କନକ ବ୍ୟୁରୋ : ୩ ରାଜ୍ୟରେ ବିଜେପିର ସାମ୍ଭାବ୍ୟ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି କି, ଜନତା ଜନାର୍ଦ୍ଦନଙ୍କୁ ଜୁହାର । ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ ନିର୍ବାଚନ ଫଳାଫଳ ଆସିବା ପରେ ସ୍ପଷ୍ଟ ହୋଇଛି କି, ଭାରତର ଜନତାଙ୍କ ଭରସା ମାତ୍ର ସୁଶାସନ ଓ ବିକାଶର ରାଜନୀତି ଓ ଏହାର ଭରସା ବିଜେପି ହିଁ ଦେଇପାରିବ ।

ପ୍ରଧାନମନ୍ତ୍ରୀ ମୋଦୀ କହିଛନ୍ତି କି ବିଜେପି ଉପରେ ସ୍ନେହ, ବିଶ୍ୱାସ ଓ ଆର୍ଶିବାଦ ରହିଛି । ଯାହାର କାରଣ ରାଜ୍ୟମାନଙ୍କରେ ହେଉଥିବା ପରିଯୋଜନା, ବିଶେଷ କରି ମା ଓ ଭଉଣୀମାନଙ୍କ ପାଇଁ ହେଉଥିବା ଯୋଜନା ଲୋକଙ୍କର ବିଶ୍ୱାସ ବିଜେପି ପ୍ରତି ରହିଛି ।

ଏହି ବିଜୟୀ ଅବସରରେ ମୋଦୀ ଦଳର ସମସ୍ତ କର୍ମକର୍ତ୍ତା ମାନଙ୍କୁ ଧନ୍ୟବାଦ ଦେଇଛନ୍ତି । ବିଜେପିର ବିକାଶ ଓ ଗରିବ କଲ୍ୟାଣ ଯୋଜନା ଯେଭଳି ଭାବେ ଲୋକଙ୍କ ପାଖରେ ପହଂଚୁଛି ତାହାର ପ୍ରଭାବରେ ବିଜେପି ବିଜୟୀ ହେଉଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

The post ୩ ରାଜ୍ୟରେ ବିଜେପିର ସାମ୍ଭାବ୍ୟ ବିଜୟ ପରେ ସାମ୍ନାକୁ ଆସିଲେ ପ୍ରଧାନମନ୍ତ୍ରୀ । ଜନତାଙ୍କ ଉଦ୍ଦେଶ୍ୟରେ ଦେଲେ ଏଭଳି ବାର୍ତ୍ତା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଛତିଶଗଡ ବିଧାନସଭା ନିର୍ବାଚନ ଫଳାଫଳ ଆସିବାରେ ଲାଗିଛି । ଗଣତି ଅଧା ହୋଇଥିଲେ ବି ଏ ପର୍ଯ୍ୟନ୍ତ କଂଗ୍ରେସ ଠାରୁ ବିଜେପି ବହୁ ଆଗରେ ରହିଛି । ନିର୍ବାଚନ କମିଶନଙ୍କ ରିପୋର୍ଟ ମୁତାବକ ଛତିଶଗଡ ବିଧାନସଭାର ମୋଟ ୯୦ ଆସନରୁ କଂଗ୍ରେସ ୩୪ଟିରେ ଆଗୁଆ ରହିଥିବା ବେଳେ ବିଜେପି ୫୬ଟି ଆସନରେ ଆଗୁଆ ରହିଛି । କଂଗ୍ରେସର ଏହି ନୈରାଶ୍ୟଜନକ ସ୍ଥିତି ପଛରେ କଣ ରହିଛି କାରଣ ?

ଅନ୍ତଃକନ୍ଦଳ : ଛତିଶଗଡରେ କଂଗ୍ରେସ ସରକାର ଗଠନ କରିବା ଠାରୁ ଆରମ୍ଭ କରି ପୁଣି ସରକାର ଭାଙ୍ଗିବା ପର୍ଯ୍ୟନ୍ତ ଦଳ ଭିତରେ ଅନ୍ତଃକନ୍ଦଳ ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ ଭୂପେଶ ବଘେଲ ଓ ଉପ ମୁଖ୍ୟମନ୍ତ୍ରୀ ଟିଏସ ସିଂଦେଓଙ୍କ ମଧ୍ୟରେ କନ୍ଦଳ ଶେଷ ପର୍ଯ୍ୟନ୍ତ ଲାଗି ରହିଥିଲା । ଭୂପେଶ ବଘେଲ ୨.୫ ବର୍ଷ ମୁଖ୍ୟମନ୍ତ୍ରୀ ରହିବା ପରେ ମୁଖ୍ୟମନ୍ତ୍ରୀ ପଦ ପାଇଁ ଦାବି କରିଥିଲେ ଟିଏସ ସିଂ ଦେଓ । ଏହାକୁ ନେଇ ବିଜେପି ବେଶ୍ ସମାଲୋଚନା କରିଥିଲା । କେବଳ ସେତିକି ନୁହେଁ ପ୍ରଦେଶ ପ୍ରଭାରୀ କୁମାରୀ ଶୈଳଜା ଓ ପ୍ରଦୋ ଅଧ୍ୟକ୍ଷ ମରକାମଙ୍କ ମଧ୍ୟରେ ମଧ୍ୟ ତୀବ୍ର ବିବାଦ ଦେଖିବାକୁ ମିଳିଥିଲା । ବିଶ୍ଳେଷକଙ୍କ ମତରେ ଏହାର ଖରାପ ପ୍ରଭାବ ଭୋଟରଙ୍କ ଉପରେ ପଡିଲା ।

ପ୍ରତିଶ୍ରୁତି : ଭୂପେଶ ବଘେଲ ପୂର୍ବ ବିଧାନସଭା ନିର୍ବାଚନରେ ରାଜ୍ୟବାସୀଙ୍କୁ ପ୍ରତିଶ୍ରୁତି ଦେଇଥିଲେ କି, କଂଗ୍ରେସ ସରକାର ଗଠନ କଲେ ରାଜ୍ୟରେ ମଦ ନିଷେଧ ହେବ । ଲୋକେ ଭୋଟ ଦେଲେ, କଂଗ୍ରେସ ସରକାର ଗଠନ କଲା ହେଲେ ପ୍ରତିଶ୍ରୁତି ପାଳନ କଲାନାହିଁ । ଏହାକୁ ନେଇ ବିଜେପି ନେତାମାନେ ଭୂପେଶ ବଘେଲଙ୍କୁ ବାରମ୍ବାର ପ୍ରଶ୍ନ କରିଥିଲେ ବି ବଘେଲ ତାହାକୁ କର୍ଣ୍ଣପାତ କରିନଥିଲେ । ଏହି କାରଣରୁ ଚଳିତ ନିର୍ବାଚନରେ ଲୋକମାନେ ବଘେଲଙ୍କ ପ୍ରତିଶ୍ରୁତିକୁ ବିଶ୍ୱାସ କରିପାରିନାହାଁନ୍ତି ବୋଲି ବିଶ୍ଳେଷକମାନେ ମତ ଦେଇଛନ୍ତି ।

ଦୁର୍ନୀତି ଅଭିଯୋଗ : ନିର୍ବାଚନ ପ୍ରଚାର ବେଳେ ବିଜେପି ନେତାମାନେ ବାରମ୍ବାର ଭୂପେଶ ବଘେଲ ଓ କଂଗ୍ରେସ ସରକାର ଉପରେ ଭ୍ରଷ୍ଟାଚାର ଅଭିଯୋଗ ଆଣିଥିଲେ । ବିଜେପିର ରାଜ୍ୟ ଓ କେନ୍ଦ୍ର ନେତାମାନେ ବଘେଲ ସରକାରଙ୍କ ଉପରେ କୋଇଲା ଦୁର୍ନୀତି, ମହାଦେବ ଆପ୍ ସ୍କାମରେ ସାମିଲ ଥିବା ଅଭିଯୋଗ ଆଣିଥିଲେ । ଏହା ଫଳରେ ଜନତାଙ୍କର କଂଗ୍ରେସ ଉପରେ ଭରସା ତୁଟିଯାଇଥିବା ଅନୁମାନ କରାଯାଉଛି ।

ମନାନ୍ତର ଓ ଲବ୍ ଜିହାଦ : ରାଜ୍ୟରେ ମନାନ୍ତର ଓ ଲଭ୍ ଜିହାଦ ମାମଲା ସାମ୍ନାକୁ ଆସିଥିଲା । ବେମେତରା ଜିଲ୍ଲା ବିରନପୁର ଠାରେ ଘଟିଥିବା ସାଂପ୍ରଦାୟିକ ହିଂସା ମାମଲାରେ କଂଗ୍ରେସ ବ୍ୟାକଫୁଟକୁ ଆସିଯାଇଥିଲା । ବିଜେପି ନେତାମାନେ ଏହାକୁ ଏକ ବଡ ପ୍ରସଙ୍ଗ କରି କଂଗ୍ରେସ ବିରୋଧରେ ଜୋରଦାର ପ୍ରଚାର କରିଥିଲେ । ଏହି ସାଂପ୍ରଦାୟିକ ହିଂସା ମୃତ୍ୟୁବରଣ କରିଥିବା ଭୁନେଶ୍ୱର ସାହୁଙ୍କ ପିତା ଇଶ୍ୱର ସାହୁଙ୍କୁ ବିଜେପି ପ୍ରାର୍ଥୀ କରିଥିଲା ।

The post ଛତିଶଗଡରେ କାହିଁକି ହାରିଲା କଂଗ୍ରେସ ? ତୃଷ୍ଟିକରଣ ନା ଅନ୍ତଃକନ୍ଦଳ । ଜାଣନ୍ତୁ ୫ଟି କାରଣ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନୂଆ ରାଜ୍ୟ ଗଠନ ହେଲା ପରେ, ପ୍ରଥମ ଥର ପାଇଁ ତେଲେଙ୍ଗାନାରେ ହେବାକୁ ଯାଉଛି କ୍ଷମତାର ପରିବର୍ତ୍ତନ । ବିଆରଏସକୁ ହଟେଇ ପ୍ରଥମ ଥର ପାଇଁ ତେଲେଙ୍ଗାନାରେ ସତ୍ତା ଅକ୍ତିଆର କରିବାକୁ ଯାଉଛି କଂଗ୍ରେସ । ତେବେ ଏଥର ନିର୍ବାଚନ ଫଳାଫଳରେ ୧୧୯ ଆସନରୁ କଂଗ୍ରେସ ୬୪ ଆସନରେ ଆଗୁଆ ଥିବାବେଳେ, ବିଆରଏସ୍ ୪୦ ଆସନରେ ଆଗୁଆ ରହିଛି । ହେଲେ କଂଗ୍ରେସର ଏହି ବିଜୟ ପଛରେ ପ୍ରଦେଶ କଂଗ୍ରେସ ସଭାପତି ଏ ରେଭାନ୍ତ ରେଡ୍ଡୀଙ୍କ ପ୍ରମୁଖ ଭୂମିକା ରହିଥିବା ଚର୍ଚ୍ଚା ହେଉଛି ।

ଗୁରୁତ୍ୱପୂର୍ଣ୍ଣ କଥା ହେଉଛି ତେଲେଙ୍ଗାନାରେ କଂଗ୍ରେସ କ୍ଷମତା ଅକ୍ତିଆର କଲା ପରେ କିଏ ହେବ ଏହି ରାଜ୍ୟର ନୂଆ ମୁଖ୍ୟମନ୍ତ୍ରୀ? ତେଲେଙ୍ଗାନା ଭଳି ରାଜ୍ୟର ମୁଖ୍ୟମନ୍ତ୍ରୀ ରେସରେ ପ୍ରଦେଶ କଂଗ୍ରେସ ସଭାପତି ଏ ରେଭାନ୍ତ ରେଡ୍ଡୀଙ୍କ ନାଁକୁ ନେଇ ଚର୍ଚ୍ଚା ବଢୁଥିବାବେଳେ, ସମ୍ଭାବ୍ୟ ମୁଖ୍ୟମନ୍ତ୍ରୀ ଚେହେରାକୁ ନେଇ ମଧ୍ୟ ଆଲୋଚନା ଆରମ୍ଭ ହେଇଛି ।

କିଏ ଏହି ରେଭାନ୍ତ ରେଡ୍ଡୀ?

ତେଲେଙ୍ଗାନାରେ କଂଗ୍ରେସ ସରକାର ଗଢିଲେ, ମୁଖ୍ୟମନ୍ତ୍ରୀ ରେସରେ ସବୁଠୁ ଆଗରେ ରହିଛନ୍ତି ଏ ରେଭାନ୍ତ ରେଡ୍ଡୀ । ବର୍ତ୍ତମାନ ସେ ଦଳର ପ୍ରଦେଶ କଂଗ୍ରେସ ସଭାପତି ରହିଥିବାବେଳେ, ମୁଖ୍ୟମନ୍ତ୍ରୀ ହେବା ରେସରେ ସବୁଠୁ ଆଗରେ ରହିଛନ୍ତି ।

ତେବେ ଏ ରେଭାନ୍ତ ରେଡ୍ଡୀଙ୍କ ଜନ୍ମ ୧୯୬୯ ଆନ୍ଧ୍ରପ୍ରଦେଶର ମହବୁବନଗରରେ ହେଇଥିଲା । ଛାତ୍ର ଜୀବନରୁ ହିଁ ସେ ରାଜନୀତିରେ ପ୍ରବେଶ କରିସାରିଥିଲେ । ତେବେ ଯେତେବେଳେ ସେ ଉସମାନିଆ ୟୁନିଭର୍ସିଟିରେ ଗ୍ରାଜୁଏସନ୍ କରିଥିଲେ, ସେତେବେଳେ ସେ ଛାତ୍ର ସଙ୍ଗଠନ ଏବିଭିପି ସହ ଯୋଡି ହେଇଥିଲେ । ତେବେ ପରେ ପରେ ସେ ଚନ୍ଦ୍ରବାବୁ ନାଇଡୁଙ୍କ ଟିଡିପିରେ ସାମିଲ ହେଇଥିଲେ ।

୨୦୦୯ ମସିହାରେ ପ୍ରଥମ କରି ଟିଡିପି ଟିକେଟରୁ ନିର୍ବାଚନ ଲଢିଥିଲେ ଏ ରେଭାନ୍ତ ରେଡ୍ଡୀ । ଏହି ନିର୍ବାଚନରେ ସେ ବିଜୟ ହାସଲ କରିବା ସହ ପ୍ରଥମ ଥର ପାଇଁ ବିଧାନସଭାରେ ପାଦ ରଖିଥିଲେ । ୨୦୧୪ ମସିହାରେ ଟିଡିପି ତାଙ୍କୁ ବିଧାନସଭାର ନେତା ଭାବେ ଚୟନ କରିଥିଲା । ହେଲେ ୨୦୧୭ରେ କିନ୍ତୁ ଟିଡିପିକୁ ବାଏ ବାଏ କହି କଂଗ୍ରେସର ହାତ ଧରିଥିଲେ ଏ ରେଭାନ୍ତ ରେଡ୍ଡୀ ।

ଟିଡିପି ଛାଡି କଂଗ୍ରେସରେ ଯୋଗ ଦେବା ପରେ ୨୦୧୮ରେ ପୁଣି ଥରେ କୋଡାଙ୍ଗଲ ସିଟରୁ ନିର୍ବାଚନ ଲଢିଥିଲେ ଏ ରେଭାନ୍ତ ରେଡ୍ଡୀ । ହେଲେ ଏଥର କିନ୍ତୁ ତାଙ୍କୁ ପରାଜୟର ସାମ୍ନା କରିବାକୁ ପଡିଥିଲା । ହେଲେ ବିଧାନସଭା ନିର୍ବାଚନ ପରାଜୟର କ୍ଷତି, ସେ ଲୋକସଭା ନିର୍ବାଚନରେ ପୂରଣ କରିଥିଲେ । ୨୦୧୯ ଲୋକସଭା ନିର୍ବାଚନରେ ସେ ସାଂସଦ ପଦ ପାଇଁ ଲଢିବା ସହିତ ୧୦ ହଜାରରୁ ଅଧିକ ଭୋଟରେ ଜିତି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ଏହାପରେ ୨୦୨୧ରେ କଂଗ୍ରେସ ତାଙ୍କୁ ପ୍ରଦେଶ ଅଧ୍ୟକ୍ଷ ଭାବେ ଦାୟିତ୍ୱ ଦେଇଥିଲା । ଆଉ ଏବେ ରେଭାନ୍ତଙ୍କ ନେତୃତ୍ୱରେ ତେଲେଙ୍ଗାନା ବିଜୟ ହାସଲ କରିଛି ହାତ ।

The post କିଏ ଏହି ଏ ରେଭାନ୍ତ ରେଡ୍ଡୀ? ଯାହାଙ୍କ ନେତୃତ୍ୱରେ ‘ତେଲେଙ୍ଗାନା’ ବିଜୟ କଲା କଂଗ୍ରେସ । ମୁଖ୍ୟମନ୍ତ୍ରୀ ଚେହେରା ପାଇଁ ରହିଛନ୍ତି ପ୍ରମୁଖ ଦାବିଦାର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜସ୍ଥାନ ଜୟପୁରର ବିଦ୍ୟାଧର ନିର୍ବାଚନ ମଣ୍ଡଳୀର ଭୋଟ ଗଣତି ଫଳାଫଳ ଆସିଛି । ଏଠାରେ ରାଜ ପରିବାରର ରାଜକୁମାରୀ ଦୀୟା କୁମାରୀ ବହୁ ଭୋଟରେ ବିଜୟୀ ହୋଇଛନ୍ତି । ସେ କଂଗ୍ରେସର ବରିଷ୍ଠ ନେତା ସୀତାରାମ ଅଗ୍ରୱାଲଙ୍କୁ ପରାଜିତ କରିଛନ୍ତି । ଦୀୟା କୁମାରୀଙ୍କୁ ୧,୫୮,୫୧୬ ଟି ଭୋଟ ମିଳିଥିବା ବେଳେ କଂଗ୍ରେସର ସୀତାରାମଙ୍କୁ ୮୭,୧୪୮ ଖଣ୍ଡ ଭୋଯ ମଳିଛି ।

୨୦୧୩ ମସିହାରେ ସବାଇମାଧପୁର ଆସନରୁ ଦୀୟା କୁମାରୀ ପ୍ରଥମେ ବିଜେପି ଟିକେଟରୁ ବିଧାୟକ ହୋଇଥିଲେ । ହେଲେ ୨୦୧୯ ଲୋକସଭା ନିର୍ବାଚନରେ ସେ ସାଂସଦ ଭାବେ ନିର୍ବାଚନ ଲଢି ବିଜୟୀ ହୋଇଥିଲେ । ପ୍ରଥମେ ବିଧାୟକରୁ ସାଂସଦ ଓ ପରେ ପୁଣି ସାଂସଦରୁ ବିଧାୟିକା ହୋଇଛନ୍ତି ଦୀୟା କୁମାରୀ ।

ନିଜର ସୁନ୍ଦରତା ଓ ଉତ୍ତମ ବୁଝାମଣା ପାଇଁ ଚର୍ଚ୍ଚାରେ ଥିବା ରାଜକୁମାରୀ ଦୀୟାଙ୍କ ରାଜନୈତିକ କ୍ୟାରିଅର ବେଶ୍ ସୁନ୍ଦର । ସେ ୨୦୧୩ ମସିହାରେ ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ  । ଏହାପରେ ବିଜେପି ତାଙ୍କୁ ସବାଇମାଧପୁର ଆସନରୁ ବିଧାୟକ ପ୍ରାର୍ଥୀ କରିଥିଲା ଓ ସେ ବିଧାୟକ ଭାବେ ନିର୍ବାଚିତ ହୋଇଥିଲେ । ଏହାପରେ ୨୦୧୯ ଲୋକସଭା ନିର୍ବାଚନରେ ସେ ରାଜସମନ୍ଦ ଲୋକସଭା ଆସନରୁ ପ୍ରାର୍ଥୀ ହୋଇ ସାଂସଦ ଭାବେ ନିର୍ବାଚିତ ହୋଇଥିଲେ । କେବଳ ସାଂସଦ ନୁହେଁ ସେ ରାଜ୍ୟ ବିଜେପି ମହିଳା ମୋର୍ଚ୍ଚାର ପ୍ରଦେଶ ପ୍ରଭାରୀ ମଧ୍ୟ ଥିଲେ । ରାଜନୀତି ବ୍ୟତୀତ ସେ ନିଜର ଏକ ଏନଜିଓ ଚଳାଉଛନ୍ତି । ଏହାସହ ତାଙ୍କ ନିକର ସ୍କୁଲ ଓ ହୋଟେଲ ବ୍ୟବସାୟ ମଧ୍ୟ ରହିଛି ।

The post ବିଜୟୀ ହେଲେ ରାଜସ୍ଥାନ ରାଜପରିବାରର ରାଜକୁମାରୀ । ସାଂସଦରୁ ହେଲେ ବିଧାୟିକା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜସ୍ଥାନ ବିଧାନସଭା ନିର୍ବାଚନ ଫଳାଫଳ ଆସିବାରେ ଲାଗିଛି । ସଦ୍ୟ ସୂଚନା ମୁତାବକ ରାଜସ୍ଥାନରେ ଭୋଟିଂ ହୋଇଥିବା ୧୯୯ ଆସନ ମଧ୍ୟରୁ ବିଜେପି ୧୧୫ ଟି ଆସନରେ ଆଗୁଆ ଥିବା ବେଳେ କଂଗ୍ରେସ ୬୯ଟି ଆସନରେ ଆଗ୍ରୁଆ ଚାଲିଛି । ସେହିଭଳି ଅନ୍ୟାନ୍ୟ ଦଳମାନେ ୧୬ଟି ଆସନରେ ଆଗୁଆ ଚାଲିଛନ୍ତି । ରାଜସ୍ଥାନରେ ମୁଖ୍ୟମନ୍ତ୍ରୀ ଥିବା ଅଶୋକ ଗେହଲଟଙ୍କ ନେତୃତ୍ୱରେ କଂଗ୍ରେସର ପରାଜୟ ପଛରେ ଅନେକ କାରଣ ରାଜନୈତିକ ବିଶ୍ଳେଷକମାନେ କହୁଛନ୍ତି । ତେବେ ଆସନ୍ତୁ ଜାଣିବା ରାଜସ୍ଥାନରେ କଂଗ୍ରେସ ପରାଜୟ ପଛର ମୁଖ୍ୟ ୫ କାରଣ ।

ପେପର ଲିକ୍ ମାମଲା : ରାଜସ୍ଥାନ ନିର୍ବାଚନ ପ୍ରଚାର ବେଳେ ପ୍ରଧାନମନ୍ତ୍ରୀ ଯେଉଁ ପ୍ରସଙ୍ଗ ସବୁ ଉଠାଇଥିଲେ ତା ମଧ୍ୟରେ ପେପର ଲିକ୍ ମାମଲା ଅନ୍ୟତମ । ମୋଦୀ ଜନତାଙ୍କୁ ଭରସା ଦେଇଛନ୍ତି କି ରାଜସ୍ଥାନରେ ବିଜେପି ସରକାର ଆସିଲେ ଏହି ମାମଲାର ଯାଂଚ ହେବ ।

ଲାଲ୍ ଡାଏରୀ ମାମଲା : ରାଜସ୍ଥାନ ରାଜନୀତିରେ ଲାଲ୍ ଡାଏରୀ ମାମଲା ନୂଆ ନୁହେଁ । ଅନେକ ବର୍ଷ ଧରି ଏହି ଲାଲ୍ ଡାଏରୀକୁ ନେଇ ରାଜସ୍ଥାନ ରାଜନୀତି ସରଗରମ ରହିଛି । ରାଜସ୍ଥାନ ସରକାରରେ ମନ୍ତ୍ରୀ ଥିବା ରାଜେନ୍ଦ୍ର ଗୁଡାଙ୍କୁ ସରକାରରୁ ବରଖାସ୍ତ କରାଯିବା ପରେ ସେ ମଧ୍ୟ କହିଥିଲେ କି ବିଧାୟକଙ୍କୁ କିଣାଯିବା ନେଇ ସମସ୍ତ ତଥ୍ୟ ଏହି ଲାଲ ଡାଏରୀରେ ରହିଛି । ପ୍ରଧାନମନ୍ତ୍ରୀ ମୋଦୀ କହିଥିଲେ କି ଏହି ଲାଲ୍ ଡାଏରୀର ପ୍ରତି ପୃଷ୍ଟାରେ ଗେହଲଟଙ୍କ କଳାକାରନାମା ଲିପିବଦ୍ଧ ହୋଇ ରହିଛି ।

ଦଳୀୟ କନ୍ଦଳ : ରାଜସ୍ଥାନରେ କଂଗ୍ରେସ ଭିତରେ ଥିବା ଦଳୀୟ କନ୍ଦଳ କାହାକୁ ଅଛପା ନାହିଁ । ଏହାର ପ୍ରଭାବ ରାଜ୍ୟର ପାର୍ଟି କାର୍ଯ୍ୟକର୍ତ୍ତାଙ୍କ ଉପରେ ପଡିଥିବା ଅନୁମାନ ହେଉଛି । ରାଜ୍ୟରେ ମୁଖ୍ୟମନ୍ତ୍ରୀ ଅଶୋକ ଗେହଲଟ ଓ ଯୁବନେତା ସଚ୍ଚିନ ପାଇଲଟଙ୍କ ମଧ୍ୟରେ ଦୀର୍ଘଦିନ ଧରି ଅନ୍ତଃକନ୍ଦଳ ଲାଗି ରହିଥିଲା । ମାତ୍ର ନିର୍ବାଚନର କିଛିଦିନ ଆଗରୁ ରାହୁଲ ଗାନ୍ଧୀ ଓ ମଲ୍ଲିକାର୍ଜୁନ ଖଡଗେ ଏହାର ସମାଧାନ କରିଥିଲେ ବି ଏହାର ପ୍ରଭାବ ଭୋଟରଙ୍କ ଉପରେ ପଡିନଥିବା ଭଳି ମନେ ହେଉଛି ।

କହ୍ନେୟାଲାଲ ହତ୍ୟାକାଣ୍ଡ : ରାଜସ୍ଥାନ ନିର୍ବାଚନ ପ୍ରଚାରରେ ପ୍ରଧାନମନ୍ତ୍ରୀ ମୋଦୀ କହ୍ନେୟାଲାଲ୍ ହତ୍ୟାକାଣ୍ଡ ପ୍ରସଙ୍ଗ ଉଠାଇଥିଲେ । ସେ କହିଥିଲେ କି ରାଜ୍ୟରେ ବିଜୟୀ ହେବାକୁ ଚାହୁଁଛନ୍ତି ଯଦି ପ୍ରଥମେ ମାରୱାଡ ଆସନ ଜିତି ଦେଖାଅ (ମାରୱାଡ ବିଧାନସଭା କ୍ଷେତ୍ରରେ କହ୍ନେୟାଲାଲଙ୍କ ଘର) । କହ୍ନେୟାଲାଲ ହତ୍ୟାକାଣ୍ଡକୁ ନେଇ ବିଜେପି କଂଗ୍ରେସ ଉପରେ ଆଇନ ଶୃଙ୍ଖଳା ବ୍ୟବସ୍ଥା ନେଇ ପ୍ରଶ୍ନ ଉଠାଇଥିଲା । ଏହାପରେ ଏହା ଉପରେ ପ୍ରତିକ୍ରିୟା ରଖିଥିଲେ ଅଶୋକ ଗେହଲଟ । ହେଲେ ତାହା ଫଳଫ୍ରଦ ହୋଇନାହିଁ ।

ଇଡିର ଚଢାଉ : ୫ଟି ରାଜ୍ୟରେ ବିଧାନସଭା ନିର୍ବାଚନ କ୍ରମରେ ଦୁଇଟି ରାଜ୍ୟରେ ଇଡି ପ୍ରବେଶ କରିଥିଲା । ରାଜସ୍ଥାନ କଂଗ୍ରେସ ଅଧ୍ୟକ୍ଷ ଗୋବିନ୍ଦ ସିଂ ଡୋଟାସାରା ଓ କଂଗ୍ରେସର ବିଧାୟକ ପ୍ରାର୍ଥୀ ଓମପ୍ରକାଶ ହୋଡଲାଙ୍କ ଘରେ ପେପର ଲିକ୍ ମାମଲାରେ ଇଡି ଚଢାଉ କରିଥିଲା । ଏହି ମାମଲାରେ ଅଶୋକ ଗେହଲଟ୍ ଏକ ସାମ୍ବାଦିକ ସମ୍ମିଳନୀ କରି କେନ୍ଦ୍ର ସରକାର ଓ ଇଡି ମଧ୍ୟରେ ମଧୁର ସଂପର୍କ ଥିବା ଅଭିଯୋଗ କରିଥିଲେ । ହେଲେ କଂଗ୍ରେସ ପରାଜୟ ପଛରେ ଏହା ଏକ ବଡ କାରଣ ବୋଲି କୁହାଯାଉଛି ।

The post ରାଜସ୍ଥାନରେ କଂଗ୍ରେସର ପରାଜୟ । ଜାଣନ୍ତୁ ପରାଜୟ ପଛର ୫ କାରଣ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଛତିଶଗଡ ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟିର ବହୁମତରେ ବିଜୟ ଆଡକୁ ବଢୁଛି । ତାଜା ତଥ୍ୟ ଅନୁସାରେ ବିଜେପି ପାଖାପାଖି ବହୁମତକୁ ଟପିସାରିଲାଣି । ପ୍ରାରମ୍ଭିକ ପର୍ଯ୍ୟାୟରେ କଂଗ୍ରେସ ଆଗୁୁଆ ଥିବାବେଳେ ପରବର୍ତ୍ତୀ ପର୍ଯ୍ୟାୟ ମାନଙ୍କରେ ଦଳ ପଛରେ ପଡିଯାଇଛି । ତେବେ କଥା ହେଉଛି ଯଦି ରାଜ୍ୟରେ ବିଜେପି ସତ୍ତାକୁ ଆସେ ରମଣ ସିଂ ନା ଆଉ କିଏ ମୁଖ୍ୟମନ୍ତ୍ରୀ ହେବେ । କାରଣ ଏହି ରେସରେ ଏବେ ୬ଟି ପ୍ରମୁଖ ଚେହେରାଙ୍କୁ ନେଇ ଚର୍ଚ୍ଚା ହେଉଛି ।

ଛତିଶଗଡରେ ୨୦୦୩ରୁ ୧୮ ଯାଏଁ ୧୫ ବର୍ଷ ସତ୍ତାରେ ଥିବା ସରକାରଙ୍କ ନେତୃତ୍ୱ ନେଇଥିବା ରମଣ ସିଂ ନା ଆଉ କାହାକୁ ଛତିଶଗଡର ମୁଖ୍ୟମନ୍ତ୍ରୀ ବନାଯିବ? ଏଥର ବିଧାନସଭା ନିର୍ବାଚନରେ ବିଜେପି ମୁଖ୍ୟମନ୍ତ୍ରୀ ପଦ ପାଇଁ ପ୍ରାର୍ଥୀ ଘୋଷଣା କରିବା ବଦଳରେ ସାମୂହିକ ନେତୃତ୍ୱ ସହ ନିର୍ବାଚନ ଲଢିଥିଲା । ସାମୁହିକ ନେତୃତ୍ୱର ଫର୍ମୁଲା ବିଜେପି ପାଇଁ ସଫଳ ପ୍ରମାଣିତ ହୋଇଛି । ଏହାପରେ ରମଣ ସିଂଙ୍କ ଗାଦିକୁ ଖାରଜ କରାଯିବ ନା ମଜବୁତ କରାଯିବ ଏଯାଏଁ କିଛି କୁହାଯାଇପାରୁନାହିଁ ।

ରମଣ ସିଂଙ୍କ ବ୍ୟତୀତ ମୁଖ୍ୟମନ୍ତ୍ରୀ ପଦ ପାଇଁ ଆହୁରି ୬ ପ୍ରମୁଖ ଚେହେରା ଥିବା ଚର୍ଚ୍ଚା ହେଉଛି । ଏହି ପଦ ପାଇଁ ଅଛନ୍ତି ଅରୁଣ ସାବ୍, ଯିଏ ଛତିଶଗଡ ବିଜେପିର ଅଧ୍ୟକ୍ଷ ଅଛନ୍ତି । ଏହାସହ ଚଳିତ ନିର୍ବାଚନ ଅଭିଯାନର ଦାୟିତ୍ୱ ନେଇଥିଲେ । ଦ୍ୱିତୀୟରେ ଅଛନ୍ତି ବିଜୟ ବଘେଲ , ଯିଏ ଦୁର୍ଗ ଲୋକସଭା ଆସନରୁ ସାଂସଦ ଥିବାବେଳେ ତାଙ୍କୁ ପାଟନ୍ ଆସନରୁ ସିଏମ୍ ଭୂପେଶ ବାଘେଲଙ୍କ ବିପକ୍ଷରେ ନିର୍ବାଚନ ମୈଦାନକୁ ଅଣାଯାଇଥିଲା । ତୃତୀୟରେ ଅଛନ୍ତି ସରୋଜ ପାଣ୍ଡେୟ, ଯିଏ ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ଅଛନ୍ତି । ସରୋଜଙ୍କୁ ଛତିଶଗଡରେ ବିଜେପିର ବଡ ଚେହେରା ଭାବେ ଗଣତି କରାଯାଏ । ସେ ଦୁଇ ଥର ମେୟର ଓ ବିଧାୟକ ରହିଛନ୍ତି । ତାଙ୍କ ପରେ ଅଛନ୍ତି ବୃଜମୋହନ ଅଗ୍ରୱାଲ, ଯିଏ ରାୟପୁର ଦକ୍ଷିଣ ବିଧାନସଭା ସିଟରୁ ୭ଥର ବିଧାୟକ ଅଛନ୍ତି । ଏଥର ସେ ଅଷ୍ଟମ ଥର ବିଧାନସଭାରେ ପହଞ୍ଚିବାକୁ ଜୋରଦାର ପ୍ରୟାସ ଚଳାଇଛନ୍ତି । ତାଙ୍କର ସ୍ୱଚ୍ଛ ଭାବମୂର୍ତ୍ତି ଯୋଗୁଁ ତାଙ୍କର ଲୋକପ୍ରିୟତା ରହିଛି ।

ଏହାବ୍ୟତୀତ ଅଛନ୍ତି ରେଣୁକା ସିଂ । ଛତିଶଗଡ ଆଦିବାସୀ ବହୁଳ ରାଜ୍ୟରେ ଡାକ୍ତର ରେଣୁକା ସିଂଙ୍କ ଦବଦବା ରହିଛି । କାରଣ ସେ ଏହି ସମ୍ପ୍ରଦାୟରୁ ଆସିଛନ୍ତି । ୨୦୦୩ରେ ରେଣୁକା ପ୍ରଥମ ଥର ବିଧାୟିକା ଭାବେ ନିର୍ବାଚିତ ହୋଇଥିଲେ । ବିଜେପି ଏଥର ତାଙ୍କୁ ଭରତପୁର ସୋନହତ ଆସନରୁ ନିର୍ବାଚନ ମୈଦାନରେ ଉତାରିଛି । ଦଳୀୟ ସଙ୍ଗଠନ ପାଇଁ କାମ କରିବାରେ ତାଙ୍କର ଦୀର୍ଘ ଅନୁଭବ ରହିଛି । ଏହସହ ଚର୍ଚ୍ଚାରେ ଅଛନ୍ତି ଲତା ଉସେଣ୍ଡୀ । ଲତା ଆଦିବାସୀ ନେତ୍ରୀ ଭାବେ ଜଣେ ବଡ ଚେହେରା । ଏଥର ତାଙ୍କୁ ହୁଏତ ମୁଖ୍ୟମନ୍ତ୍ରୀ କରି ବିଜେପି ଆଦିବାସୀ କାର୍ଡ ଖେଳିପାରେ ବୋଲି ଚର୍ଚ୍ଚା ହେଉଛି ।

The post ଛତିଶଗଡରେ ରମଣ ସିଂ ନା ଆଉ କିଏ ହେବେ ମୁଖ୍ୟମନ୍ତ୍ରୀ? ଏହି ୬ ଚେହେରାକୁ ନେଇ ଚର୍ଚ୍ଚା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆସୁଛି ୪ ରାଜ୍ୟର ନିର୍ବାଚନୀ ଫଳାଫଳ । ମଧ୍ୟପ୍ରଦେଶ, ଛତିଶଗଡ ଓ ରାଜସ୍ଥାନରେ ଏଥର ବିଜେପି ଜଲୱା ଦେଖାଉଥିବାବେଳେ, ତେଲେଙ୍ଗାନରେ ଉଡିବାକୁ ଯାଉଛି କଂଗ୍ରେସର ବିଜୟ ବାନା । ତେବେ ଏହାରି ଭିତରେ ଦିଲ୍ଲୀ ଏବଂ ପଞ୍ଜାବରେ ଶାସନ କରୁଥିବା ଆମ୍ ଆଦମୀ ପାର୍ଟି ପାଇଁ ଆସିଛି ଏମିତି କିଛି ଖବର, ଯାହା ଆପଣଙ୍କୁ ଆଶ୍ଚଯ୍ୟ କରିଦେବ । ଆପ୍ ଦଳ ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡରେ ପାଖାପାଖି ୨୦୦ ପ୍ରାର୍ଥୀଙ୍କୁ ମୈଦାନକୁ ଓହ୍ଲାଇଥିଲେ ବି, ଗୋଟିଏ ବି ସିଟରେ କେହି ବି ଜଣେ ପ୍ରାର୍ଥୀ ବିଜୟୀ ହେଇପାରିନାହାଁନ୍ତି ।

ଏଥର ମଧ୍ୟପ୍ରଦେଶରେ ଆପ୍ ୭୦ଟି ସିଟ୍, ରାଜସ୍ଥାନରେ ୮୮ଟି ସିଟ୍, ଛତିଶଗଡର ୫୭ଟି ସିଟରେ ପ୍ରାର୍ଥୀ ଦେଇଥିଲା । ଏମିତି କି ଏହି ରାଜ୍ୟ ସବୁକୁ ଯାଇ ଅରବିନ୍ଦ କେଜ୍ରିୱାଲ ଏବଂ ଭଗୱନ୍ତ ମାନ୍ ନିର୍ବାଚନୀ ରାଲି ବି କରିଥିଲେ । ଏହାସହିତ ମାଗଣା ଶିକ୍ଷା, ମାଗଣା ବିଜୁଳି ଭଳି ପ୍ରତିଶ୍ରୁତି ଦେଇଥିଲେ କେଜ୍ରିୱାଲ । ହେଲେ ଏତେ ସବୁ ପ୍ରତିଶ୍ରୁତି ପରେ ବି ୨୦୦ ଆସନରୁ ଗୋଟିଏ ବି ଆସନରେ କେହି ବି ଆପ୍ ପ୍ରାର୍ଥୀ ବିଜୟୀ ହେଇପାରିନାହାଁନ୍ତି । ଅନେକ ପ୍ରାର୍ଥୀଙ୍କ ଜମାନତ ମଧ୍ୟ ରଦ୍ଦ ହେଇଯାଇଛି ।

ତେବେ ତେଲେଙ୍ଗାନାରେ ଆମ୍ ଆଦମୀ ପାର୍ଟି କୌଣସି ପ୍ରାର୍ଥୀଙ୍କୁ ମୈଦାନକୁ ଓହ୍ଲାଇନଥିଲା । ଆଉ ନିର୍ବାଚନ ଆୟୋଗଙ୍କ ସୂଚନା ମୁତାବକ, ଆମ୍ ଆଦମୀ ପାର୍ଟିକୁ ଛତିଶଗଡରେ କେବଳ ୦.୯୭ ପ୍ରତିଶତ, ମଧ୍ୟପ୍ରଦେଶରେ ୦.୪୨ ପ୍ରତିଶତ ଏବଂ ରାଜସ୍ଥାନରେ ୦.୩୭ ପ୍ରତିଶତ ଭୋଟ୍ ମିଳିଛି ।

The post ୩ ରାଜ୍ୟରେ ଆପ୍ ଅବସ୍ଥା ଢିଲା । ୨୦୦ରୁ ଅଧିକ ଆସନରେ ନିର୍ବାଚନ ଲଢିଲା, ଗୋଟିଏ ବି ଜିତିଲାନି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜସ୍ଥାନରେ ଏଥର ପୁଣି କମବ୍ୟାକ୍ କରୁଛି ବିଜେପି । କଂଗ୍ରେସକୁ ହଟେଇ ପୁଣିଥରେ ମରୁଭୂମି ରାଜ୍ୟ ଫୁଟୁଛି ପଦ୍ମ । ବର୍ତ୍ତମାନ ସୁଦ୍ଧା ୧୯୯ ଆସନରୁ ବିଜେପି ୧୧୩ ଆସନରେ ଆଗୁଆ ଥିବାବେଳେ, କଂଗ୍ରେସ କେବଳ ୭୧ ଆସନରେ ଆଗୁଆ ରହିପାରିଛି । ତେଣୁ ଗେହଲଟ ସରକାରକୁ ଝଟକା ଦେଇ ଏଠାରେ ବିଜେପି ପୁଣିଥରେ ସରକାର ଗଢୁଥିବା ଏକପ୍ରକାର ସ୍ପଷ୍ଟ ହେଉଥିବା ଦେଖିବାକୁ ମିଳୁଛି । ହେଲେ ଏସବୁ ଭିତରେ ରାଜସ୍ଥାନରେ କିଏ ହେବ ନୂଆ ମୁଖ୍ୟମନ୍ତ୍ରୀ? ବସୁନ୍ଧରା ରାଜେ ନୁହେଁ ତ ଆଉ କିଏ? ପ୍ରଶ୍ନ ଏବେ ସମସ୍ତଙ୍କ ମନକୁ ଆନ୍ଦୋଳିତ କରୁଛି ।

ଏଥର ନିର୍ବାଚନରେ ବିନା ମୁଖ୍ୟମନ୍ତ୍ରୀ ଚେହେରାରେ ମୈଦାନକୁ ଓହ୍ଲାଇଥିଲା ବିଜେପି । ଏପରିକି ବସୁନ୍ଧରା ରାଜେଙ୍କୁ ସାମ୍ନାକୁ ଆଣିବାକୁ ମଧ୍ୟ ବିଜେପି ଉଚିତ୍ ମଣିନଥିଲା । ତେଣୁ ରାଜସ୍ଥାନରେ ଯଦି ବିଜେପି ବହୁମତ ହାସଲ କରେ, ତେବେ କିଏ ରାଜ୍ୟର ମୁଖ୍ୟମନ୍ତ୍ରୀ ହେବ ତାକୁ ନେଇ ଚର୍ଚ୍ଚା ବଢିଛି । ତେବେ କିଛି ନୂଆ ଚେହେରା ଏଥର ମୁଖ୍ୟମନ୍ତ୍ରୀ ରେସରେ ରହିଛି । ତା ସହିତ କିଛି ଅଭିଜ୍ଞ ନେତା ମଧ୍ୟ ରାଜସ୍ଥାନର ମଙ୍ଗ ଧରିବାକୁ ଆଗ୍ରହୀ ଥିବା ଜଣାପଡିଛି ।ବାଲକନାଥ

ରାଜସ୍ଥାନରେ ଯଦି ବିଜେପି ୟୁପି ଫର୍ମୁଲା ଲାଗୁ କରେ, ତେବେ ବସୁନ୍ଧରାଙ୍କ ପରେ ଜଣେ ହିଁ ଚେହେରା ମୁଖ୍ୟମନ୍ତ୍ରୀ ରେସରେ ଆଗରେ ରହିବେ । ସେ ହେଉଛନ୍ତି ତିଜାରା ବିଧାନସଭା ସିଟରୁ ନିର୍ବାଚନ ଲଢୁଥିବା ବିଜେପି ପ୍ରାର୍ଥୀ ବାଲକନାଥ । ସେ ପୂର୍ବରୁ ଦଳର ସାଂସଦ ରହିବା ସହିତ ବସୁନ୍ଧରାଙ୍କ ପରେ ଦଳର ଜଣେ ଲୋକପ୍ରିୟ ଚେହେରା । ତେଣୁ ଯୋଗୀ ଆଦିତ୍ୟନାଥଙ୍କ ପରି ତାଙ୍କୁ ସାମ୍ନାକୁ ଆଣିପାରେ ଭାରତୀୟ ଜନତା ପାର୍ଟି । ତେବେ ବାଲକନାଥ ମଧ୍ୟ ସେହି ନାଥ ସମ୍ପ୍ରଦାୟରୁ ଆସନ୍ତି, ଯେଉଁ ନାଥ ସମ୍ପ୍ରଦାୟରୁ ଯୋଗୀ ଆଦିତ୍ୟନାଥ ଆସିଛନ୍ତି । ବର୍ତମାନ ବାଲକନାଥ ରୋହତକର ବାବା ମସ୍ତନାଥ ମଠର ମହନ୍ତ ରହିଛନ୍ତି ।

ଦୀୟା କୁମାରୀ

ଜୟପୁର ରାଜପରିବରାର ଦୀୟା କୁମାରୀଙ୍କୁ ବସୁନ୍ଧରା ରାଜେ ସିନ୍ଧିଆଙ୍କ ବିକଳ୍ପ ବୋଲି କୁହାଯାଉଛି । ଦୀୟା କୁମାରୀ ଦଳର ସାଂସଦ ରହିସାରିଥିବାବେଳେ, ଏଥର ବିଧାନସଭା ନିର୍ବାଚନ ଲଢୁଛନ୍ତି । ଜୟପୁରର ବିଦ୍ୟାଧରନଗର ସିଟରୁ ସେ ଏଥର ପ୍ରତିଦ୍ୱନ୍ଦ୍ୱିତା କରୁଛନ୍ତି । ତେଣୁ ଯଦି ବସୁନ୍ଧରା କିମ୍ବା ବାଲକନାଥଙ୍କୁ ଦଳ ମୁଖ୍ୟମନ୍ତ୍ରୀ ଆସନରେ ନବସାଏ, ତେବେ ଦୀୟା କୁମାରୀଙ୍କୁ ହିଁ ଦଳ ମୁଖ୍ୟମନ୍ତ୍ରୀ କରିପାରେ ବୋଲି ରାଜନୈତିକ ପଣ୍ଡିତାମାନେ ଅନୁମାନ କରୁଛନ୍ତି ।ସିପି ଜୋଶୀ

ଏହି ଦୁଇ ଜଣଙ୍କ ବ୍ୟତୀତ ରାଜସ୍ଥାନ ବିଜେପି ଅଧ୍ୟକ୍ଷ ସିପି ଜୋଶୀ ମଧ୍ୟ ମୁଖ୍ୟମନ୍ତ୍ରୀ ରେସରେ ସାମିଲ ଅଛନ୍ତି । ସିପି ଜୋଶୀଙ୍କ ନେତୃତ୍ୱରେ ହିଁ ଏଥର ମୈଦାନକୁ ଓହ୍ଲାଇଥିଲା ରାଜସ୍ଥାନ ବିଜେପି । ତେବେ ନିର୍ବାଚନ ଲଢିବା ପୂର୍ବରୁ ସେ ଦଳର ସାଂସଦ ମଧ୍ୟ ରହିଥିଲେ । ଦଳ ତାଙ୍କୁ ପ୍ରଦେଶ ଅଧ୍ୟକ୍ଷ ଦାୟିତ୍ୱ ଦେବା ପରେ ତାଙ୍କ ନେତୃତ୍ୱରେ ଦଳ ଆଗକୁ ବଢିଥିଲା । ତେଣୁ ଏ ସଫଳତା ପରେ ତାଙ୍କୁ ମୁଖ୍ୟମନ୍ତ୍ରୀ କରାଯାଇପାରେ ବୋଲି ଚର୍ଚ୍ଚା ହେଉଛି ।

ଏହାବାଦ୍ ଗଜେନ୍ଦ୍ର ସିଂହ ଶେଖାୱତ, ଭୂପେନ୍ଦ୍ର ଚୌଧୁରୀଙ୍କ ନାଁ ମଧ୍ୟ ମୁଖ୍ୟମନ୍ତ୍ରୀ ରେସରେ ସାମିଲ ଅଛି । ଏହାସହିତ ଅର୍ଜୁନରାମ ମେଘବାଲ, ସୁନୀଲ ବଂଶଲଙ୍କ ଭଳି ନେତାଙ୍କୁ ମଧ୍ୟ ସତ୍ତା ସମ୍ଭାଳିବାକୁ ଜୟପୁର ପଠାଯାଇପାରେ ବୋଲି ଚର୍ଚ୍ଚା ହେଉଛି ।

 

The post ରାଜସ୍ଥାନରେ ବସୁନ୍ଧରା ରାଜେ ନୁହେଁ ତ ଆଉ କିଏ? କିଏ ହେବ ରାଜ୍ୟର ନୂଆ ମୁଖ୍ୟମନ୍ତ୍ରୀ? ବାଲକନାଥଙ୍କ ନାଁକୁ ନେଇ ବଢିଲା ଚର୍ଚ୍ଚା… first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଜି ୪ ରାଜ୍ୟରେ ଚାଲିଛି ବିଧାନସଭା ନିର୍ବାଚନର ଭୋଟ ଗଣତି । ୪ ରାଜ୍ୟରୁ ୨ ରାଜ୍ୟରେ ବିଜେପି ବାଜି ମାରିଥିବାବେଳେ କଂଗ୍ରେସ ପଛରେ ପଡିଛି । ଛତିଶଗଡରେ ବି କଂଗ୍ରେସ ଓ ବିଜେପି ମଧ୍ୟରେ କଡା ଟକ୍କର ଚାଲିଛି । କଂଗ୍ରେସର ଏଭଳି ଅଧୋଗତି ସ୍ଥିତିରେ ପ୍ରତିକ୍ରିୟା ପ୍ରକାଶ କରିଛନ୍ତି ବରିଷ୍ଠ କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କ୍ରିଷ୍ଣାନ୍ ।

ସେ କହିଛନ୍ତି ଯେ, ଏହା କଂଗ୍ରେସର ହାର ନୁହେଁ ବରଂ ଏହା ବାମପନ୍ଥୀର ପରାଜୟ । କିଛି ଦିନରୁ କଂଗ୍ରେସକୁ ଏପରି କିଛି ନେତା ପ୍ରବେଶ କରିଛନ୍ତି , ଯେଉଁମାନଙ୍କର ଦଳରେ ଭାରୀ ପ୍ରଭାବ ମଧ୍ୟ ରହିଛି । କଂଗ୍ରେସ ଦଳରେ ସେମାନେ ଗୁରୁତ୍ୱପୂର୍ଣ୍ଣ ଭୂମିକା ମଧ୍ୟ ଗ୍ରହଣ ଚରୁଛନ୍ତି । ଖାଲି ସେତିକି ନୁହେଁ ସେମାନେ କଂଗ୍ରେସ ଦଳକୁ ମହାତ୍ମା ଗାନ୍ଧୀଙ୍କ ଆଦର୍ଶ ମାର୍ଗରୁ ହଟାଇ ବାମପନ୍ଥୀ ମାର୍ଗର ନେଇଯିବାକୁ ଚେଷ୍ଟା କରୁଛନ୍ତି । ଯେଉଁ କଂଗ୍ରେସ ପାର୍ଟି ମହାତ୍ମାଙ୍କ ମାର୍ଗଦର୍ଶନରେ ଏତେବାଟ ଆସିଛି ଆଜି ସେ ଦଳକୁ ବିଶ୍ୱର ଶ୍ରେଷ୍ଠ ଧର୍ମ ସନାତନ ଧର୍ମର ବିରୋଧୀ ଦଳ ଭାବେ ଜଣାଯାଉଛି, ଯାହା ଦଳ ପାଇଁ ଅତି ଦୁର୍ଭାଗ୍ୟପୂର୍ଣ୍ଣ । ସବୁ ଜାଣି ମଧ୍ୟ ଏଭଳି ନେତାଙ୍କୁ ଯଦି କଂଗ୍ରେସରୁ କଢା ନଯାଏ ତେବେ ଆଗକୁ ଦଳର ଅବସ୍ଥା ଏଆଇଏମଆଈଏମ ଭଳି ହୋଇଯିବ । କଂଗ୍ରେସର ମଙ୍ଗୁଆଳଙ୍କୁ ଏହା ଉପରେ ଗୁରୁତର ସହ ବିଚାର କରିବାର ସମୟ ଆସିଛି ।

୪ରୁ ୩ଟି ରାଜ୍ୟରେ କଂଗ୍ରେସର ଖରାପ ପ୍ରଦର୍ଶନ ଉପରେ ପ୍ରଶ୍ନ ପଚରାଯିବାରୁ ଆଚାର୍ଯ୍ୟ ପ୍ରମୋଦ କହିଛନ୍ତି ଯେ, ଭାରତ ଭାବନାର ଦେଶ ଏବଂ ସନାତନ ଧର୍ମର ବିରୋଧ କଂଗ୍ରେସକୁ ବୁଡେଇଦେଲା । ଜାତିବାଦୀ ରାଜନୀତିକୁ ଏ ଦେଶ କେବେ ସ୍ୱୀକାର କରିନାହିଁ, ଯାହା କଂଗ୍ରେସ କରୁଛି । ତେବେ ଯେଉଁ ରାଜ୍ୟରେ କଂଗ୍ରେସ ପରାଜିତ ହୋଇଛି ସେ ରାଜ୍ୟରେ କଂଗ୍ରେସର ପ୍ରଭାରୀମାନଙ୍କୁ ତୁରନ୍ତ ଇସ୍ତଫା ଦେଇଦେବା ଉଚିତ । ପ୍ରକୃତରେ ସନାତନ ଧର୍ମର ଅଭିଶାପ ହିଁ କଂଗ୍ରେସକୁ ବୁଡେଇଦେଲା ବୋଲି ସେ ବାରମ୍ବାର କହିଛନ୍ତି ।

The post ସନାତନ ଧର୍ମର ଅଭିଶାପ ଓ ଜାତିବାଦ ରାଜନୀତି କଂଗ୍ରେସକୁ ବୁଡେଇଦେଲା । କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କ୍ରିଷ୍ଣାନଙ୍କ ପ୍ରତିକ୍ରିୟା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜସ୍ଥାନର ବାଡମେର ଶିବ ବିଧାନସଭା ଆସନ ଉପରେ ସମସ୍ତଙ୍କ ନଜର । ଏଠାରେ ଚତୁଷ୍କୋଣୀୟ ଲଢେଇ ଚାଲିଛି । ଏଭଳି ସ୍ଥିତିରେ ସମସ୍ତଙ୍କୁ ଚମକାଇଦେଇଛନ୍ତି ଛାତ୍ରନେତା ରବୀନ୍ଦ୍ର ସିଂ ଭଟ୍ଟି । ଏଠାରେ ସ୍ୱରୂପ ସିଂ ଖାରାଙ୍କୁ ନେଇ ବିଜେପି ପଶା ଖେଳିଥିବାବେଳେ କଂଗ୍ରେସ ପାଇଁ ନିର୍ବଚନ ମୈଦାନରେ ଅଛନ୍ତି ଅମୀନ ଖାନ୍ । ସ୍ୱାଧୀନରେ ଆଉ ଜଣେ ପ୍ରଭାବଶାଳୀ ନେତା ଫତେହ ଖାନ୍ ଥିବାବେଳେ ଛାତ୍ର ନେତା ରବୀନ୍ଦୟ ସିଂ ଭଟ୍ଟି କିନ୍ତୁ ସମସ୍ତଙ୍କୁ ଚକିତ କରିଛନ୍ତି ।

ରବୀନ୍ଦ୍ର ପୂର୍ବରୁ ବିଜେପି ପାଇଁ କାର୍ଯ୍ୟ କରୁଥିଲେ । କିନ୍ତୁ ନିର୍ବାଚନ ପାଇଁ ତାଙ୍କୁ ବିଜେପିରୁ ଟିକେଟ ନମିଳିବାରୁ ସେ ଦଳରୁ ବାହାରି ନିର୍ଦ୍ଦଳୀୟ ଭାବେ ପ୍ରାର୍ଥୀ ହୋଇଥିଲେ । ଆଜିର ଗଣତିରେ ସେ ସମସ୍ତଙ୍କୁ ପଛରେ ପକାଇ ସାଢେ ୧୦ଟା ସୁଦ୍ଧା ୧୬ ହଜାର ୮୬୩ ଭୋଟରେ ଆଗୁଆ ଥିଲେ । ଚତୁର୍ଥ ପର୍ଯ୍ୟାୟ ଗଣତିରେ ଭଟ୍ଟି ୧୧ ହଜାର ୯୯୯ ଭୋଟରେ ଆଗୁଆ ଅଛନ୍ତି । ତାଙ୍କ ବିରୋଧରେ ନିର୍ବାଚନ ଲଢୁଥିବା ବିଜେପି ଓ କଂଗ୍ରେସ ପ୍ରାର୍ଥୀ ପଛରେ ପଡିଛନ୍ତି ।

ସୂଚନା ମୁତାବକ, ରବୀନ୍ଦ୍ର ଭଟ୍ଟି ଛାତ୍ରଙ୍କ ହିତ ପାଇଁ ଲଗାତାର ଆନ୍ଦୋଳନ କରିଆସୁଛନ୍ତି । ଫଳରେ ରାଜ୍ୟରେ ଛାତ୍ର ଗୋଷ୍ଠୀଙ୍କ ମଧ୍ୟରେ ତାଙ୍କର ଖାସ୍ ଲୋକପ୍ରିୟତା ରହିଛି । ନିର୍ବାଚନ ପାଇଁ ହୋଇଥିବା ରାଲିରେ ତାଙ୍କ ସମର୍ଥନରେ ଆଖିଦୃଶିଆ ଭିଡ ଦେଖିବାକୁ ମିଳିଥିଲା ।

The post ସମସ୍ତଙ୍କୁ ଚମକାଇଦେଲେ ଛାତ୍ର ନେତା ରବୀନ୍ଦ୍ର ଭଟ୍ଟିି । ବିଜେପିରୁ ବାହାରି ନିର୍ବାଚନ ଲଢୁଛନ୍ତି, ଶିବ୍ ସିଟରେ ସମସ୍ତଙ୍କୁ ପଛରେ ପକାଇଲେ । first appeared on Kanak News.

from Kanak News
via <a href="https://ifttt.com/?