କନକ ବ୍ୟୁରୋ: ନିର୍ବାଚନ ଆସିଲେ ଜନତାଙ୍କୁ ନେତା ଦିଅନ୍ତି ଅନେକ ପ୍ରତିଶ୍ରୁତି । ଆମ ଦେଶର ରାଜନୀତିରେ ଏହା କିଛି ନୂଆ ନୁହେଁ । ଆଗକୁ ଲୋକସଭା ନିର୍ବାଚନ । ଏହାପୂର୍ବରୁ ଅର୍ଥାତ ଏବେ ୫ ରାଜ୍ୟର ବିଧାନସଭା ନିର୍ବାଚନ ପାଇଁ ମତଦାନ ଚାଲିଛି । ଏହି ସମୟରେ କଂଗ୍ରେସର ଶୀର୍ଷ ନେତା ରାହୁଲ ଗାନ୍ଧୀଙ୍କୁ ଭିନ୍ନ ଅବତାରରେ ଦେଖିବାକୁ ମିଳିଛି । ଦୁଇଟି ଚିତ୍ର ଆମେ ଆପଣଙ୍କ ସାମ୍ନାରେ ରଖୁଛୁ । ଗୋଟିଏ ଛତିଶଗଡର ଚାଷ ଜମିରେ । ଅନ୍ୟଟି କେଦାରନାଥରେ ମୌନି ବାବାଙ୍କ ନିକଟରେ । ଛତିଶଗଡରେ ନିର୍ବାଚନ ଚାଲିଛି । କିଛି ଦିନ ପୂର୍ବରୁ ରାହୁଲ ଗାନ୍ଧୀ କଠିଆ ନାମକ ଏକ ଗାଁକୁ ଯାଇଥିଲେ । ଯେଉଁଠି ଚାଷୀ ଜମିରେ ଚାଷ ଅମଳ କରୁଥିଲେ । ରାହୁଲ ଗାନ୍ଧୀ ମଧ୍ୟ ସିଧା ଚାଷ ଜମିକୁ ଯାଇଥିଲେ । ଆଉ ଧାନ କିପରି କଟାଯାଉଛି ଦେଖିଥିଲେ । ବିଲରେ ଚାଷୀଙ୍କ ସହ ଥିବା ବେଳେ ନିଜେ ମଧ୍ୟ ମୁଣ୍ଡରେ ଠେକା ଭିଡିଥିଲେ । ଏହି ସମୟରେ ଛତିଶଗଡର ବାଘେଲ ସରକାର ସମୟରେ ଚାଷୀ ଉପକୃତ ହୋଇଥିବା କଥା କହିଥିଲେ । ଫସଲର ସଂପୂର୍ଣ୍ଣ ମୂଲ୍ୟ ଏବଂ ଆର୍ଥିକ ସହାୟତା ସେମାନଙ୍କ ଜୀବନରେ ପରିବର୍ତନ ଆଣିଛି ବୋଲି ଚାଷୀ କହିଥିଲେ ବୋଲି ଜଣାପଡିଛି ।

ସେହିପରି ଅନ୍ୟଟି ହେଉଛି କେଦାରନାଥର ମୌନି ବାବାଙ୍କର । ମୌନୀ ବାବା ଦୀର୍ଘ ୧୧ ବର୍ଷ ହେବ ମୌନୀ ରହିଛନ୍ତି । ରାହୁଲ ଗାନ୍ଧୀ ବେକରେ ମାଳ ଓ ମଥାରେ ଚନ୍ଦନ ଲଗାଇ ବାବାଙ୍କ ନିକଟରେ ବସିଛନ୍ତି । ଏହି ସମୟରେ ମୋବାଇଲ ଖୋଲି ଭଉଣୀ ପ୍ରିୟଙ୍କା ଗାନ୍ଧୀଙ୍କ ଫଟୋ ଦେଖାଉଛନ୍ତି । ମୌନୀ ବାବା ଏହାପରେ ଆଶୀର୍ବାଦ ଦେଉଛନ୍ତି । ଆଗକୁ ସାଧାରଣ ନିର୍ବାଚନ ରହିଛି । ବିଜେପି ହିନ୍ଦୁ ଭୋଟରଙ୍କୁ ପୁଞ୍ଜି କରିଥିବା ବେଳେ କଂଗ୍ରେସ ମଧ୍ୟ ହିନ୍ଦୁ ଭୋଟରଙ୍କୁ ନିଜ ଆଡକୁ ନେବାକୁ ଜୋରଦାର ପ୍ରୟାସ କରୁଛି । ଏହି ସମୟରେ ରାହୁଲ ଗାନ୍ଧୀଙ୍କ ବାବାଙ୍କ ସହ ଭେଟଘାଟ ଭିନ୍ନ ଚର୍ଚ୍ଚା ବଢାଇଛି ।

The post କେଦାରନାଥ ମୌନୀ ବାବାଙ୍କ ସହ କଂଗ୍ରେସ ନେତା ରାହୁଲ ଗାନ୍ଧୀ । ନିର୍ବାଚନ ପୂର୍ବରୁ ହିନ୍ଦୁଙ୍କ ମନ କିଣିବାକୁ ଚେଷ୍ଟା କରୁଥିବା ହେଉଛି ଚର୍ଚ୍ଚା । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ଭାରତର ପ୍ରମୁଖ ସାମ୍ବାଦିକତା ଶିକ୍ଷାନୁଷ୍ଠାନ ଆଇଆଇଏମସିର ମହା ନିର୍ଦ୍ଦେଶକ ପ୍ରଫେସର ସଞ୍ଜୟ ଦ୍ୱିବେଦୀଙ୍କ ଯୋଗ୍ୟତାକୁ ନେଇ ଦିଲ୍ଲୀ ହାଇକୋର୍ଟରେ ହୋଇଥିବା ଆବେଦନକୁ କୋର୍ଟ ଖାରଜ କରିଦେଇଛନ୍ତି । କୋର୍ଟ କହିଛନ୍ତି କି, ସାମ୍ବାଦିକତାରେ କ୍ୟାରିଅର କରିବାକୁ ହେଲେ କୌଣସି ନିର୍ଦ୍ଧିଷ୍ଟ ଯୋଗ୍ୟତାର ଆବଶ୍ୟକତା ନାହିଁ।

ଜୁଲାଇ ୨୦୨୦ରେ ସଞ୍ଜୟ ଦ୍ବିବେଦୀ ସରକାରଙ୍କ ଦ୍ୱାରା ଆଇଆଇଏମସି ମହାନିର୍ଦେଶକ ଭାବେ ନିଯୁକ୍ତ ହୋଇଥିଲେ । ହେଲେ ସେ ଏହି ପଦବୀ ପାଇଁ ସମସ୍ତ ଯୋଗ୍ୟତା ରଖୁ ନାହାନ୍ତି ଓ ଅନେକ ଅପରାଧିକ ମାମଲା ସହ ଜଡିତ ଦର୍ଶାଇ ଡା. ଆଶୁତୋଷ ମିଶ୍ର ତାଙ୍କ ବିରୋଧରେ ଅଭିଯୋଗ ଆଣିଥିଲେ ।

ଦିଲ୍ଲୀ ହାଇକୋର୍ଟ ମୁଖ୍ୟ ବିଚାରପତି ସତୀଶ ଚନ୍ଦ୍ରଶେଖର ବର୍ମା ଓ ବିଚାରପତି ସୁବ୍ରମଣ୍ୟମ ପ୍ରସାଦଙ୍କୁ ନେଇ ଗଠିତ ଖଣ୍ଡପୀଠ, ଜଣିକିଆ ଖଣ୍ଡପୀଠଙ୍କ ରାୟ ବିରୁଦ୍ଧରେ ହୋଇଥିବା ଆବେଦନକୁ ଖାରଜ କରିଛନ୍ତି । କୋର୍ଟ କହିଛନ୍ତି କି, ଯେଭଳି ଭାବେ ଡାକ୍ତର ଓ ଓକିଲ ହେବା ପାଇଁ ନିର୍ଦ୍ଧିଷ୍ଠ ଯୋଗ୍ୟତାର ଆବଶ୍ୟକତା ରହିଛି ସେହିଭଳି ଭାବେ ସାମ୍ବାଦିକ ହେବା ପାଇଁ କୌଣସି ନିର୍ଦ୍ଧିଷ୍ଠ ଯୋଗ୍ୟତାର ଆବଶ୍ୟକ ନାହିଁ ।

ତେବେ ୨୦୧୯ ରେ ଆଇଆଇଏମସି ନିର୍ଦ୍ଦେଶକ ପଦବୀ ପାଇଁ ଦିଆଯାଇଥିବା ବିଜ୍ଞାପନ ଓ ସଞ୍ଜୟ ଦ୍ବିବେଦୀଙ୍କର ବାୟୋଡାଟା ତଥା ସବୁ ଯୋଗ୍ୟତା ବିବରଣୀ ଯାଞ୍ଚ କରିବା ପରେ ଦ୍ବିବେଦୀଙ୍କ ନିଯୁକ୍ତି ନିର୍ଦ୍ଧାରିତ ନିୟମ ଅନୁସାରେ ହୋଇଥିବାର ପ୍ରମାଣ ଦେଖି ହାଇକୋର୍ଟ ଏହି ଅଭିଯୋଗକୁ ଖାରଜ କରିଛନ୍ତି ।

The post ଚର୍ଚ୍ଚାରେ ଦିଲ୍ଲୀ ହାଇକୋର୍ଟଙ୍କ ରାୟ । କହିଲେ, ସାମ୍ବାଦିକତା ପେଶା ପାଇଁ ଲୋଡାନାହିଁ କୌଣସି ନିର୍ଦ୍ଧିଷ୍ଠ ଯୋଗ୍ୟତ first appeared on Kanak News.

from Kanak News
via <a href="https://ifttt.com/?

ମହମ୍ମଦ ଶାମି: ମୁମ୍ବାଇରେ ଖେଳାଯାଇଥିବା ବିଶ୍ୱକପ ସେମିଫାଇନାଲରେ ନ୍ୟୁଜିଲ୍ୟାଣ୍ଡ ବିପକ୍ଷରେ ୭ ୱିକେଟ୍ ନେଇ ଦ୍ରୁତ ବୋଲର ମହମ୍ମଦ ଶାମି ପ୍ରଶଂସକମାନଙ୍କ ମନରେ ଖୁସିର ଲହରୀ ଆଣିଦେଇଛନ୍ତି ।  ODI କ୍ରିକେଟରେ ଚତୁର୍ଥ ଥର ପାଇଁ ୫ ଟି  ୱିକେଟ୍ ନେଇ ଶାମି ପ୍ରଥମ ବୋଲର ଭାବେ ସାମିଲ ହୋଇଛନ୍ତି । ଏହା ବ୍ୟତୀତ ସେ ପ୍ରଥମ ଭାରତୀୟ ବୋଲର ଭାବେ ବିଶ୍ୱକପରେ ୫୦ ୱିକେଟ୍ ନେଇଛନ୍ତି ।

ଶାମି … ଶାମି … ଶାମି … ଗତକାଲି ବମ୍ବେର ୱାନଖାଡେ ଷ୍ଟାଡିଅମରେ ଏହି ନାଁ ଚାରିଆଡେ ଗୁଞ୍ଜରିତ ହେଉଥିଲା । କିନ୍ତୁ ଏମିତି ବି ଦିନ ଥିଲା ଯେ ଶାମି ୧୯ ମହଲରୁ ଡେଇଁ ଆତ୍ମହତ୍ୟା କରିବାକୁ ବାହାରିଥିଲେ ।

ଆସନ୍ତୁ ଜାଣିବା ଏମିତି କିଛି ଅଜଣା କଥା ଯାହା ଆଗାମୀ ଏକ ପୁସ୍ତକରେ ପ୍ରକାଶିତ ହେବାକୁ ଯାଉଛି ।

ଉତ୍ତରପ୍ରଦେଶର ଆମ୍ରୋହର ପୁଅ ମହମ୍ମଦ ଶାମିଙ୍କ ସଫଳତା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କିନ୍ତୁ ଏହି ସଫଳତା ପଚାରେ ଥିବା ତାଙ୍କ ସଂଘର୍ଷ ବିଷୟରେ ଖୁବ କମ ଲୋକ ଜାଣିଥିବେ ।  ତାଙ୍କର ସଂଘର୍ଷମୟ ଜୀବନ ଉପରେ ଖୁବ ଶୀଘ୍ର ଏକ ପୁସ୍ତକ ପ୍ରକାଶିତ ହେବାକୁ ଯାଉଛି । ଖାନପୁର, ଉତ୍ତରପ୍ରଦେଶର ସ୍ୱାଧୀନ ବିଧାୟକ ଉମେଶ କୁମାର ଏବେ ମହମ୍ମଦ ଶାମିଙ୍କ ଏହି ଯାତ୍ରାକୁ ଶବ୍ଦରେ ବର୍ଣ୍ଣନା କରିବେ । ପୁସ୍ତକର ନାମ- ’30 ଡେଜ ଉଇଥ ଶାମି’ ରହିଛି ।

ବିଧାୟକ ଉମେଶ କୁମାର ଏହା ଉପରେ ସୂଚନା ଦେଇଛନ୍ତି ଶାମିଙ୍କ ଜୀବନର ସେହି  ଏକ ମାସ ଉପରେ ମୁଁ ଏ ପୁସ୍ତକ ଲେଖୁଛି ଯେତେବେଳେ ଏହି ଯୁବକ ପାକିସ୍ତାନ ସହିତ ଫିକ୍ସିଂ କରିଥିବା ଅଭିଯୋଗରେ ଅପମାନିତ ହୋଇ ଦୁଇ ଦୁଇଥର ଆତ୍ମହତ୍ୟା ଉଦ୍ୟମ କରିଥିଲା ।  ସେହି ଗୋଟିଏ ମାସ ଯେତେବେଳେ ଏହି ବାଳକ ପ୍ରତିଦିନ ମରି ମରି ବଞ୍ଚୁଥିଲା । ସେହି ଗୋଟିଏ ମାସ ଯେତେବେଳେ ସେ ମୋ ଘରର ୧୯ ମହଲାରୁ ଡେଇଁ ଆତ୍ମହତ୍ୟା କରିବାକୁ ଚାହୁଁଥିଲା ।  ବହିର ନାମ ହେଉଛି- ’30 ଡେଜ ଉଇଥ ଶାମି’ ।

ନିଜ ସ୍ତ୍ରୀ ବଳତ୍କାରର ଅଭିଯୋଗ କରିଥିଲେ 

କେବଳ ଏତିକି ନୁହେଁ ବିଶ୍ୱକପ୍‌ରେ ହଡକମ୍ପ ମଚେଇଥିବା ଦ୍ରୁତ ବୋଲର ମହମ୍ମଦ ଶାମିଙ୍କ ସହ ଏକ ଫଟୋ ସେୟାର କରି ବିଧାୟକ ଲେଖିଛନ୍ତି ଯେ ଇଏ ସେହି ଶାମି ଯାହାଙ୍କ ବିରୋଧରେ ତାଙ୍କ ପତ୍ନୀ ବଳାତ୍କାର ଓ ଯୌତୁକ ମାମଲା ଦାୟର କରିଥିଲେ । ଇଏ ସେହି ଲୋକ ଯାହାଙ୍କ ଉପରେ ତାଙ୍କ ପତ୍ନୀ ପାକିସ୍ତାନ ସହ ମ୍ୟାଚ୍ ଫିକ୍ସିଂ ପାଇଁ ଟଙ୍କା ନେଇଥିବାର ଅଭିଯୋଗ କରି ତଦନ୍ତ ଆରମ୍ଭ କରାଇଥିଲେ । ଇଏ ହେଉଛନ୍ତି ସେହି ଶାମି ଯାହାଙ୍କ ବିରୋଧରେ ଷଡଯନ୍ତ୍ର କରି ତାଙ୍କ ମା, ଭଉଣୀ ଏବଂ ଭାଇଙ୍କୁ ଜେଲକୁ ପଠାଇବା ପାଇଁ ବ୍ୟବସ୍ଥା କରାଯାଇଥିଲା । ଇଏ ସେହି ଯୁବକ  ଯିଏ ମିଥ୍ୟା ଅଭିଯୋଗ ହେତୁ ବିଶ୍ୱକପ ଆରମ୍ଭ ହେବାର ଦୁଇ ଦିନ ପୂର୍ବରୁ କୋଲକାତା କୋର୍ଟର କାଠଗଡାରେ ଅପରାଧୀଙ୍କ ପରି ଠିଆ ହୋଇ ଜାମିନ ମାଗିଥିଲା । କାହାଣୀ ଏତିକି ନୁହେଁ ବନ୍ଧୁଗଣ । ଆହୁରି ବହୁତ ବାକି ଅଛି ପଢିବା ପାଇଁ ।

The post ଶାମି ଯେବେ ୧୯ ମହଲାରୁ ଡେଇଁ ଆତ୍ମହତ୍ୟା କରିବାକୁ ବାହାରିଥିଲେ !!! !!!!!! first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: କୋରାପୁଟ ଜିଲ୍ଲା ଜରତି ଷ୍ଟେସନ ନିକଟର ରେଳ ଲାଇନରେ ମୃତଦେହ ପଡ଼ିଛି । ଖଣ୍ଡ ବିଖଣ୍ଡିତ ହୋଇ ପଡ଼ିଛି ମୃତଦେହ । ସେମାନଙ୍କର ପରିଚୟ ମିଳିନାହିଁ । ରେଳ ଦୁର୍ଘଟଣାରେ ସେମାନଙ୍କର ମୃତ୍ୟୁ ହୋଇଛି ନା ଆତ୍ମହତ୍ୟା ଅସ୍ପଷ୍ଟ ରହିଛି । ଘଟଣାସ୍ଥଳରେ ଜିଆରପି ପହଞ୍ଚି ତନାଘନା ତଦନ୍ତ କରୁଛି ।

The post ରେଳ ଲାଇନରେ ପଡ଼ିଛି ୨ ଜଣଙ୍କ ମୃତଦେହ । ମିଳିନି ପରିଚୟ, ଦୁର୍ଘଟଣାରେ ମୃତ୍ୟୁ ନା ଆତ୍ମହତ୍ୟା ହୋଇନି ସ୍ପଷ୍ଟ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବାତ୍ୟାର ରୂପ ନେଇପାରେ ବଙ୍ଗୋପସାଗରରେ ସୃଷ୍ଟ ଗଭୀର ଅବପାତ । ୧୮ ତାରିଖ ସକାଳ ବେଳକୁ ବାତ୍ୟାର ରୂପ ନେବା ସମ୍ଭାବନା ରହିଛି । ଉପକୂଳ ମୁହାଁ ହେଲା ବେଳକୁ ଏହା ଦୁର୍ବଳ ହୋଇ ବାଂଲାଦେଶର ମୋଙ୍ଗଲା ଓ ଖେପୁପରା ନିକଟରେ ସ୍ଥଳଭାଗ ଅତିକ୍ରମ କରିପାରେ । ଏହାର ସିଧାସଳଖ ପ୍ରଭାବ ଓଡ଼ିଶା ଉପରେ ପଡ଼ିବ ନାହିଁ ବୋଲି ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର ସୂଚନା ଦେଇଛନ୍ତି । ହେଲେ ଏହାର ପ୍ରଭାବରେ ଆଜି ଓ ଆସନ୍ତାକାଲି ଦୁଇ ଦିନ ଉତର ଏବଂ ଉପକୂଳ ଓଡ଼ିଶାରେ ବର୍ଷା ହେବାର ସମ୍ଭାବନା ରହିଛି ।

ପୁରୀ, କେନ୍ଦ୍ରାପଡା, କଟକ, ଜଗତସିଂହପୁର, ଭଦ୍ରକ, ବାଲେଶ୍ୱର ଜିଲ୍ଲାରେ ପ୍ରବଳ ବର୍ଷା ହୋଇପାରେ । ଏସବୁ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ସେହିପରି ଗଞ୍ଜାମ, ଜଗତସିଂହପୁର, ଭଦ୍ରକ, ଖୋର୍ଦ୍ଧା, ବାଲେଶ୍ୱର, ଯାଜପୁର, ଗଜପତି, ଢେଙ୍କାନାଳ, ମୟୂରଭଂଜ, କେନ୍ଦୁଝର, କନ୍ଧମାଳ, ରାୟଗଡ଼ା ଜିଲ୍ଲାର କିଛି ସ୍ଥାନରେ ବର୍ଷା ହୋଇପାରେ । ମାଲକାନଗିରି, କୋରାପୁଟ, ବୌଦ୍ଧ, ଅନୁଗୁଳ, କଳାହାଣ୍ଡି ଜିଲ୍ଲାର ଗୋଟିଏ ଦୁଇଟି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ସେହିପରି ଆସନ୍ତା କାଲି ବାଲେଶ୍ୱର ଓ ଭଦ୍ରକ ଜିଲ୍ଲାର ଗୋଟିଏ ଦୁଇଟି ସ୍ଥାନରେ ପ୍ରବଳରୁ ଅତିପ୍ରବଳ ବର୍ଷା ପାଇଁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।

The post ବାତ୍ୟାର ରୂପ ନେଇପାରେ ଗଭୀର ଅବପାତ । ଆଇଏମଡି ଡିଜି କହିଲେ, ଓଡ଼ିଶା ଉପରେ ପଡ଼ିବନି ସିଧାସଳଖ ପ୍ରଭାବ । first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ : ରାଜସ୍ଥାନ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଭାରତୀୟ ଜନତା ପାର୍ଟି ରାଜ୍ୟରେ ଘୋଷଣାପତ୍ର ଜାରି କରିଛି । ଏହି ଅବସରରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା କହିଛନ୍ତି ଯେ, ରାଜ୍ୟର ୧ କୋଟି ଭୋଟରଙ୍କ ମତ ନେବା ପରେ ଦଳ ଏହି ଘୋଷଣାପତ୍ର ପ୍ରସ୍ତୁତ କରିଛି ।
କ’ଣ ରହିଛି ପ୍ରତିଶ୍ରୁତି
ରାଜ୍ୟର ପ୍ରତି ଜିଲ୍ଲାରେ ମହିଳା ଥାନା ନିର୍ମାଣ
ପ୍ରତି ଜିଲ୍ଲାରେ ଆଣ୍ଟି ରୋମିଓ ସ୍କ୍ୱାର୍ଡ
ପିଲା ଜନ୍ମହେବା ପରେ ତୁରନ୍ତ ସେଭିଙ୍ଗ ବଣ୍ଡ
ମୁଖ୍ୟମନ୍ତ୍ରୀ ମାଗଣା ସ୍କୁଟି ଯୋଜନା
ଗରିବ ମହିଳାଙ୍କୁ ୪୫୦ ଟଙ୍କାରେ ଗ୍ୟାସ ସିଲିଣ୍ଡର
ଦୁର୍ନୀତିକୁ ନେଇ ସ୍ୱତନ୍ତ୍ର ଯାଂଚ ଟିମ୍ ଗଠନ
୫ଲକ୍ଷ ବେକାର ଯୁବବର୍ଗଙ୍କୁ ଭୋକେସନାଲ ଟ୍ରେନିଂ
୫ ବର୍ଷରେ ୨.୫ ଲକ୍ଷ ସରକାରୀ ନିଯୁକ୍ତି

#WATCH | Jaipur | BJP national president JP Nadda releases party’s ‘Sankalp Patra’ for the upcoming assembly elections in Rajasthan. pic.twitter.com/VAksYc3sK0

— ANI (@ANI) November 16, 2023

https://platform.twitter.com/widgets.js

ରାଜସ୍ଥାନ ବିଜେପିର ଘୋଷଣାପତ୍ର ଜାରି ଅବସରରେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରାରାଜେ ସିନ୍ଧିଆ ମଧ୍ୟ ଉପସ୍ଥିତ ଥିଲେ । ଏହି ଅବସରରେ ଜେପି ନଡ୍ଡା କଂଗ୍ରେସ ଉପରେ ପ୍ରବଳ ବର୍ଷିଛନ୍ତି । ଅସହାୟ ପେନସନ୍ ଯୋଜନାରେ କଂଗ୍ରେସ ୪୫୦ କୋଟି ଟଙ୍କା ଦୁର୍ନୀତି କରିଛି ବୋଲି ସେ ଅଭିଯୋଗ କରିଛନ୍ତି । ନଡ୍ଡା କହିଛନ୍ତି ଯେ କଂଗ୍ରେସ ସରକାର ରାଜ୍ୟର କୃଷକମାନଙ୍କୁ ଋଣ ଛାଡ କରିବାକର ପ୍ରତିଶ୍ରୁତି ଦେଇ ସେମାନଙ୍କୁ ଠକି ଦେଇଛି । ଏହାସହ ଅଶୋକ ଗେହଲଟଙ୍କ ଭାଇ ଫର୍ଟିଲାଇଜର ଦୁର୍ନୀତି କରିବା ସହ ରାଜ୍ୟରେ ପଛୁଆବର୍ଗଙ୍କୁ ନିର୍ଯ୍ୟାତନା ଦିଆଯାଉଥିବା କଥା ସେ ଅଭିଯୋଗ କରିଛନ୍ତି ।

The post ରାଜସ୍ଥାନରେ ବିଜେପି ଜାରିକଲା ଘୋଷଣାପତ୍ର । ୪୫୦ ଟଙ୍କାରେ ମିଳିବ ଏଲପିଜି ସିଲିଣ୍ଡର, ୨.୫ ଲକ୍ଷ ନୂଆ ନିଯୁକ୍ତି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ‘ଓ’ ପଜିଟିଭ୍ ରୋଗୀଙ୍କୁ ଦିଆଗଲା ‘ବି’ ପଜିଟିଭ୍ ରକ୍ତ । ଭୁଲ ରକ୍ତ ଦେବା ଯୋଗୁ ଥରିଲା ରୋଗୀଙ୍କ ଦେହ । ଘଟଣା ଘଟିଛି ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟରେ । ଏମକେସିଜି ସ୍ୱୟଂଶାସିତ ମହାବିଦ୍ୟାଳୟର ଭେଙ୍କେଟେଶ୍ୱର ବେହେରା ନାମକ ଜଣେ କର୍ମଚାରୀ ହସ୍ପିଟାଲରେ ଭର୍ତ୍ତି ହୋଇଥିଲେ । ରକ୍ତହୀନତା ଶିକାର ହୋଇଥିବାରୁ ତାଙ୍କୁ ତିନିଟି ରକ୍ତ ଆବଶ୍ୟକ ଥିଲା । ଦୁଇଟି ‘ଓ’ ପଜିଟିଭ୍ ରକ୍ତ ଦିଆଯିବା ପରେ ତୃତୀୟ ରକ୍ତ ‘ବି’ ପଜିଟିଭ୍ ଦିଆଯାଇଥିଲା । ଫଳରେ ରୋଗୀଙ୍କ ଦେହ ଥରିଥିଲା । ଏନେଇ ରୋଗୀଙ୍କ ସଂପର୍କରେ ନର୍ସଙ୍କୁ ଜଣାଇବା ପରେ ରକ୍ତ ବନ୍ଦ କରାଯାଇଥିଲା । ଯାଞ୍ଚ ପରେ ତାଙ୍କୁ ଭୁଲ ରକ୍ତ ଦିଆଯାଇଥିବା ଜଣାପଡ଼ିଥିଲା । ଏବେ ଭେଙ୍କେଟେଶ୍ୱରଙ୍କ ସ୍ୱାସ୍ଥ୍ୟାବସ୍ଥା ଭଲ ରହିଛି । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ କରାଯିବ ବୋଲି ଜିଲ୍ଲା ଚିକିତ୍ସା ଅଧିକାରୀ ସୂଚନା ଦେଇଛନ୍ତି ।

The post ‘ଓ’ ପଜିଟିଭ୍ ରୋଗୀଙ୍କୁ ଦେଇଦେଲେ ‘ବି’ ପଜିଟିଭ୍ ରକ୍ତ । ଗୁରୁତର ହେଲା ରୋଗୀଙ୍କ ଅବସ୍ଥା । ଯାଞ୍ଚ ପରେ ଜଣାପଡିଲା ସତ । first appeared on Kanak News.

from Kanak News
via <a href="https://ifttt.com/?

ସିରିଆର ସାଧାରଣ ନାଗରିକଙ୍କ ଉପରେ ନିଷିଦ୍ଧ ରାସାୟନିକ ଅସ୍ତ୍ର ବ୍ୟବହାର ଉପରେ ସିରିଆର ରାଷ୍ଟ୍ରପତି ବାଶାର ଅଲ-ଅସଦ, ତାଙ୍କ ଭାଇ ମେହେର ଅଲ-ଅସଦ ଏବଂ ଅନ୍ୟ ଦୁଇଜଣ ବରିଷ୍ଠ ଅଧିକାରୀଙ୍କୁ ଗିରଫ ପାଇଁ ବୁଧବାର ଦିନ ୱାରେଣ୍ଟ ଜାରି କରାଯାଇଛି ।

ସେମାନଙ୍କ ବିରୋଧରେ ଜାରି ହେଇଥିବା ଗିରଫ ୱାରେଣ୍ଟ – ଯାହା ମାନବିକତା ବିରୁଦ୍ଧରେ ହୋଇଥିବା ଅପରାଧରେ ଜଟିଳତା ଏବଂ ଯୁଦ୍ଧ ଅପରାଧରେ ସମ୍ପୃକ୍ତ ଥିବା ଅଭିଯୋଗକୁ ଦର୍ଶାଇଛି ।  ଅଗଷ୍ଟ ୨୦୧୩ ରେ ଡୁମା ସହର ଏବଂ ପୂର୍ବ ଘୋଟା ଜିଲ୍ଲାରେ ରାସାୟନିକ ଆକ୍ରମଣ ଘଟଣାରେ କ୍ରାଇମବ୍ରାଞ୍ଚ ଅନୁସନ୍ଧାନ କରିଥିଲା, ଯେଉଁଥିରେ ୧୦୦୦ ରୁ ଅଧିକ ଲୋକ ପ୍ରାଣ ହରାଇଥିଲେ ।

ଏହା ହେଉଛି ପ୍ରଥମ ଅନ୍ତର୍ଜାତୀୟ ଗିରଫ ୱାରେଣ୍ଟ ଯାହା ସିରିଆର ରାଜ୍ୟମୁଖ୍ୟଙ୍କ ପାଇଁ ଜାରି କରାଯାଇଛି । ସିରିଆର ସୈନ୍ୟବାହିନୀ ୨୦୧୧  ମସିହାରେ ଆରମ୍ଭ ହୋଇଥିବା ବିରୋଧର ଜବାବ ଦେଇଥିଲେ ଯାହା ଯୁଦ୍ଧ ଅପରାଧର ପରିମାଣ ବୋଲି ୟୁଏନ୍ ବିଶେଷଜ୍ଞମାନେ କହିଛନ୍ତି ।

ଏହା ମଧ୍ୟ ପ୍ରଥମ ଅନ୍ତର୍ଜାତୀୟ ଗିରଫ ୱାରେଣ୍ଟ ଯାହା ଘୋଟାଠାରେ ରାସାୟନିକ ଅସ୍ତ୍ର ଆକ୍ରମଣ ଉପରେ ଜାରି କରାଯାଇଛି ବୋଲି ଫ୍ରାନ୍ସରେ ମାମଲା ଦାୟର କରିଥିବା ସିରିଆ ସେଣ୍ଟର ଫର ମିଡିଆ ଆଣ୍ଡ ଫ୍ରିଡମ୍ ଅଫ୍ ଏକ୍ସପ୍ରେସନ୍ (ଏସସିଏମ୍) ର ପ୍ରତିଷ୍ଠାତା ତଥା ପ୍ରତିଷ୍ଠାତା ମାଜେନ୍ ଡାରୱିଶ କହିଛନ୍ତି ।

ସିରିଆ ରାସାୟନିକ ଅସ୍ତ୍ର ବ୍ୟବହାରକୁ ଅସ୍ୱୀକାର କରେ, କିନ୍ତୁ ମିଳିତ ଜାତିସଂଘ ଏବଂ ରାସାୟନିକ ଅସ୍ତ୍ର ନିଷେଧ ସଂଗଠନର ପୂର୍ବ ମିଳିତ ଅନୁସନ୍ଧାନରୁ ଜଣାପଡିଛି ଯେ ଏପ୍ରିଲ ୨୦୧୭ ଆକ୍ରମଣରେ ସିରିଆ ସରକାର ନର୍ଭ ଏଜେଣ୍ଟ ସରିନ ବ୍ୟବହାର କରିଥିଲେ ଏବଂ ବାରମ୍ବାର କ୍ଲୋରାଇନକୁ ଅସ୍ତ୍ର ଭାବରେ ବ୍ୟବହାର କରିଥିଲେ ।

ସିରିଆର ରାଷ୍ଟ୍ରପତି ଏବଂ ସୂଚନା ମନ୍ତ୍ରଣାଳୟ ଏହାର ତୁରନ୍ତ ମନ୍ତବ୍ୟ ଦେଇନାହାଁନ୍ତି ।”ସିରିଆର ଅନେକ ଅପରାଧ ପାଇଁ ରାଷ୍ଟ୍ରପତି ଦାୟୀ – କିନ୍ତୁ ବିଶେଷ ଭାବରେ ଏହି ପ୍ରକାରର ଅସ୍ତ୍ର ସହିତ – ସରିନ୍ ଗ୍ୟାସ୍ – ଏହି ଅଭିଯୋଗକୁ ଏଡାଇବା ଅସମ୍ଭବ ଅଟେ” ବୋଲି ଡାରୱିଶ ରଏଟର୍ସକୁ କହିଛନ୍ତି ଯେ କମାଣ୍ଡର ଭାବରେ ରାଷ୍ଟ୍ରପତିଙ୍କ ଅନୁମୋଦନ ସଶସ୍ତ୍ର ବାହିନୀ ପାଇଁ ବାଧ୍ୟତାମୂଳକ ଅଟେ ।

ଜଣେ ପଦାସୀନ ରାଜ୍ୟ ମୁଖ୍ୟଙ୍କ ପାଇଁ ଗିରଫ ୱାରେଣ୍ଟ ବିରଳ କାରଣ ସେମାନେ ସାଧାରଣତ ଅଭିଯୋଗରୁ ଊର୍ଦ୍ଧରେ ଥିବା କ୍ଷମତାର ଶକ୍ତି ଉପଭୋଗ କରନ୍ତି । ଅବଶ୍ୟ, ଅନ୍ତର୍ଜାତୀୟ ଆଇନରେ ସେହି ପ୍ରତିରକ୍ଷା କ୍ଷେତ୍ରରେ ବ୍ୟତିକ୍ରମ ରହିଛି ଯେତେବେଳେ ଜଣେ ରାଜ୍ୟ ମୁଖ୍ୟ ଯୁଦ୍ଧ ଅପରାଧ ତଥା ମାନବିକତା କିମ୍ବା ଜନଶୁଣାଣି ବିରୁଦ୍ଧରେ କେହି ଅପରାଧ ଅଭିଯୋଗ କରନ୍ତି ।

ଅନ୍ତର୍ଜାତୀୟ ଅପରାଧିକ କୋର୍ଟରେ ବର୍ତ୍ତମାନ ରାଜ୍ୟ ମୁଖ୍ୟଙ୍କ ବିରୋଧରେ ଦୁଇଟି ଗିରଫ ୱାରେଣ୍ଟ ଅଛି: ଗୋଟିଏ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ବିରୁଦ୍ଧରେ ଏବଂ ଅନ୍ୟଟି ସୁଦାନର ପୂର୍ବତନ ରାଷ୍ଟ୍ରପତି ଓମାର ଅଲ-ବଶୀରଙ୍କ ବିରୋଧରେ ।

୨୦୧୧ ମସିହାରେ ଯୁଦ୍ଧ ଆରମ୍ଭ ହେବା ପରଠାରୁ ରୁଷ ଏବଂ ଇରାନକୁ କିଛି ଅଳ୍ପ ଯାତ୍ରା କରିବା ସହିତ ଅସଦ ଏକ ଦଶନ୍ଧିରୁ ଅଧିକ ସମୟ ଧରି ଏହି ଅଞ୍ଚଳର  ଅଧିକାଂଶ ଦେଶ ଏବଂ ଅନ୍ୟାନ୍ୟ ଦେଶମାନଙ୍କଠାରୁ ଦୂରେଇ ରହିଛନ୍ତି । ଏହା ପରେ ତାଙ୍କୁ ଆରବ ଲିଗରେ ସ୍ୱାଗତ କରାଯାଇଥିଲା ଏବଂ ସେ ଚୀନ ପର୍ଯ୍ୟନ୍ତ ଯାତ୍ରା କରିଥିଲେ । ସିରିଆର ରାସାୟନିକ ଅସ୍ତ୍ର କାର୍ଯ୍ୟକ୍ରମ ପ୍ରତିଷ୍ଠା କରିଥିବା ବୈଜ୍ଞାନିକ ଅଧ୍ୟୟନ ଏବଂ ଅନୁସନ୍ଧାନ କେନ୍ଦ୍ର (SSRC) ର ନିର୍ଦ୍ଦେଶକ ଘାସମ୍ ଅବ୍ବାସ ଏବଂ ସୁରକ୍ଷା ତଥା ଯୋଗାଯୋଗ ଅଧିକାରୀ ବ୍ୟାସମ୍ ଅଲ-ହାସନଙ୍କୁ ୱାରେଣ୍ଟ ଜାରି କରାଯାଇଛି ।

ଚତୁର୍ଥ ସଶସ୍ତ୍ର ବିଭାଗର ମୁଖ୍ୟ ଭାବରେ ଆସାଦଙ୍କ ଭାଇ ମେହେର ସମ୍ପୃକ୍ତ ବୋଲି ବିବେଚନା କରାଯାଇଥିଲା ।ପ୍ୟାରିସ ଟ୍ରିବ୍ୟୁନାଲରେ ମାନବିକତା ୟୁନିଟ୍ ବିରୋଧରେ ହୋଇଥିବା ଅପରାଧର ବିଚାରପତିମାନେ ସିରିଆ ଅଧିକାରୀଙ୍କ ଦ୍ୱାରା କରାଯାଇଥିବା ଅପରାଧ ପାଇଁ ମୋଟ ୧୧ ଟି ଗିରଫ ୱାରେଣ୍ଟ ଜାରି କରିଛନ୍ତି ।

ଅକ୍ଟୋବରରେ, ଫ୍ରାନ୍ସର ବିଚାରପତିମାନେ ଦୁଇଜଣ ପୂର୍ବତନ ପ୍ରତିରକ୍ଷା ମନ୍ତ୍ରୀଙ୍କ ପାଇଁ ୨୦୧୭ ମସିହାରେ ହୋଇଥିବା ବୋମା ଆକ୍ରମଣ ଉପରେ ୱାରେଣ୍ଟ ଜାରି କରିଥିଲେ ଯେଉଁଥିରେ ଦାରାସ୍ଥିତ ନିଜ ଘରେ ଜଣେ ଫରାସୀ-ସିରିଆର ବ୍ୟକ୍ତି ମୃତ୍ୟୁବରଣ କରିଥିଲେ ।

 

The post ଯୁଦ୍ଧ ଅପରାଧରେ ସମ୍ପୃକ୍ତି ପାଇଁ ସିରିଆ ରାଷ୍ଟ୍ରପତିଙ୍କ ବିରୋଧରେ ଫ୍ରାନ୍ସ ଗିରଫ ୱାରେଣ୍ଟ ଜାରି କରିଛି first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ଆଜି ହେବନି ଜଗମୋହନ ନାଟ ମଣ୍ଡପ ମରାମତି କାମ । ଆଜି ହେବାକୁ ଥିବା ମରାମତି କାମକୁ ସ୍ଥଗିତ ରଖିଛି ଏଏସ୍ଆଇ । ଅପରାହ୍ନରେ ଥିବା ବୈଠକରେ ନାଟମଣ୍ଡପ ମରାମତି ନେଇ ଆଲୋଚନା ହେବ । ଏବେ କାର୍ତ୍ତିିକ ମାସ ଯୋଗୁଁ ଶ୍ରୀମନ୍ଦିରରେ ଭକ୍ତଙ୍କ ଭିଡ ହେଉଛି । ତେଣୁ ଏହି ସମୟରେ ମରାମତି ହେବା ସମ୍ଭବପର ନୁହେଁ । ଏଥିପାଇଁ ଶ୍ରୀମନ୍ଦିର ପ୍ରଶାସନକୁ ଅନୁମତି ଲୋଡିଛି ଏଏସଆଇ ।

ଗରୁଡ଼ଙ୍କ ପାଖରୁ ଭିତର କାଠ ପଯ୍ୟନ୍ତ ମରାମତି ପାଇଁ ଲୁହାଭାରା କରାଯିବ । ଦିନକୁ ୬ ଘଣ୍ଟା ଲେଖାଏଁ କାମ କରି ୧୨୦ ଦିନରେ କାମ ଶେଷ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଆଜିର ବୈଠକରେ ହାଇକୋର୍ଟଙ୍କ ନିର୍ଦ୍ଦେଶ ଓ ଏଏସ୍ଆଇ  ଅନୁମତି ଲୋଡିବା ଉପରେ ଆଲୋଚନା କରାଯିବ ।

The post ଆଜି ହେବନି ଜଗମୋହନ ନାଟ ମଣ୍ଡପ ମରାମତି କାମ । କାର୍ତ୍ତିକ ମାସରେ ଭକ୍ତଙ୍କ ଭିଡ ଯୋଗୁଁ ହେଲାନି କାମ ।  first appeared on Kanak News.

from Kanak News
via <a href="https://ifttt.com/?

କନକ ବ୍ୟୁରୋ: ବଢୁଛି ସିଏମସି ବିବାଦ । ୪ ଦିନ ହେଲା ଧାରଣା ବସିଛନ୍ତି ବିଜେପି ଓ କଂଗ୍ରେସ କର୍ପୋରେଟର । ସମାଧାନ ପାଇଁ ଆସୁନାହାଁନ୍ତି କଟକ ମେୟର ଅବା କମିଶନର । ଧାରଣାସ୍ଥଳରେ ପହଞ୍ଚୁଛନ୍ତି ଜଣଙ୍କ ପରେ ଜଣେ ବିରୋଧୀ ଦଳର ନେତା । ବେଆଇନ ଜମି ହଡପ, ଶୌଚାଳୟ ବାବଦ ଖର୍ଚ୍ଚ ଓ ପିଣ୍ଡି ବଂଟନରେ ଅନିୟମିତତା ନେଇ କଟକ ମହାନଗର ନିଗମ ସମ୍ମୁଖରେ କଂଗ୍ରେସ-ବିଜେପି କର୍ପୋରେଟର ଏହି ଧାରଣା ଦେଇଛନ୍ତି ।

ପୂର୍ବତନ କମିସନର ଅନନ୍ୟା ଦାସଙ୍କର ଜାଲ ହସ୍ତଖତ ଓ ଷ୍ଟାମ୍ପ ବ୍ୟବହାର କରି ଜମି ବେଆଇନ ଭାବେ ଜମି ହାତେଇଥିବା ଅଭିଯୋଗ କରିଛନ୍ତି ଉଭୟ ବିଜେପି ଓ କଂଗ୍ରେସ । ଏନେଇ କାଉନସିଲ ବୈଠକରେ କଂଗ୍ରେସ-ବିଜେପି କର୍ପୋରେଟର ମହାନଗର ନିଗମ କମିଶନରଙ୍କୁ ପ୍ରଶ୍ନ କରିଥିଲେ । କିନ୍ତୁ କମିଶନର କୌଣସି ଉତର ନ ରଖି ଚାଲିଯାଇଥିବାରୁ ଅସନ୍ତୋଷ ପ୍ରକାଶ ଏହି ଧାରଣା ଦେଇଛନ୍ତି ବିରୋଧୀ କର୍ପୋରେଟର ।

The post ବଢୁଛି ସିଏମସି ବିବାଦ । ୪ ଦିନ ହେଲା ଧାରଣାରେ ବିଜେପି, କଂଗ୍ରେସ କର୍ପୋରେଟର । ଆସୁନାହାଁନ୍ତି ମେୟର ଅବା କମିଶନର । first appeared on Kanak News.

from Kanak News
via <a href="https://ifttt.com/?