କନକ ବ୍ୟୁରୋ : ଆଜିଠୁ ଆରମ୍ଭ ହେଉଛି ବିଧାନସଭାର ଶୀତ ଅଧିବେଶନ । ଆସନ୍ତା ଡିସେମ୍ବର ୩୦ ତାରିଖ ପର୍ଯ୍ୟନ୍ତ ଚାଲିବ । ଏହି ଅଧିବେଶନରେ ୩୦ଟି କାର୍ଯ୍ୟ ଦିବସ ରହିଛି । ଆଗାମୀ ନିର୍ବାଚନ ପୂର୍ବରୁ ଏହା ବିଧାନସଭାର ଶେଷ ପୂର୍ଣ୍ଣାଙ୍ଗ ଅଧିବେଶନ ହେବ । ଅଧିବେଶନ ପାଇଁ ବିରୋଧୀ ଓ ଶାସକଦଳ ରଣନୀତି ଚୂଡାନ୍ତ କରିଛନ୍ତି । ଗତକାଲି ବସିଥିବା ବିଜେପି ବିଧାୟକ ଦଳ ବୈଠକରେ ଏ ନେଇ ଆଲୋଚନା ହୋଇଛି ।

ସେହିପରି ଆଜି ବିଜେଡି ଓ କଂଗ୍ରେସ ବିଧାୟକ ଦଳ ବୈଠକ ବସିବ । ଅଧିବେଶନର ପୂର୍ବରୁ ବାଚସ୍ପତି ସର୍ବଦଳୀୟ ବୈଠକ ଡାକି ଗୃହ ଚାଲିବା ପାଇଁ ସବୁଦଳର ସହଯୋଗ ଲୋଡିଛନ୍ତି । ଉଭୟ ଶାସକ ଓ ବିରୋଧୀଙ୍କ ପ୍ରସଙ୍ଗକୁ ଦେଖିଲେ ଏଥର ବି ବିଧାନସଭା ଅଧିବେଶନ ସରଗରମ ହେବା ଅନୁମାନ କରାଯାଉଛି । ଆଜି ସକାଳ ୯ଟା ୩୦ରେ ଉପବଚାସ୍ପତି ନିର୍ବାଚନ ହେବ । ସାଲୁଗା ପ୍ରଧାନ ଏକମାତ୍ର ପ୍ରାର୍ଥୀ ହୋଇଥିବାକୁ ସେ ଉପବାଚସ୍ପତି ହେବା ଏକପ୍ରକାର ନିଶ୍ଚିତ ହୋଇଛି ।

The post ଆଜିଠୁ ବିଧାନସଭା ଶୀତ ଅଧିବେଶନ । ୩୦ଟି କାର୍ଯ୍ୟ ଦିବସରେ ବିଭିନ୍ନ ପ୍ରସଙ୍ଗରେ ହେବ ଆଲୋଚନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଓଡ଼ିଶା ଗସ୍ତରେ ଅଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ପରିବାର ଲୋକଙ୍କ ସହ ରାଇରଙ୍ଗପୁରରେ ରାତ୍ରିଯାପନ କରିଛନ୍ତି । ଆଜି ପାହାଡପୁର ଓ ରାଇରଙ୍ଗପୁରରେ ରାଷ୍ଟ୍ରପତିଙ୍କ ବିଭିନ୍ନ କାର୍ଯ୍ୟକ୍ରମ ରହିଛି । ପ୍ରଥମେ ରାଷ୍ଟ୍ରପତି ନିଜ ବାସଭବନରୁ ବାହାରି ଶ୍ୱଶୁର ଘର ଗାଁରେ ପହଞ୍ଚିବା ପରେ ଏଲଆଣ୍ଡଟି ଦ୍ୱାରା ପରିଚାଳିତ ହେବାକୁ ଥିବା ଦକ୍ଷତା ବିକାଶ କେନ୍ଦ୍ରକୁ ଉଦଘାଟନ କରିବେ । ପରେ ନିଜେ ଗଢିଥିବା ଏସଏଲଏସ୍ ଆବାସିକ ବିଦ୍ୟାଳୟ ଛାତ୍ରଛାତ୍ରୀଙ୍କ ସହିତ ଭାବ ବିନିମୟ କରିବେ । ଏହା ପରେ ରେଳ ବିଭାଗ ଦ୍ୱାରା ପ୍ରସ୍ତୁତ ତିନିଟି ନୂଆ ଟ୍ରେନର ଶୁଭାରମ୍ଭ କରିବେ ।

ବାଦାମପାହାଡ-ରାଉରକେଲା ମେମୁ, ବାଦାମପାହାଡ- ରାଉରକେଲା ସାପ୍ତାହିକ ଓ ବାଦାମପାହାଡ-ସାଲିମାର ସାପ୍ତାହିକ ଟ୍ରେନ୍ର ଶୁଭାରମ୍ଭ ହେବ । ଏହି ଅବସରରେ ରାଷ୍ଟ୍ରପତିଙ୍କ ଦ୍ୱାରା ଅମ୍ରିତ ଷ୍ଟେସନ୍ ଯୋଜନାରେ ବାଦାମପାହାଡ ରେଳ ଷ୍ଟେସନର ଭିତିପ୍ରସ୍ତର ସ୍ଥାପନ ହେବ । ପରେ ରାଇରଙ୍ଗପୁର ନୂଆ ପୋଷ୍ଟାଲ ଡିଭିଜନର ଶୁଭାରମ୍ଭ କରିବେ ରାଷ୍ଟ୍ରପତି । ଏଥି ସହ ଡାକ ବିଭାଗ ଦ୍ୱାରା ସ୍ୱତନ୍ତ୍ର କଭର ଉନ୍ମୋଚନ କାର୍ଯ୍ୟକ୍ରମ ରହିଛି । କାର୍ଯ୍ୟକ୍ରମରେ ରାଜ୍ୟପାଳ ରଘୁବର ଦାସ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଯୋଗଦେବାର କାର୍ଯ୍ୟକ୍ରମ ରହିଛି ।

The post ରାଇରଙ୍ଗପୁରରେ ରାଷ୍ଟ୍ରପତି । ଆଜି ତିନିଟି ଟ୍ରେନର ଶୁଭାରମ୍ଭ ସହ ଟ୍ରେନରେ କରିବେ ଯାତ୍ରା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଆଜି ପବିତ୍ର ଅଁଳାନବମୀ । ସାକ୍ଷୀଗୋପାଳ ମନ୍ଦିରରେ ଜଗଦ୍ଧାତ୍ରୀ ମା’ ଶ୍ରୀରାଧାରାଣୀଙ୍କ ଓଡ଼ିଆଣୀ ବେଶ ଓ ପାଦଦର୍ଶନ ଅନୁଷ୍ଠିତ ହେଉଛି । ଏହି ବେଶ ଦର୍ଶନ ଓ ପୂଜାର୍ଚ୍ଚନା ପାଇଁ ରାଜ୍ୟ ତଥା ରାଜ୍ୟ ବାହାରୁ ଶ୍ରଦ୍ଧାଳୁଙ୍କ ଭିଡ଼ ଜମିଛି । ବ୍ୟାରିକେଟ୍ ଦେଇ ଧାଡିରେ ଦର୍ଶନ କରୁଛନ୍ତି ଭକ୍ତ । ଅଁଳା ନବମୀ ପାଇଁ ପୁରୀ ଜିଲ୍ଲା ପ୍ରଶାସନ ଓ ସତ୍ୟବାଦୀ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।

ରାତି ଗୋଟାଏରୁ ମନ୍ଦିରର ଦେବନୀତି ଆରମ୍ଭ ହୋଇ ଭୋର ୫ଟା ସୁଦ୍ଧା ଶେଷ ହୋଇଛି । ଏହା ପରେ ଆରମ୍ଭ ହୋଇଛି ଦର୍ଶନ । ଆଜି ବିଳମ୍ବିତ ରାତି ପର୍ଯ୍ୟନ୍ତ ଦର୍ଶନ ଚାଲିବ । ଏଥିପାଇଁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସୁରକ୍ଷା ପାଇଁ ୨୦ ପ୍ଲାଟୁନ୍ ଫୋର୍ସ ମୁତୟନ ହୋଇଛନ୍ତି ।

The post ଆଜି ପବିତ୍ର ଅଁଳାନବମୀ । ଓଡ଼ିଆଣୀ ବେଶରେ ଦର୍ଶନ ଦେବେ ଶ୍ରୀରାଧା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ମୟୁରଭଞ୍ଜ ଜିଲ୍ଲା କୁଳିଅଣା ଠାରେ ଏକଲବ୍ୟ ଆବାସିକ ବିଦ୍ୟାଳୟକୁ ଉଦଘାଟନ କରିଛନ୍ତି ମହାମହିମ ରାଷ୍ଟ୍ରପତି ଦୌପଦୀ ମୁର୍ମୁ । ଏହି ଅବସରରେ ରାଷ୍ଟ୍ରପତି କହିଥିଲେ କି, ପିଲାଦିନେ ତାଙ୍କ ଘର ନିକଟରେ କୌଣସି ବିଦ୍ୟାଳୟ ନଥିଲା । ତେଣୁ ପାଠ ପଢିବା ପାଇଁ ତାଙ୍କୁ ଘର ଠାରୁ ଅନେକ ଦୂରକୁ ଯିବାକୁ ପଡିଥିଲା । ସେ ଆହୁରି କହିଥିଲେ କି ଘର ପାଖରେ ବିଦ୍ୟାଳୟ ନଥିବାରୁ ସେହି ସମୟରେ ଅନେକ ପିଲା ପାଠ ପଢାରୁ ବଞ୍ଚିତ ହୋଇଥିଲେ । ଏହି ସମସ୍ୟା ଆଜି ଦେଖିବାକୁ ମିଳୁନାହିଁ । ଏକଲବ୍ୟ ଆବାସିକ ବିଦ୍ୟାଳୟ ଖୋଲିବା ଦ୍ୱାରା ସ୍ଥାନୀୟ ପିଲାମାନେ ଏବେ ଶିକ୍ଷାର ଅଧିକ ସୁଯୋଗ ପାଇବେ ବୋଲି ସେ ବିଶ୍ୱାସ ବ୍ୟକ୍ତ କରିଛନ୍ତି ।
ରାଷ୍ଟ୍ରପତି କହିଛନ୍ତି, ଶିକ୍ଷା ହେଉଛି ଆର୍ଥିକ ଏବଂ ସାମାଜିକ କଲ୍ୟାଣର ଚାବିକାଠି । ସେ ଅବିଭାବକମାନଙ୍କୁ ନିଜ ପିଲାମାନଙ୍କୁ ପାଠ ପଢାଇବାକୁ ପରାମର୍ଶ ଦେଇଥିଲେ ।

ପିଲାମାନଙ୍କୁ ସମ୍ବୋଧିତ କରି ରାଷ୍ଟ୍ରପତି କହିଥିଲେ ଯେ, ସେମାନଙ୍କ ଭଳି ସେ ମଧ୍ୟ ଏକ ସାଧାରଣ ପୃଷ୍ଟଭୂମିରୁ ଆସିଛନ୍ତି । ପାଠପଢା ଯୋଗୁଁ ସେ ନାଗରିକଙ୍କ ସେବା କରିବାର ସୁଯୋଗ ପାଇଥିଲେ । ଶିକ୍ଷା ସେମାନଙ୍କୁ ସଫଳ କରିବ ବୋଲି ରାଷ୍ଟ୍ରପତି କହିଥିଲେ । ଜଣେ ଶିକ୍ଷିତ ବ୍ୟକ୍ତି ଭାବେ ସେମାନେ ନିଜ ବିକାଶ ସହିତ ଦେଶ ଓ ସମାଜର ପ୍ରଗତୀରେ ଯୋଗଦାନ ଦେଇପାରିବେ ।

ଆଦିବାସୀ ଅଧ୍ୟୁଷିତ ଅଞ୍ଚଳରେ ରେଳ, ଜାତୀୟ ରାଜପଥ, ଶିକ୍ଷା, ସ୍ୱାସ୍ଥ୍ୟ ଓ ଅନ୍ୟାନ୍ୟ ମୌଳିକ ସୁବିଧା ଯୋଗାଇ ଦେବାପାଇଁ ଭାରତ ସରକାର ବିଭିନ୍ନ ମନ୍ତ୍ରଣାଳୟ ଜରିଆରେ ବହୁମୂଖୀ ଯୋଜନା ଆରମ୍ଭ କରିଛନ୍ତି ବୋଲି ରାଷ୍ଟ୍ରପତି କହିଥିଲେ । ଆଦିବାସୀ ପିଲାଙ୍କ ପାଇଁ ସମଗ୍ର ଦେଶରେ ୭୦୦ ରୁ ଅଧିକ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ପ୍ରତିଷ୍ଠା କରାଯାଉଥିବାରୁ ସେ ଆନନ୍ଦିତ ହୋଇଥିଲେ । ସେ କହିଥିଲେ ଯେ ଏହି ବିଦ୍ୟାଳୟଗୁଡିକରେ ସମଗ୍ର ଭାରତରେ ୩.୫୮ ଲକ୍ଷରୁ ଅଧିକ ଆଦିବାସୀ ଛାତ୍ର ଛାତ୍ରୀ ଗୁଣାତ୍ମକ ଶିକ୍ଷା ପାଇବା ସହ ସମାଜ ଏବଂ ରାଷ୍ଟ୍ରର ବିକାଶରେ ଯୋଗଦାନ କରିବାକୁ ସକ୍ଷମ ହେବେ ।

The post ଓଡିଶା ଗସ୍ତରେ ମହାମହିମ ରାଷ୍ଟ୍ରପତି । କୁଳିଅଣା ଠାରେ ଆବାସିକ ବିଦ୍ୟାଳୟର କଲେ ଉଦଘାଟନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଇମ୍ପାଲ ଆକାଶରେ ଅଜଣା ଯାନ ଦୃଶ୍ୟମାନ । ସୋମବାର ଇମ୍ପାଲ ବିମାନବନ୍ଦର ନିକଟ ଆକାଶରେ ଅଜଣା ଉଡନ୍ତା ଯାନ ଦେଖାଯାଇଛି । ସୂଚନା ମିଳିବାପରେ ଏହାକୁ ଖୋଜିବାକୁ ଭାରତୀୟ ବାୟୁସେନା ଦୁଇଟି ରାଫେଲ ଫାଇଟର ଏୟାରକ୍ରାପ୍ଟ ନିୟୋଜିତ କରିଥିଲା । ହାସିମାରା ଏୟାରଫେର୍ସ ବେସରୁ ପ୍ରଥମେ ରାଫେଲ ଫାଇଟର ୟୁଏଫଓ ଦେଖା ଯାଇଥିବା ସ୍ଥାନକୁ ଜେଟ ଉଡାଣ ଭରିଥିଲା । କୌଣସି ସୂଚନା ନମିଳିବାରୁ ଡବଲ ଚେକ କରିବା ପାଇଁ ୨ୟ ରାଫେଲ ପଠାଯାଇଥିଲା । ହେଲେ ୟୁଏଫଓକୁ ନେଇ କୌଣସି ସୂଚନା ମିଳିନି । ରବିବାର ଦିନରେ ଏହା ଦେଖାଯିବା ପରେ କିଛି କର୍ମସିଆଲ ବିମାନ ଉଡାଣ ପ୍ରଭାବିତ ହୋଇଥିଲା ।

The post ଇମ୍ପାଲ ଆକାଶରେ ଉଡିଲା ଅଜଣା ଉଡନ୍ତା ଯାନ ବା ୟୁଏଫଓ । ଏୟାରସ୍ପେଶରେ ୟୁଏଫଓ ଦେଖାଯିବା ପରେ ପିଛା କଲା ରାଫେଲ ବିମାନ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଛଟପୂଜାକୁ ନେଇ ଚାରିଆଡେ ଦେଖିବାକୁ ମିଳିଛି ଉତ୍ସାହ । ପରିବାରର ଶୁଭ ମନାସି, ସୁଖ ଶାନ୍ତି କାମନା ତଥା ସମାଜର ମଙ୍ଗଳ ପାଇଁ ପାଳନ କରାଯାଏ ଛଟ ପର୍ବ । ବିଶେଷ କରି ବିହାରରେ ଛଟପୂଜାକୁ ଗଣପର୍ବ ଭାବେ ପାଳନ କରାଯାଇଥାଏ । ୪ଦିନ ଧରି ଚାଲିଥିବା ଛଟପୂଜାର ଶେଷ ଦିନରେ ସୂର୍ଯ୍ୟ ଦେବତାଙ୍କୁ ଅର୍ଘ୍ୟ ପ୍ରଦାନ କରି ପୂଜା ସମାପନ କରାଯାଇଛି । ଘରେ ଘରେ ଭଳିକି ଭଳି ପିଠାପଣାର ମହକ ସାଙ୍ଗକୁ ନୂଆ ବସ୍ତ୍ର ପରିଧାନ କରି ଉତ୍ସବ ପାଳିଛନ୍ତି ବ୍ରତଧାରୀ । ରାଜଧାନୀ ଦିଲ୍ଲୀରେ ବସବାସ କରୁଥିବା ବିହାରୀ ସମ୍ପ୍ରଦାୟର ଲୋକମାନେ ପ୍ରଦୂଷିତ ଯମୁନା ନଦୀରେ ବୁଡ ପକାଇ ପୂଜାର୍ଚ୍ଚନା କରିଥିବା ଦେଖିବାକୁ ମିଳିଛି ।

ପବିତ୍ର ଛଟ ପୂଜାରେ ଘରେ ଘରେ ଉତ୍ସବର ମାହୋଲ । ସାଧାରଣ ଜନତାଙ୍କ ଠାରୁ ଆରମ୍ଭ କରି ନେତା, ମନ୍ତ୍ରୀଙ୍କ ଏବଂ ସେଲିବ୍ରିଟି ମାନେ ମଧ୍ୟ ଛଟ ପୂଜାରେ ନିଜକୁ ସାମିଲ କରିଛନ୍ତି । ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ନିଜ ସରକାରୀ ବାସ ଭବନରେ ଛଟ ପୂଜାରେ ସାମିଲ ହୋଇଛନ୍ତି । ପରିବାର ବର୍ଗଙ୍କ ସହ ମିଶି ସୂର୍ଯ୍ୟଦେବତାଙ୍କୁ ଆରାଧନା କରିବା ସହ ରାଜ୍ୟ ତଥା ଦେଶବାସୀଙ୍କ ମଙ୍ଗଳ କାମନା କରିଛନ୍ତି ।

ବିହାରରେ ଛଟପୂଜାକୁ ଗଣପର୍ବ ଭାବେ ପାଳନ କରାଯାଇଥାଏ । ତେବେ ବର୍ତମାନ ଉତର ଭାରତର ଅଧିକାଂଶ ରାଜ୍ୟ ସମେତ ଓଡିଶା, ଛତିଶଗଡ଼ରେ ରହୁଥିବା ବିହାରୀ ସମ୍ପ୍ରଦାୟର ଲୋକ ମାନେ ମଧ୍ୟ ଛଟ ପୂଜାକୁ ବେଶ ଉତ୍ସାହର ସହ ପାଳନ କରୁଛନ୍ତି ।

The post ଛଟ ପର୍ବକୁ ନେଇ ଉତ୍ସାହର ମାହୋଲ । ବିହାର ସମେତ ଉତର ଭାରତରେ ଉତ୍ସବ, ଦିଲ୍ଲୀରେ ପ୍ରଦୂଷିତ ଯମୁନାରେ ବୁଡ଼ ପକାଇଲେ ଶ୍ରଦ୍ଧାଳୁ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ତେଲେଙ୍ଗାନା ରଙ୍ଗାରେଡ୍ଡି ଜିଲ୍ଲାରେ ବଡ଼ ଅଘଟଣ । ନିର୍ମାଣଧିନ ଇନଡୋର ଷ୍ଟାଡିୟମ ଭୁଶୁଡି ଫଳରେ ୩ମୃତ, ୧୦ଗୁରୁତର । ଘଟଣା ସ୍ଥଳରେ ପହଁଚି ଭଗ୍ନାବଶେଷକୁ ଆଡେଇ ମୃତଦେହ ଉଦ୍ଧାର କରିଛି ଉଦ୍ଧାରକାରୀ ଦଳ । ଆହତ ମାନଙ୍କୁ ସ୍ଥାନୀୟ ମେଡିକାଲରେ ଭର୍ତି କରାଯାଇଥିବା ବେଳେ ଚିକିତ୍ସା ଚାଲିଛି । ରଙ୍ଗାରେଡ୍ଡି ଜିଲ୍ଲା ମୋଇନାବାଦ ଅଂଚଳରେ ଇନଡୋର ନିର୍ମାଣ ଚାଲିଥିବା ବେଳେ ହଠାତ ଭୁଶୁଡି ପଡିଥିଲା ଷ୍ଟାଡିୟମ । ମୃତକଙ୍କ ପାଇଁ କ୍ଷତିପୂରଣ ସହ ଆହତଙ୍କ ଚିକିତ୍ସା ଲାଗି ସହାୟତା ଘୋଷଣା କରିଛନ୍ତି ତେଲେଙ୍ଗାନା ରାଜ୍ୟ ସରକାର ।

The post ଭୁଷୁଡିଲା ନିର୍ମାଣଧୀନ ଇନଡୋର ଷ୍ଟାଡିୟମ । ଦୁର୍ଘଟଣାରେ ଏବେ ସୁଦ୍ଧା ୩ଜଣଙ୍କ ମୃତ୍ୟୁ, ୧୫ରୁ ଅଧିକ ଆହତ ସୂଚନା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଅଯୋଧ୍ୟ ରାମ ମନ୍ଦିର ପ୍ରତିଷ୍ଠାକୁ ନେଇ ଆସିଛି ବଡ ଖବର । ଜାନୁଆରୀ ୨୨ ଦିନ ୧୨ଟା ୨୦ ମିନିଟରେ ହେବ ରାମଲଲାଙ୍କ ପ୍ରାଣ ପ୍ରତିଷ୍ଠା । ପ୍ରଧାନମନ୍ତ୍ରୀ ମୋଦୀ ଗର୍ଭଗୃହରେ ରାମଲାଲାଙ୍କ ପ୍ରାଣପ୍ରତିଷ୍ଠା କରିବେ । ସେହି ୪୮ ମିନିଟ ବେଶ ମହତ୍ୱପୂର୍ଣ୍ଣ ହେବାକୁ ଯାଉଛି । ମିଳିଥିବା ସୂଚନା ଅନୁସାରେ କାର୍ଯ୍ୟକ୍ରମକୁ ୪ଟି ପର୍ଯ୍ୟାୟରେ ବିଭକ୍ତ କରାଯାଇଛି । ଅଭିଜିତ ମୁହୁର୍ତ ମୃଗଶିରା ନକ୍ଷତ୍ରରେ କରାଯିବ ପ୍ରାଣପ୍ରତିଷ୍ଠା । କୁହାଯାଉଛି ଦୀପତ୍ସୋବ ପରି ରାମଲଲାଙ୍କ ପ୍ରାଣପ୍ରତିଷ୍ଠାକୁ ଭବ୍ୟ ଆୟୋଜନ କରାଯିବ । ତେବେ ସମ୍ପୂର୍ଣ୍ଣ କାର୍ଯ୍ୟକ୍ରମ ପାଇଁ ଚାରୋଟି ପର୍ଯ୍ୟାୟ ଯୋଜନା କରାଯାଇଛି । ପ୍ରଥମ ପର୍ଯ୍ୟାୟ ଡିସେମ୍ବର ୨୦ ଯାଏଁ ଚାଲିବ । ଆକ୍ସନ ପ୍ଲାନର ଏକ ବାହ୍ୟରେଖା ପ୍ରସ୍ତୁତ ହେବ । ଜାନୁଆରୀ ୨ରୁ ୨ୟ ପର୍ଯ୍ୟାୟ ଆରମ୍ଭ ହେବ । ଜାନୁଆରୀ ୨୨ରେ ତୃତୀୟ ପର୍ଯ୍ୟାୟରେ ମୁଖ୍ୟ କାମ ସମ୍ପାଦନ କରାଯିବ । ୪ର୍ଥ ପର୍ଯ୍ୟାୟ ଚାଲିବ ଫେବୃଅ।।ରୀ ୨୨ ଯାଏଁ । ଏହି ସମୟରେ ରାମଲଲାଙ୍କ ଦର୍ଶନ ପାଇବେ ଶ୍ରଦ୍ଧାଳୁ ।

The post ଅଯୋଧ୍ୟା ରାମମନ୍ଦିର ପ୍ରାଣପ୍ରତିଷ୍ଠାକୁ ନେଇ ଆସିଲା ବଡ ଖବର । ଜାନୁଆରୀ ୨୨ ଦିନ ୧୨ଟା ୨୦ ମିନିଟରେ ହେବ ରାମଲଲାଙ୍କ ପ୍ରାଣପ୍ରତିଷ୍ଠା first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜସ୍ଥାନରେ ସେପଟେ ଜୋରଦାର ପ୍ରଚାର କରିଛି କଂଗ୍ରେସ । କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ବାଡ୍ରା ଓ ସଭାପତି ମଲ୍ଲିକାର୍ଜୁନ ଖଡ଼ଗେ ଭିନ୍ନ ଭିନ୍ନ ସ୍ଥାନରେ ପ୍ରଚାର କରିଛନ୍ତି । ବୁଝି ବିଚାରି ଭୋଟ ଦେବାକୁ ରାଜସ୍ଥାନବାସୀଙ୍କୁ ଅପିଲ କରିଛନ୍ତି ପ୍ରିୟଙ୍କା । ବିଜେପି ପାଖରେ ପ୍ରସଙ୍ଗ ନାହିଁ କେବଳ ଧର୍ମ ନାଁରେ ଦଳ ଭୋଟ ମାଗେ । ଦେଶବାସୀଙ୍କୁ ଭ୍ରମିତ କରେ ।ଗରିବଙ୍କୁ ଲୁଟ କରି ନିଜ ପୁଂଜିପତି ବନ୍ଧୁଙ୍କ ପକେଟ ଭତି କରେ ବୋଲି ପ୍ରିୟଙ୍କା କହିଛନ୍ତି ।

ରାଜସ୍ଥାନରେ ଚାଲିଛି ଜୋରଦାର ପ୍ରଚାର । ପାଲୀ ଜନସଭାକୁ ସମ୍ବୋଧିତ କରି କଂଗ୍ରେସକୁ ଶାଣିତ ଅନ୍ଦାଜରେ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ । ମୋଦୀ କହିଛନ୍ତି ସନାତନ ଧର୍ମ ବିରୋଧୀ ହେଉଛି କଂଗ୍ରେସ । କଂଗ୍ରେସ ଏକ ଅଂହକାରୀ ଦଳ ଅଟେ । ସନାତନ ଧର୍ମକୁ ଧ୍ୱଂସ କରିବା ପାଇଁ ଦଳ ସବୁବେଳେ ପ୍ରୟାସ କରିଛି । ବଂଶବାଦର ଦଳ ଅଟେ କଂଗ୍ରେସ । ଯେବେଠୁ ରାଜସ୍ଥାନରେ କଂଗ୍ରେସ ସରକାର ଆସିଛି ସେବେଠୁ ରାଜ୍ୟର ପତନ ଚାଲିଛି । ଅନ୍ୟପଟେ ଦଳିତ ଓ ମହିଳାଙ୍କ ପ୍ରତି ଆପତିଜନକ ବୟାନ ଦେଇ ବିବାଦରେ ଥିବା ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ମଧ୍ୟ ମୋଦୀ ଟାର୍ଗେଟ କରିଛନ୍ତି

The post ନିର୍ବାଚନ ପ୍ରଚାରରେ କମ୍ପୁଛି ରାଜସ୍ଥାନ । ସଭା ମଞ୍ଚରୁ କଂଗ୍ରେସକୁ ସନାତନ ବିରୋଧୀ କହିଲେ ପ୍ରଧାନମନ୍ତ୍ରୀ । ପ୍ରିୟଙ୍କା କହିଲେ ବିଜେପି ପୁଞ୍ଜିପତିଙ୍କ ଦଳ first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ବିଶ୍ୱକପ ୨୦୨୩ ସରିଛି । ଟିମ ଅଷ୍ଟ୍ରେଲିଆ ପିନ୍ଧିଛି ଚାମ୍ପିୟନ ମୁକୁଟ । ନିରାଶ ହେଲେ ରୋହିତ ବାହୀନି । ଏହି ଘଟଣାକୁ ନେଇ କ୍ରିକେଟପ୍ରେମୀଙ୍କ ମଧ୍ୟରେ ନିରାଶ ଖେଳିଛି । ସେପଟେ ଅନ୍ୟ ଏକ ଘଟଣାକୁ ନେଇ ରାଜନୀତି ମଧ୍ୟ ଆରମ୍ଭ ହୋଇଛି । ବିଶ୍ୱକପର ବିଶାଳ ଆୟୋଜନରେ କ’ଣ ପାଇଁ ପୂର୍ବତନ କ୍ରିକେଟର ତଥା ଭାରତୀୟ ଟିମର ପୂର୍ବତନ ଅଧିନାୟକ କପିଲ ଦେବଙ୍କୁ ନିମନ୍ତ୍ରଣ କରାଯାଇନଥିଲା ତାକୁ ଏନେଇ ଏବେ ପ୍ରଶ୍ନ କରିଛନ୍ତି ବିରୋଧୀ । କହିବାକୁ ଗଲେ କ୍ରିକେଟରେ ଲାଗିଛି ରାଜନୀତିର ରଙ୍ଗ । ବିରୋଧ କହିଛନ୍ତି ଯାହାଙ୍କ ନେତୃତ୍ୱରେ ଭାରତୀୟ ଟିମ ୧୯୮୩ ମସିହାରେ ବିଶ୍ୱକପ ବିଜୟୀ ହୋଇଥିଲା ତାଙ୍କୁ ପାଶୋରି ଯାଇ ନିମନ୍ତ୍ରଣ ନକରିବା କେତେଦୂର ଉଚିତ ଥିଲା । ଅଭିନେତା, ରାଜନେତା, ବ୍ୟବସାୟୀଙ୍କୁ ନିମନ୍ତ୍ରଣ ଦିଆଯାଇଥିଲା ଅଥଚ କପିଲ ଦେବଙ୍କୁ କ’ଣ ପାଇଁ ଅଣଦେଖା କରାଗଲା

ସେପଟେ କଂଗ୍ରେସର ବରିଷ୍ଠ ନେତା ଜୟରାମ ରମେଶ ଟୁଇଟ କରି ଘଟଣାକୁ ନିନ୍ଦନୀୟ କହିଛନ୍ତି । କ୍ରିକେଟ କିମ୍ବଦନ୍ତୀ କପିଲ ଦେବଙ୍କୁ ନିମନ୍ତ୍ରଣ ନକରାଯିବା ଏକ ଦୁଖଦ ଘଟଣା ଓ ଏହାକୁ ସ୍ୱିକାର କରିହେବନି । ଦଳ କହିଛି ରାଜନୀତିରୁ କୌଣସି କ୍ଷେତ୍ର ବାଦ ପଡୁନି ତେଣୁ କ୍ରିକେଟକୁ ନେଇ ରାଜନୀତି ହବା ଏକ ସାଧାରଣ କଥା ।

ନିକଟରେ କପିଲ ଦେବ ଏକ ଟିଭି ସାକ୍ଷାତକାର କାର୍ଯ୍ୟକ୍ରମରେ ଯୋଗ ଦେଇଥିଲେ । ବିଶ୍ୱକପ ଫାଇନାଲରେ ତାଙ୍କୁ କିମ୍ବା ୧୯୮୩ ଟିମକୁ ନିମନ୍ତ୍ରଣ ମିିଳିନଥିବା କହିଥିଲେ ।

ଫାଇନାଲ ମ୍ୟାଚ୍ ୱାନଖେଡେ ଷ୍ଟାଡିୟମ ବଦଳରେ ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବା , ମ୍ୟାଚ୍ ଦେଖିବାକୁ ପ୍ରଧାନମନ୍ତ୍ରୀ ମୋଦୀ ଓ ଗୃହମନ୍ତ୍ରୀ ଅମିତ ଶାହା  ପହଂଚିବା ବିଜେପିର ଏକ ଚାଲ ବୋଲି କହିଛି ଶିବସେନା ।

The post ବିସିସିଆଇ ଉପରେ ଉଠିଲା ପ୍ରଶ୍ନ । କ’ଣ ପାଇଁ କପିଲ ଦେବଙ୍କୁ ଦିଆଗଲାନି ନିମନ୍ତ୍ରଣ? ବିରୋଧୀଙ୍କ ଆପତ୍ତି, ପଚାରିଲେ ପ୍ରଶ୍ନ first appeared on Kanak News.

from Kanak News
via <a href="https://ifttt.com/?