କନକ ବ୍ୟୁରୋ : ରାଜସ୍ଥାନର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଭଜନଲାଲ ଶର୍ମା । ପଦ ଓ ଗୋପନୀୟତାର ଶପଥପାଠ କରାଇଛନ୍ତି ରାଜ୍ୟପାଳ କଳରାଜ ମିଶ୍ର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ରାଜସ୍ଥାନର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି ଭଜନଲାଲ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ-ମୁଖ୍ୟମନ୍ତ୍ରୀ ଦୀୟା କୁମାରୀ ଓ ପ୍ରେମଚାନ୍ଦ ବୈରୱା ମଧ୍ୟ ଶପଥଗ୍ରହଣ କରିଛନ୍ତି ।

#WATCH | BJP leader Bhajanlal Sharma takes oath as the Chief Minister of Rajasthan, in the presence of PM Modi and Union Home Minister Amit Shah and other senior leaders, in Jaipur pic.twitter.com/XikKYL7T3w

— ANI (@ANI) December 15, 2023

https://platform.twitter.com/widgets.jsପ୍ରଧାନମନ୍ତ୍ରୀଙ୍କ ମୋଦିଙ୍କ ସମେତ ବିଜେପିର ବରିଷ୍ଠ ନେତା ମଧ୍ୟ ଶପଥଗ୍ରହଣ ଉତ୍ସବରେ ସାମିଲ ହୋଇଛନ୍ତି । ଗୃହମନ୍ତ୍ରୀ ଅମିତ ଶାହ, ବିଜେପି ସଭାପତି ଜେ.ପି ନଡ୍ଡା, ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ଓ ଅନେକ କେନ୍ଦ୍ରମନ୍ତ୍ରୀ ମଧ୍ୟ ଏହି ଶପଥଗ୍ରହଣ ଉତ୍ସବରେ ସାମିଲ ହୋଇଛନ୍ତି । ସବୁଠୁ ବଡ କଥା ହେଲା, ଆଜି ଭଜନଲାଲଙ୍କର ଜନ୍ମଦିନ । ନିଜ ଜନ୍ମଦିନରେ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଭଜନଲାଲ । ରାଜସ୍ଥାନରେ ଭଜନଲାଲଙ୍କୁ ମୁଖ୍ୟମନ୍ତ୍ରୀ କରିବା ସମସ୍ତଙ୍କୁ ଚକତି କରିଥିଲା । କାରଣ ରେସରେ ବସୁନ୍ଧରା ରାଜେ ଥିଲେ ମଧ୍ୟ ତାଙ୍କୁ ପଛରେ ପକାଇ ପ୍ରଥମଥର ବିଧାୟକ ହୋଇଥିବା ଭଜନଲାଲଙ୍କ ଉପରେ ଭରସା କରିଥିଲେ ବିଜେପିର ଶୀର୍ଷ ନେତୃତ୍ୱ ।

The post ଆଜିଠୁ ରାଜସ୍ଥାନରେ ଭଜନଲାଲ ସରକାର । ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଭଜନଲାଲ, ଶପଥଗ୍ରହଣ ଉତ୍ସବରେ ସାମିଲ ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସୁସ୍ଥ ହେଉଛି ବୋରୱେଲ ଭିତରୁ ଉଦ୍ଧାର ହେଉଥିବା ଶିଶୁ । ଏବେ ଧୀରେ ଧୀରେ ସୁସ୍ଥ ହେଉଛି କୁନି । ଆଜି ପ୍ରଥମ ଥର ପାଇଁ ଶିଶୁକୁ ଦିଆଯାଇଛି କ୍ଷୀର । ଏବେ ସଂକ୍ରମଣ ମଧ୍ୟ କମିବା ଆରମ୍ଭ କରିଛି । ଭୀମସାର ଅଧୀକ୍ଷକ ଏହି ସୂଚନା ଦେଇଛନ୍ତି ।

ଗତକାଲି ଶିଶୁ କନ୍ୟାର ଆଭ୍ୟନ୍ତରୀଣ ରକ୍ତସ୍ରାବ ହେଉଥିବା ସୂଚନା ରହିଥିଲା । ବିଭିନ୍ନ ସ୍ଥାନରେ ଘା’ ଯୋଗୁଁ ସଂକ୍ରମଣ ବଢ଼ିଥିବା କହିଥିଲେ ଡାକ୍ତର । କିନ୍ତୁ ଆଜି ଶିଶୁଟି ସୁସ୍ଥ ହେଉଥିବା ଖବର ସମସ୍ତଙ୍କୁ ଆଶ୍ୱସ୍ତି ଦେଇଛି । ତିନି ଦିନ ତଳେ ୨୦ ଫୁଟ୍ ବୋରୱେଲ ଭିତରକୁ ଖସିପଡ଼ିଥିଲା ନବଜାତ ଶିଶୁ । କିଏ ଓ କାହିଁକି ପିଲାଟିକୁ ପକାଇଥିବା ତାର କାରଣ ଜଣାପଡ଼ିନଥିବା ବେଳେ ଏହାର ତଦନ୍ତ କରୁଛି ପୋଲିସ ।

The post ସୁସ୍ଥ ହେଉଛି ବୋରୱେଲରୁ ଉଦ୍ଧାର ହେଉଥିବା ଶିଶୁ । ଆଜି ପ୍ରଥମ ଥର ପାଇଁ ଦିଆଗଲା କ୍ଷୀର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସଂସଦରୁ ନୀଲମ୍ବିତ ସାଂସଦଙ୍କ ପ୍ରତିବାଦ । ସଂସଦ ପରିସର ଭିତରେ ଥିବା ଗାନ୍ଧୀ ମୂର୍ତି ତଳେ ହାତରେ ପ୍ଲା-କାର୍ଡ ଧରି ପ୍ରତିବାଦ କରିଛନ୍ତି ନୀଲମ୍ବିତ ସାଂସଦ । ଗତକାଲି ୧୩ଜଣ ଲୋକସଭା ସାଂସଦ ଓ ଜଣେ ରାଜ୍ୟସଭା ସାଂସଦଙ୍କୁ ଅବଶିଷ୍ଟ ଶୀତ ଅଧିବେଶନରୁ ନୀଲମ୍ବିତ କରାଯାଇଥିଲା ।

ସୁରକ୍ଷାରେ ତ୍ରୁଟିକୁ ନେଇ ଗୃହରେ ହଙ୍ଗାମା କରୁଥିବାରୁ ଏହି ସମସ୍ତ ସାଂସଦଙ୍କୁ ସସପେଣ୍ଡ କରାଯାଇଛି । ତେବେ ଗତକାଲି ସସପେଣ୍ଡ ହେବା ପରେ ଆଜି ସେମାନେ ଗାନ୍ଧୀ ମୂର୍ତି ତଳେ ପ୍ରତିବାଦ କରିଛନ୍ତି । କଥା କହିବା ପାଇଁ ନୀଲମ୍ବିତ ହୋଇଥିବା ପ୍ଲାକାର୍ଡରେ ଉଲ୍ଲେଖ କରିଛନ୍ତି ନୀଲମ୍ବିତ ସାଂସଦମାନେ ।

The post ସଂସଦରୁ ନିଲମ୍ବିତ ସାଂସଦଙ୍କ ପ୍ରତିବାଦ । ବିରୋଧୀଙ୍କ ସହ ମିଶି ଗାନ୍ଧୀ ମୂର୍ତୀ ତଳେ ବିକ୍ଷୋବ ପ୍ରଦର୍ଶନ first appeared on Kanak News.

from Kanak News
via <a href="https://ifttt.com/?

ଏକଦା PML-N ଏବଂ PPP ଏକତ୍ର ସରକାର ଚଳାଉଥିଲେ, କିନ୍ତୁ ଏଥର ସାଧାରଣ ନିର୍ବାଚନ ପୂର୍ବରୁ ପାକିସ୍ତାନର ରାଜନୀତିରେ ପରିବର୍ତ୍ତନ ଆସିଛି । ପିପିପି ବିଲାୱାଲ ଭୁଟ୍ଟୋଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଘୋଷଣା କରିଛି । ଏହାଦ୍ୱାରା ନିର୍ବାଚନ ପ୍ରତିଯୋଗିତା ଅତ୍ୟନ୍ତ ରୋଚକ ହେବାକୁ ଯାଉଛି ।  ପ୍ରଧାନମନ୍ତ୍ରୀ ପଦ ପାଇଁ ନୱାଜ ସରିଫ ମଧ୍ୟ ନିଜର ଅଭିଯାନକୁ ଜୋର କରିଛନ୍ତି ।

ପାକିସ୍ତାନର ରାଜନୈତିକ ପିଚରେ ଇମ୍ରାନ ଖାନଙ୍କ ୱିକେଟ୍ ଖସିଯିବା ପରେ ବର୍ତ୍ତମାନ ଫିଲ୍ଡିଂରେ ପରିବର୍ତ୍ତନ ହେଇଛି ।  ଏବେ ବିଲାୱାଲ ଭୁଟ୍ଟୋ ‘କ୍ୟାପଟେନ’ ହେବାର ସ୍ୱପ୍ନ ଦେଖୁଛନ୍ତି । ପାକିସ୍ତାନ ପିପୁଲ୍ସ ପାର୍ଟି ପ୍ରଧାନମନ୍ତ୍ରୀ ପ୍ରାର୍ଥୀ ଭାବରେ ବିଲାୱାଲ ଭୁଟ୍ଟୋ ଏବଂ ରାଷ୍ଟ୍ରପତି ପାଇଁ ତାଙ୍କ ପିତା ଆସିଫ ଅଲି ଜରଦାରୀଙ୍କ ନାମ ଘୋଷଣା କରିଛନ୍ତି । ଫେବୃଆରୀ ୮ ରେ ପାକିସ୍ତାନରେ ସାଧାରଣ ନିର୍ବାଚନ ଅନୁଷ୍ଠିତ ହେବ। ପିପିପିର ଏହି ଘୋଷଣା ପୂର୍ବରୁ ପାକିସ୍ତାନ ମୁସଲିମ ଲିଗ୍-ନୱାଜ (ପିଏମଏଲ-ଏନ) ପ୍ରଧାନମନ୍ତ୍ରୀ ପଦ ପାଇଁ ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ନାମ ଘୋଷଣା କରିଥିଲା ।  ଏହିପରି ଦେଖିଲେ ପାକିସ୍ତାନର ରାଜନୈତିକ ଚିତ୍ର ମାତ୍ର ଗୋଟିଏ ବର୍ଷ ମଧ୍ୟରେ ରୋଚକର ସ୍ଥିତିକୁ ଆସିଯାଇଛି । ବିଲାୱାଲ ୨୦୨୨ ମସିହାରେ ଲଣ୍ଡନ ଯାଇ ନୱାଜଙ୍କୁ ନିଜର ସହଯୋଗ ପ୍ରଦର୍ଶନ କରିଥିଲେ, ସେ ନୂତନ ସରକାରରେ ବୈଦେଶିକ ମନ୍ତ୍ରୀ ଥିଲେ । ବର୍ତ୍ତମାନ ନୱାଜ ପାକିସ୍ତାନକୁ ଫେରିବା ପରେ ବିଲାୱାଲ ବନାମ ନୱାଜ ସରିଫ ପ୍ରତିଯୋଗିତାର ସ୍କ୍ରିପ୍ଟ ପ୍ରସ୍ତୁତ ହୋଇଛି । ୬୮ ବର୍ଷୀୟ ଜରଦାରୀ ମଧ୍ୟ ୨୦୦୮ ରେ ପାକିସ୍ତାନର ରାଷ୍ଟ୍ରପତି ହୋଇଥିଲେ। ବିଲାୱାଲ (୩୫) ଙ୍କ ବିଷୟରେ କହିବାକୁ ଗଲେ ସେ ଏପ୍ରିଲ ୨୦୨୨ ରୁ ଅଗଷ୍ଟ ୨୦୨୩ ପର୍ଯ୍ୟନ୍ତ ପାକିସ୍ତାନର ବୈଦେଶିକ ମନ୍ତ୍ରୀ ରହିଛନ୍ତି ।

ଏବେ ପ୍ରଶ୍ନ ହେଉଛି କିଏ ପରବର୍ତ୍ତୀ ପ୍ରଧାନମନ୍ତ୍ରୀ ହେବେ ?

ସେନା କାହାକୁ ସାପୋର୍ଟ କରିବ ଦେଖିବାର ବାକି ରହିଲା କାରଣ ପାକିସ୍ତାନ ଇତିହାସରେ କେବଳ ସେନା ଯାହା ଚାହୁଁଛି ତାହା ହିଁ ଘଟିବ। ନୱାଜ ସରିଫଙ୍କ ବର୍ତ୍ତମାନ କଣ କରିବେ ? ନୱାଜ ସରିଫ ଏବଂ ତାଙ୍କ ଝିଅ ମରିୟମଙ୍କ ସମାବେଶରେ ଏକତ୍ରିତ ହୋଇଥିବା ଜନତାଙ୍କ ବିଷୟରେ ଉଲ୍ଲେଖ କରି ପିପିପି ନେତା ଫୈସଲ କୁଣ୍ଡି କହିଛନ୍ତି ଯେ ବିଲାୱାଲଙ୍କ ଲୋକପ୍ରିୟତା ଅଧିକ । ଘରକୁ ଫେରିବା ପରେ ନୱାଜ ଦୁର୍ନୀତି ଅଭିଯୋଗରେ ନିର୍ଦ୍ଦୋଷରେ ଖଲାସ ହୋଇଛନ୍ତି । ପିପିପି ଆକ୍ରମଣ କରି କହିଛି ଯେ ରାଜନୈତିକ ଇଞ୍ଜିନିୟରିଂ ପାଇଁ ନାବ (ନ୍ୟାସନାଲ ଆକାଉଣ୍ଟାବିଲିଟି ବ୍ୟୁରୋ) ବ୍ୟବହାର କରାଯାଉଛି । କୁଣ୍ଡି କହିଛନ୍ତି ଯେ ଏହା ଉପରେ ପରିସ୍ଥିତି ସ୍ପଷ୍ଟ ହେବା ଉଚିତ ଯେ ଉକ୍ତ ଏଜେନ୍ସି ପୂର୍ବରୁ ନୱାଜଙ୍କ ବିରୋଧରେ ମାମଲା ରୁଜୁ କରିଥିଲେ, ତେଣୁ ବର୍ତ୍ତମାନ ଗୋଟିଏ ମାମଲାରେ ତାଙ୍କୁ କିପରି ନିର୍ଦ୍ଦୋଷରେ ଖଲାସ କରାଯିବ ? ଜନସାଧାରଣ ଜାଣିବା ଉଚିତ୍ ଯେ NAB ସେତେବେଳେ ଭୁଲ ଥିଲା କି ଆଜି ଭୁଲ୍ ଅଛି ?

ବିଲାୱାଲଙ୍କ ଆହ୍ବାନ

ପାକିସ୍ତାନର ପଞ୍ଜାବ ପ୍ରଦେଶକୁ ନୱାଜ ସରିଫଙ୍କ ଗଡ଼ ବୋଲି  କୁହାଯାଏ । ଏଥର ଲାହୋରରୁ କେହି ପ୍ରଧାନମନ୍ତ୍ରୀ ହେବେ ନାହିଁ ବୋଲି ବିଲାୱାଲ ଚ୍ୟାଲେଞ୍ଜ କରି କହିଛନ୍ତି । ଏକ ନିର୍ବାଚନ ରାଲିରେ ଉଭୟ ଇମ୍ରାନ ଖାନ ଏବଂ ନୱାଜ ସରିଫଙ୍କୁ ଟାର୍ଗେଟ କରୁଥିବାବେଳେ ବିଲାୱାଲ କହିଛନ୍ତି ଯେ ଜଣେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଛନ୍ତି ଯାହା ଦ୍ଵାରା ସେ ଜେଲରୁ ବାହାରି ପାରିବେ ଏବଂ ଅନ୍ୟ ଜଣେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଛନ୍ତି ଯାହାଫଳରେ ସେ ଜେଲ ଯିବାରୁ ରକ୍ଷା ପାଇପାରିବେ। କୌଣସି ବି ଖେଳାଳି ଆମ ସହିତ ପ୍ରତିଦ୍ୱନ୍ଦ୍ୱିତା କରିପାରିବେ ନାହିଁ । ରାଜନୀତିରେ କେହି ଚିରଦିନ ପାଇଁ ବନ୍ଧୁ କିମ୍ବା ଶତ୍ରୁ ନୁହଁନ୍ତି | ପାକିସ୍ତାନର ବର୍ତ୍ତମାନର ରାଜନୈତିକ ଚିତ୍ର ମଧ୍ୟ ସମାନ କଥା କହୁଛି । ଇମ୍ରାନ ଖାନ ଜେଲରେ ଅଛନ୍ତି, ନୱାଜ ଦେଶକୁ ଆସି ପୁଣି ପ୍ରଧାନମନ୍ତ୍ରୀ ହେବାର ସ୍ୱପ୍ନ ଦେଖୁଛନ୍ତି । ସେ ନିର୍ବାଚନ ପୂର୍ବରୁ ଜାତୀୟ ସ୍ତରରେ ଏକ ମିଳିତ ମଞ୍ଚ ଗଠନ କରିବାକୁ ଚାହୁଁଥିଲେ ଏବଂ ପରେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିଲେ କିନ୍ତୁ ପିପିପି ତାଙ୍କୁ ଏବେ ଚ୍ୟାଲେଞ୍ଜ ଦେଉଛି । ନୱାଜଙ୍କ ଦଳ ବାଲୁଚିସ୍ତାନ ଆୱାମୀ ପାର୍ଟି (BAP) ସହିତ ହାତ ମିଳାଇଛି, ଯାହା ଏକଦା ପିପିପି ସହ ମିଳିତ ଥିଲା । କିଛି ସମୟ ପୂର୍ବରୁ ବିଲାୱାଲ ଶାହାବାଜ ସରିଫଙ୍କ ସରକାରରେ ମନ୍ତ୍ରୀ ଥିଲେ, କିନ୍ତୁ ବର୍ତ୍ତମାନ ସମ୍ପର୍କ ବଦଳି ଯାଇଛି । ପିପିପିକୁ ଭେଦଭାବ କରାଯାଉଥିବା ବିଲାୱାଲ କ୍ରମାଗତ ଭାବେ ଅଭିଯୋଗ କରୁଛନ୍ତି । ଭିତରୁ ଏହା ଜଣାପଡୁଛି ଯେ ନୱାଜ ସରିଫଙ୍କ ପାର୍ଟି ପିଏମଏଲ-ଏନ ବର୍ତ୍ତମାନ ଦେଶର ଶକ୍ତିଶାଳୀ ସେନାର ପ୍ରଥମ ପସନ୍ଦ। ଅନ୍ୟପକ୍ଷରେ ଇମ୍ରାନ ଖାନଙ୍କୁ କ୍ଷମତାରୁ ହଟାଇବା ପାଇଁ ପିପିପି ଏକ ବିଶ୍ୱାସ ପ୍ରସ୍ତାବ ଆଣିଥିଲା । ତେବେ ପାକିସ୍ତାନରେ ହେବାକୁ ଥିବା ଏହି ପ୍ରତିଯୋଗିତା ତ୍ରିକୋଣୀୟ ବୋଲି କୁହାଯାଉଛି। ସର୍ବଶେଷରେ ସେନା ଯାହାକୁ ପସନ୍ଦ କରିବ ସେ ହିଁ କ୍ଷମତାରେ ବସିବ ।

The post ପାକିସ୍ତାନରେ ଏଥର ନୱାଜ ସରିଫ ବନାମ ବିଲାୱାଲ ଭୁଟ୍ଟୋ  । ସେନା କାହାକୁ ପ୍ରଧାନମନ୍ତ୍ରୀ କରିବ ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଫେବ୍ରୁଆରି ୧୬ତାରିଖରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା । ଫେବ୍ରୁଆରୀ ୧୬ ତାରିଖରୁ ମାର୍ଚ୍ଚ ୨୦ଯାଏଁ ଚାଲିବ ପରୀକ୍ଷା । କଳା, ବିଜ୍ଞାନ, ବାଣିଜ୍ୟ ପରୀକ୍ଷା ଅନୁଷ୍ଠିତ ହେବ । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଘୋଷଣା ।

ପ୍ରଥମେ ୧୬ତାରିଖ ଦିନ ବଜ୍ଞାନ ପରୀକ୍ଷା ରହିଛି । ପରଦିନ ଅର୍ଥାତ୍ ୧୭ ତାରିଖ ଦିନ କଳା ଓ ବାଣିଜ୍ୟ ପରୀକ୍ଷା ହେବ । ମାର୍ଚ୍ଚ ୨୦ ତାରିଖ ଯାଏଁ ଚାଲିବ ପରୀକ୍ଷା । ଆଉ କିଛି ସମୟ ପରେ ସିଏଚଏସଇ ପକ୍ଷରୁ ସାମ୍ବାଦିକ ସମ୍ମିଳନି ହୋଇପାରେ ।

ତେବେ ମିଳିଥିବା ସୂଚନା ଆଧାରରେ ଚଳିତ ବର୍ଷ ବିଜ୍ଞାନରେ ପ୍ରାୟ ୯୦ ହଜାର ଛାତ୍ରଛାତ୍ରୀ ପରୀକ୍ଷା ଦେବେ । ଏହା ସହ କଳାରେ ପ୍ରାୟ ୪ଲକ୍ଷ ଓ ବାଣିଜ୍ୟରେ ପ୍ରାୟ ୭୦ ହଜାର ଛାତ୍ରଛାତ୍ରୀ ପରୀକ୍ଷା ଦେବା ନେଇ ସୂଚନା ରହିଛି ।

The post ଫେବ୍ରୁଆରି ୧୬ରୁ ଯୁକ୍ତ ୨ ପରୀକ୍ଷା । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଘୋଷଣା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ମଦ ବ୍ୟବସାୟୀଙ୍କ ଠାରୁ ୩୫୦ କୋଟିରୁ ଉର୍ଦ୍ଧ୍ବ ଟଙ୍କା ଜବତ ହେବା ପରେ ବଢୁଛି ପ୍ରତିବାଦ । ପ୍ରତୀକାତ୍ମକ ଭାବେ ଟୋକେଇରେ ନକଲି ନୋଟ ରଖି ଅଭିନବ ଢଙ୍ଗରେ ପ୍ରତିବାଦ କରୁଛି ବିଜେପି । ଭୁବନେଶ୍ୱର କଳ୍ପନା ଛକ ଠାରେ ଜିଲ୍ଲା ବିଜେପି ପକ୍ଷରୁ ଧାରଣା ଦିଆଯାଇଛି । ରାଜ୍ୟରେ ୫୦ ହଜାର କୋଟି ଟଙ୍କାର ଦୁର୍ନୀତି କରି ମଦର ମହାନଦୀ ସୃଷ୍ଟି କରିଥିବା ବିଜେଡ଼ି ସରକାର ବିରୁଦ୍ଧରେ ଧାରଣା ଦେଇଛି ବିଜେପି ।

ଆଇଟି ରେଡରେ ଧାରା ପଡ଼ିଥିବା ଶହ ଶହ କୋଟି ଟଙ୍କା କାହାର ? ଝାଡ଼ଖଣ୍ଡ ସାଂସଦ ତଥା ମଦ ବ୍ୟବସାୟୀ ଧୀରଜ ସାହୁଙ୍କୁ କାହିଁକି ଏତେ ବର୍ଷ ଧରି ଅନୁକମ୍ପା ଦେଖାଉଥିଲେ ରାଜ୍ୟ ସରକାର । ଏହି ଟଙ୍କା ମଦ ବ୍ୟବସାୟୀଙ୍କର ନା ଦଳୀୟ ପାଣ୍ଠି ବିଜେଡ଼ି ସ୍ପଷ୍ଟ କରୁ ବୋଲି ଦାବି କରିଛି ବିଜେପି । ଏହାସହ ସିବିଆଇ ତଦନ୍ତ ଦାବି କରିଛି ବିଜେପି ।

The post ଟୋକେଇରେ ନକଲି ଟଙ୍କା ରଖି ପ୍ରତିବାଦ କଲା ବିଜେପି । ଆଇଟି ରେଡରେ ଜବତ ଟଙ୍କା କାହାର ବୋଲି ପ୍ରଶ୍ନ କରିବା ସହ ସିବିଆଇ ତଦନ୍ତ ପାଇଁ କଲା ଦାବି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ନୂଆବର୍ଷରେ ଓଡ଼ିଶା ଆସିବେ କଂଗ୍ରେସ ସଭାପତି । ଜାନୁଆରୀରେ ଓଡ଼ିଶା ଆସିବେ ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ଗତକାଲି ଦିଲ୍ଲୀରେ ଖଡଗେଙ୍କୁ ଭେଟି ଓଡ଼ିଶା କଂଗ୍ରେସ ସଙ୍ଗଠନ ବିଷୟରେ ଆଲୋଚନା କରିଛନ୍ତି ପିସିସି ସଭାପତି ଶରତ ପଟ୍ଟନାୟକ ଓ ଓଡ଼ିଶା ପ୍ରଭାରୀ ଚେଲ୍ଲା କୁମାର ।

ରାଜ୍ୟରେ ଆଗକୁ ସାଧାରଣ ନିର୍ବାଚନ ଥିବାବେଳେ ଦଳ ରାଜ୍ୟରେ କଣ ସବୁ କାର୍ଯ୍ୟକ୍ରମ କରିଛି ତାହାର ରିପୋର୍ଟ ନେଇଛନ୍ତି ଖଡଗେ । ବୈଠକ ପରେ ଖଡଗେଙ୍କୁ ଓଡ଼ିଶା ଆସିବାକୁ ନିମନ୍ତ୍ରଣ କରିଛନ୍ତି ପିସିସି ସଭାପତି । ସେପଟେ, ପିସିସି ସଭାପତି ଶରତ ପଟ୍ଟନାୟକ ଆଜି ରାହୁଲ ଓ ପ୍ରିୟଙ୍କା ଗାନ୍ଧୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଓଡ଼ିଶାରେ କଂଗ୍ରେସର ସ୍ଥିତି ପୂର୍ବପେକ୍ଷା ଅଧିକ ଦୁର୍ବଳ ହେବାରେ ଲାଗିଛି । ଗତ ପୌର ଓ ପଞ୍ଚାୟତ ନିର୍ବାଚନରେ ଦଳ ଉଚିତ୍ ଢଙ୍ଗରେ ଲଢିପାରିନଥିଲା । ଗତ ୨୦୧୯ ନିର୍ବାଚନରେ ଓଡ଼ିଶାରୁ କଂଗ୍ରେସର ୯ ଜଣ ବିଧାୟକ ଓ ଜଣେ ସାଂସଦ ବିଜୟୀ ହୋଇଥିଲେ । ଏହାସହ ଦଳ ମୁଖ୍ୟ ବିରୋଧୀ ଦଳ ପଦ ମଧ୍ୟ ହରାଇଥିଲା । ନିର୍ବାଚନ ପୂର୍ବରୁ କଂଗ୍ରେସର ଶୀର୍ଷ ନେତୃତ୍ୱ ଓଡ଼ିଶା ଗସ୍ତ କରି କର୍ମୀଙ୍କ ମନରେ ଜୋଶ ଭରନ୍ତୁ ବୋଲୁ ଚାହୁଁଛନ୍ତି ନେତା ।

The post ଜାନୁଆରୀରେ ଓଡ଼ିଶା ଆସିବେ କଂଗ୍ରେସ ସଭାପତି । ମଲ୍ଲିକାର୍ଜୁନ ଖଡଗେଙ୍କୁ ଭେଟି ରାଜ୍ୟ ସଙ୍ଗଠନର ରିପୋର୍ଟ କାର୍ଡ ଦେଲେ ପିସିସି ସଭାପତି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଟିମ୍ ଇଣ୍ଡିଆରୁ ଅବସର ନେଲା ଜର୍ସି ନମ୍ବର ୭ । କିମ୍ବଦନ୍ତୀ ଖେଳାଳି ମହେନ୍ଦ୍ର ସିଂହ ଧୋନୀ ଏହି ନମ୍ବରରେ ଜର୍ସି ପିନ୍ଧୁଥିଲେ । ସେ ଅବସର ନେବା ପରେ ଏହି ଜର୍ସିକୁ ମଧ୍ୟ ଅବସର ଦେବାକୁ ବିସିସିଆଇ ନିଷ୍ପତି ନେଇଥିବା ସୂଚନା ରହିଛି । ଅର୍ଥାତ ଆଗାମୀ ଦିନରେ ୭ ନମ୍ବର ଲେଖାଥିବା ଜର୍ସି କୌଣସି ଖେଳାଳି ପିନ୍ଧିପାରିବେ ନାହିଁ ।

୨୦୨୦ ମସିହା ଅଗଷ୍ଟ ୧୫ରେ ଧୋନୀ ଅନ୍ତର୍ଜାତୀୟ ଦିନିକିଆ କ୍ରିକେଟରୁ ଅବସର ଗ୍ରହଣ କରିଥିଲେ । ଏବେ ୩ ବର୍ଷ ପରେ ସେ ପିନ୍ଧୁଥିବା ଜର୍ସିକୁ ମଧ୍ୟ ଅବସର ଦେବାକୁ ନିଷ୍ପତି ନିଆଯାଇଥିବା ସୂଚନା ରହିଛି । ଧୋନୀଙ୍କ ନେତୃତ୍ୱରେ ଟିମ୍ ଇଣ୍ଡିଆ ୨୦୦୭ରେ ଟି-ଟ୍ୱେଂଟି ବିଶ୍ୱକପ, ୨୦୧୧ରେ ଦିନିକିଆ ବିଶ୍ୱକପ, ୨୦୧୩ରେ ଆଇସିିସି ଚାମ୍ପିୟନ୍ସ ଟ୍ରଫି ଜିତିଥିଲା । ଧୋନୀଙ୍କୁ ପୂର୍ବରୁ ଅନ୍ୟତମ କିମ୍ବଦନ୍ତୀ ଖେଳାଳି ସଚିନ ତେନ୍ଦୁଲକର ପିନ୍ଧୁଥିବା ୧୦ ନମ୍ବର ଜର୍ସିକୁ ୨୦୧୭ରେ ଅବସର ଦେଇଥିଲା ବିସିିସିଆଇ । ଏବେ ଯେଉଁମାନେ ନୂଆ ଖେଳାଳି ଭାବେ ଦଳରେ ସାମିଲ ହେଉଛନ୍ତି ଏହି ଦୁଇ ନମ୍ବର ଉପଲବ୍ଧ ହେବ ନାହିଁ ।

The post ଟିମ୍ ଇଣ୍ଡିଆରୁ ଅବସର ନେଲା ଜର୍ସି ନମ୍ବର ୭ । ଭାରତର କୌଣସି ଖେଳାଳି ଆଗାମୀ ଦିନରେ ପିନ୍ଧିପାରିବେ ନାହିଁ ମାହିଙ୍କ ନମ୍ବରର ଜର୍ସି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କଟକରେ ବେଆଇନ୍ ମାଂସ କଟା ଉପରେ ଚଢାଉ । ସହରର ବିଭିନ୍ନ ରାସ୍ତାକଡ ଏବଂ ସର୍ବସାଧାରଣ ସ୍ଥାନରେ ହେଉଥିବା ବେଆଇନ୍ ମାଂସ କଟା ଉପରେ ଚଢାଉ କରି ଦୋକାନ ବନ୍ଦ କରିଛି ସିଏମସି ଏନଫୋର୍ସମେଣ୍ଟ୍ ଟିମ୍ । ସିଏମସି ଡେପୁଟି କମିଶନର ଏବଂ ସ୍ୱାସ୍ଥ୍ୟ ଅଧିକାରୀଙ୍କ ମିଳିତ ନେତୃତ୍ୱରେ ଏନଫୋର୍ସମେଣ୍ଟ ଟିମ୍ କଟକ ଅରୁଣୋଦୟ ମାର୍କେଟ ରାସ୍ତା କଡରେ ଥିବା ଏକ ବେଆଇନ୍ ମାଂସ କଟା ଦୋକାନ ଉପରେ ଚଢାଉ କରିଥିଲା । ଏହାପରେ ଦୋକାନ ଘର ଭାଙ୍ଗିବା ସହ ମାଂସ କଟା ଅସ୍ତ୍ର ଏବଂ କାଠଗଡାକୁ ଜବତ କରାଯାଇଛି ।

ହାଇକୋର୍ଟରେ ହୋଇଥିବା ଏ ସମ୍ପର୍କିତ ଏକ ଜନସ୍ୱାର୍ଥ ମାମଲାର ଶୁଣାଣି ବେଳେ ଗତକାଲି ସିଏମସି ଡେପୁଟି କମିଶନର ଏବଂ ସ୍ୱାସ୍ଥ୍ୟ ଅଧିକାରୀ ହାଇକୋର୍ଟରେ ବ୍ୟକ୍ତିଗତ ଭାବେ ହାଜର ହୋଇ ଜବାବ୍ ରଖିଥିଲେ । ଏହା ପରେ ଆଜି ଆକ୍ସନ ମୋଡକୁ ଆସି ବେଆଇନ୍ ମାଂସ କଟା ଦୋକାନରେ ଚଢାଉ କରି ବନ୍ଦ କରିଛନ୍ତି ।

ତେବେ ସହରରେ ଥିବା ୫ଟି ପଞ୍ଜିକୃତ କଂସେଇ ଖାନାରେ ମାଂସ କାଟିବାକୁ ବ୍ୟବସାୟୀଙ୍କୁ ଅପିଲ୍ କରିଛନ୍ତି ସିଏମସି ଡେପୁଟି କମିଶନର । ଏହି ନିୟମ ଉଲଂଘନ ହେଲେ ଆଗକୁ ପୁଣି ବେଆଇନ୍ ମାଂସ କଟା ଦୋକାନ ଉପରେ ଚଢାଉ ହେବ ବୋଲି କହିଛନ୍ତି ସିଏମସି ଡେପୁଟି କମିଶନର ।

The post ହାଇକୋର୍ଟରେ ଜବାବ ରଖିବା ପରେ ଆକ୍ସନ ମୋଡରେ କଟକ ମହାନଗର ନିଗମ । ବେଆଇନ୍ ମାଂସ କଟା ଦୋକାନରେ ଚଢାଉ କଲା ଏନଫୋର୍ସମେଣ୍ଟ୍ ଟିମ୍ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : କନ୍ଧମାଳ, ବୌଦ୍ଧରେ ଚାଲିଛି ବଡ଼ ଧରଣର ମାଓ ଅପରେସନ । ମାଓବାଦୀଙ୍କୁ ଉଭୟ ପଟୁ ଘେରି ସର୍ଚ୍ଚ ଅପରେସନ୍ ଜାରିରଖିଛନ୍ତି ୧୨ଟି ଟିମ୍ । କନ୍ଧମାଳ ପଟୁ ୭ ଟି ଏବଂ ବୌଦ୍ଧ ପଟୁ ୫ ଟି ଟିମ୍ ଅପରେସନରେ ସାମିଲ ହୋଇଛନ୍ତି ।

ଗତକାଲି ସୁବର୍ଣ୍ଣଗିରି ଓ ପେନାଜୋର ଜଙ୍ଗଲରେ ମାଓବାଦୀ- ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ କୌଣସି ଯବାନ ଆହତ ହୋଇନଥିବା ସୂଚନା ମଳିଛି । ବୌଦ୍ଧ ଏସପି ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି । ବୌଦ୍ଧ, କନ୍ଧମାଳ ସୀମାନ୍ତ ନଳୀକୁପା, ବଲମତୁମ୍ବା, ଅଡ଼ସିଂ ଓ କନ୍ଧମାଳ ଜିଲ୍ଲାର ମାଲାକିରା, ରଙ୍ଗରମା, କୁମ୍ଭାରିଆ ଆଦି ଅଞ୍ଚଳରେ ମାଓବାଦୀଙ୍କ ଗତିବିଧି ନେଇ ସୂଚନା ମଳିଛି । ଗତ ୧୯ ତାରିଖରେ ସ୍ଥାନୀୟ ଜଙ୍ଗଲରେ ୩୫ରୁ ୪୦ ଜଣ ମାଓବାଦୀ ବୁଲଥିବାର ସୂଚନା ମଳିଥିଲା । ପରେ ମାଓବାଦୀଙ୍କୁ ଧରିବାକୁ ସର୍ଚ୍ଚ ଅପରେସନ ଆରମ୍ଭ ହୋଇଛି ।

The post କନ୍ଧମାଳ, ବୌଦ୍ଧରେ ଚାଲିଛି ବଡ଼ ଧରଣର ମାଓ ଅପରେସନ୍ । ଜଙ୍ଗଲରେ ମାଓବାଦୀ- ଯବାନଙ୍କ ମଧ୍ୟରେ ଗୁଳି ବିନିମୟ first appeared on Kanak News.

from Kanak News
via <a href="https://ifttt.com/?