କନକ ବ୍ୟୁରୋ : ବଢି ବଢି ଚାଲିଛି ବଲାଙ୍ଗିର ସହର । ସହରର ବିଭିନ୍ନ ସ୍ଥାନରେ ସରକାରୀ, ବେସରକାରୀ ବିଜ୍ଞାପନ ପାଇଁ ମ୍ୟୁନିସିପାଲଟି ତରଫରୁ ହୋଡିଂ ବ୍ୟବସ୍ଥ।। କରାଯାଇଛି । ଏହି ହୋଡିଂ ଲଗାଇବା ପାଇଁ ଟେଣ୍ଡର କରାଯାଏ । ପ୍ରତି ବର୍ଷ ୫ ଲକ୍ଷ ଟଙ୍କା ଦେବାର ନୀୟମ ରହିଛି । ହେଲେ ବଲାଙ୍ଗିର ମ୍ୟୁନିସିପାଲଟିରେ ଦୀର୍ଘ ବର୍ଷ ଧରି ଜଣକୁ ବିନା ଟେଣ୍ଡରରେ ହୋଡିଂ କାମ ଦିଆଯାଉଛି । ଅନୁକମ୍ପା ଦେଖାଇ ପାଂଚ ଲକ୍ଷ ବଦଳରେ ଏକ ଲକ୍ଷ ଟଙ୍କା ନିଆଯାଉଛି । ହୋଡିଂ ଲଗାଇ ସଂପର୍କୃତ ଠିକାଦାର ମାଲେମାଲ ହେଉଥିବା ବେଳେ ପ୍ରଶାସନ ରାଜସ୍ୱ ହରାଉଛି ବୋଲି ଅଭିଯୋଗ ହୋଇଛି ।

ବଲାଙ୍ଗିର ପୌରପାଳିକାରେ ଦୁର୍ନିତି କଥାକୁ ନେଇ ବାରମ୍ବାର ପ୍ରଶାସନ ବିରୋଧର ରଣହୁଙ୍କାର ଦେଇଛନ୍ତି ବିରୋଧୀ । ତଥାପି କେହି ଶୁଣୁ ନାହାନ୍ତି । ନୂତନ ଭାବେ ଦାୟିତ୍ୱ ନେଇଥିବା ବଲାଙ୍ଗୀର ପୌର କାର୍ଯ୍ୟାଳୟର କାର୍ଯ୍ୟ ନିର୍ବାହୀ ଅଧିକାରୀ କହିଛନ୍ତି, ହୋଡିଂରୁ ଅତ୍ମସାତ ହୋଇଥିବା ଅର୍ଥ ଆଦାୟ କରାଯିବ । ନୂତନ ଟେଣ୍ଡର ଡାକି ହୋଡିଂ କାମ ଦିଆଯିବ ।

ଲୋକଙ୍କ ଝାଲବୁହା ପରିଶ୍ରମର ପଇସା ସରକାରଙ୍କ ଅଖିରେ ଧୁଳି ଦେଇ ଅସାଧୁ କର୍ମଚାରୀଙ୍କ ହାତକୁ ଚାଲି ଯାଉଛି ।

The post ବଲାଙ୍ଗୀରରେ ହୋର୍ଡିଂ ଦୁର୍ନୀତି! ବର୍ଷ ବର୍ଷ ଧରି ବିନା ଟେଣ୍ଡରରେ ଗୋଟିଏ ସଂସ୍ଥା ନେଇଛି ହୋର୍ଡିଂ କାମ, ୫ ଲକ୍ଷ ବଦଳରେ ଦେଉଛି ୧ ଲକ୍ଷ ଟଙ୍କା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରେଶମ ସହର ଭାବେ ପରିଚିତ ବ୍ରହ୍ମପୁର । ୪୨ଟି ୱାର୍ଡ ବିଶିଷ୍ଟ ବ୍ରହ୍ମପୁର ମହାନଗର ନିଗମର ବିଭିନ୍ନ ଅଂଚଳ ସଂପ୍ରସାରଣ ହୋଇଛି । ଲୋକ ସଂଖ୍ୟା ବଢିବା ସହ କୋଠାବାଡି ବଢିିଛି । ହେଲେ ବ୍ରହ୍ମପୁର ସହରର ଦୀର୍ଘ ଦିନର ଟ୍ରାଫିକ ସମସ୍ୟାରେ କିଛି ପରିବର୍ତନ ହୋଇନାହିଁ । ଟ୍ରାଫିକ ସମସ୍ୟାର ସମାଧାନ ଲାଗି ପୋଲିସ ଓ ପ୍ରଶାସନ ପକ୍ଷରୁ ପଦକ୍ଷେପ ନିଆଗଲେ ମଧ୍ୟ କିଛି କାମରେ ଆସୁନାହିଁ । କିଛି ଅମାନିଆ ବ୍ୟବସାୟୀଙ୍କ ପାଇଁ ଟ୍ରାଫିକ ସମସ୍ୟା ବଢୁଥିବା ଅଭିଯୋଗ ହୋଇଛି । ମହାନଗର ନିଗମ ପକ୍ଷରୁ ଉଠା ଦୋକାନୀ ଓ ଠେଲା ଗାଡି ବ୍ୟବସାୟୀଙ୍କ ଥଇଥାନ ପାଇଁ ୨୦୧୯ରେ ସହରର ୨ଟି ସ୍ଥାନରେ ଭେଣ୍ଡିଂ ଜୋନ କରାଯାଇଛି । ହେଲେ ବ୍ୟବସାୟୀମାନେ ସଂପୃକ୍ତ ଭେଣ୍ଡିଂ ଜୋନର ବ୍ୟବହାର ନକରି ରାସ୍ତାକଡରେ ବ୍ୟବସାୟ କରୁଥିବାରୁ ଟ୍ରାଫିକ ସମସ୍ୟା ବଢୁଥିବା ଅଭିଯୋଗ ହୋଇଛି ।

ବ୍ରହ୍ମପୁର ସହରର ପ୍ରମୁଖ ରାସ୍ତା କହିଲେ କମାପଲ୍ଲୀ ଛକ ଠାରୁ ଗେଡ୍ ବଜାର ଦେଇ ଫାଷ୍ଟ ଗେଟ୍ ଛକ ପର୍ଯ୍ୟନ୍ତ ରାସ୍ତାକୁ ବୁଝାଏ । ତେବେ ସେହି ରାସ୍ତାଟି ଜବରଦଖଲକାରୀଙ୍କ କବଜାରେ ରହିଥିବାରୁ ରାସ୍ତା ଅଣଓସାରିଆ ହୋଇପଡିଛି । ରାଜନୈତିକ ଅଭିସନ୍ଧି ଲାଗି ଜବରଦଖଲ ଉଚ୍ଛେଦ ହୋଇପାରୁନଥିବା ଚର୍ଚ୍ଚା ହେଉଛି । ଏହାସହ ଦୋକାନର ପାର୍କିଂ ବ୍ୟବସ୍ଥା ନଥିବାରୁ ଗ୍ରାହକ ରାସ୍ତା ଉପରେ ଗାଡି ପାର୍କିଂ କରିବାକୁ ବାଧ୍ୟ ହେଉଛନ୍ତିି । ପାର୍କିଂ ଯୋଗୁଁ ଟ୍ରାଫିକ୍ ସମସ୍ୟା ବଢିଯାଉଛି । । ତେବେ ପ୍ରଶାସନ ଓ ପୋଲିସ ବିଭାଗ ପକ୍ଷରୁ ମିଳିତ ଭାବେ ପଦକ୍ଷେପ ନିଆଯାଇ ସମସ୍ୟାର ସମାଧାନ କରାଯିବ ବୋଲି କୁହାଯାଇଛି ।

ଅଯଥା ରାଜସ୍ୱ ହାନୀ, ଅସଂଯୋଜିତ ପ୍ରକଳ୍ପ ପ୍ରତି ପ୍ରଶାସନ ଦୃଷ୍ଟି ଦେଇ ପଦକ୍ଷେପ ନେଲେ ବ୍ରହ୍ମପୁର ସହରର ଟ୍ରାଫିକ୍ ସମସ୍ୟାରେ ସୁଧାର ଆସିପାରିବ ବୋଲି ଆଶା ରଖିଛନ୍ତି ସହରବାସୀ ।

The post ବ୍ରହ୍ମପୁର ସହରରେ ବଢୁଛି ଟ୍ରାଫିକ୍ ସମସ୍ୟା । ଭେଣ୍ଡିଂ ଯୋନକୁ ଯାଉନାହାନ୍ତି ଉଠାଦୋକାନୀ, ରାସ୍ତାକଡରେ ବସୁଛନ୍ତି ଦୋକାନୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଭାଙ୍ଗି ଯାଇଛି ପାହାଡିଆ ନଦୀ ଉପରେ ନିର୍ମିତ ହୋମ ପାଇପ୍ ପୋଲ । ଏହାସହ ପୋଲକୁ ସଂଯୋଗ କରୁଥିବା ମାଟି ରାସ୍ତାଟି ମଧ୍ୟ ବିପର୍ଯ୍ୟସ୍ଥ ଅବସ୍ଥାରେ ରହିଛି । ଫଳରେ ବର୍ଷ ବର୍ଷ ଧରି ଅସୁବିଧା ଭୋଗୁଛନ୍ତି କନ୍ଧମାଳ ଜିଲ୍ଲା ଫୁଲବାଣୀ ବ୍ଲକର ୪ଟି ଗ୍ରାମବାସୀ । ପ୍ରତିବର୍ଷ ବର୍ଷା ଦିନେ ବାହ୍ୟଜଗତରୁ ବିଚ୍ଛିନ୍ନ ହୋଇଯାଆନ୍ତି କୁସୁମବାଟା, ମୁଣ୍ଡୁମାସ୍କା, ପାଜିଗୁଡା ଏବଂ ସଲାଗୁଡା ଗ୍ରାମବାସୀ । ଆଉ ଏ ସମସ୍ୟା ସହ ଜୁଝି ହେବ ନାହିଁ, ତେଣୁ ଚରମ ନିଷ୍ପତି ନେଇଛନ୍ତି ଗ୍ରାମବାସୀ । ୨୦୨୪ ସାଧାରଣ ନିର୍ବାଚନ ସୁଦ୍ଧା ଯଦି ସ୍ଥାୟୀ ପୋଲ ଓ ସ୍ଥାୟୀ ରାସ୍ତା ନିର୍ମାଣ ନହୁଏ, ତେବେ ଗ୍ରାମବାସୀ ଭୋଟ ବର୍ଜନ କରିବେ ବୋଲି ପ୍ରଶାସନକୁ ଚେତାଇ ଦେଇଛନ୍ତି ।

ପ୍ରାୟ ୫୦ ବର୍ଷ ତଳେ ନିର୍ମିତ ହୋମ ପାଇପ ପୋଲଟି ୨୦୦୮ରେ ବଢି ପାଣିରେ ଭାଙ୍ଗି ଯାଇଥିଲା । ସେବେ ଠାରୁ ୪ଟି ଗାଁର ଲୋକ ଭଙ୍ଗା ପୋଲ କଡରେ ନଦୀରେ ପଶି ଯାତାୟାତ କରୁଛନ୍ତି । ନଦୀ ଆରପଟେ ସ୍କୁଲ ଏବଂ ପଂଚାୟତ କାର୍ଯ୍ୟଳୟ ସବୁ କିଛି ରହିଥିବାରୁ ଛୋଟ ଛୋଟ ପିଲା ନଦୀରେ ପଶି ଯିବା ଆସିବା କରୁଛନ୍ତି । ଏହି ସମସ୍ୟା ବାବଦରେ ଗ୍ରାମବାସୀମାନେ ବହୁବାର ସରପଂଚ ଠାରୁ ଆରମ୍ଭ କରି ସାଂସଦ, ବିଧାୟକ ଏବଂ ପ୍ରଶାସନକୁ ଜଣାଇଥିଲେ ମଧ୍ୟ କେହି ବୁଝୁନାହାନ୍ତି । କି ୨୪ ବର୍ଷ ଧରି ରାଜ୍ୟରେ ଥିବା ସ୍ଥିର ସରକାର ପୋଲଟିଏ ନିର୍ମାଣ କରିପାରିଲେ ନାହିଁ । ତେଣୁ ଲୋକମାନେ ଭୋଟ ବର୍ଜନ ନିଷ୍ପତି ନେଇଛନ୍ତି ।

ତେବେ ଲୋକଙ୍କ ଏହି ଅଭିଯୋଗ ସଂପର୍କରେ ଫୁଲବାଣୀ ବି.ଡିଓ ଏବଂ ଅନ୍ୟ ପ୍ରଶାସନିକ ଅଧିକାରୀଙ୍କ ପ୍ରତିକ୍ରିୟା ନେବାକୁ ଚେଷ୍ଟା କରିଥିଲେ ମଧ୍ୟ ସେମାନଙ୍କ ପ୍ରତିକ୍ରିୟା ମିଳିପାରିନାହିଁ ।

The post ୨୦୦୮ରୁ ଭାଙ୍ଗି ଯାଇଥିବା ପୋଲର ହୋଇପାରୁନି ମରାମତି । ପାହାଡି ନଦୀରେ ପଶି ଯିବା ଆସିବାକୁ କରୁଛନ୍ତି ପିଲାଠୁ ବୁଢା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଧବଳେଶ୍ୱର ମୁଖ୍ୟ ଫାଟକରେ ପ୍ରଶାସନ ପକ୍ଷରୁ ଲାଗିଲା ନୋଟିସ୍ । ୧ଘଣ୍ଟା ମଧ୍ୟରେ ମନ୍ଦିର ଦ୍ୱାର ନଖୋଲିଲେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ନୋଟିସରେ ଉଲ୍ଲେଖ ରହିଛି । ସାଧାରଣ ଦର୍ଶନ ପାଇଁ ମନ୍ଦିର ଖୋଲାନଗଲେ ଆବଶ୍ୟକ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ନୋଟିସରେ ଲେଖାଅଛି । ୬ଘଣ୍ଟା ହେଲା ଧବଳେଶ୍ୱର ମନ୍ଦିରରେ ସାଧାରଣ ଦର୍ଶନ ବନ୍ଦ ରହିଛି । ହଜାର ହଜାର ଶ୍ରଦ୍ଧାଳୁ ଦର୍ଶନରୁ ବଞ୍ଚିତ ହୋଇଛନ୍ତି । ଦର୍ଶନ ବ୍ୟବସ୍ଥାକୁ ନେଇ ପ୍ରଶାସନ ଓ ପୂଜକ ମୁହାଁମୁହିଁ ହୋଇଛନ୍ତି । ପୀଠରେ ଲଗାଯାଇଥିବା ବ୍ୟାରିକେଡ୍ ଯୋଗୁ ଦର୍ଶନ ବ୍ୟବସ୍ଥା ବାଧାପ୍ରାପ୍ତ ହେଉଥିବା ପୂଜକ ଅଭିଯୋଗ ଆଣିଛନ୍ତି ଏବଂ ସାଧାରଣ ଦର୍ଶନ ବନ୍ଦ କରିଛନ୍ତି ।

The post ଧବଳେଶ୍ୱର ମୁଖ୍ୟ ଫାଟକରେ ଲାଗିଲା ପ୍ରଶାସନର ନୋଟିସ୍ । ଘଣ୍ଟାଏ ଭିତରେ ମନ୍ଦିର ଦ୍ୱାର ଖୋଲିବାକୁ ନିର୍ଦ୍ଦେଶ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଚାଷୀର ନିଦ ହଜେଇ ଦେଇଛି ଜଙ୍ଗଲୀ ବାରହା । ପାଚିଲା ଧାନ କିଆରି ଅମଳ ବେଳେ ବାରହା ସାଧିଛି ଦାଉ । ଜଙ୍ଗଲୀ ବାରହା ଧାନ କ୍ଷେତ ନଷ୍ଟ କରିଦେଉଥିବା ବେଳେ ନିଜର ପରିଶ୍ରମର ଫଳ କୁ ଘରକୁ ଆଣିବା ପାଇଁ ଚାଷୀ ହେଉଛି ରାତି ଅନିଦ୍ରା ।

ଏଭଳି ଚିତ୍ର ଦେଖିବାକୁ ମିଳିଛି ଭିତରକନିକା ଅଞ୍ଚଳରେ । ଏଠାରେ ଚାଷୀମାନେ ହାତରେ ବାଡି ଓ ଟର୍ଚ୍ଚ ଧରି ସୁନାର ଫସଲକୁ ଜଗି ରହୁଛନ୍ତି । ଜଙ୍ଗଲୀ ବାରହା କବଳରୁ ବର୍ଷକର ଆହାର ରକ୍ଷା କରିବାକୁ ଧାନ ବିଲ ପାଖରେ ଟିଣ ବାଡାଉଛନ୍ତି । ଫସଲର ସୁରକ୍ଷା ପାଇଁ ରାତି ଅନିଦ୍ରା ହେଉଛନ୍ତି ଭିତରକନିକା ସୀମାରେ ଥିବା ଚାଷୀ । ଏକ ଫସଲି ହେଉଥିବା ଏହି ଅଂଚଳରେ ଧାର କରଜ କରି ଧାନ ଚାଷ କରିଥିଲେ । ଧାନ ବି ଭଲ ହୋଇଛି । ମାତ୍ର ଜଙ୍ଗଲୀ ବାରହା ଫସଲ କିଆରିରେ ପଶି ପାଚିଲା ଧାନ ଖାଇବା ସହ ଦଳିଚକଟି ପକାଉଥିବାରୁ ଚାଷୀଙ୍କ ଚିନ୍ତାରେ ପଡିଛନ୍ତି ।

ଜଙ୍ଗଲୀ ଯନ୍ତୁ ଫସଲ ନଷ୍ଟ କରିବା କଥାକୁ ସ୍ୱୀକାର କରିଛି ବନ ବିଭାଗ । ଜଙ୍ଗଲରେ ଖାଦ୍ୟ ଅଭାବ ହେବାରୁ ବାରହା ବାହାରକୁ ଆସି ଫସଲ ନଷ୍ଟ କରୁଛନ୍ତି । ଜଙ୍ଗଲି ପଶୁଙ୍କୁ ସୁରକ୍ଷା ଦେବା ବନ ବିଭାଗର ଦାୟିତ୍ୱ । ଏହାସହ ଚାଷୀଙ୍କ କ୍ଷତି ପୂରଣ ଦେବାକୁ ମଧ୍ୟ ଉଦ୍ୟମ କରାଯାଉଥିବା ଗହିରମଥା ରେଂଜ ଅଫିସର କହିଛନ୍ତି ।

The post ଭିତରକନିକା ପାଖ ଚାଷ ଜମିରେ ବାରହା ଆତଙ୍କ । ନଷ୍ଟ କରୁଛନ୍ତି ଫସଲ, ରାତି ଅନିଦ୍ରା ହୋଇ ଫସଲ ଜଗୁଛନ୍ତି ଚାଷୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ମଧ୍ୟପ୍ରଦେଶରେ ବିଜେପି ଭୋଟ୍ ବଢ଼ାଇବ କି ଅଯୋଧ୍ୟ ରାମ ମନ୍ଦିର । ଏହି ପ୍ରଶ୍ନ ଏବେ ଉଠୁଛି । କାରଣ ମଧ୍ୟପ୍ରଦେଶ ନିର୍ବାଚନ ବେଳେ ଅଯୋଧ୍ୟା ରାମ ମନ୍ଦିରକୁ ପୋଷ୍ଟରରେ ବଡ଼ ସ୍ଥାନ ଦେଇଥିଲା ଭାରତୀୟ ଜନତା ପାର୍ଟି । ଭବ୍ୟ ରାମ ମନ୍ଦିରର ବଡ଼ ବଡ଼ ପୋଷ୍ଟର ଓ ବ୍ୟାନର ସାହାଯ୍ୟରେ ବିଜେପି ମଧ୍ୟପ୍ରଦେଶରେ ଜୋରଦାର ପ୍ରଚାର କରିଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଅନ୍ୟ ଶୀର୍ଷ ନେତାଙ୍କ ଫଟୋ ସହ ରାମମନ୍ଦିର ବଡ଼ ଫଟୋକୁ ପୋଷ୍ଟରରେ ସ୍ଥାନ ଦିଆଯାଇଛି । ମଧ୍ୟପ୍ରଦେଶରେ ନିର୍ବାଚନ ସରିଥିବା ବେଳେ ଡିସେମ୍ବର ୩ରେ ଆସିବ ଫଳାଫଳ । ତେବେ ଅଯୋଧ୍ୟାର ରାମ ମନ୍ଦିର ମଧ୍ୟପ୍ରଦେଶର ଭୋଟ୍ ପ୍ରତିଶତକୁ ବଢ଼ାଇବାକୁ କେତେ ସହାୟକ ହେବ ତାହା ଡିସେମ୍ବର ୩ତାରିଖରେ ସ୍ପଷ୍ଟ ହୋଇଯିବ । ଅଯୋଧ୍ୟାର ରାମ ମନ୍ଦିରକୁ ପୋଷ୍ଟରରେ ସ୍ଥାନ ଦେଇ ଭୋଟ୍ ହାତେଇବାକୁ ଆଶା ରଖି ବିଜେପି ରାମ ମନ୍ଦିରର ବଡ଼ ବଡ଼ ପୋଷ୍ଟର ବ୍ୟବହାର କରିଛି । ନିର୍ବାଚନ ପ୍ରଚାର ବେଳେ ଏହାକୁ ନେଇ ବିଜେପି ଓ କଂଗ୍ରେସ ମଧ୍ୟ ମୁହାଁମୁହିଁ ହୋଇଥିଲେ । କଂଗ୍ରେସ ନିର୍ବାଚନ କମିଶନଙ୍କ ଦ୍ୱାରସ୍ଥ ହୋଇଥିବା ବେଳେ ବିଜେପି ଏହାକୁ ନେଇ କଡ଼ା ସମାଲୋଚନା କରିଥିଲା । ଲୋକସଭା ନିର୍ବାଚନ ପୂର୍ବରୁ ଆସନ୍ତା ଜାନୁୟାରୀ ୨୨ତାରିଖରେ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ହେବ ।

The post ମଧ୍ୟପ୍ରଦେଶରେ ବିଜେପିର ଭୋଟ୍ ବଢାଇବ କି ଅଯୋଧ୍ୟା ରାମ ମନ୍ଦିର । ପୋଷ୍ଟର ଲଗାଇ ବିଜେପି କରିଛି ଜୋରଦାର ପ୍ରଚାର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଂଗ୍ରେସ ଭବନରେ ଆସି ପହଞ୍ଚିଲା ପ୍ରଥମ ସଜ ତୁଳସୀ । ଜଗନ୍ନାଥଙ୍କ ଉଦ୍ଦେଶ୍ୟରେ ଜଣେ ସାଧାରଣ ବ୍ୟକ୍ତି ସ୍ପିଡ ପୋଷ୍ଟରେ ସମ୍ବଲପୁରରୁ ପଠାଇଛନ୍ତି ତୁଳସୀ ଆଉ ତା ସହିତ ଏକ ଚିଠି । ପିସିସି ସଭାପତି ଓଡ଼ିଶା ବାସୀଙ୍କୁୁ ଅନୁରୋଧ କରିଛନ୍ତି ଜଗାପାଇଁ ତୁଳସୀ ପଠାଇଲେ କଂଗ୍ରେସ ଦାୟିତ୍ୱର ସହ ତୁଳସୀ ଯାତ୍ରାରେ ତୁଳସୀକୁ ନେଇ ଜଗା ଦୁଆରେ ସମର୍ପଣ କରିବ । ଆଉ ଏହି ତୁଳସୀ ଯାତ୍ରାରେ ସମସ୍ତେ ସାମିଲ ହେବାକୁ ଆହ୍ୱାନ କରିଛନ୍ତି ।

The post ସମ୍ବଲପୁରରୁ କଂଗ୍ରେସ ଭବନକୁ ସ୍ପିଡ୍ ପୋଷ୍ଟରେ ଆସିଲା ତୁଳସୀ । ପିସିସି ସଭାପତିଙ୍କ ଅପିଲ, ବିଭିନ୍ନ ଜାଗାରୁ ରାଜ୍ୟବାସୀ ପଠାନ୍ତୁ ତୁଳସୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଉ କିଛି ଘଂଟା ମଧ୍ୟରେ ବାହାରି ପାରନ୍ତି ଶ୍ରମିକ । ବାକି ଥିବା ଡ୍ରିଲିଂ ଖୁବ୍ ଶୀଘ୍ର ଶେଷ ହେବା ଆଶା କରାଯାଉଥିବା କହିଛନ୍ତି ଉତ୍ତରାଖଣ୍ଡ ସଡ଼କ ପରିବହନ ବିଭାଗର ଅତିିକ୍ତ ସଚିବ ମହମୁଦ ଅହମଦ । ବାକି ଥିବା ଆଉ କିଛି ମିଟରରେ କୌଣସି ବାଧା ଆସିନପାରେ ବୋଲି ଆଶା କରାଯାଉଥିବା କହିଛନ୍ତି । ଅଗର ମେସିନରେ ପୁଣି ଥରେ କାମ ଆରମ୍ଭ ହୋଇଛି ଏବଂ ଦୁଇ ଘଂଟାରେ ଡ୍ରିଲିଂ ସରିବା ଆଶା କରାଯାଉଛି । ତେବେ ଡ୍ରିଲିଂ ସରିଲେ ୨ଟି ୬ମିଟର ଲମ୍ବା ପାଇପ ଭିତରକୁ କରାଯିବ । ଏହାପରେ ଶ୍ରମିକଙ୍କୁ ସେଠାରୁ ବାହାର କରାଯିବ ବୋଲି ସୂଚନା ଦେଇଛନ୍ତ । ୧୩ ଦିନ ହେଲା ସୁଡ଼ଙ୍ଗ ଭିତରେ ରହିଛନ୍ତି ୪୧ଶ୍ରମିକ । ଉଦ୍ଧାର କାର୍ଯ୍ୟକୁ ଜୋରଦାର କରାଯାଇଥିଲେ ବି ଏ ଯାଏଁ ସଫଳତା ମିଳିନାହିଁ । ତେବେ ଉଦ୍ଧାର କାମରେ ବାରମ୍ବାର ବାଧା ଦେଖାଦେବା ଯୋଗୁଁ ଉଦ୍ଧାର କାର୍ଯ୍ୟକୁ ରୋକିବାକୁ ପଡ଼ୁଛି । କିଛି ସମୟ ଉଦ୍ଧାର କାର୍ଯ୍ୟ ବନ୍ଦ ଥିବା ବେଳେ ପୁଣି ଅଗର ମେସିନ ସାହାଯ୍ୟରେ କାମ ଜାରି ରହିଛି । ଖୁବ୍ ଶୀଘ୍ର ଶ୍ରମିକଙ୍କୁ ଉଦ୍ଧାର କରାଯିବା ଆଶା କରାଯାଉଛି ।

The post ଶ୍ରମିକଙ୍କୁ ଉଦ୍ଧାର ପାଇଁ ଆଉ କେଇ ଘଣ୍ଟାର ଅପେକ୍ଷା । ଉତରାଖଣ୍ଡ ସରକାରଙ୍କ ସୂଚନା, ଖୁବଶୀଘ୍ର କରାଯାଇପାରେ ଶ୍ରମିକଙ୍କୁ ଉଦ୍ଧାର first appeared on Kanak News.

from Kanak News
via <a href="https://ifttt.com/?

ଥାଇଲ୍ୟାଣ୍ଡର ରାଜଧାନୀ ବ୍ୟାଙ୍କକରେ  ଶୁକ୍ରବାର(ଆଜିଠାରୁ)ଆରମ୍ଭ ହେବାକୁ ଯାଉଥିବା  ବିଶ୍ୱ ହିନ୍ଦୁ କଂଗ୍ରେସ (ସମ୍ମିଳନୀ)କୁ ରାଷ୍ଟ୍ରୀୟ ସ୍ବୟଂସେବକ  ସଂଘ ମୁଖ୍ୟ ମୋହନ ଭଗବତ ଉଦଘାଟନ କରିବେ । ଏହି ସମ୍ମିଳନୀରେ ବହୁ  ଚିନ୍ତକ, କାର୍ଯ୍ୟକର୍ତ୍ତା ଏବଂ ନେତାଙ୍କ ସମାବେଶ ହେବ . ସେଠାରେ ସମଗ୍ର ବିଶ୍ୱରେ ହିନ୍ଦୁମାନେ ସମ୍ମୁଖୀନ ହେଉଥିବା ଆହ୍ବାନ ଏବଂ ତା’ସହ ଜଡିତ ପ୍ରସଙ୍ଗଗୁଡ଼ିକ ଉପରେ ଆଲୋଚନା କରାଯିବ ।

ରାଷ୍ଟ୍ରୀୟ ସ୍ବୟଂସେବକ  ସଂଘ ମୁଖ୍ୟ ମୋହନ ଭଗବତ ଆଜିଠାରୁ ଅନୁଷ୍ଠିତ ହେବାକୁ ଯାଉଥିବା ବିଶ୍ୱ ହିନ୍ଦୁ କଂଗ୍ରେସ (ସମ୍ମିଳନୀ)କୁ ଉଦଘାଟନ କରିବେ । ଏହି ସମ୍ମିଳନୀରେ ଚିନ୍ତକ, କାର୍ଯ୍ୟକର୍ତ୍ତା ଏବଂ ନେତାମାନେ ଏଥିରେ ଅଂଶଗ୍ରହଣ କରିବେ ଏବଂ ସମଗ୍ର ବିଶ୍ୱରେ ହିନ୍ଦୁମାନେ ସମ୍ମୁଖୀନ ହେଉଥିବା ସମସ୍ୟା ଏବଂ ଆହ୍ୱାନ ଉପରେ ଆଲୋଚନା କରିବେ ଏବଂ ତାର  ସମାଧାନ ପଦ୍ଧତି ବିଷୟରେ ଆଲୋଚନା କରିବେ । ଅତିଥି ତାଲିକାରେ ୟୁପି ସିଏମ୍ ଯୋଗୀ ଆଦିତ୍ୟନାଥଙ୍କ ନାମ ମଧ୍ୟ ଅନ୍ତର୍ଭୁକ୍ତ ଅଛି ।

ବିଶ୍ୱ ହିନ୍ଦୁ କଂଗ୍ରେସ (WHC) ସମ୍ମିଳନୀ ପ୍ରତି  ଚାରି ବର୍ଷରେ ଥରେ ଅନୁଷ୍ଠିତ ହୋଇଥାଏ । ଏହି କାର୍ଯ୍ୟକ୍ରମ ତୃତୀୟ ଥର ପାଇଁ ଅନୁଷ୍ଠିତ ହେବାକୁ ଯାଉଛି । ଏଥରର  ଥିମ୍ ହେଉଛି ‘ଜୟସାୟ ଆୟତନମ୍ ଧର୍ମ’, ଯାହାର ଅର୍ଥ ହେଉଛି ‘ଧର୍ମ,’ ଧର୍ମ ବିଜୟର ବାସସ୍ଥାନ । ଏହି ସମ୍ମିଳନୀରେ ହିନ୍ଦୁମାନଙ୍କର ମୂଲ୍ୟବୋଧ, ସୃଜନଶୀଳତା ଏବଂ ଉଦ୍ୟୋଗୀ ଆତ୍ମାକୁ ପ୍ରକାଶ କରିବା ଭଳି ସାତଟି ସମାନ୍ତରାଳ ଅଧିବେଶନ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମର ଆୟୋଜକ ଦଳର ସଦସ୍ୟ ସମୀର ପଣ୍ଡା କହିଛନ୍ତି, ସମାନ୍ତରାଳ ସମ୍ମିଳନୀରେ ସମଗ୍ର ବିଶ୍ୱରେ ହିନ୍ଦୁମାନେ ସମ୍ମୁଖୀନ ହେଉଥିବା ସୁଯୋଗ ଏବଂ ଆହ୍ୱାନଗୁଡିକୁ କିପରି ସାହସିକତାର ସହିତ ସମାଧାନ କରାଯିବ ସେନେଇ ଆଲୋଚନା ହେବ ।

କିଏ କିଏ ସମ୍ବୋଧିତ କରିବେ ?

ରାଷ୍ଟ୍ରୀୟ ସ୍ବୟଂସେବକ  ସଂଘ (ଆରଏସଏସ)ର  ସାଧାରଣ ସମ୍ପାଦକ ଦତ୍ତାତ୍ରେୟ ହୋସାବାଲେ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ମାତା ଅମୃତାନନ୍ଦମୟୀ, ଆଧ୍ୟାତ୍ମିକ ଗୁରୁ ଯୋଗେନ୍ଦ୍ର ଗିରି, ଦିଲ୍ଲୀ ବିଶ୍ୱବିଦ୍ୟାଳୟର କୁଳପତି ଯୋଗେଶ ସିଂ, ଶ୍ରୀଧର ଭେମ୍ବୁ, ନରେନ୍ଦ୍ର ମୁର୍କୁମ୍ବୀ, ଲେଖକ ବିକ୍ରମ ସମ୍ପଥ, ବୈଜ୍ଞାନିକ ଆନନ୍ଦ ରଙ୍ଗନାଥନଙ୍କ ପ୍ରଭୃତି ଏହି କାର୍ଯ୍ୟକ୍ରମକୁ ସମ୍ବୋଧିତ କରିବେ।

ତୃତୀୟ ସମ୍ମିଳନୀ ବ୍ୟାଙ୍କକ ଠାରେ

WHC ର ପ୍ରଥମ ସଂସ୍କରଣ ୨୦୧୪ ରେ ଦିଲ୍ଲୀରେ ଏବଂ ୨୦୧୮ ରେ ଚିକାଗୋରେ ଆୟୋଜିତ ହୋଇଥିଲା । ଭାରତ ସମେତ ଏହି ସମ୍ମିଳନୀରେ କେନିଆ, ଅଷ୍ଟ୍ରେଲିଆ, ସୁରିନାମ, ଜର୍ମାନୀ, ନ୍ୟୁଜିଲ୍ୟାଣ୍ଡ ଏବଂ ଥାଇଲ୍ୟାଣ୍ଡ ଭଳି ଦେଶର ରାଜନୈତିକ ତଥା ବ୍ୟବସାୟିକ ନେତାମାନେ ମଧ୍ୟ ଏହି ସମ୍ମିଳନୀରେ ଯୋଗଦେବେ ବୋଲି ଆଶା କରାଯାଉଛି ।

ବିଚାରକୁ ମଞ୍ଚ ପ୍ରଦାନ କରେ WHC

ପଣ୍ଡା କହିଛନ୍ତି, WHC ସମସ୍ତ ହିନ୍ଦୁ ନେତା, କାର୍ଯ୍ୟକର୍ତ୍ତା, ଚିନ୍ତକ ଏବଂ ପ୍ରଭାବଶାଳୀମାନଙ୍କୁ ଏକାଠି କରି ଏକ ବିଚାର ଏକ ମିଳିତ ଦୃଷ୍ଟିକୋଣ ଦିଗରେ  କାର୍ଯ୍ୟ କରିବାକୁ ସକ୍ଷମ କରିଥାଏ । ମିଳିତ ଐତିହର ପ୍ରତୀକ ଆୟୋଜକମାନେ କହିଛନ୍ତି, ଭାରତ ଏବଂ ଦକ୍ଷିଣ ପୂର୍ବ ଏସିଆ ସମାନ ଧାର୍ମିକ ଏବଂ ସାଂସ୍କୃତିକ ମୂଲ୍ୟବୋଧ ବାଣ୍ଟିଛନ୍ତି ଯାହା ଭାଷା, କଳା, ସ୍ଥାପତ୍ୟ ଏବଂ ପରମ୍ପରାରେ ରୂପ ପାଇଥାଏ । ମିଳିତ ଐତିହର ଚମତ୍କାର ପ୍ରତୀକଗୁଡ଼ିକ ୱାଟ ଫ୍ରା ସି ରତନ ସତସଡ୍ରାମ (ଥାଇଲ୍ୟାଣ୍ଡ), ଅଙ୍ଗକର ୱାଟ ଏବଂ ନମ  କୁଲେନ (କାମ୍ବୋଡିଆ), ପ୍ରମ୍ବାନାନ ଏବଂ ବୋରୋବୁଦୁର (ଇଣ୍ଡୋନେସିଆ), ବାଗାନ (ମିଆଁମାର), କେଦାରାମ (ମାଲେସିଆ), ଚାମ ମନ୍ଦିର, ଏମ ସନ (ଭିଏତନାମ) ଫୋ (ଲାଓସ୍) ରେ ଦେଖାଯାଇପାରେ ।

The post ବ୍ୟାଙ୍କକରେ ଆଜିଠାରୁ ଆରମ୍ଭ ହେବାକୁ ଯାଉଛି ‘ବିଶ୍ବ ହିନ୍ଦୁ କଂଗ୍ରେସ’ । ଅତିଥି ତାଲିକାରେ ଅଛନ୍ତି ଯୋଗୀ ଆଦିତ୍ୟନାଥ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ହିଣ୍ଡେନବର୍ଗ ରିପୋର୍ଟ ସହିତ ଜଡିତ ଶୁଣାଣି ମାମଲାରେ ସଲିସିଟର ଜେନରାଲ ତୁଷାର ମେହେତା ସୁପ୍ରିମକୋର୍ଟଙ୍କୁ କହିଛନ୍ତି କି, ଏହି ମାମଲାର ଯାଂଚ ପାଇଁ ପ୍ରତିଭୂତି ବିନିମୟ ବୋର୍ଡ ବା ସେବି ଆଉ ସମୟ ମାଗିବ ନାହିଁ । ହିଣ୍ଡେନବର୍ଗ ରିପୋର୍ଟ ସହିତ ଜଡିତ ୨୪ଟି ମାମଲା ମଧ୍ୟରୁ ୨୨ଟି ମାମଲାରେ ଯାଂଚ ଶେଷ ହୋଇଛି ।

ଚଳିତ ସପ୍ତାହ ଆରମ୍ଭରେ ଓକିଲ ବିଶାଲ ତିୱାରୀ ସୁପ୍ରିମକୋର୍ଟରେ ଏକ ଆବେଦନ କରିଥିଲେ । ଯେଉଁଥିରେ ସେ ଆଦାନୀ-ହିଣ୍ଡେନବର୍ଗ ମାମଲାରେ ଯାଂଚ ପାଇଁ ସେବି ବିଳମ୍ବ କରୁଥିବାରୁ ସେବି ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ କୋର୍ଟଙ୍କୁ ଅନୁରୋଧ କରିଥିଲେ । ତିୱାରୀ ତାଙ୍କ ଆବେଦନରେ କହିଥିଲେ କି ସେବି ସୁପ୍ରିମକୋର୍ଟଙ୍କ ଦ୍ୱାରା ଧାର୍ଯ୍ୟ ସମୟ ମଧ୍ୟରେ ଯାଂଚ ସମାପ୍ତ କରିପାରି ନଥିବାରୁ ତା ଉପରେ କାର୍ଯ୍ୟାନୁଷ୍ଠାନ ହେବା ଆବଶ୍ୟକ ।

On the hearing on the matter regarding Hindenburg report, SG Tushar Mehta tells the Supreme Court that SEBI is not seeking an extension on further investigation relating to the Hindenburg report. There are 24 cases. Out of 24 cases, the investigation in 22 cases is over

— ANI (@ANI) November 24, 2023

https://platform.twitter.com/widgets.js

ସୂଚନା ଥାଉକି, ଏହି ମାମଲାର ଯାଂଚ ଅଗଷ୍ଟ ୧୪ ତାରିଖ ସୁଦ୍ଧା ସମାପ୍ତ କରିବାକୁ ସୁପ୍ରିମକୋର୍ଟ ସେବିକୁ ନିର୍ଦ୍ଦେଶ ଦେଇଥିଲେ । ଏହା ପୂର୍ବରୁ ଜୁଲାଇ ୧୧ ତାରିଖରେ ସୁପ୍ରିମକୋର୍ଟ ସେବିକୁ ଆଦାନୀ ଗ୍ରୁପ ସହିତ ଜଡିତ ଷ୍ଟକ ମୂଲ୍ୟ ହେରଫେର କରିବା ଉପରେ ଯେଉଁ ଯାଂଚ ଚାଲିଛି ତାର ସ୍ଥିତି ବାବଦରେ ପଚରା ଉଚରା କରିଥିଲେ ।

The post ଆଦାନୀ ମାମଲାର ଯାଂଚ ପାଇଁ ଆଉ ସମୟ ମାଗିବ ନାହିଁ ସେବି, ସୁପ୍ରିମକୋର୍ଟକୁ କହିଲେ ସଲିସିଟର ଜେନରାଲ first appeared on Kanak News.

from Kanak News
via <a href="https://ifttt.com/?