କନକ ବ୍ୟୁରୋ: ଉତ୍ତରାଖଣ୍ଡ ଟନେଲରେ ଫସି ରହିଛନ୍ତି ନବରଙ୍ଗପୁରର ଭଗବାନ ଭତ୍ରା । ଟନେଲ ଭୁଶୁଡିବାର ୪ ଦିନ ପରେ ସେ ଟନେଲରେ ଫସି ରହିଥିବା ଖବର ଜଣାପଡ଼ିଥିଲା । ଏହି ଖବର ମିଳିବା ପରେ ଆଶା ଆଶଙ୍କାରେ ରହିଛନ୍ତି ଭଗବାନଙ୍କ ପରିବାର ।

ଭଗବାନଙ୍କ ପୁଅର ଫେରିବା ବାଟକୁ ଚାହିଁ ରହିଛନ୍ତି । ଭଗବାନଙ୍କ ବାପା ମାନସିକ ଅନଗ୍ରସର ବ୍ୟକ୍ତି । ବଡ଼ ଭାଇ ଗାଁରେ ଚାଷ କରୁଥିବା ବେଳେ ସାନ ଭାଇ ଗୋରୁ ଚରାଉଛନ୍ତି । ପରିବାରର ଏପରି ସ୍ଥିତିରେ ରୋଜଗାର ପାଇଁ ଗାଁ ଛାଡି ବାହାରକୁ ଯାଇଛନ୍ତି ଭଗବାନ । ଏବେ ସେ ଟନେଲ୍ରେ ଫସି ରହିଥିବା ଭଗବାନଙ୍କ ସହ ଯାଇଥିବା ଅନ୍ୟ ଜଣେ ଶ୍ରମିକ ପରିବାର ଲୋକଙ୍କୁ ଜଣାଇଛନ୍ତି । ଦୁର୍ଘଟଣାର ଦିନକ ପୂର୍ବରୁ ଭଗବାନ ଘରକୁ ଫୋନ୍ କରିଥିଲେ । ତା ପରଠୁ ଆଉ ତାଙ୍କ ସହ ଯୋଗାଯୋଗ ହୋଇନି ।

The post ଉତ୍ତରାଖଣ୍ଡ ଟନେଲରେ ଫସି ରହିଛନ୍ତି ନବରଙ୍ଗପୁରର ଭଗବାନ ଭତ୍ରା । ଆଶଙ୍କାରେ ରହିଛନ୍ତି ଭଗବାନଙ୍କ ପରିବାର । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଓଡିଶାର ପୁରାତନ ନାଁ ଥିଲା କଳିଙ୍ଗ । କଳିଙ୍ଗ ନାଁକୁ ନେଇ ସାଉଦିଆରବରେ ପ୍ରତିବର୍ଷ ଆୟୋଜିତ ହେଉଛି କଳିଙ୍ଗାନ୍ ଫେଷ୍ଟିବାଲ । ଚଳିତ ବର୍ଷ ପାଳିତ ହେଇଥିଲା ଷଷ୍ଠ ବାର୍ଷିକ କଳିଙ୍ଗାନ୍ ଉତ୍ସବ । ଏହି ଅବସରରେ ସୁଦୂର ସାଉଦି ଆରବ ମାଟିରେ ଝରି ପଡିଥିଲା ଓଡିଶା ଆଉ ଓଡିଆଙ୍କ ମହକ । ସିଏ ଅକ୍ଷୟ ମହାନ୍ତିଙ୍କ ଗୀତ ହେଉ ଅଥବା ଡାଲଖାଇ, ଓଡିଆଙ୍କ ବନ୍ଦନା ଗାଇ ଝୁମିଥିଲେ ଅଗଣିତ ଓଡିଆ ପରିବାର । ସାମିଲ ହେଇଥିଲେ ପ୍ରତିଟି ଦେଶରେ ରହୁଥିବା ପ୍ରବାସୀ ଓଡିଆ ମାନେ ।

The post ସୁଦୂର ସାଉଦିଆରବରେ ଆୟୋଜିତ ହୋଇଛି ‘କଳିଙ୍ଗାନ୍ ଫେଷ୍ଟିଭାଲ’ । ଅକ୍ଷୟ ମହାନ୍ତିଙ୍କ ଗୀତରେ ଝୁମିଲେ ଦର୍ଶକ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମର୍ମନ୍ତୁଦ ସଡ଼କ ଦୁର୍ଘଟଣା । ଅକାଳରେ ଚାଲିଗଲା ୨ଜଣଙ୍କ ଜୀବନ । ଜଗତସିଂହପୁର ଜିଲ୍ଲା କୁଜଙ୍ଗ ସନ୍ତରା ଗଡ଼ା ନିକଟରେ ଘଟିଛି ଏହି ଦୁର୍ଘଟଣା । ଗତକାଲି ବିଳମ୍ବିତ ରାତ୍ରିରେ ବାଇକ ସହ ବୋଲେରୋ ଧକ୍କା ହୋଇଥିଲା । ଦୁର୍ଘଟଣାରେ ୨ ବାଇକ୍ ଆରୋହୀଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ମୃତକ ୨ଜଣ ହେଲେ ଆଇଓସିଏଲର କର୍ମଚାରୀ । ଜଣଙ୍କର ନାଁ କୈବଲ୍ୟ ହୋଇଥିବା ବେଳେ ଅନ୍ୟ ଜଣେ କେନ୍ଦୁଝର ଜିଲ୍ଲା କଂଟା ଗାଁର ବିଶ୍ୱଜିତ ନାୟକ । ଅଗ୍ନିଶମ ବାହିନୀ ତାଙ୍କୁ ଉଦ୍ଧାର କରି କୁଜଙ୍ଗ ହସ୍ପିଟାଲରେ ଭର୍ତି କରଥିଲେ ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

The post ବୋଲେରୋ ବାଇକ ମୁହାଁମୁହିଁ ଧକ୍କା । କୁଜଙ୍ଗ ସନ୍ତରାଗଡା ନିକଟରେ ଦୁଇ ଆଇଓସିଏଲ କର୍ମଚାରୀଙ୍କ ଦୁର୍ଘଟଣାସ୍ଥଳରେ ମୃତ୍ୟୁ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୧୭ ଜଣଙ୍କୁ ଆଜୀବନ ଦଣ୍ଡାଦେଶ ଶୁଣାଇଲେ ଯାଜପୁରରୋଡ୍ ଅତିରିକ୍ତ ଜିଲ୍ଲା ଓ ଦୌରା ଜର୍ଜ । ସୁରିସାଇରେ ଗୁଣିଗାରେଡି ସନ୍ଦେହରେ ଦମ୍ପତିଙ୍କୁ ପୋଡି ମାରିବା ଘଟଣାରେ ଅଭିଯୁକ୍ତମାନଙ୍କୁ କୋର୍ଟ ଏହି ଦଣ୍ଡାଦେଶ ଦେଇଛନ୍ତି ।

ସୂଚନା ଅନୁଯାୟୀ ଗତ ୨୦୨୦ ମସିହା ଜୁଲାଇ ୭ ତାରିଖ ରାତିରେ କଳିଙ୍ଗନଗର ଥାନା ନିମପଲି ଗାଁ ସୁରିସାଇ ସ୍ଥିତ ନିଜ ଘରେ ଦମ୍ପତି ଶୈଳ ବାଲମୁଜ୍ ଓ ସମ୍ବାରି ବାଲମୁଜ୍ ଖାଇପିଇ ଶୋଇଥିଲେ । ହଠାତ ବିଳମ୍ବିତ ରାତିରେ ସେହି ଗାଁର କିଛି ଯୁବକ ଶୈଳ ବାଲମୁଜ୍ଙ୍କ ଘରେ ପଶି କାହିଁକି ଗୁଣିଗାରେଡି କରୁଛ କହି ବାଡାବାଡ଼ି କରିବା ସହିତ ଘରେ ନିଆଁ ଲଗେଇ ଦେଇଥିଲେ । ଫଳରେ ଦମ୍ପତି ଦୁଇଜଣ ଆଉ ଘରୁ ବାହାରି ନପାରି ଜିଅନ୍ତା ପୋଡିଯାଇ ମୃତ୍ୟୁ ବରଣ କରିଥିଲେ । ତେବେ ଏହି ଘଟଣାର ତଦନ୍ତ କରି କଳିଙ୍ଗନଗର ପୋଲିସ କେଶ ନମ୍ବର ୧୧୫/୨୩ରେ ଏକ ମାମଲା ରୁଜୁ କରି ୧୭ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିଲେ ।

ଅନ୍ୟପଟେ ଦୀର୍ଘ ୩ବର୍ଷ ପରେ ଗୁରୁବାର ଏହି ଘଟଣାର ଦଣ୍ଡାଦେଶ ଦେଇଛନ୍ତି ଯାଜପୁର ରୋଡ କୋର୍ଟର ଅତିରିକ୍ତ ଜିଲ୍ଲା ଓ ଦୌରା ଜର୍ଜ ହୃଷିକେଶ ଆଚାର୍ଯ୍ୟ । ଶ୍ରୀ ଆଚାର୍ଯ୍ୟ ୨୦ ଜଣ ବ୍ୟକ୍ତିଙ୍କ ସାକ୍ଷ୍ୟଗ୍ରହଣ କରିବା ପରେ ଏହି ଘଟଣାରେ ଜଡିତ ୧୭ ଜଣ ଅଭିଯୁକ୍ତଙ୍କୁ ଆଜୀବନ କାରା ଦଣ୍ଡାଦେଶ ସହିତ ୧୦ ହଜାର ଟଙ୍କା ଲେଖାଏଁ ଜୋରିମାନା ପାଇଁ ନିର୍ଦ୍ଦେଶ ଦେଇଛନ୍ତି । ଏହି କେଶକୁ ସରକାରୀ ଓକିଲ ଭାବେ ପରିଚାଳନା କରୁଥିଲେ ଆଇନଜିବୀ ରଜତ କୁମାର ରାଉତ ।

The post ୧୭ ଜଣଙ୍କୁ ଆଜୀବନ ଦଣ୍ଡାଦେଶ ଶୁଣାଇଲେ ଯାଜପୁର ଅତିରିକ୍ତ ଜିଲ୍ଲାଦୌରା ଜଜ । ଦମ୍ପତ୍ତିଙ୍କୁ ପୋଡି ମାରିଥିଲେ ଅଭିଯୁକ୍ତ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ରାଜଧାନୀ ସ୍ଥିତ ୟୁନିଟ୍-୯ସ୍ଥିତ ସରକାରୀ ବାଳକ ଉଚ୍ଚ ବିଦ୍ୟାଳୟରେ ଚାଲିଥିବା ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’ର ଉଦଯାପିତ ହୋଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଯାପନୀ ଉତ୍ସବରେ ଯୋଗ ଦେଇଛନ୍ତି । ଶିଶୁ ଦିବସରୁ ତିନି ଦିନ ଧରି ଚାଲିଥିବା ଏହି ଉତ୍ସବରେ ଛାତ୍ରୀମାନଙ୍କ ବିଭିନ୍ନ ଷ୍ଟଲ ବୁଲି ଦେଖିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି କାର୍ଯ୍ୟକ୍ରମରେ ୩୦ ଜିଲ୍ଲାରୁ ୨ ହଜାରରୁ ଉର୍ଦ୍ଧ୍ୱ ଛାତ୍ରଛାତ୍ରୀ ଯୋଗ ଦେଇଥିଲେ । ୩୫୪୯ ପିଲାଙ୍କୁ ଓଡ଼ିଆ ଭାଷା ବୃତି ପୁରସ୍କାର ପ୍ରଦାନ କରାଯାଇଛି ।

ରାଜ୍ୟର ମେଧାବୀ ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ । ସୁରଭି ସମ୍ମାନରେ ୩୦ ଜଣ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଛି । ସୁରଭିରେ ଅଂଶଗ୍ରହଣ କରିଥିବା ପିଲାମାନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଥିଲେ ମୁଖ୍ୟମନ୍ତ୍ରୀ । ଏହି କାର୍ଯ୍ୟକ୍ରମ ପାଇଁ ସ୍କୁଲ ଓ ଗଣଶିକ୍ଷା ବିଭାଗକୁ ମୁଖ୍ୟମନ୍ତ୍ରୀ ଧନ୍ୟବାଦ ଜଣାଇଛନ୍ତି । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସୁଦାମ ମାର୍ଣ୍ଡି , ବିଦ୍ୟାଳୟ ଓ ଗଣଶିକ୍ଷା ବିଭାଗ ଶାସନ ସଚିବ ଅଶ୍ୱଥୀ ଏସ୍. ଓ ଭୁବନେଶ୍ୱର ଉତର ବିଧାୟକ ସୁଶାନ୍ତ କୁମାର ରାଉତ, ମଧ୍ୟ ବିଧାୟକ ଅନନ୍ତ ନାରାୟଣ ଜେନା ପ୍ରମୁଖ ଉପସ୍ଥିତ ଥିଲେ ।

The post ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’ର ଉଦଯାପିତ । ୩୫୪୯ ପିଲାଙ୍କୁ ଓଡ଼ିଆ ଭାଷା ବୃତ୍ତି ପୁରସ୍କାର ଦେଲେ ମୁଖ୍ୟମନ୍ତ୍ରୀ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କଙ୍ଗାରୁ କୋର୍ଟର ଅଜବ ନିଷ୍ପତ୍ତିି । ଗ୍ରାମସଭାର ନିଷ୍ପତ୍ତିକୁ ପ୍ରତିବାଦ କରିବାରୁ ୧୭ ପରିବାରର କ୍ଷେତରୁ ଧାନ କାଟି ନେଇଗଲେ ଗାଁ ଲୋକେ । ମାଲକାନଗିରି ଜିଲ୍ଲା ମାଥିଲି ବ୍ଲକ ଅନ୍ତର୍ଗତ ଛତିଶଗଡ ସୀମାନ୍ତ କମାରପାଲି ଗାଁରୁ ଆସିଛି ଏମିତି ସାଂଘାତିକ ଅଭିଯୋଗ । କୌଣସି କାରଣରୁ ଗାଁରେ ବସବାସ କରୁଥିବା ୧୭ ପରିବାରଙ୍କ ବିରୋଧରେ ନିଷ୍ପତି ନେଇଥିଲା ଗାଁ କମିଟି । ହେଲେ ନିଷ୍ପତ୍ତିିକୁ ୧୭ ପରିବାର ବିରୋଧ କରିବାରୁ ଗାଁ କମିଟି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି । ସଂପୃକ୍ତ ପରିବାରଙ୍କ ଜମିରେ ଲାଗିଥିବା ଧାନକୁ ଶତାଧିକ ମହିଳାପୁରୁଷ ପଶି କାଟି ପକାଇଛନ୍ତି । ଆଉ ସେସବୁ ଧାନକୁ ଗାଁକୁ ନେଇ ଆସିଛନ୍ତି  । ତେବେ ସର୍ତ ରଖି କହିଛନ୍ତି, ଗାଁ ସଭାର ନିଷ୍ପତିରେ ସହଯୋଗ କଲେ ଧାନ ଫେରାଇବେ । ନଚେତ୍ କଟା ଧାନକୁ ବିକ୍ରି କରିଦେବେ ।

ଏଭଳି ଖବର ସାମନାକୁ ଆସିବା ପରେ ଘଟଣାସ୍ଥଳରେ ମାଥିଲି ପୋଲିସ ପହଞ୍ଚିି ଉଭୟ ପକ୍ଷଙ୍କୁ ବୁଝାବୁଝି କରିଛି । ତେବେ କେଉଁ କାରଣରୁ ଗାଁ ଲୋକେ ୧୭ ପରିବାର ବିରୋଧରେ ଯାଇ ଏପରି ନିଷ୍ପତ୍ତି ନେଇଛନ୍ତି ତାହା ସ୍ପଷ୍ଟ ହୋଇନାହିଁ ।

The post କଙ୍ଗାରୁ କୋର୍ଟର ଅଜବ ନିଷ୍ପତ୍ତି ।  ଗାଁ ସଭାର ରାୟ ନମାନିବାରୁ ୧୭ ପରିବାରର ବିଲରୁ ଧାନ କାଟି ନେଲେ ଲୋକେ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ୧୯୭୦ ଦଶକର ଶେଷ ଭାଗରୁ ୧୯୮୦ ଦଶକର ପ୍ରାରମ୍ଭ ମଧ୍ୟରେ ଉତ୍ତରପ୍ରଦେଶର ଲୋଖାରୀସ୍ଥିତ ଏକ ମନ୍ଦିରରୁ ଚୋରି ହୋଇଥିବା ଅଷ୍ଟମ ଶତାବ୍ଦୀର ଦୁଇଟି ମନ୍ଦିର ମୂର୍ତ୍ତି ଯୋଗିନୀ ଚାମୁଣ୍ଡା ଏବଂ ଯୋଗିନୀ ଗୋମୁଖୀ ଏବେ ଭାରତ ଫେରିବ। ଏହାକୁ ଫେରାଇ ଆଣିବା ଅବସରରେ ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ବୁଧବାର ଲଣ୍ଡନରେ ଏକ ସମାରୋହରେ ଅଧ୍ୟକ୍ଷତା କରିଥିଲେ। ଲଣ୍ଡନସ୍ଥିତ ଭାରତର ବାଣିଜ୍ୟ ଦୂତାବାସ, ଇଣ୍ଡିଆ ପ୍ରାଇଡ୍ ପ୍ରୋଜେକ୍ଟ ଓ ଆର୍ଟ ରିକଭରି ଇଣ୍ଟରନ୍ୟାସନାଲର ମିଳିତ ଉଦ୍ୟମ ଯୋଗୁ ଉକ୍ତ ମୂର୍ତ୍ତି ଫେରସ୍ତ କାର୍ୟ୍ୟ ସମ୍ଭବ ହୋଇପାରିଛି।
ପାଞ୍ଚ ଦିନିଆ ବ୍ରିଟେନ ଗସ୍ତର ଶେଷ ଦିନରେ ଇଣ୍ଡିଆ ହାଉସରେ ଆୟୋଜିତ ଏକ ସମାରୋହରେ ଜୟଶଙ୍କର ମୂର୍ତ୍ତିଗୁଡ଼ିକୁ ଉନ୍ମୋଚନ କରିବା ସହ ଏଗୁଡ଼ିକ ଭାରତକୁ ଅତି ଶୀଘ୍ର ଫେରିବ ବୋଲି ଆଶା ବ୍ୟକ୍ତ କରିଥିଲେ। ସାଂସ୍କୃତିକ ଆଦାନପ୍ରଦାନ ଯେପରି ଆଇନଗତ, ସ୍ୱଚ୍ଛ ଏବଂ ପ୍ରତିଷ୍ଠିତ ନିୟମାବଳୀ ଅନୁଯାୟୀ ସମ୍ପନ୍ନ ହୁଏ ତାହା ସୁନିଶ୍ଚିତ କରିବା ଉପରେ ସେ ଗୁରୁତ୍ୱାରୋପ କରିଥିଲେ। ‘ଯୋଗିନୀ’ ଶବ୍ଦଟି ଯୋଗ କଳାର ନାରୀ ଗୁରୁମାନଙ୍କ ସହିତ ସମ୍ବନ୍ଧିତ। ଲୋଖାରୀ ଭଳି ଯୋଗିନୀ ମନ୍ଦିରରେ ୬୪ ଜଣ ଦିବ୍ୟ ଯୋଗିନୀଙ୍କୁ ଦେବୀ ଭାବରେ ପୂଜା କରାଯାଏ। ଲୋଖାରୀ ମନ୍ଦିରରେ ପ୍ରଥମେ ୨୦ଟି ଯୋଗିନୀ ମୂର୍ତ୍ତି ଥିଲା, ଯେଉଁଥିରେ ପଶୁ ମୁଣ୍ଡ ଥିବା ସୁନ୍ଦରୀ ମହିଳାମାନଙ୍କୁ ଚିତ୍ରିତ କରାଯାଇଥିଲା।

୧୯୭୦ ଦଶକରେ ଏହି ମୂର୍ତ୍ତି ରାଜସ୍ଥାନ ଓ ମହାରାଷ୍ଟ୍ରରୁ ସୁଇଜରଲାଣ୍ଡ ଦେଇ ୟୁରୋପକୁ ଚୋରା ସାମଗ୍ରୀ ଚାଲାଣ କରୁଥିବା କିଛି ଲୁଟେରାଙ୍କ ଶିକାର ହୋଇଥିଲା। ଚୋରମାନେ କେତେ ମୂର୍ତ୍ତି ଚୋରି କରିଥିଲେ ଜଣାନାହିଁ। ସେଥିରୁ କିଛି ଭାଙ୍ଗି ଯାଇଥିଲା ଏବଂ ଅବଶିଷ୍ଟ କ୍ଷତିଗ୍ରସ୍ତ ମୂର୍ତ୍ତିଗୁଡ଼ିକୁ ଗୁପ୍ତଭାବରେ ସ୍ଥାନାନ୍ତର କରି ସ୍ଥାନୀୟ ଗ୍ରାମବାସୀ ଲୁଚାଇ ରଖିଥିଲେ। ଲଣ୍ଡନସ୍ଥିତ ଭାରତୀୟ ହାଇକମିସନ୍‌ର ବାଣିଜ୍ୟ ଓ ଅର୍ଥନୀତିର ପ୍ରଥମ ସଚିବ ଜସପ୍ରୀତ ସିଂହ ସୁଖିଜା ଭାରତର ହଜିଯାଇଥିବା କଳାକୃତିର ପୁନରୁଦ୍ଧାର ପାଇଁ ସମର୍ପିତ ଅନୁଷ୍ଠାନ ଇଣ୍ଡିଆ ପ୍ରାଇଡ୍ ପ୍ରୋଜେକ୍ଟ ସହିତ ପୁନରୁଦ୍ଧାର ପ୍ରକ୍ରିୟାରେ ସକ୍ରିୟ ଭାବେ ନିୟୋଜିତ ଅଛନ୍ତି। ବ୍ରିଟେନରେ ଅବସ୍ଥାପିତ ଭାରତୀୟ ହାଇକମିସନର ବିକ୍ରମ ଦୋରାଇସ୍ୱାମୀ ଏଭଳି ଅବସରରେ ଐତିହ୍ୟକୁ ଏହାର ପ୍ରକୃତ ଉତ୍ପତ୍ତି ସ୍ଥାନକୁ ଫେରାଇ ଆଣିବା ପାଇଁ ଗ୍ରହଣୀୟ ଏବଂ ସୌହାର୍ଦ୍ଦ୍ୟପୂର୍ଣ୍ଣ ସମାଧାନ ଖୋଜିବା ଉପରେ ଗୁରୁତ୍ୱାରୋପ କରିଥିଲେ।

The post ଭାରତ ଫେରିବ ଯୋଗିନୀ ଚାମୁଣ୍ଡା ଓ ଗୋମୁଖୀଙ୍କ ଚୋରି ପଥର ମୂର୍ତ୍ତି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ମଧ୍ୟପ୍ରଦେଶରେ ଆଜି ପଡିବ ପ୍ରଥମ ତଥା ଗୋଟିଏ ପର୍ଯ୍ୟାୟରେ ଭୋଟ୍ । ଏପଟେ ଛତିଶଗଡରେ ମଧ୍ୟ ୨ୟ ପର୍ଯ୍ୟାୟ ପାଇଁ ଆଜି ଭୋଟ ଗ୍ରହଣ କରାଯିବ । ମଧ୍ୟପ୍ରଦେଶରେ ମୋଟ ୨୩୦ ବିଧାନସଭା ଆସନ ପାଇଁ ଗୋଟିଏ ପର୍ଯ୍ୟାୟରେ ଭୋଟ ପଡିବ । ମୋଟ ୨ ହଜାର ୫୩୩ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ଭୋଟର । ମଧ୍ୟପ୍ରଦେଶରେ ୬୪ହଜାର ୬୨୬ ମତଦାନ କେନ୍ଦ୍ରରେ ୫କୋଟି ୬୦ହଜାର ମତଦାତା ମତ ସାବ୍ୟସ୍ତ କରିବେ । ବିଜେପି ଓ କଂଗ୍ରେସ ସମସ୍ତ ଆସନରେ ଜୋରଦାର ଟକ୍କର ହେବ ବୋଲି ଆକଳନ କରାଯାଉଛି ।

ବିଏସପି ୧୮୧ ଆସନ, ସମାଜବାଦୀ ପାର୍ଟି ୭୧ ଆସନ ଓ ଆମଆଦମୀ ପାର୍ଟି ୬୬ ଆସନରେ ଲଢ଼ିବେ । ସକାଳ ୭ଟାରୁ ସଂଧ୍ୟା ୫ଟା ପର୍ଯ୍ୟନ୍ତ ପଡିବ ଭୋଟ । ବିଭିନ୍ନ ପୋଲିଂ ବୁଥରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଏପଟେ ଛତିଶଗଡରେ ଆଜି ଦ୍ୱିତୀୟ ପର୍ଯ୍ୟାୟରେ ପଡିବ ଭୋଟ । ୨୦୧୮ ନିର୍ବାଚନରେ ବିଜେପିର ୧୫ବର୍ଷ ଶାସନକୁ ଧୁଳି ଚଟେଇ ଛତିଶଗଡ ଶାସନ ଗାଦି ହାତେଇଥିଲା କଂଗ୍ରେସ । ନିର୍ବାଚନରେ ଭୋଟରଙ୍କୁ ଆକୃଷ୍ଟ କରିବାକୁ ରାଜନୈତିକ ଦଳଗୁଡ଼ିକ ନିଜର ମଜବୁତ ରଣନୀତି କରିଥିଲେ । କେମିତି ବିରୋଧୀଙ୍କୁ ଚକମା ଦେଇହେବ, ସେଥିପାଇଁ ଯୋଜନା ପ୍ରସ୍ତୁତ କରିଥିଲେ । ପ୍ରଚାର ଓ ନିର୍ବାଚନୀ ଇସ୍ତାହାରରେ ପ୍ରତିଶ୍ରୁତିର ବର୍ଷା ମଧ୍ୟ କରିଥଲେ । ଏସବୁ ଭିତରେ ସମସ୍ତିଙ୍କ ମନରେ ଗୋଟିଏ ପ୍ରଶ୍ନ? ପୁଣି କିଏ ଗାଦିକୁ ଆସିବ? କିଏ ମଧ୍ୟପ୍ରଦେଶ ସରକାର ଗଢ଼ିବ ଓ କିଏ ଛତିଶଗଡରେ କ୍ଷମତା ହାସଲ କରିବ ।

The post ଆଜି ମଧ୍ୟପ୍ରଦେଶର ୨୩୦ ବିଧାନସଭା ଆସନ, ଛତିଶଗଡରେ ଦ୍ୱିତୀୟ ପର୍ଯ୍ୟାୟରେ ବାକି ୭୦ ଆସନ ପାଇଁ ମତଦାନ । ଭୋଟରଙ୍କ ମଧ୍ୟରେ ଉତ୍ସାହ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବଙ୍ଗୋପସାଗରରେ ବଳ ଗୋଟାଇ ଆଗକୁ ବଢ଼ୁଥିବା ଗଭୀର ଅବପାତ କିଛି ଘଂଟା ଭିତରେ ବାତ୍ୟାର ରୂପ ନେଇପାରେ । ଆଇଏମଡିର ଆକଳନ ଅନୁସାରେ ଗଭୀର ଅବପାତ ଉତ୍ତର-ଉତ୍ତର-ପୂର୍ବ ଦିଗରେ ଗତି କରି ଆସନ୍ତା ୧୨ ଘଂଟା ଭିତରେ ଘନୀଭୂତ ହୋଇ ବାତ୍ୟାର ରୂପ ନେବ । ବାତ୍ୟା ଧିରେ ଧିରେ ଉପକୂଳ ମୁହାଁ ହୋଇ ସମୁଦ୍ର ଭିତରେ ବାଂଲାଦେଶ ଆଡକୁ ଗତି କରିବ । ୧୮ତାରିଖ ସକାଳ ସୁଦ୍ଧା ବାଂଲାଦେଶର ମଂଗ୍ଲା ଓ ଖେପୁପରା ମଧ୍ୟଦେଇ ସ୍ଥଳଭାଗ ଅତିକ୍ରମ କରିବ । ଏହି ସମୟରେ ପବନର ବେଗ ଘଣ୍ଟା ପ୍ରତି ୬୦ରୁ ୭୦ କିଲୋମମିଟର ଓ ସର୍ବାଧିକ ଘଣ୍ଟାପ୍ରତି ୮୦ କିଲୋମିଟର ବେଗରେ ପବନ ବହିବା ସମ୍ଭାବନା ରହିଛି ।

ତେବେ ଏହାର ପ୍ରଭାବ ସିଧାସଳଖ ଓଡିଶା ଉପରେ ପଡିବ ନାହିଁ । ଉପକୂଳ ଓଡିଶାର କିଛି ଅଂଚଳରେ ବର୍ଷା ହୋଇଛି । ଆଜି କେନ୍ଦ୍ରାପଡା, ଜଗତସିଂହପୁରର ଗୋଟିଏରୁ ଦୁଇଟି ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି । ୧୮ତାରିଖରେ ବାଲେଶ୍ୱର, ଭଦ୍ରକ, ମୟୂରଭଞ୍ଜ, କେନ୍ଦୁଝର, ଯାଜପୁର ଜିଲ୍ଲାର ଗୋଟିଏ ଦୁଇଟି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଥିବା ପାଣିପାଗ ବିଭାଗ ଆକଳନ କରିଛି । ୧୯ତାରିଖରୁ ପାଗରେ ପରିବର୍ତନ ହୋଇ ଶୁଖିଲା ରହିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି ।

ଧାନ ଅମଳ ସମୟରେ ବର୍ଷା ହେବାର ସମ୍ଭାବନା ଥିବାରୁ ଚାଷୀଙ୍କୁ ସତର୍କ ରହିବାକୁ କୁହାଯାଇଛି । ଉପକୂଳ ଓଡିଶାର ଜମିରେ ଥିବା ପାଚିଲା ଧାନ ଓ ପନିପରିବାକୁ ଅମଳ କରି ସୁରକ୍ଷିତ ସ୍ଥାନକୁ ନେଇଯିବାକୁ ପରାମର୍ଶ ଦିଆଯାଇଛି । ଏଥିସହ ବନ୍ଦର ଗୁଡିକରେ ୧ନମ୍ବର ବିପଦ ସଂକେତ ଜାରି କରାଯାଇଛି । ମତ୍ସ୍ୟଜୀବୀମାନଙ୍କୁ କୂଳକୁ ଫେରି ଆସିବାକୁ କୁହାଯାଇଛି ।

The post କିଛି ଘଣ୍ଟା ମଧ୍ୟରେ ବାତ୍ୟାର ରୂପ ନେବ ବଙ୍ଗୋପସାଗରରେ ଥିବା ଗଭୀର ଅବପାତ । ବାଂଲାଦେଶ ଉପକୂଳରେ କାଲି ଛୁଇଁବ ସ୍ଥଳଭାଗ ଓଡିଶା ଉପରେ ପଡିବନି ବିଶେଷ ପ୍ରଭାବ  । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ନଭେମ୍ବର ୧୨ ରୁ ଉତ୍ତରାଖଣ୍ଡର ଉତ୍ତରକାଶୀରେ ନିର୍ମାଣାଧୀନ ଟନେଲ ଭୁଶୁଡ଼ିବା ଘଟଣାରେ ଚାଲିଛି ଉଦ୍ଧାର କାର୍ଯ୍ୟ । ଭିତରେ ଫସି ରହିଥିବା ୪୦ ଜଣ ଶ୍ରମିକଙ୍କୁ ଉଦ୍ଧାର କରିବା ପାଇଁ ବ୍ୟବହାର ହୋଇଛି ‘ଆମେରିକୀୟ ଅଗର’ ମେସିନ୍ । ଏହି ମେସିନକୁ ଦିଲ୍ଲୀରୁ ଉତ୍ତରାଖଣ୍ଡକୁ ବାୟୁସେନାର ହର୍କ୍ୟୁଲସ୍ ବିମାନ ଦ୍ୱାରା ଅଣାଯାଇଛି । ଶ୍ରମିକଙ୍କ ଉଦ୍ଧାର କାର୍ଯ୍ୟ ସମ୍ପର୍କରେ ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ ମୁଖ୍ୟ ଅତୁଲ କରୱାଲଙ୍କ ସହ ଏଥିପାଇଁ ଏକ ବିଶେଷ ଆଲୋଚନା କରିଥିଲା । କରୱାଲ କହିଛନ୍ତି ଯେ ୧୨ ରୁ ୧୫ ଘଣ୍ଟା ମଧ୍ୟରେ ଶ୍ରମିକମାନଙ୍କୁ ନିରାପଦରେ ସ୍ଥାନାନ୍ତର କରାଯାଇପାରିବ ବୋଲି ଆଶା କରାଯାଉଛି ।

ଅଧିକାରୀମାନେ ପଥରରେ ଏକ ଗାତ ଖୋଳିବାକୁ ଏବଂ ୮୦ ମିଲିମିଟର ଗାତ ଖୋଳିବାକୁ ଯୋଜନା କରୁଛନ୍ତି ଯାହା ୩ ଫୁଟରୁ କମ୍ ରହିବ । ଓଡ଼ିଶାର ୫ ଶ୍ରମିକଙ୍କ ସମେତ ୪୦ ଜଣ ଶ୍ରମିକ ଭଗ୍ନାବଶେଷ ଭିତରେ ଫସି ରହିଛନ୍ତି । ଶ୍ରମିକମାନଙ୍କୁ ଖାଦ୍ୟ ଓ ଔଷଧ ଯୋଗାଇ ଦିଆଯାଉଛି । ଉଦ୍ଧାରକାରୀ ଦଳ ଶ୍ରମିକମାନଙ୍କ ସହ ନିୟମିତ ଯୋଗାଯୋଗ ରଖୁଛନ୍ତି, ଯାହାଦ୍ୱାରା ସେମାନଙ୍କ ଉତ୍ସାହ ଅତୁଟ ରହିବ । ୨୦୧୮ରେ ଥାଇଲାଣ୍ଡର ଏକ ଗୁମ୍ଫାରେ ଫସି ରହିଥିବା ଶିଶୁମାନଙ୍କୁ ସଫଳତାର ସହ ଉଦ୍ଧାର କରିଥିବା ଥାଇଲାଣ୍ଡ ଓ ନରୱେର ବିଶେଷଜ୍ଞ ଟିମ୍ ଏବେ ଚାଲିଥିବା ଉଦ୍ଧାର କାର୍ଯ୍ୟରେ ଭିଡିଓ କନ୍ଫରେନ୍ସିଂ ମାଧ୍ୟମରେ ସାମିଲ ହୋଇଛନ୍ତି ।

ଶ୍ରମିକମାନେ ଟନେଲରୁ ପାଇପ ଯୋଗେ ବାହାରିବେ ବୋଲି ଜଣାପଡିଛି । ରବିବାର ଦିନ ଆରମ୍ଭ ହୋଇଥିବା ଉଦ୍ଧାର କାର୍ଯ୍ୟ ସମୟରେ ଟନେଲର ଛାତର ଏକ ଅଂଶ ଗୁମ୍ଫା ହେବା ପରେ ଉପରୁ ମାଟି ଖସିଯିବାରୁ ମଧ୍ୟଭାଗରେ କାମ ବନ୍ଦ କରିବାକୁ ପଡିଥିଲା । ଅଧିକାରୀଙ୍କ ଅନୁଯାୟୀ, ପ୍ରଥମେ ଆବର୍ଜନାଗୁଡିକର ଘନତା ୪୦ ରୁ ୫୦ ମିଟର ଥିଲା, ଯାହା ଏବେ ୭୦ ମିଟରକୁ ବୃଦ୍ଧି ପାଇଛି ।

The post ପାଇପ୍ ଯୋଗେ ଉତ୍ତରାଖଣ୍ଡରେ ଫସି ରହିଥିବା ଶ୍ରମିକ ବାହାରିବେ । ଭିଡିଓ କନଫରେନସିଂ ଜରିଆରେ ସାମିଲ ହୋଇଛି ଥାଇଲାଣ୍ଡ ଓ ନରୱେର ବିଶେଷଜ୍ଞ ଟିମ୍ । first appeared on Kanak News.

from Kanak News
via <a href="https://ifttt.com/?