କନକ ବ୍ୟୁରୋ : ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ‘ମୁଖ୍ୟମନ୍ତ୍ରୀ କିଷାନ ମିତ୍ର ଏନର୍ଜୀ ଯୋଜନା’ର ଶୁଭାରମ୍ଭ କରିଛନ୍ତି । ଶନିବାର ଦିନ ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି କି ରାଜ୍ୟରେ ଥିବା ୧୫ ଲକ୍ଷ କୃଷକ ପରିବାରକୁ ପ୍ରତିମାସର ବିଜୁଳି ବିଲ ଉପରେ ରାଜ୍ୟ ସରକାର ୧ ହଜାର ଟଙ୍କା ଛାଡ କରିବେ । ଏହି ରିହାତି ଅର୍ଥ ସିଧା ସଳଖ ଉପଭୋକ୍ତାଙ୍କ ବ୍ୟାଙ୍କ ଖାତାକୁ ଆସିବ । ଏହାସହ ଚଳିତ ବର୍ଷ ମେ ମାସର ବିଜୁଳି ବିଲ ଠାରୁ ଲାଗୁ ହେବ ।

ମୁଖ୍ୟମନ୍ତ୍ରୀ ଆଶୋକ ଗେହଲଟ୍ ଟ୍ୱିଟ୍ ଜରିଆରେ ଏହି ସୂଚନା ଦେଇଛନ୍ତି । ସେ ତାଙ୍କ ଟ୍ୱିଟରେ ଲେଖିଛନ୍ତି କି କୃଷକ ମାନଙ୍କର ସ୍ୱାର୍ଥକୁ ରାଜ୍ୟ ସରକାର ସର୍ବଦା ପ୍ରାଥମିକତା ଦେଇ ଆସୁଛନ୍ତି । ଏହି କ୍ରମରେ ତାଙ୍କ ସରକାର କୃଷକମାନଙ୍କର ଆର୍ଥିକ ବିକାଶ ଓ ମଙ୍ଗଳ ପାଇଁ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଉଛନ୍ତି ବୋଲି ସେ କହିଛନ୍ତି । ସେ ଆହୁରି କହିଛନ୍ତି କି ଏହି ଯୋଜନାର ଲାଭ ବି ଭାଗଚାଷୀ ପାଇପାରିବେ । ଏହି ଯୋଜନା ମାଧ୍ୟମରେ ରାଜ୍ୟ ସରକାର ପ୍ରତିବର୍ଷ ୧୪୫୦ କୋଟି ଟଙ୍କା ଖର୍ଚ୍ଚ କରିବେ ।

किसान कल्याण राज्य सरकार की सर्वोच्च प्राथमिकता रही है। इसी भावना के साथ हमारी सरकार ने किसानों को समृद्ध और खुशहाल बनाने के लिए कई महत्त्वपूर्ण फैसले लिए हैं। इसी कड़ी में अब हम ‘मुख्यमंत्री किसान मित्र ऊर्जा योजना’ शुरू करने जा रहे हैं।

— Ashok Gehlot (@ashokgehlot51) July 17, 2021

ଅନ୍ୟପଟେ ରାଜସ୍ଥାନ ସରକାର ଘୋଷଣା କରିଥିବା ଏହି ଯୋଜନାର ଲାଭ ସେହିମାନେ ପାଇପାରିବେ ନାହିଁ, ଯେଉଁମାନେ ପୂର୍ବରୁ ବିଜୁଳି ବିଲ୍ ବାକି ରହିଛି । ଅନ୍ୟପଟେ ଯଦି କୌଣସି ଲାଭାର୍ଥୀଙ୍କର ଗୋଟିଏ ମାସର ବିଲ ୧ ହଜାର ଟଙ୍କାରୁ କମ ଆସିଛି ତେବେ ପରବର୍ତ୍ତୀ ମାସରେ ତାହା ଆଡଜଷ୍ଟ ହେବ ବୋଲି କୁହାଯାଇଛି ।

କହିରଖୁ କି ଏହା ପୂର୍ବରୁ ରାଜସ୍ଥାନର ମୁଖ୍ୟମନ୍ତ୍ରୀ ଥିବା ବସନ୍ଧରା ରାଜେ ସ୍କିନ୍ଦିଆ ଏଭଳି ଏକ ଯୋଜନା କରି କୃଷକ ମାନଙ୍କୁ ପ୍ରତିମାସ ୮୩୩ ଟଙ୍କାର ସହାୟତା ଯୋଗାଇ ଦେଉଥିଲେ । ହେଲେ ଅଶୋକ ଗେହଲଟ୍ ମୁଖ୍ୟମନ୍ତ୍ରୀ ହେବା ପରେ ଏହି ଯୋଜନାକୁ ବନ୍ଦ କରିଦେଇଥିଲେ । ଏହି ଗେହଲଟ ସରକାର ଏକ ନୂଆ ଯୋଜନା ମାଧ୍ୟମରେ ଏହାକୁ ସଂଚାଳନ କରିବାକୁ ଯାଉଛନ୍ତି ।

from Kanak News
via <a href="https://ifttt.com/?

କନକ ବ୍ୟୁରୋ : ୨୦୧୮ ମସିହାରେ ବ୍ୟକ୍ତିଗତ ସୁରକ୍ଷାକର୍ମୀ ମୃତ୍ୟୁ ମାମଲା ଏବେ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ପାଇଁ ଅଡୁଆ ବଢାଇଛି । ଆଜି ପୁଣିଥରେ ପଶ୍ଚିମବଙ୍ଗ ସିଆଇଡି ତରଫରୁ ରାଜ୍ୟ ବିଧାନସଭାର ବିରୋଧୀଦଳ ନେତା ଶୁଭେନ୍ଦୁ ଅଧିକାରୀଙ୍କ ବାସଭବନରେ ଚଢାଉ କରିଛି । କହିରଖୁକି, ଏହା ପୂର୍ବରୁ ବୁଧବାର ଦିନ ବି ସିଆଇଡିର ଏକ ଟିମ୍ ଶୁଭେନ୍ଦୁ ଅଧିକାରୀଙ୍କ ବାସଭବନରେ ପହଂଚି ଯାଂଚ କରିଥିଲା । ହେଲେ ସେତେବେଳେ ଶୁଭେନ୍ଦୁ ସେଠାରେ ନଥିଲେ । ସିଆଇଡିର ଟିମ୍ ଶୁଭେନ୍ଦୁ ଅଧିକାରୀଙ୍କ ଭାଇ ତଥା ସାଂସଦ ଦିବ୍ୟନ୍ଦୁ ଅଧିକାରୀଙ୍କ ସହ କଥା ହୋଇ ଫେରିଥିଲେ ।

କହିରଖୁ କି ୨୦୧୮ ମସିହାରେ ଶୁଭେନ୍ଦୁ ଅଧିକାରୀଙ୍କ ବ୍ୟକ୍ତିଗତ ସୁରକ୍ଷା କର୍ମୀଙ୍କ ମୃତଦେହ ସିନ୍ଦିଗ୍ଧ ଅବସ୍ଥାରେ ଏକ ଘର ଭିତରୁ ମିଳିଥିଲା । ସେତେବେଳେ ଏହାକୁ ଆତ୍ମହତ୍ୟା କହି ମାମଲା ରଫା ଦଫା କରାଯାଇଥିଲା । ହେଲେ କିଛିଦିନ ତଳେ ମୃତ ସୁରକ୍ଷାକର୍ମୀଙ୍କ ପତ୍ନୀ ତାଙ୍କ ସ୍ୱାମୀଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ ଆଣିଥିଲେ । ଏହାପରେ ପୋଲିସ ଏହି ମାମଲାକୁ ପୁଣି ଥରେ ଯାଂଚ ପରିସରଭୂକ୍ତ କରିଥିଲା ।

West Bengal: A CID team visits the residence of LoP Suvendu Adhikari, in Purba Medinipur, once again in connection with the investigation in the death of his personal security guard in 2018

The facility where his security personnel stayed, is located near Adhikari’s residence. pic.twitter.com/fKtR0pDKIW

— ANI (@ANI) July 17, 2021

ସୂଚନା ଥାଉକି ୨୦୧୮ ମସିହା ଅକ୍ଟୋବର ୧୩ ତାରିଖରେ ପୂର୍ବ ମେଦିନା ପୁର ଜିଲ୍ଲାର ଏକ ଭଡାଘରୁ ଶୁଭେନ୍ଦୁ ଅଧିକାରୀଙ୍କ ବ୍ୟକ୍ତିଗତ ସୁରକ୍ଷାକର୍ମୀ ଶୁଭାବ୍ରତଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରାଯାଇଥିଲା । ତାଙ୍କୁ କୋଲକତାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲେ ବି ତାପର ଦିନ ତାଙ୍କର ମୃତ୍ୟୁ ହୋଇଥିଲା । ସେହି ସମୟରେ ଶୁଭେନ୍ଦୁ ରାଜ୍ୟ ପରିବହନ ବିଭାଗର ମନ୍ତ୍ରୀ ଥିଲେ ।

ଏହି ମାମଲାକୁ ନେଇ କିଛିଦିନ ତଳେ ଶୁଭେନ୍ଦୁ କହିଥିଲେ କି ଏବେ ଏହି ମାମଲାକୁ ରାଜନୀତି ପ୍ରଣୋଦିତ । ଏହି ମାମଲା ୨ ବର୍ଷ ତଳୁ ସମାଧାନ ହୋଇ ସାରିଥିôବା ବେଳେ ଏବେ ଏହାକୁ ନେଇ କାହିଁକି ଖୋଳତାଡ କରାଯାଉଛି ବୋଲି ସେ ପ୍ରଶ୍ନ କରିଥିଲେ ।

from Kanak News
via <a href="https://ifttt.com/?

କନକ ବ୍ୟୁରୋ : ଭାରତରେ କରୋନାର ଦ୍ୱିତୀୟ ଲହରର ପ୍ରଭାବ କମୁଥିବା ଦେଖାଯାଉଥିବା ବେଳେ ଦକ୍ଷିଣ ପୂର୍ବ ଏସିଆରେ ସଂକ୍ରମଣ ବଢ଼ି ଚାଲିଛି । ବିଶେଷ କରି ଭାରତର କେତୋଟି ପାଖାପାଖି ଦେଶରେ ସଂକ୍ରମଣ ବଢ଼ୁଥିବାର ଖବର ସାମ୍ନାକୁ ଆସିଛି । ପାକିସ୍ତାନ ଓ ବାଂଲାଦେଶରେ ପୂର୍ବ ଅପେକ୍ଷା ସଂକ୍ରମଣ ବଢ଼ିଛି । ସେହିପରି ଇଣ୍ଡୋନେସିଆ, ମାଲେସିଆ, ଭିଏତନାମ, ଥାଇଲାଣ୍ଡରେ ମଧ୍ୟ ସଂକ୍ରମଣର ଅଧିକ ମାମଲା ଚିହ୍ନଟ ହୋଇଛି ।

ଏପରିକି ବିଶ୍ୱର ସବୁଠୁ ଅଧିକ ଦୈନିକ ସଂକ୍ରମଣ ମାମଲାରେ ଇଣ୍ଡୋନେସିଆ ୩ଟି ଦେଶ ମଧ୍ୟରେ ରହୁଛି । ଏବେ ସେଠାରେ ଦିନକୁ ପ୍ରାୟ ୫୦ ହଜାର ମାମଲା ଚିହ୍ନଟ ହୋଇଛି । ଇଣ୍ଡୋନେସିଆ ଏବେ ଏସିଆର ସଂକ୍ରମଣ ସ୍ପଟ ପାଲଟିଛି । ୧୫ ଜୁଲାଇରେ ଇଣ୍ଡୋନେସିଆରେ ୫୬ ହଜାର ମାମଲା ଚିହ୍ନଟ ହୋଇଥିବା ବେଳେ ମାଲେସିଆରେ ୧୩ ହଜାର, ଥାଇଲାଣ୍ଡରେ ୧୦ ହଜାର, ଭିଏତନାମରେ ୩ ହଜାର ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି । ଇଣ୍ଡୋନେସିଆରେ ଏବେ ଆକ୍ଟିଭ କେସ୍ ୫ ଲକ୍ଷ ୪ ହଜାର । ବାଂଲାଦେଶରେ ଏବେ ଆକ୍ଟିଭ କେସ୍ ୧ ଲକ୍ଷ ୫୨ ହଜାର ଥିବା ବେଳେ ପାକିସ୍ତାନରେ ୪୬ ହଜାର, ମାଲେସିଆରେ ୧ ଲକ୍ଷ ୧୪ ହଜାର ଆକ୍ଟିଭ କେସ୍ ରହିଛି । ଥାଇଲାଣ୍ଡରେ ଏବେ ଆକ୍ଟିଭ କେସ୍ ୧ ଲକ୍ଷ ୧୧ ହଜର ଥିବା ବେଳେ ଭିଏତନାମରେ ଆକ୍ଟିଭ କେସ୍ ୩୬ ହଜାର ସକ୍ରିୟ ମାମଲା ରହିଛି ।

ସେହିପରି ଦକ୍ଷିଣ କୋରିଆରେ ଅଧିକ ମାମଲା ଆସିବା ପରେ କଟକଣା ବଢ଼ାଇ ଦେଇଛନ୍ତି ସେଠାକାର ସରକାର । ବିଶ୍ୱରେ ମଧ୍ୟ ଦୈନିକ ସଂକ୍ରମଣ ଜୁନ୍ ମାସ ଅପେକ୍ଷା ଅଧିକ ରହିଛି । ଜୁନ୍ ୨୧ରେ ବିଶ୍ୱରେ ହାରାହାରି ଦୈନିକ ସଂକ୍ରମଣ ୩ ଲକ୍ଷ ୫୯ ହଜାର ଥିଲା । ତେବେ ଜୁଲାଇ ୧୪କୁ ଏହି ସଂକ୍ରମଣ ବଢ଼ି ୪ ଲକ୍ଷ ୬୩ ହଜାରରେ ପହଂଚିଛି । କରୋନାର ବିପଦ ଟଳିନାହିଁ ଓ ସତର୍କ ରହିବାକୁ ପଡ଼ିବ ବୋଲି କହିଛି ବିଶ୍ୱ ସ୍ୱାସ୍ଥ୍ୟ ସଂଗଠନ ।

from Kanak News
via <a href="https://ifttt.com/?

କନକ ବ୍ୟୁରୋ : ଯୁବକଙ୍କୁ କାମୁଡିଲା ସାପ । ହସ୍ପିଟାଲ ନେବା ପରିବର୍ତ୍ତେ ମନ୍ଦିରରେ ଚାଲିଲା ଝଡାଫୁଙ୍କା । ଏଭଳି ଏକ ସମ୍ବେଦନଶୀଳ ଚିତ୍ର ସାମ୍ନାକୁ ଆସିଛି ଖୋର୍ଦ୍ଧା ଜିଲ୍ଲା ବଣିଆ ଟାଙ୍ଗୀ ଅଞ୍ଚଳରୁ । ୧୮ ବର୍ଷର ଯୁବକ ଲିପୁ ନାୟକଙ୍କୁ ଏକ ତମ୍ପ ସାପ କାମୁଡି ଦେଇଥିଲା । ସାପଟି ଗୋଡକୁ କାମୁଡିବା ପରେ ଜୋରରେ ଛାଟି ଦେଇଥିଲେ ଲିପୁ । ହେଲେ ତାହା ଏକ ତମ୍ପ ସାପ ବୋଲି ଚିହ୍ନି ନେଇଥିଲେ । ଭୟରେ ପ୍ରାୟ ଅଧ କିଲୋମିଟର ଦୌଡିଦୌଡି ଆସି ଘରେ ପହଞ୍ଚିଗଲେ । ତେବେ ଆଶ୍ଚର୍ଯ୍ୟର କଥା ହେଉଛି ଯୁବକଙ୍କୁ ହସ୍ପିଟାଲ ନେବା ପରିବର୍ତ୍ତେ, ଗାଁ ମନ୍ଦିରକୁ ନେଇ ଝଡାଫୁଙ୍କା କରିଥିଲେ ପରିବାର ଲୋକ ।

ଯୁବକଙ୍କ ମୁଣ୍ଡରେ ପାଣି ଆଣି ଢାଳି ଚାଲିଥିଲେ ମନ୍ଦିର ପୂଜକ । ତେବେ ଏହିଭଳି ପାଣି ଢାଳି ଢାଳି ମନ୍ଦିରର କୂଅ ଶୁଖି ଯାଇଥିଲା । ସେପଟେ ଶୀତରେ ଥରିବାକୁ ଲାଗିଲେ ଲିପୁ । ଆଉ ଶେଷରେ ତାଙ୍କୁ ଘରକୁ ନେଇଯିବାକୁ କହିଥିଲେ ମନ୍ଦିରର ପୂଜାରୀ । ଘରକୁ ଫେରିବା ପରେ ଲିପୁଙ୍କ ସ୍ୱାସ୍ଥ୍ୟବସ୍ଥା ଆହୁରି ବିଗିଡିବାରେ ଲାଗିଲା । ତେଣୁ ଘର ଲୋକ ବାଧ୍ୟ ହୋଇ ଲିପୁଙ୍କୁ ଭୁବନେଶ୍ୱର କ୍ୟାପିଟାଲ ହସ୍ପିଟାଲ ଆଣିଥିଲେ । ଲିପୁ ଏବେ ଧିରେଧିରେ ବିପଦମୁକ୍ତ ହେଉଛନ୍ତି । କିନ୍ତୁ କ୍ୟାପିଟାଲ ହସ୍ପିଟାଲରେ ଲିପୁଙ୍କୁ ୨୦ ଭାଏଲ ଆଣ୍ଟି ଭେନମ ଇଞ୍ଜେକ୍ସନ୍ ଦିଆଯାଇ ସାରିଥିବା ଜଣାପଡିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଭଦ୍ରକରେ ବଡ଼ ଧରଣର ବ୍ରାଉନସୁଗାର ରାକେଟର ପର୍ଦ୍ଦାଫାଶ । କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ କରିବା ସହ ୪ ଜଣଙ୍କୁ ଗିରଫ କରିଛି ଭଦ୍ରକ ଗ୍ରାମାଂଚଳ ପୋଲିସ୍ । ଏକ ଅଟୋ ଯୋଗେ ଜଳେଶ୍ୱର ଚାଲାଣ ହେଉଥିବା ବେଳେ ଏକ କିଲୋ ୯୦ ଗ୍ରାମ ବ୍ରାଉନସୁଗାର ଜବତ କରିଥିଲା ପୋଲିସ୍ ।

୧୬ ନମ୍ବର ଜାତୀୟ ରାଜପଥର ଚରମ୍ପା ନିକଟସ୍ଥ ଧାମରା ରେଳ ଓଭର ବ୍ରିଜ ନିକଟରୁ ଗ୍ରାମାଂଚଳ ପୋଲିସ୍ ଏହି ଅଟୋକୁ ଅଟାଇଥିଲା । ଯାଞ୍ଚ ସମୟରେ ଅଟୋ ଭିତରୁ ଏକ କିଲୋରୁ ଅଧିକ ବ୍ରାଉନସୁଗାର ଜବତ କରାଯାଇଥିଲା, ଏହାସହ ୪ ଜଣଙ୍କୁ ଗିରଫ କରିଛି ପୋଲିସ୍ । ଗିରଫଙ୍କ ମଧ୍ୟରେ ଜଳେଶ୍ୱରର ବ୍ରାଉନସୁଗାର ମାଫିଆ ଚାଚିର ଭାଇ ଓ ଅନ୍ୟ ଜଣେ ଡ୍ରଗ୍ସ ମାଫିଆ ଏସ କେ ଅସଗରର ଶ୍ୱଶୁର ଏସକେ ଅବଦୁଲ ମଧ୍ୟ ଗିରଫ ହୋଇଛି । ପୋଲିସ୍ ଅଧିକ ଖୋଳତାଡ଼ ଚଳାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : କେରଳ ରାଜ୍ୟପାଳ ଆରିଫ୍ ମହମ୍ମଦ ଖାନ ରାଜ୍ୟର ସବୁ ବିଶ୍ୱ ବିଦ୍ୟାଳୟ ମାନଙ୍କୁ ନିର୍ଦ୍ଦେଶ ଦେଇଛନ୍ତି କି ସେମାନେ ଯୌତୁକ ପ୍ରଥା ବିରୋଧରେ ଆଗକୁ ଆସନ୍ତୁ । ସେ କହିଛନ୍ତି କି ବିଶ୍ୱ ବିଦ୍ୟାଳୟ ମାନଙ୍କରେ ଏଭଳି ବ୍ୟବସ୍ଥା କରାଯିବା ଦରକାର କି, ଯେଉଁଥିରେ ଛାତ୍ର ଛାତ୍ରୀମାନେ ସାର୍ଟିଫିକେଟ ନେବା ପୂର୍ବରୁ ଚୁକ୍ତି କରନ୍ତୁ ଯେ ସେମାନେ ଯୌତୁକ ନେବେ ନାହିଁ କିମ୍ବା ଦେବେ ନାହିଁ । ଶୁକ୍ରବାର ଦିନ ରାଜ୍ୟର ସମସ୍ତ ବିଶ୍ୱବିଦ୍ୟାଳୟର ଉପ କୁଳପତି ମାନଙ୍କ ସହ ହୋଇଥିବା ବୈଠକରେ ରାଜ୍ୟପାଳ କହିଥିଲେ କି ଯୌତୁକ ଭଳି କୁପ୍ରଥାକୁ ସମାଜରୁ ହଟାଇବାକୁ ହେଲେ ଏହାର ଆରମ୍ଭ ପ୍ରଥମେ ଶିକ୍ଷାନୁଷ୍ଠାନ ମାନଙ୍କରୁ କରାଯିବା ଦରକାର ।

ରାଜ୍ୟପାଳ କହିଛନ୍ତି କି ଶିକ୍ଷାରୁ ମଣିଷକୁ ଜ୍ଞାନ ଓ ବିବେକ ମଳିଥାଏ, ହେଲେ ଆଜିର ଦିନରେ ଶିକ୍ଷାକୁ ବ୍ୟବହାର କରି ଯୌତୁକ ଭଳି କୁପ୍ରଥା ମାଧ୍ୟମରେ ଅର୍ଥ ରୋଜଗାର କରାଯାଉଛି । ସେ କହିଛନ୍ତି କି ଛାତ୍ର ଛାତ୍ରୀମାନେ ଚାକିରୀ କରିବା ପୂର୍ବରୁ ବିଶ୍ୱ ବିଦ୍ୟାଳରୁ ଯେତେବେଳେ ସାର୍ଟିଫିକେଟ୍ ନେବାକୁ ଆସୁଛନ୍ତି ସେତେବେଳେ ବିଶ୍ୱ ବିଦ୍ୟାଳୟ ତରଫରୁ ସେମାନଙ୍କ ସହିତ ବିବାହ ବେଳେ ଯୌତୁକ ଦେବା ଓ ନେବା ନିଷେଧ ଉପରେ ଏକ ଚୁକ୍ତିପତ୍ର ସ୍ୱାକ୍ଷର କରାଯିବାର ଆବଶ୍ୟକତା ରହିଛି । ଏହାସହ ବିଶ୍ୱ ବିଦ୍ୟାଳୟରେ ଆଡମିଶନ ବେଳେ ବି ଅବିଭାବକଙ୍କ ଠାରୁ ଏଭଳି ଚୁକ୍ତିନାମାରେ ସ୍ୱାକ୍ଷର କରି ରଖିବାକୁ ସେ ପରାମର୍ଶ ଦେଇଛନ୍ତି । ଏହାସହ ଏନେଇ ତୁରନ୍ତ ଏକ ବୈଠକ ଡକାଯିବ ବୋଲି ସେ କହିଛନ୍ତି   ।

କହିରଖୁ କି କେବଳ କେରଳ ନୁହେଁ ଏବେ ସାରା ଦେଶରେ ଯୌତୁକ ଏକ ସମସ୍ୟା ହୋଇ ଠିଆ ହୋଇଛି । ଦୈନିକ ଦେଶର କିଛି ମହିଳା ଏହି ଯୌତୁକ ଜହ୍ଲାଦ ମାନଙ୍କ କବଳରେ ପଡି ନିର୍ଜାତନା କିମ୍ବା ହତ୍ୟାର ଶିକାର ହେଉଛନ୍ତି । ଏସବୁରୁ ମହିଳା ମାନଙ୍କୁ ମୁକ୍ତି ଦେବାକୁ ହେଲେ ସରକାରୀ ସ୍ତରରେ କୌଣସି ବଡ ପଦକ୍ଷେପର ଆବଶ୍ୟକତା ରହିଛି ।

from Kanak News
via <a href="https://ifttt.com/?

କନକ ବ୍ୟୁରୋ : ତୃତୀୟ ଲହର ପାଇଁ ଆମ ରାଜ୍ୟ ସରକାର ସ୍ୱତନ୍ତ୍ର ଆକ୍ସନ ପ୍ଲାନ କରିବା ଦରକାର ବୋଲି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର କହିଛନ୍ତି। ସେ କହିଛନ୍ତି, ଜେନମ ସିକ୍ୟୁଏନ୍ସିକୁ ବଢେଇବାକୁ ପଡ଼ିବ । ଏହା ଦ୍ୱାରା ଆମେ ନୂଆ ଷ୍ଟ୍ରେନ ଉପରେ ନଜର ରଖି ପାରିବା । ମହାରାଷ୍ଟ୍ର ପରି ଓଡ଼ିଶାକୁ ବି ଏପରି କରିବାକୁ ପଡ଼ିବ। ସବୁ କୋଭିଡ କଟକଣାକୁ କଡ଼ାକଡ଼ି କରିବାକୁ ପଡ଼ିବ ।

ଓଡ଼ିଶାରେ ନଭେମ୍ବର ମାସ ପର୍ଯ୍ୟନ୍ତ କୋଭିଡ କଟକଣା ରଖିବାକୁ ପଡ଼ିବ ବୋଲି ଡାକ୍ତର ନିରୋଜ ମିଶ୍ର କହିଛନ୍ତି । ଏପରିକି ବର୍ଷ ଶେଷ ପର୍ଯ୍ୟନ୍ତ ସମସ୍ତଙ୍କୁ କୋଭିଡ ନିୟମକୁ ମାନିବାକୁ ପଡ଼ିବ, କାରଣ ଅନେକ ଦେଶରେ ତୃତୀୟ ଲହର ଆସିଗଲାଣି । ଆମେ ଯଦି ସତର୍କ ନ ରହିବା ତେବେ ତୃତୀୟ ଲହର ଶୀଘ୍ର ଆସିଯିବ । ଅକ୍ଟୋବର ଶେଷ ଆଡ଼କୁ ଆମ ରାଜ୍ୟରେ ତୃତୀୟ ଲହର ଆସିବାର ବହୁ ସମ୍ଭାବନା ରହିଛି ।

ଯେଉଁ ଜାଗାରେ ଅଧିକ କରୋନା ମାମଲା ରହିବ, ସେଠି ନୂଆ ମ୍ୟୁଟାଣ୍ଟ ସୃଷ୍ଟି ହେବାର ସମ୍ଭାବନା ଅଧିକ । ଯେହେତୁ ଆମର କିଛି ଜିଲ୍ଲାରେ ସଂକ୍ରମଣ ଅଧିକ ରହୁଛି ତେଣୁ ଏଠି ନୂଆ ମ୍ୟୁଟାଣ୍ଟ ସୃଷ୍ଟି ହେବାର ଆଶଙ୍କା କରାଯାଉଛି । ତେଣୁ ଆମର ସଂକ୍ରମଣ ରେଟକୁ କମେଇବାକୁ ପଡ଼ିବ । ସେ ଦୃଷ୍ଟିରୁ ଆମକୁ କୋଭିଡ ନିୟମ ମାନିବାକୁ ପଡ଼ିବ । ସରକାର ତ ଯାହା ପଦକ୍ଷେପ ନେଉଛନ୍ତି, ମାତ୍ର ଆମେ କଟକଣାକୁ କଡ଼ାକଡ଼ି ଭାବେ ଅନୁପାଳନ କରିବା ଦରକାର ।

ସେ ପୁଣି କହିଛନ୍ତି, ଟିକା ନେବା ପରେ ବି ସଂକ୍ରମଣ ହେଉଛି । ତେଣୁ , ଲୋକମାନେ କଟକଣା ମାନନ୍ତୁ । ଡବଲ ଡୋଜ ନେବା ପରେ ୯୫ ପ୍ରତିଶତ ମୃତ୍ୟୁ ଆଶଙ୍କା କମିଯିବ । ମାତ୍ର ୫ ପ୍ରତିଶତ ପାଇଁ ବି ଆମକୁ ସତର୍କ ରହିବାକୁ ପଡ଼ିବ । ଥରେ ସଂକ୍ରମିତ ହେବା ପରେ ପୁଣି ସଂକ୍ରମିତ ହେଲେ ରୋଗୀ ଅଧିକ ଗୁରୁତର ହେଉଛନ୍ତି । ଭୂତାଣୁ ଶରୀର ଭିତରେ ରହିପାରେ । ଡେଲଟା ଭେରିୟଣ୍ଟ ବହୁ ଜଟିଳ। ଏହି ଭୂତାଣୁ ଆମ ଭିତରେ ଅଧିକ ଦିନ ରହିପାରେ ।

from Kanak News
via <a href="https://ifttt.com/?

କନକ ବ୍ୟୁରୋ : ପଟ୍ରୋଲ, ଡିଜେଲ ଦରବୃଦ୍ଧି ପ୍ରତିବାଦରେ କଂଗ୍ରେସର ଦସ୍ତଖତ ଅଭିଯାନ । ଗତ ୭ ତାରିଖରୁ ବିଭିନ୍ନ ପର୍ଯ୍ୟାରେ ଦଳ କେନ୍ଦ୍ର ଓ ରାଜ୍ୟ ସରକାରଙ୍କ ବିରୋଧରେ ଆନ୍ଦୋଳନକୁ ଜୋରଦାର କରିଛି । ଏହି କ୍ରମରେ ଆଜି ସମସ୍ତ ପେଟ୍ରୋଲ ପମ୍ପ ଆଗରେ ବିକ୍ଷୋଭ କରିବା ସହ ସାଧାରଣ ଲୋକଙ୍କ ଦସ୍ତଖତ ସଂଗ୍ରହ ଅଭିଯାନ ଚଳାଇଛି । ପେଟ୍ରୋଲ ଓ ଡିଜେଲର ଅହେତୁକ ଦରବୃଦ୍ଧି ସାଧାଣର ଲୋକଙ୍କୁ କିଭଳି ପ୍ରଭାବିତ କରିଛି, ସେନେଇ ଜନମତ ସୃଷ୍ଟି କରିବାକୁ ଚାହୁଁଛି କଂଗ୍ରେସ ଦଳ ।

from Kanak News
via <a href="https://ifttt.com/?

କନକ ବ୍ୟୁରୋ : ବାହୁଡା ଯାତ୍ରା ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ରଥଯାତ୍ରା ଦିନଠାରୁ ଶ୍ରୀଗୁଣ୍ଡିଚା ମନ୍ଦିର ଜୟବିଜୟ ଦ୍ୱାର ସମ୍ମୁଖରେ ଅଟକି ରହିଥିବା ୩ ରଥ ଆଜି ଦକ୍ଷିଣମୋଡ଼ ନେଉଛନ୍ତି । ନାକଚଣା ଦ୍ୱାରସ୍ଥିତ ଶରଧାବାଲିରେ ବିଜେ କରିବେ । ମହାପ୍ରଭୁଙ୍କ ଆଜ୍ଞାମାଳ ବିଜେ ରଥଟଣା ଆରମ୍ଭ ହୋଇଯାଇଛିି । ଆଜ୍ଞାମାଳ ବିଜେ ପରେ ସେବାୟତ, ପୋଲିସଙ୍କ ସହାୟତାରେ ୩ ରଥକୁ ଶରଧାବାଲିକୁ ଟାଣି ନେଉଛନ୍ତି ।

ରଥଯାତ୍ରା ପରଠାରୁ ୩ ରଥ ଉତ୍ତରମୁହାଁ ହୋଇ ରହିଥାନ୍ତି । ୩ ରଥକୁ ଆଜି ଦକ୍ଷିଣମୋଡ ଦେଇ ସୁସଜ୍ଜିତ କରି ବାହୁଡା ଯାତ୍ରା ପାଇଁ ରଖାଯିବ । ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତି ଚୁଡ଼ାନ୍ତ ହୋଇଛି । ଏଥିପାଇଁ ନାକଚଣା ଦ୍ୱାର ସମ୍ମୁଖ ଶରଧାବାଲିକୁ ସଫାସୁତୁରା କରାଯାଇଛି । ବାଲି ବିଛା ଯାଇ ସମତୁଲ କରାଯାଇଛି ।

from Kanak News
via <a href="https://ifttt.com/?

କନକ ବ୍ୟୁରୋ : ଜାତୀୟ ରାଜନୀତିରେ ପୁଣି ଚର୍ଚ୍ଚାକୁ ଆସିଛନ୍ତି ଏନସିପି ନେତା ଶରଦ ପାୱାର । ଶରଦ ପାୱାର ଆଗାମୀ ରାଷ୍ଟ୍ରପତି ହେବା ନେଇ ଚର୍ଚ୍ଚା ଚାଲିଥିବା ବେଳେ ଆଜି ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟି ଏଭଳି ଚର୍ଚ୍ଚାକୁ ଆଗକୁ ବଢାଇଛନ୍ତି । ସେ ଆଜି ପ୍ରଧାନମନ୍ତ୍ରୀଙ୍କ ବାସଭବନରେ ପହଂଚି ପାଖା ପାଖି ୧ ଘଂଟା ଧରି ଆଲୋଚନା କରିଛନ୍ତି । ଏହା ପୂର୍ବରୁ ଗତକାଲି ସେ ରକ୍ଷାମନ୍ତ୍ରୀ ରାଜନାଥ ସିଂଙ୍କୁ ବି ଭେଟିଥିଲେ ।

ଅନ୍ୟପଟେ ସଦ୍ୟ ହୋଇଥିବା କେନ୍ଦ୍ରୀୟ ମନ୍ତ୍ରୀମଣ୍ଡଳ ସଂପ୍ରସାରଣରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସଙ୍କୁ ସ୍ଥାନ ନମିିଳିବା ଓ ଶରଦ ପାୱାର ପ୍ରଧାନମନ୍ତ୍ରୀଙ୍କୁ ଭେଟିବା ପରେ ମହାରାଷ୍ଟ୍ରରେ ସରକାର ଗଠନ ସମିକରଣ କୌଣସି ସମୟରେ ବଦଳିପାରେ ବୋଲି ଅନୁମାନ କରାଯାଉଛି । ଅନ୍ୟପଟେ କିଛିଦିନ ତଳେ ଶିବସେନାର ମୁଖପାତ୍ର ସଂଜୟ ରାୱତ କହିଥିଲେ କି ବିଜେପି ଅଛୁଆଁ ନୁହେଁ କି ବିଜେପି ସହିତ ଶିବସେନା ସଂପର୍କରେ ତିକ୍ତତା ନାହିଁ । ଯଦି ମହାରାଷ୍ଟ୍ରରେ ସରକାର ଭାଙ୍ଗି ଶିବସେନା ଓ ବିଜେପି ମିଳିତ ଭାବେ ସରକାର ଗଠନ କରନ୍ତି ତେବେ କଥା ସେହି ୫୦-୫୦ ରେ ଛିଡିବ ହେଲେ ବିଜେପିକୁ ମୁଖ୍ୟମନ୍ତ୍ରୀ ପଦ ଏବେ ମିଳିବ ନାହିଁ । ସେହିକଥା ଯଦି ଏନସିପି ଓ ବିଜେପି ମିଳିତ ଭାବେ ସରକାର ଗଠନ କରନ୍ତି ତେବେ ଦେବେନ୍ଦ୍ର ଫର୍ଡନଭିସ୍ ମୁଖ୍ୟମନ୍ତ୍ରୀ ହେବାରେ କିଛି ଅସୁବିଧା ନାହିଁ ।

Nationalist Congress Party leader Sharad Pawar calls on Prime Minister Narendra Modi in Delhi pic.twitter.com/NuDCpGQSn8

— ANI (@ANI) July 17, 2021

ଅନ୍ୟପଟେ ଶରଦ ପାୱାର ରାଷ୍ଟ୍ରପତି ପଦ ମୋହରେ ଶିବସେନା ଓ କଂଗ୍ରେସ ସହିତ ଥିବା ମେଣ୍ଟରୁ ବାହାରି ଆସି ପାରନ୍ତି  । ଫଳରେ ଦଳ ବିଜେପି ସହିତ ରାଜ୍ୟରେ କ୍ଷମତାରେ ରହିବା ସହ ପାୱାରଙ୍କୁ ରାଷ୍ଟ୍ରପତି ପଦ ମିଳିଯିବାବି କିଛି ଅସମ୍ଭବ ନୁହେଁ ।

from Kanak News
via <a href="https://ifttt.com/?