କନକ ବ୍ୟୁରୋ: ୫ଟି ରାଜ୍ୟର ବିଧାନସଭା ନିର୍ବାଚନ ପରେ ପ୍ରଥମ ଥର ପାଇଁ ଆଜି ବସୁଛି ଇଣ୍ଡିଆ ମେଣ୍ଟର ବୈଠକ । ବୈଠକ ପୂର୍ବରୁ ଗତକାଲି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଭେଟି ଆଲୋଚନା କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ।

ସେହିପରି ପର୍ଯ୍ୟାୟକ୍ରମେ ଜଣେ ପରେ ଜଣେ ନେତା ଦିଲ୍ଲୀରେ ପହଞ୍ଚିିଛନ୍ତି । ୩ଟି ରାଜ୍ୟରେ ବିଜେପିକୁ ମିିଳିଥିବା ସଫଳତା, ବିରୋଧୀ ମେଣ୍ଟ ପାଇଁ ବଡ଼ ଚ୍ୟାଲେଞ୍ଜ ଭାବରେ ଛିଡ଼ା ହୋଇଛି । ସେହିପରି କଂଗ୍ରେସର ସ୍ଥିତି ନେଇ ମଧ୍ୟ ଆଜିର ବୈଠକରେ ଆଲୋଚନା ହୋଇପାରେ । ଅନ୍ୟପଟେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେଙ୍କ ଅଧ୍ୟକ୍ଷତା ବସିଛି ବିରୋଧୀ ଦଳ ନେତାଙ୍କୁ ନେଇ ବୈଠକ । ୫ବିଧାନସଭା ନିର୍ବାଚନ ଫଳାଫଳ ବାହରିବା ପରେ ମେଣ୍ଟ ବୈଠକ ପାଇଁ ଯୋଜନା ହାଇଥିଲେ ବି ଶେଷ ସମୟରେ ବାତିଲ କରାଯାଇଥିଲା । ଅନେକ ଦଳର ନେତା ପହଁଚିପାରିନଥିବାରୁ ବୈଠକରୁ ସ୍ଥଗିତ ରଖାଯାଇଥିଲା । ସେପଟେ ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବ କହିଛନ୍ତି ବିରୋଧୀ ମେଣ୍ଟ ଆଗାମୀ ନିର୍ବାଚନରେ ବିଜେପି ସରକାରଙ୍କୁ ଶାସନରୁ ହଟେଇବ ।

The post ୫ ରାଜ୍ୟର ବିଧାନସଭା ନିର୍ବାଚନ ପରେ ପ୍ରଥମ ଥର ପାଇଁ ଆଜି ବସୁଛି ଇଣ୍ଡିଆ ମେଣ୍ଟର ବୈଠକ । ଦିଲ୍ଲୀରେ ପହଞ୍ଚୁଛନ୍ତି ବିଭିନ୍ନ ଦଳ ନେତା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉତ୍ତର ପଶ୍ଚିମ ଚୀନରେ ଶକ୍ତିଶାଳୀ ଭୁମିକମ୍ପ । ରିକ୍ଟର ସ୍କେଲରେ ତିବ୍ରତା ୬.୨ ଥିବା ରେକର୍ଡ ହୋଇଛି । ଫଳରେ ଏବେ ସୁଦ୍ଧା ୧୧୧ ଜଣଙ୍କ ମୃତ୍ୟୁ ହୋଇଥିବାବେଳେ ଶତାଧିକ ଆହତ ହୋଇଛନ୍ତି । ଭୂମିକମ୍ପ ପ୍ରଭାବରେ ଆଇସଲ୍ୟାଣ୍ଡରେ ଆଗ୍ନେୟ ଉଦଗିରଣ ମଧ୍ୟ ହୋଇଛି ।

ଉତ୍ତର-ପଶ୍ଚିମ ଚୀନର ଗାନ୍ସୁ-କିଙ୍ଗହାଇ ପ୍ରଦେଶରେ ୬.୨ ତୀବ୍ରତାର ଭୂମିକମ୍ପରେ ମୃତ୍ୟୁ ସଂଖ୍ୟା ୧୧୧ ଅତିକ୍ରମ କରିଛି। କୁହାଯାଉଛି ଯେ ଏହି ଭୂମିକମ୍ପ ଏତେ ଶକ୍ତିଶାଳୀ ଥିଲା ଯେ ଏଥିରେ ଅନେକ କୋଠା ମଧ୍ୟ ଭୁଶୁଡି ପଡ଼ିଛି ଏବଂ ଚାରିଆଡ଼େ ଚିତ୍କାର ଶୁଣିବାକୁ ମିଳିଥିଲା । ବେଜିଂ ରାଜଧାନୀଠାରୁ ପ୍ରାୟ ୧୪୫୦ କିଲୋମିଟର ଦକ୍ଷିଣ-ପଶ୍ଚିମଦିଗରେ ଅବସ୍ଥିତ ପ୍ରାଦେଶିକ ରାଜଧାନୀ ଗାନ୍ସୁରେ ଏହି ଭୂମିକମ୍ପ ଅନୁଭୂତ ହୋଇଥିଲା।

The post ଚୀନରେ ଶକ୍ତିଶାଳୀ ଭୂମିକମ୍ପ । ରିକ୍ଟର ସ୍କେଲରେ ତିବ୍ରତା ୬ .୨ । ଏବେ ସୁଦ୍ଧା ୧୧୧ ଜଣଙ୍କ ମୃତ୍ୟୁ, ଶତାଧିକ ଆହତ ସୂଚନା । ଭୂକମ୍ପ ଯୋଗୁଁ ହୋଇଛି ଆଗ୍ନେୟ ଉଦଗିରଣ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବରିଷ୍ଠ ନେତା ବିଜୟ ମହାପାତ୍ରଙ୍କ ୱିକିପିଡିଆରେ ଥିବା ବ୍ୟକ୍ତିଗତ ବିବରଣୀରେ ତାଙ୍କର ବର୍ତମାନ ରାଜନୈତିକ ଦଳ ହେଉଛି ଭାରତୀୟ ଜନତା ପାର୍ଟି । କିନ୍ତୁ ସାଂଗଠନିକ ବୈଠକ ହେଉ ଅବା ରାଜନୈତିକ ସଭା କେଉଁଥିରେ ବି ବିଜୟଙ୍କୁ ଦେଖିବାକୁ ମିଳେ ନାହିଁ । ତେଣୁ ନିଜ ନାଁ ସହ କୌଣସି ଦଳକୁ ନଯୋଡି ବରିଷ୍ଠ ନେତା କହିବାକୁ ଅଧିକ ପସନ୍ଦ କରୁଛନ୍ତି ବିଜୟ ମହାପାତ୍ର । ଆଉ ଏହାରି ଭିତରେ ବିଜୟ କଂଗ୍ରେସରେ ଯୋଗ ଦେବା ନେଇ ଚର୍ଚ୍ଚା ଯୋର ଧରିଛି । ପାଟକୁରାରୁ ରାଜଧାନୀ ପର୍ଯ୍ୟନ୍ତ ଆଲୋଚନା ପରେ କଂଗ୍ରେସରେ ଯୋଗଦେବା ନେଇ କୌଣସି ସିଧାସଳଖ ପ୍ରତିକ୍ରିୟା ଦେଇ ନାହାନ୍ତି ବିଜୟ । କହିଛନ୍ତି
ନିଷ୍ପତି ଖୁବ କମ ସମୟରେ ହୋଇଥାଏ
ଯୋଗାଯୋଗ ସବୁ ଦଳ ସହିତ ରହିଛି
ଯୋଗାଯୋଗରୁ ରାଜନୈତିକ ନିଷ୍ପତ୍ତି ନେବା କଥା କହି ହେବନି
ରାଜନୈତିକ ନିଷ୍ପତ୍ତିି କଲାବେଳେ ଶୀର୍ଷସ୍ତରୀୟ ନେତା ବସି ଆଲୋଚନା କରିବେ

ସେପଟେ କଂଗ୍ରେସର ପ୍ରତିକ୍ରିୟା ଚର୍ଚ୍ଚାକୁ ଆହୁରି ଆଗକୁ ବଢାଇଛି । ବିଜୟ ମହାପାତ୍ର ଜଣେ ପୁରୁଖା ନେତା । କଂଗ୍ରେସରେ ଯୋଗଦାନ କରିବେ କି ନାହିଁ ତାହା ସମୟ କହିବ ବୋଲି ପ୍ରତିକ୍ରିୟା ରଖିଛନ୍ତି କଂଗ୍ରେସ ପ୍ରଚାର କମିଟି ମୁଖ୍ୟ ବିଜୟ ପଟ୍ଟନାୟକ ।

ଓଡିଶା ରାଜନୀତିରେ ଜଣେ ଜଣାଶୁଣା ନାଁ ବିଜୟ ମହାପାତ୍ର । କେନ୍ଦ୍ରାପଡା ଜିଲ୍ଲା ପାଟକୁରାରୁ ଚାରି ଚାରିଥର ବିଧାୟକ ହୋଇଛନ୍ତି । ବିଜେଡି ଛାଡିବା ପରେ ଅନେକ ରାଜନୈତିକ ଦଳରେ ରହି ନିଜ ଭାଗ୍ୟ ପରୀକ୍ଷା କରିଛନ୍ତି । କିନ୍ତୁ ଗତ ୨୩ ବର୍ଷ ଧରି ବିଧାନସଭା ବାହାରେ ରହିଛନ୍ତି ବିଜୟ ।

The post ଚର୍ଚ୍ଚାରେ ବିଜୟଙ୍କ ରାଜନୈତିକ ଭବିଷ୍ୟତ: କଂଗ୍ରେସରେ ଯୋଗଦେବେ କି ବିଜୟ ମହାପାତ୍ର? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମଙ୍ଗଳବାର ଦୁବାଇରେ ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୪ ସଂସ୍କରଣ ପାଇଁ ନିଲାମ ଡକାଯିବ । ମଧ୍ୟାନ ୧ଟାରେ ନିଲାମି ପ୍ରକିୟା ଆରମ୍ଭ ହେବ । ମୋଟ ୩୩୩ ଜଣ ଖେଳାଳି ନିଲାମିରେ ଅଂଶଗ୍ରହଣ କରିଥିବା ବେଳେ ୧୦ ଫ୍ରାଂଚାଇଜ ଖେଳାଳୀ କିଣିବେ । ୧୧୬୬ ଜଣ ଖେଳାଳୀଙ୍କ ନାଁ ପଞ୍ଜୀକରଣ କରିଥିବା ବେଳେ ସେମାନଙ୍କ ମଧ୍ୟରୁ ୩୩୩ ଜଣଙ୍କୁ ନିଲାମି ପାଇଁ ଚୟନ କରାଯାଇଛି । ନିଲାମିରେ ୨୧୪ ଭାରତୀୟ ଖେଳାଳି ରହିଥିବା ବୋଳ ୧୧୯ ବିଦେଶୀ ଖେଳାଳି ରହିଛନ୍ତି । ସେମାନଙ୍କୁ ୨ କୋଟି ବେସ ପ୍ରାଇସରେ ୨୩ ଖେଳାଳି ରହିଛନ୍ତି । ଏଥିମଧ୍ୟରୁ ୩ ଜଣ ଭାରତୀୟ ଖେଳାଳି ହର୍ସଲ ପଟେଲ, ଉମେଶ ଯାଦବ ଏବଂ ଶାର୍ଦୁଲ ଠାକୁରଙ୍କ ନାଁ ରହିଛି । ନିଲାମି ତାଲିକାରେ ଇଂଲଣ୍ଡର ହାରି ବ୍ରୋକ ପ୍ରଥମରେ ଥିବା ବେଳେ ଅଷ୍ଟ୍ରେଲିଆର ଟ୍ରାଭିସ୍ ହେଡ ଦ୍ୱିତୀୟରେ ଅଛନ୍ତିି । କିନ୍ତୁ ସେମାନଙ୍କର ବେସ୍ ପ୍ରାଇସ୍ ୨ ଲକ୍ଷ ରହିଛି । ତେବେ ଫ୍ରାଚାଇଜି ମାନଙ୍କ ପକେଟରେ ମୋଟ ୨୬୨.୯୫ କୋଟି ଟଙ୍କା ରହିଛି । ଫ୍ରାଚାଇଜ୍ ମଧ୍ୟରେ ଗୁଜୁରାଟ ଟାଇଟନ୍ସ ପାଖରେ ସବୁଠୁ ଅଧିକ ୩୮ ଦଶମିକ ୧୫ କୋଟି ଟଙ୍କା ଅଛି । ସେହିପରି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଖରେ ୪୦ ଦଶମିକ ୭୫ କୋଟି ଟଙ୍କା ଥିବା ବେଳେ ସନରାଇଜର୍ସ ହାଇଦ୍ରାବାଦ ପାଖରେ ୩୪ କୋଟି, କୋଲକାତା ନାଇଟ୍ ରାଇଡର୍ସ ପାଖରେ ୩୨ ଦଶମିକ ୭ କୋଟି. ଚେନ୍ନାଇ ସୁପର କିଙ୍ଗ୍ସ ପର୍ସରେ ୩୧ ଦଶମିକ ୪ କୋଟି, ପଞ୍ଜାବ କିଙ୍ଗସ ପକେଟରେ ୨୯.୧ କୋଟି, ଦିଲ୍ଲୀ କ୍ୟାପିଟାଲ୍ସ ପର୍ସରେ ୨୮ ଦଶମିକ ୯୫ କୋଟି, ମୁମ୍ବାଇ ଇଣ୍ଡିଆନ୍ସ ପାଖରେ ୧୫ ଦଶମିକ ୨୫ କୋଟି ଟଙ୍କା ଅଛି । ତେବେ ୨୦୨୪ ଆଇପିଏଲ ରିଷଭ ପନ୍ତ ଖେଳିବା ନେଇ ସଙ୍କେତ ଦେଇଛି ଦିଲ୍ଲୀ କ୍ୟାପିଟାଲ୍ସ । ଯେଉଁ ଖେଳାଳି ନିଲାମୀରେ ସାମିଲ ହେବେ ସେମାନଙ୍କ ତାଲିକା ପ୍ରକାଶ ପାଇଛି ।

The post ମଙ୍ଗଳବାର ଦୁବାଇରେ ହେବ ୨୦୨୪ ଆଇପିଏଲ ନିଲାମି: ୩୩୩ ଜଣ ଖେଳାଳିଙ୍କ ଉପରେ ୧୦ ଫ୍ରାଞ୍ଚାଇଜଙ୍କ ନଜର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସାଧାରଣ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଏଣିକି ସରକାର ଚାହିଁଲେ କୌଣସି ଟେଲିକମ୍ୟୁନିକେସନ ନେଟୱର୍କୁ ଅସ୍ଥାୟୀଭାବେ ନିଜ ନିୟନ୍ତ୍ରଣରେ ରଖିପାରିବେ । ଜରୁରୀ ପରିସ୍ଥିତିରେ ନେଟୱର୍କକୁ ନିଜ ନିୟନ୍ତ୍ରଣରେ ରଖିପାରିବେ । ଏନେଇ ଲୋକସଭାରେ ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ ଅଶ୍ୱିନି ବୈଷ୍ଣବ । ନୂଆ ଟେଲିକମ ବିଲରେ ଏହି ବ୍ୟବସ୍ଥା ରଖାଯାଇଛି ।ସୋମବାର ଲୋକସଭାରେ ଆଗତ ହୋଇଛି ଟେଲିକମ୍ୟୁନିକେସନ ବିଲ ୨୦୨୩ । ମୁଖ୍ୟତଭାବେ ବିପର୍ଯ୍ୟୟ ପରିଚାଳନା ଓ ସୁରକ୍ଷା ଦୃଷ୍ଟି ପାଇଁ କେନ୍ଦ୍ର କିମ୍ବା ରାଜ୍ୟ ସରକାରଙ୍କ ଦ୍ୱାରା ନିଯୁକ୍ତ କର୍ତୁପକ୍ଷ ମୋବାଇଲ ସେବାର ନେଟୱର୍କକୁ ନିଜ ନିୟନ୍ତ୍ରଣକୁ ନେଇପାରିବେ । ଲାଗୁ ହୋଇଥିବା ଇଣ୍ଡିଆନ ଟେଲିଗ୍ରାଫ ଆଇନକୁ ବଦଳାଇବା ପାଇଁ ନୂଆ ବିଲ ଆଣିବାକୁ ଯାଉଛନ୍ତି ସରକାର । ସରକାର କହିଛନ୍ତି ଆଇନ ଗୁଡିକ ବେଶ ପୁରୁଣା । ବର୍ତମାନ ଜ୍ଞାନ କୌଶଳବିକାଶ ହୋଇଛି । ତେଣୁ ନୂଆ ଆଇନର ଆବଶ୍ୟକତା ରହିଛି ।

The post ମୋବାଇଲ ନେଟୱର୍କକୁ ନିଜ ନିୟନ୍ତ୍ରଣକୁ ନେଇପାରିବେ ସରକାର, ଆସିବ ନୂଆ ବିଲ: ଜାତୀୟ ସୁରକ୍ଷା ପାଇଁ ସର୍ଭିସ ଓ ନେଟୱର୍କକୁ ପରିଚାଳନା କିମ୍ବା ନିଲମ୍ବିତ କରିପାରିବେ ସରକାର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପୁଣି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଇଡିର ସମନ । ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ପଚରାଉଚରା ପାଇଁ ପ୍ରବର୍ତନ ନିର୍ଦ୍ଦେଶାଳୟ କେଜରିୱାଲଙ୍କୁ ସମନ ଜାରି କରିଛି । ଆସନ୍ତା ୨୧ ତାରିଖରେ ଇଡି କାର୍ଯ୍ୟାଳୟରେ ହାଜର ହେବାକୁ ଇଡି କହିଛି । ଗତ ନଭେମ୍ବରରେ ଇଡି କେଜରୀୱାଲଙ୍କୁ ସମନ କରିଥିଲା । କିନ୍ତୁ କେଜରିୱାଲ ହାଜର ହୋଇନଥିଲେ । ତଦନ୍ତକାରୀ ସଂସ୍ଥା ପୂର୍ବରୁ ସୁପ୍ରିମକୋର୍ଟରେ କହିଥିଲା ଯେ, କେଜରିୱାଲ ଆମ ଆଦମୀ ପାର୍ଟି ଲାଂଚ ନେଇଥିଲା । ଏହି ମାମଲାରେ ଇଡି ପୂର୍ବରୁ ଆପ ନେତା ମନିଷ ସିସୋଦିଆ, ସଞ୍ଜୟ ସିଂଙ୍କୁ ଗିରଫ କରିଥିଲା ।

The post ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ସମନ: ଦିଲ୍ଲୀ ଅବକାରୀ ଦୁର୍ନିତୀ ମାମଲାରେ ଜେରା କରିବ ପ୍ରବର୍ତନ ନିର୍ଦ୍ଦେଶାଳୟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଣ୍ଡରୱାର୍ଲଡ ଡନ୍ ଦାଉଦ୍ ଇବ୍ରାହିମଙ୍କ ମୃତ୍ୟୁ ଖବର ଏବେ ସୋଶିଆଲ ମିଡିଆରେ ଭାଇରାଲ ହେଉଛି । ପାକିସ୍ତାନର କରାଚିରେ ଏକ ହସ୍ପିଟାଲରେ ଦାଉଦ୍ଙ୍କ ମୃତ୍ୟୁ ଖବର ଇଂଟରନେଟରେ ବହୁ ମାତ୍ରାରେ ପ୍ରସାରିତ ହେଉଛି । ଦାଉଦକୁ କେହି ଖାଦ୍ୟରେ ବିଷ ଦେଇଦେବା ପରେ ତାଙ୍କୁ ମେଡିକାଲରେ ଭର୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଥିବା ଦାବି କରାଯାଉଛି । କେତକ ୟୁଜର୍ସ ପାକିସ୍ତାନ ପ୍ରଧାନମନ୍ତ୍ରୀଙ୍କ ରକ୍ଷଣାବେକ୍ଷଣକାରୀ ଅନୱାର ଉଲ କାକର ପୋଷ୍ଟକୁ ସେୟାର କରିଥିବା ଦେଖିବାକୁ ମିଳିଛି । ଅନୱାରଙ୍କ ଟୁଇଟରେ ଲେଖାଯାଇଛି, ମାନବିକତାର ମସିହା ଦାଉଦ ଇବ୍ରାହିମଙ୍କ ଦେହାନ୍ତ ହୋଇଛି । ଅଜଣା ବ୍ୟକ୍ତିଙ୍କ ଦ୍ୱାରା ଦିଆଯାଇଥିବା ବିଷ ଯୋଗୁ ତାଙ୍କ ମୃତ୍ୟୁ ହୋଇଛି । କରାଚିର ଏକ ହସ୍ପିଟାଲରେ ସେ ତାଙ୍କର ଶେଷ ନିଶ୍ୱାସ ତ୍ୟାଗ କରିଛନ୍ତି । ଆଲ୍ଲା ତାଙ୍କୁ ଜନ୍ନତରେ ସବୁଠୁ ଉଚ୍ଚ ପଦବୀ ଦିଅନ୍ତୁ ।

ପାକିସ୍ତାନ ପ୍ରଧାନମନ୍ତ୍ରୀଙ୍କ ରକ୍ଷଣାବେକ୍ଷଣକାରୀ ଅନୱାର ଉଲ କାକର ପୋଷ୍ଟକୁ ହଜାର ହଜାର ବ୍ୟକ୍ତି ସେୟାର କରିଥିବା ବେଳେ ଏହା ଫେକ ବୋଲି ସୂଚନା ମିଳିଛି । ବାସ୍ତବରେ ଏହି ଟୁଇଟ ଅନୱାର କରିନାହାଁନ୍ତି ବୋଲି ସୂଚନା ମଳିଛି ।

୧୯୯୩ର ମୁମ୍ବାଇ ବ୍ଲାଷ୍ଟର ମାଷ୍ଟରମାଇଣ୍ଡ ଦାଉଦ ସୁସ୍ଥ ଅଛନ୍ତି ନା ନାହିଁ ତାକୁ ନେଇ ଏବେ ପ୍ରଶ୍ନ ଉଠିଛି । ବାସ୍ତବରେ ତାଙ୍କୁ ବିଷ ଦିଆଯାଇଛି ନା ଏହା ପଛରେ ଆଉ କିଛି କାରଣ ଅଛି ତାକୁ ନେଇ ଏବେ ସବୁଠି ଚର୍ଚ୍ଚା ଜୋର ଧରିଛି । ଦୁଇ ଦିନ ହେଲା ପାକିସ୍ତାନର କରାଚିରେ ଦାଉଦ୍ ଇବ୍ରାହିମ୍ ଗୁରୁତର ଅସୁସ୍ଥ ହୋଇ ହସ୍ପିଟାଲରେ ଭର୍ତି ହୋଇଥିବା ନେଇ ଖବର ସାମ୍ନାକୁ ଆସିଛି । କିନ୍ତୁ ଏ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ଦାଉଦ ଥିବା ହସ୍ପିଟାଲରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏପରିକି ଉକ୍ତ ହସ୍ପିଟାଲର ଗୋଟିଏ ମହଲାରେ ସେ ଏକମାତ୍ର ରୋଗୀ ଭାବେ ଚିକିତ୍ସିତ ହେଉଥିବା କୁହାଯାଉଛି ।

ପାକିସ୍ତାନ ସାମ୍ବାଦିକ ଅର୍ଜୋ କଜମୀଙ୍କ ସୂଚନା ମୁତବାକ, ପାକିସ୍ତାନରେ ଏହି ଖବର ଏବେ ଚର୍ଚ୍ଚାର ବିଷୟ ପାଲଟିଛି । କିନ୍ତୁ ଦାଉଦଙ୍କୁ ବିଷ ଦିଆଯାଇଛି ନା ନାହିଁ? ସେ ଜୀବିତ ନା ମୃତ ? ସେନେଇ କୌଣସି ସ୍ପଷ୍ଟ ସୂଚନା ମଳିନାହିଁ ।

୧୯୯୩ର ଦାଉଦ କରିଥିବା ମୁମ୍ବାଇ ବ୍ଲାଷ୍ଟରେ ୨୫୭ ଜଣଙ୍କ ମୃତ୍ୟୁ ହୋଇଥିଲା । ସେତେବେଳେ ପ୍ରାୟ ୨୭ କୋଟି ଟଙ୍କାର ସମ୍ପତି ମଧ୍ୟ ନଷ୍ଟ ହୋଇଥିଲା । ପରେ ଦାଉଦ ଭାରତ ଛାଡି ଚାଲିଯାଇଥିଲା । ୨୦୦୩ରେ ତାଙ୍କୁ ଆତଙ୍କବାଦୀ ଘୋଷିତ କରାଯାଇଥିବା ବେଳେ ସେ ଏବେ ଭାରତର ମୋଷ୍ଟ ୱାଟେଂଡ ତାଲିକାରେ ରହିଛି ।

The post ଦାଉଦ୍ ଇବ୍ରାହିମ୍ ମୃତ? ଗୁଜବକୁ ନେଇ ଚର୍ଚ୍ଚା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଇସ୍ରାଏଲ୍ ଏବଂ ହାମାସ୍ ମଧ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଇସ୍ରାଏଲ୍ ସେନା ଏକ ବିରାଟ ଟନେଲ୍ ଖୋଜି ବାହାର କରିଛି । ଆଇଡିଏଫ୍ ଦାବି କରିଛି ଯେ ଏହା ହମାସର ସବୁଠାରୁ ବଡ ଟନେଲ । ରବିବାର ଟ୍ୱିଟରରେ ଏକ ପୋଷ୍ଟରେ ଆଇଡିଏଫ୍ କହିଛି ଯେ ବାହାର କରାଯାଇଥିବା ଟନେସ ହମାସର ସବୁଠାରୁ ବଡ ଟନେଲ୍ । ଏହାର ଲମ୍ବା ୪ କିଲୋମିଟର । ଆଇଡିଏଫ୍ ଦାବି କରିଛି ଯେ ଗାଜାରେ ରହିଥିବା ହମାସର ଡାକ୍ତରଖାନାର କର୍ମଚାରୀ ଏହି ସୁଡଙ୍ଗରେ ଯିବା ଆସିବା କରନ୍ତି ।

ଇସ୍ରାଏଲ ହମାସ ଯୁଦ୍ଧକୁ ପୂରିଛି ୨ମାସ । ଆତଙ୍କୀ ସଂଗଠନ ହମାସକୁ ମାଟିରେ ମିଶାଇବା ପାଇଁ ପଣ କରିଛି ସେନା । ଗୋଟେ ପଟେ ଜଣଙ୍କ ପରେ ଜଣେ ହମାସ କମାଣ୍ଡର ଓ ଆତଙ୍କୀଙ୍କୁ ସେନା ନିପାତ କରୁଛି ଅନ୍ୟପଟେ ଠାବ ହେଉଛି ସଂଗଠନ ସୁଡ଼ଙ୍ଗ । ହମାସର ସବୁଠୁ ବଡ ସୁଡଙ୍ଗ । ସର୍ଚ୍ଚ ଅପରେସନ ସମୟରେ ଏହାକୁ ଠାବ କରିଛି ଆଇଡିଏଫ । ୪କିଲୋମିଟର ଲମ୍ବ ଏହି ସୁଡଙ୍ଗ ଅନ୍ୟ ସୁଡ଼ଙ୍ଗଠୁ ସମ୍ପୂର୍ଣ୍ଣ ଅଲଗା । ଏହା ଭିତରେ ବଡ ବଡ ଯାନବାହନ ଚଳପ୍ରଚଳ କରାଇବା ସହ ସବୁ ପ୍ରକାର ସୁବିଧା ବ୍ୟବସ୍ଥା କରିଥିଲା ହମାସ । ଖାଇବା ପିଇବାଠୁ ନେଇ ବଡ ବଡ ରୁମ, ପାର୍କିଂ, ଅସ୍ତ୍ରରଖିବାକୁ ସୁରକ୍ଷିତ ସ୍ଥାନ ରହିିଛି । ସବୁଠୁ ବଡ କଥା ହେଉଛି କିଛି ଗୁପ୍ତ ଠିକଣା ରହିଛି । ଯାହାକୁ ହମାସ ଜରୁରିକାଳୀନ ସମୟାର ବ୍ୟବହାର କରୁଥିଲା । ସୁଡ଼ଙ୍ଗରେ କଂକ୍ରିଟ ଓ ଲୁହାରେ ନିର୍ମାଣ ହୋଇଥିବାରୁ ଏହା ବେଶ ମଜବୁତ ମଧ୍ୟ । ହମାସ ନିଜ ଆହତ ଆତଙ୍କୀଙ୍କ ଚିକିତ୍ସା ପାଇଁ ଏକ ଡାକ୍ତରୀଟି ମଧ୍ୟ ଗଠନ କରିଥିଲ।। । ସେହି ଡାକ୍ତରମାନେ ଗୁପ୍ତ ତରିକାରେ ଏହି ସୁଡ଼ଙ୍ଗରେ ଯାଆସ କରୁଥିଲେ ।

ଇସ୍ରାଏଲ ସେନା କହିଛି ଇରେଜ କ୍ରସିଂ ଏକ ସୀମାବର୍ତୀ ଅଂଚଳଠୁ କେବଳ ୪ଶହ ମିଟର ଦୂରରେ ରହିଛି ଏହି ସୁଡ଼ଙ୍ଗ । ହମାସ ଆତଙ୍କୀ ଗାଜାରେ ପ୍ରବେଶ କରିବା ପାଇଁ ଏହାକୁ ବ୍ୟବହାର କରୁଥିଲେ ।

ଅକ୍ଟୋବର ୭ରେ ଇସ୍ରାଏଲ ଉପରେ ହମାସ ସଂଗଠନ ଆକ୍ରମଣ କରିିଥିଲା । ଏହି ଦିନରୁ ଇସ୍ରାଏଲ ଓ ହମାସ ଭିତରେ ଯୁଦ୍ଧ ଆରମ୍ଭ ହୋଇଛି । ଯୁଦ୍ଧକୁ ଦୁଇମାସ ପୂରିଛି ଓ ଏହା ଭିତରେ ହଜାର ସଂଖ୍ୟକ ଫିଲିସ୍ତାନୀ ନାଗରିକ, ଇସ୍ରାଏଲ ସେନା ଓ ହମାସ ଆତଙ୍କୀଙ୍କ ଜୀବନ ଗଲାଣି ।

ଇସ୍ରାଏଲ ସେନା କହିଛି ଏହି ସୁଡ଼ଙ୍ଗ ନିର୍ମାଣ ପାଇଁ ହମାସ କୋଟି କୋଟି ଟଙ୍କା ଖର୍ଚ୍ଚ କରିଛି । ଖାନ ୟୁନସ ବାଟାଲିୟନ କୁଖ୍ୟାତ କମାଣ୍ଡର ନେତୃତ୍ୱରେ ସୁଡ଼ଙ୍ଗ ନିର୍ମାଣ କରଯାଇଥିଲା । ଯୁଦ୍ଧକୁ ରୋକିବା ପାଇଁ ବିଭିନ୍ନ ରାଷ୍ଟ୍ର ଅପିଲ କରିବା ସତ୍ୱେ ଇସ୍ରାଏଲ ନିଜ ଜିଦରେ ଅଟଳ ରହିଛି । ଯେଉଁ ପର୍ଯ୍ୟନ୍ତ ହମାସର ମୂଳପୋଛ ହୋଇନି ସେପର୍ଯ୍ୟନ୍ତ ଯୁଦ୍ଧ ଜାରି ରହିବ ବୋଲି ଘୋଷଣା କରିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଂଜାମିନ ନେତାନ୍ୟାହୁ ।

The post ହମାସ ଆତଙ୍କୀଙ୍କ ବିଶାଳ ସୁଡ଼ଙ୍ଗ: ଦୀର୍ଘ ୪କିଲୋମିଟର ଲମ୍ବ ସୁଡ଼ଙ୍ଗ ଠାବ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କିଛି ଦିନର ଆଶ୍ୱସ୍ତି ପରେ ପୁଣି ମୁଣ୍ଡ ଟେକିଛି କରୋନା ଭୟ । ଓମିକ୍ରନର ଉପପ୍ରଜାତି ଜେଏନ ଡଟ ୱାନକୁ ନେଇ ଡର ବଢ଼ୁଛି । ୨୪ଘଂଟା ଭିତରେ କେରଳରୁ ୪ଜଣ ଓ ଉତରପ୍ରଦେଶରୁ ଜଣେ କୋଭିଡ ସଂକ୍ରମିତଙ୍କ ମୃତ୍ୟୁ ସୂଚନା ରହିଛି । ସେପଟେ କର୍ଣ୍ଣାଟକ ସରକାର ବୟସରଙ୍କ ମାସ୍କ ବ୍ୟବହାର ପାଇଁ ପରାର୍ମଶ ଦେବା ସହ କେରଳରେ ହେବ ସମୂହ ନମୁନା ପରୀକ୍ଷା । ଅନ୍ୟପଟେ ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ଭୟଭୀତର କୌଣସି କାରଣ ନାହିଁ ତେବେ ସଜାଗ ରହିବା ଜରୁରୀ । ବିଶ୍ୱ ସ୍ୱାସ୍ଥ୍ୟ ସଗଂଠନ ମଧ୍ୟ ଆଡଭାଇଜରୀ ଜାରି କରିଛି ।

ଦେଶରେ ପୁଣି ମୁଣ୍ଡ ଟେକିଛି କୋଭିଡ ଡର । କୋଭିଡର ନୂଆ ସବଭ୍ୟାରିଆଂଟ ଜେଏନଡଟୱାନ ସଂକ୍ରମିତ ଦେଶରେ ଚିହ୍ନଟ ହେବା ପରେ ଭୟ ଦ୍ୱିଗୁଣ ବଢ଼ିଛି । ସେପଟେ ୨୪ଘଂଟା ଭିତରେ କେବଳ କେରଳରୁ ୪ଜଣ ଓ ଉତରପ୍ରଦେଶରେ ଜଣଙ୍କ ମୃତ୍ୟୁ ହୋଇଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ମୃତକମାନେ ନୂଆ ସବ ଭ୍ୟାରିଆଂଟରେ ଆକ୍ରାନ୍ତ ଥିଲେ ନା ନାହିଁ ଏନେଇ କୌଣସି ସୂଚନା ମିଳିପାରିନି ।

ଦେଶରେ ଗତ ୨୪ ଘଂଟା ମଧ୍ୟରେ ୩୩୫ ନୂଆ ସଂକ୍ରମିତ ଚିହ୍ନଟ ହେବା ପରେ ପୁଣି କୋଭିଡକୁ ନେଇ ମନରେ ସେହି ଡର ଆରମ୍ଭ ହୋଇଛି । ନୂଆ ସଂକ୍ରମଣକୁ ମିଶାଇ ଦେଶରେ ମୋଟ କୋଭିଡ ରୋଗୀଙ୍କ ସଂଖ୍ୟା ଏକ ହଜାର ୭ଶହ ଏକରେ ପହଁଚିଛି । ସେପଟେ କର୍ଣ୍ଣାଟକରେ ସରକାର ବୟସ୍କ ଓ ବହୁବାଧୀ ରୋଗୀଙ୍କୁ ମାସ୍କ ପିନ୍ଧିବାକୁ ପରାର୍ମଶ ଦେଇଛନ୍ତି । କାରଣ ରାଜ୍ୟରେ ୩ମାସ ମଧ୍ୟରେ ସବୁଠୁ ଅଧିକ ସଂକ୍ରମଣ ବଢ଼ିଥିବା ସୂଚନା ରହିଛି ।

ନୂଆ କୋଭିଡ ଭ୍ୟାରିଆଂଟ‘ଜେଏନ୍ ଡଟ୍ ୱାନ
-‘ଜେଏନ୍ଡଟ୍ ୱାନ’ଓମିକ୍ରନ ଭ୍ୟାରିଆଂଟ୍ ‘ବିଏ ଡଟ୍ ଟୁ ପଏଂଟ ଏଇଟ ସିକ୍ସର’ ର ସବ୍ ଭ୍ୟାରିଆଂଟ ଅଟେ ।
-ସେପ୍ଟେମ୍ବର ମାସରେ ପ୍ରଥମେ ଆମେରିକାରେ ସଂକ୍ରମିତ ଚିହ୍ନଟ ହୋଇଥିଲେ
-ଡିସେମ୍ବର ୮ରେ କେରଳରେ ପ୍ରଥମ ସଂକ୍ରମିତ ଚିହ୍ନଟ ହୋଇଥିଲେ
-୭୯ ବର୍ଷୀୟ ମହିଳା ସିଙ୍ଗାପୁରରୁ ଫେରିଥିବା ସୂଚନା
-ଡିସେମ୍ବର ୧୫ରେ ଚୀନରେ ୭ଜଣ ରୋଗୀ ହ୍ନଟ ହୋଇଥିଲେ

କୋଭିଡର ପୂର୍ବ ଭ୍ୟାରିଆଂଟ ପରି ନୂଆ ସବ ଭ୍ୟାରିଆଂଟ ସଂକ୍ରମିତଙ୍କ ନିକଟରେ ସମାନ ଲକ୍ଷଣ ପ୍ରକାଶ ପାଉଛି । ଯେପରି ଲକ୍ଷଣ—ଜର, ମୁଣ୍ଡବିନ୍ଧା, ଖାସ, ନାକରୁ ପାଣି ଗଡିବା, ଗଳାରେ ଯନ୍ତ୍ରଣା ଦେଖିବାକୁ ମିଳୁଛି । ରାଜ୍ୟମାନଙ୍କୁ କୋଭିଡ ମୁକାବିଲା ପାଇଁ ପ୍ରସ୍ତୁତ ରହିବାକୁ କେନ୍ଦ୍ର ସରକାର ସବୁଥର ପରି ଏଥରକ ମଧ୍ୟ ନିର୍ଦ୍ଦେଶ ଦେଇଛନ୍ତି । ସ୍ଥିିିତି ଉପର ନଜର ରଖାଯାଇ ସର୍ଭିଲାନ୍ସ କରାଯାଉଥିବା ରାଜ୍ୟ ସ୍ୱାସ୍ଥ୍ୟ ମନ୍ତ୍ରାଳୟ କହିଛନ୍ତି । ସବୁଠୁ ଚିନ୍ତା ବଢ଼ାଇଛି ସିଙ୍ଗାପୁର, ଇଣ୍ଡୋନେସିଆ, ମାଲେସିଆ । କାରଣ ଏଠାରେ ସପ୍ତାହକ ମଧ୍ୟରେ ସଂକ୍ରମିତଙ୍କ ସଂଖ୍ୟା ଦ୍ୱିଗୁଣା ବୃଦ୍ଧି ହୋଇଛି । ଦୁଇବର୍ଷ ଧରି କୋଭିଡ ମହାମାରୀ ସାରା ବିଶ୍ୱକୁ ନାକେଦମ କରିଥିଲା । ସମୟକ୍ରମେ ସଂକ୍ରମଣ କମିବା ଆଶ୍ୱସ୍ତି ମଧ୍ୟ ମିଳିଥିଲା । ଏବେ ପୁଣି ଆରମ୍ଭ ହୋଇଛି କୋଭିଡ ଭୟ ।

The post କେରଳରେ କୋଭିଡ ଆତଙ୍କ: ଭୟ ବଢ଼ାଉଛି ନୂଆ ସବ୍ ଭ୍ୟାରିଆଂଟ ‘ଜେଏନ୍ ଡଟ୍ ୱାନ’ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶସ୍ତାରୁ ହୀନସ୍ତା । କମ ଟଙ୍କାରେ ଦାମୀ ଗାଡି ଚଢିବାର ନିଶା ଅନେକଙ୍କ ଧୂଳିସାତ ହୋଇଛି । ଡିସକାଂଉଟରେ କାର ଦେବାକୁ କହି ସ୍ୱାମୀ, ସ୍ତ୍ରୀ ଓ ଅନ୍ୟଜଣେ ୪୦ କୋଟି ଟଙ୍କା ଠକି ନେଇଛନ୍ତି ।

ଅକ୍ଷୟ ଗୌଡ
ଉଷାରାଣୀ ବାରିକ, ସ୍ତ୍ରୀ
ଶିବରାମ ଗୌଡ
ଏହି ୩ ଜଣଙ୍କ ନାଁରେ ଆସିଛି ସାଂଘାତିକ ଅଭିଯୋଗ । ଏମାନେ ଡିସକାଂଉଟରେ କାର ଦେବାକୁ କହି ପାଖାପାଖି ୪୦ କୋଟି ଟଙ୍କାର ଠକେଇ କରିଥିବା ଅଭିଯୋଗ ହୋଇଛି ଖୋଦ୍ ରାଜଧାନୀର ବିଭିନ୍ନ ଥାନା ଅଂଚଳରେ ଏଭଳି ଠକେଇ ହୋଇଛି । ମନଲୋଭା ଅଫର ସହ ୫୦ ପ୍ରତିଶତ ଡିସକାଂଉଟରେ ମିଳିବ ଦାମୀ କାର । ଦାମୀ କାରର ଚାଲିଛି କ୍ଲିୟରାନ୍ସ ସେଲ୍ । ଏ ନେଇ ଏକ ଅଟୋମୋବାଇଲ ପ୍ରାଇଭେଟ ସହ ହୋଇଛି ଚୁକ୍ତି । ଏଭଳି କିଛି କହି ଓ ଏହାକୁ ସତ୍ୟ ବୋଲି ପ୍ରମାଣିତ କରିବାକୁ କିଛି ନୂଆ କାର ମଧ୍ୟ ଦେଇଥିଲେ ଏହି ୩ ଜଣ । ଆଉ ଏହାକୁ ଦେଖି ଅନେକ ଲୋକ ଅଗ୍ରୀମ ଟଙ୍କା ଦେଇଥିଲେ । ଏଭଳି ଭାବେ ଶତାଧିକ ଲୋକଙ୍କଠାରୁ ୪୦ କୋଟିର ଚୂନା ଲଗାଇ ଏହି ୩ ଜଣ ଫେରାର ହୋଇଯାଇଥିବା ଅଭିଯୋଗ ହୋଇଛି ।

ବିଭିନ୍ନ ଦାମୀ କାର ଏଭଳି କିଛି ଦରରେ ମିଳିବ ବୋଲି ଏହି ୩ ଜଣ ବୁଝାଉଥିଲେ । କେବଳ ସାଧାରଣ ଲୋକ ନୁହନ୍ତି ପୁରୁଣା ଗାଡି ସୋ ରୁମ ମାଲିକ ଓ ଏକାଧିକ ପୁଲିସ ଏହି ଠକେଇର ଶୀକାର ହୋଇଥିବା ଜଣାପଡିଛି । ଜଣେ ଅତିରିକ୍ତ ଏସପି ପାହ୍ୟାର ପୁଲିସ ଅଫିସରଙ୍କ ଠାରୁ ଶିବରାମ ଗୌଡ ୩ କୋଟି ଟଙ୍କା ଠକି ନେଇଥିବା ଜଣାପଡିଛି । ସେହିଭଳି କମିଶନରେଟ ପୁଲିସର ଜଣେ ଥାନା ଆଇଆଇଆଇସି ମଧ୍ୟ ଏହି ଠକେଇ ଗ୍ୟାଙ୍ଗର ଶିକାର ହୋଇ ୧୪ ଲକ୍ଷ ଟଙ୍କା ହରାଇଛନ୍ତି ।

ସଂପୃକ୍ତ ୩ ଜଣ କେତେ ଜଣଙ୍କୁ କେବେ ଓ କେତେ ଠକେଇ କରିଛନ୍ତି ସେ ନେଇ ତନାଘନା ଆରମ୍ଭ କରିଛି ପୁଲିସ । ଏନେଇ ରାଜଧାନୀର ଏକାଧିକ ଥାନାରେ ମାମଲା ରୁଜୁ ହୋଇଛି ।

The post ଶସ୍ତାରେ ଦାମୀ କାର ଦେବାକୁ କହି ଚୁନା ଲଗାଇଲେ ୪୦ କୋଟି: ୩ ଜଣଙ୍କ ବିରୋଧରେ ଆସିଲା ସାଂଘାତିକ ଅଭିଯୋଗ first appeared on Kanak News.

from Kanak News
via <a href="https://ifttt.com/?