କନକ ବ୍ୟୁରୋ: ଡ୍ରେସ୍ ନିଅ, ଆମକୁ ଶିକ୍ଷକ ଦିଅ । ତୁମ ଖାଇବା ନିଅ, ଆମକୁ ଶିକ୍ଷକ ଓ ପିଅନ ଦିଅ । ଶିକ୍ଷକ ଅଭାବ ଓ ସ୍କୁଲର ଅନ୍ୟ ସମସ୍ୟାକୁ ନେଇ ଏପରି ଭାବେ ପ୍ରତିବାଦ କରିଛନ୍ତି ଛାତ୍ରଛାତ୍ରୀ ଓ ଅଭିଭାବକ । ଏହି ଦୃଶ୍ୟ ହେଉଛି ପଟ୍ଟାମୁଣ୍ଡାଇ ଗ୍ରାମାଞ୍ଚଚଳ ଥାନା ଅନ୍ତର୍ଗତ ଦକ୍ଷିଣଶ୍ୱର ହାଇସ୍କୁଲର ।

ପିନ୍ଧିଥିବା ୟୁନିଫର୍ମକୁ ସ୍କୁଲ ପରିସରରେ ପିଙ୍ଗିବା ସହ ସ୍କୁଲ ଅଫିସରେ ତାଲା ପକାଇ ଦେଇଛନ୍ତି ଛାତ୍ରଛାତ୍ରୀ ଓ ଅଭିଭାବକ । ବିଦ୍ୟାଳୟରେ ୬ଟି ଶ୍ରେଣୀରେ ୩୦୦ ଜଣ ଛାତ୍ରଛାତ୍ରୀ ଥିବା ବେଳେ ମାତ୍ର ୫ ଜଣ ଶିକ୍ଷକ ଅଛନ୍ତି । ଜଣେ ପିଅନ ରହିଥିବା ବେଳେ କିରାଣୀ ନାହାନ୍ତି ବୋଲି ଅଭିଯୋଗ ହୋଇଛି । ଗୋଟେ ଗୋଟେ ଶ୍ରେଣୀରେ ସେକ୍ସନ ନଥିବାରୁ ୧୨୦ ଜଣ ଏକାଠି ବସୁଛନ୍ତି । ଏହାର ପ୍ରତିବାଦରେ ବିକ୍ଷୋଭ କରିଛନ୍ତି ଛାତ୍ରଛାତ୍ରୀ ।

The post ଡ୍ରେସ ନିଅ, ଶିକ୍ଷକ ଦିଅ: ସ୍କୁଲ ୟୁନିଫର୍ମ ପିଙ୍ଗି ପ୍ରତିବାଦ କଲେ ଛାତ୍ରଛାତ୍ରୀ ଓ ଅଭିଭାବକ । ପଟ୍ଟାମୁଣ୍ଡାଇ ଦକ୍ଷିଣେଶ୍ୱର ହାଇସ୍କୁଲର ଘଟଣା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବୌଦ୍ଧ ମୁଖ୍ୟ ଚିକିତ୍ସାଳୟ ଗୋଦାମରେ ଅଗ୍ନିକାଣ୍ଡ ଘଟିଛି । ଗୋଦାମରେ ନିଆଁ ଲାଗି ବହୁ ମେଡିସିନ୍ ଓ ଆସବାବପତ୍ର ନଷ୍ଟ ହୋଇଯାଇଛି । କେଉଁ କାରଣରୁ ଗୋଦାମରେ ନିଆଁ ଲାଗିଲା ତାର କାରଣ ଅସ୍ପଷ୍ଟ ରହିଛି । ବିଳମ୍ବିତ ରାତିରେ ଅଗ୍ନିଶମ ବାହିନୀ ପହଞ୍ଚିି ନିଆଁକୁ ଆୟତ୍ତ କରିଛି ।

The post ବୌଦ୍ଧ ମୁଖ୍ୟ ଚିକିତ୍ସାଳୟ ଗୋଦାମରେ ଅଗ୍ନିକାଣ୍ଡ  । ପୋଡି ପାଉଁସ ହେଲା ମେଡିସିନ୍ ଓ ଆସବାବପତ୍ର  ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଜିଠୁ ଭାରତ, ଅଷ୍ଟ୍ରେଲିଆ ମଧ୍ୟରେ ଆରମ୍ଭ ହେଉଛି ଟି-୨୦ ସିରିଜ । ବିଶାଖାପାଟଣାରେ ମୁହାଁମୁହିଁ ହେବେ ଦୁଇ ଦଳ । ନୂଆ ଅଧିନାୟକଙ୍କ ନେତୃତ୍ୱରେ ପଡିଆକୁ ଓହ୍ଲାଇବେ ଦୁଇ ଟିମ । ମ୍ୟାଚ୍ ଜିତି ବିଶ୍ୱକପ ଫାଇନାଲର ପ୍ରତିଶୋଧ ନେବା ଲକ୍ଷ୍ୟରେ ଟିମ ଇଣ୍ଡିଆ ।

ବିଶ୍ୱକପ ପରେ ଭାରତ ପ୍ରମୁଖ ଖେଳାଳିଙ୍କୁ ବିଶ୍ରାମ ଦେଇଛି । ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଟିମ ଇଣ୍ଡିଆ ମ୍ୟାଚ୍ ଖେଳିବ । ବିଶ୍ୱକପ ଟିମରେ ଥିବା ଈସାନ କିଶାନ ଏବଂ ପ୍ରସିଦ୍ଧ କ୍ରିଷ୍ଣା ଆଜି ଟିମରେ ରହିବା ନେଇ ସୂଚନା ମଳିଛି । ସେହିପରି ଫର୍ମରେ ଥିବା ଯଶଶ୍ୱୀ ଜୟସ୍ୱାଲ, ତିଲକ ବର୍ମା, ଶିବମ ଦୁବେ, ରିଙ୍କୁ ସିଂ ଟିମରେ ସାମିଲ ହୋଇପାରନ୍ତି । ସେପଟେ ଦଳକୁ ଫେରିଥିବା ଅକ୍ଷର ପଟେଲ ଏବଂ ୱାସିଂଟନ ସୁନ୍ଦରଙ୍କ ମଧ୍ୟରୁ ଜଣଙ୍କୁ ଟିମରେ ସାମିଲ କରାଯାଇପାରେ । ସେହିପରି ପ୍ରସିଦ୍ଧ କ୍ରିଷ୍ଣା ଏବଂ ଆଭେସ୍ ଖାନଙ୍କ ମଧ୍ୟରୁ ଜଣଙ୍କୁ ସୁଯୋଗ ମିଳିପାରେ ।

ଅନ୍ୟପଟେ ଅଷ୍ଟ୍ରେଲିଆର ଅଧିନାୟକ ପାଟ କୁମିନ୍ସ, ମିଚେଲ ମାର୍ସ, ଜୋସ୍ ହାଜଲଉଡ, ମିଚେଲ ଷ୍ଟାର୍କ ଓ କାମେରୁନ ଗ୍ରୀନ ସ୍ୱଦେଶ ଫେରିଯାଇଛନ୍ତି । ତେଣୁ ମାଥ୍ୟୁ ୱାଡେଙ୍କ ନେତୃତ୍ୱରେ ପଡିଆକୁ ଓହ୍ଲାଇବ କଙ୍ଗାରୁ ଦଳ । ତେବେ ସନ୍ଧ୍ୟା ୭ ଟାରେ ମ୍ୟାଚ ଆରମ୍ଭ ହେବ । ଜିଓ ସିନେମାରେ ମ୍ୟାଚ୍ ଦେଖିପାରିବେ ଦର୍ଶକ ।

The post ଆଜିଠୁ ଭାରତ, ଅଷ୍ଟ୍ରେଲିଆ ମଧ୍ୟରେ ଆରମ୍ଭ ହେଉଛି ୫ ଟିକିଆ ଟି-୨୦ ସିରିଜ । ବିଶାଖାପାଟଣାରେ ମୁହାଁମୁହିଁ ହେବେ ଦୁଇ ଦଳ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଶୀତ ଭିତରେ ବଙ୍ଗୋପସଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ । ଦକ୍ଷିଣ ବଙ୍ଗୋପସାଗରରେ ସୃଷ୍ଟ ଘୂର୍ଣ୍ଣିବଳୟ ୨୬ ତାରିଖ ଆଡକୁ ଲଘୁଚାପର ରୂପ ନେବା ପରେ ୨୭ରେ ଅବପାତରେ ପରିଣତ ହୋଇପାରେ । କ୍ରମେ ଏହା ପଶ୍ଚିମ ଉତ୍ତର- ପଶ୍ଚିମ ଦୁଗରେ ଗତି କରିବା କରିପାରେ । ତେବେ ଓଡିଶା ଉପରେ ଏହାର ବିଶେଷ ପ୍ରଭାବ ନଥିବା ସୂଚନା ଦେଇଛି ଭାରତୀୟ ପାଣିପାଗ ବିଭାଗ ।

The post ଶୀତ ଭିତରେ ଆଉ ଏକ ଲଘୁଚାପ । ଆଣ୍ଡାମାନ ସାଗରରେ ୨୬ରେ ଲଘୁଚାପ, ୨୭ରେ ଅବପାତ । ଓଡ଼ିଶା ଉପରେ ବିଶେଷ ପ୍ରଭାବ ନଥିବା ଭାରତୀୟ ପାଣିପାଗ ବିଭାଗର ସୂଚନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଜଳବାୟୁ ପରିବର୍ତ୍ତନ ଅନେକ ସମୟରେ ବିଭିନ୍ନ ରୋଗର କାରଣ ହେଉଥିବା ବେଳେ ଏବେ ଗର୍ଭବତୀ ମହିଳା ଏବଂ ନବଜାତ ଶିଶୁ ପାଇଁ ବିପଦ ଆଣୁଛି । ଜଳବାୟୁ ପରିବର୍ତ୍ତନ ଯୋଗୁଁ ଗର୍ଭବତୀ ମହିଳା ଏବଂ ନବଜାତ ଶିଶୁ ବେଶି ପ୍ରଭାବିତ ହେଉଥିବା କହିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ । ଡବ୍ଲୁଏଚଓର ଏକ ତଥ୍ୟ ଅନୁସାରେ ଜଳବାୟୁ ପରିବର୍ତ୍ତନ ଯୋଗୁଁ-

– ଗର୍ଭଧାରଣ ଜନତି ସମସ୍ୟା
– ସମୟ ପୂର୍ବରୁ ଶିଶୁର ଜନ୍ମ
– ନବଜାତ ଶିଶୁର ଓଜନ କମିବା
– ମସ୍ତିକ ବିକାଶ ପ୍ରଭାବିତ ହେବା
– ମୃତଶିଶୁ ଜନ୍ମ ହେବା

ଭଳି ସମସ୍ୟା ଦେଖାଯାଉଛି । ପ୍ରତ୍ୟକ୍ଷ ଓ ପରୋକ୍ଷ ଭାବେ ଏହାଦ୍ୱାରା ଗର୍ଭବତୀ ମହିଳା ଓ ଶିଶୁଙ୍କ ଉପରେ ଗଭୀର ପ୍ରଭାବ ପଡୁଥିବା ବିଶ୍ୱ ସ୍ୱାସ୍ଥ୍ୟ ସଙ୍ଗଠନ କହିଛି ।

ଦୁବାଇରେ ଜଳବାୟୁ ପରିବର୍ତ୍ତନ ଉପରେ ହେବାକୁ ଥିବା ସିଓପି ସମ୍ମିଳନୀ ପୂର୍ବରୁ ଜାତିସଂଘ ଏଜେନ୍ସି ଦ୍ୱାରା କଲ୍ ଫର ଆକ୍ସନ ଜାରି ହୋଇଛି । ଏଥିରେ ଜଳବାୟୁ ପରିବର୍ତ୍ତନ ଯୋଗୁଁ ମହିଳା ଓ ଶିଶୁ ଉପରେ ହେଉଥିବା ସମସ୍ୟା ସମ୍ପର୍କ ଆଲୋଚନା କରିବା ପାଇଁ ଦାବି ହେଉଛି । ତେବେ ମହିଳା ଓ ଶିଶୁଙ୍କ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ବିଶ୍ୱ ସମୁଦାୟ ଗମ୍ଭୀରତାର ସହ ବିଚାର କରିବାର ଆବଶ୍ୟକତା ରହିଛି ।

The post ବିପଦ ଆଣୁଛି ଜଳବାୟୁ ପରିବର୍ତ୍ତନ । ବିଗୁଡୁଛି ଗର୍ଭବତୀ ମହିଳା ଓ ଶିଶୁଙ୍କ ସ୍ୱାସ୍ଥ୍ୟାବସ୍ଥା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଜିଠୁ ଆରମ୍ଭ କାର୍ତ୍ତି ମାସର ପୁଣ୍ୟ ପର୍ବ ପଞ୍ଚୁକ । ୫ ଦିନିଆ ପର୍ବ ପାଇଁ ଚଳଚଞ୍ଚଳ ପୁରୀ ଶ୍ରୀକ୍ଷେତ୍ର । ପଞ୍ଚୁକ ସମୟରେ ଦର୍ଶନରେ ଯେମିତି କୌଣସି ବିଶୃଙ୍ଖଳା ନହୁଏ, ସେଥିପାଇଁ ପଦକ୍ଷେପ ନିଆଯାଇଛି । ଦର୍ଶନ ପାଇଁ ଚାରିଧାଡିଆ ବ୍ୟବସ୍ଥା କରାଯାଇଛି । ଦିବ୍ୟାଙ୍ଗ ଓ ବୟସ୍କଙ୍କ ପାଇଁ ସ୍ୱତନ୍ତ୍ର ଲାଇନର ବ୍ୟବସ୍ଥା ମଧ୍ୟ ରହିଛି । ପଞ୍ଚୁକରେ ଅଧିକ ଭକ୍ତଙ୍କ ଭିଡ ହେବା ପୂର୍ବରୁ, ସିଂହଦ୍ୱାରରୁ ଶ୍ରୀନଅର ପର୍ଯ୍ୟନ୍ତ ଥିବା ବ୍ୟାରିକେଡକୁ, ଟାଉନ ଥାନା ପର୍ଯ୍ୟନ୍ତ ସମ୍ପ୍ରସାରଣ କରାଯାଇଛି ।

ତେବେ ଚାରି ଥାକିଆ ବ୍ୟାରିକେଡରେ ପାନୀୟ ଜଳର ବ୍ୟବସ୍ଥା କରାଯାଇଛି । ସୁରକ୍ଷା ଓ ଶୃଙ୍ଖଳିତ ଦର୍ଶନ ପାଇଁ ୪୦ ପ୍ଲାଟୁନ ଫୋର୍ସ ମୁତୟନ କରାଯାଇଛି । ଏଥିସହ ପଞ୍ଚୁକ ଓ ପୂର୍ଣ୍ଣିମାରେ ନୀତି ସଅଳ ପାଇଁ ସେବାୟତଙ୍କୁ କହିଛି ପ୍ରଶାସନ । ୫ ଦିନରେ ଶ୍ରୀଜିଉଙ୍କ ୫ ବେଶ ହେବ । ପଂଚୁକର ପ୍ରଥମ ଦିନରେ ମହାପ୍ରଭୁ ଲକ୍ଷ୍ମୀନାରାୟଣ ବେଶରେ ଦର୍ଶନ ଦେଉଥିବାବେଳେ, ଦ୍ୱାଦଶରେ ବାଙ୍କଚୁଡା ବେଶ, ତ୍ରୟୋଦଶୀରେ ତ୍ରିବିକ୍ରମ ବେଶ, ଚତୁର୍ଦ୍ଦଶୀରେ ଲକ୍ଷ୍ମୀନୃସିଂହ ବେଶରେ ଦର୍ଶନ ଦେଇଥାନ୍ତି । କାର୍ତ୍ତି ପୂର୍ଣ୍ଣିମାରେ ମହାପ୍ରଭୁ ସୁନାବେଶ ହୋଇଥାନ୍ତି ।

The post ଆଜିଠୁ ଆରମ୍ଭ କାର୍ତ୍ତିକ ମାସର ପୁଣ୍ୟ ପର୍ବ ପଞ୍ଚୁକ । ୫ ଦିନିଆ ପର୍ବ ପାଇଁ ଚଳଚଞ୍ଚଳ ପୁରୀ ଶ୍ରୀକ୍ଷେତ୍ର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଉତ୍ତରକାଶୀ ଟନେଲ ଦୁର୍ଘଟଣା ପରେ ପଶିଲା ଚେତା । ଦେଶରେ ନିର୍ମାଣାଧୀନ ୨୯ ଟନେଲର ହେବ ଯାଞ୍ଚ । ସୁରକ୍ଷା ଅଡିଟ୍ କରି ରିପୋର୍ଟ ଦେବ ଏନଏଚଆଇ । ନିର୍ମାଣ ସମୟରେ ସୁରକ୍ଷା ପାଇଁ ନିଆଯାଇଥିବା ପଦକ୍ଷେପର ଗୁଣବତ୍ତା ଯାଞ୍ଚ କରାଯିବ । ଏହା ବିପଦମୁକ୍ତ ଅଛି କି ନାହିଁ ସେ ସମ୍ପର୍କରେ ରିପୋର୍ଟ ଦେବ ଏନଏଚଏଆଇ ।

ତେବେ ଏହି ୨୯ ନିର୍ମାଣାଧୀନ ଟନେଲ ମଧ୍ୟରେ ଓଡ଼ିଶାର ଦୁଇ ଟନେଟ୍ ରହିଛି । କୋରାପୁଟ ଜିଲ୍ଲାରେ ଏହି ଦୁଇ ଟନେଲ ଥିବା ନେଇ ସୂଚନା ମିଳିଛି । ସେହିପରି ଜାମୁ-କାଶ୍ମୀରରେ ୬ଟି, ମହାରାଷ୍ଟ୍ର, ରାଜସ୍ଥାନରେ ଦୁଇଟି ଲେଖାଏଁ ଟନେଲ ରହିଥିବା ବେଳେ ଛତିଶଗଡ଼, ଉତ୍ତରାଖଣ୍ଡ , ମଧ୍ୟପ୍ରଦେଶ, କର୍ଣ୍ଣାଟକ, ଦିଲ୍ଲୀରେ ଗୋଟିଏ ଲେଖାଏଁ ନିର୍ମାଣାଧୀନ ଟନେଲ ରହିଛି ।

The post ଉତ୍ତରକାଶୀ ଟନେଲ ଦୁର୍ଘଟଣା ପରେ ଚେତା ପଶିଲା । ଦେଶରେ ନିର୍ମାଣାଧୀନ ୨୯ ଟନେଲର ହେବ ଯାଞ୍ଚ । ଓଡ଼ିଶାରେ ଅଛି ଦୁଇଟି ଟନେଲ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବାସ୍ ଆଉ କିଛି ସମୟର ଅପେକ୍ଷା । ଉଦ୍ଧାର ହେବେ ଶ୍ରମିକ । ଅନ୍ଧାରୀ ଜୀବନରୁ ମିଳିବ ମୁକ୍ତି, ଦେଖିବେ ଆଲୋକ । ୪୧ ଜୀବନ ବଞ୍ଚାଇବା ପାଇଁ ଉଦ୍ଧାରକାରୀ ଦଳ ଜୋର ଲଗାଇ ଦେଇଛନ୍ତି । ପାଖାପାଖି ୯୦ ପ୍ରତିଶତ ଡ୍ରିଲିଂ କାମ ଶେଷ ହୋଇସାରିଛି । ମୋଟ ୫୭ ମିଟର ଡ୍ରିଲ କରିବାକୁ ଥିବା ବେଳେ ଏବେ ସୁଦ୍ଧା ୪୫ ମିଟର ଡ୍ରିଲ ହୋଇଥିବା ନେଇ ସୂଚନା ମଳିଛି । ଫଶିରହିଥିବା ଶ୍ରମିକଙ୍କଠୁ ଆଉ ୧୨ ମିଟର ଦୂରତା ରହିଛି । ଗତକାଲି ରାତିରେ ଡ୍ରିଲିଂ ମେସିନର ବ୍ଲେଡ ଭାଙ୍ଗିଯବାରୁ ଉଦ୍ଧାର କାମ ବାଧାପ୍ରାପ୍ତ ହୋଇଥିଲା । ପରେ ପୁଣି ଉଦ୍ଧାରକାର୍ଯ୍ୟ ଆରମ୍ଭ ହୋଇଛି । ତେଣୁ ଶ୍ରମିକଙ୍କୁ ଉଦ୍ଧାର ପାଇଁ ଆଉ କିଛି ସମୟ ଲାଗିପାରେ ବୋଲି ସୂଚନା ଆସିଛି ।

ତେବେ ୧୨ ଦିନ ହେଲା ଅଧାଖାଇ, ଅଧାଶୋଇ ୪୧ ଶ୍ରମିକ ସେହି ଟନେଲ୍ ଭିତରେ ରହିଛନ୍ତି । ଉଦ୍ଧାର କରାଯିବା ପରେ ସେମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଟନେଲ୍ ବାହାରେ ବ୍ୟାପକ ଆମ୍ବୁଲାନ୍ସ ପ୍ରସ୍ତୁତ ରହିଛି । ଏପରିକି ଶ୍ରମିକଙ୍କ ପାଇଁ ଅସ୍ଥାୟୀ ହସ୍ପିଟାଲର ବ୍ୟବସ୍ଥା କରାଯାଇଛି । ଆଉ ୪୧ ଶ୍ରମିକଙ୍କ ପାଇଁ ଅସ୍ଥାୟୀ ବେଡ୍ ମଧ୍ୟ ପ୍ରସ୍ତୁତ ରହିଛି । ଉଦ୍ଧାର ପରେ ସେମାନଙ୍କୁ ତୁରନ୍ତ ଚିକିତ୍ସା ଯୋଗାଇ ଦିଆଯିବ । ସେମାନଙ୍କ ସ୍ୱାସ୍ଥ୍ୟାବସ୍ଥା କ’ଣ ରହିଛି, ସେସବୁର ହେବ ଯାଂଚ । ବତ୍ତମାନ ଯେଉଁ ଗତିରେ ଡ୍ରିଲିଂ କାମ ଜାରି ରହିଛି, ସକାଳ ୮ ଟା ସୁଦ୍ଧା ଶ୍ରମିକଙ୍କ ପାଖରେ ପହଂଚିଯିବେ ବୋଲି କହିଛନ୍ତି ଉଦ୍ଧାରକାରୀ ଦଳର ସଦସ୍ୟ ।

The post ଆଉ କିଛି ସମୟର ଅପେକ୍ଷା… ହଟିବ ଟନେଲର ଅନ୍ଧାର, ବଞ୍ଚିବ ଜୀବନ, ୧୨ ଦିନ ପରେ ଆଲୋକ ଦେଖିବେ ଶ୍ରମିକ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ସମୁଦ୍ର ମଧ୍ୟରେ ଆଇଏନଏସ ଇମ୍ପାଲରୁ ସୁପରସୋନିକ ବ୍ରହ୍ମୋସ ମିଶାଇଲର ସଫଳ ପରୀକ୍ଷଣ । ନୌସେନାର ଯୁଦ୍ଧପୋତରେ ସାମିଲ ହେବା ପୂର୍ବରୁ ଏହାର ପରୀକ୍ଷଣ ସଫଳ ହୋଇଛି । ସମୁଦ୍ର ମଧ୍ୟରେ ହିଁ ଏହି ସୁପରସୋନିକ ମିଶାଇଲ ନିଜର ଲକ୍ଷ୍ୟ ଭେଦ କରିବାରେ ସକ୍ଷମ । ଏଥିରୁ ଶତ୍ରୁରାଷ୍ଟ୍ର ବର୍ତିବା କଷ୍ଟକର ବୋଲି ଭାରତୀୟ ନୌସେନା ପକ୍ଷରୁ କୁହାଯାଇଛି । ଚଳିତବର୍ଷ ଶେଷ ଆଡକୁ ଏହି ମିଶାଇଲ ଭାରତୀୟ ନୌସେନାରେ ସାମିଲ ହେବାକୁ ଯାଉଛି । ଏହି ମିଶାଇଲ ଭାରତୀୟ ଯୁଦ୍ଧପୋତରେ ମୁତୟନ ହେଲେ ନୌସେନାର ଶକ୍ତି ବୃଦ୍ଧି ହେବା ସହିତ ଶତ୍ରୁପକ୍ଷଙ୍କ ନିଦ ହଜାଇବାରେ ସକ୍ଷମ ହେବ ।

The post ସମୁଦ୍ରପଥରେ ବଢ଼ିବ ଭାରତୀୟ ସେନାର ଶକ୍ତି । ଗାଇଡେଡ ମିସାଇଲ ବ୍ରହ୍ମୋସର ସଫଳ ପରୀକ୍ଷଣ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଇସ୍ରାଏଲ-ହମାସ ମଧ୍ୟରେ ଚାଲିଥିବା ଘମାଘୋଟ ଲଢେଇ ଭିତରେ ଆସିଲା ଶାନ୍ତିର ବାର୍ତା । ଅସ୍ତ୍ରବିରତି ପାଇଁ ରାଜି ହେଲେ ଉଭୟ ହମାସ ଓ ଇସ୍ରାଏଲ । । ଦୀର୍ଘ ଦେଢମାସରୁ ଉର୍ଦ୍ଧ ସମୟ ଧରି ଯୁଦ୍ଧ ହେବା ପରେ ଉଭୟ ପକ୍ଷ ରାଜି ହୋଇଥିବା ଜଣାପଡିଛି । ୪ଦିନ ପାଇଁ ଯୁଦ୍ଧ ବନ୍ଦ ରଖିବାକୁ ଇସ୍ରାଏଲ-ହମାସ ମଧ୍ୟରେ ଚୁକ୍ତି ହୋଇଛି । ଏହି ସମୟରେ ବନ୍ଧକ ରଖିଥିବା ୫୦ରୁ ଅଧିକ ପଣବନ୍ଦୀଙ୍କୁ ମୁକ୍ତ କରିବ ହମାସ । ଇସ୍ରାଏଲ ନେଇ ପୂର୍ବରୁ ସର୍ତ ରଖିଥିଲା । ତେବେ ବେଂଜାମିନ ନେତନ୍ୟାହୁଙ୍କ କ୍ୟାବିନେଟ ବୈଠକ ପରେ ଏହି ଚୁକ୍ତିରେ ମୋହର ବାଜିଛି । ଏହା ପରେ ଇସ୍ରାଏଲ ପ୍ରଧାନମନ୍ତ୍ରୀଙ୍କ ବୟାନ ସାମ୍ନାକୁ ଆସିଛି । ବେଂଜାମିନ ନେତନ୍ୟାହୁ କହିଛନ୍ତି । ଏହା ଏକ କଷ୍ଟସାଧ୍ୟ ନିଷ୍ପତି କିନ୍ତୁ ସଠିକ ନିଷ୍ପତି । ଚୁକ୍ତି ଅନୁଯାୟୀ ୫୦ଜଣ ପଣବନ୍ଦୀଙ୍କୁ ମୁକ୍ତ କରିବ ହମାସ । ୪ଦିନ ଧରି ବନ୍ଦ ରହିବ ଯୁଦ୍ଧ । ସେପଟେ ହମାସ ମାନବିକ ଚୁକ୍ତିକୁ ସ୍ୱାଗତ କରିଛି । ହମାସ ଏକ ବିବୃତି ଜାରି କରିଛି ।ହମାସ କହିଛି ଇସ୍ରାଏଲରେ ବନ୍ଧକ ଥିବା ପାଲେଷ୍ଟାଇନୀୟ ମୁକୁଳିବେ । ୧୫୦ଜଣ ପାଲେଷ୍ଟାଇନ ନାଗରିକ ମୁକ୍ତ କରିବ ଇସ୍ରାଏଲ । କତାର ମଧ୍ୟସ୍ଥତା କରିଛି

ତେବେ ଯୁଦ୍ଧ ବିରାମ ରାଜିନାମାକୁ ୩୮ଜଣ ଇସ୍ରାଏଲ ମନ୍ତ୍ରୀ ସମର୍ଥନ କରିଛନ୍ତି । ଅନ୍ୟପଟେ ଅଜମା ୟହଟିଡ ଓ ରିଲିଜିୟସ ଜିଓନିଜିମ ଦଳମାନେ ବିରୋଧ କରିଛନ୍ତି । ବନ୍ଧକ ରହିଥିବା ମହିଳା ଓ ଶିଶୁଙ୍କ ମୁକୁଳାଇବା ପାଇଁ ଚୁକ୍ତି କରିଛି ଇସ୍ରାଏଲ । ତେବେ ବିଦେଶ ବନ୍ଧକ ମୁକ୍ତ ହେବେ କି ନାହିଁ ସେନେଇ କୌଣସି ସ୍ପଷ୍ଟ ଚିତ୍ର ସାମ୍ନାକୁ ଆସିନି

ଯୁଦ୍ଧରେ ବଡ ଧରଣର କ୍ଷୟକ୍ଷତି ସହୁଛନ୍ତି ଉଭୟ ପକ୍ଷ । ନିରୀହ ନାଗରିକଙ୍କ ମୃତ୍ୟୁକୁ ନେଇ ସାରା ବିଶ୍ୱ ନିନ୍ଦା କରିବାସହ ଇସ୍ରାଏଲକୁ ନିବୃତ ରହିବାକୁ ଅପିଲ କରିଛନ୍ତି ।

The post ଇସ୍ରାଏଲ ହମାସ୍ ଯୁଦ୍ଧ ମଧ୍ୟରେ ବଡ଼ ଖବର । ୪ ଦିନ ପାଇଁ ଯୁଦ୍ଧବିରତି ଘୋଷଣା କଲା ଇସ୍ରାଏଲ first appeared on Kanak News.

from Kanak News
via <a href="https://ifttt.com/?