କନକ ବ୍ୟୁରୋ : କରୋନା ଭାଇରସକୁ ନେଇ ଆସିଲା ନୂଆ ତଥ୍ୟ । ଏବେ ଭାଇରସ ମଣିଷ ଶରୀରରେ ୩ରୁ ୪ ସପ୍ତାହ ଅଥାର୍ତ ପାଖାପାଖି ମାସେ ସମୟ ଧରି ରହୁଛି । ଏଭଳି ଏକ ତଥ୍ୟ ସାମ୍ନାକୁ ଆଣିଛନ୍ତି ଆଇଏଲଏସ ନିର୍ଦ୍ଦେଶକ ଅଜୟ ପରିଡା । ଆଇଏଲଏସ ନିର୍ଦ୍ଦେଶକଙ୍କ କହିବା ଅନୁଯାୟୀ, ପୂର୍ବରୁ ସଂକ୍ରମିତ ବ୍ୟକ୍ତିଙ୍କର ୧୫ ଦିନରେ ନେଗେଟିଭ ରିପୋର୍ଟ ଆସୁଥିଲା । କିନ୍ତୁ ଏବେ ସଂକ୍ରମିତ ହେଉଥିବା ବ୍ୟକ୍ତିଙ୍କ ଶରୀରରେ ୩ରୁ ୪ ସପ୍ତାହ ପର୍ଯ୍ୟନ୍ତ ଭାଇରସ ସକ୍ରିୟ ରହୁଛି ।

ସବୁଠୁ ବଡ କଥା ହେଲା, ଦ୍ୱିତୀୟ ଲହରରେ ଡେଲ୍ଟା ଭାଇରସ ଯୋଗୁଁ ସ୍ଥିତି ସଙ୍ଗୀନ ହେଲା । ଦେଶ ତଥା ରାଜ୍ୟରେ ଅଧିକାଂଶ ସଂକ୍ରମିତଙ୍କ ଶରୀରରେ ଡେଲ୍ଟା ଭାଇରସ ଚିହ୍ନଟ ହୋଇଥିଲା । ଦେଶରେ ୯୦ରୁ ୯୬ ପ୍ରତିଶତ ଲୋକ ଡେଲ୍ଟା ଭାଇରସରେ ସଂକ୍ରମିତ ହୋଇଥିବା ବେଳେ ଓଡ଼ିଶାରେ ମଧ୍ୟ ଏହି ସଂଖ୍ୟା ୯୨ରୁ ୯୩ ପ୍ରତିଶତ ରହିଛି ।

ଏସବୁ ଭିତରେ କୋଭିଡ କଟକଣା କୋହଳ ହୋଇଥିବାରୁ କିଛି ଜିଲ୍ଲାରେ ସଂକ୍ରମଣ ଏବେ ବି କମୁନି । ଯଦି ଏବେଠୁ ସଚେତନ ଓ ସତର୍କ ନହେବା ତେବେ ତୃତୀୟ ଲହରର ଆଶଙ୍କାକୁ ଏଡାଇ ଦିଆଯାଇନପାରେ ବୋଲି କହିଛନ୍ତି ଆଇଏଲଏସ ନିର୍ଦ୍ଦେଶକ । ତେବେ ଏଥିପାଇଁ ତିନୋଟି ଦିଗ ଉପରେ ଗୁରୁତ୍ୱ ଦେଇଛନ୍ତି ଅଜୟ । ଖାସକରି ଟିକାକରଣ, ଲୋକଙ୍କର ବ୍ୟବହାର ଓ ଭାଇରସ ଯଦି ରୂପ ବଦଳାଏ ତେବେ ତୃତୀୟ ଲହରର ଆଶଙ୍କା ଅଧିକ ବଢିବ । ଏସବୁ ବାଦ୍ ଆଣ୍ଟିଜେନ ଓ ଆରଟିପିସିଆର ଟେଷ୍ଟିଂକୁ ନେଇ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି ଅଜୟ । ଆଣ୍ଟିଜେନ ଟେଷ୍ଟରେ ପଜିଟିଭ ଆସିଲେ କରୋନା ସଂକ୍ରମିତ ନିଶ୍ଚିତ ବୋଲି ସେ କହିଛନ୍ତି । ସେହିଭଳି ଆଣ୍ଟି ଜେନ ଟେଷ୍ଟରେ ନେଗେଟିଭ ଆସିଲେ ମଧ୍ୟ ଆରଟିପିସିଆର ଟେଷ୍ଟରେ ପଜିଟିଭ ଆସୁଛନ୍ତି । ତେଣୁ ସଂକ୍ରମଣ ବାବଦରେ ନିଶ୍ଚିତ ହେବାକୁ ଆରଟିପିସିଆର ଟେଷ୍ଟ ଉପରେ ଗୁରୁତ୍ୱ ଦିଆଯାଉଛି । ଏହାସହ ୨ଟି ଡୋଜ ଟୀକା ନେବା ପରେ ସଂକ୍ରମିତ ହେବାର ସମ୍ଭାବନା କମ ବୋଲି କହିଛନ୍ତି ଅଜୟ ।

from Kanak News
via <a href="https://ifttt.com/?

କନକ ବ୍ୟୁରୋ : ପାରଳାଖେମୁଣ୍ଡି ଏସିଏଫ ସୌମ୍ୟରଂଞ୍ଜନଙ୍କ ସରକାରୀ କ୍ୱାର୍ଟରରେ ରହିଛି ପୋଡ଼ା ଦାଗ । କ୍ରାଇମସିନରେ ଯାଂଚ କରୁଥିବା କ୍ରାଇମବ୍ରାଂଚ ଟିମର ମୁଖ୍ୟ ଡିଏସପି ବିଜୟ କୁମାର ମଲ୍ଲିକ ଏହି ସୂଚନା ଦେଇଛନ୍ତି । ଯାଂଚ କରୁଥିବା କ୍ରାଇମବ୍ରାଂଚ ଟିମକୁ ଗଣମାଧ୍ୟମ ପ୍ରତିନିଧି ପ୍ରଶ୍ନ କରିଥିଲେ କ୍ୱାର୍ଟର ଭିତରେ କୌଣସି କଳା ଚିହ୍ନ ରହିଛି କି? ଏହାର ଉତ୍ତରରେ କ୍ରମାଇବ୍ରାଂଚ ଅଧିକାରୀ କହିଛନ୍ତି କଳା ଦାଗ ଓ ପୋଡ଼ା ଦାଗ ରହିଛି ।

ଆଜି ଦିନ ପ୍ରାୟ ୧୧ଟାରୁ କ୍ରାଇମସିନରେ ପହଂଚି ଛାନଭିନ ଆରମ୍ଭ କରିଛନ୍ତି ପୋଲିସ ଓ କ୍ରାଇମବ୍ରାଂଚ ଟିମ୍ । ଘର ଭିତରେ ମତ୍ୟୁ ମାମଲାରେ କ୍ରାଇମସିନ୍ ବୁଲି ଦେଖୁଛି କ୍ରାଇମବ୍ରାଂଚ । ଏଥିପାଇଁ କ୍ରାଇମବ୍ରାଂଚ ଟିମ୍ ସହ ପହଂଚିଛି ପାରଳାଖମୁଣ୍ଡି ପୋଲିସ । ସୌମ୍ୟଙ୍କ ମୃତ୍ୟୁ ହୋଇଥିବା ସରକାରୀ କ୍ୱାର୍ଟରକୁ ଯାଇ ତଦନ୍ତ କରିଛି କ୍ରାଇମବ୍ରାଂଚ ଟିମ୍ । ଯେଉଁ ସ୍ଥାନରେ ପୋଡିହୋଇ ସୌମ୍ୟଙ୍କ ମୃତ୍ୟୁ ହୋଇଥିଲା, ସେହିଠାରେ ପୋଲିସ ଉପସ୍ଥିତିରେ କ୍ରାଇମସିନ କରାଯିବ । ଏହାଛଡା ଡିଏଫଓ ଏବଂ ଗୁରାଣ୍ଡି ଥାନାର ମହିଳା ଅଧିକାରୀ ମମତା ପଣ୍ଡାଙ୍କୁ ଜେରା କରାଯିବ ।

ଉଭୟ ଡିଏଫଓ ଏବଂ ମମତା ପଣ୍ଡାଙ୍କ ଭୂମିକାକୁ ନେଇ ସୌମ୍ୟଙ୍କ ପରିବାର ସନ୍ଦେହ ପ୍ରକାଶ କରିଥିବାରୁ ପୋଲିସ ଓ କ୍ରାଇମବ୍ରାଂଚ ମିଳିତ ଭାବେ ପଚରା ଉଚୁରା କରିବେ ବୋଲି ଜଣାପଡିଛି । ସୌମ୍ୟଙ୍କ ବାପା ଅଭିରାମ ମହାପାତ୍ରଙ୍କ ଅଭିଯୋଗ ଆଧାରରେ ଡିଏଫଓଙ୍କ ବିରୋଧରେ ମାମଲା ରୁଜୁ କରିଥିଲା ପୋଲିସ । ସେହିପରି ଘଟଣାଦିନ ଗୁରୁତର ସୌମ୍ୟଙ୍କୁ ନେଇ ଯାଉଥିବା ଆମ୍ବୁଲାନ୍ସକୁ ଅଟକାଇବାରେ ମମତା ପଣ୍ଡାଙ୍କ ଭୂମିକା ରହିଥିବା ଅଭିଯୋଗ କରିଥିଲେ ସୌମ୍ୟଙ୍କ ବାପା ।

from Kanak News
via <a href="https://ifttt.com/?

କନକ ବ୍ୟୁରୋ : କର ଚୋରୀ ଅଭିଯୋଗରେ ଦୈନିକ ଖବର କାଗଜ ‘ଭାସ୍କର’ ଖବର କାଗଜର ମାଲିକଙ୍କ ଘର ଓ ସଂସ୍ଥା ଉପରେ ଚଢାଉ କରିଛି ଆୟକର ବିଭାଗ । ସୂଚନା ମୁତାବକ ଗତକାଲି ରାତି ୨ ଟା ପରେ କମ୍ପାନୀର କାର୍ଯ୍ୟାଳୟ ଉପରେ ଚଢାଉ ହୋଇଛି । ଆୟକର ତଦନ୍ତକାରୀ ଦଳ ତରଫରୁ ଭାସ୍କର ମାଲିକଙ୍କ ନୋଏଡା, ଜୟପୁର ଓ ଅହମ୍ମଦାବାଦ କାର୍ଯ୍ୟାଳୟ ଉପରେ ଏକା ସାଙ୍ଗରେ ଚଢାଉ କରିଛି ।

କୁହାଯାଇଛି କି, ଅୟକର ବିଭାଗର ଏହା ଏକ ବଡ ଚଢାଉ । ଭାସ୍କର କାର୍ଯ୍ୟାଳୟରେ ଉପସ୍ଥିତ ଥିବା ସମସ୍ତ କର୍ମଚାରୀଙ୍କ ଫୋନ ଜବତ କରିଛି ଆୟକର ବିଭାଗ । ଏହାସହ କୌଣସି କର୍ମଚାରୀଙ୍କୁ କମ୍ପାନୀ ପରିସର ବାହାରକୁ ବାହାରିବାକୁ ଦିଆଯାଇ ନାହିଁ । ଆୟକର ବିଭାଗର ଏହି ଟିମ୍ ପ୍ରେସ କମ୍ପେ୍ଲକ୍ସ ସହିତ ୬ ଟି ସ୍ଥାନରେ ଚଢାଉ କରୁଥିବା ସୂଚନା ମିଳିଛି ।

Madhya Pradesh: Visuals from outside the office of Dainik Bhaskar Group in Bhopal

Income Tax Department is conducting searches on Dainik Bhaskar Group in connection with tax evasion case, at multiple locations, as per Sources pic.twitter.com/boH3xLGUUE

— ANI (@ANI) July 22, 2021

ଏହି ଚଢାଉରେ ଆୟକର ବିଭାଗ,ପ୍ରବର୍ତ୍ତନ ନିର୍ଦ୍ଦେଶାଳୟ ସହ ସ୍ଥାନୀୟ ପୋଲିସ ସହଯୋଗ କରିଛନ୍ତି । ପୁରା ସର୍ଚ୍ଚ ଅପରେଶନ ଦିଲ୍ଲୀ ଓ ମୁମ୍ବାଇ ଟିମ୍ ଦ୍ୱାରା କରାଯାଉଛି । ଏହି ଚଢାଉରେ ୧୦୦ ରୁ ଅଧିକ କର୍ମଚାରୀ ସାମିଲ ଥିବା କୁହାଯାଇଛି । ଚଢାଉ ବେଳେ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଥିବା ଜଣାପଡିଛି ।

ଅନ୍ୟପଟେ ଏହି ଚଢାଉକୁ ନେଇ ରାଜନୀତି ଆରମ୍ଭ ହୋଇଯାଇଛି । କଂଗ୍ରେସ ରାଷ୍ଟ୍ରୀୟ ପ୍ରବକ୍ତା ରଣଦୀପ ସୁରଜେୱାଲା ଟ୍ୱିଟ୍ କରି କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି । ସେ ଲେଖିଛନ୍ତି ଯେ ‘ରେଡ ଜୀବୀ ଜୀ’ ଗଣମାଧ୍ୟମର ସ୍ୱାଧିନତା ଉପରେ ଭୀରୁତାର ଆକ୍ରମଣ । ଗଣମାଧ୍ୟମ ଉପରେ ସରକାରଙ୍କ ଏଭଳି ଆକ୍ରମଣକୁ ନିନ୍ଦା କରି ସେ କହିଛନ୍ତି କି ଏଭଳି କରି ଗଣମାଧ୍ୟମର ସ୍ୱରକୁ ଚପାଇ ଦିଆଯାଇ ପାରିବ ନାହିଁ ।

from Kanak News
via <a href="https://ifttt.com/?

କନକ ବ୍ୟୁରୋ :  କେନ୍ଦ୍ର ସରକାରଙ୍କ ଦ୍ୱାରା ପାରିତ ୩ ଟି କୃଷି ଆଇନକୁ ବିରୋଧ କରି ଦୀର୍ଘ ୮ ମାସ ହେବ କୃଷକ ସଂଗଠନମାନେ ଧାରଣାରେ ବସିଛନ୍ତି । ଏହି କ୍ରମରେ ଏବେ ସଂସଦରେ ମୌସୁମୀ ଅଧିବେଶନ ଚାଲିଥିବା ବେଳେ କୃଷକମାନେ ସଂସଦ ଭବନ ଆଗରେ ଆଜିଠାରୁ ଧାରଣାରେ ବସୁଥିବା କୁହାଯାଇଛି । ଦିଲ୍ଲୀର ଜନ୍ତର ମନ୍ତର ଠାରେ ଦୈନିକ ୨୦୦ କୃଷକ ଧାରଣାରେ ବସିବେ । କୃଷକ ଆନ୍ଦୋଳନର ନେତୃତ୍ୱ ନେଉଥିବା  ସଂଯୁକ୍ତ କିଷାନ ମୋର୍ଚ୍ଚା ଏହି ଧାରଣାର ନାମ ‘କିଷାନ ସଂସଦ’ ରଖିଛନ୍ତି । ଅନ୍ୟପଟେ କୃଷକଙ୍କ ଏଭଳି ନିଷ୍ପତ୍ତିକୁ ଦେଖି ସିଂଘୁ ସୀମାରେ ପୋଲିସ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିଛି । ପୁରା ଅଞ୍ଚଳକୁ ପୋଲିସ ସୁରକ୍ଷାବଳ ଭିତରେ ରଖିଥିବା ଦେଖିବାକୁ ମିଳିଛି ।

Farmers gather to board the buses at Singhu (Delhi-Haryana) border, ahead of protest against three farm laws at Jantar Mantar in Delhi pic.twitter.com/S4JFHt6lv4

— ANI (@ANI) July 22, 2021

ପୋଲିସର ସୂଚନା ମୁତାବକ ୨୦୦ କୃଷକ ବସ୍ ମାଧ୍ୟମରେ ସିଂଘୁ ସୀମାରୁ ଜନ୍ତର ମନ୍ତର ଆସୁଛନ୍ତି । ସେମାନେ ସକାଳ ୧୧ ଟାରୁ ସନ୍ଧ୍ୟା ୫ ଟା ପର୍ଯ୍ୟନ୍ତ ଧାରଣାରେ ବସିବା ସହ ବିକ୍ଷୋଭ ପ୍ରଦର୍ଶନ କରିବେ ବୋଲି କୁହାଯାଇଛି । ଅନ୍ୟପଟେ କୋଭିଡ କାଳରେ ଧାରଣା ହେଉଥିବାରୁ ଏନେଇ ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ସରକାରଙ୍କୁ ଏକ ଶପଥ ପତ୍ର ଦେଇ ବିକ୍ଷୋଭ ସମୟରେ ସମସ୍ତ କୋଭିଡ ନିୟମ ପାଳନ କରାଯିବ ବୋଲି କୁହାଯାଇଛି ।

ସେପଟେ ଆନ୍ଦୋଳନ ପାଇଁ ଦିଲ୍ଲୀ ପୋଲିସ ପକ୍ଷରୁ କୌଣସି ଲିଖିତ ଅନୁମତି ଦିଆଯାଇ ନାହିଁ । କେବଳ ଧାରଣା ପ୍ରଦର୍ଶନ ପାଇଁ ଔପଚାରିକ ଅନୁମତି ମିଳିଛି । ଏହି ଅନୁମତି ମୁତାବକ ଆଜି ଠାରୁ ଅଗଷ୍ଟ ୯ ତାରିଖ ପର୍ଯ୍ୟନ୍ତ ଦୈନିକ ୨୦୦ କୃଷକ ସକାଳ ୧୧ ଟାରୁ ସନ୍ଧ୍ୟା ୫ ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଧାରଣାରେ ବସିପାରିବେ ।

ଅନ୍ୟପଟେ ସଂସଦ ଭବନ ଭିତରେ କଂଗ୍ରେସ ପକ୍ଷରୁ କୃଷି ଆଇନ ପ୍ରତ୍ୟାହାର ଦାବି କରି ଗାନ୍ଧୀ ମୂର୍ତ୍ତି ତଳେ ଧାରଣା ଦେଇଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ଲଘୁଚାପର ରୂପ ନେଲା ଘୂର୍ଣ୍ଣିବଳୟ । ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାରେ ପ୍ରବଳ ବର୍ଷା ସମ୍ଭାବନା । ଅନ୍ୟ ଜିଲ୍ଲାରେ ହାଲୁକା ଓ ମଧ୍ୟମ ଧରଣର ବର୍ଷା ସମ୍ଭାବନା ନେଇ ପାଣିପାଗ ବିଭାଗର ସୂଚନା । ୨୭ ଯାଏଁ ପାଣିପାଗ ବିଭାଗ ପକ୍ଷରୁ କିଛି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ୨୪ ଘଂଟାରେ ୧୯ ଜିଲ୍ଲାରେ ଘଡ଼ଘଡ଼ି ସହ ବର୍ଷା ନେଇ ସର୍ତକ ସୂଚନା ଜାରି କରିଛି ପାଣିପାଗ ବିଭାଗ ।

ଲଘୁଚାପ ପ୍ରଭାବରେ ୩ ଦିନ ବର୍ଷା ଲାଗି ରହିବ । କଟକ, ଭୁବନେଶ୍ୱର, ଭଦ୍ରକ, କେନ୍ଦ୍ରାପଡ଼ା, ସମ୍ବଲପୁର, ଦେଓଗଡ଼, ଅନୁଗୁଳ, ଖୋର୍ଦ୍ଧା, ପୁରୀ, କୋରାପୁଟ, ମାଲକାନଗିରି, ବାଲେଶ୍ୱର, କନ୍ଧମାଳ, ଯାଜପୁର, ମୟୂରଭଞ୍ଜ, ସୁନ୍ଦରଗଡ଼ ଜିଲ୍ଲାରେ ଲଘୁଚାପ ପ୍ରଭାବରେ ଅଧିକ ବର୍ଷା ହେବାର ସମ୍ଭାବନା ରହିଛି । ଜୁନ ୧ରୁ ୨୧ ଜୁଲାଇ ଯାଏଁ ଓଡ଼ିଶାରେ ୩୩୦.୬ମିମି ବର୍ଷା ରେକର୍ଡ କରାଯାଇଛି । ବର୍ତ୍ତମାନ ସୁଦ୍ଧା ଓଡ଼ିଶାରେ ମୌସୁମୀ ବର୍ଷା ସ୍ୱାଭାବିକ ଠାରୁ -୨୬% କମ ରହିଛି, ଭଦ୍ରକ ଜିଲ୍ଲାରେ ସବୁଠାରୁ କମ ବର୍ଷା ରେକର୍ଡ କରାଯାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ସାଇଂଟିଫିକ୍ ଟିମ୍ ଉପସ୍ଥିତିରେ ବରିମୁଣ୍ଡ କୁଆଖାଇ ନଦୀ ପଠାରୁ ଉଦ୍ଧାର ହେଲା ମୃତ ଦେହ । ଡିସିପି କହିଲେ ଏମ୍ସରେ ହେବ ଶବ ବ୍ୟବଚ୍ଛେଦ । ଚପଲ, ଡ୍ରେସ ଓ ଏଫଏମ୍ଟି ରିପୋର୍ଟକୁ ନେଇ ଆଗେଇବ ତଦନ୍ତ । ଗତକାଲି ଏହି ଘଟଣା ସାମ୍ନାକୁ ଆସିବା ପରେ ପୋଲିସ ଲାଇଟ ବ୍ୟବସ୍ଥା କରି ଜଗି ରହିଥିଲା । ସକାଳୁ ସାଇଂଟିଫିକ୍ ଟିମ୍ ଏବଂ ସ୍ପେଶାଲ ସ୍କ୍ୱାର୍ଡ଼ ତଦନ୍ତ କରିଛନ୍ତି । ଥ୍ରିଡ଼ି ସ୍କାନ୍ କରାଯାଇଛି । ଥାନାରେ ହୋଇଥିବା ମିସିଂ ରିପୋର୍ଟ ଅନୁସାରେ ତଦନ୍ତ କରାଯିବ । ମୃତଦେହ ଉଦ୍ଧାର ପରେ ଏହା ଜଣେ ପୁରୁଷଙ୍କ ମୃତଦେହ ବୋଲି ଅନୁମାନ କରାଯାଉଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଅକ୍ସିଜେନ ଅଭାବରୁ ଦେଶରେ କାହାରି ମୃତ୍ୟୁ ହୋଇନଥିବା କହିଛନ୍ତି କେନ୍ଦ୍ର ସରକାର । ଏ ସଂପର୍କିତ ଏକ ଅଣତାରକା ପ୍ରଶ୍ନର ଉତ୍ତର ରଖି ସଂସଦରେ ସୂଚନା ଦେଇଥିଲେ କେନ୍ଦ୍ର ସ୍ୱାସ୍ଥ୍ୟ ରାଷ୍ଟ୍ରମନ୍ତ୍ରୀ । ରାଜ୍ୟଗୁଡିକ ଦେଇଥିବା ତଥ୍ୟ ଆଧାରରେ କେନ୍ଦ୍ରମନ୍ତ୍ରୀ ଏଭଳି ଉତ୍ତର ରଖିଥିବା ଦାବି କରୁଛି ବିଜେପି । ଅର୍ଥାତ ରାଜ୍ୟ ସରକାରଗୁଡିକ କେନ୍ଦ୍ରକୁ ଏଭଳି ରିପୋର୍ଟ ଦେଇଛନ୍ତି । ଅକ୍ସିଜେନ ଅଭାବରୁ କୌଣସି କରୋନା ଆକ୍ରାନ୍ତଙ୍କ ମୃତ୍ୟୁ ହୋଇନଥିବା କହିଛନ୍ତି । ଏହାକୁ ନେଇ ଏବେ ରାଜନୀତି ସରଗରମ ହୋଇଛି । ମୋଦୀ ସରକାର ସଂସଦରେ ମିଛ କହିଥିବା ବିରୋଧୀ ଅଭିଯୋଗ କରୁଛନ୍ତି । ହେଲେ ଗତ ଏପ୍ରିଲ-ମେ’ରେ ବିଭିନ୍ନ ହସ୍ପିଟାଲରୁ ଆସିଥିବା ମୃତ୍ୟୁ ଖବର ଏବେ କେନ୍ଦ୍ର ସରକାରଙ୍କ ମିଛ ପଦାରେ ପକାଇ ଦେଇଛି ।

– ମେ ୧ ତାରିଖରେ ଦିଲ୍ଲୀର ବାତ୍ରା ହସ୍ପିଟାଲରେ ଅକ୍ସିଜେନ୍ ଅଭାବରୁ ୧୨ ଜଣଙ୍କ ଆକ୍ରାନ୍ତଙ୍କ ମୃତ୍ୟୁ ହୋଇଥିଲା
– ବାତ୍ରା ହସ୍ପିଟାଲରେ ଆକ୍ରାନ୍ତଙ୍କ ମୃତ୍ୟୁ ପାଇଁ ଦୁଃଖ ପ୍ରକାଶ କରିଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ
– ଗୋଆରେ ମେ ୧୧ରୁ ୧୫ ଭିତରେ ୮୩ ରୋଗୀଙ୍କ ଅକ୍ସିଜେନ୍ ଅଭାବରୁ ମୃତ୍ୟୁ ହୋଇଥିଲା
– ମେ ୧୧ରେ ଗୋଆ ସ୍ୱାସ୍ଥ୍ୟମନ୍ତ୍ରୀ ବିଶ୍ୱଜିତ ରାଣେ କହିଥିଲେ ରାତି ୨ରୁ ସକାଳ ୬ ମଧ୍ୟରେ ଅନେକ ଲୋକଙ୍କ ମୃତ୍ୟୁ ହୋଇଛି
– କର୍ଣ୍ଣାଟକରେ ମେ ୨ ଓ ୩ ତାରିଖରେ ଅକ୍ସିଜେନ ସ୍ତର କମିଯିବାରୁ ୨୪ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଥିଲା
– କର୍ଣ୍ଣାଟକ ହାଇକୋର୍ଟଙ୍କ ଦ୍ୱାରା ଗଠିତ କମିଟି ଅନୁଯାୟୀ ରାଜ୍ୟରେ ୩୬ ଜଣଙ୍କ ଅକ୍ସିଜେନ ଅଭାବରୁ ମୃତ୍ୟୁ ହୋଇଛି
– ଆନ୍ଧ୍ରରେ ୪୫ ଜଣଙ୍କ ଅକ୍ସିଜେନ୍ ଅଭାବରୁ ମୃତ୍ୟୁ ଅଭିଯୋଗ ହୋଇଥିବାବେଳେ ୨୩ ଜଣଙ୍କ ମୃତ୍ୟୁକୁ ହାଇକୋର୍ଟରେ ସ୍ୱୀକାର କରିଛନ୍ତି ରାଜ୍ୟ ସରକାର
– ହରିୟାଣାରେ ଏପ୍ରିଲ ୫ରୁ ମେ ୧ ମଧ୍ୟରେ ୧୯ ରୋଗୀଙ୍କ ମୃତ୍ୟୁ ହୋଇଥିବାବେଳେ ରାଜ୍ୟ ସରକାର ତଦନ୍ତ ନିର୍ଦ୍ଦେଶ ଦେଇଛନ୍ତି

from Kanak News
via <a href="https://ifttt.com/?

କନକ ବ୍ୟୁରୋ : ସୌମ୍ୟଙ୍କ ପତ୍ନୀଙ୍କୁ ପୋଲିସ ଜେରା ଉପରେ ଅସନ୍ତୋଷ ପ୍ରକାଶ କରିଛନ୍ତି ତାଙ୍କ ପରିବାର । ସୌମ୍ୟଙ୍କ ବାପା ଅଭିରାମ ମହାପାତ୍ରଙ୍କ ଓକିଲ କହିଛନ୍ତି, ଅଭିଯୁକ୍ତଙ୍କ ଘରେ ବିରିୟାନୀ ଖାଇ ତାଙ୍କ ବାପା, ମାଆଙ୍କ ଉପସ୍ଥିତିରେ ବନ୍ଦ ଘରେ ଜେରା କରିଛି ପୋଲିସ । ପାରିପାର୍ଶ୍ବିକ ପ୍ରମାଣ ଏବଂ ସୌମ୍ୟଙ୍କ ପତ୍ନୀ ବିଦ୍ୟାଭାରତୀଙ୍କ ବୟାନରେ ତାଳମେଳ ରହୁନଥିବାରୁ ତାଙ୍କୁ ପୋଲିସ ଗିରଫ କରିବା କଥା ବୋଲି କହିଛନ୍ତି ସୌମ୍ୟଙ୍କ ପରିବାରର ଓକିଲ ପାର୍ଥସାରଥୀ ନାୟକ ।

ସେପଟେ ଆଜି କ୍ରାଇମସିନ୍ ବୁଲି ଦେଖିବ କ୍ରାଇମବ୍ରାଂଚ । ସୌମ୍ୟଙ୍କ ମୃତ୍ୟୁ ହୋଇଥିବା ସରକାରୀ କ୍ୱାର୍ଟରକୁ ମଧ୍ୟ ଯିବ କ୍ରାଇମବ୍ରାଂଚ ଟିମ୍ । ଯେଉଁ ସ୍ଥାନରେ ପୋଡିହୋଇ ସୌମ୍ୟଙ୍କ ମୃତ୍ୟୁ ହୋଇଥିଲା, ସେହିଠାରେ ପୋଲିସ ଉପସ୍ଥିତିରେ କ୍ରାଇମ ସିନ କରାଯିବ । ଏହା ଛଡା ଡିଏଫଓ ଏବଂ ଗୁରାଣ୍ଡି ଥାନାର ମହିଳା ଅଧିକାରୀ ମମତା ପଣ୍ଡାଙ୍କୁ ଜେରା କରାଯିବ । ଉଭୟ ଡିଏଫଓ ଏବଂ ମମତା ପଣ୍ଡାଙ୍କ ଭୂମିକାକୁ ନେଇ ସୌମ୍ୟଙ୍କ ପରିବାର ସନ୍ଦେହ ପ୍ରକାଶ କରିଥିବାରୁ ପୋଲିସ ଓ କ୍ରାଇମବ୍ରାଂଚ ମିଳିତ ଭାବେ ପଚରା ଉଚୁରା କରିବେ ବୋଲି ଜଣାପଡିଛି ।

ସୌମ୍ୟଙ୍କ ବାପା ଅଭିରାମ ମହାପାତ୍ରଙ୍କ ଅଭିଯୋଗ ଆଧାରରେ ଡିଏଫଓଙ୍କ ବିରୋଧରେ ମାମଲା ରୁଜୁ କରିଥିଲା ପୋଲିସ । ସେହିପରି ଘଟଣାଦିନ ଗୁରୁତର ସୌମ୍ୟଙ୍କୁ ନେଇ ଯାଉଥିବା ଆମ୍ବୁଲାନ୍ସକୁ ଅଟକାଇବାରେ ମମତା ପଣ୍ଡାଙ୍କ ଭୂମିକା ରହିଥିବା ଅଭିଯୋଗ କରିଥିଲେ ସୌମ୍ୟଙ୍କ ବାପା ।

from Kanak News
via <a href="https://ifttt.com/?

କନକ ବ୍ୟୁରୋ : ଭୁବନେଶ୍ୱର ଉପକଣ୍ଠ କୁଆଖାଇ ପଠାରେ ଠାବ ହୋଇ ହୋଇଛି ଅଜଣା ମୃତଦେହ । ମଂଚେଶ୍ୱର ଥାନା ଅଂଚଳର ବରିମୁଣ୍ଡ ଛକ ନିକଟ ବାଲିଯାତ୍ରା ପଡିଆ କୁଆଖାଇ ପଠା ବାଲିରେ ଗୋଟିଏ ମୃତଦେହ ପୋତା ହୋଇଥିବା ଦେଖିଥିଲେ ସ୍ଥାନୀୟ ଲୋକ । ନଈପଠା ବାଲିରେ ପୋତା ଦୋଇଥିବା ମୃତଦେହର ହାତ ଗୋଡ ବାହାରକୁ ଦେଖାଯାଉଛି । ଏନେଇ କମିଶନରେଟ ପୁଲିସକୁ ସ୍ଥାନୀୟ ଲୋକେ ଖବର ଦେଇଥିଲେ ।

ମଂଚେଶ୍ୱର ଥାନା ପୁଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି । ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଯିବ ବୋଲି ସୂଚନା ମିଳିଛି । ଏହା ସହ ଘଟଣା ସ୍ଥଳରେ ସାଇଂଟିଫିକ୍ ଟିମ୍ ପହଂଚି ତଦନ୍ତ କରିବାର ସୁଚନା ରହିଛି । ମୃତଦେହଟି ଜଣେ ମହିଳାଙ୍କର ବୋଲି ସନ୍ଦେହ କରାଯାଉଛି । ସେ ଲେଗିନ୍ସ ପିନ୍ଧିଥିବା ବେଳେ ସେ ନେଲପଲିସ ଲଗାଇଥିବା ଜଣାପଡ଼ିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଚାଷ ସମୟ ଆସିଲେ କାମାକ୍ଷାନଗର ନିକଟ ଗଡପଳାଶୁଣି ଗାଁକୁ ଛୁଟି ଆସିଥାନ୍ତି ଗେଣ୍ଡାଳିଆ ପକ୍ଷୀ । ପୁରା ଚାଷ ସମୟତକ ଗାଁରେ ରହିଥାନ୍ତି । ଚାଷ ସରିବାର ସମୟ ଆସିଲେ ପୁଣି ଫେରିଯାନ୍ତି । ପ୍ରତ୍ୟକ ବର୍ଷ ଗେଣ୍ଡାଳିଆଙ୍କ ଏପରି ଆଗମନ ଗଡପଳାଶୁଣି ଗାଁରେ ପକ୍ଷୀ ଓ ଗ୍ରାମବାସୀଙ୍କ ମଧ୍ୟରେ ଏକ ନିଆରା ଭାବ ଯୋଡି ଦେଇଛି ।

ଢେଙ୍କାନାଳ ଜିଲ୍ଲା କଙ୍କଡାହାଡ ବ୍ଲକର ଗଡପଳାଶୁଣି ଏବେ ଗେଣ୍ଡାଳିଆ ପକ୍ଷୀକୁ ନେଇ ଏକ ଭିନ୍ନ ପରିଚୟ ଅର୍ଜନ କରିିଛି । ପ୍ରତ୍ୟକ ବର୍ଷ ବର୍ଷା ସମୟ ଆସିଲେ, ଚାଷ ସମୟକୁ ଗାଁରେ ମେଳା ଜମାନ୍ତି ହଜାର ହଜାର ଗେଣ୍ଡାଳିଆ ପକ୍ଷୀ । ଗାଁ ମୁଣ୍ଡ ଶିବ ମନ୍ଦିର ନିକଟ କଇଁଆ ଗଛରୁ ଆରମ୍ଭ କରି ଆଖପାଖ ଆଂବ ଗଛ ସବୁ ପାଲଟି ଥାଏ ଏହି ଗେଣ୍ଡାଳିଆ ପକ୍ଷୀଙ୍କ ଆଶ୍ରୟସ୍ଥଳ । ଏହି ପକ୍ଷୀଙ୍କୁ ଦେଖିବା ପରେ ଗାଁରେ ଚାଷୀ ଆରମ୍ଭ କରିଥାଏ ଚାଷ କାମ । ଗଡପଳାଶୁଣି ଗାଁକୁ କାହିଁକି ଏପରି ଗେଣ୍ଡାଳିଆଙ୍କ ଆଗମନ ହୋଇଥାଏ ତାହା କେହି ବି ଜାଣନ୍ତିନି ।

ବର୍ଷ ବର୍ଷ ଧରି ଏହିପରି ପ୍ରତ୍ୟକ ବର୍ଷ ଗେଣ୍ଡାଳିଆ ପକ୍ଷୀଙ୍କ ସମାଗମ ଦେଖିବାକୁ ମିଳିଥାଏ ଏହି ଗାଁରେ । ଜୁନ୍ ମାସ ଆରମ୍ଭରୁ ଗେଣ୍ଡାଳିଆ ଆସିବା ସହ ଦୀପାବଳି ପରେ ପୁଣି ଫେରିଯାନ୍ତି । ଆଖପାଖ କୌଣସି ଗାଁରେ ଏପରି କିନ୍ତୁ ଦେଖାନ ଯିବା , ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । ଗଡପଳାଶୁଣି ଗାଁରେ ଗେଣ୍ଡାଳିଆଙ୍କୁ ଚାଷୀର ସାଥୀ ଭାବେ ଗ୍ରହଣ କରିଛନ୍ତି ଗ୍ରାମବାସୀ । ସେଥିପାଇଁ ଏହି ପକ୍ଷୀଙ୍କ ସୁରକ୍ଷାରେ ରହିଛି ପୁରା ଗାଁ  ।

from Kanak News
via <a href="https://ifttt.com/?