କନକ ବ୍ୟୁରୋ: ରିଲିଜ ହୋଇଛି ପ୍ରଭାସଙ୍କ ବହୁ ପ୍ରତୀକ୍ଷିତ ଫିଲ୍ମ ରାଧେଶ୍ୟାମର ଟିଜର । ଏଥିରେ ବେଶ ରୋମାଂଟିକ ଅନ୍ଦାଜରେ ନଜର ଆସୁଛନ୍ତି ବାହୁବଳୀ ହିରୋ । ଟିଜରର ଆରମ୍ଭ ଏକ ରେଳଷ୍ଟେସନରୁ ହୋଇଛି । ଜଙ୍ଗଲ ଘାଟି ଦେଇ ଟ୍ରେନଟି ଆସୁଥିବା ବେଳେ ପୂଜା ହେଗେଡଙ୍କ ସହ ବେଶ ରୋମାଂଟିକ ଅନ୍ଦାଜରେ ନଜର ଆସୁଛନ୍ତି ପ୍ରଭାସ । ଏହି ସିନର ସୁଟିଂ ହାଇଦ୍ରାବାଦର ଅନ୍ନପୂର୍ଣ୍ଣା ଷ୍ଟୁଡିଓରେ କରାଯାଇଛି । ଏଥିପାଇଁ ସ୍ୱତନ୍ତ୍ର ସେଟ ତିଆରି କରାଯାଇଥିବା ବେଳେ ସବୁଠାରୁ ବଡ କଥା ହେଲା ଏହି ସଟ୍ ପାଇଁ ଖର୍ଚ୍ଚ ହୋଇଛି ଏକ କୋଟି ୬ ଲକ୍ଷ ଟଙ୍କା । ୨୫୦ ଜଣ କଳାକାରଙ୍କ ଏକ ଟିମ ୩୦ ଦିନ ଧରି ଏହି ସେଟକୁ ପ୍ରସ୍ତୁତ କରିଛନ୍ତି ।
କୁହାଯାଉଛି ପୂର୍ବରୁ ଏହି ସିନ୍କୁ ଇଟାଲୀରେ ସୁଟ କରିବା ପାଇଁ ଯୋଜନା ଥିଲା, କିନ୍ତୁ କରୋନା କାରଣରୁ ବିଦେଶ ଯିବା ସମ୍ଭବ ନହେବାରୁ ହାଇଦ୍ରାବାଦର ଅନ୍ନପୂର୍ଣ୍ଣା ଷ୍ଟୁଡିଓରେ ଏହି ସେଟକୁ ତିଆରି କରାଯାଇଛି । ଏହି ସଟରେ ଦେଖାଯାଇଥିବା ରେଳ ଷ୍ଟେସନ ଉପରେ ବିଶେଷ ଧ୍ୟାନ ଦିଆଯାଇ ଅନେକ ଟିଖନିଖ କାମ କରାଯାଇଛି । ଆସନ୍ତା ଜୁଲାଇ ୩୦ତାରିଖରେ ଏହି ଫିଲ୍ମ ରିଲିଜ ହେବ । ପ୍ରଥମ ଦିନରେ ଏହି ଫିଲ୍ମ ବ୍ୟବସାୟର ଅନେକ ରେକର୍ଡ ଭାଙ୍ଗିବ ବୋଲି ଦାବି କରାଯାଇଛି ।
ତେବେ ଗୋଟିଏ ସିନକୁ କୋଟି କୋଟି ଖର୍ଚ୍ଚ ହେବା ନୂଆ ନୁହେଁ । କିଛି ଦିନ ତଳେ କଙ୍ଗନା ରଣାୱତ ଏକ ଟୁଇଟ କରି ତାଙ୍କ ଅପକମିଂ ଫିଲ୍ମ ଧାକଡର ଏକ ଦୃଶ୍ୟ ପାଇଁ ୨୫ କୋଟି ଟଙ୍କା ଖର୍ଚ୍ଚ ହୋଇଥିବା ଦାବି କରିଥିଲେ । ଗୋଟିଏ ଆକ୍ସନ ସିନ ପାଇଁ ୨୫ କୋଟି ଟଙ୍କା ଖର୍ଚ୍ଚ କରିଥିବା ଦାବି କରିଥିଲେ କଙ୍ଗନା । ଏହି ଭିଡିଓରେ କଙ୍ଗନା ଜବରଦସ୍ତ ଷ୍ଟଂଟ କରୁଥିବା ନଜର ଆସିଛନ୍ତି । ହେଲେ ସୋସିଆଲ ମିଡିଆରେ କଙ୍ଗନାଙ୍କ ଏହି ଦାବିକୁ ବେଶ ସମାଲୋଚନା ମଧ୍ୟ କରାଯାଇଛି ।
from Kanak News
via <a href="https://ifttt.com/?
News Bytes 