କନକ ବ୍ୟୁରୋ : ସଂସଦରେ ଘଟିଥିବା ଆଜିର ଘଟଣା ସମସ୍ତଙ୍କୁ ଚକିତ କରିଦେଇଛି । ଗଣତନ୍ତ୍ରର ମନ୍ଦିରରେ ସୁରକ୍ଷା ବ୍ୟବସ୍ଥା କେତେ କଡାକଡି ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଦର୍ଶକ ଗ୍ୟାଲେରୀରୁ ୨ ଜଣ ଅଜଣା ବ୍ୟକ୍ତି କିଭଳି ଭାବେ ଡିଆଁମାରି ସଂସଦ ଭିତରେ ପ୍ରବେଶ କଲେ ତାହାକୁ ନେଇ ଏବେ ବି ସନ୍ଦେହ ରହିଛି । ଏହି ଦୁଇଜଣ ଅଜଣା ବ୍ୟକ୍ତି ସଂସଦ ଭିତରେ ପ୍ରବେଶ କରିବା ପରେ ସ୍ପ୍ରେ ଜରିଆରେ ଧୂଆଁ ଛାଡିଥିଲେ ଓ ଅନ୍ୟ ଦୁଇଜଣ ଲୋକ ତାନାଶାହୀ ଚାଲିବ ନାହିଁ, ଭାରତ ମାତା କି ଜୟ, ଭାରତ ମାତା କି ଜୟ ନାରା ଲଗାଉଥିଲେ । ଏହି ଘଟଣା କ୍ରମରେ ସଂସଦରେ ଉପସ୍ଥିତ ଥିବା ସାଂସଦ ଦାନୀଶ ଅଲ୍ଲୀ ସଂସଦରେ ଅନୁପ୍ରବେଶ ସାଗରକୁ ନେଇ ଏକ ବଡ ଦାବି କରିଛନ୍ତି ।

ଦାନୀଶ ଅଲ୍ଲୀ ସୋସିଆଲ ମିଡିଆ ଏକ୍ସ (ଟ୍ୱିଟର) ରେ ଲେଖିଛନ୍ତି ଯେ, ’୨୧ ବର୍ଷ ପୂର୍ବେ ସଂସଦ ଉପରେ ହୋଇଥିବା ଆତଙ୍କବାଦୀ ଆକ୍ରମଣ ଆଜି ବି ମନରୁ ଲିଭିନି । ହେଲେ ଆଜି ଯେଭଳି ଭାବେ ଦୁଇଜଣ ଯୁବକ ଗ୍ୟାଲେରୀରୁ ସିଧା ସଳଖ ସଂସଦ ଭିତରକୁ ପ୍ରବେଶ କଲେ ସେଥିରୁ ୫୬ ଇଞ୍ଚ କବଚରେ କେତେ ଦୁର୍ବଳତା ରହିଛି ତାହା ଉଜାଗର ହୋଇଛି ’ । ଏହାସହ ଯେଉଁ ୨ ଜଣ ଅଜଣା ଯୁବକ ସଂସଦ ଭିତରକୁ ପ୍ରବେଶ କରିଥିଲେ ସେମାନଙ୍କ ମଧ୍ୟରୁ ସାଗର ନାମକ ଯୁବକ ବିଜେପିର ଅତିଥି ଥିଲା ବୋଲି ସେ ଅଭିଯୋଗ କରିଛନ୍ତି ।

In a chilling reminder to the Parliament attack 21 years back on the same day (Dec 13), a man jumped from visitors’ gallery into Lok Sabha MPs area. The breach could’ve put lives of MPs in danger. It has exposed chinks in the 56inch armour. The man was a guest of @BJP4India MP. pic.twitter.com/qhPX4C4Dia

— Kunwar Danish Ali (@KDanishAli) December 13, 2023

https://platform.twitter.com/widgets.js

ଦାନୀଶ ଅଲ୍ଲୀ ତାଙ୍କ ସୋସିଆଲ ମିଡିଆ ପୋଷ୍ଟରେ ଫଟୋ ବି ସେୟାର କରିଛନ୍ତି । ସେ ଦାବି କରିଛନ୍ତି କି ସଂସଦ ଭିତରେ ପ୍ରବେଶ କରିଥିବା ସାଗର ବିଜେପି ସାଂସଦ ପ୍ରତାପ ସିହ୍ନାଙ୍କ ଅତିଥି ଭାବେ ଆସିଥିଲା । ସୂଚାନା ଥାଉକି, ସଂସଦରେ ପ୍ରବେଶ କରିଥିବା ୪ ଜଣଙ୍କୁ ପୋଲିସ ଗିରଫ କରିଛି । ସେମାନଙ୍କ ମଧ୍ୟରୁ ଜଣଙ୍କର ନାମ ସାଗର ବୋଲି ଜଣାପଡିଛି ।

The post ସାଂସଦ ଦାନୀଶ ଅଲ୍ଲୀଙ୍କ ଗମ୍ଭୀର ଅଭିଯୋଗ । ସଂସଦରେ ଅନୁପ୍ରବେଶ କରିଥିବା ସାଗରକୁ ବିଜେପି ସାଂସଦ ଦେଇଥିଲେ ପାସ୍ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସମ୍ବଲପୁର ବୋରୱେଲରୁ ନବଜାତ ଶିଶୁକନ୍ୟା ଉଦ୍ଧାର ଘଟଣା । ଅପରେସନ୍ ବୋରୱେଲ ନେଇ ବିସ୍ତୃତ ସୂଚନା ଦେଲେ ଅଗ୍ନିଶମ ଡିଜି ସୁଧାଂଶୁ ଷଡ଼ଙ୍ଗୀ । କହିଲେ, ଉତ୍ତରାଞ୍ଚଳ ଅଗ୍ନିଶମ ରେଞ୍ଜ୍ ଅଫିସର ସଲିଲ ପ୍ରକାଶ କିଣ୍ଡୋ ଏବଂ ସୁଶାନ୍ତ ରାଉଳ ତାଙ୍କ ଟିମକୁ ନେଇ ଘଟଣାସ୍ଥଳରେ ପହଞ୍ଚିଥିଲେ । ୨ଟା ୪୬ ମିନିଟରେ ଆମ ଟିମ୍ ଘଟଣାସ୍ଥଳରେ ପହଞ୍ଚିଥିଲା । ବୋରୱେଲ ଭିତରେ ଶିଶୁ ଥିବା ଜାଣିବା ପରେ ତାକୁ କେମିତି ଅକ୍ସିଜେନ ଦିଆଯିବ ସେଇଟା ଅଗ୍ନିଶମବାହିନୀଙ୍କ ପ୍ରଥମ ଦାୟିତ୍ୱ ଥିଲା । ରେଙ୍ଗାଲୀ ସିଏଚସିର ଫାର୍ମାସିଷ୍ଟଙ୍କୁ ଅନୁରୋଧ କରିଥିଲୁ ଘଟଣାସ୍ଥଳରେ ଆସି ପହଞ୍ଚିବା ପାଇଁ, ଆଉ ପରେ ମେସିନ ମାଟି ଖୋଳିବା ଆଉ ମାଟିକୁ ସେହି ସ୍ଥାନରୁ ସଫା କରିବା ପାଇଁ ସ୍ଥାନୀୟ ଅଧିକାରୀଙ୍କ ସହଯୋଗ ବେଶ୍ ଗୁରୁତ୍ୱପୂର୍ଣ୍ଣ ଥିଲା ।

ଅତି ସାବଧାନତାର ସହ ପାଇପକୁ କାଟିବାକୁ ପଡ଼ିଲା । କାରଣ ଆମର ଟିକିଏ ଭୁଲ ପାଇଁ ପିଲାଟି ଯେମିତି ଖସିନପଡୁ ତା’ ଉପରେ ଗୁରୁତ୍ୱ ଥିଲା । ପିଲାଟି ପାଇପର କେଉଁ ସ୍ଥାନରେ ଅଛି , କେତେ ଦୂରତାରେ ଅଛି ତାହା ଜାଣିବା ପାଇଁ ଆମେ ଭିକ୍ଟିମ୍ ଲୋକେସନ୍ କ୍ୟାମେରା ଲୋଡ଼ିଥିଲୁ । ମୁଖ୍ୟମନ୍ତ୍ରୀ ଏହି ଘଟଣାକୁ ନିଜେ ସମୀକ୍ଷା କରୁଥିବାରୁ ତୁରନ୍ତ ସ୍ୱତନ୍ତ୍ର ବିମାନ ଯୋଗେ ଭୁବନେଶ୍ୱରରୁ ଝାରସୁଗୁଡ଼ା ସେହି କ୍ୟାମେରାକୁ ପଠାଯାଥିଲା । କ୍ୟାମେରା ପହଞ୍ଚିବା ପୂର୍ବରୁ ଆମେ ଖୋଳାଖୋଳି କାମ ସାରିଥିଲୁ । ପରେ ଅତି ସୁକ୍ଷ୍ମତାର ସହ ସମ୍ବେଦନଶୀଳ ଭାବେ ସୁରକ୍ଷିତ ଶିଶୁଟିକୁ ଉଦ୍ଧାର କରି ଡାକ୍ତରୀ ଟିମକୁ ଦେଇଥିଲୁ ।

ପ୍ରତିଟି ଜୀବନ ମୂଲ୍ୟବାନକୁ ସବୁବେଳେ ଗୁରୁତ୍ୱ ଦେଇଆସିଛନ୍ତି ମୁଖ୍ୟମନ୍ତ୍ରୀ । କୁନି ଶିଶୁର ଜୀବନ ବଞ୍ଚାଇବା ପାଇଁ ଉଡ଼ାଜାହାଜ ପଠାଇବାଠୁ ଆରମ୍ଭ କରି ସମସ୍ତ ପ୍ରକାର ସହଯୋଗ କରିଥିବାରୁ ନିଷ୍ପାପ ଶିଶୁଟି ବଞ୍ଚିଗଲା, ତେଣୁ ରାଜ୍ୟ ସରକାର ଏବଂ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ଅଗ୍ନିଶମ ଡିଜି । ଏବେ ଶିଶୁଟି ସୁସ୍ଥ ଏବଂ ବିପଦମୁକ୍ତ ଥିବା ଡାକ୍ତର ସୂଚନା ଦେଇଛନ୍ତି । ଏହି ଅପରେସନର ବିଜେତା ହେଉଛି ଶିଶୁ । ଏହା ଏକ ଦୁର୍ଘଟଣା ନୁହେଁ ଏହା ହେଉଛି ଏକ ଅପରାଧ, ଏହାକୁ କୌଣସି ଅନ୍ୟଘଟଣା ସହ ତୁଳନା କରି କହିବା ଠିକ୍ ହେବନି । ଏହି ଘଟଣା ସ୍ଥାନୀୟ ପୋଲିସ ତଦନ୍ତ କରୁଛି, ୩୦୭ ଦଫା ଲଗାଇ ଏହି ଘଟଣାର ତଦନ୍ତ ପୋଲିସ କରୁଛି, ତୁରନ୍ତ ଦୋଷୀ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ।

The post ମଝିରେ ମଝିରେ ଶିଶୁ କାନ୍ଦୁଥିଲା ବୋଲି ଆମେ ସକ୍ରିୟ ହୋଇପଡୁଥିଲୁ-ଅଗ୍ନିଶମ ଡିଜି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଲୋକସଭା ସୁରକ୍ଷା ବ୍ୟବସ୍ଥାରେ ବଡ ଧରଣର ତ୍ରୁଟି । ସୁରକ୍ଷା ବ୍ୟବସ୍ଥାକୁ ଭେଦ କରି ଲୋକସଭା ଭିତରକୁ ଧସେଇ ପଶିଲେ ଦୁଇ ଜଣ ଅଜଣା ବ୍ୟକ୍ତି । ଦର୍ଶକ ଗ୍ୟାଲେରୀରୁ ୨ ଅଜଣା ବ୍ୟକ୍ତି ସିଧା ଗୃହ ମଧ୍ୟକୁ ଡେଇଁଥିଲେ । ଏହାସହ ଜୋତାରୁ ସ୍ମୋକ କ୍ୟାଣ୍ଡେଲ ବାହାର କରି ଗୃହକୁ ହଳଦିଆ ଧୂଆଁରେ ଧୂଆଁମୟ କରିଥିଲେ । ସମାନ ସମୟରେ ଗୃହ ବାହାରେ ଜଣେ ଯୁବକ ଓ ଯୁବତୀ ମଧ୍ୟ ସ୍ମୋକ କ୍ୟାଣ୍ଡେଲ ଜଳାଇବା ସହ ନାରାବାଜି କରିଥିଲେ । ଗୃହର ସଦସ୍ୟଙ୍କ ଚେୟାର ଉପରେ ଡେଇଁ ଡେଇଁ ଯାଉଥିବା ବେଳେ ସାଂସଦ ମାନେ ୨ ଯୁବକଙ୍କୁ କାବୁ କରିଥିବା ବେଳେ ଗୃହ ବାହାରେ ପୋଲିସ ଅନ୍ୟ ୨ ଯୁବକ ଓ ଯୁବତୀଙ୍କୁ ଗିରଫ କରିଥିଲା ।

ଏହି ଘଟଣାରେ ପୋଲିସ ୪ ଜଣ ଅଭିଯୁକ୍ତଙ୍କୁ ନିଜ ହେପାଜତକୁ ନେଇଛି । ସଂସଦ ଭିତରେ ସାଗର ଓ ମନୋରଞ୍ଜନ ଦର୍ଶକ ଗ୍ୟାଲେରୀରୁ ଗୃହ ମଧ୍ୟକୁ ଡେଇଁଥିବା ବେଳେ ସଂସଦ ବାହାରେ ନିଲମ ଓ ଅମୋଲ ନାରାବାଜି କରୁଥିଲେ । ସବୁଠୁ ବଡ କଥା ହେଲା, ୪ ଅଭିଯୁକ୍ତ ପରସ୍ପରକୁ ଜାଣିଥିଲେ । ମିଳିଥିବା ସୂଚନା ମୁତାବକ, ସୋସିଆଲ ମିଡ଼ିଆରୁ ୪ ଅଭିଯୁକ୍ତ ପରସ୍ପରକୁ ଚିହ୍ନିଥିଲେ ଏବଂ ସଂସଦରେ ଏଭଳି କିଛି କରିବାକୁ ପ୍ଲାନ କରିଥିଲେ ।

ଲୋକସଭା ମଧ୍ୟରେ ସ୍ମୋକ ଆକ୍ରମଣ କରିଥିବା ସାଗର ଓ ମନୋରଞ୍ଜନ ମହିଶୂରରୁ ସାଂସଦ ଥିବା ପ୍ରତାପ ସିହ୍ମାଙ୍କ ଅତିଥି ଭାବେ ଦର୍ଶକ ଗ୍ୟାଲେରୀକୁ ଆସିଥିଲେ । ଅପରାହ୍ନ ୧ଟା ସମୟରେ ଉଭୟ ଦର୍ଶକ ଗ୍ୟାଲେରୀରୁ ସିଧା ଗୃହ ମଧ୍ୟକୁ ଡେଇଁଥିଲେ । ତେବେ ଏହି ଘଟଣା ପରେ ସାଂସଦ ମାନେ ସୁରକ୍ଷା ବ୍ୟବସ୍ଥାକୁ କଡାକଡି କରିବାକୁ ଦାବି କରିଛନ୍ତି । ଏହାସହ ଉକ୍ତ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ।

The post ସଂସଦରେ ‘ସ୍ମୋକ ଆକ୍ରମଣ’, ଦର୍ଶକ ଗ୍ୟାଲେରୀରୁ ଡେଇଁଲେ ୨ ଯୁବକ । ପୂରା ଗୃହକୁ କରିଲେ ଧୂଆଁମୟ, ସୋସିଆଲ ମିଡ଼ିଆରେ ପରସ୍ପରକୁ ଚିହ୍ନିଥିଲେ ୪ ଅଭିଯୁକ୍ତ । ଜାଣନ୍ତୁ ୪ ଅଭିଯୁକ୍ତଙ୍କ ନାଁ କଣ? first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଚଳିତ ବର୍ଷ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ସମାରୋହରେ ପୁର୍ବତନ ମୁଖ୍ୟମନ୍ତ୍ରୀ ଉମା ଭାରତୀଙ୍କ ଯୋଗ ନଦେବା ଘଟଣାକୁ ନେଇ ରାଜନୈତିକ ମହଲରେ ବିଭିନ୍ନ ଚର୍ଚ୍ଚା ଆରମ୍ଭ ହୋଇଛି । ହେଲେ ବିଜେପିର ଏହି ବରିଷ୍ଠ ନେତ୍ରୀ ଏ ନେଇ ସର୍ବ ସମ୍ମୁଖରେ କାରଣ ଜଣାଇଛନ୍ତି ।

ବୁଧବାର ଭୋପାଳର ମୋତିଲାଲ ନେହେରୁ ଷ୍ଟାଡିୟମରେ ବିଜେପି ବିଧାୟକ ଦଳର ନେତା ଡଃ ମୋହନ ଯାଦବ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ଏହା ସହ ରାଜ୍ୟପାଳ ମଙ୍ଗୁଭାଇ ପଟେଲ ଉପ ମୁଖ୍ୟମନ୍ତ୍ରୀ ଭାବେ ଜଗଦୀଶ ଦେବଡା ଓ ରାଜେନ୍ଦ୍ର ଶୁକ୍ଲ ଙ୍କୁ ମଧ୍ୟ ଶପଥ ପାଠ କରାଇଛନ୍ତି । ଏହି ସମାରୋହରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହ ମନ୍ତ୍ରୀ ଅମିତ ଶାହା ମଧ୍ୟ ସାମିଲ ଥିଲେ । ଅନ୍ୟାନ୍ୟ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମାନଙ୍କ ସହ ପୂର୍ବ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ମଧ୍ୟ ଏଠାରେ ଉପସ୍ଥିତ ଥିଲେ କିନ୍ତୁ ଦେଖିବାକୁ ମଳି ନଥିଲେ ବରିଷ୍ଠ ନେତ୍ରୀ ଉମା ଭାରତୀ ।

ଏନେଇ ଲୋକ ମାନେ ବିଭିନ୍ନ ମତ ଦେଉଥିବା ବେଳେ ଉମା ଭାରତୀ ଏ ନେଇ ନିଜ ଏକ୍ସ ବା ଟ୍ୱିଟର ହ୍ୟାଣ୍ଡେଲରେ କାରଣ ଜଣାଇଛନ୍ତି । କଥା କିଛି ଏପରି କି ଉମା ଭାରତୀଙ୍କୁ ପିଠି ଯନ୍ତ୍ରଣା ହେବା ସହ ସ୍ଲିପ ଡିସ୍କର ସମସ୍ୟା ରହିଛି । ଏହି କାରଣରୁ ଚିକିତ୍ସକ ମାନେ ଅଧିକ ସାବଧାନତା ଅବଲମ୍ବନ କରିବା ସହ ଯଥେଷ୍ଟ ଆରାମ କରିବା ପାଇଁ ଉପଦେଶ ଦେଇଛନ୍ତି । ଏଣୁ କରି ନିମନ୍ତ୍ରଣ ମିଳିବା ସତ୍ୱେ ଉମା ଭାରତୀ ଏହି ସମାରୋହରେ ଯୋଗ ଦେଇ ପାରି ନଥିଲେ ବୋଲି ସେ ଲେଖିଛନ୍ତି । ସ୍ୱାସ୍ଥ୍ୟଗତ ଅସୁବିଧା କାରଣରୁ ସାମିଲ ହୋଇ ପାରି ନଥିଲେ ମଧ୍ୟ ଉମା ଭାରତୀ ନବ ନିର୍ବାଚିତ ମୁଖ୍ୟ ମନ୍ତ୍ରୀ ତଥା ଉପ ମୁଖ୍ୟ ମନ୍ତ୍ରୀଙ୍କୁ ଶୁଭ କାମନା ଜଣାଇଛନ୍ତି ।

The post ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମୋହନ ଯାଦବ । ହେଲେ ଯୋଗଦେଲେ ନାହିଁ ବରିଷ୍ଠ ନେତ୍ରୀ ଉମା ଭାରତୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଛତିଶଗଡର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବିଷ୍ଣୁଦେଓ ସାଏ । ପଦ ଓ ଗୋପନୀୟତାର ଶପଥପାଠ କରାଇଲେ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ । ବିଷ୍ଣୁଦେଓଙ୍କ ସମେତ ଦୁଇ ଉପ-ମୁଖ୍ୟମନ୍ତ୍ରୀ ମଧ୍ୟ ପଦ ଓ ଗୋପନୀୟତାର ଶପଥ ନେଇଛନ୍ତି । ବିଜୟ ଶର୍ମା ଓ ଅରୁଣ ସାଓ ଉପ-ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ।  ଏହି ଶପଥଗ୍ରହଣ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉପସ୍ଥିତ ଥିଲେ  । ନରେନ୍ଦ୍ର ମୋଦିଙ୍କ ସମେତ ବିଜେପିର ବରିଷ୍ଠ ନେତା ଅମିତ ଶାହ, ଜେ.ପି ନଡ୍ଡା, ଯୋଗୀ ଆଦିତ୍ୟନାଥ, ହିମନ୍ତ ବିଶ୍ୱଶର୍ମା ଯୋଗ ଦେଇଥିଲେ । ସେହିଭଳି ପୂର୍ବତନ ମୁଖ୍ୟମନ୍ତ୍ରୀ ରମଣ ସିଂ ମଧ୍ୟ ଶପଥ ଗ୍ରହଣ ଉତ୍ସବରେ ସାମିଲ ହୋଇଥିଲେ ।

#WATCH | BJP leader Vishnu Deo Sai takes oath as the Chief Minister of Chhattisgarh, in the presence of PM Modi and Union Home Minister Amit Shah and other senior leaders, in Raipur pic.twitter.com/p30zAmgxgq

— ANI (@ANI) December 13, 2023

https://platform.twitter.com/widgets.js

The post ଛତିଶଗଡର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବିଷ୍ଣୁଦେଓ ସାଏ । ପଦ ଓ ଗୋପନୀୟତାର ଶପଥପାଠ କରାଇଲେ ରାଜ୍ୟପାଳ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଏକ ଜାତୀୟ ଗଣମାଧ୍ୟମର ଆଲୋଚନା ଚକ୍ରରେ ଯୋଗଦେଇ ହିମାଚଳ ପ୍ରଦେଶର ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ ଗୋଟିଏ ବର୍ଷରେ ହିମାଚଳରେ କଂଗ୍ରେସ ସରକାର କଣ କଣ କାର୍ଯ୍ୟ କରିଛି ତାହାର ହିସାବ ଦେଇଛନ୍ତି । ସେ କହିଛନ୍ତି କି, ଯିଏ କ୍ଷମତାରେ ରହିବ ତା ଆଗରେ ଅନେକ ଚ୍ୟାଲେଞ୍ଜ ରହିବ । ହିମାଚଳ ପ୍ରଦେଶର ଆର୍ଥିକ ସ୍ଥିତି ଏବେ ବି ଭଲ ନଥିବା ସୁଖୁ କହିଛନ୍ତି   ।

ସେପଟେ କେନ୍ଦ୍ର କଂଗ୍ରେସକୁ ନେଇ ମଧ୍ୟ ମତ ରଖିଛନ୍ତି ସୁଖବିନ୍ଦର ସିଂ ସୁଖୁ । ସେ କହିଛନ୍ତି କି, ଉତ୍ତର ଭାରତରେ ଗୋଟିଏ ରାଜ୍ୟରେ କଂଗ୍ରେସର ସରକାର ରହିଛି । ହେଲେ ସାରା ଦେଶରେ କଂଗ୍ରେସର ବିଚାର ଧାରା ରହିଛି । ହରିଆଣା ଓ ପଞ୍ଜାବରେ କଂଗ୍ରେସ ମୁଖ୍ୟ ବିରୋଧୀ ଦଳ ଭାବେ ରହିଛି ଓ ଜାମ୍ମୁ କାଶ୍ମୀରରେ ନିର୍ବାଚନ ହେଲେ କଂଗ୍ରେସ ବିଜୟୀ ହେବ ବୋଲି ସେ କହିଛନ୍ତି । ୫ ରାଜ୍ୟ ମଧ୍ୟରୁ ୪ ରାଜ୍ୟରେ କଂଗ୍ରେସର ପରାଜିତକୁ ନେଇ ସେ କହିଛନ୍ତି ଯେ, ଲୋକତାନ୍ତ୍ରିକ ଉପାୟରେ ହେଉଥିବା ନିର୍ବାଚନରେ ବିଜୟ ଓ ପରାଜୟ ରହିଛି । ମାତ୍ର ବୈଚାରିକ ଭାବେ ଯଦି କେହି କହୁଛି କଂଗ୍ରେସ ସମାପ୍ତ ହୋଇଯାଇଛି ତାହା ସମ୍ପୂର୍ଣ୍ଣ ଭୁଲ ବୋଲି ସେ କହିଛନ୍ତି ।

ନିର୍ବାଚନ ପୂର୍ବରୁ କଂଗ୍ରେସର ପ୍ରତିଶ୍ରୁତି ଓ ପୁରୁଣା ପେନସନ ଲାଗୁ କରିବା ନେଇ ପ୍ରଶ୍ନର ଉତ୍ତର ଦେଇ ସେ କହିଛନ୍ତି କି ଏବେ ହିମାଚଳରେ ୧.୩୬ ଲକ୍ଷ କର୍ମଚାରୀ ପୁରୁଣା ପେନସନର ଲାଭ ପାଉଛନ୍ତି । ହିମାଚଳ ପ୍ରଦେଶ ଏଭଳି ଏକ ରାଜ୍ୟ ଯେଉଁଠାରେ ଅବସରପ୍ରାପ୍ତ କର୍ମଚାରୀମାନେ ପୂର୍ବରୁ ୨୭୫୦ ଟଙ୍କା ପେନସନ ପାଉଥିଲେ ସେମାନେ ଏବେ ୨୭ ହଜାର ଟଙ୍କା ପର୍ଯ୍ୟନ୍ତ ମାସିକ ପେନସନ୍ ପାଉଛନ୍ତି ।

The post ଉତ୍ତର ଭାରତର ଗୋଟିଏ ରାଜ୍ୟରେ ରହିଛି କଂଗ୍ରେସ ସରକାର, ହେଲେ ସାରା ଦେଶରେ ରହିଛି କଂଗ୍ରେସ ବିଚାରଧାରା : ହିମାଚଳ ମୁଖ୍ୟମନ୍ତ୍ରୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସଂସଦରେ ଶୀତଳକାଳୀନ ଅଧୀବେଶନରେ ଦେଶର କମିଶନର ନିଯୁକ୍ତ କରିବାକୁ ଆଣିଥିବା ବିଲ୍ ଉପରେ ମଙ୍ଗଳବାର ଦିନ (୧୨ ଡିସେମ୍ବର ୨୦୨୩) ଆଲୋଚନା କରାଯାଇଥିଲା । ଏହି ଆଲୋଚନାରେ ନକଲି ଦସ୍ତଖତ ମାମଲାରେ ନିଲମ୍ବିତ ହୋଇଥିବା ଏବଂ ବିନା ସର୍ତ୍ତରେ କ୍ଷମା ପ୍ରାର୍ଥନା କରିବା ପରେ ପୁଣି ଥରେ ରାଜ୍ୟସଭାକୁ ଫେରିଥିବା ରାଘବ ଚଢା ତାଙ୍କ ରାଜନୈତିକ ପ୍ରତିଦ୍ୱନ୍ଦୀ ସମ୍ବିତ ପାତ୍ରାଙ୍କ ଉପରେ ବୟାନ ଦେଇଛନ୍ତି ।

ଏହି ବିଲ୍ ବାବଦରେ ରାଘବ ଚଡ୍ଡା କହିଛନ୍ତି ଯେ, ଯଦି ଏହି ବିଲ୍ ପାସ ହୁଏ ତେବେ ସମ୍ବିତ ପାତ୍ରଙ୍କୁ ମଧ୍ୟ ମୁଖ୍ୟ ନିର୍ବାଚନ କମିଶନର କରାଯାଇପାରିବ, ଯେଉଁଥିପାଇଁ ଆୟୋଗର ନିରପେକ୍ଷତା ହଜିଯିବ । ସିଏସିରେ ପ୍ରଧାନ ବିଚାରପତିଙ୍କ ଭୂମିକା ହଟାଇବା ପ୍ରସଙ୍ଗକୁ ରାଘବ ଚଡ୍ଡା ବିରୋଧ କରିଥିଲେ । ଏବଂ ଏସପି ସାଂସଦ ଜୟା ବଚ୍ଚନଙ୍କୁ ସମ୍ବୋଧିତ କରି ସେ କହିଛନ୍ତି ଯେ କେବଳ ତିନିଜଣ ସଦସ୍ୟଙ୍କୁ ହିଁ ସିଇସିରେ ରଖାଯାଇଛି । ପ୍ରଧାନମନ୍ତ୍ରୀ, ବିରୋଧୀ ଦଳର ନେତା ଏବଂ କ୍ୟାବିନେଟ ମନ୍ତ୍ରୀ ଯାହା ଠିକ୍ ନୁହେଁ । ଏଭଳି ପରିସ୍ଥିତିରେ ସରକାର ଯାହାକୁ ଚାହାଁନ୍ତି ତାଙ୍କୁ ମନ୍ତ୍ରୀ କରିପାରିବେ ବୋଲି ରାଘବ ଚଡ୍ଡା କହିଛନ୍ତି ।

ନୂତନ ସିଇସି ବିଲ୍ କଣ କହିଛି?

ମୁଖ୍ୟ ନିର୍ବାଚନ କମିଶନରଙ୍କ ନିଯୁକ୍ତି ସଂପର୍କରେ କେନ୍ଦ୍ର ସରକାର ଏକ ସଂଶୋଧନ ବିଲ ଆଣିଛନ୍ତି । ଯାହା ଅନୁସାରେ ବର୍ତ୍ତମାନ ନିର୍ବାଚନ କମିଶନରଙ୍କ ନିଯୁକ୍ତିରେ ତିନି ଜଣଙ୍କର ମୁଖ୍ୟ ଭୂମିକା ରହିବ । ଯାହା ବିରୋଧୀ ଦଳର ନେତା ,ପ୍ରଧାନମନ୍ତ୍ରୀ ଏବଂ ଜଣେ କ୍ୟାବିନେଟ ମନ୍ତ୍ରୀ । ଏହି ବିଲକୁ ସମସ୍ତ ବିରୋଧୀ ଦଳର ନେତା ମାନେ ବିରୋଧ କରୁଛନ୍ତି । ବିରୋଧ କରିବାର କାରଣ ହେଉଛି ଏହା ସିଇସି ନିଯୁକ୍ତିରେ ୨; ୧ ଅନୁପାତ ରହିବ । ଯାହାଫଳରେ ସରକାର ଯାହାଙ୍କୁ ଚାହିଁବେ ତାଙ୍କୁ ମୁଖ୍ୟ ନିର୍ବାଚନ କମିଶନର ଆସନରେ ବସାଇପାରିବେ । ବିରୋଧୀ ଦଳ ଏହା ମଧ୍ୟ କହିଛନ୍ତି ଯେ ଏଭଳି ପରିସ୍ଥିରେ ନିର୍ବାଚନ କମିଶନରଙ୍କ ନିଷ୍ପତ୍ତି ଠିକ ହେବ ନାହିଁ ଏବଂ କ୍ଷମତାରେ ଥିବା ସରକାରଙ୍କ ସ୍ୱାର୍ଥକୁ ଆଖିଆଗରେ ରଖି କାର୍ଯ୍ୟ କରିବା ତାଙ୍କର ଲାଭହେବ ଓ ବିରୋଧୀ ଦଲମାନେ କ୍ଷତି ସହିବାର ଅଧିକ ସମ୍ଭାବନା ରହିଛି ।

The post ନିର୍ବାଚନ ଆୟୁକ୍ତ ବିଲ୍ କୁ ନେଇ ରାଘବ ଚଢାଙ୍କ ବୟାନ୍ । କହିଲେ, ଏହି ବିଲ୍ ପାରିତ ହେଲେ ସମ୍ବିତ ପାତ୍ରଙ୍କୁ ମଧ୍ୟ କରାଯାଇପାରିବ ନିର୍ବାଚନ ଆୟୋଗ ଅଧ୍ୟକ୍ଷ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଛାତ୍ରଛାତ୍ରୀଙ୍କ ପାଇଁ ବଡ ଖବର । ଫେବ୍ରୁଆରୀ ୨୦ରୁ ଆରମ୍ଭ ହେବ ମାଟ୍ରିକ ପରୀକ୍ଷା । ଏନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛି ମାଧ୍ୟମିକ ଶିକ୍ଷା ପରିଷଦ । ଫେବ୍ରୁଆରୀ ୨୦ରୁ ପରୀକ୍ଷା ଆରମ୍ଭ ହୋଇ ମାର୍ଚ୍ଚ ୪ ତାରିଖ ଯାଏଁ ଚାଲିବ । ୨୦ରେ ସାହିତ୍ୟ, ୨୩ରେ ଇଂରାଜୀ ପରୀକ୍ଷା ହେବ ବୋଲି ବୋର୍ଡ ପକ୍ଷରୁ ସୂଚନା ଦିଆଯାଇଛି । ୨୬ରେ ଗଣିତ, ୨୮ରେ ସଂସ୍କୃତ/ହିନ୍ଦୀ, ମାର୍ଚ୍ଚ ୨ରେ ସାଧାରଣ ବିଜ୍ଞାନ, ମାର୍ଚ୍ଚ ୪ରେ ସାମାଜିକ ବିଜ୍ଞାନର ହେବ ପରୀକ୍ଷା ।

ଚଳିତବର୍ଷ ମୋଟ୍ ୫ ଲକ୍ଷ ୫୧ ହଜାର ୬୧୧ ଜଣ ପରିକ୍ଷାର୍ଥୀ ଦେବେ ପରୀକ୍ଷା । ମାଟ୍ରିକ ପରୀକ୍ଷା ପାଇଁ ମୋଟ ୨୯୯୧ଟି ପରୀକ୍ଷା କେନ୍ଦ୍ର ହୋଇଛି । ଗୋଟିଏ ସିଟିଂରେ ହେବ ସମସ୍ତ ପରୀକ୍ଷା । ଗଣିତ ପରୀକ୍ଷା ପାଇଁ ଅଧିକ ୧୫ ମିନିଟ୍ ଦିଆଯିବ । ପରୀକ୍ଷା ଶେଷ ହେବା ପରେ ମାର୍ଚ୍ଚ ୧୫ରୁ ଖାତା ଦେଖା ଆରମ୍ଭ ହେବ ବୋଲି ବୋର୍ଡ ପକ୍ଷରୁ କୁହାଯାଇଛି ।

The post ଦଶମ ଛାତ୍ରଛାତ୍ରୀଙ୍କ ପାଇଁ ବଡ ଖବର । ଫେବ୍ରୁଆରୀ ୨୦ରୁ ଆରମ୍ଭ ହେବ ମାଟ୍ରିକ ପରୀକ୍ଷା, ଜାଣନ୍ତୁ କେଉଁ ତାରିଖରେ ଅଛି କେଉଁ ପରୀକ୍ଷା?  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସାଂସଦରେ ଶୀତକାଳୀନ ଅଧିବେଶନ ଜାରି ରହିଛି । ଏହି କ୍ରମରେ ଲୋକସଭାରେ ବୈଠକ ଚାଲିଥିବା ବେଳେ ହଠାତ ଦୁଇଜଣ ଅଜଣା ଯୁବକ ସଂସଦ ଭିତରକୁ ପ୍ରବେଶ କରିଥିଲେ । ସେମାନେ ସଂସଦର କଡା ସୁରକ୍ଷା ବ୍ୟବସ୍ଥାକୁ ଭେଦକରି ସଂସଦ ମଧ୍ୟରେ ପ୍ରବେଶ କରିବା ସମସ୍ତଙ୍କୁ ଚକିତ କରିଛି । ଅଜଣା ଯୁବକ ଦୁଇଜଣ ସଂସଦ ଭିତରେ ପ୍ରବେଶ କରି ଗୋଟିଏ ଚେୟାରରୁ ଅନ୍ୟ ଚେୟାରକୁ ଡେଇଁବା ଓ ସ୍ମୋକ କ୍ୟାଣ୍ଡେଲ ଲଗାଇ ସଂସଦ ଭିତରେ ଧୂଆଁ କରିବା ଭଳି ଦୃଶ୍ୟ ଦେଖିବାକୁ ମିଳିଛି । ସୁରକ୍ଷାକର୍ମୀ ଓ ସାଂସଦମାନେ ସଂପୃକ୍ତ ଦୁଇ ଯୁବକଙ୍କୁ ଧରିଥିଲେ   । ଏହାପରେ ସଂସଦର ଉଭୟ ସଦନକୁ ସ୍ଥଗିତ ରଖାଯାଇଛି ।

ଏହି ଅଜଣା ଯୁବକ ୨ ଜଣଙ୍କ ମଧ୍ୟରୁ ଜଣଙ୍କର ନାମ ସାଗର ଓ ଦ୍ୱିତୀୟ ଯୁବକଙ୍କ ନାମ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏହି ଦୁଇ ଯୁବକ ଜୋତା ଭିତରେ ସ୍ମୋକ କ୍ୟାଣ୍ଡେଲ ଲୁଚାଇ ଆଣିଥିଲେ । ଯାହାକୁ ସେମାନେ ସଂସଦ ଭିତରେ ସ୍ପ୍ରେ କରିଥିଲେ । ଏଥିରେ ସଂସଦ ଭିତରେ ବାରୁଦର ଗନ୍ଧ ଖେଳିଯାଇଥିଲା । ସେପଟେ ପୋଲିସର ଆତଙ୍କବାଦୀ ନିରୋଧୀ ସେଲ ଏବେ ଏହି ଦୁଇ ଯୁବକଙ୍କୁ ପଚରା ଉଚରା କରିବାକୁ ପହଂଚିଛି ।

ସେପଟେ ଯେତେବେଳେ ସଂପୃକ୍ତ ଯୁବକ ଦୁଇଜଣ ସଂସଦ ଭିତରେ ପ୍ରବେଶ କରି ଚେୟାର ରୁ ଚେୟାର ଡିଆଁ ମାରୁଥିଲେ ସେତେବେଳେ ସାଂସଦ ମନୋଜ କୋଟକ ଓ ମଲୁକ ନଗର ସେମାନଙ୍କୁ ଧରିଥିଲେ । ଏହାପରେ ସୁରକ୍ଷାକର୍ମୀମାନେ ସେମାନଙ୍କୁ କାବୁ କରିନେଇଥିଲେ ।

Antecedents being verified. Initial questioning related to security breach and who gave access. Finding out if any connection with those who jumped inside. Multi-agency questioning also likely: Delhi Police sources https://t.co/WTaMsDnfSe

— ANI (@ANI) December 13, 2023

https://platform.twitter.com/widgets.js

କେବଳ ସେତିକି ନୁହେଁ ଏହା ମଧ୍ୟରେ ସଂସଦ ବାହାରେ ଥିବା ପରିବହନ ଭବନରେ ମଧ୍ୟ ଏଭଳି ଏକ ଘଟଣା ହୋଇଛି । ସେଠାରେ ସନ୍ଦିଗ୍ଧ ଅବସ୍ଥାରେ ବୁଲୁଥିବା ୪୨ ବର୍ଷିୟା ମହିଳା ନୀଲମ ଓ ୨୫ ବର୍ଷିୟା ଅମୋଲ ସିନ୍ଦେକୁ ପୋଲିସ ହେପାଜତକୁ ନେଇଛି । ଏମାନେ ବି ପରିବହନ ଭବନ ପାଖରେ ନୀଳ ରଙ୍ଗର ସ୍ମୋକ କ୍ୟାଣ୍ଡେଲ ଜଳାଉଥିଲେ ।

The post ପୁରୁଣା ସଂସଦ ଉପରେ ଆଜିର ଦିନରେ ହୋଇଥିଲା ଆତଙ୍କବାଦୀ ଆକ୍ରମଣ । ପୁଣି ସମାନ ଦିନରେ ନୂଆ ସଂସଦ ଭିତରେ ପଶିଲେ ୨ ଅଜଣା ଯୁବକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଟଙ୍କା, ଜମି ଅବା ଧନସମ୍ପତିକୁ ନେଇ ବିବାଦ କଥା ଆମେ ଜାଣିଛେ । କିନ୍ତୁ ଶବକୁ ନେଇ ବିବାଦ କେବେ ଦେଖିନଥିବେ । ଗଞ୍ଜାମରେ ମୃତ ଦାଦନ ଶ୍ରମିକର ଶବକୁ ନେଇ ବିବାଦ ଏବେ ଚର୍ଚ୍ଚାର ବିଷୟ ପାଲଟିଛି । ଶବ ସତ୍କାର କରିବାକୁ ନେଇ ଦୁଇ ପରିବାର ମଧ୍ୟରେ ବିବାଦ ଉପୁଜିବା ପରେ ପୁଲିସ ଘଟଣାରେ ହସ୍ତକ୍ଷେପ କରିଛି । ଶେଷରେ ନିରପେକ୍ଷ ସ୍ଥାନରେ ଶବ ସତ୍କାର କରାଯାଇଛି ।

ଗୋଟଏ ପଟେ ଜନ୍ମକଲା ମା ଓ ନିଜ ଭାଇମାନେ ଅନ୍ୟ ପଟେ ପାଳିତ ମା ଓ ପତ୍ନୀ ଘରଲୋକ । ଗଂଜାମ ସେରଗଡ ଅଂଚଳର ବଳରାମ ଦାସ । ସେରଗଡ଼ରେ ତାଙ୍କ ମା, ଭାଇମାନେ ରୁହନ୍ତି । କିନ୍ତୁ ୧୫ ବର୍ଷ ତଳେ ବଳରାମ ଧରାକୋଟ ବ୍ଲକ ତାଳପାଟଣା ଗ୍ରାମର ମାଉସି ସୋଲି ନାୟକଙ୍କ ପୁଅ ହୋଇ ଆସିଥିଲେ । ସେବେଠୁ ତଳପାଟଣାରେ ମାଉସୀ ଘରେ ରହିଆସୁଥିଲେ । ସେଠାରେ ତାଙ୍କର ବିବାହ ମଧ୍ୟ ହୋଇଥିଲା । ଏବେ ତଳପାଟଣାରେ ତାଙ୍କ ସ୍ତ୍ରୀ ଓ ୫ ମାସର ପୁତ୍ର ବି ରହୁଛନ୍ତି । ତେବେ ବଳାରାମ ଚେନ୍ନାଇରେ ୪ ବର୍ଷ ହେଲା ଦାଦନ ଶ୍ରମିକ ଭାବେ କାର୍ଯ୍ୟ କରୁଥିଲେ ।

ଗତ ରବିବାର ହୃଦଘାତରେ ତାଙ୍କର ମୃତ୍ୟୁ ହୋଇଥିଲା । ପରେ ସେ କାର୍ଯ୍ୟ କରୁଥିବା ସଂସ୍ଥା ତାଙ୍କର ମୃତଦେହକୁ ବଳରାମଙ୍କ ଆଧାରକାର୍ଡ ଠିକଣା ଅନୁଯାୟୀ ତାଳପାଟଣାକୁ ପଠାଇ ଦେଇôଥଲେ । ହେଲେ ଶବ ତାଳପାଟଣାରେ ପହଂଚିବା ପହଂଚିବା ବଳରାମଙ୍କ ନିଜ ଭାଇ ମାନେ ଓ ସମ୍ପର୍କୀୟ ମାନେ ପହଂଚିଥିଲେ । ବଳରାମଙ୍କ ଶବକୁ ସେରଗଡକୁ ନେଇ ଅନ୍ତିମ ସଂସ୍କାର କରିବାକୁ ସେମାନେ ଦାବି କରିଥିଲେ । ଯେହେତୁ ସେଠାରେ ତାଙ୍କ ନିଜ ଜନ୍ମକଲା ମା ଅଛି ଓ ଭାଇ ଭାଉଜ ମାନେ ଅଛନ୍ତି ତେଣୁ ତାଙ୍କୁ ସେରଗଡରେ ହିଁ ଦାହ କରାଯିବ । ଏପଟେ ତାଳପାଟଣାରେ ବଳରାମଙ୍କ ପାଳିତ ମା ଘର ଦାବି କରିଥିଲେ ବଳରାମଙ୍କ ସ୍ତ୍ରୀ ଓ ଛୁଆ ଏଠାରେ ଅଛନ୍ତି ତାଙ୍କ ଶବ ତାଳପାଟଣାରେ ହିଁ ସତ୍କାର ହେବ ବୋଲି କଥା ଉଠିଥିଲା ।

ଏହାରି ଭିତରେ ବଳରାମଙ୍କ ଭାଇମାନେ ତାଙ୍କ ଶବକୁ ସେରଗଡ ନେଇ ଚାଲିଯାଇଥିଲେ । ଶେଷରେ ପୁଲିସ ଘଟଣାସ୍ଥଳରେ ପହଂଚି ଉଭୟ ପକ୍ଷକୁୁ ବୁଝାଇଥିଲେ । ଶେଷରେ ସେରଗଡ଼ ଅବା ତଳପାଟଣା ପରିବର୍ତେ ଆସିକା ଋଷିକୁଲ୍ୟା ନଦୀର ସଙ୍ଗମ ସ୍ଥଳରେ ଶବଦାହ କରାଯାଇଥିଲା । କିନ୍ତୁ ବଳରାମଙ୍କ ସ୍ତ୍ରୀ ଓ ଛୁଆର କିଏ ଭରଣପୋଷଣ କରିବ ତାକୁ ନେଇ ଚିନ୍ତା ବଢିଛି ।

The post ଶବ ସତ୍କାରକୁ ନେଇ ବିବାଦ । ମୃତ ଦାଦନ ଶ୍ରମିକଙ୍କ ଶବଦାହ କରିବାକୁ ଦୁଇ ଗାଁ ମଧ୍ୟରେ ବିବାଦ । ଶେଷରେ ନିରପେଷ ସ୍ଥାନରେ ଜଳିଲା ଜୁଇ first appeared on Kanak News.

from Kanak News
via <a href="https://ifttt.com/?