କନକ ବ୍ୟୁରୋ: ସରୁନି କୁନିଶିଶୁର ଦୁଃଖ । ଏବେ ବି ଯନ୍ତ୍ରଣାରେ ଛଟପଟ ହେଉଛି ସମ୍ବଲପୁର ରେଙ୍ଗାଲିରେ ବୋରୱେଲରୁ ଉଦ୍ଧାର ହୋଇଥିବା ଶିଶୁ । ସ୍ୱାସ୍ଥ୍ୟବସ୍ଥା ସ୍ଥିର ଥିଲେ ବି ସୁସ୍ଥ ହୋଇନି । ଆଗାମୀ ୩ ଦିନ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ଡାକ୍ତର ।

ଯେଉଁ ନିଷ୍ପାପ ଛୁଆ ଭାଗ୍ୟରେ ଏତେ ଯନ୍ତ୍ରଣା ଥିଲା, ସେଇ କୁନି ଝିଅର କଷ୍ଟଟିକେ ଲାଘବ ହୋଇଛି ସତ, କିନ୍ତୁ ଯନ୍ତ୍ରଣା ସଂପୂର୍ଣ୍ଣ ଯାଇନି । ସାତ ଘଂଟାର ସଂଘର୍ଷ ପରେ ଜୀବନ ସିନା ବଂଚିଯାଇଛି, ସଂଘର୍ଷ କିନ୍ତୁ ଯେମିତି ଜାରି ରହିଛି । ସେଦିନ ବୋରୱେଲ ପାଇପ୍ ଭିତରେ ଛଟପଟ ହେଉଥିଲା କୁନି, ଏବେ ହସ୍ପିଟାଲ ବେଡ୍ରେ ସଂଗ୍ରାମ କରୁଛି ।

କମିନି ‘କୁନି’ର କଷ୍ଟ
ଆଗାମୀ ୩ଦିନ ଗୁରୁତ୍ୱପୂର୍ଣ୍ଣ
ବୁର୍ଲା ବଡ଼ ମେଡ଼ିକାଲରେ ଚିକିତ୍ସିତ ହେଉଥିବା ‘କୁନି’ର
– ସ୍ୱାସ୍ଥ୍ୟ ସ୍ଥିର ଅଛି, କିନ୍ତୁ ସୁସ୍ଥ ହୋଇନି
– ‘କୁନି’ର ଆଭ୍ୟନ୍ତରୀଣ ରକ୍ତସ୍ରାବ ହେଉଛି
– ଅଲଟ୍ରାସାଉଣ୍ଡ ରିପୋର୍ଟରୁ ଜଣାପଡ଼ିଛି
– ଶରୀରର ସାରା ଆହତ ଲାଗିଛି
– ଆଗାମୀ ୩ ଦିନ ବେଶ ଗୁରୁତ୍ୱପୂର୍ଣ୍ଣ
– ଶିଶୁ ଭବନ ଯୋଗାଯୋଗରେ ଅଛନ୍ତି ଡାକ୍ତର
– ଏକ ସ୍ୱତନ୍ତ୍ର ଡାକ୍ତରୀ ଦଳର ତତ୍ୱାବଧାନରେ ଚିକିତ୍ସା ଚାଲିଛି

ଯଦିଓ ବର୍ତମାନ କୁନିର ସ୍ୱାସ୍ଥ୍ୟବସ୍ଥା ସ୍ଥିର ରହିଛି, ତଥାପି ଆବଶ୍ୟକ ସ୍ଥଳେ କଟକ ଶିଶୁ ଭବନ ସହ ପରାମର୍ଶ କରାଯାଉଛି । ପ୍ରଶାସନ ପକ୍ଷରୁ ମଧ୍ୟ ସମସ୍ତ ଚିକିତ୍ସା ବ୍ୟବସ୍ଥା କରାଯାଇଛି । କୁନି ସୁସ୍ଥ ହେଲା ପରେ ତା’ର ପୌଷ୍ୟ ଗ୍ରହଣ ପ୍ରକ୍ରିୟା କରାଯିବ ବୋଲି ସୂଚନା ଦିଆଯାଇଛି ।

ରେଙ୍ଗାଲି ଲାରିପାଲି ବୋରୱେଲରେ ପଡ଼ିବାର ୭ ଘଂଟା ପରେ ଉଦ୍ଧାର ହୋଇଥିଲା କୁନି ଝିଅଟି । କୁନିକୁ ଉଦ୍ଧାର କରି ଚିକିତ୍ସା ବୁର୍ଲା ଭୀମସାରରେ ଭର୍ତି କରାଯାଇଥିଲା । ଯେଉଁଠି ଏବେ ବି ତାର ଚିକିତ୍ସା ଚାଲିଛି ।

The post ଅସୁସ୍ଥ ଅଛି ବୋରୱେଲ ଭିତରୁ ଉଦ୍ଧାର ହୋଇଥିବା ଶିଶୁକନ୍ୟା: ଶରୀରର ଆଭ୍ୟନ୍ତରୀଣ ଅଙ୍ଗରୁ ହେଉଛି ରକ୍ତସ୍ରାବ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଶ୍ରୀକୃଷ୍ଣ ଜନ୍ମଭୂମି ମାମଲାରେ ଆସିଲା ଆଲ୍ଲାବାଦ ହାଇକୋର୍ଟ ବଡ ରାୟ । ମଥୁରା ସ୍ଥିତ ଶ୍ରୀକୃଷ୍ଣଙ୍କ ଜନ୍ମଭୂମି ଓ ଶାହି ଇଦଗାହ ମସଜିଦ ମଧ୍ୟରେ ଥିବା ବିବାଦୀୟ ପରିସରରେ ହେବ ଏଏସଆଇ ସର୍ଭେ । ଏନେଇ କୋର୍ଟ ନିର୍ଦ୍ଦେଶ ଦେଇଛନ୍ତି । ଜଷ୍ଟିସ ମୟଙ୍କ କୁମାର ଜୈନଙ୍କ ଜଣକିଆ ଖଣ୍ଡପୀଠ ଏହି ନିଷ୍ପତି ଶୁଣାଇଛନ୍ତି । ମଥୁରାରେ ଶ୍ରୀକୃଷ୍ଣଙ୍କ ଜନ୍ମଭୂମି ଓ ଶାହି ଇଦଗାହ ପ୍ରସଙ୍ଗରେ ବର୍ଷ ବର୍ଷ ଧରି ଜାରି ରହିଛି ଆଇନଗତ ଲଢେଇ । ଶ୍ରୀକୃଷ୍ଣ ଜନ୍ମଭୂମିର ସର୍ଭେ ପାଇଁ ହାଇକୋର୍ଟରେ ପିଟିସନ୍ ଦାଖଲ ହୋଇଥିଲା । ଏବେ ଆହ୍ଲାବାଦ ହାଇକୋର୍ଟ ବିବାଦୀୟ ପରିସରରେ ସର୍ଭେ କରିବାକୁ ଅନୁମତି ଦେଇଛନ୍ତି । ଏଥିପାଇଁ ୩ ଜଣ କମିଶନରଙ୍କୁ ନିଯୁକ୍ତି କରାଯିବ । ହିନ୍ଦୁ ପକ୍ଷ ଦାବି ଅନୁସାରେ ଶ୍ରୀକୃଷ୍ଣଙ୍କ ଜନ୍ମସ୍ଥାନରେ ମନ୍ଦିର ଭାଙ୍ଗି ଇଦଗାହି ମସଜିଦ ନିର୍ମାଣ କରାଯାଇଛି । ମୋଗଲ ଶାସନର ଓøରଙ୍ଗଜେବଙ୍କ ଦ୍ୱାରା ମନ୍ଦିର ଭଙ୍ଗାଯାଇ ମସଜିଦ ନିର୍ମାଣ କରାଯାଇଥିଲା । ଏବେ ହାଇକୋର୍ଟ ଏଏସଆଇ ସର୍ଭେ ପାଇଁ ନିର୍ଦ୍ଦେଶ ଦେବା ପରେ ମୁସଲିମ୍ ପକ୍ଷ ସୁପ୍ରିମକୋର୍ଟ ଯାଇପାରନ୍ତି ।

The post ଶ୍ରୀକୃଷ୍ଣ ଜନ୍ମଭୂମି ବିବାଦରେ ଆହ୍ଲାବାଦ ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । କୃଷ୍ଣ ଜନ୍ମଭୂମିକୁ ଲାଗିଥିବା ଇଦଗାହର ହେବ ଏଏସଆଇଏ ସର୍ଭେ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜଧାନୀରେ ଜମି ଜାଲିଆତିର ପର୍ଦ୍ଦାଫାସ । ନକିଲ କାଗଜପତ୍ର ଜରିଆରେ ଗ୍ରାହକଙ୍କଠାରୁ ଠକି ନେଇ ଚମ୍ପଟ ମାରୁଛନ୍ତି ଠକ । ଏଭଳି ଠକିଥିବା ଠକ ଗ୍ୟାଙ୍ଗର ମୁଖ୍ୟ ବିକାଶ ପଣ୍ଡାକୁ ଗିରଫ କରି ରିମାଣ୍ଡରେ ଆଣିବା ପରେ ଆଶ୍ଚର୍ଯ୍ୟ କରିବା ଭଳି ତଥ୍ୟ ସାମ୍ନାକୁ ଆସିଛି । ନକଲି ପଟ୍ଟା,ଜାଲ କାଗଜ ପତ୍ର ଦେଇ ଗ୍ରାହକଙ୍କ ବିଶ୍ୱାସ ଜନ୍ମାଇବା ପରେ ଜମି କିଣାବିକାର ଏଗ୍ରିମେଂଟ କରୁଥିଲେ । ଆଉ ଆଡଭାନ୍ସ ବାବଦ ଟଙ୍କା ନେଇ ଧରାଛୁଆଁ ଦେଉନଥିଲେ ।

ଜଣେ ମହିଳା ଜମି କିଣିବା ନାରେ ବଡଧରଣର ଠକାମିର ଶିକାର ହେବା ପରେ ଏ ପୁରା ଘଟଣା ସାମ୍ନାକୁ ଆସିଛି । ଅନେକ ଲୋକଙ୍କୁ ଏଭଳି ଠକିଥିବା ଠକ ଗ୍ୟାଙ୍ଗର ମୁଖ୍ୟ ବିକାଶ ପଣ୍ଡାକୁ ଗିରଫ କରି ରିମାଣ୍ଡରେ ଆଣିବା ପରେ ଆଶ୍ଚର୍ଯ୍ୟ କରିବା ଭଳି ତଥ୍ୟ ସାମ୍ନାକୁ ଆସିଛି । ପୁଲିସ କହିବା ଅନୁସାରେ, ମହିଳାଙ୍କୁ ଜାଲ କାଗଜପତ୍ର ଦେଖାଇ ତାଙ୍କ ବିଶ୍ୱାସ ଜନ୍ମେଇ ତାଙ୍କ ଠାରୁ ଜମି କିଣା ବାବଦକୁ ଅଗ୍ରିମ ସାଢେ ତିନି ଲକ୍ଷ ଟଙ୍କା ନେଇ ଯାଇଥିଲେ ବିକାଶ । ପରେ ବିକାଶ ଆଉ ଧରାଛୁଆଁ ଦେଇନଥିଲେ । ସବୁଆଡୁ ନିରାଶ ହେବା ପରେ ମହିଳା ଜଣକ ସ୍ପେଶାଲ କ୍ରାଇମ ୟୁନିଟର ଦ୍ୱାରସ୍ଥ ହୋଇଥିଲେ । ତେବେ ତଦନ୍ତ ସମୟରେ ଜଣା ପଡିଥିଲା ମୁଖ୍ୟ ଅଭିଯୁକ୍ତ ବିକ୍ରମ ପୁର୍ବରୁ ଏକ ମାମଲାରେ ଗିରଫ ହୋଇ ଜେଲରେ ଅଛି । ତେଣୁ ଏହି ମାମଲାର ତଦନ୍ତ ପାଇଁ ବିକ୍ରମକୁ ଯେବେ ରିମାଣ୍ଡ ରେ ଆଣି ଅଧିକା ପଚରା ଉଚୁରା କରିଥିଲା ସ୍ପେଶାଲ କ୍ରାଇମ ୟୁନିଟ ସେତେବେଳେ ପୁରା ଘଟଣା ସାମ୍ନାକୁ ଆସିଥିଲା । ତେବେ ଜଣେ କି ଦୁଇଜଣ ନୁହେ,ୟାଙ୍କ ଗ୍ୟାଙ୍ଗ ବର୍ତମାନ ସୁଦ୍ଧା ୨୭ ଜଣଙ୍କୁ ସମାନ ଢଙ୍ଗରେ ଠକି ୫୦ ଲକ୍ଷରୁ ଅଧିକ ଟଙ୍କା ଚଳୁ କରିଥିବା କଥା ସାମ୍ନାକୁ ଆସିଛି ।

ଆଡଭାନ୍ସ ବାବଦରେ ଟଙ୍କା ନେଉଥିଲେ
ଟଙ୍କା ନେଲା ପରେ ଫେରାର ହେଉଥିଲେ
ନଜର ପକାନ୍ତୁ କିଭଳି ଭାବେ ଏ ର୍ୟାକେଟ ରାଜଧାନୀରେ ଲୋକଙ୍କୁ ଚୁନା ଲଗାଉଥିଲେ ।
-ଜମି କିଣାଇଦେବା ପାଇଁ ପ୍ରଥମେ ଏମାନେ ଗ୍ରାହକ ଖୋଜୁଥିଲେ
-ଗ୍ରାହକ ପାଇବା ପରେ ସେମାନଙ୍କୁ ରାଜଧାନୀରେ ଭଲ ଭଲ ପ୍ଲଟ ଦେଖାଉଥିଲେ
-ଯେଉଁ ପ୍ଲଟ ଗ୍ରାହକଙ୍କ ପସନ୍ଦ ହେଉଥିଲା ତାର ନକଲି କାଗଜ ପତ୍ର ପ୍ରସ୍ତୁତ କରୁଥିଲେ
-ଗ୍ରାହକଙ୍କୁ ପାୱାର ଅଫ ଆଟର୍ଣି ଦେଇଥିବାର ନକଲି ଦଲିଲ ମଧ୍ୟ ଦେଖାଉଥିଲେ
-ନକଲି ପଟ୍ଟା,ଜାଲ କାଗଜ ପତ୍ର ଦେଇ ଗ୍ରାହକଙ୍କ ବିଶ୍ୱାସ ଜନ୍ମାଉଥିଲେ
-ଗ୍ରାହକଙ୍କ ବିଶ୍ୱାସ ଜନ୍ମିବା ପରେ ନୋଟାରି ନିକଟରେ ଜମି କିଣା ବିକାର ଆଗ୍ରିମେଂଟ କରୁଥିଲେ
-ଆଗ୍ରିମେଂଟ କରିବା ପରେ ଆଡଭାନ୍ସ ବାବଦକୁ ଟଙ୍କା ନେଇଯାଉଥିଲେ
-ଆଡଭାନ୍ସ ଟଙ୍କା ପାଇବା ପରେ ଆଉ ଧରାଛୁଆଁ ଦେଉନଥିଲେ

ଗୁରୁତ୍ୱପୁର୍ଣ କଥା ହେଉଛି ଜମିର ପ୍ରକୃତ ମାଲିକ ତାଙ୍କ ଜମିର ନକଲି କାଗଜ ପତ୍ର କରି ବିକ୍ରି ହେଉଥିବା କଥା ବିଷୟରେ ସମ୍ପୁର୍ଣ ଅଜ୍ଞ ଥାଆନ୍ତି ଓ ଏହି ଠକଙ୍କୁ ଚିହ୍ନି ମଧ୍ୟ ନଥାନ୍ତି ।

ରାଜଧାନୀ ଭୁବନେଶ୍ୱରରେ ଆପଣ ଜମି କିଣିବାକୁ ଚାହୁଁଛନ୍ତି କି ତାହା ହେଲେ ସତର୍କ ହୋଇଯାଆନ୍ତୁ । ଆପଣଙ୍କ ଗୋଟିଏ ଛୋଟିଆ ଭୁଲ ଆପଣଙ୍କ କଷ୍ଟ ଉପାର୍ଜିତ ଟଙ୍କାକୁ କ୍ଷଣିକରେ ସଫାକରିଦେଇପାରେ । ଜମି କିଣିବା ପୁର୍ବରୁ ଜମି ବିଷୟରେ ଓ ଜମି ମାଲିକ ବିଷୟରେ ସମ୍ପୂର୍ଣ୍ଣ ତଥ୍ୟ ନକାଢି ଜମି କିଣିଲେ କିମ୍ବା ଆଡଭାନ୍ସ ଟଙ୍କା ଦେଇଦେଲେ ଆପଣ ମଧ୍ୟ ଏଭଳି ଠକାମିର ଶିକାର ହେବେ ।

The post ଜମି କିଣା ନାଁରେ ବଡ ଠକେଇ: ରାଜଧାନୀରେ ମାତିଛନ୍ତି ଜମି ଦଲାଲ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଋତୁସ୍ରାବ ସମୟରେ ମହିଳାଙ୍କୁ ଦରମା ସହିତ ଛୁଟି ଦେବାକୁ ନେଇ ଦାବି ହେବା ସହ ବିଭିନ୍ନ କ୍ୟାମ୍ପେନ ମଧ୍ୟ ଚାଲିଛି । ତେବେ ଦରମା ସହିତ ଛୁଟି ନୀତିକୁ ବିରୋଧ କରିଛନ୍ତି କେନ୍ଦ୍ର ମହିଳା ଓ ଶିଶୁ କଲ୍ୟାଣ ମନ୍ତ୍ରୀ ସ୍ମୃତି ଇରାନୀ । ରାଜ୍ୟ ସଭାରେ ଆରଜେଡି ସାଂସଦ ମନୋଜ ଝା’ଙ୍କ ପ୍ରଶ୍ନର ଉତର ଦେବା ବେଳେ ଏନେଇ ମତ ରଖିଛନ୍ତି ସ୍ମୃତି ଇରାନୀ । କହିଛନ୍ତି, ଋତୁସ୍ରାବ ଏକ ଋତୁ ଚକ୍ର ଅଟେ, ଏହା ଅକ୍ଷମତା ନୁହେଁ । ଋତୁସ୍ରାବ ମହିଳାଙ୍କ ଜୀବନ ଯାତ୍ରାର ପ୍ରାକୃତିକ ଅଂଶ । ତେଣୁ ଏଥିପାଇଁ ଦରମା ସହିତ ଛୁଟି ପାଇଁ ଏକ ସ୍ୱତନ୍ତ୍ର ନିୟମ କରିବାର ଆବଶ୍ୟକତା ନାହିଁ । ଏପରି ପ୍ରସ୍ତାବ ଦେବା ଉଚିତ ନୁହେଁ ଯେଉଁଠାରେ ମହିଳାମାନେ ସମାନ ସୁଯୋଗରୁ ବଂଚିତ ହେବେ । ଦେଶରେ ଋତୁସ୍ରାବ ସ୍ୱଚ୍ଛତା ନୀତି ଉପର ଆରଜେଡି ସାଂସଦ ମନୋଜ କୁମାର ଝାଙ୍କ ପ୍ରଶ୍ନର ଉତର ସ୍ମୃତି ଇରାନୀ ରାଜ୍ୟସଭାରେ ଏହି କଥା କହିଛନ୍ତି ।

The post ଋତୁସ୍ରାବ ସମୟରେ ମହିଳା କର୍ମଚାରୀଙ୍କୁ ଦରମା ସହ ଛୁଟି ଦାବି ପ୍ରସଙ୍ଗ । ରାଜ୍ୟ ସଭାରେ ମନ୍ତ୍ରୀ ସ୍ମୃତି ଇରାନୀଙ୍କ ବୟାନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଗିରଫ ଅଭିଯୁକ୍ତଙ୍କୁ ପଟିଆଲା ହାଉସକୋର୍ଟରେ ହାଜର କରାଯାଇଛି । କଡ଼ା ସୁରକ୍ଷା ଭିତରେ ଅଭିଯୁକ୍ତଙ୍କୁ କୋର୍ଟରେ ହାଜର କରାଯାଇଛି । ଦିଲ୍ଲୀ ପୁଲିସ ଅଭିଯୁକ୍ତଙ୍କ ପାଇଁ ୧୫ଦିନର ରିମାଣ୍ଡ ମାଗିଥିଲେ ବି କୋର୍ଟ କେବଳ ୭ଦିନର ରିମାଣ୍ଡ ପାଇଁ ଅନୁମତି ଦେଇଛନ୍ତି । ସୂଚନା ଅନୁସାରେ ଅଭିଯୁକ୍ତଙ୍କୁ କୋର୍ଟରେ ହାଜର କରାଯିବା ପୂର୍ବରୁ ଡଗ ସ୍କ୍ୱାର୍ଡ ଟିମ ପହଁଚି କୋର୍ଟ ପରିସରକୁ ତନ୍ନତନ୍ନକରି ଯାଂଚ କରିଥିଲା ।

ବୁଧବାର ନୂଆ ସଂସଦ ଗୃହରେ ସୁରକ୍ଷାରେ ତ୍ରୁଟି ଦେଖା ଦେବା ପରେ ସୁରକ୍ଷାରେ ବଦଳିଲା ନିୟମ । ଏବେ ସଂସଦ ଭବନକୁ ଭିଜିଟର୍ସ ମାନଙ୍କ ନଆସିବାକୁ ବାରଣ କରାଯାଇଛି । ଏହା ବ୍ୟତୀତ, ଗୁରୁତ୍ୱପୂର୍ଣ୍ଣ ସୁରକ୍ଷା ପ୍ରୋଟୋକଲଗୁଡିକ ମଧ୍ୟ ସମ୍ପୂର୍ଣ୍ଣ ରୂପେ ପରିବର୍ତନ କରାଯାଇଛି । ଆଜିଠାରୁ ସାଂସଦ, କର୍ମଚାରୀ ଏବଂ ଗଣମାଧ୍ୟମ ସହ ଜଡିତ ଲୋକମାନେ ବିଭିନ୍ନ ସୁରକ୍ଷା ଫାଟକ ଦେଇ ସଂସଦ ଭବନରେ ପ୍ରବେଶ କରିବେ । ଏହା ବ୍ୟତୀତ, ଯେତେବେଳେ ଭିଜିଟର୍ସମାନେ ପୁନର୍ବାର ଆସିବା ଆରମ୍ଭ କରିବେ, ସେମାନେ ପୁରୁଣା ଫାଟକ ଦେଇ ପ୍ରବେଶ କରିପାରିବେ ନାହିଁ । ପରିଦର୍ଶକମାନେ ଏବେ ଚତୁର୍ଥ ଫାଟକରୁ ସଂସଦ ଭବନରେ ପ୍ରବେଶ କରିବେ । ପରବର୍ତୀ ବିଜ୍ଞପ୍ତି ପର୍ଯ୍ୟନ୍ତ ଭିଜିଟର୍ସ ପାସ୍ ପ୍ରଦାନ ଉପରେ ସମ୍ପୂର୍ଣ୍ଣ ନିଷେଧାଦେଶ ଜାରି କରାଯାଇଛି । ସେହିପରି ଯେଉଁ ଭିଜିଟର୍ସମାନେ ଆସିବେ ଆଉ ଗ୍ୟାଲେରୀରେ ବସିବେ । ତାହା ସମ୍ପୂର୍ଣ୍ଣ କାଚରେ ଆଚ୍ଛାଦିତ ହେବ । ସେହିପରି ସମାନ ପ୍ରକାରର ବଡି ସ୍କାନର୍ ଯାହା ବିମାନବନ୍ଦରରେ ରହିଛି ତାହା ସଂସଦ ଗୃହରେ ମଧ୍ୟ ସ୍ଥାପନ କରାଯିବ ।

ସଂସଦର ସୁରକ୍ଷା ଭଙ୍ଗ ଘଟଣାରେ ଅଭିଯୁକ୍ତଙ୍କ ବିରୋଧରେ ୟୁଏପିଏ ଆଧାରରେ ଏଫଆଇଆର ରୁଜୁ ହୋଇଛି । ଆଜି ଅଭିଯୁକ୍ତଙ୍କୁ କୋର୍ଟରେ ହାଜର କରାଯିବ । ଏହି ମାମଲାରେ ମୋଟ୍ ୬ ଜଣଙ୍କ ସଂପୃକ୍ତି ରହିଛି । ୫ ଜଣ ଗିରଫ ହୋଇଛନ୍ତି ଅନ୍ୟ ଜଣେ ଫେରାର ରହିଛନ୍ତି । ୟୁଏପିଏ ଆଧାରରେ ଯଦି ଅଭିଯୁକ୍ତ ଦୋଷୀ ସାବ୍ୟସ୍ତ ହେବେ ତାହେଲେ ତାଙ୍କୁ ମୃତ୍ୟଦଣ୍ଡାଦେଶ ହୋଇପାରେ । ସସଂଦରେ ଯେଉଁଭଳି ଆତଙ୍କ ଖେଳାହୋଇଛି ଏହାକୁ ନେଇ ସଂସଦର ସୁରକ୍ଷାକୁ ନେଇ ପ୍ରଶ୍ନ ଉଠିଛି । କେନ୍ଦ୍ର ସରକାରଙ୍କ ଗୃହ ମନ୍ତ୍ରାଳାୟ ସିଆରପିଏଫ ଡିଜିଙ୍କୁ ତଦନ୍ତ ନିର୍ଦ୍ଦେଶ ଦେଇଛନ୍ତି । ଦିଲ୍ଲୀ ପୋଲିସର ଡିସିପି ମନୀଷୀ ଚନ୍ଦ୍ରା, ଡିସିପି ପ୍ରତୀକ୍ଷା ଗୋଦରା ଏବଂ ଅନ୍ୟ ଅଧିକାରୀଙ୍କ ସହ ଦିଲ୍ଲୀ ପୋଲିସର ସ୍ୱତନ୍ତ୍ର ସେଲ୍ ଟିମ୍ ଭୋର ୪ଟା ଯାଏ ଅଭିଯୁକ୍ତଙ୍କୁ ପଚରାଉଚରା କରିଥିଲେ । ଏହାପରେ ସଂସଦ ଷ୍ଟ୍ରିଟ୍ ପୋଲିସ ଷ୍ଟେସନରୁ ବାହାରିଥିଲେ ।

The post ବଦଳିଲା ସଂସଦ ସୁରକ୍ଷା ନିୟମ । ଚେକିଂ ବ୍ୟବସ୍ଥା ବ୍ୟାପକ, ୟୁଏପିଏରେ ମାମଲା ରୁଜୁ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବୌଦ୍ଧ ଡିଷ୍ଟିଲେରୀ ପ୍ରାଇଭେଟ ଲିମିଟେଡ୍ରେ ଦୁଇଦିନ ହେଲା ଚାଲିଛି ଆୟକର ବିଭାଗର ରେଡ୍ । ସାହୁ ବ୍ରଦର୍ସ ମାଲିକାନାରେ ଥିବା ବିଭିନ୍ନ ଠିକଣାରୁ ପୁଳାପୁଳା ଟଙ୍କା ଜବତ ପରେ ପୁଣି ଏହି ରେଡ୍ କରିଛି ଆୟକର ବିଭାଗ । ସୂଚନା ଅନୁସାରେ ଏହି କମ୍ପାନୀ ପରିସରରେ ଆଉ କିଛି ଗୁରୁତ୍ୱପୂର୍ଣ୍ଣ ତଥ୍ୟ ଖୋଜୁଛନ୍ତି ଆୟକର ଅଧିକାରୀ । ପ୍ରଥମ ଦିନରେ ଏହି କମ୍ପାନୀରେ ବି ରେଡ୍ ହୋଇଥିଲା । ଆଉ ଏବେ ପୁଣି ଥରେ ଚଢ଼ାଉକୁ ନେଇ ଚର୍ଚ୍ଚା ବଢ଼ିଛି ।

ଓଡିଶାରେ ସାୟୁ ବ୍ରଦର୍ସଙ୍କ କାରବାରର ମୁଖ୍ୟ ସଂସ୍ଥା କୁହାଯାଉଥିବା ବୌଦ୍ଧ ଡିଷ୍ଟିଲେରୀରେ, ୨ଦିନ ହେଲା ଚଢ଼ାଉ ଜାରି ରଖିଛି ଆୟକର ବିଭାଗ । ବୁଧବାର ରାତିରେ କମ୍ପାନୀକୁ ଯାଇ ରେଡ୍ ମାରିବା ପରେ ଗୁରୁବାର ପୁଣି ଯାଇ ଘାଂଟିଛନ୍ତି ଆୟକର ଅଧିକାରୀ । ୨ଟି ସ୍ୱତନ୍ତ୍ର ଟିମ୍ କମ୍ପାନୀରେ ରେଡ୍ରେ ସାମିଲ ହୋଇଛନ୍ତି । ସୂଚନା ଅନୁସାରେ, କମ୍ପାନୀରୁ ଗୁରୁତ୍ୱପୂର୍ଣ୍ଣ ତଥ୍ୟ ସଂଗ୍ରହ କରୁଛନ୍ତି । କାଗଜପତ୍ରର ଯାଂଚ କରୁଛନ୍ତି । ଆୟର ଉତ୍ସ ଖୋଜୁଛନ୍ତି ଅଧିକାରୀ ।

ପ୍ରଥମ ଦିନରେ ବି ଏହି କମ୍ପାନୀରେ ରେଡ୍ କରିଥିଲା ଆୟକର ବିଭାଗ । ରେଡ ପରେ ତଦନ୍ତ ପାଇଁ ୩ଜଣ କମ୍ପାନୀର କର୍ମଚାରୀଙ୍କୁ ପଚରାଉଚୁରା କରିବା ସହ ପେନ୍ ଡ୍ରାଇଭ ଓ ଜରୁରୀ ଦସ୍ତାବିଜ ଓ ଟଙ୍କା ସାଙ୍ଗରେ ନେଇଯାଇଥିଲେ ତଦନ୍ତକାରୀ ଟିମ୍ ।

ଗୋଟିଏ ପଟେ ଆୟକର ବିଭାଗ ଚଢ଼ାଉ ଜାରି ରଖିଥିବାବେଳେ, ଅନ୍ୟପଟେ ଜାରି ରହିଛି ରାଜନୈତିକ ବୟାନବାଜି । ଜାତୀୟ ସ୍ତରରେ ଶାସକ ଦଳ ବିଜେପି ଓ ବିରୋଧୀ କଂଗ୍ରେସ ମଧ୍ୟରେ ଆରୋପ ପ୍ରତ୍ୟାରୋପ ଚାଲିଥିବାବେଳେ ରାଜ୍ୟ ସ୍ତରରେ ବିଜେପି ଓ ବିଜେଡି ନେତାଙ୍କ ମଧ୍ୟରେ ଦୋଷ ଲଦାଲଦି ଜାରି ରହିଛି । ଏହି କ୍ରମରେ ବିଜେପି ରାଜ୍ୟ ସଭାପତି ମନମୋହନ ସାମଲ ବିଜେଡି ଆଡକୁ ଆଂଗୁଳି ଉଠାଇବା ପରେ, ପାଲଟା ପ୍ରଶ୍ନ କରିଛନ୍ତି ବିଜେଡି ନେତା ଲେନିନ୍ ମହାନ୍ତି ।

ଏସବୁ ଭିତରେ ି ମାମଲାର ତଦନ୍ତ ପାଇଁ ଇଡି ପ୍ରସ୍ତୁତି ଚଳାଇଥିବା ସୂଚନା ମିଳିଛି । ଆଉ ଇଡିର ତଦନ୍ତ ପରେ କଳା ଟଙ୍କାର ରହସ୍ୟ ଫିଟିବ ବୋଲି କୁହାଯାଉଛି ।

The post ସରିନି ଆୟକର ବିଭାଗର ଚଢ଼ାଉ: ବୌଦ୍ଧ ଡିଷ୍ଟିଲେରୀରେ ଚାଲିଛି ରେଡ୍ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପାର୍ଲାମେଂଟ ସୁରକ୍ଷା ତ୍ରୁଟିକୁ ନେଇ ଏବେ ଦେଶବ୍ୟାପୀ ଚର୍ଚ୍ଚା । କିଏ କରିଥିଲା ଏହି ଷଡଯନ୍ତ୍ର , ତାକୁ ନେଇ ତନାଘନା ଆରମ୍ଭ କରିଛି ପୁଲିସ ଓ ଗୁଇନ୍ଦା ସଂସ୍ଥା । ଗିରଫ ୫ ଜଣଙ୍କୁ ତୁହାକୁ ତୁହା ପ୍ରଶ୍ନ କରାଯାଇଛି । ଅଧିକ ପଚରାଉଚରା ପାଇଁ ଦିଲ୍ଲୀ ପୁଲିସ ୪ ଜଣଙ୍କୁ ୭ ଦିନିଆ ରିମାଣ୍ଡରେ ନେଇଛି । କୁହାଯାଇଛି, ଘଟଣାର ମାଷ୍ଟରମାଇଣ୍ଡ ଥିଲା ଲଳିତ ଝା । ତାଙ୍କୁ ଧରିବାକୁ ପୁଲିସ ଚାରିଆଡେ ଜାଲ ବିଛାଇଛି । ସେପଟେ ପାର୍ଲାମେଂଟରେ ହଙ୍ଗାମା କରି ବିରୋଧୀ ପକ୍ଷର ୧୪ ସାଂସଦ ସସପେଣ୍ଡ ହୋଇଛନ୍ତି ।

ସାଗର ଶର୍ମା, ଘର-ଲକ୍ଷେ୍ନø
ନୀଲମ, ଘର-ହରିୟାଣା
ମନୋରଞ୍ଜନ, ଘର-ମହୀଶୂର
ଅମୋଲ ସିନ୍ଦେ, ଘର-ମହାରାଷ୍ଟ୍ର
ବିକି ଶର୍ମା, ଗୁରୁଗ୍ରାମ ବାସିନ୍ଦା
ଲଳିତ ଝା, ଫେରାର ଅଭିଯୁକ୍ତ
ଏମାନେ ସଂସଦରେ ହଙ୍ଗାମା ଘଟଣାରେ ଜଣେ ଜଣେ ଅଭିଯୁକ୍ତ । ଏମାନଙ୍କୁ ମଧ୍ୟରୁ ଲଳିତ ଝାଙ୍କୁ ଛାଡିଦେଲେ ସମସ୍ତେ ଏବେ ପୁଲିସ କବଜାରେ । ପୁଲିସ ଓ ଗୁଇନ୍ଦା ଏଜେନ୍ସି ଏମାନଙ୍କୁ ତୁହାକୁ ତୁହା ପ୍ରଶ୍ନ କରୁଛି । ସାଗର ଓ ମନୋରଞ୍ଜନ ଦର୍ଶକ ଗ୍ୟାଲେରୀରୁ ଲୋକସଭା ଭିତରକୁ ଡେଇଁ ୨୮ ମିନିଟ ଧରି ଆତଙ୍କ ଚଳାଇଥିଲେ । ଆଉ ପାର୍ଲାମେଂଟର ବାହାରେ ନୀଲମ ଓ ଅମୋଲ ବିରୋଧ ପ୍ରଦର୍ଶନ କରିଥିଲେ । କୁହାଯାଉଛି ଘଟଣାର ମୁଖ୍ୟ ଅଭିଯୁକ୍ତ ହେଉଛନ୍ତି ଲଲିତ ଝା । ଏବେ ସେ ଫେରରା ଅଛନ୍ତି । ଘଟଣା ସମୟରେ ଲଲିତ ସଂସଦ ବାହାରେ ଉପସ୍ଥିତ ଥିଲେ । ପାଟିତୁଣ୍ଡ ଆରମ୍ଭ ହେବା ମାତ୍ରେ ଅଭିଯୁକ୍ତ ଲଲିତ ସେଠାରୁ ଫେରାର ହୋଇଯାଇଛନ୍ତି । ଆଉ ଏମାନଙ୍କୁ ଗୁରୁଗ୍ରାମ ସ୍ଥିତ ଘରେ ସୁରକ୍ଷା ଦେଇଥିଲେ ଭିକି ଶର୍ମ।।

ତଦନ୍ତ ବେଳେ ପୁଲିସ ଜାଣିବାକୁ ପାଇଛି , ଏହି ଘଟଣାର ମାଷ୍ଟରମାଇଣ୍ଡ ହେଉଛନ୍ତି ପେଶାରେ ଶିକ୍ଷକ ଥିବା ଲଳିତ ଝା । ଆଉ ଲଳିତଙ୍କୁ ଧରିବା ପାଇଁ ପୁଲିସ ଏବେ ଚାରିଆଡେ ଜାଲ ବିଛାଇଛି । ସେ ଧରାପଡିବା ପରେ ବଡ ଷଡଯନ୍ତ୍ରର ପର୍ଦ୍ଦାଫାସ ହେବ ବୋଲି କୁହାଯାଉଛି । ପଚରାଉଚରାବେଳେ ଅଭିଯୁକ୍ତ କହିଛନ୍ତି

-ଗୁରୁଗ୍ରାମକୁ ସମସ୍ତଙ୍କୁ ଡାକି ଲଳିତ ବୈଠକ କରିଥିଲା
-ପାର୍ଲାମେଂଟରେ ପ୍ରବେଶ ପାଇଁ ଡିସେମ୍ବର ୧୩ ତାରିଖ ଧାର୍ଯ୍ୟ ହୋଇଥିଲା
-ଲଳିତ ହିଁ ଘଟଣାକୁ ମୋବାଇଲରେ ସୁଟ କରି ଅପଲୋଡ କରିଥିଲା
-ସମସ୍ତ ଅଭିଯୁକ୍ତ ଲଳିତଙ୍କ ସମ୍ପର୍କରେ ଥିଲେ
-ଘଟଣା ପୂର୍ବରୁ ଲଳିତ ସମସ୍ତଙ୍କ ଫୋନ ଧରି ଫେରାର ହୋଇଯାଇଥିଲା

କୁହା ଯାଉଛି ଦେଢ ବର୍ଷ ପୂର୍ବରୁ ଫେସବୁକରେ ସମସ୍ତେ ଏକାଠି ହୋଇଥିଲେ । ଭଗତ ସିଂହ ଫ୍ୟାନ କ୍ଲବ ନାମରେ ତିଆରି ହୋଇଥିବା ଫେସବୁକ ପେଜରେ ଏହି ୬ ଜଣ ସକ୍ରିୟ ଥିଲେ ବୋଲି ଦିଲ୍ଲୀ ପୋଲିସ କହିଛି । ଲଲିତଙ୍କ ନିର୍ଦ୍ଦେଶରେ ôମନୋରଂଜନ ମୌସୁମୀ ଅଧିବେଶନରେ ସଂସଦ ଭବନରେ ରେକି କରିଥିଲେ । ସଂସଦରେ ଯେଉଁଭଳି କାର୍ଯ୍ୟ ଚାଲିଛି ତାକୁ ନେଇ ଏମାନେ ଅସନ୍ତୁଷ୍ଟ ଥିଲେ । ମଣିପୁର ହିଂସାକୁ ନେଇ ମଧ୍ୟ ଏମାନେ ସରକାରଙ୍କ ବିରୋଧରେ ଅସନ୍ତୋଷ ପ୍ରକାଶ କରିଥିଲେ । ଏହାପରେ ସାରା ଦେଶକୁ ଏକ ବାର୍ତା ଦେବାକୁ ଯୋଜନା କରିଥିଲେ ବୋଲି ଜଣାପଡିଛି । ବୁଧବାର ଲଳିତ ୪ ଜଣଙ୍କ ସହ ପାର୍ଲାମେଂଟ ଆସିଥିଲେ ଭିଜିଟର ପାଶରେ କେବଳ ଦୁଇଜଣଙ୍କ ପ୍ରବେଶ ପାଇଁ ଅନୁମତି ଥିବାରୁ ସାଗର ଓ ମନୋରଂଜନ ପାର୍ଲାମେଂଟ ଭିତରକୁ ଯାଇଥିଲେ ।

ପାର୍ଲାମେଂଟରେ ବିରୋଧୀଙ୍କ ହଙ୍ଗାମା
୧୫ ସାଂସଦ ସସପେଣ୍ଡ
ସେପଟେ ବୁଧବାରର ଘଟଣାକୁ ନେଇ ପାର୍ଲାମେଂଟରେ ବି ତାତି ଦେଖିବାକୁ ମିଳିଛି । ବିରୋଧୀ ଗୃହରେ ହଙ୍ଗାମା କରିିଛନ୍ତି । ଫଳରେ ଲୋକସଭାର ୧୪ ଓ ରାଜ୍ୟସଭାରେ ଜଣେ ବିରୋଧୀ ସାଂସଦଙ୍କୁ ଗୃହରୁ ନିଲମ୍ବିତ କରାଯାଇଛି । ସୁରକ୍ଷା ତ୍ରୁଟିକୁ କଡ଼ା ନିନ୍ଦା କରିଛନ୍ତି ରାଜନାଥ । ଘଟଣାର ତଦନ୍ତ ଚାଲିଛି ତେଣୁ ଅଯଥାରେ ହଟଗୋଳ କରି ଗୃହକାର୍ଯ୍ୟରେ ବାଧା ନଦେବାକୁ ବିରୋଧୀଙ୍କୁ ଅପିଲ କରିଥିଲେ । କିନ୍ତୁ ଏହାର କିଛି ପ୍ରଭାବ ପଡିନାହିଁ ।

ପାର୍ଲାମେଂଟ ସୁରକ୍ଷାରେ ତ୍ରୁଟି ଘଟଣାରେ ୮ସୁରକ୍ଷାକର୍ମୀଙ୍କୁ ସସପେଣ୍ଡ କରାଯାଇଛି । ସଂସଦ ଭବନ ଆଗରେ ୧୪୪ ଧାରା ଲାଗୁ ହୋଇଛି । ପାର୍ଲାମେଂଟ ଭିତରେ ବହୁସ୍ତରୀୟ ସୁରକ୍ଷା ବ୍ୟବସ୍ଥା ବି ରହିଛି । ଏହାସତ୍ୱେ ୫ ଜଣ କିଭଳି ଏକାଠି ହେଲେ ତାହା ବିରାଟ ପ୍ରଶ୍ନ ସୃଷ୍ଟି କରିଛି ।

The post ସଂସଦରେ ଅନୁପ୍ରବେଶ ଷଡ଼ଯନ୍ତ୍ର ପଛରେ କିଏ? କେଉଁଠୁ ନେଇଥିଲେ ପ୍ରଶିକ୍ଷଣ, କେମିତି କରିଥିଲେ ରେକି? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୨୦୨୪ ନିର୍ବାଚନ ପାଇଁ ସବୁ ଦଳ ପ୍ରସ୍ତୁତି ଆରମ୍ଭ କରଦେଲେଣି । କିଏ କେତେ ଆସନ ଜିତିବ ସେ ନେଇ ଅଙ୍କକଷା ବି ଚାଲଲାଣି । ଜାତୀୟ ଗଣମାଧ୍ୟମକୁ ଏକ ସାକ୍ଷାତକାରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି, ଓଡିଶାରେ ଆଗାମୀ ଲୋକସଭା ନିର୍ବାଚନରେ ବିଜେପି ୧୫ ଆସନରେ ଜିତିବ । ସେପଟେ ଟାଇମ୍ସ ନାଓ ସର୍ଭେ ରିପୋର୍ଟରେ କୁହାଯାଇଛି, ୨୦୨୪ ଲୋକସଭା ନିର୍ବାଚନରେ ଓଡ଼ିଶାରେ ପୂର୍ବ ଅପେକ୍ଷା ଭଲ ପ୍ରଦର୍ଶନ କରିବ ବିଜେଡି । ବିଜେଡିକୁ ୧୩ରୁ ୧୫ ଆସନ ମିଳିବାର ସମ୍ଭାବନା ରହିଛି । କେନ୍ଦ୍ରମନ୍ତ୍ରୀଙ୍କ ଏହି ମନ୍ତବ୍ୟ ଓ ଅନ ଏକ ଜାତୀୟ ଗଣମାଧ୍ୟମର ସର୍ଭେ ପରେ ରାଜ୍ୟ ରାଜନୀତି ସରଗରମ ହୋଇଛି ।

ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଏପରି ମନ୍ତବ୍ୟ ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି,
୨୦୧୪ ଅପେକ୍ଷା ୨୦୧୯ରେ ରାଜ୍ୟରେ ଉଭୟ ଭୋଟ ପ୍ରତିଶତ ଓ ସିଟ୍ ସଂଖ୍ୟା ବଢ଼ିଥିଲା
ଓଡ଼ିଶାରେ ରାଜନୈତିକ ଚେହେରା ଭାବେ ମୋଦୀଙ୍କ ଗ୍ରହଣିୟତା ରହିଛି
ଗତ ୧୦ ବର୍ଷ ଧରି ମୋଦୀଙ୍କ ଲୋକପ୍ରିୟତା ଅତୁଟ ରହିଛି
ବିଜେପି କ୍ଷମତାକୁ ଆସିବା ପରେ ଓଡ଼ିଶାକୁ କେନ୍ଦ୍ରୀୟ ଅନୁଦାନ ଆଖିଦୃଶିଆ ଭାବେ ବୃଦ୍ଧିପାଇଛି

ରାଜ୍ୟ ରାଜନୀତିକୁ ନେଇ କେନ୍ଦ୍ରମନ୍ତ୍ରୀଙ୍କ ଏହି ମନ୍ତବ୍ୟ ପରେ ସରଗରମ ହୋଇଛି ରାଜ୍ୟ ରାଜନୀତି । ଧର୍ମେନ୍ଦ୍ରଙ୍କ କଥାକୁ ଦୋହରାଇଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ସେପଟେ ବିଜେଡି କହିଛି ନବୀନ ପଟ୍ଟନାୟକଙ୍କ ନେତୃତ୍ୱରେ ଦଳକୁ ଲୋକଙ୍କ ଆଶୀର୍ବାଦ ମିଳୁଛି । ବହୁପୂର୍ବରୁ ବିଜେଡିର ରୋଡମ୍ୟାପ ପ୍ରସ୍ତୁତ ହୋଇ ରହିଛି ବୋଲି କହିଛନ୍ତି ବିଧାୟକ ଅମର ଶତପଥୀ । ସେହିପରି କଂଗ୍ରେସ ନେତା ଜୟଦେବ ଜେନା କହିଛନ୍ତି, ନିକଟରେ ହୋଇଥିବା ନିର୍ବାଚନର ଫଳାଫଳକୁ ସମ୍ପୂର୍ଣ୍ଣ ଭାବେ ସମୀକ୍ଷା ନକରି ଏପରି ମନ୍ତବ୍ୟ ଦେଇଛନ୍ତି କେନ୍ଦ୍ରମନ୍ତ୍ରୀ ।

ଏପଟେ ସାମ୍ନାକୁ ଆସିଛି ଟାଇମ୍ସ ନାଓ ସର୍ଭେ ରିପୋର୍ଟ । ଏଥିରେ କୁହାଯାଇଛି, ୨୦୨୪ ଲୋକସଭା ନିର୍ବାଚନରେ ଓଡ଼ିଶାରେ ପୂର୍ବଠାରୁ ଭଲ ପ୍ରଦର୍ଶନ କରିବ ବିଜେଡି । ବିଜେଡିକୁ ୧୩ରୁ ୧୫ ଆସନ ମିଳିବାର ସମ୍ଭାବନା ରହିଥିବା ବେଳେ ବିଜେପିକୁ ୫ରୁ ୭ ଆସନ ମିଳିବା ନେଇ ଆକଳନ କରାଯାଇଛି । କଂଗ୍ରେସକୁ ଗୋଟିଏ ଆସନରେ ସନ୍ତୁଷ୍ଟ ରହିବାକୁ ପଡିବ ବୋଲି ସର୍ଭେ ରିପୋର୍ଟରେ କୁହାଯାଇଛି ।
ଟାଇମ୍ସ ନାଓ ସର୍ଭେ ରିପୋର୍ଟ
୨୦୨୪ରେ ବିଜେଡିକୁ ମିଳିପାରେ ୧୩ରୁ ୧୫ ଲୋକସଭା ଆସନ
ବିଜେପିକୁ ୫ରୁ ୭ ଆସନ ମିିଳିବା ନେଇ ଆକଳନ
କଂଗ୍ରେସକୁ ମିଳିପାରେ ଗୋଟିଏ ଆସନ

The post ଧର୍ମେନ୍ଦ୍ରଙ୍କ ଦମ୍ଭୋକ୍ତି: ‘ଓଡ଼ିଶାରେ ଅତିକମରେ ୧୫ଟି ଲୋକସଭା ଆସନ ଜିତିବ ବିଜେପି’ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଶେଷରେ ଚିଲଡ୍ରେନ ପାର୍କକୁ ବି ଖାଇଗଲେ । ମିଳିମିଶି ଖାଇଗଲେ ୯ ଲକ୍ଷ । ର୍ଦୁନୀତି, ପିସି କାରବାର ଆଉ କାମ ନହୋଇ ଟଙ୍କା ଖାଇଯିବା ଘଟଣା ରାଜ୍ୟରେ କିଛି ନୂଆ କଥା ନୁହେଁ । ହେଲେ ଛୋଟ ଛୋଟ ଛୁଆଙ୍କ ଖେଳିବା ପାଇଁ ଆସିଥିବା ଟଙ୍କାକୁ ମଧ୍ୟ ଆତ୍ମସାତ କରିଦେଇଛନ୍ତି ସରାକରୀ ବାବୁ ଆଉ ତାଙ୍କ ଅଧୀନରେ ଥିବା ଠିକାଦାର । ସୁନ୍ଦରଗଡରୁ ଆସିଛି ଏଭଳି ଅଭିଯୋଗ ।

ସୁନ୍ଦରଗଡ ସଦର ବ୍ଲକତଳସରା ଗାଁ ମଝିରେ ଥିବା ଏହି ସ୍ଥାନରେ ଏକ ଚିଲଡ୍ରେନ୍ ପାର୍କ ନିର୍ମାଣ ହୋଇଛି । ସରକାରୀ ତଥ୍ୟରେ ଦର୍ଶାଯାଇଛି, ପାର୍କ ପାଇଁ ୨୦୧୮-୧୯ ଆର୍ଥିକ ବର୍ଷରେ ଦୁଇଟି ପର୍ଯ୍ୟାୟରେ ୯ ଲକ୍ଷ ଟଙ୍କା ଖର୍ଚ୍ଚ ହୋଇଛି । ପ୍ରଥମ ପର୍ଯ୍ୟାୟରେ ୬ଲକ୍ଷ ୯୦ହଜାର ଓ ଦ୍ୱିତୀୟ ପର୍ଯ୍ୟାୟରେ ୨ଲକ୍ଷ ୧୦ହଜାର ଟଙ୍କା ଅନୁଦାନ ମିଳିଥିଲା । ଆଉ ସେହି ଅନୁଦାନରେ କେବଳ ୨ଫୁଟ ଉଚ୍ଚର ଗୋଲେଇ ଆକାରର ଇଟା ଯୋଡେଇ ହୋଇଥିବା ବେଳେ ଗୋଲେଇ ମଝିରେ ଏକ ଗାତ ଖୋଳାଯାଇଛି । ବାସ୍ ଏତିକିରେ ସରି ଯାଇଛି ପାର୍କ ନିର୍ମାଣ । ଏକଥା ଆମେ କହୁନାହୁଁ, ଯାହା ଏହି ଦୃଶ୍ୟ ବୟାନ କରୁଛି ।

ସ୍ଥାନୀୟ ଲୋକଙ୍କ ଅଭିଯୋ ଅନୁସାରେ, କୁନି କୁନି ପିଲାଙ୍କ ଆମୋଦପ୍ରମୋଦ ପାଇଁ ଆସିଥିବା ୯ ଲକ୍ଷ ଟଙ୍କାର ପାର୍କକୁ ଖାଇ ଯାଇଛନ୍ତି ବିଭାଗୀୟ ଅଧିକାରୀ ଓ ଠିକାଦାର । ସେପଟେ ଏଘଟଣାରେ ସୁନ୍ଦରଗଡ ସଦର ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ଶୁଲିଆ କହିଛନ୍ତି, ସେ ନୂଆ ଆସିଛନ୍ତି । ଗଣମାଧ୍ୟମ ପ୍ରତିନିଧିଙ୍କ ଠାରୁ ଘଟଣା ବାବଦରେ ଅବଗତ ହେବା ପରେ ତଦନ୍ତ କରି ନିଶ୍ଚିତ କାର୍ଯ୍ୟାନୁଷ୍ଠାନ ନେବେ

The post ଚିଲଡ୍ରେନ ପାର୍କ ନାମରେ ବଡ ଦୁର୍ନୀତି । ମିଳିମିଶି ଖାଇଗଲେ ୯ ଲକ୍ଷ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବରଗଡର ସୁନା ପୁଅ ଦଶମ ଶ୍ରେଣୀର ଛାତ୍ର ପ୍ରତୀକ ମହାରଣା । ୩୮ ତମ ଜୁନିୟର ଆଥଲେଟିକ୍ସ ଚାମ୍ପିଅନ୍ସିପ-୨୦୨୩ରେ ଶହେ ଓ ୨ଶହ ମିଟର ଦୌଡରେ ସ୍ୱର୍ଣ୍ଣ ପଦକ ଜିଣିଛନ୍ତି ପ୍ରତୀକ । ତାମିଲନାଡୁ କୋଏମ୍ବାଟୋରରେ ଆୟୋଜିତ ଖେଳକୁଦ ପ୍ରତିଯୋଗୀତାରେ ପ୍ରତିଭାର ପାରଦର୍ଶିତା ଦେଖାଇ ପରିବାର ଓ ରାଜ୍ୟ ପାଇଁ ଖୁସି ଆଣିଛନ୍ତି ପ୍ରତୀକ । ଆଉ ଏହି ସଫଳତା ପଛରେ ତାଙ୍କ ପରିବାର ଓ କୋଚ୍ ଶିବ ମିଶ୍ରଙ୍କ ପ୍ରମୁଖ ଭୁମିକା ରହିଛି । ପିଲାଟି ଭଲ ଖେଳୁଥିବା ଦେଖି ତାଙ୍କୁ ମାଗଣାରେ ପ୍ରଶିକ୍ଷଣ ଦେବା ସହ ଆର୍ଥିକ ସହାୟତା ଯୋଗାଇ ଦେଇଥାନ୍ତି   ।

ବରଗଡର ଯୁଧିଷ୍ଠର ମହାରଣାଙ୍କ ପୁଅ ପ୍ରତୀକ । ଖପର ଘରେ ରହୁଛନ୍ତି ୫ ପ୍ରାଣୀ ପରିବାର । ଯୁଦ୍ଧିଷ୍ଠିର ଏକମାତ୍ର ରୋଜଗାରିଆ ବ୍ୟକ୍ତି ହୋଇଥିବାରୁ ଘରର ଆର୍ଥିକ ସ୍ଥିତି ଦେଖି ପୁଅ ପ୍ରତୀକ୍ ନିଜ ପଢା ଓ ଖେଳ ଖର୍ଚ ତୁଲାଇବା ପାଇଁ ଡେଲିଭରି ବୟ ଭାବେ କାମ କରନ୍ତି । ଟଙ୍କା ପାଇଁ କାମ କରିବା ସହ ଖେଳ ପାଇଁ ଅଭ୍ୟାସ ଜାରି ରଖିଥାନ୍ତି । ସେହି ଅଭ୍ୟାସ ଆଜି ତାଙ୍କୁ ସଫଳତାର ଶିଢି ଚଢିବାରେ ସହାୟକ ହୋଇଛି ।

ତେବେ ସରକାରୀ ସହାୟତା ଓ ଅଭ୍ୟାସ ପାଇଁ ସ୍ଥାୟୀ ପଡିଆ ମିଳିଲେ ପ୍ରତୀକ ଭଲ ଖେଳି ଦେଶର ନାଁ ରଖିପାରନ୍ତେ ବୋଲି କହିଛନ୍ତି କୋଚ ।

The post ଅଭାବୀ ବାପାଙ୍କ ସୁନା ପୁଅ । ପ୍ରତିଭାର ବାଟରେ ବାଧକ ସାଜି ପାରିଲା ନାହିଁ ଅର୍ଥାଭାବ, ଡେଲିଭଲି ବୟରୁ ସ୍ୱର୍ଣ୍ଣ ବିଜେତା ହେଲେ ବରଗଡର ପ୍ରତୀକ ମହାରଣା first appeared on Kanak News.

from Kanak News
via <a href="https://ifttt.com/?