କନକ ବ୍ୟୁରୋ: ମାଲକାନଗିରି ପୋଲିସକୁ ବଡ଼ ସଫଳତା । ମାଓବାଦୀଙ୍କ ଡମ୍ପ ଠାବ କଲେ ଯବାନ । ୧୫୦ଟି ଜିଲୋଟିନ୍ ଷ୍ଟିକ୍, ୧୩ଟି ଲ୍ୟାଣ୍ଡମାଇନ୍, ଗୋଟିଏ ଦେଶୀ ବନ୍ଦୁକ ଜବତ ହୋଇଛି । କୁମ୍ବିଂ ବେଳେ ଏହି ସବୁ ସାମଗ୍ରୀ ଜବତ କରିଛନ୍ତି ଡିଭିଏଫ ଓ ଏସଓଜି ଯବାନ । ମାଥିଲି ଥାନା ଅନ୍ତର୍ଗତ ତୁଳସୀ ଓ କିରିମିଟି ଜଙ୍ଗଲରୁ ଠାବ ହୋଇଛି ମାଓବାଦୀଙ୍କ ଡମ୍ପ ।

The post ମାଲକାନଗିରିରେ ଠାବ ହେଲା ମାଓବାଦୀଙ୍କ ଡମ୍ପ । ବିପୁଳ ମାରଣାସ୍ତ୍ର ଜବତ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଗତ ୬ ସପ୍ତାହ ଧରି ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ଲାଗି ରହିଛି । ଏହି କ୍ରମରେ ଏବେ ଉଭୟଙ୍କ ପକ୍ଷରୁ ୪ ଦିନ ପାଇଁ ଯୁଦ୍ଧ ବିରତି ଘୋଷଣା କରାଯାଇଛି । ଚୁକ୍ତି ପରେ ହମାସ ତରଫରୁ ବନ୍ଧକ ରଖାଯାଇଥିବା ୨୪୦ ଜଣ ଇସ୍ରାଲଲ ନାଗରିକଙ୍କ ମଧ୍ୟରୁ ୫୦ ଜଣଙ୍କୁ ମୁକ୍ତ କରିବ ବୋଲି ଚୁକ୍ତି କରିଛି । ଏହି କ୍ରମରେ ଇସ୍ରାଏଲ ମଧ୍ୟ ପାଲେଷ୍ଟାଇନ ବନ୍ଦୀମାନଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଛି । ଟାଇମ୍ସ ଅଫ ଇସ୍ରାଏଲର ଖବର ମୁତାବକ ଇସ୍ରାଏଲ ୩୦୦ ପାଲେଷ୍ଟାଇନ ବନ୍ଦୀଙ୍କୁ ମୁକ୍ତ କରିବ । ଏନେଇ ଇସ୍ରାଏଲ ତରଫରୁ ତାଲିକା ଜାରି କରାଯାଇଛି । ଏହି ୩୦୦ ବନ୍ଦୀମାନଙ୍କ ମଧ୍ୟରୁ ୨୮୭ ଜଣ ବନ୍ଦୀଙ୍କର ବୟସ ୧୮ ବର୍ଷରୁ କମ୍ । ସେମାନେ ୱେଷ୍ଟବ୍ୟାଙ୍କ, ଓ ପୂର୍ବ ଜେରୁଜେଲମରେ ଦଙ୍ଗା କରିବା ଓ ପଥର ମାଡ କରିବା ଅଭିଯୋଗରେ ଗିରଫ ହୋଇଥିଲେ ।

ଇସ୍ରାଏଲ ତରଫରୁ ଯେଉଁ ୩୦୦ ପାଲେଷ୍ଟାଇନ ନାଗରିକଙ୍କୁ ମୁକ୍ତ କରିବା ନେଇ ତାଲିକା ଜାରି କରାଯାଇଛି, ସେମାନଙ୍କ ମଧ୍ୟରୁ ୧୫୦ ମହିଳା ଓ ନାବାଳିକା ରହିଛନ୍ତି । ସେମାନଙ୍କ ମଧ୍ୟରୁ ଏଭଳି ୧୩ ଜଣ ମହିଳା ରହିଛନ୍ତି ଯେଉଁମାନେ ଆତଙ୍କୀ ଆକ୍ରମଣ ପାଇଁ ଷଡଯନ୍ତ୍ର କରିଥିବା ଅଭିଯୋଗରେ ଗିରଫ ହୋଇଛନ୍ତି ।

ଏସବୁ ଭିତରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମୀନ ନେତନ୍ୟାହୁ ଏକ ବଡ କଥା କହିଛନ୍ତି । ସେ କହିଛନ୍ତି କି, ହମାସ ଇସ୍ରାଏଲ ନାଗରିକଙ୍କୁ ମୁକ୍ତ କରିବା ପରେ ମଧ୍ୟ ହମାସକୁ ସମାପ୍ତ କରିବା ପର୍ଯ୍ୟନ୍ତ ଇସ୍ରାଏଲ ସେନା ତାର ଅପରେସନ ଜାରି ରଖିବ ।

The post ଯୁଦ୍ଧ ଭିତରେ ବଡ ଖବର । ୩୦୦ ପାଲେଷ୍ଟାଇନ ନାଗରିକଙ୍କୁ ମୁକ୍ତ କରିବ ଇସ୍ରାଏଲ , ଜାରି କଲା ତାଲିକା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ପେଟ୍ରୋଲ ପକାଉଥିଲେ ସାବଧାନ। ରାଜ୍ୟରେ ପେଟ୍ରୋଲ ପମ୍ପରେ ଚାଲିଛି ହେରଫେର। ବିଧାନସଭାରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ଓ ଖାଉଟି କଲ୍ୟାଣ ବିଭାଗ ମନ୍ତ୍ରୀ ଅତନୁ ସବ୍ୟସାଚୀ ନାୟକଙ୍କ ଉତ୍ତରରୁ ସାମନାକୁ ଆସିଛି ଏହି ତଥ୍ୟ।

ଗତ ବର୍ଷ ରାଜ୍ୟରେ ବିଭାଗ ଚଢାଉ କରି ୨୪ ଟି ମାମଲା କରିଥିବା ବେଳେ ୩ ଲକ୍ଷ ୧୭ ହଜାର ଟଙ୍କା ଜରିମାନା ଆଦାୟ କରିଛି। ସେହିପରି ମୋଟ ୩ ବର୍ଷରେ ୮୩ ମାମଲାରେ ୧୦ ଲକ୍ଷ ୬୬ ହଜାର ଫାଇନ ଆଦାୟ କରିଛି ବିଭାଗ। ରାଜ୍ୟରେ ପେଟ୍ରୋଲ ପମ୍ପରେ ଠକେଇ ରୋକିବା ଲାଗି କ୍ୱାଲିଟି ଆସ୍ୟୁରାନ୍ସ ସେଲ୍ ଏବଂ ଭିଜିଲାନ୍ସ ୱିଙ୍ଗ ନିୟମିତ ଚଢାଉ ଜାରି ରଖିଥିବା ବିଭାଗୀୟ ମନ୍ତ୍ରୀ ଉତ୍ତରରେ ଦର୍ଶାଇଛନ୍ତି ।

ପେଟ୍ରୋଲ ପମ୍ପ ମାନଙ୍କରେ ନିୟମିତ ଓ ଅଚାନକ ଭାବେ ଚଢାଉ କରାଯାଇ ତ୍ରୁଟିବିଚ୍ୟୁତି ଥିବା ପେଟ୍ରୋଲ ପମ୍ପ ବିରୁଦ୍ଧରେ ମାମଲା ରୁଜୁ କରାଯାଉଛି । ଏବଂ ଉଚିତ ଜରିମାନା ମଧ୍ୟ ଆଦାୟ କରାଯାଉଛି ବୋଲି କହିଛନ୍ତି ମନ୍ତ୍ରୀ ଅତନୁ ସବ୍ୟସାଚୀ । ଏହାସହ ୨୦୨୦ରୁ ୨୩ ଯାଏଁ ଏ ବାବଦରେ ତଥ୍ୟ ପ୍ରଦାନ କରିଛନ୍ତି ।

The post ପେଟ୍ରୋଲ ପକାଉଥିଲେ ସାବଧାନ! ରାଜ୍ୟରେ ପେଟ୍ରୋଲ ପମ୍ପରେ ଚାଲିଛି ହେରଫେର। ତଥ୍ୟ ରଖିଲେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ୨୦୨୪ ଆଇପିଏଲ ପୂର୍ବରୁ ବଡ ପରିବର୍ତ୍ତନ ହୋଇଛି । ଗୌତମ ଗମ୍ଭୀର ୬ ବର୍ଷ ପରେ କୋଲକତା ନାଇଟ ରାଇଡର୍ସକୁ ଫେରୁଛନ୍ତି । ଗୌତମ ଗମ୍ଭୀର ଏବେ ଲକ୍ଷ୍ନୌ ସୁପର ଜ୍ୟାଣ୍ଟସ ସହ ଯୋଡି ହୋଇ ରହିଛନ୍ତି । ସେ ୨୦୨୨-୨୦୨୩ ଆଇପିଏଲରେ ଲକ୍ଷ୍ନୌ ସୁପର ଜ୍ୟାଣ୍ଟସ ଟିମର ମେଣ୍ଟର ଭାବେ କାର୍ଯ୍ୟ କରିଛନ୍ତି । ଗମ୍ଭୀର କୋଲକତା ନାଇଟ୍ ରାଇଡର୍ସର ଅଧିନାୟକ ଥିବା ବେଳେ ୨୦୧୨ ଓ ୨୦୧୪ ଆଇପିଏଲରେ ଦଳକୁ ବିଜୟୀ କରିଥିଲେ ।

ଗୌତମ ଗମ୍ଭୀର ୨୦୧୧ ରୁ ୨୦୧୭ ପର୍ଯ୍ୟନ୍ତ କୋଲକତା ନାଇଟ ରାଇଡର୍ସର ଅଧିନାୟକ ପଦ ସମ୍ଭାଳିଥିଲେ । ୨୦୧୭ ପରେ କୋଲକତା ନାଇଟ୍ ରାଇଡର୍ସରୁ ସମସ୍ତ ସଂପର୍କ ତୁଟାଇ ଦେଇଥିଲେ ଏହି ପୂର୍ବତନ ଖେଳାଳୀ । ହେଲେ ଏବେ ୬ ବର୍ଷ ପରେ ଗମ୍ଭୀର ପୁଣିଥରେ କୋଲକତା ନାଇଟ ରାଇଡର୍ସ ଟିମ୍ ସହ ଯୋଡି ହେବାକୁ ଯାଉଛନ୍ତି । ତାଙ୍କୁ ୨୦୨୪ ଆଇପିଏଲ ପାଇଁ କୋଲକତା ନାଇଟ୍ ରାଇଡର୍ସ ଟିମର ମେଣ୍ଟର ଭାବେ ନିଯୁକ୍ତ କରାଯାଇଛି ।

ଏନେଇ ଗୌତମ ଗମ୍ଭୀର ବୁଧବାର ଦିନ ସୋସିଆଲ ମିଡିଆ ଟ୍ୱିଟର (ଏକ୍ସ) ରେ ଏକ ପୋଷ୍ଟ ସେୟାର କରିଛନ୍ତି । ଏଥିରେ ସେ କୋଲକତା ନାଇଟ ରାଇଡର୍ସକୁ ଫେରୁଥିବା ନେଇ ସ୍ପଷ୍ଟ କରିଛନ୍ତି । ସେ ତାଙ୍କ ପୋଷ୍ଟରେ ଉଲ୍ଲେଖ କରିଛନ୍ତି କି ଲକ୍ଷ୍ନୌ ସୁପର ଜ୍ୟାଣ୍ଟସ ସହ ତାଙ୍କର ସଂପର୍କ ଶେଷ ହୋଇଛି । ଏନେଇ ସେ ଲକ୍ଷ୍ନୌ ସୁପର ଜ୍ୟାଣ୍ଟସ ଟିମ୍ ଓ କାର୍ଯ୍ୟକର୍ତ୍ତାଙ୍କୁ କୃତଜ୍ଞତା ଜଣାଇଛନ୍ତି ।

The post ୬ ବର୍ଷ ପରେ କୋଲକତା ନାଇଟ୍ ରାଇଡର୍ସକୁ ଫେରିଲେ ଗୌତମ ଗମ୍ଭୀର । ଜାଣନ୍ତୁ ଟିମର କେଉଁ ପଦ ସମ୍ଭାଳିବେ ଏହି ପୂର୍ବତନ ଖେଳାଳୀ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଉତ୍ତରକାଶୀରେ ଟନେଲ ଦୁର୍ଘଟଣାରେ ଏବେ ବି ଫସି ରହିଛନ୍ତି ଶ୍ରମିକ । ଶ୍ରମିକଙ୍କୁ ଉଦ୍ଧାର ପାଇଁ ଜୋରସୋରେ ଉଦ୍ଧାର କାର୍ଯ୍ୟ ଜାରି ରହିଛି । ବଡ ବଡ ମେସିନ୍ ସାହାଯ୍ୟରେ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ଏବେ ରୋବଟ୍ ଦ୍ୱାରା ଶ୍ରମିକଙ୍କୁ ଉଦ୍ଧାର କରାଯିବା ନେଇ ଯୋଜନା କରାଯାଉଛି । କୁହାଯାଉଛି ୨୪ରୁ ୪୮ଘଣ୍ଟା ମଧ୍ୟରେ ଖୁସି ଖବର ମିଳିପାରେ ।

ଆଜକୁ ୧୧ଦିନ ହେବ ଶ୍ରମିକଙ୍କୁ ଉଦ୍ଧାର ପାଇଁ ଅହରହ ଚେଷ୍ଟା ଜାରି ରହିଛି । ଏହାରି ଭିତରେ ପାଇପ୍ ଯୋଗେ ଶ୍ରମିକଙ୍କ ପାଖରେ ଖାଦ୍ୟ ଓ ପାଣି ପହଞ୍ଚାଯାଉଛି । କିନ୍ତୁ ବର୍ତ୍ତମାନ ସୁଦ୍ଧା କୌଣସି ବଡ ସଫଳତା ମିଳିପାରିନାହିଁ । କିନ୍ତୁ ବର୍ତ୍ତମାନ ଟନେଲରେ ଫସିଥିବା ଶ୍ରମିକଙ୍କୁ ଉଦ୍ଧାର କରିବ ‘ଦକ୍ଷ’ । ‘ଦକ୍ଷ’ ନାଁ ଶୁଣି ଆପଣ କୌଣସି ମଣିଷ କଥା ଭାବୁଥିବେ । କିନ୍ତୁ ‘ଦକ୍ଷ’ କୌଣସି ମଣିଷ ନୁହେଁ । ‘ଦକ୍ଷ’ ହେଉଛି ଡିଆରଡିଓ ଦ୍ୱାରା ପ୍ରସ୍ତୁତ ହୋଇଥିବା ଏକ ରୋବଟ୍ । ‘ଦକ୍ଷ’ ଓ ‘ଦକ୍ଷ’ର ଛୋଟ ଭର୍ଜନ ‘ଦକ୍ଷ’ ସ୍କାଉଟକୁ ନେଇ ଉତ୍ତରକାଶୀରେ ଡିଆରଡିଓର ଟିମ୍ ପହଞ୍ଚିଛନ୍ତି । ‘ଦକ୍ଷ’କୁ ଏଭଳି ଭାବେ ଡିଜାଇନ୍ କରାଯାଇଛି କି, ‘ଦକ୍ଷ’ ଆବଡାଖାବଡା ରାସ୍ତାରେ ବି ଚାଲି ପାରିବ । ବର୍ତ୍ତମାନ୍ ଉଦ୍ଧାରକାରୀ ଟିମଙ୍କର ଗୋଟିଏ ଲକ୍ଷ ରହିଛି । ଯେତେଶୀଘ୍ର ସମ୍ଭବ ଶ୍ରମିକଙ୍କୁ ଟନେଲରୁ ଉଦ୍ଧାର କରିବା । ଆଉ ଏହି କ୍ଷେତ୍ରରେ ଟିମ ପାଇଁ ସହାୟକ ହେବ ‘ଦକ୍ଷ’ ।

‘ଦକ୍ଷ’ ସିଡିରେ ଚଢିପାରେ । ଲଗାତାର ତିନି ଘଣ୍ଟା କାମ କରିପାରେ । ୧୦୦ରୁ ୫୦୦ ମିଟର ମଧ୍ୟରେ ଅପରେଟ୍ ହୋଇପାରେ । ଓଜନ ଜିନିଷ ଉଠାଇବାରେ ସକ୍ଷମ ଅଟେ । ଏଥିରେ କ୍ୟାମେରା, ମାଷ୍ଟର କଣ୍ଟ୍ରୋଲ ଷ୍ଟେସନ୍, ସଟଗନ୍, ଆଇଇଡି ହ୍ୟାଣ୍ଡଲିଂ ଟୁଲ ଭଳି ଅନେକ ଅତ୍ୟାଧୁନିକ ସିଷ୍ଟମ ଏଥିରେ ଲାଗିଛି । ତେଣୁ ଆଶା କରାଯାଉଛି ଆଉ ୨୪ରୁ ୪୮ ଘଣ୍ଟା ମଧ୍ୟରେ ଶ୍ରମିକଙ୍କୁ ଉଦ୍ଧାର କରାଯାଇପାରିବ ।

The post ଶ୍ରମିକଙ୍କୁ ଉଦ୍ଧାର କରିବ ରୋବଟ୍ ‘ଦକ୍ଷ’ । ୪୮ଘଣ୍ଟା ଭିତରେ ମିଳିପାରେ ଖୁସି ଖବର first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ସୋମବାର ରାତିରେ ଜଣେ ହୃଦରୋଗୀ ଗୋଟାଏ ଧାରୁଆ ଅସ୍ତ୍ରରେ ପକ୍ଷାଘାତ ରୋଗରେ ଆକ୍ରାନ୍ତ ସ୍ତ୍ରୀର ତଣ୍ଟିକାଟି ୪ ମହଲା କୋଠା ଛାତରୁ ଡେଇଁପଡ଼ି ଜୀବନ ହରାଇଥିବା କଥା ପୁଲିସ କହିଛି।

ସୂଚନା ମୁତାବକ , ସୋମବାର ରାତି ପ୍ରାୟ ୯.୧୫ ସମୟରେ ପଶ୍ଚିମବଙ୍ଗର ଆନନ୍ଦପୁର ଥାନା ଅନ୍ତର୍ଗତ ନନଦନଗା ବାଲ୍ମିକୀ ଆମ୍ବେଦକର ଅବସାନ ଅଞ୍ଚଳରେ ଘଟଣାଟି ଘଟିଛି। ଛାତ ନିର୍ମାଣ କଣ୍ଟ୍ରାକ୍ଟର୍‌ ଭାବେ କାର୍ୟ୍ୟ କରୁଥିବା ୭୭ ବର୍ଷିୟ ଅମୂଲ୍ୟ ସମାଦ୍ଦାର୍‌ଙ୍କ ୬୧ ବର୍ଷିୟ ସ୍ତ୍ରୀ ଗୀତା ମସାଦ୍ଦାର ଗତ ୧୦ ବର୍ଷ ହେବ ପକ୍ଷାଘାତରେ ଆକ୍ରାନ୍ତ ହୋଇ ଶଯ୍ୟାଶାୟୀ ଭାବେ ପଡ଼ିଥିଲେ। ଆର୍ଥିକ ଅନଟନ ମଧ୍ୟରେ ସ୍ୱାମୀ ଅମୂଲ୍ୟ ହିଁ ଥିଲେ ତାଙ୍କର ଏକମାତ୍ର ଯତ୍ନ ନେବା ବ୍ୟକ୍ତି ଥିଲେ ।

ତେବେ ତାଙ୍କ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି । ଏବଂ ତାଙ୍କ ସ୍ତ୍ରୀଙ୍କ କଷ୍ଟ ସହିନପାରି ସେ ତାଙ୍କୁ ପ୍ରଥମେ ହ୍ୟା କରିଥିବା ଅମୂଲ୍ୟଙ୍କ ପକେଟରୁ ମିଳିଥିବା ସୁଇସାଇଡ୍ ନୋଟରୁ ଜଣାପଡିଛି ।

The post ପକ୍ଷାଘାତ ଆକ୍ରାନ୍ତ ସ୍ତ୍ରୀର ତଣ୍ଟିକାଟି ୪ ତାଲା କୋଠାରୁ ଡେଇଁ ଜୀବନ ହାରିଲେ ହୃଦରୋଗୀ ସ୍ୱାମୀ । first appeared on Kanak News.

from Kanak News
via <a href="https://ifttt.com/?

ଜି -20 ଭର୍ଚୁଆଲ୍ ମିଟିଂ: ଭାରତ ଏବଂ କାନାଡା ମଧ୍ୟରେ କୂଟନୈତିକ ତିକ୍ତତା ପରେ ପ୍ରଥମଥର ପାଇଁ  କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏବଂ ଆମ  ପ୍ରଧାନମନ୍ତ୍ରୀ ମୋଦୀ ଆଜି ମୁହାଁମୁହିଁ ହେବେ । ସେହିପରି ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ଅତି କମରେ ଦୁଇ ବର୍ଷ ପରେ ପ୍ରଥମଥର ପାଇଁ ଜି -20 ବୈଠକରେ ଯୋଗଦେବେ । ଆମେରିକାର ରାଷ୍ଟ୍ରପତି ଜୋ ବାଇଡେନ ଏଥିରେ ଯୋଗଦେଇପାରିବେ ନାହିଁ।  ଆମେରିକାର ଟ୍ରେଜେରୀ ସଚିବ ଜାନେଟ ୟେଲେନଙ୍କ ତାଙ୍କର ପ୍ରତିନିଧିତ୍ୱ କରିବେ ।

ଇସ୍ରାଏଲ-ହାମାସ ବିବାଦ ମଧ୍ୟରେ ଆଜି ବିଶ୍ୱସ୍ତରୀୟ ନେତାଙ୍କ ଏକ ବଡ଼ ବୈଠକ ଅନୁଷ୍ଠିତ ହେବାକୁ ଯାଉଛି । ବିଶ୍ୱର ବୃହତ୍ତମ ଅର୍ଥନୀତି ଏବଂ ଆଫ୍ରିକୀୟ ୟୁନିଅନ୍ ଏବଂ ଭାରତ ଦ୍ୱାରା ଡକାଯାଇଥିବା G20 ର ଏକ ଭର୍ଚୁଆଲ୍ ମିଟିଂ ପାଇଁ ସମସ୍ତେ ଆଜି ଏକାଠି ହେବେ ।

ମିଡ଼ିଆ ରିପୋର୍ଟ ଅନୁସାରେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ଅତି କମରେ ଦୁଇ ବର୍ଷ ପରେ ପ୍ରଥମଥର ପାଇଁ ଜି -20 ବୈଠକରେ ଯୋଗଦେବେ । ଆମେରିକାର ରାଷ୍ଟ୍ରପତି ଜୋ ବାଇଡେନ ଏଥିରେ ଯୋଗଦେଇପାରିବେ ନାହିଁ ଆମେରିକାର ଟ୍ରେଜେରୀ ସଚିବ ଜାନେଟ ୟେଲେନଙ୍କ ତାଙ୍କର ପ୍ରତିନିଧିତ୍ୱ କରିବେ ।

ରିପୋର୍ଟ ଅନୁଯାୟୀ, ଭାରତ ଏବଂ କାନାଡା ମଧ୍ୟରେ କୂଟନୈତିକ ତିକ୍ତତା ପରେ ପ୍ରଥମଥର ପାଇଁ  ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏବଂ ପିଏମ ମୁହାଁମୁହିଁ ହେବେ । ରାଷ୍ଟ୍ରପତି ସି ଜିନପିଙ୍ଗ ପୁଣି ଥରେ ଅନୁପସ୍ଥିତ ରହିବେ । ଚୀନ୍ ପ୍ରଧାନମନ୍ତ୍ରୀ ଲି କିଆଙ୍ଗଙ୍କ ତାଙ୍କ ଦେଶର ପ୍ରତିନିଧିତ୍ୱ କରିବେ। ଯଦିଓ ଭାରତ ବିକାଶର ଏଜେଣ୍ଡା ଉପରେ ଚର୍ଚ୍ଚାକୁ ଜୋର ଦେବ ତଥାପି ଇସ୍ରାଏଲ-ହମାସ ଯୁଦ୍ଧ ମୁଖ୍ୟ ପ୍ରସଙ୍ଗ ହେଇପାରେ ବୋଲି ଅନୁମାନ କରାଯାଉଛି । ରିପୋର୍ଟ ଅନୁଯାୟୀ, ଭାରତର ଜି -20 ଶେର୍ପା ଅମିତାଭ କାନ୍ତ  କହିଛନ୍ତି, ‘ଜି -20 ନେତାଙ୍କ ସମ୍ମିଳନୀର ସଫଳ ଆୟୋଜନ ପରଠାରୁ ବିଶ୍ବ ଅନେକ ଘଟଣାର ସାକ୍ଷୀ ହୋଇଛି ଏବଂ ଅନେକ ନୂତନ ଆହ୍ବାନ ମଧ୍ୟ ସୃଷ୍ଟି ହୋଇଛି । ଯଦିଓ ବିକାଶ ମୁଖ୍ୟ ଏଜେଣ୍ଡା ହେବ ଏବଂ ଆମେ ବିକାଶ ପ୍ରସଙ୍ଗ ଉପରେ ଧ୍ୟାନ ଦେବୁ ତଥାପି  ନେତାମାନେ ଅନ୍ୟ ପ୍ରସଙ୍ଗ ଉପରେ ଆଲୋଚନା କରିପାରିବେ ।

ଭାରତର ବୈଦେଶିକ ସଚିବ ବିନୟ କ୍ୱାଟ୍ରା କହିଛନ୍ତି ଯେ ନେତାଙ୍କ ଦ୍ୱାରା ଆଲୋଚନା ହେବାକୁ ଥିବା ପ୍ରସଙ୍ଗଗୁଡିକ ପୂର୍ବ ନିର୍ଣ୍ଣୟ କରିବା ଠିକ୍ ହେବ ନାହିଁ, କାରଣ ସେପ୍ଟେମ୍ବର ମାସରେ ଶିଖର ସମ୍ମିଳନୀ ପରେ ଭାରତୀୟ ଅଧିକାରୀମାନେ ଅନେକ ପ୍ରସଙ୍ଗରେ ଅଗ୍ରଗତି ତାଲିକାଭୁକ୍ତ କରିଛନ୍ତି । ଯାହା ଆଲୋଚନାର ବିଷୟବସ୍ତୁ ହେଇପାରେ ।

କାନ୍ତ କହିଛନ୍ତି, ‘ଦୁଇ ମାସ ମଧ୍ୟରେ ପ୍ରଧାନମନ୍ତ୍ରୀ ଜି -20 ନେତାମାନଙ୍କୁ ପୁନର୍ବାର ଏକାଠି କରିବେ। ଏହା ଏକ ବିରଳ ଏବଂ ଅସାଧାରଣ ଜିନିଷ । ଅନ୍ୟ କୌଣସି ରାଷ୍ଟ୍ରପତି କିମ୍ବା ଦେଶ ମୁଖ୍ୟ ସମସ୍ତ ନେତାଙ୍କ ଗୋଟିଏ ମଞ୍ଚରେ ସମସ୍ତଙ୍କୁ ସଶରୀରେ ଏକାଠି କରିବା ପରେ ଆଉ ଏକ ଭର୍ଚୁଆଲ୍ ମିଟିଂ କରିପାରି ନାହାଁନ୍ତି । ଏସବୁ ବ୍ୟତୀତ ପ୍ରଧାନମନ୍ତ୍ରୀ ଭଏସ୍ ଅଫ୍ ଗ୍ଲୋବାଲ୍ ସାଉଥ୍ର ଦୁଇଟି ଅଧିବେଶନ ଆୟୋଜନ କରିଛନ୍ତି। ବାସ୍ତବରେ ୧୫୦  ରୁ ଅଧିକ ବିଶ୍ୱ ନେତାଙ୍କ ଅଂଶଗ୍ରହଣରେ ଭାରତ ଗୋଟିଏ ବର୍ଷରେ ଏହିପରି ଚାରୋଟି ବୈଠକ ଆୟୋଜନ କରିଛି ।  ଯାହାକି ବିଶ୍ୱସ୍ତରରେ ଆମ ପ୍ରଧାନମନ୍ତ୍ରୀଙ୍କ ସଂଯୋଜନା ଶକ୍ତି ଏବଂ ନେତୃତ୍ୱକୁ ସ୍ପଷ୍ଟ ଭାବରେ ଦର୍ଶାଉଛି ।ରୁଷ-ୟୁକ୍ରେନ ଯୁଦ୍ଧର ପୃଷ୍ଠଭୂମି ବିରୁଦ୍ଧରେ ସେପ୍ଟେମ୍ବରରେ ଜି -20 ଶିଖର ସମ୍ମିଳନୀରେ ଭାରତ ଏକ ବିରଳ ସହମତି ହାସଲ କରିଥିଲା ​​- ଯାହା ଏକ ବିକଶିତ ତଥା ଉଦୀୟମାନ ଅର୍ଥନୀତି ମଧ୍ୟରେ ବିଭେଦ ସୃଷ୍ଟି କରିବାର ଆଶଙ୍କା ମଧ୍ୟ ସୃଷ୍ଟି କରିଥିଲା ।ଶିଖର ସମ୍ମିଳନୀରେ ନେତାଙ୍କ ସହମତ ହୋଇଥିବା ପ୍ରସଙ୍ଗଗୁଡିକର କାର୍ଯ୍ୟକାରିତା ଉପରେ ନୂଆଦିଲ୍ଲୀ ବର୍ତ୍ତମାନ କାର୍ଯ୍ୟ କରୁଛି । ଜଳବାୟୁ, ଆର୍ଥିକ ସହାୟତା, ବହୁପକ୍ଷୀୟ ବିକାଶ ବ୍ୟାଙ୍କର ସଂସ୍କାର ଏବଂ ୟୁନେସ୍କୋ ନୀତି ଉପରେ ଆଧାର କରି ନୈତିକ  କୃତ୍ରିମ ଇଣ୍ଟେଲିଜେନ୍ସ ପାଇଁ ଏକ ଢାଞ୍ଚା ନିର୍ମାଣ ଉପରେ କାର୍ଯ୍ୟ କରିବା ସହିତ ଅନେକ ପ୍ରସଙ୍ଗରେ ଯଥେଷ୍ଟ ଅଗ୍ରଗତି ହୋଇଛି ।

The post କୂଟନୈତିକ ବିବାଦ ପରେ ପ୍ରଧାନମନ୍ତ୍ରୀ ମୋଦୀ ଏବଂ ଟ୍ରୁଡୋ ଆଜି ପ୍ରଥମଥର ମୁହାଁମୁହିଁ ହେବେ ।   first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଅଷ୍ଟମ ଶ୍ରେଣୀର ଛାତ୍ରର ଛୁରାମାଡରେ ଦଶମ ଶ୍ରେଣୀ ଛାତ୍ର ଗୁରୁତର  କ୍ଷ ଏହିଭଳି ଘଟଣା ଦେଖିବାକୁ ମିଳିଛି ପୁରୀ ପୋଲିସ ହାଇସ୍କୁଲରେ।

ସୂଚନା ମୁତାବକ ପୂର୍ବରୁ  କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା ।  ଆଜି ସ୍କୁଲ ଯିବା ସମୟରେ ଅଷ୍ଟମ ଶ୍ରେଣୀର ଛାତ୍ର ଦଶମ ଶ୍ରେଣୀର ଛାତ୍ର କୁ ଛୁରାଘାତ କରିଛନ୍ତି। ଛୁରା ଆଘାତ ଲାଗିଥିବା ଛାତ୍ର ହେଉଛନ୍ତି ମୁନା ସାହୁ କ୍ଷ ଛୁରାମାଡରେ ମୁନାର ହାତକୁ ଆଘାତ ଲାଗିଛି. ପ୍ରବଳ ରକ୍ତଶ୍ରାବ ହେବାରୁ ସଙ୍ଗେ ସଙ୍ଗେ ପୁରୀ ବଡଡାକ୍ତରଖାନାରେ ଭର୍ତ୍ତି କରାଯାଇଛି ।  ମୁନା ଘରୁ ସ୍କୁଲକୁ ଆସୁଥିବା ବାଟରେ ଏହି ଘଟଣା ଘଟିଥିବା ସୂଚନା ମିଳିଛି କ୍ଷ ଖବର ପାଇ ଖୁମ୍ବାରପଡା ଥାନା ପୋଲିସ ଘଟଣା ସ୍ଥଳୀରେ ପହଞ୍ଚି ତଦନ୍ତ ଆରମ୍ଭ କରିଛି

The post ଅଷ୍ଟମ ଶ୍ରେଣୀ ଛାତ୍ରର ଛୁରାମାଡ଼ରେ ଦଶମ ଶ୍ରେଣୀ ଛାତ୍ର ଗୁରୁତର । ପୂର୍ବ ଶତ୍ରୁତାକୁ ନେଇ ଆକ୍ରମଣ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆଦିବାସୀଙ୍କ ଜମି ପ୍ରସଙ୍ଗକୁ ନେଇ ବିଧାନସଭାରେ ଅଚଳାବସ୍ଥା । ପୁଣିଥରେ ଗୃହକୁ ଦିନ ୪ଟା ମୁଲତବି କରିଛନ୍ତି ବାଚସ୍ପତି । ଗୃହର ମଧ୍ୟ ଭାଗରେ ବିରୋଧୀଙ୍କ ହଟ୍ଟଗୋଳ ଓ ହୋହଲ୍ଲା ଯୋଗୁଁ ବାରମ୍ବାର ଗୃହ ମୁଲତବି । ପ୍ରଥମେ ପୋଡିୟମ ତଳେ ବିରୋଧୀଙ୍କ ହଙ୍ଗାମା କାରଣରୁ ଗୃହକୁ ୧୨ଟା ଯାଏଁ ମୁଲତବି କରିଥିଲେ ବାଚସ୍ପତି । ପରେ ଗୃହକାର୍ଯ୍ୟ ଆରମ୍ଭରୁ ପୁଣିଥରେ ବିରୋଧୀଙ୍କର ସମାନ ଆଭିମୁଖ୍ୟ ଦେଖିବାକୁ ମିଳିଥିଲା । ଫଳରେ ଗୃହକୁ ଆଉ ୪୫ ମିନିଟ୍ ମୁଲତବି କରି ସର୍ବଦଳୀୟ ବୈଠକ ଡାକିଥିଲେ ବାଚସ୍ପତି । ଗୃହକାର୍ଯ୍ୟ ଯେପରି ସ୍ୱାଭାବିକ ହେବ ସେଥିପାଇଁ ସର୍ବଦଳୀୟ ବୈଠକ ଡକାଯାଇଥିଲା । କିନ୍ତୁ ସର୍ବଦଳୀୟ ବୈଠକରେ ମଧ୍ୟ କୌଣସି ନିଷ୍କର୍ସ ବାହାରି ପାରିନାହିଁ । ଫଳରେ ପୁଣିଥରେ ଗୃହକାର୍ଯ୍ୟ ଆରମ୍ଭରୁ ବିରୋଧୀ ହଙ୍ଗାମା କରିଥିଲେ । ଯେଉଁଥିପାଇଁ ଗୃହକାର୍ଯ୍ୟକୁ ଅପରାହ୍ନ ୪ଟା ଯାଏଁ ମୁଲତବି କରିଛନ୍ତି ବାଚସ୍ପତି ।

ଅନ୍ୟପଟେ ଗୃହ ମୁଲତବିକୁ ନେଇ ପରସ୍ପରକୁ ଟାର୍ଗେଟ କରିଛନ୍ତି ଉଭୟ ଶାସକ ଓ ବିରୋଧୀ । ବିରୋଧୀ ଦଳ ମୁଖ୍ୟ ସଚେତକ କହିଛନ୍ତି, ମୋହନ ମାଝୀ କହିଛନ୍ତି, ଆଦିବାସୀଙ୍କ ଜମି ଅଣ ଆଦିବାସୀ କିଣିବା ପାଇଁ କ୍ୟାବିନେଟ ନେଇଥିବା ନିଷ୍ପତିକୁ ବିଜେପି ବିରୋଧ କରୁଛି । ଏହା ଉପରେ ସରକାର ସ୍ଥଗିତାଦେଶ ଜାରି କରିଛନ୍ତି । କିନ୍ତୁ ଏହାକୁ ସଂପୂର୍ଣ୍ଣ ପ୍ରତ୍ୟାହାର କରିବା ପାଇଁ ବିଜେପି ଦାବି କରୁଛି । କିଛି ଦିନ ପାଇଁ ସ୍ଥଗିତ କରି ସରକାର ପୁଣି ଲାଗୁ କରିବେ ବୋଲି ଆଶଙ୍କା କରିଛି ବିଜେପି । ଏଥିରେ ରାଜ୍ୟ ସରକାରଙ୍କର ବଡ ଚକ୍ରାନ୍ତ ଏବଂ ଷଡ଼ଯନ୍ତ୍ର ଅଛି । ବିଜେଡ଼ି ସରକାର ଆଦିବାସୀ ବିରୋଧୀ ବୋଲି ଅଭିଯୋଗ କରିଛି ବିଜେପି । ଆଦିବାସୀଙ୍କ ଅଭିଶାପରେ ବିଜେଡ଼ି ସରକାର ଜଳି ପୋଡ଼ି ଛାରଖାର ହୋଇଯିବେ ।

ଯାହାର ଜବାବରେ ବିଜେଡି ବିଧାୟକ ରାଜକିଶୋର ଦାସ କହିଛନ୍ତି, ଆଦିବାସୀଙ୍କ ଜମି ବାବଦରେ କ୍ୟାବିନେଟ ନିଷ୍ପତ୍ତିକୁ ନେଇ ବିରୋଧୀ କେବଳ ରାଜନୀତି କରୁଛନ୍ତି । ଓଡିଶା ସାରା ଲୋକ ଜାଣିଛନ୍ତି ସେ ବିଲ ଆସିବାର ନାହିଁ କି ଏହା ଲାଗୁ ହେବାର ନାହିଁ ତାହା ବନ୍ଦ ହୋଇଯାଇଛି । କିନ୍ତୁ ଏହାସତ୍ତେ୍ୱ ମଧ୍ୟ ବିରୋଧୀ ରାଜନୀତି କରୁଛନ୍ତି । ବିରୋଧୀଙ୍କ ପାଖରେ କୌଣସି ଇସ୍ୟୁ ନାହିଁ ତେଣୁ ସେମାନେ ଏହାକୁ ଇସ୍ୟୁ କରୁଛନ୍ତି । ସରକାର ଏହାକୁ ସମ୍ପୂର୍ଣରୂପେ ବନ୍ଦ କରିଦେଇଛନ୍ତି ବୋଲି କହିଛନ୍ତି ରାଜକିଶୋର ।

The post କାମ ଦେଲାନି ସର୍ବଦଳୀୟ ବୈଠକ, ଗୃହରେ ପୁଣି ବିରୋଧୀଙ୍କ ହଙ୍ଗାମା । ୪ଟା ଯାଏଁ ଗୃହକୁ ମୁଲତବି କଲେ ବାଚସ୍ପତି । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆସନ୍ତା ୨୫ ତାରିଖରେ ଦକ୍ଷିଣ ବଙ୍ଗୋପସାଗରରେ ସୃଷ୍ଟି ହୋଇପାରେ ଘୂର୍ଣ୍ଣିବଳୟ । ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର । ଏହି ଘୂର୍ଣ୍ଣିବଳୟ ୨୬ ତାରିଖ ଆଡକୁ ଲଘୁଚାପର ରୂପ ନେବା ପରେ ୨୭ରେ ଅବପାତରେ ପରିଣତ ହୋଇପାରେ । କ୍ରମେ ଏହା ପଶ୍ଚିମ ଉତ୍ତର- ପଶ୍ଚିମ ଦୁଗରେ ଗତି କରିବା ବୋଲି ଅନୁମାନ କରାଯାଉଛି ।

The post ୨୬ରେ ଲଘୁଚାପ, ୨୭ରେ ଅବପାତ! ଆସନ୍ତା ୨୫ରେ ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହେବା ନେଇ ଆଞ୍ଚଳିକ ପାଣିପାଗ କେନ୍ଦ୍ରର ସୂଚନା first appeared on Kanak News.

from Kanak News
via <a href="https://ifttt.com/?