କନକ ବ୍ୟୁରୋ: ବର୍ତ୍ତମାନ ରାଜ୍ୟରେ ବଡ ରାଜନୈତିକ ହଲଚଲ । ବିଜେଡିରେ ବିଦ୍ଧିବଦ୍ଧ ଭାବେ ସାମିଲ ହୋଇଛନ୍ତି ଭିକେ ପାଣ୍ଡିଆନ୍ । ଅକ୍ଟୋର ମାସରେ ସେ ପ୍ରଶାସନିକ ଅଧିକାରୀ ପଦରୁ ଅବ୍ୟାହତି ନେଇଥିଲେ । ଏହାପରେ କ୍ୟାବିନେଟ୍ ପାହ୍ୟା ସହିତ ତାଙ୍କୁ ନବୀନ ଓଡିଶା ଏବଂ ଫାଇଭ୍ ଟି ଅଧ୍ୟକ୍ଷ ଭାବେ ଦାୟିତ୍ୱ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ରାଜ୍ୟର ପାଖାପାଖି ସବୁ ଜିଲ୍ଲା ବୁଲି ଲୋକଙ୍କର ଦାବୀ ଓ ସମସ୍ୟା ଶୁଣିଥିଲେ ପାଣ୍ଡିଆନ୍ । ଲୋକଙ୍କର ଅଭାବ ଅସୁବିଧା ବାବଦରେ ଅନେକ ଦସ୍ତାବିଜ୍ ମଧ୍ୟ ଗ୍ରହଣ କରିଥିଲେ । ତେବେ ବିଜେଡିରେ ସକ୍ରିୟ ରାଜନୀତି ସହ ପାଣ୍ଡିଆନଙ୍କ ଯୋଗଦାନ ଦଳକୁ ଅଧିକ ଶକ୍ତିଶାଳୀ କରିବ ବୋଲି ଆଲୋଚନା ହେଉଛି ।

The post ବିଜେଡିରେ ଯୋଗଦେଲେ ପାଣ୍ଡିଆନ୍ । ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ବିଦ୍ଧିବଦ୍ଧ ଭାବେ ଯୋଗଦେଲେ ଭିକେ ପାଣ୍ଡିଆନ୍ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନବୀନ ନିବାସରେ ବିଜେଡିର ଗୁରୁତ୍ୱପୂର୍ଣ୍ଣ ବୈଠକ । ଆଜି ସକାଳୁ ସକାଳୁ ନବୀନ ନିବାସରେ ପହଞ୍ଚିଛନ୍ତି ବିଜେଡିର ବରିଷ୍ଠ ନେତା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବରିଷ୍ଠ ନେତାଙ୍କ ସହ ଗୁରୁତ୍ୱପୂର୍ଣ୍ଣ ବୈଠକ କରୁଥିବା ସୂଚନା ମିଳିଛି । ଏହି ବୈଠକରେ ବଡ ନିଷ୍ପତ୍ତିି ନିଆଯାଇପାରେ ।

ବୈଠକ ପରେ ମୁଖ୍ୟମନ୍ତ୍ରୀ ବଡ ଘୋଷଣା କରିପାରନ୍ତି ବୋଲି ଅନୁମାନ କରାଯାଉଛି । ବୈଠକରେ ବିଜେଡିର ବରିଷ୍ଠ ନେତା ପ୍ରଣବ ପ୍ରକାଶ ଦାସ, ପ୍ରଣବ ବଳବନ୍ତ ରାୟ, ପ୍ରତାପ ଦେବ, ସ୍ନେହାଙ୍ଗିନି ଛୁରିଆ, ବାସନ୍ତୀ ହେମ୍ବ୍ମ, ସଂଜୟ ଦାସ ବର୍ମା, ସମୀର ଦାସ, ପ୍ରସନ୍ନ ଆଚାର୍ଯ୍ୟ ପ୍ରମୁଖ ନେତା ସାମିଲ ହୋଇଥିବା ସୂଚନା ମିଳିଛି ।

The post ନବୀନ ନିବାସରେ ବରିଷ୍ଠ ନେତାଙ୍କ ଭିଡ । ବରିଷ୍ଠ ନେତାଙ୍କ ସହ ମୁଖ୍ୟମନ୍ତ୍ରୀଙ୍କ ଗୁରୁତ୍ୱପୂର୍ଣ୍ଣ ବୈଠକ । ହୋଇପାରେ ବଡ଼ ନିଷ୍ପତ୍ତି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉତ୍ତରାଖଣ୍ଡ ଟନେଲ ଭୁଶୁଡିବା ଘଟଣାରେ ଫସି ରହିଥିବା ୪୧ ଜଣ ଶ୍ରମିକଙ୍କ ଉଦ୍ଧାର କାର୍ୟ୍ୟରେ ଏକ ବଡ ସଫଳତା ମିଳିଛି । ସୁଡ଼ଙ୍ଗ ଖୋଳି ପାଇପ ପକାଇ ଶ୍ରମିକମାନଙ୍କୁ ବାହାର କରିବା ପ୍ରୟାସରେ ଫସି ରହିଥିବା ଆମେରିକୀୟ ଅଗର ମେସିନର ଏକ ବଡ଼ ଅଂଶକୁ ଏବେ ପ୍ଲାଜମା କଟର ସାହାଯ୍ୟରେ କାଟି ବାହାର କରାଯାଇଛି। ଏହାମଧ୍ୟରେ ଆମେରିକୀୟ ଡ୍ରିଲିଂ ମେସିନ୍ ମରାମତି କାମ ମଧ୍ୟ ଚାଲିଛି। ଉଦ୍ଧାରକାରୀ ଦଳ ସହ ଜଡ଼ିତ ଅଧିକାରୀମାନେ କହିଛନ୍ତି ଯେ ବର୍ତ୍ତମାନ ଅବଶିଷ୍ଟ କାର୍ୟ୍ୟ ମଧ୍ୟାହ୍ନ ସାଢ଼େ ୧୨ଟାରୁ ଆରମ୍ଭ ହେବ, ଯାହା ପରେ ସୁଡ଼ଙ୍ଗରେ ଫସି ରହିଥିବା ଶ୍ରମିକମାନଙ୍କୁ ବାହାର କରାଯାଇପାରିବ ବୋଲି ଆଶା କରାଯାଉଛି।

ଏବେ ଉଦ୍ଧାକାରୀ ଦଳ ଫଶିରହିଥିବା ଶ୍ରମିକଙ୍କ ଠାରୁ ମାତ୍ର ୧୦ରୁ ୧୨ ମିଟର ଦୂରତାରେ ଥିବା ଜଣାପଡିଛି । କିନ୍ତୁ ଶୁକ୍ରବାର ଅଗର ମେସିନର ସମ୍ମୁଖ ଭାଗ ଲୁହା ଓ କଂକ୍ରିଟରେ ପିଟି ହୋଇ ଭାଙ୍ଗି ଯାଇଥିବାରୁ ଖନନ କାର୍ୟ୍ୟ ବନ୍ଦ ହୋଇଯାଇଥିଲା। ସେପଟେ ସିଲ୍କିୟାରା ଟନେଲ ଉଦ୍ଧାର କାର୍ୟ୍ୟ କୁ ନେଇ ରବିବାର ବିଳମ୍ବିତ ସନ୍ଧ୍ୟାରେ ଅସ୍ଥାୟୀ ଗଣମାଧ୍ୟମ କେନ୍ଦ୍ରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଉତ୍ତରାଖଣ୍ଡ ସମ୍ପାଦକ ଡକ୍ଟର ନୀରଜ ଖଇରୱାଲ କହିଛନ୍ତି ଯେ ପାଇପ୍ ରେ ଫସି ରହିଥିବା ଅଗର ମେସିନର ବ୍ଲେଡ୍ ଏବଂ ନରମ କାଟିବା କାମ ଦ୍ରୁତ ଗତିରେ ଚାଲିଛି।

The post ସୁଡଙ୍ଗରୁ ବାହାରିଲା ଫଶିଯାଇଥିବା ଅଗର ମେସିନ୍ । ଏଥର ଶ୍ରମିକଙ୍କୁ ବାହାର କରିବାକୁ ହାତରେ ହେବ ଖନନ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କେନ୍ଦୁଝର ତେଲକୋଇ ଅଞ୍ଚଳରେ ହାତୀ ଉପଦ୍ରବ ଲୋକଙ୍କ ନିଦ ହଜେଇ ଦେଇଛି । ଲୋକେ ଘର ଜଗିବେ ନା ବିଲରେ ଫସଲ ଜଗିବେ ତାକୁ ନେଇ ଚିନ୍ତାରେ ପଡ଼ିଛନ୍ତି । ଅନେକ ଚାଷୀ ପାଚିଲା ଧାନକୁ ସୁରକ୍ଷା ଦେବା ପାଇଁ ଗଛରେ ମଞ୍ଚା ବାନ୍ଧି ଜଗି ରହୁଛନ୍ତି ।

ଅନ୍ୟପଟେ ବିଜୁଳି କାଟ୍ ସମସ୍ୟାକୁ ଆହୁରି ବଢ଼ାଇଦେଇଛି । ସଞ୍ଜ ନଇଁବା ମାତ୍ରେ ଅପରାହ୍ନ ୫ଟାରୁ ବିଦ୍ୟୁତ୍ କାଟ୍ ଯୋଗୁଁ ଅନ୍ଧାରି ଜୀବନ କାଟୁଛନ୍ତି ୧୩ଟି ପଂଚାୟତବାସୀ । ଖାଦ୍ୟ ଅନ୍ୱେଷଣରେ ଆସି ହାତୀ ପଲ ଘରଦ୍ୱାର ଭାଙ୍ଗିବା ସହ ବିଲରେ ପଶି ଫସଲ ନଷ୍ଟ କରୁଛନ୍ତି । ହାତୀ ଭୟରେ ଆକୁଳ ଗାଁର ଚମ୍ପା ହାଁସଦା ତାଙ୍କ ଦିବ୍ୟାଙ୍ଗ ପୁଅକୁ ନେଇ ଜରି ପାଲ ତଳେ ରହୁଛନ୍ତି । ଚମ୍ପାଙ୍କର ୨ ବଖରା ମାଟି ଘର ଦନ୍ତା ହାତୀ ଭାଙ୍ଗି ଦେବା ପରେ ଦୟନୀୟ ଅବସ୍ଥାରେ ଦିନ କାଟୁଛନ୍ତି ଚମ୍ପା । ସୌଭାଗ୍ୟବଶତଃ ସମସ୍ତେ ଛାତ ଉପରେ ଆଶ୍ରୟ ନେଇଥିବାରୁ ପରିବାର ଲୋକଙ୍କ ଜୀବନ ବଂଚିଯାଇଥିବା ସେ କହିଛନ୍ତି ।

The post ଲୋକଙ୍କ ନିଦ ହଜେଇ ଦେଇଛି ହାତୀ । କେନ୍ଦୁଝର ତେଲକୋଇ ଅଞ୍ଚଳରେ ଫସଲ ନଷ୍ଟ କରିବା ସହ ଭାଙ୍ଗିଲା ଘରଦ୍ୱାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଗୁଜରାଟରେ ଅଦିନିଆ ବର୍ଷା ଲୋକଙ୍କୁ ଭୟଭୀତ କରିଛି । ବର୍ଷା ସାଙ୍ଗକୁ ବଜ୍ରାଘାତରେ ବିଭିନ୍ନ ସ୍ଥାନରେ ୧୪ଜଣଙ୍କ ଜୀବନ ଯାଇଛି । ରବିବାର ସାରା ରାଜ୍ୟରେ ୟେଲୋ ୱାର୍ଣ୍ଣିଂ ଜାରି କରିଥିଲା ପାଣିପାଗ ବିଭାଗ । ଶୀତଦିନ ଆରମ୍ଭରୁ ପଶ୍ଚିମ –ଉପକୂଳ ରାଜ୍ୟ ଗୁଜୁରାଟରେ ହଠାତ୍ ମୌସୁମୀ ସକ୍ରିୟ ହେବା ପରିସ୍ଥିତି ଦେଖାଯାଇଥିଲା । ଫଳରେ ଅଦିନିଆ ବର୍ଷା ସାଙ୍ଗକୁ ବଜ୍ରପାତ ହୋଇଥିଲା ।

The post ବଜ୍ରପାତ ନେଲା ୧୪ ଜୀବନ । ଗୁଜରାଟରେ ଅଦିନିଆ ବର୍ଷା ବିତ୍ପାତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବିଭିନ୍ନ ସମୟରେ ନିର୍ବାଚିତ ପ୍ରତିନିଧି ଆଡମ୍ବରରେ ଜୀବନଯାପନ କରିବାର ନଜର ଆସନ୍ତି । ବଡ଼ ବଡ଼ ଗାଡି, ଦାମି ମୋବାଇଲ ଧରୁଥିବାର ନଜର ଆସନ୍ତି । କିନ୍ତୁ ଓଡ଼ିଶାରେ ଏପରି ଜଣେ ବିଧାୟକ ଅଛନ୍ତି, ଯିଏ ସମସ୍ତଙ୍କଠୁ ଭିନ୍ନ । ଆମେ କହୁଛୁ ବଲାଙ୍ଗିର ଲୋଇସିଂହା ବିଧାୟକ ମୁକେଶ ମହାଲିଙ୍ଗ କଥା । ବିଧାନସଭା ଅଧିବେସନ ପରେ ବିଲରେ ଧାନ କାଟିଲେ ମୁକେଶ ମହାଲିଙ୍ଗ । ନିଜ ଗାଁରେ ଶ୍ରମିକଙ୍କ ସହ ମିଶି ମୁକେଶ ମହାଲିଙ୍ଗ ଧାନ କାଟୁଥିବାରୁ ନଜର ଆସିଛନ୍ତି ।

The post ଧାନକାଟିଲେ ଲୋଇସିଂହା ବିଧାୟକ । ବିଧାନସଭା ଅଧିବେସନ ପରେ ଶ୍ରମିକଙ୍କ ସହ ମିଶି ଧାନ କାଟିଲେ ମୁକେଶ ମହାଲିଙ୍ଗ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉଦ୍ଧାର ଟଙ୍କାକୁ ନେଇ ନିର୍ମମ ହତ୍ୟା । ମହିଳାଙ୍କୁ ପଥରରେ ଛେଚି ହତ୍ୟା କଲେ ଅଭିଯୁକ୍ତ । ମୟୁରଭଞ୍ଜ ରୁମାପାହାଡି ଅଞ୍ଚଳରେ ଏଭଳି ଅଭାବନୀୟ ଘଟଣା ଘଟିଛି ।
ବିଧବା ମହିଳା ତପୋଇ ମହାନ୍ତ ରାଇରଙ୍ଗପୁର ସପ୍ତାହିକ ହାଟକୁ ଯାଇଥିବା ବେଳେ ନିଖୋଜ ହୋଇଯାଇଥିଲେ । ହେଲେ ଗତ ନଭେମ୍ବର ୧୩ ତାରିଖରେ ମହିଳାଙ୍କ ମୃତଦେହ ବୁଢାରଣା ଅଞ୍ଚଳରୁ ଉଦ୍ଧାର ହୋଇଥିଲା । ପରେ ପୁଲିସ ତପୋଇଙ୍କ ବନ୍ଧୁ ବିଶ୍ୱେଶ୍ୱର ବେହେରା ଓ ତାଙ୍କ ପୁର ରାକେଶ ବେହେରାଙ୍କୁ ଗିରଫ କରିଛି । ଅନ୍ୟ ଦୁଇ ସହଯୋଗୀଙ୍କ ସହ ମିଶି ତପୋଇର ହତ୍ୟା କରିଥିବା ସେମାନେ ପୁଲିସ ଆଗରେ ସ୍ୱୀକାର ମଧ୍ୟ କରିଛନ୍ତିି ।
ସୂଚନା ମୁତାବକ, ତପୋଇଠୁ ବିଶେଶ୍ୱର ଅଧିକାଂଶ ସମୟରେ ଟଙ୍କା ଊଦ୍ଧାର ନିଅନ୍ତି ଓ ପରେ ଫେରାଇ ଦିଅନ୍ତି । ଏହି ଉଦ୍ଧାର ଟଙ୍କାକୁ ନେଇ ସେମାନଙ୍କ ମଧ୍ୟରେ ବିବାଦ ସୃଷ୍ଟି ହେବା ପରେ ଯୋଜନା କରି ହତ୍ୟା କରିଥିବା ସୂଚନା ମଳିଛି ।

The post ଉଦ୍ଧାର ଟଙ୍କାକୁ ନେଇ ନିର୍ମମ ହତ୍ୟା । ମହିଳାଙ୍କୁ ପଥରରେ ଛେଚି ହତ୍ୟା କଲେ ଅଭିଯୁକ୍ତ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସ୍ତ୍ରୀଙ୍କ ବେକ କାଟି ଥାନା ରେ ଆତ୍ମସମର୍ପଣ  କଲେ ସ୍ୱାମୀ । ମାଲାକନଗିରି ଏମଭି ୧୫ ଗାଁ ର କାକୋଲି ଚୌଧୁରୀ ଓ ତାଙ୍କ ସ୍ୱାମୀ କୈଳାଶ ଚୌଧୁରୀ ଙ୍କ ମଧ୍ୟରେ ଘରୋଇ କଳି ଲାଗି ରହୁ ଥିଲା । ତେବେ ଗତ କାଲି କାଲୋଲି ଘରେ କାମ କରୁ ଥିବା ସମୟରେ ତାଙ୍କ ସ୍ୱାମୀ କୌଣସି ଏକ ଧାରୁଆ ଅସ୍ତ୍ରରେ ସ୍ତ୍ରୀଙ୍କ ବେକକୁ ପଛପଟି ଆଘାତ କରି ଥିବା ଅଭିଯୋଗ ହୋଇଛି । ଗୁରୁତର ଅବସ୍ଥାରେ କାକୋଲିଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରା ଯାଇ ଥିବା ବେଳେ ସ୍ୱାମୀ କୈଳାଶ ମାଲକାନଗିରି ଥାନା ରେ ଆତ୍ମସମର୍ପଣ କରିଛନ୍ତି ।

The post ସ୍ତ୍ରୀର ବେକ କାଟି ଥାନାରେ ଆତ୍ମସମର୍ପଣ କଲେ ସ୍ୱାମୀ । ଘରୋଇ କଳିକୁ ନେଇ ଅଘଟଣ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଭାରତର ଲଗାତାର ଦ୍ୱିତୀୟ ବିଜୟ । ଦ୍ୱିତୀୟ ଟି-୨୦ରେ ଅଷ୍ଟ୍ରେଲିଆକୁ ୪୪ ରନରେ ହରାଇଲା ଟିମ ଇଣ୍ଡିଆ । ଜୟସ୍ୱାଲ, ଗାଇକ୍ୱାଡ, କିଶାନଙ୍କ ଅର୍ଦ୍ଧଶତକ ପରେ କମାଲ ଦେଖାଇଲେ ରିଙ୍କୁ ସିଂ । ପ୍ରଥମେ ବ୍ୟାଟିଂ କରି ଭାରତ ନିର୍ଦ୍ଧାରିତ ୨୦ ଓଭରରେ ୨୩୫ ରନ କରିଥିଲା । ଭାରତର ପ୍ରଥମ ତିନି ବ୍ୟାଟର ଅର୍ଦ୍ଧଶତକ ହାସଲ କରିଥିଲେ । ପରେ ଶେଷ ଆଡକୁ ରିଙ୍କୁ ସିଂ ପୁଣି ଜଲୱା ଦେଖାଇଥିଲେ । ମାତ୍ର ୯ ଟି ବଲରୁ ୩୨ ରନ କରି ଅପରାଜିତ ଥିଲେ ରିଙ୍କୁ ସିଂ ।

ସବୁଠୁ ବଡ଼ କଥା ହେଉଛି ଭାରତର ସବୁ ବ୍ୟାଟର ଅତି କମରେ ଗୋଟିଏ ଲେଖାଏଁ ଛକା ମାରିଥିଲେ । ଅଷ୍ଟ୍ରେଲିଆ ଭଲ ବ୍ୟାଟିଂ କରୁଥିଲେ ମଧ୍ୟ ୱିକେଟ ପଡିଯିବାରୁ ଏତେ ରନ କରିବା କଙ୍ଗାରୁ ଦଳ ପାଇଁ ସମ୍ଭବ ହୋଇନଥିଲା । ଅଷ୍ଟ୍ରେଲିଆ ପକ୍ଷରୁ କୌଣସି ବ୍ୟାଟର ଅର୍ଦ୍ଧଶତକ ପୁରା କରିପାରିନଥିଲେ । ଭାରତ ପକ୍ଷରୁ ପ୍ରସିଦ୍ଧ କୃଷ୍ଣ ଏବଂ ରବି ବିଷ୍ଣୋଇ ଦୁଇଟି ଲେଖାଏଁ ୱିକେଟ ନେଇଥିବା ବେଳେ ଅକ୍ଷର ପଟେଲ, ମୁକେଶ କୁମାର, ଅର୍ଶଦୀପ ସିଂ ଗୋଟିଏ ଲେଖାଏଁ ୱିକେଟ ନେଇଥିଲେ । ତେବେ ୫ ମ୍ୟାଚ ବିଶିଷ୍ଟ ସିରିଜରୁ ଭାରତ ଦୁଇଟିରେ ଜିତିସାରିଛି ।

The post ଭାରତର ଲଗାତାର ଦ୍ୱିତୀୟ ବିଜୟ । ଟି-୨୦ରେ ଅଷ୍ଟ୍ରେଲିଆକୁ ୪୪ ରନରେ ହରାଇଲା ଟିମ୍ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉତ୍ତରକାଶୀରେ ଫଶିଥିବା ଶ୍ରମିକ କେବେ ଉଦ୍ଧାର ହେବେ ତାକୁ ନେଇ ସବୁଠି ଚର୍ଚ୍ଚା । ସୁଡ଼ଙ୍ଗରୁ ଶ୍ରମିକ ଆଜି ବାହାରିବେ, କାଲି ବାହାରିବେ, ଆଉ କିଛି ଘଣ୍ଟାର ଅପେକ୍ଷା, ଏହିଭଳି ଖବର ଭିତରେ କୌଣସି ଆଶ୍ୱସ୍ତିକର ସୂଚନା ଆସିପାରୁନାହିଁ । ଆଉ ସମୟ ଗଡିବା ସହ ଭୟ ବି ବଢୁଛି । କିନ୍ତୁ ଉଦ୍ଧାରକାର୍ଯ୍ୟରେ ନିୟୋଜିତ ବିଶେଷଜ୍ଞ ଅତି ସତର୍କତାର ସହ ଆଗକୁ ବଢୁଛନ୍ତି ।

ରବିବାରଠାରୁ ସୁଡଙ୍ଗର ଉପରପଟୁ କିଛି ଏହିଭଲି ଭର୍ଟିକାଲ ଡ୍ରିଲିଂ ଆରମ୍ଭ ହୋଇଛି । ଭଗ୍ନାବଶେଷ ଦେଇ ଯେଉଁ ହୋରାଇଜେଂଟାଲ ଅର୍ଥାତ ସମାନ୍ତରାଳ ଖନନ ଚାଲିଥିଲା ତାକୁ ସାମୟିକ ଅଟକାଇ ଦିଆଯାଇଛି । କାରଣ ଉଭୟପଟୁ ଡ୍ରିଲିଂ କଲେ ସୁଡଙ୍ଗ ଧସିବାର ଆଶଙ୍କା ବି ରହିଛି । ରାଜ୍ୟର ନୋଡାଲ ଅଧିକାରୀ ନୀରଜ ଖେରବାଲ କହିଛନ୍ତି, ଖନନ କରୁଥିବା ଆମେରିକା ଅଗର ମେସିନର କିଛିଅଂଶ ଭାଙ୍ଗି ଯାଇଥିଲା । ହାଇଦ୍ରାବାଦରୁ ଅଣାଯାଇଥିବା ପ୍ଲାଜ୍ମା କଟର ଜରିଆରେ ଏହାକୁ କଟା ଯାଉଛି । ପ୍ରାୟ ୧୫ ମିଟର ଅଂଶ କଟା ସରିଛି । ବାକି ଅଂଶ ସୋମବାର ସୁଦ୍ଧା କାଟି ସଫା କରାଯିବ । ଏହାପରେ ମାନୁଆଲ ଉପାୟରେ ଭଗ୍ନାବଶେଷକୁ କଢାଯିବ । ଶ୍ରମିକଙ୍କ ପାଖରେ ପହଞ୍ଚିିବାକୁ ଆଉମାତ୍ର ୧୦ ମିଟର ବାକି ଅଛି । ହୋରାଇଜେଣ୍ଟାଲ ଡ୍ରିଲିଂ ସମୟରେ ବାରମ୍ବାର ବାଧା ଆସୁଥିବାରୁ ଏବେ ବିକଳ୍ପ ରାସ୍ତା ନେଇ ବିଚାର କରାଯାଉଛି ।

ଏନଏଚଆଇଡିସିଏଲର ପ୍ରକଳ୍ପ ନିର୍ଦ୍ଦେଶକ ମେହମୁଦ ଅହମ୍ମଦ କହିଛନ୍ତି, ସୁଡ଼ଙ୍ଗର ଉପରପଟୁ ୧୫ ମିଟର ଯାଏଁ ଭର୍ଟିକାଲ ଡ୍ରିଲିଂ ଶେଷ ହୋଇଛି । ଶ୍ରମିକଙ୍କ ପାଖରେ ପହଂଚିବାକୁ ପ୍ରାୟ ୮୬ ମିଟର ଖୋଳିବାକୁ ପଡ଼ିବ । ତେଣୁ ୪ ଦିନ ସମୟ ଲାଗିପାରେ ବୋଲି ଅନୁମାନ କରାଯାଉଛି । ଏପଟେ ଉତ୍ତରକାଶୀରେ ଆଗାମୀ ୩ ଦିନ ବର୍ଷା ଆଶଙ୍କା ରହିଛି । ୨୬ରୁ ୨୮ ତାରିଖ ଯାଏଁ ପାଗ ମେଘୁଆ ରହିବା ସହ ବର୍ଷା ହୋଇପାରେ ବୋଲି ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ । ଯାହା ବିଶେଷଜ୍ଞ ଓ ଉଦ୍ଧାରକାରୀ ଦଳର ଚିନ୍ତା ବଢାଇ ଦେଇଛି ।

The post ଟନେଲରେ ଫସିଥିବା ଶ୍ରମିକଙ୍କୁ ଉଦ୍ଧାର ପାଇଁ ଲାଗିବ ସମୟ । ପ୍ଲାଜମା କଟରରେ କଟା ଚାଲିଛି ଭାଙ୍ଗିଯାଇଥିବା ଅଗର ମେସିନ, ପାହାଡ଼ ଉପରୁ ବି ଚାଲିଛି ଡ୍ରିଲିଂ first appeared on Kanak News.

from Kanak News
via <a href="https://ifttt.com/?