କନକ ବ୍ୟୁରୋ: ବିଜେଡି କାର୍ଯ୍ୟକାରିଣୀରୁ ଆସିଛି ବଡ ବାର୍ତା । ଚାରିକିରୁ ଅବସର ଓ ବିଜେଡିରେ ଯୋଗଦାନ ପରେ ପାଣ୍ଡିଆନଙ୍କୁ ନେଇ ଯେଉଁ କଳ୍ପନା ଜଳ୍ପନା କରାଯାଉଥିଲା, ସେଥିରେ ପୂର୍ଣ୍ଣଛେଦ ପଡିଛି । ୨୦୨୪ ସାରଧାରଣ ନିର୍ବାଚନରେ ଲଢିବେ ନାହିଁ ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନ୍ । ବରଂ ସବୁ ନିର୍ବାଚବନ ମଣ୍ଡଳିରେ ବିଜେଡି କିଭଳି ଭଲ ପ୍ରଦର୍ଶନ କରିବ, ସେଥିପାଇଁ ରଣନୀତି ପ୍ରସ୍ତୁତ କରିବେ । ଛାଇ ଭଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପଛରେ ଛିଡା ହେବେ ।

ଅକ୍ଟୋବର ୨୩ ତାରିଖରେ ଆଇଏଏସ୍ ଚାକିରିରୁ ଭିଆର୍ଏସ୍ ନେଇଥିଲେ ଭି.କେ ପାଣ୍ଡିଆନ୍ । ନଭେମ୍ବର ୨୭ ତାରିଖ କାର୍ତିକ ପୂର୍ଣ୍ଣିମା ଦିନ ବିଧିବଦ୍ଧ ଭାବେ ସେ ବିଜେଡିରେ ଯୋଗ ଦେଇଥିଲେ । ଏହାପରେ ନବୀନ ନିବାସରେ ତାଙ୍କୁ ଭେଟୁଥିଲେ ଦଳୀୟ କର୍ମକର୍ତା । ଆଉ ଏତିକି ବେଳେ ପାଣ୍ଡିଆନ୍ ୨୦୨୪ ନିର୍ବାଚନ ଲଢ଼ିବା ନେଇ ଜୋର ଧରିଲା ଚର୍ଚ୍ଚା । ଏପରିକି କେଉଁ ନିର୍ବାଚନମଣ୍ଡଳୀରେ ନିର୍ବାଚନ ଲଢ଼ିବେ, ସେ ନେଇ ମଧ୍ୟ କଳ୍ପନା ଜଳ୍ପନା ପ୍ରକାଶ ପାଉଥିଲା । ଚର୍ଚ୍ଚା ବଢୁଥିବା ବେଳେ ଆଜି ଏଥିରେ ପଡିଛି ପୂର୍ଣ୍ଣଚ୍ଛେଦ ।

ଆଜି ଥିଲା ବିଜେଡିର ପରିବର୍ଦ୍ଧିତ କାର୍ଯ୍ୟକାରିଣୀ । ଦଳୀୟ ବୈଠକରେ ପ୍ରଥମ ଥର ପାଇଁ ସାମିଲ ହୋଇଥିଲେ ପାଣ୍ଡିଆନ୍ । ଏହି ବୈଠକ ଉପରେ ସମସ୍ତଙ୍କ ନଜର ରହିଥିଲା । ଦଳରେ ପାଣ୍ଡିଆନ୍ଙ୍କ ଭୂମିକା କ’ଣ ହେବ, ସେ ନେଇ ସ୍ପଷ୍ଟ ବାର୍ତା ଆସିବ ବୋଲି ଅନୁମାନ କରାଯାଉଥିଲା ।

ଆସନ୍ତା ନିର୍ବାଚନ ଲଢ଼ିବେ ବୋଲି କିଛି ଦିନ ହେଲା ଯେଉଁ ଚର୍ଚ୍ଚା ହେଉଥିଲା, ସେହି ଚର୍ଚ୍ଚା ଉପରେ ନିଜେ ପୂର୍ଣ୍ଣଚ୍ଛେଦ ଟାଣିଛନ୍ତି ପାଣ୍ଡିଆନ୍ । ବୈଠକରେ ଦଳୀୟ କର୍ମକର୍ତାଙ୍କୁ ଉଦବୋଧନ ଦେଇ ପାଣ୍ଡିଆନ୍ କହିଛନ୍ତି କ’ଣ କହିଲେ ପାଣ୍ଡିଆନ୍..

କ୍ଷମତା ପାଇଁ ନୁହେଁ ଜନସେବା ପାଇଁ ଚାକରି ଛାଡ଼ିଛନ୍ତି
ସେ ନିର୍ବାଚନ ଲଢ଼ିବେ ନାହିଁ
ସକ୍ରିୟ ସଦସ୍ୟ ଭାବେ ଦଳକୁ ମଜଭୁତ କରିବା ପାଇଁ କାମ କରିବେ
ଷଷ୍ଠ ଥର ପାଇଁ ନବୀନ ପଟ୍ଟନାୟକ କିପରି ମୁଖ୍ୟମନ୍ତ୍ରୀ ହେବେ, ସେ ଦିଗରେ କାର୍ଯ୍ୟ କରିବେ
ନବୀନ ପଟ୍ଟନାୟକ ତାଙ୍କର ଗୁରୁ ବୋଲି କହିଥିଲେ ପାଣ୍ଡିଆନ୍
କାହିଁକି ନିର୍ବାଚନ ଲଢ଼ିବେ ନାହିଁ ପାଣ୍ଡିଆନ୍?
ଏହି ପ୍ରଶ୍ନ ଏବେ ରାଜନୈତିକ ମହଲରେ ଅଧିକ ଚର୍ଚ୍ଚା ହେଉଛି । ତେବେ ସମୀକ୍ଷକଙ୍କ ମତରେ ପାଣ୍ଡିଆନ୍ ନିର୍ବାଚନ ନଲଢ଼ିଲେ
ସଂପୂର୍ଣ୍ଣ ଓଡ଼ିଶା ଉପରେ ପାଣ୍ଡିଆନଙ୍କ ଫୋକସ ରହିବ
ତାଙ୍କୁ କେନ୍ଦ୍ର କରି ଆଉ ପ୍ରସଙ୍ଗ କରିପାରିବେନି ବିରୋଧୀ
୨୦୨୪ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିପାରିବେ
୨୦୨୪ ନିର୍ବାଚନ ଜିତିବା ପାଇଁ ବିଜେଡି କାର୍ଯ୍ୟକାରିଣୀରେ ପ୍ରସ୍ତୁତ କରାଯାଇଥିଲା ବ୍ଲ-ପ୍ରିଂଟ ।

The post ଚର୍ଚ୍ଚା ଉପରେ ପଡ଼ିଲା ପୂର୍ଣ୍ଣଚ୍ଛେଦ: ପାଣ୍ଡିଆନ୍ ଲଢ଼ିବେନି ନିର୍ବାଚନ, ବିଜେଡି କାର୍ଯ୍ୟକାରିଣୀରେ କରିଲେ ସ୍ପଷ୍ଟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)ର ନୂଆ ସିଜିନରେ ମୁମ୍ବାଇ ଇଣ୍ଡିଆନ୍ସ ଜଣେ ନୂଆ ଅଧିନାୟକଙ୍କ ସହ ଖେଳିବାକୁ ଯାଉଛି। ସେ ହେଉଛନ୍ତି ନିର୍ଭରଯୋଗ୍ୟ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ।

ମୁମ୍ବାଇ ଇଣ୍ଡିଆନ୍ସ ଶୁକ୍ରବାର ଏ ସଂପର୍କରେ ଘୋଷଣା କରିବା ସହ ପୂର୍ବତନ ଅଧିନାୟକ ରୋହିତ ଶର୍ମାଙ୍କ ଉଲ୍ଲେଖନୀୟ ଅବଦାନ ପାଇଁ ଧନ୍ୟବାଦ ଜଣାଇଛି। ଗତ କିଛି ସିଜନରେ ଏହି ମହାନ ଅଧିନାୟକ ଚମତ୍କାର ପ୍ରଦର୍ଶନ କରି ଦଳକୁ ଚାମ୍ପିୟନ କରି ଟୁର୍ଣ୍ଣାମେଣ୍ଟର ଏକ ସଫଳ ଦଳରେ ପରିଣତ କରିବାରେ ଗୁରୁତ୍ୱପୂର୍ଣ୍ଣ ଅବଦାନ ଦେଇଥିଲେ ବୋଲି ‘ଏମଆଇ’ କହିଛି।

ହାର୍ଦ୍ଦିକ ପାଣ୍ଡ୍ୟାଙ୍କୁ ମୁମ୍ବାଇ ଇଣ୍ଡିଆନ୍ସ ଟିମ୍ ଚଳିତ ବର୍ଷ ୧୫ କୋଟି ଟଙ୍କା ଦେଇ ଗୁଜୁରାଟ ଟାଇଟାନ୍ସଠାରୁ କିଣିଥିଲା। ଗତ ଦୁଇ ସିଜନରେ ଏହି ଅଲରାଉଣ୍ଡର ଗୁଜୁରାଟ ଦଳର ନେତୃତ୍ୱ ନେଇଥିଲେ। ନିଜର ପ୍ରଥମ ସିଜନରେ ହାର୍ଦ୍ଦିକ ଅଧିନାୟକ ଭାବେ ଦଳକୁ ଆଇପିଏଲ୍ ଚାମ୍ପିୟନ କରିଥିବା ବେଳେ ଦଳ ଗତ ସିଜନରେ ଉପବିଜେତା ହୋଇଥିଲା। ଅନ୍ୟପକ୍ଷରେ ରୋହିତ ଶର୍ମା ନିଜ ଦଳ ମୁମ୍ବାଇ ଇଣ୍ଡିଆନ୍ସକୁ ୫ ଥର ଆଇପିଏଲ୍ ଚାମ୍ପିୟନ କରିଥିଲେ।

ହାର୍ଦ୍ଦିକଙ୍କୁ ଅଧିନାୟକ କରାଯିବା ପ୍ରସଙ୍ଗରେ ମୁମ୍ବାଇ ଇଣ୍ଡିଆନ୍ସର ଗ୍ଲୋବାଲ ହେଡ୍ (ପରଫର୍ମାନ୍ସ) ମାହେଲା ଜୟବର୍ଦ୍ଧନେ କହିଛନ୍ତି, ପରମ୍ପରାକୁ ବଜାୟ ରଖିବା ଏବଂ ଭବିଷ୍ୟତ ପାଇଁ ପ୍ରସ୍ତୁତ ରହିବା ହେଉଛି ଏମଆଇର ଚିନ୍ତାଧାରା ଓ ଏହା ଅନୁଯାୟୀ ଏହି ନିଷ୍ପତ୍ତି ନିଆଯାଇଛି । ସଚିନ ତେନ୍ଦୁଲକରଙ୍କଠାରୁ ଆରମ୍ଭ କରି ହରଭଜନ ସିଂହ ଏବଂ ରିକି ପଣ୍ଟିଂଙ୍କଠାରୁ ଆରମ୍ଭ କରି ରୋହିତ ଶର୍ମାଙ୍କ ପର୍ୟ୍ୟନ୍ତ ମହାନ ଖେଳାଳି ମୁମ୍ବାଇ ଇଣ୍ଡିଆନ୍ସକୁ ଏକ ସଦୃଢ ଦଳରେ ପରିଣତ କରିଛନ୍ତି ।

The post ମୁମ୍ବାଇରେ ଶେଷ ହେଲା ରୋହିତଙ୍କ ଯୁଗ: ହାର୍ଦ୍ଦିକ ପାଣ୍ଡ୍ୟା ହେବେ ମୁମ୍ବାଇ ଇଣ୍ଡିଆନ୍ସର ନୂଆ ଅଧିନାୟକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସାଧାରଣତଃ ଗୋଟେ ଥାନାରେ ନିହାତି ଭାବେ ଗୋଟେ ସୁରକ୍ଷିତ ଭ୍ୟାନର ଆବଶ୍ୟକ ରହିଛି । କିନ୍ତୁ ଗୋଟେ ଭିନ୍ନ ଦୃଶ୍ୟ ଦେଖିବାକୁ ମିଳିଛି ପୁରୀ ଜିଲ୍ଲା ଅସ୍ତରଙ୍ଗ ବ୍ଲକର । ଏହି ବ୍ଲକରେ ୨ଟି ଥାନା । ସାମୁଦ୍ରିକ ଥାନା ସହିତ ଅସ୍ତରଙ୍ଗ ଥାନା । କିନ୍ତୁ ଦୁର୍ଭାଗ୍ୟର କଥା ଏଠି ଭ୍ୟାନର ଭୂମିକା ନେଇଛି ବାଇକ । ବାଇକରେ ପୋଲିସ ଘଟଣାସ୍ଥଳକୁ ଯାତାୟାତ କରୁଛନ୍ତି ।

ତେବେ ଅସ୍ତରଙ୍ଗ ବ୍ଲକ ପୁରୀ ଜିଲ୍ଲାର ଏକ ସମ୍ବେଦନପୂର୍ଣ୍ଣ ଅଂଚଳ ହୋଇଥିବାରୁ ଏଠି ଚୋରି, ଡକାୟତି, ରାହାଜାନି, ନିଶା କାରବାର ବଢ଼ୁଛି । କିନ୍ତୁ କୌଣସି ସମୟରେ ଯଦି ପୋଲିସ ନିକଟର ହଠାତ ଖବର ପହଂଚୁଛି ତାହେଲେ ସେହି ସମୟରେ ପୋଲିସ ଭ୍ୟାନଟି କାମ କରୁନି । ଯେଉଁଥି ପାଇଁ ଅପରାଧୀମାନେ ଅପରାଧ ଘଟେଇବାରେ ସଫଳ ହେଉଛନ୍ତି ।

ଅସ୍ତରଙ୍ଗ ପୋଲିସ ଗାଡ଼ିର ଅନେକ ଅଂଶ ଭାଙ୍ଗି ରୁଜି ଯାଇଛି । ସିଟ୍ ଚିରିଯାଇଛି । ଳାଗୁଛି ଯେମିତି କବାଡ଼ି ଖାନାର ଗାଡ଼ି । ଆଉ ଏହି ଗାଡ଼ିକୁ ନେଇ ବିଭିନ୍ନ ମାମଲାର ତଦନ୍ତ କରୁଛି ପୋଲିସ । କେବେକେବେ ରାସ୍ତାରେ ଗାଡ଼ି ବନ୍ଦ ହୋଇଯାଉଛି । ଗାଡ଼ିର ଷ୍ଟିୟରିଂ ଫେଲ ହେଉଛି । ଯାହା ଫଳରେ ଦୁର୍ଘଟଣାରୁ ଅଳ୍ପକେ ବର୍ତ୍ତିଛନ୍ତି ପୋଲିସ ।

ତେବେ ଏ ଅଞ୍ଚଳର ବିଧାୟକ ନିଜେ ରାଜ୍ୟ ମନ୍ତ୍ରୀମଣ୍ଡଳର ଏହି ଗୃହ ବିଭାଗରେ ଦାୟିତ୍ୱରେ ଅଛନ୍ତି । ଆଉ ଯେତେବେଳେ ରାଜ୍ୟରେ ସଂପୂର୍ଣ୍ଣ ପୋଲିସ ବିଭାଗକୁ ଉନ୍ନତିକରଣ କରାଯାଉଛି । ଏଭଳି ସ୍ଥିତିରେ ଅସ୍ତରଙ୍ଗ ବ୍ଲକର ୨ଟି ଥାନା ଗାଡ଼ିର ଅବସ୍ଥା ବ୍ୟବସ୍ଥାକୁ ପଦାରେ ପକାଇଛି ।

The post ଥାନା ଗାଡିର ହାଲତ ଖରାପ । ଠିକ୍ ସମୟରେ କାମ କରୁନି ପୋଲିସ ଭ୍ୟାନ୍ । ବାଇକରେ ଚଳିଯାଉଛି କାମ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଡିସେମ୍ବର ମାସରେ ଧିରେ ଧିରେ ବଢୁଛି ଶୀତ । ଜଳାଶୟ ଗୁଡିକରେ ଏବେ ପାଣି ଥଣ୍ଡା । ଆଉ ଏହି ସମୟରେ ପୋଖରୀ ପାଣିରେ ପଶିବା ଭାରିକଷ୍ଟ । ହେଲେ ପରିବାର ଚଳାଇ ବା ପାଇଁ ଶୀତକୁ ବି ଖାତିର ନକରି ପୋଖରୀ ପାଣିରେ ପଶିି ମହୁନାଡ ସଂଗ୍ରହ କରୁଛନ୍ତି ଅନେକ ପରିବାର । କାରଣ ଏହି ମହୁନାଡ ବିକ୍ରିକରି ଯାହା ରୋଜଗାର ହେବ ସେଥିରେ ତେଲ ଲୁଣର ସଂସାର ଚଳିବ ।

ଗଂଜାମ ଜିଲ୍ଲା ଧରାକୋଟ ବ୍ଲକର ଜାହାଡା ହ୍ରଦରେ ଦେଖିବାକୁ ମିଳିଛି ଏହି ଦୃଶ୍ୟ । ହ୍ରଦଟି ପଦ୍ମଫୁଲରେ ପୂର୍ଣ୍ଣ ରହିଥାଏ । ପଦ୍ମଫୁଲର ଯେଉଁ ଅଂଶ ପାଣି ଭିତରେ ବୁଡି ରହିଥାଏ । ତାହାର ସେହି ମୂଳ ଭାଗକୁ ମାଟିରୁ ବାହାର କଲେ ଯେଉଁ ଚର ଅଂଶଟି ବାହାରେ ତାହା ହେଉଛି ମହୁନାଡ । ପଦ୍ମଫୁଲର ମହୁନାଡ ନାଡକୁ ସଂଗ୍ରହ କରି ଜାହାଡା,ବରଡାବିଲି,ସଦମାଇଲି,ସିଙ୍ଗିପୁର,ତାଳପାଟଣା ଓ ମଶାଣିଭାଗ ଆଦି ଗାଁର ଲୋକ ମହୁନାଡ଼ ସଂଗ୍ରହ କରୁଛନ୍ତି । ଆଉ ଏହାକୁ ଗାଁ, ଗାଁ ବୁଲି ବିକ୍ରି କରି ଗୁଜୁରାଣ ମେଂଟାଉଛନ୍ତି ।

କାମ ଧନ୍ଦା ଅଭାବ ସାଙ୍ଗକୁ ଚଳିତ ବର୍ଷ ଧରାକୋଟ ବ୍ଲକର ଅନେକ ପଂଚାୟତରେ ମରୁଡି ସ୍ଥିତି ଦେଖାଦେଇଛି । ଜାହାଡାର ଆଖପାଖ ଗାଁର ଗରିବ ଲୋକଙ୍କ ପରିବାର ପୋଷିବାର ମାଧ୍ୟମ ସାଜିଛି ଏହି ମହୁନାଡ । ମହୁନାଡକୁ ପାଣି ଭିତରୁ କାଢ଼ି ଭଲ ଭାବେ ଧୋଇ ସଫା କରିବା ପରେ ଘରକୁ ନେଇଥାନ୍ତି । ଘରେ ଏହାକୁ କାଟି ବିଡା ବାନ୍ଧି ଆଖପାଖ ଗାଁକୁ ବୁଲି ବୁଲି ଯାଇ ବିକ୍ରି କରିଥାନ୍ତି । କାଦୁଅ ପଙ୍କରେ ବୁଡି ବୁଡି ଏହା ସଂଗ୍ରହ କରିବା ସମୟରେ ଜୀବନ ପ୍ରତି ବିପଦ ଥିବା କହିଛନ୍ତି ସଂଗ୍ରହକାରୀ । ସମୟେ ସମୟେ ମହୁନାଡ ସଂଗ୍ରହ ବେଳେ ପାଣିରେ ବୁଡି ରହିବା ଫଳରେ ଶ୍ୱାସ ରୁଦ୍ଧ ମଧ୍ୟ ହୋଇ ଜୀବନ ଯାଇଥିବା ମଧ୍ୟ କହିଛନ୍ତି ଲୋକେ । ଲୋକଙ୍କ ପାଇଁ କାମ ଅଭାବ ଯୋଗୁଁ ପରିବାର ଚଳାଇବାକୁ ବାଧ୍ୟ ହୋଇ ଏହାକୁ ଏକ ରୋଜଗାର ମାଧ୍ୟମ ଧରିନେଇଛନ୍ତି ।

The post ମହୁନାଡ ବିକି ମୁଁ ପୋଷେ କୁଟୁମ୍ବ… କାମ ଅଭାବରୁ ଗାଁ ଗାଁ ବୁଲି ମହୁନାଡ଼ ବିକୁଛନ୍ତି ଲୋକେ । ଜାହାଡ଼ା ହ୍ରଦ ପାଇଁ ଚାଲୁଛି ତେଲ ଲୁଣର ସଂସାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ହଜାରେ ବର୍ଷର ପୁରୁଣା ସହର କଟକ । ୨୦୦୦ ମସିହାରେ ଏହି ସହର ଜନସଂଖ୍ୟା ପ୍ରାୟ ସାଢ଼େ ୫ଲକ୍ଷ ଥିଲା । କିନ୍ତୁ ଏବେ କଟକର ଜନସଂଖ୍ୟା ପାଖାପାଖି ୮ଲକ୍ଷରେ ପହଁଚିଲାଣି । ଏଥିସହ ପ୍ରତିଦିନ ରାଜ୍ୟ ତଥା ରାଜ୍ୟ ବାହାରୁ ସହରକୁ ହଜାର ହଜାର ଲୋକ ଆସିଥାନ୍ତି । ହେଲେ, ଯେଉଁ ଅନୁପାତରେ କଟକ ସହରର ଜନସଂଖ୍ୟା ବଢ଼ୁଛି ସେହି ଅନୁପାତରେ ବଢ଼ୁନି, ଶୌଚାଳୟ କି ସେହିଭଳି ସୁବିଧା । ଆଉ ଯେତିକି ଶୌଚାଳୟ ଅଛି ସେଗୁଡିକର ଅବସ୍ଥା ନକହିବା ଭଲ ।

କେଉଁଠି ପାଣି ଆସୁନି ତ ଆଉ କେଉଁଠି ତାଲା ପଡିଛି । ସହରର ଏଭଳି ଅବସ୍ଥା ପାଇଁ ସହରବାସୀଙ୍କ ସମେତ ବଡମେଡିକାଲ, ହାଇକୋର୍ଟ ଓ ଅନ୍ୟାନ୍ୟ କାମରେ ବାହାରୁ ଆସୁଥିବା ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଶୌଚାଳୟ ଅଭାବରୁ ବାହାରେ ଶୌଚ କରୁଥିବା ଲୋକଙ୍କ ପାଇଁ ବିପଦ ରହିଛି । ବିଭିନ୍ନ ପ୍ରକାର ରୋଗରେ ସଂକ୍ରମିତ ହେବାର ଆଶଙ୍କା ରହିଛି । ଯାହାକୁ ନେଇ ସତର୍କ କରିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ।

ଅନ୍ୟପଟେ କଟକ ସହରରେ ଶୌଚାଳୟ ସମସ୍ୟା କଥାକୁ ସ୍ୱୀକାର କରିଛନ୍ତି ମହାନଗର ନିଗମ କମିଶନର । ଏସବୁ ସମସ୍ୟାର ସମାଧାନ ନେଇ ପଦକ୍ଷେପ ନିଆଯିବା ସହ, ବଢ଼ୁଥିବା ଜନସଂଖ୍ୟାକୁ ଦୃଷ୍ଟିରେ ରଖି ସହରରେ ଆଗକୁ ୭୦ରୁ ୧୦୦ଟି ଶୌଚାଳୟ ନିର୍ମାଣ କରାଯିବ ବୋଲି କହିଛନ୍ତି କମିଶନର । ସହରରେ ଥିବା ବିଭିନ୍ନ ସମସ୍ୟା ଭିତରେ କମ୍ ସଂଖ୍ୟକ ଓ ଅବ୍ୟବସ୍ଥା ଘେରରେ ଥିବା ଶୌଚାଳୟ ସମସ୍ୟାର ସମାଧାନ କରିବାକୁ ସାଧାରଣରେ ଦାବି ହୋଇଛି ।

The post କଟକରେ ବଢ଼ୁଛି ଜନସଂଖ୍ୟା କିନ୍ତୁ ବଢ଼ୁନି ଶୌଚାଳୟ ସଂଖ୍ୟା । ଶୌଚ ପାଇଁ ସମସ୍ୟା ଭୋଗୁଛନ୍ତି ଲୋକେ । ସତର୍କ କଲେ ସ୍ୱାସ୍ଥ୍ୟ ବିଶେଷଜ୍ଞ… first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଜଳବାୟୁ ପରିବର୍ତ୍ତନର ମୁକାବିଲା ପାଇଁ ସବୁ ସ୍ତରରେ ବୃକ୍ଷରୋପଣକୁ ଗୁରୁତ୍ୱ ଦିଆଯାଉଛି । ଏଥିପାଇଁ ସରକାର ପର୍ଯ୍ୟାପ୍ତ ଅର୍ଥ ଯୋଗାଇ ଦେଉଛନ୍ତି । ମାତ୍ର ବୃକ୍ଷରୋପଣ ପରିବର୍ତ୍ତେ ସରକାରୀ କର୍ମଚାରୀ ଏହି ଟଙ୍କାକୁ ଚଳୁ କରି ନେଉଛନ୍ତି । ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ୧୭ ଶହ ଗଛ ଲଗା ଯାଇଥିବା ଏବଂ ଏହାକୁ ବାଡବନ୍ଦୀ କରାଯାଇଥିବା ଦର୍ଶାଇ ସରକାରୀ ସ୍ତରରେ ବିଲ କରାଯାଇଛି । ମାତ୍ର ପ୍ରକୃତ ସ୍ଥିତି ଯେଉଁ ଅଂଚଳରେ ବୃକ୍ଷରୋପଣ ଦର୍ଶାଯାଇଛି, ସେଠାରେ ମାତ୍ର ୩୬ଟି ଗଛ ରହିଛି । ଯାହା ରାଜନଗର ବ୍ଲକର କୋଇଲିପୁର ପଞ୍ଚାୟତର ଆଉଏକ ଦୁର୍ନୀତିକୁ ସାମ୍ନାକୁ ଆଣିଛି ।

କେନ୍ଦ୍ରାପଡା କୋଇଲିପୁରରେ ଦୁର୍ନୀତିର ପେଡି ଖୋଲୁଛି । ସରକାରୀ କ୍ୱାର୍ଟର ନକରି ଅର୍ଥ ହରିଲୁଟ କେଳେଙ୍କାରୀର ଚର୍ଚ୍ଚା ଲୋକଙ୍କ ମନରୁ ନଲିଭୁଣୁ ପୁଣି ଏକ ଦୁର୍ନୀତି ସାମ୍ନାକୁ ଆସିଛି । ପଞ୍ଚାୟତ ଇଶାଣିପଲ୍ଲାର ରାଧାକୃଷ୍ଣ ମନ୍ଦିର ଓ ଶନି ମନ୍ଦିର ଗୋଟିଏ ସ୍ଥାନରେ ରହିଛି । ଏହି ଦୁଇ ମନ୍ଦିରକୁ ଲାଗିକରି ଖେଳପଡିଆ ଦୀର୍ଘବର୍ଷ ତଳୁ ରହିଛି । ଏହାର ଚାରିପଟେ ବୃକ୍ଷରୋପଣ ପାଇଁ ମନରେଗା ଯୋଜନାରେ ୨୦୨୦-୨୧ ଆର୍ôଥକ ବର୍ଷରେ ୫ ଲକ୍ଷ ଟଙ୍କାର ଫାଇଲ ଖୋଲାଯାଇଥିଲା ।

ସରକାରୀ ରିପୋର୍ଟ ଅନୁସାରେ
– ୨୦୨୦ ସେପ୍ଟେମ୍ବର ମାସରେ ବୃକ୍ଷରୋପଣ କାର୍ଯ୍ୟ ଆରମ୍ଭ ହୋଇଥିଲା
– ବୃକ୍ଷରୋପଣ ପାଇଁ ୧୭୦୦ ଚାରା ୨୧ ହଜାର ୧୩୧ ଟଙ୍କାରେ ଆସିଥିଲା
– ବାଉଁଶ ବାଡ ବାବଦକୁ ୧ ଲକ୍ଷ ୧୬ ହଜାର ୭୫୬ ଟଙ୍କା
– ଗାଈ ଗୋବର ବାବଦକୁ ୬୭ ହଜାର ୬୮୯ ଟଙ୍କା
– ସୂଚନା ଫଳକ ବାବଦକୁ ୪ ହଜାର ଟଙ୍କା ଉଠାଯାଇଛି
– ୯୪୦ ଜଣ ଶ୍ରମିକ କାମ କରିଥିବା ଦର୍ଶାଇ ୨ ଲକ୍ଷ ୨ ହଜାର ୨୬୬ ଟଙ୍କା ଉଠାଇଯାଇଛି
-ମାତ୍ର ଗ୍ରାଉଣ୍ଡ ଜିରୋରେ ୩୬ଟି ଗଛ ରହିଛି

ଯେଉଁ ଖେଳ ପଡିଆର ଚତୁଃପାଶ୍ୱର୍ରେ ବୃକ୍ଷରୋପଣ ନାଁରେ ଲକ୍ଷାଧିକ ଟଙ୍କା ଉଠାଯାଇଛି, ଏବେ ସେହି ଖେଳ ପଡିଆ ନଣ୍ଡା ଭୁଇଁ ପାଲଟିଛି । ବୃକ୍ଷରୋପଣ ହୋଇଥିବା ସ୍ଥାନରେ ସମୁଦାୟ ୩୬ଟି ଗଛ ଥିବାବେଳେ କିପରି ୧୭୦୦ ଗଛ ପାଇଁ ବିଲ କରାଗଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଆଉ ସମସ୍ତ ସରକାରୀ ଅଧିକାରୀ ଓ ପୂର୍ବତନ ସରପଞ୍ଚ ମିଳିମିଶି ଏହି ଅର୍ଥକୁ ହଡ଼ପ କରିଥିବା ଲୋକମାନେ ଅଭିଯୋଗ କରିଛନ୍ତି । ଦୁଇମାସ ହେବ ଏହି ପଞ୍ଚାୟତରୁ ଅନେକ ଦୁର୍ନୀତି ସାମ୍ନାକୁ ଆସୁଛି । ତଥାପି ଏପର୍ଯ୍ୟନ୍ତ କାହା ବିରୋଧରେ କାର୍ଯ୍ୟାନୁଷ୍ଠାନ ନହେବା ପୂରା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି ।

The post ଗଛ ଲଗାଇବା ନାଁରେ ଗିଳିଦେଲେ ଟଙ୍କା । ୧୭୦୦ ଗଛ ଲଗାଇବାକୁ ବିଲ୍ ହୋଇଛି, ମାତ୍ର ୩୬ଟି ଗଛ ଲାଗିଛି । first appeared on Kanak News.

from Kanak News
via <a href="https://ifttt.com/?

ପାକିସ୍ତାନର ମଧ୍ୟବର୍ତ୍ତୀକାଳୀନ ପ୍ରଧାନମନ୍ତ୍ରୀ ଅନୱାରୁଲ ହକ କାକର ଧାରା 370 ଉପରେ ଭାରତୀୟ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ସମାଲୋଚନା କରିଛନ୍ତି । କାକର କାଶ୍ମୀର ବିଷୟରେ କହିଛନ୍ତି ଯେ “ପାକିସ୍ତାନକୁ  ଏହା ପାଇଁ ଯଦି ଆହୁରି ୩୦୦ ଯୁଦ୍ଧ  ଲଢିବାକୁ ପଡେ ତେବେ ଆମେ ଲଢିବୁ ।“ ସେ ଏକ ଧମକପୂର୍ଣ୍ଣ ସ୍ୱରରେ କହିଛନ୍ତି ଯେ ଏହି ପ୍ରସଙ୍ଗରେ କାହାରି ଭୁଲ ବୁଝାମଣା ରହିବ ଉଚିତ  ନୁହେଁ ଏବଂ ସେମାନେ କାଶ୍ମୀର, ଶ୍ରୀନଗର ଏବଂ ବାରାମୁଲ୍ଲା ସମ୍ବନ୍ଧରେ ସେମାନଙ୍କର(ଭାରତ) ଭ୍ରମ ଧାରଣାକୁ ଦୂର କରିବା ଉଚିତ୍ ।

ଅଧିକୃତ ଜାମ୍ମୁ କାଶ୍ମୀରରେ ବିଧାନସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ କାକର ପୁଣିଥରେ ସମାନ ଧରଣର ଭାରତ ବିରୋଧୀ କଥା କହିଛନ୍ତି ଯେ କାଶ୍ମୀର ହେଉଛି ପାକିସ୍ତାନର ବେକରେ ଥିବା ଶିରା ଏବଂ ପାକିସ୍ତାନ ଆତ୍ମନିର୍ଭରଶୀଳତା ପାଇଁ ସଂଗ୍ରାମରେ କାଶ୍ମୀରବାସୀଙ୍କୁ କୂଟନୈତିକ ଏବଂ ନୈତିକ  ସମର୍ଥନ ଜାରି ରଖିବ । ପାକିସ୍ତାନର କାର୍ଯ୍ୟକାରୀ ପ୍ରଧାନମନ୍ତ୍ରୀ କାକର ଧାରା 370 ଉଚ୍ଛେଦ ଉପରେ ଭାରତର ସର୍ବୋଚ୍ଚ ଅଦାଲତର ନିଷ୍ପତ୍ତିକୁ ରାଜନୈତିକ ଉଦ୍ଦେଶ୍ୟମୂଳକ’ ବୋଲି ବର୍ଣ୍ଣନା କରିଛନ୍ତି ।

ଭାରତୀୟ ଗଣତନ୍ତ୍ରକୁ “ଦୁନିଆର ସବୁଠୁ ବଡ କପଟୀ ” ବୋଲି କହିଛନ୍ତି

ପାକିସ୍ତାନର ମଧ୍ୟବର୍ତ୍ତୀ କାଳୀନ  ପ୍ରଧାନମନ୍ତ୍ରୀ ଅନୱାରୁଲ ହକ କାକର ଭାରତକୁ ସମାଲୋଚନା କରି ଏହାକୁ ସର୍ବ ବୃହତ ଗଣତନ୍ତ୍ର ଅପେକ୍ଷା ବିଶ୍ବର ର ସବୁଠାରୁ ବଡ କପଟୀ ଗଣତନ୍ତ୍ର ବୋଲି କହିଛନ୍ତି। ଜାତି ଭିତ୍ତିକ ସାମାଜିକ ଶାସନ, ବ୍ୟବସ୍ଥିତ ଭୟ, ସଂଖ୍ୟାଲଘୁ ସମ୍ପ୍ରଦାୟକୁ ଦମନ ନୀତି , ରାଜ୍ୟ ପ୍ରାୟୋଜିତ ହତ୍ୟା ଏବଂ ଆତଙ୍କବାଦକୁ ଲୁଚାଇବା ପାଇଁ ସେ ଭାରତକୁ ଧର୍ମନିରପେକ୍ଷତା, ଗଣତନ୍ତ୍ର ଏବଂ ବିବିଧତାର ସ୍ଲୋଗାନ ଦେଇଥିବାର ଅଭିଯୋଗ କରିଛନ୍ତି ।

ଯଦି

ଅଗଷ୍ଟ ୫, ୨୦୧୯ ରେ ଧାରା 370 ଉଚ୍ଛେଦ ନେଇ ଭାରତ ସରକାର ନେଇଥିବା ନିଷ୍ପତିକୁ ଭାରତର ସୁପ୍ରିମକୋର୍ଟ କାୟମ ରଖିବା ନେଇ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିଛନ୍ତି । ସେମାନଙ୍କ ପ୍ରତି କରାଯାଇଥିବା ଅନ୍ୟାୟର ଜବାବରେ କାକର କାଶ୍ମୀରବାସୀଙ୍କ ପ୍ରତି ପାକିସ୍ତାନର ନିରନ୍ତର ପ୍ରତିବଦ୍ଧତା ପ୍ରକାଶ କରିଛନ୍ତି। ଏଥିସହ, କିଛି ବିଜେପି ନେତାଙ୍କ ବିବୃତ୍ତିକୁ ଦର୍ଶାଇ ସେ ସ୍ପଷ୍ଟ କରିଛନ୍ତି ଯେ ଗିଲ୍ଗିଟ-ବାଲ୍ଟିସ୍ତାନ ଏବଂ କାଶ୍ମୀରର କୌଣସି  ଅଂଶ କେହି ନେଇ ପାରିବେ ନାହିଁ। ଭାରତ ପକ୍ଷରୁ ଏ ନେଇ  ବର୍ତ୍ତମାନ ସୁଦ୍ଧା କୌଣସି ସରକାରୀ ମନ୍ତବ୍ୟ ଦିଆଯାଇ ନାହିଁ।

 

The post ଆହୁରି ୩୦୦ ଯୁଦ୍ଧ ଲଢିବାକୁ ଆମେ ପ୍ରସ୍ତୁତ ଅଛୁ । କାଶ୍ମୀର ଉପରେ ପାକିସ୍ତାନ ପ୍ରଧାନମନ୍ତ୍ରୀ ଯାହା ବୟାନ ଦେଇଛନ୍ତି ତାହା କୌଣସି ଯୁଦ୍ଧ ଧମକଠାରୁ କମ୍ ନୁହେଁ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ମଣ୍ଡିରେ ଲାଗିଛି ଧାନ ବୋଝେଇ ଟ୍ରକ । ଚାଷୀର ଧାନ କିଣୁଛି ଲ୍ୟାମ୍ପ । ଧାନ ମଣ୍ଡିକୁ ଦେଖି ଲାଗୁଛି ସବୁ ଠିକ ଠାକ ଚାଲିଛି । କିନ୍ତୁ ଗୋଟିଏ ଗୋଟିଏ ଟ୍ରକରେ ଦୁଇ ତିନୋଟି ଗାଁର ଚାଷୀଙ୍କ ଟୋକନ କଟୁଛି । ପୁଣି ଧାନ ଗାଡି ସିଧା ସଳଖ ମିଲକୁ ଚାଲି ଯାଉଥିବାରୁ ଦଲାଲ ସକ୍ରିୟ ଥିବା ଆଶଙ୍କା କରାଯାଉଛି । ସମ୍ବଲପୁର ଜିଲ୍ଲା କୁଚିଣ୍ଡା ନିୟନ୍ତ୍ରିତ ବଜାର କମିଟି ପରିସରରେ ଦେଖିବାକୁ ମିଳିଛି ଏଭଳି ଦୃଶ୍ୟ । ହେଲେ, ଏଠାରେ ଚାଷୀ ଙ୍କୁ ପଚାରିଲେ ଠିକରେ କହିପାରୁନଥିବା ବେଳେ ଚାଷୀ ପୁର୍ବରୁ ତାର ଧାନକୁ ଶାଗମାଛ ଦରରେ ବିକି ମଣ୍ଡିକୁ ଖାଲି ଟୋକନ ଧରି ଆସୁଥିବା ଜଣାପଡିଛି ।

ଭାତ ହାଣ୍ଡିରୁ ଗୋଟିଏ ଚିପିଲା ଭଳିଆ ସ୍ଥିତି ପରଖିଥିବା ବେଳେ ମଣ୍ଡିରେ ଲାଗିଥିବା ଟ୍ରକରେ ମହୁଲଡିହି, କୁଣ୍ଡାପୋଷି , ସଇଡା ଆଦି ୩ ଟି ଗାଁର ୬ ଜଣ ଚାଷୀଙ୍କର ୨୮୦ ପ୍ୟାକେଟ ଧାନ ବିକ୍ରି ହୋଇଛି । ଚାଷୀମାନେ ଗୋଟିଏ ବଡ ଟ୍ରକରେ ଧାନ ଆଣି ମଣ୍ଡିରେ ବିକ୍ରି କରିବାକୁ ନେଇ ସନ୍ଦେହ ସୃଷ୍ଟି ହୋଇଛି । ତେବେ ଲ୍ୟାମ୍ପ କର୍ମଚାରୀ ଓ ଶାଖା ପରିଚାଳକ ସଫେଇ ରଖିଛନ୍ତି ।

The post ନିର୍ଦ୍ଧାରିତ ମୂଲ୍ୟରେ ଧାନ ବିକ୍ରି କରିପାରୁନି ଚାଷୀ । ଗୋଟିଏ ଗୋଟିଏ ଟ୍ରକରେ ଦୁଇ ତିନୋଟି ଗାଁର ଚାଷୀଙ୍କ ଟୋକନ କଟୁଛି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପ୍ରସୂତି ମୃତ୍ୟୁକୁ ନେଇ ଡାକ୍ତରଖାନା ପରିସରରେ ଉତେଜନା । ଶବ ରଖି ଧାରଣାରେ ବସିଲେ ପରିବାର ଲୋକେ । ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଇକଡା ଗ୍ରାମର ଝୁନି ନାୟକ ନାମକ ଜଣେ  ମହିଳାଙ୍କ ପ୍ରସବ ଯନ୍ତ୍ରଣା ହେବାରୁ ଗତକାଲି ରାତିରେ ପରିବାର ଲୋକେ ଜଳେଶ୍ୱର ଜିକେ ଭଟ୍ଟର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ଡାକ୍ତର ଦିଲ୍ଲିପ କୁମାର ପାତ୍ର ତାଙ୍କର ଚିକିତ୍ସା କରାଇ ଅସ୍ତ୍ରପଚାର କରି ପିଲା ପ୍ରସବ କରାଇଥିଲେ । ମାତ୍ର ଅସ୍ତ୍ରପଚାର କରିବା ପରେ ମହିଳାଙ୍କ ଅବସ୍ଥା ଗୁରୁତର ହୋଇ ପଡିଥିଲା । ଡାକ୍ତର ତାଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲେ । ମାତ୍ର ସେଠାରେ ତାଙ୍କର ମୃତ୍ୟୁ ହୋଇଥିଲା । ତେବେ ଡାକ୍ତରଙ୍କ ତ୍ରୁଟିପୁର୍ଣ୍ଣ ଚିକିତ୍ସା ପାଇଁ ଝୁନିଙ୍କ ମୃତ୍ୟୁ ହୋଇଥିବା ପରିବାର ଲୋକେ ଦାବି କରି ଜଳେଶ୍ୱର ଡାକ୍ତରଖାନ ପରିସରରେ ମୃତ ଝୁନିର ଶବ ରଖି ଧାରଣାରେ ବସିଥିଲେ । ଯାହାକୁ ନେଇ ଡାକ୍ତରଖାନା ପରିସରରେ  ଉତେଜନା ଦେଖା ଦେଇଥିଲା । ଘଟଣା ସ୍ଥଳରେ ଜଳେଶ୍ୱର ପୋଲି ପହଂଚି ବୁଝାସୁଝା କରିବା ପରେ ପରିସ୍ଥିତି ସ୍ୱାଭାବିକ ହୋଇଥିଲା । ଅସ୍ତ୍ରପଚାର ପାଇଁ ଡାକ୍ତର ଦିଲ୍ଲିପ ପାତ୍ର କିଛି ଅର୍ଥ ଦାବି କରିଥିଲେ ।ଏଥିରେ ପରିବାର ଲୋକେ ଅସମର୍ଥ ହେବାରୁ ଭୁଲ ଚିକିତ୍ସା କରାଇ ମାରି ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି ।

The post  ପ୍ରସୂତି ମୃତ୍ୟୁକୁ ନେଇ ଡାକ୍ତରଖାନା ପରିସରରେ ଉତେଜନା ।  ଶବ ରଖି ଧାରଣାରେ ବସିଲେ ପରିବାର ଲୋକେ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସତରେ ସମୟ କେତେବେଳେ କାହାସହ କଣ କରିଦେବ ଆପଣ କିଛି କଳନା ବି କରିପାରିବେନି । ସମୟକୁ ଆପଣ ନିଷ୍ଠୁର କହି ପାରନ୍ତି ଅବା ନିର୍ଦ୍ଦୟ । କିନ୍ତୁ ସମୟର ସବୁ ସ୍ଥିତି ସବୁ ଶାସ୍ତିକୁ ମଥା ପାତି ସହିନେବା ହିଁ ଜୀବନ । ହେଲେ ସେ ଶାସ୍ତି ଯେତେବେଳେ ଅସହ୍ୟ ହୁଏ ଜୀବନକୁ ଆଉ ଦେହ ଭିତରେ ରଖିବାକୁ ଇଚ୍ଛା ନଥାଏ । ପ୍ରତି କ୍ଷଣରେ ମରି ମରି ଜିଇଁବାକୁ ପଡେ । ଏଇ ଯେମିତି ବାଲେଶ୍ୱରର ରୋଗୀଣା ମହିଳା ଜନ ଜେନା । ବୟସ ୫୦ ହେଲେ କ୍ୟାନସର ତାଙ୍କୁ ଶୁଆଇ ଦେଇଛି ବୟସର ଶେଷ ବିଛଣାରେ…

ଏଇ ଘରେ ଦିନେ ତାଙ୍କ ସୁଖର ସଂସାର ଚାଲିଥିଲା । ଘର ଅଗଣାରେ ଖୁସିମାନେ ଖେଳୁଥିଲେ । ସ୍ୱାମୀ, ପୁଅ, ଝିଅକୁ ନେଇ ହସଖୁସିରେ ତାଙ୍କ ପରିବାର ଚାଲିଥିଲା । ହେଲେ ସବୁ ସମୟ ସମୟର ଖେଳ, ନିଷ୍ଠୁର ବିଧାତା ୧୧ ବର୍ଷ ତଳୁ ତାଙ୍କ ସ୍ୱାମୀଙ୍କୁ ଛଡାଇ ନେବା ପରେ ସବୁ କିଛି ଓଲଟପାଲଟ ହୋଇଗଲା । କାମ ଦାମ କରି ପେଟ ପୋଷୁଥିବା ଜନ- ଧିରେ ଧିରେ ରୋଗାଗ୍ରସ୍ତ ହେଲେ । ସ୍ଥିତି ଏମିତି ହେଲା ତାଙ୍କୁ ବ୍ରେନ୍ ଟ୍ୟୁମର ହୋଇଥିବା ଜଣାପଡିଲା । ମାତ୍ର ଅର୍ଥାଭାବରୁ ଚିକିତ୍ସାରେ ଅବହେଳା ହେଲା । ଯାହାର ପରିଣାମ ଜନଙ୍କୁ କ୍ୟାନସର ମାଡିବସିଲା । ଆଉ ସେ ଦୃଷ୍ଟି ଶକ୍ତି ହରାଇ ବସିଲେ ।

ଦୁନିଆଟା ନଦିଶିଲେ ବି ଯଦି ଯତ୍ନ ନେବାକୁ କେହି ଥାଏ ତାହାଲେ ସେ ଅନ୍ଧାରୀ ଜୀବନ ବି ଅଧା ଆଲୁଅର ଆଶା ଭଳି ଅନୁଭବ ହେବ କିନ୍ତୁ ହାଏ, ଜନଙ୍କ ଭାଗ୍ୟରେ ସେତକ ବି ନାହିଁ । ଝିଅ ବାହାଘର ପରେ ଶାଶୁଘରେ, ଆଉ ଏପଟେ ପୁଅର ଦେଖା ଦର୍ଶନ ନାହିଁ । ଏ କାନ୍ଥରେ ଲେଖା ହୋଇଥିବା କଥା ପରି ପୁଅ ବାହାଘର ପରେ ମାଆକୁ ଛାଡି ସତରେ କୁଆଡେ ଉଡିଯାଇଛି । ତେଣୁ ସାହା କି ଆହା କହିବାକୁ କେହି ନାହିଁ । ଜନଙ୍କ ଏ ଅବସ୍ଥା ଦେଖି ପାଖ ପଡିଶା ତାଙ୍କୁ ଖାଇବାକୁ ଦେଉଛନ୍ତି, ମାନବିକତା ଦୃଷ୍ଟିକୋଣରୁ ତାଙ୍କ ସେବା ଯତ୍ନ କରୁଛନ୍ତି…

କିନ୍ତୁ ବିଡମ୍ବନାର ବିଷୟ ଯେଉଁ ଭତ୍ତାଟଙ୍କାରେ ତାଙ୍କ ତକ ଜୀବନ ଚଳିଯାଉଥିଲା ତାହା ଏବେ ଆସିବା ବନ୍ଦ ହୋଇ ଯାଇଛି । ଭତ୍ତା କାହିଁକି ଆସୁନି, କାହାକୁ ଜଣା ନାହିଁ , ଜାଣିବାକୁ ବି କେହି ନାହିଁ । ଏପରି ସ୍ଥଳରେ ବିଦ୍ୟୁତ ବିଲ୍ ଦେଇ ପାରିନଥିବାରୁ ବର୍ଷେ ହେବ ଲାଇନ୍ କାଟି ଦିଆହେଇଛି । ଯାହା ଫଳରେ ୨ ବର୍ଷ ହେବ ବିଛଣାରେ ପଡି ଅନ୍ଧାରୀ ଜୀବନ କାଟୁଥିବା ଜନଙ୍କ ଘରେ ଏବେ ଘନ ଅନ୍ଧାର । ଅସହାୟ ମହିଳା ଜନଙ୍କ ଉପରେ ଜନପ୍ରତିନିଧିଙ୍କ ନଜର ପଡୁ, ଜନଙ୍କୁ ସରକାରୀ ଯୋଜନାର ସୁବିଧା ଦିଆଯାଉ । କାରଣ ଏ ସମାଜରେ ସମସ୍ତଙ୍କର ବଞ୍ଚିବାର ଅଧିକାର ଅଛି । ଆଉ ସେଥିପାଇଁ ବିଧି ବ୍ୟବସ୍ଥା କରାଯାଇଛି…

The post ସ୍ୱାମୀ ଚାଲିଗଲେ, ପୁଅ ଭୁଲିଗଲା । ବ୍ରେନ ଟ୍ୟୁମରୁ କ୍ୟାନସର, ଏବେ ଆଖିକୁ ଦିଶୁନି । ବିଜୁଳି ନାହିଁ, ଭତ୍ତା ଆସୁନି- ଅସହାୟ ମହିଳାଙ୍କ ଉପରେ କାହା ନଜର ପଡୁନି… first appeared on Kanak News.

from Kanak News
via <a href="https://ifttt.com/?