କନକ ବ୍ୟୁରୋ : ଆଇପିଏଲ ମେଗା ନିଲାମ ପୂର୍ବରୁ ମୁମ୍ବାଇ ଇଣ୍ଡିଆନ୍ସରେ ବଡ଼ ପରିବର୍ତ୍ତନ । ରୋହିତ ଶର୍ମାଙ୍କ ବଦଳରେ ହାର୍ଦ୍ଦିକ ପାଣ୍ଡ୍ୟାଙ୍କୁ ମିଳିଲା ଦଳର ଅଧିନାୟକ ଦାୟିତ୍ୱ । ୧୦ବର୍ଷ ଧରି ରୋହିତ ମୁମ୍ବାଇ ଇଣ୍ଡିଆନ୍ସର ଅଧିନାୟକ ଦାୟିତ୍ୱ ତୁଲାଇ ଆସୁଥିବା ବେଳେ ଏବେ ଏଥିରେ ପରିବର୍ତ୍ତନ କରାଯାଇଛି । ରୋହିତଙ୍କ ନେତୃତ୍ୱରେ ୫ଥର ଆଇପିଏଲ ଚମ୍ପିୟନ ହୋଇଛି ମୁମ୍ବାଇ ଇଣ୍ଡିଆନ୍ସ । ଦୁଇ ବର୍ଷ ଧରି ଗୁଜରାଟ ଟାଇଟନ୍ସର ପାଇଁ ଖେଳିଥିବା ହାର୍ଦ୍ଦିକ ପାଣ୍ଡ୍ୟାଙ୍କୁ ଟିମ୍ ଏକ୍ସଚେଂଜ ନିୟମ ଅନୁଯାୟୀ ଦଳକୁ ଆଣିଥିଲା ମୁମ୍ବାଇ ଇଣ୍ଡିଆନ୍ସ । ଆଉ ଏବେ ଏହି ଅଲରାଉଣ୍ଡରଙ୍କୁ ଦଳର ଅଧିନାୟକ ଭାବେ ଦଳ ନିଯୁକ୍ତି ଦେଇଛି ।

The post ମୁମ୍ବାଇ ଇଣ୍ଡିଆନ୍ସରେ ବଡ ପରିବର୍ତ୍ତନ । ୨୦୨୪ ଆଇପିଏଲରେ ଅଧିନାୟକ ହେବେ ହାର୍ଦ୍ଦିକ ପାଣ୍ଡ୍ୟା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆହ୍ଲାବାଦ ହାଇକୋର୍ଟଙ୍କଠୁ ଜବାବ ମାଗିଲେ ସୁପ୍ରିମକୋର୍ଟ । ମହିଳା ବିଚାରପତିଙ୍କ ଅଭିଯୋଗ ଶୁଣିବା ପରେ ସୁପ୍ରିମକୋର୍ଟ ଏବେ ଜବାବ ମାଗିଛନ୍ତି । ନିକଟରେ ଆହ୍ଲାବାଦ ବାନ୍ଦା ଜିଲ୍ଲାର ମହିଳା ବିଚାରପତି ସୁପ୍ରିମକୋର୍ଟ ମୁଖ୍ୟ ବିଚାରପତି ଡିୟାଇ ଚନ୍ଦ୍ରଚୂଡଙ୍କୁ ଚିଠି ଲେଖି ସଂଗୀନ ଅଭିଯୋଗ ଆଣିଥିଲେ । ଚିଠି ଲେଖି ଅଭିଯୋଗ କରିଛନ୍ତି ଯେ କର୍ମକ୍ଷେତ୍ରରେ ତାଙ୍କୁ ଜିଲ୍ଲା ଜଜ ଓ ତାଙ୍କର ଜଣେ ସହଯୋଗୀ ତାଙ୍କୁ ମାନସିକ ଏବଂ ଶାରୀରିକ ନିର୍ଯ୍ୟାତନା ଦେଇଥିଲେ । ନ୍ୟାୟ ନମିଳିବାରୁ ଏବେ ଇଚ୍ଛା ମୃତ୍ୟୁ ମାଗିଛନ୍ତି । ଅଭିଯୋଗ ପତ୍ରରେ ମହିଳା ବିଚାରପତି କହିଛନ୍ତି କି ସେ ହାଇକୋର୍ଟର ଆଭ୍ୟନ୍ତରୀଣ କମିଟିରେ ଅଭିଯୋଗ କରିଥିଲେ । ତେବେ ଗୁରୁତର ସହ ଏହାକୁ ଗ୍ରହଣ କରାଯାଇନଥିଲା । ବାରମ୍ବାର ଏପରି ଘଟଣା ଯୋଗୁଁ ସେ ମର୍ମାହତ । ପ୍ରତାଡିତ ହେବା ପରେ ହାଇକୋର୍ଟଙ୍କଠୁ ନେଇ ବିଭିନ୍ନ ବିଭାକୁ ପତ୍ରରେ ଅଭିଯୋଗ କରିଥିଲେ । ହଜାରରୁ ଅଧିକ ଇମେଲ ମଧ୍ୟ କରିଥିଲେ । ତଦନ୍ତ କମିଟି ଗଠନ ହୋଇଥିଲା ଓ ୩ମାସ ଭିତରେ ରିପୋର୍ଟ ଦେବାକୁ ନିଦ୍ଦାରଣ କରାଯାଇଥିଲା । ଏବେ ସୁଦ୍ଧା କୌଣସି ସମାଧାନ କରାଯାଇନି ଯାହା ତାଙ୍କୁ ବ୍ୟତିଥ କରିଛି । ଶୁଣାଣୀ ସମୟରେ ତାଙ୍କୁ କହିବାକୁ ସୁଯୋଗ ଦିଆଯାଉନି । ତାଙ୍କ ଅଭିଯୋଗକୁ ଖାରଜ କରାଯାଉଛି । ଏଥିସହ ସେ ଲେଖିଛନ୍ତି ଦୀର୍ଘବର୍ଷ ହେବ ସେ ଅନ୍ୟମାନଙ୍କୁ ନ୍ୟାୟ ଦେଉଛନ୍ତି କିନ୍ତୁ ନିଜେ ନ୍ୟାୟ ପାଇପାରୁନାହାଁନ୍ତି । ଅନ୍ୟକୁ ନ୍ୟାୟ ଦିଅନ୍ତି ବିଚାରପତି କିନ୍ତୁ ଯେତେବେଳେ ବିଚାରପତି ହିଁ ନିର୍ଯ୍ୟାତନାର ଶିକାର ହୋଇ ଇଚ୍ଛା ମୃତ୍ୟୁ ମାଗିବାକୁ ପଡେ । ନ୍ୟାୟ ନମିଳିବାରୁ ତାଙ୍କୁ ଶକ୍ତ ଧକ୍କା ଦେଇଛି । ତେଣୁ ଏବେ ସେ ଇଚ୍ଛାମୃତ୍ୟୁ ଚାହୁଁଥିବା ଚିଠିରେ କହିଛନ୍ତି । ଏଥିସହ ମହିଳା କର୍ମଜୀବିଙ୍କୁ ବାର୍ତା ଦେଇ କହିଛନ୍ତି କର୍ମକ୍ଷେତ୍ରରେ ଉତ୍ପଡୀନ ସହ ବଂଚିବା ଶିଖନ୍ତୁ । ମହିଳାଙ୍କ ଅଭିଯୋଗ କେହି ଶୁଣନ୍ତି ନାହିଁ ।

The post ଆହ୍ଲାବାଦ ହାଇକୋର୍ଟଙ୍କଠୁ ଜବାବ ମାଗିଲେ ସୁପ୍ରିମକୋର୍ଟ । କର୍ମକ୍ଷେତ୍ରରେ ଯୌନ ନିର୍ଯ୍ୟାତନା ଆଣି ଇଚ୍ଛା ମୃତ୍ୟୁ ମାଗିଥିଲେ ମହିଳା ବିଚାରପତି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୁନି ଏବେ ସୁସ୍ଥ ଅଛି, ଖୀର ପିଇବା ଆରମ୍ଭ କଲାଣି । ଦିନେ ଦୁଇ ଦିନ ପରେ ତାକୁ ଖାଦ୍ୟ ମଧ୍ୟ ଦିଆଯିବ । ହେଲେ ଏହି ହତଭାଗା ଝିଅ ଭାଗ୍ୟରେ ଜୁଟିନି ଜନ୍ମକଲା ମା’ର କ୍ଷୀର । ପର ମା’ର କ୍ଷୀର ଆଣି କୁନିକୁ ଦେବାକୁ ଯୋଜନା କରୁଛି ଭିମସାରର ଡାକ୍ତରୀ ଟିମ୍ ।

କଅଁଳା ଛୁଆଟିଏ । ମା’ ପର କରିଦେଲା, ଭାଗ୍ୟ ବୋଲୱେଲକୁ ଠେଲିଦେଲା । ହେଲେ, ଯିଏ ଆୟୁଷ ନେଇ ଆସିଛି, ତା ଦେହରେ କିଏ ବା’ ଆଘାତ ଦେଇଥାନ୍ତା । ଉଦ୍ଧାରକାରୀ ଦଳର ଦେବଦୂତ ହୋଇ ଆସିଲେନି ଯେ, ନୂଆ ଜୀବନ ଦେଇଗଲେ । ହେଲେ କେତେ ହତଭାଗା କୁନି ଦେଖନ୍ତୁ । ହୁଏତ ମା’ ବିଂଚିଛି, ଝିଅ ବି ବଂଚିଛି । ହେଲେ ଡାକ୍ତର କୁନିକୁ ପରର ମା’ର କ୍ଷୀର ଦେବାକୁ ଯୋଜନା କରୁଛନ୍ତି । କାରଣ, ପ୍ରକୃତ ମା’ ପର କରି ଦେଇଛି ।

କୁନିକୁ ଉଦ୍ଧାର କରିଥିବା ଉଦ୍ଧାରକାରୀ ଦଳକୁ କେବଳ ଧନ୍ୟବାଦ ଦେଲେ ହୁଏତ ଅନ୍ୟାୟ ହୋଇଯିବ । କାରଣ, କୁନିକୁ ସୁସ୍ଥ କରିବା ପାଇଁ ଦିନରାତି ଏକ କରିଦେଇଥିବା ସେଇ ଡାକ୍ତରୀ ଟିମ୍କୁ ମଧ୍ୟ ସାଧୁବାଦ । କାରଣ ତାଙ୍କ ଉଦ୍ୟମ ଯୋଗୁଁ କୁନି ଏବେ ସୁସ୍ଥ । କ୍ଷୀର ଖାଇଲାଣୀ, ସ୍ୱାସ୍ଥ୍ୟରେ ଉନ୍ନତି ହେଉଛି । କୁନିକୁ ଆଉ କଟକ ଶିଶୁଭବନ ନେବାକୁ ହୁଏତ ଦରକାର ପଡ଼ିନପାରେ । ଜିଲ୍ଳା ପ୍ରଶାସନ ମଧ୍ୟ ଝିଅର ଚିକିତ୍ସା ଉପରେ ନଜର ରଖିଛି ।

ଏପଟେ କୁନି ଝିଅର ପରିଚୟ ଖୋଜିବା ପାଇଁ ଉଦ୍ୟମ ଜାରି ରଖିଛି ସମ୍ବଲପୁର ପୁଲିସ୍ । ଏକ ଟିମ୍ ଗଠନ କରି ଆଖପାଖ ଗାଁରେ ଖୋଳତାଡ଼ କରୁଛି, ଆଶା କର୍ମୀ ଏବଂ ଅଙ୍ଗନୱାଡ଼ି କର୍ମୀଙ୍କ ସହାୟତା ଲୋଡ଼ା ଯାଉଛି । ଅଭିଯୁକ୍ତକୁ ଧରିବା ପ୍ରଥମିକତା ଥିବା ବେଳେ ଆବଶ୍ୟକ ପଡ଼ିଲେ ଡିଏନଏ ପରୀକ୍ଷା କରାଯିବ ବୋଲି ପୁଲିସ୍ କହିଛି ।

The post ଜନ୍ମ କଲା ମାଆ ଫିଙ୍ଗି ଦେଇଥିଲା, ଏବେ ଅନ୍ୟ ଜଣେ ମାଆର କ୍ଷୀର ଉପରେ ଭରସା କରିଛି କୁନି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବହୁ ଚର୍ଚ୍ଚିତ ହନି ଟ୍ରାପ୍ ମାମଲାରେ ନିକଟରେ ଜେଲରୁ ମୁକୁଳିଥିବା ଅର୍ଚ୍ଚନା ନାଗଙ୍କୁ ମିଳିଛି ହତ୍ୟା ଧମକ । ଆଜି ପରୀକ୍ଷା ଦେବା ପାଇଁ କ୍ୟାପିଟାଲ ଲ’ କଲେଜକୁ ଆସିବା ସମୟରେ ଦୁଇ ଜଣ ଯୁବକ ଆସି ଗାଳିଗୁଲଜ କରିବା ସହ ଜୀବନରୁ ମାରିଦେବାକୁ ଧମକ ଦେଇଥିବା ଅଭିଯୋଗ କରିଛନ୍ତି ଅର୍ଚ୍ଚନା । ଏଭଳି ଅଭିଯୋଗରେ ଡରିବାର ନାହିଁ, ଯଦି ସାହସ ଅଛି ତେବେ ସାମ୍ନାରୁ ଆକ୍ରମଣ କରିବାକୁ ଆହ୍ୱାନ ଦେଇଛନ୍ତି । ତେବେ କିଏ ସେହି ଦୁଇ ଜଣ ଯୁବକ, ଆଉ ଚେତାବନୀ ପଛରେ କଣ ରହିଛି ଉଦେଶ୍ୟ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା ।

ଦୀର୍ଘ ୧୪ ମାସ ଧରି ଝାରପଡ଼ା ଜେଲରେ ରହିବା ପରେ ଜାମିନରେ ବାହାରକୁ ଆସିଛନ୍ତି ଅର୍ଚ୍ଚନା ନାଗ । ଜେଲରୁ ବାହାରିବା ପରେ କ୍ୟାପିଟାଲ ଲ’ କଲେଜ ଯାଇ ନିଜ ସେମିଷ୍ଟାର ପରୀକ୍ଷା ମଧ୍ୟ ଦେଉଛନ୍ତି । ତେବେ ଶୁକ୍ରବାର ପରୀକ୍ଷା ଦେବାକୁ ଆସୁଥିବାବେଳେ ଦୁଇଜଣ ଦୁର୍ବୁତ ତାଙ୍କ ନିକଟକୁ ଆସି ଅଶ୍ଳୀଳ ଭାଷାରେ ଗାଳିଗୁଲଜ କରିଥିବା ଅଭିଯୋଗ କରିଛନ୍ତି ଅର୍ଚ୍ଚନା । କେବଳ ଗାଳିଗୁଲଜ ନୁହେଁ, ତାଙ୍କୁ ଜୀବନରୁ ମାରିଦେବାକୁ ଧମକ ମଧ୍ୟ ଦେଇଥିଲେ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି । ତାଙ୍କ ଜୀବନ ପ୍ରତି ବିପଦ ଥିବା ନେଇ ଅଭିଯୋଗ ଆଣିଛନ୍ତି ଅର୍ଚ୍ଚନା ।

ଅର୍ଚ୍ଚନାଙ୍କୁ କିଏ ଓ କାହିଁକି ଏଭଳି ହତ୍ୟା ଧମକ ଦେଉଛି ତାହା ଏଯାଏଁ ଜଣାପଡିନି । ତେବେ ଏହି ଧମକ ପଛରେ କଣ କାରଣ ରହିଛି, ତାକୁ ନେଇ ଏବେ ଚର୍ଚ୍ଚା ଜୋର ଧରିଛି । ବଡବଡିଆଙ୍କ ମୁଖା ଖୋଲିଯିବା ଭୟରେ ଅର୍ଚ୍ଚନାଙ୍କୁ କେହି ଧମକ ଦେଉଛି କି? ଯଥେଷ୍ଟ ତଥ୍ୟ ଓ ପ୍ରମାଣ ଅଛି ଏବଂ ଠିକ ସମୟରେ କୋର୍ଟରେ ଏହାକୁ ଦାଖଲ କରିବେ ବୋଲି ଅର୍ଚ୍ଚନା ଗଣମାଧ୍ୟମକୁ କହିଛନ୍ତି । ତେବେ କେଉଁ ବଡ଼ବଡ଼ିଆ ତାଙ୍କୁ ଫସାଇଛନ୍ତି ସେନେଇ ଏଯାଏଁ ମୁହ ଖୋଲି ନାହାନ୍ତି ଅର୍ଚ୍ଚନା ।

ବ୍ଲାକମେଲିଂ, ହନିଟ୍ରାପ ଭଳି ମାମଲାରେ ଛନ୍ଦି ହୋଇ ପାଖାପାଖି ୧୪ ମାସ ଧରି ଝାରପଡା ଜେଲରେ ଥିଲେ ଅର୍ଚ୍ଚନା ନାଗ । ତେବେ ଜେଲରେ ଥିବା ସମୟରେ ଅର୍ଚ୍ଚନା ବାରମ୍ବାର କହିଥିଲେ, ଅନେକ ଲୋକଙ୍କ ମୁଖା ଖୋଲିବେ । ଏପରିକି ରାଜ୍ୟ ରାଜନୀତିରେ ହଲଚଲ ସୃଷ୍ଟି ହେଇଯିବ ବୋଲି ମଧ୍ୟ କହିଥିଲେ । ହେଲେ ଜେଲରୁ ବାହାରିବା ପରେ ଏଯାଏଁ କାହା ନା ନେଇନାହାନ୍ତି ଅର୍ଚ୍ଚନା, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

The post କିଏ ଦେଉଛି ଅର୍ଚ୍ଚନାଙ୍କୁ ଧମକ? ଷଡ଼ଯନ୍ତ୍ର ପଛରେ ବଡ଼ବଡ଼ିଆ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜସ୍ଥାନ ପାଇଲା ନୂଆ ମୁଖ୍ୟମନ୍ତ୍ରୀ । ରାଜ୍ୟର ୧୪ତମ ମୁଖ୍ୟମନ୍ତ୍ରୀଭାବେ ଶୁକ୍ରବାର ଶପଥ ନେଇଛନ୍ତି ଭଜନଲାଲ ଶର୍ମା । ରାଜ୍ୟପାଳ କଲରାଜ ମିଶ୍ରା ନୂଆ ମୁଖ୍ୟମନ୍ତ୍ରୀଙ୍କୁ ଗୋପନୀୟତାର ଶପଥ ପାଠ କରାଇଛନ୍ତି । ଶପଥପାଠ ଉତ୍ସବରେ ପ୍ରଧାନମନ୍ତ୍ରୀ ମୋଦି, ଗୃହମନ୍ତ୍ରୀ ଅମିତ ଶାହା, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ପ୍ରତିରକ୍ଷାମନ୍ତ୍ରୀ ରାଜନାଥ ସିଂଙ୍କ ସହ ବିଜେପିର ଅନେକ ନେତୃବୃନ୍ଦ ସାମିଲ ହୋଇଥିଲେ । ଅନ୍ୟପଟେ ଦୁଇ ଉପମୁଖ୍ୟମନ୍ତ୍ରୀ ଦୀୟା କୁମାର ଓ ପ୍ରେମଚାନ୍ଦ ବୈରୱା ମଧ୍ୟ ଶପଥ ନେଇଛନ୍ତି ।

ରାଜସ୍ଥାନରେ ନୂଆ ଚେହେରା ଭଜନଲାଲ ଶର୍ମାଙ୍କୁ ମୁଖ୍ୟମନ୍ତ୍ରୀ କରି ଚକିତ କରିଛି ବିଜେପି । ପ୍ରଥମ ଥର ପାଇଁ ବିଧାୟକ ହୋଇଥିବା ଭଜନଲାଲ ବାହ୍ମଣ ସମୁଦାୟର । ସାଧାରଣ ନିର୍ବାଚନରେ ସାଧାରଣ ବର୍ଗ ଭୋଟ ହାତେଇବା ପାଇଁ ବାହ୍ମଣ ଚେହେରାଙ୍କୁ ମୁଖ୍ୟମନ୍ତ୍ରୀ କରିଛି ବିଜେପି । ସେପଟେ ଦୁଇ ଉପମୁୁଖ୍ୟମନ୍ତ୍ରୀ ମଧ୍ୟରୁ ଦୀୟା କୁମାରୀ ରାଜପୁତ ଓ ପ୍ରେମ ବୈରୱା ଦଳିତ ସମୁଦାୟରୁ ଆସୁଛନ୍ତି ।

ରାଜସ୍ଥାନରେ ‘ଭଜନଲାଲ’ ରାଜୁତି
-୪ଥର ରାଜସ୍ଥାନରେ ରାଜ୍ୟ ସାଧାରଣ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି
-ସଙ୍ଗନେରରୁ ବିପୁଳ ଭୋଟ ବ୍ୟବଧାନରେ ଜିତିଥିଲେ
-କଂଗ୍ରେସର ପୁଷ୍ପନ୍ଦ୍ରେ ଭରଦ୍ୱାଜଙ୍କୁ ୪୮୦୮୧ ଭୋଟରେ ପରାସ୍ତ କରିଥିଲେ
-ଆରଏସଏସ ଓ ଏବିଭିପିର ଜଣେ ସକ୍ରିୟ ସଦସ୍ୟ

ଶପଥପାଠ କରିବା ପୂର୍ବରୁ ରାଜସ୍ଥାନର ନବନିର୍ବାଚିତ ମୁଖ୍ୟମନ୍ତ୍ରୀ ମନ୍ଦିରରେ ସ୍ୱତନ୍ତ୍ର ପୂଜାପାଠ କରିଥିଲେ । ଏଥିସହ ବାପା ମାଙ୍କ ପାଦ ଧୋଇ ଆର୍ଶୀବାଦ ମଧ୍ୟ ନେଇଥିଲେ । ଜନ୍ମଦିନରେ ରାଜସ୍ଥାନ ମୁଖ୍ୟମନ୍ତ୍ରୀ ଭାବେ ଶପଥ ନେବା ଭଜନଲାଲଙ୍କ ପାଇଁ ଡବଲ ଖୁସି ନେଇ ଆସିଛି ।

ଯଦିଓ ୩ରାଜ୍ୟରେ ବିଜେପି ବହୁମତ ସହ ଜିତ ହାସଲ କରିଥିଲା ତଥାପି ମୁଖ୍ୟମନ୍ତ୍ରୀ ନାଁ ଘୋଷଣାରେ ବେଶ ବିଳମ୍ବ କରିଥିଲା ଦଳ । ସବୁଠୁ ଅଧିକ ଡେରି ରାଜସ୍ଥାନରେ ଦେଖିବାକୁ ମିଳିଥିଲା । ମୁଖ୍ୟମନ୍ତ୍ରୀ ରେସରେ ହେଭିୱେଟ ଚେହେରା ବସୁନ୍ଧରା ରାଜେ ସିନ୍ଧିଆ, ଅର୍ଜୁନ ମେଘୱାଲ. ଗଜେନ୍ଦ୍ର ସିଂ ଶେଖାୱତ ଓ ଅଶ୍ୱିନୀ ବୈଷ୍ଣବଙ୍କ ନାଁ ରହିଥିଲେ ବି ଶେଷରେ ଦଳ ବାହ୍ମଣ ଚେହେରା ଭଜନଲାଲ ଶର୍ମାଙ୍କୁ କରିଛି ମୁଖ୍ୟମନ୍ତ୍ରୀ

The post ଆରମ୍ଭ ହେଲା ରାଜସ୍ଥାନରେ ଭଜନଲାଲ ରାଜ୍ । ରାଜସ୍ଥାନ ମୁଖ୍ୟମନ୍ତ୍ରୀ ଭାବେ ନେଲେ ପଦ-ଗୋପନୀୟକାର ଶପଥ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶ୍ରୀମନ୍ଦିର ରତ୍ନଭଣ୍ଡାର ଚାବି ହଜିବା ମାମଲାରେ ରାଜ୍ୟ ସରକାରଙ୍କୁ ଶେଷ ସୁଯୋଗ ଦେଇଛନ୍ତି ହାଇକୋର୍ଟ । ଆଜି ଏ ସଂପର୍କିତ ମାମଲାର ଶୁଣାଣି ବେଳେ ଜବାବ ରଖି ପାରିଲା ନାହିଁ ଗୃହ ବିଭାଗ । କମିଶନଙ୍କ ରିପୋର୍ଟ ସାର୍ବଜନୀନ କରିବା ବଦଳରେ ଅଧିକ ସମୟ ମାଗିଛନ୍ତି । କୋର୍ଟ, ସରକାରଙ୍କ ଆବେଦନକୁ ଗ୍ରହଣ କରି ପରବର୍ତୀ ଶୁଣାଣି ପୂର୍ବରୁ ସତ୍ୟପାଠ ଦାଖଲ କରିବାକୁ ନିର୍ଦେଶ ଦେଇଛନ୍ତି ।

ରତ୍ନଭଣ୍ଡାର ଚାବି ହଜିବା ମାମଲାରେ କମିଶନଙ୍କ ରିପୋର୍ଟ ସାର୍ବଜନୀନ ପରିବା ପ୍ରସଙ୍ଗରେ ପୁଣି ସମୟ ମାଗିଛନ୍ତି ରାଜ୍ୟ ସରକାର । କେବେ ସୁଦ୍ଧା ଷ୍ଟାର୍ଟସ୍ ଦାଖଲ କରିବେ, ସେନେଇ ରାଜ୍ୟ ସରକାରଙ୍କୁ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଦୀର୍ଘ ୮ ମାସ ଭିତରେ ଅନେକ ଥର ସମୟ ମାଗିିଥିବାରୁ ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ନ୍ୟାୟାଳୟ । ତେବେ ବଡ ଦିନ ଛୁଟି ପରେ ମାମଲାର ଶୁଣାଣି ହେବ ବୋଲି ସୂଚନା ରହିଛି । ଏହାରି ଭିତରେ ରାଜ୍ୟ ସରକାରଙ୍କୁ ସତ୍ୟପାଠ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।

ସୂଚନା ଅନୁସାରେ, ୨୦୧୮ ଜୁନ ମାସରେ ଜଷ୍ଟିସ୍ ରଘୁବୀର ଦାସଙ୍କ କମିଶନ ଗଠନ ହୋଇଥିଲା । ନଭେମ୍ବର ମାସରେ ତଦନ୍ତ କମିଶନ ତାଙ୍କ ରିପୋର୍ଟ ଦାଖଲ କରିଥିଲେ । ତେବେ ରିପୋର୍ଟ ସାର୍ବଜନୀନ କରିବା ଦାବିରେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ଆବେଦନକରୀ । ସେହିପରି ରତ୍ନଭଣ୍ଡାରର ସ୍ଥିତି ନେଇ ମଧ୍ୟ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

ଏହା ପୂର୍ବରୁ ଭିତର ରତ୍ନ ଭଣ୍ଡାର ଖୋଲି ସ୍ଥିତି ଅନୁଧ୍ୟାନ କରିବାକୁ ଉଦ୍ୟମ ହୋଇଥିଲେ ବି ତାହା ସଫଳ ହୋଇନଥିଲା । ହାଇକୋର୍ଟଙ୍କ ନିର୍ଦ୍ଦେଶରେ ୨୦୧୮ ଏପ୍ରିଲ ୪ରେ ରତ୍ନଭଣ୍ଡାର ଖୋଲିବା ପାଇଁ ଉଦ୍ୟମ ହୋଇଥିଲା । ୩ଟା ତାଲା ଖୋଲି ବାହାର ଭଣ୍ଡାରର ଦେଖିଥିଲେ ଯାଂଚ କମିଟି । ଜାଲି କବାଟ ଦେଇ ଟର୍ଚ୍ଚରେ କରିଥିଲେ ଅନୁଧ୍ୟାନ । ଭିତର ଭଣ୍ଡାର ଚାବି ନ ମିଳିବାରୁ ବାହାରୁ ଅନୁଧ୍ୟାନ କରିଥିଲେ । ତେବେ ସେହି ସମୟରେ ଚାବି ହଜିଯାଇଥିବା ଘଟଣା ସାମ୍ନାକୁ ଆସିଥିଲା । ରତ୍ନଭଣ୍ଡାରର ଚାବି ହଜିବା ପ୍ରସଙ୍ଗକୁ ନେଇ ଖୁବ୍ ତମ୍ବିତୋଫାନ ହୋଇଥିଲା ।

The post ପୁଣି ସମୟ ମାଗିଲେ ସରକାର: ସରକାରଙ୍କୁ କୋର୍ଟଙ୍କ ଶେଷ ମହଲତ! first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଏଆଇ ବା ଆର୍ଟିଫିସିଆଲ ଇଣ୍ଟେଲିଜେନ୍ସକୁ ନେଇ ଏବେ ଚାରିଆଡେ ଚର୍ଚ୍ଚା ହେଉଛି । କେବେ ରଶ୍ମିକା ମନ୍ଧନାଙ୍କ ଅବିକଳ ଭାଇରାଲ ହେଉଛି ତ କେବେ ଅମିତାଭ ବଚନଙ୍କ ଅବିକଳ । ହେଲେ ଏହା କେବଳ ଭାରତରେ ନୁହେଁ କି ସିନେ ପରଦାରେ ନୁହେଁ ରାଜନେତାଙ୍କ ପାଇଁ ମଧ୍ୟ ଏହା ବଡ ବିପଦ ସୃଷ୍ଟି କରିବାକୁ ଯାଉଛି । କାରଣ ଆଜି ଋଷର ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କ ଅବିକଳକୁ ଦେଖିବାକୁ ମିଳିଛି । ସେ ପୁଣି ଗୋଟିଏ ମଞ୍ଚରେ । ଯେଉଁଠି ପ୍ରକୃତ ପୁଟିନ ଅଛନ୍ତି ସେହି ମଞ୍ଚରେ ମଧ୍ୟ ଏଆଇ ଦ୍ୱାରା ପ୍ରସ୍ତୁତ କରାଯାଇଥିବା ଏଆଇ ପୁଟିନଙ୍କୁ ମଧ୍ୟ ଦେଖିବାକୁ ମିଳିଛି । ଗୋଟିଏ ପଟୁ ଏଆଇ ପୁଟିନ ପ୍ରଶ୍ନ ପଚାରୁଛନ୍ତି ତ ଅନ୍ୟପଟେ ପ୍ରକୃତ ପୁଟିନ ତାର ଉତର ଦେଉଛନ୍ତି । ବିଶ୍ୱାସ କରିପାରୁନଥିଲେ ବି ଆଟିଫିସିଆଲ ଇଂଟେଲିଜେନ୍ସର ଚମକ୍ରାର ପୁଣି ଥରେ ଦେଖିବାକୁ ମିଳିଛି । ରୁଷର ଏକ ନ୍ୟୁଜ କନଫେରେନ୍ସରେ ମୁଖ୍ୟ ଅତିଥି ହୋଇ ପହଁଚିଥିଲେ ରାଷ୍ଟ୍ରପତି ପୁଟିନ । ଏହି ସମୟରେ ସ୍କ୍ରିନରେ ହଠାତ ନଜର ଆସିଥିଲେ ପୁଟିନଙ୍କ ଏଆଇ ଭର୍ସନ । କାର୍ଯ୍ୟକ୍ରମରେ ରାଷ୍ଟ୍ରପତିଙ୍କୁ ଦର୍ଶକ ପ୍ରଶ୍ନ ପଚାରିଥିବାବେଳେ ଏଆଇ ପୁଟିନ ମଧ୍ୟ ପ୍ରଶ୍ନ କରିଥିଲେ ।

ଏଆଇ ପୁଟିନ କହିଥିଲେ…..ହ୍ୟାଲୋ ମିଷ୍ଟର ପୁଟିନ । ମୁଁ ଜଣେ ଛାତ୍ର ଓ ପିଟର୍ସବର୍ଗ ବିଶ୍ୱବିଦ୍ୟାଳୟର ଛାତ୍ର ଅଟେ । ଆଟିଫିସିଆଲ ଇଂଟେଲିଜେନ୍ସ ସମ୍ବନ୍ଧିତ ବିପଦକୁ ନେଇ ଆପଣଙ୍କ ମତାମତ କ’ଣ?

ଜବାବରେ ରାଷ୍ଟ୍ରପତି ପୁଟିନ କହିଥିଲେ…. ଏଆଇକୁ ଡରିବା କୌଣସି ଆବଶ୍ୟକତା ନାହିଁ । ଆଗକୁ ସତର୍କତା ସହ ଏଆଇ ବ୍ୟବହାର କରିବା ଉଚିତ । ଏଆଇର ଭବିଷ୍ୟତ କ”ଣ କେହି ଜାଣନ୍ତି ନାହିଁ । ଆପଣ ମୋ ପରି କଥା ହୋଇପାରିବେ, ମୋ ସ୍ୱର ବ୍ୟବହାର କରିପାରିବେ, ମୋତେ ନକଲ କରିପାରିବେ । କିନ୍ତୁ ଜଣେ ମାତ୍ର ବ୍ୟକ୍ତି ଯିଏ କେବଳ ମୋ ପରି କଥା ହୋଇପାରିବ, ମୋ ନକଲ କରିପାରିବ ଆଉ ସେ ମୁଁ ନିଜେ ।

ରୁଷର ଗଣମାଧ୍ୟମଠୁ ନେଇ ସୋସିଆଲ ମିଡିଆ । ସବୁଠି ଏବେ ପୁଟିନ ଓ ଏଆଇ ପୁଟିନଙ୍କ କଥାବାର୍ତା ଭିଡିଓ ବେଶ ଭାଇରାଲ ହେବାରେ ଲାଗିଛି ।

The post ଗୋଟିଏ ମଂଚରେ ଦୁଇ ଦୁଇଟି ପୁଟିନ୍ । ମସ୍କୋରେ ଆୟୋଜିତ ବାର୍ଷିକ ସମ୍ବାଦ ସମ୍ମିଳନୀରେ ପୁଟିନଙ୍କ ସହ ନଜର ଆସିଲା ଏଆଇ ଛବି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଶୁକ୍ରବାର ସକାଳ ସଂସଦ ଭବନ ପରିସର କିଛି ଏଭଳି ରହିଥିଲା । ଗାନ୍ଧୀମୂର୍ତ୍ତି ତଳେ ଛିଡା ହୋଇଛି ପ୍ରତିବାଦ କରିଥିଲେ ନିଲମ୍ବିତ ସାଂସଦ । ପ୍ଲାକାର୍ଡ ଧରି , ସ୍ଲୋଗାନ ଦେଇ ନିଲମ୍ବନ ପ୍ରତ୍ୟାହାର ପାଇଁ ଦାବି ଜଣାଇଛନ୍ତି ବିରୋଧୀ । ଅନ୍ୟପଟେ ନିଲମ୍ବିତ ଟିଏମସି ସାଂସଦ ଡେରେକ ଓ’ବ୍ରେୟନ ଅଭିନବ ଉପାୟରେ ନିଲମ୍ବନକୁ ପ୍ରତିବାଦ କରିଥିଲେ । ମୌନ ବ୍ରତ ଲେଖା ଟିସାର୍ଟ ପିନ୍ଧି ସଂସଦରେ ପହଁଚିଥିଲେ । ସେପଟେ ନିଲମ୍ବିତ ସାଂସଦଙ୍କୁ ଭେଟିବା ପାଇଁ ପହଁଚିଥିଲେ ସୋନିଆ ଗାନ୍ଧୀ ।

ବିରୋଧୀ ସରକାରଙ୍କୁ ପ୍ରଶ୍ନ ପଚାରଛନ୍ତି ସଂସଦ ସୁରକ୍ଷା ବାବଦରେ ପ୍ରଶ୍ନ ପଚରାଯିବା କ’ଣ ଅପରାଧ ? ଦେଶର ସବୁଠୁ ସୁରକ୍ଷିତ ସ୍ଥାନ ଯଦି ଅସୁରିକ୍ଷ ତେବେ ଦେଶବାସୀଙ୍କୁ କିଭଳି ନିଜକୁ ସୁରକ୍ଷିତ ମଣିବେ? ଗୃହମନ୍ତ୍ରୀ ସଂସଦରେ ବିବୃତି ରଖି ସମସ୍ତଙ୍କୁ ଜବାବ ଦେବା ଉଚିତ । ବିରୋଧୀ କହିଛନ୍ତି ଯଦି ଅନ୍ୟକୌଣସି ଦଳର ସମ୍ପୃକ୍ତି ପ୍ରମାଣ ମିଳିଥାନ୍ତା ତେବେ ସରକାର ତୁରନ୍ତ କାର୍ଯ୍ୟାନୁଷ୍ଠାନ କରୁଛନ୍ତି କିନ୍ତୁ ବିଜେପି ସାଂସଦଙ୍କ ସମ୍ପୃକ୍ତି ଥିବାରୁ ଘଟଣାରେ ଚୁପ ରହିଛି ବିଜେପି ।

ବୁଧବାର ସଂସଦରେ ୪ ଅଜ୍ଞାତ ଅନୁପ୍ରବେଶ କରିଥିଲେ ଓ କିଛି ମିନିଟରେ ଧରି ହଙ୍ଗାମା କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଏହାକୁ ବିରୋଧ କରି ଗୁୁରୁବାର ଉଭୟ ରାଜ୍ୟସଭା ଓ ଲୋକସଭାରେ ହଟଗୋଳ କରିଥିଲେ ବିରୋଧୀ । ଗୃହକାର୍ଯ୍ୟରେ ବାଧା ସୃ୍ଷ୍ଟି ଅଭିଯୋଗ ଆଣି ମୋଟ ୧୪ଜଣ ସାଂସଦଙ୍କୁ ନିଲମ୍ବନ କରାଯାଇଥିଲା ।

The post ସଂସଦ ଭବନ ଗାନ୍ଧୀ ମୂର୍ତ୍ତି ତଳେ ନିଲମ୍ବିତ ବିରୋଧୀ ସାଂସଦଙ୍କ ବିକ୍ଷୋଭ । ନିଲମ୍ବନ ପ୍ରତ୍ୟାହାର ସହ ସଂସଦ ସୁରକ୍ଷା ତ୍ରୁଟି ଉପରେ ଗୃହମନ୍ତ୍ରୀଙ୍କ ବିବୃତି ଦାବି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଫେବ୍ରୁଆରୀ ୧୬ ତାରିଖରୁ ଆରମ୍ଭ ହେବ ଯୁକ୍ତ ଦୁଇ ପରୀକ୍ଷା । ଉଚ୍ଚ ଶିକ୍ଷା ପାଇଁ ଛାତ୍ରଛାତ୍ରୀଙ୍କ ଜୀବନରେ ଯୁକ୍ତ ୨ ପରୀକ୍ଷା ବେଶ ଗୁରୁତ୍ୱ ରଖେ । ତେଣୁ ନିଟ୍ ଓ ଜେଇଇ ପରୀକ୍ଷାକୁ ଦୃଷ୍ଟିରେ ରଖି, ଏଥର ମାର୍ଚ୍ଚ ପରିବର୍ତେ ଆଗୁଆ ପରୀକ୍ଷା ସାରିବାକୁ ନିଷ୍ପତି ନେଇଛି ମାଧ୍ୟମିକ ଶିକ୍ଷା ପରିଷଦ ।

ଯୁକ୍ତ ୨ ପରୀକ୍ଷା ତାରିଖ ଘୋଷଣା କରାଯାଇଛି । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଏ ନେଇ ଜାରି ହୋଇଛତି ବିଜ୍ଞପ୍ତି । ଫେବୃଆରୀ ୧୬ରୁ ପରୀକ୍ଷା ଆରମ୍ଭ ହେବାକୁ ଯାଉଥିବା ବେଳେ ମାର୍ଚ୍ଚ ୨୦ ତାରିଖରେ ସରିବ ।

ପ୍ରତିଦିନ ଗୋଟିଏ ସିଟିଂ ପରୀକ୍ଷା ହେବ
୧୦ଟାରୁ ଦିନ ଗୋଟାଏ ତିନି ଘଂଟା ପରୀକ୍ଷା ହେବ
ପ୍ରଥମ ଦିନ ବିଜ୍ଞାନ ଛାତ୍ରଛାତ୍ରୀ ସାହିତ୍ୟ ପରିକ୍ଷା ଦେବେ
ପରଦିନ କଳା ଓ ବାଣିଜ୍ୟ ବିଭାଗ ଛାତ୍ରଛାତ୍ରୀ ଦେବେ ସାହିତ୍ୟ ପରୀକ୍ଷା
ଜାନୁଆରୀ ୨ରୁ ୧୨ ପ୍ରାକ୍ଟିକାଲ ପରୀକ୍ଷା
୩ଲକ୍ଷ ୮୪ ହଜାର ୫୯୭ ପିଲା ଦେବେ ପରୀକ୍ଷା
ପୂର୍ବବର୍ଷ ଅପେକ୍ଷା ୨୬ହଜାର ୬୫୫ ଅଧିକ ପିଲା ପରୀକ୍ଷା ଦେବେ
୬ରୁ ୭ ଅଧିକ ପରୀକ୍ଷା ସେଂଟର ହୋଇପାରେ
କପି ରୋକିବାକୁ ସ୍ୱତନ୍ତ୍ର ବ୍ୟବସ୍ଥା
ପରୀକ୍ଷାର ହେବ ଲାଇଭ୍ ଷ୍ଟ୍ରିମିଂ

ପରୀକ୍ଷା ପୂର୍ବରୁ ପ୍ରଶ୍ନପତ୍ର ଲିକ୍ ଓ ପରୀକ୍ଷାରେ କପି ନେଇ ବାରମ୍ବାର ଅଭିଯୋଗ ଆସିଥାଏ । ଏସବୁ ରୋକିବା ପାଇଁ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।

ସ୍କ୍ୱାଡିଂ ସିଷ୍ଟମକୁ ଅଧିକ ମଜଭୁତ୍ କରାଯିବ
ପ୍ରତି ସେଣ୍ଟରରେ ସିସିଟିଭି କ୍ୟାମେରା ବାଧ୍ୟତାମୂଳକ
ସମ୍ବେଦନଶୀଳ ପରୀକ୍ଷା କେନ୍ଦ୍ରର ହେବ ଲାଇଭ୍ ଷ୍ଟ୍ରିମିଂ
୨୦୨୦ରେ ପଞ୍ଜୀକୃତ ଛାତ୍ରଛାତ୍ରୀ ପୁରୁଣା ସିଲାବସ୍ ଅନୁସାରେ ଦେବେ ପରୀକ୍ଷା

ପୂର୍ବ ବର୍ଷ ଗୁଡ଼ିକରେ ମାର୍ଚ୍ଚ ମାସରେ ଯୁକ୍ତ ଦୁଇ ପରୀକ୍ଷା ହୋଇଯାଏ । କିନ୍ତୁ ଏଥର ନିଟ୍ ଓ ଜେଇଇ ପରୀକ୍ଷାକୁ ଦୃଷ୍ଟିରେ ରଖି ଆଗୁଆ ପରୀକ୍ଷା କରାଇବାକୁ ନିଷ୍ପତି ନେଇଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ଏହା ଛାତ୍ରଛାତ୍ରୀଙ୍କୁ ସହାୟକ ବୋଲି ବୋଲି କୁହାଯାଇଛି ।

The post ଫେବ୍ରୁଆରି ୧୬ରୁ ଯୁକ୍ତ ଦୁଇ ପରୀକ୍ଷା: ପ୍ରଥମ ଦିନ ବିଜ୍ଞାନ, ୧୭ରେ କଳା ଓ ବାଣିଜ୍ୟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସାଧାରଣ ନିର୍ବାଚନ ତାରିଖ ଘୋଷଣା ହୋଇନାହିଁ । କିନ୍ତୁ ହାତରେ ଆଉ ଅଳ୍ପ କେଇ ମାସ ଥିବାରୁ ପ୍ରସ୍ତୁତି ଆରମ୍ଭ କରି ଦେଲାଣି ଶାସକ ବିଜୁ ଜନତା ଦଳ । ଦଳର ପରିବର୍ଦ୍ଧିତ କାର୍ଯ୍ୟକାରିଣୀରେ ନୂଆ ରଣନୀତି ତିଆରି ହୋଇଛି । ଅନେକ ଦିନ ହେଲା କେନ୍ଦ୍ରୀୟ ଅବହେଳା କଥା କହୁନଥିବା ବିଜେଡି, ଲୋକଙ୍କ ପାଖକୁ ଗଲା ବେଳେ କେନ୍ଦ୍ରରେ ବିଜେପି ସରକାରଙ୍କ ଓଡିଶାକୁ ଅବହେଳା କଥା ଉଠାଇବ । ରାଜ୍ୟରେ ବିରୋଧୀ କେମିତି ସରକାରଙ୍କ ବିରୋଧରେ ମିଛ ପ୍ରଚାର କରୁଛନ୍ତି, ତାର ମୁଖା ଖୋଲିଦେବ । ଆଉ ମଧ୍ୟମ ସାଜିବ ସାମାଜିକ ଗଣମାଧ୍ୟମ । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ପଷ୍ଟ କରି ଦେଇଛନ୍ତି, ମହିଳା ଓ ଯୁବ ଭୋଟରଙ୍କୁ ପ୍ରଥମିକତା ଦେବ ଦଳ ।

୨୦୨୪ ନିର୍ବାଚନରେ କଣ ରହିବ ଦଳର ରଣନୀତି? କେଉଁ ପ୍ରସଙ୍ଗକୁ ନିର୍ବାଚନୀ ପ୍ରସଙ୍ଗ କରିବ ଦଳ? ଆଜି ବସିଥିବା ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଏଥିପାଇଁ ରଣନୀତି କରିଛି ବିଜେଡି ।

ଆଗାମି ନିର୍ବାଚନୀ ବିଗୁଲ ବଜାଇଛି ବିଜୁ ଜନତା ଦଳ । ବସିଥିବା ପରିବର୍ଦ୍ଧିତ କାର୍ଯ୍ୟକାରିଣୀରେ ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ନିର୍ବାଚନ ପାଇଁ ରଣନୀତି ପ୍ରସ୍ତୁତ ହୋଇଛି । ଏହି ବୈଠକରେ ସାମିଲ ହୋଇ ଦଳୀୟ ନେତା ଓ କର୍ମୀଙ୍କ ମନୋବଳ ବଢ଼ାଇବାକୁ ନବୀନ କହିଛନ୍ତି, ନିର୍ବାଚନ ପୂର୍ବରୁ ଘରେ ଘରେ ବିକାଶର ବର୍ତ୍ତାକୁ ପହଁଚାଅ । ବିରୋଧୀଙ୍କ ପାଖରେ ଇସ୍ୟୁ ନଥିବାରୁ ସେମାନେ ଅପପ୍ରଚାର କରୁଛନ୍ତି । ସୋସିଆଲ ମିଡିଆରେ ବିରୋଧୀଙ୍କ ଅପପ୍ରଚାରର କଡା ଜବାବ ଦିଅ ।

ବେଶ୍ କିଛି ଦିନ ହେବ କେନ୍ଦ୍ର ବିରୋଧରେ ସ୍ୱରକୁ ନରମ କରିଥିବା ବିଜେଡି ପୁଣି ରଣନୀତି ବଦଳାଇଛି । ଆଗକୁ ଆସୁଥିବା ନିର୍ବାଚନକୁ ଦୃଷ୍ଟିରେ ରଖି ବିଜେଡି କେନ୍ଦ୍ର ଅବହେଳାକୁ ପ୍ରସଙ୍ଗ କରିବାକୁ ନିଷ୍ପତି ନେଇଛି । ବସିଥିବା କାର୍ଯ୍ୟକାରିଣୀ ବୈଠକର ନିଷ୍ପତିି ଅନୁସାରେ,
କେନ୍ଦ୍ରୀୟ ଅବହେଳା ପ୍ରସଙ୍ଗ
– ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା
– ମହାନଦୀ, ପୋଲାଭରମ ଭଳି ପୁରୁଣା ପ୍ରସଙ୍ଗକୁ ଉଠାଇବ ବିଜେଡି
– କୋଇଲା ରୟାଲଟି, ସେସ୍ ପ୍ରଦାନ, ଖାଉଟି ଦର ବୃଦ୍ଧି
– କେନ୍ଦୁପତ୍ର ଉପରେ ଜିଏସଟି ଛାଡକୁ ନିର୍ବାଚନୀ ପ୍ରସଙ୍ଗ କରିବ ବିଜେଡି

ଜାନୁଆରୀ ୨୩ ନେତାଜୀ ଜୟନ୍ତୀଠାରୁ, ମାର୍ଚ୍ଚ ୫ ତାରିଖ ବିଜୁ ଜୟନ୍ତୀ ପର୍ଯ୍ୟନ୍ତ ରାଜ୍ୟ ସରକାରଙ୍କ ସଫଳତା ଲୋକଙ୍କ ପାଖରେ ପହଁଚାଇବେ ଦଳୀୟ ନେତା ଓ କର୍ମୀ । ତେବେ ୨୦୨୪ ପାଇଁ ବିଜେଡି ରଣନୀତିକୁ ନେଇ ପ୍ରତିିକ୍ରିୟା ରଖିଛନ୍ତି ବିଜେପି ଓ କଂଗ୍ରେସ ।

ଏହି ବୈଠକରେ ୨୭ଟି ପ୍ରସ୍ତାବ ପାରିତ ହୋଇଛି । ଏଥିସହ ଆମ ଓଡିଶା ନବୀନ ଓଡିଶା କାର୍ଯ୍ୟକମର ସଫଳ କାର୍ଯ୍ୟକାରିତା ପାଇଁ ସଂକଳ୍ପବଦ୍ଧ ହୋଇ କାମ କରିବାକୁ ନିଷ୍ପତି ପାରିତ ହୋଇଛି ।

The post ନିର୍ବାଚନ ପାଇଁ ବିଗୁଲ ବଜାଇଲା ବିଜେଡି: ୨୦୨୪ ପାଇଁ ପ୍ରସ୍ତୁତ କଲା ନୀଳନକ୍ସା first appeared on Kanak News.

from Kanak News
via <a href="https://ifttt.com/?