କନକ ବ୍ୟୁରୋ: ମଧ୍ୟପ୍ରଦେଶରେ ଆରମ୍ଭ ହେଲା ମୋହନ ସରକାର । ବୁଧବାର ଲାଲ ପରେଡ୍ ଗ୍ରାଉଣ୍ଡରେ ମଧ୍ୟପ୍ରଦେଶର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି ମୋହନ ଯାଦବ । ରାଜ୍ୟପାଳ ଛଗନ ଭାଇ ପଟେଲ ମୁଖ୍ୟମନ୍ତ୍ରୀ ମୋହନ ଯାଦବଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି ।

#WATCH | BJP leader Jagdish Devda take oath as the Chief Minister of Madhya Pradesh.

Prime Minister Narendra Modi and other senior NDA leaders attend the ceremony. pic.twitter.com/5r2NEilvKI

— ANI (@ANI) December 13, 2023

https://platform.twitter.com/widgets.js

ମୁଖ୍ୟମନ୍ତ୍ରୀଙ୍କ ସମେତ ଦୁଇ ଜଣ ଉପ ମୁଖ୍ୟମନ୍ତ୍ରୀ ମଧ୍ୟ ଶପଥ ଗ୍ରହଣ କରିଛନ୍ତି । ମୋହନ ଯାଦବଙ୍କ ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉପସ୍ଥିତ ରହିଛନ୍ତି । ତାଙ୍କ ସହିତ ଗୃହମନ୍ତ୍ରୀ ଅମିତ ଶାହା, ବିଜେପି ଅଧ୍ୟକ୍ଷ ଜେଡି ନଡ୍ଡା, କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ନୀତିନ ଗଡକରି ପ୍ରମୁଖ ଉପସ୍ଥିତ ରହିଛନ୍ତି ।

 

BJP leaders Jagdish Devda and Rajendra Shukla take oath as the Deputy Chief Ministers of Madhya Pradesh, in Bhopal.

Prime Minister Narendra Modi and other senior NDA leaders attend the ceremony. pic.twitter.com/dZbni3CiLK

— ANI (@ANI) December 13, 2023

https://platform.twitter.com/widgets.js

 

The post ମଧ୍ୟପ୍ରଦେଶରେ ଆରମ୍ଭ ହେଲା ‘ମୋହନ’ ସରକାର । ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ମୋହନ ଯାଦବ । ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଉପସ୍ଥିତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୁକୁର କାମୁଡ଼ାରେ ଶିଶୁ ମୃତ୍ୟୁ ଘଟଣା, କ୍ଷତିପୂରଣ ଦେବ ପୁରୀ ପୌରପରିଷଦ । ୨୦୧୬ରେ ପୁରୀରେ ୪ ବର୍ଷ ଶିଶୁର କୁକୁର କାମୁଡ଼ାରେ ମୃତ୍ୟୁ ହୋଇଥିଲା । ଏହି ଘଟଣାରେ ଶିଶୁର ପରିବାରକୁ କ୍ଷତିପୁରଣ ପାଇଁ ପୁରୀ ପୌରପରିଷଦକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ୧୦ ଲକ୍ଷ ଟଙ୍କା କ୍ଷତିପୂରଣ ଦେବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।

ପୁରୀ କୁମ୍ଭାରପଡା ଥାନା ଅନ୍ତର୍ଗତ ଜଗନ୍ନାଥ କଲୋନୀରେ କୁନି ପୁଅଟି ଖେଳୁଥିବା ବେଳେ ୪ଟି ବୁଲା କୁକୁର ତାକୁ ଝୁଣି ପକାଇଥିଲେ । ଶିଶୁଟିକୁ ଘୋଷାଡି ଘୋଷାଡି ଏକ ବୁଦା ମୂଳକୁ ନେଇ ଯାଇଥିଲେ । ତେବେ ଘଟଣାଟି ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ଶିଶୁଟିର ମୃତ୍ୟୁ ହୋଇଥିଲା । ଏନେଇ ସେତେବେଳେ ହାଇକୋର୍ଟରେ ଏକ ମାମଲା ରୁଜୁ ହୋଇଥିଲା । ଏହି ମାମଲାରେ ପୁରୀ ପୌରପରିଷଦ ପକ୍ଷରୁ ସତ୍ୟପାଠ ଦାଖଲ କରାଯାଇଥିଲା । କୁକୁର ବନ୍ଧ୍ୟାକରଣ ପାଇଁ କଣ ବ୍ୟବସ୍ଥା କରାଯାଇଛି, ସେନେଇ ସତ୍ୟପାଠରେ ଦର୍ଶାଯାଇଥିଲା । ଏହାସହ ବୁଲା କୁକୁର କାମୁଡାରେ କାହାରି ମୃତ୍ୟୁ ହେଲେ କ୍ଷତିପୂରଣ ଦେବା ପାଇଁ ମ୍ୟୁନିସିପାଲଟି ଆକ୍ଟରେ କୌଣସି ବ୍ୟବସ୍ଥା ନଥିବା ସତ୍ୟପାଠରେ ଦର୍ଶାଇଥିଲା ପୁରୀ ପୌରପରିଷଦ । ଏହି ସତ୍ୟପାଠକୁ ନେଇ ହାଇକୋର୍ଟ ଅସନ୍ତୋଷ ପ୍ରକାଶ କରି ଆଜି ଗୁରୁତ୍ୱପୂର୍ଣ୍ଣ ଶୁଣାଣି କରିଛନ୍ତି ।

ମୃତ ଶିଶୁର ପରିବାରକୁ ୧୦ ଲକ୍ଷ ଟଙ୍କାର କ୍ଷତିପୂରଣ ଦେବାକୁ ପୌର ପରିଷଦକୁ ନିର୍ଦେଶ ଦେଇଛନ୍ତି । ବିଭୁତି ମହାନ୍ତି ନାମକ ବ୍ୟକ୍ତି ଆବେଦନ କରିଥିବା ବେଳେ ଆଇନ୍ଜୀବୀ ରାଜକିଶୋର ସ୍ୱାଇଁ ଏହି ମାମଲାର ପରିଚାଳନା କରୁଥିଲେ ।

The post ବୁଲା କୁକୁର କାମୁଡାରେ ମୃତ ଶିଶୁ ପରିବାରକୁ ମିଳିବ ୧୦ ଲକ୍ଷ ଟଙ୍କା । ୧୦ ଲକ୍ଷ କ୍ଷତିପୂରଣ ଦେବାକୁ ପୁରୀ ପୌରପାଳିକାଙ୍କୁ ହାଇକୋର୍ଟଙ୍କ ନିର୍ଦ୍ଦେଶ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭିଜିଲାନ୍ସ ଜାଲରେ ସବ୍-ରେଜିଷ୍ଟ୍ରାର । ଆୟବହିର୍ଭୁତ ସମ୍ପତି ଠୁଳ ଅଭିଯୋଗରେ ନୟାଗଡ଼ ସବ୍ ରେଜିଷ୍ଟ୍ରାର ଶାଶ୍ୱତ୍ କୁମାର ପଟ୍ଟନାୟକଙ୍କ ଘରେ ଚଢ଼ାଉ କରୁଛି ଭିଜିଲାନ୍ସ । ଏହି ଚଢ଼ଉରେ ୮ଜଣ ଡିଏସପି, ୬ଜଣ ଇନ୍ସିପେକ୍ଟର ଏବଂ ଅନ୍ୟ ଅଧିକାରୀ ମାନେ ସାମିଲ ହୋଇଛନ୍ତି । ନୟାଗଡ଼ ଓ କେନ୍ଦ୍ରାପଡ଼ା ସମେତ ଏକକାଳୀନ ୬ସ୍ଥାନରେ ରେଡ଼ କରୁଛି ଭିଜିଲାନ୍ସ । କେନ୍ଦ୍ରାପଡ଼ାର ୪ଟି ଓ ନୟାଗଡ଼ର ୨ ସ୍ଥାନରେ ଚଢା଼ଉ କରାଯାଉଛି । କେନ୍ଦ୍ରାପଡ଼ା ସ୍ଥିତ ପୈତୃକ ଘର ଓ ସମ୍ପର୍କୀୟଙ୍କ ଘରେ ରେଡ କରୁଛି ଭିଜିଲାନ୍ସ । ସେହିପରି ନୟାଗଡ଼ ସ୍ଥିତ ଭଡ଼ାଘର ଓ ଅଫିସରେ ଭିଜିଲାନ୍ସ ଯାଞ୍ଚ ଜାରି ରହିଛି ।

The post ଭିଜିଲାନ୍ସ ଜାଲରେ ସବ୍-ରେଜିଷ୍ଟ୍ରାର । ଆୟବହିର୍ଭୁତ ସମ୍ପତି ଠୁଳ ଅଭିଯୋଗରେ ଭିଜିଲାନ୍ସ ରେଡ । ନୟାଗଡ଼ ଓ କେନ୍ଦ୍ରାପଡ଼ା ସମେତ ଏକକାଳୀନ ୬ଟି ସ୍ଥାନରେ ଚଢ଼ାଉ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶୀତ ରାତିରେ ଘନ କୁହୁଡିରେ ଦେଖାଗଲା ନାହିଁ ରାସ୍ତା । ଫଳରେ ହାଇୱା-କାର ମଧ୍ୟରେ ମୁହାଁମୁହିଁ ଧକ୍କା । ନବରଙ୍ଗପୁର ଜିଲ୍ଲା ଲକ୍ଷ୍ମୀପୁର ଟିମଝୋଲା ନିକଟରେ ଏକ ମର୍ମନ୍ତୁଦ ଦୁର୍ଘଟଣାରେ ୪ ଜଣ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ପ୍ରଥମେ ଲକ୍ଷ୍ମୀପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ହେବାରୁ ସେମାନଙ୍କୁ କୋରାପୁଟ ଏସଏଲଏନ ମେଡିକାଲକୁ ସ୍ଥାନାନ୍ତର କରାଯାଇଛି । ଦୁର୍ଘଟଣାରେ ଆହତ ହୋଇଥିବା ସମସ୍ତ ବ୍ୟକ୍ତି ତେନ୍ତୁଳିଖୁଂଟି ବ୍ଲକ ଗୁମ୍ମା ଗାଁର । ଏମାନେ ଭୁବନେଶ୍ୱରରୁ ଏକ କାର ଯୋଗେ ନବରଙ୍ଗପୁରକୁ ଫେରୁଥିଲେ । ଶିବରାମ ଆଚାର୍ଯ୍ୟ, ଦୀନେଶ ମିଶ୍ର, ବିମଳ ଚୌଧୁରୀ ଓ ସୁବୀର ସାହୁଙ୍କ ସ୍ୱ୍ୟାସ୍ଥାବସ୍ଥା ସଂକଟାପନ୍ନ ରହିଛି ।

The post ଶୀତରାତିରେ ଦେଖାଗଲାନି ରାସ୍ତା । ହାଇୱେ-କାର ମଧ୍ୟରେ ମୁହାଁମୁହିଁ ଧକ୍କା, ୪ ଗୁରୁତର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଜୟପୁରରେ ଘରୋଇ କଲେଜର ପ୍ରିନ୍ସପାଲଙ୍କ ବିରୋଧରେ ସଙ୍ଗୀନ ଅଭିଯୋଗ । ପରୀକ୍ଷାରେ ଫେଲ୍ କରିଦେବାର ଧମକ ଦେଇ ନାବାଳିକା ଛାତ୍ରୀଙ୍କୁ ଦୁର୍ଷ୍କମ । ଏପରିକି ନାବାଳିକା ଛାତ୍ରୀଙ୍କ ମାଙ୍କୁ ମଧ୍ୟ ଅସଦାଚରଣ କରାଯିବା ସହ ମାଡ ମରାଯାଇଛି । ଏନେଇ ଛାତ୍ରୀ ଜଣକ ଜୟପୁର ଟାଉନ ଥାନାରେ ଅଭିଯୋଗ କରିଛନ୍ତି । କେବଳ ସେ ନୁହଁନ୍ତି, କଲେଜର ବହୁ ଛାତ୍ରୀ, କଲେଜ ଅଧ୍ୟକ୍ଷଙ୍କ ଅସଦାଚରଣର ଶିକାର ହୋଇଥିବା ଅଭିଯୋଗ ହୋଇଛି । ସେପଟେ ଅଭିଯୋଗ ଆଧାରରେ ପୋଲିସ ତନାଘନା ଆରମ୍ଭ କରିଛି ।

The post ଘରୋଇ କଲେଜ ପ୍ରିନ୍ସପାଲଙ୍କ ବିରୋଧରେ ସଙ୍ଗୀନ ଅଭିଯୋଗ । ଫେଲ କରିଦେବାର ଧମକ ଦେଇ ନାବାଳିକା ଛାତ୍ରୀଙ୍କୁ ଦୁଷ୍କର୍ମ ନେଇ ଥାନାରେ ଏତଲା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଇଟି ରେଡରେ ମଦ ବ୍ୟବସାୟୀଙ୍କ ଘରୁ ପୁଳାପୁଳା ଟଙ୍କା ମିଳିବା ଘଟଣାକୁ ନେଇ ଆଗକୁ ତଦନ୍ତ କରିବ ଇଡି । ୫୦ କୋଟିର କଳାଧନ ନେଇ ଆଇଟି ବିଭାଗ ପାଖରେ ଗୁଇନ୍ଦା ସୂଚନା ରହିଥିଲା । ହେଲେ ଆଇଟି ଅଧିକାରୀ ଖୋଜୁ ଖୋଜୁ ଓଡିଶାର ବିଭିନ୍ନ ଜିଲ୍ଲାରୁ ଧରିଛନ୍ତି ୩୫୦ କୋଟି । ଗତ ୬ତାରିଖରୁ ବିଭିନ୍ନ ସ୍ଥାନରେ ଆରମ୍ଭ ହୋଇଥିବା ଚଢାଉ ଗତ ୧୨ ତାରିଖରେ ଶେଷ ହୋଇଛି । ବଲାଙ୍ଗୀର, ବୌଦ୍ଧ, ସମ୍ବଲପୁର ଓ ଟିଟିଲାଗଡରୁ ମିଳିଥିବା ଟଙ୍କା ଗଣତି ସରିବା ସହ ଆଇଟି ବିଭାଗର କାମ ସରିଛି । ଆଗକୁ ମଦ ବ୍ୟବସାୟୀଙ୍କ କଳାଧନ ଆୟର ଉତ୍ସ ଖୋଜିବ ଇଡି ।
ଏସବୁ ଟଙ୍କା କାହାର? ଏଠାରେ ଜମା ହେବା ପଛର ରହସ୍ୟ କଣ? ଏ ଟଙ୍କା ଆଗାମୀ ନିର୍ବାଚନରେ ଖର୍ଚ୍ଚ ହେବା ପାଇଁ ରଖାଯାଇଥିଲା କି? ଏସବୁ ଜାଣିବା ପାଇଁ ଇଡି ତଦନ୍ତ କରିବା କଥା ଶୁଣିବା ପରେ ମଦ ବ୍ୟବସାୟୀ ସହ ସଂପର୍କରେ ଥିବା ବଡବଡିଆଙ୍କ ଛାତିରେ ଛନକା ପଶିଲାଣି । କଳଟଙ୍କାର ଚେର ଖୋଜୁ ଖୋଜୁ ତଦନ୍ତକାରୀ ସଂସ୍ଥା, କେତେବେଳେ କାହା ପାଖରେ ପହଞ୍ଚିଯିବ, ତାକୁ ନେଇ ଭୟ ବଢିଲାଣି । ଖାତାରେ କିଏ କିଏ ଅଛନ୍ତି, ସେମାନେ ଧୀରଜଙ୍କ ଠାରୁ ଟଙ୍କା ନେଣଦେଣ କରିଛନ୍ତି କି ନାହିଁ । ଯଦି କରିଛନ୍ତି କାହିଁକି କରିଛନ୍ତି, ସବୁର ଖୋଳତାଡ କରିବ ଇଡି ।

The post ୫୦ କୋଟି ଥିବା ନେଇ ହୋଇଥିଲା ଚଢ଼ାଉ, ହେଲେ ମିଳିଲା ୩୫୦ କୋଟି । ଏବେ ଅଧିକ ଖୋଳତାଡ଼ କରିବ ଇଡି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସରକାରୀ କାର୍ଯ୍ୟାଳୟରେ ମାତାଲ ଅଧିକାରୀ । ରାଉରକେଲା ଉଦିତ ନଗରରେ ଥିବା ବଏଲର ଏଣ୍ଡ ଫ୍ୟାକ୍ଟ୍ରି କାର୍ଯ୍ୟାଳୟରେ ଅଧିକାରୀ ଜଣଙ୍କ ମଦ ପିଇଥିବା ଦେଖିବାକୁ ମିଳିଛି । ରାଉରକେଲା ଅଞ୍ଚଳରେ ଗଢି ଉଠିଥିବା ବିଭିନ୍ନ କାରଖାନା ମାନଙ୍କୁ ତଦାରଖ କରିବା ପାଇଁ ଅଛି ବଏଲର ଏଣ୍ଡ ଫ୍ୟାକ୍ଟ୍ରି । ହେଲେ ଅଧିକାରୀ କାରଖାନା ମାନଙ୍କ ସହ ମଧୁଚନ୍ଦ୍ରିକା ସମ୍ପର୍କ ଯୋଗୁଁ ଘଟୁଛି ଦୁର୍ଘଟଣା, ଆଉ ଯାଉଛି ଶ୍ରମିକଙ୍କ ଜୀବନ । ଏହାକୁ ନେଇ ଆସନ୍ତା ୨୪ ତାରିଖ ଦିନ ଶ୍ରମିକ ସଂଗଠନ ପକ୍ଷରୁ କାର୍ଯ୍ୟାଳୟ ସମ୍ମୁଖରେ ଧାରଣା ସହ ବିକ୍ଷୋଭ କରିବା ପାଇଁ ଲିଖିତ ଭାବରେ ଜଣାଇବା ଲାଗି ଶ୍ରମିକ ସଂଗଠନର ଏକ ଟିମ୍ ପହଞ୍ଚିଥିଲା କାର୍ଯ୍ୟାଳୟରେ । ଡେପୁଟି ଡାଇରେକ୍ଟରଙ୍କ ସହ ସହକାରୀ ନିର୍ଦ୍ଦେଶକଙ୍କ ସହ ଚାଲିଥିଲା ଆଲୋଚନା । ହେଲେ ମଦ ପିଇ ମାତାଲ୍ ଅବସ୍ଥାରେ ଥିଲେ ସହକାରୀ ନିର୍ଦ୍ଦେଶକ ବିବେକାନନ୍ଦ ନାୟକ । ଆଲୋଚନା ସମୟରେ ଶ୍ରମିକ ସଂଗଠନ ସିଟୁର ବରିଷ୍ଠ ନେତାଙ୍କୁ କରିଥିଲେ ଦୁର୍ବ୍ୟବହାର । ଶେଷରେ ଉଦିତ ନଗର ପୋଲିସ କୁ ଖବର ଦେଇଥିଲେ ଶ୍ରମିକ ସଂଗଠନ ସିଟୁ ର ବରିଷ୍ଟ ନେତା ମାନେ । ଘଟଣା ସ୍ଥଳରେ ପହଞ୍ଚି ଉଦିତ ନଗର ପୋଲିସ ମଦୁଆ ଅଧିକାରୀଙ୍କୁ ନେଇ ରଖିଛି ଥାନାରେ ଅଟକ ।

The post ସରକାରୀ କାର୍ଯ୍ୟାଳୟରେ ମାତାଲ ଅଧିକାରୀ । ଖରାପ ବ୍ୟବହାର ପରେ, ଥାନାରେ ଅଟକ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜନୈତିକ ଶତ୍ରୁତାରୁ ଗୁହାଳରେ ନିଆଁ ଲଗାଇଲେ ଦୁର୍ବୃତ୍ତ । ଗଞ୍ଜାମ ଜିଲ୍ଲା ତାରସିଂଙ୍ଗ ଥାନା ଅନ୍ତର୍ଗତ ବାଙ୍କତରା ଗାଁରୁ ଆସିଛି ଏଭଳି ଘଟଣା । ରାଜନୈତିକ ଗଣ୍ଡଗୋଳକୁ କେନ୍ଦ୍ର କରି ଗାଁର ଯୋଗେନ୍ଦ୍ର ନାୟକଙ୍କ ଗୁହାଳରେ କେହି ଦୁର୍ବୁତ ନିଆଁ ଲଗାଇଦେଇଛନ୍ତି । ଯାହାଫଳରେ ଗୋଟିଏ ଗାଈ ଜୀବନ୍ତ ଦଗ୍ଧ ହେବା ସହ ଅନ୍ୟ ୫ଟି ଗାଈଙ୍କ ଅବସ୍ଥା ଗୁରୁତର ରହିଛି । ଯୋଗେନ୍ଦ୍ର ଜଣେ ବନବିଭାଗର ଠିକା କର୍ମଚାରୀ । ଗତକାଲି ରାତିରେ କେହି ତାଙ୍କ ଗୁହାଳରେ ନିଆଁ ଲଗାଇ ଜାଳିଦେଇଛନ୍ତି । ପଞ୍ଚାୟତ ନିର୍ବାଚନ ପରଠାରୁ ଗାଁରେ ଏଭଳି ରାଜନୈତିକ ଶତ୍ରୁତା ଦେଖିବାକୁ ମିଳୁଛି ।

ପୂର୍ବରୁ ଗାଁରେ ଘର ପୋଡ଼ି, ଗାଡ଼ିପୋଡ଼ି ଆଦି ଘଟଣା ଘଟୁଥିବା ଏବେ ଗୁହାଳ ପୋଡିଦେଇଛନ୍ତି ଦୁବୃର୍ତ । ଗତ ୨୦ ଦିନ ତଳେ ମଧ୍ୟ ଗାଁରେ ଏକ ଟ୍ରାକ୍ଟରକୁ କେହି ନିଆଁ ଲଗାଇ ପୋଡ଼ିଦେଇଥିଲେ । ତେବେ ଏନେଇ ପୋଲିସରେ ଅଭିଯୋଗ ହୋଇଥିଲେ ବି କୈାଣସି ସୁଫଳ ମିଳିନାହିଁ । ଗାଁରେ ଦୁଇ ରାଜନୈତିକ ଗୋଷ୍ଠୀ ଅଲଗା ଅଲଗା କାମକୁ ନେଇ ପାଟିତୁଣ୍ଡ ହେବା ପରେ ଏଭଳି କାଣ୍ଡ ଘଟିଥିବା ଅନୁମାନ କରାଯାଉଛି । ତୁରନ୍ତ ପୋଲିସ ଏହି ଘଟଣାରେ ହସ୍ତକ୍ଷେପ କରି ଗାଁରେ ଶାନ୍ତି ପେଂରାଇବାକୁ ଗ୍ରାମବାସୀମାନେ ଅନୁରୋଧ କରିଛନ୍ତି ।

The post ରାଜନୈତିକ ଶତ୍ରୁତାର ଚରମ ପରିଣତି । ଗୁହାଳରେ ନିଆଁ ଲଗାଇଦେଲେ ଦୁର୍ବୃତ୍ତ । ଗୋଟିଏ ଗାଈ ଜୀବନ୍ତ ଦଗ୍ଧ, ଆଉ ୫ ଗୁରୁତର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦିନରେ ଭୋଜି ରାତିରେ ବାସନ ମଜା । ପୁଣି ଅନ୍ଧାର ରାତିରେ ପିଲାଙ୍କ ଦ୍ୱାରା ଛାତ୍ରଙ୍କୁ ଲଗାଇ ଦୟାନଦୀରେ ବାସନ ମଜାଇରେ ବିଦ୍ୟାଳୟ କର୍ତୃପକ୍ଷ । ଶୀତ ସାଙ୍ଗକୁ କିଟକିଟ୍ ଅନ୍ଧାର, ଶୀତରେ ସମସ୍ତେ ଶୋଇ ଯାଇଥିବା ବେଳେ ପିଲାମାନେ ନଦୀ କୂଳରେ ବଡବଡ ଟପ୍, ବାଲିଟି ଓ ଡାବ ମାଜି ପାଣିରେ ପସି ଧୋଉଥିବା ଦେଖିବାକୁ ମିଳିଛି । ସବୁଠାରୁ ଆଶ୍ଚର୍ଯ୍ୟକର କଥା ଜଣେ ଶିକ୍ଷକ ବନ୍ଧ ଉପରେ ଥାଇ ମୋବାଇଲ୍ ଲାଇଟ୍ ଦେଖାଉଛନ୍ତି, ଆଉ ତଳେ ପିଲାମାନେ ମଜାମଜି କରୁଛନ୍ତି । ଏଭଳି ଖବର ଆସିଛି ପୁରୀ ଜିଲ୍ଲା କଣାସରୁ । କଣାସ ବ୍ଲକ ଦୁର୍ଗାଦେବୀ ଉଚ୍ଚ ବିଦ୍ୟାଳୟରେ ଗତକାଲି ଜିଲ୍ଲା ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଥିଲା । ଏହି ଅବସରରେ ୫ଶହ ଲୋକଙ୍କ ଭୋଜିର ଆୟୋଜନ କରାଯାଇଥିଲା । ଦିନରେ ବିଜ୍ଞାନ ମେଳା ଓ ଭୋଜି ସରିବା ପରେ ଅନ୍ୟ ବିଦ୍ୟାଳୟରୁ ଆସିଥିବା ଛାତ୍ରଛାତ୍ରୀ, ଶିକ୍ଷକ-ଶିକ୍ଷୟିତ୍ରୀ ଚାଲିଯାଇଥିଲେ । ସବୁ କାମ ସରୁ ସରୁ ରାତି ହୋଇଯାଇଥିଲା । ଏହାପରେ ପିଲାଙ୍କୁ ନେଇ ବାସନ ମଜା କାମ ଆରମ୍ଭ କରିଥିଲେ ଶିକ୍ଷକ, ତାହା ପୁଣି ରାତି ୧୧ଟାରେ । ସାର ଉପରେ ଥାଇ ମୋବାଇଲ୍ ଲାଇଟ୍ ଦେଖାଉଥିଲେ, ଆଉ ପ୍ରାୟ ୧୦ଜଣ ଛାତ୍ର ବିଦ୍ୟାଳୟରୁ ସବୁ ହାଣ୍ଡିହଣ୍ଡା ବୋହି ନଦୀକୂଳକୁ ନେଇ ମଜାମଜି କରିଛନ୍ତି ।

The post ବିଜ୍ଞାନ ମେଳା ସରିବା ପରେ ଶୀତରାତିରେ ହଣ୍ଡାହାଣ୍ଡି ମାଜିଲେ ବିଦ୍ୟାଳୟର ୧୦ ଛାତ୍ର । ଉପରେ ଠିଆ ହୋଇ ମୋବାଇଲ୍ ଟର୍ଚ୍ଚ ଲାଇଟ୍ ଦେଖାଇଲେ ଶିକ୍ଷକ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସମୁଦ୍ର ଗର୍ଭରେ ନିଆରା ବାର୍ତ୍ତା । ଦୁବାଇରେ ରହୁଥିବା ଓଡିଶାର ବାପା-ଝିଅ ସ୍କୁବା ଡ୍ରାଇଭିଂ ଯୋଡି ପୁଣି ଚର୍ଚ୍ଚାରେ । ଦୁବାଇରେ ଆୟୋଜିତ ସିଏପି ୨୮ ସମ୍ମିଳନୀ ସମୟରେ ସମ୍ବଲପୁରର ପ୍ରିୟଦର୍ଶୀ ପାଣିଗ୍ରାହୀ ଏବଂ ଝିଅ ତିସ୍ୟା ପାଣିଗ୍ରାହୀ ସଂଯୁକ୍ତ ଆରବ ଏମିରେଟ୍ସକ ଜାତୀୟ ଦିବସରେ ଏକ ସ୍ୱତନ୍ତ୍ର ନିବେଦନ କରିଛନ୍ତି । ସମୁଦ୍ର ୭୦ ଫୁଟ ଗଭୀରରୁ ବାପା ଝିଅ ସ୍କୁବା ଡାଇଭ୍ ଯୋଡିଙ୍କ ସିଓପି ୨୮ର ନିଆରା ବାର୍ତା ଦେଇଛନ୍ତି । ମାଲଦୀପର ପ୍ରାୟ ୭୦ ଫୁଟ ଗଭୀରରେ ଡାଇଭ କରିଛନ୍ତି ବାପା ଝିଅ । ସାଉଥ ମାଲେ ଆଟୋଲର ସନ୍ ସିଆମ୍ ଓଲହୁଭେଲି ରିସର୍ଟ ନିକଟରେ ଅକ୍ଷତ ଓ ସୁନ୍ଦର ଅବସ୍ଥାରେ ଥିବା କରାଲ ରିଫରେ ଡାଇଭ କରିଛନ୍ତି ବାପା ପ୍ରିୟଦର୍ଶୀ ଓ ଝିଅ ତିସ୍ୟା । ୭୦ ଫୁଟ ଗଭୀରତାରେ ପହଞ୍ଚିବା ସହ ସଫଟିକ ପରିଷ୍କାର ଜଳରେ ରଙ୍ଗୀନ ପ୍ରବାହ ଏବଂ ବହୁମୁଲ୍ୟ ସାମୁଦ୍ରିକ ଜୀବ ଦ୍ୱାରା ଘେରି ରହି ସେମାନେ ପ୍ଲାକାର୍ଡ ଧରି ନିବେଦନ କରିଥିଲେ । ସେଥିରେ ଲେଖାଯାଇଥିଲା ପ୍ଲିଜ ୟୁନାଇଟ , ଆକ୍ଟ ଡେଲିଭର । ତିସ୍ୟାଙ୍କ ପ୍ଲାକାର୍ଡରେ ଥିଲା ସିଓପିର ଲୋଗୋ । ଜଳବାୟୁ ପରିବର୍ତନ ଓ ପୃଥିବୀ ଉପରେ ଧିରେ ଧିରେ ବିପଦ ସୃଷ୍ଟି ହେଉଥିବାବେଳେ ଏ ଦିଗରେ ତୁରନ୍ତ କାର୍ଯ୍ୟ କରିବାର ଆବଶ୍ୟକତା ଥିବା କହିଛନ୍ତି ପ୍ରିୟଦର୍ଶୀ ଏବଂ ତିସ୍ୟା ।

The post ସମୁଦ୍ର ଗର୍ଭରେ ନିଆରା ବାର୍ତ୍ତା । ଚର୍ଚ୍ଚାରେ ଦୁବାଇରେ ରହୁଥିବା ଓଡିଶାର ବାପା-ଝିଅ first appeared on Kanak News.

from Kanak News
via <a href="https://ifttt.com/?