କନକ ବ୍ୟୁରୋ: ଦୀର୍ଘ ବର୍ଷ ପରେ ଉଦ୍ଧାର ହେଲା ନିଖୋଜ ଶିଶୁ । ଏବେ ଦୀର୍ଘ ୭ ବର୍ଷ ପରେ ପିଲା ଖୋଜୁଛି ବାପା ମାଆର ଠିକଣା । ନା ଅଛି ଭବିଷ୍ୟତ ନା ଅଛି ବାପା ମାଆଙ୍କ ଆଶ୍ରା । ସ୍ୱାମୀ ଓ ସ୍ତ୍ରୀଙ୍କ ବିବାଦ ପାଇଁ ଫିଟିଲା ୬ ବର୍ଷ ତଳର ଗୁମର । ୨୦୧୭ରେ ନିଖୋଜ ହୋଇଯ୍ଧବଥିବା ଶିଶୁକୁ ଉଦ୍ଧାର କରିଛି ସିଡବ୍ଲୁସି ।

ବୌଦ୍ଧ ମନମୁଣ୍ଡା ଥାନା ଅଂଚଳରେ ଜଣେ ମାନସିକ ବିକାର ଗ୍ରସ୍ତ ମହିଳା ନିଜ ନବଜାତକକୁ ଧରି ବୁଲୁଥିଲେ । । ହେଲେ ହଠାତ୍ ଶିଶୁଟି କେଉଁଆଡେ ନିଖୋଜ ହୋଇଯାଇଥିଲା । ଏନେଇ ଶିଶୁ ମଙ୍ଗଳ କମିଟି ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଥିଲା । ଘଟଣାକୁ ପ୍ରାୟ ୬ ବର୍ଷ ପୁରିଥିବା ବେଳେ ଏବେ ଘଟଣା ଉପରୁ ଉଠିଛି ପରଦା । ମନମୁଣ୍ଡା ମେଡିକାଲର ଜଣେ ଷ୍ଟାଫ ନର୍ସ ଶିଶୁଟିକୁ ଚୋରି କରି ନେଇଥିବା ଜଣାପଡିଛି । ଶିଶୁକୁ ନେଇ ସେ ତାଙ୍କ ଭଉଣୀକୁ ଦେଇଥିଲେ । ଘଟଣା ସମ୍ପର୍କରେ ନର୍ସଙ୍କ ସ୍ୱାମୀ ସିଡବ୍ଲୁସି ନିକଟରେ ଅଭିଯୋଗ କରିବା ପରେ ତଦନ୍ତ କରାଯାଇ ଶିଶୁକୁ ଉଦ୍ଧାର କରାଯାଇଛି । ପୁଲିସ ଘଟଣା ସମ୍ପର୍କରେ ଷ୍ଟାଫ ନର୍ସଙ୍କୁ ଅଟକ ରଖି ପଚରାଉଚୁରା ଜାରି ରଖିଛି ।

The post ଉଦ୍ଧାର ହେଲା ନିଖୋଜ ଶିଶୁ । ପଦାକୁ ଆସିଲା ଦୀର୍ଘ ୬ ବର୍ଷ ତଳର ଗୁମର କଥା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଦିନକୁ ଦିନ ବଢିଚାଲିଛି ବାଘ ଆତଙ୍କ । ଆତଙ୍କିତ ଅବସ୍ଥାର ରହିଛନ୍ତି ଗାଁର ଲୋକେ । ସଂଜ ନଇଁଲେ ଘରେ ଘରେ ପଡୁଛି ତାଟି କବାଟ । ବାଘ ଯୋଗୁ ଭୟରେ ଜୀବନ ଜୀଉଁଛନ୍ତି ନୂଆପଡା ରେଂଜ କୁକୁଡାତାଲ ଗାଁର ଲୋକେ । କିଛି ଦିନ ହେଲା ଗାଁରେ ବାଘ ବୁଳୁଥିବା ନେଇ ଚର୍ଚ୍ଚା ହେଉଥିବା ବେଳେ ଏବେ ପୁଣି ଏକ କଲରପତରିଆ ବାଘ ବୁଲୁଥିବା ଦେଖିବାକୁ ମିଳିଛି । ମୂଷରଙ୍ଗି ଜଙ୍ଗଲର ଏକ ପଥର ଚଟାଣରେ ଦୁଇଟି କଲରପତରିଆ ବାଘ ବସୁଥିବା ବେଳେ ଚଳପ୍ରଚଳ କରୁଥିବା ଗାଁର ଲୋକେ ଦେଖିବାକୁ ପାଇଛନ୍ତି । ପଥର ଚଟାଣ ଉପରେ ବାଘଟି ପ୍ରାୟ ୨ ଘଂଟା ବସିରହିଥିବାର ଦେଖିବାକୁ ମିଳିଥିଲା । ତେବେ ଗାଁରେ ଲୋକଙ୍କୁ ସୁରକ୍ଷା ଦେବାକୁ କିଛି ଲୋକ ବନବିଭାଗ ସହ ମିଶି ଠେଙ୍ଗାବାଡି ଧରି ଲୋକଙ୍କୁ ସୁରକ୍ଷା ଦେଉଛନ୍ତି । ସେପଟେ ଗାଁର ଜଙ୍ଗଲ ଚାରିପଟେ ତାରବାଡ ଓ ଲାଇଟ୍ ଲଗାଇବାକୁ ଦାବି କରିଛନ୍ତି ଗାଁର ଲୋକମାନେ ।

ନୂଆପଡା ଭଳି ରାୟଗଡ଼ାରେ ମହାବଳ ବାଘ ଆତଙ୍କ । ବାଘ ପାଇଁ ଲୋକ ଭୟଭୀତ ଥିବାବେଳେ ଜଣେ ମହିଳା, ବିଲରେ ବାଘ ବୁଲୁଥିବା ଦେଖିଥିବା କହିଛନ୍ତି । ବାଘ କବଳରୁ ନିଜ ଜୀବନ ବଂଚାଇବାକୁ ଗଛରେ ଚଢ଼ିଯାଇଥିବାରୁ ତାଙ୍କ ଜୀବନ ବଂଚିଯାଇଥିଲା । ଫସଲ କାଟୁଥିବା ବେଳେ ମହାବଳ ବାଘ ବୁୁଲୁଥିବା ମହିଳା ଜଣକ ଦେଖିଥିଲେ । ଗାଁ ପାଖରେ ବାଘ ବୁଲୁଥିବାର ଖବର ପାଇ ୨ ଦିନ ଯାଏଁ ଜଙ୍ଗଲକୁ ନଯିବା ସହ ଘରୁ ନବାହାରିବାକୁ ଗାଁଲୋକଙ୍କୁ ପରାମର୍ଶ ଦେଇଛନ୍ତି ବନବିଭାଗ । ବାଘ ଗିତିବିଧି ଉପରେ ନଜର ରଖିବାକୁ ଟ୍ରାପ କ୍ୟାମେରା ମଧ୍ୟ ଲଗାଯାଇଛି ।

The post ଦିନକୁ ଦିନ ବଢୁଛି ବାଘ ଆତଙ୍କ । ରାୟଗଡା ପରେ ଏବେ ନୂଆପଡା କୁକୁଡାତାଲରେ ବାଘ ଭୟ, ସଂଜ ହେଲେ ପଡୁଛି ତାଟି, କବାଟ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଘଟଗାଁ ବାଲିଯୋଡି ଦୁର୍ଘଟଣା ମାମଲା । ତ୍ରୁଟିପୂର୍ଣ୍ଣ ରାସ୍ତା ନିର୍ମାଣ ଓ ଅବହେଳା ପାଇଁ ଏନଏଚଏଆଇ ବିରୋଧରେ ଥାନାରେ ଏତଲା ଦେଲା ପରିବହନ ବିଭାଗ । ଘଟଗାଁ ଥାନାରେ ପରିବହନ ବିଭାଗ ପକ୍ଷରୁ ଏତଲା ଦଆଯାଇଛି । ଘଟଗାଁ ତାରିଣୀ ଦର୍ଶନ ପାଇଁ ଯାଉଥିବା ବେଳେ ଗତକାଲି ଟ୍ରାଭେଲର ଦୁର୍ଘଟଣାଗସ୍ତ ହୋଇଥିଲା । । ବାଲିଯୋଡି ନିକଟରେ ରାସ୍ତାରେ ଛିଡା ହୋଇଥିବା ଟ୍ରକକୁ ପଛପଟୁ ଧକ୍କା ଦେବାରୁ ୮ ଜଣଙ୍କ ମୃତ୍ୟୁ ହୋଇଛି । ସମସ୍ତ ଗୁରୁତରଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି । ତାରିଣୀ ଦର୍ଶନ ପାଇଁ ଗଂଜାମ ଜିଲ୍ଲା ଦିଗପହଣ୍ଡି ପୋଡାମାରିରୁ ଆସିଥିଲେ ୨୪ ଜଣ । ଘଟଗାଁ ତାରିଣୀ ମନ୍ଦିର ମାତ୍ର ୩ କିଲୋମିଟର ଥିବାବେଳେ, ବାଲିଯୋଡି ନିକଟ ୨୦ ନମ୍ବର ଜାତୀୟ ରାଜପଥରେ ଘଟିଥିଲା ଏହି ମୁର୍ମଦୁନ୍ତ ଦୁର୍ଘଟଣା । ତ୍ରୁଟିପୂର୍ଣ୍ଣ ରାସ୍ତା ନିର୍ମାଣ ଓ ଅବହେଳା ପାଇଁ ଏଭଳି ଦୁର୍ଘଟଣା ଘଟିଥିବା ନେଇ ପରିବହନ ବିଭାଗ ପକ୍ଷରୁ ଏତଲା ଦିଆଯାଇଛି ।

The post ଘଟଗାଁ ବାଲିଯୋଡି ଦୁର୍ଘଟଣା ମାମଲା । ଏନଏଚଏଆଇକୁ ଦାୟୀ କରି ଥାନାରେ ଏତଲା ଦେଲା ପରିବହନ ବିଭାଗ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଛତିଶଗଡ଼ରେ ଓଡ଼ିଆ ପ୍ରାର୍ଥୀ । ପ୍ରଥମ ଥର କରି ଜଣେ ଓଡ଼ିଆଙ୍କୁ ଛତିଶଗଡ଼ରେ ପ୍ରାର୍ଥୀ କରିଛି ବିଜେପି । ପୂରା ଛତିଶଗଡ଼ରେ ୩୫ ଲକ୍ଷ ଓଡ଼ିଆ ରହିଥିବା ବେଳେ କେବଳ ରାୟପୁରରେ ୪ ଲକ୍ଷରୁ ଅଧିକ ଓଡ଼ିଆ ରହିଛନ୍ତି । ଛତିଶଗଡ଼ ରାୟପୁରରେ ଜଣାଶୁଣା ଓଡ଼ିଆ ଚେହେରା ତଥା ଛତିଶଗଡ଼ର ସର୍ବ ଓଡ଼ିଆ ସମାଜର ଅଧ୍ୟକ୍ଷ, ଜଗନ୍ନାଥ ମନ୍ଦିର ଟ୍ରଷ୍ଟ ସଭାପତି ପୁରେନ୍ଦ୍ର ମିଶ୍ର । ଏଥର ଦଳ ରାୟପୁର ଉତ୍ତର ନିର୍ବାଚନ ମଣ୍ଡଳୀରୁ ବିଜେପି ପ୍ରାର୍ଥୀ କରିଥିବା ବେଳେ ନିଜେ ବିଜୟୀ ହେବା ସହ ବିଜେପି ଏଥର ପୂର୍ଣ୍ଣ ବହୁମତ ପାଇବ ବୋଲି ଦମ୍ଭୋକ୍ତି ପ୍ରକାଶ କରିଛନ୍ତି ପୁରେନ୍ଦ୍ର ମିଶ୍ର ।

ତେବେ ଆସନ୍ତାକାଲି ଆସିବ ୪ଟି ରାଜ୍ୟର ନିର୍ବାଚନ ଫଳାଫଳ । ମଧ୍ୟପ୍ରଦେଶ, ରାଜସ୍ଥାନ, ତେଲେଙ୍ଗାନା ଓ ଛତିଶଗଡ଼ର ରେଜଲ୍ଟ ଆସିବ । ଘରବାହୁଡା ଭୋଟରଙ୍କ ମତ ଅନୁସାରେ ବିଜେପି ଓ କଂଗ୍ରେସ ମଧ୍ୟରେ ଟକ୍କର ହୋଇଛି । ଅଧିକାଂଶ ଏଗଜିଟ୍ ପୋଲ୍ କହୁଛି ଛତିଶଗଡ଼ରେ କଂଗ୍ରେସର ପଲ୍ଲା ଭାରି ରହିଛି । ଅନ୍ୟପଟେ ତେଲେଙ୍ଗାନାରେ କଂଗ୍ରେସ ଆଗରେ ଥିବା ଆକଳନ କରାଯାଉଥିବା ବେଳେ ରାଜସ୍ଥାନରେ ଆଗରେ ରହିଛି ବିଜେପି । ଆଉ ମଧ୍ୟପ୍ରଦେଶରେ ଦୁଇ ଦଳ ମଧ୍ୟରେ ହୋଇଛି କଡ଼ା ଟକ୍କର । ତେବେ କିଏ ଜିତିବ ନିର୍ବାଚନ? ପଦ୍ମ ଫୁଟିବ ନାଁ ହାତ ଆସିବ, ତାହା ଆସନ୍ତାକାଲି ସ୍ପଷ୍ଟ ହେବ ।

The post ଛତିଶଗଡରେ ଓଡିଆ ପ୍ରାର୍ଥୀ । ରାୟପୁର ଉତ୍ତରରୁ ବିଜେପି ପ୍ରାର୍ଥୀ ହେଇଛନ୍ତି ପୁରେନ୍ଦ୍ର ମିଶ୍ର । କହିଲେ, ପୂର୍ଣ୍ଣ ବହୁମତ ପାଇବ ବିଜେପି । first appeared on Kanak News.

from Kanak News
via <a href="https://ifttt.com/?

ଜଣେ ୩୦ ବର୍ଷ ବୟସ୍କା ମହିଳା ଏହି ଅଜବ ଚୋରି କରିଛନ୍ତି । ସେ ୨୨ ଲକ୍ଷ ମୂଲ୍ୟର ଡୋନେଟ୍ସ (ମିଠା) ଚୋରୀ କରିଛନ୍ତି । ମହିଳା ଜଣକ ଏକ ସର୍ଭିସ ଷ୍ଟେସନରେ ଏହି ଘଟଣା ଘଟାଇଛନ୍ତି । ସିସିଟିଭି ଫୁଟେଜ ଆଧାରରେ ପୋଲିସ ମହିଳାଙ୍କୁ ଖୋଜିବା ଆରମ୍ଭ କରିଛି ।

ଚୋରିର ଏହି ଅଜବ  ଘଟଣା ଅଷ୍ଟ୍ରେଲିଆର ସିଡନୀରେ ଘଟିଛି ।

ଆପଣ ଅନେକ ବଡ ଚୋରି ବିଷୟରେ ଶୁଣିଥିବେ ନିଶ୍ଚୟ, କିନ୍ତୁ ଚୋରିର ଏପରି ଏକ ଅନନ୍ୟ ଘଟଣା ଅଷ୍ଟ୍ରେଲିଆର ସିଡନୀରେ ଘଟିଛି ଯାହା ସମସ୍ତଙ୍କୁ ଚକିତ କରିଛି । ଏଠାରେ ଚୋର ଘରୁ କୌଣସି ମୂଲ୍ୟବାନ ସାମଗ୍ରୀ ଚୋରି କରିନଥିଲା, ବରଂ ୧୦ ହଜାରରୁ ଅଧିକ ତାଜା ତିଆରି ଡୋନାଟସ୍ ଚୋରି କରିଥିଲା । ଏହି ଡୋନାଟ୍ସର ମୂଲ୍ୟ ୨୨  ଲକ୍ଷ ଟଙ୍କା ହେବ ବୋଲି କୁହାଯାଉଛି ।

ସ୍ଥାନୀୟ ଖବରକାଗଜ ନାଇପୋଷ୍ଟ ଅନୁଯାୟୀ, ମିଠାର ଶୌକୀନ ଥିବା ଜଣେ ମହିଳା ତାଜା ଡୋନେଟ୍ସ ଭର୍ତି ହୋଇଥିବା ଏକ ଭ୍ୟାନ୍ ଲୁଟି ନେଇଥିବା ଜଣାଯାଇଛି । ମହିଳାଙ୍କ ବୟସ ପ୍ରାୟ ୩୦ ବୋଲି କୁହାଯାଉଛି । ସେ ଏକ ସର୍ଭିସ ଷ୍ଟେସନରେ ପାର୍କିଂ ହୋଇଥିବା ଏକ ଭ୍ୟାନରେ ପ୍ରବେଶ କରି ତାକୁ ନେଇ ଚମ୍ପଟ ମାରିଥିଲେ । ଭ୍ୟାନରେ ପ୍ରାୟ ୧୦ ହଜାର ସତେଜ ନିର୍ମିତ ଡୋନେଟ୍ସ ଥିଲା, ଯାହାର ମୂଲ୍ୟ ୪୦ ହଜାର ଅଷ୍ଟ୍ରେଲିୟ ଡଲାର (୨୨ ଲକ୍ଷରୁ ଅଧିକ ଭାରତୀୟ ମୁଦ୍ରା) ବୋଲି କୁହାଯାଉଛି ।

ଏହି ଚୋରି ଘଟଣା ନ୍ୟୁ ସାଉଥ ୱେଲ୍ସର ନ୍ୟୁକେଲସ ଅଞ୍ଚଳରେ ସକାଳ ପ୍ରାୟ ୩ଟା ସମୟରେ ଘଟିଥିଲା । ଭ୍ୟାନ ଡ୍ରାଇଭର ସେବା ଷ୍ଟେସନରେ ଦେୟ ଦେଉଥିବା ବେଳେ ଏହା ଘଟିଥିଲା । ବର୍ତ୍ତମାନ ସିସିଟିଭି ଫୁଟେଜ ଆଧାରରେ ପୋଲିସ ମହିଳା ଚୋରକୁ ଖୋଜିବା ଆରମ୍ଭ କରିଛି ।

ଏକ ସ୍ପେଶାଲ କଲେକ୍ଶନ ଲଞ୍ଚ କରିବାକୁ ପ୍ରସ୍ତୁତି ଚାଲିଥିଲା

ଚୋରି ହୋଇଥିବା ମିଠାଗୁଡ଼ିକରେ ଏକ ସ୍ୱତନ୍ତ୍ର ଥିମ୍ ଖ୍ରୀଷ୍ଟମାସ କଲେକ୍ଶନ ମଧ୍ୟ ଅନ୍ତର୍ଭୁକ୍ତ ଥିଲା ।  ଯାହା ଆଗାମୀ ପାର୍ବଣ ଋତୁରେ ‘କ୍ରିସ୍ପି ​​କ୍ରେମ’ ବେକରୀ ଆରମ୍ଭ କରିବାକୁ ଯୋଜନା କରିଥିଲା । ଖ୍ରୀଷ୍ଟମାସ ଡୋନାଟ୍ ସହିତ, ଭ୍ୟାନ୍ ରେ କିଛି ନିୟମିତ ଡୋନେଟ୍ସ ମଧ୍ୟ ଥିଲା, ଯାହା ବିତରଣ ପାଇଁ ରଖାଯାଇଥିଲା ।  ତେବେ ଏହା ଗ୍ରାହକଙ୍କୁ ନିରାଶ କରିବ ନାହିଁ ବୋଲି ବେକେରୀ ନିଶ୍ଚିତ କରିଛି । ସେମାନେ ସେମାନଙ୍କର ଡୋନେଟ୍ସ ନିଶ୍ଚିତ ସମୟ ଭିତରେ ପାଇବେ ।

ଚୋରି ଘଟଣା ବିଷୟରେ ବେକେରୀ କ’ଣ କହିଲା ?

କମ୍ପାନୀ ଏହି ଘଟଣାର ଜବାବ ଦେଇ କହିଛି ଯେ ଆମେ ଖୁଶିର ସହିତ ଘୋଷଣା କରୁଛୁ ଯେ ଗ୍ରାହକ ଯେଉଁମାନେ କି କ୍ରୟ କରିବାକୁ କ୍ରିସପି କ୍ରେମ ଚାର୍ଲଷ୍ଟାଉନରେ ଅର୍ଡର ଦେଇଛନ୍ତି କିମ୍ବା କିଣିବାକୁ ଭାବୁଛନ୍ତି ସେମାନେ ସେମାନଙ୍କର ଡୋନେଟ୍ସ ଠିକ ସମୟରେ ପାଇବେ ।  ଆମେ ପୂର୍ବରୁ ଷ୍ଟକ୍ କରି ରଖିସାରିଛୁ । ଏଥିସହ ବେକେରୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିବାରୁ ପୋଲିସକୁ ମଧ୍ୟ କୃତଜ୍ଞତା ଜଣାଇଛି ।

The post ଏକ ଅଜବ ଚୋରି : ଚୋର ୨୨ ଲକ୍ଷ ଟଙ୍କା ମୂଲ୍ୟର ମିଠା ନେଇଗଲା :  ପୋଲିସ  ବି ଚିନ୍ତାରେ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଦିଦିଙ୍କ ଅମାନବୀୟ କାଣ୍ଡ । ବିରୁଡ଼ି କାମୁଡ଼ିଲା ବୋଲି ଚତୁର୍ଥ ଶ୍ରେଣୀ ଛାତ୍ରୀଙ୍କୁ ଛୁରୀ ତତାଇ ଚେଙ୍କ ଦେଲେ ଦିଦି । ଏଭଳି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ଅସରଳା ପଞ୍ଚାୟତର ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ । ଗତକାଲି ଚତୁର୍ଥ ଶ୍ରେଣୀର ଛାତ୍ରୀ ବିଦ୍ୟାଳୟରେ ସାଙ୍ଗ ପିଲାଙ୍କ ସହ ଖେଳୁଥିବା ବେଳେ ହଠାତ ଏକ ବିରୁଡ଼ି କାନ୍ଧକୁ କାମୁଡ଼ି ଦେଇଥିଲା । ଛାତ୍ରୀକୁ କଷ୍ଟ ହେବାରୁ ସେ ଶିକ୍ଷୟିିତ୍ରୀଙ୍କୁ କହିଥିଲେ । ଦିଦି ମେଡିକାଲ ନେବା ପରିବର୍ତ୍ତେ ଗ୍ୟାସ ଚୁଲାରେ ଏକ ଛୁରୀ ତତାଇ ସାଇନା ବେକରେ ଚେଙ୍କ ଦେଇଥିଲା । ଚେଙ୍କ ଦେବା ପରେ ଛାତ୍ରୀଙ୍କ କାନ୍ଧରେ ବଡ଼ ଫୋଟକା ହୋଇଥିଲା । ଏହା ପରେ ଛାତ୍ରୀଙ୍କ ଘରକୁ ସୂଚନା ନଦେଇ ମେଡିକାଲ ନେଇ ଘରକୁ ପଠାଇଦେଇଥିଲେ ଶିକ୍ଷୟିତ୍ରୀ ।

The post ଦିଦିଙ୍କ ଅମାନବୀୟ କାଣ୍ଡ । ବିରୁଡି କାମୁଡିଲା ବୋଲି, ଚେଙ୍କ ଦେଲ ସ୍କୁଲ ଦିଦି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମସାଜ ନାଁରେ ଚାଲୁଥିଲା ସେକ୍ସ ରାକେଟ୍ । ଆର୍ୟୁବେଦିକ ଓ ଫିଜିଓଥେରାପି ନାଁରେ କିଭଳି ଦେହ ବ୍ୟବସାୟ ଚାଲିଥିଲା ତାର ଗୁମର ଖୋଲିଛି ପୁଲିସ । ହଜାର ଟଙ୍କାରୁ ୧୩ ହଜାର ଟଙ୍କା ପର୍ଯ୍ୟନ୍ତ ମିଳୁଥିଲା ମସାଜ । ସାଧାରଣ ଦେହ ମସାଜଠୁ ଆରମ୍ଭ କରି ହାପି ଏଣ୍ଡିଂ ପର୍ଯ୍ୟନ୍ତ ସବୁ ସୁବିଧା ମିଳୁଥିଲା । ‘ଟପଲେସ’, ‘ଫୁଲ ଷାଟିସଫେକ୍ସନ’, ‘ସାୱର ବାଥିଂ’, ‘ବ୍ୟାଙ୍କର ହମ୍ମାମ ବାଥ‘ ‘ବ୍ଲୋ ଜବ’, ଭଳି ମସାଜର ନାଁ ରହିଥିଲା । ଭୁବନେଶ୍ୱର ସତ୍ୟନଗରର ଏଭ ଭଡା ଘରେ ଏଭଳି ଚାଲୁଥିଲା ଦେହ ବ୍ୟବସାୟ । ପୁଲିସ ସାଦା ପୋଷାକରେ ଚଢାଉ କରି ଏଭଳି ରାକେଟର ପର୍ଦାଫାସ କରିଛି । କାରବାରରେ ସମ୍ପୃକ୍ତ ଦୁଇଜଣଙ୍କୁ ପୁଲିସ ଗିରଫ କରିବା ସହ ୪ ଜଣ ରୂପଜୀବୀଙ୍କୁ ଉଦ୍ଧାର କରିଛି ।

ମସାଜ ନାଁରେ ସେକ୍ସ ରାକେଟ୍

• ଫିଜିଓଥେରାପି ନାଁରେ ଚାଲିଥିଲା ଦେହ ବ୍ୟବସାୟ
• ସାଧାରଣ ଦେହ ମସାଜଠୁ ଆରମ୍ଭ କରି ହାପି ଏଣ୍ଡିଂ
• ସ୍ପାରେ ମିଳୁଥିବା ସବୁ ପ୍ରକାରର ସୁବିଧା
• ଟଙ୍କା ଅନୁସାରେ ମିଳୁଥିଲା ସର୍ଭିସ୍
• ମସାଜ ପାଇଁ ଥିଲା ସ୍ୱତନ୍ତ୍ର ମେନ୍ୟୁ କାର୍ଡ
• ୧୦୦୦ ଟଙ୍କାରୁ ୧୩ ହଜାର ଟଙ୍କା ପର୍ଯ୍ୟନ୍ତ ଥିଲା ମସାଜର ରେଟ୍
• ‘ଟପଲେସ’, ‘ଫୁଲ ଷାଟିସ୍ଫେକ୍ସନ’, ‘ସାୱର ବାଥିଂ’,
• ‘ବ୍ଲୋ ଜବ’, ‘ବ୍ୟାଙ୍କର ହମ୍ମାମ ବାଥ‘ ଭଳି ଥିଲା ସମାଜର ନାଁ
• ଅନଲାଇନରେ ମଧ୍ୟ ଦିଆଯାଉଥିଲା ବିଜ୍ଞାପନ
• ପୁଲିସର ରେଡ ପରେ ସାମ୍ନାକୁ ଆସିଲା ସାଙ୍ଘାତିକ ତଥ୍ୟ
• ସତ୍ୟନଗରର ଏଭ ଭଡା ଘରେ ଚାଲୁଥିଲା ଦେହ ବ୍ୟବସାୟ

The post ରାଜଧାନୀରେ ମସାଜ ନାଁରେ ଚାଲିଥିଲା ସେକ୍ସ ରାକେଟ । ସାଧା ପୋଷାକରେ ଚଢ଼ାଉ କରି ପର୍ଦ୍ଦାଫାସ କଲା ପୋଲିସ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ପାକିସ୍ତାନରେ ସାଧାରଣ ନିର୍ବାଚନ ପୂର୍ବରୁ ବଡ ରାଜନୈତିକ ଅଦଳବଦଳ ଦେଖିବାକୁ ମିଳିଛି । ଦେଶର ପୂର୍ବତନ ପ୍ରଧାନମନ୍ତ୍ରୀ ତଥା ପିଟିଆଇ ରାଜନୈତିକ ଦଳର ଅଧ୍ୟକ୍ଷ ଇମ୍ରାନ ଖାନ ଏବେ ଦଳର ଅଧ୍ୟକ୍ଷ ପଦରୁ ହଟିଛନ୍ତି । ତାଙ୍କ ସ୍ଥାନରେ ବାରିଷ୍ଟର ଗୋହର ଅଲ୍ଲୀ ଖାନ ପିଟିଆଇର ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି ।

ଗଣମାଧ୍ୟମ ରିପୋର୍ଟ ମୁତାବକ ବାରିଷ୍ଟର ଗୋହର ଖାନଙ୍କ ନାମ ଇମ୍ରାନ ଖାନ୍ ସୁପାରିଶ କରିଥିଲେ । ପାର୍ଟିର ଅଧ୍ୟକ୍ଷ ହେବା ପରେ ଗୋହର ଖାନ କହିଛନ୍ତି କି, ସେ ଇମ୍ରାନ ଖାନଙ୍କ ପ୍ରତିନିଧୀ ଭାବେ ଏହି ପଦରେ ଅବସ୍ଥାପିତ ହୋଇଛନ୍ତି ଓ ଦଳର ସମସ୍ତ ଦାୟିତ୍ୱ ନିର୍ବାହ କରିବେ । ଏହାସହ ଓମର ଆୟୁବ ଖାନଙ୍କୁ ପାର୍ଟିର ମହାସଚିବ ଭାବେ ନିର୍ବାଚିତ କରାଯାଇଛି । ସେହିଭଳି ବେଲୁଚିସ୍ତାନରେ ପିଟିଆଇର ଅଧ୍ୟକ୍ଷ ଦାୟିତ୍ୱ ମୁନିର ଅହମ୍ମଦଙ୍କୁ ମିଳିଛି ।

ପାକିସ୍ତାନରେ ସାଧାରଣ ନିର୍ବାଚନ ପୂର୍ବରୁ ନିର୍ବାଚନ ଆୟୋଗ ପିଟିଆଇର ଅନ୍ତରୀଣ ନିର୍ବାଚନ କରିବାକୁ ନିର୍ଦ୍ଦେଶ ଦେଇଥିଲେ । ୨ମାସ ପରେ ପାକିସ୍ତାନରେ ସାଧାରଣ ନିର୍ବାଚନ ହେବାକୁ ଯାଉଛି । ଏହି କ୍ରମରେ ଏବେ ସମସ୍ତ ରାଜନୈତିକ ଦଳଗୁଡିକ ନିର୍ବାଚନ ପ୍ରଚାରରେ ଲାଗିପଡିଛନ୍ତି । ପିଟିଆଇ ତରଫରୁ କୁହାଯାଇଛି କି, ଗତବର୍ଷ ମଧ୍ୟ ଦଳର ଅନ୍ତରୀଣ ନିର୍ବାଚନ ହୋଇଥିଲା । ହେଲେ ତାହାକୁ ରଦ୍ଦ କରିଦେଇଥିଲେ ନିର୍ବାଚନ ଆୟୋଗ

The post ପିଟିଆଇର ଅଧ୍ୟକ୍ଷ ପଦରୁ ହଟିଲେ ଇମ୍ରାନ ଖାନ । ବିନା ବିରୋଧରେ ପିଟିଆଇର ଅଧ୍ୟକ୍ଷ ହେଲେ ବାରିଷ୍ଟର ଗୋହର ଅଲ୍ଲୀ ଖାନ first appeared on Kanak News.

from Kanak News
via <a href="https://ifttt.com/?

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ ସେଲଫି ସୋସିଆଲ ମିଡିଆରେ ଭାଇରାଲ ହେଉଛି।

ଆସନ୍ତୁ ଜାଣିବା କେଉଁଠାରେ ଦେଖା ହୋଇଥିଲା ?

ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ଏଥର ବିଶ୍ୱ ଜଳବାୟୁ ସମ୍ମିଳନୀ COP28 ଅନୁଷ୍ଠିତ ହେଉଛି ।  ଏହି ଶିଖର ସମ୍ମିଳନୀରେ ଭାଗ ନେବାକୁ ସାରା ବିଶ୍ୱରୁ ନେତାମାନେ ପହଞ୍ଚିଛନ୍ତି । ଏହି ସମ୍ମିଳନୀରେ ଯୋଗଦେବାକୁ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଯାଇଛନ୍ତି ।  ସେଠାରେ ପ୍ରଧାନମନ୍ତ୍ରୀ ମୋଦୀ ବିଶ୍ୱର ବିଭିନ୍ନ ନେତାଙ୍କୁ ଭେଟିଛନ୍ତି । ଏହି ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କୁ ମଧ୍ୟ ଭେଟିଛନ୍ତି । ଏହି ସମୟରେ ମେଲୋନି ପିଏମ ମୋଦୀଙ୍କ ସହ ସେଲଫି ନେଇ ସୋସିଆଲ ମିଡିଆରେ ସେୟାର କରିଥିଲେ। ଯାହା ବର୍ତ୍ତମାନ ଦ୍ରୁତ ଗତିରେ ଭାଇରାଲ୍ ହେଉଛି ।

Good friends at COP28.#Melodi pic.twitter.com/g0W6R0RJJo

— Giorgia Meloni (@GiorgiaMeloni) December 1, 2023

https://platform.twitter.com/widgets.js

ପିଏମ ମୋଦୀଙ୍କ ସହ ମେଲୋନିଙ୍କ ସେଲଫି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ସେଲଫି ସେୟାର କରି ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି X ରେ ଲେଖିଛନ୍ତି ଯେ ‘COP28ରେ ଗୁଡ୍ ଫ୍ରେଣ୍ଡସ’ #Melodi । ପ୍ରଧାନମନ୍ତ୍ରୀ ମୋଦୀ ବିଶ୍ୱର ବିଭିନ୍ନ ନେତାଙ୍କୁ ଭେଟିଥିଲେ ଇଟାଲୀର ପିଏମ ଜର୍ଜିଆ ମେଲୋନି ସେୟାର କରିଥିବା ସେଲଫିରେ ଉଭୟ ପ୍ରଧାନମନ୍ତ୍ରୀ ମୋଦୀ ଏବଂ ସେ ହସୁଥିବା ଦେଖାଯାଉଛି । COP28 ସମୟରେ ପ୍ରଧାନମନ୍ତ୍ରୀ ମୋଦୀ ଅନେକ ନେତାଙ୍କୁ ଭେଟିଥିଲେ। ଯାହାର ଫଟୋ ଏବେ ସୋସିଆଲ ମିଡିଆରେ ଘୂରିବୁଲୁଛି ।

ଭାରତ COP33 ଆୟୋଜନ କରିବ

ବିଶ୍ୱ ଜଳବାୟୁ ସମ୍ମିଳନୀରେ ଅଂଶଗ୍ରହଣ କରିବା ପରେ ପ୍ରଧାନମନ୍ତ୍ରୀ ମୋଦୀ ବିଳମ୍ବିତ ରାତିରେ ଦୁବାଇରୁ ଭାରତ ଫେରିଥିଲେ । ପ୍ରଧାନମନ୍ତ୍ରୀ ମୋଦୀ COP28 ରେ ଅନେକ ଦେଶର ନେତାଙ୍କୁ ଭେଟିଥିଲେ । ଦୁବାଇରେ ଅନୁଷ୍ଠିତ COP28 ସମ୍ମିଳନୀରେ ପିଏମ ମୋଦୀ ୨୦୨୮ ମସିହାରେ ଭାରତରେ COP33 ଆୟୋଜନ କରିବାକୁ ପ୍ରସ୍ତାବ ଦେଇଛନ୍ତି ।

ଜଳବାୟୁ ଉପରେ ପ୍ରଧାନମନ୍ତ୍ରୀ ମୋଦୀଙ୍କ ଦୃଷ୍ଟିକୋଣ COP28 ର ଗ୍ରୀନ୍ କ୍ରେଡିଟସ୍ ପ୍ରୋଗ୍ରାମରେ ପିଏମ୍ ମୋଦୀ କହିଛନ୍ତି ଯେ ଯେପରି ଆମେ ଆମର ହେଲଥ କାର୍ଡ ବିଷୟରେ ଯେପରି ଚିନ୍ତା କରୁ, ସେହିଭଳି ପରିବେଶ ବିଷୟରେ ମଧ୍ୟ ଚିନ୍ତା କରିବା ଉଚିତ୍ । ଆମେ ଏହା ମଧ୍ୟ ଭାବିବା ଉଚିତ ଯେ ଆମ ପରି ପୃଥିବୀର ହେଲଥ କାର୍ଡରେ ସକରାତ୍ମକ ବିନ୍ଦୁ ମଧ୍ୟ ଯୋଡାଯିବା ଉଚିତ୍ । ମୋ ଅନୁଯାୟୀ ଏହା ଗ୍ରୀନ କ୍ରେଡିଟସ୍ ଅଟେ ।

ପ୍ରଧାନମନ୍ତ୍ରୀ ମୋଦୀ ଧନୀ ଦେଶମାନଙ୍କୁ ମଧ୍ୟ ଟାର୍ଗେଟ କରିଛନ୍ତି ।

କାହାର ନାମ ନ ନେଇ ପିଏମ ମୋଦୀ କହିଛନ୍ତି ଯେ ଶତାବ୍ଦୀ ପୂର୍ବରୁ କିଛି ଦେଶର ଦୂରଦୃଷ୍ଟିହୀନ କାର୍ଯ୍ୟକଳାପ ପାଇଁ ସମଗ୍ର ବିଶ୍ୱକୁ ମୂଲ୍ୟ ଦେବାକୁ ପଡୁଛି । ଅତ୍ୟଧିକ ଅଙ୍ଗାରକାମ୍ଳ ନିର୍ଗମନ ପାଇଁ ଦାୟୀ ଦେଶଗୁଡିକ ଜଳବାୟୁ ପରିବର୍ତ୍ତନକୁ ମୁକାବିଲା କରିବା ପାଇଁ ବିକାଶଶୀଳ ତଥା ଗରିବ ଦେଶକୁ ନିସ୍ୱାର୍ଥପର ଭାବରେ ଟେକ୍ନୋଲୋଜି ସ୍ଥାନାନ୍ତର କରିବା ଉଚିତ୍ । ଦୁବାଇରେ ଚାଲିଥିବା ଅନ୍ତର୍ଜାତୀୟ ସମ୍ମିଳନୀ COP-28 କୁ ପ୍ରଧାନମନ୍ତ୍ରୀ ମୋଦୀ ସମ୍ବୋଧିତ କରିଛନ୍ତି । ଜଳବାୟୁ ପରିବର୍ତ୍ତନକୁ ନେଇ ପ୍ରଧାନମନ୍ତ୍ରୀ ମୋଦୀ ଉଦବେଗ ପ୍ରକାଶ କରିଛନ୍ତି ଏବଂ ବିଶ୍ୱ ସ୍ତରରେ ମିଳିତ ଭାବେ କାର୍ଯ୍ୟ କରିବାକୁ ଗୁରୁତ୍ୱାରୋପ କରିଛନ୍ତି । ଏହା ସହିତ ପିଏମ ମୋଦୀ ୨୦୩୦  ସୁଦ୍ଧା ଭାରତରେ କାର୍ବନ ନିର୍ଗମନକୁ ୪୫ ପ୍ରତିଶତ ହ୍ରାସ କରିବାକୁ ନିଜର ସଂକଳ୍ପକୁ ଦୋହରାଇଛନ୍ତି । ଏହା ବ୍ୟତୀତ ପିଏମ ମୋଦୀ COP33 ର ଆୟୋଜନ ଭାରତ କରିବାକୁ ମଧ୍ୟ ପ୍ରସ୍ତାବ ଦେଇଛନ୍ତି ।

The post ‘COP28ରେ ଗୁଡ୍ ଫ୍ରେଣ୍ଡସ’ : ଇଟାଲୀ ପ୍ରଧାନମନ୍ତ୍ରୀ ଜର୍ଜିଆ ମେଲୋନି ପିଏମ ମୋଦୀଙ୍କ ସହ ସେଲଫି ସେୟାର କରି ଏମିତି ଲେଖିଲେ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲାରେ ଆମ୍ ଆଦମୀ ପାର୍ଟିର ସାଂସଦ ସଂଜୟ ସିଂ ଏବେ ଜେଲରେ ଅଛନ୍ତି । ଆଜି ଇଡି ତରଫରୁ ଏହି ମାମଲାରେ ସଂଜୟ ସିଂଙ୍କ ବିରୋଧରେ ଦିଲ୍ଲୀର ରାୱଜ ଏଭିନ୍ୟୁ କୋର୍ଟରେ ୬୦ ପୃଷ୍ଠାର ଚାର୍ଜସିଟ୍ ଦାଖଲ କରିଛି । ଆମ୍ ଆଦମୀ ପାର୍ଟିର ବରିଷ୍ଠ ନେତା ସଂଜୟ ସିଂ ସମାନ ମାମଲାରେ ଅକ୍ଟୋବର ମାସରୁ ଜେଲରେ ରହିଛନ୍ତି । ଜାମିନ ପାଇଁ ସେ ରାୱଜ ଏଭିନ୍ୟୁ କୋର୍ଟ, ଦିଲ୍ଲୀ ହାଇକୋର୍ଟ ଓ ସୁପ୍ରିମକୋର୍ଟରେ ଆବେଦନ କରିସାରିଛନ୍ତି । ହେଲେ ଏପର୍ଯ୍ୟନ୍ତ ତାଙ୍କୁ ଜାମିନ ମିଳିପାରି ନାହିଁ ।

ଦିଲ୍ଲୀ ଅବକାରୀ ନୀତି ମାମଲାରେ ସଂଜୟ ସିଂ ଅର୍ଥ ହେରଫେର କରିଥିବା ନେଇ ହୋଇଥିବା ଅଭିଯୋଗ ଆଧାରରେ ଇଡି ତାଙ୍କୁ ଗିରଫ କରିଥିଲା । ନଭେମ୍ବର ୨୪ ତାରିଖରେ କୋର୍ଟକୁ ଇଡି କହିଥିଲେ କି ଏହି ମାମଲାରେ ଖୁବଶୀଘ୍ର ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ କରାଯିବ ।

The post ଦିଲ୍ଲୀ ଅବକାରୀ ନୀତି ମାମଲା । ସଂଜୟ ସିଂଙ୍କ ବିରୋଧରେ ରାୱଜ ଏଭିନ୍ୟୁ କୋର୍ଟରେ ଚାର୍ଜସିଟ୍ ଦାଖଲ କଲା ଇଡି, ଜାଣନ୍ତୁ ସଂଜୟ ସିଂଙ୍କ ବିରୋଧରେ କଣ ରହିଛି ଅଭିଯୋଗ first appeared on Kanak News.

from Kanak News
via <a href="https://ifttt.com/?