କନକ ବ୍ୟୁରୋ: ଆମେରିକା ଆରଗନ୍ ଜିଲ୍ଲାରେ ଭୟାବହ ଅଗ୍ନିକାଣ୍ଡ । ପାଖାପାଖି ୩ ଲକ୍ଷ ଏକର ପରିବ୍ୟାପ୍ତ ଜଙ୍ଗଲ ନଷ୍ଟ ହୋଇଛି । ୮୦ ହଜାରରୁ ଉଦ୍ଧ୍ୱର୍ ଲୋକ ପ୍ରଭାବିତ ହୋଇଛନ୍ତି । ଏହି ନିଆଁ ଜୁଲାଇ ୬ ତାରିଖରୁ ଲାଗିରହିଥିଲେ ବି ଏହାକୁ ସମ୍ପୂର୍ଣ୍ଣ ରୂପେ ଆୟତ କରାଯାଇପାରିନାହିଁ । ନିଆଁ ଲିଭାଇବାକୁ ଦୁଇ ହଜାରରୁ ଅଧିକ ଫାୟାର ଫାଇଟର୍ସ ନିୟୋଜିତ ହୋଇଥିଲେ ମଧ୍ୟ ପବନର ବେଗ ସାମାନ୍ୟରୁ ଅଧିକ ଥିବାରୁ ନିଆଁକୁ ସମ୍ପୂର୍ଣ୍ଣ ଆୟତ୍ତ କରାଯାଇପାରିନାହିଁ ।

ନିଆଁ ଯୋଗୁଁ ୨ହଜାରରୁ ଅଧିକ ଲୋକଙ୍କୁ ନିଜ ଘର ଛାଡି ଅନ୍ୟତ୍ର ଯିବାକୁ ପଡିଥିବାବେଳେ ଦେଢଶହରୁ ଅଧିକ କୋଠା ଓ ବାସଘର ନଷ୍ଟ ହୋଇଛି । ନିଆଁ ଲାଗିବାର ସଠିକ କାରଣ ଏଯାଏଁ ଜଣାପଡିନାହିଁ । ଏହାକୁ ଆମେରିକାବାସୀ ବର୍ଦ୍ଧିତ ତାପାମାତ୍ରା ଓ ଏଥିଯୋଗୁଁ ପାଣିପାଗ ପରିବର୍ତ୍ତନ ଜନିତ ସମସ୍ୟାକୁ ସାମନା କରିବେ ବୋଲି ବିଶେଷଜ୍ଞ କହିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ରାଜ୍ୟସଭାରେ ଆଜି ବୈଦେଶିକ ମନ୍ତ୍ରଣାଳୟ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ସୂଚନା ଦିଆଯାଇଛି । ବିଦେଶ ମନ୍ତ୍ରଣାଳୟର ସୂଚନା ମୁତାବକ ବିଦେଶରେ ରହୁଥିବା ଭାରତୀୟଙ୍କ ମଧ୍ୟରୁ କରୋନା ସଂକ୍ରମଣରେ ୩୫୭୦ ଜଣଙ୍କର ମୃତ୍ୟୁ ହୋଇଛି । ଏଥିରେ ବିଶ୍ୱର ସବୁଦେଶ ସାମିଲ ଅଛି (ଯେଉଁ ଯେଉଁ ଦେଶରେ ଭାରତୀୟ ନାଗରିକ ମାନେ ରହୁଛନ୍ତି) । ବିଦେଶ ମନ୍ତ୍ରଣାଳୟ କହିଛି କି ଏହି ସୂଚନା ‘ମିଶନ କେନ୍ଦ୍ର’ ଦ୍ୱାରା ଉପଲବ୍ଧ ହୋଇଛି ।

ଜାତୀୟ ଗଣମାଧ୍ୟମ ଅନୁସାରେ ସାରା ବିଶ୍ୱରେ କରୋନା ସଂକ୍ରମଣର ଭୟାବହତା ଦେଖିବାକୁ ମିଳିଛି । ଏହା ଫଳରେ ଭାରତରେ ୪ ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଏବେ ବି ଦୈନିକ ପାଖା ପାଖି ୧ ହଜାର ଲୋକଙ୍କର କରୋନା ସଂକ୍ରମଣରେ ମୃତ୍ୟୁ ହେଉଛି । ଅନ୍ୟପଟେ କରୋନାର ତୃତୀୟ ଲହର ଆସୁଥିବା ନେଇ ବିଶେଷଜ୍ଞମାନେ ସତର୍କ କରାଇଛନ୍ତି । ଗୋଟିଏ ସପ୍ତାହ ମଧ୍ୟରେ ପୁଣି ଦେଶର ୧୩ ଟି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଦୈନିକ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଯାହାକୁ ନେଇ ସତର୍କ ସୂଚନା ଜାରି କରିଛନ୍ତି କେନ୍ଦ୍ର ସରକାର । ଦେଶରେ ଏବେ ସବୁଠାରୁ ଅଧିକ ସଂକ୍ରମଣ କେରଳରେ ଦେଖିବାକୁ ମିଳିଛି ।

3570 Indian citizens died abroad, due to COVID-19 as per information provided by our Missions/Posts abroad: Ministry of External Affairs tells Rajya Sabha in a written reply pic.twitter.com/i0trrfMBdg

— ANI (@ANI) July 22, 2021

ସେପଟେ ଦେଶରେ କରୋନା ମୃତ୍ୟୁକୁ ନେଇ ସରକାର ଓ ବିରୋଧୀ ଦଳ ମାନଙ୍କ ମଧ୍ୟରେ ତର୍କ ବିତର୍କ ଜାରି ରହିଛି । ସଂସଦର ମୌସୁମୀ ଅଧିବେଶନରେ କରୋନା କାଳରେ ଅକ୍ସିଜେନ ସଂକଟ ଯୋଗୁଁ ହୋଇଥିବା ମୃତ୍ୟୁ ମାମଲାରେ ବିରୋଧୀଙ୍କ ହଙ୍ଗାମା ଯୋଗୁଁ ୨ ଦିନ ହେବ ସଂସଦର ଉଭୟ ସଦନ ଚାଲିପାରି ନାହିଁ ।

from Kanak News
via <a href="https://ifttt.com/?

କନକ ବ୍ୟୁରୋ: ଭାରତ-ଇଂଲଣ୍ଡ ଟେଷ୍ଟ ସିରିଜ୍ ପୂର୍ବରୁ ଟିମ୍ ଇଣ୍ଡିଆକୁ ମିଳିଛି ଆଉ ଏକ ଝଟକା । ଅଲରାଉଣ୍ଡର ୱାଂଶିଟନ ସୁନ୍ଦର ଆହତ ହୋଇ ଦଳରୁ ବାଦ୍ ପଡିଛନ୍ତି । ଅଗଷ୍ଟ ୪ ତାରିଖରୁ ଦୁଇ ଦେଶ ମଧ୍ୟରେ ଟେଷ୍ଟ ସିରିଜ୍ ଖେଳାଯିବାକୁ ଅଛି । ହେଲେ ଏହା ପୂର୍ବରୁ ସୁନ୍ଦର ଆହତ ହେବା ଦଳ ପାଇଁ ବଡ କ୍ଷତି ବୋଲି କୁହାଯାଉଛି । ଗୁରୁତ୍ୱପୂର୍ଣ୍ଣ କଥା ହେଉଛି, ୱାଂଶିଟନ ସୁନ୍ଦରଙ୍କ ସହିତ ଆବେଶ ଖାନ୍ ମଧ୍ୟ ଆହତ ହୋଇ ଦଳରୁ ବାଦ୍ ପଡିଛନ୍ତି ।

ଆଗାମୀ ଟେଷ୍ଟ ସିରିଜ୍ ପାଇଁ ଟିମ୍ ଇଣ୍ଡିଆ ଏବେ ଇଂଲଣ୍ଡରେ ଅଛି । ସେଠାରେ ଦଳ ଏବେ କାଉଣ୍ଟି ସିଲେକ୍ଟ ଇଲେଭେନ୍ ସହ ଅଭ୍ୟାସ ମ୍ୟାଚ୍ ଖେଳୁଛି । ତେବେ ଏହି ମ୍ୟାଚ୍ ସମୟରେ ୱାଂଶିଟନ ସୁନ୍ଦର ଆହତ ହୋଇଥିବା ଖବର ମିଳିଛି ।

ଭାରତୀୟ ଦଳରୁ ୱାଂଶିଟନ ସୁନ୍ଦର ଆହତ ହୋଇ ବାଦ୍ ପଡିବା, ଦଳ ପାଇଁ ବଡ କ୍ଷତି ବୋଲି କୁହାଯାଉଛି । କାରଣ ସେ ମିଡିଲ୍ ଅର୍ଡରରେ ବ୍ୟାଟିଂ କରିବା ସହିତ ଦଳ ପାଇଁ ଉପଯୋଗୀ ବୋଲିଂ ମଧ୍ୟ କରିଥାନ୍ତି । ଅଷ୍ଟ୍ରେଲିଆ ଗସ୍ତ ସମୟରେ ଗାବା ଟେଷ୍ଟରେ ମଧ୍ୟ ସେ ୬୨ ରନର ଉପଯୋଗୀ ଇଂନିସ ଖେଳିଥିଲେ । ତା ସହ ଇଂଲଣ୍ଡ ବିପକ୍ଷରେ ମଧ୍ୟ ୯୦.୫୦ ହାରରେ ରନ୍ କରିଥିଲେ । ତେଣୁ ଆଗାମୀ ଇଂଲଣ୍ଡ ଟେଷ୍ଟ ସିରିଜ୍ ପୂର୍ବରୁ ସେ ଆହତ ହୋଇ ଦଳରୁ ବାଦ୍ ପଡିବା ଦଳ ପାଇଁ ବଡ କ୍ଷତି ହୋଇଛି ।

ସୂଚନାଯୋଗ୍ୟ ଯେ, ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ପୂର୍ବରୁ ଓପନର ବ୍ୟାଟ୍ସମ୍ୟାନ୍ ଶୁଭମନ ଗିଲ୍ ମଧ୍ୟ ଆହତ ହୋଇ ଦଳରୁ ବାଦ୍ ପଡିସାରିଛନ୍ତି । ତାଙ୍କ ବଦଳ ଖେଳାଳି ଭାବେ ବିସିସିଆଇ ଏଯାଏଁ କୌଣସି ଖେଳାଳିଙ୍କୁ ଇଂଲଣ୍ଡ ପଠାଇନାହିଁ । ବୋର୍ଡ ପାଖରେ ବିକଳ୍ପର ଅଭାବ ନଥିଲେ ମଧ୍ୟ ଦଳ କୌଣସି ବିକଳ୍ପ ଖେଳାଳିଙ୍କୁ ଇଂଲଣ୍ଡ ଗସ୍ତରେ ପଠାଇନି । ଯେଉଁ କାରଣୁ ଇଂଲଣ୍ଡ ଗସ୍ତରେ ଥିବା ୨୪ ଜଣିଆ ଭାରତୀୟ ଦଳ ଏବେ ୨୧କୁ ଖସିଆସିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ରାସ୍ତାରେ ଆପଣ ଅନେକ କାର୍ ଦେଖିଥିବେ । ଏପରିକି ଅନେକ ଦାମୀ ଦାମୀ ଗାଡି ମଧ୍ୟ ଦେଖିବାକୁ ମିଳେ । କିନ୍ତୁ କେବେ ଆପଣ ସୁନାର କାର୍ ଦେଖିଛନ୍ତି କି ? ଏହା ଶୁଣି ହୁଏତ ଆପଣ ଆଶ୍ଚର୍ଯ୍ୟ ହୋଇଯାଉଥିବେ । କାରଣ ସୁନାର ଦର ଯେଉଁଭଳି ଭାବେ ବଢି ବଢି ଚାଲିଛି, ସେଥିରେ ସୁନା କିଣିବାକୁ ହେଲେ ଲୋକେ, ଶହେ ଥର ଭାବୁଛନ୍ତି । ଆଉ ଏପରି ସ୍ଥଳେ ସୁନାର କାର ବି କେହି କିଣିପାରିବ, ତାହା କେହି କେବେ ଚିନ୍ତା ବି କରିପାରିବେ ନାହିଁ ।

ସୋସିଆଲ୍ ମିଡିଆରେ ଭାଇରାଲ ହେଉଥିବା, ଏହି ଭିଡିଓକୁ ସେୟାର କରିଛନ୍ତି ବିଶିଷ୍ଟ ଶିଳ୍ପପତି ଆନନ୍ଦ୍ର ମହିନ୍ଦ୍ରା । ଭିଡିଓରେ ଏକ ଫରାରୀ କାର ଦେଖିବାକୁ ମିଳିଛି । ପିଓର ଗୋଲ୍ଡରେ ଏହି କାରଟି ଆଚ୍ଛାଦିତ ହୋଇଛି । ଆଉ ଏହି କାରଟି ହେଉଛି ଆମେରିକାରେ ରହୁଥିବା ଜଣେ ଭାରତୀୟଙ୍କର ।

ମହିନ୍ଦ୍ରା ଗ୍ରୁପର ମୁଖ୍ୟ ଆନନ୍ଦ ମହିନ୍ଦ୍ରା ଏହି ଭିଡିଓକୁ ସେୟାର କରିବା ସହ ଟ୍ୱିଟ୍ କରି ଲେଖିଛନ୍ତି, ‘ମୁଁ ଜାଣିନି ଏହି ଭିଡିଓଟି ସୋସିଆଲ୍ ମିଡିଆରେ କାହିଁକି ଭାଇରାଲ ହେଉଛି । ଧନୀ ଲୋକମାନେ ନିଜ ଟଙ୍କାକୁ ଏହିପରି ଭାବେ ଖର୍ଚ୍ଚ କରିବା ଠିକ୍ ନୁହେଁ । ଏଥିପାଇଁ ସେମାନେ ପଶ୍ଚାତାପ କରିବା ଦରକାର’ ।

ତେବେ ଏହି ଭିଡିଓଟି ସୋସିଆଲ୍ ମିଡିଆରେ ଭାଇରାଲ ହେଉଥିବା ବେଳେ, ଆନନ୍ଦ୍ର ମହିନ୍ଦ୍ରାଙ୍କ ଟ୍ୱିଟରେ ଅନେକ ଲୋକ ପ୍ରତିକ୍ରିୟା ରଖିଛନ୍ତି । ଆଉ ଏପରି ଅପଖର୍ଚ୍ଚକୁ ଅନେକ ଲୋକ ନିନ୍ଦା ମଧ୍ୟ କରିଛନ୍ତି । ଫରାରୀ ଭଳି ଦାମୀ କାର ଦେଖିବାକୁ ଅତ୍ୟନ୍ତ ମନଲୋଭା । ସେଭଳି କାରକୁ ସୁନାରେ ଆଚ୍ଛାଦିତ କରିବାକୁ ଅନେକ ଲୋକ ନାପସନ୍ଦ କରିଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଗୁରୁବାର ଦିନ କେନ୍ଦ୍ର କ୍ୟାବିନେଟ ବୈଠକ ଅନୁଷ୍ଠିତ ହୋଇଯାଇଛି । ବୈଠକ ପରେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଭାରତ ସରକାରଙ୍କ ତରଫରୁ କେନ୍ଦ୍ର ଶାସିତ ଅଞ୍ଚଳ ଲଦାଖରେ ଏକ କେନ୍ଦ୍ରୀୟ ବିଶ୍ୱ ବିଦ୍ୟାଳୟ ପାଇଁ କ୍ୟାବିନେଟ ମଞ୍ଜୁରୀ ପ୍ରଦାନ କରିଛନ୍ତି ।

ଅନୁରାଗ ଠାକୁରଙ୍କ ସୂଚନା ମୁତାବକ ଲଦାଖରେ ନିର୍ମାଣ ହେବାକୁ ଥିବା ଏହି କେନ୍ଦ୍ରୀୟ ବିଶ୍ୱ ବ୍ୟିାଳୟ ପାଇଁ ଭାରତ ସରକାର ୭୫୦ କୋଟି ଟଙ୍କା ଖର୍ଚ୍ଚ କରିବେ । ଏହାଦ୍ୱାରା ସ୍ଥାନୀୟ ଯୁବକମାନେ ବିଶ୍ୱବିଦ୍ୟାଳୟ ସ୍ତରୀୟ ଶିକ୍ଷାଲାଭର ସୁଯୋଗ ପାଇବେ । ଏହି ବିଶ୍ୱ ବିଦ୍ୟାଳୟ ଲଦାଖ, ଲେହ ଓ କାରଗିଲ ସୀମାରେ ନିର୍ମାଣ କରାଯିବ ।

Union Cabinet approves establishment of a Central University in the union territory of Ladakh: Union Minister Anurag Thakur pic.twitter.com/xVa7Bpb6b3

— ANI (@ANI) July 22, 2021

କେବଳ ସ୍ତେକି ନୁହେଁ ଲଦାଖରେ ଏକ ଇନଫ୍ରାଷ୍ଟ୍ରକଚର କର୍ପୋରେସନ୍ ନିର୍ମାଣ କରିବାକୁ କେନ୍ଦ୍ର କ୍ୟାବିନେଟ୍ ମଞ୍ଜୁରୀ ପ୍ରଦାନ କରିଛନ୍ତି । ଯେଉଁ କର୍ପୋରେସନ ସ୍ଥାନୀୟ ବାଣିଜ୍ୟ ଓ ଅନ୍ୟ ମାମଲାରେ ନିର୍ଣ୍ଣୟ ନେଇ ପାରିବ । ଅନୁରାଗ ଠାକୁର କହିଛନ୍ତି କି ଏହା ଦ୍ୱାରା ଲଦାଖର ବିକାଶ ଦ୍ରୁତ ହେବ । ଏହି କର୍ପୋରେସନ କମ୍ପାନୀ ଅଧିନିୟମ ଦ୍ୱାରା ଅଣାଯାଇଛି । କର୍ପୋରେସନ ୨୫ କୋଟି ଟଙ୍କାର ବଜେଟ ପ୍ରସ୍ତୁତ କରିପାରିବ ।
କହିରଖୁ କି ଏବେ ସଂସଦରେ ମୌସୁମୀ ଅଧିବେଶନ ଚାଲିଛି । ସଂସଦ ଅଧିବେଶନ ମଧ୍ୟରେ ଏହି କ୍ୟାବିନେଟ୍ ବୈଠକ ଅନୁଷ୍ଠିତ ହୋଇଛି । ଏହା ପୂର୍ବ କ୍ୟାବିନେଟ୍ ବୈଠକରେ କେନ୍ଦ୍ର ସରକାର ଡି.ଏ ବୃଦ୍ଧି ଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ୫ ପଇସାରେ ପେଟ ପୂରା ବିରିୟାନୀ । ଦୋକାନ ଆଗରେ ଲାଗିଲା ପ୍ରବଳ ଭିଡ଼ । ଆଜିର ଯୁଗରେ କ’ଣ କାହା ପାଖରେ ୫ ପଇସାର କଏନ୍ ଥିବ ? ହୁଏତ ନଥିବ, କିଛି ଏହିଭଳି ଭାବି ଜଣେ ବିରିୟାନୀ ଷ୍ଟଲ୍ ମାଲିକ ଏକ ବଡ଼ ଘୋଷଣା କରିଦେଲେ । ଘୋଷଣା ଏଇୟା ଥିଲା ଯେ, ଯିଏ ୫ ପଇସା କଏନ୍ ନେଇ ଆସିବ, ତାଙ୍କୁ ପେଟପୂରା ବିରିୟାନୀ ଖାଇବାକୁ ଦିଆଯିବ । ବିରିୟାନୀ ଷ୍ଟଲ ମାଲିକଙ୍କ ଏହି ଚାଲ୍ ପୂରା ଓଲଟା ପଡିଗଲା । ଏବଂ ତାଙ୍କ ଷ୍ଟଲ ବାହାରେ ଲାଗିଗଲା ଶହ ଶହ ଲୋକଙ୍କ ଭିଡ । ଆଉ ସମସ୍ତଙ୍କ ହାତରେ ଥିଲା ୫ ପଇସା କଏନ୍ ।

ଏହି ଘଟଣା ହେଉଛି, ତାମିଲନାଡୁ ଚେନ୍ନାଇର । ଯେଉଁଠି ଜଣେ ବ୍ୟକ୍ତି ନୂଆ କରି ଏକ ବିରିୟାନୀ ଷ୍ଟଲ ଖୋଲିଥିଲେ । ନିଜ ଷ୍ଟଲର ପ୍ରମୋଶନ କରିବା ପାଇଁ ଏହି ଅଫର ଘୋଷଣା କରିଥିଲେ ମାଲିକ । ଯିଏବି ୫ ପଇସାର କଏନ୍ ଦେବ, ତାଙ୍କୁ ପେଟପୂରା ବିରିୟାନୀ ଖାଇବାକୁ ମିଳିବ । କିନ୍ତୁ ସେ କେବେ ଭାବିନଥିଲେ ତାଙ୍କର ଏପରି ଘୋଷଣା ଏତେ ବଡ ସମସ୍ୟା ସୃଷ୍ଟି କରିବ ।

ଷ୍ଟଲ ମାଲିକଙ୍କ ଏପରି ଘୋଷଣା ପରେ, ଚେନ୍ନାଇ ସେଲୁର ଅଂଚଳରେ ଏହି ବିରିୟାନୀ ଷ୍ଟଲ ଆଗରେ ଲାଗିଯାଇଥିଲା ଲୋକଙ୍କ ସାଂଘାତିକ ଗହଳି । ଏପରିକି ୩୦୦ରୁ ଅଧିକ ଲୋକ ଷ୍ଟଲ ଆଗରେ ଲାଇନ୍ ଲଗାଇଥିଲେ । ଏବଂ ସମସ୍ତଙ୍କ ହାତରେ ରହିଥିଲା ୫ ପଇସାର କଏନ୍ । ପରିସ୍ଥିତି ଏପରି ହୋଇଥିଲା ଯେ, ବିରିୟାନୀ ଷ୍ଟଲ୍ ମାଲିକଙ୍କୁ ଦୋକାନ ବନ୍ଦ କରିବାକୁ ପଡ଼ିଥିଲା ।

ଅନ୍ୟପଟେ ବିରିୟାନୀ ଖାଇବା ଚକ୍କରରେ ଲୋକେ ନିଜ ଜୀବନକୁ ବାଜିରେ ଲଗାଇଦେଲେ । କରୋନା ସଂକ୍ରମଣର ଦ୍ୱିତୀୟ ଲହର ଏବେବି ଯାଇନଥିବା ବେଳେ ଲୋକେ ଭୁଲିଯାଇଥିଲେ ସବୁ ନିୟମ ଆଉ କଟକଣା । ସାମାଜିକ ଦୂରତା ତ ଦୂରର କଥା, କାହାରି ମୁହଁରେ ମାସ୍କ ବି ନଥିଲା । ସମସ୍ତେ ହାତରେ ୫ ପଇସାର କଏନ୍ ଧରି ଭିଡ ଜମାଇଦେଇଥିଲେ ।

ଲୋକଙ୍କ ଭିଡ ଅସମ୍ଭାଳ ହେବା ପରେ ଘଟଣାସ୍ଥଳରେ ପହଂଚିଥିଲା ପୋଲିସ । ଆଉ ଲୋକଙ୍କୁ କରୋନା କଟକଣା ମାନିବାକୁ କହିବା ସହ ଘଟଣାସ୍ଥଳରୁ ଭିଡ ଖାଲିକରାଯାଇଥିଲା । ଆଉ ୫ ପଇସାର କଏନ ନେଇ ଆସିଥିଲେ ମଧ୍ୟ କାହିଁକି ବିରିୟାନୀ ମିଳିଲାନି ବୋଲି କିଛି ଲୋକେ ପ୍ରଶ୍ନ କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ବୟସ ୮୫ ଡେଇଁଲାଣି, କିନ୍ତୁ କେହି ତାଙ୍କୁ ବୁଢା ବୋଲି କୁହନ୍ତିନି । ୮୫ ବର୍ଷ ବୟସରେ ବି ୨୫ ବର୍ଷର ଯୁବକ ଭଳି ସେ ସବୁ କାମ କରିପାରନ୍ତି । ଇଏ ହେଉଛନ୍ତି ରାଉରକେଲାର ଶ୍ରୀଧର ପ୍ରସାଦ ଦାସ । ଲୋକେ ତାଙ୍କୁ ଶ୍ରୀଧର ମଉସା ବୋଲି ଡାକନ୍ତି । ଶ୍ରୀଧର ମଉସା ପ୍ରତିଦିନ ପ୍ରାୟ ୨୦ କିଲୋମିଟର ଚାଲିବା ସହ ଦୁଇ ଓଳି ଯୋଗ କରିବାକୁ ଭୁଲନ୍ତି ନାହିଁ ।

ପ୍ରାଣାୟମ୍, କପାଳ ଭାତି, ଅନୁଲୋମ ବିଲୋମ ଭଳି ପାଖାପାଖି ୪୦ରୁ ଅଧିକ ଯୋଗାସନ କରିଥାନ୍ତି ଶ୍ରୀଧର ମଉସା । ଯେଉଁ ବୟସରେ ଅଂଟା ସଳଖି ଚାଲିବା ସହଜ ହୁଏନା, ଆଉ ଦେହରୁ ବଳ ସରି ସରି ଆସେ, ସେହି ପରିଣତ ବୟସରେ ଦିନକୁ ୨୦କିଲୋମିଟର ଚାଲିଥାନ୍ତି ଶ୍ରୀଧର ମଉସା ।

ସକାଳ ହେଉ ହେଉ ସବୁ ନିତ୍ୟକର୍ମ ଶେଷ କରି ଯୋଗ କରିବାକୁ ବାହାରି ଯାଆନ୍ତି ଶ୍ରୀଧର ମଉସା । ଦୁର୍ଘଟଣାରେ ଗୋଡ଼ ଭାଙ୍ଗିଯିବା କାରଣରୁ ସେ ଠିକ୍ ଭାବେ ଚଲାବୁଲା କରିପାରନ୍ତି ନାହିଁ । ତଥାପି ବାଡ଼ି ଖଣ୍ଡିଏ ଧରି ରାସ୍ତାରେ ଚାଲିଥାନ୍ତି । କେବଳ ଏତିକି ନୁହେଁ, ନିଜ ବାଡିରେ ପନିପରିବା ଚାଷ କରି ନିଜେ ରକ୍ଷଣାବେକ୍ଷଣ ମଧ୍ୟ କରୁଛନ୍ତି ।

କେନ୍ଦ୍ରାପଡା ଅଂଚଳର ମୂଳବାସିନ୍ଦା ଶ୍ରୀଧର ମଉସା ୧୯୫୮ ମସିହାରେ ଚାକିରି ଆଶାରେ ରାଉରକେଲା ଚାଲିଆସିଥିଲେ । ଆରଏସପିରେ ତାଙ୍କୁ ଚାକିରି ମଧ୍ୟ ମିଳିଥିଲା । ତେବେ ଦୁର୍ଘଟଣାର ଶିକାର ହେବା ପରେ ନିଜେ ଚାକିରିରୁ ଅବସର ନେଇଯାଇଥିଲେ । କିନ୍ତୁ ସେବେଠାରୁ ଆଜି ପର୍ଯ୍ୟନ୍ତ, ସେ କେବେ ବି ଅସୁସ୍ଥ ହୋଇନାହାନ୍ତି ।

୧୯୬୫ମସିହାରୁ ଏମିତି ଯୋଗ କରୁଥିବା କହିଛନ୍ତି ଶ୍ରୀଧର ମଉସା । ଷ୍ଟିଲସିଟିର ଶ୍ରୀଧର ମଉସା ପରିଣତ ବୟସରେ ମଧ୍ୟ ଫିଟ୍ ରହିଛନ୍ତି । ଚାଲିଚଳନ ଓ ଯୋଗଭ୍ୟାସ ନେଇ ଚର୍ଚ୍ଚାରେ ଥିବାବେଳେ ଯୁବବର୍ଗଙ୍କ ପାଇଁ ସେ ପାଲଟିଛନ୍ତି ପ୍ରେରଣା । ଶ୍ରୀଧର ମଉସାଙ୍କ ଏଇ କାହାଣୀ ଆଜି ସମାଜ ପାଇଁ ସାଜିଛି ଉଦାହରଣ ।

from Kanak News
via <a href="https://ifttt.com/?

କନକ ବ୍ୟୁରୋ: କରୋନା ମହାମାରୀ ମଧ୍ୟରେ ଆସନ୍ତାକାଲି ଆରମ୍ଭ ହେବ ଟୋକିଓ ଅଲିମ୍ପିକ୍ସ । ଆଉ ଏହି ଉଦଘାଟନ ସମାରୋହରେ ଭାଗ ନେବେ ୩୦ ଭାରତୀୟ ଖେଳାଳି । ଯେଉଁ ଖେଳାଳିଙ୍କ ନିକଟରେ ଖେଳ ରହିଛି ସେମାନଙ୍କୁ ଉଦଘାଟନୀ ସମାରୋହରୁ ଦୂରରେ ରଖାଯାଇଛି । ୬ ଅଧିକାରୀଙ୍କ ସହ ଏହି ୩୦ ଖେଳାଳି ଉଦଘାଟନ ସମାରୋହରେ ଭାଗ ନେବେ ।

କୋଚ ଓ ଦଳ ପ୍ରମୁଖଙ୍କ ସହ ଆଲୋଚନା ପରେ ଏଭଳି ନିଷ୍ପତ୍ତି ନିଆଯାଇଛି । ଟୋକିଓ ଅଲମ୍ପିକ୍ସ ପାଇଁ ୧୨୫ ଖେଳାଳି ସାମିଲ ହୋଇଛନ୍ତି । ସଦସ୍ୟ, ଅଧିକାରୀ ଓ କୋଚଙ୍କ ମିଶାଇ ମୋଟ ୨୨୮ ଜଣ ଟୋକିଓ ଅଲିମ୍ପିକ୍ସ ଯାଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ରାଜଧାନୀ ଦିଲ୍ଲୀର ମଦନପୁର ଅଞ୍ଚଳରେ ଯୋଗୀ ସରକାର ବଡ ଆକ୍ସନ ନେଇଛନ୍ତି । ଦିଲ୍ଲୀ ମଦନପୁର ଅଞ୍ଚଳରେ ଥିବା ୟୁପି ସରକାରଙ୍କ କିଛି ଜମି ଉପରେ ବେଆଇନ ଭାବେ ଦଖଲ କରି କ୍ୟାମ୍ପ କରିଥିବା ରୋହିଙ୍ଗ୍ୟାଙ୍କ କ୍ୟାମ୍ପଙ୍କୁ ଭାଙ୍ଗି ଦେଇଛି ୟୁପି ପୋଲିସ । ଏହି ଜମି ୟୁପି ସରକାରଙ୍କ ଜଳସେଚନ ବିଭାଗର ହୋଇଥିବାରୁ ଏହାକୁ ଖାଲି କରିଛନ୍ତି ଯୋଗୀ ସରକାର ।

ମଦନପୁର ଅଞ୍ଚଳରେ ସକାଳ ୪ ଟାରୁ ଆରମ୍ଭ ହୋଇଥିଲା ଉଚ୍ଛେଦ ପ୍ରକ୍ରିୟା । ଏଠାରେ ପୋଲିସ ତରଫରୁ ବୋଲଡୋଜର ସହାୟତାରେ ୫.୨୧ ଏକର ଜମି ଦଖଲ କରାଯାଇଛି । ଏହି ଜମିର ଆନୁମାନିକ ମୂଲ୍ୟ ୧୫୦ କୋଟି ଟଙ୍କା ହେବ ବୋଲି କୁହାଯାଇଛି ।

दिल्ली में फिर से चला योगी का बुल्डोजर,

योगी सरकार की दिल्ली में बड़ी कार्यवाही,

मदनपुर खादर में सुबह 4 बजे ही कार्यवाही कर सिंचाई विभाग की भूमि पर अवैध कब्जे से रोहंगिया केम्पों को हटाया गया एवं अवैध कब्जे तोड़े गए

उ.प्र.सिंचाई विभाग की 2.10 हेक्टेयर जमीन मुक्त कराई। pic.twitter.com/OIgvOmMqFF

— Dr. Mahendra Singh (@bjpdrmahendra) July 22, 2021

କହିରଖୁ କି ଉତ୍ତରପ୍ରଦେଶ ସରକାର ଦ୍ୱାରା ଏଭଳି ବେଆଇନ ଦଖଲ ଉପରୁ ଉଚ୍ଛେଦ କାର୍ଯ୍ୟ ଜାରି ରହିଛି । କହିରଖୁ କି ଦିଲ୍ଲୀ ଅଞ୍ଚଳରେ ଉତ୍ତରପ୍ରଦେଶ ସରକାରଙ୍କ ଜଳସେଚନ ବିଭାଗର କିଛି ଜମି ରହିଛି । ଓଖଲା, ମଦନପୁର,ଖାଦର, ଆଲି, ଜୈତପୁର,ମୋଲରବନ୍ଦ ଅଞ୍ଚଳରେ ଏହି ଜମି ରହିଛି ।

ୟୁପି ସରକାରଙ୍କ ଜଳସେଚନ ମନ୍ତ୍ରୀ ମହେନ୍ଦ୍ର ସିଂ ଦ୍ୱାରା ବି ଏହି ଉଚ୍ଛେଦ ବେଳର ଭିଡିଓ ଟ୍ୱିଟ କରାଯାଇଛି । କହିରଖୁ କି ଦିଲ୍ଲୀର କାଳିନ୍ଦୀ କୁଞ୍ଜ ମେଟ୍ରୋ ଷ୍ଟେସନ ଅଞ୍ଚଳରେ ବହୁ ସଂଖ୍ୟାରେ ରୋହିଙ୍ଗ୍ୟା ଶରଣାର୍ଥୀମାନେ କ୍ୟାମ୍ପ କରି ରହୁଛନ୍ତି । ଅନ୍ୟପଟେ ଉତ୍ତପ୍ରଦେଶ ସରକାର କିଛି ମାଫିଆ ମାନଙ୍କ ଦଖଲରେ ଥିବା ସରକାରୀ ଜମି ବି ଦଖଲ କରିଛନ୍ତି । ଏହାସହ ବେଆଇନ ନିର୍ମାଣକୁ ନେଇ ବି ଯୋଗୀ ସରକାର ପୁରା ଆକ୍ସନ ମୋଡରେ ଅଛନ୍ତି ।

ସୂଚନା ଥାଉକି ଦେଶରେ ରୋହିଙ୍ଗ୍ୟା ଶରଣାର୍ଥୀଙ୍କୁ ନେଇ ବାରମ୍ବାର ବିବାଦ ଦେଖା ଦେଇଛି । କେନ୍ଦ୍ର ସରକାର ସେମାନଙ୍କ ଅନୁପ୍ରବେଶ ଉପରେ କଡା କାର୍ଯ୍ୟାନୁଷ୍ଠାନ ନେଉ ନଥିବା ବେଳେ ସେମାନଙ୍କ କ୍ୟାମ୍ପ ଭାଙ୍ଗି ଯୋଗୀ ସରକାର ପ୍ରମାଣ କରିଛନ୍ତି କି ଭାରତରେ ଶରଣାର୍ଥୀ ମାନଙ୍କ ପାଇଁ କୌଣସି ସ୍ଥାନ ନାହିଁ ।

from Kanak News
via <a href="https://ifttt.com/?

କନକ ବ୍ୟୁରୋ : ଏସିଏଫ ସୌମ୍ୟରଂଜନଙ୍କ ମୃତ୍ୟୁ ମାମଲାର ଜୋରଦାର ତଦନ୍ତ ଚାଲିଥିବା ବେଳେ ସାମ୍ନାକୁ ଆସିଛି ବିଦ୍ୟାଭାରତୀଙ୍କ ଦ୍ୱିତୀୟ ହାତ ଲେଖା ଚିଠି । ଏଥିରେ ନିଜ ସମ୍ପର୍କକୁ ନେଇ ଖୁବ କ୍ରୋଧ ପ୍ରକାଶ କରିଛନ୍ତି ବିଦ୍ୟା । ଶତ୍ରୁକୁ ବି ଏମିତି ଲୋକ ନମିଳନ୍ତୁ ବୋଲି ଭଗବାନଙ୍କୁ ଅନୁରୋଧ କରିଛନ୍ତି । ସେ ଆହୁରି ମଧ୍ୟ ଲେଖିଛନ୍ତି ଯେ ହେ ଭଗବାନ କିଛି ବି କରିକି ଡିଭୋର୍ସ କରେଇ ଦିଅନ୍ତୁ, ମୁଁ ବଂଚିଥିଲା ଯାଏଁ ଋଣୀ ରହିଯିବି । ଏପରିକି ପୁରୀ ମନ୍ଦିରରେ ଦାସୀ ହୋଇ ସାରା ଜୀବନ ସେବା କରିବା କଥା ମଧ୍ୟ ଲେଖିଛନ୍ତି । କିନ୍ତୁ କିଛି ବି କରିକି ଏହି ଡିଭୋର୍ସ କରେଇ ଦେବାକୁ ସେ ଚିଠିରେ ଲେଖିଛନ୍ତି ।

 ଗତକାଲି ବିଦ୍ୟାଙ୍କ ପ୍ରଥମ ଚିଠି ସାମ୍ନାକୁ ଆସିଥିଲା । ଏଥିରେ ବିଦ୍ୟାଭାରତୀ ଲେଖିଛନ୍ତି, ସୌମ୍ୟଙ୍କ ସହ ବାହାଘର ତାଙ୍କର ସବୁଠାରୁ ଭୁଲ ନିଷ୍ପତ୍ତି ଥିଲା । ଗୋଟିଏ ଭୁଲ ନିଷ୍ପତ୍ତି କେମିତି ଜଣକର ଜୀବନକୁ ନଷ୍ଟ କରିଦିଏ, ତାହା ତାଙ୍କ ଜୀବନରେ ଘଟିଛି । ଏଥିରେ ସେ ଆହୁରି ଲେଖିଛନ୍ତି, ତାଙ୍କୁ କ୍ଷମା କରିଦିଅ । ସେ କେବେ କାହାର କ୍ଷତି କରିନାହାନ୍ତି । କାହାକୁ କଷ୍ଟ ଦେଇନାହାନ୍ତି ।କେମିତି ଆଉ ୩ ଦିନ କଟିବ ଓ ୧୨ରୁ ୧୫ ଶାନ୍ତିରେ ରହିବେ ସେ ନେଇ ବିଦ୍ୟାଭାରତୀ ଚିଠିରେ ଲେଖିଛନ୍ତି । ମୁଁ ପୃଥିବୀରେ ସବୁଠୁ ଅଧିକ ତୁମକୁ ଘୃଣା କରେ । ସମସ୍ତ ଭୁଲ ପାଇଁ ଭଗବାନ କ୍ଷମା କର ବୋଲି ଚିଠିରେ କହିଛନ୍ତି ବିଦ୍ୟାଭାରତୀ । ଦୟାକରି ମୋ ଜୀବନ ନଷ୍ଟ କରିନାହିଁ ।

ତେବେ ପ୍ରଥମ ଚିଠିରେ ବିଦ୍ୟା କ୍ଷୋଭ ପ୍ରକାଶ କରୁଥିବା ବେଳେ ଦ୍ବିତୀୟ ଚିଠିରେ କ୍ରୋଧ ପ୍ରକାଶ କରିଛନ୍ତି । ଏହି ଚିଠିରୁ ଗୋଟିଏ କଥା ସ୍ପଷ୍ଟ ହେଉଛି ଯେ, ବାହାଘର ପରେ ଉଭୟ ମଧ୍ୟରେ ଭୟଙ୍କର ମନାନ୍ତର ସୃଷ୍ଟି ହୋଇଥିଲା । ଅନ୍ୟପକ୍ଷରେ ବିଦ୍ୟା ଏହି ଚିଠି କେବେ ଲେଖିଲେ ତାହା ସ୍ପଷ୍ଟ ହୋଇନାହିଁ ।

from Kanak News
via <a href="https://ifttt.com/?