କନକ ବ୍ୟୁରୋ : ରାଉରକେଲାରେ ବ୍ୟାପୁଛି ଝାଡ଼ାବାନ୍ତି । ୯ଟି ମୂଲ୍ୟବାନ ଜୀବନ ଚାଲିଗଲାଣି । ରୋଗ ପାଣି ଯୋଗୁଁ ବ୍ୟାପୁଛି କି ନାହିଁ, ତାକୁ ନେଇ ଚାଲିଛି ତନାଘନା । ତା’ରି ଭିତରେ ଏମିତି ଏକ ଚିତ୍ର ଆମ ପାଖରେ ପହଞ୍ଚିଛି, ଯାହାକୁ ଦେଖିଲେ ଆପଣ କହିବେ ଯେ ଏପାଣି କ’ଣ ମଣିଷ ପିଅନ୍ତି । କିନ୍ତୁ ସତରେ ଅପରିଷ୍କାର ପାଣି ଏଠାକାର ମଣିଷମାନେ ହିଁ ପିଉଛନ୍ତି ।

ରାଉରକେଲା ପାନପୋଷର ପାଞ୍ଚ ନମ୍ବର ୱାର୍ଡବାସୀଙ୍କ ଶୋଷ ମେଣ୍ଟାଉଛି ଗୋଳିଆ ପାଣି । ଟ୍ୟାପରେ ଗୋଳିଆ ପାଣି ଆସୁଛି । ଆଉ ଲୋକେ ବାଧ୍ୟ ହୋଇ ଏହି ପାଣିରେ ନିଜ ଶୋଷ ମେଂଟାଉଛନ୍ତି । ଯେଉଁମାନଙ୍କ ପାଖରେ ସମ୍ବଳ ଅଛି, ସେମାନେ ପ୍ରଥମେ ଏହାକୁ ଫିଲ୍ଟର କରିବା ପରେ ଗରମ କରି ପିଉଛନ୍ତି । ଆଉ ଯେଉଁମାନଙ୍କ ପାଖରେ ଏସବୁ ସୁବିଧା ନାହିଁ, ସେମାନେ ଏହି ଗୋଳିଆ ପାଣି ପିଉଛନ୍ତି ।

 

ସେପଟେ ଡାଇରିଆରେ ଆଜି ଆଉ ଦୁଇ ଜଣଙ୍କର ମୃତ୍ୟୁ ହୋଇଛି । ଏହାକୁ ମିଶାଇ ଡାଇରିଆରେ ମୃତ୍ୟୁ ସଂଖ୍ୟା ୯ରେ ପହଞ୍ଚିଛି । ଏବେ ଜିଲ୍ଲାର ସରକାରୀ ହସ୍ପିଟାଲ ସମେତ ବିଭିନ୍ନ ଘରୋଇ ହସ୍ପିଟାଲରେ ଆକ୍ରାନ୍ତ ମାନେ ଭର୍ତି ହୋଇଛନ୍ତି । ସରକାରୀ ହସ୍ପିଟାଲରେ କେବଳ ୧୦୦ରୁ ଅଧିକ ଚିକିତ୍ସାଧୀନ ଥିବା ଜଣାପଡିଛି । ଦିନକୁ ଦିନକୁ ସ୍ଥିତି ବିଗୁଡ଼ୁଥିବାରୁ ସଂକ୍ରମଣ ରୋକିବାକୁ ତତ୍ପର ହୋଇଛି ଉଭୟ ଜିଲ୍ଲା ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ।

The post ଶୋଷ ମେଣ୍ଟାଉଛି ଗୋଳିଆ ପାଣି । ଡାଇରିଆ ବ୍ୟାପୁଥିବା ବେଳେ ସାମ୍ନାକୁ ଆସିଲା ବିକଳ ଚିତ୍ର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସନ୍ଦେହଜନକ ଭାବେ ଜିଆରଏସଙ୍କ ଝୁଲନ୍ତା ମୃତଦେହ ଉଦ୍ଧାର । ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ନବୀନ ବାଗ୍ ଅଞ୍ଚଳରୁ ଆସିଛି ଏଭଳି ଖବର । ଯୁବକ ଜଣଙ୍କ ନବୀନ ବାଗ୍ ଅଞ୍ଚଳର ଜଣେ ପୂର୍ବତନ ଓଏଏସ ଅଧିକାରୀଙ୍କ ଘରେ ଭଡ଼ାରେ ରହୁଥିଲେ । ସେ ସ୍ଥାନୀୟ ଗଡ଼ବଡ଼ପୁଟ ପଞ୍ଚାୟତରେ ଜିଆରଏସ ଭାବେ କାମ କରୁଥିଲେ । ହେଲେ ତାଙ୍କ ଘର ପୁରୀ ଜିଲ୍ଲା କଣାସ ବ୍ଲକ ଅଁଳାଯୋଡ଼ି ଗାଁରେ । ମୃତ ଯୁବକଙ୍କ ଜଣଙ୍କ ହେଲେ ସୌମ୍ୟରଞ୍ଜନ ମହାନା ।

ଗତକାଲି ତାଙ୍କ ଝୁଲନ୍ତା ମୃତଦେହ ଭଡ଼ାଘରୁ ଠାବ ହୋଇଛି । ବେକରେ ଲୁଗା ଦେଇ ଫ୍ୟାନରେ ଝୁଲି ପଡ଼ିଥିବା ଦେଖିବାକୁ ମିଳିଥିଲା । ହେଲେ ତାଙ୍କ ପରିବାର ଲୋକ ତାଙ୍କୁ କେହିଁ ହତ୍ୟା କରିଥିବା ଅଭିଯୋଗ ଆଣିଛନ୍ତି । ଘଟଣା ତଦନ୍ତ କରି ସତ୍ୟାସତ୍ୟ ଖୋଜି ବାହାର କରିବାକୁ ଦାବି କରିଛନ୍ତି । ଘଟଣାସ୍ଥଳରେ ଖୋର୍ଦ୍ଧା ଆଦର୍ଶ ଥାନା ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ପ୍ରେମ ବ୍ୟାପାରକୁ ନେଇ ତାଙ୍କୁ ହତ୍ୟା କରାଯାଇଥିବା ସନ୍ଦେହ କରି ପରିବାର ଲୋକ ଥାନାରେ ଅଭିଯୋଗ କରିଛନ୍ତି ।

The post ସନ୍ଦେହଜନକ ଭାବେ ଜିଆରଏସଙ୍କ ଝୁଲନ୍ତା ମୃତଦେହ ଉଦ୍ଧାର । ହତ୍ୟା ଅଭିଯୋଗ ଆଣିଲେ ପରିବାର ଲୋକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଶିମିଳିପାଳରେ ବାଘ ଲଢ଼େଇ । ଶିମିଳିପାଳ ଟାଇଗର ରିଜର୍ଭରେ ଦୁଇ ମହାବଳ ବାଘ ମଧ୍ୟରେ ଏହି ଲଢ଼େଇ ହୋଇଛି । ଦୁଇ ବାଘର ପରିଚୟ ଟି-୩୫ ଓ ଟି-୩୧ ବୋଲି ଜଣାପଡ଼ିଛି । ଲଢ଼େଇରେ ଟି-୩୫ ବିଜୟୀ ହୋଇଥିବା ନେଇ ସୂଚନା ମିଳିଛି ।

ନିଜ ନିଜର ଅଞ୍ଚଳକୁ ଦଖଲ କରିବା ପାଇଁ ଏହି ଲଢ଼େଇ ହୋଇଥିବା ଜଣାପଡ଼ିଛି । ବିଜୟ ପରେ ଟି-୩୫ ତା’ର ଅଞ୍ଚଳକୁ ଦଖଲ କରିବାରେ ସଫଳ ହୋଇଥିବା ଜଣାପଡ଼ିଛି । ଶିମିଳିପାଳ ଟାଇଗର ରିଜର୍ଭ ତା’ର ସୋସିଆଲ ମିଡିଆ ପ୍ଲାଟଫର୍ମରେ ଏହାର ଫଟୋ ଓ ଭିଡିଓ ପୋଷ୍ଟ କରିଛି ।

The post ଶିମିଳିପାଳରେ ମୁହାଁମୁହିଁ ଦୁଇ ମହାବଳ ବାଘ । ନିଜ ନିଜ ଅଞ୍ଚଳକୁ ଦଖଲ ପାଇଁ ଲଢ଼େଇ first appeared on Kanak News.

from Kanak News
via <a href="https://ifttt.com/?

ଭାରତୀୟ ଧନୀ ଲୋକମାନେ ଲଣ୍ଡନ ସମେତ ବିଦେଶରେ ସମ୍ପତ୍ତିରେ ବିନିଯୋଗ କରୁଛନ୍ତି, ବିଶେଷତ ମେଫେୟାର, ବେକର୍ ଷ୍ଟ୍ରିଟ୍ ଏବଂ ମେରିଲେବୋନ୍ ଭଳି ପ୍ରମୁଖ କେନ୍ଦ୍ରୀୟ ଲଣ୍ଡନ ଅଞ୍ଚଳରେ । ସେମାନେ ଲଣ୍ଡନରେ ସମ୍ପତ୍ତିରେ ବିନିଯୋଗ କରୁଛନ୍ତି କାରଣ ଏହା ବିଦେଶରେ ବ୍ୟବସାୟର ସୁଯୋଗ, ଆଧୁନିକ ଜୀବନଶୈଳୀ , ପୁଞ୍ଜି ବିନିଯୋଗ ବିବିଧତା ଏବଂ ଶିକ୍ଷାର ଗୁଣବତ୍ତା ତଥା ପରବର୍ତ୍ତୀ ପିଢିର ପସନ୍ଦର ଜୀବନ ଯୋଗୁଁ ଏହାକୁ ଏକ ଗେଟୱେ ଭାବରେ ବିବେଚନା କରାଯାଉଛି ।

କିଛି ଦିନ ପୂର୍ବେ କୋଭିଶିଲ୍ଡ ଟିକା ପ୍ରସ୍ତୁତ କରୁଥିବା ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଅଦାର ପୁନାୱାଲା ଲଣ୍ଡନରେ ବର୍ଷର ସବୁଠାରୁ ମହଙ୍ଗା ଘର କିଣିବା ପାଇଁ ପ୍ରାୟ ୧୪୪୬ କୋଟି ଡଲାରରେ ଚୁକ୍ତି ଶେଷ କରିଥିବା ଜଣାଯାଇଛି । ହାଇଡ ପାର୍କ ନିକଟରେ ୧୯୨୦ ଦଶକର ଘର, ୨୫,୦୦୦ ବର୍ଗଫୁଟର  ମେ ଫେୟାର ମହଲ, ଆବେରକନୱେ ହାଉସ ପାଇଁ ସେ ଏହି ରାଶି ଦେବାକୁ ଚୁକ୍ତି କରିଛନ୍ତି ।  ପୁନାୱାଲା ବ୍ୟତୀତ ସେଠାରେ ବହୁତ ଭାରତୀୟ ଧନୀ ବ୍ୟକ୍ତି ଅଛନ୍ତି ଯେଉଁମାନେ ଲଣ୍ଡନ ସହରରେ ନିଜ ଘର କିଣିଛନ୍ତି ।

ଭାରତୀୟ ଧନୀ ଲୋକମାନେ ଲଣ୍ଡନ ସମେତ ବିଦେଶରେ ସମ୍ପତ୍ତିରେ ବିନିଯୋଗ କରୁଛନ୍ତି, ବିଶେଷତ ମେଫେୟାର, ବେକର୍ ଷ୍ଟ୍ରିଟ୍ ଏବଂ ମେରିଲେବୋନ୍ ଭଳି ପ୍ରମୁଖ କେନ୍ଦ୍ରୀୟ ଲଣ୍ଡନ ଅଞ୍ଚଳରେ । ସେମାନେ ଲଣ୍ଡନରେ ସମ୍ପତ୍ତିରେ ବିନିଯୋଗ କରୁଛନ୍ତି କାରଣ ଏହା ବିଦେଶରେ ବ୍ୟବସାୟର ସୁଯୋଗ, ଆଧୁନିକ ଜୀବନଶୈଳୀ , ପୁଞ୍ଜି ବିନିଯୋଗ ବିବିଧତା ଏବଂ ଶିକ୍ଷାର ଗୁଣବତ୍ତା ତଥା ପରବର୍ତ୍ତୀ ପିଢିର ପସନ୍ଦର ଜୀବନ ଯୋଗୁଁ ଏହାକୁ ଏକ ଗେଟୱେ ଭାବରେ ବିବେଚନା କରାଯାଉଛି ।

ବ୍ରିଟେନ କାହିଁକି ଭାରତୀୟଙ୍କ ପାଇଁ ଏକ ପ୍ରିୟ ରିଏଲ୍ ଇଷ୍ଟେଟ୍ ଗନ୍ତବ୍ୟସ୍ଥଳ ହେଇଛି ?

ଭାରତୀୟମାନେ, ବିଶେଷକରି UHNI, ଲଣ୍ଡନରେ ସମ୍ପତ୍ତିରେ ବିନିଯୋଗ କରୁଥିବା କ୍ରେତାମାନଙ୍କ ମଧ୍ୟରୁ ସର୍ବାଧିକ । ନାଇଟ୍ ଫ୍ରାଙ୍କ ଆଟ୍ୟୁଟିଭ୍ ସର୍ଭେରେ କୁହାଯାଇଛି ଯେ ଯେତେବେଳେ ଉଚ୍ଚ ନେଟ ମୂଲ୍ୟର ବ୍ୟକ୍ତିବିଶେଷଙ୍କୁ କେଉଁ ଦେଶ କିମ୍ବା ଅଞ୍ଚଳରେ ସମ୍ପତ୍ତିରେ ବିନିଯୋଗ କରିବାର ସମ୍ଭାବନା ଅଧିକ ବୋଲି ପଚରାଯାଇଥିଲା, ସେତେବେଳେ ଭାରତର ୪୭% UHNI କହିଛନ୍ତି ଯେ ସେମାନେ ବ୍ରିଟେନରେ ସମ୍ପତ୍ତି ବିନିଯୋଗ କରିବାର ସମ୍ଭାବନା ଅଧିକ । ୟୁଏଇରେ ୪୧% ଏବଂ ଆମେରିକାରେ ୨୯% ।

କାହିଁକି ଲଣ୍ଡନରେ ସମ୍ପତି କିଣୁଛନ୍ତି ଭାରତୀୟମାନେ  ?

ଲଣ୍ଡନ ହେଉଛି ଏକ ଆର୍ଥିକ ଏବଂ ଶୈକ୍ଷିକ କେନ୍ଦ୍ର ଏବଂ ନିବେଶକମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ପ୍ରବେଶପଥ ।  ରିଏଲ୍ ଇଷ୍ଟେଟ୍ ବିଶେଷଜ୍ଞମାନେ କହିଛନ୍ତି ଯେ ମୁମ୍ବାଇର ଏକ ପ୍ରସିଦ୍ଧ ବଙ୍ଗଳା କାରବାର, ଯାହାକୁ ଲଣ୍ଡନ (ପୁନାୱାଲା) କାରବାର ସହିତ ତୁଳନା କରାଯାଇପାରେ, ବିଶେଷ କରି ମୂଲ୍ୟ ଦୃଷ୍ଟିରୁ, ୨୦୨୧ ମସିହାରେ ରାଧାକୃଷ୍ଣ ଦାମନୀ ଏବଂ ତାଙ୍କ ଭାଇ ଗୋପିକୀଶାନ୍ ଦାମନୀ ମୁମ୍ବାଇର ପୋସ୍ ମାଲାବାର ହିଲରେ  ଏକ ଘରକୁ ୧୦୦୧ କୋଟି ଟଙ୍କାରେ କିଣିଥିଲେ । ଏଚଟି ନ୍ୟୁଜ୍ ଅନୁଯାୟୀ, ଇଣ୍ଡିଆ ସୋଥେବି ଇଣ୍ଟରନ୍ୟାସନାଲ ରିଅଲିଟିର ସିଇଓ ଅଶ୍ୱିନ୍ ଚାଧାଙ୍କ ଅନୁଯାୟୀ, “ଲଣ୍ଡନରେ ଅନେକ ଭାରତୀୟଙ୍କର ସମ୍ପତ୍ତି ରହିଛି । ଏହି ସହରଟି ଭାରତୀୟ UHNI ମାନଙ୍କୁ ଏକ ନିର୍ଦ୍ଦିଷ୍ଟ ଜୀବନଶୈଳୀ, ସେମାନଙ୍କ ପାଇଁ ତଥା ପରବର୍ତ୍ତୀ ପିଢି ପାଇଁ ଜୀବନଶୈଳୀ, ବିଶ୍ବର ଅନ୍ୟ ସହରଗୁଡିକ ସହିତ ଉତ୍ତମ ଯୋଗାଯୋଗ, ଶକ୍ତିଶାଳୀ ମୁଦ୍ରା ଅରମଦୟକ ଜୀବନଶୈଳୀ ବହୁତ ଲୋକଙ୍କୁ ଆକର୍ଷିତ କରିଥାଏ । ଭାରତୀୟ ମାନେ ଲଣ୍ଡନରେ ବିନିଯୋଗ କରିବାର ଏହା ମଧ୍ୟ ଏକ କାରଣ ବୋଲି ଗଣାଯାଏ ।

The post କାହିଁକି ଲଣ୍ଡନରେ ଘର କିଣୁଛନ୍ତି ଭାରତୀୟ ଧନୀ ମାନେ ? ଏହାପଛରେ କଣ ରହିଛି କାରଣ ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନୂଆବର୍ଷ ପୂର୍ବରୁ ଆକ୍ସନ ମୋଡରେ ସ୍ପେଶାଲ କ୍ରାଇମ୍ ୟୁନିଟ୍ । ନିଶା ବେପାରୀଙ୍କ ଉପରେ ଚଢାଉ କରିଛି କମିଶନରେଟ ପୋଲିସ । ଅଧ କେଜିରୁ ଉର୍ଦ୍ଧ ବ୍ରାଉନସୁଗାର ଜବତ କରିଛି ସ୍ପେଶାଲ କ୍ରାଇମ୍ ୟୁନିଟ୍ । ଜବତ ୬୬୦ ଗ୍ରାମ ବ୍ରାଉନସୁଗାରର ମୂଲ୍ୟ ୬୦ ଲକ୍ଷରୁ ଉର୍ଦ୍ଧ ହୋଇଥିବା ସୂଚନା ରହିଛି । ସ୍ପେଶାଲ କ୍ରାଇମ୍ ୟୁନିଟ୍ ୨ ଅଭିଯୁକ୍ତଙ୍କୁ ଏହି ମାମଲାରେ ଗିରଫ କରିଛି । ଉଭୟଙ୍କ ଘର ବାଲେଶ୍ୱର ଓ ଜଳେଶ୍ୱରର ବୋଲି ସୂଚନା ରହିଛି । ପଶ୍ଚିମବଙ୍ଗ ଦେଇ ଓଡିଶାରେ ନିଶା କାରବାର ବ୍ୟାପୁଥିବାର ଅଭିଯୋଗ ରହିଛି ।

The post ନୂଆବର୍ଷ ପୂର୍ବରୁ ଆକ୍ସନ ମୋଡରେ ସ୍ପେଶାଲ କ୍ରାଇମ୍ ୟୁନିଟ୍ । ନିଶା ବେପାରୀଙ୍କ ଉପରେ ଚଢଉ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଉରକେଲାରେ ଆତଙ୍କ ଖେଳାଇଛି ଡାଇରିଆ । ଡାଇରିଆରେ ଆଜି ଆଉ ଦୁଇ ଜଣଙ୍କର ମୃତ୍ୟୁ ହୋଇଛି । ଏହାକୁ ମିଶାଇ ଡାଇରିଆରେ ମୃତ୍ୟୁ ସଂଖ୍ୟା ୯ରେ ପହଂଚିଛି । ଏବେ ଜିଲ୍ଲାର ସରକାରୀ ହସ୍ପିଟାଲ ସମେତ ବିଭିନ୍ନ ଘରୋଇ ହସ୍ପିଟାଲରେ ଆକ୍ରାନ୍ତ ମାନେ ଭର୍ତି ହୋଇଛନ୍ତି । ସରକାରୀ ହସ୍ପିଟାଲରେ କେବଳ ୧୦୦ରୁ ଅଧିକ ଚିକିତ୍ସାଧୀନ ଥିବା ଜଣାପଡିଛି । ଦିନକୁ ଦିନକୁ ସ୍ଥିତି ବିଗୁଡ଼ୁଥିବାରୁ ସଂକ୍ରମଣ ରୋକିବାକୁ ତତ୍ପର ହୋଇଛି ଉଭୟ ଜିଲ୍ଲା ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ।

ରାଉରକେଲା ମହାନଗର ନିଗମ୍ ପକ୍ଷରୁ ୧୨ଟି ସ୍ୱାସ୍ଥ୍ୟଟିମ୍ ଗଠନ କରାଯାଇଛି । ପ୍ରତ୍ୟେକ୍ ଟିମ୍ ବସ୍ତି ଓ କଲୋନି ବୁଲି ଲୋକମାନଙ୍କୁ ସଚେତନ କରାଇବା ସହ ଔଷଧ ବଂଟନ କରୁଛନ୍ତି ଓ ସ୍ୱାସ୍ଥ୍ୟ ପରୀକ୍ଷା କରୁଛନ୍ତି । ଦରକାର ପଡ଼ିଲେ ସଂକ୍ରମଣ ରୋଗୀଙ୍କୁ ଡାକ୍ତରଖାନାକୁ ପଠାଇବାର ବ୍ୟବସ୍ଥା କରୁଛନ୍ତି । ପାନପୋଷ ଉପଜିଲ୍ଲାପାଳ ବିଜୟ ନାୟକଙ୍କ ନେତୃତ୍ୱରେ ଗଠିତ ଟିମ୍ ସହରର ବିଭିନ୍ନ ବସ୍ତି ଓ କଲୋନି ପାଇପ ଯୋଗେ ଯୋଗାଣ ହେଉଥିବା ପାଣିର ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଇବାକୁ ନିର୍ଦ୍ଦେଶ ଦିଆଯାଇଛି । ଜିଲ୍ଲାମୁଖ୍ୟ ଚିକିତ୍ସା ଅଧିକାରୀ ଡାକ୍ତର ଧରଣୀ ରଞ୍ଜନ ଶତପଥୀ କହିଛନ୍ତି, ଖାଦ୍ୟ କିମ୍ବା ପାଣିରୁ ବ୍ୟାପୁଛି କି ନାହିଁ ସ୍ପଷ୍ଟ ହୋଇନି । ସମସ୍ତ ରୋଗୀଙ୍କୁ ଆବଶ୍ୟକୀୟ ଚିକିତ୍ସା ଯୋଗାଇ ଦିଆଯାଉଛି । ସମସ୍ତ ଘରୋଇ ହସ୍ପିଟାଲକୁ ବେଡ ବୃଦ୍ଧି କରିବାକୁ ନିର୍ଦ୍ଦେଶ ଦିଆଯାଇଛି । ଆବଶ୍ୟକ ଡାକ୍ତର ଓ ନର୍ସିଂ କର୍ମଚାରୀ ମଧ୍ୟ ବଢ଼ାଯାଇଛି ।

ରାଉରକେଲାର ଝାଡାବାନ୍ତି ବ୍ୟାପିବା ପଛର କାରଣକୁ ନେଇ ଦ୍ୱନ୍ଦ୍ୱ । ଗୋଟିଏ ପଟେ ଉପଜିଲ୍ଲାପାଳ କହୁଛନ୍ତି, ଝାଡାବାନ୍ତି ପାଣିରୁ ବ୍ୟାପିଥିବା ନେଇ ସ୍ପଷ୍ଟ ହୋଇନି । ହେଲେ ଜନ ସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ଆଉ କିଛି କହିଛନ୍ତି । ଜନ ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି, ପାଣି ଝାଡାବାନ୍ତି ବ୍ୟାପିବା ପଛର ପ୍ରମୁଖ କାରଣ । ଝାଡାବାନ୍ତିରେ ଗୋଟିଏ ପରେ ଗୋଟିଏ ଜୀବନ ଯାଉଛି । ହସ୍ପିଟାଲରେ ଆକ୍ରାନ୍ତଙ୍କ ସଂଖ୍ୟା ବଢିବା ପରେ ଏହା ଚିନ୍ତାଜନକ ପରିସ୍ଥିତି ସୃଷ୍ଟି କରିଛି । ଆଉ ଜନ ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି, ପାଣିରେ କ୍ଲୋରିନ୍ କମ୍ ରହିଛି । ଏହା ଜଳବାହିତ ରୋଗ ବୋଲି ପ୍ରାଥମିକ ପର୍ଯ୍ୟାୟରୁ ଜଣାପଡିିଛି । ଜିଲ୍ଲାପାଳ ୱାଟକୋକୁ ଟ୍ୟାଙ୍କ୍ ସଫା କରିବାକୁ, ନାଳ ବିଶୋଧନ କରିବାକୁ ନିର୍ଦ୍ଦେଶ ଦେଇଛନ୍ତି । ସେହିପରି ଟ୍ୟାଙ୍କରୁ ପାଣି ନେଇ ପରୀକ୍ଷା କରିବା ଭଳି କାମ କରିବେ ।

The post ଡାଇରିଆ ନେଲାଣି ୯ ଜୀବନ, ୨୦ରୁ ଅଧିକ ଗୁରୁତର । ଜନ ସ୍ୱାସ୍ଥ୍ୟ ନିର୍ଦ୍ଦେଶକ କହିଲେ ପାଣିରେ ରହିଛି କ୍ଲୋରିନର ଅଭାବ ,ଚାଲିଛି ଜଳ ବିଶୋଧନ ପ୍ରକ୍ରିୟା first appeared on Kanak News.

from Kanak News
via <a href="https://ifttt.com/?

କନକ ବଚ୍ୟୁୁରୋ: କମ୍ପାନୀ ଫାଟକ ଆଗରେ ଶ୍ରମିକଙ୍କ ଧାରଣା । ୩ ଦଫା ଦାବି ନେଇ ରାଜଗାଙ୍ଗପୁରରେ ଥିବା ଆରଏଚଆଇ ମ୍ୟାଗ୍ନେସିଟା ଇଣ୍ଡିଆ ରିଫ୍ରାକ୍ଟୋରୀଜ ଲିମିଟେଡ କମ୍ପାନୀ ଗେଟ୍ ଆଗରେ ଶ୍ରମିକ ମାନେ ଆନ୍ଦୋଳନ କରୁଛନ୍ତି । ଶୀତ, କାକରରେ ଶ୍ରମିକ ମାନେ ଧାରଣାରେ ବସି ରହିଛନ୍ତି । ଆନ୍ଦୋଳନ ଯୋଗୁଁ କାରଖାନା କାମ ବାଧାପ୍ରାପ୍ତ ହୋଇଛି । ୫ ବର୍ଷରୁ ଅଧିକ ବର୍ଷ ଧରି ଶ୍ରମିକ ମାନେ କାମ କରୁଥିଲେ ମଧ୍ୟ ସେମାନଙ୍କୁ ସ୍ଥାୟୀ ନିଯୁକ୍ତି ମିଳୁନଥିବା ସେମାନେ ଅଭିଯୋଗ କରିଛନ୍ତି । ଠିକା ଶ୍ରମିକଙ୍କୁ ନିୟମିତ କରିବା ଦାବି କରିଛି ଶ୍ରମିକ ସଂଗଠନ ।

The post କମ୍ପାନୀ ଫାଟକ ଆଗରେ ଶ୍ରମିକଙ୍କ ଧାରଣା । ୩ ଦଫା ଦାବିରେ ରାଜଗାଙ୍ଗପୁର ଆରଏଚଆଇ ମ୍ୟାଗ୍ନେସିଟା ଇଣ୍ଡିଆ ଆଗରେ ପ୍ରଦର୍ଶନ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୋଲକାତାର ଇଡେନ୍‌ ଗାର୍ଡେନ୍‌ସ୍‌ ଷ୍ଟାଡିୟମ୍‌ର ‘କେ’ ବ୍ଲକ୍‌ରୁ ଓଡ଼ିଶାର ଭଦ୍ରକ ଅଞ୍ଚଳର ଜଣେ ଯୁବକଙ୍କ ଶବ ଉଦ୍ଧାର କରାଯାଇଛି।ଇଊଠ ମୃତ ମୃତ ଯୁବକ ହେଉଛନ୍ତି, ଏହି ପ୍ରଖ୍ୟାତ ଷ୍ଟାଡିୟମ୍‌ର ‘ଗ୍ରାଉଣ୍ଡ୍‌ ଷ୍ଟାଫ୍‌’ କର୍ମଚାରୀ ବା ମାଳୀ ଗଣେଶ ଚନ୍ଦ୍ର ବାରିକଙ୍କ ୨୧ ବର୍ଷିୟ ପୁଅ ଧନଞ୍ଜୟ ବାରିକ। ଆଜି ସକାଳ ୮ଟା ବେଳେ ତାଙ୍କ ଫାଶୀ ଲଗା ଶବ ଦେଖିବା ପରେ ଘଟଣା ସଂକ୍ରାନ୍ତରେ କୋଲ୍‌କାତା ପୁଲିସକୁ ରିପୋର୍ଟ କରାଯାଇଥିଲା।

ଧନଞ୍ଜୟ ବାପା ଓ ଦାଦିଙ୍କ ସହିତ କୋଲକାତାରେ ରହୁଥିଲେ। ସେ ତାଙ୍କ ବାପା ଓ ଦାଦିଙ୍କ ପରି ମାଳୀ କାମ କରିବା ଲାଗି କିଛି ଦିନ ହେବ ଇଡେନ୍‌ ଗାର୍ଡେନସ୍‌କୁ ଆସୁଥିଲେ। ମନେ ହେଉଛି କାମ ନ ପାଇବା ହତାଶାରେ ସେ ଜୀବନ ହରାଇଛନ୍ତି।ମୃତ ଯୁବକ

The post ଇଡେନ୍ ଗାର୍ଡେନରୁ ଉଦ୍ଧାର ହେଲା ଓଡିଆ ଯୁବକଙ୍କ ଝୁଲନ୍ତା ମୃତଦେହ । ମୃତକ ଷ୍ଟାଡିୟମ କର୍ମଚାରୀଙ୍କ ପୁଅ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସମ୍ବଲପୁର ରେଙ୍ଗାଲି ଲାରିପାଲି ବୋରୱେର ଭିତରୁ ଉଦ୍ଧାର ହୋଇଥିବା ଶିଶୁ କନ୍ୟାର ସ୍ୱାସ୍ଥାବସ୍ଥାରେ ସୁଧାର ଆସୁଛି । ଅକ୍ସିଜେନ୍ କଢ଼ାଯାଇଥିବା ବେଳେ ଶିଶୁଟିକୁ ମଧ୍ୟ ଡବା କ୍ଷୀର ଦିଆଯାଉଛି । ପୂର୍ବଅପେକ୍ଷାରେ ସ୍ୱସ୍ଥ୍ୟରେ ଉନ୍ନତି ଆସିଥିବା କହିଛନ୍ତି ଡାକ୍ତର । ବେରୱେଲରୁ ଉଦ୍ଧାର ହେବା ପରେ ଶିଶୁର ଶ୍ୱାସକ୍ରିୟରେ ସମସ୍ୟା ପାଇଁ ଅକ୍ସିଜେନ୍ ଦିଆଯାଉଥିଲା । ପ୍ରଥମେ ସହମତିରେ ଅନ୍ୟ ମା’ କ୍ଷୀର ଦିଆଯାଉଥିବା ବେଳେ ପ୍ରଥମ କରି ପିଲାଟିକୁ ଡବା କ୍ଷୀର ଦିଆଯାଇଛି । ୫ ଜଣିଆ ଡାକ୍ତରୀ ଟିମ୍ ଶିଶୁଟିର ଚିକିତ୍ସା କରୁଛନ୍ତି । ସଂକ୍ରମଣ ମଧ୍ୟ ଧିରେ ଧିରେ କମୁଛି ।

The post ଧିରେ ଧିରେ ସୁସ୍ଥ ହେଉଛି କୁନି । ବୋରୱେଲରୁ ଉଦ୍ଧାର ଶିଶୁର ସ୍ୱାସ୍ଥ୍ୟବସ୍ଥାରେ ସୁଧାର ନେଇ ଭିମସାର କର୍ତ୍ତୃପକ୍ଷଙ୍କ ସୂଚନା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଂଗ୍ରେସର ଆଜିଠୁ ନୂଆ ଅଭିଯାନ ‘ଦେଶ ପାଇଁ ଦାନ’ ଆରମ୍ଭ କରିଛି । କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଏହି ଅଭିଯାନରୁ ଶୁଭାରମ୍ଭ କରି କହିଛନ୍ତି, ଯଦି ତୁମେ ଧନୀ ବ୍ୟକ୍ତିଙ୍କ ଉପରେ ନିର୍ଭର କରିବ ତେବେ ତୁମକୁ ତାଙ୍କର ନୀତି ମାନିବାକୁ ପଡିବ । ମହାତ୍ମା ଗାନ୍ଧୀ ସ୍ୱାଧୀନତା ସଂଗ୍ରାମରେ ଜନସାଧାରଣଙ୍କ ଠାରୁ ଦାନ ମାଗିଥିଲେ । ତେଣୁ ପ୍ରଥମ ଥର ପାଇଁ ଦେଶ ପାଇଁ କଂଗ୍ରେସ ଦାନ ମାଗୁଛି ।

କଂଗ୍ରେସ ଦଳ ଗଠନକୁ ୧୩୮ ପୁରିବା ଉପଲକ୍ଷେ କଂଗ୍ରେସ ଅନଲାଇନ ମାଧ୍ୟମରେ ପାଣ୍ଠି ସଂଗ୍ରହ ଅଭିଯାନ ଆରମ୍ଭ କରିଛି । ତେଣୁ ଲୋକମାନଙ୍କୁ ୧୩୮ ଟଙ୍କା, ୧୩୮୦ ଟଙ୍କା, ଅବା ୧୩ ହଜାର ୮୦୦ ଟଙ୍କା ଦାନ କରିବାକୁ ଆହ୍ୱାନ କରିଛି । ୨୦୨୪ ଲୋକସଭା ନିର୍ବାଚନ ଲଢିବା ପାଇଁ ପାଣ୍ଠି ସଂଗ୍ରହ କରିବାକୁ କଂଗ୍ରେସ ପକ୍ଷରୁ ଏଭଳି ଅଭିଯାନ ଆରମ୍ଭ କରାଯାଇଥିବା କୁହାଯାଉଛି ।

The post ଆଜିଠୁ କଂଗ୍ରେସର ‘ଦେଶ ପାଇଁ ଦାନ’ ଅଭିଯାନ । ୨୦୨୪ ନିର୍ବାଚନ ଲଢିବା ପାଇଁ ପାଣ୍ଠି ସଂଗ୍ରହ କରିବାକୁ ପ୍ରୟାସ । first appeared on Kanak News.

from Kanak News
via <a href="https://ifttt.com/?