କନକ ବ୍ୟୁରୋ: ୨୦୨୪ ନିର୍ବାଚନ ପାଇଁ ଏବେଠୁ ଜୋରଦାର ହେଲାଣି ପ୍ରସ୍ତୁତି । ଆଜି ଦିଲ୍ଲୀ ଗସ୍ତ କରିଛନ୍ତି ରାଜ୍ୟ ବିଜେପି ବିଧାୟକ । ସେଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ଅମିତ ଶାହା, ଓ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ସହ ଆଲୋଚନା କରିବେ । ଏବଂ ଆଗାମୀ ନିର୍ବାଚନ ପାଇଁ ସେମାନଙ୍କ ଠାରୁ ଗୁରୁମନ୍ତ୍ର ଗ୍ରହଣ କରିବାର ସୂଚନା ରହିଛି ।

ଅନ୍ୟପଟେ କଂଗ୍ରେସ ନେତା ମଧ୍ୟ ଦିଲ୍ଲୀ ଗସ୍ତରେ ଅଛନ୍ତି । ପଲିଟିକାଲ ଆଫେୟାର୍ସ କମିଟିର ୨୦ ଜଣ ସଦସ୍ୟଙ୍କୁ ଆସିଥିଲା ଦିଲ୍ଲୀରୁ ଡାକରା । ଆସନ୍ତାକାଲି ଦିନ ୩ଟାରେ ମଲ୍ଲିକାର୍ଜୁନ ଖଡଗେ, ରାହୁଲ ଗାନ୍ଧୀ ଓ ପ୍ରିୟଙ୍କା ସହ ଓଡ଼ିଶା ନେତାଙ୍କ ବସିବ ବୈଠକ । ଓଡ଼ିଶାରେ ୨୦୨୪ ନିର୍ବାଚନ କେମିତି ଲଢ଼ିବେ କ’ଣ ରଣନୀତି ରହିବ ସେନେଇ ହେବ ଆଲୋଚନା । ତା’ ସହ କେନ୍ଦ୍ରୀୟ ନେତାଙ୍କୁ ଓଡ଼ିଶା ନିମନ୍ତ୍ରଣ କରିବେ କଂଗ୍ରେସ ନେତା ।

The post ୨୦୨୪ ପାଇଁ ପ୍ରସ୍ତୁତି । ଦିଲ୍ଲୀ ଗସ୍ତରେ ବିଜେପି ବିଧାୟକ । ବିଜୟ ପାଇଁ ଗୁରୁମନ୍ତ୍ର ଦେବେ ମୋଦୀ, ଶାହା ଓ ନଡ୍ଡା । ସେପଟେ କଂଗ୍ରେସର ୨୦ ଜଣିଆ ସଦସ୍ୟଙ୍କୁ ଦିଲ୍ଲୀ ଡାକରା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରିମାଣ୍ଡରେ ଗଲା ସନ୍ଦିଗ୍ଧ ଆତଙ୍କବାଦୀ ସୟଦ୍ ଇସାନ୍ ବୁଖାରୀ । ରିମାଣ୍ଡରେ ଆସିବା ପରେ ଆତଙ୍କୀ ଲିଙ୍କ ନେଇ ବୁଖାରୀକୁ ହେବ ଜେରା ।ଏନଆଇଏ, କାଶ୍ମୀର ପୁଲିସ, ପଞ୍ଜାବ ପୋଲିସକୁ ଦିଆଯାଇଛି ସୂଚନା । ଏସଟିଏଫ୍ ସହ ମିଶି ଗୁଇନ୍ଦା ବିଭାଗ କରିବ ତଦନ୍ତ । ଏସଟିଏଫ୍ ଏସପି କେକେ ପାଣିଗ୍ରାହୀଙ୍କ ସୂଚନା । ତେବେ ଦିନକୁ ଦିନ ବୁଖାରୀ ବିରୋଧରେ ଖୋଲୁଛି ଗୋଟିଏ ପରେ ଗୋଟିଏ ଗୁମର । ଅନ୍ୟପଟେ ଯାଜପୁରର ଏକ ଘରୋଇ ସ୍କୁଲରେ ଶିକ୍ଷକତା କରୁଥିବା ବୁଖାରୀର ପତ୍ନୀକୁ ସ୍କୁଲରୁ କାଢିଦିଆଯାଇଥିବା ସୂଚନା ରହିଛି ।

 

The post ରିମାଣ୍ଡରେ ଗଲା ସନ୍ଦିଗ୍ଧ ଆତଙ୍କୀ ବୁଖାରୀ । ଭୁବନେଶ୍ୱରରେ ଆଇବି ଟିମ୍ । ଏସଟିଏଫ୍ ଟିମ୍ ସହ ମିଶି କରିବ ଜେରା । first appeared on Kanak News.

from Kanak News
via <a href="https://ifttt.com/?

୫ ଅଗଷ୍ଟରେ ଦୁର୍ନୀତି ଅଭିଯୋଗରେ ଦୋଷୀ ସାବ୍ୟସ୍ତ ହେବା ପରେ ଇମ୍ରାନ ଖାନ ଜେଲରେ ଅଛନ୍ତି । ପୂର୍ବତନ ପ୍ରଧାନମନ୍ତ୍ରୀ ବହୁ କୋର୍ଟ ମାମଲାରେ ଜଡିତ ଅଛନ୍ତି । ଗତ ବର୍ଷ ପାକିସ୍ତାନ ସଂସଦରେ ବିଶ୍ୱାସ ଭୋଟ୍ ରେ ହାରିବା ପରେ ପୂର୍ବତନ କ୍ରିକେଟ୍ ତାରକା ଏବେ ଏକ ବିରାଟ ରାଜନୈତିକ ସଙ୍କଟ ଦେଇ ଗତି କରୁଛନ୍ତି ।

ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ସମର୍ଥକମାନଙ୍କୁ ସମ୍ବୋଧିତ କରିବା ପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ମାଧ୍ୟମରେ ଏକ ଅଡିଓ କ୍ଲିପ ବ୍ୟବହାର କରିଥିଲେ । ପାକିସ୍ତାନ ରାଜନୀତିରେ ଏହା ହେଉଛି ପ୍ରଥମ ଘଟଣା । ତେବେ ଇଣ୍ଟରନେଟରେ କିଛି ସମସ୍ୟା ହେତୁ ଇମ୍ରାନ ଖାନଙ୍କ ଚିତ୍ର ଉପରେ ଅଡିଓ ବଜାଯାଇଥିଲା । ଏହି ଭିଡିଓକୁ ୟୁଟ୍ୟୁବରେ ୧.୪ ମିଲିୟନରୁ ଅଧିକ ଥର ଦେଖାଯାଇଥିଲା ଏବଂ ହଜାର ହଜାର ଲୋକ ଏହାକୁ ଅନ୍ୟ ସୋସିଆଲ ମିଡିଆରେ ଲାଇଭ ଦେଖିଥିଲେ ।

Founding Chairman Imran Khan's speech in AI voice. Can't stop praising Dr Asma for staying up 36 hours to get this done in time, Nausheen for translations and Intazar Bhai for getting notes from the Legend Imran Khan! #PTIVirtualJalsa pic.twitter.com/9CoDVT4sXb

— Jibran Ilyas (@agentjay2009) December 17, 2023

https://platform.twitter.com/widgets.js

ଆମ ଦଳକୁ ସର୍ବସାଧାରଣ ସମାବେଶ ଆୟୋଜନ କରିବାକୁ ଅନୁମତି ଦିଆଯାଇ ନାହିଁ ବୋଲି ଇମ୍ରାନ ଖାନ କହିଛନ୍ତି । ସାଧାରଣ ନିର୍ବାଚନରେ ​​ବହୁ ସଂଖ୍ୟାରେ ଭାଗ ନେବାକୁ ସେ ସମର୍ଥକମାନଙ୍କୁ ନିବେଦନ କରିଥିଲେ । ଲାଇଭଷ୍ଟ୍ରିମିଙ୍ଗରେ ବ୍ୟାଘାତ ସମ୍ପର୍କରେ ସେ କହିଛନ୍ତି ଯେ ଆମ ଲୋକଙ୍କୁ ଅପହରଣ କରାଯାଉଛି ଏବଂ ସେମାନଙ୍କ ପରିବାରକୁ ହଇରାଣ କରାଯାଉଛି । ଏହି ବ୍ୟାଘାତ ଘଟଣାର ତଦନ୍ତ କରାଯାଉଛି ବୋଲି ପାକିସ୍ତାନର ଟେଲିକମ୍ ନିୟାମକ (ଟେଲିକମ୍) କହିଛି । ପରେ ସେ କହିଥିଲେ ଯେ ସାମଗ୍ରିକ ଭାବେ ଇଣ୍ଟରନେଟ୍ ସ୍ୱାଭାବିକ ଅଟେ ।

ଇମ୍ରାନ ଖାନଙ୍କ ଭାଷଣ କିପରି ପ୍ରସ୍ତୁତ ହେଲା ?

ତାଙ୍କ ଦଳର ଅଧିକାରୀ କହିଛନ୍ତି ଯେ ଇମ୍ରାନ ଖାନଙ୍କ ଭାଷଣ ଜେଲରୁ ଅନୁମୋଦିତ ଏକ ଲିଖିତ ସଂସ୍କରଣରୁ ପ୍ରସ୍ତୁତ ହୋଇଛି । ରାଲି ବିରୋଧରେ କାର୍ଯ୍ୟାନୁଷ୍ଠାନର ସମ୍ମୁଖୀନ ହେଉଥିବାରୁ ଦଳ ଏହି କାର୍ଯ୍ୟକ୍ରମ ଆୟୋଜନ କରିଛି । ନ୍ୟୁଜ୍ ଏଜେନ୍ସି ରିପୋର୍ଟ କରିଛି ଯେ ଇମ୍ରାନ ଖାନଙ୍କୁ ମଧ୍ୟ ଗଣମାଧ୍ୟମରୁ ବାସନ୍ଦ କଳା କରାଯାଇଛି କାରଣ ପାକିସ୍ତାନର କାର୍ଯ୍ୟନିର୍ବାହୀ ସରକାରରେ ସୂଚନା ମନ୍ତ୍ରୀ ମୁର୍ତାଜା ସୋଲାଙ୍ଗି ତାଙ୍କ ବିରୋଧୀଙ୍କ ସହ ହାତ ମିଳେଇଥିବାର ସନ୍ଦେହ କରାଯାଉଛି ।

ଇମ୍ରାନ ଖାନ ଜେଲରେ ରହିବେ କି ?

୫ ଅଗଷ୍ଟରେ ଦୁର୍ନୀତି ଅଭିଯୋଗରେ ଦୋଷୀ ସାବ୍ୟସ୍ତ ହେବା ପରେ ଇମ୍ରାନ ଖାନ ବର୍ତମାନ ଜେଲରେ ଅଛନ୍ତି । ପୂର୍ବତନ ପ୍ରଧାନମନ୍ତ୍ରୀ ବହୁ କୋର୍ଟ ମାମଲାରେ ଜଡିତ ଅଛନ୍ତି, ଯାହା ମଧ୍ୟରୁ କେତେକ ସେ ଜେଲକୁ ଯିବାପରେ ରୁଜୁ ହେଇଛି । ଗତ ବର୍ଷ ପାକିସ୍ତାନ ସଂସଦରେ ବିଶ୍ୱାସ ଭୋଟରେ ହାରିବା ପରେ ୭୧ ବର୍ଷୀୟ ପୂର୍ବତନ କ୍ରିକେଟ୍ ତାରକା ରାଜନୈତିକ ସଙ୍କଟର ସମ୍ମୁଖୀନ ହୋଇଛନ୍ତି। ଇମ୍ରାନ ଖାନଙ୍କ ସମର୍ଥକମାନେ ମେ ମାସରେ ସାମରିକ ସ୍ଥାନ ଉପରେ ଆକ୍ରମଣ କରିବା ପରେ ତାଙ୍କ ବିରୋଧରେ ଆହୁରି ମାମଲା ରୁଜୁ ହେଇଥିଲା । ୨୦୧୮ ରେ ଶେଷ ସାଧାରଣ ନିର୍ବାଚନରେ ​​ଇମ୍ରାନ ଖାନ ଜିତିଥିଲେ ।

The post ଜେଲରେ ବନ୍ଦ ଇମ୍ରାନ୍ ଖାନ ‘AI’ ଜରିଆରେ ଦେଲେ ଭାଷଣ । ୟୁଟ୍ୟୁବରେ ୧.୪ ମିଲିଅନ ଲୋକ ଦେଖିଲେଣି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଉରକେଲାରେ ଝାଡାବାନ୍ତି ଆକ୍ରାନ୍ତ ଘଟଣାର ସମୀକ୍ଷା କରିବେ ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ସନ୍ଧ୍ୟାରେ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ । କିଭଳି, ଝାଡାବାନ୍ତି ଏତେ ମାତ୍ରାରେ ବ୍ୟାପିଲା ତାହାର ରିଭ୍ୟୁ କରିବେ ।

ରାଉରକେଲାରେ ଝାଡ଼ାବାନ୍ତି ଆତଙ୍କ ଜାରି ରହିଛି । ଏହାକୁ ନେଇ ରାଉରକେଲା ମୁନିସପାଲ କର୍ପୋରେସନ୍ କମିଶନରଙ୍କ ସାମ୍ବାଦିକ ସମ୍ମିଳନୀ । କହିଲେ, ବର୍ତମାନ ସୁଦ୍ଧା ୩ଶହରୁ ୪ଶହ ଆକ୍ରାନ୍ତ ସୁସ୍ଥ ହୋଇ ଘରକୁ ଗଲେଣି । ବିଭିନ୍ନ ମେଡିକାଲରେ ଏବେବି ୨୮୭ ଆକ୍ରାନ୍ତ ଚିକିତ୍ସିତ ହେଉଛନ୍ତି । ଅଭିଯୋଗ ଅନୁସାରେ ଯେଉଁ ଯେଉଁ ସ୍ଥାନରେ ପାଣି ପାଇପ୍ ଫାଟିଥିଲା, ସେଠାରେ ମରାମତି ଚାଲିଛି । ଏନେଇ ଆଜି ସକାଳେ ୱାଟ୍କୋ ସହିତ ଆମର ଆଲୋଚନା ହୋଇଥିଲା । ବର୍ତମାନ ସୁଦ୍ଧା ୩୫ଟି ଲିକେଜ୍କୁ ମରାମତି କରାଯାଇଛି । ଆଉ ୧୧ଟି ଲିକେଜ୍ର ମରାମତି ପ୍ରକ୍ରିଆ ଚାଲିଛି । ଯେଉଁଠି ଲୋକଙ୍କ ଅଭିଯୋଗ ଆସିବ, ସେଠାରେ ତୁରନ୍ତ ପାଇପ୍ ମରାମତି କରାଯିବ । ଏବେ ଝାଡାବାନ୍ତିରେ ଆକ୍ରାନ୍ତ ସଂଖ୍ୟା ତଳମୁହାଁ ରହିଛି ।

The post ରାଉରକେଲାରେ ଝାଡାବାନ୍ତି ଆତଙ୍କ । ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ସନ୍ଧ୍ୟାରେ ବରିଷ୍ଠ ଅଧିକାରୀଙ୍କ ସହ କରିବେ ଆଲୋଚନା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମାହାଙ୍ଗା ଡର୍ବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କୁ ଆଶ୍ୱସ୍ତି । ହାଇକୋର୍ଟ ବଢ଼ାଇଲେ ଅନ୍ତରୀଣ ସୁରକ୍ଷା ଅବଧି । । ଆଜି ଯାଏଁ ଅନ୍ତରୀଣ ସୁରକ୍ଷା ପ୍ରଦାନ କରିଥଲେ ହାଇକୋର୍ଟ । ଏବେ ଆସନ୍ତା ଜାନୁୟାରୀ ୧୭ ତାରିଖ ଯାଏଁ ବଢ଼ିଲା ବିଧାୟକଙ୍କ ଅନ୍ତରୀଣ ସୁରକ୍ଷା । ଆସନ୍ତା ୧୭ ଜାନୁୟାରୀରେ ଏହି ମାମଲାର ପରବର୍ତୀ ଶୁଣାଣି ହେବ ।

ମାହାଙ୍ଗା ଡବଲ ମର୍ଡର ଘଟଣାରେ ବିଧାୟକ ତାଙ୍କ ନିଜ ବିରୁଦ୍ଧରେ ହୋଇଥିବା ମାମଲା ଖାରଜ ପାଇଁ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଆସନ୍ତା ୧୭ ଜାନୁୟାରୀ ଯାଏଁ ବିଧାୟକଙ୍କ ବିରୁଦ୍ଧରେ ଏହି ମାମଲାରେ କୌଣସି ପ୍ରକାର କାର୍ଯ୍ୟାନୁଷ୍ଠାନ ନିଆଯାଇପାରିବ ନାହିଁ । ଆଇନଜୀବୀ ଡିପି ଧଳ ଓ ଅଂଶୁମାନ ରାୟ ବିଧାୟକଙ୍କ ପକ୍ଷରୁ ମାମଲା ପରିଚାଳନା କରୁଥିଲେ ।

The post ମାହାଙ୍ଗା ଡବଲ ମର୍ଡର ଘଟଣାରେ ବିଧାୟକ ପ୍ରତାପ ଜେନାଙ୍କୁ ଆଶ୍ୱସ୍ତି । ଜାନୁଆରୀ ୧୭ ଯାଏଁ ହାଇକୋର୍ଟ ବଢାଇଲେ ଅନ୍ତରୀଣ ସୁରକ୍ଷା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଉରକେଲାରେ ଝାଡ଼ାବାନ୍ତି ଆତଙ୍କ ଭିତରେ ସାମ୍ବାଦିକ ସମ୍ମିଳନୀ କରିଛନ୍ତି ରାଉରକେଲା ମୁନିସପାଲ କର୍ପୋରେସନ୍ କମିଶନର । କହିଲେ, ବର୍ତ୍ତମାନ ସୁଦ୍ଧା ୩ଶହରୁ ୪ଶହ ଆକ୍ରାନ୍ତ ସୁସ୍ଥ ହୋଇ ଘରକୁ ଗଲେଣି । ବିଭିନ୍ନ ମେଡିକାଲରେ ଏବେବି ୨୮୭ ଆକ୍ରାନ୍ତ ଚିକିତ୍ସିତ ହେଉଛନ୍ତି ।

ସୂଚନା ଅନୁସାରେ, ଯେଉଁ ଯେଉଁ ସ୍ଥାନରେ ପାଣି ପାଇପ୍ ଫାଟିଥିଲା, ସେଠାରେ ମରାମତି ଚାଲିଛି । ଏନେଇ ଆଜି ସକାଳେ ୱାଟ୍କୋ ସହିତ ଆମର ଆଲୋଚନା ହୋଇଥିଲା । ବର୍ତମାନ ସୁଦ୍ଧା ୩୫ଟି ଲିକେଜ୍କୁ ମରାମତି କରାଯାଇଛି । ଆଉ ୧୧ଟି ଲିକେଜ୍ର ମରାମତି ପ୍ରକ୍ରିଆ ଚାଲିଛି । ଯେଉଁଠି ଲୋକଙ୍କ ଅଭିଯୋଗ ଆସିବ, ସେଠାରେ ତୁରନ୍ତ ପାଇପ୍ ମରାମତି କରାଯିବ । ଏବେ ଝାଡାବାନ୍ତିରେ ଆକ୍ରାନ୍ତ ସଂଖ୍ୟା ତଳମୁହାଁ ରହିଛି ।

The post ରାଉରକେଲାରେ ଚାଲିଛି ଫଟା ପାଣିପାଇପ୍ ମରାମତି । ସୁସ୍ଥ ହୋଇ ଫେରୁଛନ୍ତି ରୋଗୀ । ମୁନିସପାଲ କର୍ପୋରେସନ୍ କମିଶନରଙ୍କ ସୂଚନା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଖୋଲୁଛି ସନ୍ଦିଗ୍ଧ ଆତଙ୍କୀ ସୟିଦ ଇଶାନ୍ ବୁଖାରି ଗୁମର । ବୁଖାରୀର କାର୍ଯ୍ୟକଳାପକୁ ସନ୍ଦେହ କରି ୨୦୧୮ରେ ଥାନାରେ ଅଭିଯୋଗ କରିଥିଲେ ସେଖ ଦିଲଦାର ଚାନ୍ଦ । କିନ୍ତୁ ସେତେବେଳେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିଲା । ପରେ ବୁଖାରୀଙ୍କ ପତ୍ନୀ ସାମ୍ବାଦିକଙ୍କୁ ଧମକ ଦେଇଥିଲେ । ଏପରିକି ମିଛ ଦୁଷ୍କର୍ମ ମାମଲାରେ ଫସାଇଦେବାକୁ କହିଥିଲେ । କନକ ନ୍ୟୁଜ୍ ଆଗରେ କାହାଣୀ ବଖାଣିଲେ ସାମ୍ବାଦିକ ସେଖ୍ ଦିଲଦାର ଚାନ୍ଦଙ୍କ ପରିବାର ।

କାଶ୍ମୀରର ସନ୍ଦିଗ୍ଧ ଆତଙ୍କୀ ସୟିଦ ଇଶାନ୍ ବୁଖାରିକୁ ୫ ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ । ଗତକାଲି ଏସଟିଏଫର ରିମାଣ୍ଡ ଆବେଦନ ଉପରେ ଶୁଣାଣି କରି ଚଣ୍ଡିଖୋଲ ଜେଏମଏଫସି ୫ ଦିନିଆ ରିମାଣ୍ଡ ପାଇଁ ଅନୁମତି ଦେଇଛନ୍ତି । ଆଜି ବୁଖାରିକୁ ରଗଡ଼ି ଜେଲରୁ ଏସଟିଏଫର ଏକ ଟିମ୍ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଭୁବନେଶ୍ୱର ନେବାର ସୂଚନା ରହିଛି । ସେଠାରେ ଇଶାନକୁ ଏସଟିଏଫ ଅଧିକ ପଚରାଉଚରା କରିବ ବୋଲି ସୂଚନା ରହିଛି ।

The post ସାମ୍ବାଦିକଙ୍କ ପରିବାର ବଖାଣିଲେ ସନ୍ଦିଗ୍ଧ ବୁଖାରୀଙ୍କ ଗୁମର । କହିଲେ ସତ ପ୍ରକାଶ କଲେ ଦୁଷ୍କର୍ମ ଅଭିଯୋଗରେ ଫଶାଇଦେବାକୁ ମିଳିଥିଲା ଧମକ । first appeared on Kanak News.

from Kanak News
via <a href="https://ifttt.com/?

ଇରାନର ଏକ ପୋଲିସ୍ ଷ୍ଟେସନ ଉପରେ ହୋଇଥିବା ଉଗ୍ରପନ୍ଥୀ  ଆକ୍ରମଣକୁ ନେଇ ପାକିସ୍ତାନ ବିରୋଧରେ ଇରାନର ସ୍ବର କଠୋର ହେବାରେ ଲାଗିଛି ।

ଶୁକ୍ରବାର ଦିନ, ଇରାନର ସିସ୍ତାନ-ବାଲୁଚିସ୍ତାନ ପ୍ରଦେଶର ରସ୍କରେ ଥିବା ପୋଲିସ କାର୍ଯ୍ୟାଳୟ ଉପରେ ହୋଇଥିବା ଆକ୍ରମଣରେ ଅତି କମରେ୧୧ ଜଣ ଇରାନ ସୁରକ୍ଷା କର୍ମୀଙ୍କର ମୃତ୍ୟୁ ଘଟିଛି ।

ରବିବାର ଦିନ ପାକିସ୍ତାନର ବୈଦେଶିକ ମନ୍ତ୍ରଣାଳୟ ଏହି ଘଟଣାକୁ ତୀବ୍ର ନିନ୍ଦା କରିବା ସହ କହିଛନ୍ତି ଯେ ‘ଆତଙ୍କବାଦ’ ବିରୋଧରେ ଲଢେଇ ପାଇଁ ମିଳିତ ଭାବେ କାର୍ଯ୍ୟ କରିବାର ଆବଶ୍ୟକତା ରହିଛି ।ଏଥି ସହିତ ଇରାନ ବର୍ତ୍ତମାନ ପାକିସ୍ତାନକୁ ନିନ୍ଦା କରିଛି ଏବଂ କହିଛି ଯେ ନିଜ ସୀମା ଉପରେ ପାକିସ୍ତାନର ନିୟନ୍ତ୍ରଣ ନାହିଁ । ଏହି ଆକ୍ରମଣ ପାଇଁ ଉଗ୍ରବାଦୀ ସଂଗଠନ ଜୈସ-ଅଲ-ଆଡଲ ଦାୟୀ, ଯାହା ଇରାନ ଦ୍ୱାରା ‘ଆତଙ୍କବାଦୀ’ ସଂଗଠନ ଘୋଷିତ ହୋଇଛି । ଏହି ସଂଗଠନ ଇରାନର ଦକ୍ଷିଣପୂର୍ବ ଅଞ୍ଚଳରେ ସକ୍ରିୟ ଯାହା ପାକିସ୍ତାନ ସୀମାକୁ ଲାଗିଛି ।

ଇରାନର ଗୃହ ମନ୍ତ୍ରୀ କଣ କହିଲେ ?

ଶନିବାର ଇରାନର ଆଭ୍ୟନ୍ତରୀଣ ମନ୍ତ୍ରୀ ଅହମ୍ମଦ ଭାହିଡି ବାଲୁଚିସ୍ତାନର ଉକ୍ତ ସ୍ଥାନ ପରିଦର୍ଶନ କରିଛନ୍ତି ଯେଉଁଠାରେ ଉଗ୍ରବାଦୀ ଆକ୍ରମଣ ହୋଇଥିଲା । ତସ୍ନିମ୍ ନ୍ୟୁଜ୍ ଏଜେନ୍ସି ଅନୁଯାୟୀ, ଭାହିଡି କହିଛନ୍ତି ଯେ ଆମେ ଆଶା କରୁଛୁ ଯେ ଆମର ପଡ଼ୋଶୀମାନେ ସେମାନଙ୍କ ସୀମା ଉପରେ ନିୟନ୍ତ୍ରଣ ରଖିବେ ଏବଂ ଅଧିକ ସଜାଗ ରହିବେ କାରଣ ଆତଙ୍କବାଦୀ ଗୋଷ୍ଠୀ ସୀମା ପାରିରୁ ଆସିଛନ୍ତି ବୋଲି ଆମ ପାଖେ ପ୍ରମାଣ ଅଛି । ସେ କହିଛନ୍ତି, “ତେଣୁ ଆମେ ଆଶା କରୁଛୁ ପାକିସ୍ତାନ ସରକାର ନିଜ ସୀମାକୁ ନିୟନ୍ତ୍ରଣ କରିବେ ଏବଂ ଯେଉଁଠାରୁ ଆତଙ୍କବାଦୀ ଗୋଷ୍ଠୀ ସୀମା ପାର ହୋଇ ଆସୁଛନ୍ତି ଯାହାଦ୍ବାରା ଭବିଷ୍ୟତରେ ଏପରି ଆକ୍ରମଣକୁ ରୋକାଯାଇପାରିବ। ”ଇରାନର ଗୃହ ମନ୍ତ୍ରୀ କହିଛନ୍ତି ଯେ ସେମାନେ ଏକ ବଡ଼ ଧରଣର  ଆକ୍ରମଣର ଯୋଜନା କରିଥିଲେ ​​କିନ୍ତୁ ଏହା ବିଫଳ ହୋଇଥିଲା।  ୱାହିଡି ଇସ୍ରାଏଲକୁ ସିସ୍ତାନ-ବାଲୁଚିସ୍ତାନରେ କାର୍ଯ୍ୟ କରୁଥିବା ‘ଆତଙ୍କବାଦୀ’ ଗୋଷ୍ଠୀର ସମର୍ଥକ ବୋଲି ବର୍ଣ୍ଣନା କରିଛନ୍ତି।

ପାକିସ୍ତାନ ସୀମାକୁ ନେଇ ସଂକଟ

ସିସ୍ତାନ-ବାଲୁଚିସ୍ତାନ ପ୍ରଦେଶର ସୁରକ୍ଷା ସ୍ଥିତିକୁ ସୁଦୃଢ କରିବା ପାଇଁ ଇରାନର ପ୍ରୟାସ ଗତ କିଛି ବର୍ଷ ମଧ୍ୟରେ ସଫଳ ହୋଇପାରି ନାହିଁ ।ସୁରକ୍ଷା ବାହିନୀର କଡା କାର୍ଯ୍ୟ ସତ୍ତ୍ବେ ସଶସ୍ତ୍ର ଡ୍ରଗ୍ ଗ୍ୟାଙ୍ଗ, ଅସ୍ତ୍ରଶସ୍ତ୍ର ଚୋରା ଚାଲାଣକାରୀ ଏବଂ ସୁନ୍ନି ଉଗ୍ରବାଦୀ ଗୋଷ୍ଠୀ ଏହି ଅଞ୍ଚଳରେ ସକ୍ରିୟ ଅଛନ୍ତି।ଜୈସ-ଅଲ-ଆଡଲ ହେଉଛି ଏକ ମୁଖ୍ୟ ସୁନ୍ନି ଉଗ୍ରବାଦୀ ଗୋଷ୍ଠୀ ଯାହା କ୍ରମାଗତ ଭାବରେ ଇରାନର ସୁରକ୍ଷା ବାହିନୀକୁ ଟାର୍ଗେଟ କରି ଆସୁଛି । ନିକଟ ଅତୀତରେ ସେ ନିଜର ଆକ୍ରମଣକୁ ଜୋରଦାର କରିଛି ।ଚଳିତ ବର୍ଷ ଅଗଷ୍ଟ ମାସରେ ସୀମାରେ ଜଣେ ସୀମା ସୁରକ୍ଷା କର୍ମୀଙ୍କୁ ହତ୍ୟା କରାଯାଇଥିଲା । ଏବଂ ଜୁଲାଇ ୮ ରେ ଚାରି ଜଣ ପୋଲିସ କର୍ମଚାରୀଙ୍କୁ ଗୁଳି କରାଯାଇଥିଲା । ଜୁଲାଇ ୨୩ ରେ, ସଶସ୍ତ୍ର ମାଓବାଦୀଙ୍କ ସହ ସଂଘର୍ଷରେ ଅନ୍ୟ ଛ’ ଜଣ ପୋଲିସ କର୍ମଚାରୀଙ୍କ ମୃତ୍ୟୁ ଘଟିଥିଲା ।ଇରାନ ଏବଂ ପାକିସ୍ତାନର ଅଧିକାରୀ ତଥା ସାମରିକ କମାଣ୍ଡୋମାନେ ସୀମା ସୁରକ୍ଷା ବିଷୟରେ ଆଲୋଚନା କରନ୍ତି କିନ୍ତୁ ଇସ୍‌ଲାମାବାଦ ଇରାନର ସୁରକ୍ଷା ସମସ୍ୟାର ସମାଧାନ କରିବାରେ ସକ୍ଷମ ନୁହେଁ ।ନିକଟରେ ଏହି ପ୍ରସଙ୍ଗରେ ଏକ ବୈଠକ ଅନୁଷ୍ଠିତ ହୋଇଥିଲା । ପାକିସ୍ତାନର ପ୍ରତିରକ୍ଷା ସଚିବ ହାମୁଦ ଉଜ ଜମାନ ଖାନ ଇରାନର ଡେପୁଟି ପ୍ରତିରକ୍ଷା ମନ୍ତ୍ରୀ ବ୍ରିଗେଡିୟର୍ ଜେନେରାଲ ମେହେଡି ଫରାହିଙ୍କୁ ଭେଟିଛନ୍ତି । ଏହି ସମୟରେ ଉଭୟ ସଶସ୍ତ୍ର ସଂଗଠନକୁ ରୋକିବାରେ ସହଯୋଗ କରିବେ ବୋଲି ନିଶ୍ଚିତ କରିଛନ୍ତି ।

 

The post ପାକିସ୍ତାନକୁ ଇରାନର ଚେତାବନୀ : କହିଲା ଆଗ ନିଜ ବର୍ଡରକୁ କଣ୍ଟ୍ରୋଲ କର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୨୦୨୪ ଲୋକସଭା ନିର୍ବାଚନରେ ନିର୍ବାଚନ ମୈଦାନକୁ ଓହ୍ଲାଇବେ ଅଭିନେତ୍ରୀ କଙ୍ଗନା ରଣାୱତ୍ । ଅନେକ ଦିନ ଧରି ନୀରବତା ପରେ ଏହା ସ୍ପଷ୍ଟ କଲେ କଙ୍ଗନାଙ୍କ ବାପା ଅମରଦୀପ ରଣାୱତ୍ ।

ବଲିଉଡ୍ ଅଭିନେତ୍ରୀ କଙ୍ଗନା ରାଣାୱତଙ୍କୁ ନେଇ ନିର୍ବାଚନ ଲଢ଼ିବା ନେଇ ଲଗାତାର ଚର୍ଚ୍ଚା ଚାଲିଆସୁଥିବାବେଳେ ଏବଂ ଏନେଇ ମୁହଁ ଖୋଲିଛନ୍ତି ବାପା ଅମରଦୀପ୍ । ସବୁ ଚର୍ଚ୍ଚାର ଅନ୍ତ ଘଟାଇଛନ୍ତି । କଙ୍ଗନାଙ୍କ ବାପା ସ୍ପଷ୍ଟ କରିଛନ୍ତି ଯେ , କଙ୍ଗନା ରାଣାୱତ ଲୋକସଭା ନିର୍ବାଚନ ଲଢୁଛନ୍ତି । ତେବେ ସେ କେଉଁଠୁ ନିର୍ବାଚନ ଲଢ଼ିବେ ତାହା ବିଜେପି ସ୍ଥିର କରିବ ବୋଲି ସେ କହିଛନ୍ତି।
କଙ୍ଗନା ଦୁଇ ଦିନ ତଳେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ କୁଲ୍ଲୁ ସ୍ଥିତ ତାଙ୍କ ବାସଭବନରେ ଭେଟିଥିଲେ। ଏହି ବୈଠକ ପରେ ତାଙ୍କ ନିର୍ବାଚନ ଲଢ଼ିବା ନେଇ ଚର୍ଚ୍ଚା ଜୋର ଧରିଛି। କିନ୍ତୁ ଏବେ କଙ୍ଗନା ନିର୍ବାଚନ ଲଢ଼ିବେ ବୋଲି ବାପା ସ୍ପଷ୍ଟ କରିଛନ୍ତି।

ବଡ଼ କଥା ହେଉଛି କଙ୍ଗନା ଦୁଇ ଦିନ ତଳେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ କୁଲ୍ଲୁସ୍ଥିତ ତାଙ୍କ ବାସଭବନରେ ଭେଟିଥିଲେ। ଏହି ବୈଠକ ପରେ ତାଙ୍କ ନିର୍ବାଚନ ଲଢ଼ିବା ନେଇ ଚର୍ଚ୍ଚା ଜୋର ଧରିଛି। ଗତ ସପ୍ତାହରେ ହିମାଚଳର ବିଳାସପୁରରେ ରାଷ୍ଟ୍ରୀୟ ସ୍ୱୟଂସେବକ ସଂଘ ପକ୍ଷରୁ ଏକ ସାମାଜିକ ସମାବେଶ କାର୍ୟ୍ୟକ୍ରମ ଆୟୋଜନ କରାଯାଇଥିଲା। କଙ୍ଗନା ମଧ୍ୟ ଏଠାରେ ପହଞ୍ଚି କହିଛନ୍ତି ଯେ ଆରଏସଏସର ବିଚାରଧାରା ତାଙ୍କ ଆଦର୍ଶ ସହ ମେଳ ଖାଉଥିବା କହିଥିଲେ। ତେବେ କଙ୍ଗନା ମଣ୍ଡି ଲୋକସଭା ଆସନ କିମ୍ବା ଚଣ୍ଡିଗଡ଼ରୁ ନିର୍ବାଚନ ଲଢ଼ିବେ ବୋଲି ଚର୍ଚ୍ଚା ହେଉଛି।

The post ବିଜେପି ଟିକେଟରେ ୨୦୨୪ ଲୋକସଭା ନିର୍ବାଚନ ଲଢିବେ କଙ୍ଗନା ରଣାୱତ୍ । ସ୍ପଷ୍ଟ କଲେ ବାପା ଅମରଦୀପ୍ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାତି ଅଧରେ ୩୪ ଟିକିଆ ହାତୀ ପଲଙ୍କ ଆତଙ୍କ । ବିଳମ୍ବିତ ରାତିରେ ଗାଁରେ ପଶି ଫସଲ ନଷ୍ଟ କରିବା ସହ ଭାଙ୍ଗିଲେ ଘରଦ୍ୱାର । ହାତୀ ଆକ୍ରମଣରେ ୪ ଗାଈ, ୨ ଛେଳି ମୃତ୍ୟୁ । ଦେବଗଡ଼ ଥାନାଂଚଳ ଚଡ଼କମରା ଗାଁରେ ହାତୀଙ୍କ ଉତ୍ପାତ । ହାତୀ ଘଉଡ଼ାଉଥିବା ବେଳେ ବନକର୍ମଚାରୀ ଓ ଗ୍ରାମବାସୀଙ୍କ ହାତୀ ପଲ ଆକ୍ରମଣ ଉଦ୍ୟମ । ରାତିରେ ନିଆଁ ହୁଳା ଧରି ଲୋକେ ହାତୀ ପଲକୁ ଘଉଡ଼ାଉଛନ୍ତି । ଦେବଗଡ଼ ବନଖଣ୍ଡ ସୁଗୁଡ଼ା ବିଟ ଅଞ୍ଚଳର ବାସୁଦେବପୁର, ସୁଗୁଡା, ଝାଟକିପୋଷି ଗାଁରେ ୩୪ ଟିକିଆ ହାତୀପଲ ଆତଙ୍କ ସୃଷ୍ଟି କରିଛନ୍ତି ।

The post ଦେବଗଡରେ ହାତୀ ଆତଙ୍କ । ଘରଦ୍ୱାର ଭାଙ୍ଗି ଦେଉଛନ୍ତି, ଗୃହପାଳିତ ପଶୁଙ୍କୁ ଦଳି ଦେଉଛନ୍ତି ହାତୀ । first appeared on Kanak News.

from Kanak News
via <a href="https://ifttt.com/?