ୍ତି. ଅଣ୍ଡାଳପୁରୀ ଗ୍ରାମବାସୀ । ଏଠି ଅନେକ ବୃଦ୍ଧବୃଦ୍ଧାଙ୍କୁ ମିଳୁନାହିଁ ବାର୍ଦ୍ଧକ୍ୟ ଭତା । ବୟସ ୬୦ ପାର କରିଥିଲେ ବି ଭତା ପାଇଁ ବାରଦୁଆର ବୁଲୁଛନ୍ତି ବୟସ୍କ ବ୍ୟକ୍ତି । ସେପଟେ ତୁରେକେଲା ବିଡିଓ କହିଛନ୍ତି, ଖୁବଶୀଘ୍ର ଗାଁକୁ ଯାଇ ସ୍ଥିତି ଅନୁଧ୍ୟାନ କରିବା ପରେ ସମସ୍ୟାର ସମାଧାନ କରାଯିବ ।

ସମସ୍ୟା ସହ ଜୁଝି ହେଉଥିବା ଅଣ୍ଡାଳପୁରୀ ଗାଁର ଅଧିବାସୀଙ୍କ ଦୁଃଖ କେବେ ଦୂର ହେବ, ତାହା ଆଗାମୀ ସମୟ ହିଁ ସ୍ପଷ୍ଟ କରିବ ।

The post ନାହିଁ ନାହିଁର ଆଦିବାସୀ ବହୁଳ ଗାଁ: ଯିବାକୁ ନାହିଁ ରାସ୍ତା, ପିଇବାକୁ ମିଳୁନି ପାଣି  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭଙ୍ଗା କୁଡ଼ିଆରେ ବିଦ୍ୟାଳୟ । ଚାରିପଟେ ଖୋଲାମେଲା, ବାଉଁଶ ଫାଳିଆ ଘେରା ସ୍ଥାନରେ ଚାଲିଛି ପାଠପଢ଼ା । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳରେ ବିକାଶ ଆଗେଇଛି ସତ, ହେଲେ ଏବେ ବି ଶିକ୍ଷା କ୍ଷେତ୍ର ବହୁ ପଛରେ ରହିଛି । ଧୁଳିପଟ ପଞ୍ଚାୟତର ଦଣ୍ଡାଲଗନ୍ଦି ଗ୍ରାମରେ ଶିକ୍ଷା ବ୍ୟବସ୍ଥାର ବିକଳ ଚିତ୍ର ଦେଖିବାକୁ ମିଳିଛି । ଗ୍ରାମରେ ଭଙ୍ଗା ଟିଣ ଛପର ବାଢ଼ ଘେରା ବିଦ୍ୟାଳୟରେ ପାଠ ପଢୁଛନ୍ତି କୁନିକୁନି ଛାତ୍ରଛାତ୍ରୀ । ଗାଁରେ ସ୍କୁଲ ନଥିବା ଯୋଗୁଁ ଗ୍ରାମବାସୀ ନିଜେ ଏହି ବିଦ୍ୟାଳୟ ତିଆରି କରିଥିବା ଜଣାପଢିଛି । ସ୍କୁଲରେ ୫୨ଜଣ ଛାତ୍ରଛାତ୍ରୀ ଥିବା ବେଳେ ଦୁଇ ଜଣ ଶିକ୍ଷକ ରହିଛନ୍ତି । ହେଲେ ଶ୍ରେଣୀ ଗୃହଟିଏ ନାହିଁ । ବର୍ଷ ବର୍ଷ ଧରି ପିଲାମାନେ ପାଠ ପଢିବା ପାଇଁ ବହୁ ଅସୁବିଧାର ସମ୍ମୁଖୀନ ହେଉଥିବା ଅଭିଭାବକମାନେ ଅଭିଯୋଗ କରିଛନ୍ତି ।

The post ଭଙ୍ଗା କୁଡ଼ିଆରେ ବିଦ୍ୟାଳୟ । ଚାରିପଟେ ଖୋଲା ମେଲା, ବାଉଁଶ ବାଡ ଘରେ ଚାଲିଛି କୁନି କୁନି ପିଲାଙ୍କ ପାଠପଢା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସଂସଦରେ ସୁରକ୍ଷା ପ୍ରସଙ୍ଗରେ ବିରୋଧୀଙ୍କ ହଙ୍ଗାମା ଜାରି ରହିଛି । ହଟ୍ଟଗୋଳ ଭିତରେ ବିରୋଧୀ ସାଂସଦଙ୍କ ନିଲମ୍ବନ ସଂଖ୍ୟା ମଧ୍ୟ ବୃଦ୍ଧି ପାଇଛି । ଗୃହକାର୍ଯ୍ୟରେ ବାଧା ସୃଷ୍ଟି କରିବାରୁ ଆଜି ୪୦ରୁ ଅଧିକ ସାଂସଦଙ୍କୁ ନିଲମ୍ବିତ କରାଯାଇଛି । ଅର୍ଥାତ୍ ଚଳିତ ଶୀତ ଅଧିବେଶନରେ ସାଂସଦଙ୍କ ନିଲମ୍ବନ ସଂଖ୍ୟା ୧୪୧ରେ ପହଞ୍ଚିଛି । ନ୍ୟାସନାଲ କନଫରେନ୍ସ ନେତା ଫାରୁକ୍ ଅବଦୁଲ୍ଲା, କଂଗ୍ରେସ ସାଂସଦ ଶଶୀ ଥରୁର, କାର୍ତି ଚିଦାମ୍ବରମ, ଏନସିପି ନେତା ସୁପ୍ରିୟା ସୁଲେ ଏବଂ ସମାଜବାଦୀ ପାର୍ଟିର ଡିମ୍ପଲ ଯାଦବଙ୍କୁ ଲୋକସଭା ଅଧ୍ୟକ୍ଷ ଓମ ବିର୍ଲା ନିଲମ୍ବିତ କରିଛନ୍ତି । ସଂସଦର ଉଭୟ ଗୃହରୁ ୧୪୧ ସାଂସଦଙ୍କ ଉପରେ ଆକ୍ସନ ପରେ ଏବେ ଉଭୟ ଗୃହରେ ମାତ୍ର ୮୭ ବିରୋଧୀ ସାଂସଦ ରହିଛନ୍ତି । ସସପେଣ୍ଡକୁ ନେଇ ସରକାରଙ୍କ ଉପରେ ବର୍ଷିଛନ୍ତି ବିରୋଧୀ ସାଂସଦ । କଂଗ୍ରେସ ସାଂସଦ ଅଧୀର ରଂଜନ ଚୌଧୁରୀ କହିଛନ୍ତି, ମୋଦୀ ସରକାର ଏକଛତ୍ରବାଦ ଶାସନ ଚଳାଇଛନ୍ତି । ସରକାରର ଅହଙ୍କାର ବଢ଼ିଯାଇଛି । କ୍ଷମତାରେ ରହିବା ପରେ ଅଧିକ ଅହଙ୍କାରୀ ହୋଇପଡ଼ିଛନ୍ତି ମୋଦୀ ସରକାର ।

The post ଆଜି ନିଲମ୍ବନ ହେଲେ ଆଉ ୪୯ ସାଂସଦ । ୧୪୧ ଛୁଇଁଲା ନିଲମ୍ବନ ସଂଖ୍ୟା । ଗତକାଲି ସଂସଦରୁ ନିଲମ୍ବିତ ହୋଇଥିଲେ ୭୮ ସାଂସଦ first appeared on Kanak News.

from Kanak News
via <a href="https://ifttt.com/?